Welcome!

Welcome to our Lakota Bible project. The Lakota Bible is public domain but is very difficult to obtain. We have been working on detangling a digital copy we were fortunate enough to obtain. We hope to keep posting as we get it sorted and also hope that the entire Lakota Bible will be made available to the Lakota people very soon.
The project takes a while because the digital copy is all run together and there were some errors as it scanned and the computer misinterpreted the smudges, etc. But, the copy is a sound one. God willing we will have the ability to get print copies to anyone who would like them as the project is completed. We appreciate feedback and prayers. It has been too long since the Lakota have not had access to a Bible in their heart language. For all of you who think that English should be good enough, consider if all you had access to in English was a New Testament- or not any access to an English Bible at all. God bless and please be patient with us as we try to get this on here for y'all!

Matthew Chapters 1-7

MATTHEOS WOTANIN WAŠTE OYAKE CIN.

MATTHEOS WICOWOYAKE 1.

1 Jesus Messiya, Dawid cinhintku, Abraham cinhintku, oicage wowapi kin he dee.

2 Abraham Isaak cincaya; qa Isaak Jakob cincaya; qa Jakob Judas qa hunkawanjitku ko cin- cawicaya:

3 Unkan Judas Phares qa Zara, Tamar etanhan, cincawicaya; qa Phares Esrom cincaya; qa Esrom Aram cincaya:

4 Qa Aram Aminadab cincaya; qa Aminadab Naasson cincaya ; qa Naasson Salmon cincaya:

5 Qa Salmon, Racab etanhan, Booz cincaya; qa Booz, Ruth etanhan, Obed cincaya; qa Obed Jesse cincaya :

6 Qa Jesse Dawid wicaštayatapi kin cincaya; qa Dawid wicaštayatapi kin Solomon cincaya, Urias tawicu qon etanhan.

7 Qa Solomon Roboam cincaya ; qa Roboam Abia cincaya; qa Abia Asa cincaya: 

8 Qa Asa Josaphat cincaya; qa Josaphat Joram cincaya; qa Joram Ozias cincaya:

9 Qa Ozias Joatham cincaya; qa Joatham Akaz cincaya; qa Akaz Ezekias cincaya:

10 Qa Ezekias Manasses cincaya ; qa Manasses Amon cincaya ; qa Amon Josias cincaya:

11 Qa Josias Jekonias cincaya; hunkawanjitku hena koya, Babylon ekta awicayapi qon he ehan.

 12 Unkan Babylon ekta awicaipi hehan Jekonias Salathial cincaya; qa Salathial Zorobabel cincaya:

13 Qa Zorobabel Abiud cincaya; qa Abiud Eliakim cincaya; qa Eliakim Azor cincaya:

14 Qa Azor Sadok cincaya; qa Sadok Akim cincaya; qa Aktm Eliud cincaya:

15 Qa Eliud Eleazar cincaya; qa Kleazar Matthan cincaya; qa Matthan Jakob cincaya.

16 Unkan Jakob Joseph, Mary hihnaku kin, he cincaya; he etanhan Jesus Messiya eciyapi kin icaga.

17 Hecen wicoicage owasin, Abraham etanhan Dawid hehanyan, wicoicage ake topa; qa Dawid etanhan, Babylon ekta awicayapi qon hehanyan, wicoicage ake topa; qa Babylon ekta awi- cayapi etanhan, Messiya hehanyan, wicoicage ake topa.

18 Unkan Jesus Messiya icage cin he kaketu: Hunku Mary he Joseph yuze kta, tuka hinahin kici unšni, wanna Woniya Wakan kin on ihdušaka.

19 Unkan hihnaku Joseph he wicašta owotanna, qa taninyan oyake kta tawatenyešni, heon nahmana ehpeye kta kecin.

20 Tuka hena hecen awacin un qehan, iho, Itancan taohnihde wan wowihanmde en ihdutanin qa heya; Joseph, Dawid cinhintku, Mary winohinca nitawa kin he yahduze kta kokipešni wo, taku itpihnake cin he Woniya Wakan kin etanhan.

21 He cinca ton kta, unkan Jesus eya cašyaton kta; iye taoyate kin wahtanipi kin etanhan niwicaye kta, heon etanhan.

22 Unkan dena owasin hecen econpi, Itancan oie, wicašta wokcan oyake ciqon he yuecetupi kta; he hecen eya;

23 Iho, witanšna un wan ihdušake ca cinca ton kta; unkan Emmanuel eya caštonpi kta; Wakantanka unkicipi un, eyapi kin he kapi.

