Zechariah

Disclaimer: This book probably needs more work than some of the others. It seems the translators or whoever put the digital copy together tried to be clever. As we have stated, this is just as free from type errors as we can get it-- stage two, in other words. We need a native speaker (or more) or someone else who is more familiar with the language to take up the next step. God bless you and may He continue to guide this process so that these beautiful, amazing people can have again what belongs to them.

ZECHARIAH

WICOWOYAKE 1.

1 Darius tawaniyetu inonpa, wi išahdogan kin en, Jehovah oie Zechariah, Berekiah cinhintku, Iddo cinhintku, wicašta wokcan kin en hi kin he hecen eya:

2 Jehovah canteptanyan, hunkakewicayayapi kin canniyewicaya:

3 Heon etanhan hewicakiya wo; .Jehovah ozuye hduhe cin he kaken eya; En mahdiyaku po, Jehovah ozuye hduhe cin eya: kinhan niyepi en mihdoku kta ce, Jehovah ozuye hduhe cin eya.

4 Nihunkakepi kin iyececapi šni po: wicašta wokcanpi tokaheya hena hoyewicakiyapi qa heyapi; Wanna nitacankupi šice cin etanhan, qa taku slca ecanonpi kin etanhan ihdoku po, Jehovah ozuye hduhe cin eya ce. Tuka nahonpi šni qa anamagoptanpi šni, Jehovah eya.

5 Nihunkakepi kin tokiya unpi he? qa wicašta wokcanpi kin hena ohinniyan ni unpi he?

6 Tuka mioie qa mitawoyaco mitaokiye wicašta wokcanpi kin econwicawasi qon hena nihunkakepi kin ewicakihdegapi šni he? unkan hena e ihduhomnipi qa heyapi; Unkitacankupi kin eciyatanhan, qa unkioftanpi kin eciyatanhan Jehovah ozuye yuhe cin ecaunkiconpi kta cante yuze ciqon he iyecen wanna ecaunkiconpi ce.

7 Darius tawaniyetu inonpa, wi iakewanji, wi kin Sebat eciyapi kin he en, anpetu wikcemna nonpa sanpa topa, hehan Jehovah oie Zechariah, Berekiah cinhintku, Iddo cinhintku, wicašta wokcan i kin en hi kin he hecen eya:

8 Hanyetu hehan wanmdaka, unkan iho, wicašta wan šuktanka hin sa wan akan iyotanka, qa kaksiza ohna hadas can kin ehna inajin: qa he idazatanhan šuktanka hin sa, hin to, qa hin ska yukan.

9 Hehan hepa; Itancan mitawa, dena taku he. Unkan wahosi wakan miciwohdake cin he hemakiya; Dena taku kin cicipazo kta ce.

10 Hehan wicašta hadas can kin ehna najin qon he waayupte, qa heya; Tona Jehovah maka kin en ohnihdeya unpi kta yewicasi qon hena eepi.

11 Hehan hena iš Jehovah wahosi wakan tawa hadas can ehna najin kin ayuptapi qa heyapi; Maka kin en ohnihdeya unyakonpi, unkan iho, maka kin ocowasin owanji yanka qa oziiciya ce.

12 Hehan Jehovah wahosi wakan tawa kin waayupta qa heya; Jehovah ozuye hduhe cin, Jerusalem qa Judah otonwe kin wanna waniyetu wikcernnašakowin hehanyan canniyewicayaye cin tohayan onsiwicayakida kte šni he?

13 Unkan Jehovah wahosi wakan miciwohdake cin he wicoie wašte qa wicoie oiyokipi kin on ayupta.

14 Hehan wahosi wakan miciwohdake cin hemakiya; Eyanpaha qa heya wo; Wowinawizi tanka on Jerusalem qa Zion on winawawizi ece, Jehovah ozuye hduhe cin eya:

15 Qa wocanteptanye tanka on Ikcewicašta owanji yakonpi kin canniyewicawaya: miye cistinna cantemaptanyan, tuka heepi e wošice kin okiyapi.

16 Heon etanhan Jehovah hecen eya; Wocantekiye hduha Jerusalem en wahdiyaku: Tipi mitawa kin he kagapi kta, qa Jerusalem akan ikan wan yutitanpi kta ce, Jehovah ozuye hduhe cin eya.

17 Ehake eyanpaha qa heya wo; Otonwe nntawa kin he taku wašte on apasbog un kta, qa Jehovah ehake Zion cantohnagye kta, qa ehake Jerusalem hdahnige kta ce, Jehovah ozuye hduhe cin eya.

18 Hehan miišta hduwankan iwekcu qa wanmdaka, unkan iho, he topa.

19 Unkan wahosi wakan miciwohdake cin hewakiya; Dena taku he? Unkan iye amayupta; He kin dena Judah qa Jerusalem enanakiya iyewicayapi qon hena ee.

20 Hehan Jehovah mazakaga topa makipazo.

21 Hehan hepa; Dena taku. econ upi h?. Unkan iye ie ca heya; Judah wicašta enanakiya iyewicaye ciqon, hecen tuwedan pa yuwankan ikikou šni, he kin hena ee. Tuka dena e hamwicaya hipi, Ikeewicašta he kin ihangyapi kta, tona Judah makoce kin enanakiya iyewicayapi kta on he yuwankan ikikcupi qon hena.

ZECHARIAH WICOWOYAKE 2.

1 Hehan išta yuwankan iwekcu qa ekta ewatonwan; unkan iho, wicašta wan, qa nape ohna wiyutapi ikan wan.

2 Hehan hepa; Tokiya da he? Unkan iye hemakiya; Jerusalem imdute kta, tohanyan ohdakinyan, qa tohanyan ohanske kta he wanmdake kta ce, eya.

3 Unkan iho, ohnihde wakan miciwohdake cin he iyaya, qa ohnihde wakan wan tokeca itkokipa ya:

4 Qa heciya; Ekta inyang ye ca koška kin de heciya wo; Conkaške  codan iyecen Jerusalem en ounyanpi kta, wicašta ota qa woteca ota ohna kta nakaeš:

5 Qa miš miye ihduka peta conkaške  waun kta, qa cokaya wowitan waun kta ce, Jehovah eya.

6 Ho, ho, qa waziyata makoce kin etanhan najica po, Jehovah eya: mahpiya tate ouye topa kin iyecen ciyuomdecapi nakaeš, Jehovah eya.

