Daniel Towapi Kin Wicowoyake 6-12

DANIEL TAWOWAPI KIN WICOWOYAKE 6.

1 Wokiconze kin en wicašta ihdawa opawinge sanpa wikcemna nonpa Darius wicakage kta iyokipi, hena wokiconze kin ocowasin en ounyanpi kta:

2 Qa dena wiciwankam itancanpi yamni, hena en Daniel tokaheya un: hecen hena wicašta ihdawapi kin wiwicawaniapi ecee kta, qa wicaštayatapi kin taku kitanin šni wanice kta.

3 Hehan Daniel he wicašta itancanpi qa wicašta ihdawapi kin wicikapeya yawapi, woniya wašte hinca en un nakaeš; unkan wicaštayatapi kin wokiconze kin ocowasin en ounyekiye wacin.

4 Hehan wicašta itancanpi qa wicašta ihdawapi kin wokiconze kin eciyatanhan Daniel en taku iyaonpepica iyeye wacinpi: tuka taku on bapi kta, qa taku iyaonpapi kta takudan iyeya okihipi šni: wacinyepica un, qa taku yušnapi qa on bapica kin takudan en iyeyapi šni nakaeš.

5 Hehan wicašta kin dena heyapi; Daniel he en taku iyaonpepica takudan iyeunyanpi kte šni, tuka iye Wakantanka tawa toope kin eciyatanhan taku iyeunyanpi kta naceca ce.

6 Hehan wicašta itancanpi qa wicašta ihdawapi kin hena wicaštayatapi kin ekta witaya mniciyapi, qa decen eciyapi; Darius, wicaštayatapi ohinniyan ni un nunwe.

7 Wokiconze kin ohna wicašta itancanpi kin iyuhpa, wicašta waawanyakapi, qa wicašta ihdawapi kin, woope aicwicakiyapi, qa akicita tancanpi kin hena witaya wohdakapi, wicaštayatapi tawokonze wan yušutapi kta qa woicaške šuta wan kajjrapi kta, tuwe kašta, anpetu wikcemna yamni hehanyan, Taku Wakan kaeš wicašta taku wocekiye eciye cinhan, niye, wicaštayatapi, nicunonpa tanhan, he mnaja tipi kin en iyohpeyapi kta ce.

8 Wanna, wicaštayatapi, woicaške kin he yušuta ye, qa wowapi kin yutan ye, hecen yutokecapi kte šni, Media qa Persi woope kin yutokecapi šni ecee kin iyececa ce, eyapi.

9 Heon etanhan Darius wicaštayatapi wowapi qa woicaske kin yutan.

10 Unkan Daniel wowapi kin yutanpi sdonye cehan tin kihda; qa iye ti ohna Jerusalem ektakiya owanyeye kin yuhdog han, anpetu eca yamni akihde oanpeška makahde inajin, qa cekiya, qa iye ta Wakantanka kin itokam wopida eya ece, he itokam econ ece qon iyececa.

11 Hehan wicašta kin hena witaya iheyapi, qa Daniel cekiya un, qa iye Wakantanka tawa itokam wada yanka iyeyapi.

12 Hehan ikiyedan upi qa wicaštayatapi kin itokam wicaštayatapi tawokonze qon on heyapi; Woicaske wan dutan šni he, wicaštayatapi; niye icunonpa, wicašta otoiyohi Taku Wakan wanji kaeš wicašta akantu, anpetu wikcemna yamni hehanyan, taku kida kinhan he mnaja tipi kin en iyohpeyapi kta ce? Wicaštayatapi kin waayupta qa heya; Wicoie kin he hecetu, Media qa Persi woope tawapi tokan aye kte šni kin he iyececa ce.

13 Hehan hena ayuptapi qa wicaštayatapi kin itokam heyapi; Daniel, Judah wayaka unpi cinca kin etanhan, hee, niye wicaštayatapi, ihanikta šni, qa wokonze dutan kin he nakun, tuka anpetu eca yamni akihde wacekiya ece.

14 Hehan wicaštayatapi kin wicoie kin hena nahon qehan nina šiceicidaka, qa Daniel ehda; ku kta e cante ekta hduza; qa wi iyaya hehanyan ehdaku kta htani.

15 Hehan wicašta kin dena wicaštayatapi kin en mniciyapi, qa wicaštayatapi kin heciyapi; Wicaštayatapi, Media qa Persi tawoope kin he dee, Taku woicaške qa woahope wicaštayatapi kin yušuta kinhan he yutokecapica kte šni e he sdonya wo.

16 Hehan wicaštayatapi kin hecon wicaši, unkan Daniel ahipi qa mnaja tipi kin en iyohpeyapi. Wicaštayatapi kin ie ca Daniel heciya; Wakantanka nitawa ohinniyan htayecini kin he enihdaku kta ce.

17 Unkan inyan wan aupi qa wašun i kin akan ehnakapi. Unkan wicaštayatapi kin he apuspa, iye wipuspe tawa, qa wicašta ihdawapi wicayuhe wipuspe tawapi kin on, hecen Daniel on wakiconzapi qon he yutokecapi kte šni.

18 Hehan wicaštayatapi kin hetanhan iye tipiwašte kin ekta kihda, qa hanyetu kin wote šni un: nakun candowankiyapi kin heca itokam ahipi šni; qa toištinma ehpeya ikiyaya.

19 Hehan wicaštayatapi kin hanhanna hin najin hiyaye ca mnaja tipi kin ekta inahni iyaya:

20 Qa wasun kin ekta hi qehan hoiyokišica on Daniel hoyekiya: wicaštayatapi kin ie ca Daniel heciya; Daniel, Wakantanka nitawa un tawowidake, nita Wakantanka ohinniyan htayecini kin he mnaja kin etanhan enihdaku okihi he?

21 Hehan Daniel wicaštayatapi kin heciya: Wicaštayatapi,ohinniyan ni yaun nunwe:

22 Wakantanka mitawa iye taohnihde kin usi, qa mnaja ipi kin yuohmus iwicacu, hecen mnaja kin ksuwe mayanpi šni; iye itokam wiyaonpepica šni waun nakaeš; qa nakun, wicaštayatapi, niye en takudan šica ecamon šni, heon etanhan.

