A little More

Well, we hope everyone is having a blessed Christmas season (-=
We got some disappointing news, but it is just a roadblock... God can- of that I have no doubt. But, say a prayer for us if you would. This next part is a bit smaller- we had a couple of chapters that had been scanned oddly, mixing everything up. But, it's all sorted in this part now and we hope you enjoy it! God bless each of you who have been so supportive and all of you who are seeking Him.

MATTHEOS WICOWOYAKE 24.

1 Unkan Jesus tipi wakan kin etanhan tankan inanpe ca tokan iyaya; unkan waonspewicakiye cin en hipi qa tipi wakan token kagapi kin he wanyag šipi.

2 Unkan Jesus hewicakiya; Dena owasin wandakapi šni he? awicakehan heciciyapi; Dena inyan wanji inyan itakihna wanke kte šni, owasin yujujupi kta.

3 Unkan Oliwe paha kin akan iyotankehan yanka, hehan waonspewicakiye cin išnana en hipi qa heciyapi; Dena tohan ecetu kta? qa niye yahi kte ca maka ihanke kta, taku on sdonyapi kta, he ito unkokiyaka miye?

4 Unkan Jesus waayupte ca hewicakiya; Ihnuhan tuwe nihnayanpi kinhan.

5 Wicota micaje on upi kta qa, Messiya he miye ce, eyapi kta; qa wicašta ota wicahnayanpi kta.

6 Unkan wicokicize qa kicizapi oyakapi kin nayahonpi kta; ihnuhan nihinniciyapi kinhan; hena owasin hecetu kte, tuka owihanke kin hinahinke šni.

7 Oyate wan oyate azuwicaye kta, qa wokiconze wokiconze anatan kta; qa tuktekten wicaakihan qa makošikšica qa maka škanškan yuke kta.

8 Dena owasin wicoiyokišice tokaheya kin hee.

9 Hehan wicokakije en yeniyanpi kta qa niktepi kta; qa micaje on oyate owasin šicenidapi kta.

10 Unkan hehan wicašta ota šihdapi kta, qa otoiyohi kicihnayanpi kta qa šicekicidapi kta.

11 Qa wicašta wokcan itonšni ota icagapi kta, qa wicota wicahnayanpi kta.

12 Hehan wicohan šica ota icage kta, heon wicota waštedake ciqon he šni aye kta.

13 Tuka tuwe owihanke hehanyan najin kinhan he ni kta.

14 Unkan wokiconze wotanin wašte kin de maka kin owancaya oyakapi kta, oyate owasin en wotanin un kta; qa hehan owihanke kta.

15 Tohan wošice woihangye kin, Daniel wicašta wokcan cajeyata qon he tipi wakan kin en han wandakapi kinhan; tuwe yawa kinhan okahniga nunwe;

16 Hehan tona Juda makoce kin en unpi kin he kin ekta napapi kta.

17 Qa tuwe tipi akan un kinhan kun ku, qa taku ti mahen tanhan ehdaku kte šni.

18 Qa nakun tuwe magata un kinhan, hdicu qa wokoyake ikikcu kte šni.

19 Unkan tona anpetu kin hena en ihdušakupi, qa hokšiyoqopa azinwicakiyapi kin hena wotehi yuhapi kta.

20 Tuka waniyetu, qa anpetu wakan icunhan, nayajicapi kte šni e ito cekiya po.

21 Hehan wokakije tanka kte, maka kagapi kin ehantanhan dehanyan taku hecece šni, qa nakun tohinni tokata ekta hecece kte šni.

22 Qa anpetu kin hena yuptecedan šni kinhan, wicašta tuwedan ni kte šni; tuka wicakahnigapi kin hena on anpetu kin hena yuptecedan kta.

23 Hehan tuwe, Messiya den un ce, qa, kakiya un ce, eniciyapi ešta, wicadapi šni po.

24 Messiya itonšni, qa wicašta wokcan itonšni kin heca icagapi kta, qa wowanyake tanka wicohan tanka ko econpi kta, hecen okihipica unkanš wicakahnigapi kin hena eepi kaeš wicahnayanpi kta tuka.

25 Iho, itokam hena ociciyakapi.

26 Heon etanhan; Iho, hewotahedan un ce, eniciyapi ešta, ekta yapi šni po; qa, Iho nahmana un ce, eniciyapi ešta, wicadapi šni po.

27 Wakanhdi wiyohiyanpa tanhan u, qa wiyohpeyata hehanyan tanin hinhda ece, Wicašta Cinhintku kin hi kte cin he iyecece kta.

28 Tukten taku ta wanka 

eca, hen wamdi kiwitayapi ece e kta.

29 Unkan wokakije anpetu kin hena ahankeya, anpetu wi kin aotpaza kta, qa hanyetu wi kin iyoyanpa kte šni, qa wicanhpi mahpiya eciyatanhan hinhpaye kta, qa mahpiya wowašake kin yuhuhuzapi kta.

30 Unkan hehan mahpiya en, Wicašta Cinhintku kin wowakta tawa kin tanin kta. Hehan maka akan oyate owasin nihinciyapi kta, qa Wicašta Cinhintku kin wowašake qa wowitan tanka hduha, mahpiya šapa akan u wanyakapi kta.

31 Unkan mazayahotonpi tanka hotanin kin on ohnihdewicaye cin yewicaši kta, qa hena tate uya topa eciyatanhan, tona wicakahnige ciqon hena wicapahi kta, mahpiya ihanke kin etanhan unma ihanke kin ekta hehanyan.

32 Wanna suken can kin etanhan wiyacinpi wan onspeiciciya po. Can intpa hinahin suta šni, qa wanna ape uya, hehan mdoketu kin wanna ikiyedan sdonyayapi ece.

33 He iyecen dena owasin ecetu wandakapi kinhan, wanna ikiyedan, tiyopa kin ehantu e sdonya po.

34 Awicakehan heciciyapi; Wicoicage kin de ihanke kte šni, ecen dena owasin ecetu kta.

35 Mahpiya maka ko ihanke kta, tuka mioie kin owihanke kte šni.

36 Tuka anpetu kin he, qa wihiyayedan oape kin he tuwedan sdonye šni; mahpiya ohnihde kin hena sdonyapi šni; Ate ecedan sdonya.

37 Nowa taanpetu qon hena, Wicašta Cinhintku kin hi kte cin iyecece kta.

38 Minitan qon isanpa anpetu kin hena en, wotapi qa wayatkanpi, winohinca wicayuzapi qa wicašta hihnawicayapi ece, Nowa wata kin en iyaye cin anpetu kin hehanyan;

39 Qa iyukcanpi šni, ecen minitan aye ca iyuhpa ihangwicaya: iho, Wicašta Cinhintku kin u kte cin he iyecece kta.

40 Hehan wicašta nom magata unpi kta; wanji icupi kta, qa unma kin iš okaptapi kta.

41 Winohinca nom wiyutpan on wotpan unpi kta; wanji icupi kta, qa unma kin okaptapi kta.

42 Heon etanhan waktaya un po, wihiyayedan oape tukte en Itancan nitawapi u kta sdonyayapi šni.

43 Tuka de sdonya po; wicasta tipi tawa kin wamanon sa tohan hi kta sdonya unkanš, kikta un qa tipi tawa yuhdokapi kta iyowinwicakiye kte šni tuka.