7 Ho, Zion, Babylon cunwintku kin kici ounyaye cin, niiciya wo.

8 Jehovah ozuye hduhe cin he hecen eya; Wowitan ohakam, oyate wanicipi qon hena ekta yemaši; tuwe kiunniniyanpi kin he iye išta su kiunniya nakaeš.

9 Iho, hena iwankam nape wakoza kta, unkan iye wowidake wicayapi kin on wawicakipi kta; hecen Jehovah ozuye yuhe cin umasi kin he sdonyayapi kta.

10 Dowan wo, qa wiyuškin wo, Zion cunwintku; iho, wau qa nicokaya ounwaye kta ce, Jehovah eya.

11 Unkan anpetu kin he en oyate ota Jehovah en ikoyagiciyapi kta, qa mitaoyate eepi kta: unkan nicokaya ounwaye kta, qa Jehovah ozuye yuhe cin he niye ekta umasi kin he sdonyaye kta ce.

12 Unkan Judah makoce wakan tawa qon he Jehovah tawakiye kta, qa ake Jerusalem en iyokipiiciye kta.

13 Wicacehpi owasin, Jehovah itokam inina un wo: lye tipi wakan tawa kin etanhan yunicapi nakaeš.

ZECHARIAH WICOWOYAKE 3.

1 Unkan iye Jošua wawayušna itancan kin wanyagmakiya; Jehovah taohnihde wakan kin itokam najin: unkan iye etapa eciyatanhan Satan kipajin kta inajin.

2 Unkan Jehovah Satan heciya; Satan, Jehovah iyopeniyan nunwe; han, Jehovah Jerusalem en iyokipiiciye cin hee iyopeniyan nunwe. Petuspe wan peta etanhan icupi kin he dee šni he?

3 Unkan Jošua wokoyake šica ece un, qa ohnihde wakan kin itokam najin.

4 Hehan iye waayupte, qa tona itokam najinpi kin hewicakiya; Wokoyake šice cin hena ekiciyaku po, eya. Hehan iye hinca he iya; Wanyaka wo, wayahtani kin yutokan iyeciciya, qa wokoyake wašte hinca koyagciciye kta ce.

5 Hehan, Watešdake ska wan pa akan ekicihnaka po, eya. Hecen watešdake wan tesdagkiyapi, qa wokoyake kicunkiyapi. Unkan Jehovah wahosi wakan tawa kin hen najin.

6 Unkan Jehovah wahošiye kin he Jošua wakiciyaatanin qa heya;

7 Jehovah ozuye hduhe cin he hecen eya ce; Mitacanku kin ohna mayani kinhan, qa mitoawanyake kin he awandake cinhan, hehan nakun wati ohna wadaco ece kta, qa nakun mitahocoka kin awandake kta; qa tona den najinpi kin hena ehnahna cankuyaye kta cicu kta.

8 Heon etanhan, Jošua wawayušna itancan, nanon wo,niye qa tawasiwicayaye cin nitokam iyotankapi kin: wicašta kin hena wowapetokeca nakaeš: Qa iho, mitaokiye ADETKA he hinanpewaye kta ce.

9 Jošua itokam inyan ewahnake cin he wanyaka wo; inyan wanji akan išta šakowin: Iho, bagopi kin hena bawago kta; qa makoce kin he woahtani kin anpetu wanjidan en yutokan iyewaye kta ce, Jehovah ozuye hduhe cin eya.

10 Anpetu kin he en otoiyohi mitakodapi hastanhanka iyuwi ihukuya, qa suken can ihukuya yecicopi kta ce, Jehovah ozuye hduhe cin eya.

ZECHARIAH WICOWOYAKE 4.

1 Hehan ohnihde wakan mici wohdake cin he ake hi, qa mayuhica, wicašta wan ištinma etanhan yuhicapi kin iyececa:

2 Qa hemakiya; Taku wandaka he? Unkan hepa'; Watonwan, qa iho, petijanjan ihupa wan ocowasin mazaskazi, qa iwankamtu wakšica wan, qa petijanjan šakowin tawa, qa pa akan petijanjan iyahde wihdi ohna hiyaye cin šakowin ikoyaka:

3 Qa icahda wihdi can nom han, wanji iš wakšica kin etapatanhan, qa unma icatkatanhan.

4 Hehan waamdupte, qa wahosi wakan mici wohdake cin hewakiya; Itancan mitawa,dena taku he, epa.

5 Hehan ohnihde wakan mici wohdake cin he waayupte, qa hemakiya; Dena taku sdonyaye šni he? eya. Unkan, Hiya, Itancan mitawa, epa.

6 Hehan iye waayupte, qa womakiyake ca heya; Jehovah oie i Zerubbabel eciye cin he dee; Wookihi eciyatanhan šni, qa wowašake eciyatanhan šni, tuka Mitaniya eciyatanhan kta, Jehovah ozuye hduhe cin eya.

7 He tanka Zerubbabel itokam, niš nitaku he? makomdaye kta. Unkan iye Inyan itancan kin au kta, Woiyokipi, woiyokipi kiciun ce, eyanpahapi kta.

8 Nakun Jehovah oie en mahi kin he hecen eya;

9 Zerubbabel nape tipi kin de akan he cin he ehnaka; nakun iye nape hduštan kta ce: hecen Jehovah ozuye yuhe cin he niyepi ekta umasi kin he sdonyaye kta.

10 Anpetu en taku cistinna ece e kin he tuwe wahteda šni he? Jehovah išta šakowin maka ocowasin en ohnihdeya unpi kin hena mazasu inyan Zerubbabel nape ohna wanyakapi qa iyuškinpi kta.

11 Hehan waamdupte, qa hewakiya; Wihdi can nom petijanjan ihupa etapatanhan qa catkatanhan kin dena taku he?

12 Qa inonpa waamdupte qa hewakiya; Wihdi can adetka nonpa mazaskazi oiyahde nonpa ohna mazaskazi wihdi hiyuyapi kin dena taku he?

