SOLOMON TADOWANPI KIN (Song of Solomon, Canticles)

SOLOMON TADOWANPI KIN

WICOWOYAKE 1.

1 Dowanpi Tadowan kin, Solomon tawa kin he dee.

2 lye i oiputake tawa on i imaputaka nunwe: Nitowaštedake kin he minima isanpa wašte nakaeš.

3 Ihepi watemna nitawa oomna kin on nicaje wihdi okagtanpi kin iyececa: heon etanhan witanšna unpi kin waštenidakapi.

4 Mayutitan ye, Nihakam unkinyankapi kta: Wicaštayatapi kin he iye wankantipi kin timahen amahi. Piundapi kta qa unkiniyuškinpi kta; nitowaštedake kin he minima isanpa unkiksuyapi kta: tona ecetu kin hena waštenidakapi.

5 Jerusalem cunwintkupi, miye inasapa tuka owanyag wašte, Kedar tawakeya iyececa, Solomon ozanhdepi tawa kin iyececa.

6 Masapa heon amatonwanpi šni pe, anpetu wi kin he on mas timapan nakaeš: inacincaca miye makiyapi; hastanhanka iyuwi ojupi kin awanyag emahdepi; hastanhanka iyuwi ojupi mitawa kin awanwahdake šni.

7 Minagi waštekidake cin niye, ito, omakiyaka ye, tukten wawihauyakiya, tukten wiyotanhan iwanke wicayakiya hecinhan: tokeca miye, nitawaši taoptaye kin en, wanji nuni kin iyemacece kta he?

8 Winohinca ehna owanyag niwašte hinca, he sdonyaye šni kinhan, detanhan cankuya ye, optaye owepi ohna, qa wonwicayapi tawakeyapi kin icahda hekinškayapi cinca nitawa wihanwicakiya ye.

9 Wiwašte mitawa, Pharaoh tacanpahmihma en sung wiye kin he iciyacin.

10 Nitapon oinpi skaškadan on owanyag wašte, nitahu wanapin on.

11 Mazaskazi oinpi unnicagapi kta ye, mazaska taspudan koya.

12 Wicaštayatapi kin wahna wotapi kin en yanka icunhan nard mitawa oomna hiyuya ece.

13 Waštewakidake cin hecansin waštemna opahte wan eewakiya, aze mitawa otahedan hanyetu osan wanke kta.

14 Waštewakidake cin he kopher iyage wan iyececa wadaka, En-gedi hastanhanka iyuwi ojupi kin ehna.

15 Iho, wiwašte mitawa, owanyag niwašte; han, owanyag niwašte, niišta tinwakiyedan iyececa.

16 Iho, waštecicidake, niye owanyag niwašte, han oiyokipi hinca; nakun owanka unkitawa kin he toto.

17 Untipi canhdakinyan wanke cin hena hantesa, wankan obagopi unkitawapi kin hena wazi can.

SOLOMON TADOWANPI KIN WICOWOYAKE 2.

1 Šaron onjinjintka, kaksiza en mnahcahca kin he miye.

2 Mnahcahca wapepeka ehna un kin he iyececa, wiwašte mitawa kin cunwintkuyapi kin owicapeya un.

3 Taspantanka hu taskoju can kin ehna, he iyecen waštewakidake cin he cinhintkuyapi kin owicapeya un ye. lye ohanzi tawa kin on imduskin qa en imdotanka, unkan tawaskuyeca kin mieaka en skuye hinca.

4 Miniša tipi kin en amahi; unkan tawiyokihedan miwankan un kin he wocantekiye.

5 Hastanhanka on wacintonhnagmayan ye; taspantanka on wasagmayan ye, wowaštedake on wamayazan heon.

6 lye catka kin mapa kin ihukuya, qa iye nape etapa kin he poškin mahduza ce.

7 Jerusalem cunwintkupi, tawiyedan kin on, qa tawiye tamaga kin on ceciciyapi ce, waštewakidake cin yapaninipi kte šni qa duhicapi kte šni, tohanyan iyokipi hehanyan.

8 Waštewakidake ho kin! Iho, he kin akan psipšica, paha kin akan psipšin u ye.

9 Waštewakidake cin he tawiyedan wan qa tahinca aškatudan wan iyececa ye: wan, conkaške iheyata inajin, owanyeye eciyatanhan ahitonwan, ozanpi ohna taniniciya ye.

10 Waštewakidake cin he ie ca hemakiya; Wiwašte mitawa, owanyake wašte mitawa, najin qa kuwa wo.

11 Iho, waniyetu kin wanna henakeca, magaju kin hdapte, wanna sam iyaya;

12 Maka akan wahca kin taninin; dowanpi kte cin wanna hiyohi: qa makoce unkitawapi ohnatin wakiyedan hokin nahonpi:

13 Suken can kin waskuyeca toto icahya, qa hastanhanka iyuwi hca aye cin hena omnanpi wašte. Wiwašte mitawa, owanyag wašte mitawa, najin qa kuwa wo.

14 Tinwakiyedan mitawa, imnija ohdoka ohna, he iyadipi oinahbe kin ohna, tokin niite wanmdaken, niho nawanon kta; niho kin he oiyokipi, qa niite kin owanyag wašte nakaeš.

15 Šungidan, šungidan cikcistinna hastanhanka iyuwi kiunniyanpi kin hena unkiciyuza miye: hastanhanka iyuwi unkitawapi hastanhanka stunkaka aicaga nakaeš.

