PSALM 76.
Candowankiyapi
on dowan itancan kin kicagapi. Asaph tadowan. Woahiyaye wan.
1 Judah en
Wakantanka sdonyapi; Israel en iye caje kin tanka hinca.
2 Nakun
tawokeya Salem en han; Qa Zion en ounyan ece.
3 Hen itazipe
wanhinkpe kin kawehwega; Wahacanka qa mazasagye qa okicize kin. Selah.
4 Niye wiyatpa
yaun, wakinihan hinca, He akan wapatapi ece kin isanpa.
5 Tona cante
sutapi kin hena taninpi šni; Woistinma tawa istinmapi; Qa wicašta wašakapi
tuwedan nape iyekiyapi šni.
6 Jacob ta
Wakantanka, iyopewicayaye cin on, Canpahmihma qa nakun šuktanka istinma tapi.
7 Niye nišnana
konicipapi kta; Qa tuwe nitokam najin kta he, sinyahda kinhan?
8 Mahpiya
eciyatanhan woyaco nahonwicayaya; Maka kin kokipe ca inina yanka;
9 Wakantanka wicayaco
najin qehan: Maka akan onšike cin owasin niwicaye kta. Selah.
10 Awicakehan wicašta
sinhdapi kin niyatan kta; Qa šinhdapi. ihe tin he ipiyagyeton kta.
11 Jehovah
Wakantanka nitawapi taku iwahoyapi qa hdajuju po; Tona ihdukšan yaunpi kin
owasin; Tuwe kokipapi kte cin he taku kahipi kta iyececa.
12 lye wicašta
itancanpi taniya kin baksa ece: Maka akan wicaštayatapi kin kokipapi kta.
PSALM 77.
Dowan itancan
Jeduthun etanhan. Asaph tadowan.
1 Miho kin
Wakantanka ekta yewaya, qa cewakiye kta; Miho kin Wakantanka ekta yewaye kta:
Unkan anamagoptan kte.
2 Makakija
anpetu kin en Itancan kin awakita; Hanyetu hehan minape yugan un, qa tasaka šni;
Minagi wakihnapi cin šni.
3 Wakantanka
weksuya, qa nihinmiciya; Awacin manka, unkan mitaniya iyokišica hinca. Selah.
4 Miišta ištojuha
sutaya yus yaun; Makastakapi, qa ia owakihi šni.
5 Anpetu wanakaja
ekta ewacanmi; Wanakaja tanhan waniyetu kin hena.
6 Hanyetu en
mitadowan qon he weksuye kta; Micante on awacin waun kta; Qa mitaniya kin nina
wiwanga ece.
7 Ohinniyan
Itancan kin waakta kte šni he? Qa ake icimana wacantkiye kte šni he?
8 Towaonšida
kin he ohinniyan owihanke he? Wicoicage qa wicoicage hehanyan, oie kin ayugtan
he? .
9 Wakantanka
cin he waonšida akiktonja; Qa wocanniye on tocantekiye anakipta he? Selah.
10 Unkan heya;
Makakije cin he dee; Iyotan Wankan un nape etapa waniyetu kin.
11 Jehovah ohan
kin mdaotanin kta; Wanakaja tanhan niohan wakan kin hena weksuye kta.
12 Nakun niohan
owasin awacanmi kta; Qa taku ecanon kin hena awacin waun kta.
13 Wakantanka,
woowotanna en nitacanku: Wanji wašaka tukte e Wakantanka iyecen tanka he?
14 Wakantanka
wicohan wakan econ kin he niye; Oyate kin nitowašake sdonye wicayakiya.
15 Niisto on
nitaoyate opewicayakiton; Jacob qa Joseph cinca kin. Selah.
16 Wakantanka,
mini kin wanniyakapi: Mini kin wanniyakapi; Škanškanpi; Han, mini she cin
cancan.
17 Mahpiya šapa
kin mini hdaštanpi; Mahpiya kin hotanin; Han, nitunwanhinkpe kin kinyan hiyaya.
18 Wakinyan
nitawa ho kin tate iyumni en un; Wakanhdi maka kin iyoyamya; Maka kin cancan qa
škanškan.
19 Miniwanca
kin en nitacanku; Qa mini ota ohna cankuyaye; Hecen nioye kin sdonyapi šni.
20 Optaye wan
iyecen nitaoyate yuš awicade; Moses qa Aaron nape kin on.
PSALM 78.
Asaph tawa.
Waonspekiyapi kta
1 Mitaoyate,
mitoope kin anagoptan po; Mii oie kin hena anohkiya miye.
2 Wicoie wakan
wan on i wahdukawa kta; Wanakaja tanhan wiyukcanpi kin omdake kta.
3 Hena unkiye
naunhonpi qa sdonunyanpi; Qa ate wicunyanpi unkokiyakapi qon;
4 Hena iye
cinca anawicunkihmanpi kte ni, Wicoicage u kte cin, Jehovah yatanpi kin
owicunkiyakapi kta; Qa iye towašake, qa wicohan wakan econ qon hena.
5 Unkan Jacob
en wayuotanin wan ehde; Qa Israel en woope wan kaga; Hena hunkake wicunyanpi
econ wicaši lye cincapi owicakiyakapi kta.
6 Hecen
wicoicage u kte cin sdonyapi kta; Wicacinca icagapi kte cin, Hena najinpi qa
iye cinca owicakiyakapi kta.
7 Hecen Wakantanka
wacinyanpi kta; Qa Wakantanka ohan kin akiktonjapi kte Šni; Tuka tawoahope kin
opapi kta.
8 Hecen
atewicayapi kin iyececapi kte šni; He wicoicage tahu suta qa wakize sa;
Wicoicage cante hduwiyeye šni; Qa taniya kin Wakantanka ekta owotanna išni.
9 Ephraim
cinca, wanhinkpe wotawe yuhapi kin, Henanamnipi, kicizapi anpetu kin en.
10 Wakantanka
wicotakuye tawa yuhapi šni; Qa tawoahope eciyatanhan mani wicadapi šni.
11 Tuka taku
ccon qon hena akiktonjapi; Qa iye ohan Wankan wanyagwicakiye ciqon.
12 Atewicayapi
wicitokam wicohan wakan econ; figupta makoce kin en, Zoan tinta kin etu.
13 Miniwanca
kin yukinukan qa ohna iyaye wicaya; Qa mini kin maya iyecen najin kiya.
14 Hehan anpetu
icunhan mahpiya sapa wan on awicaya; Qa hanyetu osan peta iyoyanpa kin on.
15 Hewotahedan
makoce kin en imnija kin kaptuja; Qa osbe tanka etanhan iyecen yatkewicakiya.
16 Hecen imnija
wan etanhan mini ihaha kiya; Qa wakpa iyecen mini kin hiyuya.
17 Hececa ešta
nakun iye en wahtanipi; Hewoskan makoce kin en, Iyotan Wankan kin i en
hiyeyapi:
18 Qa iye cante
en Wakantanka iyutanyanpi; Wipipi kta on woyute kidupi qehan.
19 Han, Wakantanka
aiapi, qa heyapi; Wakantanka cin hewoskan makoce kin en, Wahna wotapi wan
wiyeya ehde kta okihi he?
20 Iho, imnija
kin apa, unkan mini hiyu; Qa etanhan wakpa wan kaduza: Nakun aguyapi hiyuya
okihi, Qa taoyate kin tado wicaqu kta he?
21 Heon Jehovah
nahon qa šinhda: Unkan Jacob en peta wan ideyapi; Qa nakun Israel en wocanniye
awicau:
22 Wakantanka
wicadapi šni heon etanhan; Qa niwicaye cin he wacinyanpi šni.