13 Unkan iye hemakiya; Dena taku hecinhan sdonyaye šni he? eya. Unkan, Hiya, Itancan mitawa, eya.

14 Hehan iye heya; Wihdi cinca nonpa maka ocowasin Itancan kin icahda najinpi kin dena eepi ce.

ZECHARIAH WICOWOYAKE 5.

1 Hehan mihduhomni, qa išta yuwankan iwekcu qa watonwan, unkan iho, wowapi wan kinyan un.

2 Unkan iye hemakiya; Taku wandaka he? Unkan amdupte; Wowapi wan kinyan un wanmdaka, ohanske cin wicispa wikcemna nonpa, qa ohdakinyan i wicispa wikcemna, epa.

3 Hehan iye hemakiya; Woyašice maka ite kin owancaya iyaye cin he dee. Tona wamanon kinotoiyohi pajujupi kta nakaeš, deciyatanhan un kin iyececa; qa iciconzapi otoiyohi unma eciyatanhan un kin iyecen pajujupi kta ce.

4 He hinanpe waye kta ce, Jehovah ozuye hduhe cin eya; unkan tuwe wamanon tipi kin en i kta, qa tuwe micaje on itonšni iciconza tipi kin en: qa tipi tawa kin cokaya wanke kta, qa ihangye kta, can qa inyan koya.

5 Hehan ohnihde wakan mici wohdake cin he hinanpe ca hemakiya; Wanna išta yuwankan ikikcu qa taku hinanpe cin de wanyaka wo.

6 Unkan, He taku he? eya. Unkan iye heya; De ephah wan hinanpa ce. Nakun iye heya; Hena maka kin owancaya decen owanyake ece.

7 Unkan iho, mazasu hmiyanyan wan yuwankan icupi: unkan epha cokaya winohinca wan iyotankehan yanke cin he dee.

8 Hehan iye heya; Wicohan šice cin he dee. Unkan he epha kin ocokaya ehpeya; qa i kin ohna mazasu inyan kin iyohpeya.

9 Hehan išta yuwankan iwekcu qa watonwan, unkan iho, winohinca nonpa hinanpapi, qa tate kin he hupahu tawapi ohna yanka; hena hupahu yuhapi nakaeš, pehan tanka hupahu iyececa: unkan hena epha kin maka qa mahpiya otahedan tokan aya.

10 Hehan ohnihde wakan mici wohdake cin hewakiya; Dena ephah kin tokiya ayapi he?

11 Unkan iye hemakiya; Šinar makoce kin en tipi kicašapi kta: unkan hen ehnakapi kta, qa iye tohe kin en ehdepi kta ce.

ZECHARIAH WICOWOYAKE 6.

1 Hehan wahdicu, qa išta yuwankan iwekcu qa watonwan; unkan iho, he nom otahedan tanhan canpahmihma topa hiyupi; unkan he kin hena mazasa he kin heca.

2 Canpahmihma tokaheya kin šunka wakun šaša; qa canpahmihma inonpa kin šunka wakan šapa:

3 Qa canpahmihma iyamni kin šunka wakan škaška; qa: canpahmihma itopa kin en šunka wakan hdeškaška dusduzahahpi.

4 Hehan waamdupte, qa ohnihde wakan mici wohdake cin hewakiya; Itancan mitawa, dena taku he?

5 Unkan ohnihde wakan kin waayupte, qa hemakiya; Mahpiya woniya topa kin dena ee. maka owancaya Itancan itokam najinpi kin etanhan hiyupi.

6 Šunka wakan šapa en unpi kin hena waziyata makoce kin ekta yapi; qa hena ihakam šaša kin hiyayapi; qa hdeškaška kin hena itokah makoce kin ektakiya yapi.

7 Qa dusduzahanpi kin hena iyayapi, qa maka kin en ohnihdeya mani kta akitapi. Unkan iye heya; Hunktiya po, maka kin en ohnihdeya mani po. Hecen maka kin en ohnihdeya unpi,

8 Hehan iye houmakiye ca womakiyake ca heya; Wanyaka wo, tona waziyata makoce kin ekta iyayapi qon hena Mitaniya waziyata makoce kin en ehnakapi ce, eya.

9 Unkan Jehovah oie en mahi kin he hecen eya:

10 Wayaka unpi kin etanhan icu wo, Heldai etanhan, Tobijah etanhan, qa Jedaiah etanhan, qa anpetu kin he en niye hinca u wo, qa Josiah Zephaniah cinhintku ti, Babylon etanhan en hipi kin, he en ya wo:

11 Hehan mazaska qa mazaskazi icu qa watešdake kaša wo, qa Jošua Josedech cinhintku wawayušna itancan pa kin akan ehnaka wo:

12 Qa kici wohdake ca heciya wo; Jehovah ozuye hduhe cin he hecen eya ce; Wicašta ADETKA KIN eciyapi kin he wanyaka wo; unkan iye towanke kin etanhan uye kta, qa iye Jehovah tipi kin he kica; e kta ce:

13 Han, iye hinca Jehovah tipi kin ka e kta; qa iye hinca wowitan kin hduhe kta; qa iye toiyotanke kin en kiyotanke kta, qa itancan yanke kin; qa iye toiyotanke kin akan wawayušna un kta: unkan wookiye iyukcanpi kin he henaoza om un kta.

14 Unkan watešdake kin hena Helem, qa Tobijah, qa Jedaiah, qa Hen Zephaniah cinhintku kin hena tawapi kta, Jehovah tipi kin ohna wokiksuye kta e heon.

15 Hecen tona itehan unpi kin hena upi kta, qa Jehovah tipi kin tica api kta; unkan Jehovah ozuye hduhe cin he niyepi ekta umasi kin he sdonyayapi kta. Unkan Jehovah Wakantanka nitawapi ho kin ana optanyan anayagoptanpi kinhan hena hecetu kta ce.

ZECHARIAH WICOWOYAKE 7.

