The Next Bit

Hey, y'all (-=
Here is the next bit. I know, the entire New Testament is available in print over at Amazon.com. However, not everyone can afford $25. And the entire thing needed to be done anyway in the format we have. Since we have a print copy to double check by in the NT, that's why it's going first. The OT is VERY IMPORTANT- all of you who do not think so, how do you know who the NT is talking about without it? "Every word of God is pure" as it says in Proverbs 30- and what about the Psalms, or Isaiah? I wouldn't want to be without them! Even if it's just for the poetry value. As we are more comfortable with the language (ie, finishing the NT,) the work on the OT will be easier to make sure it is right.

As for the pic above- everything in it is gone, except the fine fellow who is petting the cat. Yes, we lost everything- not even just once- so we have found something that is important and are trying to make it available. I loved that cat. His name was Lupine. Not so much the couch...
Ok, here ya go. Matthew 8-13. God bless y'all!

MATTHEOS WICOWOYAKE 8.

1 Unkan paha kin etanhan kun ku qehan, wicota hinca ihakam unpi.

2 Unkan iho, wicašta wan lepros ececa he en hi qa canpeška makehde inajin qa heciya; Itancan, yacin kinhan, asnimayaye kta oyakihi.

3 Unkan Jesus nape ekta yekiye ca yutan, qa heciya; Wacin; hecen asni wo. Unkan ecehnana wowayazan kin ayuštan.

4 Unkan Jesus heciya; Ihunhan tuwe oyakidake cinhan; tuka ekta ye ca wošnapi kage cin he en ihdutanin wo, qa taku Moses econniši qon he wayušna wo, sdonyapi kta e heon etanhan.

5 Unkan Jesus Kapernaum en hi qehan, akicita tancan wan en u qa cekiya;

6 Qa heya; Itancan, hokšidan mitawa tiyata wanka tataka, nina yazan.

7 Unkan Jesus heciya; Wau qa ašniwaye kta.

8 Hehan akicita opawinge wicayuhe cin he ayupte ca heya; Itancan, wati en timahen yau kta iyemacece šni; tuka oie kin ecedan eya wo, kinhan hokšidan mitawa asni kta:

9 Miš eya wicašta itancan hemaca, qa akicita wicamduha; unkan wanji, Ya wo, ewakiya eca, ya ece; qa wanji tokeca, U wo, ewakiya eca, u ece; qa mitaokiye, Kaken econ wo, ewakiya eca, ecen econ ece.

10 Unkan Jesus he nahon qehan yušinyaya, qa ihakam unpi kin hewicakiya; Awicakehan heciciyapi, Israel hee kaeš en wacinyanpi hinsko tanka iyewaye šni ce.

11 Nakun heciciyapi; Wiyohiyanpa tanhan qa wiyonpeya tanhan wicota upi kta, qa Abraham qa Isaak qa Jakob om iyotankapi kta, mahpiya wokiconze kin en:

12 Tuka wokiconze cincapi kin hena tankan iyewicayapi kta, otpaze hinca ekta; heciya wicaceya hi hdakinskinzapi ko yuke kta.

13 Unkan Jesus akicita opawinge wicayuhe cin heciya; Hda wo, wacinyaye cin iyecen ecaniconpi nunwe. Unkan wihiyayedan oape kin he en hokšidan tawa kin asniyanpi.

14 Unkan Jesus Inyan ti kin en tin iyaya, hehan kunku kin makata wanka wanyaka, tancan kata.

15 Unkan nape kin yutan, hehan tancan kate cin ayuštan; unkan najin qa wowicakihan.

16 Wanna htayetu hehan wakan šica wicayuhnaškinyan ota en awicahipi; unkan oie kin on wakan šica napewicaya;qa tona wayazankapi kin owasin asniwicaya.

17 Hecen Isaya wicašta wokcan taku eye ciqon he yuecetupi kta; he kaken eya; lye tehiya unyakonpi kin eunkiciyakupi qa waunyazanpi kin yutokan iyeunkiciciyapi ece.

18 Unkan Jesus wicota hinca ihdukšan yukanpi kin hena wanwicayaka hehan akasanpa yapi kta keya.

19 Unkan wowapi kaga wan en hi qa heciya; Waonspekiya, tokiya da eca cihakam waun ece e kta.

20 Unkan Jesus heciya ; Šungidan wašun tonpi, qa mahpiya okinyanpi kin hohpi yuhapi ece; tuka Wicašta Cinhintku kin tukten pa ipahinye kta yuhe šni.

21 Hehan waonspewicakiye cin tokeca wanji heciya; Itancan, tokaheya wahde ca ate wehe kta e iyowinmakiya ye.

22 Tuka Jesus heciya; Mihakam un wo; ito tapi kin hena tona kitapi kin wicakihapi kta.

23 Unkan wata wan en opa, hehan waonspewicakiye cin ihakam upi.

24 Unkan iho, mini kin ekta tate iyumni wan tanka; hecen wata kin taja on akahpapi; tuka iye ištinma yanka.

25 Unkan waonspewicakiye cin en hipi, qa yuhicapi qa heciyapi; Itancan, niunkiya po, untapi kta ce.

26 Unkan hewicakiya; Cistinna wacinyayapi kin, tokeca koyakipapi he. Hehan inajin qa tate mini ko kišica; unkan amdakedan tanka.

27 Tuka wicašta kin hena yušinyayapi qa heyapi; De taku wicašta ka hwo, hecen tate mini ko anagoptan ece?

28 Unkan akasanpa i, Gadarene makoce tawapi kin en, hehan wicašta nom wakan šica wicayuhnaškinye cin hena itkokipapi, wicašta hnakapi kin etanhan upi, wohitikapi hinca, hecen tuwedan canku kin he ohna ye kta okihi šni.

