LEVITICUS WICOWOYAKE
21.
1 Unkan Jehovah
Moses heciya, Aaron cinca wawayušnapi kin hecen kewicayakiye kta; Tuwe nagi ye
cin on ihdusapapi kte šni, oyate tawapi ehna.
2 Tuka iye
ceripi takuye hinca hunku on, qa atkuku on, qa cinhintku on, qa cunwintku on,
qa sunkaku on,
3 Qa iye ta
winohinca wikošta tuwedan yuze šni, henana on ihdusape kta.
4 Winoninca
oyate tawa ehna yuhe cin on ihdusape kte šni, qa ihduikceka kte šni.
5 Papi tuktedan
pasda icicagapi kte šni, qa putinhinpi oise kin basdapi kte šni qa cehpi
icicagopi kte šni.
6 Tuwe
wakandapi on wakanyan unpi kta, qa tuwe wakandapi caje kin yuikcekapi kte šni, Jehovah
tapeta wosrmpi, tuwe wakandapi taaguyapi kin kahipi nakaš, heon wakanyan unpi
kta.
7 Witkowin kaeš
wakiksanpi wan yuzapi kte šni, nakun winohinca hihnaku ehpe kiye cin he yuzapi
kte šni; tuwe wakandapi on wakanpi nakaš.
8 Tuwe wakan
yadapi taaguyapi kahipi heon wicaduwakan kta; Jehovah niyuwakanpi kin he miye
mawakan heon hena niye om wakanpi kta.
9 Unkan wawayušna
cunwintku wan witkowin ohanyan on ihdusape cinhan, he atkuku yušapa, petan
huhnahyapi kta.
10 Unkan wawayušna
sunka wicaye cin ehna itancan tauokoyake kin koyake kta e sdawicayapi wihdi kin
pa akaštanpi, qa nape ojun yapi kin he pa kin hdusda kte šni, qa wokoyake
hduhdece kte šni.
11 Qa tuwedan nagiye
tancan te cin ekta i kte šni, atkuku on, qa hunku on ihdusape kte šni.
12 Qa tipi
wakan etanhan inanpe kte šni,qa taku wakanda toti wakan kin yuikceka kte šni.
Tuwe wakanda watešdake wihdi sdayapi tawa kin he akaštanpi nakaš, Jehovah he
miye.
13 Qa wikoška wan tuwedan kici wanke šni heca yuze kta.
14 Wiwazica qa
tuwe ehpe kiyapi qa wakiksanpi, qa witkowin, tona hecapi etanhan winohinca yuze
kte šni; tuka iye taoyate etanhan wikoška wan yuze kta.
15 Qa tona iye
etanhan icagapi kin wica hduikceka kte šni taoyate ehna; Jehovah he yuwakan kin
he miye.
16 Unkan Jehovah
ie ca Moses heciya,
17 Aaron hecen
eciya wo. Nicinca wicoicage yeye cin tuwe osteka, Wakantanka iye taaguyapi kahi
kta e ikiyedan hi kte šni.
18 Nakun tuwe kašta
osteke cin he ikiyedan hi kte šni, wicašta ištagonge, kaeš huste, kaeš poge
mdaška, kaeš huha unman tukte kašta iyotan hanska,
19 Kaeš šiha ksa, kaeš nape ksa,
20 Kaeš cankahu
pawegapi, kaeš tanyan icage šni, kaeš išta aska, qais tuwe ayaspuya, kaeš
hahdi, kaeš susu kapopapi.
21 Aaron wawayušna
cinca etanhan wicašta osteka tuwedan Jehovah peta wošnapi tawa kahi kta e
ikiyedan hi kte šni, he osteka heon tuwe wakanda taaguyapi kin kahi kta e
ikiyedan hi kte šni.
22 Tuwe
Wakantanka iye taaguyapi wakan, qa nakun wakan hinca etanhan yute kta;
23 Tuka cokaya
ozanpi kin ekta i kte šni, osteka nakaš, heon taku miciyuwakanpi kin he
yuikceke kte šni; Jehovah niyuwakanpi kin he miye heon etanhan.
24 Unkan Moses
Aaron qa iye cinca kin,qa Israel cinca owasin owicakiyaka,
LEVITICUS WICOWOYAKE
22.
1 Unkan Jehovah ie ca Moses heciya,
2 Aaron qa iye
cinca hewicakiya wo, Israel cinca kin takii hduwakanpi kin on waktaya unpi kta,
hecen taku miciyuwakanpi on micaje wakan kin yuikcekapi kte šni, Jehovah he
miye.
3 Hecen
ewicakiya wo, Nitoicagepi yeye cin nicincapi owasin etanhan wicašta tuwe toašape
hduhe cin icunhan, taku yuwakanpi Israel cinca taku Jehovah kicihduwakanpi kin
ikiyedan hi kinhan, wicanagi kin he miite itokapa tanhan kaspapi kta; Jehovah
he miye.
4 Aaron cinca
etanhan wicašta leprosy ececa, kaeš wakaduze cin, tohanyan yuškapi ni taku yuwakanpi
kin ongedan yute kte šni; nakun tuwe taku nagiye cin on šapa icahtake cinhan,
kaeš wicašta tuwe wanke cin su hiyuye cin.
5 Kaeš tuwe
watutka on wicašta šape kta wan icahtake cinhan, kaeš wicašta wan taku hececa
on šapa, taku kašta on ihdusape kta icahtake cinhan,
6 Wicanagi tuwe taku hececa icahtake cin
htayetu aiyahdeya sape kta, qa mini on cehpi hdujaja šni kinhan, taku yuwakanpi
kin yute kte šni.
7 Qa wi kin
tohan iyaye cinhan ska kta, qa he iyohakam taku yuwakanpi kin yute kta, aguyapi
tawa kin hee nakaš.
8 Taku
wayazanka te qa taku yapotapi kin jute kte šni , qa hena on ihdušape kte šni; Jehovah
he miye.
9 Qa taku patan
wicawasi kin he patanpi kta, hecen hena on ihduikcekapi kte šni, qa woahtani
hduhapi kte šni; Jehovah wicayuwakan kin he miye.
10 Tuwe tokeca
taku yuwakanpi kin yute kte šni, wawayušna kici tipi, kaeš wohtani opeton kin,
he taku yuwakanpi kin yute kte šni.
