Psalm Wowapi 101-119

PSALM 101.

David tadowan.

1 Wowaonšida qa woyaco on wadowan kta; Jehovah, niye icidowan kta.

2 Canku yuštanpi wan ohna wacin waksape kta: Tohan en mayahi kta he: Cante ocowasin hduha wati ohna mawani kta.

3 Miišta itokam wicoie šica ewehnake kte šni; Taku šica econpi kin hena šicewadaka; Miye en amaskape kte šni.

4 Wicacante pemnt kin he amayuštan kta; Taku šica sdonwakiye kte šni.

5 Tuwe takodaku nahmana aie cin he ihangwaye kta: Tuwe ista tanka qa wananicida kin iyowinwakiye kte šni.

6 Makoce en tona wicakapi kin Miišta awicatonwan; Hena mici unpi kta; Tuwe canku yuštanpi omani kin he omakiye kta.

7 Tuwe wohnayan econ kin he wati en ounye kte šni; Tuwe itonšni kin he Miišta itokam yanke kte šni.

8 Hanhanna eca, makoce kin en, tona Šicapi Owasin ihangwicawaye kta; Hecen Jehovah totonwe kin etanhan, Tona Šicaya econpi kin owasin ehpewicawaye kta.

PSALM 102.

Wocekiye wan. Tuwe iyotanhan iyekiye, kakija qa Jehovah itokam waeicahowaye cin he tawa.

1 Jehovah, wocekiye mitawa nanon wo; Qa houwaye cin he en niu nunwe.

2 Niite anamakihbe šni wo; Makakija anpetu kin en anohmakiya wo; Houwaye anpetu kin en amayupta inahni wo.

3 Mitaanpetu kin šota iyaya; Qa mahuhu can šeca iyecen itkon.

4 Micante peji iyecen šnišyapi qa puš aya; Aguyapi hduta awektonja:

5 Wašicahowamda ho kin on, Micehpi kin mahuhu en askapa.

6 Tinta mdega wan iyemaceca; Hinhankaga otiwota en iyecen waun.

7 Kiktahan waun, qa zitkadan wan Tice ekta išnana un kin iyemaceca.

8 Anpetu osan tokamayanpi kin iyopemayanpi; Tona canniyemayanpi kin hena osteniahdapi ece.

9 Aguyapi iyecen cahota wata; Qa wamdatke cin he ceyapi kici icahiwaya;

10 Wošinhda qa wocanniye nitawa kin on etanhan: Yuwankan imayacu qa ehpemayaye cin heon.

11 Mitaanpetu ohanzi takinyan ye cin iyececa; Qa miye qe peji iyecen mašnija.

12 Tuka niye, Jehovah, owihanke wanin idotanke kta; Qa wokiksuye nitawa kin he wicoicage qa wicoicage hehanyan.

13 Niye nayajin kta, Zion onšiyakida kta; Tohan okiyapi kta wanna iyehantu, Han, tohan iyehantu hince cinhan:

14 Tohan inyan tawa kin nitaokiye waštedakapi; Qa watusekseca on iyokipipi kinhan.

15 Unkan Ikcewicašta Jehovah caje kin kokipapi kta; Qa nitowitan kin, maka wicaštayatapi owasin.

16 Jehovah Zion kage cin heon; lye towitan en ihdutanin.

17 Onsike tawocekiye ekta ihduhomni; Qa wocekiye tawapi kin šicedake šni.

18 Wicoicage u kte cin on de owapi kta; Qa oyate wan icage kte cin he Jehovah yatanpi kta.

19 Towakan paha kin etanhan eyokasin; Jehovah mahpiya etanhan maka kin ahitonwan;

20 Kaška unpi comnihdazipi kin nahon kta; Wiconte cinca kin wicakiyukce kta.

21 Zion en Jehovah caje kin oyakapi kta; Qa iye yatanpi kin, Jerusalem en:

22 Oyatepi witaya mniciyapi kin en; Qa wokiconze kin, Jehovah ohodapi kta.

23 Canku ohna mitowašake kin kun ehpeya; Mitaanpetu kin yuptecedan.

24 Mita Wakantanka, mitaanpetu cokaya en, emayaku šni wo, epe kta: Waniyetu nitawa wicoicage wicoicage hehanyan.

25 Otokahe ekta maka kin sutaya eyahde; Qa ninape taku kage cin mahpiya kin hee.

26 Hena awihnuni kta, tuka niye yani kta; Qa hena owasin šina iyecen kuke kta; Wokoyake iyecen hena dutokeca kta; Unkan yutokecapi kta.

27 Tuka he niye, Qa waniyetu nitawa owihanke kte šni.

28 Nitaokiye cinca kin ounyanpi kte; Qa iye cincapi kin nitokam wicayusutapi kte.

PSALM 103.

David tawa.

1 Minagi, Jehovah yawašte wo; Qa taku mahen maun kin owasin, iye caje wakan kin.

2 Minagi, Jehovah yawašte wo; Qa taku wašte econ kin owasin akiktonje šni wo.

3 He wayahtani owasin nicicajuju; Waniyazan kin iyuhpa ašniniyan:

4 Wicotakunišni etanhan nitaniya opekiton; Wowaonšida qa wocantekiye on wateš da šni caton.

5 Taku wašte on nitaanpetu ojudan ya; Hecen koniska ihduteca, wamdi iyececa.

6 Jehovah woowotanna ece econ, Qa woyaco, tona kakiswicayapi owasin on.

7 Iye tacanku kin Moses sdonyekiya;  Qa Israel cinca, iye ohan tanka kin.

8 Jehovah wacantkiye ca waonšida; Tehan canteptanye šni, qa wawacinkta yuza tanka.

9 Ohinniyan wicakige kte šni; Qa owihanke wanin canniye wicaye kte šni.

10 Waunhtanipi kin iyecen ecaunkiconpi šni; Qa taku šica unkitawapi iyecen unqupi šni.

11 Mahpiya kin maka iwankam tehanwankantu kin, He iyecen iye towaonšida tona kokipapi kin iwankam waiake hinca.

12 Wiyohiyanpa etanhan wiyohpeyata hehanyan; Ihehanyan waunhtanipi kin yutokan ehpeunkiciciyapi.

13 Ateyapi wan iye cinca onsiwicakida kin iyececa, Jehovah tona kokipapi kin onsiwicakida ece.

14 Token unkicagapi kin he sdonya; Maka mdu heuncapi he kiksuya.

15 Wicašta taanpetu kin hena wato iyececa; Tinta wahca kin he iyecen hca aya:

16 Tate oniya wan iwankam iyaya, Unkan en un šni; Qa tohe kin icimana sdonkiye kte šni.

17 Tuka Jehovah towaonšida otokahe wanica, Qa owihanke wanice kta, tona kokipapi kin on; Qa toowotanna kin cincapi sanpa cincapi kin en:

18 Tona wicotakuye tawa kiciyuhapi; Qa tawoahope econpi kta on kiksuyapi kin hena.

19 Jehovah mahpiya kin en oiyotanke ekihde; Qa tokiconze kin taku owasin wowidagya.

20 Ohnihde wakan tawa, Jehovah yawašte po; Wowašake itancanpi, iye oie ecen ecanonpi; lye oie ho kin anayagoptanpi kta.

21 Taobe kin owasin, Jehovah yawašte po; Taokiyeniyanpi, iye tawacin ecen ecanonpi.

22 Taku kage cin owasin, Jehovah yawa te wo; Tokiconze owanka kin owasin ohna: Minagi, Jehovah yawa e wo.

PSALM 104.