29 Unkan iho, heya howayapi; Jesus Wakantanka Cinhintku, taku unkiyotahedan un he? hinahinke šni tuka itokam kakišunyayapi kta on yahi he?

30 Unkan yukanpi kin itehan kukuše optaye wan wo wicaqupi ece.

31 Hecen wakan šice cin hena cekiyapi qa heyapi; Napeunyayapi kinhan kukuše optaye kin en unkiyayapi kta iyowinunkiya miye.

32 Unkan; Ya po, ewicakiya. Hecen tankata hinanpapi hehan kukuše optaye kin en iwicayayapi. Unkan iho, kukuše optaye kin iyuhpa maya hinca apamahde inyang našdog iyayapi, mde kin en, qa minin tapi.

33 Unkan tona wo wicaqupi qon hena najicapi; qa otonwe en kipi, qa taku owasin oyakapi, wicašta wakan šica wicayuhnaškinyanpi qon, taku ecawicakiconpi kin hena koya.  

34 Unkan iho, otonwe kin ocowasin Jesus itkokim upi, qa wanyakapi qehan, makoce ta- wapi kin etanhan hde kta icekiyapi.

MATTHEOS WICOWOYAKE 9.

1 Hehan wata kin en okipe ca akasanpa kihde ca iye totonwe kin en ki.

2 Unkan iho, wicašta tatake cin wan owinja akan wanka e he en ahipi. Unkan Jesus wacinyanpi kin wanyake cehan tatake cin heciya; Cinš cante wašte wo; wayahtani kin nicicajujupi ce.

3 Unkan iho, wowapi kagapi kin wanjikji iyakitedan hekiciyapi; Wicašta kin de šicaya ia.

4 Unkan Jesus canteyuzapi kin wanyaka hehan heya; Tokeca cante mahen taku šica awacannipi he?

5 Wayahtani kin nicicajujupi ce, eyapi; qa iš; Najin qa mani wo, eyapi kin, unma tukte wašakadan he?

6 Tuka Wicašta Cinhintku kin woahtani maka akan kajuju kta okihi e he sdonyayapi kta; hehan tatake cin heciya; Najin wo, nitowinja ehdaku qa tiyata hda wo.

7 Unkan najin hiyaye ca iye ti ekta hda.

8 Tuka wicota he wanyakapi hehan yušinyayapi, qa Wakantanka wicašta wookihi hinsko tanka wicaqu kin he yatanpi.

9 Unkan Jesus hetanhan iyoopta iyaya hehan wicašta wan Mattheos eciyapi, mazaska mnayanpi kin en iyotanka he wanyaka ; qa heciya; Miyahna u wo. Unkan najin hiyaye ca ihakam iyaya.

10 Unkan ti mahen wota iyotanka yanka hehan, iho, mazaska mnayanpi wahtanipi sa ko ota en hipi, qa Jesus kici iyotankapi, waonspewicakiye cin om.

11 Unkan Pharisee kin iš he wanyakapi hehan waonspewicakiye cin hewicakiyapi; Tokeca Waonspekiye nitawapi mazaska mnayanpi wahtanipi sa ko om wota he?

12 Unkan Jesus he nahon qehan hewicakiya; Tona zanipi kin hena pejihutawicašta cinpi šni, tuka wayazankapi kin.

13 Tuka ya po, qa de taku kapi hecinhan sdonya po; Wowaonšida iyomakipi qa wošnapi wacin šni. Wicašta owotanna wicakico wahi šni, tuka wahtanipi sa iyopeiciyapi kta on wahi ce.

14 Hehan Johannes waonspewicakiye cin en hipi qa heciyapi; Tokeca unkiye qa nakun Pharisee kin ijehan akihanunkiciyapi, tuka waonspewicayakiye cin akihaniciyapi šni?

15 Unkan Jesus hewicakiya; Wakankiciyuza cincapi kin tohanyan tawicu ton kte cin om un kinhan, hehanyan token ecin iyokišicapi kta he? tuka anpetu u kta tawicu ton kte cin ewicakiciyakupi kta, unkan hehan akihaniciyapi kta.

16 Tuwedan šina teca onšpa wokoyake tanika en akihdag ton šni; kinhan onšpa teca qon he mnawahe kta qa sanpa tanka hdecahan aya ece.

17 Nakun miniša teca ojuha tanika en okaštanpi šni ece; kinhan ojuha kin napopa, qa miniša kin skepa, qa ojuha kin ihangyapi ece. Tuka miniša teca ojuha teca en okaštanpi ece, hecen napin tanyan yuhapi.

18 Hena hecen ewicakiya icunhan, iho, wicašta itancan wan en u qa canpeška makehde inajin qa heciya; Micunkši nakaha ta, tuka en yau qa nape on ayaputake cinhan kini kta.

19 Unkan Jesus najin qa kici hda, nakun waonspewicakiye cin.

20 Unkan iho, winohinca wan waniyetu ake nonpa wayazanka, we ece iheya, he idazatanhan en u qa tašina opapun kin yutan:

21 Tašina kin hee kaeš mdutan kinhan amašni kta ce, cante mahen eye ca hecon.

22 Tuka Jesus ihdamna, qa wanyake cehan heya; Cunš, cante wašte wo; wacinyaye cin he asniniyan ce. Unkan wihiyayedan oape kin he en winohinca kin asni.

23 Unkan Jesus wicašta itancan qon ti kin en i, qa tona cotanka yajopi, oyate ceyapi ko wanwicayaka;

24 Hehan hewicakiya; Ako iyaya po; wicinyanna kin te šni, tuka ištinma ce. Unkan ihahapi.

25 Tuka oyate tankan hdicuwicayapi, hehan ti mahen i, qa nape on yuza; unkan wicinyanna kin inajin.

26 Unkan he makoce kin owancaya oyakapi.

27 Unkan Jesus hetanhan iyoopte iyaya, hehan wicašta nom ištagongapi kin hena ihakam yapi, howayapi qa heyapi; Dawid Cinhintku onšiunkida miye.