11 Tuka wawayušna
kin wicanagi wan opeton, mazaska tawa on opetonpi kin he etanhan yute kta;
nakun tuwe tipi ohna tonpi kin he, hena aguyapi tawa etanhan yutapi kta.
12 Unkan wawayušna
cunwintku wan wicašta tokeca he yuze chihan, taku ikce qupi yuwakanpi kin
etanhan yute kte šni.
13 Tuka wawayušna
cunwintku wan wiwazica, kaeš ehpe kiyapi kinhan, qa cinca nice ca atkuku tipi
en hdi kinhan, atkuku teagnyapi etanhan yute kta, wikoška qon iyececa, tuka
tuwe tokeca hetanhan yute kte šni.
14 Unkan wicašta
wan taku yuwakanpi onuniyan yute chihan, he izaptan aokijuye kta, qa taku
yuwakanpi kici wawayušna kin qu kta.
15 Hecen taku Israel cinca yuwakanpi taku Jehovah
ektakiya yuwintapi kin hena yuikcekapi kte šni.
16 Tuka taku
yuwakanpi kin hena yutapi kinhan, oicazopi woahtani kin he wioakiciyuhapi kta; Jehovah
wicayuwakan kin he miye, nakaš.
17 Unkan Jehovah
ie ca Moses heciya,
18 Aaron qa iye
cinca, qa Israel cinca owasin hecen ewicakiya wo, Wicašta tuwe kašta Israel
tiohnaka etanhan, kaeš oyate tokeca etanhan, Israel om ounye cin woahi wan
makahi kte cinhan, taku iciconzapi on, qais taku ikce qupi kin owasin on, wohuhnahyapi
wan makahi kte cinhan;
19 Iyokipi
yayapi kta heon mdoka zanika, ptewanuyanpi etanhan kaeš tahcaska etanhan, kaeš hekinškayapi
etanhan kahi kta.
20 Tona osteka
wanjidan yakahi kte šni, hena on iyokipi yayapi kte šni.
21 Unkan wicašta
wan taku iciconze hduecetu kta e wopida wošnapi wan Jehovah kahi kte cinhan,
kaeš taku ikceya qu kta, ptewanuyanpi wanunyanpi, kaeš tahcaska etanhan iyokipi
ye kta e he zanike kta, tuktedan osteke kte šni.
22 Ištagonga,
kaeš huha wan kasujapi, kaeš kiispapi, kaeš cespu yukan, kaeš ayaspuya, kaeš
hdihdi, taku hececa Jehovah yakahipi kte šni qa hena etanhan peta wošnapi wan owayušna
akan Jehovah yaqupi kte šni.
23 Tatanka susu
wanica qa tahcaska cinca huha iyakicuya, qais huha aokpani kin he ikceya yaqu
kta, tuka woyakapi wošnapi on iyokipi ye kte šni.
24 Nakun taku
kasujapi, qa kawegapi, qa nahdecapi. qa baspapi kin Jehovah yakahipi kte šni,
qa nitamakocepi ohna taku hececa ecannonpi kte šni.
25 Nakun taku
hececa owasin oyate tokeca cinca nape etanhan taku wakanyadapi taaguyapi kin
yakahipi kte šni, taku on howinpi hena mahen un nakaš, oštekapi, niyepi on
iyokipi yapi kte šni.
26 Unkan Jehovah
ie ca Moses heciya,
27 Tatanka susu
wanica wan, kaeš tahcaska cinca wan, kaeš hekinškayapi wanji tonpi ehantanhan šakowin
can hunku kici un kta, tuka anpetu išahdogan qa ohakam Jehovah wakiyušnapi
woahi on iyokipi kta.
28 Unkan ptewiye
kaeš tahcašunka wiye iye cinca kici anpetu wanjidan en yapatapi kte šni.
29 Unkan wopida
wošnapi wan Jehovah wayakidušnapi kinhan, iyokipi yayapi kta e wayakidušnapi
kta.
30 Anpetu kin he en temyayapi kta, ihanhanna
hehanyan ongedan oyahdaptapi kte šni; Jehovah he miye.
31 Qa woahope mitawa yapatanpi kta, qa ecen
ecanonpi kta, Jehovah he miye.
32 Qa micaje wakan kin duikcekapi kte šni,
tuka Israel cinca wicehna mayawakanpi kta, Jehovah niyuwakanpi kin he miye.
33 Wakanmayadapi kta heon Egypta niakoce
etanhan hdinanpe ciyapi, Jehovah he miye.
LEVITICUS WICOWOYAKE
23.
1 Unkan Jehovah
ie ca Moses heciya,
2 Israel cinca
kin hecen ewicakiya wo, Jehovah omniciye tawa ieyanyapahapi kta, omniciye wakan
ieyanpahapi mitawa kin dena ee.
3 Anpetu šakpe
wohtani ecannon kta, tuka anpetu išakowin kin he anpetu okihpapi wakan,
ieyanpahapi wakan, ounyayapi owasin ohna, wohtani takudan econpi kte šni; Jehovah
taokihpapi kin hee nakaš.
4 Jehovah ta
omniciye ieyanpahapi wakan iyehantu eca ieyanyapahapi kta dena ee.
5 Wi tokaheya
anpetu iake topa en htayetu otahedan Jehovah toacaksin kin hee.
6 Qa wi kin he
anpetu iake zaptan en aguyapi napohyapi šni wohanpi Jehovah tawa, anpetu šakowin
aguyapi napohyapi šni yatapi kta. .
7 Anpetu
tokaheya ieyanpahapi wakan duhapi kta, wayaka wohtani ecannonpi kte šni.
8 Qa anpetu šakowin
peta wošnapi Jehovah yakahipi kta,anpe; tu išakowin ieyanpahapi wakan kta,
wayaka wohtani takudan ecannonpi kte šni,
9 Unkan Jehovah
ie ca Moses heciya,
10 Israel cinca
kin hecen ewicakiya wo, Makoce cicupi kin he ekta yaipi, qa wokšapi bayakšapi
kinhan, tokaheya bayakšapi etanhan opahte wan wawayušna ekta hiyuyayapi kta.
11 Unkan
iyokipi yayapi kta e Jehovah itokam wopahte kin he koze kta; anpetu okihpapi
ihanhanna hehan wawayušna kin he koze kta.