24 Unkan Joseph ištinma etanhan kikta, hehan Itancan taohnihde token econši qon he ecen econ, qa tawicu hduza.

25 Tuka cinca tokapa cinca tonšni hehanyan sdonyešni; unkan Jesus eya caškiton. 

MATTHEOS WICOWOYAKE 2.

1 Unkan Herod wicaštayatapi taanpetu kin he ehan, Bethlehem Juda makoce kin en Jesus tonpi, hehan iho, wiyohiyanpatanhan wicašta ksapa Jerusalem en hipi qa heyapi;

2 Tuwe Juda oyate kin en wicaštayatapi kta tonpi kin he tukten un he? wicanhpi tawa kin he wiyohiyanpata wanunyakapi qa ohoundapi kta on unhipi ce.

3 Herod wicaštayatapi kin he nahon, unkan nina yušinyaya, Jerusalem ocowasin nakun.

4 Unkan wošnapi kagapi owasin qa oyate kin en wowapi kagapi kin hena wicayuwitaya, hehan Messiya tukten tonpi kta hecinhan, he iwicawanga.

5 Unkan heciyapi; Juda makoce kin en Bethlehem otonwe kin hetu ce ; wicašta wokcan kin en kaken owapi;

6 Qa niš Bethlehem, Juda makoce kin en, Juda itancanpi kin ehna iyotan nicistinnašni; enitanhan wicaštayatapi wan u kta, he Israel mitaoyate kin wonwicaye kta.

7 Hehan Herod wicašta ksapapi qon nahmana wicakico, qa wicanhpi kin tohanhan tanin ece, he atayedan iwicawanga.

8 Hehan Bethlehem ekta ye wicaši qa heya; Ya po, qa hokšiyoqopa kin nina ode po; qa iyeyayapi kinhan  hošimakahdi po; miš eya wau qa ohowada kta, eya.

9 Wicaštayatapi ia nahonpi hehan tankan iyayapi; unkan iho, wicanhpi wiyohiyanpata wanya- kapi qon he wicitokam iyaye ca hokšiyoqopa wanke cin he iwankam inajin.

10 Unkan wicanhpi kin wanyakapi qehan wowiyuškin tanka on iyuškinpi.

11 Unkan ti mahen ipi hehan hokšiyoqopa kin wanyakapi,hunku Mary nakun, qa itokam makata ehpeiciyapi qa ohodapi: unkan wopiye hduhdokapi hehan taku qupi, mazaskazi, qa canšin pejihuta waštemna koya.

12 Unkan wowihanmde on Wakantanka wahowicaya, Herod ekta hdapi ktešni, hehan canku tokeca ohna iye tamakoce ekta hdapi.

13 Hena wanna kihdapi hehan, iho, Itancan taohnihde wan wowihanmde on Joseph en ihdutanin qa heya; Najin qa hokšiyoqopa hunku kici iwicacu qa Egupta ekta najica wo, qa tohan ociciyake kte cin hehanyan hen un wo: Herod hokšiyoqopa kin kte wacin on etanhan ode kta ce.

14 Hecen hanyen najin hiyaye, ca hokšiyoqopa hunku kici ewicahdaku, qa Egupta ekta iyaya :

15 Qa hen un, Herod te cin hehanyan: Hecen Itancan wicašta wokcan on taku eye ciqon he yuecetupi kta; Egupta etanhan micinkši weco ce.

16 Wicašta ksapapi qon Herod hnayanpi wanhdake cehan nina šihda; qa akicita ekta yewicaši, qa Bethlehem qa makoce ihdukšan koya en, hokšiyopa owasin wicakte, tona waniyetu nonpa qa ihukuya, wicašta ksapapi wiwicawange ciqon he iyacinyan.

17 Unkan hehan Jeremiya wicašta wokcan oie qon yuecetupi, he kaken eya;

18 Rama en wicaho wan nahonpi, icidowanpi, wicaceya qa wašihdapi tanka; Racel cinca awicakiceya qa wacintonknakapi kta cinšni, cinca en unpišni nakaeš.

19 Tuka Herod wanna ta hehan, iho, Itancan taohnihde wan Egupta ekta Joseph en taniniciya;

 20 Qa heya; Najin qa hokšiyoqopa hunku kici ewicahdaku, qa Israel makoce tawa kin ekta hda wo; tona hokšiyoqopa ta cinpi qon hena wanna tapi.

21 Unkan najin hiyaye ca hokšiyoqopa hunku kici ewicahdaku qa Israel tamakoce kin en hdi.

22 Qa Arcelaos, Juda makoce kin en, atkuku Herod tohe kin en wicaštayatapi yanka, he nahon hehan ekta hde kta kokipa; tuka wowihanmde on Wakantanka wahoye cin on, Galile makoce kin ekta iyaya:

23 Qa otonwe wan Nazareth eciyapi kin he en hi qa hen yanka; hecen, Nazareth wicašta eciyapi kta ce, wicašta wokcan eye ciqon he yuecetupi.