23 Unkan wankan
mahpiya sapa kin econ ši; Qa mahpiya tiyopa kin hduhdoka;
24 Qa manna
yutapi kta e ahinhe wicakiya; Qa mahpiya wamnaheza kin wicaqu.
25 Wašakapi
taaguyapi kin wieasta yutapi; Qa waneya imnuhan yuhewicakiya.
26 Mahpiya kin
ekta wiyohiyanpatanhan tate wan yekiya; Qa iye towašake on tate itokagatanhan
ukiya:
27 Qa maka mdu
iyecen conica ahinhewicakiya; Qa taku kinyanpi kin miniwanca wiyaka iyececa.
28 Qa iye
tahocoka kin cokaya ahinhpayeya; Tipi kin ihdukšan hiyeya.
29 Unkan yutapi
qa imnanpi hinca; Taku cinpi qon he wicakahi nakaeš.
30 Hinyanhin
taku cinpi qon šicekidapi šni; Woyute nahanhin i ohnakapi;
31 Unkan
Wakantanka tocanniye kin en wicahi; Qa tona cepapi kin etanhan wicakte; Qa
Israel kahnigapi kin patuswicakiya.
32 Hececa ešta
nakun wahtanipi; Qa wakanyan ohanyan ešta wicadapi šni.
33 Unkan anpetu
tawapi kin takušni en wicakiyusota; Qa waniyetu tawapi, wokakije en.
34 Wicakte qehan,
hehan akitapi, Qa hdicupi, qa hanhanna hinca Wakantanka on wiwangapi.
35 Nakun imnija
tawapi qon Wakantanka hee e kiksiiyapi; Qa Wakantanka Wankan kin opewicakiton
kin hee.
36 Hececa ešta
iye ipi on hnayanpi; Qa cejipi on oitonpi šni.
37 Qa ekta cante
ecetu yuzapi šni; Qa wicotakuye tawa kin en wicakapi šni.
38 Tuka iye, Waonšida
kin, woahtani kajuju, qa ihangwicaye ni; Nakun ijehan tocanniye anakipta; Qa
tosinhda ocowasin hduhice šni.
39 Unkan hena
wicacehpi heca kiksuya; Tateyanpa wan iyaye ca ake hdi kte šni.
40 Hewoskan
makoce kin ekta i en hiyeyapi; Qa makoška u ijehan iyokisinyapi.
41 Nakun
namnipi qa Wakantanka iyutanyanpi; Qa Israel Taku Wakan tawapi Wanji
aowehanhanpi.
42 Iye nape kin
kiksuyapi šni, Anpetu en wokakije etanhan ewicahdaku qon.
43 Egypta en
wowakta tawa kin ehnaka; Qa iye ohan wakan kin, Zoan makoce kin en.
44 Nakun wakpa
tawapi kin we kaga: Qa mini wakpadan kin yatkan okihipi šni.
45 Tatawamduška
en hiyuya, unkan wicayajipapi; Qa hnaska, unkan ihangwicayapi.
46 Unkan taku
icahyapi kin wamduškadan wicaqu; Qa wicohtani tawapi kin he psipšicadan qu.
47 Hastanyanka
iyuwi yuhapi kin wasu on kte; Qa sakomin can kin, hewanke on.
48 Nakun
tawanunyanpi kin wasu en onawicataka; Qa optaye yuhapi kin, peta ide kin en.
49 Iye
tocanniye kata en an wicakiya; Wosinhda qa wocanniye qa wonihinciye; Ohnihde šicapi
kin hena u wicaši.
50 Iye
tocanniye kin canku wan kiyumdaya; Hena nagipi wiconte ipiwicada šni; Qa
taniyapi makošica en wicaqu.
51 Hecen Egypta
en tona tokapa kin owasin awicapa; Ham tawakeyapi ohna towašakepi tokaheya kin
hena.
52 Hehan tahinca
optaye iyecen, iye taoyate kin awicahiya; Qa hewoskan makoce kin en optaye
iyecen yuš awicaya.
53 Qa tanyan
awicaya, unkan wikopapi šni; Tuka tokawicayapi kin hena miniwanca awicakahpa.
54 Hecen opapun
wakan tawa kin en awicahi; Paha kin de en, iye nape etapa ehdaku qon he.
55 Nakun
wicitokam oyatepi napewicaya; Qa ounyanpi kte cin iyuta wicaqu; Qa tawakeyapi ohna
Israel wicoun oti wicakiya.
56 Tuka
Wakantanka Iyotan Wankan kin he iyutanyanpi qa sinhdayapi; Qa tawoahope kin
kiciyuhapi šni.
57 Nakun
namnipi, qa hunkake wicayapi iyecen wahnayan onanyanpi; Tcunonpa iyayapi,
itazipa wahnaye sa iyececa.
58 Qa paha
tawapi kin on sinhdayapi; Qa wakagapi bagopi kin on nawiziyapi.
59 Wakantanka
he nahon, unkan sinhda; Qa Israel nina šicewicakidake.
60 Hecen Šiloh
en ounye cin he ayuštan; Wakeya wicašta ehna ti kicage ciqon:
61 Qa iye towašake
kin wayaka ahde kiya; Qa iye towitan kin toka nape kin en wicaqu.
62 Nakun
taoyate mazasagye en onawicataka; Qa taku tawa hince cin he canniyeya.
63 Wicašta
kahnigapi tawa kin hena peta huhnahwicaya; Qa wikoška pi tawa kin hena
wicayatanpi šni.
64 Wawayu iapi
tawa kin mazasagye on hinHpayapi; Qa wiwazicapi kin hena ceyapi šni.
65 Hehan, wicašta
istinma se iyecen, Itancan kin kikta; Wicašta was.ika miniša on iyasa kin
iyececa.
66 Qa tokayapi
kin heyata ehpewicaya; Wowištece owihanke kte šni wicaqu.
67 Nakun Joseph
tawakeya kin akta šni; Qa Ephraim tawicoun kin kahnige šni.
68 Tuka Judah
tawicoun kin he hdahniga; Zion Paha kin de waštedake ciqon.
69 Qa tipi
wakan tawa kin tewankantuya kaga; Milka kin iyecen owihankesniyan ekihde.
70 Nakun iye
taokiye David kanniga; Qa tahinca tipi kin etanhan ikikcu;
71 Tawiye
azinpi kin wicihektapatanhan ehdaku; Jacob iye taoyate kin wonwicaye kta; Qa
Israel iye tawa hince cin.
72 Unkan iye
cante ecetu kin on wonwicaya; Nakun iye nape wayupike cin on yus awicaye kta.
PSALM 79.
Asaph tadowan.
1 Wakantanka,
Ikcewicašta makoce nitawa kin en hipi; Tipi wakan nitawa kin he yušapapi;
Jerusalem paha seksen ehpeyapi.
2 Mahpiya
okinyanpi kin yutapi kta e Nitaokiye tancanpi kin wicaqupi: Wicašta wacantkiye
nitawa cehpi kin maka wamanica wicaqupi.
3 Jerusalem ihdukšan
mini iyecen we papsonpi; Qa tuwedan wicahe šni.
4 Tona ikiyedan
unyakonpi kin hena unkaiapi: Unkihdukšanpi kin hena pomnamnaunkiyapi qa wowiha Aaunyanpi.
5 Jehovah,
tohanyan kta he; Ohinniyan canniniye kta he? Winayawizi kin he peta iyecen ide
kta he?
