Hosea 1-4

HOSEA

WICOWOYAKE 1.

1 Uzziah, Jotham, Ahaz qa Hezekiah, Juda wicaštayatapi kin taanpetu kin en, qa Jeroboam Joash cinhintku Israel wicaštayatapi taanpetu kin en, Jehovah oie Hosea Beeri cinhintku en hi kin he dee.

2 Jehovah oie Hosea etanhan tokaheya kin dee. Unkan Jehovah Hosea heciya; Ya wo, winohinca witkowinna wan yuza wo, qa wicacinca wawicihahapi etanhan: Jehovah icunonpa tnakoce kin wawicihahapi nina econ nakaeš.

3 Hecen iyaye ca Gomer Diblaim cunwintku kin he yuza: unkan he ihdušake ca hokšidan wan kiciyuha.

4 Hehan Jehovah heciya; Jezreel eya caškiton wo; ehake cistiyedan hehan Jezreel we kin on Jehu tipi kin en wai kta, qa Israel tipi kin etanhan wokiconze kin ayuštanwakiye kta nakaeš:

5 Qa anpetu kin he en Jezreel kaksiza kin ohna Israel tinazipe kin mduweje kta ce.

6 Hehan ake ihdušake ca wicinca wan yuha. Unkan heciya; Lo-ruhamah eya caškiton wo: Detanhan icimana Israel tiyohnaka kin onsiwakida kte šni nakaeš; tuka ocowasin yutokan iyewicawaye kta ce.

7 Tuka Judah tiyohnaka kin onšiwicawanida kta, qa Taku Wakan tawapi Jehovah hee on niwicawakiye kta; qa itazipe, qa mazasagye, qa okicize, qa šuktanka, qa šuktankawicaštapi akan yotankapi kin on niwicawakiye kte šni ce.

8 Unkan Lo-ruhamah wanna azin ayuštankiya, hehan ihdušaka qa hokšidan wan yuha.

9 Hehan Wakantanka heya; Lo-ammi eya caškiton wo: Oyate mitawa kin he niyepi šni nakaeš, qa nakun tawamayayapi kte šni ce.

10 Hececa e ta Israel cinca wicayawapi kin he miniwanca wiyaka iyutepica šni qa yawapica šni kin iyecece kta. Unkan kaketu kte, tiikten, Mitaoyate kin niyepi šni ce, ewicakiyapi qon, hen, Wakantanka ni un cinca kin, ewicakiyapi kta.

11 Hehan Judah cinca qa Israel cinca kin yuwitayapi kta; unkan wicašta itancan wanjidan hdahnijyapi kta; qa makoce kin etanhan upi kta; Jezreel taanpetu kin he tanka kta nakaeš

HOSEA WICOWOYAKE 2.

1 Nihunkawanjipi Ammi, qa nitawinohtinpi Ru-hamah, hewicakiya po:

2 Cekiya po, inayayapi kin cekiya po: he qe winohinca mitawa kin ee šni, qa nakun wicašta tawa kin he miye šni: heon etanhan witkowinna ohanye cin hena iye isfa kin etanhan, qa wawicihahapi econ kin iye aze otahedan tanhan ehpekiye kta:

3 Okinni beyake yusdogwakiye kta, qa anpetu en tonpi qon iyecen ewahnake kta, qa hewoskantu wan iyececa waka e kta, qa makoce puza wan iyececa ewahde kta, qa ipuzapi on tewakiye kta:

4 Qa iye cinca kin hena onsiwicawakida kte šni, hena wawieihahapi cinca kin heca nakaeš.

5 Hunkupi kin he wawicihahapi econ ece: tuwe wicayuhe cin he wawistenya ohanyan:  Waštemadakapi kin hena wicij bakam miie kta ce, hena airuyapi mitawa, qa mini mitawa, tahinca hin mitawa qa hahonta mitawa, wihdi mitawa qa miniša mitawa maqupi ece, eya nakaeš.

6 Heon etanhan iho, canpepe kin on nitacanku kin aonawataj ke kla, qa acanwakaške kta, hecen canku tawa qon hena iyekiye kte šni.

7 Qa waštekidapi kin hena nina kuwa awiraye kta, tuka ewicakihdege kte šni; qa owicade kta, tuka lyewicaye kte šni. Hehan heye kta; Mde ca wicašta tokaheya mduhe ciqon he ekta wahde kta: hektam tanyan waun qon dehan iyecece šni nakaeš.

