Amos

AMOS

WICOWOYAKE 1

1 Amos oie kin, Tekoa en wannnyanpi yubapi kin hetanhan, Uzziah Judah wicaštayatapi taanpetu en, qa Jeroboam Joaš cinhintku Israel wicaštayatapi taanpetu kin on, maka škanškan itokamtu waniyetu nonpa he ehan, taku Israel on wanyake cin dena ee.

2 Unkan heya; Jehovah Zion etanhan bo hdatanin kta, qa Jerusalem etanhan ho uye kta; hecen wanunyanpi wicayuhapi en owihanwicakiyapi kin hena ceyapi kta,qa Carmel ipa kin šnije kta ce.

3 Jehovah kaken eya; Damascus wokipajin tawa yamni qa topa on weciyiibomni kte šni; mazasapa icapun on Gilead wicakapan, heon etanhan.

4 Tuka Hazael tipi kin en peta wan yewaye kta; unkan he Ben-hadad tipi wašteate tawa kin huhnage kta.

5 Nakun Damascus inatake kin mduwego kta. qa en ounyanpi kin Aven omdaye kin etanhan ihangwicawaye kta, qa tuwe mazasagye yuho cin Eden tipi kin etanhan: unkan Syria oyate kin Kir okta wayaka aye kta ce, Jehovah eya.

6 Jehovah hecen eya; Gaza wokipajin tawa yamni qa topa on weciyuhomni kte šni: wayaka unpi kin Edom on wicaqupi kta ooowasin wayaka ayapi, heon etanhan.

7 Tuka Gaza conkaške  kin en peta wan yewaye kta, qa tipi wašteate tawa kin huhnage kta:

8 Nakun en ounyanpi kin Ašdod etanhan ihangwicawaye kta, qa tuwe mazasagye yuhe cin Aškelon etanhan; qa Ekron ekta minape wahduhomni kta; qa Philistine okaptapi kin atakuni kte šni ce, Jehovah Itancan kin eya.

9 Jehovah hecen eya; Tyrus wokipajin tawa yamni qa topa on weciyuhomni kte šni; wayaka ayapi kin ocowasin Edom wicaqupi, qa hunkawanjinkiciyapi wicotakuye kin he kiksuyapi šni, heon etanhan:

10 Tuka Tyrus conkaške  kin en peta wan yewaye kta, qa tipi wašteste tawa kin hena huhnage kta ce.

11 Jehovah hecen eya; Edom wokipajin tawa yamni qa topa on weciyuhomni kte šni: iye sunkaku kin mazasagye on kuwa aya, qa wocantekiye ocownsin ehpekiya, qa tocanniye kin ohinniyan wayundefideca, qa tocanleptnnye kin owihanke wanin hduha un kin heon etanhan:

12 Tuka Teman en peta wan yewaye kta, qa Bozrah tipi waštešte tawa kin huhnage kta ce.

13 Jehovah hecen eya; Ammon cinca wokipajin tawa yamni qa topa on wieaweciyuhomni kte šni: makoce hdutankapi kta on Gilead en winohinca ihdušakapi kin bona bawioamdazapi, heon etanhan:

14 Tuka Rabbah conkaške  kin en peta wan wakage kta. qa tipi wašteste tawa kin gu kta: okicize anpetu kin en iyasapi on, tateiyumni anpetu kin en icamna hinca on:

15 Qa wicaštayatapi tawapi kin he wayaka uyapi kta, iye qa wicašta ihdawa wicayuhe cin hena koya, Jehovah eya.

AMOS WICOWOYAKE 2.

1 Jehovah hecen eya; Moab wokipajin tawa yamni qa topa on weciyuhomni kte šni: Edom wicaštayatapi huhu kin inyan acehpi iyecen suya, heon etanhan:

2 Tuka Moab en peta wan yewaye kta, qa he Kerioth tipi wašteste kin huhnage kta: qa owodutaton kagapi, iyasapi, mazayahotonpi tanka yajopi ko en Moab te kta.