MATTHEOS WICOWOYAKE 3

1 Unkan anpetu kin hena en, Johannes baptem wicaqu ece kin he Juda tamakoce hewoskan ekta woyaka hi;

2 Qa heya; Ihduecetu po, mahpiya wokiconze kin wanna kiyedan u ce.

3 Isaya wicašta wokcan cajeyate ciqon he dee, kaken eya; Wicaho hewoskan en hotanin ; Itancan tacanku kin wiyeya ehnaka po, ocanku tawa kin owotanna kaga po.

4 Unkan Johannes eqe tawokoyake taku wan kamel eciyapi he hin kin on kagapi, qa tehmiso wan ipiyagkiton; unkan tawoyute kin psipšicadan qa tuhmaga canhanpi kin hee.

5 Hehan Jerusalem qa Juda qa Jordan ihdukšan tanhan owasin en hipi:

6 Unkan Jordan en baptem wicaqu, woahtani ohdakapi.

7 Unkan Pharisee qa Saddukee wicota baptem wicaqu kin en hipi wanwicayaka, hehan hewcakiya ; Wamduška wicoicage kin, wocanniye u kte cin nayecipapi kta tuwe e wahokonniciyapi he?

8 Heon etanhan ihduecetupi kta iyececa waskuyeca icahya po:

9 Qa, Abraham ateunyanpi ce, eyeciyapi kta awacinpišni po; miye heciciyapi, Inyan kin dena etanhan Wakantanka Abraham cinca kicage kta okihi.

10 Unkan wanna onspe kin can hute kin en ehnakapi; heon etanhan can otoiyohi waskuyeca wašte aicagešni kin he kawankapi qa petan ehpeyapi ece.

11 Miye nihduecetupi kta on mini on baptem cicupi; tuka wanji iyotan wašaka mihakam u, he tahanpe kin weciyuhe kta iyemicihantušni; he qe Woniya Wakan qa peta on baptem nicupi kta.

12 Icaduge nape ohna hduha, owanka tanyan hdahinte kta, qa aguyapi su kin dotopiye ohna mnakiye kta, tuka ha kin peta kašnipicašni on huhnahye kta.

13 Hehan Jesus Galile etanhan u, qa Jordan ekta Johannes en hi, baptem qupi kta e heon.

14 Tuka Johannes tehinda qa heya; Baptem mayaqu kta iyemaceca, qa niš en mayahi he?

15 Tuka Jesus ayupte ca heciya; Dehan iyowinyan wo; decen wicoowotanna ocowasin unštan kta iyececa. Hehan iyowinkiya.

16 Unkan Jesus baptem qupi qehan ecahankeya mini kin etanhan itawankanhde hda; unkan iho, mahpiya kin ayuzamnipi, qa Wakantanka Taniya kin wakiyedan kahya kuntkiya u, qa en hiyahan, wanyaka.

17 Unkan iho, mahpiya eciyatanhan wicaho wan heya; Micinkši wašte wakidake cin he dee, on iyomakipi hinca ce.

MATTHEOS WICOWOYAKE 4

1 Hehan Jesus woniya on hewoskan makoce kin ekta ayapi, Wakanšica iyutanye kta e heon.

2 Unkan wanna anpetu wikcenma topa qa hanyetu wikcemna topa wotešni un, hehan wotektehda.

3 Unkan wawiyutanyan kin en hi qa heeiya; Wakantanka Cinhintku kin he niye hecinhan, inyan kin dena aguyapi icage kta keya wo.

4 Tuka iye ayupte ca heya; Aguyapi ecedan on wicašta ni ktešni, tuka wicoie otoiyohi Wakantanka i eciyatanhan enanpe cin hena on, hecen wowapi kagapi qon.

5 Hehan Wakanšica otonwe wakan kin ekta aya, qa tipi wakan oinkpa wan akan ehde;

6 Qa heciya ; Wakantanka Cinhintku kin he niye hecinhan, hetanhan kun ehpeiciya wo; kaken wowapi en kagapi ce; Taohnihde kin niye on econ wicaši kta, hecen nape ohna niyuhapi kta, inyan wan en siha ibonito ktešni.

7 Tuka Jesus heciya; Akeš wowapi en kagapi; Itancan Wakantanka nitawa kin he iyutanyaye ktešni.

8 Hehan ake Wakanšica paha wan tehanwankantuya kin he ekta aya, qa maka akan wokiconze kin owasin wowitan ko kipazo;

9 Qa heciya; Makata ehpeniciye ca ohomayada kinhan, dena owasin cicu kta ce.

10 Hehan Jesus heciya; Satan miheyata ya wo; Itancan Wakantanka nitawa kin he ohoyada kta, qa išnana wowidagniye kta ce, eya owapi tuka qon.