8 He miye wamnaheza, qa wihdi miniša kici waqu, qa mazaska mazaskazi ko weciyuota he sdonkiye šni; hena Baal qupi ece.

9 Heon etanhan wahdiyaku kta, qa iyehantu kinhan wamnaheza mitawa ewehdaku kta, qa minima mitawa tohan iyehantu kinhan, qa tahinca hin mitawa hahonta ko, on tancodan ahdahpe kta tuka qon hena ake iwekcu kta.

10 Qa wanna waštedakapi igtapi itokam tawowištece kin mdutanin Uta: unkan tuwedan minape etanhan eyaku kte šni.

11 Nakun tawowiyuškin kin ocowasin ayuštan wakiye kta, woharipi anpetu tawa, wi teca tawa, anpetu wakan tawa, qa omniciye wakan tawa kin iyuhpa.

12 Qa hastanhanka iyuwi tawa, qa witansna hu tawa, on, Waštemakidapi iyunwin maqupi kin dena ee ce, eye ciqon, hena ihangwaye kta: unkan hena otehi wakaj e kta, qa tinta woteca kin henayutapi kta.

13 Qa Baalim taanpetu kin hena on iyopewaye kta, he ehan wizice izinwicakiya, qa oinpi wanapin ko on ihduwašte, qa waštekidapi qon wicihakam iyaya, qa miye amiktonja ce, Jehovah eya.

14 Heon etanhan iho wo, miye wicadawakiye kta, qa hopuza en awai kta, qa cante ekta owakiye kta.

15 Qa hetanhan hastanhanka ojupi kin wecu kta, qa Achor kaksiza kin he wowacinye tiyopa kta. Hehan anpetu en wikoška  qon iyececa hen dowanwan kta, qa anpetu Egypta makoce kin etanhan hinanpe ciqon he iyececa.

16 Unkan anpetu kin he en, Iši ernayakiye kta, qa icimana Baali emayakiye kte šni ce, Jehovah eya.

17 Baalim cajepi kin iye i kin etanhan emdaku kta nakaeš, qa cajepi kin hena on icimana kiksuyapi kte šni.

18 Qa anpetu kin he en wicotakuycwan wicawecicaie kta, tinta woteca kin om, qa mahpiya okinyanpi kin om, qa maka asdohan unpi kin hena om: qa makoce kin etanhan itazipa, qa mazasagye, qa canhpi kin hena mdawehwege kta; qa wikopešniyan iwanke wicawaye kta ce.

19 Nakun owihanke wanica he-hanyan cihduze kta: han, woowotanna en cihduze kta, qa woyaco en, qa wawacinkta yuzapi tanka en, qa wowaonšida en:

20 Han, wowicake en miye cihduze kta: unkan niye e Jehovah sdonyaye kta ce.

21 Unkan anpetu kin he en kaketu kta, waamdupte kta, Jehovah eya; mahpiya kin amdupte kta; qa mahpiya kin he maka kin ayupte kta:

22 Qa inuka kin a uyapi ayupte kta, qa miniša qa wihdi nakun; unkan hena e Jezreel ayupte kta.

23 Qa makoce kin en he omiciju kta: nakun onšidapi šni qon he onsiwakida kta, qa mitaoyate šni qon hena, Mitaoyate, ewicawakiye kta; unkan hena e, Mita Wakantanka ce, eyapi kta.

HOSEA WICOWOYAKE 3.

1 Hehan Jehovah hemakiya; Ake ya wo, winohinca wan takodaku waštekida, tuka witkowinna heca he waštedaka wo, Jehovah Israel cinca waštewicakida ke cin iyececa; hena e taku wakan tokeca ekta etonwanpi, qa hastanbanka paskicapi kin waštedakapi ece.

2 Hecen rnazaska akezaptan on wamduhpe, qa barley homer wanjidan,qa sanpa homer hanke on:

3 Qa miye hewakiya; Anpetu ota mici yaun kta, wawicihahapi ecanon kte šni, qa wicašta tokeca kici yaun kte šni: hecen miš cici waun kta ce.

4 Anpetu ota Israel cinca kin wicaštayatapi nicapi kta, qa wicašta itancan wanica, qa wošnapi wanica, qa wošna wanica, qa ephod wanica, taku wakan kagapi koya.

