Zephaniah

ZEPHANIAH

WICOWOYAKE 1.

1 Josiah Amon cinhintku Judah wicaštayatapi taanpetu kin en, Jehovah oie Zephaniah Cuši cinhintku, Gedaliah cinhintku, Amariah cinhintku, Hizkiah cinhintku kin en hi kin he dee.

2 Ihangyapi on makoce ite kin etanhan taku owasin ihangwaye kta ce, Jehovah eya.

3 Wicašta qa woteca ihangwicawaye kta; mahpiya zitkadan qa miniwanca hogan kin ihangwaye kta, qa taku on wahtaniwicayapi, wicohan šica econpi koya: qa maka ite kin etanhan wicašta ihangwicawaye kta ce, Jehovah eya.

4 Nakun Judah iwankam miye nape wahdugate kta, qa Jerusalem en ounyanpi kin iyunpa ekta; qa oyanke kin de etanhan Baal okicaptapi kin ihangwaye kta, Chemarimpi cajepi qa wawayušnapi kin hena koya:

5 Qa tona tiakahpe ekta mahpiya ozuye kin ohodapi; han, tona ohodapi, tona Jehovah on iciconzapi qa nakun Malcham on iciconzapi ece:

6 Qa tona Jehovah etanhan namnipi, nakun tona Jehovah akitapi šni, qa on wawiwangapi šni kin hena.

7 Jehovah Itancan kin itokam inina yanka wo: Jehovah taanpetu kin he kiyedan ihan nakaeš: Jehovah wošna wan hduwiyeya nakaeš, tona wicakico kin hena wicayuwakan,

8 Unkan Jehovah tawošna anpetu kin en kaketu kte; wicašta ihdawapi qa wicaštayatapi cinca kin wanyag wicawahi kta, qa tona wokoyake tofeeca on ihduzapi kin hena iyuhpa.

9 Nakun anpetu kin he en, tona tiyopa oahe akan ipšicapi kin hena wanyag wicawahi kta; tona itancan tawapi tipi woihangye qa wohnaye on ojuyapi ece kin hena.

10 Unkan anpetu kin he en kaketu kte, Jehovah eya; hogan tiyopa kin etanhan ceyapi ho yeyapi kta, qa tiyopa inonpa kin etanhan šicahowayapi kta, qa woihangye tanka wan paha kin etanhan kta ce.

11 Makteš en ounyanpi kin, šicahowaya po; wopeton oyate kin ocowasin ihangyapi nakaeš; tona mazaska qinpi kin iyuhpa atakunipi šni.

12 Unkan hehan kaketu kte, petijanjan yuha Jerusalem en owakide kta, qa wicašta cetete akan pustag iyotankapi kin hena wanyag wicawahi kta; tona cante rnahen heyapi, Jehovah taku wafite econ kte šni, qa nakun taku šica econ kte šni ce, eyapi ece kin hena.

13 Heon etanhan wahpaya tawapi kin wicakipi kta, qa tipi tawapi kin otiwita kta: Nakun hena e šipi kagapikta, tukaotipi kte šni; qa hastanhanka iyuwi ojupi kta, tuka etanhan miniša yatkanpi kte šni ce.

14 Jehovah taanpetu tanka kin kiyedan hinca; kiyedan qa mahni hinca: Jehovah taanpetu ho kin: he en wicašta waditake cin šicahowaye kta.

15 Anpetu kin he wocanniye anpetu; wonihinciye qa wicacante šica anpetu; woihangye qa woyutakunišni anpetu; anpetu amahpiya qa otpaza hinca:

16 Mazayahotonpi tanka qa iyašapi anpetu, otonwe acankaskapi akan qa conkaške  tehan wankantu kin ekta.

17 Unkan wicašta en wonihinciye awicawau kta, hecen ištagongapi iyecen manipi kta; Jehovah en wakihtanipi nakaeš: unkan iye we kin kaštanpi kta, maka mdu iyececa, qa cehpi tawapi kin tacesdi iyecece kta.

18 Mazaska tawapi qa nakun mazaskazi tawapi, Jehovah tocanniye anpetu kin en ewicahdaku okihi kte šni: Tuka tawowinawizi peta kin on makoce ocowasin huhnage kta: ihnuhanna woihangye wan kage kta nakaeš, maka akan ounyanpi kin owasin en.

ZEPHANIAH WICOWOYAKE 2.