16 Waštewakidake cin he miye mitawa, qa iye tawamayan: mnahcahca kin ehna wawihankiya ece ye.

17 Anpao hinanpa qa ohanzi kin kinyan iyaye kte cin hehanyan, hdicu ye, waštecicidake, tawiyedan wan iyececa un ye, qa tahinca aškatudan wan Bether he kin akan iyececa.

SOLOMON TADOWANPI KIN WICOWOYAKE 3.

1 Hanyetu icunhan mitowinja akan tuwe minagi waštekidake cin he owakide; owakide tuka iyewaye šni.

2 Wanna nawajin kta, qa otonwe kin en mde kta, canku kin ohna qa ocanku tanka ohna, tuwe minagi waštekidake cin he owakide kta ce. Owakide tuka iyewakiye šni ye.

3 Waawanyake otonwe ehnahna yapi ece kin hena iyemayanpi. Minagi waštekidake cin he wandakapi he? ewicawakiya.

4 Kitan ecinyan hena sanpa inidamda hehan tuwe minagi waštekidake cin he iyewaya: mduza qa amduštan kte šni, ecen ina tipi kin en awahdi, qa tuwe cinca mayuhe cin wankantipi mahen.

5 Jerusalem cunwintkupi, tawiyedan kin on qa tawiye tamaga kin on ceciciyapi ce, waštewakidake cin he yapaninipi kte šni qa duhicapi kte šni, tohanyan iyokipi hehanyan.

6 Tuwe šota wankan ye cin iyececa hewoskan tanhan u, myrrh qa frankincense wopeton tapejihuta mdu kin owasin koya on aizinyapi kin he tuwe he?

7 Iho we, on akiyuhapi tawa he Solomon tawa; wicašta waditaka wikcemna šakpe ihdukšan yakonpi, Israel waditakapi kin etanhan.

8 Hena owasin mazasagye hduhapi, kicizapi en wayupikapi: hanyetu en wokokipe on otoiyohi tamazasagye ceca akan yanka.

9 Solomon wicaštayatapi kin Lebanon can kin etanhan on akiyukapi wan icicaga ye.

10 Bosdan he cin hena mazaska on kaga, onnaptan kin he mazagkazi on, oakahpe kin he minihuha ša stan on, ocokaya kin he wocantekiye en owinstonpi, Jerusalem cunwintkupi kin wicakicagapi.

11 Zion cunwintkupi, inanpapiqa Solomon wicaštayatapi hunku watešdake tešdag kicaton un kin he wanyaka pe, wakanhduze anpetu kin en, qa iye cante wiyuškin anpetu kin en.

SOLOMON TADOWANPI KIN WICOWOYAKE 4.

1 Iho wo, wiwašte mitawa, owanyag niwašte; iho, owanyag niwašte; paha nisonpi otahedan niišta kin tinwakiyedan iyececa; pa hin nitawa hekinškayapi optaye wan Gilead paha akan iwankapi kin iyececa.

2 Hi nitawa optaye wan yušdapi wicayujajapi etanhan upi kin iyececa, hena otoiyohi cekpa yuhapi, qa etanhan cinca ton šni wanica.

3 Niiha hahonta duta wan iyececa; iyae cin he wiciyokipi hinca; nawate nitawa taspantanka su ota  onšpa wan iyececa, paha nisonpi otahedan.

4 Nitahu kin he David taconkaške  kin iyececa, wipe on kagapi, wahacanka kektopawinge en otkeyapi, iyuhpa wicašta wasukii wahacanka tawapi.

5 Aze nom nitawa tatawiyedan nom cekpapi, mnahcahca ehna wihanpi kin iyececa.

6 Anpao kta qa ohanzi kinyan iyaye kta, hehan myrrh he kin ekta, qa frankincense paha kin ekta, mde kte.

7 Wiwašte mitawa, ocowasin owanyag niwašte; tuktedan oniyuhi šni.

8 Lebanon etanhan miciu wo, mitawin, Lebanon etanhan miciu wo: Amana ipa kin etanhan etonwan wo, Šenir qa Hermon paha pajodan kin etanhan, mnaja otipi kin etanhan, inmutanka he kin etanhan.

9 Cante mayaki, mitawin, mitankši; niišta wanjidan on, nitahu tawanapin oboyaya wanjidan on cante mayaki.

10 Mitawin, mitankši, nitowaštedake kin he oiyokipi hinca! nitowaštedake kin miniša isanpa wašte! qa ihepi nitawaomnanpi kin he taku waštemna owasin isanpa.

11 Mitawin, canhanpi tiktica sbu huha hena ee: niceji ihukuya tuhmaga canhanpi pte asanpi ko yukan: qa nitawokoyake omnanpi Lebanon omnanpi kin iyececa.

12 Mitawin, mitankši eanwojupi natakapi kin bee; minihdoka natakapi, miniyowe askamtonpi kin heca.

13 Taku icahiyaye cin taspantanka su ota ojupi kin heca, waskuyeca wašte hinca nakun; camphire spikenard kicica:

14 Spikenard qa wahcazi kici; sinkpetawote qa canhasa, frankincense can kin owasin koya; myrrh qa aloepi hinca, wizinye waštemna ocaje owasin koya:

15 Miniyowe canwojupi, minicapi wakoniya, qa Lebanon etanhan wakpadan kin.

16 Waziyatanhan tate uya, kikta ye; qa okaga uye cin, u ye: mitawoju kin atateyanpa ye; hecen oomna waštemna kin hiyu kta. Tokin waštewakidake iye eanwojupi tawa kin en ku, qa waskuyeca wašte kin hduten.