1 Minagi, Jehovah yawašte ye: Jehovah, mita Wakantanka, niye nitanka hinca: Woyuoniban qa wotanka koyahdaka.

2 Sina wan iyecen iyoyanpa hdoin: Ozanpi wan iyecen mahpiya kin hdumdaya.

3 Mini tanka on tipi icicaga; Mahpiya sapa km canpahmihma ya; Tate hupahu kin on icimani ece.

4 Tateyanpa kin hona ohnihde wicakaga; Peta ide kin taokiye ya ece.

5 Maka kin tohe akan sutaya ehde; Hecen owihanke wanica yutokanpi kte m.

6 Miniwanca on wokoyake iyecen ayakafipa; Mini tanka kin paha iwankam hiyeya.

7 Yakišica hehan najicapi; Wakinyan nitawa hoton kin on napapi.

8 Paha iyecen wankan yapi; Kaksiza iyecen kun ipi; Owanka kin de yecage cin ekta.

9 Oicago wan yakaga, sanpa yapi kte ai; Ake maka kin apašbog hiyu kte šni.

10 Kaksiza kin en minihdoka inanpe ya; Hena paha kin otahedan kaduza ece.

11 Tinta wamanica owasin etanhan mini yatkanpi: Hen šonšonna itu unpi kin ipuza enakiyapi.

12 Iwankam mahpiya okinyanpi kin otipi; Can adetka ehna hotonpi ece.

13 Wankan tipi tawa etanhan he kin amagajuya: Niohan etanhan taku icage cin on maka kin imnahan.

14 Wato kin he woteca icahwicakiciya; Qa waskuyeca, wicašta woju kin on; Hecen maka kin etanhan aguyapi hinanpe ye kta.

15 Qa miniša wicašta cante iyuškinkiya, Wihdi isanpa ite kin iyehkiye kta; Qa aguyapi wicacante yusuta ece kin he.

16 Jehovah can tawa kin imnahan; Lebanon hante iye oju kin hena.

17 Hena en zitkadan hohpi kagapi; Hoka wacantkiye cin he wazi en otipi.

18 He tehanwankantu kin tatokadan tawapi; Qa imnija kin hitunkasan wowinape yapi.

19 Makoncage on hanyetu wi kin kicaga: Anpetu wi tohan iyaye kte cin he sdonkiya.

20 Otpaza yakaga, unkan ecen hanyetu; Hehan contanka wamanica owasin hinanpapi.

21 Mnaja cinea taku iyahpayapi kta ahotonpi; Qa Wakantanka woyute kidapi ece.

22 Wi hinanpa, hehan witaya hdipi; Qa wasunpi kin en hdiwankapi ece.

23 Hehan wicašta wicohtani ekta ya; Qa htayetu hehanyan wicohan econ ece.

24 Jehovah, niohan kin hena ota hinca; Woksape on hena owasin yakaga: Wowijice nitawa on maka kin oJudahn.

25 Miniwanca kin de tanka qa ohdakinyan hanska; Hen taku škanškan yukan, qa yawapica šni; Taku niyake un cikcistinna tankinyanyan koya.

26 He ohna wita wata kin ohnihdapi: Unktehi kin de ohna skate kta yakaga.

27 Hena owasin niye wacinniyanpi: Tohan iyehantu eca woyute wicayaqu ece kta.

28 Niye wawicayaqu, hena pahipi; Ninape yahdumdaya, taku wašte on imnanpi ece.

29 Niye niite nayakihbe, hena nihinciyapi: Woniya ewicayeeiyaku, hena tapi; Qa maka mdu ekta hdapi.

30 Nitaniya yeyaši, hena icagapi: Qa makoce ite kin duteca ece.

31 Jehovah towitan kin owihanke wanice kte: Jehovah iye ohan kin on ihduskin nunwe.

32 He maka kin en etonwan, unkan cancan: Paha kin yutan, unkan hena izitapi.

33 Tohanyan wani kin Jehovah iwadowan kta; Waun kin hehanyan mita Wakantanka wakahimdamde kta.

34 Iye awacin waun kin he skuye kta: Jehovah en imduškin kta.

35 Wahtanipi sa maka kin etanhan owihankepi kta; Qa wicašta šica icimana en unpi kte toi. Minagi, Jehovah yawašte wo. Jehovah yawašte po.

PSALM 105.

1 Jehovah wopida eciya po, Iye caje hoyekiya miye; . Iye ohan tanka oyatepi ehna oyaka po.

2 Iye idowan po, odowan kahiyaya miye; Iye tawowapetokcca kin owasin awacin po.

3 Iye caje wakan kin itan miye; Tona Jehovah akitapi kin hena cante waštepi kta.

4 Jehovah ode miye, qa iye towašake kin; Ohinniyan ite kin akita miye.

5 Wicohan wakan econ qon hena kiksuya po; Iye tawowapetokeca, qa woyaco iye i kin etanhan.

6 Abraham iye taokiye etanhan inicagapi; Jacob cinca wicakahnige ciqon.

7 Jehovah Wakantanka unkitawapi kin he iye; Tawoyaco kin maka kin owancaya un.

8 Wicotakuye tawa kin he ohinniyan kiksuya; Wicoie econ wicasi qon, wicoicage kektopawinge hehanyan:

9 Abraham kici hdustan qon he; Qa Isaak en wokonze eciya:

10 Nakun Jacob he wokage kiciyusuta; Israel en wicotakuye owihanke wanica.

11 Niye Canaan makoce kin cicu kta, Makoce iyutapi nitawapi kta ce, eya.

12 Hinyahin wicayawapi wašakadan; Tonana hinca, qa en unhdaka unpi.

13 Qa oyate kin wicehna ihdaka yapi; Wokiconze wan etanhan oyate tokeca ekta.

14 Tuwedan kakiswicaya iyowinkiye siii; Qa iyepi on wicasiayatapi iyopewicaya:

15 Sdawicawakiye cin hena owicayutanpi šni po; Qa waayate mitawa taku šica ecawicakiconpi šni po.

16 Hehan makoce kin he en wicaakihan wan u ši; Aguyapi sagye kin owasin kakša.

17 Wicitokam wicašta wan ye si; Joseph wowidake kta e wiyopeyapi:

18 Wicaške on siha kiunniyanpi; Iye nagi mazasapa kin en u.

19 Oie kin he ecetu hehanyan, Jehovah taku eye ciqon he iyutanye.

20 Wicaštayatapi kin he ye wicasi, qa kiyukca; Oyatepi itancan kin hee, qa kiciyuhdoka.

21 Iye ti kin ohna itancan kaga; Qa wowijice tawa kin owasin tawakiya.

22 Tohan iyokipi kinhan akicita tancan wicakaske kta; Qa hunkayapi wicayuhe cin ksapa wicakage kta.

23 Hehan Israel Egypta en ahiti; Qa Jacob Ham makoce kin en ounyan.

24 Unkan taoyate kin nina wicahduota; Qa tokayapi kin išanpa wicayuwašake.

25 Hehan cante wicayutokeca, taoyate šice wicadakapi kta; Taokiye wicaye cin hnayan wicakuwapi kta.

26 Moses iye taokiye kin ye si; Qa Aaron kahnige ciqon he.

27 Iye tawowapetokeca oie kin wicakipazopi: Qa tohan wakan, Ham makoce kin en.

28 Otpaza ye si, qa otpaza kaga; Unkan iye oie kin kizapi šni.

29 Mini tawapi kin he we kaga; Qa hogan tawapi kin wicakte.

30 Makoce tawapi hnaška ota icahya; Wicaslayatapi yuhapi wankan tipi kin ohna.

31 Ecen eya, unkan huponkadan hiyupi; Qa heya, makoce tawapi owancaya.

32 Magaju kte cin he wasu wicaqu; Peta ide kin makoce tawapi owancaya.

33 Hastanyanka iyuwi qa suken can tawapi kin hena apa; Qa tamakocepi ihdukšan can kin kawega.

34 Ecen eya, unkan psipšicadan tanka hiyupi; Psipšicadan nakun, qa hena yawapica šni:

5 Qa taniakocepi kin en wato owasin yasdapi; Qa tamagapi en taku icage cin temyapi.

36 Nakun taniakocepi en tona tokapapi owasin wicakte; Iye towašakepi tokaheya icage cin owasin.

37 Hehan niazaska mazaskazi ko yuha hinapewicaya: Unkan wicowazi tawa kin en wanjidan huštake šni.

38 lyayapi qehan Egypta iyuškin: Nina kowicakipapi, heon etanhan.

39 Woakahpe kta on mahpiya šapa hdumdaya; Qa peta wan, hanyetu en iyojanjan kta.

40 Kidapi, unkan wakiyedan u wicakiya: Qa mahpiya aguyapi on imnawicaya.

41 Imnija wan kahdoka, unkan mini hiyu; Hopuza en wakpa wan hiyaya.

42 lye oie wakan qon he kiksuya heon; Taokiye Abraham taku eciye ciqon.