28 Unkan ti mahen iyaya, hehan wicašta ištagongapi kin en hipi: Unkan Jesus hewicakiya; Hecen ecamon kta owakihi wicayadapi he? Unkan, Han, Itancan, eyapi.

29 Hehan išta en wicayutan qa heya; Wacinyayapi kin iyecen ecaniconpi nunwe.

30 Hecen išta hdukawapi. Unkan Jesus wašagya wahokonwicakiye ca heya; Ito tuwedan sdonye kte šni.

31 Tuka tankan hdapi hehan makoce kin he owancaya nina oyakapi.

32 Unkan hena iyayapi hehan iho, wicašta wan ia okitpani, wakan šica yuhnaškinyan, he en ahipi.

33 Unkan wakan šice cin napeyapi hehan ia okitpani qon ia; unkan oyate kin inihanpi qa heyapi; Israel en tohinni decen wanyakapi šni tuka qon.

34 Tuka Pharisee kin heyapi; Wakanšica itancan kin on taku wakan šica napewicaya ece.

35 Unkan Jesus otonwe kin owasin, otonwe ciqadan ko iyaza un, omniciye tipi yuhapi kin ohnahna waonspekiye ca wokiconze wotanin wašte kin he oyaka ece; qa wayazankapi owasin, oyate kin en tehiya unpi ko asniwicaya ece.

36 Tuka wicota wanwicayaka hehan onšiwicakida; nina mdokitapi qa enanakiya iyayapi ece, tahinca wanunyanpi tuwedan wicayuhe šni iyececa.

37 Hehan waonspewicakiye cin hewicakiya; Awicakehan woksapi kin he tanka, tuka htanipi kte cin hena tonana:

38 Heon etanhan woksapi en Itancan kin iye tamaga kin en wicašta htanipi kte cin hena hiyuwicaye kta icekiya po.

MATTHEOS WICOWOYAKE 10.

1 Unkan waonspewicakiya akenonpapi kin hena wicakico qehan, taku wakan šica on wowašake wicaqu, napewicayapi kta, qa nakun wowayazan šicaya unpi ko, owasin ašniwicayapi kta.

2 Unkan wahošiyapi akenonpapi kin kakenken ewicakiyapi; tokaheya Simon he nakun Inyan eciyapi, qa Andrew iye sunkaku; Jakob Zebede cinhintku qa Johannes iye sunkaku;

3 Philip qa Bartholomew; Thomas qa Mattheos wamnaye ciqon; Jakob Alpheus cinhintku qa Lebbeus he nakun Thaddeus eciyapi;

4 Simon Kananite kin, qa Judas Iskariot wiyopeye kte cin hee.

5 Dena akenonpapi kin Jesus yewicaši, wahokonwicakiye ca heya; Ikcewicašta tacanku wan ohna yapi šni po, qa Samaria oyate otonwe tawapi kin en yapi šni po :

6 Tuka Israel ti kin etanhan tahinca wanunyanpi taninpi šni kin hena ekta ya po.

7 Qa dapi eca yaotanin po, qa; Mahpiya wokiconze kin wanna kiyedan un ce, eya po.

8 Tona wayazankapi kin asniwicaya po, tona lepros ececapi kin ska wicakaga po, tapi kin hena kiniwicaya po, qa taku wakan šica napewicaya po; iyunwin codan iyacupi, iyunwin codan wicaqu po.

9 Ipiyake nitawapi ohna mazaskazi, qa mazaska, qa mazaša unmana yuhapi šni po.

10 Qa icimayanipi kin on wojuhadan, qa onhdohda nonpa, qa hanpa, qa cansagye, yuhapi šni po; tuwe htani kin he woyute qupi ece e kta iyececa.

11 Qa otonwe tanka otonwe ciqadan ko, wanji tukte en yaipi kinhan, tuwe iyececa hecinhan iwicawanga po, qa he kici yukan po, tohanyan etanhan yahdapi šni kinhan.

12 Qa tipi wanji en yaipi kinhan, Wookiye en un nunwe, eya po.

13 Qa tipi kin he iyececa hecinhan wookiye nitawapi akan un kta; tuka iyecece šni kinhan wookiye niye en nihdipi kta.

14 Qa tukten iyowinniciyapi šni qa nioiepi kin nahonpi  šni kinhan, tipi kin he, qa otonwe kin he, etanhan tankan yahdapi kinhan, watušekšeca siha onitkapapi kin he natata po.

15 Awicakehan heciciyapi; Woyaco anpetu kin en otonwe kin he tehiya un kta, Sodom qa Gomorra makoce kin isanpa.

16 Iho, tahinca wanunyanpi  šunktokeca wicehna iyecen yecišipi; heon etanhan wamduška  iyecen ksapa po, qa wakiyedan iyecen wahbapidan po.

17 Tuka wicašta iwanwicayaka po; woyaco omniciye kin en aniyanpi kta, qa omniciye tipi yuhapi kin ohna nicapsinpsintapi kta:

18 Qa wicašta itancanpi wicaštayatapi ko, en aniyanpi kta, miye on etanhan, hecen iyepi qa Ikcewicašta ko wicayakiyutaninpi kta.

19 Unkan tohan hecen wicanicupi kinhan, taku, qa token ehapi kte cin, heon iyokišiniciyapi šni po; wihiyayedan oape kin he en token ehapi kta he nicupi kta ce.