SOLOMON TADOWANPI KIN WICOWOYAKE 5.

1 Mitawin, mitankši, eanwojupi mitawa kin en hibu: myrrh mitawa taku omna waštemna ko mnawakiya: canhanpi tiktica mitawa tuhmaga canhanpi mitawa kici wahdute: miniša mitawa asanpi iyahna wahdatkan. Mitakuye, wota po; wayatkan po, han, waštecicidapi, wiyuškinyan wayatkan miye.

2 Miš tinbe, tukamicante kiktahan yanke; Waštewakidake katoto yanka ho kin hee; Mitankši, wiwašte mitawa, tinwakiyedan mitawa, wanji taku iyaonpepica šni mitawa, makiyuhdoka wo; mapa kin cu ojudan, qa mapa hin hanyetu osbuye kin ojudan nakaeš.

3 Onhdohda wahdusdoka, token ake wecun kta he? siha wahdujaja, token ake samwakiye kta he?

4 Waštewakidake cin he owanyeye eciyatanhan nape hiyuye, unkan iye on tanmahen mihduškanškan.

5 Waštewakidake wakiyuhdoke kta najin imdamda, unkan inatake iyuze akan minape etanhan myrrh sbuya, qa minapsukaza myrrh waštemna sbuya.

6 Waštewakidake wakiyuhdoka; tuka waštewakidake cin he wanna ihdutokan iyaya: ie cehan minagi hiyu tuka: owakide tuka iyewaya owakihi šni: wakipan tuka amayupte šni ye.

7 Waawanyake otonwe ohomni yapi kin hena iyemayanpi, hena amapapi, hena ksuwemayanpi: conkaške  awanyakapi kin hena ite akahpe kin makipi.

8 Jerusalem cunwintkupi, ceciciyapi ce, waštewakidake cin he iyeyayapi kinhan wowaštedake on wamayazanka he oyakidakapi kte.

9 Winohinca wicehna owanyag niwašte hinca, wašteyakidake cin he waštedakapi tokeca taku on isanpa he? wašteyakidake cin taku on waštedakapi tokeca wan isanpa wašte he, on hecen ceunyakiyapi he?

10 Waštewakidake cin he ska qa samna, kektopawinge wikcemna ehna okitanin hinca.

11 Pa kin he mazaskazi ecedan: pa hin kin hena yuhaha qu šapšapa, kangi iyececa:

12 Išta kin tinwakiyedan mini wakpa icahda kin iyececa, pte asanpi ohna yujajapi, ayuco ostanpi:

13 lye tapon taku omna waštemna oicage kin iyececa, wahea waštemna kin iyececa: iha kin mnahcahca iyececa, myrrh waštemna shuyapi:

14 lye nape kin mazaskazi nape upe beryl ostanpi kin iyececa: tezi kin he huhu wiyatpa sapphire akahpapi kin iyececa:

15 lye hu kin inyan škaška ihupa mazaskazi ecedan oyuštanpi kin en ehdepi iyececa: ite kin Lebanon iyececa, hanteša kin iyecen oiyokipi hinca.

16 lye i kin skuye hinca: han, ocowasin wašte hinca. Jerusalem cunwintkupi, waštewakidake cin he dee, qa mitakoda hinca hee.

SOLOMON TADOWANPI KIN WICOWOYAKE 6.

1 Winohinca ehna owanyag niwašte hinca, wašteyakidake cin he tokiya iyaya he? wašteyakidake cin he tokiya icunonpa iyaya he? niyeci unkodepi kta ce.

2 Waštewakidake cin he iye eanwojupi tawa kin ekta iyaya, taku omna waštemna oicage ekta: eanwojupi kin en wawihanye kta, qa mnahcahca hduspi kta.

3 Waštewakidake cin he tawamayan, qa waštewakidake cin he miye mitawa; mnahcahca kin ehna wawihanyan ece ye.

4 Wiwašte mitawa, owanyag niwašte hinca, Tirzah iyececa, Jerusalem iyecen oiyokipi hinca, ozuye wiyokihedan yuhapi iyecen wokokipe hinca.

5 Miye etanhan niigta hduho, mni wo, hena maktepidan: pa hin nitawa hekinškayapi optaye Gilead en iwankapi kin iyececa.

6 Nihi kin hena tahcaska wanunyanpi optaye wicayujajapi etanhan iyayuptapi kin iyececa, henaotoiyohicekpayuhapi,qa hena etanhan cinca ton šni wanica.

7 Paha sonpi otahedan nawate nitawa taspantanka su ota onšpa wan iyececa.

8 Wicaštayatapi winohinca wikcemna šakpe, qa winohinca wicayuhapi wikcemna šahdogan, qa witanšna unpi yawapica šni.

9 Tinwakiyedan mitawa, wiyaonpica šni mitawa kin he wanjidan, hunku tawa kin he išnana, tuwe y uhe ciqon hdahnige cin hee. Cunwintkuyapi kin hena wanyakapi qa yawaštepi; wicaštayatapi winohinca qa winohinca wicayuhapi kin henanakun yaonihanpi.

10 Tuwe anpao iyececa etonwan, hanyetu wi iyecen owanyag wasle, anpetu wi kin iyecen wiyatpa, ozuye wiyokihedan yuhapi iyecen wokokipe hinca, he tuwe he?