23 Hehan he on wicaštayatapi kin wiyuškin hinca, qa Daniel wasun kin etanhan yuwankan eyaku wicaši. Hecen Daniel wasun kin etanhan eyakupi; unkan en okiunniye takudan iyeyapi šni, Wakantanka tawa wacinkiya nakaeš.

24 Hehan wicaštayatapi kin hecon wicaši, unkan wicašta tona Daniel yahtakapi qon hena awicahipi qa mnaja tipi kin en iyohpewicuyapi, iyepi qa cincapi qa tawicupi kin: unkan wasun owanka kin ehan ipi šni ecen mnaja kin ohiwicayapi qa huhu iyuhpa wicakiyawehwe pi.

25 Hehan Darius wicaštayatapi kin oyate kin owasin, wicašta qa iapi maka owancaya tipi kinwowapi wicakicaga; Wookiye niciyuotapi nunwe:

26 Tokaheya miye wokonze wan wakai u; Wokiconze mitawa wicaštayatapi ounyanpi kin otoiyohi en, Daniel Wakantanka tawa kin itokam wicašta cancanpi qa kokipapi kta: iye Wakantanka ni un nakaeš, qa iye tokiconze kin he ihangyapi kte šni, qa iye wicaštayatapi un kin he owihanke kin ekta:

27 Iye hinca wanikiya qa waehdaku, qa wowakta wowapetokeca ko econ ece, mahpiya kin ekta qa maka kin akan, he qe Daniel mnaja nape kin etanhan ehdaku nakaeš.

28 Hecen Darius wicaštayatapi un kin icunhan, qa Cyrus Persi wicaštayatapi kin hehanyan Daniel zaniyan un.

DANIEL TA WOWAPI KIN WICOWOYAKE 7.

1 Belšazzar Babel wicaštayatapi kin tawaniyetu tokaheya en, Daniel wowihanmna qa iye pa towinja akan wowanyake wan wanyaka: Hehan wowihanmde kin okiwa, wicoie kin yuptahnaka ohdaka.

2 Daniel ie ca heya; Hanhepiya mitowanyake en opahta mania, unkan iho, mahpiya tate ouye topa hena miniwanca tanka kin akan kicizapi.

3 Unkan wamanica tankinyanyan topa miniwanca kin etanhan hiyupi, hena akiyececapi šni.

4 Tokaheya kin he mnaja iyececa, qa wanmdi hupahu yuha: opahta manka ecen hupahu kin kiyujunpi, qa maka kin etanhan yuwankan icupi, qa wicašta iyecen siha on najinkiyapi,qa wicacante wan qupi.

5 Unkan iho, wamanica tokeca wan inonpa kin he mato iyececa, qa sanina tanhan hduwankan iyeiciya, qa i kin ohna cutuhu yamni hi ohna yapa yanka: unkan kaken eciyapi, Inajin wo, cehpi ota temya wo.

6 He iyohakam wanmdaka, unkan iho, wanji tokeca, inmuhdeška iyececa; he qe amdo akan wahupakoza hupahu tawa topa yukan; nakun wamanica kin he pa topa; qa wokiconze wan qupi.

7 He iyohakam hanhepi wowanyake kjn en opahta manka, unkan iho, wamanica itopa wan, he wowinihan, qa wohitika, qa wašake hinca; qa mazasapa hi tankinyanyan yuha: wateniya qa wayamdemdeca, qa okaptapi kin siha on napanpan: qa wamanica itokam unpi qon de is tokeca; qa he wikcemna yuha.

8 He kin hena awacin manka, unkan iho, hena ehna he tokeca cistinna wan uya, qa he on he tokaheya unpi kin yamni hute ekta yujunpi: unkan iho, he kin de en išta yukan, wicašta išta iyececa, qa i wan taku tanka eya ece.

9 Opahta manka ecen oiyotanke kin ehdepi, qa Anpetu Wanakaja Tawa kin he en iyotanka, iye tawokoyake kin wa iyecen ska, qa paha kin tahinca wanunyanpi hin ecedan kin iyececa: oiyotanke tawa kin he peta ide šaša, qa canhdeška tawa kin peta ide kin heca.

10 Iye itokapa tanhan peta wakpa wan hinanpa qa hiyaya: kektopawinge eceh kektopawinge htakicinipi, qa kektopawinge wikeeinna ecee kektopawinge wikcemna itokam inajinpi: wayaco kin kiyotanka, qa wowapi kin yumdayapi.

11 Hehan opahta manka, he kin he wicoie tanka eya ece ho kin heon: opahta manka ecen wamanica kin ktepi, qa tancan ihangyapi, qa peta ide kin en ehpeyapi.

12 Qa wamanica unmanpi qon hena wokiconze kin ewicakiciyakupi; tuka ni unpi kin he kiciyuhanskapi, omaka qa waniyetu hehanyan.

13 Hanyetu wowanyake kin en opahta manka, unkan iho, wanji Wicašta Cinhintku Tawa kin iyececa, mahpiya šoka kin akan u, qa Anpetu Wanakaja Tawa kin en hi; unkan he itokam kiyadan ahiyupi.

14 Unkan he wicaštayatapi unpi, qa wowitan qa wokiconze wan qupi, hecen wicašta iyuhpa, oyate qa iapi kin hena htakicinipi kta: wicaštayatapi oun tawa kin he wicaštayatapi unpi owihanke wanica, he tokan aye kte šni, qa tokiconze kin he ihangyapi kte šni.

15 Miye Daniel mitaniya ojuha tawa kin ohna iyokišica un; qa mapa towanyake kin hena yušmyemayan.

16 Tona en najinpi kin wanji ikiyedan hihu qa dena owasinon tukte wowicake kin he imunga. Hecen omakiyaka, qa dena taku kin ieska yaotaninpi kin he sdonyemakiya.