6 Oyatepi
sdonniyanpi šni kin Hena nitocanniye awicaka tan wo; Qa wokiconze nicaje
hoyekiyapi šni kin hena.
7 Jacob wanna
temyapi; Qa tamaga kin ihangyapi.
8 Unkitokam
unpi wahtanipi qon unkiyepi en kiksuye šni wo; Inahni wo, wacanyakiye cin he
itkounkipapi nunwe; Nina iyotanhan iyeunkiyapi, heon etanhan.
9 Wakantanka
niunkiyapi kin, ounkiya po; Nicaje wowitan kin heon etanhan; Nakun unkiyukca
po, qa waunhtanipi kin kujuju wo; Niye nicaje kin on etanhan.
10 Taku Wakan
tawapi kin toki un he, Tokeca Ikcewica ta eyapi kta he? Nitaokiye we papsonpi
lokiconpi kin he, Unkistapi itokam, lkccwicnsta sdonyapi kte.
11 Kaška unpi
comnihdazipi kin he nitokam u nunwe; Niišto tanka kin eciyatanhan, Tona tapi
kte cin hena niwicaya wo.
12 Itancan,
tona ikiyedan unyakonpi, Wowihaha on inihahapi kin he, lye maku kin ohna, šakowin
akihde wicakicu wo.
13 Hecen
unkiye, nitaoyate qa tahinca wonwicayaye cin, Ohinniyan wopida unkeniciyapi kta;
Wicoicage qa wicoicage en niyatanpi kin owicunkiyakapi kta.
PSALM 80.
Asaph tadowan.
Mnaticahica on dowan itancan kin kicagapi. Wayaotaninpi kta.
1 Israel
wonwicaye cin, anagoptan ye; Optaye wan iyecen Joseph yuš ade cin; Cherubim
ehna idotanke, iyoyanpa wo.
2 Ephraim qa Benjamin qa Manasse itokam, Nitowašake
hduhica wo; Qa niunkiyapi kta u wo.
3 Wakantanka,
piya kiyotang unkiya po; Qa niite hduwiyakpa, qa niunkiya miye.
4 Jehovah,
Wakantanka Sabaoth, Tohanyan nitaoyate cekiyapi kin izinyaye kta he?
5 Istamnihanpe
aguyapi yunwicayakiya; Qa istamnihanpe ota hinca yatke wicayakiya.
6 Oyate
ikiyedan unyakonpi kin en woakinica unyakagapi; Qa tokaunyanpi kin iye
iyakitedan ihapi.
7 Wakantanka Sabaoth,
Piya kiyotang unkiya po; Qa niite hduwiyakpa, qa niunkiya miye.
8 Egypta
etanhan hastanyanka iyuwi wan ayahdiyaku: Ikcewicašta kin heyata ehpewicayaye
ca he huyahde.
9 Itokam
wayakahinta; Unkan hutkan icage ca makoce ojudan.
10 Ohanzi kin
he paha kin akahpa: Qa adetka, hante sa Wakantanka tawa kin iyececa.
11 Adetka kin
miniwanca kin iyahde; Qa hutkan, wakpa kin ekta.
12 Tokeca conka
ke kin dujuju he: Hecen tona en hiyayapi owasin yuksaksapi.
13 Taakoju
etanhan kukuse mdoka kin yatakuni šni; Qa tinta wamanica kin etanhan yutapi
ece.
14 Wakantanka
Sabaoth, tokin yahdicun; Mahpiya eciyatanhan ahitonwan, qa wanyaka, Qa
hastanyanka iyuwi kin de en hdi wo:
15 Qa nape
nietapa huhde qon he hdusuta wo; Qa cinca niye icahyakiye cin he.
16 Peta on
huhnaga; kaksapi; Niite iyopewicaye cin on atakunipi ai.
17 Nietapa wicašta
kin akan ninape un nunwe; Wicašta cinhintku niye yahduwašake cin.
18 Hehan unkiye
ehpeunniyanpi kte šni: Niye niunyakiyapi kta, Unkan nicaje hoyeunkiyapi kta.
19 Jehovah,
Wakantanka Sabaoth, Piya kiyotang unkiya po; Niite hduwiyakpa, qa niunkiya
miye.
PSALM 81.
Asaph tawa.
Gittith on dowan itancan kin kicagapi.
1 Wakantanka wowašake
unkitawapi kin Taninyan idowan miye; Jacob ta Wakantanka iyuškinyan kahiyaya
po.
2 Odowan
ahiyaya po, qa cancega apa po; Candowankiyapi wašte cotanka kici.
3 Wi teca kin
en, mazayahotonpi yajo po; Wi mibe cin en, wounhanpi anpetu kin en.
4 Israel en
woahope wanji dee; Jacob ta Wakantanka toope kin.
5 Joseph en
wayuotannin kin de kaga; Egypta makoce etanhan hinanpe cin he ehan: tani wan
owakahnige šni kin he nawahon.
6 Waqinpi kin
etanhan tapete eweciyaku; lye nape wakiškokpa kin ayu tanpi.
7 Wokakije en
yapan, unkan ecihdaku; Nakun wakinyan hoton uinahbe etanhan aciyupta: Woakinica
mini kin ekta iyutanciya. Selah.
8 Mitaoyate,
nahon wo, kinhan wahokonciciye kta; Israel, anamayagoptan kta hecinhan:
9 Taku wakan
tokeca niyepi en un kte šni; Qa ihnuhan oyate tokeca taku wakan Tawa kin en
makaia ehpeniciye cinhan.
10 Jehovah Taku
Wakan nitawa, Egypta makoce etanhan uniye cin he miye: Nina i hdukawa wo,
kinhan ojuwaye kta ce.
11 Tuka
mitaoyate miho kin anagoptan šni; Qa Israel wicamicida šni.
12 Hecen iye
cante hdusutapi kin en ehpewicawaya: lye tawacinpi kin en omanipi kta.
13 Tokin
mitaoyate anamagoptanpi kinhan; Qa Israel mitacanku ohna manipi kta:
14 Ecadan
tokawicayapi kin patus wicawaye kta; Qa tona šicewicadapi kin minape
awicawaknake kta tuka.
15 Jehovah šicedakapi
kin hena iye en ihdaskapi kta: Tuka iye anpetu tawapi kin owihanke wanice kta.
16 Nakun
aguyapi conica kin yunkiye kta: Qa imuija etanhan tuhmaga canhanpi on imnaciye
kta.
PSALM 82.
Asaph tadowan.
1 Wašaka
tomniciye kin en Wakantanka najin; Taku wakan kin wicehna wayaco yanka.
2 Tohanyan ecinšniyan
wadacopi kta he; Qa wicašta šica itepi kin yakinihanpi kta. Selah.
3 Onsika qa wamdenica
kin hena wicakiciyukcan po; Tuwe kakije ca wahpanica kin owotanna ecawicakicon
miye.
4 Onsika qa
wahpanica kin hdinape wicaya po; Wicašta šica nape kin etanhan ehdaku miye.
5 Sdonyapi šni
qa okahnih wacinpi šni; Otpaza en manipi kte hinca: Maka oahde kin owasin
yuhohopi.
6 Taku wakan
hehicapi ce, miye epa; Owasin lyotan Wankan un cinca kin niyepi.
7 Tuka
awicakehan wicašta iyecen nitapi kta; Qa wicašta itancanpi wanji iyecen
nihinhpayapi kte.
8 Wakantanka
inajin wo, maka kin hdaco wo: Oyate iyuhpa tawawicaye kte cin he niye.
PSALM 83.