43 Qa iye taoyate iyuškinyan hinanpe wicaya; Tona wicakafinige cin hena iyakisapi.

44 Qa makoce Ikcewicašta tawapi qon he wicaqu: Unkan oyatepi htanipi qon he yuhapi.

45 Hecen iye tawoahope kin opapi kta; Qa toope kin hena yuhapi kta. Jehovah yawašte po.

PSALM 106.

1 Jah yatan miye. Jehovah wopida eciya po; Iye wašte, heon etanhan; Qa towaonšida kin owihanke wanica.

2 Jehovah tohan tanka kin tuwe oyake kta he? Iye yatanpi ocowasin tuwe nahonwicaye kta he?

3 Tona wokonze opapi kin hena cante waštepi; Tuwe ohinniyan woowotanna econ kin.

4 Jehovah, nitaoyate cuntewicayakiye cin iyecen miksuya ye; Nitowiconi kin hiyumakiya wo.

5 Tona yakahniga wowašte yuhapi kin wanmdake kta; Nitaoyate wiyuškinpi kin on imduskin kta; Woaihpeye nitawa kin en wowitan miciye kta.

6 Hunkakewicunyanpi om waunhtanipi; Pemniyan unkohanyanpi, šicaya econkupi.

7 Egypta en niohan wakan kin Hunkakewicunyanpi okahnigapi šni; Nitowaonšida untkana kin kiksuyapi šni; Tuka wawakipajinpi, mde kin ekta, Mde ša kin en.

8 Heca ešta iye caje kin on niwicakiya; Towašake sdonyewicakiye kta e heon.

9 Nakun Mde a kin kišica, unkan pus aya; Hecen osbe kin ehna iyaye wicaya, hopuza iyececa.

10 Qa wašicedake nape kin etanhan ewicayaku; Qa toka nape kin etanhan opewicakiton.

11 Unkan tokawicayapi kin mini awicakahpa; Etanhan wanjidan ešta okaptapi šni.

12 Hehan oie kin wieadapi; Iye yatanpi kin ahiyayapi.

13 Koyahanna iye ohan kin akiktonjapi; lye tawowahokonkiye kin akipepi šni.

14 Tuka hewotahedan wacantiheye wan cantiheyapi; Qa hopuza en Wakantanka iyutanpi.

15 Unkan taku kidapi qon he awicayupta; Tuka wicotamaheca nagipi en ye ši.

16 Nakun otiwita en Moses inakiwizipi; Qa Aaron, Jehovah yuwakan kin he.

17 Hehan maka kin ihduhdoka, qa Dathan napca; Qa Abiram tona om un ko awicakahpa.

18 Unkan ošpaye kin hena peta wicahuhnaga; Ide wan šicapi kin hena huhnahwicaya.

19 Horeb en ptejicadan wan kagapi; Qa taku sdoya kagapi kin itokam patujapi.

20 Hecen iye towitanpi kin hdutokecapi, Tatanka wato yute cin ouncage iyececa.

21 Wakantanka niwicaye ciqon he akiktonjapi; Egypta en wicohan tanka econ qon:

22 Wowapetokeca flam makoce kin en; Mde ša ekta taku wowinihan.

23 Hehan ihangwicaye kta, keya; Moses iye kahnige ciqon he itokam, Otahedan najin Šni unkans; Tocanniye yutokan iyeye kta, on waihangye kte šni.

24 Qa makoce wiciyokipi kin he aktapi šni; lye oie kin wieadapi šni:

25 Tuka tawakeyapi ohna wihnupi; Jehovah ho kin he anagoptanpi šni.

26 Hehan hena on nape hdugata; Tintoškan ihpaye wicakiye kta:

27 Qa cincapi oyatepi wicehna hinhpaye wicaye kta; Qa makoce tokeca ekta iyewicaye kta.

28 Unkan Baal-peor en ikoyagiciyapi; Qa tapi taku wakiyusnapi kin yutapi.

29 Hecen taku šica econpi kin on iyokisinyapi: Unkan makošica iyowicahpaya.

30 Hehan Phinehas inajin qa wayaco: Unkan makošica kin anaptapi.

31 Unkan he woowotanna kiciyawapi; Wicoicage qa wicoicage ekta owihanke wanica.

32 Nakun Woakinica mini kin ekta sihdayapi: Hecen iyepi on Moses taku šica akipa:

33 lye taniya kin kipajinpi: Unkan iha on ecinšniyan ia.

34 Oyatepi kin ihangwicayapi šni; Jehovah kewicakiye ciqon iyececa.

35 Tuka oyatepi kin om ieicahiyapi, Qa wicohan tawapi onspeiciciyapi:

36 Qa wakagapi tawapi ohodapi; Unkan hena e wohmunke yapi kin ee.

37 Han, cinhintkupi qa cunwintkupi kin, Taku wakan šica wawicakiyušnapi.

38 Hecen wicawe taku iyaonpepicašni papsonpi, Cinhintkupi qa cunwintkupi we kin, He Canaan wakagapi kin wawicakiyusnapi; Hecen makoce kin wicawe on yušapapi.

39 Nakun iye ohanpi kin on ihdušicapi; Qa šicaya econpi kin on wawicihahapi icicagapi.

40 Unkan Jehovah iye taoyate canniyewicaya; Qa woaihpeye tawa kin watitekida šni.

41 Hehan Ikcewicašta tiapepi kin en wicaqu . Unkan tona šicewicadapi kin hena wowidake wicayapi:

42 Qa tokawicayapi kin šicaya wicakuwapi; Hecen napepi kin ihukuya patujapi.

43 Iye ijehan wicakiyukca; Tuka wakieonzapi on kipajinpi; Hecen wahtanipi kin on atakunipi ni.

44 Tuka iyokišicapi kin he wanyaka, šicahowayapi nahon qehan.

45 Qa iyepi on wicotakuye tawa kin he kiksuya; Qa towaonšida untkanna on tawacin hdutokeca.

46 Qa wayaka wicayuhapi owasin itokam, Hena onsiwicadapi kta wicaqu.

47 Jehovah Wakantanka unkitawapi, niunkiya po; Qa Ikcewicašta etanhan ake unhduwitaya po: Nicaje wakan kin unyatanpi kta; Nitowitan kin en unkihdatanpi kta.

48 Jehovah Israel ta Wakantanka kin yawaštepi nunwe; Otokahe wanintanhan qa owihanke wanica. Unkan wicašta owasin, Amen, eyapi. Jehovah yawašte po.

PSALM 107.

