Joel 1-3

JOEL

WICOWOYAKE 1.

1 Jehovah oie Joel Pethuel cinhintku en hi qon he dee.

2 Wicahincapi, de nahon po, qa makoce en ounyayapi owasin anagoptan miye. De anpetu nitawapi kin en, qa is niyatepi anpetu tawapi kin en hecetu he?

3 Nicincapi kin hena he owicakiyaka po, qa nicincapi kin i iye cincapi kin, qa iye cincapi kin wicoicage tokeca owicakiyakapi kta.

4 Wamduškadan taku oyapte cin he psipsicadan temya; qa psipsicadan taku oyapte cin he psipsica cinca temya; qa psipsica cinca kin taku oyapte cin he psipsica tanka kin temya ece.

5 Witkopi sa, kikta po, qa ceya po: qa miniša datkanpi ece kin iyuhpa, šicahowaya miye, miniša woicage kin iyecen kinipi kta, qa hastanhanka hu kin iyecen icagapi kta: hena omnanpi kin Lebanon miniša kin iyecece kta.

6 Oyate wan mitamakoce kin en u nakaeš, wašake ca yawapica šni; hi kin hena mnaja hi kin heca, qa mnaja wiye hinske kin yuha.

7 Hastanhanka iyuwi kin ihangmakiya, qa witanšna hu mitawa kin micaksa; ocowasin ha kahu qa ehpeya: adetka tawa kin hena kasansanpi.

8 Witansna wan wikoška  ehan hihnaton kin on wakihdaka ipiyagkiton iyecen ceya ye.

9 Woyute wošnapi qa woyatkan wošnapi kin hena Jehovah tipi kin etanhan kawanicapi; Jehovah taokiye wawayušna kin hena wašihdapi.

10 Maga kin ihangyapi, makoce kin wašihda; wojupi kin ihangyapi nakaeš; miniša teca kin puš aya, wihdi kin wanica aya ece.

11 Mahyumdu yaunpi, i teca po; hastanhanka iyuwi kicanyan yaunpi, šicahowaya po, aguyapi qa barley icage cin on: maga cicage kin ihangyapi nakaeš.

12 Hastanhanka iyuwi kin pus aya; witansna can kin en aya; taspantanka su ota, can bosdan he cin nakun, qa taspantanka can, maga can iyuhpa seca aya: wicašta cinca kin en wowiyuškin šen aya nakaeš

13 Wawayušna yaunpi, ipiyagkitonpi qa ceya po; owayušna en wowidake yaunpi, šicahowaya miye; u po, Wakantanka rnitawa taokiye kin, hanyetu osan wakihdaka in iwanka po: woyute wošnapi qa woyatke wošnapi kin Taku Wakan nitawapi tipi kin ipidapi nakaeš.

14 Wotešni unpi wan yawakan po, omnieiye wakan wan kico po: hunkayapi, makoce en ounyanpi kin owasin Jehovah Wakantanka nitawapi ti kin en wicayuwitaya po, qa Jehovah hoyekiya miye:

15 Hehehe anpetu kin: Jehovah taanpetu kin kiycdan ihan, qa woihangye wan iyececa lyotan Wašike cin etanhan u kta.

16 Unkistapi itokam woyute kin kawanicapi šni he; wowiyuškin qa wopida Taku Wakan unkitawapi ti kin etanhan?

17 Maka yuspuspupi kin ihukuya su ojupi kin ta: dotopiye kin ihangyapi, aguyapi su opiye kin yujujupi; wojupi kin šnija nakaeš.

18 Woteca kin comnihdazipi; wanunyanpi optnye kin hotontonpi, wihanpi takudan yuhapi šni heon: han, tahinca wanunyanpi optaye kin sotapi.

19 Jehovah, niye houcioiye kta: tinta en wihanpi kin peta teraya, qa maga can kin iyuhpa ide kin huhnahya nakaeš.

20 Nakun maga wanunyanpi kin hoyeniciyapi: wakpa mini kin oyahe, qa tinta ekta wihanpi kin peta huhnaga, heon etanhan.

JOELWICOWOYAKE 2.

1 Zion en mazayahotonpi kin yajo po, qa paha wakan rnitawa akan eyanpaha po: inakoce en ounyanpi kin owasin cancanpi kte: Jehovah taanpetu kin u ce, wanna kiyedan ihan.

2 Otpaza anpetu qa woiyokišica, anpetu amahpiya qa mahpiya šoka; anpao he kin akamdayapi iyececa; oyate wan tanka qa wašaka: tohinni taku iyececa yuke šni, qa nakun ohakam wanice kta, wicoicage qa wicoicage waniyetu kin hehanyan.

3 Wicitokam peta wan watemya iyaya; qa wicihakam ide wan itkonyan un: wicitokam makoce kin Eden wojupi qon iyececa, qa wicihakam hewoskan ehpeyapi; han, okaptepi wanice kta.

4 Wanwicayakapi kin he 6aIctanka wanyakapi kin iyececa; qa šuktanka akan yotankapi kin iyecen kiinyankapi kta.

5 Canpahmihma he pajodan akan hmunhmunyan tanin kin he iyecen ipšicapi kta, peta ide peji huhnage cin ho kin iyececa, oyate wašaka wan kieiza wiyeya ehdepi kin iyececa.

6 Hena wicitokam oyate kin nina cante icapi kta: wicaite iyuhpa naiia aye kta.

7 Wicašta wašakapi kin iyecen inyankapi kta; ozuye wicagta kin iyececa conkaške adipi kta; qa otoiyohi iye tacanku kin ohnahna manipi kta, qa canku tawapi kin hdutokecapi kte šni.

