Wicoicage (Genesis) 26-50

WICOICAGE 

WICOWOYAKE 26.

 1 Unkan makoce kin he en wicaakihan tokeca wan, Abraham anpetu tawa icunhan wicaakihan tokaheya qon he iyohakam. Unkan Isaac Philistim tawicaštayatapi Abimelech eciyapi ekta i, Gerar etu.

2 Unkan Jehovah iye en tanin iciye ca heciya, Egypta ekta de kte šni ce, makoce wan ociciyake kte cin hen yanka wo.

3 Makoce kin de en ounyan wo, kinhan nici waun qa ciyawašte, qa makoce kin dena owasin cicu kta, nicinca ko wokonze Abraham niyate konza ewakiye cin he wahdusuta;

4 Qa nicinca yuota wakiye kta mahpiya wicanhpi sukaza iyenaka, qa makoce kin dena owasin niciuca wicawaqu kta, qa oyate maka kin ohnaka owasin nicinca kin on yawaštepi kta.

5 Nakaeš Abraham miho kin anamagoptan qa mitawoahope, mitawokonze, mioie, qa mitoope kin hena yuhe cin heon etanhan.

6 Unkan Isaac Gerar en ounyan.

7 Unkan wicašta heciya tipi kin tawicu kin on iwangapi; unkan, Mitankši kin dee ce, eya. Rebekah owanyag wašte, qa iye on okini wicašta deciya yakonpi kin maktepi kta ecin heon, Mitawin dee eye kte cin itonpa.

8 Unkan wanna anpetu ota hen yanke cehan, Philisti wicaštayatapi Abimelech ojanjan hdepi wan etanhan eyokašin qa Isaac tawicu Rebekah kici sucata e wanwicayaka.

9 Hehan Abimelech Isaac kico qa, Awicakehan nitawin hee. Tokeca, Mitawinohtin dee ehe ciqon he? eya. Unkan okini iye on mate kta epce cin heon hepa ce, Isaac eya.

10 Unkan, De taku ecaunyeconpi he? Wanna ecadan oyate etanhan wicašta wan nitawin kici iwanke kta unkans, taku šica iyahde unyayapi kta tuka ce, Abimelech eya.

11 Qa Abimelech oyate tawa owasin iwakta wicaya, Tuwe wicašta kin de yutan, kaeš tawicu yutan kinhan te kta ce, eya.

12 Unkan, Isaac makoce kin he en woju, qa omaka kin he en opawinge akihde kamna. Hecen Jehovah Isaac yawašte.

13 Unkan wicašta kin tanka qa ohinniyan tanka aya, wijica hinca.

14 Qa cicihde, optaye, qa pte wanuyanpi, qa ookiye ota yuha; heon Philisti icekinpi.

15 Unkan minihdoka, tona atkuku taokiye qapi qon atkuku Abraham ni qehan, hena owasin Philisti aohduteyapi, maka okatapi.

16 Unkan Abimelech Isaac heciya, Unkiyepi etanhan toki iyaya wo, waunsakapi keš niš sam iyeya wani ika ce.

17 Unkan Isaac hetanhan iyaye ca Gerar kaksiza kin he en eti, qa hen iyotanka.

18 Qa minihdoka atkuku Abraham ni kin icunhan qapi qon, qa Abraham te cin iyohakam Philisti kin hena aohduteyapi kin, hena ake Isaac qe ca Abraham cašton qon hena iyecen Isaac caje yata.

19 Qa Isaac hokšidan wicayuhe cin kaksiza ohna qapi qa, en minicaduza minihdoka wan iyeyapi.

20 Hehan Gerar wanuyanpi wihan wicakiyapi tawa kin, Isaac wanuyanpi wihan wicakiyapi tawa kin om akinicapi qa, Mini kin he unkitawapi ce, eyapi; heon minihdoka kin he Esek Isaac cašton, heciya kiyusepi kin heon.

21 Unkan ake minihdoka tokeca wan qapi; unkan he on nakun akinicapi, heon he Sitnah cašton.

22 Qa hetanhan ihdaka ye ca minihdoka tokeca wan qapi, qa he on akinicapi šni. Unkan he Rehoboth h eya caš kiton; Wanna Jehovah tankaya unkiyukanpi kaga makoce kin en, heon unkicagapi kta ce, eya.

23 Unkan hetanhan itawankanhde ye ca Beer-šeba ekta i.

24 Unkan hanyetu kin he en Jehovah tanin iciye ca heciya, Niyate Abraham Wakantanka kin he miye ce. Wikope šni un wo; niyate Abraham mitaokiye kin heon nici waun, qa ciyawašte, qa nicinca yuota wakiye kta ce.

25 Unkan kakiya wahna wošnapi wan kage ca Jehovah caje kin hoye kiye ca, kakiya wakeya oti, qa kan Isaac taokiye kin minihdoka wan qapi.

26 Hehan Abimelech Gerar etanhan Isaac en hi; iye takodaku Ahuzzath, Phichol taakicita tancan koya.

27 Unkan, Šice mayadakapi qa niyepi kin etanhan toki iyaye mayasipi, qa tokeca en mayahipi he? Isaac ewicakiya.

28 Unkan, Unkanitonwanpi qa Jehovah nici un kin he wanunyakapi qa, Iho wokonze yuke kte, unkiyotahedan qa odakonkiciyapi unnicagapi kta ce, unkeyapi.

29 Hecen unkiš unniyutanpi šni, qa taku wašte ecedan ecaunniconpi, qa wounkiyapi iyaye unnišipi kin he iyecen, miš dehan Jehovah niyawašte, taku šica ecaunyeconpi kte šni, eyapi.

30 Unkan wowicakihe ca wotapi qa wayatkanpi.

31 Qa ihanhanna kiktapi qa konza ekiciyapi, napin hunka wanjitku kici heconpi qa, Isaac kihde wicaši. Unkan wookiye iyayapi.

32 Anpetu kin he en Isaac taokiye kin en hipi, qa minihdoka qapi kin he okiyakapi qa, Mini iyohi unyanpi ce, eyapi.

33 Unkan, Šebah eya caš kiton. Heon anpetu kin de hehanyan otonwe kin heciya un kin Beer-šeba eciyapi.

34 Unkan Esau wanna waniyetu wikcemna topa, hehan Beeri Heti kin he cunwintku Judith, qa Elon Heti he cunwintku Bašemath, henios wicayuza. Henu napin on, Isaac Rebekah ko cante šicapi.

WICOICAGE WICOWOYAKE 27.

1 Unkan Isaac wanna wicahinca ista kin mdeze šni, hecen wawanyake šni; hehan Isaac cinhintku tokapa kin Esau kipan qa, Micinkši, eya. Unkan, Iho miye ce, eya.

2 Unkan, Wanna wicamahinca, qa tohan mate kte cin sdonwakiye šni.

3 Ceciya ce, nakaha wipe ikikcu wo, wanju itazipa ko ikikcu, qa hewoskan ye ca tado imakihni wo.

4 Qa mate kte cin itokam, minagi kin niyawašte kta e, tado skumna taku wašte wadaka heca micage, ca makau wo. Wate kta ce, eya.

5 Unkan Rebekah Isaac cinhintku Esau okiye cin he nahon. Unkan Esau atkuku kin on wotihni kta e hewoskan iyaya.

6 Hehan Rebekah cinhintku Jacob heciya, Iho, niyate Esa nicinye okiya nawahon;

7 Qa, Tado makau qa taku skumna wagte micaga wo; wate kta qa mate šni kin itokam Jehovah itokam ciyawašte kta ce, eciya.

8 Heon micinkši token econ cisi miho kin anamakigoptan ye.

9 Ecadan wanuyanpi ekta ye ca hekinškayapi cinca nom wašte imakicu ye, kinhan tado skumna wecage kta, niyate waštedaka iyececa.

10 Unkan niyate te cin itokam niyawašte kta e en ayai kia; unkan yute kta ce.

11 Unkan, Jacob hunku kin Rebekah heciya; Esau micinye Esau wicašta hin ota heca, qa miš wicašta šdušduta hemaca.

12 Okini ate mayutan kte cinhan wicahnayeša wan iyececa iyemaye kta, hecinhan mayašicapi kin he iyahde miciye kta, mayawaštepi kin hee kte šni ce.

13 Unkan, Micinkši niyašicapi kin he miye en amaupi nunwe. Tokešta miho kin anamakigoptan, qa imakicu ye, hunku kin eciya.

14 Unkan ekta ye ca ikikcu qa hunku kin en au; unkan hunku kin tado skumna atkuku wušte dake cin iyecen kaga.

15 Hehan Rebekah ina wašte wan, cinhintku tokapa Esa he tawa tipi kin ohna yuhe cin he icu, qa cinhintku hakakta Jacob in kiya.

16 Qa hekinškayapi cincadan ha kin he Jacob nape kin, qa tahu dusduta kin akan ehnaka.

17 Qa tado skumna kage ciqon aguyapi koya cinhintku Jacob nape kin en qu.

18 Unkan atkuku kin en au qa, Ate, eya. Unkan, Den miye ce; micinkši ni tuwe he? eya.

19 Unkan Jacob atkuku kin heciya, Esau nicinkši tokapa kin he miye ce. Token emayakiye cin ecen ecamon ce. Ceciciya najin qa iyotanka wo; qa ninagi kin mayawagte kta e tado awahi kin yuta wo, eya.

20 Unkan, Micinkši token inahniyan iyeyaya he? Isaac cinhintku kin eciya. Unkan Jehovah wakanyada kin he itkomakim u kiya heon etanhan, eya.

21 Unkan, Micinkši mikiyedan u wo, ciyutan kta ce, Esau micinkši kin de niye kaeš dee šni uman tukte sdonwaye kta, Isaac Jacob eciya.

22 Hehan Jacob atkuku Isaac  ikiyedan hinajin, unkan yutan qehan, Ho kin Jacob ho kin hee, tuka nape kin Esau nape kin eepi, eya.

23 Nape kin hin ta cincu Esau nape kin iyececapi; heon etanhau iyekiye šni, qa Jacob yawašte.

24 Esa micinkši kin de niye he? eya iwanga. Unkan, He miye ce, eya.

25 Unkan, Mikiyedan u wo. Minagi kin niyawašte kta e, taku micinkši kin wate kta ce, eya. Unkan ikiyedan hinajin, unkan wota, miniša nakun en au; unkan yatkan.

26 Hehan atkuku Isaac, Micinkši mikiyedan u qa i imaputaka wo, eciya.

27 Unkan en ye ca i iputaka, unkan wokoyake omna kin he omna, qa yawašte qa, Micinkši omna km he tinta wan Jehovah yawašte omna kin he iyececa.

28 Qa Wakantanka mahpiya cu kin nicu kte ca nakun maka kin wasna qa aguyapi qa miniša ko ota.

29 Oyate wowindag wicayaye kta nitokam wicaštayatapi makata ehpeiciyapi kta. Nihunkawanji yuha un wo, qa nihun cinca wicaye cin nitokam patujapi kta, tuwe niyašice cin yašicapi kte, qa tuwe niyawašte kin yawaštepi kta ce, eya.

30 Wanna Isaac Jacob yawašte hdastan, unkan Jacob atkuku Isaac itoye kin etanhan kitana aisinyan iyaya, hehan cincu Esau wotihni kin etanhan hdi.

31 Qa iš nakun tadoskumna kagoca atkuku kin en ahi, qa atkuku kin heciya, Ate najin qa nicinkši taku o kin etanhan yuta wo; ninagi kin mayawašte kte cin heon etanhan.

32 Unkan atkuku Isaac, Ni tuwe he? eciya. Unkan, Nicinkši tokapa Esau he miye ce, eya.

33 Unkan Isaac woyušinyaye tanka hinca on nina yušinyaya; Token tuwe tado ihni qa makahi, unkan owasin etanhan wata, yahi šni ehan,qa mdawašte qa nakun iye yawaštepi kta ce, eya.

34 Esau atkuku oie kin nahon hehan nina ceye ca šicahowaye ca, Ate miš nakun mayawašte ye, atkuku kin eciya.

35 Unkan, Nisunka hi qa wohnaye kin eciya tanhan niyawaštepi kin icu, eya.

36 Unkan, Jacob eciyapi caje kin iyecetu šni he? Wanna nonpa yušna mayan; watomakapa kin he tokaheya ki qa nakaha mayawaštepi kin icu. Eye ca, Woyawašte wan miyecipatan šni he? eya.

37 Unkan Isaac ayupte ca, Esau ohiniciye kte he wakage, ca hunkawanjin wicaye cin owasin wicayuhe kta waqu, aguyapi minima ko yuhe kta waqu, qa dchan micinkši taku ecacicon kta he? Esa eciya.

38 Unkan, Ate woyawašte kin wanjidan duha he? Miš nakun mayawašte wo, ate, Esau atkuku kin eciye ca, Esau panyanhan ceya.

39 Unkan atkuku Isaac ayupte ca, Maka wašna kin ohna ounyaye kte ca mahpiya cu kin aniu kte;

40 Qa nitacanhpi kin on yani kte ca nisunka wowidag niye kta; tuka tohan wašaka inicage cinhan iye tawanapin nitahu kin etanhan dukse kta ce, eciya.

41 Unkan Esau Jacob šicekidaka, woyawašte kin on atkuku kin yawašte kin heon etanhan, qa Esau cante kin mahen heya; Ate aceyapi kte cin anpetu kin hena wanna ikiyedan qa, hehan miš unka Jacob wakte kta ce.

42 Unkan Rebekah he cinhintku tokapa token ie cin he okiyakapi, unkan ekta yeši qa, cinhintku hakakta Jacob kico qa, Iho nicinye Esau niye tokicon qa nikte kta e oiciya ce.

43 Iho micinkši miho kin anamakigoptan ye. Najin qa mihunkawanji Laban en Haran ektakiya najica yaye.

44 Qa mihunkawanji kici nanke kta anpetu tonana; nicinye canniye niye cin ayuštan kin hehanyan.

45 Nicinye wocanniye aniyuštan qa, taku ecayecon akiktonje cin hehantu, kinhan hetanhan icicu kta e wahociye kta ce; ehaeš token on etanhan anpetu wanjidanen niye napin inakitaninpi kte šni he? eciya.

46 Unkan Rebekah Isaac heciya, Wani kin he wanna owihanketa, Heth cunwintku wicaye cin on etanhan, Jacob winohinca wan denaiyececa, Heth cunwintku kin etanhan, yuze cinhan token on wani kta he? eya.

WICOICAGE WICOWOYAKE 28.

1 Hehan Isaac Jacob kipan, qa yawašte qa wahokonkiye ca, Caanan cunwinkupi kin etanhan winohinca duze kte šni.

2 Najin Padan-aram kin ekta ya wo, nihun atkuku Bethuel ti kin ekta, qa hetanhan timdoku Laban cunwintku kin etanhan winohinca wan yuza wo.

3 Qa Wakantanka iyotan wašake cin niyawašte, qa iyakicuya yuota niciye kta, qa oyate ota yaun kta.

4 Qa Abraham yawaštepi kin nicu, makoce wan en ounyaye cin Wakantanka Abraham qu qon he nicinca om yahduhe kta, eciya.

5 Hecen Isaac Jacob ye; unkan iyaya Padan-aram kin ekta, Bethuel cinhintku Laban Arami kin en, Jacob Esau kici hunkupi kin Rebekah hunkawanjidan kin hee.

6 Unkan Isaac Jacob yawašte, qa Padan-aram kin ekta ye ši kin, heciya tanhan winohinca wan yuze kta, qa yawašte qehan, Caanan cunwintkupi kin etanhan winohinca duze kte šni ce, eciye cin he Esau wanyaka.

7 Unkan Jacob atkuku hunku kici anawicagoptan, qa Padan-aram  kin ektakiya ya.

8 Unkan Caanan cunwintkupi kin iye atkuku Isaac išta kin en šicapi e Esau wanyake cehan;

9 Esau lšmael ekta i, qa Abraham cinhintku lšmael cunwintku Mahalath, Nebajoth tawinohtin kin he yuza, tawicu nonpa tuka he nakun yuza.

10 Unkan Jacob Beer-šeba etanhan iyaya Haran ektakiya.

11 Qa toki i kin hen iwanka, wi wanna iyaya nakaeš, qa inyan hen yanke cin etanhan icu, qa ipahin ekihnake ca heciya ištima.

12 Qa wihanmde ca inyun taku iyadipi wan makata han, qa pa kin mahpiya kin ekta iyohiya; unkan Wakantanka ohnihde wicaye cin adipi qa kun hiyupi.

13 Qa inyun Jehovah iwankam najin qa, Niyate Abraham Wakantanka da qa Isaac Wakantanka da kin Jehovah he miye ce. Makoce akannunke cin hecicukta nicinca koya.

14 Qa nicinca maka watušekšeca sukaza kin iyenakapi kta, eniciciya idade kta wiyohpeyata, qa wiyohiyanpata, qa waziyata, qa itokaga, qa niye nicinca koya en wicowazi tona maka akan unpi kin owasin yawaštepi kta.

15 Iho, miš nici waun, qa toki da ešta awanciyake kta, qa maj koce kin de ekta acihdi kta, ehpeciye kte šni, tohan taku ociciyaka wahdustan šni  kin hehanyan, eya.

16 Unkan Jacob wihanmde cin etanhan kikta qa, Awicakehan Jehovah den yanka, tuka miš sdonwaye šni, eya.

17 Hecen kokipe ca, Oyanke kin de itonpapi kta tuka ce! Wakantanka tipi kin qa mahpiya tiyopa kin dee šni ce, eya.

18 Qa hanhanna hehan Jacob najin qa inyan wan ipahin ehnake ciqon he icu, qa wokiksuye kte cin ehde, qa he pa kin akan wihdi akaštan.

19 Qa oyanke kin he Bethel, eya cašton, tuka tokag ehan otonwe kin he Luz eciyapi.

20 Unkan Jacob wokonze wan iciconze ca heya, Wakantanka niici un kinhan, qa canku kin de ohna mde cin he ohna awanmayake cinhan, qa aguyapi wate kta maqu qa wokoyake komayake kta nakun;

21 Qa ate tipi kin ekta tanyan wahdi hecinhan, Jehovah eceedan wakanwada kta ce.

22 Qa inyan wokiksuye ewehde kin de Wakantanka tipi tawa kta ce, qa taku mayaqu kte cin owasin etanhan, iwikcemna kin cicu kta ce.

WICOICAGE WICOWOYAKE 29.

1 Hehan Jacob Wiyohiyanpata cinca tamakocepi kin ektakiya siha on mani iyaya.

2 Qa etonwe ca inyun tinta ohna minihdoka wan, qa tahcaska wanuyanpi optaye yamni heciya minihdoka kin icahda wankapi, minihdoka kin he etanhan optaye kin mini wicaqupi ece. Unkan minihdoka i kin akan inyaii tanka wan yanka.

3 Unkan hen optaye kin owasin mniciyapi eca, minihdoka i kin akan tanhan inyan kin yuptanyanpi qa, tahcaska kin mini wicaqupi ca inyan kin hen yanke kte cin minihdoka i kin akan ehnaknpi.

4 Unkan, Hunkawanjin ciyapi tokiya tanhan yaunpi he? Jacob ewicakiya. Unkan, Haran unketanhanpi ce, eyapi.

5 Unkan, Laban Nahor cinhintku sdonyayapi he? ewicakiya. Unkan, He sdonunyanpi ce, eyapi.

6 Unkan, Zaniyan un he? ewicakiya. Unkan, Zaniyan un, nakun wanyaka wo; cunwintku Rachel tahin wanuyanpi kin ota hiyu ce, eyapi.