12 Unkan anpetu
wopahte yakozapi kin en, tahkaška cinca hokšidan wan zanika, waniyetu wanjidan,
wohuhnahyapi Jehovah yecicagapi kta.
13 Unkan minha
tawa aguyapi mdu can wakšica ohnaka nonpa wihdi icicahiyapi, peta wošnapi waštemna
Jehovah iyokipi ye kta, qa woakaštan kin mini ša wiyatke ohnaka nonpa.
14 Unkan
Wakantanka niyepi kin ekta woahi hiyuyapi šni anpetu kin hehanyan, aguyapi, qa
wamna, heza ceunpapi, qa pasdayapi unmana yatapi kte šni; ounyayapi owasin ohna
nitoicagepi yeye cin wokage kin he owihanke wanica.
15 Unkan
wopahte kosyapi yakahipi anpetu wakan ihanhanna etanhan anpetu wakan šakowin
dawapi kta, anpetu wakan ocowasin dawapi kta.
16 Anpetu wakan
išakowin ihanhanna etu dawapi kta, anpetu wikcemna zaptan hehanyan, qa minha
teca wan Jehovah yakahi kta.
17 Ounyayapi
etanhan aguyapi kozapi nonpa, aguyapi mdu can wakšica ohnaka nonpa, napohyapi
spanyanpi, taku tokaheya suton kin Jehovah ekta hiyuyayapi kta.
18 Qa aguyapi
kici tahkaška cinca sakowin zanika waniyetu wanjidan, qa tatanka susu wanica
cinca wanjidan, qa tahcaska mdoka nonpa yakahipi kta, Jehovah huhnahkiciyapi
kta, qa minha tawapi, qa woakaštan tawapi, peta wošnapi waštemna Jehovah
iyokipi.
19 Hehan hekinškayapi
mdoka wan woahiani wošnapi on, qa tahkaška cinca nonpa waniyetu wanjidan wopida
wošnapi on, wayakidušnapi kta.
20 Unkan wawayušna
kin hena koze kta aguyapi tokaheya suton kin ahna, nakun tahkaška cinca nonpa
qon, Jehovah itokam wokosyapi wan, hena Jehovah on wakanpi kta, wawayušna tawa
kta.
21 Unkan anpetu
kin he en niyepi on omniciye wakan ieyanpahapi kta, wayaka wohtani takudan
ecannonpi kte šni, ounyayapi owasin ohna nitoicagepi yeye cin, he wokage
owihanke wanice kta.
22 Unkan makoce
nitawapi woksapi kin bayakšapi kinhan, maga nitawapi kahmin owasin bayakse kte šni,
qa woksapi nitawa taku okapte cin mnayaye kte šni, wicašta onšika, qa oyate
tokeca on he ehpe wicayeciye kta; Jehovah wakan yadapi kin he miye.
23 Unkan Jehovah
ie ca Moses heciya,
24 Israel cinca
kin hecen ewicakiya wo, Wi išakowin anpetu tokaheya kin wookihpe duhapi kta,
mazayahotonpi on kiksuyapi, ieyanpahapi wakan,
25 Wayaka
wohtani takudan ecannonpi kte šni, qa peta wošnapi wan Jehovah yakahipi kta.
26 Unkan Jehovah
ie ca Moses heciya,
27 Awicakehan
wi išakowin anpetu iwikcemna kin waakahpapi anpetu kin hee, eyanpahapi wakan
duhapi kta, qa ninagipi iyokisin niciyapi kta, qa peta wošnapi wan Jehovah
yakahipi kta.
28 Anpetu kin
he en wohtani takudan ecannonpi kte šni, waakahpapi anpetu kin hee. Jehovah
Wakantanka niyepi itokam akahpe niciyapi kta e hee nakaš.
29 Wicanagi
tuwe kašta anpetu kin he en iyokisin iciye šni kinj han taoyate etanhan kaspapi
kta.
30 Unkan wicanagi
tona anpetu kin he en wohtani econpi wicanagi kin hena owasin taoyatepi etanhan
ihang wicawaye kta.
31 Ounyayapi
owasin ohna wohtani takudan ecannonpi kte šni, nitoicagepi yeyecin wokage
owihanke wanica.
32 Anpetu
okihpapi wakan he duhapi kta, qa ninagipi iyokisin niciyapi kta, wi anpetu
inapcinwanka htayetu etanhan ake htayetu kte cin hehanyan wookihpe nitawapi kin
okihpe yayapi kta.
33 Unkan Jehovah
ie ca Moses heciya,
34 Israel cinca
kin hecen ewicakiya wo, Wi išakowin anpetu iake zaptan kin en ohanzi hdepi
wohanpi kin hee, anpetu šakowin Jehovah tawa.
35 Anpetu
tokaheya ieyanpahapi wakan, he en wayaka wohtani takudan ecannonpi kte šni.
36 Anpetu šakowin
peta wošnapi Jehovah yakahipi kta, anpetu išahdogan eyanpahapi wakan duhapi
kta, qa peta wošnapi Jehovah yakahipi kta, witaya iheyapi wan hee, wayaka
wohtani ecannonpi kte šni.
37 Jehovah
taomniciye ieyanyapahapi kta anpetu kin hena ee, eyanpahapi wakan on
wohuhnahyapi, qa minha wošnapi, qa woakaštanpi Jehovah yakahipi kta, anpetu
iyohi taku tawa kin iyececa.
38 Nakun Jehovah
taokihpapi, qa nakun taku yaqupi, qa nakun taku niciconzapi kin, nakun taku
ikce yaqupi kin Jehovah yaqupi kin owasin isanpa.
39 Awicakehan
wi išakowin anpetu iakezaptan makoce taku aicage cin mnayayapi kinhan, anpetu šakowin
Jehovah tawohanpi oyakihanpi kta, anpetu tokaheya wookihpe, qa anpetu išahdogan
wookihpe kta.
40 Unkan anpetu
tokaheya can wiciyokipi waskuyeca iyacupi kta, wašte can adetka, qa canhahaka
adetka, qa wakpa cohwanjica nakun, qa anpetu šakowin Jehovah Wakantanka niyepi
itokam widuskinpi kta.
41 Qa wohanpi Jehovah
oyakicihanpi kta, anpetu šakowin ptanyetu otoiyohi nitoicagepi yeye cin, wokage
owihanke wanica, wi išakowin en he woyakihanpi kta.