3 Qa cokayatanhan wicašta wayaco kin ihangwaye kta, qa kici wicašta ihdawapi kin iyuhpa wicawakte kta ce, Jehovah eya.

4 Jehovah hecen eya; Judah wokipajin tawa yamni qa topa on weciyuhomni kte šni: Jehovah toope kin aktapi šni, qa tawoahope kin ahopapi šni; qa woicihnaye tawapi, iye atewicayapi iyahna mauipi qon hena nuniwicakiya nakaeš:

5 Tuka Judah en peta wan yewaye kta, qa he Jerusalem tipi waštešte kin huhnage kta ce.

6 Jehovah hecen eya; Israel wokipajin tawa yamni qa topa on weciyuhomni kte šni: wicašta owntanna mazaska on wiyopeyapi, qa wahpanica kin hanpa tawanji tokiyopekiyapi nakaeš.

7 Hena wahpanica pa akan maka watušekšeca kin on temniiciyapi, i onšiicidapi tacanku kin icunom iyeyapi ece. Nakun wicašta wan iye atkuku kici wikoška  wanjidan en yapi,micaje wakaa kin yušapapi kta e heon:  

8 Qa owayušna otoiyohi en wokoyake ikoyagyapi kin akan iwankapi, qa wicayacopi miniša tawapi kin he taku wakan tawapi ti kin ohna yatkanpi ece.

9 Heca ešta miye qe hena wicitokam Amori wicašta kin ihangwaya, he qe hanske cin hanteša can hanska iyececa, qa uskuyeca can kin iyecen wašaka; tuka wankantanhan tawaskuyeca, qa kuyatanhan hutkan tawa kin ihangweciya.

10 Nakun miye hinca Egypta makoce kin etanhan hinanpeciyapi,qa waniyetu wikcemna topa hehanyan hopuza kin en maniciyapi, Amori tamakoce kin tawayayapi kta e heon.

11 Qa nicinkšipi etanhan wicašta wokcan icahwicawaya, qa koška nitawapi etanhan Nazari wicašta heca kta. Israel cinca, he hecetu šni he? Jehovah eya.

12 Tuka Nazari wicašta kin minisa yatkewicayakiyapi, qa wicašta wokcanpi kin, Woyakapi šni po, ewicayakiyapi ece.

13 Wanyaka po, miye nihukuya mapaskicapi, canpahmihma wan wopahte ojudan paskicapi iyececa.

14 Econ i etanhan tuwe duzahan kin he najica anaptapi kta, qa tuwe wašake cin he towašake kin hinwašake kte šni, qa tuwe waditake cin he iye nagi niiciye kte šni:

15 Qa tuwe itazipa hduze cin he najin kte šni: qa tuwe siha on duzahan ešta eihdaku kte šni; qa tuwe šuktanka akan iyotanke cin he nakun nagi niiciye kte šni.

16 Tuka tuwe wašakapi kin elma waditake cin he anpetu kin he en tancodan nape kta ce, Jehovah eya.

AMOS WICOWOYAKE 3.

1 Israel cinca, wicowazi Egypta etanhan awau qon ocowasin, wicoie on Jehovah owaniciyepi kin de nahon po, he hecen eya:

2 Maka akan wicowazi owasin etanhan niye nišnana sdonciyapi; heon etanhan wayahtauipi owasin on en aciyapi kta ce.

3 Tuwe nom wicakicidapi šni ehantanhan sakim niani okihipi kta he?

4 Mnaja wan takudan iyahpaye šni kinhan contanka ehna tanhan hoton kta he? mnaja koška wan takudan icu šni kinhan sun kin etanhan ho uye kta he?

5 Tukten takudan ekionpapi šni kinhan zilkadan maka akin onhmunkapi en ohinhpaye kta he? mazahtakiyapi ecaca takudan yuze šni kinhan, tuwe maka kin etanhan eyaku kta he?

6 Otonwe kin ohna mazayahotonpi tanka yajopi kinhan oyate kin kokipapi kte šni he? wošice kin otonwe wan en un kinhan, qa Jehovah he kage šni he?

7 Awicakehan Jehovah Itancan kin takudan econ kte šni, toinahbe iye taokiye wicašta wokcanpi kin wicakiyaotanin šni kinhan.