1 Oyate wištece šni yaun, ihduwitaya wo; han, ihduwitaya wo.

2 Wokonze kin hinyahin icage šni; anpetu kin aguyapi ha kin iyecen hiyaye kta; Jehovah tošinhda wohitike cin en niupi šni itokam; Jehovah tocanniye anpetu kin en niupi šni itukam:

3 Maka akan onsihan yaunpi kin owasin, Jehovah akita po, tawoyaco ecen ecanonpi kin; woowotanna akita po, wowahbadan akita po: okitini Jehovahtocanniye anpetu kin en anicahpapi kta ce.

4 Gaza otiwita kta, qa Aškelon hewoskan kta Ašdod anpecokaya hehan napewicayapi kta, qa Ekron yujun icupi kta ce.

5 Hehehe, miniwanca kahda ounyanpi; Cherethi oyate kin; Jehovah oie kin itkonicipapi: Canaan, Philistia makoce kin, niye ihangciye kta, en ounyanpi wanice kta ce.

6 Tuka miniwanca kahda ohna wihanpi yuke kta, wihanwicakiyapi miniyowe qa optaye otipi kta.

7 Han, makoce kin he Judah tiyohnaka okaptapi kin yuhapi kta, he ohna wotapi kta: htayetu hehan Aškelon tipi kin ohna iwankapi kta: Jehovah Wakantanka tawapi kin he wanyag wicahi kta, qa wayaka unpi kin hdicukiye kta nakaeš.

8 Moab waawicaie cin hena nawahon, qa Ammon cinca i kapapi kin, on mitaoyate iyopewicayapi, qa makoce opapun tawapi kin en wahanhanicidapi ecee qon.

9 Heon etanhan Israel Wakantanka tawa kin he miye ni waun, Jehovah ozuye yuhe cin he hecen eya; Awicakehan Moab Sodom iyecece kta, qa Ammon cinca kin Gomorrah iyecece kta, makoce wapepeka oicage kta, qa miniskuya oqapi yuke kta; qa owihanke wanica otiwita kta: mitaoyate okaptapi kin hena wicakipi kta, qa mitaoyate etanhan wookapte kin hena wicayuhe kta.

10 Wahanicidapi kin on decen waakipapi kta, Jehovah ozuye yuha taoyate kin i en iyewicayapi, qa en ihdatanpi kin heon etanhan.

11 Hena en Jehovah wohitike kta; maka akan taku wakan kin iyuhpa wicayušihtin kta nakaeš. Unkan otoiyohi oyanke tawa kin etanhan iye ohodapi kta, han, Ikcewicašta wita kin iyuhpa.

12 Nakun Ethiopi, niyepi mazasagye mitawa on niktcpi kta ce.

13 Unkan iye qe waziyatakiya nape hdugate kta, qa Assyria ihangye kta; qa Nineveh hewoškan kage kta, hopuza iyecen puza kta.

14 Unkan he cokaya optaye kin iwankapi kta, Ikcewicašta wamanica tawapi iyuhpa: Nakun hoka kin, nakun pahin kin, hena wankan oinkpa kin en wankapi kta, owanyeye kin ohna hotonpi kta; tiyopa kin ohna woyutakuni šni yuke kta; hantesa can on ka api kin he yutaninyan ehnake kta nakaeš.

15 Otonwe kin he dee, wiyuškin un, wikope ni yanke ciqon, cante mahen, miye, qa micunonpa tanhan wanica ce, eye ciqon he dee. Wanyaka wo, he otiwita icaga, wamanica owanka kin heca; en hiyayapi kin otoiyohi ajiji kta qa nape koza kta ece.

ZEPHANIAH WICOWOYAKE 3.

1 Hehehe, wawakipajin qa ašapapi kin, otonwe wawicaki ya ecee kin:

2 Wicaho kin anagoptan šni; wawiyopeyapi kin he awakicin šni: Jehovah wacinkiye Mn: Wakantanka tawa kin ikiyedan u šni ece.

3 Cokaya wicašta ihdawa yuke cin hena mnaja hotonpi kin heca; wayaco tawa kin hena htayetu šunktokeca kin hecapi; hanhanna hehanyan takudan kihnakapi šni.

4 Wicašta wokcanpi tawa kin hena witantanpi, wicašta wicahnayanpi ece: wawayušnapi tawa kin hena taku wakan kin yušapapi, woope kin kicaksapi ece.

5 Jehovah owotanna un kin he cokaya yanka: He qe taku šica takudan eeon kte šni. Hanhanna qa hanhanna woyaco kin iyoyanpa en ekihde ece: he qe iyotpani kte šni: tuka tuwe šice cin he wowigtece sdonkiye šni ece.

6 Ikcewicašta kin ihangwicawaye: conkaške  tawapi kin atakunišni: canku tawapi kin Hewotahedan ehpewaye; hecen tuwedan ohna hiyaye šni: Otonwe tawapi kin ihangyapi, hecen wicašta wanica, en ounyanpi wanice hinca.