7 Unkan, Anpetu nahahin tanka ihan. Wanuyanpi mniciyapi kte cin nahahin iyehantu šni. Tahcaska mini wicaqupi qa wihan wicakiyapo, eya.

8 Unkan, Unkokitpanipi ce; optaye kin owasin mniciyapi kin, hehan inyan kin minihdoka i kin etanhan yuptanyanpi kinhan, hehan tahcaksa kin mini wicunqupi kta ce, eyapi.

9 Om wohdaka icunhan, Rachel atkuku tahcaska tawa om hi; wihan wicakiya nakaeš.

10 Hecetu unkan Jacob, iye hunku kin he hunkawanjidan Laban cunwintku Rachel he wanyake ca, hunku hunkawanjidan kin Laban tahcaska tawa nakun, qa Jacob ikiyedan i qa, inyan qon mini hdoka i kin akan tanhan yuptanye ca, hunku kin he hunkawanjidan Laban tahcaska tawa mini wicaqu.

11 Qa Jacob Rachel i iputake ca ho taninyan ceya.

12 Qa Jacob Rachel heciya, Niyate sunkaku kin hemaca, Rebekah cinhintku kin he miye ce. Unkan inyang hde ca atkuku okiyaka.

13 Unkan Laban he tawinohtin cinhintku kin Jacob taku ohdake cin nahon qehan, itkokim inyang ye ca. poskin yuze ca, i iputake ca tipi kin timahen u ši. Unkan Jacob Laban hena taku kin owasin okiyaka.

14 Unkan, Mihu, qa micehpi kin he niye ce, Laban Jacob eciya. Unkan anpetu tona wi wanjidan en un kin kici yanka.

15 Unkan Laban Jacob heciya, Hunkawan tin ciye cin on ituya wowidag ciye kta he? Taku iyuwin yacin kin he omakiyaka wo, eya.

16 Wanna Laban cunwintku nonpa, tokapa kin Leah eciyapi, qa hakakta kin Rachel eciyapi.

17 Qa Leah ista kin wankadan; tuka Rachel okah wašte owanyag wašte hinca.

18 Unkan Jacob Rachel waštedake ca, Rachel nicunkši hakakta kin he on waniyetu šakowin wowidag mayaye kta, eya.

19 Unkan he cicu kinhan wašte kta; wicašta tokeca waqu kinhan wašte kte šni. Mici ti wo, Laban eya.

20 Unkan Jacob Rachel on waniyetu šakowin okiya; tuka he waštedake cin on išta kin en anpetu tonana yawa.

21 Hehan, Mitawin maqu wo, kici imunke kta, anpetu kin wanna henakeca ce, Jacob Laban eciya.

22 Unkan Laban otonwe kin wicašta owasin mnawicaye ca wowicakihan.

23 Qa otpaza hehan cunwintku Leah he icu, qa Jacob en au. Unkan kici wanka.

24 Unkan Laban wikoška wan yuhe cin Zilpah, he icu qa cunwintku Leah wikoška yuhe kta e qu.

25 Ihanhanna inyun Leah hee, qa Jacob Laban heciya, Rachel on ociciye šni he? Tokeca mayahnayan he?

26 Unkan, Hakakta kin tokaheya qupi, qa hehan tokapa kin deciya hecen econpi šni;

27 Anpetu šakowin kin de ihuniyan wo; kinhan he nakun cicu kta, tokata waniyetu šakowin tokeca omayakiye kte cin heon etanhan, Laban eya.

28 Unkan Jacob ecen econ, qa šakowin kin he ihuniyan. Unkan Laban cunwintku Rachel he tawicu kta e qu.

29 Qa wikoška wan yuhe cin Bilhah, he Laban cunwintku Rachel wikoška yuhe kta e qu.

30 Unkan Jacob Rachel kici wanke ca, nakun Rachel waštedake ca, ake waniyetu šakowin uman Laban cajeyate ciqon he yuštan.

31 Unkan Leah šicedakapi kin he Jehovah wanyake ca, Leah tanini kin yuhdoka, tuka Rachel cinca ton šni.

32 Unkan Leah ihdušake ca, cinca ton, qa Reuben eya caš kiton; Makiyušepi kin Jehovah wanyaka, unkan dehan mihihna waštemadake kta ce, eya.

33 Qa ake ihdušake ca cinca ton, qa, šice madapike cin he Jehovah nahon, qa cinca kin de nakun maqu, eye ca, Simeon eya caš kiton.

34 Qa ake ihdušake ca cinca ton qa, Wanna detanhan mihihna tinsa mahduze kta: Wanna cinca yamni weciton, eye, ca Levi eya caš kiton.

35 Unkan ake ihdušake ca cinca ton qa, Dehan Jehovah mdatan kta ce, eye ca, Judah eya caš kiton. stan. Hehan cinca ton kin ayu.

WICOICAGE WICOWOYAKE 30

1 Unkan Rachel Jacob cinca kiciton šni e wanhdake ca, Rachel he cunku inakiwizi qa Jacob heciya, Cinca maqu ye, hecanon šni kinhan mate kta ce.

2 Unkan Jacob canniye ye ca, Rachel heciya, Miye Wakantanka kecanni he? lye taku tamni ton kin onanitaka ce.

3 Unkan, Iho wikoška mduhe cin Bilhah he ekta yaye; unkan mišiyoto kin akan cinca ton kinhan, iye etanhan cinca waton kta ce;

4 Eye ca wikoška yuhe cin Bilhah he tawicu kta e qu. Unkan Jacob he en i.

5 Unkan Bilhah ihdušake ca Jacob cinca kiciton.

6 Unkan Wakantanka mayaco qa, nakun houwaye cin namahon, qa cinca wan maqu, Rachel eye ca, Dan eya caš ton.

7 Unkan ake Rachel tawikoška Bilha ihdušake ca cinca icinonpa Jacob kiciton.

8 Unkan Wakantanka omakiye ca micun kici htawani, qa ohiwaya ce, Rachel eye ca, Naphtali eya caš ton.

9 Unkan Leah cinca sanpa ton šni e wanhdake cehan wikoška yuhe cin Zilpah icu, qa Jacob tawicu kta e qu.

10 Unkan Leah wikoška yuhe cin Zilpah, he Jacob cinca kiciton.

11 Unkan, Optaye kta, Leah eye ca, Gad eya caš ton.

12 Unkan Leha wikoška yuhe cin Zilpah Jacob cinca icinonpa kiciton.

13 Unkan, Wopida mayanpi, cunwintku unpi kin mayawaštepi kta ce, Leah eye ca, Ašer eya cašton.  

14 Unkan aguyapi bakšapi kin icunhan Reuben magata iyaye ca, dudaim iyeye ca hena hunku kin ekta kai. Unkan Rachel Leah heciya; Nicinkši dudaim au kin etanhan maqu ye.

15 Unkan, Mihihna yaki kin he taku cistina naceca, micinkši dudaim tawa kin, he nakun iyacu kta he? eciya. Unkan, Nicinkši dudaim tawa kin he on hanyetu kin de nici iwanke kta ce, eya.

16 Unkan htayetu hehan, Jacob maga tanhan hdi; unkan Leah itkokim inanpe ca, Miyahna yau kta, micinkši dudaim tawa kin hena on opeciton ce, eya. Unkan hanyetu kin he kici wanka.

17 Unkan Wakantanka Leha anagoptan: unkan ihdušake ca cinca izaptan Jacob kiciton.

18 Qa, Wikokša mduhe cin he mihihna waqu kin heon, Wakantanka iyunwin maqu, Leah eye ca, Issachar eya caš kiton.

19 Unkan ake Leah ihduske ca cinca išakpe Jacob kiciton.

20 Qa, Nakaha Wakantanka taku wašte itumakihan, mihihna cinca šakpe weciton, heon detanhan mici tipi kta ce, eye ca, Zebulun eya caš kiton.

21 Qa he iyohakam cinca winyan ton qa, Dinah eya caš kiton.

22 Unkan Wakantanka Rachel kiksuye ca Wakantanka anakicigoptan, qa tamni kin yuhdoka.

23 Unkan ihdušake ca cinca wan ton qa, Taku iyaniaonpapi qon Wakantanka wanna emicihdaku;

24 Qa Wakantanka cinca tokeca wan nakun maqu kta, eye ca, Joseph eya caš kiton.

25 Unkan Rachel Joseph ton kin hehan, Jacob Laban heciya, Wanna hde mayan wo. Mitamakoce qa toki manke kte cin ekta wahde kta.

26 Mitawin micinca ko maqu wo, wahde kta ce; hena on token htawani, qa wowindag mayaye cin niš sdonyaya ce.

27 Unkan, Tokin niišta kin en iyocicipin, niye on etanhan Jehovah mayawašte wahdukcan.

28 Taku on omayakiye kta atayedan omakiyaka wo; hecece cinhan cicu kta ce, Laban eciya.

29 Unkan, Niš token ociciye ca, nitawanuyanpi kin token mici unpi qon sdonyaya.

30 Wahi kin itokam taku cistina duhe ciqon, qa wanna ota aye ca, miš iha kin eciya tanhan Jehovah niyawašte. Unkan wanna tohan wati ohnaka kin on taku micicage kta he? eya.

31 Unkan, Taku cicu kta he? eya. Unkan Jacob heciya, Takudan inayaqu kte šni, tuka taku kin de ecanon kinhan ake optaye nitawa kin awanwicamdake kta.

32 Nakaha wanuyanpi owasin ehna mawani kta, qa tona hdehdega qa hdehdeze cin iyogiyewicawaye kta, tahcaska wanuyanpi kin tona gigi kin owasin, qa hekinškayapi tona hdehdege ca hdehdeze cin heniyos akipam ewicawahde kta; qa tokata tahin wanuyanpi ehna tona gigi, qa hekinškayapi ehna tona hdehdega hdehdeza ko, hena iyunwin mitawa kta.

33 Unkan tokata miohan owotanna mihduotanin kta; taku mitawa nitokam u kinhan, hekinškayapi tona hdehdegapi šni, qa hdehdezapi šni, qa tahin wanuyanpi ehna tona gigi šni kin hena owasin mawanon kehe kta.

34 Unkan, Tokin token ehe cin hecetun, Laban eya.

35 Qa anpetu kin he en hekinškayapi mdoka tona hdehdeza hdehdega ko, qa hekinškayapi wiye tona hdehdege ca hdeškaška kin owasin, tona akan hin san kin hena koya owasin, akipam ewicahdaku, tahin wanuyanpi ehna tona gigi kin nakun owasin, qa hena cinkšiwicaye cin nape kin en wicaqu.

36 Qa anpetu yamni imani, iye Jacob kici ihehanyan kaga: unkan Laban woteca optaye ihe cin hena Jacob wihan wicakiyapi.

37 Qa Jacob can šakadan icu, waga teca qa can su, qa uma hena owasin etanhan icu, qa ha kin pago hdeza, ska tanin kta e hecen hdehdeza kaga.

38 Qa watpadan tukten wanuyanpi mini yatkanpi kin hena ohna, can šakadan pago qon ehde, wanuyanpi itokapa tanhan, unkan wanuyanpi yatke upi en kiyuhapi ece.

39 Hecen can šakadan qon ekta wanuyanpi kin kiyuhapi, qa wanuyanpi hdehdeza hdehdega hdeškaška ko wicatonpi.

40 Unkan Jacob tahcaska cinca yukinukan ewicalmake ca, wanuyanpi itepi kin taku hdeza ektakiya ewicahde, Laban wanuyanpi gigi kin owasin, qa wanuyanpi tawa kin yukinukan ewicahde, Laban tawanuyanpi kin kici ewicahde ši.

41 Qa tohan wanuyanpi wasakapi kiyuhapi eca, Jacob can sakadan qon watpadan ohna wanuyanpi išta kin wicitokam ehde; can šakadan kin ekta kiyuhapi kta e hecon.

42 Tuka wanuyanpi wankapidan eca, ehde šni, hecen tona wankapi kin hena Laban tawa, qa tona wašakapi kin hena Jacob tawa.

43 Hecen wicašta kin tanka hinca icage ca wanuyanpi ota ton, qa nakun winyan taokiye, qa hok dan, qa cankahu pajo, qa šuktanka šonšonna.

WICOICAGE WICOWOYAKE 31.

1 Hehan, Taku ate unyanpi tawa qon he owasin Jacob icu, qa taku ate yuhe ciqon etanhan, woyuha tanka kin de owasin icicaga, Laban cinkšiwicaye cin eyapi kin Jacob nahon.

2 Qa Laban ite kin he nakun Jacob wanyaka, qa iye ektakiya wanna tokeca.

3 Nakun, Niyate makoce tawapi kin ekta, qa takuwicayaye cin ekta hda wo, kinhan nici waun kta ce, Jehovah Jacob eciya.

4 Heon Jacob tuwe ekta ye si qa, tawicu napin Rachel Leah kici, tinta kin heciya, tawanuyanpi kin ekta wicakico.

5 Qa, Niyatepi kin wanna tokeca amatonwe cin wanmdaka, tuka ate Wakantanka da kin mici un.

6 Qa token owakihi ohinniyan niyatepi kin owakiya sdonyayapi;

7 Tuka niyatepi kin mahnaye ca, wikcemna akihde taku maqu kte cin yutokeca, tuka kiunni maye kte cin Wakantanka iyowinye šni.

8 Kaken,Hdehdegapi kin hena iyunwin duhe kta ce, eye cehan, waunyanpi kin owasin hdehdegapi kin heca ece wicatonpi; qa, Hdehdezapi kin hena iyunwin nitawa kta eye cehan, hehan wanuyanpi owasin hdehdezapi heca ece wicatonpi ece.

9 Hecen Wakantanka niyatepi tawanuyanpi kin ki ece, qa he maqu.

10 Wanuyanpi kin kiyuhapi eca wiwahanmde ca, ewatonwe ca, inyun tahcaska mdoka hdehdeza hdehdoga hdeskaška hecapi ko, wanuyanpi akan adipi e išta on wanmdaka.

11 Nakun wiwahanmde ca, Wakantanka taohnihde ye cin hemakiya; Jacob. Unkan, Den miye ce, epa.

12 Unkan, Išta yuwankan ikikcu qa, tahcaska mdoka wanuyanpi adipi kin awicatonwan wo; hdehdeza hdehdega hdeskaška hecapi; token Laban ecanicon kin he owasin wanmdaka ce.

13 Wakantanka Bethel en tanin iciye cin he miye, hen wokiksuye sdayaye ca, hen taku konza emayakiya. Wanna najin, qa makoce kin de etanhan, iyaye ca taku wicayaye cin ekta hda wo, eya.

14 Unkan Rachel Leah ko ayuptapi; Ate tipi kin ohna taku unhapi kte ca taku unkitawapi kte cin yukan he?

15 Oyate tokeca unhdawapi šni he? Wiyopeunyanpi, qa nakun mazaska unkitawapi kin owasin yušota.

16 Heon woyuha ate unyanpi kin etanhan Wakantanka ki kin he iyuhpa unkiye unkitawapi, qa unkicincapi tawapi ce. Wanna token Wakantanka econ niši kin owasin ecen econ ye, eyapi.

17 Unkan Jacob najin, qa cinca tawicu ko owasin cankahu pajo akan ewicahnaka,

18 Qa atkuku Isaac en Caanan makoce kin ekta kihde kta e tawanuyanpi kin owasin awicaya, woyuha icicage cin,qa taku tonpi kiton kin, taku Padan-aram  kin en ihdamna kin owasin.

19 Wanna, Laban tahcaska kin hduikla iyaye cehan, Rachel he atkuku okagapi tawa kin manon.

20 Unkan Jacob Laban Arami kin cante kin manon, najica iyaya, okiyake šni nakaeš.

21 Hecen najica,taku tawa kin owasin hduha najin, qa watpa kin iyuwege ca, Gilead he kin ektakiya etonwan.

22 Unkan anpetu iyamni kin hehan, Jacob wanna najica Laban okiyakapi.

23 Unkan hunka wanjin wicaye cin wicakico, hcna om okide ye ca. Šakowin can icimanipi hehan, Gilead he kin en kihdegapi.

24 Unkan, Wakantanka hanyen Laban Arami kin en hi qa, wihanmde cin en heciya, Ihnuhan taku wašte taku šica uman tukte kašta eyakiye cin, eya.

25 Unkan Laban Jacob kihdege cehan, Jacob he kin en wakeya oti, qa Laban hunka wanjin wicaye cin om Gilead he kin hiyahanpi.

26 Qa Laban Jacob heciya, Taku tokanon micante kin mayahnaye ca, micunkši canhpi on wayaka iyecen awicayahda.

27 He tokeca e hecanon he, anamayakihbe ca, manicinon, omayakidake šni; omayakidaka unkanš wiyuškinyan iyaye ciye ca, cicidowan, qa cancega candowankiyapi ko ciciyahoton kta tuka hecanon?

28 Micinca wica winyan ko i iwicawaputake kte, iyowin mayakiye šni? Wanna witkoya hecanon.

29 Dehan taku šica ecacicon kta nape wamašaka, tuka niyate Wakantanka da kin hinhan hemakiya; Ihnuhan Jacob taku wašte taku šica uman tukte kašta eyakiye cin, eya.

30 Wanna niyate tipi kin ekta yahde kte hinca, tuka tokeca taku wakanpi mitawa kin maya nun he? eya.

31 Unkan Jacob waayupte ca, Kowakipe cin heon, qa okini nicunkši kin hena mayaki kta naceca ce epe cin heon hecamon;

32 Taku wakan nitawa kin tuwe kici iyeyakiye cinhan, he ni kte šni. Hunkawanji unye cin wicitokarn, taku nitawa mici un kin, tukte e he, iyukcan qa ikikcu wo. Rachel hena manon tuka Jacob he sdonye šni, qa heciya.

33 Hehan Laban Jacob tawakeya kin en ti mahen i, Leah tawakeya kin nakun, qa wikoška nonpa tawakeyapi kin; tuka iyekiye šni; hehan Laban Leah tawakeya kin etanhan hdinanpe ca, Rachel tawakeya kin en i.

34 Tuka Rachel terapim kin icu, qa cankahu pajo aqinpi kin en ehnake ciqon,qa akan iyotanka. Unkan Laban wakeya kin owancaya yutan qa iyekiye šni.

35 Unkan atkuku kin heciya, Itancan nitokam nawajin owakitpani,hececa sta canniyemaye šni ye. Winohinca ayakonpi kin hemaceca ce. Unkan nina akita tuka okagapi kin iyekiye šni.

36 Unkan Jacob canniye ca, Laban kige, Taku šica ecamon qa wawahtani kin tukte e he? on hecen mayakuwa?

37 Mitawahpaya kin owasin mayakidutan, wakšica yati kin etanhan wanji iyeyaye cin tukte e he? takuwicunye cin wicitokarn ehnaka wo; hecece cinhan uman tukte unkitawa kta yukcanpi nunwe.

38 Waniyetu wikcemna nonpa kin dena nici waun, tuka tawiyedan nitawa kin kpapi šni, qa, nitawanuyanpi tahcaska mdoka kin hena wate šni.

39 Taku yahdecapi kin niye en cicai šni, he miye piya wakaga ce. Hanyen manonpi kin, qa anpoškan manonpi kin he koya, minape kin etanhan mayakida.