1 Jehovah wopida eciya po, iye wašte kin heon; Towaonšida kin he owihanke wanica:

2 Tona Jehovah opewicakiton kin hena eyapi kta; Tona toka nape kin etanhan opewicakiton kin.

3 Qa makoce tokeca etanhan wicahduwitaya; Wiyohiyanpa tanhan qa wiyohpeya tanhan, Waziyatanhan qa miniwanca etanhan.

4 Makoška u onnnipi, hewoskan canku ohna; Otonwe en ounyanpi kte cin iyeyapi šni.

5 Wotektehdapi, nakun ipuzapi; Tanmahen tanhan nagipi hanyanpi.

6 Hehan hokišicapi en Jehovah hoyekiyapi: Unkan wicokakije etanhan ewicayaku;

7 Qa canku owotanna ohna cankuye wicaya; Otonwe en ounyanpi kta he ekta yapi kta.

8 Jehovah wopida eciyapi kte, Iye towaonšida kin on, Qa wowapetokeca wicaštapi cincapi ecawicakicon kin hena on.

9 Wicanagi cantokpani kin he imnaya ece; Qa nagi wotektehda kin he taku wašte on ojuya.

10 Tona otpaza qa wiconte ohanzi en iyotankapi; Wokakije mazasapa ko on wicakaškapi:

11 Hena Wakantanka oie kin kipnjinpi; Qa lyotan Wankan tawowahokonkiye kin aktapi šni:

12 Hecen wicohtani on cante ons.ka wicakaga: Hicahanpi qa waokiye wanica.

13 Hehan iyokišicapi en Jehovah hoyekiyapi: Unkan wicokakije etanhan ewicayaku:

14 Otpaza qa wiconte ohanzi etanhan iwicacu; Qa on wicakaškapi kin hena yuksa.

15 Jehovah wopida eciyapi kta, towaonšida kin on; Qa wowapetokeca wicaštapi cincapi ecawicakicon kin hena on:

16 Mazasa tiyopa kin kaptuptuja heon; Qa mazasapa inatake kin kak aka.

17 Witkotkopi kin, wahtanipi canku kin on, Qa taku šica econpi kin on, kakisiciyapi.

18 Iye nagipi woyute owasin hitihdapi; Qa wiconte tiyopa kin ikiyedan yapi.

19 Hehan iyokišicapi en Jehovah hoyekiyapi: Unkan wicokakije etanhan ewicayaku:

20 Iye oie kin ukiye ca nšniwicaya; Qa wicotakunišni etanhan hdinanpe wicaya. .

21 Jehovah wopida eciyapi kte, towaonšida kin on, Qa wowapetokeca wicaštapi cincapi ecawicakicon kin hena on:

22 Qa wopida wošnapi wayusnapi kte; Qa dowanpi on iye ohan kin oyakapi kte.

23 Tona miniwanca ekta wita wata ohna yapi, Qa mini ota kin ohna wicohan econpi kin;

24 Hena Jehovah ohan kin wanyakapi; Qa osbe kin en wowapetokeca econ kin.

25 Hehan ecen eya, unkan tate wohitika wan uye; Qa taja kin wankan icu.

26 Mahpiya ekta wankan yapi; Kuya wosbe kin ekta ipi; Šicaya unpi kin on nagipi nihinciyapi.

27 Itohomnipi qa kacegya manipi, witkopi iyececa; Qa wacinksapapi qon iyuhpa tanin šni iyaya.

28 Hehan iyokišicapi en Jehovah hoyekiyapi; Unkan wokakije etanhan hinanpe wicaya.

29 Tate wohitika qon he amdakedan kaga: Unkan taja tawapi kin inina hiyeya.

30 Hehan owanji yukanpi on pidapi: Hecen oihunni cinpi qon en awicahi.

31 Jehovah wopida eeiyapi kte, towaonšida kin on; Qa wowapetokeca wicaštapi cincapi ecawicakicon kin hena on.

32 Nakun oyate mniciyapi kin en yatankapi kte; Qa hunkayapi omniciye kin en idowanpi kte.

33 Wakpadan kin hena tintoskan ee kiya; Qa minihdoka kin hopuza kaga:

34 Waskuyeca makoce wan miniskuya icu kiya; Tona en ounyanpi šicaya econpi kin he on.

35 Tintoskan kin he miniyowe kiya; Qa hopuza kin he minihdoka eepi kaga:

36 Qa hen wotektehdapi kin ewicahnaka; Unkan otonwe en ounyanpi kte cin he kagapi:

37 Qa maga ojupi, qa hastanyanka iyuwi huhdepi; Qa woicage waskuyeca icahyapi.

38 Nakun wicayawašte, hecen nina ihduotapi; Qa tawanuyanpi kin wicayutonna šni.

39 Hena wanistinna ayapi qa patus unpi tuka qon; Wokakije, wowayazan qa woiyokišice kin on.

40 Wicaštayatapi wqwahteda šni wicakaga; Qa canku codan makoška u onuniwicaya.

41 Tuka wahpanicapi kin wokakije etanhan ewicayaku; Qa optaye iyececa wicowazi wicakaga.

42 Wicašta ecetupi wanyakapi qa iyuškinpi kta; Qa woahtani owasin iohmus icu kta.

43 Tona wacinksapapi qa dena awacinpi kinhan, Hena Jehovah towaonšida kin iyukcanpi kta.

PSALM 108.

Paalm odowan. David tawa.

1 Wakantanka, micante wiyeya un; Wadowan qa mdatan kta, mitowitan kin he on.

2 Cotanka candowankiyapi ko kikta miye; Miye qe anpao kin mduhice kta.

3 Jehovah, oyatepi ehna ciyatan kta; Oyate kin en ciyaonihan kta.

4 Mahpiya iwankapatanhan nitowaonšida kin tanka; Qa nitowicake kin mahpiya šapa iyahde.

5 Wakantanka, mahpiya isanpa niyawankantuyapi nunwe; Qa maka kin ocowasin iwankam nitowitan.

6 Waštewicayadake cin hena ewicayakupi kta, Heon nimipe etapa on niunkiyapi qa unkayupta po.

7 Wakantanka iye towitan en wohdaka; Wimduškin kta; Šechem wapamni kta; Succoth kaksiza kin imdute kta ce.

8 Gilead he mitawa, Manassah mitawa; Ephraim nakun mapa wowašake kin; Judah woope kaga mitawa kin hee:

9 Moab woyujaja koka mitawa kin hee; Edom akan mitahanpe ehpewaye kta; Philistia on wimduškin kta.

10 Tuwe otonwe aconknskapi kin en amaye kta he; Tuwe Edom en amai kta he?

11 Wakantanka ehpeunyanpi qon hee kte šni he? Qa Wakantanka ozuye unkitawapi om ye šni qon?

12 Toka kin etanhan ounkiya miye: Wicašta akantu waehdakupi kin he takušni.

13 Wakantanka eciyatanhan wowašake unkicagapi kta; Qa iye tokaunyanpi kin nawicapce kta.

PSALM 109.

Dowan itancan kin kicagapi. David tadowan.

1 Wakantanka mdatan ece kin, Inina yanke šni ye.

2 Wicai šica qa wicai wahnayan amahdukawapi; Wicaceji itonšni on nmaiapi.

3 Nakun šicedakapi wicoie on aohdutemayanpi; Qa taku on etanhan šni makizapi.

4 Wacanwakiye cin on toka mayanpi; Tuka miye qe wocekiye en waun.

5 Wašte on taku šica iyamaonpapi; Qa wošicedake, wocantekiye kin on.

6 Wicašta šica wan iye awanyagkiya wo; Qa etapa eciyatanhan Satan inajin nunwe.

7 Tohan yacopi kinhan ca yawapi kte; Qa tawocekiye kin he woahtani kte.

8 Anpetu tawa kin tonnana kte; Qa toawanyake kin tuwe tokeca icu kte.

9 Cinca kin wamdenicapi kta; Qa tawicu kin wiwazice kta.

10 Qa cinca kin onuniyan unpi qa wo dapi nunwe; Qa tihnha kin ehna waakitapi kte.

11 Taku tawa kin owasin icazokiye cin he iyahpaye kte; Qa tohtani kin oyate tokeca kipi kte.

12 Tuwedan katinyan onsikida kte šni; Qa wamdenica tawa kin tuwedan cantewicakiye kte šni.

13 Tona etanhan icage cin hena awihnunipi kte; Wicoicage iyokihe en cajepi pajujupi nunwe.

14 lye atewicaye wahtanipi kin Jehovah kiksuye kte; Qa hunku taku šica econ kin he kajujupi šni nunwe.

15 Hena ohinniyan Jehovah itokam wanke kte; Hecen kiksuyapi kin maka kin etanhan icu kte.

16 lye wowaonšida econ kta kiksuye šni heon; Nakun wicašta onsika qa wahpanica kin si cay a kuwa; Qa wanji cante kasujapi kin kte kta tuka.

17 Tuka wayaslcapi kin he waštedaka, hecen akipa; Qa wayawaštepi kin he waštedake šni, hecen he itehan iyeyapi.

18 Unkan wokoyake iyecen wayašicapi kohdaka; Hecen mini iyecen tan mahen hiyu; Qa wihdi iyecen huhu kin en hiyohi.

19 Wokoyake un kin he iyecen kohdake kta; Qa ipiyaka iyececa ohinniyan ipiyagkiton kte.

20 Tona tokamayanpi Jehovah etanhan wokajuju tawapi kin dee; Qa tona minagi taku šica eciyapi kin hena.

21 Tuka niye, Jehovah, Itancan, Nicaje eciyatanhan ecamicon wo; Nitowaonšida wašte, heon makiyuska wo.

22 Miye makakije ca onmasika; Qa mahentanhan cante mapahdokapi.

23 Ohanzi wan takinyan ye cin iyecen mataninšni. Qa psipšicadan iyecen kaham iyemayanpi.

24 Akihanpi on hupahu wamašake šni; Qa sin manica on micehpi son aya.

25 Nakun miye wowihahamayanpi; Wanmayakapi, pomnamnamakiyapi.

26 Jehovah, Wakantanka mitawa, omakiya wo; Nitowaonšida eciyatanhan nimayan wo.

27 Unkan ninape kin he dee sdonyapi kta; Jehovah niye hecanon kin.

28 Hena wayašicapi kta, tuka niye uadawašte kta: Hena najinpi qa istecapi kta; Tuka nitaokiye iyuškin kta.

29 Tona tokamayanpi wonihinciye koyakapi kta;

Qa wowištece kin he sina iyecen inpi kta.