8 Nakun wanji takodaku kici paanawam iyekiciyapi kte šni; otoiyohi iye tacanku kin ohna  yapi kta: qa mazasagye ahinhpayapi kinhan kicaksapi kte šni.

9 Otonwe kin ohna icicawin kiinyankapi kta; conkaške  kin akan inyang yapi kta; tipi kin iyadipi kta; owanyeye kin ohna mahen yapi kta, wamanon sa wan iyececa.

10 Hena itokam maka kin cancan kta; mahpiya kin škanškan kta: anpetu wi qa hanyetu wi kin otpaza icu kta, qa wicanhpi kin hena oiyege kin anaiciptapi kta.

11 Hehan Jehovah iye ozuye tawa kin wicitokam ho hdatanin kta; owanka tawa kin tanka hinca nakaeš: iye oie yuecetupi kin wicota hinca: Jehovah taanpetu kin tanka qa nina wowinihan nakaeš; qa tuwe en najin okihi kta he?

12 Nakun heon etanhan, nakaha Jehovah hecen eya; Nicantepi ocowasin on en mahdiyaku po; qa wotešni unpi on, qa ceyapi on, qa wasihdapi on:

13 Qa nicantepi hduhdehdeca po, qa nitasinapi ee šni; qa Jehovah Taku Wakan nitawapi kin ekta ihdohda po: Iye qe wacantkiya, qa waonšida, qa tehan canteptanye šni, qa wašte hinca, qa taku šice cin on iyokisiniciya nakaeš.

14 Tuwe sdonya he,okinni hdicu kta, qa iyokisiniciye kta, qa ihektam woyawašte wan ahiehpeyekta; Jehovah Wakantanka nitawapi woyute wakiyusnapi wan, qa woyatkan wošnapi nakun?

15 Zion en mazayahotonpi tanka kin yajo po; wotešni unpi wan yawakan po; omniciye wakan wan wicakico po:

16 Oyate kin wicayuwitaya po; omniciye kin yuecepidan miye; hunkayapi kin u wicaši po; hokšiyopa qa tona aze azinpi kin hena mnawicaya po: wakan tawicu ton kte cin he timahe tanhan hinanpe kta, qa winyan yuzapi kin he iye ohehdepi tawa kin etanhan:

17 Jehovah taokiye, wawayušnapi kin hena, ohanzihdepi qa owayusna kin otahedan ceyapi nunwe, qa heyapi kte; Jehovah, nitaoyate onsikida wo, qa tona nitawa kin wowistenyapi kin en wicaqu šni wo, Ikcewicašta wowidagwicayapi kta e heon: tokeca oyate kin ehna, Taku Wakan tawapi kin tukten un he, eyapi kta he?

18 Hehan Jehovah iye tamakoce kin on winawizi kta, qa taoyate kin onšikida kta.

19 Han, Jehovah waayupte qa taoyate hewicakiye kta; Iho, wojupi,qa miniša,qa wihdi hiyuciciyapi kta, unkan hena on inimnanpi kta: qa ake icimana Ikcewicašta ehna wowistenyapi cicagapi kte šni:

20 Tuka waziyata un kin he nitehanyan ehpewaye kta, qa makoce wan hewoskan qa hopuza ekta iyewaye kta; ite kin wiyohiyanpata mini tanka kin ektakiya, qa unma ihanke kin wiyohpeyata mini tanka ektakiya wanke kta, qa iye šicamna kin hiyu kta, qa omnapi šica etanhan hiyu kta, taku tanka econ kin heon etanhan.

21 Makoce, kopehda šni wo; pida qa wiyuškin wo: Jehovah taku tanka econ kta heon etanhan.

22 Tinta woteca, wikopapi šni po; hewotahedan makoce kin owihanpi icaga nakaeš, can kin waskuyeca aicaga nakaeš, witansna can qa hastanhanka iyuwi towijice kin hiyuya ece.  

23 Hecen Zion cinca, cante wašte po, qa Jehovah Taku Wakan nitawapi kin on wiyugkin po; mašaju tokaheya kin he iwaštedan nicupi nakaeš; qa nakun magan kin hiyuniciyapi kta, magaju tokuheya qa inajjaju ehake, wi tokaheya kin en.

24 Unkan onapanpi kin aguyapi su oJudahn kta, qa oyuskicapi kin minima qa wihdi apašboke kta.

25 Qa psipšicadan, wamduškadan, qa psipšica cinca, qa psipsica tanka, ozuyc tanka mitawa niyepi en hiyuwieawaye cin, waniyetu temyapi qon hena iyakihdeciciyapi kta.

26 Unkan wotapi en wayatapi kta,qa inimnanpi kta, qa Jehovah Taku Wakan nitawapi wowinihanyan onicihanyaiipi kin he caje datanpi kta: unkan mitaoyate kinohinniyan wistecapi kte šni.

27 Qa Israel wicacokaya waun sdonyayapi kta; qa miye e Jehovah Wakantanka nitawapi, qa tuwedan tokeca šni: unkan mitaoyate kin ohinniyan wistecapi kte šni ce.

28 Unkan he iyohakam kaketu kta, Mitaniya kin wicacehpi owasin awakastan kta; qa nicinkstpi qa nicunkšipi kin hena waayatapi kta, wicahinca nitawapi kin wowihanmna ihanmnapi kta, koška nitawapi kin hena wowanyake wanyakapi kta:

29 Qa nakun anpetu kin hena en, wicašta taokiye qa winyan taokiye kin hena Mitaniya awicawakaslan kta:

30 Qa maripiya en qa niaka kin akan wowapetokeca mdutanin kta, we, qa peta, qa šota bosdata.

31 Anpetu wi kin he otpaza iea e kta, qa hanyetu wi kin iš we icage kta, Jehovah taanpetu tanka qa wowinihan kin hi šni itokam.