40 Kaken waun, anposkan ipuza mata, qa hanyen e šni; woistima miišta kin amayuštan.

41 Miye waniyetu wikcemna nonpa kin yati kin en wowidag mayaye; waniyetu ake topa nicunkši nonpa on, qa waniyetu šakpe nitawanuyanpi kin on, ociciye ca, taku mayaqu kte cin wikcemna akihde mayadutokan.

42 Ate Wakantanka da kin, Abraham Wakantanka da kin qa Isaac Tokokipe kin, mici un kin; hecetu šni  unkanš wanna cokadan kihde mayadi kta tuka; mawahbadan kin qa minape ntanipi kin he Wakantanka wanyake ca, hinhan iyopeniyan ce, Jacob Laban eciya.

43 Unkan Laban waayupte ca, Jacob heciya, Cinca winyan kin dena micunkši eepi, qa hokšidan kin dena micinca eepi, qa wanuyanpi kin dena wanuyanpi mitawa eepi, qa taku niye wanyahdake cin he iyuhpa mitawa ce. Tuka de micunkši kaeš cinca wicatonpi kin dena, nakaha taku ecawicawecon kta he?

44 Tokin wanna wicoun unkicagen, miye qa niye, hecen waayatanin unkiyotahedan yuke kta.

45 Unkan Jacob inyan wan icu, qa wokiksuye e pasdata:

46 Qa, Inyan icupo, Jacob hunkawanjin wicaye cin ewicakiya. Unkan inyan icupi, qa paha wan kagapi qa, hen paha kin akan wotapi.

47 Unkan paha kin he, Jegar-sahadutha Laban eya canton; tuka Jacob he Galeed eya canton.

48 Unkan Laban heya, Anpe  dehan paha kin de unkiyotahedan waayatanin kta; Galeed Waayatanin paha kin he ka, paha kin he eciyapi.

49 Tohan kinukankiya unkiyaye cinhan Jehovah unyacopi kta, Laban eye ca, Mizpah cašton.

50 Qa, Micunkši wicayakiduse, qa winohinca tokeca duze cinhan, wicašta tuwe he atonwe kta unkici un šni , unkiyotahedan Wakantanka he waayatanin kta.

51 Qa, Wanyaka wo, paha kin de, wokiksuye unkiyotahedan ewehde kin de;

52 Paha kin waayatanin, wokiksuye kin de waayatanin, taku šica on paha kin de kapeya imdamde ca niye en cii kte šni, qa niš kapeya yahihdu qa hiyohi mayaye kte šni.

53 Abraham Wakantanka da kin, Nahor Wakantanka da kin, hunkake wicayapi Wakantanka dapi kin unyacopi kta, Laban Jacob eciya. Unkan Jacob iye atkuku Isaac Tokokipe kin cajeyan konza.

54 Hehan Jacob he kin akan wošnapi wan wakiyusna, qa aguyapi yutapi kta e hunka wanjin wicaye cin wicakico. Unkan aguyapi yutapi qa he kin en wankapi.

55 Unkan ihanhanna Laban kikta qa iye cinca wica winyan ko i iwicaputake ca, wicayawašte qa, hehan Laban tohe kin ekta kihda.

WICOICAGE WICOWOYAKE 32.

1 Unkan Jacob tacanku kin ohna iyaye ca,Wakantanka ohnihde wicaye cin iktokim hipi.

2 Unkan Jacob wanwicayake cehan, Wakantanka wicobe tawa kin dee ce, eye ca oyanke kin he Mahanaim cašton.

3 Hehan Jacob Edom wojupi kin Seir makoce kin etu, cincu Esau ti kin ekta, ohnihde wicaye cin ye wicaši.

4 Qa wahokonwicakiye ca, Itancan mitawa Esau hecen eyakiyapi kta ce, eya; Laban kici wati qon dehantu.

5 Qa pte, qa šuktanka šonšonna, qa optaye, qa hokšidan wikoška ko, ota wicamduha, qa onšimayada kta e itancan ociciyag ye wicawaši, nitaokiye Jacob eya.

6 Unkan Jacob ohnihde wicaye cin hdipi qa, Nicinye Esau ekta unkipi unkan iš nitkokim u qa, wicašta opawinge tom opapi ce, eyapi.

7 Hehan Jacob nina kokipe ca, oyate kici un kin nonpakiya ewicakihde, optaye, pte, cankahu pajo, ko owasin ospaye nonpa wicakaga.

8 Qa Esau ošpaye wanji en hi qa hena wicakte kinhan, ošpaye uman okapte cin inašdoke kta ce, eya.

9 Hehan Jacob heya, Abraham atewaye Wakantanka nida, qa ate Isaac Wakantanka nida Jehovah niye, Nitamakoce, qa takuwicayaye cin ekta hda wo, kinhan taku wašte ecacicon kta ce, emayakiye ciqon;

10 Miye nitowaonšida qa iewicayake cin owasin nitaokiye ecayecon kin aopten waun; sagye kin heceyedan hduha Jordan watpa kin de imduwege ca, wanna ošpaye nonpa imacaga.

11 Wanna cinye nape kin etanhan emahdaku wo; Esau nape kin etanhan; hi kinhan cinca hunkupi kin kici mikte kta kowakipa ce.

12 Niye, Ohinniyan taku wašte ecacicon kte ca, wiyaka mini wanca kahda sukaza utkana on yawapica ni, iyenaka nicinca wakage kta ehe ciqon, eya.

13 Unkan hanyetu kin he hen wanka, qa taku cincu Esau qu kte cin ikikcu, taku nape en hiyu;

14 Hekinškayapi wiye opawinge nonpa, qa nidoka wikcemna nonpa, tahin wanuyanpi wiye opawinge nom mdoka wikcemna nonpa ahna;

15 Cankahu pajo azinkiyapi wikcemna yamni cincapidan om, pte wikcemna tom, qa bull wikcemna, Šuktanka šonšonna wiye wikcemna nonpa cincadan wikcemna ahna.

16 Qa ookiye wicayuhe cin woteca otoiyohi kinnukan yuhe wicaši, qa, Optaye otoiyohi yukinukan awicahiyayapo, ewicakiya.

17 Qa tokaheya kin wahokonwicakiya, Tohan micincu Esau itkonicipapi kinhan, qa, Tuwe tawa niyan he? qa toki da? qa taku nitokam un kin he tuwe tawa he? eya iniwange cinhan:

18 Hehan, Nitaokiye Jacob dena tawa, tuka itancan mitawa Esau qu kta; unkan iš nakun unkihektam u ce, ehapi kta ce, ewicakiya.

19 Unkan inonpa, qa iyamni, qa nakun owasin tona optaye ihakam yapi kin, Esau iyeyayapi kinhan oie kin hena iyecen eyakiyapi kta ce:

20 Nakun, Nitaokiye Jacob unkihektam u ce, ehapi kta ce, ewicakiya. Taku waqu kin mitokapa tanhan ye cin, hecen ite kin iyokipi waye kta, qa hehan ite kin iyowinmakiye kta ce, eya.

21 Unkan taku qu kin, he tokata iyokipta; tuka iš hanyetu kin he taobe kin om wanka.

22 Qa hanyetu kin he en, najin qa tawicu nonpa kin iwicacu qa cinca wicaye cin ake wanji, qa Jabok oiyuwege kin en iyuwega

23 Qa iwicakikcu, qa watpa kin iyuweh wicaye ca, taku tawa kin owasin iyuweh wicakiya.

24 Qa Jacob išnana hekta yanka, unkan wicašta wan anpao kin hehanyan kici kiihdušpa.

25 Qa wicašta kin tokadan ohiye šni e wanhdake cehan, cecinte okihe kin en yuza; unkan kici kiihdušpapi kin icunhan, Jacob cecunto tan kin papson iyaya.

26 Unkan, Amayuštan wo; wanna anpao hinanpa ce, eya. Unkan, Mayadawašte šni kinhan, aciyustan kte šni ce, eya.

27 Qa, Token eniciyapi he? eya. Unkan Jacob emakiyapi ce, eya.

28 Unkan, Nicaje Jacob eniciyapi kte šni. Detanhan Israel eniciyapi kta, Wakantanka wicašta ko, kici kinihdušpe ca niye ohiyaya ce, eciya.

29 Unkan, Tokin nicaje kin omayakidaken, Jacob eya iwanga. Unkan, Token on etanhan micaje kin inonga he? eye ca hen yawašte.

30 Unkan, oyanke kin he, Peniel, Jacob eya cašton. Wakantanka ite icitkokim wanmdaka ešta minagi kin zaniyan un ce, eya.

31 Unkan Penuel iyokipte cehan, anpetu wi hinanpa, qa Jacob ceca kin on huSte.

32 Heon etanhan Israel cincawicaye cin anpetu kin dehan ceca skotpa kin akan kan kiksuye šni qon he yutapi šni; Jacob ceca škotpa kin akan kan kiksuye šni kin he oyutan kin heon etanhan.

WICOICAGE WICOWOYAKE 33.

1 Unkan Jacob wankan etonwe; qa inyun, Esau u, wicašta opawinge tom kici wanwicayake ca, hokšiyoqopa kin akipam ewicakihde, Leah kici, qa Rachel kici, qa wikoška nonpapi kin om.

2 Qa wikoška kin cinca wicayapi kin om tokaheya ye wicaši, qa hena ihektapa tanhan Leah cinca wicaye cin om, qa hena ihektapa tanhan Rachel Joseph kici.

3 Qa iye owasin wicitokam ye ca, cincu ikiyedan u kin icunhan šakowin akihde patuja.

4 Unkan, Esau itkokim inyanke ca, nape kin yuze ca tahu kin akan ehpeiciye ca i iputaka, qa napin ceyapi.

5 Hehan Esau wankan etonwe ca, tawicu cinca wicaye cin ko wanwicayake ca, Dena token takuyaya he? eya. Unkan, Wakantanka towaonšida kin on nitaokiye cinca qu kin dena eepi ce, eya.

6 Hehan wikoška kin cinca wicayapi kin om ikiyadan hipi, qa patujapi.

7 Hehan Leah cincawicaye cin om ikiyadan hi qa patujapi; qa ehake Joseph Rachel kici ikiyadan hipi, qa patujapi.

8 Unkan, Optaye kin dena owasin itkowicawakipe cin, token yaka he? eya. Unkan, Mayuhe cin išta kin iyokipi ciye kta e heon.

9 Unkan, Miš šunka taku ota wahduha ce. Taku nitawa kin hduha un wo, Esau eya.

10 Unkan, Hiya niišta kin iyokipi ciye cinhan, minape kin etanhan taku waqu kin iyacu kta, nitohnake Wakantanka itohnake iyecen wanciyake ca iyocicipi kin heon etanhan.

11 Tokin taku ciya wašte kin en aniupi kin he iyacun. Wakantaka onšimada ece, qa taku owasin mduha, Jacob kitanyan eya; unkan icu.

12 Qa heya, Ihdaka unye ca miye tokaheya mde kta ce.

13 Unkan, Hokšiyoqopa wankapidan e mayuhe cin sdonye ca, nakun optaye qa optaye ko ihduaka micicapi qa, anpetu wanjidan keš awicapapi kinhan, wanuyanpi owasin tapi kta.

14 Tokin itancan nitaokiye itokam yahden, qa miš wanuyanpi mitokam token manipi, qa hoksiyoqoqa kin token manipi kin, ecen iwahnanna mde kta, mayuhe cin ekta Seir en wai kin hehanyan.

15 Unkan, Iho oyate mici unpi kin etanhan wanjikši nici ehpewicawaye kta ce, Esau eya. Unkan tokeca e, mayuhe cin išta kin iyocicipi hecinhan, eya.

16 Unkan anpetu kin he en, Esau tacanku kin ohna Seir ektakiya kihda.

17 Tuka Jacob Succoth ekta unhdaka i qa, hen tipi icicage ca, taku tawa kin nakun ohanzi hdepi wicakicaga; heon otonwe kin he Succoth eya cajeyatapi.

18 Qa Jacob Padan-aram  kin etanhan u qehan, Šalem, Šechem otonwe tanka tawa kin Caanan makoce kin etu zaniyan hi, qa otonwe kin itokam ticaga.

19 Qa makoce onšpa, tukten wakeya iticage cin, Šechem atkuku Hamor cincawicaye cin napepi kin etanhan opewicakicaton, mazaska opawinge nam wicaqu.

20 Unkan hen wahna wošnapi wan kage ca, El-elohe-Isrrael eya caš.

WICOICAGE WICOWOYAKE 34.

1 Hehan Dinah Leah he cunwintku Jacob kiciton kin, he makoce wicinyanpidan wanwicayake kta e oki iyaya.

2 Unkan wicaštayatapi ihdawa Hamor Hivi kin he cinhintku Šechem, he, wanyake ca icu qa kici wanka, hecen wieyaku.

3 Qa Šechem nagi kin Dinah Jacob cunwintku kin en nina iyaskape ca wikoška kin waštedake ca, wikoška cantohnag ye cin ecen okiya.

4 Qa, Wicinyanna kin de miciyuza wo, Šechem iye atkuku Hamor eciya.

5 Unkan cunwintku yuašapapi kin he Jacob nakihon, tuka cinkšiwicaye cin tinta ekta wanuyanpi om yakonpi, qa hdipi kin hehanyan Jacob inina yanka.

6 Unkan Hamor Šechem atkuku kin Jacob kici okiye kta e en i.

7 Unkan Jacob cinkšiwicaye cin tinta kin etanhan hdipi, qa he nahonpi, qa iyokršicapi; nina canniye yapi, Jacob cunwintku kin kici iwankapi: hecen econpi kte šni tuka, Israel witkoya ecakiconpi heon etanhan.

8 Unkan Hamor hewicakiya, Micinkši Šechem nagi kin nicunkšipi kin iyaskapa; he tawicu kta e qupo.

9 Kinhan takuunkiciyapi kta; nicunkšipi kin hena unqupo, qa nicunkšipi wicunyanpi kin wicayuzapo.

10 Qa unkiyepi om dukanpi kta, makoce kin nitokam un kta ce, en unpo qa makoce kin en wopetonpi qa he yuhapo.

11 Qa Šechem wikoška atkuku timdo wicaye cin ko hewicakiya; Cantemakiyapo, kinhan token emayakiyapi kin ecen cicupi kta.

12 Wikoška kin mitawin un kta e mayaqupi kinhan, wohpayapi iyakicuya tanka mayakidapi, taku qupi tanka ešta; token emayakiyapi kin ecen cicupi kta.

13 Unkan Jacob cinkšiwicaye cin tawinohtinpi kin Dinah yušapapi qon kiksuyapi, qa heon Šechem he atkuku Hamor kici hnayeya awicayuptapi.

14 Qa, Taku hececa econpi unkokitpanipi. Wicašta wan ha iyotan kin bahdayapi šni kin heca tankši unyanpi kin unqupi kinhan, he wisten unkiciyapi kta naceca.

15 Decehnanaon unkaniyuptapi kta; unkiš baunkindayapi kin, niš nakun tona wica owasin henicecapi kinhan;

16 Hehan cunkši wicunyanpi kin unnicupi kta, qa nicunkšipi kin wicunyuzapi kta, qa nicipi oununyanpi qa oyate unwanjipidan kta.

17 Tuka taku de en anaunyagoptanpi šni  kinhan, banicihdayapi šni kinhan, cunkši unyanpi kin he unkikikcupi, qa toki unkiyayapi kta ce, ewicakiyapi.

18 Unkan, Hamor Šechem fiamor cinhintku kici wicoie kin he waštedakapi.

19 Qa kogka kin Jacob cunwintku kin cantiheya, heon taku eyapi kin kohanna econ. lye atkuku tipi kin ohna yakonpi kin hena owasin iyakapeya kinihanpi.

20 Hehan Hamor iye cinhintku Šechem kici otonwe tawapi kin ekta kipi, qa otonwe tawapi kin wicašta om wohdakapi, qa heyapi,

21 Wicašta kin dena unkiyepi om wokiyapi, heon makoce kin en ounyanpi qa, hen iciyopeyapi kte. Ito makoce kin wicitokam tankaya un kinhan, cunwintkupi kin wicunyuzapi kta, qa cunkši wicunyanpi kin wicunqupi kta.

22 Tuka decehnana on wicašta kin wicadapi kta; wiciye bakihdayapi kin he iyecen unkiye tona wica owasin baunkindayapi kinhan; unkiye om ounyanpi, qa oyate unwanjipidan kta.

23 Decehnana en anawicungoptanpi kinhan, unkiyepi om ounyanpi kta; kinhan tawanuyanpi, qa taku yuhapi kin owasin, taku tonpi koya unkitawapi kte šni he? eyapi.

24 Unkan wicašta tona otonwe tiyopakin omanipi kin hena owasin, Hamor iye cinhintku Šechem kici anawicagoptanpi, qa bakicihdayapi, tona wica otonwe tiyopa kin omanipi kin owasin.

25 Unkan anpetu iciyamni kin yazanpi kin icunhan, Jacob cinhintku kin nonpa, Simeon Levi kici Dinah timdo wicaya, tacanhpipi kin ikikcupi, qa kokipesniyan otonwe kin tatpe ipi, qa tona wica owasin wicaktepi.

26 Hamor iye cinhintku Šechem ko eanhpi hi kin on wicaktepi, qa Dinah Šechem tipi kin etanhan ehdakupi qa hdohdapi.

27 Hehan Jacob cinkšiwicaye cin wicakahugapi kin en ipi, qa, otonwe wan tank tkupi kin yušapapi qon he ocowasin wicakipi;

28 Tahcaska, qa oxen, qa šuktanka šonšonna, taku otonwe kin ohna un, taku magata un kin ko owasin icupi.

29 Taku yuhapi qon owasin tašiceca tawicupi ahna nakun wayaka icupi, qa taku tipi kin ohna iyeyapi kin owasin icupi.

30 Hehan Jacob Simeon Levi kici hewicakiya, Iyoyag mayayapi, šicamna mayakagapi makoce wojutipikin wicitokam, Caanani, qa Perizzi kin, qa miye matonana hecen tamatpe mniciyapi, qa maktepi kta, hecen miš wati ohnaka ko owasin awimahnuni kta.

31 Unkan wihomnipi kin iyecen tanksi unyanpi kin ecakiconpi kta iyececa he? eyapi.

WICOICAGE WICOWOYAKE 35.

1 Hehan Wakantanka Jacob heciya, Najin qa Beth-el ekta itawankanhde ye ca, hen ounyan wo. Nicinye Esau itohnake kin etanhan nayajice cehan, Wakantanka, niye en tanin iciye cin, he wahna wosiiapi wan hen kicaga wo.

2 Unkan Jacob tiyoknaka tawa, qa tona kici unpi kin owasin hewicakiya; Taku wakanpi tokeca duhapi kin, hena owasin yutokan iycwicayapo; piiciyapi qa wokoyake teca ihduzapo;

3 Qa najinpo, Beth-el ekta itawankanhde unyanpi kta ce. Heciya wahna wošnapi wan wakage kta, anpetu wan iyomakice cehan, Wakantanka namahon, qa canku ohna imdamde cin mici ye cin, he wecage kta ce, eya.

4 Unkan taku wakanpi tokeca yuhapi kin hena owasin Jacob qupi, oinpidan noge oinpi kin hena koya. Unkan hena owasin nahma, Šechem ekta utuhu wan he cin, he ihukuya.

5 Hehan ihdaka iyayapi, qa Jehovah otonwe ihdukšan unpi kin yusinye wicaya; hecen Jacob cinkšiwicaye cin wicakutvapi šni.

6 Unkan Jacob, iye oyate opeya un kin koya owasin, otonwe wan Luz eciyapi, Beth-el hee, Caanan makoce kin en, he ekta ipi.