Psalm odowan.
Asaph tawa.
1 Wakantanka,
inina yaun šni nunwe: Iyotan Wašaka, inina yanke šni qa owanji yanke šni wo.
2 Iho, tokuniyunpi
kin hena hotonpi; Qa šicenidapi kin hena pa yuwankan ikikcupi.
3 Nitaoyate kin
šicaya awicaiapi; Qa nawicayakihbe cin hena on wohdakapi ece.
4 Hena heyapi;
Upo, oyate kin he ihangwicunyanpi kte; Qa Israel caje kin icimana kiksuyapi kte
šni ce.
5 Cante
eciyatanhan witaya awacinpi; Niye on wicotakuye wan hduštanpi.
6 Edom
tawakeyapi, qa Išmaeli kin; Moab, qa Hagari kin hena:
7 Gebal, qa Ammon,
qa Amalek; Philistia, Tyre en ounyanpi kin hena om:
8 Nakun Assur
hena owicapa: Hena Lot cinca isto owicaqupi. Selah.
9 Midian en
iyecen ecawicakicon wo; Sisera iyececa, Jabin iyececa, Kison wakpadan en.
10 Endor ekta
ihangwicayapi qon: Maga akan tacesdi iyececa icagapi.
11 Akicita
tancanpi kin Oreb qa Zeeb iyecen wicakaga wo; Han, wicašta itancanpi owasin,
Zebah qa Zalmunna iyececapi.
12 Hena heyapi;
Wakantanka tamaga kin Hena unkiye tawaunyanpi kta ce.
13 Wakantanka
mitawa, Hena tate iyumni iyececa wicakaga wo; Tateyanpa itokam aguyapi ha kin
iyececa:
14 Peta
contanka wan huhnage cin iyececa; Qa ide wan he aide kin iyececa:
15 Hecen
tateyanpa nitawa on kuwa awicade kta; Qa tate iyumni nitawa on nihinciye
wicayaye kta;
16 Itepi kin wowištece
on ojuwicaya wo: Unkan, Jehovah, nicaje wicašta akitapi kte.
17 Istecapi
kta, qa nihinciyapi kta, owihanke wanica; Qa ite nasapi kta, qa atakunipi kte šni.
18 Unkan niye Jehovah
eniciyapi kin sdonyapi kta; Nišnana Iyotan Wankan yaun, maka kin owancaya.
PSALM 84.
Gittith on
dowan itancan kin kicagapi. Korah cinca tadowanpl.
1 Jehovah
Sabaoth, Nitawakeya kin nina wiciyokipi.
2 Jehovah
tahocoka kin on, Minagi cantokpani qa nakun niya Šni te kta seca: Micante qa
micehpi Taku Wakan ni un kin hoyekiya ece.
3 Upijate hee kaeš
tipi wan iyckiya, Qa icapsinpsincadan hohpi wan, En cinca ekihnake kta; Jehovah
Sabaoth, owayusna nitawa kin hena, Wicaštayatapi mitawa, qa mita Wakantanka.
4 Yati en
ounyanpi kin hena cante waštepi; Hena ohinniyan niyatanpi kta. Selah.
5 Wicašta tuwe
to wašake niye en un kin he cante wašte: Canku tankapi kin iye cantepi ohna
wanka.
6 Istamnihanpe
Kaksiza ohna yapi kinhan, He miniyowe kagapi; Nakun magaju kin woyawašte on
akahna,
7 Wowašake etanhan
wowašake ekta yapi kta: Zion en Wakantanka itokam ihdutanin kta.
8 Jehovah,
Wakantanka Sabaoth, Wocekiye mitawa nahon wo; Jacob ta Wakantanka, anagoptan
ye. Selah.
9 Wakantanka,
wahacanka unkitawapi wanyaka wo; Qa Sdayakiye ite kin atonwan wo.
10 Nitahocoka
ohna anpetu wanjidan keš Kektopawinge isanpa wašte: Mita Wakantanka tipi tiyopa
kin en Iraunke kta wakahniga: Qa wicowicašta šni wakeya kin ohna wati kte šni.
11 Jehovah
Wakantanka anpetu wi qa wahacanka kin heca; Jehovah wowaonšida wowitan ko
wicaqu kta; Tona ecetuya manipi kin taku wašte ipiwicada kte šni.
12 Jehovah
Sabaoth, Wicašta wacinniye cin he cante wašte.
PSALM 85.
Dowan itancan
kin kicagapi. Korah cinca tadowanpi.
1 Jehovah,
makoce nitawa canteyakiya; Jacob wayaka unpi kin hdicu wicayakiya.
2 Nitaoyate
taku šica econpi kin yecicajuju; Wahtanipi kin owasin ayakahpa. Selah.
3 Sinyahda kin
ocowasin anayecipta; Nitocanniye kin ide šni yakiya.
4 Unkiyepi en
hdicu wo, Wakantanka Wanikiya unkitawapi; Qa canniyeunyakiyapi kin anakipta wo.
5 Owihanke
wanin canniyeunyayapi kta he; Nitocanniye wicoicage qa wicoicage ekta
iyahdeyaye kta he.
6 Ake yahdicu
qa niunyakiyapi kte šni he: Kinhan, nitaokiye iniyushinpi kta.
7 Jehovah, nitowaonšida
wanyagunkiya po: Qa nitowiconi kin unyaqupi kte.
8 Wakantanka Jehovah
he taku eye cin he nawahon kta; lye taoyate qa wicašta wacantkiye tawa kin
wookiye on owicakiye kta: Tuka ihnuhan wowitkotkoke cin ekta ihdoyapi kinhan.
9 Tona kokipapi
kin henana wiconi tawa wicikiyedan un; Hecen inakoce unkitawapi ohna wowitan
ounye kta.
10 Wowaonšida
qa wowicake itkokicipapi: Woowotanna qa wookiye i ikiciputakapi.
11 Wowicake
maka kin etnnhan icaga; Qa woowotanna mahpiya eciyatanhan kun ahitonwan.
12 Nakun Jehovah
taku wašte kin wicaqu kta; Qa makoce unkitawapi taku icahye kta.
13 Woowotanna
iye itokam mani kta; Qa iye oye kin ohna aunhdepi kte.
PSALM 86.
David
tawocekiye.
1 Jehovah, ninoge
ukiye ca amayupta wo; Makakije ca onmasika, heon.
2 Minagi
awanyaka ye, wacantkiye wanji he miye: Nitaokiye nikiya wo, Wakantanka mitawa
he niye; Wacinniye cin heon.
3 Itancan,
onsimakida wo; Anpetu osan hoyeciciye kta heon.
4 Nitaokiye
nagi kin iyuškinkiya wo; Itancan, niye ekta minagi wahdomda.
5 Niye,
Itancan, niwašte qa wayakajuju ece; Qa tona hoyeniciyapi kin owasin,
Wocantekiye utkanna wicayeciyuha.
6 Jehovah,
wocekiye mitawa nahon ye; Qa cewakiya ho kin he anagoptan wo.
7 Anpetu en
makakije cinhan houciciye kta: Unkan niye amayadupte kta.
8 Itancan, taku
wakan ehna tuwedan iyenicece šni; Qa takudan niohan iyecece šni.
9 Itancan,
oyate wicayakage cin owasin, Hena nitokam upi qa ohodapi kta; Qa nicaje
yaonihanpi kia.
10 Niye nitanka
qa wowapetokeca ecanon Nišnana Wakantanka.
11 Jehovah,
nitacanku onspemakiya ye; Nitowicake ohna mawani kta; Micante nicaje kokipe kta
en iyakaška wo.
