Psalm Wowapi 32- 39

PSALM 32

Wowahokonkiye odowan. David tawa.

1 Tuwe taku šica econ kin kicicajujupi, Qa wahtani akahpapi kin he cante wašte:

2 Wicašta kin he cante wašte, Tuwe Jehovah woahtani kiciyawa šni, Qa taniya en wohnayan wanice cin he.

3 Inina manke cehan mahuhu šeca aya, Anpetu osan wašica howamde cehan.

4 Anpetu hanyetu ko ninape amahdaškin yanka; Mawe kin mdoketu puze cin iyecen aya. Selah.

5 Wawahtani niye ociciyake kta; Qa taku šica ecamon kin anawakihbe šni: Taku šica ecamon kin hena Jehovah owakiyake kta ce, epe: Unkan wawahtani šice cin miyecicajuju. Selah.

6 He on tona wacantkiye cin owasin ceniciyapi kta, Tohan iyeniyanpi kte cinhan: Awicakehan mini ota apasboka ešta, He hiyohipi kte šni.

7 Woinahbe mitawa kin he niye; Wokakije etanhan emayahdaku kta; Woehdaku odowan on aohdutemayaye kta. Selah.

8 Wahokonciciye ca canku ohna de kte cin he onspeciciye kta; Miišta opacihta wahokonciciye kta.

9 Ihnuhan šuktanka qa šonšonna wan iyenicecapi kinhan; Hena takudan okahnigapi šni; Iyuwi qa ikan oiyokipi on i pawicahtapi; Nikiyedan upi šni heon etanhan.