32 Urban kaketu kta, tuwe kasla Jehovah caje kin hoyekiye cinhan ehdakupi kta: Zion Paha kin akan qa Jerusalem en woehdaku yuke kta nakaeš, Jehovah eye ciqon iyececa, qa wookapte Jehovah wicakico kte cin hena en.

JOELWICOWOYAKE 3.

1 Ibo, anpetu kin hena en, qa he iyehantu kinban, Judah qa Jerusalem wayaka unpi kin wahdoku kta;

2 Nakun oyate owasin wicamduwitaya kta, qa Jehoshaphat taomdayo kin ekta kun awicawau kta, qa hen wicamdaco kta, mitaoyate on, qa Israel tawawakiye cin on, hena oyate kin w icehnahna enanakiya iyewicayapi, qa mitamakoce kin kicipamnipi.

3 Nakun mitaoyate on oeconna econpi; qa hokšidan wan witkowinna on wicaqupi, qa wicinyitnna wan miniša tokiyopekiyapi, yatkanpi kta heon.

4 Qa nakun Tyre, qa Zidon, qa Palestina makoee opapun ocowasin, niye miye kici taku unkicicapi he? niye miyecicajujupi kta he? qa miyecicajujupi kinhan, kohanna ohankoya wokajuju nitawapi nipapi kin en ihdoyeciciyapi kta:

5 Mazaska mitawa, qa mazaskazi mitawa iyacupi, qa taku oiyokipi wašte mitawa kin hena tipi wakan nitawapi kin en adapi nakaeš:

6 Nakun Judah cinca, qa Jerusalem cinca kin hena Javan cinca kin ekta wiyopewicayayapi, iye tamakoce kin itehan iyewicayayapi kta e heon.

7 Heon etanhan iho, tukten wiyopewicayayapi kin hetanhan hiyuwicawaye kta, qa wokajuju nitawapi niye nipapi kin en ihdoyeciciyapi kta.

8 Nakun nicinkšipi qa nicunkšipi kin Judah cinca napepi kin en wiyopewicawaye kta; qa i ito Sabean wicašta, oyate wan tehan unpi kin ekta wiyopewicayapi kta; Jehovah hecen eya nakaeš.

9 Ikcewicašta kin ehnahna decen eyanpaha po; Wipe hduwakan po; wica ta wašakapi wicayuhica po; okicize wicašta owasin kiyedan hiyupi kta; upi kta.

10 Mahiyumdu nitawapi on mazasagye kaga po, qa isan škopa nitawapi on wahukeza kaga po: tuwe wašake šni kin, Wamašaka ce, eye kta.

11 Mniciya po, qa u po, Ikcewicašta iyunpa yaunpi, qa ihduk an tanhan ihduwitaya miye: Jehovah, tona wasaksaka nitawa kin hena hen hiyuwicaja wo.

12 Ikcewicašta kin ihduhicapi kta,qa Jehoshaphat taomdaye kin en upi kte: heciya Ikcewicašta ihdukšan yakonpi kin owasin wicayaco imdotanke kta nakaeš.

13 Isan škopa kin en iyekiya po, wojupi kin suton nakaeš: u po, ekta dapi kte; iyuškice kin ojudan, iyohnakapi kin apagboka ce: wicohan šica econpi kin tanka nakaeš.

14 Wicota, wicota, woyaco omdaye kin ohna: woyaca omdaye kin en Jehovah taanpetu kin kiyedan nakaeš.

15 Anpetu wi qa hanyetu wi kin otpaza icu kta, qa wicanhpi kin iš wowiyatpa eihdakupi kta.

16 Nakun Jehovah Zion etanhan ho uye kta, qa Jerusalem etanhan ho hdatanin kta: qa niahpiya qa maka kin cancan kta: Tuka taoyate kin Jehovah wowacinye yapi kta, qa Israel cinca he wowašake yapi kta.

17 Hecen Jehovah Taku Wakan nitawapi, Zion Paha wakan mitawa en ounyan kin he miye e sdonyayapi kta. Hehan Jerusalem wakan kta, qa hetanhan icimana oyate tokeca tuwedan opta ye kte šni.

18 Unkan anpetu kin he en kaketu kta, he kin hena minima teca sbuye kta, qa paha kin asanpi on kaduze kta, qa Judah kaksiza kin owasin mini ohna iyaye kta, qa Jehovah tipi kin etanhan minihdoka wan uye kta, qa ittim omdaye kin spayeye kta.

19 Egypta otiwota ehpeyapi kta, qa Edom hopuza makoce kin heca kta, Judah cinca owicakihansunkecapi kin heon, iye tamakoce kin ohna wicawe wiyaonpepica šni kin papsonpi nakaeš.

20 Tuka Judah owihaiike wanin ounye kta, qa Jerusalem wicoicage qa wicoicage hehanyan.

21 Qa wicawe wapakinte šni  qon he wicawecipakinte kta ce: Jehovah Zion en ounyan nakaeš.

Hosea 11-14

HOSEA WICOWOYAKE 11.

1 Israel hok yoqopa qehan waštewakidaka, qa micinkši Egupta etanhan weco.

2 Hena wicakicopi, tuka ehpeya iwicayayapi: Baalim wakiyušnapi, qa wakagapi bagopi kin en wizice izinkiyapi ece.

3 Nakun miye Ephraim, išto en wicaniduze, maniwakiya: tuka he miye e okiziwicawakiya sdonyapi šni.

4 Wicašta taikan kin on wicanidutitan, wowaštedake icaško kin on. Unkan tona cannapinpi kin tahu etanhan eyakupi kin iyececa madakapi, unkan woyute ewicawecihnaka.