17 Wamanica tankinyanyan kin dena topapi hena wokiconze topa maka kin etanhan inanpapi kta.

18 Tuka Iyotan Wankan un wicašta owotanna tawa kin hena wokiconze kin icupi kta, qa wokiconze kin ohinniyan yuhapi kta, han, ohinniyan owihanke wanice kta.

19 Hehan wamanica itopa kin he on wowicake kin sdonwaye kta wacin, he qe unmanpi kin iyecece šni, wokokipe hinca, hi kin mazasapa, qa šake kin mazasa; watemya, wayawehwega, qa okaptapi kin siha on napanpan qon he:

20 Qa pa akan he wikcemna kin hena; qa wanji icage ca itokam yamni hinhpaye ciqon; han, he kin išta yukan, qa i wan wicoie tanka eye cin, itohnake kin tawašitku kin isanpa wašake cin hee.

21 Opnhta manka, unkan he kin eqe wicašta owotanna kin hena wicakiza qa ohiwicaya:

22 Ecen Anpetu Wanakaja Tawa kin he hi, qa wicašta owotanna Iyotan Wankan un tawa kin hena woyaco wicaqupi; qa wicašta owotanna wokiconze kin yuhapi kta wanna iyehantu.

23 lye kaken eye; Wamanica itopa kin he maka akan wokiconze itopa kin hee kta; eqe wokiconze owasin iyecece kte šni, qa maka ocowasin kin temye kta,qa napanpan kta, qa namdemdece kta ce.

24 Qa wokiconze kin de etanhan he wikcemna kin wicaštayatapi wikcemna inajinpi kte cin hena eepi; qa hena iyohakam wanji tokeca inajin kta; qa eqe tokaheya qon hena iyecece kte šni, qa wicaštayatapi yamni wicaktedan kta.

25 Qa Iyotan Wankan un kin itkom wicoie eciye kta, qa Iyotan Wankan un wicašta owotanna tawa kin hena iyotanhan iyewicakiye kta, qa anpetu qa woope kin yutokeca wacin kta: unkan hena iye nape kin en qupi kta, waniyetu qa waniyetu nonpa, qa waniyetu okise hehanyan.

26 Tuka wayaco kin iyotanke kta, qa wicaštayatapi oun kin he ekiciyakupi kta, yušote kta qa ihangye kta, owihanke kin hehanyan.

27 Unkan wokiconze qa wicaštayatapi oun kin, qa mahpiya ocowasin ihukuya wokiconze tanka kin he Iyotan Wankan un wicašta owotanna tawa oyate kin he wicaqupi kta, he qe tokiconze kin wokiconze owihanke wanica, qa wicaštayatapi iyuhpa iye htakicinipi qaanagoptanpi kta ce.

28 Dehanyan wicoie kin owihanke. Daniel miye qe mitawacin kin nina yusinyemayan, qa mitohnake kin tokeca mahinhda: tuka wicoie kin he micante en hduha waun.

DANIEL TA WOWAPI KIN WICOWOYAKE 8.

1 Belšazzar wicaštayatapi tokiconze waniyetu iyamni en wowanyake wan wanyagmakiyapi, Daniel miye, tokaheya taku en micitanin qon he iyohakam.

2 Unkan wowanyake en wanmdaka; qa opaftta manka icunhan kaketu; Šušan tipiwašte kin ohna waun, he Elam makoce kin entu: unkan wowanyake kin en wanmdaka, qa Ulai wakpa kin icahda waun.

3 Hehan išta hduwankan iwekcu qa wanmdaka, unkan iho, wakpa kin itokam tahcaska mdoka wan najin, qa he yukan: unkan he kin hena tehanwankantu; tuka wanji iš unma kin isanpa hanska, qa iyotan tehanwankantu kin he ehake uya.

4 Tahcaska mdoka kin he wanmdaka, wiyohpeyata, qa waziyata, qa itokahkiya wacapa yanka; hecen wamanica wanjidan itokam najin okihi šni, qa iye nape kin etanhan tuwedan waehdaku okihi šni; tuka iye tawacin kin eciyatanhan ohanyan ece, qa tanka icaga.

5 Unkan awacin manka icunhan, iho, hekinškayapi mdoka wan, maka itohnake ocowasin akan wiynhpeyatanhan u, qa maka en icahtake šni: qa tatoka mdoka kin išta otahedan he tanka wanji yuha.

6 Unkan heqe tahcaska mdoka he nom yuha, wakpa itokam najin wanmdake ciqon he en hi, qa tocanniye wowašake hduha anatan.

7 Qa tahcaska mdoka kin ikiyedan u wanmdaka; unkan nina canniyekiya, qa tahcaska mdoka kin capa, qa he nonpa kipaksa: Unkan tahcaska mdoka kin ecaca itokam najin okihi šni; tuka makata iyeya, qa ahan; qa iye nape kin etanhan tuwedan tahcaska mdoka kin eyaku okihi šni.

8 Heon etanhan hekinškayapi mdoka kin nina tanka icafra: tuka wašaka aye cehan he tanka qon paksapi: Unkan heekiya torn wauyakapi wašte kin heca uya, mahpiya tate ouye topa kin ektakiya.

9 Unkan hena iš wanjidan etanhan he cistinna wan uya, eqe nina tanka icaga, itokahkiya qa wiyohiyanpata qa makoce wašte kin ektakiya.

10 Nakun sanpa tanka icaga, mahpiya ozuye kin ekta, qa ozuye kin he etanhan qa wicanhpi kin etanhan wanjikši makata ehpeya, qa hena awicahanhan.

11 Han, ozuye itancan kin ekta ihdutanka; qa iye qe ohinniyan wošnapi kin he anapta, qa tipi wakan tawa oahe kin he kun ehpeya

12 Unkan ozuye kin qupi, ohinniyan wošnapi kin akan, woahtani on etanhan; hecen wowicake kin makata ehpeya: unkan waecon qa hduštan ece.

13 Hehan wanji wakan kin ia nawahon: unkan wanji wakan tokeca wan tuwe ie ciqon he heciya; Ohinniyan wošnapi, qa woahtani wayujuju ece wowanyake kin, tipi wakan qa ozuye kin amanipi kta wicaqupi kin he tohanyan kta he?