10 Tona šice cin wokakije ota yuhapi kte: Tuka tuwe Jehovah wacinye cin he wowaonšida aohduteye kta.

11 Tona owotanna yaunpi, Jehovah on pidapi qa iyuškin po; Qa tona cante ecetu yaunpi owasin, wiyuškinyan iyasa po.

PSALM 33

1 Wicašta owotanna yaunpi, Jehovah on wiyuškin po: Yatanpi kin tona ecetupi iyokipipi ece.

2 Candowankiyapi on Jehovah wopida eciya po; Candowankiyapi ikan wikcemna on idowan po.

3 Odowan teca wan kahiyaya miye; Ho tanka on wayupiya yajo po.

4 Jehovah oie kin he ecetu; Qa ohan kin owasin wowicake.

 5 Woowotanna qa wokonze waštedaka; Maka kin Jehovah towaonšida on ojudan.

6 Jehovah oie on mahpiya kin kagapi; Qa iye i taniya on hena obe kin owasin.

7 Miniwanca mini kin kawitaya, paha iyececa; Osbe kin mazopiye en ekihnaka.

8 Maka kin ocowasin Jehovah kokipapi kte; Maka akan ounyanpi iyuhpa itokam inihanpi nunwe.

9 Iye ia, unkan ecetu; lye kaken eya, unkan sutaya han.

10 Ikcewicašta tawacinpi kin Jehovah ecetu šni ya; Oyate token wakiconzapi kin he yujuju ece.

11 Jehovah tawokonze kin ohinniyan he kta; Iye cante yuze cin wicoicage qa wicoicage hehanyan.

12 Oyate wan Jehovah Taku Wakan yuhapi kin he cante waštepi; Wicašta iye tawawicaye kta wicahdahnige cin hena.

13 Jehowa mahpiya eciyatanhan ahitonwan; Wicašta cinca kin owasin wanwicayaka.

14 Tukten ounye cin hetanhan etonwan, Maka akan ounyanpi owasin ekta:

15 Cantepi kin owasin wicakaga; Wicohan tawapi owasin awacin un.

16 Wicaštayatapi tuwedan ozuye tanka on niyanpi šni: Wicašta wašaka keš wowašake tanka on ihduške kte šni.

17 Niwicayapi kta on šuktanka kin wacinyepica šni; Qa iye towašake tanka on waeyaku kte šni.

18 Iho, Jehovah išta kin tona kokipapi kin hena awicatonwan; Tona iye towaonšida apepi kin hena.

19 Wiconte etanhan nagipi ewicahdaku kta; Qa wicaakihan en niwicaye kta.

20 Unnagipi Jehovah wacinyanpi; Ounkiyapi qa wahacanka unkitawapi kin he iye.

21 Iye on uncantepi iyusldn kte; Iye caje wakan wacinunyanpi heon.

22 Jehovah, nitowaonšida unkiyepi en un nunwe; Unkanipepi kin heon etanhan.

PSALM 34

David tawa, Abimelech itokam togye ohanyan; unkan hdem hehan idhda, he ehan.

1 Anpetu owasin Jehovah mdawašte kta; Iye idowanpi kin ohinniyan mii ohna un kta.

2 Jehovah on minagi itan kta: Tona onšihanpi nanonpi kta qa iyuškinpi kta.

3 Jehovah mici yatanka miye; Qa yuwitaya iye caje kin unyawankantupi kte.

4 Jehovah awakita, unkan amayupta; Qa wakowakipe cin owasin etanhan emahdaku.

5 Ekta etonwanpi, unkan iyoyamyapi; Qa ite na api šni nunwe.

6 Onšike cin de howaya, unkan Jehovah nahon, Qa tokakije owasin etanhan ehdaku.

7 Tona kokipapi kin hena wicihdukšan, Jehovah taohnihde kin iwanka, Qa ewicayaku ece.

8 Uta miye, qa Jehovah wašte e wanyaka po: Tuwe wacinye cinhan wicašta kin he cante wašte.

 9 Wacantkiya yaunpi tawaniyanpi, Jehovah kokipa po; Tona kokipapi kin hena takudan icakijapi kte šni.

10 Mnaja aškatudan wicakiš unpi qa wotektehdapi; Tuka Jehovah akitupi kin hena taku wašte takudan icakijapi kte šni.

11 Iho po, micinca, anamagoptan po; Jehovah tokokipe kin onspeciciyapi kta.

12 Wicašta wiconi cin, qa taku wašte Wanyake kta e anpetu waštedake cin he tuwe he?

13 Taku šica etanhan niceji ehdaku wo; Qa niiha wohnayan eyapi kte šni.

14 Taku šica ehpeya wo, qa taku wašte e econ wo: Wookiye akite ca kuwa aya wo.

15 Jehovah išta wicašta owotanna awicatonwan; Qa howayapi eca anohwicakiya ece.

16 Tona taku šica econpi Jehovah ite kin itkowicakim un; Maka kin etanhan wicakiksuyapi kin icu kte.

17 Hoyeyapi, unkan Jehovah nahon, Qa tokakijepi iyuhpa etanhan ewicahdaku.

18 Jehovah cante kicaksapi kin wicikiyedan un; Qa tona taniya onsike cin hena niwicaya ece.

19 Wicašta owotanna tokakije kin ota; Tuka owasin etanhan Jehovah eyaku kta.

20 Huhu tawa owasin awankiciyaka; Hecen wanjidan on kawegapi šni.

21 Wošice tona šice cin hena wicakte kta; Qa wicašta owotanna šice wicadakapi kin hena yacopi kta.

22 Jehovah taokiye nagipi kin opewicakiton; Qa tona iye wacinyanpi kin tuwedan yacopi kte šni.

PSALM 35

David tawa.