20 Ie kte cin he niyepi šni, tuka Niyatepi Taniya en niunpi kin he iye ie kta.

21 Hunkawanjinkiciyapi kin iš unma ktepi kta e wicaqu kta; qa wicašta wan iye cinhintku kin nakun; qa wicacinca kin iš hunkakewicayapi  itkowicakipapi qa wicakiktepi kta.

22 Qa micaje on owasin šicenidapi kta; tuka tuwe owihanke kin hehanyan sutaya un kinhan he ni kta.

23 Tuka tohan otonwe kin de en šicaya nicuwapi kinhan, wanji  a tokeca ekta najica po; awicakehan heciciyapi, Israel otonwe tawapi kin iyaza yaunpi kte šni ecen Wicašta Cinhintku kin hi kta.

24 Waonspekiyapi kin he waonspekiya tawa kakipe šni; qa tuwe wowidake un kin he yuhe cin isanpa tanka šni ece.

25 Tuka waonspekiyapi  kin waonspekiya tawa kin iyececa, qa wowidake un kin yuhe cin iyececa hecinhan hecetu kta. Tipi tawa kin he Beelzebub eciyapi hecinhan, tiyohnake tawa kin iš nakun hewicakiyapi kte šni he?

26 Heon etanhan kowicakipapi šni po; taku akanpapi qa yuzamnipi kte šni wanica, qa taku anahmanpi qa sdonyapi kte šni wanica.

27 Taku otpaza en ociciyakapi kin he anpa en daotaninpi kta; qa taku noge on nayahonpi kin he tipi akahpe kin etanhan eyanpaha odakapi kta.

28 Unkan tona wicatancan ecedan ktepi kta okihipi, qa wicanagi kte okihipi šni kin hena kowicakipapi šni po; tuka tuwe wicanagi wicatancan ko Wakanšica ti kin en ihangye kte cin hee e kokipa po.

29 Zitkadan nom mazaše wanjidan iyopeyapi šni he? qa etanhan wanjidan kaeš Niyatepi codan makata ihpaye kte šni.

30 Tuka paha nitawapi kin hee kaeš owasin yawapi ece.

31 Heon etanhan kopehdapi šni po; zitkadan ota isanpa niyawapi ece.

32 Heon etanhan tuwe kašta wicašta wicitokam miye omayake cinhan, he Ate mahpiya en un kin itokam omdake kta.

33 Tuka tuwe wicašta wicitokam miye ehpemaye cinhan, he miye Atewaye mahpiya en un kin itokam ehpewaye kta.

34 Wookiye maka akan wicawaqu kta on wahi kecinpi šni po; wookiye wicawaqu kta wahi šni tuka mazasgye.

35 Wicašta wan atkuku šicekidake wakiye kta wahi, qa cunwintku iye hunku kin, qa takošku iye kunku kin šicekidake kta heon.

36 Qa wicašta tona tokayapi kin iye ti en unpi kin hena eepi kta.  

37 Tuwe miye isanpa atkuku qa iš hunku kin waštekidake cinhan, he mici un kta iyecece šni; qa tuwe miye isanpa cinhintku qa iš cunwintku kin waštekidake cinhan, he mici un kta iyecece šni:

38 Qa tuwe caususbeca tawa kin ehdaku šni qa miyahna u šni kinhan, he mici un kta iyecece šni.

39 Tuwe wiconi tawa kpatan kinhan, he toki ehpekiye kta; qa tuwe miye on etanhan wiconi tawa kpagan kinhan, he kpatan kte cin ee.

40 Tuwe iyowinniciyapi kin he iyowinmakiya; qa tuwe iyowinmakiye cin he tuwe umaši kin he iyowinkiya ece.

41 Tuwe wicašta wokcan, wicasta wokcan caje on iyowinkiye cinhan, he wicašta wokcan iyunwin tawa yuhe kta; qa tuwe wicašta owotanna, wicašta owotanna caje on iyowinkiye cinhan, he wicašta owotanna iyunwin tawa kin icu kta.

42 Qa tuwe waonspekiyapi caje on, dena cikcistinpidan wanji wiyatke ohna mini šni ecedan yatkekiye cinhan, awicakehan heciciyapi, he iyunwin tawa toki ehpekiye kte šni.  

MATTHEOS WICOWOYAKE 11.

1 Unkan Jesus waonspewicakiye akenonpapi kin taku econwicaši ayaštan, hehan hetanhan iyaya, otonwe tawapi kin ohnahna woyake kta qa waonspekiye kta.

2 Unkan Johannes kaška hnakapi kin en Messiya ohan kin nahon qehan, iye waonspewicakiye cin nom ekta yewicaši;

3 Qa heciya; Tuwe u kte ciqon he niye he, qa iš tuwe tokcea wanunyakapi kta he?

4 Unkan Jesus waayupte ca hewicakiya; Hda po, qa taku tona nayahonpi qa wandakapi kin hena Johannes okiyaka po:

5 Ištagongapi kin tonwanpi ece, huštepi kin manipi ece, tona lepros ececapi kin ska wicakagapi ece, tapi kin kinipi ece, qa tona onšikapi kin hena wotanin wašte owicakiyakapi ece.

6 Qa tuwe miye on našdute šni kinlian, he yawaštepi ce, eya.

7 Hena wanna kihdapi hehan Jesus Johannes on oyate kin wowicakiyaka; Taku wandakapi kta on hewoskan yaipi he? cedi wan tateyanpa kahuhuza?

8 Tuka taku e wanyag yaipi he? wicašta wan wokoyake panpanna koyake cin he? iho tona taku panpanna koyakapi kin hena wicaštayatapi tipi ohna yakonpi ece.