5 He qe Egypta makoee kin ekta hde kte šni, tuka Assyri wicaštayatapi kin yuhe kta; hdicupi kta wicadapi šni nakaeš.

6 Hehan iye totonwe kin hena en mazasagye kin hiyu kta, qa taakicita tancan kin ihangwicaye kta, qa temyc kta, iye wahokonkiciyapi kin on etanhan.

7 Nakun mitaoyate ehpeniayanpi kta on nina htanipiece: Hena Iyotan Wankan un kin ekta wicakicopi keš, tuwedan yuonihan kte šni.

8 Ephraim, token ehpeciye kta he; Israel, token cikpagan kta he; token Adma iyecen ecihnake kta, Zeboim iyecen ecihde kta he? micante mahen ihduhomni, mitocantekiye kin okonwanjidan kaniciya.

9 Wocanteptanye mitawa idewakiye kte šni; Ephraim ihaitgwaye kta on waku kte šni; Wakantanka he miye nakaeš, qa wicašta hemaca šni; Wakan Wanji nicokayapi un kin: heon wocanteptanye yuha hibu kte šni.

10 Jehovah ihakam manipi kta: iye qe mnaja iyecen hoton kta: tohan ho hdatanin kinhan, hehan miniwanca kin etanhan wicacinca kin cancanyan upi kta.

11 Zitkadan wan iyececa Egypta etanhan cancanyan upi kta, qa tinwakiyedan wan iyecen Assyria makoce kin etanhan. Unkan miye hena tipi tawapi kin en ewicawehnake kta, Jehovah eya.

12 Ephraim woitonšni on ohomni imayaya, qa Israel tiyohnaka kin wohnaye on: Tuka Judah hinyahin Wakantanka kici itancanyan un,qa tona owotanna kin om wacinyepica un.

HOSEA WICOWOYAKE 12.

1 Ephraim tate kin yun un, qa wiyohiyanpata tate kin kuwa aya: anpetu owasin woitonšni woihangye ko hduota ece: Nakun Assyriapi kici wicotakuye wan kagapi kta, hecen Egypta ekta wihdi ayapi.

2 Nakun Jehovah Judah kici woakinica yuha, qa Jacob iye tacanku kin iyecen en au kta; taku econ kin he iyecen ecakicon kta.

3 He qe tamni en cinyeku siyete en yuza, qa iye towašake on Wakantanka kici econ.

4 Han, tuwe usipi kin he kici econ qa ohiya: ceya qa cekiya: Beth-el en iyeye ciqon, unkan hen wounkiyakapi:

5 Heon Jehovah Taku Wakan ozuye yuhe cin hee; wokiksuye tawa kin he Jehovah ee ce.

6 Heon etanhan niye Taku Wakan nitawa ekta ihduhomni wo; wowaonšida qa woyaco kpatan wo, qa nita Wakantanka ohinniyan akipe un wo.

7 Wopeton kin heca, onaspeyetonpi itonšni kin nape ohna yanka: wakakišya waštedaka ece.

8 Tuka Ephraim heya; Awicakehan wijica imacaga; wowijice mihdatnna: wicohan mitawa owasin miye en taku šica woahtani iyececa takudan iyeyapi kte šni ce, eya.

9 Tuka miye, Jehovah nita Wakantanka Egypta makoce kin etanhan he miye; ake wakeya ohna ounyeciye kta, omniciye anpetu qon en iyececa.

10 Nakun wicašta wokcan kin hena om wowahdaka: qa miye wowanyake kin mduota, qa waayate nape kin eciyatanhan wimdacin ece.

11 Iho, Gilead woahtani heca: awicakehan hena itonpišni: Gilgal en tatanka wayusnapi: han, owayusna tawapi kin hena maga ocankuye ohna mahpajo kin iyececa.

12 Unkan Jacob Syria makoce kin ekta najica iyaya, qa winohinca wan on Israel wowidagiciya; han, winohinca on wawihankiya.

13 Nakun wicašta wokcan wan on Jehovah Israel Egypta etanhan hinanpe wicaya, qa wicašta wokcan on iye awanyakapi ece.

14 Ephraim nina hin sinhdakiya: Heon etanhan ltancan tawa kin he iye we kin en ekicihnake kta, qa toiyopeye ciqon he iye en hdicuye kta ce.

HOSEA WICOWOYAKE 13.

1 Ephraim kokipeyahan ie cehan, Israel ehna wankan ihdohda; tuka Baal en wahtani, hehan ta.

2 Unkan nakaha hena sanpa nina wahtanipi, qa wakagapi sdoyapi kin heca mazaska on icicagapi, wakagapi iye towiyukcan kin eeiyatanhan, mazakaga he ocowasin kaga ece. Hena on heyapi; Wicašta wayušnapi ece kin hena ptejicadan kin iiputakapi kta ce.

3 Heon etanhan hena hanhanna amahpiya kin iyececupi kta, qa cu kohanna tanin šni kin iyececa, aguyapi ha owanka etanhan tate iyumni kahbog iyeye cin iyececa, qa sota oceti etanhan kin he iyececa.

4 Hececa ešta Jehovah nita Wakantanka, Egypta makoce kin etanhan, he miye, qa micunonpata taku wakan sdonyaye kte šni: micunonpa Wanikiya wanicanakaeš.

