Stilll Going!

Hi, y'all! We are still working on getting all of the bugs out of this Bible. Once we started putting it up there, we realized there were more scanning, spelling, and ROGUE NINJA errors throughout thank we initially thought. It is our goal to give this back to The People in as best condition as we can, so we thank you for your patience while we continue to try to fix it as much as possible in its current form.
God bless y'all!!

Johannes Wotanin Washte Tawa (Gospel of John) Corrected 13-21 Dakota Language

JOHANNES WICOWOYAKE 13.

1 Kicicopi Woacakšin tawa ece kin itokam, oape qon wanna hiyohi un, he en makata de detanhan iyaye kta, Atkuku ektakiya hde kta, Jesus sdonkiya, tona iye makata tawa en tawa, waštewicadake cin hena owihanketa waštewicakida.

2 Wotapi ayaštanpi hehantu; Judas Iscariot Simon cinhintku kin hee, iye wiyopeye kte cin, wakanšica wanna hecen cante ozekiya.

3 Hehan Jesus Atkuku kin taku owasin tawa kiye ciqon he sdonkiya un, Wakantanka eciyatanhan hi, qa ake Wakantanka ekta hde kta;

4 Hecen wotapi kin etanhan najin, qa šina ekihnaka; qa napipakinte wan icu, qa ipiwaka.

5 Qa hehan mini wakšica en okaštan, qa waonspewicakiye cin siha wicakiyujaja, qa napipakinte wan ipiyake ciqon heon siha kin wicakipakinta.

 6 Simon Peter ehan ahi; unkan, Itancan, niye siha mayakidujaja kta he? Peter eciya.

7 Unkan Jesus ayupte ca, Taku ecamon kin de nakaha sdonyaye šni, taka ihakamya sdonyaye kta, eciya.

8 Icimana siha mayakidujaja kte šni, ake Peter eciya. Jesus ayupte; Ciciyujaja šni kinhan takudan on miyecica kte šni.

9 Simon Peter heciya; Itancan, siha ecedan šni, tuka minape, mapa koya.

10 Jesus heciya; Tuwe wanna ihdujaja kin he takudan sanpa cin šni, siha ecedan yujajapi kta, eya wanna ocowasin ska; unkan niye niskapi, tuka iyuhpapi šni.

11 Tuwe wiyopeye kte cin he sdonya, heon etanhan, owasin niskapi šni ce, iye eya.

12 Unkan siha wicakiyujaja yuštan kin hehan šina ehduku qa hdowin qa iyotanke ca, Taku tokaciconpi kin de sdonyayapi he? ewicakiya.

13 Waonspeka qa Itancan, emayakiyapi ece; he tanyan ehapi; he miye nakaeš.

14 Heon etanhan miš miye Waonspeka qa Itancan mayaduhapi kin, siha ciciyujajapi kinhan, niš eya otoiyohi siha yeciyujajapi kta iyececa.

15 Waonspeciciyapi kin he niš he iyecen ecanonpi kta e hecaciconpi.

16 Ookiye unpi kin he Itancan kin iyakapa šni; qa tuwe u šipi kin he tuwe u ši hecinhan, he iš iye kapa šni, wowicake, wowicake eciyatanhan eciciyapi.

17 Taku kin dena sdonyayapi hecinhan, ecen ecanonpi kinhan wašteya yaunpi kta.

18 Taku epe cin de niye iyuhpa heciciyapi šni; tona wicawakahnige cin hena sdonwicawakiya; tuka wowapi wakan qon yuecetu kta; Tuwe kici aguyapi wata ece kin he miye on siyete yuwankan ehdaku ce.

19 Taku kin dena ecetu šni itokam ociciyakapi; hecen tohan iyecetu kinhan, he miye e wicayadapi kta.

20 Tuwe tokiya yewakiye cin tuwe iyowinkiye cinhan, he miye e iyowinmaye; qa tuwe iyowinmaye cinhan, he tuwe u maši kin he iyowinkiya, wowicake, wowicake eciyatanhan eciciyapi.

21 Jesus hena hecen eye, iye hehanwoniya en nagiyeya un, hdaotanin qa heya; De dukanpi kin etanhan wanji wiyopemayayapi kta, wowicake, wowicake on eciciyapi ce.

22 Hehan waonspewicakiye cin opakicihta yukanpi, wanji tukte e on heye cin cetunhdapi he.

23 Unkan Jesus waonspewicakiye cin wanji nina waštekiduke ciqon, he eca maku kin en makan iwanka.

24 Heon Simon Peter he wikiyuta, qa tukte he on heye cin he iwange ši.

25 Hehan iye he Jesus maku kin en iwanke ca, Itancan, he tuwe he? eciya.

26 Jesus ayupte; Wanji tukte hpanyanpi onšpa waku kinhan hee kta. Hecen onšpa hpanye ca, Judas Iscariot, Simon cinhintku he ku.

27 Unkan hpanyanpi kin icu, hehan Satan mahen iyaya. Hecen Jesus heciya; Taku ecanon kte cin kohanna econ wo.

28 Wahna wotapi kin ihdukšan yukanpi kin, taku on heye cin tuwedan okahnigapi šni.

29 Judas mazaska opiye kin yuhe cin heon, Jesus kicicopi kin kta on taku cinpi kin he opeton ši; kaeš, wahpanicapi kin taku wicaku ši, apa kecinpi.

30 Unkan hpanyanpi qon he icu qehan, hecehnana tankan iyaya; qa hanyetu hehantu.

31 Heon iye tankan iyaya, hehan Jesus heya; Wanna Wicašta Cinhintku kin yutanpi, qa nakun iye eciyatanhan Wakantanka iš yutanpi.

32 Qa iye eciyatanhan Wakantanka yutanpi hecinhan, hehan Wakantanka iš iye kin on hdutan kta, nakun kohanna hdutan kta.

33 Hokšiyoqopa ehake ptenyedan ocipapi kta. Amayakitapi kta, qa Juda oyate ewicawakiye ciqon; Tokiya mde cin ekta yaipi kta oyakihipi šni ce; he iyecen nakaha eciciyapi.

34 Woahope teca wan cicupi, oioiyohi wasteyecidapi kta; wastecicidapi kin he iyecen wašteyecidapi kta.

35 Heon waonspeciciyapi yaunpi kin wicašta owasin sdonyapi kta, otoiyohi wašteyecidapi kinhan.

36 Itancan, tokiya de kta he? Simon Peter eciya. Jesus ayupte; Tokiya mde cin ekta de kta ešta nakaha oyakihi kte šni, tuka ihakamya mihektam yau kta.