1 Jehovah, tona makigepi kin hena wicakige wo; Tona makizapi kin hena wicakiza wo.

2 Mazamakuakahpe wahacnnka ko ikikcu, Qa omakiya inajin wo.

3 Nakun wahukeza ehdaku, Qa tona šicaya makuwapi wicakagi wo; Wiconi nitawa kin he miye ce, minagi eciya wo.

4 Minagi odepi kin hena inihanpi qa šicapi nunwe; Tehiya amawacinpi kin hena hekta hdicuwicayapi qa ištenwicayapi nunwe.

5 Aguyapi ha tate itokam hena iyececapi nunwe; Qa Jehovah taohnihde hena wicakastake kte.

6 Tacankupi kin otpaza qa sdusduta nunwe; Qa Jehovah taohnihde kin kuwa awicaye kte.

7 Taku on etanhan šni wohmunke wan miye on nahmana eonpapi; Taku on etanhan šni minagi on woha wan qapi.

8 Sdonye šni kinhan woihangye kin en u nunwe; Qa wohmunke nahbe cin he iye icihmunka nunwe; Woihangye kin hee en ohinhpaya nunwe.

9 Hehan minagi Jehovah on iyuškin kta; Wiconi tawa kin idowan kta.

10 Mahuhu owasin heyapi kta; Jehovah, tuwe iyeniceca he; Tuwe isanpa wašaka etanhan onsike cin eyahdaku; Han, onšike ca wahpanica kin, tuwe wamakinon kin etanhan.

11 Itonšniyan woyakapi kin hinajinpi; Taku sdonwaye šni kin hena on imawangapi.

12 Taku wašte on taku šica maqupi; On minagi kakisyapi kta.

13 Tuka miye qe, wayazankapi qehan, wakihdaka komdaka; Akihanmiciya on minagi kakiswaye: Unkan wocekiye mitawa mamaku en hdihan.

14 Mitakoda se, mihunkawanijidan hee, he iyecen mawani; Tuwe hunku akiceye cin iyecen wasihda pamahdedan waun.

15 Tuka nakaha nawasduta, hehan iyuškinpi qa witaya mniciyapi; Waaie sa kin hena miye en mniciyapi, unkan sdonwaye šni: Wayahdehdecapi qa inina unpi šni.

16 Wota ia šicapi kin hena om; Hi amahdakinskinzapi.

17 Itancan, tohanyan opahta nanke kta he: Woihangye tawapi etanhan minagi hdohdi wo; Tehinda cin, mnaja kin etanhan.

18 Omniciye tanka kin en wopida eciciye kta; Oyate wašaka om ciyatan kta.

19 Tokamayanpi itonpišni kin hena miye on iyuškinpi šni nunwe: Tona taku on etanhan šni šicemadapi kin hena išta kakpanpi.

20 Hena wookiye iapi kte šni; Tuka tona makoce kin en, inina unpi kin hena wohnayan wicoie wicakicagapi kta.

21 Han, hena nina i makapapi: Qa heyapi; Hoho, hoho, Išta on wanunyakapi ce.

22 Jehovah niye wandaka, inina yanke šni wo; Itancan, mitehanyan un šni wo.

23 Ihduhica ye, qa rnayacopi kte cin on kikta wo; Makiyusepi kin on, Wakantanka mitawa, qa Itancan mitawa.

24 Jehovah Wakantanka mitawa, Nitoowotanna eciyatanhan mayukcan wo; Qa hena miye on iyuškinpi šni nunwe.

25 Cante mahen, Hoho, hecen uncinpi ce, eyapi šni nunwe; Naunkipcapi ce, eyapi šni nunwe.

26 Tona makakija on iyuškinpi kin hena istecapi, Qa witaya ite nasapi nunwe; Tona miye on ihdatankapi kin hena wowahteda šni, Qa wowištece koyakapi nunwe.

27 Tona mitoowotanna cinpi kin hena iyašapi, Qa wiyuškinpi nunwe; Han, ohinniyan heyapi kte; Jehovah tanka ce, lye taokiye wookiye kicicin kin hee.

28 Unkan miceji nitoowotanna cajeyate kta; Niyatanpi kin anpetu osan.

PSALM 36

Dowan itancan kin on. Jehovah taokiye wan kaga. David tawa.

1 Micante mahen, wicošice wicašta šica heciya; lye išta itokam Taku Wakan kokipapi wanica ce.

2 lye išta kin en ihdawašte; Tuka wahtani kin iyeyapi qa šicedapi kta.