9 Tuka taku e wanyag yaipi he? wicašta wokcan kin heca he? han, eciciyapi, qa wicašta wokcan isanpa.

10 Wowapi en kagapi qon, Iho, niite itokam wahošiya mitawa yewaši, he nitokam canku nitawa nicage kta ce, iho hee.

11 Awicakehan heciciyapi; Tona winohinca eciyatanhan wicatonpi kin wanji Johannes baptem wicaqu ece kin sanpa tanka icage šni; tuka tuwe mahpiya wokiconze kin en iyotan cistinna

kin en iyotan cistinna kin he sanpa tanka.

12 Nakun Johannes baptem wicaqu taanpetu kin hetanhan dehanyan mahpiya wokiconze kin nina akitapi, qa nina akite cin hena iyahpayapi ece.

13 Johannes hehanyan woope qa wicašta wokcanpi owasin woyakapi:

14 Qa niš wicada wacannipi hecinhan Elias u kte ciqon he dee.

15 Tuwe noge winahon yukan hecinhan he ito nahon kta.

16 Tuka ito wicoicage kin de taku e imdacin kta he? Hokšipidan tihocoka en iyotaukapi kin hena e iyececa, takodakupi wicakipanpi,

17 Qa hewicakiyapi; Cotanke unniciyajopi tuka niye wayacipi šni; wašmunhdapi tuka niye yaceyapi šni.

18 Johannes wote šni qa wayatke šni hi; unkan, Taku wakan šica yuha ce, eyapi.

19 Wicašta Cinhintku kin wota qa wayatkan hi; unkan heyapi; Iho, wicašta wan wote sa qa miniša yatkan ece, wamnayanpi qa wahtanipi sa takodawicaya ece. Tuka woksape iye cinca kin on owotanna oyakapi ece.

20 Hehan otonwe kin tona en iye ohan tanka econpi qon hena iyopewicaya, iyopeiciyapi šni heon.

21 Hehehe Korazin, hehehe Bethsada; wicohan tanka niyepi en econpi kin, hena Turos qa Sidon en econpi unkanš, wanakaja heyake šica cahota ko en iyopeiciyapi kta tuka.

22 Heon etanhan heciciyapi; Woyaco anpetu kin en, tehiya yaunpi kta, qa Turos Sidon kici aopten unpi kta.

23 Qa Kapernaum niye, mahpiya ekta wankan aniyanpi, tuka wicahapi ekta ehpeniyanpi kta; wicohan tanka niye en econpi kin hena Sodom en econpi unkanš, anpetu kin dehanyan ecen un kta tuka.

24 Heon etanhan heciciyapi; Woyaco anpetu kin en tehiya yaun kta, qa Sodom makoce kin ahecece kta.

25 Anpetu kin hena en Jesus waayupte ca heya; Ate, mahpiya maka ko Itancan kin, ciyatan, dena taku kin tona ksapapi qa wasdonyapi kin anawicayakihbe ca hokšiyoqopapi owicayakidaka ece.

26 Han, Ate hecetu, hecen iyonicipi nakaeš.

27 Ate taku owasin maqu; unkan tuwedan Cinhintkuyapi kin sdonye šni, Ateyapi un kin hecedan sdonkiya; nakun tuwedan Ateyapi kin sdonye šni, tuka Cinhintku kin hecedan; qa tuwe Cinhintku kin sdonyekiye cin he nakun.

28 Tona htayanipi qa tkeya wayaqinpi kin owasin en mau po, kinhan ozikiyapi cicupi kta.

29 Can napinpi mitawa kin he icu po, qa miye eciyatanhan onspeiciciya po, cante ekta onšimicida qa wahbayedan waun; hecen ninagipi en woozikiye duhapi kta.

30 Can napinpi mitawa kin he tehike šni, qa waqin mitawa kin he kapojedan.

MATTHEOS WICOWOYAKE 12.

1 Anpetu kin hena en, anpetu wakan icunhan, Jesus aguyapi ojupi kin ehna iyaya; unkan waonspewicakiye cin wotektehdapi, qa aguyapi yuksa icupi qa yutapi.

2 Unkan Pharisee kin he wanyakapi hehan heciyapi; Wanyaka wo, waonspewicayakiye cin, anpetu wakan icunhan taku econpi kte šni ece kin, hee econpi.

3 Unkan iye hewicakiya;  Dawid taku econ qon he tohinni dawapi šni he; iye qa tona om un kin wotektehdapi qehan;

4 Tipi wakan kin en i, qa aguyapi taninyan ehnakapi kin yuta, he iye qa tona om un kin yutapi kte šni, tuka wošnapi kagapi kin ecedan yutapi kta tuka?

5 Qa woope kin en nakun dawapišni, wošnapi kagapi kin tipi wakan ohna anpetu wakan ahopapi šni ešta iyaonpepica šni unpi?

6 Tuka heciciyapi; Tuwe tipi wakan kin isanpa tanka wan den un.

7 Wowaonšida wacin qa  wošnapi wacin šni ce, eyapi qon he idukcanpi unkanš, tona wahtanipi šni kin hena wicadacopi kte šni tuka.

8 Qa Wicašta Cinhintku kin he anpetu wakan Itancan kin he nakun ee.

9 Hehan hetanhan iyaye ca omniciye tipi tawapi kin en i.

10 Unkan iho, wicašta wan nape šnija hen un; unkan wiwangapi qa heciyapi; Anpetu wakan icunhan waasniyapi kta iyececa he? he iyaonpapi kta e heyapi.

11 Unkan hewicakiya; Enitanhanpi wicašta wanji tahinca wanunyanpi wanjidan yuhe cinhan, he anpetu wakan icunhan woha en iyohpaya hecinhan, tancan en yuze ca ehdaku kte šni he?