1 Unkan Darius wicaštayatapi tawaniyetu itopa kin en, Jehovah oie Zekariah en hi, anpetu itopa, wi inapcinwanka, Chisleu he en:

2 Wakantanka ti kinekta Šerezer qa Regem-melek, qa wicašta tawapi, Jehovah itokam cekiya yewicaši qon he ehan:

3 Jehovah ozuye hduhe cin he tipi kin ohna wawayušna unpi, qa wicašta wokcanpi unpi kin hena ota wohdakapi kta, qa heyapi kta: Wi izaptan en wanna waniyetu ota ecamon ece kin iyecen wote šni un waceye kta iyececa he?

4 Hehan Jehovah ozuye hduhe cin oie kin en mahi kin hecen eya:

5 Makoce oyate ocowasin qa wawayušnapi kin hena om wohdake ca heya wo; Wi izaptan qa išakowin kin en wotešni yaunpi qa yaceyapi, waniyetu wikcemna šakowin hehanyan, he miye, miye hinca on, wotešni yaunpi he?

6 Qa tohan wayatapi qa wadatkanpi eca, he niye wayahdutapi qa wayahdatkanpi šni he?

7 Jerusalem en ounyanpi qa wookiye yuhapi, qa ihdukšan otonwe kin, qa okah makoce inakomdaye ko en tipi qehan, wicašta wokcan tokaheya Jehovah oie eyanpahapi qon dena ee šni he?

8 Hehan Jehovah oie Zekariah en hi kin he hecen eya:

9 Jehovah ozuye hduhe cin he ie ca decen eya ce; Woyaco wowicake kin econ po; qa wowašte wocantekiye ko wicašta otoiyohi iye sunkaku kin en ecayeciconpi kta.

10 Nakun wiwazicaqa wamdenica, oyate tokeca qa wanpanica kin hena kakiswicayapi šni po qa tuwedan cante mahen iye sunkaku kin šicaya cauteyeciyuzapi kte šni, eya.

11 Tuka ana optan wicadapi šni, qa hinyete kipajinyan ehnakapi, qa nos e ohmus ioupi, hecen nahonpi kte šni.

12 Han, woope kin nahonpi kte šni e heon cante inyan suta icicafrapi, qa wicoie Jehovah ozuye hduha iye Taniya on, wicašta wokcanpi tokaheya eciyatanhan hiyuye ciqon hena. Heon etanhan wocanteptanye tanka wan Jehovah ozuye hduhe cin etanhan hiyu.

13 Heon etanhan wanna kaketu, iye ho uya qehan hena nahon wacinpi šni, he iyecen hena is ho uyapi kta, tuka miye nawahon kte šni ce, Jehovah ozuye hduhe cin eya.

14 Tuka oyate owasin sdonwicayapi šni qon hena ehnahna, ieamna wan on, enanakiya iyewicawaye. Heon etanhan wicihakam makoce kin hewoskan ehpeyapi, qa tuwedan en ohnihdeya un šni: makoce oiyokipi kin he otiwota kagapi nakaeš.

ZECHARIAH WICOWOYAKE 8.

1 Akes Jehovah ozuye hduhe cin he oie kin hi qa heya:

2 Jehovah ozuye hduhe cin he hecen eya ce; Zion on wowinawizi tanka on winawawizi, qa wocanteptanyan tanka on inawawizi ce.

3 Jehovah hecen eya; Zion en wahdi qa Jerusalem cokaya wati kta: unkan Jerusalem Wowicake Otonwe eciyapi kta; qa Jehovah ozuye yuha he tawa kin he He Wakan Paha eciyapi kta ce.

4 Jehovah ozuye yuhe cin he hecen eya; Nakun wicahincapi qa wakankapi Jerusalem canku kin en iyotankapi kta, qa waniyetu otapi on wicašta otoiyohi sagye kiton kta.

5 Qa nakun otonwe canku kin, hokšipidan qa wicinyanpidan, canku ohnahna skatapi, ojudan kta ce.

6 Jehovah ozuye hduhe cin he hecen eya; Anpetu kin hena en oyate kin de okaptapi ištapi kin en de wowinihan kinhan, miye miišta en wowinihan kta iyececa he? Jehovah ozuye yuhe cin eya.

7 Jehovah ozuye hduhe cin he hecen eya; Iho, wihinanpe makoce kin etanhan qa wiiyaya makoce kin etanhan mitaoyate niwicawaye kta.

8 Qa hena awicawaku kta, unkan Jerusalem cokahan ounyanpi kta; qa hena e mitaoyate kta, qa Wakantanka tawapi kin he miye kta, wowicake qa woowotanna en.

9 Jehovah ozuye hduhe cin he hecen eya; Tipi wakan kagapi kta, on Jehovah ozuye yuha he tipi oahe ehnakapi, anpetu kin en wicašta wokcanpi eciyatanhan oiepi. tona anpetu kin dena en wicoie kin hena nayahonpi, nape wanišakapi nunwe.

10 Anpetu kin dena itokamtu wicašta htani wicakicicajujupi wanica,qa woteca wicakicicajujupi wanica nakaeš: qa tuwe tankan ye ca tin ku ešta wookiye yuhe šni, wokakije kin on etanhan; wicašta owasin akicipaha wicawakiva nakaeš.

11 Tuka nakaha oyate kin de okaptapi kin en anpetu ehanna waun qon iyemacece kte šni , Jehovah ozuye yuhe cin eya.

12 Wojupi kin he wookiye en un kta; hastanhanka iyuwi kin waskuyeca icahye kta; qa maka kin oicage hiyuye kta, qa mahpiya kin cu wicaqu kta; qa oyate kin de okaptapi kin hena dena iyuhpa tawaye wicawaye kta ce.

13 Unkan kaketu kte, Judah tiyohnaka qa Israel tiyohnaka, Ikcewicašta ehnahna woyašice iyececa yaunpi qon, he iyecen miye niciyapi kta, qa woyawašte yaunpi kta: Wakokipapi šni po, nape hduwašaka po.