3 lye i oie kin hena woitonšni qa wohnayan; Wacinksamya wašteya econ kta he ayuštan.

4 Towinja akan woitonšni awacin un kta; Canku wašte šni wan ohna iyahe kta; Taku šica ayuštan kte šni.

5 Jehovah, nitowaonšida kin he mahpiya ekta un; Nitowicake mahpiya sapa iyahde.

6 Nitoowotanna kin he hepi tankapi he kin iyececa: Wokonze nitawa kin he wosbe tanka: Jehovah, wicašta woteca ko ni wicayaya.

7 Wakantanka, nitowaonšida kin he wašte hinca! Heon wicašta cinca nihupahu ohanzi kin en wacinyanpi kta.

8 Yati wasna kin on imnanpi kte; Qa wowašte nitawa wakpa kin etanhan yatke wicayaye kta.

9 Wiconi minihdoka wan nici wanke: lyoyanpa nitawa en iyoyanpa wanunyakapi kta.

10 Tona sdonniyanpi kin hena nitowaonšida iyohi wicakiya wo: Qa nitoowotanna, tona cante ecepidan kin.

11 Wahanicidapi siha kin anarnatan šni nunwe; Qa ohan šica nape kin napemaye šni nunwe.

12 Hen wicohan šica econpi kin hinhpayapi; Hena makata ehpeyapi, qa najin okihipi kte šni.

PSALM 37

David tawa

1 Wicohan šica econpi kin hena on iyokišiniciye šni wo; Qa woahtani econpi kin on winawizi šni wo.

2 Hena ecadan kašdapi kta, peji iyececa; Qa wato iyecen šnijapi kta.

3 Jehovah wacinyan wo, qa taku wašte econ wo: Makoce kin en ounye ca wowicake akita wo:

4 Nakun Jehovah en iyokipiiciya wo; Kinhan taku iceyakiye cin hena nicu kta.

5 Nitacanku kin Jehovah yuhekiya wo; Nakun wacinyan wo; kinhan ecetuye kta:

6 Qa nitoowotanna iyoyanpa iyecen yutanin kta; Qa wokonze nitawa kin wiyotanhan iyececa.

7 Jehovah en inina un, qa wacintankaya ape wo: Tuwe canku ohna wapiya un kin he on iyokišiniciye šni wo; Tuwe wicotawacin šica hduecetu kin on.

8 Wocanniye ayuštan qa wosihda ehpeya wo; Taku šica ecanon kta e iyokišiniciye šni wo.

9 Tona taku šica econpi kin hena ihangwicayapi kta; Tuka Jehovah wacinyanpi kin hena makoce kin yuhapi kta.

10 Ehake cistiyedan hehan wicašta šica en un kte šni; Han, tohe kin opahta yaun kta, tuka en un šni.

11 Tuka tona onsiicidapi kin hena makoce kin tawayapl kta; Qa wookiye ota on iyuškiniciyapi kta.

12 Wicašta ica wicašta owotanna iyape un; Qa hi ahdakinskinza ece.

3 Itancan kin ihaha kta; Taanpetu u kta wanyake cin heon.

14 Wicašta šicapi mazasagye ehdakupi; Qa tinazipepi nakiwinjapi; Onšika qa wahpanica kin makata ehpewicayapi kta; Qa tona ohan owotanna kin wicaktepi kta.

15 Mazasagye tawapi kin on iye cante caicipapi kta; Qa tinazipepi kin kawegapi kta.

16 Taku cistinna wicašta owotanna tawa kin he wašte; Wicašta šica ota wowijice yuhapi kin isanpa.

17 Wicašta šica isto kawegapi kta: Tuka Jehovah wicašta owotanna najin wicakiya ece.

18 Wicašta ecetu taanpetu kin hena Jehovah sdonya: Qa taku yuhapi kin he owihanke wanice kta.

19 Anpetu šica en istecapi kte šni; Qa wicaakihan anpetu kin en imnahan wotapi kta.

20 Tuka wicašta šice cin hena atakunipi kte šni; Qa Jehovah tokayapi kin; Tahcaska cinca sin kin iyecen huhnagapi; Šota en taninpi šni.