7 Awicakehan komayakipe kta; wowahokonkiye iyacu kta ce: hecen en ounyanpi kin ihangkiciyapi kte šni, token waweciconze ciqon owasin eciyatanhan, epa. Tuka hankiktapi, taku econpi kin owasin hdušicapi ece.

8 Heon etanhan niye amakipe po, Jehovah eya; anpetu en wawicaki nawajin kta hehanyan: Ikcewicašta wicamduwitaya kta miciconza; wokiconze kin hena mnawicawaye kta; mitocanteptanye, mitocanniye wohitike cin ocowasin awicawakaštan kta e heon: wowinawizi peta mitawa kin he maka kin ocowasin temye kta nakaeš.

9 Hehan oyate kin wicaiha yutecapi wicawecu ktanakaeš; hecen Jehovah caje kin hoyekiyapi kta, wicotawacin wanjidan on en wowidagiciyapi kta e heon.

10 Ethiopia wakpa kin akotanhan tona cemakiyapi kin hena, enanakiya iyewicayapi mitawa cinca kin hena ee mitawošna aupi kta ce.

11 Anpetu kin he en niohan, mayakipajin qon hena iyuhpa on iništece kte šni he: hehan nicokaya tanhan tona nitowahanicida on wiyuškinpi kin hena yutckan iyewicawaye kta nakaeš: qa he wakan mitawa kin en icimana wahannicida kte šni.

12 Nakun nicokaya oyate wan kakisyapi qa onsika owicawakapte kta; unkan hena e Jehovah caje kin wacinyanpi kta.

13 Israel okaptapi kin taku sica econpi kte šni , qa woitonšni eyapi kte šni, qa ipi ohna ceji wicahnayan yuke kte šni: tuka hena e wotapi qa iwankapi kta, qa tuwedan wakokipe wicakicage kte šni ce.

14 Zion cunwintku, dowan wo; Israel, iyasa wo: Jerusalem cunwintku, wiyuškin qa cante ocowasin on ipšica wo.

15 Niyacopi qon hena Jehovah eyaku; tokaniyanpi kin hena ihangwicaya: Israel Wicaštayatapi kin, Jehovah hee e nicokaya yanka: icimaua taku šica wandake kte šni ce.

16 Anpetu kin he en Jerusalem heciyapi kta; Wakokipe šni wo: Zion, Ihnuhan nape niwankadankinhan.

17 Jehovah Wakantanka nitawa kin he nicokaya yanka: Wanji Wašake cin he niniye kta: wowiyuškin on iniciyuškin kta: towaštedake en oziiciya un kta; dowanpi on iniciyuškin kta.

18 Tona omniciye wakan kin on icantešicapi kin hena mnawicawaye kta, hena niye etanhanpi, woiyopeye on yušakapi qon hena.

19 Wanyaka wo, hehan tona kakišniyanpi kin owasin taku ecawicawecon kta; qa tuwe huste kin he niwaye kta, qa tona napeyapi qon hena mnawaye kta; qa makoes kin en wowištece yuhapi qon hena owasin en.

20 Hehan cihdoupi kta, tohan ciyuwitayapi kinhan: niaka oyate kin owasin ehnahna wicacaje qa wowitan cicicagapi kta nakaeš; tohan niistapi itokain wayaka yaunpi kin hdicuwaye cinhan, Jehovah eya. ahtani kin he wokamna wojuha ohdoha yuke cin en ohnake kta e htani ece.

Micah

MICAH

WICOWOYAKE 1.

1 Jotham, Ahaz, qa Hezekiah Judah wicaštayatapi kin taanpetu kin en, Jehovah oie, Samaria qa Jerusalem on, Micah Morasthi wicašta en hi kin he dee.

2 Oyate iyuhpa nahon miye: Maka kin anagoptan kta qa toojudan koya: Qa Jehovah Itancan kin niyepi on wayaotanin kta; Itancan kin iye tipi wakan tawa kin etanhan.

3 Iho, Jehovah oyanke tawa kin etanhan u nakaeš; kun u kta, qa maka pajodan kin en iyahe kta.

4 Iye ihukuya he kin sdoyapi kta; qa onidaye kin hena yuptujapi kta, peta en cansin iyececa, maya etanhan mini hdihan iyececa.

5 De ocowasin Jacob wawakipajin kin on, qa Israel tiyohnaka wahtani kin heon etanhan. Jacob wawakipajin kin tukte e he? Samaria hee šni he: Qa Judah pajodan tawa kin tukte e he? Jerusalem hee šni he?