37 Unkan Peter heciya; Itancan, tokeca nakaha cihakam waun kta owakihi šni he? niye on wiconi mduhe cin ehpewaye kta.

38 Jesus ayupte; Miye on wiconi nitawa ehpeyaye kta he? Wowicake, wowicake on heciciya; Anpaohotonna kin hoton šni itokam yamni akihde sdonmayaye šni, kehe kta ce.

JOHANNES WICOWOYAKE 14.

1 Ihnuhan cante nišicapi kinhan; Wakantanka wicayadapi en, qa miš nakun wicamayadapi en.

2 Miate tipi kin en tipitankapi ota he; he hecece šni unkanš ociciyakapi kta tuka; ekta wahde ca oyanke kin ciciyuštanpi kta.

3 Ekta mde ca oyanke ciciyuštanpi kinhan, hehan ake wau qa acihdapi kta; hecen miš waun kin he en niš nakun yaunpi kta.

 4 Unkan tokiya mde cin he sdonyayapi, qa canku kin he nakun sdonyayapi.

5 Itancan, tokiya de cin sdonunyanpi šni, tokiya tanhan canku kin he sdonunyanpi kta he? Thomas eciya.

6 Jesus heciya; Canku kin, wowicake kin, qa wiconi kin he miye; tuwedan Ate kin en u šni, tuka miye on eciyatanhan ecedan.

7 Sdonmayayapi unkanš nakun Mite cin sdonyayapi kta tuka; qa detanhan sdonyayapi qa wandakapi ce.

8 Itancan, Ateyaye cin wanyag unyan po, hecen iunmnanpi kta, Philip eciya.

9 Hehan Jesus heciya; Philip, wanakajatanhan cicipi waun, tuka nahanhin sdonmayaye šni he? tuwe wanmayake cin he Ate kin wanyaka; hecen tokeca, Ate kinwanyag unyan miye, eha he?

10 Miye Ate kin he en qa Ate kin he miye he en wicayada šni he? Wicoie eciciyapi kin dena miye cinka eciciyapi šni; Atewaye micica kin he wicohan kin hena iye econ.

11 Atewaye cin he wecica qa Atewaye cin he micica he wicamada po; kaeš wicohan kin hena e on wicamada po.

12 Wowicake, wowicake on heciciyapi; Tuwe wicamada kin he wicohan ecamon kin hena iš iyecen econ kta, nakun eeš sanpa tanka econ kta; Miate ekta wahde kte cin heon etanhan.

13 Qa micaje kin on taku yadapi kinhan, ecen ecamon kta, Ate kin Cinhintku kin on  yutanpi kta e heon.

14 Tukte taku micaje on yadapi kinhan, ecen ecamon kta.

15 Waštemayadapika hecinhan, mitawoahope kin tanyan yuha po.

16 Hehan Ate kin cewakiye kta, unkan Wicakicanpte wan tokeca nicupi kta, he owihanke wanin nicipi un kta.

17 Wowicake Woniya tawa kin, makata kin he icu okihipi šni, tohinni wanyakapi šni qa sdonyapi šni; tuka niye he sdonyayapi, he nicipi un qa en niunpi kta.

18 Wamdenica ehpeciyapi kte šni; ake cihdiyohipi kta.

19 Wanna ptenyedan kinhan oyate wanmayakapi kte šni, tuka niye wanmayadakapi kta; wani waun, qa niš yani yaunpi kte cin heon.

20 Anpetu kin he en, Miye Ate kin he wecica, qa niš miyecicapi, qa miš ocicipapi kin he sdonyayapi kta.

21 Tuwe mitawoahope yuhe ca, hena ope cinhan he waštemadake cin ee; qa tuwe waštemadake cinhan, Atewaye cin he waštedake kta, qa miš nakun waštewadake kta, qa en mihdutanin kta ce.

22 Judas, Iscariot hee šni, he heciya; He tokeca Itancan, unkišnana sdonniye unyayapi kta he, qa makata kin sdonniyanpi kte šni?

23 Jesus waayupte ca heciya; Wicašta wan waštemadake cinhan mioie kin yuhe kta; qa Ate kin waštedake kta, qa tukten un kinhan en unhipi kta, qa ti kin en kici unyakonpi kta.

24 Tuwe waštemadake šni kin he eyapi mitawa yuhe šni. Wicoie nayahonpi kin de mitawa šni, Miate umaši kin he iye tawa.

25 Ocipapi kin en taku kin hena heciciyapi.

26 Tuka Wicakicanpte, Woniya Wakan kin hee, Ate kin micaje on uši kte cin he, iye taku owasin onspeniciyapi kta, qa taku eciciyapi kin owasin kiksuyeniciyapi kta.

27 Wokiyapi aihpeciyapi; wookiye mitawa cicupi: makata kicicupi he iyecen cicupi šni. Ihnuhan cante nišicapi qa kopehda yaunpi kinhan.

28 Wahde ca ake en ciupi kta eciciyapi kin he nayahonpi. Waštemayudapi kinhan iduškinpi kta; Ate kin ekta wahde kta epe cin he; Ate kin he iye mikapeya tanka.

29 Qa nakaha hena heciciyapi, taku kin itokam; tohan he hiyohi kinhan hehan wicayadapi kta,

30 Detanhan taku ota eciciyapi kte šni; itancancinca makata de kin tawa u nakaš, tuka miye kin en takudan tawa šni.

31 Tuka Ate kin waštewakida; qa Ate kin miye woahope ku, hecen miye hehanyan econ, makata kin sdonyapi kta. Najin po, detanhan icunonpa unyanpi kta.

JOHANNES WICOWOYAKE 15

1 Hastanhanka iyuwi wowicake kin he miye, qa Miate cin he kicanye cin ee.

2 Adetka iyohi tona miye on waskuyeca icahye šni kin hena yupšun; qa adetka iyohi tona waskuyeca icahye cin hena pakinta, hecen on waskuyeca ota icahye kta.

3 Eya wanna niskapi, wicoie ociciyakapi kin heon.

4 Miye en un po, qa miš iyepi en kta. Hastanhanka iyuwi adetka wiyuwi kin en ikoyake šni kinhan waskuyeca icahya okihi šni ece; he iyecen miye en yaunpi šni ehantanhan, niš oyakihipi kte šni.

5 Hastanhanka iyuwi kin he miye, adetka kin he niyepi. Tuwe miye en un qa miš iye en he waskuyeca ota icahya; miye kin en icunonpa yaunpi kinhan takudan oyakihipi kte šni.

6 Tuwe miye en un šni kinhan adetka iyecen tankan ehpeyapi, hecen šnija aya; unkan hena wicašta pahipi qa petan ehpeyapi, hecen huhnaga ece.