11 Hma can wojupi kin ekta kun imdamda, kaksiza en waskuyeca kin wanmdake kta, hastanhanka iyuwi icaga hecinhan, taspantanka su ota camni uye wanmdake kta.

12 Sdonwakiye šni, ihnuhanna minapi Amminadib tacanpahmihma iyececa micicaga.

13 Hdicu wo, hdicu wo, Šulami; hdicu wo, hdicu wo,wanunniyakapikta. Šulami en taku wandakapi kta he? Ozuye nom owaci kin iyececa ce.

SOLOMON TADOWANPI KIN WICOWOYAKE 7.

1 Wicaštayatapi cunwintku, nisiha hanpokiton kin hena owanyag wašte hinca: ceca okihe nitawa wamnuha tuwe wayupika nape on kage cin hena iyececa.

2 Nicekpa kin he wakšica ohmihma niinisa iyujimnana kin hee: nitezi kin he aguyapi su opaha wan mnahcahca ihdukšan hiyeye cin he iyececa.

3 Aze nom nitawa tawiyedanpi aškatudan cekpapi kin iyececa.

4 Nitahu kin he pasuhanska hi tipipasotka kin iyececa: niišta Hešbon miniyowe kin iyececa, Bath-Rabbim tatiyopa kin etu: nipoge Lebanon conkaške Damascus ektakiya etonwe cin he iyececa.

5 Nipa akan niyanke cin he Carmel iyececa, qa nipa hin boyaya kin ša stan iyececa: sonpi kin on wicaštayatapi kin kaškapi ye.

6 Wiwašte mitawa, owanyag niwašte, qa wowiyuškin on oiyokipi hinca yaun.

7 Nihanske cin he canwapaicadu can kin iyececa, qa aze nitawa iyage kin iyececa.

8 Canwapaicadu can kin en mde kta, adetka kin mduze kta ce, epa: unkan hinnakaha aze nitawa hastanhanka iyage imdacin kta, qa nipoge omnanpi kin taspantanka iyecece kta:

9 Qa nicaka kin niinisa wašte iyececa, he waštewakidake cin en katinyan ya, tona ištinmapi iha akan iwaštedan iwicayaya

10 Waštewakidake cin he tawamayan, qa iye tocantekiye kin miye en mau ye.

11 Waštecicidake, kuwa, maga kin ekta unye kta, otonwe cistinna kin hena ekta owanka ku unpi kta.

12 Hanhanna hinca hastanhanka iyuwi ojupi kin ekta unye kta; wiyuwi kin icage cinhan wanunyake kta, iyage štunkaka wanna tanin hecinhan, taspantanka su ota  kin wanna camni uye cinhan: heciya mitocantekiye cicu kta.

13 Wocantekiye waskuyeca kin oomna hiyuya, qa tiyopa unkitawapi ohna waskuyeca wašte ocaje owasin, teca qa tanni, waštecicidake, hena ecicihnaka ce.

SOLOMON TADOWANPI KIN WICOWOYAKE 8.

1 Mihunkawanji, ina aze hdazoke ciqon, tokin henicecen; unkanš canku ohna iyeciciya ehantanhan iiciputake kta: hececa ešta miye wahtemadapi kte šni.

2 Yuš aciye kta, ina tipi kin en acii kta, he onspemakiye kta: miniša icicahiyapi taspantanka su ota hanpi mitawa kin he yatkeciciye kta tuka ye.

3 Iye nape catka mapa kin ihukuya kta, qa etapa kin poškin mahduze kta tuka.

4 Jerusalem cunwintkupi, ceciciyapi ce, waštewakidake cin he yapaninipi kte šni, qa duhicapi kte šni, tohanyan iyokipi hehanyan.

5 Tuwe hewoskan tanhan u, waštekidake cin he hdus un kin he tuwe he? Taspantanka hu kin ihukuya najinciciya; nihun hen niton; tuwe niyuhe cin he hen niton.

6 Askape wan iyecen nicante en, ipuspe wan iyececa niisto akanemahnaka ye: wowaštedake kin wiconte iyecen wašaka: wowinawizi kin he wicahapi iyecen suta: he pehnige kin peta pehnige ide hinca heca.

7 Mini ota wowaštedake kašni kte šni, qa mini tanka kin spayeye kte šni: wicašta wan iye tipi tawahpaya kin iyuhpa wowaštedake on tokiyopekiya ešta, he oeowasin aktapi kte šni.

8 Tankšiunyanpi kin he cistinna qa aze nica. Anpetu en tankšiunyanpi kin dapi kinhan token ecaunkiconpi kta he?

9 He conkaške unkanš akan mazaska tipi wan unkagapi kta; he tiyopa unkanš hante ša canmdaška on onauntakapi kta tuka do.

10 Miye qe conkaške hemaca, qa aze mitawa pajodan iyececa. Heon iye išta kin en wanji wo cantekiye iyekiye cin hemaceca ye.

11 Baal-Hamon en hastanhanka iyuwi ojupi wan Solomon yuha: wiyuwi ojupi kin he waawanyake owicaqu: waskuyeca on otoiyohi mazaska kektopawinge kahi kta.

12 Wiyuwi ojupi mitawa mitokam wanke cin he mitawa. Solomon, niye kektopawinge duhe kta, qa tona waskuyeca awanyakapi kin hena opawinge nonpa yuhapi kta ye.