14 Unkan iye hemakiya; Htayetu hanhanna kektopawinge nonpa sanpa opawinge yamni, hehan tipi wakan kin yutecapi kta ce.

15 Unkan kaketu, miye, Daniel miye hinca, wowanyake kin wanmdaka, qa ookahnige kin awakite cehan, iho, tuwe wicašta itohnake iyececa wan mitokam hinajin.

16 Unkan Ulai otahedan wicaho wan nawahon, heqe pan qa heya; Gabriel, wicašta kin de wowanyake kin okahnihkiya wo.

17 Hecen nawajin kin en ikiyedan hiyu: unkan hiyu qehan kowakipa qa ite makipusdiya eripemieiya. Tuka iye hemakiya; O wicašta cinhintku, wowanyake kin he owihanke ekta kta okahnhkiya wo.

18 Unkan womakiyaka icunhan miš tinbe hinca ite makipusdiya manka: tuka iye mayutan qa nianke cin en najin makiya:

19 Qa heya; Iho, wosinhda ihanke hinca ekta taku kte cin he sdonyeciciye kta ce: Tohan iyehantu kinhan owihanke kta nakaeš.

20 Tahcaska mdoka he nam yuha wandake ciqon he Media qa Persi wicaštayatapi kin hena eepi.

21 Qa hekinškayapi mdoka hin sma qon he Grecia wicaštayatapi kin hee: qa he tanka išta otahedan yuhe cin he wicaštayatapi tokaheya kin ee.

22 Unkan hee pakšapi, qa eekiya torn ieagapi qon, hecen oyate kin he etanhan wokiconze topa inajinpi kta, tuka iye towašake qon ohna kte šni.

23 Unkan hena tokiconzepi anpetu ehake kin en, tohan wahtanipi kin ihduštanpi kinhan, hehan wicaštayatapi wan ite šuta, qa wahnayan okahniga heca inajiu kta.

24 Qa tookihi kin he wašake hinca kta, tuka iye towašake kin ohna kte šni. Nakun wowinihanyan waihangye kta, qa ihduštan kta,qa waecon kta, qa oyate wašaka qa wakan kin he ihangwicaye kta.

25 Qa nakun tookahnige kin on iye nape ohna wohnaye yustan kiye kta; qa cante en ihdutanka kta, qa wookiye on wicota ihangwicaye kta: Nakun itancanpi en Itancan kin he itkokim inajin kta; tuka nape codan ihangyapi kta ce.

26 Unkan htayetu qa hanhanna wowanyake oyakapi kin he wowicake: heon etanhan, niš wowanyake kin nakitaka wo; anpetu ota kta nakaeš.

27 Unkan Daniel miye qe iwahpamde, qa anpetu wanjikši wamayazanka. Hehan nawajin qa wicaštayatapi tokicanye kin ecamon ece: qa wowanyake kin on mayusinyaya, tuka tuwedan okahnige šni.

DANIEL TA WOWAPI KIN WICOWOYAKE 9.

1 Darius Ahasuerus cinhintku Media wicoica kin etanhan, Chaldeani wokiconze kin en wicaštayatapi kagapi qon he tawaniyetu tokaheya kin ehtu:

2 Waniyetu tokaheya wicaštayatapi un qehan, Daniel miye qe wowapi eciyatanhan waniyetu tonakeca hecinhan owakahniga, Jehovah oie Jeremiah wicašta wokcan qon en hi, Jerusalem yujujupi kin en waniyetu wikcemna šakowin yuštan kta kcye ciqon.

3 Hecen Itancan Wakantanka ekta miite ewehnaka, wote šni unpi, qa wakihdaka cahota ko en, wocekiye qa hoyekiyapi kin on awakite kta:

4 Qa Jehovah Wakantanka rnitawa cewakiya, qa wowahdaka, qa hepa; Itancan, Wakantanka qa wowinihan kin, tona waštedakapi qa tawoahope kiciyuhapi kin hena wicotakuye qa wowaonšida wicakiciyuha;

5 Unkiye waunhtanipi,qa tehiya unkohanyanpi, qa šicaya econkupi, qa wawaunkipajinpi, hin nitoope qa nitawoyaco kin hena ehpeunyanpi nakaeš.

6 Qa nakun nitaokiye wicašta wokcan, nicaje on, wicaštayatapi unkitawapi, wicašta itancan unkitawapi, qa hunkakewicunyanpi, qa makoce ohna oyate owasin taku ewicakiyapi qon hena anaungoptanpi šni.

7 Itancan, niye woowotanna niciyanka, tuka unkiye ite ištecapi, anpetu de iyececa; Judah wicašta kin, qa Jerusalem en ounanpi kin, qa Israel ocowasin, iyedan qa itehan unpi, makoce owasin ektakta ehanakiya napewicayaye cin hena, taku šica econpi on wanicihtanipi kin hena on etanhan.

8 Itancan, unkiyepi en ite nasapi yukan, wicaštayatapi unkitawapi, wicašta itancan unkitawapi qa hunkakewicunyanpi, waunnicihtanipi nakaeš.

9 Itancan Wakantanka unkitawapi kin wowaonšida qa wokajuju hduha, unkiye waunkipajinpi ešta:

10 Qa nakun Jehovah Wakantanka unkitawapi ho kin anaungoptanpi šni, wicašta wokcanpi iye taokiye on toope unkitokam ehnake ciqon hena ohna maunnipi kta tuka.

11 Han, Israel owasin nitoope awahtanipi,qa icunonpa iyayapi, hecen niho anagoptanpi kte šni; heon etanhan woyašice kin unkakaštanpi, qa wokonze Moses Wakantanka taokiye toope kin en owapi qon, iye en waunhtanipi nakaeš.

12 Qa iye oie, unkiyepi on, qa wayaco unkitawapi unyacopi ecee kin hena on eye ciqon hena hdušuta, taku šica tanka kin de en unkaupi kin heon: taku Jerusalem ecakiconpi kin he mahpiya ocowasin ihukuya iyecen econpi šni nakaeš.