42 Anpetu šakowin can adetka ohanzi hdepi
oyatipi kta, tona Israel tamakoce en tonpi kin hena owasin can adetka ohanzi
hdepi ohna tipi kta.
43 Hecen Israel
cinca Egypta makoce etanhan hdinanpe wicawaye cehan ohanzi hdepi ohna tipi
wicawaya, nitoicagepi sdonyapi kta; Jehovah wakan yadapi kin he miye.
44 Unkan Moses Jehovah
wokicihanpi toketu Israel cinca owicakiyaka.
LEVITICUS WICOWOYAKE
24.
1 Unkan Jehovah ie ca Moses heciya;
2 Petijanjan on
can ihdi ecedan bopanpi nicahipi kta, Israel cinca icu wicaši wo, hecen ide kin
ohinniyan wankan ye kta.
3 Woyaatanin
cokaya ozanpi itankan, itkokipapi wakeya ohna, htayetu etanhan ihanhanna kta
eca Aaron he ideye kta, ohinniyan nitoicagepi yeye cin wokage owihanke wanica.
4 Petijanjan
ihupa ecedan akan petijanjan ideye kta, Jehovah itokam ohinniyan.
5 Unkan aguyapi
mdu iyacu kta,qa he span yaye kta, aguyapi wikcemna sanpa nonpa, aguyapi
otoiyohi ohna can wakšica ohnaka nonpa kta.
6 Unkan hena Jehovah
itokam wahna wotapi ecedan akan eyahnake kta, ocankuye nonpa ocankuye iyohi
ohna šakpe.
7 Unkan
ocankuye akan frankincense kohdi eyahnake kta, unkan he aguyapi on wokiksuye
kta, peta on Jehovah wakiciyušnapi kta.
8 Anpetu
okihpapi otoiyohi Israel cinca etanhan hena Jehovah itokam ehnakapi kta,
ohinniyan wicotakuye owihanke wanica.
9 Qa Aaron qa
iye cinca kin he tawapi kta, qa he yutapi kta, oyanke wakan ohna, Jehovah peta wošnapi
tawa etanhan, iye on he wakan hinca nakaš; wokage owihanke wanica.
10 Unkan Israel
winohinca wan cinhintku, qa he Egypta wicašta wan cinhintku, Israel cinca
wicehna inanpa, qa Israel winohinca cinhintku, qa Israel wicašta wan owanka
ohna kicizapi.
11 Qa Israel
winohinca cinhintku caje kin atayedan ie ca yašica, unkan Moses ekta hiyuyapi: (he
hunku Selomith eciyapi; Dibri cunwintku, Dan wicoun etanhan:)
12 Unkan kaška
hnakapi Jehovah i kin etanhan owicakiyakapi kte cin hehanyan.
13 Unkan Jehovah
ie ca Moses heciya,
14 Wicašta yašice
cin he owanka etanhan inanpe ya wo, unkan tona nahonpi kin owasin pa kin nape
aputakapi kta, unkan omniciye owasin inyan on ktepi kta.
15 Unkan Israel
cinca kin hecen ewicayakiye kta, wicašta tuwe kašta taku iye Wakantanka yašice
cinhan, iye wahtani kin hduha kta.
16 Jehovah caje
kin yašice cinhan tokešta teyapi kta,omniciye owasin inyan on aohduteyapi kta, wicašta
oyate tokeca, qais makoce en tonpi caje kin yašice cinhan te kta.
17 Unhan tuwe kašta
wicašta nagi kaštake cinhan he ktepi kta.
18 Unkan tuwe
woteca wan nagi kaštake cinhan hdajuju kta, nagi on nagi.
19 Unkan wicašta
wan tuwe iye ikiyedan ti kin kiunniye cinhan token econ kin he iyecen
ecakiconpi kta.
20 Kawegapi on
kawegapi kta, išta on išta, hi on hi token wicašta wan kiunniye cin he iyecen
kiunniyanpi kta.
21 Unkan tuwe
woteca wan kte kinhan he on hdajuju kta, qa tuwe wicašta wan kte kin he ktepi
kta.
22 Wicašta
oyate tokeca on, qa tuwe makoce en tonpi on, woyaco wanjidan duhapi kta; Jehovah
Wakantanka niyepi he miye.
23 Unkan Moses
Israel cinca kin owicakiyaka, unkan wicašta wayašice cin he owanka itankan
inanpe yapi, qa inyan on ktepi hecen Israel token Jehovah Moses econ ši kin he
iyecen econpi.
LEVITICUS WICOWOYAKE
25.
1 Unkan Jehovah
Sinai he kin akan ie ca Moses heciya,
2 Israel cinca
kin ekta i qa hecen ewicakiya wo, Makoce wan cicupi kin he ekta yaipi kinhan,
makoce kin wookihpapi wan Jehovah on oziiciye kta.
3 Waniyetu šakpe
maga nitawa oyaju kta, qa waniyetu šakpe hastanhanka iyuwi nitawa adetka bayaspe
kta, qa taku aicage cin mnayaye kta;
4 Tuka waniyetu
išakowin kin he makoce tookihpe wakan kta, Jehovah tookihpe, maga nitawa oyaju
kte šni, qa hastanhanka iyuwi nitawa adetka kin bayaspe kte šni.
5 Bayakse ciqon
etanhan taku icage cin he bayakse kte šni, qa hastanhanka iyuwi nitawa adetka
baspapi šni hastanhanka aicage cin duspi kte šni, makoce kin tookihpe omaka kin
hee nakaš.
6 Qa waniyetu
okihpapi kin he woyute yayapi kta, niye, qa nitahokšidan qa nitawicinyanna, qa
tuwe tohtani opeyaton, qa tona oyate tokeca nici ounyanpi kin.
7 Qa woteca
nitawa, qa wamanica makoce nitawa en unpi taku icage cin owasin woyute yapi
kta.
8 Unkan
waniyetu okihpapi sakowin yahdawa kta, šakowin akihde waniyetu šakowin, hecen
waniyetu okihpapi šakowin, waniyetu wikcemna tom sanpa napcinwanka anpetu
iyenakeca kta.
9 Hehan wi išakowin
wi anpetu iwikcemna mazayahotonpi hoton Jubile tawa yakiye kta, woakahpapi
anpetu en, makoce nitawa owancaya mazayahotonpi hoton yayapi kta.