7 Qa hen wahna wošnapi wan kage ca, oyanke kin he El-beth-el eya cašton, cincu etanhan najica iyaye cehan, heciya iye en Wakantanka ihdutauin kin, hecm etanhan.

8 Hehan Deborah Rebekah azin kiye ciqon ta, unkan Beth-el hukun utuhu he cin, he ihukuya hnakapi, qa he, Alon-bachuth, eciyapi.

9 Wanna Jacob Padan-aram  kin etanhan hiyu, hehan ake iye en Wakantanka tanin iciye ca yawašte.

10 Qa, Tokata Jacob nicaje qon eniciyapi kte šni, detanhan Israel eya cajeniyatapi kta, Wakantanka eciye ca, hecen Israel cašton.

11 Qa, Wakantanka Iyotan Wašaka he miye; ihduota qa cinca ota yuha wo; oyate qa, oyate obe ota niye etanhan unpi kta, qa wicaštayatapi ninite kin etanhan inanpapi kta.

12 Qa makoce wan Abraham Isaac kici wicawaqu qon, he niye cicu kte ca nicinca nihektam .unpi kte cin, makoce kin he wicawaqu kta ce, Wakantanka eciya.

13 Qa oyanke kin en, Wakantanka okiye ciqon hetanhan wankantkiya ikiyopta.

14 Unkan tukten okiye ciqon, he en Jacob wokiksuye wan ehde, inyan wokiksuye qa, wošnapi wan akaštan, wihdi nakun akaštan.

15 Qa oyanke kin en, Wakantanka okiye ciqon, he Jacob Beth-el eya cašton.

16 Hehan Bethel etanhan ihdakapi, qa Ephrath ikiyadan hipi, hehan Rachel hokšiksuye ca, kitan seh cinca ton.

17 Wanna kitan ecinyan cincn ton, hehan, Ihnuhan koyakipe cin, cinca kin de wica e nakun dune kta ce, cinca ton kiyesa, eciya.

18 Unkan wanna te kta, nagi kin iyaya icunhan, Ben-oni eya cas kiton; tuka atkuku kin Benjamin eciya.

19 Hehan Rachel ta, unkan Ephrath, Betlehem hee, canku kin ohna hnakapi.

20 Qa Jacob wokiksuye wan ohna hnakapi kin ekta ehde. Rachel ohna hnakapi wokiksuye kin dehantu eciyapi.

21 Hehan Israel unhdake ca, Edar conkaške kin akotanhan ewakeya.

22 Unkan Israel makoce kin he en ounye cin icunhan, Reuben iye atkuku tawicu Bilhah ekta i, qa kici iwanka. Unkan Israel he nakihon.

23 Jacob cinkšiwicaye cin ake nonpapi ce. Leah cinkšiwicaye cin, Reuben, Jacob cinhintku tokapa kin hee, Simeon, Levi, Judah, Issachar, Zebulun henakeca.

24 Rachel cinkšiwicaye cin Joseph, qa Benjamin.

25 Qa Bilhah, Rachel tawikoška , cinkšiwicaye cin Dan, qa Naphtali.

26 Qa Zilpah Leah tawikoška kin, cinkšiwicaye cin, Gad, qa Ašer. Henakiya Jacob cinkšiwicaya Padan-aram  kin en wicatonpi.

27 Hehan Jacob iye atkuku kin ekta ki, Arbah otonwe, Hebron hee, ekta Mamre etu hen Abraham ounyan, qa Isaac nakun.

28 Wanna Isaac anpetu tawa waniyetu opawinge sanpa wikcemna šahdogan.

29 Hehan Isaac ta, qa taoyate kin en okipapi, wicahinca qa anpetu kin wanna imna. Unkan cinkšiwicaye cin Esau, Jacob henios kihnakapi.

WICOICAGE WICOWOYAKE 36.

1 Esau, Edom hee, wicowazi tawa kin dee.

2 Esau Caanan cunwintku kin etanhan winohinca nom wicayuza, Elon Heti kin cunwintku Adah, qa Zibeon Hivi kin cunwintku Anah he cunwintku Ahohbama henioza.

3 Qa Išmael cunwintku Bašemath, Nebajoth tankšitku he nakun yuza.

4 Unkan Adah he Esau kiciton Eliphaz hee: qa Bašemath he Reuel ton.

5 Qa Ahohbama he Jeuš, qa Jaalam, qa Korah, wicaton. Esau cinkšiwicaye cin, Caanan makoce kin en wicatonpi kin hena eepi.

6 Hehan Esau iye tawicu kin iwicacu, qa cincawicaye cin wica winyan ko, qa tiyohnaka tawa wicanagi owasin, qa tawanuyanpi taku yuhe cin ko owasin, taku tawa Caanan makoce en ton kin iyuhpa, qa sunkaku Jacob ltohnake kin etanhan ya makoce tokeca wan ekta. '

7 Taku yuhapi kin he odota, heon witaya iyotankapi kin okitpanipi, wanuyanpi ota yuhapi km heon, makoce kin en ounyanpi kte cin iyowinwicakiye

8 Unkan Esau Seir he kin en iyotanka, Esau he Edom eciyapi.

9 Qa Seir he kin en Edom oyate ateyapi Esa wicoicage kin dee.

10 Esa cinkšiwicaye cin cajepi kin dena ee, Eliphaz Esau tawicu Adah he cinhintku, qa Reuel Esau tawicu Bašemath he cinhintku.

11 Unkan Eliphaz cinkšiwicaye cin dena eepi; Teman, Omar, Zepho, Gatam, qa Kenaz.

12 Unkan Eliphaz Esau cinhintku Timna nanmana yuze cin he Amalek Eliphaz kiciton. Esau tawicu Adah cinkšiwicaye cin hena eepi.

13 Unkan Reuel cinkšiwicaye cin dena eepi; Nahath, qa Zerah, qa Šammah, qa Mizzah. Esau tawicu Bašemathh cinkšiwicaye cin hena eepi.

14 Unkan Ahohbamah Zibeon cunwintku Ana he cunwintku kin Esau yuza: unkan he Esau cinca kiciton kin dena eepi; Jeuš, qa Jaalam, qa Korah.

15 Esau cinca kin itancan unpi kin dena eepi. Esau cinhintku tokapa Eliphaz cinkšiwicaye cin, Teman itancan, Omar itancan, Zepho itancan, Kenaz itancan,

16 Korah itancan, Gatam itancan, Amalek itancan. Edom makoce kin en Eliphaz itancanyan unpi kin hena eepi, qa hena Adah cinkšiwicaya.

17 Unkan Esau cinhintku Reuel cinca kin dena eepi: Nahath itancan, Zerah itancan, Šammah itancan, Mizzah itancan, Reuel itancanyan unpi kin hena eepi, Edom makoce kin en, Esau tawicu Bašemath hena cinkšiwacaya.

18 Unkan Esau tawicu Ahohbamah he cinca kin dena eepi; Jeuš itancan, Jaalam itancan, Korah itancan, Anah cunwintku Ahohbamah Esau yuze cin itancan ton kin hena eepi.

19 Esau, Edom hee, cinkšiwicaye cin hena eepi, qa itancan yuhapi kin heepi.

20 Makoce kin he en iyotankapi qon Seir Hori kin cinca dena eepi; Lotan, qa Šobal, qa Zibeon, qa Anah,

21 Qa Dišon, qa Ezer, qa Dišan: Seir cinkšiwicaye cin, Edom tamakoce kin en, Hori kin itancanyan unpi kin hena eepi.

22 Unkan Lotan cinkšiwicaye cin Hori, qa Heman, qa Lotan tawinontin kin Timna ee.

23 Unkan Šobal cinkšiwicaye cin dena eepi; Alvan, qa Manahath, qa Ebal, qa Šepho, qa Onam.

24 Unkan Zibeon cinkšiwicaye cin dena eepi, Ajah qa Anah; Anah kin de atkuku Zibeon tasunka šonšonna wihan wicakiye cehan hopuza en wakoniya kata iyeya.

25 Anah cinhintku kin Dišon hee, qa Ahohbamah Anah cunwinku kin ee.

26 Qa Dišon cinkšiwicaye cin dena eepi, Hemdan qa Ešban, qa Ithran, qa Cheran.

27 Unkan Ezer cinkšiwicaye cin dena eepi, Bilhan, qa Zaavan, qa Akan.

28 Dišon cinkšiwicaye cin dena eepi, Uz qa Aran.

29 Hori kin itancanyan unpi kin dena eepi; Lotan itancan, Šobal itancan, Zibeon itancan, Anah itancan,

30 Dišon itancan, Ezer itancan, Dšian itancan; Hori kin itancanyan unpi kin, token Seir makoce kin en itancan wicayawapi kin hena eepi.

31 Israel cinca kin nahahin wicaštayatapi wanica, Edom makoce kin wicaštayatapi wicayawapi kin dena eepi.

32 Beor cinhintku Bela Edom en wicayuhe cin, qa otonwe tawa Dinhabah eciyapi.

33 Qa Bela ta, unkan hee kiya Zerah cinhintku Jobab Bozra etanhan wicaštayatapi yawapi.

34 Qa Jobab ta, unkan hee kiya Hušam Teman makoce kin etanhan, wicaštayatapi yawapi

35 Qa Hušam ta, unkan hee kiya Hadad Bedad cinhintku wicaštayatapi yawapi. lye Midian oyate kin wicakaštaka, Moab tinta kin ohna qa otonwe en ti kin Avith eciyapi.

36 Qa Hadad ta, unkan hee kiya Samlah, Masrekah etanhan, wicaštayatapi yawapi.

37 Qa Samlah ta, unkan hee kiya Saul, Rehoboth h watpa kin ohna wanke cin he etanhan, wicastayatapi yawapi.

38 Qa Saul ta, unkan hee kiya Baal-hanan Achbor he cinhintku wicaštayatapi yawapi.

39 Qa Baal-hanan Achbor cinhintku kin ta, unkan hee kiya Hadar wicaštayatapi yawapi. Otonwe tawa Pau eciyapi, qa tawicu kin Mehetabel eciyapi, Matred cunwintku Mezahab cunwintku.

40 Esau itancan wicayawapi kin hecen ewicakiyapi, wicowazipi kin iyececa, qa tonwanyanpi kin iyecen cajewicayatapi; Timna itancan, Alvah itancan, Jetheth itancan,

41 Ahohbamah itancan, Elah itancan, Pinon itancan,

42 Kenaz itancan, Teman itancan, Mibzar itancan,

42 Magdiel itancan, Iram itancan: Edom itancan wicayawapi kin hena eepi, tonwanyanpi kin iyecen, tamakocepi kin en; Edom Esau ate yapi.

WICOICAGE WICOWOYAKE 37.

1 Unkan Caanan makoce kin en Jacob atkuku unhdaka un  qon, makoce kin he en Jacob iyotanka.

2 Jacob wicoicage wowapi kin dee, Joseph wanna waniyetu ake šakowin , hehan wanuyanpi wihan wicakiya cinye wicaye cin om, qa Bilhah qa Zilpah napin atkuku wicayuze cin, hena cinksi wicayapi kin om, hokšidan kin un qa taku šica eyapi kin ateyapi kin en ahda.

3 Unkan Israel, cinkšiwicaye cin owasin sam iyeya, Joseph waštekidaka wanna wicahinca ehan kicitonpi kin heon etanhan, qa onhdohda hanska wan Joseph kicaga.

4 Unkan ateyapi kin, cinkšiwicaye cin owasin sam iyeya Joseph waštekidake cin he cincu wanhdakapi, qa wokiya okiyapi kte cin okihipi šni.

5 Unkan Joseph wowihanmde wan ihanmna, qa cincu owicakiyaka; unkan sam iyeya šicekidakapi.

6 Unkan, Ihopo wowihanmde wan iwahanmde cin de nahonpo.

7 Maga ekta aguyapi paunhtapi, unkan inyun pawahte cin bosdan najin hiyaya, unkan payahtapi kin ihdukšan najin hiyaye ca, pawahte cin itokam makata ehpeiciyapi, ewicakiya.

8 Unkan cinyewicaye cin heciyapi, Ehan qon tawaunyayapi kta he? kaeš wowidake unyaduhapi kta he? Qa iyakapeya šicekidakapi, wihanmde ciqon oie ko heon.

9 Unkan ake wowihanmde tokeca wan ihanmde ca, ake cincu kin owicakiyaka. Ake wiwahanmde ca inyun anpetu wi, hanyetu wi, qa wicanhpi ake wanji mitokam makata ehpeiciyapi, ewicakiya.

10 He atkuku cincu ko owicakiyaka; unkan atkuku he iyopekiye ca, Wowihanmde wan iyahanmde cin de taku hwo? Miye qa nihun nicinye ko owasin nitokam makipušdiya ehpeunkiciyapi kta he? eciya.

11 Unkan cincu kin icekinpi, tuka atkuku kin wicoie kin he awakicin un.

12 Hehan cincu kin ateyapi tawanuyanpi kin wihan wicakiyapi kta e Šechem ekta ipi.

13 Unkan Israel Joseph heciya, Nicinye Šechem ekta wawihan kiya unpi šni he? Iho wo hena ekta ye cisi kta ce. Unkan, Ho miye ce, eciya.

14 Unkan, Iho ekta de ca nicinye wanuyanpiko zaniyan yakonpi hecinhan wanhdake ca, hoši makahdi wo, eciya. Unkan Hebron kaksiza kin etanhan iyaye ca Šechem ekta i.

15 Qa tinta onuni; unkan wicasta wan wanyake ca, Den taku ayakita he? eyaiwanga.

16 Unkan, Cinyewicawaye cin awicawakita ce. Ceciye tukten wihan wicakiyapi kin omakiyaka wo, eya.

17 Unkan wicašta qon, Wanna detanhan iyayapi; Dothan ekta unyanpi kta ce, eyapi nawahon ce, eya. Unkan Joseph cinye wicaye cin wicihakam ye ca Dothan en iyewicaya.

18 Unkan tehantanhan wanyakapi qa wicikiyedan u ni kin itokam, nahmana te yapi kta awacinpi.

19 Qa otoiyohi hunka wanjitku kin hekiciyapi, Wanyaka po; wihantndeša kin de wanna u.

20 Ihopo dehan unktepi, qa makohdoka wan ohna ehpeunyanpi kte ca, Wamanica ocin šica wan he temya ce, unkeyapi kinhan, wihanmde ciqon toketu kte cin wanunyakapi kta ce, ekiciyapi.

21 Reuben he nahon qa, napepi kin etanhan ehdaku kta e, Unktepi kte šni, eya.

22 Napepi kin etanhan ehdaku kte ca, atkuku kin en akiyahde kta e Reuben hewicakiya; Weyapi šni po. Woha newoskantuya wanke cin de ohna iyeyapo, tuka ninapepi on apapi šni po.

23 Unkan kaketu, Joseph iye cincunajinpi kin en hi qehan, taonhdohda yušdokapi, ouhdohda hanska un kin hee;

24 Qa Joseph icupi, qa woha wan en iyohpeyapi, tuka woha kin takudan ohnaka šni, mini wanica.

25 Qa aguyapi yutapi kta e I iyotankapi, qa pa yuwankan ikikcupi qa, Išmaeh optaye wan Gilead eciyatanhan u kin wauwicayakapi, camo yuhapi kin taku waštemna canhn pejihuta koya qinpi, Egypta ekta kun yapi kta.

26 Unkan Judah hunka wanjin wicaye cin hewicakiya, De sunka unyanpi unktepi kinhan, we kin naunhmanpi ešta taku unkihdamnapi kta he?

27 Ihopo, Išmaeh kin dena j en wiyopeunyanpi kte. De sunka unyanpi qa kici cehpi unwanjipidan kin heon, nape on unkatapi kte šni, eya. Unkan hunka wanjin wicaye cin anakigoptanpi.

28 Hehan wicašta wopeton hecapi Midiani en hiyayapi. Unkan Joseph yuzapi, qa woha qon etanhan yuwankan ehdakupi, qa mazaska wikcemna nonpa on Joseph wiyopeyapi. Unkan Išmaeh kin Joseph opetonpi, qa Egypta ekta ayapi.

29 Unkan Reuben woha qon ekta hi, unkan Joseph en un šni, heon tawokoyake hdupota,

30 Qa hunkawanjitku kin en wicahdi qa, Hokšidan kin tanin šni  ce, miš toki imdamde kta hwo? ewicakiya.

31 Unkan Joseph taonhdohda qon icupi qa hekinškayapi mdoka wan ktepi, qa we kin on oputkanpi;

32 Hehan hiwe onhdohda hanske cin ahde šipi qa ateyapi kin kahipi qa heciyapi; De iyeunyanpi ce. Ito de nicinkši onhdohda tawa kaeš tawa šni uman tukte hecetu hecinhan iyukcan wo.

33 Unkan iyekiye ca, Micinkši taonhdohda qon dee. Wamanica šica wan he temya. Ehanqon Joseph wanna yapotapi ce, eya.

34 Unkan Jacob tawokoyake hdupote ca, wasihda qa anpetu ota cinhintku kin akiceya.

35 Unkan cincawicaye cin owasin wica winyan ko magagaye wacinpi, tuka iš magaga yapi cin šni, qa, Iyomakišica ecen micinkši en wicahapi ekta mde kta ce, eye ca cinhintku kin akiceya

36 Unkan Midiani kin Egypta en Joseph wiyopeyapi; unkan Potiphar Pharoah taakicita tancan opeton.

WICOICAGE WICOWOYAKE 38.

1 Hena owasin hecetu, unkan Judah hunka wanjin wicaye cin etanhan apamahdeye ca, Adullami wicašta wan Hirah eciyapi ekta i;

2 Qa hen Judah Caanani wicašta wan, Šuah eciyapi, he cunwintku wanyake ca yuze ca en i.

3 Unkan ihdušake ca cinca wan ton; unkan Er eya caš kiton.

4 Unkan ake ihdušake ca, cinca wan ton qa, Onan eya caš kiton.

5 Qa ake cinca wan ton qa, Šelah eya caš kiton. He ton kin ehan Chezib en un.

6 Unkan Judah iye cinhintku tokapa kin Er, winohinca wan, Tamar eciyapi yuš kiya.

7 Unkan Er Judah cinhintku tokapa kin he šica e Jehovah wanyake ca, Jehovah he te ya.

8 Hehan Judah Onan heciya, Nicinye tawicu qon ekta ye ca, he yuza wo. Hecen nicinye cinkši ye kte cin yakage kta ce.

9 Unkan cinca kin he iye tawa yawapi kte šni Onan sdonye, ca cincu cinca kicage kte šni e cincu tawicu qon en i eca, maka kin atpapson.

10 Unkan taku econ kin he šica e Jehovah wanyake ca, he nakun te ya.

11 Hehan Judah iye takosku kin Tamar heciya, Wiwazica niyate ti kin en yanka wo, micinkši Šelah tanka icage cin hehanyan. Okini i nakun cinye wicaye cin iyecen te kta kecin, heon hecen eya. Unkan Tamar kihde ca atkuku ti kin en yanka.

12 He iyohakam anpetu ota, qa Šuah cunwintku Judah tawicu kin wanna ta; unkan Judah wanna magaga yapi, qa Timnath ekta tahin wanuyanpi tawa yusdapi kin ekta itawankanhde ya, iye takodaku Hirah Adullami kin kicica.