13 Moses toope kin en owapi qon he iyecen taku šice cin de owasin unkakipapi: hececa ešta Jehovah Wakantanka unkitawapi kin itokam nape unkiyugatapi šni, waunhtanipi kin etanhan unkihduhomnipi kta, qa nitowicake unkokahnigapi kta.

14 Heon etanhan Jehovah taku šice cin atonwan qa en unkaupi: Jehovah Wakantanka unkitawapi kin iye tohan econ kin owasin en owotanna un; iye ho kin anaungoptanpi šni nakaeš.

15 Unkan wanna, Itancan Wakantanka unkitawapi nape wašaka on nitaoyate Egypta makoce kin etanhan wicayahdou, qa wokitanin niye icu kta, anpetu dehanyan hececa; unkiye waunhtanipi, unkiye šicaya econkupi ece.

16 Itancan ceciciya ce, nitoowotanna ocowasin eciyatanhan, Jerusalem nitotonwe kin etanhan, he wakan nitawa kin hetanhan, nitocanniye qa nitocanteptanye kin yuhoninipi nunwe: waunhtanipi kin hena on, qa hunkakewicunyanpi taku šica econpi kin on, Jerusalem qa nitaoyate, tona unkihdukšan unpi owasin en wowihahayapi yakonpi nakaeš.

17 Heon etanhan nakaha Wakantanka unkitawapi, nitaokiye tawocekiye qa hoyeye cin hena nahon ye, qa tipi wakan nitawa jujuwahe cin he niite on iyoyamkiya wo, Itancan kin on etanhan.

18 Wakantanka mitawa, ninoge ukiye ca nahon ye; niišta hdumdaya qa otiwita unkitawapi, qa otonwe nicaje icajeyatapi kin he wanhdaka wo: wouwotanna unkitawapi on etanhan nitokam wocekiye unkeyapi šni, tuka nitowaonšida tanka kin hena on etanhan.

19 Itancan, nahon ye; Itancan, kajuju ye; Itancan, anagoptan qa econ ye; Wakantanka mitawa, niye hinca on etanhan yutehan šni ye: nitotonwe qa nitaoyate kin hena nicaje icajeyatapi nakaeš.

20 Unkan iahan waun,qa cewakiya, qa wawahtani, Israel mitaoyate wahtanipi koya owahdaka, qa Jehovah Wakantanka mitawa itokam, mita Wakantanka he wakan tawa kin on wowaonšida wakida icunhan;

21 Han, wocekiye en iahan waun icunhan, Gabriel wicašta eqe otokahe ekta wowanyake en wanmdake ciqon, duš kinyan ukiyapi, he mayutan, htayetu woinapi ecee kin iyehantu;

22 Qa okahnihmayan, qa mici wohdaka, qa heya; Daniel, wookahnige wokšape ko cicu kta on wanna hibu:

23 Wocekiye tokaheya eha hehan wicoie kin hiyu, qa cicipazo kta hibu; nina waštenidakapi nakaeš: heon etanhan wicoie kin okahna wo, qa wowanyake kin sdonya wo.

24 Nitaoyate on, qa otonwe wakan nitawa on, wikcemna sakowin ece šakowin konzapi, wošice anaptapi kta, qa woahtani apuspapi kta, qa taku šica econpi kin akahpapi kta, qa woowotanna owihanke šni kin ukiyapi kta, qa wowanyake wowiyukcan ko yuštanpi kta, qa lyotan Wakan hinca kin he sdakiyapi kta e heon.

25 Heon etanhan sdonya wo, qa niye okahniga wo, Jerusalem yuecetupi kta qa piya ka api kta wicoie kin hiyu kinhan, hetanhan Messiah Itancancinca kin kin ekta, šakowin ece šakowin qa wikcemna šakpe sanpa nonpa ece šakowin kta: hocoka kin piyapi kta, qa conkaške kin ake kagapi kta, han wokakije anpetu kin en.

26 Unkan wikcemna šakpe sanpa nonpa ece šakowin kin iyohakam Messiah kašpapi kta, tuka iye on etanhan kte šni: Hehan mdetahunka wan u kte cin he taoyate kin otonwe qa tipi wakan kin ihangyapi kta: qa owihanke kin he minitan iyecece kta, qa okicize ihanke kin hehanyan wayujujupi ece konzapi.

27 Unkan iye anpetu wakan wanjidan wicota oni wicotakiiye kin wicakiciyusuta kta: qa anpetu šakowin cokaya hehan wošnapi qa minha kin ayuštan kiye kta, qa hupahu kin akan wowahte šni wayutakuni šni ece kin yanke kta; qa woyuštan kta hehanyan, qa taku konzapi qon he wayujuju kin en akaštanpi kta ce.

DANIEL TA WOWAPI KIN WICOWOYAKE 10.

1 Cyrus Perse wicaštayatapi tawauiyetu iyamni en, Daniel, caje kin Beltešazzar eciyapi kin he wicoie wanji okiyakapi: unkan wicoie kin he wicakapi, tuka okicize kin he tanka: unkan wicoie kin he okahnija, qa wowanyake kin on wookahnioe yuha.

2 Anpetu kin hena icunhan Daniel miye qe anpetu šakowin eceh yarnni hehanyan iyokisin waun:

3 Woyute oiyokipi takudan wašte šni, qa tado qa miniša mii ohna ye šni; nakun ecaca sdamiciye šni, anpetu šakowin eceh yarnni kin ihuniyanpi šni hehanyan.

4 Unkan wi tokaheya, anpetu wikcemna nonpa sanpa itopa kin en, wakpa tanka kin Hiddekel hee icahda waun qehan;

5 Hehan išta hduwankan iwekcu qa ewatonwan, qa iho, wicašta wanji minihuha ska koyaka, qa nite opta Uphaz etanhan mazaskazi wašte kin ipiyag kiton:

6 Qa tancan kin beryl iyececa, qa ite kin iš wakanhdi wanyakapi kin iyececa, qa išta peta ide šaša iyececa, qa išto qa siha kin mazasa pabezapi owanyake kin iyeeeca, qa oie ho kin he wicota hopi kin iyececa.