13 Canwojupi kin en ounyaye cin, okodakiciye kin hena niho anagoptanpi ece: he is nahonmakiya wo.

14 Waštecicidake, najica u ye, qa taku omnanpi wašte paha kin akan tawiyedan kaeš tahinca cinca wan iyececa un ye.

WOHOKONWICAKIYA KIN (Ecclesiastes) 7- 12

WOHOKONWICAKIYA KIN WICOWOYAKE 7.

1 Wicacaje wašte kin he wihdi waštemna isanpa wašte, qa anpetu en wicate cin he anpetu en tonpi kin isanpa wašte.

2 Wicaceya tipi ekta yapi kin he wayatkanpi tipi ekta yapi kin isanpa wašte; eqe wicašta owasin owihankepi kin hee, qa ni un kin he iye cante en ekihnake kta.

3 Wacjniyokišicapi kin he ihapi kin isanpa wašte; wicite iyokišice cin on wicacante kin yuwaštepi nakaeš.

4 Wicašta ksapapi cante kin he wicaceya tipi kin ohna yanka; tuka witkotkokapi cante kin iyašapi tipi kin ohna yanka.

5 Wicašta ksapa wawiyopeye cin nahonpi kin he wašte, witkotkokapi dowanpi wicašta nahon kte cin he isanpa.

6 Cega wan ihukuya wapepeka ho kin witkotkokapi ihapi kin iyececa. He nakun takušni.

7 Awicakehan wokakisyapi kin he wicašta ksapa yuwitkotkoka; qa taku wicaqupi kin he wicacante kin yušica ece.

8 Wicoie ihanke kin he otokaheya kin isanpa wašte; qa woniya wacintanka kin he woniya wahanicida kin isanpa wašte.

9 Ihnuhan nitaniya en canniniyan inayahni kinhan: wocanniye kin he witkotkokapi maku ohna yanka ece.

10 Tokeca anpetu tokaheya qon anpetu kin dena isanpa wašte he? ihnuhan ehe cinhan: wokšape eciyatanhan de on winunge šni, heon etanhan.

11 Wokšape kin he wašte, woyuha yuhapi kicica; qa tona anpetu wi wanyakapi wokamna tawapi kin hee.

12 Wokšape kin he wowinape, qa mazaska he wowinape; tuka wosdonye wokamna kin, wokšape tona yuhapi wiconi wicaqu ece kin hee.

13 Wakantanka taku kaje kin awacin wo: taku škopa kage cin tuwe owotanna kage kta okihi he?

14 Anpetu wašte kin en cante wašte wo; tuka wošice anpetu kin en waawacin wo: nakun dena icitkokim Wakantanka kaga, wicašta iye iyohakam takndan iyeye kte šni heon etanhan.

15 Anpetu takušni mitawa kin icunhan dena iyuhpa wanmdaka miye: wicašta owotanna iye toowotanna en kašpapi, qa wicašta šica iye tohan šice cin en ihdutehan ece e yukan.

16 Ihnuhan owotanna hinca yaun, qa ksape hinca nicicage cinhan: tokeca nihdutakuni kte šni he?

17 Ihnuhan šice hinca nicicage ca winitkotkoke cinhan: tokeca nahahin iyenihantu šni nite kta he?

18 De duze kte cin he wašte; han, nakun detanhan ninape ehdaku šni wo: tuwe Wakantanka kokipe cin he iyuhpa etanhan hdinanpe kta.

19 Wokšape he wicašta ksapa kin yuwašaka, wicašta wašaka wikcemna otonwe ohna yukanpi kin isanpa.

20 Awicakehan maka akan wicašta owotanna, taku wašte ece econ qa wahtani šni kin heca wanica.

21 Nakun wicoie eyapi kin owasin ekta cante yeye šni wo; okinni nitaokiye niyašica nayahon kta:

22 Niš eya nakun tokeca icijehan wicadašica nicante sdonkiya nakaeš.

23 De ocowasin wokšape on imdute: Wakšape kta ce, epa; tuka he mitehan un.

24 Taku itehanyan yanke ca temahentu hince cin he tuwe iyukcan okihi kta he?

25 Miye qa micante mihduhomni, sdonwaye kta, qa owade kta, qa wokšape wowiyukcan ko awakite kta, qa wowitkotkoke wošice kin sdonwaye kta, han, wowitkotkoke wotakušni koya.

26 Unkan isanpa pa te winohinca kin iyeya miye, winohinca tuwe cante kin mazahtakiyapi qa on hmunkapi, nape kin mazaicaške kin heca he wiconte isanpa pa hinca iyewaye: tuwe Wakantanka itokam wašte kin he etanhan ihduspe kta; tuka wahtani sa kin he iye on yuzapi kta.

27 Wanyaka wo, de iyewaya ce, Wohokonwicakiya kin eya; wanjidan wanjidan iyahna wowiyukcan kin iyeye kta;

28 He hinyahin minagi akita, tuka iyewaye šni ce: kektopawinge ehna wicašta wanjidan iyewaya; tuka dena owasin ehna winohinca wanjidan iyewaye šni.

29 Wanyaka wo, decedan iyewaya, Wakantanka wicašta owotanna kaga; tuka iye qe wowiyukcan ota akitapi ece.

WOHOKONWICAKIYA KIN WICOWOYAKE 8.

1 Tuwe wicašta ksapa iyececa he? qa tuwe e wicoie iyukcan sdonya he? wicašta toksape kin he iye ite kin iyehkiya, qa ite tosuta kin yutokeca kta.