13 Unkan Tamar heciyapi, lho nitunkan tahin wanuyanpi tawa hdusda kta e Timnath ekta itawankanhde ya ce, eyapi.

14 Unkan Tamar iyoyakeca wokoyake hdusdoke ca, ite ahahpe on aihdahpe ca, Timnath canku iyahde kin he icahda taninyan iyotanka; Šelah wanna tanka, tuka qupi šni he wanyaka, heon hecon.

15 Judah he wanyaka ite aihdahpe cin heon winohinca wihomni heca kecin;

16 Qa canku kin etanhan ekta i, (qa takosku kin hee kin sdonye šni heon,) Tokin unwanken, eciya. Unkan unwanke ca, taku mayaqu kta he? eya.

17 Unkan, Miš wanuyanpi kin etanhan hekinškayapi cincadan wan nicahipi waye kta, eya. Unkan, An wicayakiye cin itokam taku inayaqu kinhan, eya.

18 Unkan, He cicu kta e sdonyaye kte cin on etanhan taku e nakaha cicu kta yacin he? eya. Unkan, Maza huhu duhe cin ikan iyahna, qa nakun nitacanhpi ninape ohna duhe cin, eya. Unkan hena qu qa, kici wanka; unkan iye etanhan ihdušaka.

19 Qa najin qa hde ca ite akahpe hdušdoke ca ake wasihda.

20 Unkan Judah taku qu qon, winohinca nape kin etanhan ehdaku kta e, takodaku Adullami kin hekinškayapi cincadan aye ši, tuka iye winohinca qon iyeye šni.

21 Qa wicašta heciya yakonpi kin iwicawanga; Witkowin canku ohna taninyan iyotanke ciqon tukte e he? eya. Unkan, Tohini witkowin wan deciya yanke šni, eyapi.

22 Unkan ihdainna, qa Judah ekta i qa heciya; Winohinca qon iyewaye šni qa, nakun wicašta heciya yakonpi kin, Witkowin wanjidan tohini deciya un šni ce, eyapi.

23 Unkan, Yuha un nunwe. Hekinškayapi cincadan kin de aye ciši tuka iyeyaye šni; sanpa unkakite cinhan, okini wowihaha unke kta, Judah eya.

24 Unkan hetanhan wi yamni hehan, Nitakos Tamar wawicihaha econ, qa wanna wawicihaha kin etanhan ihdušaka ce, Judah eciyapi. Unkan, Tankan aupo; huhnage kta ce, eya.

25 He aupi kin icunhan tunkanku hecen wahoya, Tokin maza huhu kin de ikan iyahna, qa canhpi kin de, dena tuwe tawa imiyecidukcan. Tuwe dena tawa ye cin, wicašta kin he etanhan ihdumašaka ce, eya.

26 Unkan Judah hena iyekiye ca, Winohinca kin he ohan owotanna miš hemacece šni; he micinkši Šelah waqu šni kin heon etanhan, eye ca hetanhan icimana winohinca qon sdonye šni.

27 Unkan wanna cinca ton kte cehan, inyun tezi mahen cekpa yukan.

28 Qa tonpi kin icunhan, wanji nape kin qu; unkan cinca tonkiye cin he nape kin icu, qa taku duta iyakaške ca, De tokaheya hinanpe kta ce, eya.

29 Unkan nape kin ehdaku, hehan inyun cincu hiyu. Unkan winohinca kin heya, Token payahdeca; Opahdeca kin de anicipe nunwe, eye ca, Pharez eya cašton.

30 Hehan sunkaku taku duta nape kin akan yuhe cin he hiyu; unkan he Zarah eya cašton.

WICOICAGE WICOWOYAKE 39.

1 Unkan Išmaeh kin Joseph Egypta ekta ayapi. Unkan Potiphar Egypti wicašta kin heca, Pharoah taakicita tancan kin he aupi kin Joseph opewicakicaton.

2 Unkan Jehovah Joseph kici un. Unkan taku econ kin owasin tanyan ihuni ye ca iye yuhe cin Egypti ti kin en yanka.

3 Unkan Jehovah kici un, qa taku nape econ kin owasin Jehovah tanyan yustan kiye cin he yuhe cin wanyaka.

4 Unkan Joseph yuhe cin okiye ca iyokipi ya; unkan tiyohnaka tawa owasin awanyag ši, qa taku tawa owasin nape kin en qu.

5 Unkan tipi tawa, qa taku tawa owasin awanyag ši kin ehantanhan, Jehovah Joseph on etanhan Egypti tiyohnaka kin yawašte, qa taku ti ohnaka, qa tamaga ekta wanke cin ko owasin, Jehovah yawašte kin akan un.

6 Hehan taku tawa owasin Joseph nape kin en ehpeye ca, iš  takudan awakicin šni, aguyapi hdute cin heceedan. Unkan Joseph owanyag wašte, tancan ite ko wašte.

7 Hena owasin hecetu; unkan hehan yuhe cin tawicu kin Joseph atonwe ca, Mici wanka ye, eya.

8 Tuka wicada šni qa yuhe cin tawicu kin heciya; Hiya, mayuhe cin taku tawa owasin minape kin en qu, qa taku tipi ohnaka kin mici un kin iye sdonye šni.

9 De tipi kin ohna tuwedan iyamakapa šni; qa nihihna miye etanhan takudan tpatan šni, niš nana niyuze cin heon etanhan, qa token woahtani tanks kin de ecamon, qa Wakantanka en wawahtani kta he? eya.

10 Unkan winohinca qon anpetu owasin heciya, qa kitan hinca, tuka Joseph anagoptan šni, kici iwanke šni qa ecaca kici un šni.

11 Unkan kaketu, anpetu wan Joseph taku tokon kta e ti mahen i ehan, wicašta hen tipi kin tuwedan timahen un šni.

12 Unkan winohinca qon Joseph tašina kin iyahpaye ca, Mici iwanka ye, eya; tuka šina kin winohinca nape kin etanhan ehpeya našdog hdicu, qa tankan iyaya.  

13 Unkan nape kin etanhan šina ehpeya tankan našdog hdicu kin he winyan kin wanyake ca,

14 Hehan wicašta tona tipi kin ohna tipi kin hena wicakipan, qa hewicakiya, Wanyakape, Hebrew wicašta wan den unkahdipi, unkan wištenunyanpi cin. Manke cin en mahi qa mici wanke kte hinca, tuka ho tankakiya nina wašicahowamda.

15 Nina ho tankakiya wašicahowamde cin he nahon, qa wapan qehan, mitankiyedan šina ehpeya našdog tankan iyaya ce, eya.

16 Qa yuhe cin hdi kte cin hehanyan sina qon, itankiyedan ehnaka.

17 Qa eye ciqon owasin ake ecen okiyaka, Hebrew hokšidan unyakahdipi kin he imaha kta e mikiyadan u.

18 Qa ho tankakiya wašicahowamde cehan mitankiyedan šina ehpeya našdog tankan iyaya ce, eya.

19 Unkan yuhe cin he tawicu oie kin, Hokšidan nitawa kin hecen ecamicon, eciye cin he nahon hehan cantiyahdeya.

20 Qa yuhe cin Joseph icu, qa wicaštayatapi tona kaška wicahnake cin tipi wan en kaška wicahnakapi kin he en Joseph kaška ehnaka. Unkan wicakaška tipi kin en yanka.

21 Unkan Jehovah Joseph kici un qa, towaonšida kin hiyohiya qa wicakaška tipi kin itancan kin he Joseph wacin en yuš kiya.

22 Unkan wicakaška tipi itancan kin, tona wicakaška tipi kin en kaška wicahnakapi kin owasin, Joseph nape kin en qu. Unkan taku hen econpi kin owasin Joseph econ wicakiya.

23 Hecen Jehovah Joseph kiciun, qa taku eeon kin owasin tanyan yustan kiya; heon wicakaška tipi itancan kin, taku Joseph nape en yuhe cin hena takudan awanhdake ni.

WICOICAGE WICOWOYAKE 40.

1 Hena owasin hecetu, unkan hehan Egypta wicaštayatapi tawayatkekiye tawohekiye ko, wicayuhe cin Egypta wicaštayatapi kin en wahtanipi.

2 Hecen Pharoah akicita nom wicayuhe cin canniye wicaya, wayatkekiyapi tancan, qa wohekiyapi tancan kin henioza.

3 Qa akicita tancan tipi tawa wicakaška tipi kin tukten Joseph kaška hnakapi yanke cin he en awanyag wicakiyapi kta e ewicahnaka.

4 Unkan akicita tancan kin he Joseph hena awanwicayag kiya, unkan owicakiya. Unkan anpetu ota kaška hnakapi ecen yukanpi.

5 Hehan Egypta wicaštayatapi tawayatkekiye, tawohekiye ko, wicakaška tipi kin ohna kaška wicahnakapi, hanyetu wanjidan en kinukan wowihanmde ihanmnapi, otoiyohi wihanmnapi kin iyukcanpi kin iyecen.

6 Hehan ihanhanna Joseph en wicahi qa iyokišicapi kin wanwicayaka.

7 Qa Pharoah taakicita wicakaška tipi kin, iye yuhe cin tipi tawa kin he en iye kici unpi wiwicawanga; Tokeca nakaha ite iyoyag dukanpi he? eya.

8 Unkan wowihanmde wiunhanmnapi, tuka tuwe iyukcan kte cin den wanica ce, eciyapi. Unkan wiyukcan kin Wakantanka hee šni he? Wiyahanmnapi kin omakiyakapo, Joseph ewicakiya.

9 Hehan wayatkekiyapi tancan kin wihanmde ciqon ohdaka qa, Wiwahanmde cin en hastanhanka iyuwi wan mitokam han.

10 Qa adetka yamni wiyuwi aicage ca ape wahca ko icah ye, qa iyage hastanhanka suton yapi.

11 Hehan Pharoah wiyatke tawa kin minape ohna mduha, qa hastanhanka kin iwacu, qa Pharoah wiyatke tawa kin ohna mduskice ca Pharoah nape kin en wiyatke kin ewehde, eya.

12 Unkan Joseph heciya, Wiyahanmde cin he kaken ka. Adetka yamni qon anpetu yamni ee.

13. Ebake yamni can Pharoah nipa kin yuwankan inicu kte ca nanke ciqon ake en anihde kta; unkan tokaheya wayatkeyakiye ciqon wicohan kin ake ecen ecanon kta, Pharoah nape kin en tawiyatke kin yaqu kta.

14 Hena hecetu kinhan miksuya wo. Tokin tanyan yaun kinhan wowašte ecamiyecon, Pharoah en caje mayadaten qa tipi kin de etanhan hinanpe mayayen.

15 Awicakehan Hebrew tamakocepi kin etanhan mamanonpi, qa deciya takudan ecarnon šni on makohdoka kin den emahnakapi kta, eya.

16 Hehan wohekiyapi tancan kin wiyukcan wašte e wanyake ca Joseph heciya; Miš nakun wiwahanmde ca inyun, aguyapi makanopiye yamni mapa kin akan.

17 Qa makanopiye akantu kin ohna Pharoah tawoyute ocaje owasin wohekiyapi kage cin. Unkan zitkadan hena temyapi, makanopiye mapa kin iwankam un kin hetanhan.

18 Unkan Joseph ayupta; He kaken ka. Makanopiye yamni kin anpetu yamni eepi.

19 Ehake yamni can Pharoah pa kin yuwankan inicu qa, can akan otke niye kta; hehan zitkadan nicehpi kin etanhan yutapi kta.

20 Unkan iyamni can, anpetu en Pharoah tonpi kin he kiksuyapi kta e wowidag wicaye cin owasin wowicakihe, ca wayatkekiyapi tancan wohekiyapi tancan henioza wowidake wicaye cin wicehna hdinanpe wicaya.

21 Qa wayatkekiyapi tancan kin wayatke wicakiye ciqon wicohan ake hecon ši; unkan wiyatke kin Pharoah nape kin en qu.

22 Tuka wohekiyapi tancan kin otke ya, Joseph iwicakiciyukban qon iyecen.

23 Unkan wayatkekiyapi tancan kin Joseph kiksuye šni, tuka akiktonja.

WICOICAGE WICOWOYAKE 41.

1 Hehan tanhan waniyetu nonpa hehan Pharoah wihanmna. Unkan iho wakpa kahda inajin.

2 Qa inyun wakpa kin etanhan, pte šakowin owanyag wašte qa cepa heca hinanpapi, qa tinta en wihanpi.

3 Qa hena ihektapa tanhan pte tokeca šakowin owanyag šica qa tamaheca hecapi, wakpa etanhan hinanpapi, qa pte umanpi qon ehna wakpicahda najinpi.

4 Qa pte owanyag šica tamaheca hena pte owanyag wašte cepapi šakowin qon temwicayapi. Unkan Pharoah kikta.

5 Ake ištinma qa inonpa wihanmna. Unkan inyun wamnaheza hu wanjidan wahuwapa šakowin suton, qa waštešte aicaga.

6 Qa hena iyohakam wahuwapa tokeca šakowin hinanpa, tuka sikšica qa wiyohiyanpa tanhan tate on snija.

7 Qa wahuwapa conica ton šni kin wahuwapa suton qa ojugjudan qon owasin temya. Pharoah hecen wihanmde ca hehan kikta.

8 Unkan ihanhanna qehan Pharoah nagi kin iyokišice ca, Egypti en pejihuta wicašta qa wicasta ksapapi kin owasin wicakico, qa wihanmde ciqon Pharoah owasin owicakiyaka; tuka tuwedan yukcan okihi šni.

9 Hehan Pharoah wayatkekiyapi tancan kin ie ca, Anpe dehan wawahtani kin weksuya ce.

10 Pharoah taokiye kin canniye wicaye ca, akicita tancan tipi kin en kaška mahnaka, miye qa wohekiyapi tancan kin henakun.

11 Unkan hanyetu wanjidan en wiunhanmnapi, miye iye kici kinukan, wihanmnapi iyukcanpi kin iyecen wiunhanmnapi.

12 Unkan hen unkicipi koška  wan Hebrew kin heca, akicita tancan tahokšidan kin he wiunhanmnapi kin unkokiyakapi, unkan iye hena iyukcan otoiyohi wiunhanmnapi kin iyecen unkiciyukcanpi.

13 Unkan unkiciyukcanpi kin ecetu; miye ake wiyatke yuhe makiye ca uman kin otke ya.

14 Hehan Pharoah Joseph huwe ye wicaši, unkan wicakaška tipi kin etanhan kiyuškapi, hehan putin hin hdasan, qa wokoyake tokeca kicun qa Pharoah yanke cin en hi.

15 Unkan Pharoah Joseph heciya, Wowihanmde wan iwahanmna, unkan he yukcan kta okihi tuwedan iyewaye šni, tuka wihanmnapi niš nayahon unkan idukcan oyakihi keyapi nawahon.

16 Unkan Joseph ayupte ca, Miye ee šni, Wakantanka eqe toketu kin tanyan oniciyake kta ce, eciya.

17 Unkan Pharoah Joseph heciya, Wiwahanmde ca watpa hutata kin nawajin;

18 Qa inyun wakpa kin etanhan, pte šakowin cepa, owanyag wašte hinanpapi, qa tinta kin en wihanpi.

19 Unkan hena iyohakam pte tokeca šakowin tamaheca, owanyag šikšica hinanpapi; tamahenheca šica hena iyececa, Egypta makoce kin en tohini wanmdake šni.

20 Qa pte tamahenheca šice cin pte šakowin cepa tokaheya qon temwicayapi.

21 Unkan tan inahen iyayapi kin hehan, tan mahen iyayapi kin sdonye pica šni; otokahe ekta šikšica taninpiqon nahahin hececapi. Unkan hehan wekta.

22 Qa ake wiwahanmde ca inyun wamnaheza hu wanjidan walmwapa šakowin hanskaška waštešte aicage cin wanmdaka.

23 Hehan ake wahuwapa šakowin cikcistina, wiyohiyanpata tateyanpa kin on snijapi, qa co wanica hinanpapi.

24 Qa wahuwapa cikciština wahuwapa šakowin waštešte qon owasin temyapi. Unkan wicašta wiyukcan heca owicawakimdaka, tuka miciyukcanpi šni.

25 Hehan Joseph Pharoah heciya, Pharoah wihanmde cin hena okonwanjidan, Wakantanka token econ kte cin he Pharoah okiyaka.

26 Pte šakowin wašte qon, hena waniyetu šakowin ee; qa wahuwapa šakowin waštešte qon, hena nakun waniyetu šakowin ee, wqwihanmde kin hena wanjidan.

27 Qa pte šakowin tamaheca, qa šice cin umanpi kin iyohakam hinanpapi kin, hena waniyetu šakowin ee, qa wahuwapa šakowin cikcistina wiyohiyanpata tateyanpa kin on snija kin hena nakun, waniyetu šakowin wicaakihan kte cin hee.

28 Pharoah taku ewakiye cin he dee. Wakantanka taku econ kte cin he Pharoah wanyag kiya.

29 Hecetukta, tokaita waniyetu šakowin hehanyan, Egypta makoce kin owancaya taku owasin iyakicuya icage kta.

30 Qa hena iyohakam waniyetu šakowin wicaakihan kta, qa Egypta makoce kin en taku iyakicuya icage kte ciqon akiktunjapi kte ca, wicaakihan kte cin makoce kin awihnuni kta.

31 Unkan hehan wicaakihan kte cin iyotan tehikekte cin makoce kin en, heon wipipi qon sdonyapi kte šni.

32 Qa wicoie kin de Wakantanka yuecetu kte ca, wanna kohanna Wakantanka econ kta, heon Pharoah nonpa akihde wihanmna.

33 Qa wanna Pharoah wicašta wan ksape ca wayupika akite ca, Egypta makoce kin yuhe kiya nunwe.

34 Qa Pharoah akicita wicakage ca makoce kin en wicahdusuta kte; unkan waniyetu Šakowin wipipi kta hena icunhan, taku makoce aicage kte cin owasin izaptanptan icupi nunwe.

35 Hecen waniyetu šakowin waštešte kte cin hena icunhan, woyute ocaje owasin kamnapi kte, Pharoah nape kin ihukuya, tonwanyanpi kin en aguyapi pahipi kte cin he woyute awanyakapi nunwe.

36 Qa waniyetu šakowin wicaakihan kte cin Egypta makoce kin en hena on, taku yutapi kihnakapi kinhan, makoce kin wicaakihan kte cin on awihnuni kte šni, eya. .

37 Unkan Pharoah ookiye wicaye cin ko wicoie kin he waštedakapi.

38 Hehan Pharoah iye taokiye kin hewicakiya; Wicašta wan Wakantanka Taniya en un kin de iyececa iyeunyanpi pica he?

39 Qa Pharoah Joseph heciya, Wakantanka de owasin sdonye nioiye cin, niš nana widukcan qa yakšapa, tuwedan iyenicece šni.

40 Niš wati kin awanmiyecidake kta, qa oyate mitawa owasin oie ananigoptanpi kta. Oiyotanke kin en hecedan iciwankam waun kta.

41 Qa wanyaka wo, Egypta makoce kin owasin yuhe ciciya ce, eya.

42 Hehan Pharoah maza napcupe hdušdoke ca Joseph nape kin ohna iyeye ca, minihuha ska wašte koyag ye ca, mazaskazi wanapin wan napin kiya.

43 Qa canpahmihma yuhe cin etanhan canpahmihma inonpa kin he ohna iyotang ye ca, Itokam canpeška makehde inajin po, ieyanpaha eyapi,qa Egypta makoce kin owasin yuhe kiyapi.

44 Qa Pharoah Joseph heciya, Pharoah miye ce. Oyate kin tuwedan iye cinka takudan econ kte šni. Niš nana token econ wicayasi kin hecetu kta ce.