30 Mii on Jehovah nina wopida ewakiye kta; Qa wicota ehna, mdatan kta.

31 lye wicašta onsike cin etapa eciyatanhan najin kta; Tona nagi yacopi kin etanhan eyaku kta.

PSALM 110.

David tadowan.

1 Jehovah Itancan mitawa kin heciya; Mietapa ekta iyotanka wo, Tona tokaniyanpi šiha oahde nitawa wakage kta hehanyan.

2 Nitowašake icapsinte kin Jehovah Zion etanhan hiyuye kta: Tokaniyanpi kin cokaya wicaštayatapi yanka wo.

3 Nitowašake anpetu kin en, nitaoyate waihdusnapi, Wowakan wiciyokipi kin on; Anpao tamni kin etanhan, Koniška cu kin he yahduha.

4 Jehovah wakonza, qa tawacin hdutokeca kte šni; Niye wawayusna owihanke wanica henica kta, Melkizedek touncage kin eciyatanhan.

5 Itancan kin nietapa ekta yanke cin, lye tocanniye anpetu kin en, Wicaštayatapi katpa iyewicaya.

6 Ikcewicašta ehna wayaco kta; Wicašta tapi on ojuya; Maka ohdakinyan hehanyan pa wicakahuge.

7 Canku ohna minihdoka kin etanhan yatke kta: Heon etanhan pa yuwankan icu kta.

PSALM 111.

1 Jah yatan miye. Micante ocowasin on Jehovah mdatan kta, Wicašta ecetu takodakiciyapi qa omniciye kin en.

2 Jehovah ohan kin hena tankinyanyan; Tona iyokipipi owasin hena akitapi ece.

3 lye ohan kin woyuonihan qa wotanka; Qa toowotanna kin owihanke wanica.

4 lye ohan wakan kin wokiksuye kicaga: Jehovah waon da qa wacantkiya.

5 Tona kokipapi kin woyute wicaqu; Wicotakuye tawa kin ohinniyan kiksuye kta.

6 lye tohtani wowašake kin taoyate owicakiyaka; Ikcewicašta tamakoee kin wicaqu kta.

7 lye nape taku econ kin hena wowicake qa wokonze: Tawowahokonkiye kin owasin wicakapi:

8 Owihanke wanica hehanyan yusutapi; Wowicake qa woowotanna on econpi.

9 lye taoyate woehdaku wicaqu; Wicotakuye tawa kin uwihankešniyan hdusuta: lye caje kin wakan qa wokokipe.

10 Woksape otokahe Jehovah kokipapi kin hee; Tona heconpi kin hena owasin wayupikapi: lye yatanpi kin he owihanke wanice kta.

PSALM 112.

1 Jah yatan miye. Wicašta Jehovah kokipe cin he cante wašte; Tawoahope kin on iyuškin hinca.

2 lye cinca maka akan wašakapi kta; Tona ecetupi wicoicage kin he yawagtepi kta.

3 Woyuha qa wowijice iye tipi kin ohna; Qa toowotanna kin owihanke wanice kta.

4 Otpaza en wicašta ecetu iyoyanpa awicahinanpa; Waonšida qa wacantkiya qa owotanna.

5 Wicašta wacantkiye ca wawicaqu kin he wašte; He wokonze on tohan kin hdustan kta.

6 Awicakehan ohinniyan yuhohopi kte šni: Wicašta owotanna kin owihankešniyan kiksuyapi kta.

7 Taku slca nahonpi kin on kopehda kte šni; Cante yusutapi, Jehovah wacinyan un.

8 Iye cante kin yusutapi, wakokipe kte šni; Tokawicaya awicatonwe kte cin hehanyan.

9 Ituwicakinan, wahpanicapi taku wicaqu; Toowotanna kin owihanke wanice kta: Iye he kin wowitan on wankan un kta.

10 Wicašta šica cin he wanyake ca sinhda kta; Hi hdakinskinze ca skan kta: Wicašta šica taku cin kin he awihunni kta.

PSALM 113.

1 Jah yatan miye. Yatan po, Jehovah taokiye kin; Jehovah caje kin he yatan miye.

2 Jehovah caje kin yawaštepi nunwe; Detanhan qa owihanke wanica.

3 Wi hinanpe cin hetanhan, iyaye cin hehanyan, Jehovah caje kin yatanpi nunwe.

4 Jehovah tehan wankan un, oyate owasin iwankam; Iye towitan mahpiya kin iwankam.

5 Jehovah Wakantanka unkitawapi, Tehanwankantu kiyotanke cin he tuwe iyececa he:

6 Temahentuya etonwe cin hee; Manpiya en qa maka kin en!

7 Wahpanica kin watusekseca etanhan eyaku; Onsike cin tacesdi paha kin etanhan yuwankan eyaku kta;

8 Wicašta itancanpi kin om iyotanke kiye kta; lye taoyate itancanpi kin on.

9 Winohinca cinca ton šni tipi kin he iyuškinyan cinca hduha iyotanke kiya. Jehovah yawašte po.

PSALM 114.

1 Israel Egypta etanhan hinanpe cehan; Jacob tipi kin oyate wan ša iapi kin hetanhan;

2 Judah he tipi wakan tawa kin icaga; Tokiconze kin Israel hee.

3 Mini tanka kin he wanyake ca najica; Jordan he nakun namni:

4 Paha kin hena tatndoka iyecen ipšicapi; Qa pajodan kin tacinca kin iyececapi.

5 Mini tanka, tonikeca on nayajica he? Jordan, tokeca nayamni he?

6 Paha kin, tokeca tamdoka iyecen iyapšicapi he; Pajodan, tokeca tacinca iyenicecapi he?

7 Maka kin, Itancan kin itokam, cancan wo; Jacob ta Wakantanka kin itokam.

8 He imnija kin minihdoka kaga; Wanhi inyan kin he miniyowe ee kiya.

PSALM 115.

1 Unkiyepi šni, Jehovah, unkiyepi šni; Tuka nicaje wowitan qu wo; Nitowaonšida on, nitowicake kin on.

2 Tokeca Ikcewicašta heyapi kta; Wanna Taku Wakan tawapi tokiya un he?

3 Tuka Wakantanka unkitawapi mahpiya ekta yanka; Token iyokipi kin owasin econ ece.

4 Wakagapi tawapi kin hena mazaska qa mazaskazi; Wicašta nape taku kage cin hena.

5 Hena i yukanpi, tuka iapi šni; Išta yukanpi, tuka wawanyakapi šni:

6 Noge yukanpi, tuka winahonpi šni; Poge yukanpi, tuka taku omnanpi šni:

7 Nape yukanpi, tuka wiyuzapi šni; Siha yukanpi, tuka manipi šni; Nakun dote eciyatanhan ho enapeyapi šni.

8 Tona kagapi kin hena iš iyececapi kta; Tona hena wacinyanpi kin owasin.

9 Israel, niye Jehovah wacinyan wo; Owicakiye ca wahacanka tawapi kin he iye.

10 Aaron tipi kin Jehovah wacinyan wo; Owicakiye ca wahacanka tawapi kin he iye.

11 Jehovah koyakipapi kin, Jehovah wacinyan po; Owicakiye ca wahacanka tawapi kin he iye.

12 Jehovah unkiye unkiksuyapi; wayawašte kta; Israel ti kin wicayawašte kta; Aaron tipi kin wicayawašte kta.

13 Tona Jehovah kokipapi kin hena wicaya wašte kta; Cistinpidan tankinkinyanpi on.

14 Jehovah niyuotapi nunwe; Niyepi qa nakun nicincapi kin.

15 Jehovah eciyatanhan niyawaštepi; Mahpiya qa maka kage cin hoe.

16 Mahpiya mahpiya kin he Jehovah tawa; Tuka maka kin wicaštapi cincapi wicaqu.

17 Tona tapi kin hena Jehovah yatanpi šni; Tona woinina ekta yapi kin owasin nakun.

18 Tuka unkiye Jehovah unyawaštepi kta; Detanhan qa owihanke wanica. Jehovah yawašte po.

PSALM 116.