14 Jehovah ozuye hduhe cin he hecen eya; Nihunkakepi sihdamayanpi qehan, šicaya cicuwapi kta wacanmi qon, Jehovah ozuye yuhe cin eya, qa iyopemiciye šni;

15 He iyececa, ake anpetu kin dena en Jerusalem qa Judah tipi kin tanyan ecawicawecon kta wacanmi; wakokipapi šni po.

16 Wicoie ecanonpi kte cin dena ee: Wicašta otoiyohi takodaku kici wowicake ecee eyeciyapi kta; wowicake qa wookiye woyaco kin nitatiyopa ohnahna hdaco po.

17 Qa tuwedan cante mahen takodaku taku šica ecakicon wacannipi kte šni, qa woitonšni wokonze kin he waštedakapi šni po; hena owasin taku šicewadake ciqon ee ce, Jehovah eya.

18 Hehan Jehovah ozuye yuhe cin oie en mahi kin he hecen eya:

19 Jehovah ozuye yuhe cin he hecen eya ce; Wi itopa en wotešni unpi, qa izaptan en wotešni unpi, qa išakowin en wotešni unpi, qa iwikcemna en wotešni unpi qon hena Judah tipi kin en wiyuškinpi kta,qa woiyokipi kta, qa wotapi wašte kta ce. Heon etanhan wowicake qa wookiye waštedaka po.

20 Jehovah ozuye yuhe cin he hecen eya; Ehake oyate kin upi kta, qa otonwe ota en ounyanpi kin hena;

21 Qa otonwe wanji en ounyanpi kin wanji tokeca ekta yapi kta qa heyapi kta; Unyanpi kta, Jehovah itokam cekiya unyanpi kta, qa Jehovah ozuye hduhe cin he unkodepi kta. Miš eya mde kta ce.

22 Han, oyate ota qa Ikcewicašta wašakapi kin hena upi kta, Jerusalem en Jehovah ozuye hduhe cin he akitapi kta, qa Jehovah itokam cekiyapi kta ce.

23 Jehovah ozuye hduhe cin he hecen eya; Anpetu kin hena en, Ikcewicašta iapi toktokeca owasin etanhan wicašta wikcemna wiyuzapi kta; han, Judah wicašta wanjidan tasina en yuzapi kta, qa heyapi kta; Nici unyanpi kta ce, Wakantanka nicipi un kin he naunhonpi nakaeš.

ZECHARIAH WICOWOYAKE 9.

1 Jehovah oie Hadrach makoce kin en oyakapi, qa Damascus toozikiye kta; tohan wicašta išta qa Israel wicowazi owasin Jehovah ektakiya yakonpi kinhan:

2 Qa nakun Hamath ikoyagyanke kta; Tyrus qa Zidon, he ksape hinca qeyaš.

3 Unkan Tyrus conkaške  suta wan icicaga, qa inaka mdu iyececa mazaska eju aya, qa mazaskazi hinca, canku upsija kin iyececa.

4 Iho, Itancan kin he tankan hiyuye kta, qa towašake miniwanca ohna kin he kaštake kta; qa peta on huhnahyapi kta.

5 Aškelon he wanyake kta qa kokipe kta; Gaza nakun nina nihinciye kta; nakun Ekron, wowacinye tawa kin istenyapi nakaeš: Unkan Gaza etanhan wicaštayatapi kin atakuni kte šni, qa Aškelon en ounyanpi kte šni.

6 Qa tuwe cinca taninšni wan Ašdod en ounye kta; qa Philistia oyate towahanicida kin he wakašpe kta.

7 Qa iye i kin etanhan we kin iwacu kta, qa taku wowahtešni iye hi kin otahedan tanhan: tuka tuwe okaptapi kin, iye hinca, Wakantanka unkitawapi kin on, en yanke kta, qa he qe Judah en wicaštayatapi iyecece kta, qa Ekron Jebusi wicašta iyecece kta.

8 Qa tipi mitawa ihdukšan ahiwati kta, ozuye kin on etanhan, tuwe iyopta ye ca tuwe ku kin on: Qa hetanhan wakakisye kin icimana hena opta ye kte šni; wanna miišta on wanmdaka nakaeš.

9 Zion cunwintku, nina wiyuškin wo; Jerusalem cunwintku, iyasa wo; iho, Wicaštayatapi nitawa en niku kta; He owotanna qa wowanikiye hduha; wahbayedan qa šonšonna wan akan iyotanka, han, šonšonna wiye cinca wan akan.

10 Unkan Ephraim etanhan ozu! ye canpahmihma kin ihangwaye kta, qa šuktanka kin Jerusalem etanhan, qa okicize itazipa kin kaksapi kta: Hehan iye Ikcewicašta kin wobkiye owicakiciyake kta: qa iye tokiconze kin miniwanca kin etanhan miniwanca kin ekta, qa wakpa kin etanhan maka ihanke kin hehanyan kta.

11 Nakun niye on, wicotakuye nitawa we kin eciyatanhan kaska: hnakapi nitawa kin hena wona mini codan kin hetanhan hiyuwii cawaye kta ce.

12 Wowacinye yuha nicaškapi kin, conkaške  suta kin ekta hdicu po: Anpetu kin de eyanwapaha; Nonpa akihde cicicajuju kta ce:

13 Tohan Judah namiciwinje cinhan, Ephraim itazipa kin en ewahnake kta, qa, Zion, nicinca, Greece nicinca kin itkokim inajin wicawakiye kta, qa wicašta waditake tamazasagye kin iyececa cicage kta ce.

14 Uiikan hena wiciwankamtu Jehovah taninyan un kta, qa tiwanhinkpe kin wakanhdi iyecen iyaye kta: Qa Jehovah Itancan kin mazayahotonpi tanka kin yahoton kta, qa itokah tate iyumni kin ohna hiyaye kta.

15 Jehovah ozuye hduhe cin he awicakahpe kta: hecen hena wotapi kta, qa inyan kahoya hiyuyapi kin hena amanipi kta; qa wayatkanpi kta, miniša on oqoyapi iyecece kta; qa wipipi kta wak iyececa, owayušna oise kin iyececa.

16 Unkan anpetu kin he en, Jehovah Wakantanka tawapi kin he niwicakiye kta, iye taoyate, optaye wan iyececa; watešdake inyan, iye tamakoce kin en bosdan ehnakapi kin iyececapi kta nakaeš.