45 Qa Pharoah Joseph, Zaaphnath-paaneah, eya cašton, qa On otonwe kin en wošnapi kage cin, Potiphera he cunwintku Asenath tawicu kta e qu. Unkan Joseph Egypta makoce kin ehna iyaya.

46 Joseph, Egypti wicaštayatapi Pharoah itokam najin qehan, wanna waniyetu wikcemna yamni qa, hehan Joseph Pharoah itokapa tanhan inanpe ca Egypta makoce kin owancaya iyoptapta iyaya.  

47 Unkan waniyetu wipipi kin hena icunhan, makoce kin napohnahnaka icah ya.

48 Qa waniyetu šakowin Egypta makoce kin en, taku yutapi owasin pahipi, qa tonwanyanpi kin en kihnakapi; otonwe otoiyohi ohna maga ihdukšan un kin etanhan woyute otonwe kin en kihnakapi.

49 Qa Joseph, miniwanca kahdaya wiyaka wanke cin iyecen, aguyapi ota hinca pahi, yawapica šni nakaeš yawapi kte cin ayaštanpi.

50 Unkan Joseph cinca wica nonpa kicitonpi, waniyetu wicaakihan kin itokam, Asenath Potiphera On en wošnapi kage cin he cunwintku kin hena Joseph kici ton.

51 lyomakišice ciqon owasin, qa ate tipi kin owasin Wakantanka akiktunš mayan, eye ca tokapa kin Manasseh eya caš kiton.

52 Qa, Makoce en kakiš mayanpi qon, he en Wakantanka taku icah mayan, eye ca iyokihe Ephraim eya caš kiton.

53 Unkan waniyetu šakowin wipipi kin Egypta makoce kin en wanna henakeca.

54 Qa waniyetu šakowin wicaakihan kte cin wanna en au, Joseph eye ciqon hecetu. Unkan makoce owasin en wicaakihan, tuka Egypta makoce kin en owancaya aguyapi yukan.

55 Unkan Egypta makoce kin owancaya akihanpi kte cehan, oyate kin aguyapi on Pharoah hoyekiyapi. Unkan, Joseph ekta yapi qa, token ecpn nisipi kin ecen econ po, Pharoah Egypti owasin ewicakiya.

56 Wanna maka ohnaka owancaya wicaakihan, hehan Joseph aguyapi opiye kin owasin hduwicowen hdoke ca, Egypti taku yutapi wicaqu; Egypta makoce kin en wicaakihan tehika aye nakaš.

57 Unkan maka owancaya etanhan, Egypta ekta Joseph en taku yutapi opeton hipi, maka kin owancaya nina wicaakihan ece.

WICOICAGE WICOWOYAKE 42.

1 Hehan Egypta makoce kin en aguyapi yuke cin Jacob wanyake ca cinkšiwicaye cin hewicakiya, Tokeca ecin opakicihta akanpi he?

2 lhopo Egypta heciya aguyapi yukan keyapi nawahon. Ecin kutkiya ekta yapi qa heciya tanhan woyute ope un kicaton po,kinhan unnipi qa utitapi kte šni ce, eya.

3 Unkan Joseph cinyewicaye cin wikcemna qon aguyapi opetoupi kte Egypta makoce kin ekta kutkiya ipi.

4 Tuka Benjamin Joseph sunkaku kin ope šni, Okini taku šica akipe kta naceca, Jacob eye ca hecen ye šni.

5 Unkan Caanan makoce kin en wicaakihan, heon wahuwapa hipi kin om, Israel cinkšiwicaye cin woyute opeton hipi.

6 Wanna makoce kin en Joseph itancanyan uu, qa makoce kin ohna oyate hiyeye cin owasin taku yutapi wicaqu kin Joseph hee. Unkan cincu qon en hipi, qa itokam ite makipusdiya makata ehpeiciyapi.

7 Unkan Joseph wanwicayake ca cincu iyewicakiya, tuka wicitokam ihdutokeca, qa icanksiya owawicakiya qa, Tokiyatanhan yaupi he? eya iwicawanga. Unkan Caanan makoce kin etanhan taku yutapi opeton unhipi ce, eyapi.

8 Hecen Joseph eqe cincu kin iyewicakiya, tuka iye Joseph iyekiyapi šni.

9 Hehan Joseph wowihanmde ihannide ciqon kiksuye ca, Makoce iwanyakapi kin henicapi, qa makoce wanna dayehna wanke cin he iwanyag yuhipi ce, ewicakiya.

10 Unkan, Hiya itancan hecetu šni. Hokšidan nitawa woyute opeton unhipi.

11 Wicašta wanijidan owasin cinkši unyanpi. Unkiye iewicauukapi; hokšidan nitawa kin makoce iwanyakapi kin heuncapi šni ce, eciyapi.

12 Unkan, Hiya makoce sdayehna wanke cin he iwanyag yahipi ce, ewicakiya.

13 Unkan, Hokšidan nitawa hunka wanjin unkiciyapi ake nonpapi; Caanan makoce kin en wicašta wanjidan ate unyanpi, qa hakakta kin he anpe dehan ate unyanpi kin kici yanka, qa wanjidan taniu šni, eyapi.

14 Unkan, Makoce iwanyakapi kin henicnpi; eya eciciyapi qon he hecetu ce.

15 Deciya tanhan niyukcanpi kta. Icahda ni un kin nisunkapi cistinna kin he hi šni kinhan detanhan tokidan dapi kte šni.

16 lhopo, niyepi kin wanjidan sunka yayapi kin hduwe ye ši po, qa nioiepi kin yahduwicakapi kin hehanyan kaška dukaupi kta. Hecen niyukcanpi kta, hecetu šni kinhan, Pharoah ni un kin makoce iwanyakapi kin henicapi kta, Joseph ewicakiya.

17 Qa iyamni can hehanyan witaya onatag wicahnaka.

18 Anpetu iciyamni hehan Joseph hewicakiya, Wakantanka kowakipa ce. Kaken e econpo qa ni un po.

19 Wicayakapi kinhan, hunkawanjin yayapi kin wanjidan kaška yanke kta, tipi kin de onatag nibnakapi kin he en, qa niye umanpi kin ifaopo, tiyohnaka nitawapi kin wicaakihan kin on woyute akiyahdapo.

20 Qa sunka unyapi cistina kin he miye en makaupo, hecen nioie yahduwieakapi kinhan nitapi kte šni . Unkan ecen econpi.

21 Qa iyakitedan hckiciyapi, Ehanqon waunhtanipi. Sunka unyanpi wacin iyokišin wanunyakapi qa ceunkiyapi, tuka anaungoptanpi šni, heon wocante šice cin de unhiyahdepi ce, eyapi.

22 Unkan Reuben ayupte ca, Hokšidan kin en wahtanipi šni po eeiciyapi šni he; tuka anamayagoptanpi šni? unkan ecin iye we kin wanna wiunwangapi kin he dee ee, eya.

23 Unkan Joseph he nahon sdonyapi šni. Taku ewicakiya eca wicašta wan ie ska kiya ece nakaeš.

24 Tuka Joseph wicitokapa tanban toki ye ca ceya. Hehan icicawin en wicahdi qa, taku ewicakiye ca, hehan umanpi kin elanhan Simeon icu qa, ištapi kin wicitokaui pakihta.

25 Hehan Joseph wojuha tawapi kin aguyapi on ojuwieakicitonpi kta, qa mazaska tawapi otoiyohi wojutonpi kin en owicakicihnakapi kta; waneya nakun wicaqupi kta, keya. Unkan beeen ecawicakicon.

26 Unkan šuktanka šonšonna kin taku yutapi qin wicakiyapi qa hdapi.

27 Qa tnkten kiwankapi kin, wanji tašunke šonšonna wo qu kta e wojutonpi kin hduhdokši; unkan inyun wojutonpi i kin en tamazaska kin yanka.

28 Unkan hunka wanjin wicaye cin hewicakiya, Mazaska mduhe ciqon ake micupi. Wanyakapo, wojutonpi mitawa kin en ohnakapi ce. Unkan owasin icanwankapi qa ikopapi qa, De Wakantanka ecaunkiconpi hwo? ekiciyapi.

29 Qa Caanan makoce kin ekta ateyapi Jacob en hdipi. qa token akipapi qon owasin okiyakapi.

30 Makoce yuhe cin he ihnuhana icanksiya taku unkekiciyapi, qa makoce kin iwanyag unkipi iyecen ecaunkiconpi.

31 Tuka, Ohan unkowotanpi qa makoce iwanyakapi kin heuncapi šni;

32 Hunkawanjin unkiciyapi ake unnonpapi hena owasin ate unwanjipidan, wanjidan tanin šni, qa hakakta kin be anpe doban Caanan makoce kin en ate unyanpi kici yanka ce, unkekiyapi.

33 Unkan, Ohan oniwotanpidan kinhan, detanhan sdonwaye kta ce. Hunkawanjin yayapi kin wanjidan den mici yanke kta, qa yatipi kin en wicaakihan kin on, woyute icupi qa ekta hdapo.

34 Qa sunka yayapi hakakta kin he makaupo. Kinhan makoce iwanyakapi kin henicapi šni, qa ohan oniwotanpidan kin sdonwaye kta ce, qa hehan, hunkawanjin yayapi kin de cicupi kta kinhan makoce kin den wopeyatonpi kta ce, makoce yuhe cin unkekiciyapi ce, eyapi.

35 Hehan wojutonpi kin tokokadapi; unkan inyun mazaska apabtapi qon, owasin wojutonpi kin en yanka. Owasin ateyapi kin kici mazaska apabtapi qon wanbdakapi, qa inihanpi.

36 Hehan Jacob ateyapi kin hewicakiya; Miye micinca mayakipi, Joseph tanin šni, qa Šimeon tanin šni, qa Benjamin iyacupi kta; hena owasin iyokisin mayanpi.

37 Unkan Reuben he atkuku kin heciya, He ininape kin en maqu wo. Miš niye en awahdi kta ce. He niye en awahdi šni kinhan, micinca nom kata iyewicaya wo, eya.

38 Tuka, Micinkši kin de nieipi ye kte šni ce. Cincu wanna te ca iš nana okaptapi, qa canku ohna dupi kin he tahepi Benjamin taku šice cin akipe cinhan, mapa ska kin wicahapi ekta iyokišin yemayayapi kta ce, eya.

WICOICAGE WICOWOYAKE 43.

1 Wanna makoce kin en wicaakifian tehika aya.

2 Unkan ugtiyapi Egypta etanhan ahdipi qon temyapi, hehan ateyapi kin hewicakiya, Ake ekta yapi qa taku yutapi onge ope unkiciton po.

3 Unkan Judah ayupte ca, Wicašta qon, Nisunka nicipi hi šni kinhan niiite kin wanrnayadakapi kte šni ce, nina kitanyan unkekiciyapi.

4 Heren niš sunka unyanpi kin unkicipi ye yaši kinhan kin unyanpi, qa woyute opeunnicitonpi kta.

5 Tuka, niš ye yaši kte cin tawatenya ye šni kinhan, kun unyanpi kte šni. Nisunkapi kin ope šni kinhan, miite kin wandakiipi kte šni ce, wicašta kin unkekiciyapi ce, eya.

6 Unkan, Tokeca nisunka wanji yuke cin, wicašta kin oyakidakapi qa šicaya ecamiyeconpi he? Israel eya.

7 Unkan, Wicašta kin atayedan wicowazipi kin unkiwangapi, qa heya, Niyatepi kin nahahin ni he? Nisunka wanji yokan he? Unkan owasin wicoie kin hena ecen unkokiyakapi. Ecin token on, Nisunkapi kin maka u po, eye kte cin sdonunyanpi kta he? eyapi.

8 Qa, Koška  kin unci ye si wo, kinhan naunjinpi qa unyanpi kta; hecen unnipi kta, unkiye niye unkicincapi ko owasin untipi kte šni.

9 Miš he awanmdake ca minape kin etanhan mayakida kta. Niye en cicicahdi šni, qa nitokam ewehde šni kinhan, anpetu owasin, Niye en wawahtani kemakiihapi kta.

10 Ye unkapinpi šni unkanš, wanna dehan inonpa uuhdipi kta tuka ce; Judah atkuku Israel eciya.

11 Unkan, ateyapi Israel eciyapi, Hecetu hecinhan kaken e econ po. Makoce kin de waskuyeca tukte iyotan wašte kin wojuha duhapi kin ohna yuha ya po, canšin onge, qa hastanhanka hanpi tiktica onge, qa taku waštemna, qa pejihuta yatan, hma qa uma, henakiya wicašta kin yaqupi kta.

12 Mazaska nakun oiyopeye nom, nape kin ohna icupo, mazaska wojntonpi ohna yahdohdipi qon he koya, nape ohna adupi kta, he wanun econpi naceca.

13 Nisunkapi kin nakun icupi, qa najinpi qa wicašta qon ekta ake ya po.

14 Qa wicašta kin cante niciyapi qa hunkawanjin yayapi kin, uman kin he ku ši kte, Benjamin koya, Wakantanka Iyotan Wašake waonšidapi kte. Miš micinca makipi kinhan hecen makipi kta.

15 Hecen wicašta kin taku ikce qupi kte cin he icupi, qa mazaska nape ohna icupi, qa Benjamin kici inajinpi, qa Egypta ekta kun yapi qa Joseph itokam inajinpi.

16 Unkan Joseph wanwicayaka, Benjamin kici, qa taokiye wan tipi awanyake cin he heciya; Wicašta kin dena tin awicaye ca, wanuyanpi wan pata, qa španyan wo. Wiyotanhan hehan wicašta kin dena om wawašte kta ce.

17 Unkan wicašta kin token Joseph eye cin owasin ecen econ, qa Joseph tipi kin ti mahenu wicaši.

18 Unkan Joseph tipi kin ti mahen awicaipi kin heon wicašta kin kokipapi qa, Mazaska tokaheya wojutonpi unkitawapi kin ohna unhdohdapi qon, heon anauntanpi, qa taku iyaunkonpapi kta e unkicopi, qa wayaka unyuzapi kta unkiye šuktanka šonšonna unhapi koya, eyapi.

19 Qa Joseph tipi kin awanyake cin he en ikiyedan hinajinpi, qa tipi tiyopa kin en okiyapi.

20 Qa, Itancan otokahe ekta taku yutapi opeuntonpi kta e kun unhipi.

21 Qa owanka qon, en unkiwankapi, qa wojutonpi unhduhdokapi, unkan mazaska unkahipi qon otoiyohi wojutonpi unkitawapi i kin ohna yanka, mazaska aspeunkiye unkitonpi qon he iyececa, he owasin nape ohna unnicicahipi.

22 Qa mazaska tokeca on taku yutapi opeuntonpi kta e nape ohna yuha unhipi. Tuwe mazaska unkahipi qon, unkitawojutonpi kin ohna iyohpeye cin sdonunyanpi šni ce, eyapi.

23 Unkan, Tanyan yaunpi kta ce. Wikopapi šni po. Wakantanka yadapi kin niyatepi ta Wakantankapi kin hee wojutonpi nitawapi kin ohna woyuha nicupi. Mazaska nitawapi qon miye en makahipi, eye ca hehan Simeon wicitokam hinanpe ya.

24 Qa Joseph tipi kin ti mahen u wicaši, qa mini wicaqu; unkan siha hdujnjapi, qa šuktanka šonšonna tawapi kin nakun taku yutapi wicaqu.

25 Unkan, Hen aguyapi yutapi kta keya nahonpi, heon wiyotanhan hehan Joseph hdi kte cin he itokam taku ikce qupi kte cin owasin wiyeya ehnakapi.

26 Unkan Joseph tiyata hdi hehan taku ikce qupi kte cin, nape ohna Joseph en ti mahen aupi, qa itokam makipusdiya ehpeiciyapi.

27 Unkan, tanyan unpi hecinhan iwicawange ca, Niyatepi kin wicahinca cajedatapi qon nahahin ni he? Ni un he? eya.

28 Unkan, Nitaokiye ate unyanpi kin he nahahin ni, qa tanyan un ce, eyapi qa patujapi qa makata ehpeiciyapi.

29 Unkan Joseph en etonwe ca, sunkaku Benjamin kici hunkuwanjidan kin he wanhdake ca, Sunkayayapi cistina miye en cajedatapi qon he dee he? eye ca, Micinkši Wakantanka cantonihnake kte, eya.

30 Qa sunkaku kin en cante kin skan kan he cin heon Joseph inahniyan tukten ceye kta akite ca wankan tipi ekta i, qa ceya.

31 Hehan ite kin hdujaja qa hdinanpe ca ihduhe ca, Aguyapi ehnakapo, eya.

32 Unkan aiyog Joseph qupi, qa hunkawanjitku kin iš aiyog wicaqupi, qa Egypti tona hen wotapi kin aiyog wicaqupi; Egypti Hebrew om aguyapi yutapi okihipi šni nakaeš, heconpi kinhan išten iciyapi kta.

33 Unkan Joseph itokam iyotankapi, tokapa kin watokapa kin iyecen, qa hakakta kin cistina un kin iyecen, qa wicašta qon iyakitedan yustnyayapi.

31 Taku yutapi iyacinpi otoiyohi wicaqu, tuka Benjamin taku tawa tanka umanpi taku tawapi zaptan nkihde heon. Unkan kici ya.kanpi, qa iyuškinpi.

WICOICAGE WICOWOYAKE 44.

1 Unkan Joseph tuwe tipi tawa awanyake cin heciya, Wicašta kin wojuha yuhapi kin en taku yutapi oju wo; tohan qin okihipi kin hehanyan, qa mazaska aupi kin owasin otoiyohi ta wojutonpi i kin ohna ehnaka wo.

2 Qa hakakta kin tawojutonpi i kin ohna mazaska wakšica rnitawa kin he oyahnake kta, mazaska woyute iyopeye ahi kin he iyahna. Unkan token Joseph eciye cin, ecen econ.

3 Anpao hehan iyoyanpa: wicašipi, wicašta tašunke šonšonna koya.

4 Wanna otonwe kin etanhan otonwe tanka takan u, qa tehan šni, hehan Joseph wicašta tipi tawa awanyake cin heciya; Najin qa wicašta qon tawicapa wo, qa wicayehdege cinhan. He tokeca tanyan ccaniconpi kin itkom šicaya ecanonpi?

5 Mayuhe cin taku ohna wayatke ca on ay ate cin dee šni he? Taku ecanonpi kin he šica, ewicakiya wo.

6 Unkan ewicakihdege ca wicoie kin hena ewicakiya.

7 Unkan, ltancan tokeca e hecen eha he? Ookiyepi nitawa token hecon kupi kta he;

8 Mazaska wojutonpi i kin ohna iyeunynnpi qon he ake, Caanan makoce kin etanhan imnicicahipi kin sdonyaya. Hehan ecin token on manon itancan tipi kin etanhan mazaska kaeš mazaskazi kta he?

9 Hokšidan nitawa uman tukte kašta he yuha iyeyaye cinhan te kta, qa unkiye owasin wowindag unyayapi kte, eyapi.

10 Unkan. Wanna token ehapi kin hecetu kte. Tuwe he yuha iyewakiye cinhan wowidake waye kta, tuka umanpi kin iyaonpepica šni yaunpi kta, eya.

11 Unkan owasin inahniyan wojutonpi kin makata pahipapi qa, otoiyohi wojutonpi hduhdokapi.

12 Unkan tokapa kin tawojutonpi kin en tokaheya akite ca hakakta kin ecen owocinhan yustan. Qa Benjamin tawojutonpi kin ohna wakšica kin iyeya.