5 Hewoskantu miye sdonciye ciqon, makoce puze hinca ohna.

6 Winanpi kin eeiyatanhan he iyecen wipipi qon: wipipi qa cante wankan yeiciyapi; heon etanhan amiktonjapi ece.

7 Heon mnaja wan iyececa wicawecica kta; inmuhota tanka wan iyececa canku ohna waawakite kta:

8 Wahankšica cinca ekiciyakupi kin iyecen itkowicawakipe kta, qa cante ogepi kin wicawakiyuhdece kta; qa hen mnaja iyecen temwicawaye kta: wamanica kin wicayuhdehdece kta ce.

9 Israel, niye nihdutakuni šni, tuka waoniciyapi kin he miye en un.

10 Wicaštayatapi nitawa kin wanna tukte e he; hecen nitotonwe owasin ohna niniye kta; qa wayaco nitawa tukte epi, on, Wicaštayatapi qa wicašta itancan kin heca maqu wo, eha.

11 Mitocanniye en wicaštayatapi wan cicu; milnsinhda en ewehdaku.

12 Ephraim taku šica econ kin he pahtapi; woahtani tawa kin he kihnakapi.

13 Winohinca hokšiksuya wayazanhda kin hena en au kta: hokšidan ksapc šni kin heca; hecece šni kinhan hokšiyoqopa oyuhdecapi kin en eicihnake kte šni tuka.

14 Hades nape etanhan ewicawehdaku kta; wiconte etanhan opewicawakiton kta: Wiconte, woihangye nitawa kin tukte e he; Hades, woiyahpeye nitawa tukte e he: Woiyopeiciye kin Miišta etanhan anahmanpi kta ce.

15 lye hunkawanjitku kin rlmu waskuyeca icahya qeyaš, wiyohiyanpata tate wan uye kta, Jehovah tate tawa hewoskan tanhan u kta; qa tamniyowe kin kapuza kta; unkan minihdoka tawa kin pus aye kta: Wakšica wašte hinca owasin ohna wakihnakapi kin hena awihnuniye kta.

16 Samaria kakisyapi kta; Taku Wakan tawa kin kipajin nakaeš: Hena mazasagye on hinhpayapi kta, hokšiyoqopa tawapi wicakahuhugapi kta, qa winohinca ihdušakapi tawapi kin hena bawicamdazapi kta ce.

HOSEA WICOWOYAKE 14.

1 Israel, Jehovah nita Wakantanka ekta ihdoku wo; wayahtani kin on nihinhpaya nakaeš.

2 Wicoie icu miye, qa Jehovah en hdi po: heciya po; Wicohan šica owasin yutokan iyeya wo, qa tanyan iyowinunkiya miye, kinhan unkihapi tawošna kin unnicupi kta ce.

3 Asšur niunkiyapi kte šni: šuktanka akan unkiyotankapi kte šni: qa detanhan icimana unnapepi taku kage cin, Taku wakan unkituwapi, keunkiyapi kte šni: niye etanhan wamdenica onsiwicadapi ece nakaeš.

4 Hekta ihduhomnipi qon he miye okiziwicaweciciye kta, qa iyakicuya cantewicawakiye kta: mitocanniye kin he iye etanhan yuhomnipi nakaeš.

5 Miye Israel en cu kin iyemacece kta: iye mnahcahca kin iyecen namda a kta, qa hutkan icage kta, Lebanon iyececa.

6 Acincaton kin hena tankaya icage kta, qa toiyokipi kin he wihdi can kin iyecece kta, qa omnanpi kin Lebanon iyecece kta.

7 Tona ohanzi tawa ihukuya iyotankapi kin hena hdicupi kta,

8 Ephraim heye kta; Detanhan wakagapi kin kici taku micica he: Miye amdupte, qa ihawakta kta: Wazi can toto kin he iyemaceca ce: Miye etanhan waskuyeca nitawa iyeyapi ece.

9 Tuwe ksapa he, kinhan dena okahnige kta; tuwe wasdonya he, kinhan dena sdonye kta? Jehovah tacanku kin hena owotanna nakaeš, qa tona owotanpidan kin hena ohna manipi kta: tuka wawakipajinpi kin hena he ohna hicahanpi kta ce, teca kin on etanhan: niipi etanhan kawanicapi nakaeš.

Hosea 5-10

HOSEA WICOWOYAKE 5.

1 Wawayušna yaunpi, de nahon po; qa Israel tiyohpnka, anagoptan yanka po; qa wicaštayatapi tiyohnaka, niye nahon miye; woyaco niyepi en niupi, Mizpah akan mazahtakiyapi yaunpi, qa Tabor en onhmunkapi akahpapi kin henicapi nakaeš.

2 Unkan wicaktepi kta on woahtani temahentuya econpi; tuka miye hena iyuhpa iyopewicawaya ece.

3 Miye qe Ephraim sdonwaya, qa Israel miye etanhan naicihbe šni: Ephraim, niye qe wanna wiinayahman, Israel ihdusapa nakaeš.

4 Taku Wakan tawapi kin ekta ihduhomnipi kta e wicohan econ wacinpi šni: wawicihahapi econpi oniya kin he wicacokaya un, qa Jehovah sdonyapi šni nakaeš.

5 Unkan Israel towahanicida kin iye ite kin en ihdutanin: heon etanhan Israel qa Ephraim iye wahtanipi kin en hdihpayapi kta, qa Judah nakun om hinhpaye kta.

6 Tahin wanunyanpi tatanka ko hduha Jehovah okide yapi kta, tuka iyeyapi kte šni; iye qe hena i ehpeya iwinayaya.

7 Jehovah en hnayan ohanyanpi ece; cinca tokeca icahwicayapi nakaeš: wanna wi teca kin he awihnuniwicaye kta, taku tawapi koya.