6 Heon etanhan Samaria maga en paha kagapi kin heca wakage kta, hastanhanka iyuwi huhdepi kin iyececa: qa inyan tawa kin kaksiza ekta ehpewaye kta, qa taku akan he cin he mdutanin kta.

7 Qa wakagapi bagopi tawa iyuhpa kamdecapi kta; qa wicin wicaqupi kin iyuhpa peta on huhnahyapi kta; qa wakagapi tawa kin iyuhpa mdutakuni kte šni: Hena witkowinna opetonpi kin on kamna nakaeš, unkan hena witkowinna opetonpi kin ekta hdoyapi kta ce.

8 Heon etanhan waoeye kta, qa wašicahowamde kta, sicodan qa tancodan mde kta: šunktokeca iyecen wahoton kta, qa hinhankagapi iyecen waceye kta.

9 Ksuweyapi kin he ašniyepica šni; Judah ekta hiyohi nakaeš; he mitaoyate tiyopa kin iyahde, Jerusalem etu.

10 Gath ekta oyakapi šni po; ceyapi on ceyapi šni po: Aphrah tipi kin ekta maka nidu on ihdupemni wo.

11 Saphir en ounyaye ein, tancodan nitowištece en ako ya miye: Zaanan en ounye cin he hinanpe kte šni: Beth-ezel tipi kin en Wicaceya kin he owote tipi eniciyaknpi kta.

12 Maroth en ounye ein taku wašte on yazan hda, tuka taku šica Jehovah etanhan kun u; Jerusalem tatiyopa kin en.

13 Lachiš en ounye cin, šuktanka duzahe cin he canpahiuihma en ikoyagya wo: Zion cunwintku woahtani tawa tokaheya qon hee: Israel wawakipajin kin hena niye en iyeyapi nakaeš.

14 Heon etanhan kpaganpi wowapi wan Morešeth- gath yaqu kta: Achzib tipi kin hena Israel wicaštayatapi kin wicahnayanpi ece.

15 Tuka, Marešah en ounyaye cin, tuwe tawaye kte cin he niye en awahi kta: Israel towitan kin he Adullam en hi kta.

16 Hdusda qa hdasan wo, hokšidan waštewicayakidake cin hena on: tankaya huhušda wo, huya cinca kin iyececa: hena ehpeniyan wayaka ayapi kin heon etanhan.

MICAH WICOWOYAKE 2.

1 Hehehe, tona wicohan šica awacinpi,qa towinjapi akan taku šica kah wacinpi kin: hanhanna anpa kta hehan econpi kta, iye najepi en wowašake yukan nakaeš.

2 Unkan maga konpi qa iyahpayapi, nakun tipi kin hena, qa icupi: hecen wicašta wan kakisyapi, qa tipi tawa; han, wicašta wan qa taku tawaye cin nakun.

3 Heon etanhan Jehovah hecen eya; Iho, wicowazi kin de taku šica wan en hiyuwicawakiya, hetanhan tabu eyehdakupi kte šni; qa wahanicidaya mayanipi kte šni; he anpetu šice hinca nakaeš.

4 Anpetu kin he en niyepi on tuwe odowan wan ahiyaye kta, qa ceyapi tehike on ceye kta: Woihangye on ihangunyanpi ce, eye kta: mitaoyate taku tawa kin iye yutokeca; yutokan iyemiciciya ce: wawakipajin wan kici mugu unkitawapi kin kipamni.

5 Heon etanhan Jehovah tomniciye kin en oeconna on tuwedan hahonta on makoce iniciyute kta duhe kte šni.

6 Woyakapi ni po: tona dena on woyakapi kte šni kin hena woyakapi kta: Wowištece yutokanpi kte šni ce.

7 De taku iapi ka, Jacob tiyohnaka; Jehovah Taniya kin be hduptecedan he? wicohan kin dena iye tawa he? mioie kin hena tuwe owotanna mani kin yuwašte šni he?

8 Tuka ehanna tanhan mitaoyate kin toka wan iyecen inajin: tona kicizapi cinpi šni, tona wikope šni mani hiyayapi kin hena šina okde ko wicayakipi ece.

9 Mitaoyate winyanpi kin hena tipi waštekidapi kin etanhan tankan iyewicayayapi: iye cincapi etanhan mitowitan ewicayeciyakupi, owihanke šniyan.

10 Najin po, qa tokan ya po; oziiciyapi kte cin he detu šni nakaeš: he woašape heon waihangye kta, qa he woihangye tehika hinca.