10 Qa waniyetu
iwikcemna zaptan waniyetu kin he duwakanpi kta, qa makoce ohna tona en ounyanpi
owasin iye ihduhapi kta, eyanpaha yayapi kta, he Jubile yayapi kta, qa yahdapi
kta, otoiyohi tamaga ekta, qa takuwicaye cin ekta.
11 Qa waniyetu
iwikcemna zaptan waniyetu kin he Jubile yayapi kta, woyajupi kte šni, qa taku
baksapi qon etanhan icage cin he bayaksapi kte šni, qa hastanhanka iyuwi
baspapi šni taku aicage cin duspi kte šni.
12 Jubile hee nakaš,
wakan yayapi kta, maka kicanyanpi šni, taku aicage cin he yatapi kta.
13 Jubile
waniyetu kinhan yahdapi kta, otoiyohi iye tamaga ekta.
14 Unkan tuwe
nikiyedan ti kin ekta taku wiyopeyapi iyope yakiye cinhan, kaeš tuwe nikiyedan
ti nape etanhan taku opeyaton kinhan, ihnuhan nihunkawanji duhukuye cinhan.
15 Jubile
etanhan waniyetu yawapi kin eciyatanhan opeyaton kta, tuwe nikiyedan ti
etanhan, qa waniyetu taku aicage kte cin iyenaka eciyatanhan iyopeniciye kta.
16 Waniyetu ota
on iyuwin kin duota kta, qa waniyetu tonana on iyuwin kin duoptetu kta, nakaš
tona taku aicage cin yawapi eciyatanhan he iyopeye nicaton.
17 Unkan wicašta
wan tuwe ikiyedan ti kin yakiduse kte šni, tuka tuwe Wakantanka koyakipe kta; Jehovah
Wakantanka niyepi he miye nakaš.
18 Heon wokage
mitawa kin ecen ecanonpi kta, qa mitawoyaco yapatanpi kta, qa ecen ecanonpi
kta, hecen okope wanin makoce kin ounyayapi kta.
19 Hecen maka
kin waskuyeca tawa nicu kte ca imnahan wayatapi kta, qa okope wanin he
ounyayapi kta.
20 Unkan, Inyun
unkojupi kte šni, qa taku icahunkiciyapi mnaunkiyapi kte šni, taku untapi kta
hwo, ehapi kinhan.
21 Woyawašte
mitawa cicupi kta, waniyetu išakpe en, hecen waniyetu yamni on woicahye
icahniciyapi kta.
22 Unkan
waniyetu išahdogan woyajupi kta, qa woicahye tannina etanhan yatapi kta,
waniyetu inapcinwanka kin hehanyan taku aicage cin mnayanpi kin hehanyan
tannina yatapi kta.
23 Makoce kin
owihanke wanica iyope yapi kte šni, makoce kin he mitawa nakaš, wicašta
ihdakapi, qa mici tipi henicapi heon etanhan.
24 Unkan makoce
tawayayapi kin owasin en wopekitonpi yaqupi kta.
25 Nihunkawanji
wahpanice ca makoce tawa etanhan iyope kiye cinhan taku wicaya wan opekiciton
cin kinhan, taku hunkawanjitku wiyopekiye cin he opekiciton kta.
26 Unkan wicašta
wan tuwedan opekiciton šni kinhan, qa iye nape wašaka on taku iyohiya iyeye
cinhan, iye opekiton kta.
27 Qa
wiyopekiye ciqon ehani tanhan omaka yawa kta, qa taku iyaye tuwe he opeton qu
kte ca; maga tawa kin en hdi kta.
28 Tuka taku
kicupi kta iyohiya nape kin iyeye šni kinhan, taku i iyopekiye cin tuwe he
opeton kin nape ohna yanke kta, Jubile waniyetu kin hehantu kta; unkan Jubile
waniyetu hehan inape kta; unkan maga tawa qon en hdi kta.
29 Unkan wicašta
wan otonwe aconkaškayapi ohna tipi ounyanpi wan iyope kiye cin he opekiton
kinhan iyopekiyapi ehantanhan waniyetu wanjidan mdoketu iyahna anpetu kin
hehanyan wopekitonpi kta.
30 Tuka
waniyetu mdoketu iyahna ihunniyan hehanyan opekitonpi šni kinhan, tipi otonwe
conkaškayapi ohna tuwe he opeton, qa toicage yeye cin owihanke wanica tawa kta,
Jubile en inanpe kte šni.
31 Tuka tipi
otonwe cistinna tona ihdukšan conkaške wanice cin ohna hena owasin makoce maga kin
iyecen yawapi kta, hena opekitonpi kta, qa Jubile en inanpe kta.
32 Unkan Levi
otonwe tawapi tipi otonwe tawayapi, Levi kin tohantu kašta opekitonpi kta.
33 Unkan tuwe Levi
kin etanhan opeton kinhan, tipi opeton etanhan, qa otonwe tawaye cin etanhan
Jubile en inanpe kta, Levi otonwe tawapi tipi kin hena taku tawayapi ee; Israel
cinca ehna nakaš.
34 Tuka otonwe
tawapi ihduksan tinta maga kin hena wiyopeyapi kte šni, he tawayapi owihanke
wanica nakaš.
35 Unkan
nihunkawanji nici wahpanica aye ca nape hdugate cinhan, he wašagyakiye kta, he
oyate tokeca ešta, en ounye cinhan, hecen nici ni kta.
36 Ihnuhan he
etanhan woyahtake qa oicage iyacu kinhan, tuwe Wakantanka ikoyape kta, hecen
nihunkawanji ni kta niyepi kici.
37 Mazaska
nitawa woyahtake on yaqu kte šni, qa woyute nitawa oicage cin on yaqu kte šni.
38 Jehovah
wakanyadapi Caanan makoce nicupi kta e Egypta makoce etanhan hdinanpe niyanpi
kin he miye, hecen Wakantanka niyepi he miye kta.
39 Nihunkawanji
wahpanica, qa niye en wiyopeiciye cinhan, wayaka wohtani on wowidag yakiye kte šni.
40 Wicašta
wohtani opekitonpi iyecece kta. Tuwe makoce ounye cin iyecen nici un kta, Jubile
omaka kin hehanyan nici htani kta.
41 Hehan niye
etanhan inanpe kta, qa iye cinca nakun opapi kta, qa takuwicaye cin ekta hde
kta, qa atewicaye cin makoce tawapi kin en hde kta.