7 Unkan Daniel miye mišnana wowanyake kin wanmdaka: qa wicašta mici unpi kin hena wanyakapi šni; tuka wonihinciye tanka wan awicahinhpaya, hecen naicihman najicapi.

8 Heon mišnana ehpemayanpi waun, qa wowanyake tanka kin de wanmdaka: unkan wowašake takudan en maun šni; qa owanyag mawašte qon he wicahwin ekta hinhda, qa wowašake takudan mduhe šni.

9 Tuka iye oie ho kin nawahon: unkan oie ho kin nahon waun qehan, ite akan miš tinbe hinca iwahpamde, qa miite maka akan wanke.

10 Unkan iho, wicanape wan mayutan, qa mitahupahu qa minape cokaya akan hdunajin makiya:

11 Qa hemakiya; Daniel wicašta waštedakapi, wicoie eciciye cin hena okahniga wo, qa nanke cin en inajin wo; niye ekta nakaha umasipi nakaeš. Unkan wicoie kin de emakiya hehan cancanyan nawajin.

12 Hehan hemakiya; Daniel, kopehda šni wo, nicante wokahni; e kta eyehnaka, qa Wakantanka nitawa itokam kaki iiciye cin anpetu tokaheya kin hetanhan nioie nahonpi, qa nioie kin on etanhan miye hibu.

13 Tuka Persi wokiconze kin en itancancinca kin he mitkokim hinajin, anpetu wikcemna nonpa sanpa wanjidan: tuka iho, Michael itancan tokapa wanji hee omakiya u: unkan hen Persi wicaštayatapi kin ehna woohiye ecamon.

14 Wanna, anpetu ehake kin en, nitaoyate taku akipapi kte cin he okahniheiye kta wahi: wowanyake kin he ehake anpetu ota kta nakaeš.

15 Unkan wicoie kin hena ornakiyaka, hehan miite maka akan ewehnaka, qa ia okitpani manka.

16 Unkan iho, wicašta cincapi iyececa wanji miiha mayutan: Hehan i wahdukawa qa iwaa, qa tuwe mitokam najin kin hewakiya; Itancan mitawa, wowanyake kin on wayazanwahda qon ake en mihdou, qa wowašake takudan mduhe šni.

17 Qa Itancan mitawa tawowidake kin de token itancan mitawa kin kici wohdake kta he? miye qe ecahankeya wowašake takudan en maun šni, qa nakun oniya en mayanke šni ce.

18 Hehan ake wicašta owanyake iyececa wan en mahi qa mayutan, qa mayuwašaka:

19 Qa heya; Wicašta waštedakapi hinea, kopehda šni wo: wookiye niciyanka nunwe; wašaka wo, han, wašaka wo. Unkan hemakiye cin on wasagmayanpi, qa hepa; Itancan mitawa ia nunwe; mayaduwašaka nakaeš.

20 Hehan heya; Taku on en cihi sdonyaya he? Tuka ecadan Persi itancancinca kin kici wecize kta e ekta wahde kta. Qa detanhan imdamda hehan, hinnakaha, Grecia itancancinca  kin u kta.

21 Tuka taku wowicake wowapi kin en owapi kin he cicipazo kta: qa tuwedan taku kin dena en mici ihduwašake šni, Michael itancancinca nitawapi kin hecedan.

DANIEL TA WOWAPI KIN WICOWOYAKE 11.

1 Unkan miye qe, Darius Media kin tawaniyetu tokaheya kin en, mdušuta kta qa mduwašake kta inawajin.

2 Unkan dehan wowicake kin cicipazo kta. Iho, tokata Persi en wicaštayatapi yamni inajinpi kta, qa itopa kin he owasin isanpa wijice kte hinca, qa towijice wowašake kin on owasin Grecia wokiconze kin anatan wicaye kta.

3 Unkan wicaštayatapi wašake hinca wan inajin kta, he qe wowašake tanka hduha wicaštayatapi un kta, qa iye tawacin kin ohnayan econ ecee kta.

4 Qa inajin kinhan tokiconze kin yujujupi kta, qa mahpiya ouye topa kin ektakiya kicipamnipi kta; tuka iye cinca kin ohna šni, qa wicaštayatapi oun tawa kin en ounye cin eciyatanhan šni: iye tokiconze kin yujunpi kta nakaeš, qa hena icunonpatanhan toktokeca yuhapi kta.

5 Unkan okaga wicaštayatapi kin he wašake kta; tuka itancancinca wicayuhe cin wanji iye isanpa wašake kta, qa wicaštayatapi un kta; iye wicaštayatapi oun tawa kin he oun tanka kta.

6 Unkan waniyetu iyenakeca hehan hena takodakiciyapi kta: qa okage wicaštayatapi cunwintku kin he waziyata wicaštayatapi kin kici wookiye kah u kta: tuka isto wowašake kin hduhe kte šni; qa iye qe najin kte šni, qa isto kin nakun; tuka he qe wicaqupi kta, qa tona aupi kin hena, qa tuwe cincaye cin, qa tuwe anpetu kin hena en yuwašake ciqon.

7 Tuka iye hutkan adetka kin etanhan wanji iye onajinye cin en inajin kta, he qe ozuye wan hduha u kta, qa waziyata wicaštayatapi tacunkaške kin en i kta, qa hena on econ kta qa ohiye kta.

8 Qa nakun taku wakanpi tawapi, itancancincapi tawapi kici, wakšica waštedakapi, mazaska qa mazaskazi nakun, hena Egypta ekta wayaka ahde kta: qa he qe waziyata wicaštayatapi kin isanpa waniyetu ota najin kta.