8 Mnaja kin wanna hoton, tuwe kokipe kte šni he? Jehovah Itancan kin wanna ia, tuwe he oyake kte šni he?

9 Ašdod tipi waštešte ohna, qa Egypta makoce en tipi waštešte ohna eyanpaha po, qa heya po; Samaria he kin akan mniciya po, qa ohna wonihinciye tanka kin wanyaka po, qa ohna wokakisyo kin hena.

10 Tona wokamna owotanna šni qa taku wicakipi kin tipi wašteste ohna ekikjupi kin hena owotanna econpi kta sdonyapi šni nakaeš, Jehovah eya.

11 Heon etanhan Jehovah Itancan kin hecen eya; Toka wan, han, makoce kin ihdukšan un kta: qa iye nitowašake kin kun ehpeniciye kta, qa tipi waštešte nitawa kin hena yucokakupi kta ce.

12 Jehovah hecen eya; Waawanyake wan mnaja i kin etanhan isto nonpa qa iš noge onšpa ikicicu kin he iyecen Israel cinca Samaria en ounyanpi kin owinja okise ohna ewicayakupi kta, qa Damascus etanhan ohehdepi wan ohna.

13 Niye nahon po, qa Jacob tipi kin ohna eyanpaha po, Jehovah Itancan, Taku Wakan ozuye yuhe cin he hecen eya:

14 Anpetu wan Israel wokipajin tawa kin en awicawai kinhan, hehan nakun Bethel owayušna tawa kin cu amde kta: unkan owayušna he kin hena kaksapi kta, qa makata hinhpaye kta ce.

15 Hehan waniyetu tipi qa mdoketu tipi kin kici awape kta: qa huhu tipi waštešte kin hena atakuni kte šni, qa tipi tankinyanyan kin owihanke kta ce, Jehovah eya.

AMOS WICOWOYAKE 4.

1 Bašan ptewanunyanpi, Samaria paha akan yaunpi, wahpanicapi kin kakiswicayayapi, onšikapi kin šicaya wicayakuwapi, tona itancan tawapi kin hewicayakiyapi, Hu po, kinhan waunyatkanpi kta ce, ehapi ecee kin, wicoie kin de nahon po:

2 Jehovah Itancan kin iye towakan kin on iciconza, iho, anpetu kin en niupi kta, hehan iye mazaskopa on eniyakupi kta, qa tona nihakam upi kin hinškijupi kin on.

3 Qa yujujupi kin hena ohna tankan dapi kta, otoiyohi ite itoheya, qa conkaške kin ohna iyohpeniyanpi kta ce, Jehovah eya.

4 Bethel en u po, qa wawakipajin po; Gilgal ekta wokipajin hduota po: qa hanhanna eca wošna nitawapi aku po, iwikcemnamna kin hena oinaka yamni iyohakam.

5 Nakun taku on napohyapi kin on wopida wayušna po, qa cante wašteya paganpi kin hena yaotanin po, eyanpaha po: Israel cinca, hecen iyonicipipi nakaeš, Jehovah Itancan kin eya.

6 Unkan miš nakun otonwe nitawapi owasin ohna hi takudan oštake šni kin cicupi, qa ounyaj yapi kin iyuhpa en aguyapi wanica: tuka hececa ešta miye en nihdoupi šni, Jehovah eya.

7 Qa nakun miye magaju kin anaciciptapi, hinyahin ehakp wi yamni hehan wayukšapi kta tuka: qa otonwe wanji amagajuwaya, qa otonwe tokeca wan amagajuwaye šni: hanke amagaju, qa onšpa amagaju šni kin he šnija.

8 Hecen otonwe nonpa qa yamni otonwe wanjidan ekta kacegya manipi, mini yatkanpi kta, tuka imnanpi šni: hececa ešta miye en nihdokupi šni ce, Jehovah eya.

9 Wošnije qa aa kin on acipapi: maga nitawapi, qa hastanhanka iynwi ojupi nitawapi, qa witanšna hu nitawapi. qa wihdi can nitawapi kin hena icaga hehan psipšica cinca kin temyapi: hececa ešta miye en nihdokupi šni, Jehovah eya.