11 Wicašta wan taku šni eciyatanhan maniqa wohnaye on itonšni; Miniša qa mini wašake on wociciyake kta ce, eye cinhan, he qe oyate kin wicašta wokcan tawapi kta.

12 Jacob, niye ocowasin awicakehan mnaciye kta: Israel okaptapi kin yuwitayapi on wicamduwitaya kta: Bozrah tahinca wanunyanpi kin iyecen witaya ewicawahnake kta; wihanpi kin en ocokaya optaye kin iyececa: wicašta on owodutaton tanka kta.

13 Wayujuju kin he wicitokam iyaya: hena wayujujupi, qa tiyopa kin ekta iyayapi, qa ohna tankan hinanpapi: Unkan wicaštayatapi tawapi kin he wicitokam iyopte kta, qa Jehovah hee wicitokamtu kta ce.

MICAH WICOWOYAKE 3.

1 Unkan hepa; Jacob itancanpi kin, ceciciyapi, qa Israel en wicašta wayaco, nahon miye: Niye wokonze kin sdonyakiyapi kta iyecece šni he?

2 Taku wašte šicedakapi qa taku šica waštedakapi; ha bawicakigapapi qa huhu bakicismipi kin he niyepi:

3 Nakun mitaoyate cehpi kin temyapi qa ha bawicakigapapi; huhu wicakaksaksapi, qa cega en ohnakapi kta iyecen bawicašpušpupi, qa conica maza cega kin ohna iyececa ece.

4 Hehan Jehovah hoyekiyapi kta, tuka iye awicayupte kte šni: nakun hehan iye ite anahbewicakiye kta, wicohan econpi kin en ihdušicapi kin heon etanhan.

5 Wicašta wokcanpi tona mitaoyate nuniwicakiyapi, tona hi on wayahtakapi eca, Wookiye, eyapi ece; tuka tuwe taku i en owicakicihnake šni kinhan he kizapi ecee kin hena on Jehovah hecen eya:

6 Heon etanhan hanyetu niciyankapi kta, wowanyake wanice kta; qa otpaza niciyankapi kta, waayatapi wanice kta; qa anpetu wi kin wicašta wokcanpi kin etanhan aisinyan iyaye kta, qa anpetu kin aotpaswicaye kta.

7 Hehan wawanyakapi kin ištecapi kta, qa waayatapi kin nihinciyapi kta: han, hena iyuhpa putinhin ahdahpapi kta, Wakantanka eciyatanhan woayupte wanica nakaeš.

8 Tuka miye qe wowašake omajudan, qa woyaco wookihi ko on, Jehovah Taniya kin eciyatanhan; hecen Jacob wawakipajin kin, qa Israel woahtani tawa kin weciyaotanin kta.

9 Ceciciyapi ce, Jacob tiyohnaka itancanpi, qa Israel tipi en wayacopi kin, de nahon miye; tona wokonze šiceyadakapi, qa taku owotanna kin owasin dupemnipi ece:

10 Zion wicawe on piya kagapi, qa Jerusalem, wicohan šica on:

11 Itancanpi tawa kin hena kajujupi on wayacopi ece, qa wawayušna tawa wiyopeyapi on waonspewicakiyapi, qa wicašta wokcanpi tawa kin hena mazaska on waayatapi ece: tuka Jehovah wacinyanpi kta, qa, Jehovah unkicipi un šni he? taku šica unkakipapi kte šni ce, eyapi.

12 Heon etanhan niyepi on etanhan Zion yumdupi kta, maga iyececa, qa Jerusalem inyan paha kin heca kta, qa tipi paha kin he contanka paiodan kin hena iyecece kta ce.

MICAH WICOWOYAKE 4.

1 Tuka anpetu ehake kin en kaketu kte; Jehovah tipi paha kin he he ipa kin en ehdepi kti, qa paha kin hena iwankam iyeyapi kta; unkan oyate kin kadus en au kta ce.

2 Han, Ikcewicašta oyate ota upi kta qa heyapikta; U miye, Jehovah Paha tawa kin ekta ita wankan hdeunyanpi kta, Jacob ta Wakantanka tipi kin ekta; hecen iye tacanku kin onspeunkiyapi kta, qa ocanku tawa kin ohna maunnipi kta: Zion etanhan woope wan hinanpe kta, qa Jehovah oie kin Jerusalem etanhan kta nakaeš

3 Unkan iye oyate ota ehnahna wayaco yanke kta, qa Ikcewicašta wašakšaka tehan unpi kin iyopewicaye kta: hecen mazasagye on mahiyumdu isan icicagapi kta, qa wahukeza tawapi kin isan skopa kta: Ikcewicašta oyate wan oyate tokeca kici mazasagye apahapi kte šni, qa nakun icimana okicize onspeiciciyapi kte šni.