44 Heon etanhan niš eya wiyeya un po; Wicašta Cinhintku kin wihiyayedan oape tukte wanji en hi kta, he sdonyayapi šni.

45 Tuwe wowidake owotanna qa wayupika, itancan tawa tipi awanyagkiya, tohan iyehantu eca wo wicaqu ece e kta?

46 Wowidake kin hecen econ ece, itancan tawa en hdi qa wanhdake cinhan, he yawaštepi ece.

47 Awicakehan heciciyapi; Taku yuhe cin owasin awanyagkiye kta.

48 Tuka wowidake šice cin he cante mahen, Itancan mitawa tehan hdi šni ce, eye cinhan;

49 Qa tona om wowidake un kin hena wicakaštake ca, witkopi om wote ca wayatke cinhan;

50 Anpetu wan waktaya un šni, qa wihiyayedan oape wanji iye kecin šni, he en wowidake un kin yuhe cin hdi kta;

51 Qa cokaya kicakse kta, qa wanaicihmanpi kin om taku yuhekiye kta; heciya wicaceya qa hi hdakinskinzapi yuke kta.

MATTHEOS WICOWOYAKE 25.

1 Hehan mahpiya wokiconze kin witanšna unpi wikcemna iyacinpi kta; petijanjan ihupa ikikcupi qa tawicu ton kte cin he itkokim iyayapi.

2 Unkan zaptan ksapapi, qa zaptan witkotkokapi.

3 Witkotkokapi kin hena petijanjan ihupa icupi, tuka wihdi takudan yuhapi šni.

4 Tuka ksapapi kin hena cega ohna wihdi hduhapi, petijanjan ihupa iyahna.

5 Unkan tawicu ton kte cin he u šni; hehanyan iyuhpa hbapi qa ištinmapi.

6 Unkan hanyecokaya hehan wicaho wan tanin, Iho, tawicu ton kte cin he u ce; itkokim ya po.

7 Hehan witanšna unpi kin hena owasin iyotankapi, qa petijanjan kin piyapi.

8 Unkan witkotkokapi kin hena ksapapi kin hewicakiyapi; Wihdi nitawapi etanhan ongege unqu miye, petijanjan unkicisnipi kta.

9 Tuka ksapapi kin waayuptapi qa hewicakiyapi; Hiya, okinni unkiye niyepi nakun iyounhipi kte šni; tuka tona wopetonpi ece kin ekta ya pe, qa opeiciton miye.

10 Unkan he opeton iyayapi, hehan tawicu ton kte cin he hi; unkan tona wiyeya unpi kin hena wakankiciyuzapi kte cin en kici iyayapi; hehan tiyopa kin ecen icupi.

11 Iyohakam witanšna unpi unmapi kin en hipi, qa heyapi; Itancan, Itancan, tiyopa unkiciyuhdoka miye.

12 Tuka iye waayupte ca; Sdonciyapi šni, awicakehan eciciyapi ce, eya.

13 Heon etanhan kiktahan un po, anpetu qa wihiyayedan oape kin tukte wanji en, Wicašta Cinhintku kin hi kte cin he sdonyayapi šni.

14 He iyecen wicašta wan makoce tokeca ekta ye kta, hehan wowidake wicayuhe cin wicakico, qa woyuha tawa kin wicakipamni.

15 Unkan wanji mazaska tkeutapi tanka zaptan qu, qa wanji nom, qa wanji iš wanjidan qu; otoiyohi token okihi kta hecen wicaqu; hehan icimani iyaya.

16 Unkan tuwe tkeutapi tanka zaptan icu qon he iyaye, ca on wopeton ece econ, qa nakun tkeutapi tanka zaptan kamna.

17 Qa tuwe nom icu qon iš eya iyecen nom nakun kamna.

18 Tuka tuwe wanjidan icu qon he iyaye ca, maka qe ca, yulie cin mazaska tawa kin inahma.

19 Unkan wanna tehan hehan wowidake unpi kin dena itancan tawapi kin hdi, qa wicakiciyawa.

20 Unkan tuwe tkeutapi tanka zaptan icu qon he zaptan toktokeca koya ahi qa heya; Itancan, tkeutapi tanka zaptan mayaqu ; iho, nakun tkeutapi tanka zaptan hena awakamna, eya.

21 Unkan yuhe cin heciya; Han, wowidake wašte qa wacinyepica; taku tonana on wacinyepica yaun, taku ota yuheciciye kta; niyuha towiyuškin kin en opa wo.

22 Hehan tuwe tkeutapi tanka nom icu qon he hi, qa heya; Itancan, tkeutapi tanka nom mayaqu; iho, nakun tkeutapi tanka nom

hena awakamna.

23 Itancan tawa kin heciya; Han, wowidake wašte qa wacinyepica; taku tonana on wacinyepica yaun, ito taku ota yuheciciye kta; niyuha towiyuškin kin en opa wo.

24 Hehan tuwe tkeutapi tanka wanjidan icu qon he hi, qa heya; Itancan, wicašta nitehika sdonwaya, tukten woyaju šni ešta etanhan wamnayaya ece, qa tukten taku ehpeyaye šni kin hetanhan wayapahi ece.

25 Qa kowakipa, heon imdamde ca mazaska tkeutapi tanka nitawa maka kin en nawahbe; iho, nitawa kin yahduha.

26 Itancan tawa kin waayupte ca heciya; Wowidake nišice ca nikuja; tukten wowaju šni kin hetanhan wamnawaya ece, qa tukten taku wakada šni hetanhan wawapahi ece e sdonyaya:

27 Heon etanhan mazaska mitawa wicašta wopetonpi kin yuhewicayakiye kta iyececa tuka; hecen wahdi, qa mitawa oicage ko ewehdaku kta tuka.

28 Heon tkeutapi tanka kin ekiciyaku po, qa tuwe tkeutapi tanka wikcenma yuhe cin he ito qu po.

29 Tuwe taku ota yuhe cin he nakun qupi ece e kta, hecen iyakicuya yuhe kta; tuka tuwe takudan yuhe šni kin hetanhan taku ton kin hee kaeš ekiciyakupi ece e kta.

30 Qa wowidake wakamna šni kin he tankan otpaza kin en ehpeya po; heciya wicaceya qa hi hdakinskinzapi yuke kta.

31 Tohan Wicašta Cinhintku kin wowitan hduha, ohnihdewicaya wakan kin owasin om u kinhan, hehan wowitan oiyotanke tawa kin en kiyotanke kta:

32 Qa itokam oyate kin iyuhpa mniciyapi kta; unkan wicayukinukan kta, waawanhdake wan tahinca wanunyanpi, tatokadan etanhan wicapahi ece kin he iyececa.