10 Niyepi ehna makošica kin yewaši, Egypta canku kin en iyececa: koška nitawapi kin hena mazasagye on wicawakte, nakun šuktanka nitawapi eciciyakupi; qa Wicoti nitawapi šicarnna kin he nipogepi ohna hiyuwaya: tuka hececa ešta miye en nihdokupi šni ce, Jehovah eya.

11 Niyepi etanhan ihangwicawaya, Wakantanka Sodom qa Gomorrah ihangye ciqon iyececa, unkan ide kin etanhan petuspe wan icupi kin iyenicecapi: tuka hececa ešta miye an nihdokupi šni ce, Jehovah eya.

12 Heon etanhan, Israel, hecen ecacicon kta: qa hecen ecacicon kta heon etanhan, Israel, Taku Wakan nitawa itkokipa ihduwiyeya wo.

13 Iho, tuwe he kin icahya, qa tate kin kaga, qa wicašta toawacin kin okiciyaka, tuwe hanhanna kin otpaza kaga, qa maka ipa kin akan mani ecee kin, Jehovah, ozuye Wakantanka, he caje kin ee.

AMOS WICOWOYAKE 5.

1 Israel tiyohnaka, wicoie kin de, niyepi on woceye iwacu kin he nahon po:

2 Hinhpaya; Israel wikoška kin ake najin kte šni: makoce tawa kin ohna ehpeyapi; tuwedan najinkiye kte šni.

3 Jehovah Itancan kin kaken eya; Otonwe wan kektopawinge iyaye ciqon he opawinge okicaptapi kta, qa wanji opawinge iyaye cin he wikcemna okicaptapi kta, Israel tipi kin en.

4 Jehovah Israel tipi kin hecen ewicakiya; Miye omakide po, kinhan yanipi kta ce.

5 Tuka Beth-el odepi šni po, qa Gilgal en yapi šni po, qa Beer-šeba ekta iyoptapi šni miye: awicakehan Gilgal wayaka ayapi kta nakaeš, qa Beth-el atakuni kte šni.

6 Jehovah ode po, kinhan yanipi kta: okinni Joseph tipi kin en iyopta iyaye kta, ide wan iyececa, qa huhnage kta, qa Bethel ekta tuwedan kasni kte šni.

7 Tona woyaco pa hinca yakagapi, qa maka akan woowotanna aduštanpi ece;

8 Tuwe Wicanhpi Šakowin kin qa Orion kaga, qa wiconte ohanzi kin anpao icahya, qa anpetu kin hanyetu on ahanzikiya; tuwe miniwanca mini kin kipan, qahena maka ite kin aknstan kin hee ode po: Caje kin he Jehovah ee.

9 Tuwe wašakapi kin en wicotakunišni wicakiyutanin ece, heeen wicotakunišni conkaške kin en u kta.

10 Tiyopa kin ohna tuwe wawiyopeye cin he šicedakapi, qa tuwe owotanna ie cin he wahtedapi šni ece.

11 Hecen wicašta wašake šni kin he ayahanpi, qa aguyapi ojutonpi kin eyeciyakupi ecee, heon etanhan inyan kakanpi kin on tipi yakagapi qeyaš ohna yatipi kte šni; hastanhanka iyuwi ojupi oiyokipi kin heca oyajupi, tuka etanhan miniša datkanpi kte šni.

12 Wokipajin nitawapi ota, qa wayahtanipi tankinyanyan kin hena sdonwaya ce. Wicašta owotanna kin šicaya kuwapi, wiyopeyapi icupi, qa otonwe tiyopa ohna wahpanica kin icunonpa iyeyapi ece.

13 Heon etanhan tuwe wasdonya kin he anpetu kin he en inina un kta; he anpetu kin šica nakaeš.

14 Taku wašte akita po, qa taku šica ee šni, hecen yanipi kta; qa heon Jehovah, ozuye en Wakantanka kin he nicipi un kta, kehapi kin iyececa.