21 Wicašta šica wodota kes wicakicu kte šni; Tuka wicašta owotanna wacantkiye ca wawicaqu ece.

22 Tona wicayawašte kin hena makoce kin tawapi kta: Qa tona wicayašice cin hena ihangyapi kta.

23 Jehovah eciyatanhan wicašta caehde kin yuecetupi; Qa tacanku kin on iyuškin kte.

24 Hinhpaye kta, tuka makata ehpeyapi kte šni; Jehovah nape yuze cin heon etanhan.

25 Homakšidan waun, qa wanna wimacahinca; Tuka wicašta owotanna kin ehpeyapi, Qa cinca woda unpi wanmdake šni.

26 Anpetu osan waonšida qa owicaqu ece: Unkan cinca kin hena woyawašte.

27 Taku šica ayuštan qa taku wašte e econ wo; Qa owihanke wanin ounyan wo.

28 Jehovah wokonze waštedaka ece; Qa wicašta wacantkiye tawa kin hena ehpewicaye kte šni; Hena ohinniyan wicakpatanpi: Tuka wicašta šica cinca kin hena ihangwicayapi.

29 Wicašta owotanna makoce kin tawayapi kta; Qa owihanke wanin en ounyanpi kte.

30 Wicašta owotanna i kin wokšape ie kta; Qa ceji wokonze iwohdake kte.

31 lye ta Wakantanka tawoahope kin cante mahen un; Caehde tawa kin kaktihanhan kte šni.

32 Wacasta šica wicašta owotanna iwanyaka; Qa kte kta akita ece.

33 Tuka nape en Jehovah ehpeye kte šni; Qa aiapi kinhan yaco kte šni.

34 Jehovah ape un wo, qa tacanku patan wo; Unkan iye niye makoce ekta hunkake aihpeya yuwankan inicu kta; Wicašta Šica ihangyapi kinhan wandake kta.

35 Wicašta šica wohitika wan wanmdaka; Qa ihdutanka, can teca icage cin iyececa:

36 Tuka tanin šni iyaya, unkan inyun en un šni; Han owade, tuka iyeyapi šni.

37 Wicašta ecetu kin he iyukcan, qa owotanna kin wanyaka wo; Wicašta kin he owihanke kin wookiye.

38 Tuka wawakipajinpi kin witaya ihangyapi kte; Wahtanipi sa owihanke kin he baspa iyeyapi.

39 Tuka wicašta owotanna niwicayapi kin he Jehovah etanhan: Wokakije anpetu kin en wowašake tawapi kin hee.

40 Unkan Jehovah owicakiye ca ewicahdaku: Wicašta šica etanhan ewicayaku qa niwicaye kta; lye wacinyanpi, neon etanhan.

PSALM 38

David tadowan. Wokikauye on.