7 Miye en yaunpi qa mioie kin he niye en un kinhan, taku tona yacinpi kin hena yadapi kta, unkan ecen ecaniconpi kta.

8 Waskuyeca ota icahyayapi kinhan Miate kin nina yutanpi kta; qa heciya tanhan waonspeciciyapi yaunpi kta.

9 Ate kin token waštemakida kin he iyecen waštecicidapi; mitowašte kin he en un po.

10 Mitawoahope kin duhapi kinhan, mitowašte kin he en yaunpi kta; Miate tawoahope mduhe cin heon towašte kin en waun kin he iyececa.

11 Taku eciciyapi kin dena on mitowiyuškin kin nicipi un kta e, qa nitowiyuškinpi kin he ecetu niciciyapi kta.

12 Mitawoahope kin he dee, waštecicidapi kin he iyecen wašteyecidapi kta.

13 Tuwe takodakupi cin on wiconi ehpekiye cinhan, he wowašte kin tuwedan kapeye šni.

14 Niyepi mitakodapi he, niyepi takukašta miye niyepi wowašake on eye kta econ kinhan.

15 Ookiye wicayapi wanna eciciyapi šni; ookiye yapi un kin he Itancan ye cin taku econ keš sdonye šni. Tuka kodapi eciciyapi; Miate tona nahonmaye cin owasin sdonye ciciyapi kin heon.

16 Niye he mayakahnigapi šni, tuka miye e cicahnigapi qa ciyusutapi; hecen tokiya dapi qa waskuyeca icahyayapi kta; qa waskuyeca nitawapi kin ohinniyan un kta; hecen micaje on Ate kin taku yakidapi kinhan nicupi kta ce.

17 Otoiyohi waštekicida po, he cišipi ce.

18 Makata kin šicenidapi ešta, he itokam miye šicemadapike ciqon he sdonyayapi.

19 Makata kin enitanhanpi unkanš makata kin taku iye tawapi waštekidapi kta; tuka makata kin henitanhanpi šni, miye e makata kin etanhan cicahnigapi kin heon makata kin šicenidapi.

20 Wicoie wan eciciyapi qon he yeksuyapi; Ookiye yapi un kin he itancan yuhe cin kakipe ca iyotan tanka šni. Šicaya makuwapi hecinhan, niš šicaya nicuwapi kta; qa woeye yuhapi hecinhan, niciyuhapi kta nakun.

21 Tuka micaje kin on hena owasin ecen ecaniconpi kta; tuwe u maši kin he sdonyapi šni heon etanhan.

22 Wahi šni qa owicawakiye šni kinhan, woahtani nicapi kta tuka; tuka detanhan woahtani woakahpe nicapi.

23 Tuwe šicemadake cin he nakun Miate šicedaka.

24 Wicohan tuwedan hecen econ šni iyecen ecawicawecon šni unkanš, woahtani nicapi kta tuka; tuka wanna Miate kici wanmayakapi, qa napin šiceundakapi.

25 Tuka woope tawapi kin en wicoie kagapi qon he wanna iyecetu; Takudan on etanhan šni šicemadakapi ce.

26 Tuka Wicakicanpte, Ate kin etanhan uwaši kte cin he, Wowicake Woniya tawa kin hee, tohan hi kinhan, he iye Ate kin etanhan u kta, qa omayake kte cin hee.

27 Qa niš nakun omayadakapi kta, toka ehantanhan miyahna yaunpi qon heon.

JOHANNES WICOWOYAKE 16.

1 Wayahtanipi kte šni e heon dena taku kin ociciyakapi.

2 Omniciye tipi kin etanhan tankan iyeniyanpi kta; han iyehantu kin u kta, hehan tuwe kašta niktepi kinhan, he Wakantanka iyokipiya kecin kta.

3 Ate kin sdonyapi šni nakaš, kaeš miye šni, he etanhan henakiya hecen ecantonpi kta.

4 Tuka dena ociciyakapi, hecen tohan iyehantu kinhan, dena wanna eciciyapi kin he yeksuyapi kta. Qa dena otokahe ekta eciciyapi šni, hinyahin cicipi waun kin heon etanhan.

5 Tuka wanna tuwe umaši kin he ekta wahde kta; qa wanjidan, Tokiya de kta he? emayakiyapi šni.

6 Tuka taku kin dena ociciyakapi, heon nicantepi kin ekta iyoniyakapi.

7 Tuka wowicake ece ociciyakapi; wahde cinhan heon tanyan yaunpi kta, qa wahde šni kinhan Wicakicanpte kin en nihipi kte šni; tuka wahde cinhan niyepi ekta uwaši kta.

8 Unkan he tohan hi kinahan, woahtani tawa, woowotanna tawa qa woyaco tawa on makata kin sdonyewicaye kta:

9 Woahtani tawa, wicamadapi akan šni kin heon:

10 Woowotanna tawa, Miate ekta wahde kta, qa icimana wanmayadakapi kte šni, heon:

11 Woyaco tawa, itancancinca makata tawa de kin he wanna yacopi, heon etanhan.

12 Nakun taku ota eciciyapi kta mduha, tuka hena e qe nahanhin yuha oyakihipi šni.

13 Tuka tohan Wowicake Woniya tawa kin he iye hi kinhan, wowicake ocowasin en aniyanpi kta; iye atayedan on ie kte šni, tuka taku nahon kin hena oyake kta, qa taku tokata ekta hena oniciyakapi kta.

11 Mayutan kte cin hee, taku mitawa kin hena icu, qa oniciyakapi kta.

15 Taku Ate tawa kin hena owasin mitawa; he etanhan, Tom mitawa kin hena icu, qa oniciyakapi kta ce, eciciyapi.

16 Aškayedan hehan wanmayadakapi kte šni; hehan akeš aškadan ake wanmayadakapi kta, Miate ekta wahde kte cin heon.

17 Hehan waonspewicakiye cin iyakitedan hekiciyapi; Unkekiciyapi kin lie taku hwo; Wanna aškayedan wanmayadakapi kte šni, qa hehan aškadan ake wanmayadakapi kta; qa, Ate ekta wahde kte cin heon;

18 Heon heyapi; Aškayedan eye cin he taku he; taku eye cin sdonunyanpi šni ce.

19 Wiwangapi cinpi kin he Jesus wanna sdonya, unkan heon hewicakiya; Aškayedan wanmayadakapi kte šni, qa hen ikiyedan wanmayadakapi kta, epe cin he, he token kapi hwo, otoiyohi eyeciyapi he?

20 Wowicake, wowicake on heciciyapi; Nihinniciyapi qa yaceyapi kta, tuka makata kin iyuškinpi kta; iyonicišicapi kta, tuka iyonicišicapi kin he wowiyuškin wan en un kta.