15 Taku šice cin šicedaka po, qa taku wašte kin waštedaka po, qa otonwe tiyopa kin ohna woyaco ekihde po: okinni Jehovah, ozuye en Wakantanka kin he Joseph okaptapi kin onšikida kta.

16 Heon etanhan Jehovah, ozuye en Wakantanka, Itancan kin hee hecen eya ce; Tihocoka owasin ohna, Hehehe! hehehe! eyapi kta; qa mahyumdu kin wašihdapi ikicopi kta, qa tona ceya wayupikapi kin šicahowapi kin ekta.

17 Qa hastanhanka iyuwi ojupi kin owasin ohni wicaceya yuke kta: niyepi ehna mde kta nakaeš, Jehovah eya.

18 Tona Jehovah taanpetu cantoyakpanipi kin wotehi niciyankapi kta: he etanhan initokecapi he? Jehovah taanpetu kin he otpaza ee, qa iyoyanpa šni.

19 Wicašta wan mnaja ite etanhan nakipa, unkan wahankšica itkokipa kin he iyececa; qa is tipi timahen kihde ca tiunnaptanyan nape apatan, unkan wamduska wan yahtaka kin he iyececa.

20 Jehovah taanpetu kin he otpaza kta, qa iyoyanpa kte šni he? han, otpaza hinca qa iyoyanpa takudan en un kte šni he?

21 Šicewadaka, wohanpi nitawapi kin wahtewada šni, qa omniciye nitawapi kin en womna waun kte šni.

22 Wošna huhnahyapi qa woyute wošnapi nitawapi wamayakidušnapi ešta iyomakipi kte šni: qa woteca cepa wookiye wadušnapi kin hena nakun ekta ewatonwe kte šni.

23 Odowan nitawa ho kin tokan iyemiciciya wo: candowankiyapi nitawa ho kin nawahon kte šni nakaeš.

24 Tuka woyaco mini kin iyecen iyaye kta, qa woowotanna wakpa ohinniyan kaduze cin iyececa nunwe.

25 Israel tiyohnaka, woteca wošnapi qa woyute wošnapi kin heca waniyetu wikcemna topa hopuza en miye niayakahipi he?

26 Tuka Moloch nitawapi tawakeya kin yaqinpi, qa Chiun wakagapi nitawapi, taku wakan nitawapi wicanhpi tawa kin hee, hena niye nicicagapi qon.

27 Heon etanhan Damascus akotanhan wayaka ayeciciyapi kta ce, Jehovah, ozuye Wakantanka eciyapi kin he hecen eya.

AMOS WICOWOYAKE 6.

1 Hehehe, tona Zion en owanji yankapi, qa tona Samaria paha akan wikope šni unpi kin, oyate wicehna tokaheya ewicakiyapi, qa Israel tiyohnaka en wicahipi qon.

2 Calneh ekta unhdaka ya po, qa wanyaka po; qa hetanhan Hamath tanka kin ekta ya po; qa Gath Philistine tawa ekta kun ya miye: hena wokiconze kin dena isanpa wašte he? kaeš makoce icaifopi kin niye inicagopi kin isanpa tanka he?

3 Tona anpetu šica yutehanpi, qa wokakisye oiyotanke kin kiyedan u kiyapi:

4 Tona huhu ohetutepi kin en iwankapi, qa towinjapi akan nasonsonpi ece; tona optaye kin etanhan tahinca cinca, qa tatanka tipi etanhan ptejicadan hdutapi ecee:

5 Tona candowankiyapi ho kin on iwohdahdakapi; David iyecen on dowanpi kte cin icicagapi ece:

6 Tona miniša iyatke kin etanhan yatkanpi, qa wipakinte iyotan on sdaiciyapi ecee; tuka Joseph ihduhdecapi kin on cante šicapi šni.  

7 Heon etanhan wanna wayaka ayapi kin wicitokam hena wayaka yapi kta; qa tona nasonsonpi šicahowayapi kin tanin kte šni.

8 Jehovah Itancan kin iye hinca on icicoifza, Jehovah ozuye en Wakantanka he hecen eya; Miye hinca Jacob towahanicida kin he wahtewada šni, qa tipi wašteste tawa kin šicewadaka; heon etanhan otonwe qa taku ohna un kin icuwicawakiye kta.