2 Miye wahokonciciya, wicaštayatapi tawoahope kin patan wo, qa taku Wakantanka cajeyatapi kin en eciyatanhan.

3 Iye itokapatanhan de kta inahni šni wo; wicoie šica en inajin šni wo; iye qe taku cin kin owasin econ nakaeš.

4 Wicaštayatapi oie kin tukten yanke cin hen wowašake yukan; unkan tuwe, Taku ecanon he, eciye kta he?

5 Tuwe woahope kin patan kinhan he taku šica sdonye kte šni: qa wicašta ksapa cante kin he tohan iyehantu qa wowiyukcan kin sdonye kta.

6 Taku owasin on wiyukcanpi qa tohan iyehantu yukan ece; heon etanhan wicašta wošice tanka kiciyanke:

7 Taku u kte cin he sdonye šni nakaeš: ecin tohantu kte cin tuwe okiyake kta he?

8 Wicašta tuwedan woniya on wašake šni, iye taniya hduhe kta heon; qa nakun tuwedan wiconte anpetu kin en wowašake hduhe šni: qa okicize kin de en tuwedan kiyuškapi šni: nakun taku šica tona en iyohpayapi kin hena wicayušpe kte šni.

9 De ocowasin wanmdaka miye, qa taku anpetu wi ihukuya econpi kin owasin ekta micante ewacin wakiya: tohan wicašta wanji iš wicašta tokeca wowidagya on taku šica akipa ciyehantu yukan.

10 Unkan tiecen wicaštapi šica wicahapi wanmdaka, hena upi qa oyanke wakan kin etanhan iyayapi, unkan otonwe en heconpi kin hen awicakiktonjapi. De nakun takušni.

11 Taku šica econpi yacopi kin kohanna yuštanpi šni, heon etanhan wicašta cinca cantepi kin šicaya econ wacinkiyuzapi hinca.

12 Wahtani sa wan opawinge akihde taku šica econ qa tehan ni ešta, tona Wakantanka kokipapi, tona iye itokam kokipapi kin hena tanyan unpi kta, awicakehan sdonwaya.

13 Tuka tuwe šice cin he taku wašte yuhe kte šni, qa taanpetu hdutehan kte šni, hena ohanzi iyececa; Wakantanka itokam kokipe šni, heon etanhan.

14 Takušni wan maka akan econpi; wicaštapi owotannapi wicaštapi šicapi ohanpi kin eciyatanhan iyecen akipapi; akeš wicaštapi šicapi kin iš wicaštapi owotannapi ohanpi kin eciyatanhan iyecen akipapi. He nakun takušni ce, epa.

15 Hehan wiyuškinpi kin he mdawašte, wicašta anpetu wi ihukuya taku sanpa wašte yuhe šni, wote kta, qa wayatke kta, qa wiyuškin kta: iye tohtani etanhan, anpetu ni un, anpetu wi ihukuya Wakantanka taku qu kin he hduhe kta nakaeš.

16 Unkan wokšape sdonwaye kta e micante awacinwakiya, qa maka akan wicohan econpi kin wanmdake kta: nakun tuwe anpetu icunhan qa hanyetu icunhan išta on woištinma wanyake šni yukan:

17 Hehan Wakantanka tohan owasin wanmdaka miye; anpetu wi ihukuya wicohan econpi kin owasin wicašta wan iyeye kta okihi šni: wicašta wan he iyukcan kta htani qeyaš iyeye kte šni; han, nakun wicašta ksapa he sdonye kta keya ešta, iyeya okihi kte šni.

WOHOKONWICAKIYA KIN  WICOWOYAKE 9.

1 Dena owasin micante ekta yewaye, qa de ocowasin omdake kta, wicašta owotanna qa ksapapi, qa wicohan tawapi iyuhpa Wakantanka nape ohna yakonpi: taku wicitokam un qon owasin on wicašta tuwedan wowaštedake qa wošicedake unmana sdonye kte šni.

2 Iyuhpa akiyecen owasin en awicau; wicašta owotanna qa wicašta šica taku wanjidan awicakipa; tona wašte, qa tona ska qa tona sapapi kin; tuwe wošna qa tuwe wayušna šni kin: wašte kin he wahtani sa kin iyececa; tuwe cajeyata eciyatanhan taku eye cin he tuwe cajeyata kokipe cin iyececa.

3 Anpetu wi ihukuya taku econpi kin owasin en dee šica, owasin taku wanjidan akipapi kin hee: han, nakun wicašta cincapi cantepi taku šica ojugjudan, nakun tohanyan ni unpi wowitkotkoke cantepi kin en un, qa he iyohakam tapi kin ekta iyayapi.

4 Tuwe ni unpi kin iyuhpa ekta kahnigapi kin he wowacinye yuha; sunka ni un kin he mnaja te cin isanpa wašte nakaeš.

5 Tona nipi kin hena tapi kta sdonkiyapi; tuka tapi kin hena takudan sdonyapi šni, qa nakun sanpa iyunwin yuhapi šni; hena wicakiksuyapi kin hee kaeš akiktonjapi.

6 Nakun wawaštedakapi qa wašicedakapi qa wawinawizipi qon wanna henakeca; qa hetanhan anpetu wi ihukuya taku econpi kin takudan tawapi šni owihanke wanica.