21 Winohinca cinca ton kta oca yazan hda, wanna oape kin heon; tuka tohan hokšiyoqopa ton eca, yazan hda qon he kiksuye šni, wicašta makata kin den tonpi eca wowiyuškin ye cin heon.

22 He iyecen nakaha iyokišin dukanpi, tuka ake wanciyakapi kta, kinhan nicantepi kin wiyuškin kta, qa widuškinpi kte cin he tuwedan nicipi kte šni.

23 Unkan anpetu he en takudan imayanungapi kte šni. Wowicake, wowicake on heciciyapi; Taku micaje on Ate kin yakidapi kinhan nicupi kta.

24 Nahahin dehanyan micaje on takudan yadapi šni. Da po, iyacupi kta, hecen wowiyuškin ojudanniciyapi kta.

25 Hena taku iyacinyan heciciyapi; tuka anpetu wan u kta, hehan wiyacinyan takudan eciciyapi kte šni, tuka taninyan Ate kin on ociciyakapi kta.

26 Tohan iyehantu kinhan micaje on taku yadapi kta, tuka Ate kin wocekiye eciciyapi kta, epe šni.

27 Ate kin iye atayedan waštenidapika, waštemayadapike ca Wakantanka eciyatanhan wahi kin he wicayadapi kin heon.

28 Ate kin eciyatanhan wau, qa makata kin de en wicawahi: ake oyate kin ehpewicawaye kta qa Ate kin ekta wahde kta.

29 Wanna wiyacinyan iyae šni, ataninyan iyaa ce, waonspewicakiye cin eciyapi.

30 Taku owasin sdonyaye ca, tuwe winiwange kta iyecece šni yaun e wanna sdonunyanpi; heon etanhan Wakantanka eciyatanhan yahi kin he wicaundapi.

 31 Jesus awicayupte; Wanna wicayadapi he?

32 Oape kin u kta, han, wanna hiyohi he, enanakiya otoiyohi yahdapi kta, qa mišnana ehpemayayapi kta; tuka nakun mišnana waun šni, Ate kin he mici un.

33 Wookiye amayaduhapi kta heon etanhan hena heciciyapi. Makata kin de en w+okakije duhapi kta; tuka wiyuškin po, miye oyate kin ohiwicawaya ce.

JOHANNES WICOWOYAKE 17.

1 Jesus hena hecen eye ca hehan išta yuwankan icu, qa mahpiya kin ekta etonwan qa, Ate wanna oape kin hiyohi, Nicinkši kin hdutan wo, hecen on Nicinkši kin nihdutan kta ce:

2 Wicacehpi owasin on wowašake yaku qon, hecen tona yaku kin owasin owihanke wanin wiconi wicaku kta.

3 Unkan owihanke wanin wiconi kin he dee, heceedan wowicake Wakantanka kin niye e sdonniyanpi kta, qa Jesus Messiah uyaši qon.

4 Maka kin akan ciyutan; qa wicokicanye mayaku qon wanna owasin wahduštan.

5 Unkan nakaha, e Ate, niye kin on miye mahdutan wo, wicoicage wanice cin he itokam wowitan niyeci hduha waun qon heon.

6 Makata kin den wicašta tona mayaku kin hena en nicaje mdaotanin; hena nitawa, tuka hena mayaku; unkan hena nioie qon niciyuhapi.

7 Taku mayaku kin owasin he niye etanhan u, wanna sdonyapi.

8 Nioie mayaku qon he wicawaku; unkan icupi, qa niye eciyatanhan wahi kin he tanyan sdonyapi, qa niye e umayaši kin he wicadapi.

9 Hena on wocekiye ewicaweciya, makata kin hena on wocekiye eciciye šni, tuka tona mayaku kin hena on wocekiye eciciye, hena nitawa kin he etanhan.

10 Taku mitawa kin hena owasin nitawa, qa niš taku nitawa kin hena mitawa, qa hena on wowitan waun.

11 Wanna makata kin dematanhan šni, tuka iyepi e makata kin en opeya ni unpi, qa miye wanna nitankiyadan waku kta. Ate wakan, nicaje kin on dena mayaku qon hduha wo, he iyepi wanjidan kta he, iyecen unkiyepi un.

12 Makata kin den om waun kin he icunhan nicaje kin on wicawahduha. Mayaku qon hena e wicawahduha, qa owasin ehpekiyapi šni, cinhintku perdition tawa kin hecedan ehpekiyapi, hecen wowapi wakan wanna iyecetu.

13 Wanna nitankiyadan waku kta, makata kin den opeya waun kin en ehake hecen epa, hecen on mitowiyuškin kin iyepi en wicakiyuštanpi kta.

14 Nioie wicawaku, qa makata kin šicewicadapika, makata kin hetanhanpi šni heon etanhan hececa, makata dematanhan šni he iyecen.

15 Makata kin detanhan ewicayahdaku kta e heon wocekiye eciciye šni, tuka taku šice cin he en anawicayecipte kta e heon. 

16 Makata kin de ematanhan šni kin he iyecen iš makata kin de etanhanpi šni.

17 Wowicake nitawa kin he on wicayuwakan wo; nioie kin he wowicake.

18 Makata kin deci u mayaši qon, he iyecen iš makata kin ecen ye wicawaši.

19 Qa iyepi on miye mihduwakan, hecen on wowicake eciyatanhan wicayuwakanpi kta.

20 Qa denana on wocekiye ewicaweciye šni, nakun tona wicoie oyakapi eciyatanhan wicamadapi kin hena koya.

21 Hecen on owasin wanjipidan kta, niye kin iyecen, Ate, miye he en, qa miš niye he en; qa iyepi hecen on, nakun wanjipadan kta unkiyepi un kta; qa makata kin niye u mayaši kin he wicadapi kta.

22 Wowitan mayaku qon he wanna wicawaku; hecen on unwanjidan kin iyecen wanjipidan kta.

23 Miš wicakici waun, qa niš mici yaun, hecen wanjidan en wicayuštanpi kta; qa hecen niye umayaši kin he oyate kin sdonyapi kta; qa waštemayakida kin he iyecen waštewicawakida ece.

24 Ate, tona mayaku kin hena, tokiya waun kin hen mici unpi kta wacin; hecen wowitan mayaku qon he wanyakapi kta, oahehde makata tawa kin de itokam waštemayakida kin heon etanhan.

25 E Ate owotanna, makata kin sdonniyanpi šni ye, tuka miye sdonciye ciqon, qa dena iš niye e u mayaši kin he sdonyapi.

26 Unkan nicaje kin he sdonye wicawakiya qa nakun sdonye wicawakiye kta; hecen wawacinkta duza on waštemayakida qon he dena en un kta, qa miš iyepi he en kta.