33 Qa tahinca wanunyanpi kin hena iye etapa eciyatanhan, qa tatokadan kin iye catka eciyatanhan ewicahnake kta.

34 Hehan Wicaštayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaštepi kin, wokiconze maka kagapi kin ehantanhan wiyeya niciyankapi kin he ito hduha po.

35 Wotektewahda, unkan wo mayaqupi; imapuza, unkan wayatkemayakiyapi; wicašta matokeca waun, unkan tin hiyumayayapi:

36 Tancomakadan, unkan waamayakahpapi; wamayazanka, unkan onšimayadapi; makaškapi, unkan wanyag mayahipi ece.

37 Hehan wicašta owotanna kin hena ayuptapi qa heciyapi kta; Itancan, tohinni wotekteyahda wanunniyakapi, qa wo unnicupi he? qa inipuza qa wayatkeunniciyapi he?

38 Tohinni wicašta tokeca yaun wanunniyakapi, qa tin hiyuunniyanpi he? qa tancodan yaun, qa wokoyake unnicupi he?

39 Tohinni waniyazanka qa kaška nihnakapi yaun wanunniyakapi, qa en unnihipi he?

40 Unkan Wicaštayatapi kin waayupte ca hewicakiye kta; Awicakehan heciciyapi; Mihunkawanji kin dena cikcistinpidan hecawicayeconpi kin he miye ecamiyeconpi ece.

41 Hehan tona catka kin eciyatanhan unpi kin hewicakiye kta; Niyašicapi kin, mitantanhan iyaya po, peta owihanke wanica ekta, wakanšica iye taokiyewicaye cin koya on kagapi qon.

42 Wotektewahda, tuka wo mayaqupi šni; imapuza, tuka wayatkemayakiyapi šni:

43 Wicašta matokeca waun, tuka tin hiyumayayapi šni: tancodan waun, tuka wokoyake mayaqupi šni; wamayazanka qa kaška mahnakapi waun, tuka onšimayadapi šni.

44 Hehan ayuptapi qa heciyapi kta; Itancan, tohinni wotekteyahda, qa inipuza, qa wicašta tokeca yaun, qa tanconikadan, qa waniyazanka, qa kaška nihnakapi yaun wanunniyakapi, qa ounniciyapi šni he?

45 Hehan awicayupte ca heye kta; Awicakehan heciciyapi; Dena cikcistinpidan hecawicayeconpi šni kin he miye ecamiyeconpi šni ece.

46 Unkan dena owihanke wanin wokakije kin en yapi kta; tuka wicašta owotanna kin hena owihanke wanin wiconi kin en yapi kta.

MATTHEOS WICOWOYAKE 26.

1 Unkan Jesus wicoie kin dena owasin ihunnikiya, hehan waonspewicakiye cin hewicakiya;

2 Anpetu nom iyohakam woacakšin kin hehantu kta sdonyayapi; hehan Wicašta Cinhintku kin icipaweh okatanpi kta e wicaqupi kta.

3 Hehan wošnapi kagapi, wowapi kagapi qa oyate kin en wicašta tankapi kin hena koya mniciyapi, wošnapi kagapi itancan, Kaiaphas eciyapi, he ti kin en.

4 Qa Jesus token nahmana icupi qa ktepi kta he aiapi.

5 Tuka wotapi anpetu kin hena icunhan šni, okinni oyate kin owodutaton kta, eyapi.

6 Unkan Jesus Bethani en Simon lepros ecece ciqon he ti kin ohna yanka.

7 Hehan winohinca wan inyan opiye wan wihdi waštemna tehika ojudan he yuha en hi, qa iye iyotankehan yanka icunhan, pa kin en okaštan.

8 Tuka waonspewicakiye cin hena he wanyakapi qehan šihdapi, qa heyapi; Tokeca de awihnuniyapi he?

9 Wihdi waštemna kin de ota iyopeyapi kta, qa wahpanica wicaqupi kta iyececa tuka ce.

10 Jesus he okahnige ca hewicakiya; Tokeca winohinca kin de iyokišinyayapi he? wicohan wašte wan ecamicon.

11 Wahpanicapi kin ohinniyan wicaduhapi, tuka miye ohinniyan mayaduhapi šni.

12 Wihdi waštemna kin de mitancan amakaštan kin, mahnakapi kte cin on etanhan hecon.

13 Awicakehan heciciyapi; Maka kin owancaya wootanin wašte kin de tukten oyakapi hecinhan, winohinca kin de taku econ kin he wowitan on oyakapi ece e kta.

14 Hehan akenonpapi kin etanhan wanji, Judas Iskariot eciyapi, he wošnapi kagapi kin ekta wicai;

15 Qa heya; He cicupi kinhan taku mayaqupi kta he? Unkan mazaska wikcemna yamni qupi kta, keciyapi.

16 Unkan hetanhan token hnayan wicaqu kta e he akita.

17 Aguyapi on napohyapi codan anpetu tokaheya, hehan waonspewicakiye cin Jesus en hipi, qa heciyapi; Tukten woacakšin kin yate kta wiyeya unnicihnakapi kta yacin he?

18 Unkan heya; Otonwe kin en ya po, qa wicašta kae heciya po; Wanna iyemicihantu, woacakšin kin yati en waonspewicawakiye cin om ecamon kta ce, Waonspekiye cin heya ce.

19 Unkan waonspewicakiye cin Jesus econ wicaši kin ecen econpi, qa woacakšin kin wiyeya ehnakapi.

20 Wanna htayetu hehan akenonpapi kin om en iyotanka.

21 Qa wotapi icunhan heya; Niyepi etanhan wanji wiyopemayayapi kta, awicakehan eciciyapi ce.

22 Unkan iyokišicapi hinca, qa otoiyohi heciyapi; Itancan, he miye he?

23 Unkan waayupte ca heya; Tuwe wakšica ohna kici nape yewaye cinhan he wiyopemaye kte cin ee.

24 Wowapi en kagapi qon he iyecen, Wicašta Cinhintku kin ye kta; tuka wicašta kin Wicašta Cinhintku kin wiyopeye cinhan he wotehi kiciyanke kta;! wicašta kin he tohinni tonpi šni unkanš wašte kta tuka.

25 Unkan Judas wiyopeye kte cin he ayupte ca; Itancan, he miye he? eya. Unkan, Niye heha ce, eciya.

26 Unkan wotapi icunhan Jesus aguyapi icu, qa yawašte, qa yušpašpa, qa waonspewicakiye cin wicaqu, qa heya; Icupi qa yuta po; mitancan kin he dee.

