JOHANNES
WOTANIN WAŠTE TAWA
WICOWOYAKE 1.
1 Otokahe ekta
Wicoie kin hee; qa Wicoie kin he Wakantanka kici un, qa Wicoie kin he
Wakantanka ee.
2 He otokahe ekta
Wakantanka kici un.
3 Iye
eciyatanhan taku owasin kagapi; qa taku kin tokan tanhan takudan kagapi šni.
4 Iye kin en
wiconi; qa wiconi kin he wicašta iyoyamwicaye cin hee.
5 Iyoyanpa kin
hee otpaze cin en omdesya un tuka otpaze cin he iyowinkiye šni.
6 Wicašta wan
Wakantanka eciyatanhan u šipi, he Johannes eciyapi.
7 He wayaotanin
hi, Iyoyanpa kin oyake kta; hecen iye eciyatanhan owasin wicadapi kta.
8 Iyoyanpa kin
he iye šni, tuka iyoyanpa kin he yaotanin kta e u šipi.
9 Iyoyanpa
wicakapi hince cin hee, wicašta otoiyohi wicoicage kin en u iyoyamye cin hee.
10 He makata
kin en un, qa iye makata kin kaga, qa makata kin sdonyapi šni.
11 Tona tawa
kin hena ekta wicahi, tuka tawawicaye cin hena iyowinkiyapi šni.
12 Tuka tona
iyowinkiyapi kin hena Wakantanka cinca wicaya yakonpi kta e wašake ku ekta,
tona iye caje wicadapi kin hena.
13 Hena wicawe
eciyatanhan šni, qa wicacehpi tawacin kin eciyatanhan šni, qa wicašta tawacin
kin eciyatanhan šni, tuka Wakantanka eciyatanhan wicatonpi.
14 Unkan Wicoie
kin he wicacehpi kagapi, qa unkiyepi kin ehna ounyan; (qa wowitan tawa kin wanunyakapi,
wowitan kin he Atkuku eciyatanhan išnana icage tawa kin he iyececa;) wowaonšida
wowicake ko ojudan.
15 Johannes he
yaotanin, qa heya niyan; Tuwe mihakam u kte cin he mitokara yawapi ce, epe
ciqon he dee; he mitokam un nakaeš.
16 Unkan woojudan
tawa kin etanhan unkiye owasin unkicupi, qa he wowašte wicowašte kin on.
17 Woope kin he
Moses wicaku; tuka wicowašte wowicake ko hena Jesus Messiah eciyatanhan u.
18 Tuwedan
tohinni Wakantanka wanyake šni; tuka Cinhintku išnana icaga Atkuku maku ohna un
kin he sdonye unkiyapi.
19 Unkan
Johannes woyake ciqon he dee; Jerusalem etanhan Judi wicašta wakanpi Levi ko
ekta ye wicašipi qa, Tuwe niye he? eciyapi.
20 Tuka
Johannes ohdake en anakihbe šni, tuka ohdaka; Messiah kin he miye šni ce.
21 Unkan wiwangapi;
Nituwe he? Elias he niye he? Unkan, He miye šni ce, eya. Wicašta wokcan kin he
niye he? eciyapi. Qa, Hiya, iye ayupte.
22 Hehan, Tuwe
niye he? eciyapi: tona deciya unkušipi hecinhan hoši wicunkakipi kta e
heunniciyapi; Token onihdaka he?
23 Unkan heya;
Itancan tacanku kin owotanna kicaga po, tuwe hewoskan eyanpaha un kin he miye
ce, Isaiah wicašta wokcan eye ciqon iyececa.
24 Unkan tona
en u wicašipi qon hena Pharisee etanhanpi.
25 Unkan
wiwangapi qa heciyapi; Hecen tokeca e baptem wicayaku he; Messiah he niyešni,
qa Elias he niye šni, qa wicašta wokcan kin he niye šni hecinhan?
26 Johannes
awicayupte ca heya; Miye mini on baptem wicawaku ece: tuka wanji nayajinpi kin
cokaya najin tuka sdonyayapi šni;
27 Tuwe
mihektam u kte ciqon, tuka mitokam yawapi kin hee; mazawiyuze tahanpe tawa
wakiyušdoke kta ešta owakihi šni ce.