8 Gibeah en cotanka kin yajo po, mazayahotonpi tanka kin Ramah entu: Beth-aven ekta šicahowaya miye, Benjamin, niye nihakamtu ce.

9 Woiyopeye anpetu kin en Ephraim otiwota wanke kta. Israel wicowazipi kin ehna taku awienkapi kte cin he mdaotanin.

10 Judah itancanpi kin hena maga icagopi yutokanpi kin iyececapi: mitocanniye kin mini iyecen awicawakastan kta.

11 Ephraim tehiya kuwapi, woyaco on kašušujapi, taku econsipi kin he iyokipiya opa nakaeš.

12 Heon etanhan miye Ephraim en wamduškadan wayapota iyemaceca, qa Judah tiyohnaka kin en woyukuke hemaca kta.

13 Ephraim iye towayazan kin wanhdaka, qa Judah opakihte wanhdaka qehan, Ephraim Assyri ekta iyaya, qa Jareb wicaštayatapi kin ekta ye wicaši: tuka he qe ašniniyanpi okihi šni, qa opanicihte kin okiziyan okitpani.

14 Heon miš miye Ephraim en mnaja iyemaeece kta, qa Judah tiyohnaka en mnaja koška hemaca kta; mis miye hinca mdapotpota qa imdamde kta; miye tokan emdanide kta, qa tuwedan ehdaku kte šni.

15 Miye mde kta, mitowanka kin ekta wahde kta, kakišwicayapi qa ruiite akitatri kte cin hehanyan: iye tokakijapi kin en kohanna omadepi kta nakaeš.

HOSEA WICOWOYAKE 6.

1 Kuwa miye, Jehovah ekta unhdapi kta: iye wayaspuspu, tuka ake okiziunyanpi kta; iye unkaštakapi, tuka ake paunhtapi kta nakaeš.

2 Anpetu nonpa iyohakam niunkiyapi kta: anpetu iyamni en najin unkiyapi kta, unkan iye itokam mini pi kta.

3 Hehan wasdonunyanpi kta, Jehovah sdonya unkuwapi kta: iye oenape kin he anpao kin iyecen wiyeya yanka: unkan magaju iyecen en unkupi kta, ehake magaju maka bospaya ece kin iyececa.

4 Ephraim, taku ecacicon kta he? Judah, taku ecacicon kta he: nitowaštepi kin he hanhanna amahpiya kin iyececa nakaeš, qa cu kohanna tanin šni iyaye cin he iyececa.

5 Heon etanhan wicašta wokcan kin on bawicawaspaspa; mii oie kin on hena wicawakte. Unkan woyaco nitawa kin hena iyoyanpa hinanpe cin iyececa ce.

6 Wowaonšida he waštewadaka, qa wošnapi ee šni; qa Wakantanka sdenyapi kin he wošnapi hunnahyapi kin impa.

7 Tuka hena e, wicaštapi iyecen, wicotakuye kin awahtanipi; hen wahnayan omakihanyanpi ece.

8 Gilead otonwe tona woahtani econpi sa kin he tawapi; wicawe on nakišapapi.

9 Wamanon sa wicota wicašta wan iyapepi kin he iyecen wawayusnaokodakiciye kin Šechem ekta canku iyahde ohna tin wicaktepi ece: hena wikiksanpi nakaeš.

10 Israel tipi kin en taku wonihinciye wanmdaka: Ephraim wiinahman kin hen yanka, Israel ihdusapapi.

11 Nakun. Judah, iye womnayan wan niciš'ustan, tohan mitaoyate wayika unpi hdicuwicawakiye cinhan.

HOSEA WICOWOYAKE 7.

1 Israel okiziwayaicunhan Ephraim tawoahtani qa Samaria taku šica econ kin hena tanin: woitonšni econpi nakaeš: qa nakun wamanon sa kin he en u kta, waboticapi kin hena tankan wawicakipi ece.

2 Unkan taku šica econpi kin iyuhpa miye weksuya ecee he cante mahen awacinpi šni: tuka iye ohanpi kin hena aohdutewicakiya; hena miite itokam yanka.

3 Šicaya econpi kin on wicaštayatapi kin iyuškinkiyapi ece, qa iye itonpišni kin on wicašta itancanpi kin iyuškinpi.

4 Hena owasin wiinahmanpi ece, waspanyan wan mazaoceti ohna ceti eca, aguyapi patinza kin he napogan šni hehanyan sanpa kanya ayuštan kte cin he iyececa.

5 Wicaštayatapi unkitawapi taanpetu kin en, wicašta itancanpi kin miniša kanyapi on wayazanka icicagapi: iye wawihahapi kin om nape hdugata.

6 Wawiyape unpi icunhan, mazaoceti wan iyecen cante ikiyedan ukiyapi nakaeš: hanyetu osan waspanyan tawapi kin ištinma; hanhanna eca peta itkon iyecen ide ece.

7 Hena iyuhpa katapi. mazaoceti wan iyececa, qa wayaco temwicakiyipi: wicaštayatapi tawapi kin owasin hinhpayapi; hena etanhan tuwedan hoyemakiye šni.

8 Ephraim oyate kin ehna icicahiiciya: Ephraim aguyapi katapi yuptanyanpi šni kin heca.

9 Towašake kin he oyate tokeca temkiciyapi, tuka iye sdonkiye šni: han, tuktekten pa hin škaška en un tuka sdonkiye šni.

10 Nakun Israel towahanicida kin iye ite kin en oihdake: Tuka dena owasin on etanhan Jehovah Taku Wakan tawapi kin en ihdoyapi šni, qa okidepi šni ece.

