Psalm Wowapi 50-63 Dakota Lakota

PSALM 50

Asaph tadowan.

1 Jehovah, Wakantanka Wašake cin ia, Qa maka kin kipan, Wihinanpa etanhan wi iyaye cin hehanyan.

2 Zion woiyokipi iyotan hince cin etanhan Wakantanka iyega.

3 Wakantanka unkitawapi u kta, qa inina un kte šni; Itokam peta wahuhnahye kta; Qa ihdukšan nina icamna kte.

4 Wankan mahpiya kin kipan kta, Qa nakun maka kin, iye taoyate wicahdaco kta.

5 Wicašta cante wicawakiye cin miye en awicau po; Tona wošnapi on wicotakuye micagapi kin.

6 Unkan mahpiya kin iye toowotanna kin oyake kta; Wakantanka wayaco un kin heon. Selah.

7 Mitaoyate nahon po, kinhan iwae kta; Qa Israel, wahokonciciye kta; Wakantanka, Wakantanka nitawa kin he miye.

8 Nitawošnapi kin on iyopeciye kte šni; Qa peta on wadusnapi kin ohinniyan mitokam un:

9 Yati etanhan hekinškayapi wan iwacu kte šni; Optaye nitawa etanhan tamdoka kin:

10 Oontaška en wamanica otoiyohi mitawa; Qa woteca paha kektopawinge akan unpi kin.

11 He ekta taku kinyan un kin otoiyohi sdonwaya; Qa makomdaye en woteca owasin miciun.

12 Wotektewahda ešta ociciyake kte šni; Maka kin he mitawa qa taku ohnaka kin.

13 Tatankabdokapi wate kta he; Qa hekinškayapi we mdatke kta he?

14 Wakantanka woyatan wakiyušna wo; Qa lyotan Wankan un kin taku iwahoyaya hdajuju wo.

15 Hehan woiyokišica anpetu kin en, houmakiya wo; Kinhan ecihdaku kta, hecen imayadowan kta ce.

16 Tuka Wakantanka wicašta šica heciya; Token on mitoope kin odake kta; Qa wicotakuye mitawa tokeca cajedate kta he?

17 Wahokonkiyapi kin he šice yadaka; Qa mioie kin niheyata ehpeyaya.

18 Wamanon sa wan wandaka eca takodayaya; Qa wawicihahapi econpi kin owicayapa ece.

19 Nii taku šica en owicayaqu; Qa niceji wohnaye kazonte kta.

20 Nisunka akiia idotanke kta; Nihun cinhintku kin waayape kta.

21 Hena hecen ecanon, tuka inina manke: Niye yaun kin ocowasin iyemaceca kecanni: lyopeciye kta, qa niišta itokam hena ewahde kta.

22 De awacin po, Wakantanka ayektonjapi kin; Okinni waehdaku wanin ciyaspaspapi kta.

23 Tuwe woyatan wayusna kinhan, he mayuonihan kta: Qa tuwe tacanku hduecetu kin he Wakantanka towiconi kin wakipazo kta.

PSALM 51.

Dowan itancan kin. David tadowan: Nathan wicaeta wokcan en hi qenan, iye Bathšeba en hi qon iyececa.

1 Wakantanka, nitocantekiye on onsimada ye; Nitowaonšida ota on wawahtani micicajuju wo.

2 Taku šica ecamon kin on ocowasin mayujaja ye; Qa wawahtani kin hena makipakinta wo.

3 Wawahtani kin hena sdonwakiya; Qa taku šica ecamon kin ohinniyan mitokam un.

4 Niye nišnana en wacicihtuni, Qa niišta kin en taku šica ecamon; Hecen iyae cin en oniwotanna kte; Wadaco kinhan iyaonpepica šni yaun kta.