1 Jehovah waštewadaka, Miho qa mita wocekiye nahon kin heon.

2 Iye anohmakiye cin heon, Mitaanpetu kin en, hoyewakiye kta.

3 Wiconte icaske kin aohdutemayan; Qa Hades wowayazan kin mayuze; Wokakije woiyokišica ko iyewaye.

4 Hehan Jehovah caje kin hoyewakiye kta: Jehovah, ceciciya ce, minagi ehdaku wo.

5 Jehovah wacantkiye ca owotanna; Qa Wakantanka unkitawapi kin he waonšida.

6 Jehovah ksapapi ni kin hena awanwicayaka: Miye kun ehpemayanpi, unkan nimayan.

7 Minagi, woozi nitawa ekta hdicu wo; Jehovah tanyan eeanicon kin heon etanhan.

8 Niye wiconte etanhan minagi edaku; Miišta kin ceyapi etanhan, Misiha hicahanpi etanhan edaku.

9 Jehovah hokum mawani kta, Wiconi makoce kin en.

10 Wicawada, heon iwaa: Nina makakija qon.

11 Nihinmiciye cin en hepa; Wicašta owasin itonpi šni ce.

12 Jehovah taku ota maqu kin, Taku on wecicajuju kta he?

13 Wiconi miniyatke kin iwacu kta, Qa Jehovah caje kin hoyewakiye kta.

14 Jehovah taku iwahowaye cin wecicajuju kta, I ho, iye taoyate owasin wicitokam.

15 Tona wacantkiye tawa kin hena tapi kin he Jehovah i ta kin en tehika.

16 Tokin, Jehovah, nitaokiye miyen; Nitaokiye, nitaokiyewin cinhintku kin miyen: Makagkapi kin mayakidukca.

17 Wopida wošna wan wacicivuSna kta; Qa Jehovah caje kin hoyewakiye kta:

18 Jehovah taku iwahowaye cin wecicajuju kta, Iye taoyate owasin wicitokam:

19 Jehovah tipi hocoka kin en; Jerusalem, niye cokaya. Jehovah yawašte po.

PSALM 117.

1 Oyate owasin, Jehovah yawašte po; Wicašta hiyeye cin owasin, he idowan po.

2 Towaonšida kin unkiyepi en tanka hinca; Qa Jehovah towicake kin he owihanke wanica. Jehovah yawašte po.

PSALM 118.

1 Jehovah wopida eciya po, iye wašte heon; Towaonšida kin he owihanke wanica.

2 Tokin Israel heyapin; Iye towaonšida kin he owihanke wanica.

3 Tokin Aaron tipi kin heyapin; Iye towaonšida kin he owihanke wanica.

4 Tokin tona Jehovah kokipapi kin heyapin; Iye towaonšida kin he owihanke wanica ce.

5 Wokaške etanhan Jehovah hoyewakiya; Owanka tanka en Jehovah amayupta.

6 Jehovah mici un; wakowakipe kte šni; Wicašta akantu taku ecamicon okihi he?

7 Jehovah mici un, tona omakiyapi kin ehna; Hecen tona šicemadapi kin awicawatonwe kta.

8 Jehovah wacinyanpi kin he wašte, Wicašta wacinwicayapi kin isanpa.

9 Jehovah wacinyanpi kin he wašte; Wicaštayatapi wacinwicayapi kin isanpa.

10 Ikcewicašta owasin aohdutemayanpi; Tuka Jehovah caje kin on bawicawašpe kta.

11 Aohdutemayanpi, han, aohdutemayanpi; Tuka Jehovah caje kin on bawicawaspe kta.

12 Tuhmaga iyececa aohdutemayanpi; Wapepeka ide kin iyececa bowicašnipi; Tuka Jehovah caje kin on bawicawaspe kta.

13 Wacayape, mahinhpaye kta on camayapa; Tuka Jehovah omakiya.

14 Mitowašake qa mitadowan kin Jehovah hee; Nakun he wanikiya mitawa.

15 Wiconi qa wowiyuškin ho kin he Wicašta owotanna tawakeya kin ohna: Jehovah nape etapa kin he wowašake kaga.

16 Jehovah nape etapa hduwankan icu; Jehovah nape etapa kin he wowašake kaga.

17 Mate kte šni, tuka wani kta; Qa Jehovah ohan kin omdake kta.

18 Awicakehan Jehovah nina iyoperaayan; Tuka wiconte ekta yemaye šni.

19 Woowotanna tiyopa kin makiyuhdoka ye; Hena ohna hibu kta, Jehovah wopida ewakiye kta.

20 Jehovah tatiyopa kin he dee; Ohna wicašta owotanna tin hiyupi kta.

21 Amayadupta, heon wopida eciciye kta; Qa wiconi mitawa kin he niye.

22 Inyan wan ticagapi aktapi šni qon he oise pa kin icaga ce:

23 He Jehovah eciyatanhan, Qa unkistapi kin en taku wowinihan.

24 Jehovah anpetu kage cin he dee; En unkiyuškinpi qa piundapi kta.

25 Ceunniciyapi, Jehovah, dehan niunkiya po; Ceunniciyapi, Jehovah, dehan wapi unyan po.

26 Tuwe Jehovah caje on u kin he yawaštepi: Jehovah tipi kin etanhan unniyawaštepi.

27 Jehovah lyotan Wašaka qa iyoyanpa unqupi; Wošnapi kin he hahonta on kaaka po, Owayušna he kin en.

28 Wakantanka mitawa kin he niye, Heon ciyatan kta; Wakantanka mitawa, icidowan kta.

29 Jehovah wopida eciya po; lye wašte kin heon etanhan; Towaonšida kin he owihanke wanica.

PSALM 119.

ALEPH. 1 Canku ohna ecetvipi kin hena cante waštepi; Tona Jehovah toope omanipi kin hena.

2 Tawoyaotanin opapi kin hena cante waštepi; Tona cante ocowasin on akitapi kin hena:

3 Nakun taku šica econpi šni; Tuka iye tacanku kin ohna manipi.

4 Woonspe nitawa yakonza; Awicakehan ounpapi kta e heon.

5 Tokin mitacanku yusutapin, Wokage nitawa owape kta heon.

6 Hehan ima ece kte šni, Nitawoahope owasin en ewatonwe cinhan.

7 Cante ecetu kin on wopida eciciye kta; Woyaco owotanna nitawa onmaspe kinhan.

8 Wokage nitawa owape kta; Tokin ocowasin eftpemayaye šni u.

BETH. 9 Koška wan taku on tacanku kpakinte kta? Hecen nioie ecivatanhan hduhe kta he.

10 Micante ocowasin on acicita; Nitawoahope etanhan wanuni šni nunwe.

11 Taku ehe cin he cante mahen nawahman; Hecen wacicihtani kte šni.

12 Jehovah, niye niyawaštepi nunwe; Nitoope kin onspemakiya ye.

13 Nii wayaco kin owasin, Hena miiha on omdaka.

14 Nitawoyaotanin canku kin ohna imduskin; Wowijice owasin on iyececa.

15 Wowahokonkiye nitawa awacin waun kta; Qa nitacanku ekta ewatonwe kta.

16 Wokage nitawa en iyuškin miciye kta; Nioie kin awektonje kte šni.

GIMEL. 17 Nitaokiye miye wani kta maqu wo; Kinhan nioie awanmdake kta.

18 Išta mayukawa wo, kinhan ewatonwe kta; Nitoope eciyatanhan wicohan wakan.

19 Maka akan unhdaka waun; Nitawoahope kin anamakihbe šni wo.

20 Ohinniyan minagi nitawoyaco Cantokpani on kašu ujapi.

21 Wananhanicidapi kin hena iyopewicayaya, Wicayašicapi kin; Hena nitawoahope etanhan nunipi.

22 Waaiapi qa šicedakapi kin yutokan iyemiciciya wo; Nitawoyaotanin awacanmi kin heon.

23 Wicašta itancanpi nakun iyotankapi qa amaiapi: Tuka nitaokiye wokage nitawa awacin yanka.

24 Nakun woyaotanin nitawa wowiyuškin waye; Wicašta waonspemakiye cin hena ee.

DALETH. 25 Minagi maka mdu en askamiciya: Nioie eciyatanhan nimayan wo.