11 Nakun Ephraim tinwakiyedan witkotkoka wan iyececa, cante nica: Egypta hoyekiyapi, Assyria ekta yapi ece.

12 Tohan yapi kinhan onhmunkapi mitawa awicawakahpe kta: mahpiya okinyanpi kin iyececa kun ehpewicawaye kta: iye tomniciye nahonpi kin he iyecen wicawakaštake kta ce.

13 Wotehi wicakiciyanka nunwe, hena namicijicapi nakaeš: woyutakuni šni wicakiciun nunwe, wamicihtanipi heon etanhan: hena opewicawakiton qeyas cimatonpišni ece.

14 Qa iye towinjapi akan šicahowayapi ešta, cante on hoyemakiyapi šni: aguyapi qa miniša imniciyapi, miye makipajinpi ece.

15 Nakun miye wahokonwicawakiya on isto wicaweciyuwašaka e ta šicaya wacinmakiyuzapi ece.

16 Hdicupi ešta Iyotan Wankan un kin ekta šni: itazipa wahnaye sa wan iyececapi: wicašta itancan wicayuhapi kin hena mazasagye on hinhpayapi kta, iye ceji wayašicapi kin on etanhan: Decen Egypta niakoce kin ohna wawihahawicayapi kta ce.

HOSEA WICOWOYAKE 8.

1 Nii kin en mazayahotonpi: Wanmdi wan iyececa Jehovah ti kin takpe u kta, wicotakuye mitawa awahtanipi, qa mitoope kin kicaksapi nakaeš.

2 Miye hoyemakiyapi kta: Mita Wakantanka sdonunniyanpi ce, Israel unkiyepi.

3 Israel taku wašte kin dektaya: toka kin hena kuwa ayapi ktii ce.

4 Wicaštayatapi ewicahnakapi, tuka raiye etanhan ni; wicašta itancan wicakagapi, tuka sdonwaye šni: mazaska qa mazaskazi tawapi on wakagapi icicagapi, hecen ihangyapi kta.

5 Samaria, ptejicadan nitawa kin he wowahtešni: niitocnuniye kin aidewicakiyapi: tohanyan iyaonpepicašni kin iyohiyapi kte u he.

6 He nakun Israel etanhan nakaeš: mazakaga kin he kaga; heon etanhan he Wakantanka kin ee šni: Tuka Samaria ptejicadan tawa kin he kaksaksapi un kta.

7 Henatate ojupi,heon etanhan tateiyumni kin mnayanpi kta: hu yuke šni; camni uye cin he aguyapi icahye kte šni: taku aicaga ešta oyate tokeca napcapi kta.

8 Israel napca iyeyapi: wanna lkcewicašta wicehna unpi kta, cega wan oiyokipi wanice cin he iyececa.

9 Assyria ekta iyayapi nakaeš šonšonna wan išnana un kin iyececa: Ephraim waštedakapi kin heca opewicaton.

10 Tuka lkcewicašta kin ehna wiyopeiciyapi ešta, wanna mnawicawaye kta, unkan wicašta itancanpi en wicaštayatapi yuhapi kin on cistiyedan iyokisiniciyapi kta.

11 Ephraim wahtani kta on owayusna ota kaga, heon etanhan owayusna kin hena wahtanikiya ecee kta.

12 Mitawoahope taku tanka kin hena on wowapi wecaga: tuka hena taku tokeca dakapi.

13 Wošna wamakiyusnapi, tado i wayusnapi qa yutapi ece: Jehovah iyowinwicakiye šni: Wanna taku šica econpi kin kiksuyc kta, qa wahtanipi kin on iyopew icaye kta: Egypta ekta icicawin yapi kta ce.

14 Israel Tuwe Icallye cin he akiktonja nakaeš, qa tipi tanka icicaga: Judah nakun otonwe acankaskapi kin hduota ece: Tuka otonwe tawa kin hena en peta yewaši kta, unkan tipi tanka kin hena ihangkiciye kta ce.

HOSEA WICOWOYAKE 9.

1 Israel, oyate kin iyecen, wowiyuškin on wiyuškin šni wo: nita Wakantanka ehpekiya wiinahman idada, aguyapi onapanpi otoiyohi ohna iyunwin wašteyadaka nakaeš.

2 Onapanpi qa miniša onaskicapi kin hena wonwicayapi kte šni: qa ohna miniša teca kin he wohnaye kta.

3 Jehovah tamakoce kin en ounyanpi kte šni: tuka Ephraim Egypta ekta hde kta, qa Assyria ohna taku šapa yutapi kta.

4 Jehovah miniša okicastanpi kte šni, qa nakun iyokipi yapi kte šni: tawošnapi kin hena oiyoki ca aguyapi kin iyececa: tona etanhan yutapi kin owasin yušapapi kta: iye nagipi on taaguyapi kin Jehovah ti kin en u kte šni nakaeš.

5 Omniciye anpetu kin en, qa Jehovah tawošna anpetu kin en taku ecanonpi kta he?

6 Iho, hena woyutakunišni on iyayapi: Egypta mnawicaye kta, Memphis wicahe kta: mazaska tawapi opiye wašte kin hasbe en un kta; tawakeyapi kin ohna can pepe yuke kta.

7 Wicakiciyawapi anpetu kin i wanna hiyohi; iyopewicayapi anpetu kin wanna hi: Israel sdonye kta: Wicašta wokcan kin; he witkotkoka; wicašta wakan kin iš wacinhnuni, wayahtani ota kin on, qa wicotakunišni tanka kin on etanhan.