17 Iye towašte kin tanka hinca, qa toiyokipi kin he wopteca šni: wojupi kin he koška kin icahwicaye kta, qa miniša teca kin, wikoška kin hena.

ZECHARIAH WICOWOYAKE 10.

1 Ehake magaju kta hehan Jehovah magaju kida po: Jehovah wakanhdi kage kta, qa magaju wicaqu kta; maga en otoiyohi woicage qu kta.

2 Wakagapi kin hena takušnini oyakapi nakaeš, qa wakan kagapi kin hena woitonšni wanyakapi, qa wowihanmna wicakapi šni ohdakapi ece: takušni on wacintonhnag wicakiyapi: Heon etauhan nunipi, tahinca optaye wan iyececa, waawanyake wanica heon wacin iyokisicapi.

3 Waawanyake kin hena on mitocanniye ide, qa tamdoka kin iyopewicawaye. Tuka Jehovah ozuye yuhe cin he iye optaye tawa wanhdag wicahi, Judah tiyohnaka kin hee, qa okicize en tasunke wakan oiyokipi kin iyececa wicakaga.

4 Oise kin he iye etanhan; mazaiyokatkuge kin he iye etanhan; okicize itazipe kin he iye etanhan; iye etanhan wawicakisye owasin witaya upi kta.

5 Unkan wicašta waditake okicize en canku upsija iyecen awicamanipi kin iyececapi kta: nakun kicizapi kta, Jehovah wicakiciun nakaeš, qa šuktanka akan yotankapi kin hena wacinhnunipi kta.

6 Hehan Judah tiyohnaka kin mduwašake kta, qa Joseph tiyohnaka kin niwakiye kta, qa en ounyewicawakiye kta, onsiwicawakida nakaeš: unkan hena ehpewicawakiye šni iyececapi kta; Jehovah Wakantanka tawapi kin he miye nakaeš, hecen nawicawahon kta ce.

7 Nakun Ephraim wicašta waditaka iyececapi kta; qacantepi wiyuškin kta, miniša on iyececa; han, iye cinca kin wanyakapi kta qa wiyuškinpi kta; hena cantepi Jehovah on iyuškinpi kta ce.

8 Hena wicawakijojo kta, qa wicamduwitaya kta, opewicawakiton nakaeš: unkan ihduotapi kta, ihduotapi qon iyececa.

9 Unkan oyate kin ehnahna owicawaju kta: nakun makoce tehanhan kin en miksuyapi kta; qa iye cinca kin om nipi kta, qa ake hdicupi kta.

10 Nakun Egypta makoce kin etanhan awicawaku kta, qa Assyria etanhan wicamduwitaya kta: qa ake Gilead makoce qa Lebanon en awicawahdi kta; qa owicakan kte šni.

11 Unkan iye wokakisye yuha mini tanka kin ehna ye kta, qa miniwanca taja kin ape kta; hecen wakpa osbe kin iyuhpa oyahe kta: qa Assyria towahanicida kin he makata ehpeyapi kta, qa Egypta cansagye tawa kin tokan iyaye kta.

12 Qa hena Jehovah en wicamduwašake kta; hecen iye caje kin on hena ohnihdeya unpi kta, Jehovah eya.

ZECHARIAH WICOWOYAKE 11.

1 Lebanon, tiyopa nitawa hduhdoka wo; hecen peta kin hanteša nitawa huhnahye kta.

2 Wazi can, Šicahowaya wo; hanteša kin wankahan nakaeš, šukšuta kin hena awihnunipi. Bašan utuhu kin, šicahowaya po, contanka en yepica šni qon he kawankapi nakaeš.

3 Waawanyake šicahowayapi ho kin; towitanpi kin awihnuni nakaeš; mnaja koška   hotonpi ho kin; Jordan towahanicida kin awihnuni kin heon.

4 Jehovah Wakantanka mitawa kin he hecen eya; Optaye ktepi kte cin he wo qu wo:

5 Tona wicayuhapi kin hena wicaktepi eee, tuka šicaya econ ihdawapi šni; qa wiyopewicaya ecee kin hena heyapi; Jehovah yawaštepi nunwe; miye wimajica nakaeš: qa waawanyake tawapi kin wicakpatanpi šni ece.

6 Miš eya ake makoce ounyanpi kin wicawapatan kte šni, Jehovah eya: tuka iho, wicašta otoiyohi iye takodaku nape kin en iyohpaye waye kta, qa wicaštayatapi tawa nape kin en: unkan hena makoce kin kaštakapi kta, qa iye napepi kin etanhan ewehdaku kte šni ce.

7 Hecen optaye ktepi kte cin he wo waqu ece, awicakehan tahinca onsikapi kin. Unkan cansagye nom iwekcu; wanji, Wocantekiye, eya cašwafciton, qa unma kin iš, Woicaške, cašwaton: hecen optaye kin wonwicawakiya ece.

8 Nakun wi wanjidan en waawanyake yamni ihangwicawaya: Qa minagi hena wahtewicada šni, qa iye nagipi kin iš eya šicemadakapi.

9 Hehan hepa; Woyute cicupi kte šni: taku te kte cin he te kta; qa taku ihangyapi kte cin ihangyapi kta; qa tona okaptapi kin hena otoiyohi cefipi kiciyutapi kta ce.

10 Hehan cansagye mitawa, Wocantekiye he iwacu qa wahdaksaksa, oyate owasin om wicotakuye wicaweeage ciqon he mdujuju kta heon.

11 Unkan anpetu kin he en yujujupi: Hecen tahinca onsikapi tona anamagoptanpi kin hena he Jehovah oie kin hee e sdonyapi.

12 Hehan hewicawakiya; Niistapi en he wašte hecinhan wokajuju maqu po; qa hecetu šni kinhan, econpi šni po. Unkan wokajuju mazaska wikcemna yamni tke imiciyutapi.

13 Hehan Jehovah hemakiya; Wakšica kage cin he en ehpeya wo; wokajuju wašte hinca on imayacinpi kin hee. Unkan mazaska wikcemna yamni qon hena iwekcu, qa wakšica kage cin en ehpewaya, Jehovah tipi kin etu.