12 Wicašta kin he tahinca wanunyanpi isanpa ece? Heon etanhan anpetu wakan icunhan taku wašte econpi kta iyececa.

13 Hehan wicašta qon heciya; Nape hdukatin wo; hecen yukatin, unkan unma kin iyecen asni icaga.

14 Unkan Pharisee kin hetanhan tankan hdapi, qa token ktepi kte cin he akiiapi

15 Tuka Jesus he sdonye ca hetanhan tokan iyaya; unkan wicota hinca ihakam unpi, qa iye hena owasin asniwicaya:

16 Qa nina oyake šni wicaši.

17 Hecen Isaya wicašta wokcan kin taku eye ciqon yuecetupi kta; he kaken eya;

18 Iho, mitahokšidan wahdahnige ciqon; wašte wakidake cin on minagi iyuškin ece; mitaniya kin waqu kta, hecen Ikcewicašta kin woyaco owicakiyake kta.

19 Wicakize kte šni, qa pan kte šni, qa ho kin tuwedan canku ohna nahon kte šni:

20 Cedi kašušujapi kin he yukse kte šni, qa hahonta ide kte cin he kasni kte šni, woyaco he woohiye ekta au šni kinhan:

21 Qa iye caje kin Ikcewicašta wacinyanpi kta.

22 Hehan wanji wakan šica yuhnaškinyan he en ahipi, ištagonge ca ia okitpani; unkan asniyan, hecen ištagonge ca ia okitpani kin he ia qa nakun tonwan.

23 Unkan wicašta ota kin owasin yušinyayapi qa heyapi; Dawid cinhintku kin he dee šni he?

24 Tuka Pharisee kin iš he nahonpi qehan heyapi; Wicašta kin de wakan šica napewicaye cin he Beelzebub wakan šica itancan kin on hecon ece.

25 Unkan Jesus token canteyuzapi kin he sdonye ca hewicakiya; Wokiconze wan iye iyakitedan kiciza eca hinhpaya ece; nakun otonwe qa tipi otoiyohi iye iyakitedan kicizapi ehantanhan ecen he kte šni.

26 Qa Satan Satan napeye cinhan wanna iye iciciza; hecen token tokiconze kin sutaya he kta he?

27 Qa miye Beelzebub on wakan šica napewicawaya ehantanhan, nicincapi kin iš taku on napewicayapi he? heon etanhan hena niyacopi kta.

28 Tuka miye Wakantanka Taniya on wakan šica napewicawaya hecinhan, Wakantanka tokiconze kin wanna en nihipi.

29 Wicašta wašaka ti kin en, tuwe tin iyaye ca taku tawa kin ihangye kta token okihi kta he? tokaheya wicašta wašake cin kaške cinhan hehan tipi kin ihangye kta.

30 Tuwe mici un šni kinhan he makipajin ece; qa tuwe micipahi šni kinhan he yutakuni šni ece.

31 Heon etanhan heciciyapi; Woahtani owasin iapi šica ko wicašta wicakicicajujupi kta; tuka Woniya Wakan aiapi kin he wicašta wicakicicajujupi kte šni.

32 Qa tuwe Wicašta Cinhintku kin taku šica eciye cinhan, he kicicajujupi kta; tuka tuwe Woniya Wakan kin taku šica eciye cinhan, he kicicajujupi kte šni, wiconi kin de en, qa nakun wiconi u kte cin en.

33 Can kin wašte kaga po, kinhan waskuyeca wašte kta; qa iš can kin šica kaga po, kinhan waskuyeca šice kta; can kin waskuyeca tawa kin on sdonyapi ece.

34 Wamduška wicoicage, nišicapi hecen token taku wašte ehapi kta oyakihipi he? wicacante ojudan kin he eciyatanhan wicai kin ia ece.

35 Wicašta wašte kin iye cante wašte ojudan kin eciyatanhan taku wašte hiyuya ece; qa nakun wicašta šice cin iye cante šica ojudan kin etanhan taku šica hiyuya ece.

36 Tuka wicoie wašte šni otoiyohi wicašta eyapi kin hena on woyaco anpetu kin en ohdakapi ece e kta, he miye eciciyapi.

37 Nioie kin on niyaowotanpi kta, qa nakun nioie kin on niyacopi kta.

38 Hehan wowapi kagapi wan-ikji qa Pharisee kin ayuptapi qa heciyapi; Waonspekiya, wowapetokeca wan wanyagunyakiyapi kta uncinpi.

39 Tuka iye waayupte ca hewicakiya ; Wicoicage šice ca wawicihahapi econ sa kin he wowapetokeca da, tuka wowapetokeca wanjidan qupi kte šni, Jonas wicašta wokcan wowapetokeca tawa kin heceedan kta.

40 Anpetu yamni qa hanyetu yamni hehanyan Jonas hogan tanka tezi kin ohna un qon, he iyecen anpetu yamni qa hanyetu yamni Wicašta Cinhintku kin maka cante kin en un kta.

41 Woyaco anpetu kin en Ninewe wicašta kin inajinpi qa wicoicage kin de yacopi kta; hena e Jonas

woyake cin on iyopeiciyapi tuka; unkan iho, Jonas isanpa tanka wanji den un.

42 Itokah wicaštayatapi winohinca qon he woyaco kin en inajin kta, qa wicoicage kin de yaco kta; eqe Solomon toksape nahon kta on maka ihanke kin etanhan u tuka; unkan iho, wanji Solomon isanpa tanka den un.

43 Woniya šape cin wicašta kin etanhan tankata hinanpa, hehan makoce puza en omani, ozikiyapi akita, tuka takudan iyeye šni;

44 Hehan heya; Tipi mitawa etanhan wahinape ciqon he ake ekta wahde kta. Unkan ekta ki, qa tuwedan ohna yanke šni, kahintapi qa ayuco yuštanpi, hecen iyeya.

45 Hehan iyaye ca woniya tokeca šakowin iye isanpa šicapi, hena iwicacu qa om mahen iyaya, qa ohna yukanpi; unkan wicašta kin he hetanhan tehiya un, tokaheya un qon isanpa. Wicoicage šice cin de hecece kta.