5 Wanyaka ye, taku šica en matonpi; Qa woahtani en ina mahduha.

6 Wanyaka ye, tanmahen tanhan wowicake yacin ece: Qa woinahbe ekta wokšape sdonye mayaye kte.

7 Ceyakata on mayakipakinte kta, unkan ecedan waun kta mayadujaja kta, kinhan wa isanpa inaska kte.

8 Wicocante wašte wowiyuškin ko nation mayaye kte; Hehan huhu yakasuje cin hena iyuškin kta.

9 Wawahtani etanhan niite nakihman ye; Qa taku šica ecamon kin owasin micicajuju wo.

10 Wakantanka, cante ska micaga ye; Qa miye mahen woniya yuštanpi miciyuteca wo.

11 Niite etanhan ehpemaye šni ye; Qa Nitaniya Wakan kin emicihdaku Šni wo.

12 Wiconi nitawa wowiyuškin kin he micu ye; Qa woniya wašte wan yuhe makiya wo.

13 Hehan šicaya econpi kin nitacanku onspewicawakiye kta; Qa wahtanipi sa niye ekta ihduhomnipi kta.

14 Wakantanka, wicawe etanhan emahdaku wo; Wakantanka, Wanikiya mitawa; Miceji nitoowotanna iyuškinyan idowan kte.

5 Itancan, miiha miyecidukawa kta; Hecen mii woyatan nitawa oyake kte.

16 Wošnapi kin yacin kte šni, he waqu kta tuka; Peta on wošnapi kin iyonicipi šni.

17 Wošnapi Wakantanka tawa woniya kicaksapi kin hena ee; Wicacante kicaksapi qa kasusujapi kin, Wakantanka, šiceyadake kte Šni.

18 Nitoiyokipi kin en Zion taku wašte ecakicon wo: Jerusalem conkaške kin niye yecage kta.

19 Hehan woowotanna wošnapi kin iyonicipi kta; Peta on wošnapi qa wošnapi ocowasin huhnahyapi: Hehan tatanka owayusna nitawa adipi kte.

PSALM 52

Dowan itancan kin on. David tawowahokonkiye. Doeg Edomi kin en hi qa Saul wokiyaka qa heciya; David Ahimelech ti en hi ce, eye ciqon.

1 Wicašta wašaka, tokeca taku šica on nihdatan kta he; Wakantanka towaonšida kin he anpetu osan.

2 Niceji wicohan šica kicanye kta; Wohnayan kaga, putinhin icasan yumanpi iyececa.

3 Taku šica wašteyadaka, taku wašte isanpa; Qa woitonšni, woowotanna oyakapi kin isanpa. Selah.

4 Wicoie waihangye cin owasin wašteyadaka, Wicaceji wicahnayan yaun kin.

5 Heon etanhan Wakantanka owihanke šniyan ihanšniye kta; Yutokan iyeniye kta, qa wakeya etanhan inicu kte; Qa wiconi makoce kin etanhan yujun ehpeniye kta. Selah.

6 Unkan wicašta owotanna wanyakapi qa kokipapi kta; Qa he on ihapi kta:

7 Wanyaka po, wicašta kin he Wakantanka wowašake yuhe kte šni; Taka iye towijice icage cin wacinkiye kta; Qa tohan šice cin on wasagiciye kte.

8 Tuka miye Olive can teca wan iyemaceca, Wakantanka ti kin ohna; Wakantanka tocantekiye wacinwaya, Owihanke wanica hehanyan.

9 Niye hecanon kin heon ohinniyan ciyatan kta; Qa nicaje wacinwakiye kta; He wicašta wacantkiya nitawa itokam wašte kin heon.

PSALM 53

Dowan itancan kin Mahalath, Maschil on. David tawa.

1 Taku Wakan wanica ce, witkotkoke cin cante mahen eya: Ihdušicapi qa wicohan ica wahte šni econpi; Tuwedan taku wašte econ šni.

2 Wakantanka mahpiya eciyatanhan wicašta cinca kin ahiwicatonwan; Tuwe wacinkšamya ohanyan hecinhan, Tuwe Wakantanka akita hecinhan, he wanyake kta.