42 Mitaokiye Egypta
etanhan hdinanpe wicawaye cin hena eepi, heon wayaka iyope wicayapi kin he
iyecen iyope wicayapi kte šni.
43 Wacinkoya wowidagwicayaye
kte šni, tuka tuwe Wakantanka koyakipe kta.
44 Oyate nihdukšan
yakonpi kin hena etanhan wakagapi ohodapi koya duhe kta, ookiye wica qa winyan
hena etanhan opeyaton kta.
45 Nakun wicašta
oyate tokeca niye om ounyanpi kin cincapi kin opewicayaton kta, qa takuwicayapi
nitamakoce en tonpi, qa niyepi ehna unpi kin hena etanhan, qa hena
tawawicayayapi kta.
46 Qa nicincapi
niyepi iyohakam icagapi kin hena tawawicayapi kta e iwicayacupi kta, owihanke
wanin hena wowidag wicayayapi kta, tuka nihunkawanjipi kin Israel cinca kin
wacinkoya wowidag wicayeciyapi kte šni.
47 Unkan tuwe
oyate tokeca, qa nici ounye cin wijice cinhan, qa nihunkawanji niciwahpanica wicašta
oyate tokeca nici ounye cin ekta wiyopeiciye cinhan, kaeš oyate tokeca
takuwicaye cin wan ekta.
48 Wiyopeyapi
iyohakam wopekitonpi kta; iye hunkawanjitku wan opekiton kta.
49 Dekšitku
qais tahanšitku he opekiton kta, kaeš iye cehpi etanhan tuwe takuye cin he
opekiton kta, kaeš iye nape wašake cinhan, opeiciton kta.
50 Unkan tuwe
he opeton kici waniyetu yawa kta iyopeiciye cin ehantanhan, Jubile waniyetu kin
iyehantu kta, qa mazaska iyopeiciye cin etanhan waniyetu yawapi kta, wicašta
wohtani opetonpi kin he iyecen anpetu yawapi kta.
51 Nahanhin
waniyetu ota kinhan hena eciyatanhan mazaska on opetonpi qon iyecen kicu kta.
52 Qa waniyetu
tonana okaptapi Jubile iyehantu kinhan, waniyetu iyenakeca yawapi eciyatanhan
wopekitonpi kicu kta.
53 Tuwe wohtani
waniyetu wanjidan opetonpi kin he iyecen, he kici yanke kta, niišta itokam
wacinkoya wowindag ye kte šni.
54 Qa hena on
opckitonpi šni kinhan Jubile waniyetu kinhan inanpe kta, iye qa cinca kin opapi
kta.
55 Israel cinca
kin ookiye wicarnduha nakaš, mita ookiye Egupta makoce etanhan hdinanpe wicawaye
cin hena eepi; Jehovah Wakantanka niyepi he miye.
LEVITICUS WICOWOYAKE
26.
1 Wakantakušnišni,
qa wakagapi pagopi nicicagapi kte šni, qa wakagapi bosdata enicihdepi kte šni,
qa inyan sayapi wan itokam patujapi kta e nitamakoce ohna duhapi kte šni, Jehovah
Wakantanka niyepi he miye nakaš.
2 Okihpapi
mitawa kinyapatanpi kta, qa tipi wakan mitawa yakinihanpi kta.
3 Wokage mitawa
omayanipi, qa mitawoahope yapatanpi qa ecen ecanonpi kinhan,
4 Iyehantu eca
amagaju ciciyapi kta, unkan maka kin taku aicage kta iyececa qu kta, qa
waskuyeca can kin tawaskuyeca kin qu kta.
5 Hecen
wonapanpi nitawa kin hastanhanka yuspipi kin iyohi kta, qa hastanhanka yušpipi
kin wojupi kte cin iyohi kta, qa agui yapi imnahan yahdutapi kta, qa
nitamakocepi ohna okope wanin ounyayapi kta.
6 Unkan makoce
ohna wookiye waqu kta, hecen makan inonkapi eca yusinye niyanpi wanice kta, qa
makoce nitawa etanhan wamanica šica enawakiye kta, qa ozuye nitamakoce kin
omanipi kte šni.
7 Unkan toka
niyanpi kin wicayakuwapi kta, unkan nitokam canhpi on hicahanpi kta.
8 Unkan niyepi
etanhan wicašta zaptan wicašta opawinge tawicapapi kta, qa niyepi etanhan
opawinge wanjidan kektopawinge wikcemna wicapasipi kta, qa tokaniyanpi nitokam
canhpi on hicahanpi kta.
9 Unkan
acitonwanpikta,qa icahciyapi, qa ciyuotapi kta, qa wicotakuye nicipi wahdusuta
kta.
10 Hecen tannina
seca kin yatapi kta, qa teca on tannina kin tankan hiyuyayapi kta.
11 Unkan niyepi
ehna tipi mitawa ewahde kte, qa minagi hitinihdapi kte šni.
12 Qa niyepi
ehna mawani kta, qa Wakantanka niyepi he miye kta, qa oyate mitawa kin he
niyepi kta;
13 Jehovah
Wakantanka niyepi, Egypta makoce etanhan hdinanpe niyanpi kin he miye, qa
wowidag niyanpi kte šni, heon wicin icaske nitawapi kin wapakša, qa bosdan
maniciyapi.
14 Tuka
namayahonpi šni, qa mitawoahope kin dena owasin ecen ecanonpi šni kinhan;
15 Qa wokage
mitawa ihayaktapi šni kinhan, qa ninagipi woyaco mitawa hitihdapi on
mitawoahope owasin ecen ecanonpi šni, hecen wicotakuye mitawa dukšapi kinhan,
16 Miš eya
hecen ecaciconpi kta, woyušinye, qa wašinkte, qa tancan kata yuhe niyanpi waši
kta, hena niištapi kin šotapi, qa ninagipi kin skan niyanpi kta, hecen wojupi
nitawapi taku šni on oyajupi kta, qa toka niyanpi kin he yutapi kta.
17 Qa miite
acihnakapi kta, qa toka niyanpi kin nicaštakapi kta, qa wicašta šicenidapi kin
hena wowidag niyanpi kta, qa tuwedan nipasipi šni ešta nayajicapi kta.
18 Unkan hena
on etanhan nayahonpi šni kinhan, sanpa šakowin akihde wayahtanipi on
iyopeciyapi kta.