12 Itancan,
Wakantanka mitawa, Micante ocowasin on, wopida eciciye kta; Qa nicaje mdaonihan
kta, owihanke wanica.
13 Miye en
nitowaonšida kin tanka; Qa Hades temahentu kin etanhan minagi edaku.
14 Wakantanka,
wahanhanicidapi kin takpe maupi; Qa wicašta wohitika omniciye kin minagi
akitapi; Qa wicitokara niye enihdepi šni.
15 Tuka
Itancan, Taku Wakan waonšida qa wacantkiya kin he niye, Wawacinkta yuza tanka,
Qa wowaonšida Wowicake ko on winijice.
16 En mahdiyaku
qa onsimakida wo; Nitowašake kin nitaokiye qu wo; Qa nitaokiye win cinhintku
kin nikiya wo.
17 Wowakta wašte
wan makipazo wo; Hehan tona šicemadapi wanyakapi qa ištecapi kta: Jehovah, niye
oniayakiye ca wacintonhnag mayaye cin heon.
PSALM 87.
Korah cinca
tawapi. Psalm odowan.
1 Oahde tawa
kin wowakan paha kin en un.
2 Zion tatiyopa
kin hena Jehovah waštekidaka; Jakoh en ounyanpi kin owasin isanpa.
3 Niye en
wicoie wakan kin oyakapi, Wakantanka totonwe kin. Selah.
4 Rahab qa
Babylon sdoninayanpi kin he omdake kta; Iho, Philistia qa Tyre, Ethiopia kici;
De hen teca ni en tonpi ce.
5 Qa Zion on
heyapi kta; Wicašta kin de qa kae hen tonpi ce: Unkan iye Iyotan Wankan kin
hdusuta kte.
6 Jehovah oyate
owicawa kinhan wicayawa kta; De en teca ni en tonpi ce. Selah.
7 Unkan tona
dowanpi, tona yajopi ko; Minihdoka mitawa owasin niye en un ce, eyapi kta.
PSALM 88.
Psalm odowan. Korah
cinca tawapi. Dowan itancan kin kicagapi. Wowayazan kakiaye cin on.
Waonspekiyapi kta. Heman Ezrahi he kaga.
1 Jehovah,
Wakantanka Wanikiya mitawa, Nitokam anpetu hanyetu ko hoyewaye.
2 Wocekiye
mitawa nitokam u nunwe; Hoyewaye cin he anohkiya wo.
3 Wokakije
minagi imnahan un; Qa mitaniya Hades ikiyedan ayapi.
4 Woha ekta
iyayapi kin opeya mayawapi; Wicašta wowašake nice cin he iyemaceca.
5 Tapi kin
opeya makiyuskapi, Wicaktepi wieanapi en wankapi kin iyececa, Hena owihanke
wanica wicayeksuye šni: Qa hena ninape etanhan ehpewicayapi.
6 Woha wan
temahentu kin en omayahnaka; Otpaza tipi kin en, osbe kin en.
7 Nitucanniye
tkeya jyarnahdaskica; Qa taja nitawa owasin on kukišmayaya. Selah.
8 Tona
sdonniayanpi kin hena mitehanyan iyeyaya; Hena wahtemadapi šni yakaga;
Onamatakapi, qa tankan waku owakihi šni.
9 Wokakije on Miišta
atakunišni; Jehovah, anpetu otoiyohi houciciye; Minape ciciyugata ece.
10 Tapi kin
hena wkohan wakan ecawicayecon kta he? Wanagi hdinanpapi qa wopida eniciyapi
kta he? Selah.
11 Wicanapi en
nitowaonšida oyakapi kta he? Nitowicake kin wicotakunišni en?
12 Wicohan
wakan nitawa otpaza en sdonyapi kta he? Qa nitoowotanna, woakiktonje makoce kin
en?
13 Tuka miye, Jehovah,
hoyeciciya; Qa hanhanna eca mitawocekiye nitokam u kte.
14 Jehovah,
tokeca minagi ayakta kte šni? Niite ananiayakihbe kta he?
15 Homakšiyopa
ehantanhan makakije ca mate kta seca; Wonihinciye nitawa qin waun; Token cante
mduza tanin šni.
16 Nitocanniye
miwankam iyaya; Wonihinciye nitawa ihangmayanpi:
17 Mini
iyececa, anpetu osan, aohdutemayanpi; Witaya ohomni imayayapi.
18 Waštemadake
ca mitakuye kin mitehanyan iyewicayaya; Tona sdonniayanpi qon hena otpaza.
PSALM 89.
Waonepekiyapi
kta. Ethan Ezrahi kin he tawa.
1 Jehovah towaonšida
kin ohinniyan iwadowan kta; Wicoicage qa wicoicage hehanyan, Mii on nitowicake
omdake kta.
2 Wowaonšida
ohinniyan icahyapi kta ce, epe ciqon: Mahpiya kin hena en nitowicake eyehde
kta.
3 Wanji
wakahnige cin he kici wicotakuye wakaga; David mitaokiye kici iapi weciyašuta:
4 Owihanke
wanica hehanyan nicinca sutaya ewahde kta; Qa wicoicage owasin hehanyan oiyotanke
nitawa icahwaye. Selah.
5 Unkan, Jehovah,
mahpiya kin niohan wakan oyakapi kta; Nakun nitowicake, oyate wakan mniciyapi
kin en.
6 Tuwe mahpiya
kin ekta Jehovah iyececa he? Wašakapi cinca kin Jehovah iyacinpica he?
7 Oyate wakan
onahbeya mniciyapi kin en, Taku Wakan nina kokipapi kta iyececa; Qa tona ihdukšan
unpi kin isanpa kinihanpi kte.
8 Jehovah,
Wakantanka Sabaoth, Wakantanka Wašaka wan, tuwe iyeniceca he? Qa nitowicake nihdukšan
un kin.
9 Miniwanca wankan ye cin he wowidagyaya; Taja
wankan aya eca niye amdakedan yakaga ece.
10 Wicaktepi
iyecen Rahab yakasusuja; Niisto wašaka on tokaniyanpi kin wicaduomdeca.
11 Mahpiya kin
he niye nitawa, Nakun maka kin nitawa; Makoce owasin qa woojudan kin Hena niye
yakaga.
12 Waziyata qa
itokaga, hena niye yakaga; Tabor qa Hermon nicaje on iyuškinpi kta.
13 Isto wašaka
wan niyukan; Ninape waeaka, nape enitapa kin tehanwankantu.
14 Woowotanna
qa woyaco oiyotanke nitawa oyanke kin hee; Wowaonšida qa wowicake niite itokam
yapi kta.
15 Oyate
wotanin wašte sdonye cin hena cante waštepi; Jehovah, niite iyoyanpa kin en
omanipi kta.
16 Anpetu osan
nicaje on iyuškinpi kta; Qa nitoowotanna on wankan ihdoyapi kta.
17 lye towašakepi
wowitan kin he niye, Qa nitoiyokipi kin en he wankan iyeunyeciciyapi kta.
18 Wahacanka
unkitawapi kin he Jehovah tawa; Qa wicaštayatapi unkitawapi kin he Israel
Wakandapi kin he tawa.
19 Hehan wanji
wacantkive nitawa woyuotanin en oyakiya, Qa heha; Wanji Wašake cin akan wowašake
ewehnaka; Wanji oyate etanhan kahnigapi kin wankan ewehde:
20 David
mitaokiye kin iyewaye; Wihdi wakan mitawa on sdawakiya:
21 Minape
ohinniyan kici un kta; Nakun miisto yuwašake kta.