JOHANNES WICOWOYAKE 18.

1 Jesus hena oiepi hecen eya, hehan waonspewicakiye cin om Cedron wakpadan kin akasanpa iyaya, hen mahcistinna wan, iye he en i, waonspewicakiye cin om.

2 Unkan Judas wiyopeye cin he iš nakun makoce kin he sdonya, Jesus hen waonspewicakiye cin om emniciya ece qon heon.

3 Heon Judas wicašta qa akicita itancapi wicoun wan icu, qa akicita tancan ko, wicašta wakanpi itancapi kin qa Pharisee kin etanhan, om wipe yuhapi, qa tankanpetijanjapi qa ikcecanaijanjan yapi.

4 Jesus taku hiyahde kte cin owasin sdonkiya, itkowicakipe ca, Tuwe e oyadepi he? ewicakiya.

5 Jesus Nazareth etanhan,

eya ayuptapi. Unkan Jesus, He miye ce, ewicakiya. Unkan Judas he wiyopeye ciqon ee en opa.

6 Unkan Jesus, He miye ce, ewicakiya hehan icicawin kihdapi, qa maka ihpayapi.

7 Heon etanhan ake wiwicawanga; Tuwe ayakitapi he? Unkan, Jesus Nazareth etanhan, eyapi.

8 Jesus waayupte; He miye ce, eciciyapi qon; hecen miye e omayadepi hecinhan dena ito kihdapi kta.

9 Woeye wan eye ciqon he iyecetu kta, Tona mayaku kin wanjidan ehpewakiye šni ce.

10 Unkan Simon Peter mazasagye wan yuhe cin ehdaku, qa on wicašta wakan itancan ookiye wicaya wan noge etapa eciyatanhan ape ca kašpa iyeya, ookiye unna kin he Malchus eciyapi.

11 Hehan Jesus Peter heciya; Mazasagye nitawa ojuha en iyekiya wo. Wiyatke Miate maku kin he mdatke kte šni he?

12 Akicita optaye, akicita tancan, akicita itancapi ko Judi tawa Jesus icupi, qa pahtapi.

13 Qa tokaheya Annas kaipi; Caiaphas wiakenonpa kin he en wicašta wakan itancan kin he tunkanku kin hee.

14 Wicašta wanjidan oyate kin on te kte cin he hecetn kta ce, Judi iwahokonwicakiye ciqon Caiaphas ee.

15 Unkan Simon Peter Jesus ihakam ya, nakun waonspewicakiye cin tokeca wan; unkan waonspewicakiye cin tokeca kin he wicašta wakan itancan kin sdonya qon, heon hee wicašta wakan itancan tipitanka kin en Jesus kici iyaya.

16 Tuka Peter e tankan tiyopa kin en najin. Hehan waonspewicakiye cin unma, wicašta wakan itancan sdonya qon, he tankan hiyu, qa tiyopa awanyake cin he okiye ca, Peter tin hiyuya.

17 Hehan wikoška tiyopa awanyake cin he Peter heciya; Wicašta kin de waonspewicakiye cin wanji niye he? Unkan, Hemaca šni ce, eya.

18 Akicita itancapi qa ookiye wicayapi ko hen najinpi, makacahdi tawa cetipi, he osni un nakaš; unkan he en petiškanpi: unkan Peter iš owicapeya inajin, qa petiškan.

19 Hehan wicašta wakan itancan kin Jesus wiwanga, waonspewicakiye cin heon, qa iye woonspe tawa kin he nakun.

20 Jesus ayupte; Makata kin en taninyan womdaka ece; omniciye tipi etu, qa tipi wakan ko en, Judi mniciyapi ece kin en ohinniyan waonspekiya waun,qa takudan anahbeyahan epe šni ce.

21 Taku on wimayanunga he? token ewicawakiye cin tona nahonpi kin hena e wiwicawanga wo, token epe cin he sdonyapi ce.

22 Hena hecen eya, unkan akicita itancapi wan en najin kin he Jesus napemdaska iye tawa kin apa on, qa heya; Wicašta wakan itancan kin hecen adupta he?

23 Unkan Jesus ayupte; Šicaya iwaa hecinhan taku šica epe cin he yaotanin wo; tuka tanyan epa hecinhan, tokeca amayapa he?

24 Annas Caiaphas wicašta wakan itancan kin pahtapi ecen ekta aye wicakiye ciqon.

25 He icunhan Simon Peter petisškan najin. Heon heciyapi; Waonspewicakiye cin he wanji niye he nakun? Iye anakihbe ca, Hemaca šni ce, eya.

26 Wicašta wakan itancan kin wowidake tawa wan, Peter noge kašpe ciqon he takuya, Mahcistinna kin en kici yaun wanciyake šni he? eciya.

27 Hehan ake Peter anakihman: unkan he icunhan anpaohotonna wan hoton.

28 Hehan Caiaphas etanhan woyaco titanka kin en Jesus aipi; unkan wanna ecadan. Ihducapapi kte šni e heon woyaco titanka kin en ipi šni, wošnapi kin hdutapi kta e heon.

29 Unkan Pilate tankata hinanpe ca, en wicau qa, Wicašta kin de taku e iyayaonpapi he? eya.

30 Waayuptapi qa heciyapi; Wicašta kin de ohan šice šni unkanš unnicahipi kte šni tuka.

31 Hehan Pilate hewicakiya; Niye ito eyaku po, qa wayeconzapi kin eciyatanhan yaco po. Hehan, Wicašta teyapi unkiye unkokihipi šni ye, Judi kin eciyapi:

32 Hecen Jesus woeye qon ecetu kta, token wiconte on te kta eye ciqon he.

33 Hehan woyaco titanka timahen Pilate kihde ca, Jesus en au wicakiye ca, Wicaštayatapi Judi tawa he niye he? eciya.

34 Jesus ayupta; He niye cinka heha he; kaeš tuwe tokeca miye on hecen oniciyaka he?

35 Pilate ayupte; Judi hemaca he? nitaoyatepi kin hena, qa wicašta wakanpi itankapi kin he iye miye en anihipi. Token oyahanda he?

36 Jesus ayupte; Wokiconze mitawa kin he makata kin detanhan šni; wokiconze mitawa kin makata kin detanhan unkanš, mitaokiye kin kis unpi kta, qa Judi kin makaškapi kte šni tuka. Tuka nakaha wokiconze mitawa kin detanhan šni.

37 Hehan Pilate heciya; Wicaštayatapi kin henica he? Jesus ayupte; Wicaštayatapi hemaca e ecen eha; hemaca kta e on matonpi, qa heon makata wahi, wowicake mdaotanin kta e heon. Tuwe wowicake eciyatanhan un kinhan he miho kin nahon ece.