28 Hena taku
kin Bethabara, Jordan akasanpatanhan, econpi, he en Johannes baptem wicaku.
29 Anpetu
iyokihe hehan Jesus etkiya u kin Johannes wanyake ca heya; Tacinca Wakantanka tawa,
oyate wahtanipi kin tokan ehpeye kte cin he wanyaka po.
30 Tuwe on hepe
ciqon he dee; Wicašta wan mihakam u kte cin he mitokam yawapi; he mitokam un nakaeš.
31 Qa miš iye
he sdonwaye šni; tuka Israel oyate kin ekta yuotaninpi kta e heon mini on baptem
wicawaku wahi ce.
32 Unkan
Johannes wayaotanin qa heya; Woniya kin he wakiyedan kahya mahpiya eciyatanhan
kuntkiya u wanmdaka, unkan he en hiyanka.
33 Qa miš iye
he sdonwaye šni, tuka mini on baptem wicaku maši qon he omakiyaka; Tohan
mahpiya kin eciyatanhan Woniya kin kuntkiya ye ca, tuwe iyahde wandake cinhan
he iye Woniya Wakan on baptem wicaku kta.
34 He wanmdaka
e on mdaotanin; Wakantanka Cinhintku kin hee.
35 Ake ihanhanna
hehan Johannes waonspewicakiye cin nom om en najin:
36 Qa Jesus
omani wanyake cehan heya; Iho, Tacinca Wakantanka tawa kin he dee ce!
37 Unkan
waonspewicakiya nom ie cin he nahonpi, qa Jesus ihakam yapi.
38 Hehan Jesus
ihdamna, qa ihakam upi wanwicayake ca hewicakiya; Taku ayakitapi he? Unkan,
Rabbi, (tukte eya kta he, ieska un, Itancan,) tukten yati he? eciyapi.
39 Upi qa wanyaka
po, ewicakiya. Unkan iyepi hi, qa tukte en ounye cin he wanyakapi, qa anpctu
ihunniyan kici yukanpi: oape wikcemna hehantu.
40 Nom Johannes
ia nahonpi qa Jesus ihakam yapi qon, Andrew, Simon Peter hunkawanjitku kin he
unma ee.
41 He
hunkawanjitku Simon tokaheya iyeye ca heciya; Messiah, (he Sdayapi eyapi kin,)
iyeunyanpi ce:
42 Qa Jesus
ekta ai. Unkan Jesus wanyake cehan heya; Simon Jona cinhintku kin he niye: Cephas
eniciyapi kta, (he inyan wan ieska on hee).
43 Ihanhanna
kin hehan Jesus Galilee heciya ya, unkan Philip wanyake ca heciya; Mihakam u
wo.
44 Philip
Bethsaida hetanhan, nakun Andrew qa Peter he otonwe tanka tawapi.
45 Philip
Nathanael akipa, qa heciya; Moses woope en owa qon, qa wicašta wokcanpi kin
nakun, he wanna iyeunyanpi, Jesus Nazareth etanhan, Joseph cinhintku kin hee.
40 Unkan
Nathanael heciya; Nazareth etanhan taku wašte u okihi kta he? U qa wanyaka wo,
Philip eciya.
47 Jesus
Nathanael en u wanyake ca he on heya; Wanyaka po, Israeli en tuwe, wohnaye šni
he!
48 Nathanael
heciya; Tokiyatanhan sdonmayaya he? Jesus ayupte ca heciya; Philip nico qon he
itokam can waskuyecasuota ihukuya nayajin qon hen wanciyaka.
49 Nathanael
ayupte ca heciya; Rabbi, Wakantanka Cinhintku he niye, Wicaštayatapi Israel
tawa kin he niye.
50 Unkan Jesus
ayupte ca heciya; Can waskuyecasuota ihukuya nayajin wanciyaka epa, unkan heon
wicayada he? Dena taku isanpa tanka wandake kta ce.
51 Unkan
heciya; Wowicake, wowicake eciyatanhan heciciyapi, Tokata mahpiya kin
yuzamnipi, qa Wakantanka taohnihde wakanpi kin wankantkiya yapi, qa ake
kuntkiya upi, qa Wicašta Cinhintku kin en himniciyapi wandakapi kta ce.
JOHANNES
WICOWOYAKE 2.