11 Hehan Wakanšica ayuštan;

unkan iho, mahpiya ohnihde kin en hipi qa okiyapi.

12 Unkan Johannes kaškapi he nahon hehan Jesus Galile ekta iyaya:

13 Qa Nazareth ehpeya iyaye ca Kapernaum en hiyanka, he mde kin icahda, Zabulon qa Nephta- lim opapun kin hetu.

14 Hecen Isaya oie qon yuecetupi kta;

15 Zabulon makoce qa Nephtalim makoce, mde kahda ocanku kin, Jordan akasanpa tanhan, Galile Ikcewicašta ounyanpi kin :

16 Oyate otpaza en iyotanke ciqon he iyoyanpa tanka wanyakapi, qa tona wiconte makoce qa ohanzi kin en iyotankapi kin hena iyoyanpa awicahinanpa ce.

17 Unkan hetanhan Jesus woyaka aye ca heya ece; Ihduecetu po, mahpiya wokiconze kin wanna kiyedan u ce.

18 Unkan Galile mde kin icahda mani icunhan, wicašta nom sunkakiciyapi wanwicayaka, Simon, Inyan eciyapi, qa sunkaku Andrew eciyapi, ho wan mde kin en iyeyapi; hena hopšicapi kin hecapi:

19 Unkan hewicakiya; Miyahna u po, kinhan wicašta wicadupšicapi ece e kta cicagapi kta ce.

20 Unkan ecahankeya ho kin ehpeyapi qa ihakam iyayapi.

21 Unkan hetanhan iyoopta ye ca, nakun nom sunkakiciyapi wanwicayaka, Jakob Zebede cinhintku qa sunkaku Johannes, wata kin ohna atkukupi Zebede kici unpi qa ho piyapi; unkan hena wicakico.

22 Iš eya wata kin atkukupi ko ohankoya ehpeyapi qa ihakam iyayapi.

23 Unkan Jesus Galile owancaya iyaya, omniciye tipi yuhapi kin ohna waonspewicakiye ca, wokiconze wotanin wašte kin oyaka ece, qa oyate kin en wowayazan owasin qa wicocantešica owasin ašniyan ece.

24 Unkan ohan kin Suriya owancaya oyakapi; hecen tonašicaya yukanpi, qa tona wowayazan ocaje owasin on wayazanpi, qa tehiya unpi, qa tona taku wakanšica yuhapi, qa tatapike cin hena koya owasin en awicahipi; unkan ašniwicaya.

25 Hecen oyate ota ihakam yapi ece, Galile etanhan, qa Dekapolis qa Jerusalem qa Juda etanhan, qa Jordan akasanpa tanhan.

MATTHEOS WICOWOYAKE 5

1 Unkan wicota wanwicayaka hehan paha wan ekta iyaya; qa hen iyotanka hehan waonspewicakiye cin en hipi.

2 Unkan i hdukawa qa waonspewicakiye ca heya;

3 Tona cante mahen onšiicidapi kin hena wicayawaslepi ce; mahpiya wokiconze kin he tawapi ece.

4 Tona ceyapi kin hena wicayawaštepi; hena wicakihnapi kta.

5 Tona onšihanpi kin hena wicayawaštepi; maka kin de tawapi kta.

6 Tona woowotanna on wotoktehdapi qa ipuzapi kin hena wicayawaštepi ce; hena imnanpi kta.

7 Tona waonšidapi kin hena wicayawaštepi; hena onšiwicadapi kta.

8 Tona cante en ecepidan kin hena wicayawaštepi; hena Wakantanka wanyakapi kta.

9 Tona wookiye kagapi kin hena wicayawaštepi; henaWakantanka cinca ewicakiyapi kta.

10 Tona woowotanna econpi kin onšicaya kuwapi kin hena wicayawaštepi; mahpiya wokiconze kin he tawapi ece.

11 Tohan aniiapi qašicaya nicuwapi, qa miye on itonšniyan takušica owasin eniciyapi kinhan, niyawaštepi  ece.

12 Wiyuškinpi qa nina cante wašte po, mahpiya ekta ocinyopeniyanpi tanka yanka; wicašta wokcan nitokam unpi qon hena iš

eya hecen wicakuwapi qon.

13 Maka miniskuya kin he niyepi. Tuka miniskuya kin he skuyešni kinhan taku e on skuyeyapi kta he? hetanhan takudan okihi ktešni, tankan ehpeyapi kta qa wicašta amanipi kta.