22 Tokapi kin
iyokisinyapi kte šni; Qa woahtani cincapi kakisyapi kte šni.
23 Unkan iye
itokam tona tokayapi kin wicawakasusuje kta; Qa tona šicedapi kin awicawape
kta.
24 Nakun
mitowicake qa mitowaonšida kici un kta; Qa micaje on iye he kin wankan icage
kta.
25 Qa iye nape
kin miniwanca en ewahnake kta; Qa nape etapa kin mini tanka kin en.
26 Iye
hoyemakiye kta; Atewaye cin he niye; Mita Wakantanka, qa imnija nimaye cin.
27 Unkan miye
he micinca tokapa wakiye kta; Maka wicaštayatapi kin isanpa wankan un kta.
28 Ohinniyan
mitowaonšida weciyuhe kta; Qa wicotakuye mitawa kici wicake kta.
29 Nakun iye
cinca owihanke wanica mdusuta kta; Qa oiyotanke tawa kin mahpiya anpetu kin
iyecece kta.
30 lye cinca kin
mitoope ehpeyapi kinhan; Qa mitawoyaco ohna mani wacinpi šni;
31 Taku omdake
cin taku ikceka yawapi; Qa mitawoahope opapi šni kinhan:
32 Hehan taku
šica econpi kin, icapsinte wan on, Qa wahtanipi kin, apapi on iyopewicawaye
kta:
33 Tuka
mitowaon da ewecihdaku kte šni; Qa wowicake mitawa kin en itonšni micicage kte šni.
34 Wicotakuye
mitawa taku ikceka wakage kte šni; Qa miiha taku enapeye cin mdatokeca kte šni.
35 Taku wanji
mitowakan kin on wakonza ce; David en itonšni owakihi šni:
36 lye cinca
kin owihanke wanice kta; Qa oiyotanke tawa anpetu wi mitokam iyecece kta.
37 Ohinniyan
sutaya yanke kta, hanyetu wi iyececa; Qa mahpiya ekta wayuotanin wicaka. Selah.
38 Hececa ešta
niye ehpeyaye ca ayakta šni; Sdayakiye ciqon he canniyeyaya:
39 Nitaokiye
wicotakuye tawa yecakša; Watešdake tawa kin makata ehpeyaya:
40 Inatake tawa
owasin dujuju; Conkaške tawa kin
woihangye yakaga:
41 Tona canku
ohna hiyayapi owasin he ihangyapi; Tona ikiycdan unpi kin hena wahtedapi šni:
42 Tona šicedaknpi
nape etapa kin yuwankan iyeyaya; Tona tokayapi owasin iyuškinwicayaya.
43 Nakun
mazasagye tawa kin pe šni yakaga; Qa okicize en kici nayajin šni.
44 Toiyege kin
ayuatanyakiya; Qa oiyotanke tawa kin makata ehpeyaya.
45 Koška taanpetu
kin duptecedan; Wowištece on akahpeyeton. Selah.
46 Tohanyan
kta; Jehovah, ohinniyan nayakihbe kta he; Peta iyecen nitocanniye ide kta he.
47 Miye
ptenyedan wani kin he kiksuya wo; Tokeca wicaštapi owasin ituh yakaga he?
48 Wicašta tuwe
ni un qa wiconte wanyake kte šni; Hades nape etanhan nagi eihdaku kta he? Selah.
49 Itancan,
otokahe ekta nitowaonšida kin tukte e he? Nitowicake en David wahoyaye ciqon.
50 Itancan,
nitaokiye i en hdepi kin he kiksuya wo; Miikpi ohna oyate ota owasin wicamduha:
51 Jehovah,
tokaniyanpi i en iyeyapi qon he; On Sdayakiya oye kin i en iyeyapi qon.
52 Jehovah
owihanke wanin yawaštepi nunwe. Amen qa amen.
PSALM 90.
Wocekiye wan.
Moses Wakantanka tawicaeta tawa.
1 Itancan, niye
otiunniyanpi, Wicoicage qa wicoicage kin en.
2 He kin icage šni
he itokam; Qa maka raaga ko yakage šni he ehan; Otokahe wanica qa owihanke
wanica, Iyotan Wašaka kin he niye.
3 Maka mdu ee kaeš
ekta wicašta hdicuyaya; Qa, wicašta
cinca hdicu miye, eha ece.
4 Waniyetu
kektopawinge, niista kin en, fitanihan wanna henakeca he iyececa; Qa hanyetu en
akicita onajin kin iyececa.
5 Okahhog
iyewicayaya; Woistinma wan iyececapi; Hanhanna eca, wato iyecen, taninpi šni.
6 Hanhanna eca
hca aya, qa hehan tanin šni; htayetu hehan kasdapi qa šnija.
7 Nitocanniye
kin on unsotapi; Qa sinyahda kin on kopeunhdapi ece.
8 Waunhtanipi
kin nitokam eyahnaka; Woanahbe unkitawapi kin niite iyoyanpa kin en.
9 Anpetu
unkitawapi owasin nitocanniye en iyaya; Waniyetu unkitawapi wicotawacin wan
iyecen enaunkiyapi.
10 Waniyetu
unkitawapi anpetu kin Hena waniyetu wikcemna šakowin, Qa wowašake yuke cinhan,
waniyetu wikcemna šahdogan; Hececa ešta wowašake kin he wokakije qa wicošice;
Ihnuhanna atakuni šni, unkan kinyan unkiyayapi.
11 Nitocanniye
wowašake kin tuwe okahniga he; Qa sinyahda kin he konicipapi kin iyececa.
12 Hecen anpetu
unkitawapi hdawa onspeunkiya po; Kinhan wokšape ekta cante yeunkiyapi kta.
13 Jehovah
hdicu wo; tohanyan kta he: Qa nitaokiyepi on tawacin hdutokeca wo.
14 Hanhanna eca
nitowaonšida on imnaunyan po; Kinhan unkiyuškinpi qa piundapi kta, Anpetu
unkitawapi owasin en.
15 Anpetu en kakisnnyanpi
kin he iyecen wiyuškinunkiya miye; Waniyetu en taku šica wanunyaksipi iyececa.
16 Niohan kin
nitaokiye wanyagwicaya wo; Qa iye cinca kin, nitowitan kin.
17 Qa Jehovah
Wakantanka unkitawapi Towašte kin unkicipi un nunwe; Qa unnapepi ohan kin
unkieiyusuta miye; Han, unnapepi ohan kin yuecetu wo.
PSALM 91.
1 lyotan Wankan
un toinahbe kin en, Tuwe iyotanke cin he, lyotan Waške ohanzi tawa ihukuya
iwanke kta.
2 Jehovah
hewakiye kta; Wowinape mitawa, qa conkaške mitawa, Mita Wakantanka, he wacinwaye kta ce.
3 Wahmung ye
cin wohmunke tawa kin Etanhan, iye eniyaku kta; Makošica waihangye cin etanhan.
4 lye sun kin
on akahpenicaton kta; Qa tahupahu ihukuya wowinape iyeyaye kta; Towicake kin
wahacauka qa nia/.a makuakahpe.
5 Hanyetu
wokokipe kin he koyakipe kte šni; Qa anpetu en wanhinkpe kinyan iyaye cin;
6 Makošica
otpaza en oniani un; Qa wowayazan wiyotanhan eca wayutakuni šni kin.
7 Nicahda
kektopawiiisje hinhpayapi kta; Qa nietapa ekta kektopawinge wikcemna; Tuka niye
nikiyedan u kte šni.