5 He iyohakam Israel cinca kin hdicupi kta, qa Taku Wakan tawapi, Jehovah hee okidepi kta, qa David wicaštayatapi tawapi qon: qa anpetu ehake kin en Jehovah qa iye Towašte kin kokipapi kta ce.

HOSEA WICOWOYAKE 4.

1 Israel cinca, Jehovah oie kin nahon po: makoce en ounyanpi kin hena om Jehovah woakinica wan yuha; wowicake, qa wowaonšida, qa Wakantanka sdonyapi kin makoce kin ohna wanica nakaeš.

2 Wayašicapi, qa itonpišni, qa tin wicaktepi, qa wamanonpi, qa wawicihahapi econpi kin hena on waihdušicapi; qa we we icahtaka ece.

3 Heon etanhan makoce kin ceye kta, qa en ounyanpi kin otoiyohi hanye kta, tinta woteca kin nakun, qa mahpiya okinyanpi kin hena koya; han, miniwanca ho an kin hena nakun ihangyapi kta.

4 Tuka wicašta tuwedan tuwe tokeca kici akinica kte šni, qa iyopeye kte šni: nitaoyate kin tona wawayušna kin kici akinicapi kin iyececapi nakaeš.

5 Hcon etanhan anpetu kin en nihinhpaye kta, qa hanyetu en wicašta wokcan kin iš nici hinhpaye kta, unkan nihun awihnuni waye kta ce.

6 Mitaoyate wosdonye codan unpi kin on awihnunipi: Niye wosdonye ayakta šni, heon wawayušna mici yaun kin etanhan ehpeciye kta: Taku Wakan nitawa toope kin ayektonja, heon etanhan miš eya nicinca kin awektonje kta ce.

7 Wicayuotapi kin he iyecen wamakihtanipi ecee: towitanpi kin he wowištece wicawecicage kta.

8 Mitaoyate wahtanipi kin hena temya iyeyapi; qa taku šica econpi kin cante ekta yeyapi ece.

9 Heon etanhan oyate token un kin iš wawayušna kin iyecece kta: qa iye tacankupi ohna kakišwicawaye kta, qa taku econpi kin on wicawecicajuju kta ce.

10 Hena wotapi kta, tuka imnanpi kte šni: wiinahmanpi econpi kta tuka he on ihduotapi kte šni: Jehovah ohodapi kta he ayuštanpi nakaeš.

11 Wiinahmanpi, qa miniša, qa miniša teca, hena wicacante manonpi ece.

12 Mitaoyate can okikjupi kin he wiwangapi, qa cansagye tawapi kin he wowicakihyaka ece: wiinahmanpi oniya kin he nuniwicakiya nakaeš, qa Taku Wakan tawapi kin etanhan iyawicihahaya iyayapi.

13 He ipa kin akan wawayušnapi ece, qa paha kin akan wizice iziteyapi, utuhu can, qa waga can, qa wazi can ihukukuya, ohanzi kin wašte nakaeš: Heon etanhan nicunkšipi inahmanpi kta, qa takoswicayayapi kin wawicihahapi econpi kta.

14 Nicunkšipi inahmanpi kinhan wicawakaštake kte šni, qa takoswicayayapi wawicihahapi econpi kinhan: iyepi qaeš wiinahmanpi kin om iyayapi, qa witkowinpi kin om wawayušnapi ece: heon etanhan oyate okahnige šni kin he awihnuni kta.

15 Niye, Israel, wawicihahaya ecanon qeyaš, ihnuhan Judah wahtani kinhan: nakun niye Gilgal en upi šni po, qa Beth-aven ekta yapi šni miye, qa, Jehovah ni un ce, eya iciconzapi šni po.

16 Pte heyuktanna wawakipajin kin he iyecen Israel wawakipajin ece: Tuka wanna owanka tanka ohna tacinca wan iyececa Jehovah wihanwicakiye kta ce.

17 Ephraim wakagapi en ihdaška: ito ayuštan wo.

18 Wayatkanpi kin he šica: wawicihahapi nina econpi ece: wicašta itancan tawa kin hena waštedapi, wowištece waštedakapi.

19 Tate kin he iye tahupahu en opahta; hecen tawošnapi kin on ištecapi kta tuka.