14 Oyate iyoyanpa kin he niyepi. Otonwe wan paha akan kagapi kin he anahbepicašni ece.

15 Nakun petijanjan ideyapi qa koka ohdateya iyeyapišni, tuka petijanjan ihupa wan en oštanpi, hecen tipi kin ohna owasin iyoyamwicaya ece.

16 He iyecen wicašta itokam iyoyanpa nitawa iyojanjan kta, hecen wicohan wašte nitawa wanyakapi kta,qa mahpiya ekta ateyayapi yanke cin he yuonihanpi kta.

17 Woope qa wicašta wokcan kin mdutakuni ktešni on wahi kecinpišni po, ihangyapi on wahišni tuka yuecetupi kta on.

18 Awicakehan heciciyapi; Mahpiya qa maka kin atakunišni ešta, oowa wanjidan qa oehnake wanjidan woope kin etanhan icupi ktešni, owasin ecetu kta.

19 Heon etanhan, tuwe woahope kin dena wanji cistinna ahopešni, qa hecen wicašta onspewicakiye cinhan, he mahpiya wokiconze kin en iyotan cistinna yawapi kta; tuka tuwe ecen econ qa iyecen waonspewicakiye cinhan, he mahpiya wokiconze kin en tanka yawapi kta.

20 Miye heciciyapi ce; Wicoowotanna nitawapi kin, wowapi kagapi qa Pharisee tawapi kin isanpa tankašni kinhan, mahpiya wokiconze kin en ecaca oyapapi ktešni.

21 Tuwedan yakte ktešni, hunkawicayapi kin eyapi keyapi nayahonpi; qa tuwe tin wicakte kinhan he yacopi kta ce.

22 Tuka miš heciciyapi; Tuwe taku on etanhanšni sunkaku šicekidake cinhan he yacopi kta: qa tuwe sunkaku, Wahtešni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanšica tapeta kin en iyohpeyapi kta iyececa.

23 Heon etanhan wošnapi nitawa owayušna kin ekta ayahi kinhan, qa hen nisunka taku iyanionpa he yeksuya hecinhan;

24 Ito wošnapi nitawa owayušna kin itokam ehnake ca ekta ya wo, tokaheya nisunka kici okiciciye ca hehan ku qa wahdušna wo.

25 Tuwe taku en aniu hecinhan he kohanna kici okiciyuwašte wo, canku ohna kici yaun kin icunhan; okinni wayaco ekta aniye kta, qa wayaco kin iš akicita en aniye kta, qa hecen kaška nihnakapi kta:

26 Awicakehan heciciya; Tohanyan mazašadan ehake yahdajujušni kinhan hetanhan tankan yaku ktešni.

27 Wawicihahapi ecanon ktešni, hunkawicayapi qon eyapi  keyapi nayahonpi.

28 Tuka miš heciciyapi; Tuwe winohinca wan en etonwe ca cantiheye cinhan he wanna cante ekta kici wawicihahapi econ.

29 Niišta etapa eciyatanhan kin he wahtaniniye cinhan hdušdoke ca ehpeya wo; niišta wanji atakunišni kinhan he wašte kta, qa tancan ocowasin Wakanšica ti kin en ehpeniyanpi ktešni.

30 Qa ninape etapa kin wahtaniniye cinhan hdakse ca ehpeya wo; nihuha wanjidan atakunišni kinhan he wašte kta, qa tancan

ocowasin Wakanšica ti kin en iyohpeniyanpi ktešni.

31 Tuwe tawicu ehpekiye kta hecinhan kpaganpi wowapi wan qu kta, keyapi qon.

32 Tuka miš heciciyapi: Tuwe tawicu ehpekiya, wawicihahapi econ kin on etanhanšni, he wawicihahapi econkiya ece; qa tuwe winohinca ehpeyapi kin he yuze cinhan he nakun wawicihahapi econ ece.

33 Akeš hunkawicayapi qon heyapi keyapi nayahonpi; Itonšni nicicage ktešni, tuka taku konza Itancan kin eyakiye cinhan hena yahduecetu kta ce.

34 Tuka miš heciciyapi; Taku cajedate ca he namahon ce, eyešni wo; mahpiya kin he hecen cajedate ktešni, he Wakantanka oiyotanke tawa kin hee.

35 Qa nakun maka kin de, he Wakantanka siha oahe kin ee; qa nakun Jerusalem hecen cajedate ktešni, Wicaštayatapi tanka totonwe kin hee.