27 Qa wiyatke kin ehdaku, qa wopida eye ca wicaqu, qa heya; Owasin etanhan yatkan po.

28 Mawe kin he dee, wicotakuye teca kin en, wicota on papsonpi, woahtani kajuju kta heon.

29 Tuka heciciyapi, Detanhan hastanhanka iyuwi waskuyeca kin etanhan icimana mdatke kte šni, Ate tokiconze kin en anpetu wan teca unyatkanpi

kte cin hehanyan.

30 Unkan odowan wan ahiyayapi hehan tankan iyayapi, Oliwe paha kin he ekta.

31 Hehan Jesus hewicakiya; Hanyetu kin de niyepi owasin ehpemayayapi kta. Kaken wowapi en kagapi; Waawanhdake kin he awape kta, unkan hetanhan tahinca wanunyanpi optaye kin enanakiya iyayapi kta.

 32 Tuka ake wakini kinhan Galile ekta nitokam mde kta.

33 Hehan Inyan ayupte ca heciya ; Owasin ehpeniyanpi ešta, miye tohinni ehpeciye kte šni.

34 Jesus heciya; Hanyetu kin de anpaohotonna hoton šni itokam yamni anamayakihbe kta, awicakehan eciciya.

35 Inyan heciya; Nici mata ešta anacihbe kte šni. Waonspewicakiye cin iyuhpa nakun iyecen eyapi.

36 Hehan Jesus waonspewicakiye cin om can wojupi wan Gethsemane eciyapi kin he en i, qa hewicakiya; Den iyotanka po, ito kakiya cekiya mde kta.

37 Unkan Inyan qa Zebedee cinhintku kin napin iwicacu, qa iyokišica hinhda qanina yušaka.

38 Hehan hewicakiya; Minagi iyokišice hinca, mate kta iyececa; den kiktahan mici yukan po.

39 Unkan hetanhan kitan ecinyan iyoopte iyaye ca makata ehpeiciya, cekiye ca heya; Ate, okihipica kinhan, wiyatke kin de tokan imiciyaye kta; tuka miye wacin kin hee šni, niye token yacin kin hee ecetu kte.

40 Unkan waonspewicakiye cin ištinma hiyeya en wicahdi, qa Inyan heciya; Tokeca wihiyayedan oape wanji kiktahan mici yaunpi kta oyakihipi šni he?

41 Kiktahan unpi qa cekiya po, okinni taku wawiyutanyan un kin en idadapi nun ce. Wicanagi kin he wicada, tuka wicacehpi kin wašake šni.

42 Ake inonpa ekta iyaye ca cekiye ca heya; Ate, wiyatke kin de mdatke šni tokan imiciyaye kta okihipica šni kinhan, nitawacin ecen econpi nunwe.

43 Hehan ake en wicahdi, qa ištinma hiyeya wanwicahdaka ; išta hbapi hinca nakaeš.

44 Unkan ehpewicaye ca ake iyaye ca iyamni cekiya, oie un qon hena ake ohna ecen eya.

45 Hehan waonspewicakiye cin en wicahdi, qa hewicakiya; Wanna ništinmapi qa oziniciyapi he; iho, wanna iyehantu, qa Wicašta Cinhintku kin wahtanipi sa napepi kin en wicaqupi.

46 Najin po, unyanpi kta; iho, tuwe wiyopemaye cin he kiyedan u ce

47 Unkan iahan icunhan, iho, Judas, akenonpapi kin wanji ee, he hi, qa wicota wošnapi kagapi qa oyate kin en wicašta tankinyanyanpi etanhan, mazasagye cansagye ko yuha kici hipi.

48 Unkan tuwe wiyopeye cin he iwaktawicaye ca heya; Tuwe i iwaputake cinhan hee kta; sutaya yuza po.

49 Unkan katinyan Jesus en hi qa, Iho, Itancan, eye ca i iputaka.

50 Unkan Jesus heciya; Kicuwa, taku on yahi he? Hehan en hipi qa Jesus nape ahnakapi qa yuzapi.

51 Unkan, iho, Jesus kici unpi wanji nape hdukatin, qa mazasagye ehdaku, qa on, wošnapi kagapi itancan taokiye wanji ape ca noge kašpa.

52 Hehan Jesus heciya; Mazasagye nitawa ojuha en iyekiya wo; tona mazasagye ehdakupi kin owasin mazasagye kin on tapi kta.

53 Nakaha Ate cewakiya owakihi šni kecanni he; qa hinnakaha mahpiya ohnihde wicobe akenonpa sanpa maqu kta tuka?

54 Tuka hecetu kinhan, wowapi en kagapi, he decetu kta eyapi qon he token yuecetupi kta he?

55 Wihiyayedan oape kin he en Jesus oyate kin hewicakiya; Tokeca wamanon sa iyecen, mazasagye cansagye ko hduha takpe mayahipi he? anpetu otoiyohi tipi wakan kin ohna waonspeciciyapi manka, tuka mayaduzapi šni.

56 Tuka dena owasin econpi, wicašta wokcan taku owapi qon he yuecetupi kta heon. Hehan waonspewicakiye cin owasin ehpeyapi qa najicapi.

57 Unkan tona Jesus yuzapi kin hena Kaiaphas wošnapi kagapi itancan kin ekta ayapi, wowapi kagapi wicahincapi ko mniciyapi kin en.

58 Tuka Inyan itehan ihakam u, wošnapi kagapi itancan ti kin hehanyan, qa mahen ye ca ookiyewicayapi kin om iyotanka, owihanke kte cin he wanyake kta.

59 Unkan wošnapi kagapi qa wicahincapi kin, qa omniciye ocowasin, woitonšni wootanin oyakapi Jesus on akitapi, ktepi kte cin heon:

60 Tuka takudan iyeyapi šni; woitonšni woyakapi ota hipi, tuka takudan iyeyapi šni. Unhanketa woitonšni oyakapi nom hipi;

61 Qa heyapi; Wicašta kin de, Tipi wakan Wakantanka tawa kin he mdujuju, qa anpetu yamni kinhan ake piya wakage kta owakihi ce, eya ce.

62 Hehan wošnapi kagapi itancan kin najin hiyaye ca heciya; Dena taku iyanionpapi kin takudan adupte šni he?

63 Tuka Jesus inina yanka. Unkan wošnapi kagapi itancan kin heciya; Wakantanka ni un kin on wacajeciciyate, Messiya Wakantanka Cinhintku kin he niye hecinhan, unkokiyaka miye.

64 Unkan Jesus heciya; Niye ecen eha; tuka nakun heciciyapi; Tokata ekta Wicašta Cinhintku kin wowašake etapa eciyatanhan iyotanka qa mahpiya šapa akan u wandakapi kta.

65 Hehan wošnapi kagapi itancan kin šina hduhdehdece ca heya; Taku šica eya; taku on sanpa woyakapi unkakitapi kta he? iho, wanna šicaya ie cin he nayahonpi:

66 Token idukcanpi he? Unkan ayuptapi qa, He te kta iyececa ce, eyapi.

67 Hehan ite atagošapi qa nape on apapi; qa hunh kapsinpsintapi;

68 Qa heyapi; Messiya he niye, tuwe anipe cin he ito unkokiyaka po.

69 Inyan tankan tipi kin ohna iyoiankehan yanka; unkan wikoška wan en hi qa heciya; Qa niš nakun Jesus Galile etanhan kin he kici yaun qon.