19 Qa nitowašakapi
on wahanicidapi kin wakakše kta, qa mahpiya nitawapi mazasapa iyececa, qa maka
nitawapi kin mazasa iyececa wiakage kta.
20 Qa nitowašakapi
kin taku šni on sote kta, qa nitamakoce kin takudan aicage kte šni, qa makoce
can kin tawaskuyeca kin icahyapi kte šni.
21 Unkan
makipajinyan mayanipi, qa namahon tawaten yayapi šni kinhan, ake šakowin akihde
cicaštakapi kta, wayahtanipi kin iyececa.
22 Qa tinta
wamanica kin nitatpe yewaye kta, unkan nicincapi yašotapi kta, qa
nitawanunyanpi kin yatapi kta, hecen niyatonanapi kta, qa canku nitawapi kin tuwedan
omani kte šni.
23 Unkan hena
on miye en nihduecetupi šni, qa makipajinyan mayanipi kinhan;
24 Hehan miš
eya cicipajinpi kta, qa nakun miš wayahtanipi kin on šakowin akihde cicaštakapi
kta.
25 Qa canhpi
wan anihiyu waye kta, he wicotakuye mitawa oyapapi šni tokicon kta, hecen
otonwe tanka nitawapi en kataiheyayapi kta, unkan niyepi ehna mako ice yewaye
kta, qa toka niyanpi kin napepi en cicupi kta.
26 Unkan
aguyapi sagye cicakšapi kinhan winohinca wikcemna makacega wanjidan ohna aguyapi
nitawapi kin španyanpi kta, qa aguyapi nitawapi tkeutapi eciyatanhan nicupi
kta, unkan wayatapi kta, tuka inimnapi kte šni.
27 Unkan he on
namayahonpi šni, qa mayakipajiupi kinhan,
28 Hehan
wocankšiya cicipajinpi kta, qa ake miš eya šakowin akihde wayahtanipi on cicaštakapi
kta.
29 Unkan nicinkšipi
cehpipi kin yatapi kta, qa nicunkšipi cehpipi kin yatapi kta.
30 Unkan paha
tehanwankantuya nitawapi kin wapajuju kta, qa anpetu wi kagapi nitawa wakawanke
kta, qa nitancan tapi kin wakagapi nitawapi tapi akan wehnake kta, qa minagi
kin wahtenidapi kte šni.
31 Qa otonwe
nitawapi hewoskan wakage kta, qa tipi wakan nitawapi otiwota wakage kta, qa
izinyapi waštemna nitawapi owamna kte šni.
32 Qa miš
makoce kin hewoškan wakage kta, hecen toka niyanpi kin he en ounyanpi kin
yusinyayapi kta.
33 Qa niyepi
ikcewicašta ehna enanakiya iyaye ciyapi kta, qa nihakam išan wahdušdoke kta, qa
makoce nitawapi kin hewoskantu kta, qa otonwe nitawapi kin tuwedan oti kte šni.
34 Hecen makoce
kin tookihpapi kin iyokipi kta, tona can hewoškan, qa niyepi toka niyanpi
tamakocepi en dukanpi hehanyan makoce okihpe kta, qa tookihpapi kin iyokipi
kta.
35 Akan
ounyayapi qehan okihpapi tawa icunhan okihpe šni, he on anpetu tona hewoškan
okihpe kta.
36 Unkan niyepi
etanhan tona iyahanpi nicantepi wankapidan wakage kta, tokaniyanpi tamakocepi
kin ohna; canwapa hapa hoton nicahapapi kta, qa canhpi etanhan najicapi iyecen
nayajicapi kta, qa nihicahanpi kta, tuwedan nicuwapi šni ešta.
37 Qa iyahdaškin
nihinhpayapi kta, canhpi etanhan najicapi iyecen tuwedan nipasipi šni ešta, qa
toka niyanpi itokam najin oyakihipi kte šni.
38 Qa wakagapi
ohodapi ehna aniwi hnunipi kta, qa toka niyanpi tamakocepi kin niyašotapi kta.
39 Qa niyepi
etanhan tonaihanpi kin hena šicaya ohanyanpi kin en skanpi kta, toka niyanpi
tamakocepi ohna, qa nakun hunkake wicayapi šicaya ohanyanpi en skanpi kta.
40 Hehan iye šicaya
ohanyanpi kin, qa hunkakepi šicaya ohanyanpi kin ohdakapi kta, wokipajin on
makipajinpi, qa nakun token makiza manipi;
41 Nakun miš wicakipajinyan
mawani, qa toka wicayapi tamakocepi en awicamda, hehan cantepi bakihdayapi šni
ihduhukuyapi kitihan, qa šicaya ohanyanpi on sitkihdayapi iyowin kiyapi kinhan;
42 Hehan
wicotakuye mitawa Jacob kici weksuye kta, qa wicotakuye mitawa Isaac kici qa
wicotakuye mitawa Abraham kici weksuye kta, qa makoce kin weksuye kta.
43 Unkan makoce
kin ehpeyapi kin, qa tookihpapi on iyuškin kta, hena en unpi šni icunhan, unkan
iye wahtanipi sitkihdayapi kin iyowinkiyapi kta, woyaco mitawa ihaktapi šni, qa
nagipi kin wokage mitawa wahtedapi šni kin he on etanhan.
44 Takomni
tokawicayapi tamakocepi ohna yakonpi ešta ehpe wicawakiye kte šni, qa
ihangwicaye kta, qa wicotakuye wicawecicage cin wahdujuju kta e hitiwicawahda
kte šni, Jehovah Wakantanka tawapi he miye.
45 Tuka iyepi
on wicotakuye hunkakewicayapi Egypta makoce etanhan wakanmadapi kta e inanpe
wicawaye cin he ikcewicašta wanyakapi hena om wicotakuye weksuye kta, Jehovah
he miye.
46 Wokage, qa
woyaco, qa woope Jehovah Sinai he ekta, Moses nape eciyatanhan, iye qa Israel
cinca otahedan wicaqu kin hena ee.
LEVITICUS WICOWOYAKE
27.
1 Unkan Jehovah
ie ca Moses heciya;
2 Israel cinca
kin hecen ewicakiya wo; Wicašta wan tuwe hdukinukan kta iciconze cinhan, token
nagi niyawapi kin Jehovah qu kta.