46 Unkan oyate kin hecen wowicakiyaka icunhan, iho, iye hunku qa hunkawanjitku kin tankan hinajinpi qa okiyapi kta cinpi.

47 Unkan wanji heciya; Iho, nihun qa nihunkawanji tankan najinpi qa oniciyapi kta cinpi.

48 Tuka iye waayupte ca tuwe heye cin he heciya; Tuwe inawaya he? qa mihunkawanji kin hena tuwepi he?

49 Unkan waonspewicakiye cin ektakiya nape hdugate ca heya; Iho, mihun qa mihunkawanji dena eepi ce.

50 Tuwe kašta Ate mahpiya ekta un tawacin kin ecen econ kinnan he mihunkawanji qa mitawinohtin qa mihun ee.

MATTHEOS WICOWOYAKE 13.

1 Unkan anpetu kin hena en Jesus tipi kin etanhan tankata iyaye ca mde kin icahda iyotanka.

2 Unkan wicota hinca en mniciyapi, hecen iyotanke kta e wata wan en opa, qa oyate kin iyuhpa hutata najinpi.

3 Unkan wiyacinpi on taku ota owicakiyaka, qa heya; Iho, wicašta woju wan woju iyaya:

4 Unkan woju icunhan, apa canku icahda hinhpaya; hecen wahupakoza en hipi qa temyapi.

5 Qa apa tukten inyan ota ehna ihpaya, hen maka tonana; unkan ohankoya hinanpa, maka tonana nakaeš.

6 Tuka wi kata aya hehan owasin gu; qa hutkan nica heon etanhan šnija.

7 Unkan apa iš wapepeka ehna ihpaya; unkan wapepeka tanka icage ca hecen kte.

8 Tuka apa maka wašte en ihpaya, qa etanhan ota icaga, apa opawinge, apa wikcemna šakpe, apa wikcemna yamni.

9 Tuwe noge winahon kta yukan hecinhan, ito nahon kta.

10 Unkan waonspewicakiye cin en hipi qa heciyapi; Tokeca wiyacinpi on owawicayakiya he?

11 Unkan iye awicayupte ca heya; Mahpiya wokiconze woanahbe kin niye oyakahnigapi kta nicupi, tuka hena hecen wicaqupi šni, heon etanhan.

12 Heon tuwe taku yuhe cinhan nakun qupi kta, hecen iyakicuya yuhe kta; tuka tuwe takudan ton šni, tona yuhe cin hee kaes kipi ece e kta.

13 Heon etanhan wiyacinpi on wowicawakiyaka ece; hecen tonwanpi keš wanyakapi šni, qa winahonpi keš nahonpi šni, qa nakun okahnigapi šni.

14 Qa hecen Isaya wicašta wokcan taku eye ciqon iyepi on yuecetupi; Winahonpi on na- yahonpi kta, tuka oyakahnigapi kte šni; qa tonwanhan wandakapi kta, tuka idukcanpi kte šni ce.

15 Oyate kin de cantepi kin cepa aya, qa nogepi kin kitan se winahonpi, qa ištohmuzapi; hecece šni unkanš, išta on wanyakapi kta, qa noge on nahonpi kta, qa cante on iyukcanpi kta, qa ihduhomnipi kta, kinhan asniwicawaye kta tuka.

16 Tuka niištapi kin wowašte, on wandakapi ece; qa ninogepi kin wowašte, on nayahonpi ece.

17 Awicakehan heciciyapi; Wicašta wokcan ota, qa wicašta owotanna, taku wandakapi ece kin hena wanyakapi kta cinpi, tuka wanyakapi šni; qa taku nayahonpi ece kin, hena nahonpi kta cinpi, tuka nahonpi šni.

18 Heon etanhan wicašta woju qon wiyacinpi kin he ito nahon po.

19 Wicašta otoiyohi wokiconze oie kin nahon keš, okahnige šni kinhan, he tuwe šice cin en hi, qa taku cante en ojupi qon eyaku ece; iho, canku icahda ojupi icu qon hee.

20 Unkan inyan ota en ojupi icu qon he dee; tuwe wicoie kin nahon qa ohankoya iyuškinyan icu;

21 Tuka iye en hutkan wanica, hecen ecadan enakiya; tohan wicoie kin on wokakije qa šicaya kuwapi akipa hecinhan, hinnakaha ayuštan iyaya ece.

22 Unkan wapepeka ehna ojupi icu qon, tuwe wicoie kin nahon kin hee; tuka wiconi kin de awacinpi qa woyuha ota wohnaye kin hena wicoie kin kte ece, hecen waskuyeca takudan aicage šni.

23 Tuka maka wašte en ojupi icu qon, he tuwe wicoie kin nahon qa okahniga; qa hecen waskuyeca icahya ece; apa opawinge, qa apa wikcemna šakpe, qa apa iš wikcemna yamni icaga ece.

24 Wiyacinpi tokeca wan owicakiyake ca heya; Mahpiya wokiconze kin wicašta wan iye tamaga en su waštešte oju kin he iyececa.

25Tuka wicištinma hiyeya icunhan, toka wan en hi, qa aguyapi ehna wayahota oju, qa kihda.

26 Unkan ape kin wanna uye ca wahuwapa icage kta, hehan wayahota iš nakun tanin.

27 Unkan tipi tawa wowidakewicaye cin en hipi qa heciyapi; Itancan, nitamaga en su waštešte oyaju šni he? hecen wayahota kin tokiyatanhan yuha he?

28 Unkan iye hewicakiya; Wicašta wan toka kin heca e hecon. Unkan wowidakewicaye cin hena heciyapi; Unyanpi qa unpahipi kta yacin he?