36 Qa nakun nipa kin he caje yahdate ktešni, paha wanjidan kaeš ska qa iš sapa yakage kta oyakihišni, heon etanhan.

37 Tuka taku ehe cin, Han, han; Hiya, hiya, ecedau kta; taku dana sanpa kinhan he takušica etanhan icage kta.

38 Išta wanji išta wanjidan on etanhan, qa hi wanji hi wanjidan on etanhan, keyapi nayahonpi.

39 Tuka miš heciciyapi; Takušica tokiconpišni po; tuka tuwe tapon etapa eciyatanhan anipe cinhan unma eciyatanhan kipazo po.

40 Qa tuwe woope on niyaco qa onhdohda nici kta cin kinhan, nitašina nakun tehindašni wo.

41 Qa tuwe wiyutapi hanska wanji hehanyan kici yeniye kta hecinhan, nom kici ya wo.

42 Tuwe taku nicida kinhan qu wo; qa tuwe wonicidota hecinhan etanhan ihdamnašni wo.

43 Tuwe nikiyedan un kin he wašteyadake kta, qa tuwe tokaniye cin he šiceyadake kta, eyapi qon nayahonpi.

44 Tuka miš heciciyapi; Tona tokaniyanpi kin hena cante wicakiya po; qa tona niyašicapi kin hena wicayawašte po ; tona šicenidapi kin hena taku wašte ecawicakicon po; qa tona taku i en iyeniyanpi qa tehiya nicuwapi kin hena wocekiye ewicakiciya po.

45 Hecen Ateyayapi mahpiya ekta un kin he cincaniyanpi yaunpi kta; he qe anpetu wi tawa kin wicaštašica wicašta wašte ko en awicahinanpeya ece, qa wicašta owotanna owotannašni ko awicamagajuya ece.

46 Tona waštenidapi kin hena wašte wicayadapi kinhan wokajuju taku duhapi he? wamnayanpi kin hena eepi kaeš heconpišni he?

47 Qa sunka wicayayapi kin henana napewicaduzapi kinhan, taku econpi ece sanpa tukte e ecanonpi he? wamnayanpi kin hena eepi kaeš heconpišni he?

48 Heon etanhan Niyatepi mahpiya ekta un kin he owotanna hinca he iyecen niš eya owotanna hinca un po.

MATTHEOS WICOWOYAKE 6.

1 Wicašta itokam ihnuhan taku ituyahanpi kinhan, wanniyakapi kta heon; hecen ecanonpi kinhan Niyatepi mahpiya ekta un kin he takudan nicupi ktešni.

2 Heon etanhan tohan taku wicayaqu kta he

hecinhan nitokam cotanka yajowicayakiye ktešni, wanaicihmanpi kin omniciye tipi qa canku ohna econpi ece kin iyececa, wicašta on wicayatanpi kte cin heon; awicakehan heciciyapi; Hena wokajuju hduhapi ece.

3 Tuka niye taku wicayaqu eca ninape etapa taku econ kin he nicatka sdonye ktešni.

4 Hecen wawicayaqu kin he nahmana un kta; qa Niyatepi taku nahmana un kin wanyaka ece kin he iye taninyan nicicajuju kta.

5 Qa tohan ceyakiya eca wanaicihmanpi kin iyenicece ktešni; hena eqe omniciye tipi qa canku oise kin en najin cekiyapi waštedakapi ece, wicašta wanwicayakapi kta e heon; awicakehan heciciyapi; Hena wokajuju hduhapi ece.

6 Tuka niye qe ceyakiye cinhan, tipi cistinna nitawa kin en timahen yakiyahde ca tiyopa ecen iyacu kinhan, hehan Niyate nahmana un kin he cekiya wo, qa Niyate nahmana wawanyaka ece kin he taninyan nicicajuju kta.

7 Ceyakiyapi kinhan akihdehde oie kicunpišni po, Ikcewicašta econpi kin iyececa; hena e iapi ota unpi kin on nawicahon kta kecinpi.

8 Niye hena iyenicecapi ktešni; hinahin yakidapišni itokam, hena taku kin yacinpi, Niyatepi sdonya ece.

9 Heon etanhan kaken cekiya po; Ate unyanpi mahpiya kin en; Nicaje wakandapi kte;

10 Nitokiconze u kte; Nitawacin ecen econpi nunwe, mahpiya kin en iyececa, nakun maka akan:

11 Anpetu kin de anpetu woyute unqu miye:

12 Qa waunhtanipi kin unkicicajuju po, tona waunkicihtanipi wicunkicicajujupi kin he iyececa:

13 Qa taku wawiyutanyan un kin en unkayapišni po, tuka taku šice cin etanhan eunhdaku po: Wokiconze kin he niye nitawa, qa wowašake kin, qa wowitan kin, owihanke wanica. Amen.