3 Unkan hecen
niyawapi kta, wica wan waniyetu wikcemna nonpa etanhan wikcemna šakpe aiyahdeya
mazaska šeqel wikcemna zaptan niyawapi kta, tipi wakan šeqel iyececa.
4 Tuka he
winyan hecinhan šeqel wikcemna yamni niyawapi kta.
5 Unkan
waniyetu zaptan etanhan waniyetu wikcemna nonpa aiyahdeya, wica kinhan šeqel
wikcemna nonpa niyawapi kta, qa winyan eqe šeqel wikcemnana.
6 Unkan wi
wanjidan etanhan waniyetu zaptan aiyahdeya niyawapi kinhan wica kin mazaska šeqel
zaptan, qa winyan eqe mazaska šeqel yamni niyawapi kta.
7 Unkan
waniyetu wikcemna šakpe etanhan, qa iwankapatanhan, wica kinhan šeqel wikcemna
sanpa zaptan niyawapi kta, qa winyan eqe šeqel wikcemna.
8 Tuka taku
niyawapi kin iyohiye šni kinhan, wawayušna kin itokam inajin kta, unkan wawayušna
kin he yawa kta, tuwe iciconze taku nape kin iyohiye cin he wawayušna kin
iyukcan kta.
9 Unkan
wanunyanpi etanhan woahi Jehovah kahipi kin hena etanhan taku qu kin owasin Jehovah
on wakan kta.
10 He yutokeca
kte šni, qa wašte šica on tokiyopeye kte šni, qa nakun šica wašte on, qa
wanunyanpi wan wanunyanpi tokeca on tokiyopeye kte cinhan šakim wakan kta.
11 Unkan
wanunyanpi šapa etanhan woahi Jehovah kahipi šni hena owasin etanhan kinhan, wanunyanpi
kin he wawayušna kin itokam najin kiye kta.
12 Unkan wawayušna
kin he niciyawa kta, wašte qa šica unman tukte kašta, token wawayušna kin he
niciyawa kinhan, hecetu kta.
13 Unkan he
opekiton kte cinhan, token niciyawapi, qa nakun sanpa izaptan qu kta.
14 Unkan wicašta
wan Jehovah on wakan kta tipi kin hduwakan kte cinhan, wawayušna kin he wašte
kaeš šica iyawa kta, qa token wawayušna niciyawa kinhan, hecetu kta.
15 Unkan tuwe
tipi hduwakan kin he opekiton kte cinhan, token kiciyawapi, qa nakun sanpa
izaptan qu kta, hehan hduhe kta.
16 Unkan wicašta
wan maga tawaye cin etanhan onspa Jehovah on hduwakan kte cinhan, su on wojupi
kin eciyatanhan niciyawapi kta, barley homer wan woju iyohiye kte cin he
mazaska šeqel wikcemna zaptan niciyawapi kta.
17 Unkan Jubile
waniyetu etanhan maga hduwakan, token niciyawapi kin hecetu kta.
18 Unkan Jubile
iyohakam maga hduwakan kinhan niciyawapi qon etanhan yuaoptetu kta, qa wawayušna
kin waniyetu tona Jubele waniyetu iyehantu eciyatanhan mazaska kiciyawa kta.
19 Unkan tuwe
maga hduwakan kin he opekiton kte cinhan, mazaska niciyawapi qa nakun he kici
izaptan qu kta, hecen ekicetupi kta.
20 Unkan maga
kin opekiton kte šni, ecen wicašta tokeca maga kin he opeton kinhan, icimanna
opekiton kte šni.
21 Qa maga kin
he wakan kta, Jubile kinhan tankan ye kte šni, Jehovah tawa kta, maga yuwa-.kanpi
hinca iyececa, wawayušna kin he tawaye kta.
22 Unkan maga
wan opetonpi, qa hunkakewicaye cin etanhan maga kin he tawaye šni, he yuwakan
kta, qa Jehovah qu kte cinhan;
23 Wawayušna niciyawapi
kin eciyatanhan: Jubile waniyetu iyehantu kin taku iyehantu kiciyawa kta,
unkan'anpetu kin he en token niciyawapi qu kta, he wakan Jehovah tawa.
24 Jubile
waniyetu kinhan maga tuwe etanhan opetonpi kin he ekta hdi kta, wicašta makoce
tawaye ciqon he ekta.
25 Taku
niciyawapi kin owasin tipi wakan šeqel eciyatanhan, omnica wikcemna nonpa šeqel
wanjidan kta.
26 Tokešta
woteca tokaheya wicatonpi kin he Jehovah tawa, heon tokaheya wicatonpi kin he
tuwedan yuwakan kte šni, he pte qais tahinca unman tukte kašta Jehovah tawa.
27 Unkan woteca
šapa heca opekiton kte cinhan niciyawapi iyecen he izaptan kici qu kta, qa
opekiton kte šni kinhan wiyopeyapi kta, niciyawapi kin iyecen.
28 Tokešta taku
yuwakanpi hinca, taku wicašta wan Jehovah ekta yuwakan hinca kin, taku tawaye
cin owasin etanhan wicašta, qa wanunyanpi etanhan, qa maga tawaye cin etanhan
he wiyopeyapi kte šni, qa opekitonpi kte šni, taku yuwakanpi hinca kin he
owasin Jehovah tawa, wakan hinca.
29 Wicašta tona
wicayuwakanpi hinca kin hena opewicakitonpi kte šni, tuwe yuwakanpi hinca kin
he te kta.
30 Unkan maka
taku aicage cin iwikcemna kin maka ojupi etanhan, qa can waskuyeca etanhan, he
owasin Jehovah tawa, he Jehovah on wakan.
31 Unkan wicašta
wan iwikcemna kin etanhan taku opekiton kte cinhan, iyehantu, qa nakun kici
izaptan kin qu kta.
32 Unkan,
optaye qa optaye iwikcemna kin owasin tona canšakadan ihukuya iyoptapi kin hena
owasin iwikcemna kin Jehovah on wakan kta:
33 Wašte kaeš šica
unmanna on kahnige kte šni qa he yutokeca kte šni, qa tokiyopekiya ešta he, qa
wanji on tokiyopekiyapi koya wakan kta, opekiton , kte šni.
34 Sinai he
ohna Israel cinca on Jehovah Moses woahope qu kin hena ee.