13 Unkan wokoyake kin hdupotapi qa owasin šuktanka šonšonna qa wicakiyapi, qa icicawin otonwe kin ekta ipi.

14 Hehan Judah, hunkawanjin wicaye cin ota, Joseph tipi kin en ipi. Unkan iye nahahin hen yanka, qa he itokani owasin makata ehpeiciyapi.

15 Unkan woecou kin de iaku ecanonpi hwo? Wicašta tuwe hemaceca cinhan ay ate cin okihi sdonyuyapi šni he? ‘Joseph ewicakiya.

16 Unkan Judah heya, Mayuha token unkauiyuptapi kta he? Taku unkeyapi kta, qa tokiya tanhan unhduecetupi kta he? Waunhtanipiqon wanna Wakantanka iyeunyanpi. Iho, ltancan wayaka uuyaduhapi, wakšica kin yuha iyeyapi qon qa unkiyepi owasin nakun, eya.

17 Unkan, Hecamon kte cin Wakantanka iyomaki šni nunwe. Wiyatke yuha iyeyapi qon wicašta kin he, hecedan wowindag waye kta; tuka niyepi wookiye on niyatepi kin ekta iyaya po, Joseph eya.

18 Unkan Judah ikiyedan hinain qa heya, Itancan ceciya ce, hokšidan nitawa canniye niaye šni wo. Mayuhe cin Pharoah iyeniceca. Tokin hokšidan nitawa taku epe cin nayahon.

19 Mayuhe ciri hokšidan nitawa wiwicanonga; Niyatepi yuke ca nisunkapi yukan he? ehe ciqon.

20 Unkan itancan hecen unkeniciyapi; Han ate unyanpi kin wanna wicahinca, qa cinhintku cistina kin wicahinca ehan tonpi kin he kici yanka, qa cincu kici hunku wanjidan qon he ta, hecen išnana okaptapi, unkan atkuku cantekiya ce, unkeyapi.

21 Unkan, Nisunkapi kin makaupo, wanmdake kta ce, hokšidan nitawa kin ewicayakiye ciqon.

22 Unkan, Itancan hokšidan kin atkuku kin ehpeye kte cin okitpani, he atkuku ehpeya u kinhan, atkuku kin te kta ce, unkeniciyapi qon.

23 Unkan, Nisunkapi cistina kin he kici kun yaupi šni kinhan, ake miite kin icimana wandakapi kte šni, hokšidan nitawa unkeyakiyapi.

24 Unkan hokšidan nitawa kin ate unyanpi kin ektaitawankanhde unhdapi, qa he en token iyae cin owasin unkokiyakapi.

25 Unkan, Ake ekta yapi, qa woyute onge opeunkicatonpo, ate unyanpi kin eya.

26 Unkan, Sunka unyanpi cistina kin de ope cinhan unyanpi kta ce; tuka iye ope šni kinhan apamahde unyanpi kte cin unkokitpanipi. Sunka unyanpi hakakta kin kici unyanpi šni kinhan, wicašta qon itohnake kin wanunyakapi kte šni ce, unkeyapi.

27 Unkan hokšidan nitawa ateunyanpi kin heunkiciyapi, Mitawin cinca nom nana miciton e sdonyayapi.

28 Tuka uman kin mi tan tanhan toki iyaye ca, Ehanqon yapotapi ce, epe ciqon ehantanhan wanwahdake šni.

29 Qa wanna de nakun mi tan tanhan toki adapi kta, qa tahepi taku šice cin akipe cinhan pa maska iyoki ca wicahapi ekta amayadapi kta ce, eya.

30 Unkan dehan kaketu kta ce. Nitahokšidan ate unyanpi kin ekta unhdapi, qa iye nagi kin hokšidan nagi kin en ihdadke ca hokšidan kin ope šni kinhan;

31 Ate unyanpi kin hokšidan tanin šni kin wanhdake cinhan te kta. Hecen wowindag unyayapi kin hokšidan nitawa ate unyanpi kin pa ska kin iyokišica wicahapi ekta kun unkayapi kta.

 32 Hokšidan nitawa miye hoksidan kin ate wakida qa hewakiya; Niye cicicahdi šni kinhan, ate niye en wawahtani ohinniyan kecanni kta ce, epa.

33 Unkan wanna ceciciye, hokšidan kin hee kiya den manke ca mayuhe cin wowindag mayaye kta, qa hokšidan kin cinye wicaye cin om itawankanhde he kta.

34 Hokšidan kin omicipe šni kinhan ate ekta itawankanhde wahde kte cin owakitpani. Taku šica ate ahinhpaye kte cin he wanmdake kte cin tawatenwaye šni, eya,

WICOICAGE WICOWOYAKE 45.

1 Hehan Joseph tona en najinpi kin owasin wicitokam ihdnhe kta okihi šni , qa panyanhan hewicakiya, Wicašta owasin mitokapa tanhan tankan iyaya po. Hecen Joseph hunkawanjin wicaye cin en sdonye iciye cehan, tuwedan kin yanke šni.

2 Hehan Joseph hotaninyan ceya. Unkan Egypti he nahonpi, Pharoah tiyohnaka tawa kin nakun nahonpi.

3 Unkan Joseph hunkawanjin wicaye cin hewicakiya, Joseph he miye ce, Ate nahahin ni he? eya; tuka cincu hokapa tanhan yušinyayapi qa ayuptapi kte cin okiipamni.

4 Unkan, Iho po, mi tan kiyedan u po, Joseph hunkawanjin wicaye cin, ewicakiya. Unkan kiyadan hiyapi. Unkan, Joseph nisunka Egypti ekta wiyopeyayapi qon he miye ce, eya.

5 Qa dehan wiyope niayayapi kin on iyokišin iciyapi šni po, qa icanniye kiciyapi šni po. Wanikiye makage kta e Wakantanka u niakiya ce.

6 Wanna waniyetu nonpi wicaakihan maka kin ohna, pi tokata waniyetu septan yumdupi kte šni, qa woksapi kte šni ce.

7 Taku maka akan ecicihnakapi, qa taku iyutan tehika etanhan niciyapi kta e Wakantanka nitukum u makiya ce.

8 Wanna deci u makiyapi kin he niyepi ee šni. Wakantanka hecon qa, Pharoah ate mayo ca tiyohnaka tawa kin owasin itanan makiyapi, qa Egypta makoce kin owancaya itancan kta e emahde.

 9 Inahni po, qa ate ekta itawankanhde hdapi, qa heciyapo; Nicinkši Joseph hecen eya; Wakantanka Egypta owasin yuhe makiya ce. Iho kun en main qn yutehan šni wo.

10 Kinhan Gošen en ounyaye; mi tan kiyedan yaun kta co. Niye nicinca qa nicinca cinca wicayapi, tahin wanuyanpi nitawa, pie nitawa ko, qa taku duhe cin owasin;

11 Kinhan wo cicu kta: nahahin tokiita waniyetu zaptan wicaakihan kte cin heon, yau šni kinhan, okini niwahpanica kta nace, niye yati ohnaka kin, qa taku nitawa ko owasin.

12 lhopo, niištapi kin miš unka Benjamin išta kin nakun mii kiu on ociciyakapi kin he wanmayahuhakapi.

13 Egypta en wowitan niduhe owasin, qa taku wandakapi ko owasin, ate okiyakapo, qa inahniyan ate deciya kun au po;

14 Eye ca sunkaku Benjamin po škin yuze ca ceya. Unkan Benjamin cincu tahu kin akan ceya.

15 Hehan hunkawanjin wicaye cin owasin i iwicaputake ca wicahduha ceya. Unkan cinyewicaye cin kici wohdakapi.

16 Wanna Joseph hunkawanjin wicaye cin hipi ce, eya oyakapi kin, Pharoah tiyohnaka tawa kin nahonpi, qa Pharoah ookiye wicaye cin ko he waštedakapi.

17 Qa Pharoah Joseph heciya, Hunkawanjin wicayaye cin hecen ewicakiya wo. Kaken econ po; wanuyanpi duhapi kin qin wicakiyapi, qa Caanan makoce kin ekta had po.

18 Qa niyatepi tiyohnaka nitawapi kin ko owasin, icupi qa en maupo, kinhan Egypta makoce kin en taku wašte yuke cin cicupi kta qa, taku iyotan wašte makoce aicage cin yutapo,

19 Wanna ši niye he, de econ po; on Egypta makoce kin etanhan canpahmihma yuha hdapi, qa niyatepi kin kici wicahduha u po.

20 Tuka wanpaye duhapi kin he awakieinpi šni po. Taku wašte Egypta makoce ohnaka kin owasin nitawapi kta ce.

21 Unkan Israel cinca kin ecen econpi, qa Joseph canpahniihma wicaqu, Pharoah eya econ ši qon iyecen, waneya tahepi yutapi kta nakun wicaqu.

22 Qa owasin wokoyake iyohi wicaqu, tukte Benjamin mazaska opawinge yamni qu, qa wokoyake owasin zaptanptan nakun.

23 Qa šuktanka šonšonna wikcemna taku Egypta aicage cin qin wicakiya, qa nakun šuktanka šonšonna wiye wikcemna wamnaheza, qa aguyapi span, woyute atkuku waneya yuhe kte cin qin wicakiye ca, heha owasin atkuku kin en ahde wicaši.

24 Qa hunkawanjin wicaye cin kihde wicaši qa, Ihunhan tahepi taku ayakicicapi kin, ewicakiya. Unkan hdupi.

25 Egypta makoce kin etanhan itawankanhde hdapi, qa Caanan makoce kin ate yapi Jacob yanke cin ekta kipi.

26 Qa heciyapi, Joseph nahahin ni, qa Egypta makoce kin owasin yuha ce, eyapi. Unkan cetonwicahda qa wacin hnuni.

27 Hehan Joseph oie ewicakiye cin owasin okiyakapi, qa canpahmihma ohna iye ihdaka ye kta e Joseph ahde wicaši qon hena wanyake cehan, Jacob ate yapi cante kin kimdeza.

28 Qa Israel heya, Henana Joseph micinkši nahahin ni. Mate šni wanbdag mde kta ce.

WICOICAGE WICOWOYAKE 46.

 1 Hehan Israel ihdaka, iye taku tawa ko owasin, qa Beer-šeba en hi qa, atkuku lsaac Wakantanka da kin wošnapi wakiyušna.

2 Unkan Wakantanka hanyetu wowanyake wan en Israel heciya, Jacob, Jacob, eya. Unkan, De miye ce, eya.

3 Unkan, Wakantanka niyate ta Wakantanka kin he miye. Egypta en de kte cin ikope šni wo. Hen oyate tanka icah ciciye kta ce.

4 Miye Egypta ekta ciyahna kun mde ca ake acihdi kta, qa Joseph nape kin niišta kin akan aniputake kta ce, eya.

5 Unkan Jacob Beer-šeba etanhan inajin. Unkan Israel cinkšiwicaye cin yuhatapi, qa tawicupi, qa Jacob ate yapi kin, henakiya canpahmihma Jacob aupi kta e Pharoah wicaqu qon, hena ohna yuha yapi.

6 Qa tawanuyanpi, qa tawahpayapi, taku Caanan makoce kin en tempi kin ikikcupi qa Egypta ekta ihdaka ipi, Jacob taku tawa ko owasin;

7 Cinkšiwicaye cin, qa sanpa cincapi, cunkši wicaye cin qa cinhintku cunkši wicayapi kin, taku tawa ko owasin, Jacob kici Egypta ekta ipi.

8 Israel cinca kin Egypta en ipi kin, decen ewicakiyapi, Jacob qa iye cinca, Jacob cinhintku tokapa kin Reuben eciyapi. .

9 Qa Reuben cinkšiwicaye cin Hanoch, qa Phallu, qa Hezron, qa Carmi.

10 Unkan, Simeon cinkšiwicaye cin; Jemuel, qa Jamin, qa Ohad, qa Jachin, qa Zohar, qa ŠauI, he Caanani winohinca wan ton.

11 Unkan Levi cinkšiwicaye cin Geršon, qa Kohath, qa Merari.

12 Unkan Judah cinkšiwicaye cin Er, qa Onan, qa Šelah, qa Pharez, qa Zerah; tuka Er Onan kici Caanan makoce kin en tapi; qa Pharez cinkšiwicaye cin Hezron, qa Hamul.

13 Unkan Issachar cinkšiwicaye cin Tola, qa Phuvah, qa Job, qa Šimron.

14 Unkan Zebulun cinkšiwicaye cin Sered, qa Elon, qa Jahleel.

15 Hena Leah cinkšiwicaye ca Jacob kiciton, Padan-aram kin hen, cunwintku Dinah nakun, cincawicawinyan ko wicanagi owasin wikcemna yamni sanpa yamni.

16 Gad cinkšiwicaye cin Ziphion, qa Haggi, qa Šuni, qa Ezbon, Eri, qa Arodi, qa Areh.

17 Unkan Ašer cinkšiwicaye cin Jimnah, qa Išuah, qa Isui, qa Beriah, qa Serah tawinohtinpi. Unkan Beriah cinkšiwicaye cin Heber, qa Malchiel.

18 Hena Zilpag, Laban iye cunwintku Leah qu qon, cinkšiwicaya, hena Zilpah Jacob kiciton wicanagi ake šikpe.

19 Rachel Jacob tawicu kin cinkšiwicaye cin Joseph, qa Benjamin,

20 Unkan Joseph cinkšiwicaye cin Manasseh, qa Ephraim hena Asenath, Poti-phera On otonwe kin en wošnapi kage cin be cunwintku, Egypta makoce kin en Joseph kiciton.

21 Unkan Benjamin cinkšiwicaye cin, Belah, qa Becher, qa Ašbel, Gera, qa Naaman, Ehi, qa Roš, Muppim, qa Huppim, qa Ard.

22 Hena Rachel cinkšiwicaye ca Jacob kiciton, wicanagi owasin ake topa.

23 Unkan Dan cinkšiwicaye cin Hušim.

24 Unkan Naphtali cinkšiwicaye cin Jahzeel, qa Guni, qa Jezer, qa Šillem.

25 Bilhah, he Laban iye cunwintku Rachel qu qon, hena Jacob kiciton, wicanagi cinkšiwicaye cin owasin šakowin .

26 Wicanagi Jacob nite kin etanhan inanpapi, Jacob cinca tawicupi kin hena yawapi šni, Jacob kici Egypta ekta ipi kin wicanagi owasin wikcemna šakpe sanpa šakpe.

27 Unkan Joseph cinkšiwicaye cin Egypta en kicitonpi kin, wicanagi nonpa. Jacob wicowazi Egypta en hi qon, wicanagi kin owasin wikcemna šakowin .

28 Wanna Jacob Judah tokata ye ši, Joseph en, Gošen etu ilkokim u kte cin heon. Unkan Gošen makoce kin en hipi.

29 Unkan Joseph šuktanka canpahmihma koyag wicakiye ca atkuku Israel itkokipe kta e Gošen etu i, qa wanhdake ca poškin hduze ca tahu akan tehan ceya.

30 Unkan Israel Joseph heciya, Nahahin yani kin, niiohnake kin he wanciyaka, wanna ayuštan miye te.

31 Unkan Joseph cinyewicaye cin, qa atkuku tiyohnaka tawa kin owasin hewicakiya: Wahde ca Pharoah owakiindake kta, Hunkawanjin wicawaye cin, qa ate tiyohnaka tawa kin Caanan makoce kin en unpi qon, wanna en mahipi.

32 Qa wicašta kin wanuyanpi wihan wicakiyapi kin hecapi, wicašta wanuyanpi yuha unpi kin iš hecapi, qa taninca pte ko, qa taku tawapi kin owasin awicahipi.

33 Uecen tohan Pharoah nicopi, qa wiuiwangapi qa, Wicohtani tukte wanji opinieiya he? eye cinhan;

34 Hehan kaken ehapi kta ce, Hokšidan unyaduhapi kin, wanuyanpi awanwicunyakapi ece; unkiš uncistinpidan ehantanhan heuucapi, qa hunkake wicunyanpi kin hecen opiiciyapi ece, ehapi kta; hecinhan Gošen en idotankapi kta, tona tahcaska awanyake  owasin ee wowahtedašni ekta Egypti kin.

WICOICAGE WICOWOYAKE 47.

1 Hehan Joseph hde ca Pharoah okiyaku ca, Ate qa hunkawanjin wicawaye cin, qa optaye tawapi, optaye tawapi ko, qa taku tawapi owasin, Caanan makoce kin etanhan upi, qa wanna Gošen makoce kin en ahi tipi, eya.

2 Qa hunkawanjin wicaye cin etanhan wicašta zaptan iwicacu, qa Pharoah itokam ewicahde.

3 Unkan,Wicohtani tukte wanji opiniciyapi he? Pharoah Joseph hunkawanjin wicaye cin ewicakiya. Unkan, Ookiyepi nitawa wanuyanpi wihan wicunkiyapi, unkiš hunkake wicunyanpi koya, Pharoah eciyapi.

4 Qa, Makoce kin en ounyanpi kta e unhipi ce, Caanan makoce kin heciya wicaakihan wanna tehika; wanuyanpi unhapi ko takudan yutapi šni, peji wanica; heon ceunniciyapi Gošen makoce kin en hokšidan nitawa unkiyutankapi kte, Pharoah eciyapi.

5 Unkan Pharoah Joseph heciya, Wanna niyate qa hunkawanjin wicayaye cin niye en hipi;

6 Egypta makoce kin owasin nitokam wanka. Makoce kin tukte iyotan wašte kin, hen niyate hunkawanjin wicayaye cin ko iyotanke wicakiya wo. Gošem makoce kin he en iyotankapi kte ca, wanjikši minihecapi sdonwicayaya hecinhan, hena wanuyanpi mitawa kin awanyag wicakiya wo.

7 Unkan Joseph iye atkuku Jacob u kiye oa Pharoah ihokam ehde. UnkanJacob Pharoah yawašte.

8 Unkan, Waniyetu anpetu tona yani he? Pharoah Jacob eciya.

9 Unkan, Waniyetu anpetu ihdaka wani kin hena waniyetu opawinge sanpa wikcemna yamni. Waniyetu anpetu wani kin hena tonana qa šikšica. Hunkake wicawaye cin waniyetu anpetu ihdaka nipi qon iyehan wani šni ce, Jacob Pharoah eciya.

10 Hehan Jacob Pharoah yawašte, qa Pharoah itokapa tanhan kinanpa.

11 Unkan Joseph atkuku hunkawanjitku ko, makoce tukte iyotan wašte kin, Rameses makoce kin he en, iyotang wicaši, qa Egypta makoce kin en mnga wicaqu, Pharoah hecen econ ši qon, he iyecen.

12 Qa Joseph atkuku, hunkawanjin wicaye cin, qa atkuku wicowazi kin owasin, taku yutapi wicaqu, tasiceca iyacinyan aguyapi wicaqu.

13 Unkan wicaakihan kin iyotan tehika aye cin, heon makoce kin owancaya aguyapi wanica. Wicaakihan kin on Egypta makoce, Caanan makoce ko, awihnuni aya.

14 Unkan aguyapi opetonpi kin he Joseph wiyopeye cin, hecen mazaska taku Egypta makoce kin en iyeyapi, Caanan makoce en nakun mazaska iyeyapi kin owasin, Joseph kamna, qa mazaska kin Pharoah tipi kin en ahiju.