14 Niye wicašta wahtanipi wicayecicajujupi kinhan, Niyatepi mahpiya ekta un kin he nakun niye nicicajujupi kta.  

15 Tuka niye wicašta wahtanipi kin wicayecicajujupišni ehantanhan, nakun Niyatepi wayahtanipi kin nicicajujupi ktešni.

16 Tohan wotešni yaunpi kinhan wanaicihmanpi kin iyecen ite šinkiyapišni po; hena eqe ite hdušicapi ece, hecen wicašta ekta wotešni unpi e ihdutaninpi kta; awicakehan heciciyapi, Hena wokajuju hduhapi ece.

17 Tuka niye qe wotešni yaun kinhan pa sdakiye ca ite hdujaja wo:

18 Hecen wicašta en wotešni yaun nihdutanin ktešni, tuka Niyate nahmana un kin he en nihdutanin kta; qa Niyate nahmana wawanyake cin he taninyan nicicajuju kta.

19 Woyuha maka akan ekihnakapišni po; hen wamduškadan qa gigi kin wayutakunišni ece, qa wamanon sa wayujujupi qa wamanonpi ece.

20 Tuka woyuha mahpiya kin ekta ekihnaka po; heciya wamduškadan qa gigi kin wayušice cin wanica, qa wamanon sa wayujujupišni qa wawanonpišni.

21 Tukten woyuha niciyankapi hecinhan, nicantepi nakun hen un kta.

22 Wicašta kin he wicatancan iyoyanpa kin hee; heon etanhan niišta tokecašni kinhan nitancan ocowasin iyoyanpa kta :

23 Tuka niišta šice cinhan nitancan kin ocowasin otpaze kta. Heon iyoyanpa en niun kin he otpaza hecinhan, otpaza kin he tanka hinca.

24 Tuwedan wicašta itancan nom anawicago

anawicagoptan kta okihišni; wanji šice kidake kta, qa unma kin iš wašte kidake kta: wanji en iyaihdaške kta, qa unma kin iš en etonwe ktešni. Wakantanka qa mammon napin anagoptan oyakihipi ktešni.

25 Heon etanhan heciciyapi; Yanipi kin on nagiyeieiyapišni po, taku yatapi kta, qa taku datkanpi kta ; qa nakun nitancanpi on taku kodakapi kta. Wiconi kin he woyute isanpašni he, qa wicatancan kin iš wokoyake isanpa yawapišni he?

26 Mahpiya okinyanpi kin hena wanwicayaka po, hena wojupišni, qa woksapišni, qa mazopiye en omnayanpišni, tuka Niyatepi mahpiya ekta un kin he hena wo wicaqu ece. Unkan niye hena isanpa niyawapišni he?

27 Niyepi etanhan wanji tukte e he awacannipi on wicišpa wanjidan kaeš sanpa nihduhanskapi oyakihipi kta he?

28 Qa tokeca wokoyake on iyokišinniciyapi he? tinta mnahcahca kin wanyaka po, icage cin; htani šni qa nakun wapahimun šni;

29 Tuka heciciyapi; Solomon wowitan tanka hduha un qon hee kaeš de wanji iyececa wokoyake kicun šni.

30 Unkan tinta peji,dehan icage ca heyakecinhan oceti en ehpeyapi ece kin, he Wakantanka hecen koyagya hecinhan, niš niye wacinyan nicistinpidan, sanpa wakoyngniyanpi kte šni he?

31 Heon etanhan, Taku untapi? qa taku unyatkanpi? qa taku kounyakapi kta he? eya wacin iyokišicapi šni po.

32 Taku kin hena owasin Ikcewicašta akitapi ece; qa Niyatepi mahpiya ekta un kin he dena takuowasin yacinpi e sdonya ece.

33 Tuka Wakantanka tokiconze kin he tokaheya akita po,qa toowotanna nakun; kinhan dena taku owasin koya nicupi kta.

34 Heon etanhan heyakecinhan on iyokišiniciyapi šni po; heyakecinhan he taku tawa kin on iyokišica ece e kta. Anpetu eca takušica tawa kin yukan ece e kta.

MATTHEOS WICOWOYAKE 7.

1 Wayacopi šni po, hecen niyacopi kte šni.

2 Woyaco tukte e on wadacopi hecinhan he on niš eya niyacopi kta; qa wiyutapi tukte e on widutapi eca hee on winiciyutapi ece e kta.

3 Qa nisunka išta kin en takušni yanka e tokeca wandaka he; qa cankaga wan niišta ohna yanke cin he wanyahdake šni?

4 Qa iš token nisunka, Ito niišta kin etanhan takušni kin icicicu kta, eyakiye kta he; qa iho, cankaga wan niišta ohna yanka ce?