8 Ephraim mita Wakantanka akipe yanka: wicašta wokcan kin iš iye tacanku owasin ohna wahmunke sa onhmunkapi tawa kin heca; iye Taku Wakan tawa tipi kin ohna wicotakunišni heca.

9 Osungye ihdušicapi, Gibeah taanpetu qon en iyececa: Taku šica econpi kin iye kiksuye kta, wahtanipi kin iye wicakiciyawa kta.

10 Hewotahedan hastanhanka iyage iyececa Israel iyewaya: witanšna hu kin akan tokaheya suton kin iyececa, nihunkakepi wanwicamdaka: Tuka Baal-Peor ekta iyayapi, qa wowištece kin I he en iluluwakanpi; qa iye waštedakapi kin iyececa wowahte šni yukankan.

11 Heon etanhan Ephraim towitanpi kin kinyan iyaye kta, zitkadan wan iyececa; tokaheya icage cin wanica,qa tamni etanhan, qa tonpi kin etanhan.

12 Han, cinca icahwicakiyapi ešta cinca codan wicawakage kta, wicašta wanice kta: han, tohan eripewicawaye cinhan wotehi wicakiciyanke kta.

13 Turos wanmdake ciqon iyecen Ephraim makoce wašte en ojupi: Tuka tin wicakte kin ekta Ephraim cinca hiyuwicakiye kta.

14 Jehovah. wawicaqu wo: Taku e wicayaqu kta he: Tamni hokšin yuhe šni kin he wicaqu wo, qa nakun aze asanpi wanica.

15 Wicohan šica tawapi kin i iyuhpa Gilgal en tin: hen šicewicawakidaka nakaeš: Taku šica econpi kin on wati kin etanj han napewicawaye kta; icimana waštewicawadake, kte šni: wicašta itancan tawapi iyuhpa wawakipajinpi.

16 Ephraim kaštakapi, hutkan tawa kin seca aya; waskuyeca takudan icahyapi kte šni: Han, cinca yuhapi ešta, tamnipi etanhan tona waštedakapi kin hena wicawakte kta ce.

17 Wakantanka mitawa anagoptanpi šni, heon etanhan iye ehpewicaye kta: Unkan oyate kin ehnahna onuni unpi kta ce.

HOSEA WICOWOYAKE 10.

1 Israel hastanhanka hu tankaya icage cin heca; iye on waskuyeca icahiciya ece: tawaskuyeca ota kin he iyecen owayusna icicaga; makoce tawa wašte kin he iyecen wakagapi ungopi ece.

2 Cantepi jagjata; wanna kakisyapi kta: Owayušna tawapi kin hena iye pajuju kta, wakagapi tawapi kin hena ihangye kta ce.

3 Wanna heyapi kta; Jehovah kounkipapi šni, heon wicaštayatapi unnicapi; hecen wicaštayatapi wan taku ecaunkiconpi kta he?

4 Wicoie eyapi, wicotaku te kagapi kin en itonšni icicagapi; heon etanhan woyaco uye, maga ocanku ohnahna wato šica kin he iyececa.

5 Samaria en ounyanpi kin Beth-aven ptejicadan kin hena on kopehdapi kta: hecen taoyate kin he aceye kta, qa wawayušna on wiyuškinpi qon hena nakun, towitan kin on, wanna ayuštan nakaeš.

6 He nakun Assyria ekta ayapi kta, Jareb wicaštayatapi kin qupi kta: Ephraim wowištece icu kta, qa Israel iye tawowahokonkiye kin on ištece kta ce.

7 Samaria wicaštayatapi tawa kin he atakunišni, mini akan canokahpahpa wan iyececa.

8 Nakun Aven pajodan, Israel tawoahtani qon, hena ihangyapi kta: Owayušna tuwapi kin akan wapepeka qa toku hu uye kta: Hehan he kin, Unkakahpa miye, eciyapi kta; qa, Unkahinhpaya po, aha kin eciyapi kta.

9 Israel, Gibeah taanpetu kin hetanhan wayahtani ece. Hen inajinpi: Gibeah en woahtani cinca kin om okicize kin he ewieakihde ie šni.

10 Iyopewicawaye kta eante mduza: unkan oyate kin takpewicayapi kta, tohan wahtanipi tioin on ihdaskapi kinhan.

11 Nakun Ephraim pteheyuktanna kaonspepi, wanapan wastodake cin heca: tuka miye qe tahu wašte kin akan imdamda. Ephraim en ikoyagwaye kta: Imhi womdu kta; Jacob maga kiciyuhinhe kta ce.

12 Oowotanna on okikju po, wowaonšida eciyatanhan wamnayan po: mahteca hdumdu po: Jehovah hi kta, qa woowotanna nmagaju niciyapi kta hehanyan wanna akitapi kta iyehantu nakaeš.

13 Wošice idumdupi, woahtani mnayakiyapi; woitonšni waskuyeca kin yuhapi ece: Nitacanku kin he, wicašta wašaka ota nitawa kin hena e wacinyakiya tiakaeš.

14 Heon etanhan nitaoyate kin en owodutaton wan icage kta, qa conkaške nitawa iyuhpayujujupi kta, okicize anpetu kin en Šalman Beth-arbel ihangye ciqon iyececa; winohinca iye cinca kin akan ihangyapi qehan.

15 He iyecen Bethel ecaniconpi kta, wicohan šica nitawapi šice hince cin hena etanhan, hanhanna kinhan, Israel wicaštayatapi kin ocowasin kašpapi kta ce.