3 Iyuhpa nunipi, witaya hwinpi; Tuwedan taku wašte econ šni; han, wanjidan šni.

4 Woahtani econpi kin hena takudan sdonyapi šni he? Aguyapi iyecen mitaoyate wicayutapi; Qa Wakantanka hoyekiyapi šni.

5 Wokokipe wanica ešta hen nina wikopapi; Tuwe en ahiniwanka huhu kin Wakantanka enanakiya ehpeya; Ištenwicayaya, Wakantanka wahtewicada šni nakaeš.

6 Tokin Israel waehdaku tawa kin Zion etanhan u nunwe: Tohan Wakantanka taoyate wayaka unpi kin en wicahdi kinhan, Jacob iyuškin kta, Israel pidapi kte.

PSALM 54

Neginoth on dowan itancan kin, Maschil. David tawa. Ziph oynte upi qa Saul heciyapi; David unkieipi inahbe šni he? eyapi qon he ehan.

1 Wakantanka, nicaje on nimayan wo: Qa nitowašake on woyaco ecamiyecon kte.

2 Wakantanka, wocekiye mitawa nahon ye; Mii oie km hena anohkiya wo.

3 Wicašta tokeca en ahimanajinpi heon; Qa tehiya wakuwapi kin minagi akitapi: Iye itokam Wakantanka ehdepi šni. Selah.

4 Wanyaka wo, Wakantanka omakiya ece: Itancan kin tona minagi wašagyapi kin hena om un,

5 Wošice kin tokamayanpi en awicahdi kte: Nitowicake en hena ihangwicaya wo.

 6 Taku ituhanpi on waciciyusna kte; Jehovah, nicaje wašte heon mdatan kta.

7 Wokakije owasin etanhan emahdaku; Qa miišta tokaraayanpi kin opawicahta, heon.

PSALM 55

David tawa. Neginoth on dowan itancan kin, Maschil.

1 Wakantanka, mitawocekiye anohkiya wo; Qa hoyewaye cin on naicihbe ii ye.

2 Namahon qa amayupta wo; Awacin waun qa howamde kta:

3 Toka ho kin on, wicašta šica šicaya kuwapi kin on; Hena woahtani aomakawinhyapi kta; Qa ginhdapi en tokamayanpi kte.

4 Mitan mahen micante škanškan; Qa wiconte ikopapi kin amahinhpaya.

5 Kopehdapi qa cancanpi kin mahiyohi; Qa wonihinciye amakahpa.

6 Unkan hepe; Tuwe wakiyedan iyecen nupahu wan maqu kta he: Kinyan imdamde ca ozimiciye kta.

7 Ho, tehan wanuni kte; Hewoškan owati kta. Selah.

8 Wowinape onawakipa inawanni kta; Tateyanpa hinca etanhan, icamna kin etanhan.

9 Itancan, nawicapca wo, cejipi wicakiyuškiška wo: Otonwe kin en wicokicize qa wicokicige wanmdaka heon.

10 Anpetu hanyetu ko otonwe conkaške akan ohomni yapi kte; Qa wicošice wicoiyokišice ko mahen un.

11 Woahtani cokaya un, Qa šicaya wicakuwapi wohnayan ko tahocoka kin ayuštan kte šni.

12 Toka wan iyopemaye kte cin hee šni; Kinhan inina manke kta tuka: Tuwe miye on wahanicida šicemadake cin hee ni; He heca unkanš etanhan namicihbe kta tuka.

13 Tuka he niye, wan wicašta miakidececapi; Mitakoda qa wacinwaye ciqon hee.

14 Unkiye okonwanjidan wicotawacin skuya unkicicaga: Wicota om Wakantanka tipi kin en unye ciqon.

15 Wiconte ayuštan ehan wicayuza; Niyake Hades ekta kun yapi kte: Tipi tawapi ohna wicohan šica yukan, lye cantepi kin en.

16 Miye qe Wakantanka hoyewakiye kta; Unkan Jehovah nimaye kte.

17 Htayetu qa hanhanna qa wioytarihan, cewakiye ca hoyewaye kta: Unkan iye miho kin nahon kte.

18 Makizapi etanhan, wookiye en, nagi opemakiton; Wicota om ecamon kin heon etanhan.