9 Unkan kaketu kta, tipi wanji ohna wicašta wikcemna okaptapi kinhan hena nakun tapi kta.

10 Qa tuwe takuye wan he icu kta, han, tuwe huhnahye cin he, huhu kin tipi kin etanhan eyaku kta e heon; qa tuwe catkutanhan yanke cin he heciye kta; Nakun tuwe nici wanka he? Unkan iye, Hiya, eye kta. Hehan heye kta; Inina yanka wo; Jehovah caje kin en kiksuye unkiciciye kte šni nakaeš.

11 Iho, Jehovah wakiconz.a; qa tipi tanka kin he wokamdece on ape kta, qa tipi cistinna kin he wokaptuje on.

12 Šuktanka kinimnija wan ainyankapi kta he? tuwe tatanka on he ayumdu kta he? Tuka niyepi woyuecetu kin he pejihuta šica yakagapi, qa woowotanna waskuyeca kin he peji pa hinca yakagapi nakaeš:

13 Tona takušni on widuškinpi: Wowašake unkitawapi on he kin heca unkicupi šni he? ehapi ece.

14 Tuka Jehovah ozuye en Wakantanka kin he hecen eya; Iho, Israel tiyohnaka, oyate wan itkonicipe wicawakiye kta: qa hena kakišniyanpi kta, Hamath en yapi kin hetanhan hopuza wakpa kin hehanyan.

AMOS WICOWOYAKE 7.

1 Jehovah Itancan kin hecen wanyagmakiya; unkan iho, peji ehake uye cin he ehan psipsicadan kaga: unkan iho, wicaštayatapi kasda iyohakara peji icage cin iyehantu.

2 Unkan kaketu, makoce peji kin wanna ocowasin temyapi hehan hepa; Jehovah Itancan, ceciciya ce, kajuju ye, Jacob token najin kta he; he cistinna nakaeš.

3 He on Jehovah iyokišiniciya: Ecetu kte šni ce, Jehovah eya.

4 Jehovah Itancan kin decen wanyagmakiya; unkan iho, Jehovah Itancan kin peta on wicakize kta kico: unkan he miniwanca tanka kin temya, qa maka kin huhnaga.

5 Hehan hepa; Jehovah Itancan ceciciya ce, ayuštan ye: taku on Jacob najin kta he? he cistinna nakaeš.

6 He on Jehovah iyokisiniciya: De nakun ecetu kte šni ce, Jehovah Itancan kin eya.

7 Decen wanyagmakiya; unkan iho, Itancan kin nape ohna mazasu on iyutapi wan yuha inyan conkaške bosdan kagapi he akan najin.

8 Hehan Jehovah hemakiya; Amos, taku wandaka he? Unkan, Mazasu on iyutapi wan, epa. Hehan Itancan kin heya; Iho, mitaoyate Israel wicacokaya mazasu on iyutapi wan ewahnake kta; ake icimana acawicawaksin kte šni.

9 Tuka Isaak pajodan tawa kin heua ihangyapi kta, qa Israel tipi wakan tawa kin hena awihnunipi kta: qa mazasagye yuha Jeroboam tipi kin apaha nawajin kta ce.

10 Hehan Amaziah Beth-el en wawayušna kin he Jeroboam Israel wicaštayatapi kin wahoye caheciya; Amos Israel tipi kin cokahan niye on iciconza; oie iyuhpa makoce kin yuha okihi kte šni:

11 Amos kaken eya ce: Jeroboam mazasagye on te kta; qa Israel wayaka ayapi on iye tamakoce kin etanhan wayaka ayapi kta ce.

12 Nakun Amaziah Amos heciya; Waayate, hunkatiya wo, Judah makoce kin ekta napa wo, qa heciya aguyapi yuta wo, qa hen waayata wo:

13 Tuka ake icimana Beth-el en waayate šni wo, he wicaštayatapi tipi wakan tawa, qa tipi wašte hinca wicaštayatapi tawa hee nakaeš.