1 Anpetu
iciyamni kin hehan en Cana, Galilee tawa, hen wakankiciyuzapi wan; unkan Jesus
hunku kin en opa.
2 Qa Jesus
nakun waonspewicakiye cin om kiciyuzapi kin en kicopi.
3 Unkan miniša
tohan henakeca hehan, Jesus hunku kin heciya; Miniša takudan yuhapi šni ye.
4 Unkan Jesus
heciya; Winohinca, taku yuha miye kici niye kta he? Mioape ehake hi šni ce.
5 Unkan hunku
kin wayutan wicakiyapi, He tokehin eniciyapi owasin ecen ecom, ewicakiya.
6 Inyan wakiškokpa
šakpe en han, ohna Judi kin ihdujajapi kta e hdepi; otoiyohi wiyutapi nom
yanini kipi.
7 Wakiškokpa
kin mini ojudan okaštan po, Jesus ewicakiya. Unkan ojugjudan okaštanpi.
8 Hehan, Onge
etanhan icupi qa omniciye itancan kin he kaya po, Jesus ewicakiya. Unkan
kayapi.
9 Unkan
kicicopi kin en itancan kin yatkan uta, he mini tuka miniša icahyapi, qa he
tokiyatanhan kin sdonye šni, (tuka wayutan wicakiyapi mini akupi qon hena
sdonyapi,) unkan itancan kin tawicu ton qon kico;
10 Qa heciya, Wicašta
eca miniša wašte tokaheya yatke wicakiya ece; qa tohan wicasta wipipi hehan
taku aoptetu kin; tuka niye miniša wašte hinca dehanyan yehnaka ce.
11 Cana,
Galilee tawa en, Jesus toka taku wapetokeca econ, qa towitan hdutanin; unkan hecen
waonspewicakiye cin wicadapi.
12 He iyohakam Capernaum
ekta apamahde iyaya, iye qa hunku qa sunkaku qa waonspewicakiye cin: unkan
anpetu tonana hen yakonpi.
13 Unkan woacakšin
Judi tawa kin wanna ikiyedan; heon Jesus Jerusalem ekta itanwankanhde iyaya.
14 Unkan tipi
wakan kin en wicašta kin eya, oxen, tahcaska, wakiyedan ko wiyopewicakiyapi, qa
mazaska tokiyopekiciyapi kin en iyotankapi e wanwicayaka;
15 Qa icapsinte
cikciqadan yugaga wan kage cehan, tipi wakan kin etanhan owasin tankan
iyewicaya, qa tahcaska qa oxen ko; qa mazaska tokiyopekiciyapi qon iš kada
iyeya, qa can wahna wotapi kin he nakun paahdapšinyan ehpeya.
16 Qa wakiyedan
wiyopeyapi kin iš, Dena owasin tankan iyeya po, qa, Miate tipi kin de wopeton
tipi kagapi šni po, ewicakiya.
17 Unkan
waonspewicakiye cin wowapi en kagapi qon he kiksuyapi, Yati owakiye cin he mayapota
ce.
18 Hehan Judi
kin ayuptapi qa heciyapi; taku wapetokeca pazo niye ekta unkiyepi, wanyaka he
niye dena takupi econ he?
19 Unkan Jesus
waayupte ca, Tipi kin de ihangya po, qa anpetu iciyamni ki ihan ake ekicetuwaye
kta, ewicakiya.
20 Waniyetu
wikcemna topa qa sani šakpe hehanyan tipi kin de kagapi qa yuštanpi qon, qa niye
nakaha anpetu iyamnina ekicetu yaye kta he? Judi kin eciyapi.
21 Tuka tipi
eye cin he iye tancan kin he ka e heon etanhau heya.
22 Heon iye wiconte
etanhan ihduekicetu, hehan hecen ewicakiye ciqon he waonspewicakiye cin kiksuyapi;
unkan wowapi wakan qa oie kin tukte Jesus heya hena koya wicadapi.
23 Unkan
Jerusalem en woacakšin kicicopi anpetu kin icunhan, taku wapetokeca econ kin
hena wicota wanyakapi qehan iye caje kin on wicadapi.
24 Tuka Jesus
owasin sdonwicaye cin heon etanhan wacinwicaye šni.
25 Qa wicašta
on tuwedan wayaotanin kta cin šni; iye atayedan wicašta taku en un kin sdonya,
heon etanhan.