7 Ya wo, aguyapi nitawa iyuškinyan hduta wo, qa cante wašteya minima hdatkan wo; nakaha niohan kin Wakantanka iyokipiya.

8 Nitawokoyake kin ohinniyan ska nunwe; qanipa kin ihepi codan un šni nunwe.

9 Nitawin wašteyakidake cin he kici wiyuškinyan ni wo, takušni wiconi nitawa anpetu kin owasin, anpetu wi ihukuya takušni anpetu nicu kin iyuhpa: wiconi kin de en qa anpetu wi ihukuya wicohan ecanon kin en taku nitawa kte cin hee nakaeš.

10 Ninape taku econ kta iyeye cin he token oyakihi econ wo: wicahapi ekta de cin heciya wicohan wanica, wicotawacin wanica, wosdonye wanica qa wokšape wanica, heon etanhan.

11 Wahdicu qa anpetu wi ihukuya tuwe duzahe cin he oinyanke kin en ohiye šni wanmdaka, qa wašake cin he okicize en ohiye šni, qa nakun ksapapi kin aguyapi yuhapi šni, qa wicašta wakahniga kin hena wowijice yuhapi šni, qa nakun wicašta wayupikapi woiyokipi yuhapi šni; tuka tohantu qa toketu kin hena owasin en awicau ece.

12 Nakun tohantu kte cin wicašta sdonkiye šni: hogan ho šica wan on wicayuzapi kin iyececa, qa zitkadan on hmunkapi wan on wicayuzapi iyececa; he iyecen wicašta cincapi anpetu šica en wicayahtakapi, ihnuhanna awicahinhpaye cinhan.

13 Nakun anpetu wi ihukuya wokšape kin de wanmdaka miye, unkan he tanka wadaka:

14 Otonwe wan cistinna qa ohna wicašta tonana: unkanwicaštayatapi tanka wan he takpe u, qa aonataka qa conkaške  tanka en akaga:

15 Unkan he ohna wicašta ksapa onsika wan iyeyapi, qa iye toksape kin eciyatanhan otonwe kin nikiya: hececa ešta tuwedan wicašta onsike cin kiksuye šni.

16 Hehan hepa; Wokšape he wowašake isanpa wašte: hececa ešta wicašta onšike cin he toksape kin dektayapi qa oie kin anagoptanpi šni.

17 Wicašta ksapa oiepi kin ainina anagoptanpi, tuwe witkotkokapi ehna itancan hoyeye cin he isanpa.

18 Wokšape he okicize wipe kin isanpa wašte: tuka wahtani sa wanjidan taku wašte ota ihangya ce.

WOHOKONWICAKIYA KIN WICOWOYAKE 10.

1 Honagidanpi tapi ihepi kaga tawihdi kin šicamna kiya ece: tuwe wokšape qa woyuonihan  on yatankapi kin he wowitkotkohe oie ota.

2 Wicašta ksapa cante kin iye etapa eciyatanhan yanka, tuka witkotkoka cante kin he catka tanhan yanka.

3 Han, nakun tuwe witkotkoke cin he canku ohna mani eca cante kiwanica, qa iye witkotkoka e owasin owicakiyaka.

4 Tuwe itancan kin he taniya nitkokim inajin kinhan nitohe ayuštan šni wo; inina unpi kin he woahtani tanka yuwašte ece.

5 Anpetu wi ihukuya taku šica wanji wanmdaka, ecinšniyan econpi wan tuwe itancan kin itokapatanhan hiyu:

6 Wowitkotkoke kin wankan wapa ehnakapi, qa wijicapi kin iš kuya iyotankapi:

7 Wowidake unpi kin hena šuktanka akan iyotankapi wanmdaka, qa wicaštayatapi cincapi makata manipi, wowidake unpi iyececa.

8 Tuwe woha wan qe cinhan en ohinhpaye kta, qa tuwe conkaške  wan yujuju kinhan wamduška wan yahtake kta.

9 Tuwe inyan qe cinhan hena on kiunniye kta: tuwe can kasdesdece cin he on ksuweiciye kta.

10 Mazasapa kin he pe šni, qa he hdube šni kinhan, nina hin wašagya econ kta: tuka wokšape he yukcankiya okihi.

11 Wamduška kin ajijipi šni kinhan wicayahtake kta; qa tuwe iwakan kin iš he isanpa wašte šni.

12 Wicašta ksapa i oie kin hena wowašte; tuka witkotkoka iha kin iye naicipce kta.

13 Iye i oie tokaheya kin he wowitkotkoke; qa taku eya owihanke kin he iš wowitkotkoke šice hinca.

14 Nakun witkotkoke wan oiepi ojudan ce: taku kte cin wicašta wan sdonye šni; qa iye iyohakam taku u kte cin tuwe okiyake kta okihi he?

15 Witkotkokapi htanipi kin mdokitewicaya ece, ecin token otonwe ekta ye kta sdonkiye šni.

16 Hehehe makoce, wicaštayatapi nitawa hokšiyopa kinhan, qa wicaštaytapi cincapi nitawa hanhannahinca wotapi kinhan!

17 Makoce, niyawaštepi ce, wicaštayatapi nitawa wicašta tanka cinca hecinhan, qa wicašta itancanpi nitawa tohan iyehantu eca wotapi kinhan, wasakapi kta heon qa witkopi kte šni.

18 Wokuje ota on tipi tihuha kin hinhpaya; qa wicanape takudan econ šni kin on tipi kin ohiyu ece.

19 Ihapi kta on aguyapi kagapi, qa miniša wicani wiyuškinkiya ece: tuka mazaska taku owasin on waayupte.

20 Nitawacin hee kaeš en wicaštayatapi kin yašice šni wo; qa tipi ohna nunke cin mahen tanhan wijice cin yašice šni wo: mahpiya zitkadan wan wicaho kin aye kta, qa taku hupahu ton kin he wicoie kin oyake kta, heon. ke cistinna hduhe cmhan he iyececa.