15 Unkan wanna Egypta makoce kin etanhan, Caanan makoce kin etanhan ko, mazaska kin wanna henakeca, hehan Egypti Joseph en ahi qa, Aguyapi un qu po. Tokeca e nitokam untapi kta he? On etanhan okihišni mazaska kin, eciyapi.

16 Unkan, Wanuyanpi duhapi kin maqu po. Mazaska wanice cinhan nitawanuyanpi kin on aguyapi cicupi kta ce, Joseph eya.

17 Unkan tawanuyanpi kin Joseph en uhipi: šuktanka, optaye, wanuyanpi taoptaye, qa šuktanka šonšonna, henakiya on, waniyetu kin be aguyapi wicaqu.

18 Waniyetu kin ho wanna ihunipi, qa waniyetu iyokihe uke Joseph en hipi qa, Itancan anaunkihmapi kte šni, mazaska wanna ecaca wanice hu woteca wanuyanpi owasin itancan duha. Unyuhapi kin itokam takudan unkuhdaptapi šni, tancan maga kici ehake hecehnana unhapi,

19 Tokeca itokam niišta kta unkiye, maga unhapi kte owasin he? Opeton un po unkiye unkitamagapi koya. Aguyapi unyaqupi kinhan Pharoah wowindag onyanpi kta, unkiš maga unhapi koya. Taku unkojupi kia nakun un qu po; kinhan unnipi qa untipi kte šni, qa magapi kin hewoskan wanke kte šni ce, eyapi.

20 Hecen Egypti wicaakihan kin on iyotan iyekiyapi, qa wicašta otoiyohi owasin tamagapi kin wiyopekiynpi; unkan Joseph Egypta inakoce kin owasin Pharoah opekiciton, qa Pharoah makoce kin ya.

21 Qn oyate kin he Egypta makoce ihanke kin anokatanhan otonwe tokeca ohna iyotang wicakiya.

22 Wošnapi kagapi kin honana tamagapi kin wiyopeyapi šni ece. Wošnapi kagapi kin taku yutapi onge Pharoah wicaqu ece, qu taku Pharoah wicaqu kin he yutapi, heon tamagapi kin opeton šni.

23 Qa Joseph oyate kin hewicakiya, Ihopo nakaha opecitonpi niyepi nitamagapi ko, Pharoah tawa niyanpi kta. Ihopo do wojupi kin cicupi qa makoce kin oyajupi kta.

24 Qa kaketu kta, tohan taku aicaga ecu, owasin idutapi qa iyutapi tomtom yahduhapi kta, hetanhan ake maga kin woyajiipi qa he yatapi kta, niye, nitašicecapi qa tona yatipi kin ohna yakonpi kin hena owasin he yutapi kta; tuka iyutapi izaptanptan kin owasin Pharoah yaqupi kta ce, eya.

25 Unkan, Itancan ni unyayapi iyounnicipipi kte; hecen Pharoah wowindag unyanpi kta.

26 Unkan wicoope kin do Joseph oie wicakiya, qa anpe dehan hececa, Egypta makoce kin en wiyutapi izaptanplan kin Pharoah tawa ya, Wošnapi kagapi tamagapi kin henana hecapi šni, henana Pharoah tawa ye šni.

27 Unkan Israel Egypta makoce kin ohna, Gošen makoce kin en iyotanke ca, maga yuhapi qa icagapi qa nina ihduhapi.

28 Qa Jacob Egypta makoce kin en waniyetu ake šakowin ni, hecen Jacob anpetu tawa kin waniyetu ni un kin, waniyetu opawinge sanpa wikcemna tom sanpa šakowin henakeca.

29 Qa anpetu en Israel to kte cin he wanna aškadan, hehan cinhintku Joseph kico qa, Ceciciya iyocicipi kinhan ninape miceca kin ihukuya kiyugata wo; kinhan wowaonšida wowicake ko kicicupi kici miye; Egypta makoce kin en mayahnake kte šni;

30 Tuka Egypta makoce kin etanhan amayade, qa ate wicawaye cin ohna hnakapi kin ohna mayahnake kta; hecen hena om imunke kta ce, eciya. Unkan, Miš token ehe cin ecen ecamon kta ce, eya.

31 Unkan Wakantanka cajeyate ca emakiya wo, eya. Unkan Wakantanka cajeyate ca eciya. Unkan Israel can šagye ipa kin akan pamahdedan wocekiye eya.

WICOICAGE WICOWOYAKE 48.

1 Unkan hena owasin iyohakam hehan, lho, niyate wayazanka ce, Joseph eciyapi, qa cinhintku napin Manassah Ephraim kici hduha ekta i.

2 Unkan Jacob okiyakapi, Nicinkši Joseph niye en u ce, eyapi. Unkan Israel wakišag iciye ca owinja kin akan iyotanka.

3 Qa, Wakantanka lyotan Wašake cin Caanan makoce kin heciya Luz ekta miye en ihdutanin, qa mayawašte,

4 Qa hemakiya, Iho, miye wawicahye cicage, yuota ciciye ca, oyate obe ota cicage ca makoce kin de nakun cicu kta, nicinca nihakam upi kte cin owihankewanica tawapi kta ce, emakiya.  

5 Qa wanna nicinca nonpa, Egypta makoce kin en nicitonpi, Egypta ekta niye en cihi šni kin itokam, Ephraim Manassah kici, hena mitawa ce, Reuben Simeon kici iyecen, tawa wicawaye kta ce.

6 Qa taku nitawa kin hena iyohakam nicitonpi kte cin hena nitawapi kta, tuka cinye wicayapi kin eciyatanhan, makoce tawapi kin en caš wicatonpi kta.

7 Miye Padan-aram  kin etanhan wau qon, hehan Rachel te micahda, Caanan makoce kin en, canku ohna Ephrath etanhan makoce iyutapi kin wanjidan, qa heciya owehnaka Ephrath, Bethlehem eyapi kin hee, canku kin ikiyedan, eya.

8 Hehan Israel Joseph cinkšiwicaye cin wanwicahdake ca, Dena tuwepi he? Jacob Joseph eciya.

9 Unkan, Wakantanka cinca deciya maqu kin dena eepi, Joseph atkuku kin eciya. Unkan, Ceciciya ce, napin niakau wo, wicawahdawašte kta ce, eya.

10 Wanna Israel wicahinca heca on ištagonga, wanyaka okitpani. Unkan iye ahipi wica ikiyedan iye kta; qa iš wicahduze ca i iwicaputaka.

11 Israel Joseph heciya, Niite kin e qeš wanwahdake kte cin epce sui, unkan wanna icah wicayaye cin hena, Wakantanka wanwicahdag mayan.

12 Unkan Joseph hupahu kin etanhan inanpe wicaye ca, ite kin maka kin etkiya patuja.

13 Qa napin wicahduza, Ephraim Joseph nape etapa kin en, Israel catka kin ektakiya, qa Manasseh iye nape catka kin en, Israel etapa kin ektakiya; hecen atkuku kin en awicai.

14 Unkan Israel kiyugate ca nape etapa kin Ephraim pa kin aputaka, he hakakta tuka, qa nape catka kin Manasseh pa kin akan he tokapa tuka, nape yuke anyan ye kiya.

15 Qa Joseph yawašte qa heya, Wakantanka ate wicawaye Abraham Isaac kici itokam manipi qon, he Wakantanka matonpi kin ehantanhan anpe dehanyan won mayan kin;

16 Ohuihde un kin taku šica owasin etanhan opemakiton kin he, hokšipidan kin wicayawašte kte, micajeyan qa ate wicawaye cin Abraham Isaac kici icajeyan ewicakiyapi, qa maka kin ohna nina ibduolapi kte, eya.

17 Unkan atkuku nape etapa. kin Ephraim pa kin aputake cin he Joseph wanyake ca, šicedake ca atkuku nape kin yuze ca, Ephraim pa kin etanhan Manasseh pa kin etkiya ye kiye kta tuka.;

18 Qa, Hecetu šni ate, de tokapa kin ce. lye pa kin nape šni tapa kin on aputaka wo, Joseph atkuku kin eciya.

19 Unkan sdonwaya. Micinkši, sdonwaya ce. He nakun oyate ktaqa he tanka kta, qeyaš sunkaku iyotan tanka kta qa eineu wicaye kte cin oyate ota kta ce;

20 Eye ca anpetu kin hehan wicayawagte qa, Nicajeyan Israel ihdawaštepi qa, Wakantanka Ephraim qa Manasseh iyecen icah niyan nunwe, eyapi kta ce, eya. Hecen Ephraim Manasseh itokam cajeyata.

21 Hehan Israel Joseph heciya, Anagoptan wo. Miye mate kta, tuka Wakantanka nicicapi, qa ate wicayayapi tarnakocepi kin ekta anihdapi kta.

22 Qa miye makoce onšpa, Amori nape kin etanhan mitacanhpi niihnazipe kin iyahna on iwacu qon, he hunkawanjin wicayaye cin iyakapa cicu, eciya.

WICOICAGE WICOWOYAKE 49

1 Qa Jacob einkgi wicaye cin wicakico qa heya, Mnici ya po, tokata anpetu yeye cin token nihiyahdepi ktc cin ociciyakapi kta.

2 Jacob cinkšiwicaye cin witaya upi qa anagoptan po. Israel niyatepi kin he anakicigoptan po.

3 Reuben micinkši tokapa kin he niye, mitowašake mitowookihi tokaheya kin iyotan wicimdeza iyotan suta.

4 Mini iyecen nihduhepica šni, heon initancan kte šni. Niyate ohehde kin ayadi qa hehan mitowinja kin dušapa ce.

5 Simeon Levi kici hunkawanjin kiciyapi. Tacanhpipi kin wipe wicakiša kin heepi.

6 Canteptanyanpi qehan wicašta wan ktepi, qa iyehan tawa iyehca tawacin wan tibosdata iyepi ka wahinyajica; heon wohdakapi kin en minagi kin ye kte šni, qa omniciye tawapi kin en wowitan mitawa un šni nunwe.

7 Wicocanniye tawapi kin yagicapi nunwe, waditaka ce, towahanicidapi kin he nakun, wohitika ce; Jacob en yukinukan wicawakiye ca Israel ohna yuomden iyaye wicawakiye kta.

8 Judah niye hunkawanjin wicayaye cin niyatanpi kta. Ninape kin toka niyanpi tabu kin akan niyate cinkšiwicaye cin nitokam patujapi kta.

9 Mnaja cincadan wan Judah heca. Wicayapotapi kin etanhan micinkgi nayajin. Mnaja iyecen canpeška makehde wanka, qa mnaja wiye wan iyecen, tuwe he pahice kta he?

10 Judah etanhan mazasagye yutokanpi kte šni, tuka cadotahedan wicaštayatapi yuke kta, Šiloh hi kin hehanyan, qa iye en oyate kin mniciyapi kta.

11 Tašunkcincana hastanhanka iyuwi kin en iyakaškahan, qa šonšonnahca cinca kin hastanhanka wašte hinca iyuwi kin ekta, taonhdohda kin miniga on hdujaja kta qa iagina hastanhanka we kin on.

12 Išta kin miniša on ša kte ca hi kin pte asanpi on ska kta.

13 Zebulun ininiwaha huta kin en ti qa iye en wita wata oihuni kta, qa Zidon opapun kin hehanyan yuhe kta.

14 Issachar šuktanka šonšonna  wašake cin heca wan, conkaške otahedan makan wanka.

15 Okihpapi kin he wašte kin, qa makoce kin wiciyokipi kin he wanyake, ca tahiyete patuja ekta yuha, qa wan ookiye taitancan tawomnaye icaga.

16 Dan Israel wicoun wan iyecen taoyate kin wicayaco kta.

17 Wamduška wan canku tukte ohna yapi kte cin, wamduškašica ohna canku kin, šuktanka siyete kin yahtaka on tuwe akan yotanke cin itunkain hinhpaye kta Dan hecece kta.

18 Jehovah woyuške nitawa kin awape.

19 Ozuye wan Gad nzuye kta, tuka ihakam iye azuwicaye kta.

20 Ašer taaguyapi kin wašte qa wicaštayatapi woyute wiciyokipi kin wicaqu kta.

21 Naphtali tahcaska mdoka kiyuškapi kin heca iapi wicimdeza in.

22 Joseph adetka waicahya ece, adetka waicahya mini hdoka icahda, taadetka kin conkaške iyadipi.

23 Wanhinkpe yuhapi kin hena iyaonpapi qa kigepi qa sicaya kuwapi.

24 Tuka tinazipe kin sutaya han, Jacob wašugye cin towašake kin eciya tanhan nape isto kin yuwašakapi ce. Heciya tanhan Israel taimnija qa wo wicaqu kin hee;

25 Niyate Wakantanka da kin eciyatanhan. Iye oniciye ca Iyotan Wašake cin iye niyawašte kta, mahpiya wankan tanhan wowašte kin, oshe kin ihukuya wanke cin wowašte kin aze tezi ko wowašte kin nicu kte.

26 Niyate wicayawašte kin he wawokihika, he ohinniyan he cin isanpa. Paha owihanke wanice cin taku wiciyokipi aicage cin he Joseph pa kin en, qa tuwe hunkawanjin wicaye cin etanhan yukinukanpi qon, pešdete kin en unpi kte.

27 Benjamin šunktokeca yateša heca anpao kte cin hehanyan yute kta ece; htayetu eca wawicaki kin pamni kta.

 28 Israel wicoun ake nonpa kin hena owasin heepi, qa hecen ate yapi kin ewicakiye ca wicahdawašte, otoiyohi towašte kin iyecen wicayawašte.

 29 Qa hecen wahokonwicakiya, Miš oyate mitawakin en ope niayanpi kta, ate wicawaye cin otn emahnakapo, imnija makohdoka maga wan Ephron Heti kin tawa qon en un kin, he en.

30 Caanan makoce kin etu, Mamre ilokam, Machpelah maga kin en imnija ohdoka wanke cin he ohna, Abraham wicašta ohna hnakapi kte cin he tawa kta e maga kin he Ephron Heti kin he opekicaton.

31 Hen Abraham tawicu Sarah kici wicahnakapi, hen Isaac tawicu Rebekah kici wicahnakapi, qa hen miš Leah wehnaka.

32 Maga kin he imnija ohdoka ohna wanke cin ko, Heth cincawicaye cin opewicakicaton qon, ewicakiya.

33 Hecen Jacob cinkšiwicaye cin wahokonwicakiye cin ayaštan qehan, siha kin ohehdepi kin en ehdaku qa ta; unkan taoyate kin ekta okipe yapi.

WICOICAGE WICOWOYAKE 50.

 1 Hehan Joseph atkuku ite kin akan ehpeieiye ca i ipu take ca ceya.

 2 Qa Joseph taokiye peji huta wicaštapi kin atkuku yuhwin šni waštemna ye wicaši. Unkan peji huta wicašta kin Israel waštemna yanpi: anpetu wikcenina torn hecakiconpi.

 3 Tona yuhwin šni waštomna yanpi eca hehanyan yuštanpi ece. Unkan Egypti anpetu wikcemna šakowin Jacob aceyapi.

4 Anpetu hena aceyapi kin wanna iyokiptapi, hehan Joseph Pharoah tiyohmaka tawa kin howicakiya, Wanna wowaonšida en niyewanyaka ehde miye, eya, miye niye kida, en Pharoah tanogepi, eya,

 5 Ate hecen emakiya, Iho miš wanna mate kta ce, Caanan makoce kin heciya ohnahnakapi wan micice cin he ohna mahnaka wo, eye ca cajeyate maši. Unkan tokin wanna itawankanhde mde ca ate wehnaken, kinhan wahdi kta.

6 Unkan Pharoah ayupte ca, Itawankanhde ye ca niyate kihnaka wo, konza eye niši qon iyecen.

7 Unkan Joseph atkuku kihnake kta e itawankanhde ye ca Pharoah taokiye kin owasin opapi, tiyohna hunka wicayapi, qa Egypta makoce kin hunka wicayapi ko owasin.

 8 Qa Joseph tiyohmaka tawa, qa hunkawanjinwicaye cin atkuku tiyohmaka tawa owasin; ta cinapi, qa optaye, pte ko yuhapi kin henana Gošen makoce kin en kihnakapi.

9 Canpahmihma qa wicašta šuktanka akan yotankapi ko opapi, hecen optaye tanka hinca.

10 Unkan Atad tahocoka kin ekta ipi he Jordan akasanpa wanka, qa heciya woceye tanka anpetu šakowin atkuku kin nina aceyapi.

11 Unkan makoce wojutipi kin Caanani hena Atad tahocoka ohna oeyapi kin he wanyakapi qa, Egypti de nina ceyapi ce, eyapi; heon oyanke kin he Abel-mizraim eciyapi, he Jordan akasanpa wanka.

12 Hecen cinkšiwicaye cin token econ wicaši qon, ecen ecakiconpi.

13 Qa cinkšiwicaye cin, hena Caanan makoce kin ekta hduha yapi, qa Machpelah maga kin en imnija ohdoka wahke cin he ohna kihnakapi; Mamoe itokam; maga kin he Abraham Ephron Heti kin etanhan opekicaton wicašta ohnahnakapi tawa kta e hecon,

14 Unkan Joseph Egypta ekta hda, atkuku hnakapi kin iyohakam; iye hunkawanjin wicaye cin, qa tona iye om atkuku hnakapi kta e itawankanhde yapi qon owasin.

15 Unkan Joseph cinyewicaye cin ate yapi kin te cin, heon wikopapi qa heyapi, Okini Joseph šicaya unkuwapi e, a iye en taku šica ecaunkiconpi qon is owasin tokicon kta.

16 Qa hecen Joseph okiyag wicašipi; Niyate te cin itokam hecen econši,

17 Joseph kaken eyakiyupi kta, Tokin nicinye wa tanipi kin wicayecicajujun. Šicaya ecaniconpi tuka niyate ta Wakantanka kin wowindag wicaye cin wantanipi qon kajujun; eya ce, eyapi. Unkan Joseph wicoie okiyakapi kin on ceya.

18 Hehan Joseph cinyewicaye cin iye en ipi, qa itokam ehpeiciyapi qa, lho unyaduhapi ce, eciyapi.

19 Unkan, Kokipe šni po; nakaš miš Wakantanka hemaceca he?

20 Niyepi kin šicaya ecamicon wacanipi, tuka Wakantanka wašte kta e cin, oyate ota ni wicaye kta anpe dehan iyecen hecon ce.

21 Heon nakaha inihanpi šni po. Miš wo cieupi kta niyepi  nitašicecapi ko, ewicakiye ca, hecen wicakihna qa cantowicahnaka.

22 Joseph Egypta en ounyan; iye atkuku tawicoun koya, qa Joseph waniyetu opawinge sanpa wikcemna ni.

23 Qa Joseph Ephraim cinca takojatpaku, qa sanpa cinca wanwicahdake ca nakun Manasseh cinhintku Machir cinca kin hena Joseph siyoto akan wicahduha.

24 Hehan Joseph hunkawanjinwicaye cin hewicakiya; Miš mate kta tuka Wakantanka niyepi en nihipi kte ca, makoce kin de etanhan itawankanhde ye niyanpi kta; makoce wan Abraham Isaac Jacob kokonza ewicakiye cin he ekta.

25 Qa Joseph Israel cinca kin konza ewicakiya, Awicakehan Wakantanka niyepi kin en nihipi kta, qa mihu kin detanhan ayahdapi kta ce, eya.

26 Hehan Joseph ta iyaya. Wanna waniyetu opawinge sanpa wikcemna hehan. Unkan iye tancan yuhwin šni waštemna yanpi, qa Egypta makoce kin en can ohtia knakapi wan ohna hnakapi.