14 Hehan cansagye mitawa unma qon, Woicaške he wahdukša; Judah qa Israel kici wicotakuye kin he mdujuju kta e heon etanhan.

15 Unkan Jehovah hemakiya; Waawanyake witkotkoka ikicanye tawa kin ake ikikcu wo.

16 Iho, makoce kin en waawanyake wan najinwakiye kta; he qe taku atakunišni kin ekta etonwe kte šni, taku taninšni kin he okide kte šni, taku kiunniyanpi kin he okiziye kte šni, qa taku en un kin he wo qu kte šni; tuka tona cepa cehpi kin temye kta, qa sake kin hena yuksaksa kta ce.

17 Hehehe waawanyake taku šni, optaye ehpewicaye cin he: mazasagye kin iye isto kin akan yanke kta, qa išta etapa kin akan: isto kin ocowasin šnije kta, qa išta etapa kin he ocowasin aotpasyapi kta.

ZECHERIAH WICOWOYAKE 12.

1 Jehovah oie Israel on oyakapi. Jehovah mahpiya kin hdumdaya, qa maka oahe kin ehnaka, qa wicašta mahen woniya kicaga ecee kin he hecen eya:

2 Iho, Jerusalem wiyatke iwitkopi kin heea wakage kta, oyate ihdukšan hiyeye cin owasin on; qa nakun Judah akan yanke kta, Jerusalem onatakapi kin en.

3 Unkan anpetu kin he en oyate owasin on Jerusalem inyan yuwankan icupi kte cin heca wakage kta: yuwankan icupi kin hena owasin kiunniiciyapi kta, maka akan oyate hiyeye cin iyuhpa en kiwitayapi qeyaš.

4 Jehovah hecen eya; Anpetu kin he en šuktanka otoiyohi wakokipe wecage kta, qa akan yotanke cin he wacinhnuni kta: tuka Judah tipi kin en ewatonwe kta, qa šuktanka oyate tawapi kin iyuhpa istagonge wicawakiye kta ce.

5 Hehan Judah itancanpi kin cante mahen heyapi kta; Jerusalem en ounyanpi kin Jehovah ozuye yuha Wakantanka tawapi kin en, wowašake mitawa kin heepi kta ce.

6 Anpetu kin he en Judah itancanpi kin hena can ihukuya peta oceti kin iyececa wicawakage kta, qa peji opahte kin en petuspe wan iyececa: unkan etapa eciyatanhanqa catkatanhan oyate ihdukšan hiyeye cin owasin huhnanwicayapi kta. Unkan Jerusalem ake en ounyanpi kta, iye towanke kin en, Jerusalem hetu.

7 Qa nakun Jehovah tokaheya Judah tawakeya kin niwicaye kta, hecen David tipi towitan, qa Jerusalem en ounyanpi towitanpi kin Judah iwankam iyeiciye kte šni.

8 Anpetu kin he en Jehovah Jerusalem en ounyanpi kin waawicakahpe kta; qa hena ehna tuwe huha suta šni kin anpetu kin he en David iyecece kta; qa David tiyohnaka kin Wakantanka iyecece kta, wahosi wakan Jehovah tawa wicitokam un kin iyececa.

9 Unkan anpetu kin he en oyate Jerusalem takpe upi kin hena owasin ihangwicaya awakite kta:

10 Qa David tiyohnaka qa Jerusalem en ounyanpi kin hena wocantekiye qa wocekiye woniya kin awicawakaštan kta; Hecen miye camapapi kin en ahimatonwanpi kta, qa iye on ceyapi kta, hoksincantkiyapi on ceyapi kin iyececa, qa on nina cante šicapi kta, tuwe cinca tokapa on nina cante šica iyececa.

11 Anpetu kin he en Jerusalem en wicaceya tanka kta, Megiddon kaksiza ohna Hadadrimmon wicaceya qon iyececa.

12 Unkan makoce kin ceye kta, wicowazi otoiyohi išnana; Dawid tiyohnaka wicowazi isnanpidan, qa tawicupi isnanpidan; Nathan tiyohnaka wicowazi isnana, qa tawicupi isnanpidan:

13 Levi tiyohnaka wicowazi išnana, qa tawicupi isnanpidan; Šimei tiyohnaka wicowazi isnana, qa tawicupi isnanpidan:

14 Wicowazi okaptapi kin iyuhpa, wicowazi otoiyohi išnana, qa tawicupi kin isnanpidan kta.

ZECHARIAH WICOWOYAKE 13.

1 Anpetu kin he en woahtani qa woašape on minihdoka wan David tiyohnaka qa Jerusalem en ounyanpi kin wicakiyuhdokapi kta.

2 Unkan anpetu kin he en kaketu kta, Jehovah ozuye hduhe cin eya; maka kin etanhan waka api cajepi kin ihangwaye kta, qa hetanhan ake kiksuyapi kte šni: qa nakun waayatapi qa wošice woniya kin hena makoce kin etanhan tokan iyayewaye kta ce.

3 Unkan kaketu kta, wicagta wanji waayate kinhan, atkuku qa hunku icahkiyapi kin hena heeiyapi kta; Yani kte šni, Jehovah cajeyan itonšniyan iyaa nakaeš: Hecen atkuku qa hunku icahkiyapi qon hena capapi kta, waayate kin heon.

4 Unkan anpetu kin he en waayatapi kin otoiyohi waayatapi kinhan, wowanyake tawa kin on ištecapi kta, qa wicahnayanpi kta on icimana wokoyake hin sma kin koyakapi kte šni.

5 Tuka heye kta; Waayate hemaca šni, mahyumdu hemaca; homaksidan qehan wicašta wan opematon nakaeš.

6 Hehan tuwe heciye kta; Ninape ohna osnazi kin hena taku he. Unkan i, Mitakoda tipi kin ohna ksuwemayanpi qon hena ee ce, eye kta.

7 Mazasagye, Waawanyake mitawa iwankam inajin wo, qa wicašta mitakoda kin he iwankam, Jehovah ozuye yuha eya: Wraawanyake kin he apa wo, kinhan optaye kin enanakiya iyewicayapi kta: tuka cistinpidan kin hena en nape yewakiye kta ce.