14 Hehan Amos waayupte ca Amaziah heciya; Miye waayate hemaca šni, qa waayate cinca kin hemaca šni; tuka wanunyanpi wihanwicakiye cin hemaca, qa šukamin waskuyeca wapahi ecee.

15 Unkan wanunyanpi wicihakain waun qon hetanban Jehovah imacu; qa Jehovah hemakiya; Ya wo, Israel mitaoyate kin wowicakiyaka wo.

16 Heon etanhan niye nakaha Jehovah oie kin naft n wo: Israel en waayate Šni wo, qa Isaak tiyohnaka en takudan ahinhc Šni wo, eha ece.

17 Heon etanhan Jehovah hecen eya; Otonwe kin ohna winohinca nitawa wawicihahapi econ kta, qa nicinkši qa nicunkši kin hena mazasagye on hinnpayapi kta: qa nakun makoce nitawa hahonta on kiyuspapi kta; qa niye makoce šapa wan ohna nite kta; qa wayaka ayapi on Israel iye tamakoce kin etanhan wayaka ayapi kta ce.

AMOS WICOWOYAKE 8

1 Jehovah Itancan kin decen wanyagmakiya: unkan iho, makanopiye wan waskuyeca suton ohna.

2 Hehan iye heya; Amos, taku wandaka he? Unkan, Makanopiye wan waskuyeca suton ohnaka, epa. Hehan Jehovah hemakiya; Mitaoyate Israel owihanke kin wanna hiyohi; ake icimana acawicawaksin kte šni.

3 Qa anpetu kin he en tipi wakan ohna dowanpi ece kin hena šicahowayapi kta ce, Jehovah Itancan kin eya: owanka owasin ohna wicata ota kta; inina un tankan ehpewicayapi kta ce.

4 Tona wahpanicapi kin nawicayapcapi, de nahon po, niakoce en onšikapi kin ihangwicayapi kta:

5 Tohan wi teca kin henakeca kta, hecen aguyapi wiyopeunyanpi kta; qa anpetu wakan kin tohan henakeca kta he, hecen aguyapi su taninyan eunhnakapi kta, ehapi; ephah kin cistinna yakagapi, qa šekel cin dutankapi, qa onaspeyetonpi kin wohnaye on itonšniyakiyapi?

6 Hecen onsikapi kin mazaska on opewicayatonpi kta, qa wahpanicapi kin hanpa tawanji kin on; qa aguyapi su ehpeyapi kin he wiyopeyayapi ece?

7 Jacob toiyokipi kin on Jehovah iciconza Wicohan tawapi owasin icimana awektonje kte šni.

8 De on makoce cancan kte šni he; qa en ounyanpi kin otoiyohi iyokišiniciye kte šni he? unkan he ocowasin wankan u kta, wakpa wan iyececa; minitan aye kta, qa oyahe aye kta, Egypta wakpa kin iyececa.

9 Unkan anpetu kin he en kaketu kta, Jehovah Itancan kin eya; Wiyotanhan hehan wi kin isinyan iyayewaye kta, qa anpetu amahpiya šni en niakoce kin aotpas wakiye kta:

10 Qa wonkiciyapi nitawapi kin wicocante šica wakage kta, qa nitadowanpi owasin wicaceye kta: qa iyuhpa wakihdaka ipiyagkiton wicawakiye kta; qa wicapa otoiyohi pesda kte; qa hokšincantkiyapi akiceyapi kin iyececa wakage kta, qa owihanke kin he anpetu pa hinca iyececa.

11 Iho, anpetu kin u kta, Jehovah Itancan kin eya; wicaakihan wan makoce kin en yewaye kta; aguyapi on akihanpi kin ee šni, qa mini on ipuzapi kin hee šni; tuka Jehovah oie nahonpi kte cin hee:

12 Unkan miniwanca kin etanhan miniwanca kin ekta yapi kta, qa waziyatanhan wiyohiyanpata ekta icimani icicawin inyang yapi kta, Jehovah oie kin odepi kta, tuka iyeyapi kte šni.