9 Hecen okage wicaštayatapi kin wokiconze kin en hi kta, qa ake iye tamakoce kin ekta ake hi kta.

10 Qa unma cinhintkupi kin ozuye kagapi kta, qa wicota ozuye tanka yuwitayapi kta: qa wanji awicakehan u kta, qa apasboke kia qa opta ye kta: hehan akeš hiyu kta, qa ozuye kage kta, conkaške  tawa kin hehanyan.

11 Unkan okage wicaštayatapi kin nina šinhda kta, qa hiyu kta, qa kici kicize kta, han, waziyata wicaštayatapi kin kici: unkan he qe wicota inajin wicakiye kta: tuka wicota kin he unma nape kin en wicaqupi kta.

12 Unkan wicota kin ewicayaku kinhan, iye cante en wahanicida kta: qa kektopawinge wikcemna makata ehpewicaye kta; tuka iye ihduwašake kte šni.

13 Hehan waziyata wicaštayatapi kin ake u kta, qa tokaheya qon isanpa wicota hinca inajin wicakiye kta, qa oniaka waniyetu kin iyohakam, awicakehan ozuye tanka qa wowijice ota hduha u kta.

14 Unkan anpetu kin hena en wicota okage wicaštayatapi kin itkokim inajinpi kta: nakun nitaoyate etanhan waboticapi cincapi kin wowanyake kin yusutapi kta on wankan iyeiciyapi kta; tuka hena hinhpayapi kta.

15 Hecen waziyata wicaštayatapi kin u kta, qa paha wan kage kta, qa otonwe acankaškapi kin hena icu kta: tuka okage ozuye kin najinpi kte šni; qa oyate wicakahnige ciqon, qa wowašake on najin kte cin wanice kta.

16 Tuka tuwe anatan u kin he iye tawacin kin eciyatanhan econ ecee kta, qa tuwedan itokam najin kte šni: unkan iye wowašte makoce kin ohna inajin kta, heqe iye nape kin on yusotapi kta ce.

17 Nakun iye tokiconze wowašake ocowasin hduha en ye kta ite ekihnake kta, qa wicašta owotanna kin om: hecen ohanye kta: qa winohinca cunwintku kin qu kta, yušice kta heon etanhan: tuka he qe najin kte šni, qa eciyatanhan iye un kte šni.

18 Hehan wita kin ektakiya ite hduze kta, qa ota icu kta: tuka itancancinca wan tawowiyopeye kin ayuštankiye kta; iye wowiyopeye codan en hdicukiye kta.

19 Hehan iye tamakoce kin en conkaške šuta kin ekta ite hduhomni kta: tuka našna kta, qa hinhpaye kta; qa iyeyapi kte šni.

20 Hehan iye tohe qon ohna inajin kte cin he wamnayan wan makoce wašte kin opta ye ši kta: tukaanpetu tonanakinhan ihangyapi kta, tuka wocanniye qa okicize unmana eciyatanhan šni.

21 Unkan iye tohe kin ohna wanji wahtedapi šni kin inajin kta; qa he qe wokiconze woyuonihan kin qupi kte šni; tuka wookiye yuha en u kta, qa iapi sdu duta on wokiconze kin icu kta.

22 Qa he itokam apasboka on apasbog iyewicayapi kta, qa ihangyapi kta; han, woconze itancancinca tawa kin kaeš.

23 Qa wicotakuye kici kagapi kin iyohakam wahnayan ohanye kta: en u kta, qa oyate tonana on wa aka icage kta nakaeš.

24 Wookiye on makoce cepcepa kin en hiyu kta; qa taku iye atewicaye cin hena qa tunkan danwicaye cin econpi šni qon iye econ kta; wowicaki qa womanon qa wowijice kin hena wicakipamni kta; qa conkaške šukšuta kin on tawacin kin awakicin kta, iyehantu kta hehanyan.

25 Qa okage wicaštayatapi kin ekta, iye towašake qa tookihi kin ozuye tanka hduha ihduškanškan kta. Unkan itokah wicaštayatapi kin is eya ozuye tanka qa wašake hinca wan hduha kici kicize kta; tuka najin okihi kte šni: iye on wicotawacin awacinpi kta nakaeš.

26 Han, iye tawoyute wašte kin etanhan yutapi ecee kin hena ihangyapi kta; qa ozuye tawa kin apasbog ye kta; tuka wicota kte pi ihpaye kta.

27 Unkan wicaštayatapi kin dena napin cante mahen šicaya econ wacinpi kta, qa wahna wotapi wanjidan en oitonpi kte šni: tuka ecetu kte šni: hececa ešta iyehantu kinhan owihanke kin tanin kta.

28 Hehan iye tamakoce kin: ekta wowijice tanka yuha hdicu i kta; qa wicotakuye wakan kin itkom cante yekiye kta; qa waecon kta, qa iye tamakoce kin ekta hde kta.

29 Tohan iyehantu kinhan iye ihduhomni kta, qa okage kin u kta; tuka tokaheya qa inonpa qon iyecece kte šni.

30 Chittim wita wata kin hena itkokim upi kta nakaeš: heon i etanhan nihinciye kta qa hdicu kta qa wicotakuye wakan kin eanniyeye kta: Hecen ohanye kta; han, hdicu kta, qa tona wicotakuye wakan ayuštanpi kin hena om okicicahnige kta.

31 Qa iye eciyatanhan ozuye wan inajin kta, qa tipi wakan conkaške kin yušapapi kta, qa anpetu iyohi wošnapi ecee kin yutokan iyeyapi kta, qa wowahtešni wayutakuni šni kin he ehdepi kta.

32 Qa tona wicotakuye kin en šicaya econpi kin hena iapi sdusduta on wicayušice kta: tuka tona Wakantanka sdonkiyapi kin hena wašakapi kta qa taku econpi kta,

33 Qa oyate etanhan tona wokahnigapi kin hena wicota waonspewicakiyapi kta: hececa ešta, inazasagye on, qa peta ide on, wayaka unpi on, qa wawicakipi on hinhpayapi kta, anpetu ota.

34 Unkan tohan hinhpayapi kinhan waokiyapi cištinna on owicakiyapi kta: tuka iapi sdusduta yuha wicota hena en aopeiciyapi kta.