70 Tuka iye owasin wicitokam anakihbe ca heya; Taku ehe cin he sdonwaye šni.

71 Unkan ohanzi hdepi kin ekta tankan iyaya, hehan wanji tokeca wanyake ca tona en unpi kin hewicakiya; De nakun Jesus Nazareth etanhan kin he kici un qon.

72 Unkan akeš anakihbe ca, Taku wakan namahon, wicašta kin de sdonwaye šni ce, eya.

73 Hehan ake iecadan tona en najinpi kin hena hipi, qa Inyan heciyapi; Awicakehan ewicatanhan yaun; iyae cin he oniyaka ece.

74 Hehan iapi šica ota eye ca, Taku wakan namahon, wicašta kin he ecaca sdonwaye šni ce, eya. Unkan ecahankeya anpaohotonna kin hoton.

75 Hehan Inyan, Jesus taku eciye ciqon, Anpaohotonna hoton šni kin itokam yamni anamayakihbe kta ce, eye cin he kiksuya. Unkan tankan iyaye ca nina ceya.

MATTHEOS WICOWOYAKE 27.

1 Unkan hanhanna hinca wošnapi kagapi kin owasin qa oyate kin en wicahincapi kin hena koya, Jesus token ktepi kta e he aiapi.

2 Unkan kaškapi hehan ayapi, qa Pontios Pilate wicašta itancan kin he kaipi.

3 Unkan Judas wiyopeye cin he wanna yacopi wanyaka, hehan iyopeiciye ca, mazaska wikcemna yamni kin, wošnapi kagapi wicahincapi ko ake wicakahi;

4 Qa heya; Wawahtani, wicawe taku iyaonpepica šni kin wiyopewaya ce. Unkan heyapi; He etanhan unkitokecapi šni? he niš niye.

5 Unkan mazaska kin tipi wakan kin en ehpeye ca kihda; qa hetanhan iyaye ca poskin icikte.

6 Unkan wošnapi kagapi kin mazaska kin hena icupi, qa heyapi; Mazaska opiye kin en unkohnakapi kta iyecece šni, wicawe iyopeyapi kin dena ee, heon etanhan.

7 Hecen wiyukcanpi qa hena on wakšica kage cin tamaga he opetonpi; ohna wicašta tokeca wicahapi kta.

8 Heon etanhan maga kin he, Wicawe maga, eciyapi, anpetu kin dehanyan.

9 Hehan Jeremiya wicašta wokcan taku eye ciqon yuecetupi; he kaken eya; Unkan mazaska wikcemna yamni, tuwe iyopeyapi qon, Israel cincapi kin hecen iyacinpi qon, hena icupi,

10 Qa wakšica kage cin tamaga kin iyopeyapi, Itancan kin econmaši iyececa.

11 Unkan Jesus wicašta itancan kin itokam inajin: Qa wicasta itancan kin wiwange ca heciya; Juda wicaštayatapi kin he niye he? Unkan; Nis heha ce, Jesus eya.

12 Unkan wošnapi kagapi wicahincapi ko taku iyaonpapi, tuka takudan ayupte šni.

13 Hehan Pilate heciya; Dena taku iyanionpapi kin nayahon šni he?

14 Tuka oie wanjidan ešta ayupte šni, hecen wicašta itancan kin nina yušinyaya.

15 Wotapi kin de iyehantu eca wicašta itancan kin wicakaškapi wanji kiyuška ece, tukte wanji oyate kin kicapi.

16 Unkan he ehan wanji tanyan sdonyapi, Barabbas eciyapi, he kaška hnakapi.

17 Hecen en mniciyapi hehan Pilate hewicakiya ; Unma tukte ciciyuškapi kta yacinpi he? Barabbas qa iš Jesus nakun Messiya eciyapi?

18 Winawizipi on he iye en kahipi e sdonya.

19 Unkan woyaco oiyotanke kin akan kiyotanka hehan tawicu kin tuwe en uši, qa heciya; Wicašta owotanna kin he takudan ecakicon šni we, on anpetu kin de wiwahamna en nina mayušinyaya ce.

20 Tuka wošnapi kagapi wicahincapi ko oyate kin wahokonwicakiyapi, Barabbas kicapi kta, qa Jesus ihangyapi kta.

21 Hehan wicašta itancan kin ake wiwicawange ca hewicakiya; Unma tukte ciciyuškapi kta yacinpi he? Unkan, Barabbas, eyapi.

22 Pilate hewicakiya; Jesus nakun Messiya eciyapi kin he token ecamon kta he? Unkan owasin; Icipaweh okatanpi kta, eciyapi.

23 Unkan wicašta itancan kin heya; Tokeca, taku šica econ kin tukte e he. Tuka nina panpi qa; Icipaweh okatanpi kta, eyapi.

24 Hecen Pilate takudan okihi šni, qa nina owodutaton icaga he wanyaka, hehan mini icu, qa wicota wicitokam nape hdujaja, qa heya; Wicašta owotanna kin de we kin miye en amaupi kte šni; niye ito wanyaka po.

25 Hehan oyate kin iyuhpa ayuptapi qa heyapi; He we kin unkiyepi qa unkicincapi koya en unkaupi nunwe.

26 Unkan hehan Barabbas wicakiciyuška; qa Jesus kapsinpsinta hehan icipaweh okatanpi kta e wicaqu.

27 Hehan wicašta itancan taakicita kin Jesus ti mahen ayapi, qa wicobe ocowasin en mniciyapi.

28 Qa iye tawokoyake kiyušdokapi, qa šina duta wan inkiyapi.

29 Qa wapepeka kazontapi on watešdake kagapi qa tešdagkicatonpi, qa cedi wan nape etapa kin on yuskiyapi; qa itokam canpeška makehde inajinpi, qa ihahapi, qa heyapi; Iho, Juda Wicaštayatapi kin.

30 Qa atagošapi, qa cedi kin icupi qa pa en apapi.

31 Unkan hecen ihahapi hehan šina kin ekiciyakupi qa iye tawokoyake qon kicunkiyapi, qa icipaweh okatanpi kta ayapi.

32 Tankan ayapi hehan wicašta wan Kurene etanhan, Simon eciyapi, he wanyakapi; unkan he cansusbeca kin kicicinkiyapi.

33 Unkan makoce wan Golgotha eciyapi, hewicapahu makoce eyapi kin he kapi, he ekta ipi;

34 Hehan miniša pizi icahiyapi kin hetanhan yatkekiyapi; tuka uta hehan yatke kta wicada šni.

35 Unkan hen icipaweh okatanpi, oeconna econpi qa tawokoyake kicipamnipi. Hecen wicašta wokcan oie qon yuecetupi; Mitawokoyake kicipamnipi qa onhdohda mitawa on oceonna econpi ce.