26 Mitacanku kin owahdaka; Unkan amayadupta; Wokage nitawa onspemakiya wo.

27 Nitawoonspe ocanku kin okahnihmayan ye; Kinhan niohan wakan kin awacanmi kta.

28 Woiyokišica on minagi ceya mi; Nioie eciyatanhan najin makiya wo.

29 Woitonšni canku kin yutokan iyemiciciya wo; Qa nitoope kin he ionsimakida ye.

30 Wowicake canku kin he wakahniga; Nitawoyaco kin hena mitokam ewahnaka.

31 Nitawoyaotanin sutaya mduza; Jehovah, istenmaye šni wo.

32 Nitawoahope canku kin ohna waimnanke kta; Cante mayakidutaiika kta, heon etanhan.

HE. 33 Jehovah, wokage nitawa canku ohna amayan wo; Kinhan, owihanke hehanyan owape kta.

34 Okahnihmayan wo, kinhan nitoope awacanmi kta; Qa cante ocowasin on owape kta.

35 Nitawoahope canku ohna mani mayan wo; He en wimduškin ece.

36 Nitawoyaotanin ekta cante yemayan ye; Qa wowijice ekta šni.

37 Takušni wanyakapi etanhan ista mayuhomni wo: Nitacanku ohna nimakiya wo.

38 Nitaokiye nioie kin kiciyusuta wo; He on konicipapi kta.

39 Wowištece mitawa kowakipe cin he miciyutokan wo; Woyaco nitawa kin wašte, heon etanhan.

40 Iho, nitawoonspe kin cantowakpani hinca; Nitoowotanna kin en nimayan wo.

VAU. 41 Nakun, Jehovah, nitocantekiye en mau nunwe; Nitowiconi, nioie kin eciyatanhan.

42 Hecen tuwe taku iyamaonpe cin amdupte kta; Nioie wacinwaye cin heon etanhan.

43 Nakun mii etanhan wowicake oie kin Ocowasin ehdaku šni wo; Woyaco nitawa ape waun kin heon.

44 Hecen nitoope kin ohinniyan ahowape kta; Owihanke wanica, qa owihanke wanica.

45 Unkan makoce tanka wan omawani kta; Nitawowahokonkiye awakite cin heon.

46 Nakun wicaštayatapi wicitokam Nitawoyaotanin caje mdate kta; Qa imastece kte šni.

47 Nakun nitawoahope en iyuškin miciye kta; Hena waštewadake hinca.

48 Nitawoahope wagtewadake cin hena on, Nape wankan yewaye kta; Qa wokage nitawa awacin manke kta.

ZAIN. 49 Nioie kin nitaokiye kiciksuya wo; Wacinye mayakiye cin heon.

50 Makakija en wacintonhnagmaye cin he dee; Qa nioie kin he kinimakiya.

51 Wahanicidapi kin hena nina imahahapi; Tuka nitoope amdustan šni.

52 Jehovah, nitawoyaco wanakaja kin hena weksuya; Qa cante wašte micicaga.

53 Wicašta šicapi on nina sinwahda; Nitoope ehpeyapi kin heon.

54 Wokage nitawa odowan mitawa kin hee; Ounhdaka tipi mitawa ohna.

55 Jehovah, hanyetu icunhan nicaje weksuya; Qa nitoope ahowapa ece.

56 Nitawoonspe owape cin he on, De mduha ece qon.

CHETH. 57 Jehovah, taku mitawa kin he niye; Nioie kin mduhe kta, kepa.

58 Nitocantekiye micante ocowasin on awakita; Nioie eciyatanhan onšimakida wo.

59 Mitacanku kin awakicanmi; Qa nitawoyaotanin ekta misiha hdicu wakiya.

60 Woonspe nitawa mduhe kta e, Heon inawahni qa mdutehan šni.

61 Wicašta šica ikan tawapi rnihduksan hiyeya; Tuka nitoope awektonje šni.

62 Ciyatan kta hanyecokaya imdotanke kta, Nitoowotanna woyaco kin hena on.

63 Tona konicipapi kin owasin kodawicawaya; Qa tona nitawoonspe opapi kin hena.

64 Jehovah, nitowaonšida on maka kin oJudahn; Wokage nitawa kin onspemakiya wo.

TETH. 65 Jehovah, nitaokiye taku wašte ecayecon, Nioie kin eciyatanhan.

66 Wiyukcanpi wašte qa wookahnige onspemakiya wo; Nitawoahope wicawada kin heon.

67 Makakije šni he ehan wanuni; Tuka nakaha iyae cin he owape.

68 Niye niwašte qa taku wašte ecanon ece; Wokage nitawa onspemakiya wo.

69 Wahanicidapi kin hena woitonšni amakagapi; Miye qe micante ocowasin on nitawoonspe kin owape kta.

70 lye cantepi kin wasna iyecen cepa; Miye qe nitoope on imduškin.

71 Kakišmayanpi kin he wašte; He on wokage nitawa onspemiciciye kta.

72 Nii woope kin he miciwašte, Mazaska qa mazaskazi kektopawinge isanpa.

JOD. 73 Ninape makage ca icahmayan; Onspemakiya wo, kinhan nitawoahope onmašpe kta.

74 Tona konicipapi kin hena wanmayakapi qa wiyuškinpi kta; Nioie wacinwaye cin heon etanhan.

75 Jehovah, nitawoyaco kin hena woowotanna sdonwaya; Qa wowicake on kakismayaya.

76 Tokin nitowaonšida wacintonhnagmayen: Nitaokiye taku eyakiye ciqon iyececa.

77 Wacanyakiye cin he mahiyohi kte, hecen wani kta; Nitoope kin he wowiyuškinwaye, heon.

78 Wahanicidapi kin isteeapi nunwe, Woitonšni on mayapemnipi, heon: Miye qe nitawoonspe awacin manke kta.

79 Tona konicipapi kin hena miye en maupi kte; Qa tona nitawoyaotanin sdonyapi kin hena.

80 Wokage nitawa en micante zanika un nunwe; Hecen imastece kte šni.

CAPH. 81 Wiconi nitawa on minagi niyašni iyaya; Nioie kin on ape waun.

82 lyae cin on ista manaka; Hecen, Tohan cante wašte mayakage kta he, epa.

83 Wojuha wan šota en un kin iyemaceca; Wokage nitawa kin hena awektonje šni.

84 Nitaokiye taanpetu kin tonakeca he; Tona šicaya makuwapi kin tohan wicadaco kta he.

85 Wahanicidapi kin hena woha micapi; Hena nitoope kin eciyatanhan šni.

86 Nitawoahope kin owasin wowicake; Woitonšni on šicaya makuwapi; niye omakiya wo.

87 I šni kaeš makoce kin etanhan ihangmayanpi ini; Tuka nitawoonspe kin amduštan šni.

88 Nitowaonšida eciyatanhan nimayan wo: Kinhan mi taku yaotanin kin owape kta.

LAMED. 89 Jehovah, nioie owihanke wanica, Mahpiya kin ekta yušutapi.

90 Wowicake nitawa kin he wicoicage qa wicoicage hehanyan: Maka kin dušuta, unkan ecen han.

91 Nitawoyaco on anpetu kin dehan hena ecen un; Hena owasin wowidagyaye cin heon.

92 Nitoope kin he wowiyuškinwaye šni unkans, Makakije cin en raatakuni kte šni tuka.

93 Nitawoonspe kin ohinniyan awektonje kte šni; Hena en kinimayakiya nakaeš.

94 Tawamayaya, niraayan wo; Nitawoonspe kin awakite cin heon.

95 Wicašta šica ihangmayan iyapepi; Nitawoyaotanin kin hena owakahnige kta.

96 Woecetu kin owasin ihanke kin wanmdaka; Nitawoahope ohdakinyan tanka hinca.

MEM. 97 Nitoope waštewadake hinca: Anpetu osan he awacin manka.

98 Nitawoahope ksapa makaga, Tokamayanpi kin isanpa; He ohinniyan mitawa nakaeš.

99 Waonspemakiyapi owasin isanpa, Wacinksamya miohan; Nitawoyaotanin kin hena awacin waun.

100 Wicahincapi kin isanpa wowakahniga; Nitawoonspe wapatan kin heon.

101 Canku šica owasin etanhan misiha ewehdaku; Nioie mduhe kta heon etanhan.

102 Nitawoyaco kin icunonpa mde šni; Niye onspemayakiye cin heon.

103 Micaka en nioie kin skuye hinca; Tuhmaga canhanpi mii kin ohna he isanpa.

104 Wowahokonkiye nitawa etanhan wookahniga mduha heon woitonšni canku owasin šicewadaka.

NUN. 105 Nioie misiha kin en petijanjan hee; Qa mitacanku ohna iyoyanpa kin.