5 Wanaicihman, tokaheya cankaga išta ohna niyanke cin he hdušdoka wo; qa hehan takušni nisunka išta ohna yanke cin he iyacu kta tanyan wandake kta.

6 Taku tona wakan kin hena šunka wicaqupi šni po, qa inyan tehika nitawapi kin kukuše wicitokam ehpeyapi šni po; okinni siha on amanipi kta, qa akeš hdicupi qa niyahdecapi kta.

7 Da po, kinhan nicupi kta; ode po, kinhan iyeyayapi kta; en katoto po, kinhan niciyuhdokapi kta.

8 Tuwe da eca icu ece; qa tuwe ode eca iyeya ece; qa tuwe tiyopa katoto eca he kiciyuhdo- kapi ece.

 9 Unkan enitanhanpi wicašta wanji cinhintku aguyapi kida kinhan, inyan wanji qu kta he?

10 Qa hogan kida kinhan wamduška wan qu kta he?

11 Heon etanhan niye nišicapi ešta, take wašte nicinca wicayaqupi kta onnispepi ehantanhan, Niyatepi mahpiya ekta un kin he, sam iyeya tona kidapi kin, taku waštešte wicaqu ece e kta?

12 Heon etanhan taku tona wicašta ecaniconpi kta yacinpi kinhan, hena owasin ecawicakicon po; woope qa wicašta wokcanpi kin iho hee.

13 Tiyopa ciqadan kin he ohna ya po; Tiyopa kin tanka qa canku nakun tanka wicotakunišni iyahde, qa ohna iyayapi kin wicota hinca.

14 Tuka tiyopa kin ciqadan qa canku nakun ocistiyedan wiconi iyahde; qa wicašta tonana iyeyapi ece.

15 Wicašta wokcan itonpišni kin hena kowicakipa po; hena tahinca wanunyanpi iyecen koyag en nihipi, tuka mahen šunktokeca wayapota ece kin hecapi.

16 Waskuyeca tawapi kin on sdonwicayayapi kta. Wicašta wapepeka etanhan hastanhanka yušpipi he, qa toka hu kin etanhan suken waskuyeca icupi he.

17 He iyecen can wašte owasin waskuyeca wašte icahya ece; tuka can šice cin waskuyeca šica aicaga ece.

18 Can wašte kin he waskuyeca šica icahye kta ohihi šni; qa nakun can šice cin he waskuyeca wašte icahye kta ohihi šni.

19 Can otoiyohi waskuyeca wašte aicage šni kin he kawankapi qa petan ehpeyapi ece.

20 Heon etanhan waskuyeca tawapi on sdonwicayayapi kta.

21 Tona, Itancan, Itancan, emakiyapi kin owasin mahpiya wokiconze kin en yapi kte šni; tuka tuwe Atewaya mahpiya ekta un kin tawacin kin ecen econ kinhan hee en un kta.

22 Anpetu kin he en wicota hemakiyapi kta; Itancan, Itancan, nicaje on wiunyukcanpi šni he? qa nicaje on taku wakan šica napewicunyanpi? qa nicaje on wicohan tanka ota econkupi ce?

23 Tuka hehan hewicawakiye kta; Tohinni sdonciyapi šni, wicohan šica ecanonpi kin mitantanhan iyaya po.

24 Heon etanhan tuwe mioie kin dena nahon, qa ecen econ kinhan, he wicašta ksapa e imdacin kta, he qe imnija wan akan ti kicaga.

25 Unkan nina magaju qa minitan aya; nakun tateyanpa hinca, qa tipi kin he en iheya, tuka hinhpaye šni; inyan akan kagapi nakaeš.

26 Qa tuwe mioie kin dena nahon, tuka ecen econšni kinhan, he wicašta witkotkoka iyececa, he wiyaka akan tipi kicaga.

27 Unkan nina magaju qa mini tanka icaga, nakun tateyanpa hinca, qa tipi kin he en iheya; unkan hinhpaya; qa ihangyapi kin he tanka.

28 Unkan Jesus wicoie kin dena ihunnikiya, hehan wicota wahokonwicakiye cin on yušinyayapi.

29 Wanji wookihi yuhe cin iyecen wahokonwicakiya,qa wowapi kagapi econpi kin iyece- ce šni. 

That's it for the moment- God willing we'll be able to post a bit more each day for all of you who are interested. Again, we covet your prayers- there is an astonishing lack of compassion about the fact that right here in our own yard, people are without access to a Bible in their own language. And on the linguistic and cultural side of things- a complete Bible has always been a big help in standardizing any language. If this is just a place to start, we are happy. God bless the Lakota and God bless you all this Holiday season!