4 Tuka otoiyohi hastanhanka iyuwi tawapi kin ihukuya, qa suken can tawa kin ihukuya iyotankapi kta; qa tuwedan wakokipe wicakicage kte šni: Jehovah ozuye yuhe cin hee i kin hecen eya nakaeš.

5 Oyate otoiyohi iye taku wakan tawapi caje kin eciyatanhan manipi kta; tuka unkiye Jehovah Wakantanka unkitawapi caje eciyatanhan maunnipi kta, ohinniyan qa owihanke wanica.

6 Anpetu kin he en tuwe huste kin mnawaye kta, qa heyata iyewicayapi qon hena mduwitaya kta, qa tona kakiswicawaye ciqon, Jehovah eya.

7 Qa tuwe huste kin he wookapte wakage kta, qa tona tehan heyata iyeyapi qon hena oyate wašake kta: qa hena wiciwankam Jehovah Zion paha akan wicaštayatapi un kta, detanhan qa owihanke wanica.

8 Unkan niye, optaye conkaške  kin, Zion cunwintku pajodan tawa kin, niye en hi kta, han, iwicadake tokaheya qon he hi kta, wokiconze Jerusalem cunwintku kin en.

9 Tokeca wanna nina yašicahowada he? Wicaštayatapi takudan en niun šni he? waonspekiye nitawa ihangyapi he; winohinca hoksiksuye cin iyecen wayazanyahda nakaeš.

10 Wayazanhda qa hiyuya wo, Zion cunwintku, winohinca hoksiksuye cin iyececa: Wanna otonwe kin etanhan yahidu kta, qa maiya kin en yati kta; qa Babylon ekta de kta; heciya cinca yaton kta; heciya Jehovah tona tokaniyanpi napepi etanhan openiciton kta ce.

11 Unkan nnkaha oyate ota takpe niupi; Iho, yušapapi kta ce, qa unkistapi Zion opahta un nunwe, eyapi.

12 Tuka hena Jehovah tawacin kin sdonyapi šni, qa iye tawokonze kin okahnigapi šni: hena e onapanpi kin en mnawicawaye kta, u uyapi opahte kin iyececa.

13 Najiu wo, Zion cunwintku, wakapanwo; he nitawa kin he mazasapa wakage kta, qa sake nitawa mazasa waka e kta nakaeš: Unkan niye oyate ota wicayakamdemdece kta: qa miye wokamna tawapi qon Jehovah on wohduze wakaje kta, qa taku yuhapi kin maka ocowasin Itancan kin he tawa kta ce.

MICAH WICOWOYAKE 5.

1 Ozuye cunwintku, wanna mniciya wo: ihdukšan acanunkaskapi: icapsinte wan on Israel wayaco kin tapon en apapi.

2 Unkan niye Beth-lehem Ephratah, Judah kektopawinge kin ehna nicistinna qeyaš, niye etanhan tuwe Israel en wawidagye un kte cin he en mahi kta, unkan iye toicage kin wanakajatanhan, anpetu otokaheya wanica etanhan.

3 Heon etanhan winohinca hoksiksuye cin cinca ton kta hehanyan wicapagan kta: hehan iye hunkawanjitku okaptapi kin ihdokupikta, Israel cinca kin om.

4 Unkan iye najin kta, qa Jehovah towašake on wawihankiye kta, Jehovah iye ta Wakantanka caje wowitan kin en: unkan hena owanji yakonpi kta: wanna maka ihanke kin hehanyan iye tanka kta nakaeš.

5 Unkan he qe wookiye un kta, tohan Assyri makoce unkitawapi en hiyu, qa tipi wašteste unkitawapi kin en iyahan kinhan, hehan itkom wawihankiye šakowin, qa wicašta sdakiyapi šahdogan najin wicunkiyapi kta.

6 Qa hena Assyria makoce kin ihangyapi kta, qa Nimrod tamakoce kin iye tatiyopa kin etu: hecen Assyri tohan makoce unkitawapi kin en hiyu, qa ihanke unkitawapi kin en iyahan kinhan, etanhan woehdaku yuke kta.

7 Unkan Jakob okaptapi kin hena oyate ota ehnahna Jehovah etanhan cu kin iyecece kta; magaju peji asbu, wicašta apeya un šni, qa wicašta cinca awicakipc šni kin he iyececa.