106 Wakonza, nakun ecen ecamon kta; Woyaco owotanna nitawa kin ahowape kta.

107 Miye nina hin makakija; Jehovah, nioie eciyatanhan kinimayan wo.

108 Jehovah ceciciya, mii taku itunicihan kin Hena iyonicipi nunwe; Qa nitawoyaco kin hena onspemakiya wo.

109 Minagi ohinniyan minape ohnayanka; Tuka nitoope kin he awektonje šni.

110 Wicašta šica mahmunkapi kta; Tuka nitawoonspe etanhan wanuni šni.

111 Nitawoyaotanin kin hena ohinniyan mitawa kta; Micante towiyuškin kin hena ee.

112 Wokage nitawa ecamon kta e cante ekta yewaye; Ohinniyan qa owihanketa hehanyan.

SAMECH. 113 Tona cante nonpa kin hena šicewadaka; Tuka nitoope kin he waštewadaka.

114 Wowinape mifawa qa wahacanka mitawa kin he niye; Nioie kin he ape manka.

115 Šicaya ecanonpi kin, micuni po: Kinhan mita Wakantanka tawoahope kin wapatan kta.

116 Wahomayaye cin eciyatanhan najin makiya wo; Kinhan wani kta; Qa wacinwaye cin on imaslece kte šni.

117 Sutaya mayuza wo, kinhan tanyan waun kta; Qa ohinniyan wokage nitawa en ewatonwe kta.

118 Tona wokage nitawa etanhan nunipi kin Hena owasin wahtewicayada šni; Wohnaye tawapi kin he wowištece.

119 Šinšinca iyececa, maka akan wicašta šica owasin ihangwicayaya; Heon nitawoyaotanin kin hena waštewadaka.

120 Kocicipe cin heon micehpi cancan; Qa nitawoyaco kin hena kowakipa

AIN. 121 Woyaco qa woowotanna ccamon ece; Tehiya makuwapi kin en ehpemaye šni wo.

122 Taku wašte on nitaokiye acak in wo; Wahanicidapi kin hena makiyušepi šni nunwe.

123 Nitowiconi kin on ista mamdeze šni; Qa nakun nitoowotanna oie kin on.

124 Nitocantekiye eciyatanhan nitaokiye ecakicon wo; Qa wokage nitawa onspemakiya wo.

125 Nitaokiye kin he miye, waokahnihmayan wo; Qa nitawoyaotanin kin sdonyemakiya wo.

126 Jehovah wanna ohanye kta iyececa; Nitoope kin kicaksapi heon.

127 Heon etanhan nitawoahope waštewadaka; Mazaskazi isanpa, han mazaskazi hinca.

128 Heon etanhan nitawoonspe owasin owotanna wadaka; Woitonšni canku otoiyohi šicewadaka.

PE. 129 Nitawoyaotanin kin hena wowinihan; Heon etanhan minagi hena ahopa.

130 Nioie yuzamnipi kin he iyoyamya ece; Tona wacinton šni kin hena wokahnihwicaya.

131 Mii wahdukawa qa niya šni mata nun seca; Nitawoahope cantowakpani, heon etanhan.

132 Miye ekta ihduhomni qa cantemakiya woTona nicaje waštedakapi kin iyececa.

133 Nioie kin on mioye kin yasuta wo; Qa taku šica takudan wowidagmaye šni nunwe.

134 Wicašta wakakisye cin etanhan opemakiton wo; Hecen nitawoonspe kin ahowape kta.

135 Niite kin nitaokiye aojanjanya wo , Qa wokage nitawa onspemakiya ye.

136 Miišta etanhan mini wakpadan kaduza; Nitoope opapi šni kin heon etanhan.

TZADDI. 137 Jehovah, niye oniwotanna; Qa nitawoyaco kin hena ecetu.

138 Nitawoyaotanin kin woowotanna eyehde, Qa wowicake hinca.

139 Wacantawahde kin he mahdušota; Tokamayanpi nioie akiktonjapi kin heon.

140 Nioie kin ecedan hinca; Heon nitaokiye he waštedaka.

141 Miye macistinna qa wahtemadapi šni; Tuka nitawoonspe awektonje šni.

142 Nitoowotanna kin he woowotanna owihanke šni; Qa nitoope kin he wowicake.

143 Wonihinciye qa wokakije mayuzapi; Nitawoahope kin hena wowiyuškinwaye.

144 Nitawoyaotanin kin ohinniyan owotanna; Okahnihmayan wo, kinhan wani kta.

KOPH. 145 Micante ocowasin on hoyeciciya; Jehovah amayupta wo; Wokage nitawa kin hena owape kta.

146 Houciciya ee, niniayan wo; Kinhan nitawoyaotanin awaoanmi kta.

147 Anpao kin en nitokam wau qa houciciya: Nioie kin on ape waun.

148 Miišta hankiktapi kin kawicapa; Nioie kin awaeanmi kta heon.

149 Nitocantekiye eciyatanhan ho namakihon wo; Jehovah, nitawoyaco kin on niniayan wo.

150 Tona taku šica kuwa|)i kin hena kiyedan unpi; Tuka nitoope kin itehanyan unpi.

151 Jehovah, niye kiyedan yaun; Qa nitawoahope kin owasin wowicake.

152 Wanakajatanhan nitoope kin on sdonwaya; Hena otokahe wanin tanhan yahduštan.

REŠ. 153 Mitokakije wanyake ca emayaku wo; Nitoope awektonje šni, heon etanhan.

154 Woakinica mitawa amicinica qa opemakiton wo; Nioie kin eciyatanhan niniayan wo.

155 Wanikiyapi kin he wiciista šica itehan un; Wokage nitawa odepi šni kin heon.

156 Jehovah, wocantekive nitawa kin hena ota; Nitawoyaco kin on kinimakiya wo.

157 Šicaya makuwapi qa tokamayanpi kin hena otapi; Tuka nitawoyaotanin kin hinduštan šni.

158 Wahtanipi sa wanwicamdaka qa wamayazan; Hena nioie opapi šni kin heon.

159 Jehovah, nitawoonspe waštewadake cin he wanyaka ye; Nitocantekiye eciyatanhan niinayan wo.

160 Nioie otokahe kin he wowicake; Qa nitoowotanna woyaco kin owasin owihanke wanica.

SCHIN. 161 Ituh wicašta itancanpi šicaya makuwapi; Tuka micante nioie kin kokipa.

162 Taku ehe cin on wimduškin; Tuwe woyuha tanka iyeye cin iyececa.

163 Woitonšni šicewadake ca wahtewada šni; Nitoope kin he waštewadaka.

164 Anpetu eca šakowin akihde ciyatan ece; Nitoowotanna woyaco kin hena on.

165 Nitoope wasledakapi kin hena wookiye ota yuhapi; Qa takudan ibowicato kte šni.

166 Jehovah, nitowiconi kin ape waun; Qa nitawoahope kin ecamon ece.

167 Minagi nitawoyaotanin kin patan; Qa hena nina waštewadaka ece.

168 Nitawoonspe qa nitawoyaotanin kin mduha; Miohan owasin nitokam hiyeye cin heon.

TAU. 169 Jehovah, waceye cin nitokam ikiyedan u nunwe; Nioie eciyatanhan okahnihmayan wo.

170 Mitawocekiye nitokam u nunwe; Nioie kin on makiyuška wo.

171 Miiha woyatan hiyuye kta; Wokage nitawa onspemayakiye kta heon.

172 Miceji iyae cin ayupta nunwe; Nitawoahope kin owasin owotanna ce.

173 Ninape omakiya un nunwe; Nitawoonspe kin hena wakahniga heon.

174 Jehovah, waniyakiye cin he cantowakpani; Qa nitoope kin he wowiyuškinwaye.

175 Minagi ni un nunwe, kinhan niyatan kta; Qa nitawoyaco kin omakiya nunwe.

176 Tahinca wan taninšni iyecen wanuni; Nitaokiye okide wo; Nitawoahope awektonje šni, heon etanhan.