8 Niišta ecedan
on ekta eyatonwe kta; Qa wicašta sicu tokiconpi kin wandake kta.
9 Jehovah,
wowinape mitawa kin he niye: lyotan Wankan kin he otipi nicicaga:
10 Heon taku šica
nihiyahde kte šni; Qa makošica wan nitawakeya ikiyedan u kte šni.
11 Taohnihde
kin niye on wahowicaye kta; Nitacanku owasin en awauniyakapi kta;
12 Napepi ohna niyuhapi
kta; Hecen inyan siha ibonito kte šni.
13 Mnaja qa wamduška
si ayahdc kta; Mnaja koška qa sintehda kin amayani kta.
14 lye can
oinahnaka, unkan ewehdaku kta; Micaje sdonye cin on wankan ewehde kta.
15 Hoyemakiye
kta, kinhan amdupte kta: Woiyokišica en kici waun: Ewehdaku qa mduonihan kta:
16 Anpetu
hanskaska on imnawaye kta; Qa wiconi mitawa wanyagwakiye kta.
PSALM 92.
Anpetu wakan on
woyatan odowan.
1 Jehovah
yatanpi kin he wašte; Qa nicaje idowanpi kin, lyotan Wankan yaun,
2 Hanhanna eca nitowaonšida
oyakapi; Qa nitowicake, hanyetu kin en.
3
Candowankiyapi ikan wikcemna, qa cancega on; Cotanke on awacinpi kin he nakun.
4 Jehovah,
niohan kin on iyuškinmayaya; Ninape ohan kin on imduskin kta.
5 Jehovah, niohan tanka hinca; Nitawacin kin temahentu
hinca.
6 Wicašta
wacintonšni kin he sdonye kte šni; Qa witkotkoke cin he de okahnige kte šni.
7 Wicašta šica
peji iyecen icagapi; Qa woahtani econpi kin owasin hca ayapi; Owihanke wanica
yutakunipi kte šni heon.
8 Tuka, Jehovah
owihanke wanica, Iyotan Wankan kin he niye.
9 Iho, Jehovah,
tokaniyanpi kin , Iho, tona tokaniyanpi kin atakunipi kte šni: Woahtani econpi
kin owasin enanakiya iyewicayapi kta.
10 Tuka tinta
unicorn he kin iyecen, He mitawa icahyaya: Wihdi to on sdamayanpi.
11 Nakun
tokamayanpi kin Miišta wanwicayake kta; Tona wicnhan šica econpi takpe maupi
kin Hena on minoge nahon kta.
12 Wicašta
owotamut kin wazi can iyecen uye kta; Lebanon hante kin iyecen icage kta.
13 Jehovah tipi
kin en huhdepi; Wakantanka unkitawapi tahocoka ohna hcapi kta:
14 Pa skapi hehanyan
waskuyeca icahyapi kta; Cepapi kta, qa to to unpi kta.
15 Jehovah
ecetu kin he oyakapi kta; He imnija mitawa, qa woowotanua šni takudan en un šni.
PSALM 93.
1 Jehovah wicaštayatapi,
wowitan kohdaka; Jehovah wowašake kohdaka, ipiyagkiton; Nakun maka kin ehdepi, hecen
yuhohopi kte šni.
2
Wanakajatanhan oiyotanke nitawa yusutapi; Niye otokahe niwanica.
3 Mini tanka
kin wankan iyeieiya; Jehovah, mini tanka kin ho hdawankan iyeya; Mini tanka kin
taja wankan iyeya.
4 Mini ota ho
kin isanpa; Miniwanca taja tanka kin isanpa; Jehovah wankan un kin he wašaka.
5 Taku odake
cin hena wicakapi hinca; Wowakan yati kin oiyokipi; Jehovah, anpetu hanskaska hehanyan.
PSALM 94.
1 Jehovah,
watokicon Wakantanka; Watokicon Wakantanka, iyoyanpa wo.
2 Maka Wayaco
yaun, najin wo; Wahanhanicidapi kin towicakicon wo.
3 Jehovah, wicašta
šica tohanyan kta he; Tohanyan wicašta šica iwakicipi kta he?
4 Iwašicunpi,
taku šica eyapi; Woahtani econpi kin owasin ihdatanpi.
5 Jehovah,
nitaoyate wicakapanpi; Qa taku nitawa kakišyapi eee.
6 Wiwazica qa
tuwe oyate tokeca etanhan tewicayapi; Qa wamdenica kin tin wicaktepi.
7 Tuka heyapi;
Jehovah wanyake kte šni; Qa Jacob ta Wakantanka awacin kte šni ce.
8 Oyate en
wacinton šni yaunpi, awacin po; Qa winitkotkokapi, tohan wacinksamya niohanpi
kta he?
9 Tuwe wicanoge
kage cin he wanahon kte šni he? Qa tuwe wicaiSta kage cin he wawanyake kte šni
he?
10 Tuwe oyatepi
iyopewicaye cin he wicakaštake kte šni he? Tuwe wicašta waonspewicakiye cin?
11 Wicašta
tawacinpi kin Jehovah sdonya ece; Hena takušni.
12 Jah, wicašta
iyopeyaye cin he cantewašte; Qa nitoope eciyatanhan onspeyakiye cin:
13 Anpetu šice
cin etanhan ozikiye yaye kta; Wicašta šica woha wan wicakicapi kta hehanyan.
14 Jehovah
taoyate kin awicayuštan kte šni; Qa taku tawa kin ehpekiye kte šni.
15 Tuka woyaco
woowotanna en hdi kta; Qa tona cante ecetu kin owasin he pasipi kta.
16 Šicaya
econpi kin on tuwe mici najin kta he; Woahtani econpi kin on tuwe micica kta
he.
17 Jehovah
omakiye šni unkanš, Ecadan minagi woinina en un kta tuka.
18 Mišiha našduta
ce. epe cinhan; Jehovah, nitowaonšida najin makiye kta.
19 Miye mahen
mitawacin iyokišica ota icnnhan, Wacintonhnake nitawa minagi iyuškinkiye kta.
20 Woahtani
oiyotanke kin he nicica kta he; Wicohan šica woope iyecen konze cin he?
21 Wicašta
owotanna nagi kin takpc hipi; Qa wicawe taku iyaonpepica šni kin he yacopi.
22 Tuka Jehovah
conkaške niitawa kin hee; Qa mita Wakantanka imnija wowinape waye.
23 Unkan iye
wahtanipi kin iyahdewieaya; Qa taku šica econpi kin en ihangwicaye kta; Jehovah
Wakantanka unkitawapi ihangwicaye kta.
PSALM 95.
I O u, Jehovah
unkahiyayapi kte; Wiconi unkitawapi Imnija kin unkidowanpi kte.
2 Wopida yuha
iye ite kin en unkupi kte; Wowiyuškin odowan on unkiyasapi kta.
3 Jehovah Taku
Wakan Tanka; Qa taku wakan owasin iwankan Wicaštayatapi tanka.
4 Maka osbe kin
hena iye nape ohna hduha; Qa paha ipa kin hena iye tawa.
5 Miniwanca kin
he tawa, qa iye kaga; Nakun maka puze cin he iye nape kaga.
6 U miye, patus
inaunjinpi qa ohoundapi kte; Jehovah Waicahye unkitawapi kin itokam, Canpeška
makehde unkanpi kte.
7 Wakantanka
unkitawapi kin he iye; Qa makoce tawaoyate kin unkiyepi; Qa iye nape ohna tahin
wanunyanpi kin: Anpetu kin de iye ho kin nayahonpi kta hecinhan;
8 Meribah
iyecen cante hdutehipi šni po; Makoška n
Massa anpetu kin iyececa.