13 Anpetu kin he en wikoška  waštepi qa koška  pi kin hena ipuzapi on hanyanpi kta.

14 Tona Samaria tawoahtani on iciconzapi; qa, Dan, taku wakan nitawa ni un; qa, Beer-šeba canku kin ni un ce, eyapi kin hena hinhpayapi kta, qa icimana najinpi kte šni.

AMOS WICOWOYAKE 9.

1 Itancan kin owayušna kin akan najin wanmdaka: unkan heya; Tiyopa pa kin apa wo, hecen anokatanhan huhuzahe kta; qa hena owasin pa akan kamden ehpeya wo: unkan hena iyohakam upi kin mazasagye on wicawakte kta: tuwe hena etanhan napa ešta najice kte šni, qa tuwe hena etanhan nahmana iyaya ešta niyapi kte šni.

2 Hades enoqapi ešta hetanhan minape ivricacu kta; qa mahpiya ekta adipi ešta hetanhan kun awicawau kta:

3 Qa Carmel ipa kin en inahmanpi ešta, hen owicawade qa wicamduze kta; qa miniwanca sbe kin ekta miišta etanhan aimhbe iciyapi ešta, hen wamduška tanka kin econwasi kta, unkan he wicayahtake kta.

4 Qa tokawicayapi wicitokam wayaka yapi ešta, hen mazasagye kin econwasi kta, unkan wicakte kta; qa taku šicaon miišta awicawahnake kta, qa taku wašte on etanhan šni.

5 Unkan Jehovah ozuye en I tancan kin hee e maka kin yutan, unkan Mo kta; qa en ounyanpi kin iyuhpa cante šicapi ece e kta; qa he wakpa wan iyecen wankan u, qa ake kun ye kta, Egypta wakpa kin iyececa.

6 Tuwe mahpiya ekta wankan tipi icicaga, qa maka akan okotonyan tawa ekihde: tuwe miniwanca mini kin kipan qa maka ite apapson ece; caje kin he Jehovah ee.

7 Israel cinca, miye en Ethiopi cinca kin iyenicecapi šni he? Jehovah eya. Israel Egypta makoce kin etanhan miye hinanpewicawaye šni he; qa Philistine oyate kin Caphtor etanhan, qa Syri kin Kir etanhan?

8 Wanyaka wo, Jehovah Itancan ista kin wokiconze wahtani sa kin atonwan ece; qa maka ite kin etanhan ihangwaye kta: tuka Jacob tipi kin ocowagin ihangwaye kte šni ce, Jehovah eya.

9 Wanyaka wo, miye econwicawasi kta, qa oyate owasin ehuahna Israel tipi kin wicamducan kta, wiyucan ohna wayucanpi kin iyececa, tuka su wanjidan keš makata hinhpaye kte šni.

10 Tuka mitaoyate etanhan wahtanipi sa, Taku šice cin unkiyahdepi kte šni, qa ahiunhdegapi kte šni ce, eyapi kin hena iyuhpa mazasagye on tapi kta ce.

11 Anpetu kin he en David tawakeya hinhpaye cin he bosdan ewahde kta; qa okamdece kin hena piya wakage kta; qa yujujupi tawa qon ake najin wakiye kta, qa anpetu wanakaja kin en iyececa waka e kta.

12 Hecen Edom okaptapi kin he yuhapi kta, qa Ikcewicašta owasin micaje on caswicatonpi kte cin hena; Jehovah hecon kin he hecen eya.

13 Iho, anpetu kin u kta, Jehovah eya; hehan mahyumdu kin he wayuksa kin ekihdege kta; qa hastanhanka naskice cin he tuwe taku su oju kin: hehan he kin miniša teca on sbuye kta, qa paha kin owasin sdo kta.

14 Unkan Israel mitaoyate wayaka unpi kin hdicuwakiye kta; hehan otonwe yujujupi qon hena piya kagapi qa ohna tipi kta; qa hastanhanka iyuwi ojupi kin huhdepi qa etanhan miniša hdatkanpikta; nakun maga ka api kta, qa oicage kin hdutapi kta.

15 Hehan iye tamakoce kin en owicawekju kta; qa makoce wicawaqu kin hetanhan icimana wicayujunpi kte šni ce, Jehovah nita Wakantanka kin hecen eya ce.