1 Jehovah, wocanniye nitawa en iyopemaye šni wo; Qa šinyahda hinca en makapsinpsinte šni wo.

2 Nitunwanhinkpe kin bomahdokapi; Qa ninape sutaya amapaskica.

3 Nitocanniye on micehpi zaniyan un šni; Wawahtani on mahuhu en woozi wanica.

4 Wawahtani kin hena pa iwnnkam imayaya; Waqin ke hinca iyecen on mdušaka ece.

5 Amapapi kin tonyan qa šicamna; Wimatkotkoke cin heon etanhan.

6 Mahnaskinyan, nina patuš nawajin; Anpetu osan wasihda waun.

7 Wowayazan šica wan on paksin omajudan; Qa micehpi tuktedan zani šni.

8 Wamašake šni qa nina makašušujapi; Cante mayazan heon wašicahowamda ece.

9 Itancan, token cantowakpani owasin nitokam un; Qa wašicahowamde cin he nanicihmanpi šni.

10 Cante mahniyanyan, wašake šni amayan; Nakun miišta iyoyanpa kin hee kaeš iyemacetu šni.

11 Tona waštemadapi qa mitakuye wamayazan kin en najinpi kte šni; Qa mikiyedan unpi qon itehanyan inajinpi.

12 Unkan minagi akitapi kin hena mahmunkapi; Qa tona šicaya waun kta cinpi kin hena taku šica eyapi; Qa anpetu osan wohnayan awacinpi kta.

13 Tuka miye, noge tpa iyececa, nawahon kte šni; Qa ia okitpani i hdukawa kte šni kin iyemaceca.

14 Hecen wicašta wanahon šni kin iyecen waun; Qa tuwe i ohna iyopeyapi wanice cin.

15 Jehovah niye acipe waun kin heon, Niye waadupte kte, Itancan Wakantanka mitawa.

16 Unkan hepa, Okinni miye on iyuškinpi kta; Ši ha nawasduta eca miye on ihdatanpi ece.

17 Miye humaste waun kin heon; Qa iyomakišice cin ohinniyan mitokam un.

18 Miohan šice cin owahdake kta; Qa wawahtani kin on iyokisinmiciye kta.

19 Tuka tokamayanpi ni unpi kin hena wašakapi; Qa tona taku on etanhan šni šicemadapi kin hena ota aya.

20 Tona taku wašte on taku šica econpi kin hena, Taku wašte awakite cin on makiyusepi kta.

21 Jehovah, amayuštan šni wo: Wakantanka mitawa, mitehanyan un šni ye.

22 Omakiya inahni wo; Itancan, Wanikiya mitawa.

PSALM 39

Jeduthun dowan itancan kin on. David tadowan.

1 Miohan iwanwahdake kta, epa; Hecen miceji on wawahtani kte šni: Ionatake wan mii on mduhe kta; Wicašta šica mitokam unpi icunhan.

2 la okitpani iyecen inina manka; Taku wašte ee kaeš ie šni waun; Qa mitoiyokišica yušošapi.

3 Cante mahen makate hinca; Waawacin waun icunhan peta itkon: Hehan miceji on iwaa:

4 Jehovah, omawihanke kin sdonye makiya wo; Qa mitaanpetu kin tohanyan kta hecinhan; Tohan en waun kte šni sdonwakiye kte.

5 Wan, mitaanpetu kin nape hdakinyan yakaga; Qa nitokam wani kin he takušni iyececa: Awicakehau wicašta otoiyohi, sutaya najin esta, ocowasin takušni. Selah.

6 Awicakehan wicašta kin ohanzi wan en omani; Awicakehan takušni on nihinciyapi ece: Waeju ece, tuka tuwe hena yulie kta sdonye šni.

7 Unkan nakaha, Itancan, taku e ape waun he; Niye hinca wacinciya ece.

8 Wawahtani owasin etanhan emayaku wo; Wicašta witkotkoka wowihanarnayanpi kta makage šni wo.

9 Inina waun, i wahdukawa kte šni; Niye hecanon kin heon etanhan.

10 Amayape cin he imicicu wo; Ninape makastake cin on atakuni šni amayan.

11 Iyopeyapi on wicaita wahtani kin on iyopeyaya; Qa wayapote sa iyecen tabu iyokipi kin dutakuni šni: Awicakeimn wicašta otoiyuhi takušni. Selah.

15 Jehovah, wocekiye mitawa nahon wo; Qa houwaye cin anohkiya ye: Ištamnihanpe amau kin on inina yanke šni wo; Niye kici wicašta matokeca, Unhdaka waun, atewicawaye cin owasin iyececa.

13 Makpatan wo, hecen wasagmiciye kta, Imdamde šni qa en waun šni itokam.