38 Wowicake kin he taku he? Pilate eciya. Hena hecen iye heya ya, unkan Pilate tankata inape ca, Judi en wicaye ca, Wicašta kin he woyušna econ takudan iyewaye šni, ewicakiya.

39 Tuka wicohan duhapi kin heciyatanhan, Woacakšin kin ehan unkipi eca, tuwe kaška hnakapi wanji wakiyuška ece qon. Wicaštayatapi Judi tawa kin de wakiyuška yacinpi he?

40 Unkan ake owasin panyehan howayapi qa heyapi; Wicašta kin dee kte šni, tuka Barabbas e hee kta. Unkan Barabbas e qe wamanonwicašta wan heca.

JOHANNES WICOWOYAKE 19.

1 Unkan hehan Pilate Jesus icu qa kapsinpsinta.

2 Unkan akicita wapepeka wapaha wan kaontapi qa wapaha kiyapi, qa šina stan wan in kiyapi.

3 Qa, Ho, Wicaštayatapi Judi tawa kin, eyapi, qa nape on apapi.

4 Pilate ake tankan inanpe ca, Iho, wicašta kin dee e tankan cicaupi, hecen on taku šica takudan en iyewaye šni e sdonyayapi kta, ewicakiya.

5 Hehan Jesus wapepeka wapaha kin un, qa šina stan kin in, tankata inanpa. Unkan, Wanyaka po, wicašta kin! ewicakiya.

6 Tohan wicašta wakanpi itankapi qa akicita itancanpi kin, he wanyag iheyapi hehan, panyehan heyapi, Icipaweh okatan iye wo, icipaweh okatan iye wo. Niyepi icupi qa icipaweh okatan iye po, miye qe wayušna econ takudan iyewaye šni, Pilate ewicakiya.

7 Wowakiconze wan unhapi, wowakiconze unhapi kin eciyatanhan te kta iyececa, Wakantanka Cinhintku kin heon etanhan, Judi kin ayuptapi.

8 Unkan Pilate woeye kin he nahon qehan, iyotan inihan;

9 Qa woyaco titanka kin timahen kihde ca, Nitokiya tanhan he? Jesus eciya. Tuka Jesus iye ayupte ku šni.

10 Hehan Pilate heciya; Amayadupte šni he? Iciyaweh onicatanpi owakihi; qa niciyuškapi nakun owakihi, he sdonyaye šni he?

11 Jesus ayupte; Wankan tanhan taku kin de nicupi šni unkanš wowašake on omayakihi kte šni tuka; heon tuwe niye en amahi kin he iye woahtani tanka.

12 Hetanhan Pilate kiyuškapi akita: Tuka, Wicašta kin de yakiduške cinhan Cæsar takuyaye šni; tuwe wicaštayatapi icicage cinhan Cæsar i en hiycya ece, Judi kin panyehan eyapi.

13 Pilate woeye kin he nahon, iye Jesus tankan yuha inanpa, qa oiyotanke tawa kin he ohna kiyotanka, canku ajupi kin in, he Hebrew Gabbatha eciyapi en.

14 Qa yuwiyeyapi Woacakšin tawa kin ece kin hetu, qa oape išakpe kin hehantu; Wicaštayatapi nitawapi kin wanyaka po! Pilate Judi kin ewicakiya.

15 Tuka, Icunonpa, icunonpa iyeye; ca icipaweh okatan iye wo, panyehan eyapi. Wicaštayatapi nitawapi kin de icipaweh owakatan kta he? Pilate ewicakiya. Wicašta wakanpi itankapi kin ayuptapi; Cæsar ecedan wicaštayatapi unhapi ce.

16 Hehan iye icipaweh okatanpi iye kta e wicaku. Unkan Jesus icupi qa tokan ayapi.

17 Unkan Jesus cansusbeca kicin, qa makoce wan wicapahu eciyapi, he Hebrew kin en Golgotha eciyapi, he ekta aya.

18 Hen icipaweh okatanpi iye, qa toktokeca nom itan anokatanhan ewicahdepi, qa Jesus okitahedan.

19 Unkan Pilate caje wan owa ca, can susbeca inkpa kin en ehnaka; JESUS NAZARETH ETANHAN, WICAŠTAYATAPI JUDI KIN.

20 Caje de Judi ota yawapi; makoce kin Jesus en icipaweh okatanpi kin he otonwe tanka kin ikiyedan. qa he Hebrew, qa Heleni, qa Romi en owa un.

21 Hehan Judi etanhan wicašta wakanpi itankapi kin Pilate heciyapi; Wicaštayatapi Judi tawa kin, eya owa šni wo: tuka, Wicaštayatapi Judi tawa kin he miye ce, eiciye cin, hee e ecen owa wo.

22 Pilate waayupte; Taku owawa kin he wanna owawa ce, eya.

23 Akicita kin Jesus icipaweh okatanpi, hehan tawokoyake icupi, qa wopamni tom kagapi, akicita otoiyohi kicipamnipi; qa nakun tašina icupi: šina kin he okagege wanica, wankan tanhan kun ihankeya kin hehanyan okagege codan kagapi:

24 Heon etanhan iye iyakitedan hekiciyapi; He unyuhdecapi kte šni, econkupidan qa yeunkiyapi kta, hecen tuwe ohiye cinhan yuhe kta. Hecen wowapi wakan kin he iyecetu tukte heya; Mitawokoyake kicipamnipi, qa mitašina kin he oeconna en yekiyapi ce. Unkan akicita kin hena hecen econpi.

25 Unkan Jesus hunku, qa tankaku kicica, Mary Cleophas tawicu, qa Mary Magdalene, hena cansusbeca kin icahda najinpi.

26 Jesus hunku wanhdaka, qa najinpi icahda waonspewicakiye cin tuwe iye waštekidake ciqon, Winohinca, nicinkši kin hee ce! hunku kin eciya.

27 Qa waonspekiyapi kin he iš, Wanyaka wo, nihun kin hee ce! eciya. Unkan waonspekiyapi kin he anpetu kin hetanhan iye tipi kin ekta aki.

28 Iyohakam de, wanna taku kin owasin ecetu Jesus wanyaka, qa wowapi wakan kin iyecetu kta e heon, Imapuza ce, eya.

29 Unkan miniškumna wakšica ojudan en icunhan han; miniškumna icupi, qa nakun iyuhepe wan en oputkanpi qa hyssop icam yeyapi, qa i kin en kupi.