29 Tuka iye heya; Hiya; okinni wayahota kin yapahipi kinhan, nakun aguyapi koya dujunpi kta.

30 Ito woksapi kta hehanyan napin icicahiya icage kta. Unkan woksapi anpetu kin he en, wayuksapi kin hewicawakiye kta; Tokaheya wayahota pahipi qa huhnahyapi kta on pahta po; tuka aguyapi kin he dotopiye mitawa en omnayan po.

31 Wiyacinpi tokeca wan owicakiyake ca heya; Mahpiya wokiconze kin sinape su wanji iyececa, he wicašta wan icu qa iye tamaga kin en oju.

32 He su kin owasin iyotan cistinna; tuka icaga hehan wato kin owasin išnana tanka; qa can iyececa icaga, hecen mahpiya okinyanpi kin en upi, qa adetka kin en ahiyahan ece.

33 Wiyacinpi tokeca

wan owicakiyaka; Mahpiya wokiconze kin on napohyapi kin iyececa, he winohinca wan icu qa wotpanpi wiyutapi yamni en inahman, hecen ocowasin napohyapi.

34 Dena taku owasin Jesus wiyacinpi on oyate kin owicakiyaka, qa wiyacinpi codan takudan owicakiyake šni.

35 Hecen wicašta wokcan taku eye ciqon yuecetupi, he hecen eya; Wiyacinpi on i wahdukawa kta; taku maka kagapi ehantanhan anahmanpi kin he omdake kta ce.

36 Hehan Jesus oyate kin hdewicaši, qa tipi wan en tin iyaya. Unkan waonspewicakiye cin en hipi qa heciyapi; Maga en wayahota wiyacinpi kin he unkokiyaka miye.

37 Unkan iye awicayupte ca hewicakiya; Tuwe su waštešte oju qon he Wicašta Cinhintku kin hee.

38 Maga kin he maka ocowasin ee; su waštešte qon he wokiconze cinca kin hena eepi; wayahota kin he tuwe šica cinca kin hena eepi:

39 Toka hena oju qon Wakanšica hee. Woksapi kin he wiconi kin de owihanke kin hee; qa wayuksapi kte cin mahpiya ohnihde kin hena eepi.

40 Heon etanhan, wayahota pahipi qa peta en huhnagapi qon he wiconi kin de owihanke kin ekta hecece kta.

41 Wicašta Cinhintku kin tona ohnihdewicaye cin hena yewicaši kta; unkan tokiconze kin etanhan tona wahtanipi qa taku šica econpi kin owasin pahipi kta:

42 Qa peta mde kin en ehpewicayapi kta; hen wicaceya hi hdakinskinzapi ko yuke kta.

43 Hehan wicašta owotanna kin anpetu wi kin iyecen iyegapi kta, atkukupi tokiconze kin en. Tuwe noge winahon kta yukan hecinhan, ito nahon kta.

44 Akeš mahpiya wokiconze kin he mazaska, maga wan en nahmanpi kin he iyececa, he wicašta wan iyeya, unkan anahbe ca, wiyuškinyan iyaye ca, taku yuhe cin owasin wiyopekiye ca, maga kin he opeton.

45 Akeš mahpiya wokiconze kin wicašta wopeton inyan tehika akite ciqon he iyececa ye:

46 He inyan tehika wanjidan, ota iyopeyapi kin, he iyeya, unkan iyaye ca, taku tawa kin owasin wiyopekiye ca, he opeton.

47 Akeš mahpiya wokiconze kin he ho wan, mde kin en iyohpeyapi, qa ocaje owasin etanhan manaye cin, he iyececa;

48 He wanna ojudan hehan hutata ahdipi, en iyotankapi, qa waštešte kin hena cega ohna mnakiyapi, tuka šikšice cin hena ehpeyapi.

49 Maka owihanke kinhan he iyecece kta; hehan mahpiya ohnihde kin upi kta, qa tona šice cin owotanna unpi kin wiciyopeyapi kin hena iwicacupi kta;

50 Qa peta mde kin en iyohpewicayapi kta. Heciya wicaceya hi hdakinskinzapi ko yuke kta.

51 Jesus hewicakiya; Dena owasin oyakahnigapi he? Han, Itancan, eciyapi.

52 Hehan hewicakiya; Heon etanhan wowapi kaga otoiyohi, mahpiya wokiconze on onspekiyapi kin, he wicašta wan tipi yuhe ca, mazopiye tawa kin etanhan taku teca tannika ko ikikcu ece kin he iyececa.

53 Unkan Jesus wiyacinpi kin dena ihunnikiya, hehan hetanhan tankan iyaya:

54 Qa iye tamakoce kin en ki qehan, omniciye tipi yuhapi kin olina waonspewicakiya; hecen yušinyayapi qa heyapi; Woksape kin de, qa wicohan tanka, wicašta kin de tokiyatanhan yuha he?

55 Cankajipa cinhintku kin he dee šni he? hunku he Mary eciyapi? qa sunkawicaye cin hena Jakob qa Joses qa Simon qa Judas?

56 Qa tawinohtin hena owasin unkiyopeyapi unpi šni he? hecen tokiyatanhan dena taku kin owasin yuha he?

57 Unkan canniyeyapi. Tuka Jesus hewicakiya; Wicašta wokcan yuonihanpi ece, tuka iye tamakoce qa iye ti kin ohna yuonihanpi šni.

58 Unkan wicohan tanka ota hen econ šni, wicadapi šni heon etanhan.

wan owicakiyaka; Mahpiya wokiconze kin on napohyapi kin iyececa, he winohinca wan icu qa wotpanpi wiyutapi yamni en inahman, hecen ocowasin napohyapi.

------------------------

Hope all of you have a lovely day and are warm and at peace! The sky is beautifully blue here today (-= BLESSINGS!!!