8 Nakun Jacob okaptapi kin Ikcewicašta ehna, oyate ota wicacokaya, contanka en woteca ehna mnaja kin he iyecece kta: mnaja koška tahin wanunyanpi optaye ehna un kin iyececa: he qe opta ye cinhan naihangye kta, qa wayapotpote kta, qa waehdaku wanice kta.

9 Tona kakišniyanpi qon wiciwankam ninape yanke kta; qa tokaniyanpi kin iyuhpa awihnuI nipi kta ce.  

10 Unkan anpetu kin he en kaketu kta, Jehovah eya; Niye nicokaya tanhan šuktanka nitawa awihnuniwaye kta, qa canpahmihma nitawa ihangwaye kta.

11 Qa makoce nitawa en otonwe kin awihnuniwaye kta, qa conkaške suta nitawa mdujuju kta.

12 Qa wakan kagapi kin he ninape etanhan awihnuniwaye kta; qa wakan kagapi ece kin hena en niunpi kte šni.

13 Nakun wakagapi bagopi, qa taku wakan yakagapi kin hena nicokaya tanhan awihnuniwaye kta; qa taku ninape kage cin icimana ohoyada kte šni.

14 Qa can wojupi nitawa nicokaya tanhan mdujun kta: hecen otonwe nitawa ihangwaye kta ce.

15 Nakun wocanniye qa wocanteptanye en Ikcewicašta oyate waanagoptan šni unpi kin hena en towicawecicon kta ce.

MICAH WICOWOYAKE 6.

1 Wanna Jehovah taku eye cin he nahon miye: Najin wo, he kin itokam wakinica wo; qa paha kin hena niho nahonpi kte.

2 He kin niye, qa maka oahe šuta kin, Jehovah toakinica kin nahon miye: Jehovah iye taoyate kici woakinica wan yuha nakaeš; qa Israel om wakinica kta ce.

3 Mitaoyate, taku ecacicon he? qa taku on iyotanhan iyeciciya he? omiciyaka wo.  

4 Egypta makoce kin etanhan I hinanpeciya, qa wowidake tipi kin etanhan opeciciton nakaeš; qa Moses, Aaron qa Miriam nitokam yewicawaši.

5 Mitaoyate, Balak Moab wicaštayatapi kin taku awacin qon he dehan kiksuya wo, qa Šittim etanhan Gilgal hehanyan Balaam Beor cinhintku taku ayupte ciqon: hecen Jehovah toowotanna kin oyakahnigapi kta.

6 Taku yuha Jehovah itokara hibu kta, qa Wakantanka Tehanwankantu kin itokani pamahdedari waun kta he? wohuhiiahyapi wošnapi, ptejicadan waniyetu wanjidan hduha hibu kta he?

7 Tamdoka kektopawinge ece, wihdi wakpa kektopawinge wikcemna Jehovah iyokipi kta he? Micinca tokapa kin he taku šica ecamon kin on waqu kta he? mitancan etanhan taku icage cin he minagi wahtuni kin on.

8 Wicašta, iye taku wašte kin oniciyaka ce: Unkan Jehovah taku nicida kin tukte e he; wokonze ecanon kta,qa wowaonšida wašteyadake kta, qa nita Wakantanka kici ahbayedan mayani kte ein hena ee?

9 Jehovah ho kin otonwe kin en hoyekiya: Unkan wowiyukcan nicajc kin iyekiye kta: Icapsinte kin he anagoptan po, qa tuwe pazo kin he nakun.

10 Hinyahin wicašta šica ti kin ohna wokamna šica, qa wiyutapi iyotpani wahtešni kin heca yukan he?

11 On aspeyapi šica qa wohnaye inyan wojuha ohna mduhe cinhan maska kta he?

12 Wicašta wijica en unpi kin hena wokakisye ojupidan, qa en ounyanpi kin hena itonpišni ecee, qa iye ipi ohna ceji walmayan yuhapi.

13 Heon etanhan miš eya ašniyepica šni cicastake kta, wayahtani kin on awihnuniciye kta.

14 Niye wayate kta qa winipi kte šni, tuka wotekteyahda kin mahen niun kta; qa watoniciksu ešta takudan eyahdaku kte šni; qa taku eyahdaku ešta mazasagye kin en waqu kta.

15 Niye woyaju kta tuka wadukse kte šni; wihdi su kin nayapan kta tuka wihdi on sdaniciye kte šni; hastanhanka teca kin hena, tuka miniša datke kte šni ce.

16 Omri toope kin hena opapi nakaeš, qa Ahab tiyohnaka wicohan tawa iyuhpa; qa hena taku konzapi kin ohna mayanipi ece; hecen otiwota ehpeciye kta, qa en ounyanpi kin hena woajiji wakage kta: Heon etanhan mitaoyate towištece kin he niye duhapi kta ce.