30 Tohan Jesus miniškumna icu qehan, He yuštanpi ce, eya; hehan pa patuja he, ca taniya kin hiyuya.

31 Hehan Judi kin Pilate cekiyapi, huha kawegapi qa etanhan icupi kta; hecen anpetu sabbath icunhan, tancan kin cansusbeca kin akan un kte šni, anpetu en piiciyapi kin wanna hehantu, (anpetu sabbath kin he anpetu tanka nakaš,) heon.

32 Unkan akicita en hipi, qa tokaheya kin huha kawegapi, qa nakun unma kici icipaweh okatanki qon.

33 Hehan Jesus ehan ipi, unkan wanna ta wanyakapi, heon huha kin kawegapi šni.

34 Tuka akicita wanji wahukeza wan on cuwi kin en capa; unkan we mini ko au.

35 Qa iye wanyake ca yaotanin kin he wayaotanin kin he wowicake. Wowicake eye cin he sdonkiya, qa hecen on wicayadapi kta.

36 Hena hecetu, unkan wicowoyake wowapi wakan iyecetu; Hu kin wanjidan kawegapi kte šni ce.

37 Qa nakun wowapi wakan tokeca hecen eya; Iye pahdokapi kin he wanyakapi kta.

38 Hehan ihakam Joseph Arimathea etanhan Pilate cekiya, Jesus tancan kin icu kta e heon; unkan iš eya Jesus waonspewicakije cin wanji ee, tuka anahbeya, Judi kowicakipe cin heon; unkan Pilate iye woiyowinkiya ku. Iye hi nakaš, qa Jesus tancan kin hdokiyahda.

39 Unkan Nicodemus nakun, tuwe tokaheya hanyen Jesus en hi qon hee, nakun en hi, qa pejihuta waštemna nom icicahiyapi, tkeutapi opawinge ecetu, yuha hi.

40 Hehan Jesus tancan kin icupi, qa minihuha iyapemnipi, pejihuta waštemna iyahna, Judi kin hnakapi ece kin he iyececa.

41 Wanna icipaweh okatanpi iye un, makoce kin he en mahcistinna wan un, mahcistinna kin he en ohna wicahapi wan iyuštan yanka, tuwedan he ohna oonpapi šni.

42 Judi kin piiciyapi anpetu kin he icunhan, ohna wicahapi en ikiyadan yanke cin heon Jesus en ohnakapi.

JOHANNES WICOWOYAKE 20.

1 Anpetu tokaheya anpetušakowin tawa, nahanhin otpaza, hehan Mary Magdalene wicahapi ekta i, qa inyan kin wicahapi etanhan icunonpa iyeyapi e wanyaka.

2 Hehan inyang hde ca Simon Peter hee, qa waonspewicakiye cin unma Jesus waštekidake ciqon, hena en hi qa hewicakiya; Itancan kin wicahapi kin etanhan eyakupi, qa tukten hnakapi kin sdonunyanpi šni ye.

3 Unkan Peter waonspewicakiye cin unma qon kici tankan inanpapi, qa en wicahapi kin ekta yapi.

4 Napin inyang yapi; qa waonspewicakiye cin unma qon hee duzahe ca Peter kapa, qa iye tokaheya wicahapi kin ehan i;

5 Qa patuš inajin, qa aokasin, qa minihuha heyake kin wanyaka, tuka mahen iyaye šni.

6 Hehan iš Simon Peter iye ihakam ya iyohi, unkan wicahapi kin mahen iyaya, minihuha heyake kin yanka wanyaka.

7 Qa iipakinte pa akan ehnakapi kin he, minihuha heyake en ope šni, he iš aiyog pehan yanka.

8 Hehan waonspewicakiye cin unma tokaheya hi qon he iš hnakapi kin mahen iyaya, qa iš eya wanyake ca wicada.

9 He wiconte etanhan ekicetu kta, eyapi, wowapi wakan kin he hinyahin tanyan sdonyapi šni.

10 Hehan waonspewicakiye cin hena iye tipi ekta icicawin hdapi.

11 Tuka wicahapi kin itankan Mary e ecen najin, ceya. Unkan ceyaya patuš inajin, qa wicahapi kin en aokasin.

12 Qa ohnihde wakanpi nom wokoyake ska ece koyakapi kin hena wanwicayaka, Jesus tancan wanke ciqon itan anokatanhan, unma pa wanke ciqon eciyatanhan, qa unma iš siha qon eciyatanhan yukanpi.

13 Unkan, Winohinca, taku on yaceya he? eciyapi. Unkan iš, Itancan mitawa tancan kin icupi, qa toki ehnakapi kin sdonwaye šni ce, ewicakiya.

14 Heye ca hehan iye ihdamna unkan Jesus en najin wanyaka, tuka Jesus hee kin sdonye šni.

15 Unkan Jesus heciya, Winohinca, taku on yaceya he? tuwe ayakita he? Unkan iye he wakicanye hee kecin, qa heon, Itancan, he niye iyacu hecinhan tokiya eyahnake cin omakiyaka ye, kinhan ewehdaku kta ce, eciya.

16 Jesus heciya, Mary. Unkan iye ihdamna, qa, Rabboni, eciya; he Itancan eyapi.

17 Jesus heciya; Ihnuhan omayadutan kin; nahanhin Miate ekta wahde šni ce. Tuka mihunkawanji ekta wicaye ca hewicakiya wo, Miate ekta wahde kta, he ate nitawapi kin ee, he Wakantanka mitawa kin ee, qa niš he Wakantanka nitawapi kin ee ce, eya.

18 Mary Magdalene hi qa, Itancan kin wanhdake ca hena hecen eciye cin, waonspewicakiye cin owicakiyaka.

19 Anpetu wanjidan kin he anpetu tokaheya anpetušakowin tawa kin ee, ihtayetu kin he en waonspewicakiye cin, Judi kin kowicakipa, qa aonaicitag yukanpi, en Jesus wicacokaya inajin, qa, Wookiye nicipi un kte, ewicakiya.

20 Hecen eye ca hehan nape cuwi ko wicakipazo. Waonspewicakiye cin Itancan kin wanyakapi, unkan wiyuškinpi tunka.

21 Wookiye nicipi un nun we, ake Jesus ewicakiya. Miate u maši kin he iyecen miš ye cišipi.

22 Hecen eye ca hehan awicaniya qa, Woniya Wakan icu po, ewicakiya.

23 Tona woahtani wicayecicajujupi kinhan, hena wicakicicajujupi kta; qa tona wicayakipaganpi šni kinhan, hena wicakipaganpi kte šni.

24 Ake nonpapi kin etanhan Thomas Didymus eciyapi he Jesus hi kin he icunhan en ope šni.

25 Itancan kin wanunyakapi, waonspewicakiye cin unmapi kin eciyapi. Tuka iye kin hewicakiya; Maza on nape en okatanpi qon he wanmdake šni, qa napsukaza maza okatanpi kin en omdutan šni, qa cuwi nakun en nape yewaye šni kinhan, wicawada kte šni ce.