36 Unkan hen iyotankapi qa awanyakapi:

37 Qa wiyaonpapi kin de owapi qa pa iwankam ehnakapi; JESUS, JUDA WICAŠTAYATAPI KIN HE DEE.

38 Nakun wicašta wamanon sa nom kici icipaweh owicakatanpi, unma etapa eciyatanhan, qa unma iš catka tanhan econpi.

39 Unkan tona en hiyayapi kin hena aiapi, qa apomnamnapi;

40 Qa heyapi; Tipi wakan ihangyaye ca anpetu yamni ake piya yakage kte ciqon, niiciya wo. Wakantanka Cinhintku kin he niye hecinhan, cansusbeca kin etanhan kun ku wo.

41 He iyececa, wošnapi kagapi kin ihahapi, qa wowapi kagapi wicahincapi ko om heyapi;

42 Wicašta tokeca niwicaya ece, iye niiciye kta okihi šni; Israel wicaštayatapi tawapi hecinhan, iho, wanna cansusbeca kin etanhan kun ku kta, kinhan wicaundapi kta.

43 Wakantanka wacinkiye ciqon; tawa kta hecinhan wanna ehdaku kta; Wakantanka Cinhintku kin he miye ce, eye ciqon.

44 Nakun wicašta wamanon sa, kici icipaweh owicakatanpi kin hena iš eya iyecen i en hiyeyapi.

45 Unkan wihiyayedan oape šakpe hetanhan napcinwanka ape cin hehanyan makoce kin owancaya otpaza.

46 Unkan napcinwanka apa hehantu ecetu, Jesus howaye ca hotankakiya heya; Eli, Eii, lama sabakthani? Wakantanka mitawa, Wakantanka mitawa, tokeca ehpemayaya he, eyapi kin hee.

47 Unkan en najinpi kin he nahonpi qehan, apa heyapi; Elias kipan ce.

48 Unkan wanji etanhan inyang ye ca mini iyuhepe wan icu, qa miniskuya en oputkan, cedi wan icape ca yatkekiya.

49 Unmapi kin heyapi; Hinnahanka, Elias nikiya hi kta hecinhan ito wanunyakapi kta.

50 Tuka Jesus ake hotankakiya hotanin qehan, taniya kin hiyuya.

51 Unkan iho, tipi wakan cokaya ozanpi kin he okiyuhdecapi, wankantanhan qa kun ihanke kin hehanyan; nakun maka kin škanškan qa inyan namdecapi:

52 Qa wicahapi kin yuhdokapi, qa wicašta wašte ištinmapi kin hena ota hiyupi;

53 Qa wicahnakapi kin etanhan hninanpapi, qa otonwe wakan kin en hipi, qa wicota en taniniciyapi.

54 Unkan akicita tancan qa tona om Jesus awanyake cin hena maka kin škanškan qa taku econpi ko wanyakapi qehan, nina yušinyayapi qa, Awicakehan Wakantanka Cinhintku kin he dee tuka ce, eyapi.

55 Unkan winohinca ota hen unpi qa itehanyan wanyakapi; tona Galile etanhan upi qa okiyapi ece qon :

56 Mary Magdalene he wanji ee, qa Mary Jakob qa Joses hunku, qa Zebedee cincahunkupi kin.

57 Wanna htayetu hehan Arimathea etanhan wicašta wijica wan en hi, Joseph eciyapi, he nakun Jesus waonspewicakiye cin wanji ee:

58 He Pilate en i, qa Jesus tancan kin kida. Hehan Pilate tancan kin he quwicaši.

59 Unkan Joseph tancan kin he icu qehan, minihuha ska wan opazunta;

60 Qa ohna hnakapi tawa teea, imnija kin en kahdoke cin, he en ohnaka; qa inyan wan tanka ohna hnakapi i kin en eonpa, hehan kihda.

61 Unkan ohna hnakapi kin iyotakons,Mary Magdalene qa Mary unma qon iyotankehan yukanpi.

62 Unkan anpetu en ihduwiyeyapi ece kin he ihanhanna, hehan wošnapi kagapi qa Pharisee kin hena Pilate en hipi,

63 Qa heyapi; Itancan, wicahnaye sa kin de ni un qehan, Anpetu yamni hehan wakini kta ce, eya keyapi, he unkiksuyapi.

64 Heon etanhan wicahnakapi kin natag wicaši wo, anpetu yamni hehanyan; okinni waonspewicakiye cin hena en hipi qa tancan kin manon akiyahdapi kta, qa hehan, Wicate cin etanhan kini ce, oyate kin ewicakiyapi kta; hecen ehake wicahnayanpi kin he tokaheya kin isanpa tanka kta.

65 Pilate hewicakiya; Akicita wicaduhapi; hdapi qa token oyakihipi sutaya nataka po.

66 Hecen kihdapi qa wicahnakapi kin sutaya natakapi; inyan kin he apuspapi qa akicita en najinwicakiyapi.

MATTHEOS WICOWOYAKE 28.

1 Anpetu wakan owihanke kin ekta, wanna anpetu tokaheya ayanpa kta hehan, Mary Magdalene qa Mary unma kin, wicahnakapi kin wanyag hipi:

2 Unkan iho, maka škanškan wan tanka; mahpiya eciyatanhan Itancan taohnihde wan kun u, en hi qa tiyopa kin etanhan inyan kin yuptanye ca akan iyotanka.

3 He ite kin wakanhdi kin iyececa, qa tawokoyake kin wa iyecen ska:

4 Unkan he kokipapi on awanyakapi kin nina cancanpi qa wicašta tapi kin iyecen ayapi.

5 Unkan mahpiya ohnihde kin he waayupte ca winohinca kin hewicakiya; Niye kokipapi šni po; Jesus icipaweh okatanpi qon he oyadepi sdonwaya:

6 Den un šni; wanna ihduekicetu, heye ciqon iyececa: Kuwa po, Itancan kin wanke ciqon he wanyaka miye.

7 Qa kohanna hdapi qa, Wicate cin etanhan kini ce, waonspewicakiye cin ewicakiya po; unkan iho, Galile ekta nitokam iyaya ce, hen wandakapi kta; iho, wanna ociciyakapi.

8 Unkan wokokipe wowiyuškin tanka ko yuha koyahanna kihdapi; waonspewicakiye cin hoši wicakakipi kta inyang hdapi.

9 Unkan waonspewicakiye cin hoši wicakahdapi icunhan, iho, Jesus itkowicakipa qa heya; Wiyuškin po. Unkan en hipi qa siha en yuzapi qa ohodapi.

10 Hehan hewicakiya; Kopehdapi šni po; mihunkawanji owicakiyag ya po, Galile ekta yapi kta; heciya wanmayakapi kta ce.

11 Unkan hena hdapi icunhan, akicita awanyakapi qon etanhan wanjikji otonwe kin en hipi, qa wošnapi kagapi kin taku econpi kin owasin owicakiyakapi.