MICAH WICOWOYAKE 7.

1 Hehehe miye, mdoketu waskuyecayuspipi kin heiyemaceca nakaeš, hastanhanka yuspispipi kin iyececa; iyage yutapi kta wanica: šuken tokaheya icage cin he minagi cantokpani tuka.

2 Tuwe wašte kin he niaka kin etanhan ihangyapi; qa wicašta ehna tuwedan owotanna šni; iyuhpa wicawe iyapepi: on-hniunkupi kin on otoiyohi sunkakiciyapi akicitapi ece.

3 Taku šica econpi kta on wayupikapi: wicašta itancan qa wayaco kin hena wokajuju dapi, qa wicašta tanka kin iye nagi taku šica cin kin he yaotanin ece: hecen iciyuhmunpi.

4 Hena etanhan tuwe iyotan wašte kin he wapepeka iyececa, iyotan owotanna kin he canpepe iyececa: waawanyake nitawa taanpetu, en kakišniyanpi kte cin he u ye: wanna wonihinciye tawapi yuke kta ce.

5 Wicitakuye wicayecidapi kte šni; wicatakodaku wacinyakiyapi kte šni: tuwe nimaku en iwanka ece kin he nii tiyopa kin onakicitaka wo.

6 Wicacinca kin atkuku witkotkokidaka nakaeg; wicinca kin he hunku itkokim inajin, takosku kin kunkisitku kin itkokipa ece: wicašta tokayapi kin iye tiyohnaka wicašta kin hena eepi ce.

7 Tuka miye qe Jehovah ekta ewatonwe kta; wowanikiye mitawa Wakantanka kin he ape waun kta: Wakantanka mitawa namakihon kta.

8 Tokamaye cin, miye on wiyuškin šni  wo: mahinhpaya ešta ake nawajin kta; otpaza en imdotanka ešta Jehovah iyoyanpa mitawa kin hee kta.

9 Jehovah tocanniye kin mduha kta, iye en wawahtani nakaeš: woakinica mitawa on imakiye kta, qa wokonze eciyatanhan ecamicon kta hehanyan iyoyanpa ekta inanpe maye kta; iye toowotanna kin wanmdake kta.

10 Hehan tuwe tokamaye ciqon he wanyake kta, qa wowištece akahpe kta: tuwe, Jehovah Wakantanka nitawa tukten un he? emakiye cin he miišta wanyake kta; wanna he qe canku upsija kin iyececa amanipi kta.

11 Anpetu kin he en conkaške  nitawa piya kagapi kta; anpetu kin he en makoce iyutapi kin yutehanpi kta.

12 Anpetu kin he en nakun Assyria etanhan qa otonwe acankaškapi kin etanhan niye en nihi kta, qa conkaške  kin etanhan wakpa kin ekta, qa miniwanca etanhan miniwanca ekta, qa he kin etanhan he kin ekta.

13 Tuka tona en ounyanpi kin hena on makoce kin otiwota ehpeyapi kta, iye wicohan waskuyeca kin hena on.

14 Cansagye nitawa on nitaoyate, optaye tawayakiye ciqon hena wihanwicakiya wo, išnana ounyanpi, contanka kin en, Carmel cokaya: Bašan qa Gilead en wihanpi kta, anpetu wanakaja qon iyececa.

15 Egypta makoce kin etanhan yahinanpe ciqon anpetu kin he iyececa taku wowinihan wanyagwakiye kta ce.

16 Ikcewicašta kin wanyakapi kta, qa towašakepi kin owasin on nihinciyapi kta: nape iaputakapi kta, noge kpapi kta.

17 Maka mdu kin sdipapi kta, wanmduska kin iyececa; maka wanmduskadan iyececa aonaicitakapi kin ohna cancanpi kta: Jehovah Wakantanka unkitawapi kokipapi kta, qa niye nitokam kopehdapi kta ce.

18 Taku Wakan tuwe iyeniceca he, šicaya econpi kin kajuju, qa oyate tawa okaptapi wawakipajinpi kin acakšin iyaya ece? Ohinniyan tosinhda kin hduhe šni, wowaonšida on iyuškin nakaeš.

19 Iye ake hdicu kta, onšiunkidapi kta; taku ica econkupi kin hena ihangye kta: Unkan niye hena wahtanipi kin iyuhpa miniwanca osbe kin en ehpeyaye kta.

20 Wowicake qon Jacob yaqu kta, wowaonšida anpetu wanakajatanhan hunkakewicunyanpi konza iwahowicayaye ciqon he Abraham ecayecon kta ce.