26 Unkan anpetu šahdogan iyohakam, hehan ake waonspewicakiye cin mahen yukanpi, qa Thomas owicapeya un. Hehan Jesus en hi, tiyopa onatag han, qa wicacokaya inajin, qa, Wookiye nicipi un nunwe, ewicakiya.

27 Hehan Thomas heciya; Ninapsukaza uye ca minape kin wanyaka wo; qa ninape kin uye qa micuwi kin en oputkan wo, qa wacetunhda šni wicada wo.

28 Unkan Thomas ayupte ca heciya; Itancan mitawa, qa Wakantanka mitawa.

29 Jesus heciya; Thomas, wanmayadake cin heon wicayada; tona wanmayakapi šni ešta wicadapi kinhan, hena wicayawaštepi ce.

30 Unkan waonspewicakiye cin itokam en taku tokeca ota wapetokeca Jesus econ, tukte hena wowapi kin de owawa šni.

31 Tuka dena e owapi, heon Jesus he Messiah Wakantanka Cinhintku kin hee e wicayadapi kta; qa wicayadapi kin on, iye caje kin eciyatanhan, wiconi duhapi kta.

JOHANNES WICOWOYAKE 21.

1 Hena iyohakam Jesus ake waonspewicakiye cin en ihdutanin, Tiberias miniwanca kin etu; unkan ihdutanin kin he kaketu:

2 Simon Peter, qa Thomas Didymus eciyapi, qa Nathanael, Cana Galilee en hetanhan, qa Zebedee cinhintku napin, qa waonspewicakiye cin tokeca nonpa, hena witayapi etu.

3 Ho wakuwa kta ce, Simon Peter ewicakiya. Niyahna unyanpi kta ce, eciyapi. Hecehna yapi, qa wata wan en opapi, tuka hanyetu kin he takudan ktepi sin.

4 Tuka anpao qehan wicihuta ekta Jesus najin; tuka waonspewicakiye cin Jesus hee kin sdonyapi šni.

5 Unkan Jesus hewicakiya, Hokšiyopa, onge woyute yuhapi he? Unkan, Hiya, eyapi.

6 Unkan hewicakiya; Ho kin he wata etapa kin eciyatanhan ehpeya po, qa iyeyayapi kta ce. Unkan ecen iyohpeyapi, tuka ehaeš hogan kin ota kin heon ehdakupi okitpanipi.

7 Hehan waonspekiyapi tuwe Jesus waštedake ciqon he Peter heciya; Itancan kin hee ce. Simon Peter, Itancan kin hee, eya nahon qehan, (tancodan iye un heon,) onhdohda kicun qa miniwanca ehpeiciya.

8 Unkan waonspewicakiye cin unmapi kin wata cistinna wan ohna upi, (huta kin icannan yakonpi, wicišpa opawinge nom hehanyan,) qa ho kin hogan ojudan akupi.

9 Wanna hutata kihunnipi, hehan makacahdi pete tawa wanyakapi, qa hogan aguyapi ko akan yanka.

10 Jesus hewicakiya, Hogan nakaha iyacupi kin etanhan aku po.

11 Simon Peter ekta ye ca ho kin heyata hiyuya, hogan tankinyanyan ece opawinge qa sanpa wikcemna zaptan qa sam yamni; hogan kin ota ho kin ohnaka tuka iyuhdece šni.

12 Upi qa de yuta po, Jesus ewicakiya. Unkan waonspewicakiye cin etanhan, Tuwe niye he? eyapi kta tuka tuwedan tawatenye šni; Itancan hee kin he sdonyapi kin he etanhan.

13 Hehan Jesus en ye ca aguyapi icu, qa wicaku, hogan nakun iyecen econ.

14 Iyohakam wiconte ekicetu un etanhan, de iyamni Jesus waonspewicakiye cin en ihdutanin.

15 Unkan wotapi ayaštanpi, hehan Jesus Simon Peter heciya; Simon Jonas cinhintku, dena eqe sam iyeya waštemayadaka he? Han, Itancan, waštecidaka e sdonyakiye ciqon, eya. Tacinca mitawa kin taku yutapi wicaku wo, eciya.

16 Ake icinonpa, Simon Jonas cinhintku waštemayadaka he? eciya. Han, Itancan, waštecidaka e sdonyakiya, eya. Tahcaska mitawa kin wo wicaqo wo, eciya.

17 Ake iciyamni, Simon Jonas cinhintku waštemayadaka he? eciya. Yamni akihde, Waštemayadaka he? eya iwange cin heon Inyan iyokišica; unkan heciya, Itancan, taku owasin sdonyaya; waštecidake cin he sdonyaya. Hehan Jesus, Tahcaska mitawa kin wo wicaku wo, eciya.

18 Wowicake, wowicake on heciciya; Koniška qehan niye aškatudan ipiyag yeton qa tokiya yacin eca ekta da ece, tuka tohan niye ehanna kinhan wicašta tokeca wan ekta nape yeyakiye kta, kinhan ipiyag nicaton qa tokiya yacin šni ešta ekta aniye kta ce, eya.

19 Wiconte tukte e on Wakantanka yutan kta e he kiciyaotanin kta heon hecen eya. Hecen eye cin hehan, Miyahna u wo, eciya.

20 Hehan Peter hakikta, qa waonspekiyapi tuwe Jesus waštekidake ciqon hee wicihektam u e wanyaka, htayetu wotapi icunhan maku kin ipahin wanke ca, Itancan, tuwe e wiyopeniye kta he? eye ciqon hee.

21 Peter he wanyaka unkan Jesus heciya, Itancan, qa wicaša de taku e akipe kta he?

22 Ake tohan wahi kte cin hehanyan decen un kta wacin ešta, he etanhan initokeca he? niye miyahna u wo, Jesus eciya.

23 Heon etanhan wicoie kin de hunkawanjinkiciyapi kin wicehna iyaya; waonspekiyapi kin de te kte šni, eyapi kin. Tuka Jesus, He te kte šni ce, eciye šni; tuka, Wahi kte cin hehanyan decen un kta, wacin ešta, he etanhan initokeca he?

24 Taku kin hena waonspekiyapi kin he yaotanin qa wowapi en kaga; qa taku yaotanin kin he wowicake kin e sdonunyanpi.

25 Nakun taku ota Jesus econ, tuka nakun hena owasin otoiyohi kagapi ešta, makata hiyeye cin wowapi kagapi kte cin he yuhapi kta epce šni. Amen.