12 Unkan hena witaya mniciyapi, wicahincapi ko om, qa he akiiapi, hehan akicita mazaska ota wicaqupi;

13 Qa heyapi; Unkištinmapi icunhan waonspewicakiye cin hanyen hipi qa manon icupi ce, eya po.

14 Unkan he wicašta itancan kin nahon kinhan, unkiye ceunkiyapi kta, qa anaunnicikšinpi kta.

15 Hecen mazaska kin icupi, qa token onspewicakiyapi kin iyecen econpi; heon wicoie kin he Juda oyate kin en oyakapi ece, anpetu kin dehanyan.

16 Hehan waonspewicakiye cin akewanjipi, hena Galile ekta iyayapi, paha wan Jesus cajeyate ciqon hetu.

17 Unkan wanyakapi hehan ohodapi; tuka apa cetunhdapi.

18 Unkan Jesus en wicahi, owawicakiye ca heya; Mahpiya ekta qa niaka akan wowašake ocowasin maqupi:

19 Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

 20 Qa taku tona econcišipi kin owasin yuhapi kta e onspewicakiya po. Unkan iho, anpetu owasin cicipi waun, maka owihanke kin hehanyan. Amen.

MARKOS WOTANIN WAŠTE TAWA.

MARKOS WICOWOYAKE 1.

1 Jesus Messiya Wakantanka Cinhintku kin Wotanin Wašte tawa tokaheya kin he dee.

2 Wicašta wokcanpi kin en owapi qon iyececa; Iho, niite kin itokam wahoši mitawa yewaši kta, nitokam canku wiyeya enicihnake kta.

3 Wicaho wan hewotahedan hotanin kin hee, Itancan tacanku kin wiyeya ekicihnaka wo, ocanku owotanna kicaga wo.

4 Johannes hewotahedan baptem wicaqu, qa woahtani kajujupi kta, on iyopeiciyapi baptem wicaqupi kin he oyaka ece.

5 Unkan Juda makoce kin owancaya tanhan, qa nakun Jerusalem etanhan ekta yapi; unkan woahtani ohdaka, Jordan wakpa  kin en, iye owasin baptem wicaqu.

6 Unkan Johannes kamel hin kin koyake ca tehmiso wan ipiyagkiton; qa psipsicadan tuhmaga canhanpi ahna yuta ece:

7 Qa woyake ca heya; Mihakam wanji mikapeya wašake cin he u ce, he patuš nawajin qa hankpan  weciyušdoke kta iyemicihantu šni.

8 Miš miye awicakehan mini on baptem cicupi; tuka iye qe Woniya Wakan kin on baptem nicupi kta ce.

9 Unkan anpetu kin hena icunhan, Galile en Nazareth etanhan Jesus u, qa Jordan en Johannes baptem qu.

10 Unkan mini kin etanhan itanwankanhde ku qehan, ecahankeya mahpiya kin yuzamnipi qa Woniya Wakan kin wakiyedan kahya kuntkiya u qa en hiyahan, he wanyaka.

11 Unkan mahpiya eciyatanhan wicaho wan tanin, Micinkši waštewakidake ca tanyan iyomakipi kin he niye ce.

12 Hehan ecahankeya Woniya kin hewoskan makoce kin ekta kaham aya.

13 Unkan anpetu wikcemna topa hewotahedan makoce kin en un; qa hen Satan iyutanyan; wamanica kin om un, unkan mahpiya ohnihde kin okiyapi ece.

14 Unkan Johannes kaška hnakapi qehan, Jesus Galile en hi, qa Wakantanka tokiconze wotanin wašte kin oyaka:

15 Qa heya; Wanna iyehantu, Wakantanka tokiconze kin kiyedan un; iyopeiciya po, qa wotanin wašte kin wicada po.

16 Unkan Galile mde kin icahda omani, hehan Simon wanyaka, qa iye sunkaku Andrew nakun, mde kin en ho wan iyohpeyapi; hena hopsicapi kin hecapi nakaeš.

17 Unkan Jesus hewicakiya; Miyahna u po, kinhan wicašta wicadupsicapi kta cicagapi kta ce.

18 Unkan ecahankeya ho kin ehpekiyapi, qa ihakam iyayapi.

19 Unkan hetanhan kitan ecinyan iyoopta ye ca, Jakob Zebedee cinhintku, nakun sunkaku Johannes eciyapi, wanwicayaka; hena wata ohna ho kin piyapi.

20 Unkan ecahankeya wicakico; unkan atkukupi Zebedee, qa tona wowidake wicayuhe cin hena om, wata kin en ehpewicayapi, qa ihakam iyayapi.

21 Hehan Kapernaum en yapi; unkan anpetu wakan icunhan omniciye tipi kin katinyan en ye ca, woyaka.

22 Unkan taku oyake cin on yušinyayapi; wicašta itancanyan waonspewicakiya, qa wowapi kagapi kin iyecece šni.

23 Unkan omniciye tipi kin he ohna wicašta wan woniya šica yuha; unkan he howaya,

24 Qa heya; Unkayuštan po; Jesus Nazareth etanhan, taku ecaunniconpi he? ihangunyayapi kta yahi he? nituwe kin sdonwaya, Taku Wakan Wanji Wakantanka tawa kin he niye.

25 Hehan Jesus iyopeye ca heciya; Inina yanke ca, tankata hninanpa wo.

26 Unkan woniya šice cin he wicašta kin yuhdece ca, hotankakiya hotanin, hehan tankan hinanpa.

27 Unkan owasin inihanpi qa heya ikiciwangapi; De taku he? de woonspe teca kin tukte e he? woniya šice cin itancanyan owawicakiya, unkan anagoptanpi ece.

28 Unkan hetanhan Galile makoce ihdukšan owancaya ohan kin oyakapi.

29 Unkan omniciye tipi kin etanhan hdicupi, hehan katinyan Simon qa Andrew tipi tawapi kin en yapi, Jakob qa Johannes nakun opapi.

30 Tuka Simon tawicu hunku kin he tancan kata on wayazanka yanka; unkan he okiyakapi.

31 Hehan en hi, qa napata yuze ca najinkiya; unkan ecahankeya tancan kata ayuštan, qa hehan owicakiya.

32 Wanna htayetu, wi iyaya hehan, wayazankapi kin owasin yanke cin en awicahipi, tona wakanšica wicayuhnaškinyan hena koya.

33 Hecen otonwe kin ocowasin tiyopa kin en kata iheya.

34 Unkan wowayazan toktokeca on wayazanpi kin ota asniwicaya, qa taku wakan šica ota nakun tankan hinanpe wicakiya; qa wakan šice cin hena ia; iyowinwicakiye šni, hena iyekiyapi nakaeš.

35 Unkan ihanhanna, hinahin anpa itehan, hehan inajin, qa tankan inape ca, hewotahedan makoce wan ekta ye ca, hen wocekiye eya.