8 Unkan makoce ocowasin en kaketu kta, Jehovah eya; ohna ospaye nonpa ihangwicayapi kta, tapi kta; tuka ospaye iyamni kin he ohna okaptapi kta.

9 Unkan ospaye iyamni kin he peta ehna awicawau kta, qa mazaska yuecepidan iyecen wicamduecedan kta, qa mazaskazi iyutapi kin iyecen iwicamdute kta: Hena micaje hoyekiyapi kta, unkan awicamdupte kta: Mitaoyate hee ce, epe kta; unkan is, Jehovah Wakantanka mitawa ce, eyapi kta ce.

ZECHARIAH WICOWOYAKE 14.

1 Iho, Jehovah taanpetu kin u kta, unkan wahpaya nitawa nicokaya pamnipi kta.

2 Oyate iyuhpa Jerusalem azuya awicawau kta nakaeš: qa otonwe kin icupi kta, qa upi kin hena wawicakipi kta, qa winyan kin is wicakiksanpi kta. Unkan otonwe hanke wayaka awicayapi kta; tuka wicašta okaptapi kin hena otonwe etanhan kaspa iyewicayapi kte šni ce.

3 Hehan Jehovah hinanpe kta, qa oyate kin hena azuwicaye kta; okicize anpetu kin en, anatanpi anpetu qon iyececa.

4 Unkan anpetu kin he en iye siha Olive Paha kin en iyahe kta, Jerusalem itokam iwiyohiyanpa tanhan wanke cin; unkan Olive Paha kin wihinanpatakiya qawiyohpeyatakiya cokaya kinaksa iyaye kta.kaksiza tanka hinca kta: qa Paha hanke waziyatakiya iyaye kta, qa hanke kin i j itokahkiya ye kta.

5 Unkan niye he mitawa kaksiza kin ekta nayapapi kta, hecaksiza kin he Azal iyahde kta nakaeš: i han, nayapapi kta, Uzziah Judah wicaštayatapi taanpetu kin en maka škanškan etanhan nayapapi qon iyececa. Hehan Jehovah Wakantanka mitawa kin u kta, tona owotanna kin owasin nici unpi kta.

6 Unkan anpetu kin he en kaketu kta, iyoyanpa kin he šota j kte šni, tuka caga kta.

7 Tuka anpetu kin he wanjidan kta, Jehovah sdonye kta; anpetu šni qa hanyetu šni; tuka htayetu kinhan hehan iyoyanpa kta.

8 Unkan anpetu kin he en wiconi mini Jerusalem etanhan hiyu kta; hanke wiyohiyanpata miniwanca kin ekta, qa hanke wiyohpeyata miniwanca kin ekta hiyaye kta; mdoketu qa waniyetu nakun hecetu kta.

9 Hehan Jehovah maka kin owancaya Wicaštayatapi kta: Anpetu kin he en Jehovah wanjidan kta, qa iye caje kin wanjidan kta ce.

10 Makoce kin ocowasin omdaye kin iyecece kta, Geba etanhan qa Rimmon hehanyan, Jerusalem itokagatanhan; qa he qe yuwankan iyeyapi kta, qa towanke kin en ounyanpi kta, Benjamin tatiyopa etanhan tiyopa tokaheya kin ekta, okahmin tiyopa kin hehanyan; qa Hananeel conkaške  tawa kin etanhan miniša iyuškice wicaštayatapi tawa kin hehanyan.

11 Unkan en ounyanpi kta. qa woynšice icimana yuke kte šni; tuka Jerusalem wikopešniyan en ounyanpi kta ce.

12 Unkan oyate Jerusalem azuyapi qon owasin makošica on Jehovah wicakaštake kte cin he dee: Siha on najinpi icunhan cehpi wicakikuke kta; qa išta ohdoka ohna kuke kta, qa iye ipi ohna cejipi kin kuka aye kta.

13 Unkan anpetu kin he en kaketu kta, Jehovah etanhan wonihinciye tanki waji wicehna un kta; hecen wicašta otoiyohi takodaku iyakicihpayapi kta, qa takodaku nape kin itkom nape apaha najin kta

14 Qa nakun Judah Jerusalem ekta ozuye econ kta: unkan oyate ihdukšan hiyeye cin tawowijice kin mnayanpi kta, mazaskazi, qa mazaska, qa wokoyake utkanna hinca.

15 Unkan šuktanka makošica, šonšonna, camel, qa šonšonna cistinna, qa woteca owasin oznye owanka kin de en unpi kin he makošica kin de iyecece kta.

16 Unkan kaketu kta, tona okaptapi, oyate owasin Jerusalem takpe upi qon etanhan, hena iyuhpa omaka qa omaka cca, Wicaštayatapi kin Jehovah ozuye yuhe cin hee e ohoda yapi kta, qa ohanzihdepi wohanpi kin en opapi kta.

17 Unkan kaketu kte, maka I akan wicowazi kin etanhan tona Jerusalem ekta Jehovah ozuye; yuha Wicaštayatapi kin ohoda upi kte šni kin hena en magaju wanice kta.

18 Qa Egypta wicowazi kin ekta ye šni, qa en u šni kinhan,  iš eya en wanice kta: oyate ohanzihdepi wohanpi kin en opa upi kte ni, Jehovah makošica on wicakastake kte cin he en un kta.

19 Egypta wahtani kin he dee, qa oyate owasin ohanzihdepi wohanpi kin en opa upi kte šni wahtani pi kin hee.

20 Anpetu kin he en šuktanka tamazahdahda kin akan Jehovah on Wakan ce; qa Jehovah tipi kin ohna cej a kin hena owayušna.

21 Han Jerusalem en, qa Judah en, cega otoiyohi Jehovah ozuye yuhe cin on wakan kta; qa tona wawayušnapi kte cin hena upi kta, qa etanhan icupi kta, qa ohna wohanpi ece kta: Unkan anpetu kin he en Jehovah ozuye yuhe cin he ti kin ohna Canaan wicašta wanice kta ce.