9
Hunkakewicayayapi imayutanpi qehan; Imayukcanpi, nakun miohan wanyakapi.
10 Waniyetu
wikcemna topa hehanyan wicoicage kin he iyokisinmayan; Unkan hepe; Oyate kin de
cante ekta nunipi; Qa mitacanku sdonyapi šni.
11 Hecen
canmaniyan konza kewicawakiya; Woozi mitawa kin en opapi kte šni.
PSALM 96.
1 Jehovah
odowan teca wan kahiyaya po; Maka kin ocowasin, Jehovah idowan po.
2 Jehovah
kahiyaya po, iye caje yawašte po; Anpetu otoiyohi waniwieakiye cin he yaotanin
po.
3 Ikcewicašta
kin ehna iye towitan oyaka po; Oyate owasin en iye ohan wakan kin.
4 Jehovah
tanka, qa nina yatanpi kte; Taku wakan owasin isanpa kokipapi kta iyececa.
5 Ikcewicašta
taku wakaii yuhapi kin owasin taku šni; Tuka Jehovah mahpiya kin kaija.
6 Iye itokam
woyuonihan qa wowitan; Tipi wakan tawa ohna, wowašake qa wowašte.
7 Jehovah qu
miye, oyate wicowazipi kin, Wowitan qa wowašake Jehovah qu miye.
8 Iye caje
towitan kin Jehovah kicu po; Wopida wošna wan icupi qa tahocoka kin en u po.
9 Wowakan
oiyokipi kin en Jehovah ohoda po; Iye itokam, maka kin ocowasin, inihan miye.
10 Oyatepi
ehna, Jehovah Wicaštayatapi ce. eya po; Nakun maka kin ehdepi, yuhohopi kte šni:
Oyate kin woecetu eciyatanhan wicayaco kta.
11 Mahpiya kin
iyuškin, qa maka kin pida nunwe; Miniwanca qa woojudan kin hotanin nunwe.
12 Maga kin iyuškin
kte, qa taku ohna un kin owasin; Hehan contanka can owasin wiyuškinyan dowan
kta:
13 Jehovah itokam:
He wanna u; Maka kin hdaco u ce: Woowotanna on wicoicage kin yaco kta; Qa oyate
kin, iye towicake eciyatanhan.
PSALM 97.
1 Jehovah Wicaštayatapi,
maka kin iyuškin kte; Wita ota hince cin hena pidapi nunwe.
2 Ihdukšan
mahpiya sapa qa otpaza; Oiyotanke tawa woowotanna qa woyaco akan han.
3 Iye ite kin
itokam peta iyaya; Qa ihdukšan tokayapi kin huhnahwicaye kta.
4 Wakanhdi tawa
makoee kin iyoyamya; Maka kin wanyaka qa cancan.
5 Jehovah
itokam paha kin cansin iyecen sdoyapi; Maka ocowasin Itancan tawa kin itokam.
6 Mahpiya kin
hena iye toowotanna yuotaninpi; Qa oyate owasin iye towitan wanyakapi.
7 Tona okagapi
wan okiyapi kin owasin istecapi kte; Tona takušni on ihdatanpi kin hena: Iye en
patuja po, taku wakan owasin.
8 Zion he nanon
qa iyuškin; Qa Judah cunwintku wowiyuškin on iyasapi: Jehovah, tiitawoyaco kin
hena on.
9 Niye, Jehovah,
maka owanoaya lyotan Wankan yaun; Taku wakan owasin iwankam tehanwankantu.
10 Jehovah wašteyadakapi,
taku iioa šicedaka po; Wicašta wacantkiye tawa nagipi kin awanwicayaka; Wicašta
šica napepi etanhan wicayukce kta.
11 Wicašta
owotanna kin iyoyanpa owicakicijupi; Qa wowiyuškin, tona cante ecetupi kin on.
12 Owotanna
yaunpi kin, Jehovah en iyuškin po; Qa iye towakan kiksuyapi km he yatan miye.
PSALM 98.
Odowan.
1 Odowan teca
wan Jehovah kahiyaya po; Wicohan wakan kin he a econ ece: Nape etapa qa išto
wakan kin on woohiye icicaga.
2 Jehovah
wiconi tawa kin hduotanin; Ikcewicašta išta kin en toowotanna hduzamni.
3 Iye towaonšida
qa towicake kin kiksuya, Israel tiyohnaka kin on; Wakantanka unkitawapi
waniwicakiye cin,
Maka ihanke kin
owasin wanyakapi.
4 Maka kin
ocowasin, Jehovah kahiyaya po; Iyasapi qa wiyuškinpi qa dowan po.
5
Candowankiyapi on Jehovah kahiyaya po; Candowankiyapi qa odowan ho kin on.
6 Mazayahotonpi
tanka qa cotanka ho kin on, Jehovah Wicaštayatapi kin itokam iyasa po.
7 Miniwanca kin
sa nun we, qa wooJudahn kin; . Maka kin, qa tona en ounyanpi nakun.
8 Wakpa kin
nape hdaskapapi nunwe; Qa paha kin witaya iyuškinpi kte;
9 Jehovah
itokam: He maka kin hdaco u ce; Woowotanna on wicoicage kin hdaco kta; Qa
oyatepi kin, wokonze eciyatanhan.
PSALM 99.
1 Jehovah Wicaštayatapi,
oyate kin cancanpi; Kerubim otahedan iyotanka, maka kin škanškan.
2 Zion en Jehovah
tanka; Qa oyate owasin iwankam tehanwankan yanka.
3 Nicaje tanka
qa wowinihan kin he yatanpi kte; He Wakan hinca.
4 Unkan wicaštayatapi
towašake kin woyaco waštedaka; Niye wicoecetu yahdusuta; Jacob en woyaco qa
woowotanna yakaga.
5 Jehovah
Wakantanka unkitawapi yatanka po; Qa iye siha oahe kin en makata ehpeiciya po:
lye Wakan hinca heon.
6 Moses qa
Aaron, wawayusna tawa kin ehna; Qa Samuel tona raje hoyekiyapi kin nm; Hena Jehovah
hoyekiyapi, unkan iye awicayupta ece.
7 Mahpiya
bosdata kin en owawicakiye: Woyaotanin tawa kin opapi, qa wokage wicaqu kin.
8 Jehovah Wakantanka
unkitawapi, niye awicayadupte; Wakantanka, niye wicayecicajuju; Tuka wahtanipi
kin hena towicayecicon.
9 Jehovah
Wakantanka unkitawapi yatanka po; Qa iye paha wakan tawa kin ohna patuja po; Jehovah
Wakantanka unkitawapi kin he wakan nakaeš.
PSALM 100.
Odowan wan.
Wopida eyapi kta.
1 Maka kin
ocowasin, Jehovah iyafe miye.
2 Wowiyuškin on
Jehovah okiya po; Itokam dowanwan u miye.
3 Jehovah he
Wakantanka e sdonya po: lye unkagapi, qa unkiye unkicicagapi šni: Taoyate qa
tahinca tinta tawa kin en Hena unkiyepi.
4 Tatiyopa kin
en wopida eya u po , Woyatan yuha iye tahocoka ohna u miye; Wopida eciya miye;
lye caje kin yawašte po.
5 Jehovah wašte,
towaonšida kin owihanke šni; Qa towicake kin he wicoicage qa wicoicago
hehanyan.
No comments:
Post a Comment