35 Unkan tona okahnigapi kin etanhan wanjikji hinhpayapi kta, hena on iyutanpi kta, qa yuecepidan kta, qa yuškapi kta, owihanke iyehantu hehanyan: iyehantu konzapi yukan nakaeš.

36 Unkan wicaštayatapi kin iye tawacin kin eciyatanhan ohanye kta, qa ihduwankantu kta, qa taku wakan owasin iwankam tanka icicage kta; qa taku wakanpi tawa Wakantanka hince cin he taku wowinihan eciye kta, qa wocanteptanye yuštanpi kta hehanyan iyoopta ye kta; taku konzapi qon he ecen econpi kta nakaeš.

37 Qa iye atewicaya Wakantanka tawapi kin he akta kte šni, winohinca taku cinpi kin he nakun, qa taku wakan owasin akta kte šni: iye owasin iwankam tanka icicage kta nakaeš.

38 Tuka iye tohe kin en Taku Wakan ozuyepi tawa šuta yuhe cin he yuonihan kta: qa taku wakan wan iye atewicaye cin sdonyapi šni qon he, mazaskazi on, qa mazaska on, qa inyan tehike on, qa taku waštedakapi kin on yuonihan kta.

39 Conkaške šuta hinca ohna taku wakan tokeca, iye kahnige kte cin on hecen econ kta: wowitan on icage kta; qa hena wicota en ounyekiye kta, qa wokamna on makoce kin pamni kta.

40 Unkan owihanke kin iyehantu, hehan okaga wicaštayatapi kin he wacapa iyeye kta: tuka waziyata wicaštayatapi kin he tato iyumni wan iyececa, itkom hiyu kta, canpahniihma on, qa šuktanka akan yotankapi kin on, qa wita wata ota on: qa makoce kin hena en hiyu kta, qa apasboke kta, qa iyoopta iyaye kta.

41 Nakun makoee oiyokipi kin he en ye kta, qa makoee ota ihangyapi kta; tuka Edom, qa Moab, qa Ammon cinca tokapapi kin hena iye nape etanhan eihdakupi kta.

42 Nakun makoce kin hena ekta nape hdugute kta: qa Egypta makoee kin eihdaku kte šni.

43 Tuka iye mazaskazi qa mazaska opiye kin on wašake kta, qa Egypta en taku waštedakapi kin iyuhpa yuhe kta: Unkan Lybia qa Ethiopi  hena iye owe kin en opapi kta ce.

44 Tuka wiyohiyanpa tanhan qa waziyatanhan woyakapi kin he inihanye kta: Heon etanhan wošinhda tanka hduha waihangya ye kta, qa wicota ocowasin wicayutakuni kte šni.

45 Qa iye tawakeya tipi waštešte iyececa kin hena mini otahedan he wakan oiyokipi kin en ekihde kta: hececa ešta iye ihangyapi kta, qa tuwedan okiye kte šni ce.

DANIEL TAWOWAPI KIN WICOWOYAKE 12

1 Unkan hehan tu hin Michael, itancancinca tanka nitaoyate cinca kin on inajin ecee kin he inajin kta. Unkan hehan wokakije anpetu kta, oyate yukan hetanhan qa anpetu kin he hehanyan tohinni hecece šni. Unkan hehantu hin nitaoyate kin ehdakupi kta, tona wowapi kin en owicawapi iyeyapi kin hena owasin.

2 Unkan maka mdu kin en ištinmapi kin ota kiktapi kta, dena owihanke wanin wiconi ekta, qa hena iš wowištece, wošicedake owihanke wanica ekta.

3 Unkan tona ksapapi kin hena okotonyan wiyatpa kin iyecen wiyatpapi kta, qa tona wicota wicayuowotanpi kin hena wicanhpi iyececapi kta, ohinniyan qa owihanke wanica.

4 Tuka niye, Daniel, wicoie kin nakitaka wo, qa wowapi kin apuspa wo, owihanke iyehantu kta hehanyan: ota inyankapi icipaš kta, qa wosdonye yuotapi kta ce.

5 Hehan Daniel miye ekta ewatonwan, unkan iho, nom toktokeca najinpi, wanji deciyatanhan wakpa kin icahda, qa unma kin iš kakiyatanhan wakpa kin icahda.

6 Unkan wanji wicagta minihuha ska koyake wakpa mini kin iwankam un kin he heciya; Taku wowinihan kin dena owihanke kta tohanyan kta he?

7 Unkan wicašta minihuha ska koyaka wakpa mini kin iwankam un, nape etapa qa catka kin mahpiya ekta hdugate ca tuwe ohinniyan ni un cajeyan konza qehan hecen eya nawahon; Omaka qa omaka nonpa qa omaka hanke hehanyan kta; qa tohan oyate wakan towašake kin enanakiya iyeyayuštan kinhan, hehan dena iyuhpa yuecetupi kta ce.

8 Unkan nawahon, tuka owakahnige šni: Hehan hepa; O itancan mitawa, dena owihanke kte cin tukte e he?

9 Unkan heya; Daniel, ya wo: wicoie kin natakapi, qa owihanke kte cin hehanyan puspapi.

10 Wicota wicayutecapi kta, qa wicayuškapi kta, qa wicayuecepidan kta; tuka tona šicapi kin hena šicaya econpi kta: qa šicapi kin tuwedan okahnige kte šni; tuka ksapapi kin hena okahnigapi kta.

11 Unkan totanhan anpetu iyohi wošnapi kin yutokan iyeyapi, qa wowahtešni wayutakuni šni ece kin ehdepi kin hetanhan anpetu kektopawinge sanpa opawinge nonpa qa sanpa wikcemna napcinwanke kta.

12 Tuwe ape un, qa anpetu kektopawinge sanpa opawinge yamni, qa sanpa wikcemna yamni sanpa zaptan ehan i kinhan he yawaštepi ce.

13 Tuka niye ya wo, owihanke kin hehanyan, niye oziniciye kta nakaeš, qa anpetu ihanke kin ekta niowe kin ohna nayajin kta ce.