36 Unkan Simon tona om un kin hena koya ihakam iyayapi.

37 Qa iyeyapi hehan heciyapi; Owasin anicitapi ce.

38 Unkan hewicakiya; Otonwe ikiyedan kin hena en unyanpi kta; hen nakun womdake kta; heon etanhan wahi ce, eya.

39 Unkan Galile makoce kin owancaya, omniciye tipi kin ohna woyake ca wakan šica hinape wicakiya ece.

40 Unkan wicašta wan lepros ececa, he en hi, qa cekiya, canpeška makehde inajin qa heciya; Yacin kinhan ska mayakage kta oyakihi.

41 Unkan Jesus ongikida, nape ekta yekiye ca,  yutan qa heciya; Wacin, ska un wo.

42 Unkan heye cin hecehnana lepros ececa qon he ayuštan, qa ska icaga.

43 Hehan tanyan wahokonkiye hetanhan hdeši; 

44 Qa heciya; Ihnuhan tuwe taku eyakiye cinhan; tuka hde ca wošna kage cin he en hdutanin wo qa niyuskapi kta on taku Moses econ wicaši qon hena wayušna wo, hecen iyepi ekta woyutanin kta.

45 Tuka tankan hde ca, nina ohdake ca, owancaya yaotanin, hecen hetanhan Jesus otonwe kin en taninyan ye kta okihi šni, tuka tankan hewotahedan un ece: unkan owancaya tanhan yanke cin en hipi ece.

MARKOS WICOWOYAKE 2.

1 Anpetu tonana iyohakam hehan ake Kapernaum en i; unkan ti mahen yanka he oyakapi.  

2 Unkan hecehnana wicota en mniciyapi, hecen tuktedan hipi kte šni, tiyopa kin itankan tanhan ocikan šni: unkan wicoie kin owicakiyaka.

3 Unkan hehan en hipi, wicašta wan tatake cin wicašta tom akiyuhapi, he en aupi.

4 Unkan wicota kin on tokadan ikiyedan upi šni, hehan tipi akahpe kin yuhdokapi; he yujujupi hehan tatake cin owinja akan yanka ecehna en yuhukun iyeyapi.

5 Unkan wacinyanpi kin he, Jesus wanyake cehan, tatake cin heciya; Cinš wayahtani kin nicicajujupu ce.

6 Tuka wowapi kagapi wanjikji hen iyotankehan unpi kin hena cante mahen hecinpi;

7 Tokeca wicašta kin de šicaya ia he? Tuwe woahtani kajuju kta okihi he, Wankantanka ecedan?

 8 Unkan hena hecekcen awacinpi kin, Jesus iye tawacin ekta sdonya, hehan hewicakiya; Tokeca hena hecekcen awacanipi he?

9 Wayahtani nicicajujupi, qa iš, Najin, owinja ehdaku qa mani wo, tatake cin eciyapi kta, unma tukte wašakadan he?

10 Tuka Wicašta Cinhintku kin he maka akan woahtani  kajuju kta okihi, he sdonyayapi kta; hehan tatake cin he heciya;

11 Najin, qa owinja ehdaku, qa yati ekta hda wo, eciciya ce, eya.

12 Unkan hecehnana najin hiyaye ca, owinja ehdaku, qa owasin wicitokam tankan kihda; hecen owasin inihanpi, Wakantanka yatanpi qa heyapi; Tohinni taku dececa wanunyakapi šni.

13 Hehan ake tankan mde kahda iyaya ; unkan wicota en mniciyapi; unkan waonspewicakiya.

14 En hiyaya icunhan, Lewi, Alpheus cinhintku, mazaska mnayanpi ece kin en iyotanka, he wanyake ca; Miyahna u wo, eciya. Unkan najin hiyaye ca ihakam ya.

15 Unkan he ti kin ohna Jesus wota iyotanka, hehan mazaska mnayanpi wahtanipi sa ko ota Jesus kici iyotankapi, waonspewicakiye cin hena koya: wicota qa ihakam unpi ece.

16 Unkan wowapi kagapi Pharisee ko, waumayanpi qa wahtanipi sa om wota yanka wanyakapi, hehan waonspewicakiye cin hewicakiyapi; Tokeca e wamnayanpi wahtanipi sa ko om wota qa wayatkan he?

17 Jesus he nahon, hehan hewicakiya; Tona zanipi kin hena pejihutawicašta kin cinpi šni, tuka wayazankapi kin hena e cinpi: wicašta owotanna kin heca on wahi šni, tuka wahtanipi sa iyopeiciyapi kta e wicakico wahi ce.

18 Johannes waonspewicakiye cin hena, qa Pharisee tawapi kin akihaniciyapi ece; unkan en hipi qa heciyapi; Tokeca e Johannes waonspewicakiye cin hena, qa nakun Pharisee tawapi kin, akihaniciyapi he, tuka waonspewicayakiye cin hena akihaniciyapi šni?

19 Unkan Jesus hewicakiya; Wakankiciyuzapi cinca kin hena tohanyan tawicu ton kte cin om un kin hehanyan akihaniciyapi kta okihipi he? Tohanyan tawicu ton kte cin yuhapi kinhan, hehanyan akihaniciyapi kte šni.

20 Tuka anpetu kin u kta, tohan tawicu ton kte cin he ewicakiciyakupi kta, unkan anpetu kin hena en akihaniciyapi kta.

21 Tuwedan šina teca onšpa onhdohda tanike cin en akihdagton šni; hecon kinhan onšpa teca en akagegepi kin he tanike cin etanhan namna kta, hecen oyuhdece kin sanpa tanka aya.

22 Nakun tuwedan miniša teca ojuha tanike cin en okaštan šni; hecon kinhan miniša teca kin he ojuha tanike cin kahdeca ece, hecen miniša skepe ca ojuha kin ihangyapi; tuka miniša teca kin ojuha teca kin en okaštanpi kta.

23 Unkan anpetu wakan icunhan wojupi kin ehna iyaya; qa waonspewicakiye cin, yapi icunhan, wahuwapa yuksapi.

24 Hehan Pharisee kin heciyapi; Wanyaka wo, anpetu wakan icunhan, taku econpi kta iyecece šni tokeca econpi he?

25 Unkan hewicakiya; Dawid qa tona om un qon, wotektehdapi qa cinpi qehan, token econpi qon he dawapi šni he?

26 Abiathar wošnapi kaga itancan taanpetu kin en, Wakantanka ti kin en ye ca, wayutanin aguyapi kin he yute ca, om un kin hena nakun wicaqu; he wošnapi kagapi išnana yutapi kta tuka?

27 Unkan hehan hewicakiya; Anpetu wakan kin he wicašta on kagapi, qa wicašta kin iš anpetu wakan kin on kagapi šni:

28 Heon etanhan Wicašta Cinhintku kin anpetu wakan kin en Itancan un.