 WAHOKONWICAKIYA KIN  WICOWOYAKE 11.

1 Aguyapi nitawa mini ite kin akan kada ehpeya wo; anpetu ota kinhan ake iyeyakiye kta.

 2 Onge šakowin wicaqu wo, qa nakun šahdogan: taku šica maka akan un kta tukte e sdonyaye šni nakaeš.

3 Mahpiya šapa kin mini ojugjudan kinhan maka akan ihducokapi; qa can wan okaga hinhpaya, kaeš waziyatakiya hinhpaya kinhan, tukte en can wankahan hecinhan hen wanke kta.

4 Tuwe tate kin iwanyake cinhan woju kte šni; qa tuwe mahpiya šapa kin ekta ewacin kinhan aguyapi bakse kte šni.

5 Iyecen taniya tacanku kin taku he niye sdonye šni, kaeš tuwe ihdušaka tamni ohna token huhu icage cin šni, he iyecen Wakantanka taku owasin kage cin he taku kage kin sdonyaye šni.

6 Hanhanna eca nitawoju kin okikju wo, qa htayetu eca ninape ehdaku šni wo: unma tukte icage kta, dee qa hee, kaeš napiu akiyecen wašte kta sdonyaye šni.

7 Awicakehan iyoyanpa kin he oiyokipi hinca, qa wicašta anpetu wi wanyake cin he wašte:

8 Tuka wicašta wan waniyetu ota ni, owasin on iyuškin ešta, otpaza anpetu kin kiksuye kta iyececa; hena is eya ota kta. Taku u kte cin iyuhpa takušni.

9 Koška, hokšiyopa icunhan cante wašte wo; qa koniska anpetu kin en nicante iyuškiniciya nunwe; qa nicante tacanku kin ohna mani wo, qa niišta wawanyake cin en: tuka dena owasin on Wakantanka woyaco en aniu kta, he sdonya wo.

10 Heon etanhan nicante etanhan wicocantešice hdutukan wo, qa nicehpi etanhan taku šica ehpeya wo: hokšiyopa qa koška unpi kin napin takušni nakaeš.

WAHOKONWICAKIYA KIN WICOWOYAKE 12.

1 Wanna koniska anpetu kin en Wawicahniye cin he kiksuya wo, anpetu šice cin hinyahin ahi šni, qa waniyetu en, Hena ecaca iyomakipi šni ce, ehe kte cin hinyahin kiyadan u šni:

2 Anpetu wi, qa iyoyanpa, qa hanyetu wi, qa wicanhpi kin hinyahin aotpasyapi šni, qa mahpiya šapa magaju iyokakam ake hdiyohi icunhan:

3 Anpetu kin en ti awanhdakapi kin cancanpi kta, qa wicašta wašaka patus iciyapi kta, qa hi wiyakpan kin hena ayastanpi kta, tonana heon, qa owanyeye eciyatanhan eyokasinpi kin aotpasyapi kta;

4 Qa canku ohna tiyopa kin ecen icupi kta, wotpanpi ho kin ayuštankiyapi kinhan; qa zitkadan hoton kin on inajin kta, qa dowanpi cunwintkupi iyuhpa kun ehpeyapi kta:

5 Nakun taku wankantu kin kokipapi kta, qa canku ohna kopehdapi kta; qa uma kin he aktapi kte šni, qa psipšicadan kin he wosake dapi kta, qa cinpi kin he enakiyapi kta: wicašta tipi owihanke wanice cin he ekta hde kta nakaeš, qa tona ceyapi kin hena canku ohna yapi ece:

6 Nahanhin mazaska ikan kin yuškapi šni, qa mazaskazi wiyatke kin yuptujapi šni, qa waksica miniyowe kin ekta kamdecapi ni, qa minihdoka en iyuhmihma kin yuwegapi šni itokam.

7 Hehan makamdu kin token un qon maka kin ekta hde kta, qa wicaniya kin he Wakantanka qu qon he ekta hde kta.

8 Takušni takušni, Wahokonwicakiya kin eya; owasin takušni ce.

9 Unkan Wahokonwicakiya kin he sanpa ksapa nakaeš, heon etanhan nakun oyate kin wosdonye onspewicakiya; han, nina awacin qa wicoie wakan ota owotanna kage kta akita.

10 Wicoie oiyokipi Wahokonwicakiya kin iyeye kta akita: unkan taku owapi kin he owotanna, wowicake oie kin heca.

11 Wicašta ksapa oie kin hena wicahtake kin iyececa, qa wonwicaye wanjidan etanhan qupi mazaiyokatkuge omniciye itancanpi okatanpi kin iyececa.

12 Nakun, micinkši, dena on onspeicieiya wo: wowapi ota kagapi kin he owihanke yuke šni; qa nina wayawapi kin he wicacehpi mdokiteya ece.

13 Wicoie ocowasin yuštanpi kin he naunhonpi kte; Wakantanka kokipa wo, qa iye tawoahope kin ahopa wo: wicašta ocowasin kin hee.

14 Wakantanka wicohan owasin woyaco on an kta nakaeš, taku nahmanpi iyuhpa koya, wašte qa šica unma tukte kašta.