JOHANNES
WICOWOYAKE 3.
1 Wicašta wan
Pharisee etanhan Nicodemus eciyapi, Judi itancanpi kin he wanji ee;
2 Hanyetu wan
Jesus yanke cin en i qa heciya; Rabbi, waonspekiye Wakantanka eciyatanhan u kin
henica sdonunniyanpi; taku wapetokeca ecanon ece kin tuwedan hecen okihi šni,
Wakantanka kici un šni kinhan.
3 Unkan Jesus
ayupte ca heciya; Wowicake, wowicake eciyatanhan heciciya, Wicašta kin ake
tonpi šni kinhan Wakantanka tokiconze kin wanyaka okihi kte šni.
4 Wicašta kin
kan ehantanhan token ecin teca ni en tonpi kta he? Iyehantu inonpa hunku tezi
kin mahen kihde ca teca ni en tonpi kta he token okihi kta he? Nicodemus eciya.
5 Jesus ayupte;
Wowicake, wowicake eciyatanhan heciciya, Wicašta kin mini qa Woniya kin on
tonpišni kinhan Wakantanka lokiconze kin en tin iyaya okihi kte šni ce.
6 Tuwe
wicacehpi on tonpi kin he wicacehpi, qa tuwe Woniya kin eciyatanhan tonpi kin
he woniya.
7 Ake nitonpi
kta ce, eciciye cin heon ihnuhan inihan šni he.
8 Tateyanpa kin
tokiyatanhan cin eca eciyatanhan ipogan ece, qa oqo kin he nayahon, tuku
tokiyatanhan u, qa tokiya ye cin he sdonyaye šni. Woniya kin eciyatanhan tonpi
kin owasin hecetu.
9 Nicodemus
ayupte ca heciya; Hena token okihipica he?
10 Jesus ayupte
ca heciya; Itancan Israel tawa wan heni ca, tuka dena oyakahnige šni he?
11 Wowicake,
wowicake eciyatanhan heciciya; Taku sdonunyanpi kin hena unkeyapi ece, qa taku
wanunyakapi kin dena unkoyataninpi, tuka wounyataninpi kin ayaktapi šni.
12 Taku maka
kin detanhan ociciyakapi kin wicayadapi šni ehantanhan, mahpiya kin ckla taku
ociciyakapi kinhan hee token wicayadapi kta he?
13 Nahahin
tuwedan mahpiya kin ekta I šni, tuwe mahpiya kin eciyatanhan kuntkiya u, qa hi
kin he Wicašta Cinhintku kin hee, nahahin nakun mahpiya kin ekta yanka.
14 Nakun
hewoskan wanmduška Moses wankan ehde qon he iyecen Wicašta Cinhintku kin wankan
ehdepi kta.
15 Heon tuwe awacin
kinhan owihanke kte šni, qa atakunišni wanin wiconi yuhe kta.
16 Wakantanka
makata kin nina cantewicakiya nakaeš, heon Cinhintku išnana icage cin wicaku,
qa tuwe awacin kinhan atakunišni kte šni, tuka owihanke wanin wiconi yuhe kta.
17 Wakantanka Cinhintku
kin makata kin en u ši kin, heon makata kin šicayawapi kta e hecon šni; tuka
iye on makata kin nipi kta e hecon.
18 Tuwe he
wacinye cinhan he yacopi kte šni; tuka tuwe wacinye šni kinhan he wanna yacopi;
Wakantanka Cinhintku išnana icage cin he caje kin wacinye šni kin heon etanhan.
19 Wicayacopi
kin he kaketu; Makata kin iyoyanpa en wicahiyohi, tuka wicašta kin otpaza e waštedakapi,
isanpa iyoyanpa iyotan, wicohan šicapi kin heon.
20 Tuwe taku
šica icon kin he iyoyanpa šice daka, qa iyoyanpa ikiyedan u šni, ohan iyopeyapi
kte cin heon.
21 Tuka tuwe
wowicake eciyatanhan ohanye cin he iyoyanpa kin en u, ohan yuotaninpi kta,
Wakantanka eciyatanhan ohanye cin heon.
22 Hena
iyohakam Jesus qa waonspewicakiye iye tawa kin Judea kin en i; qa en om un, qa
baptem wicaku.
23 Unkan he
icunhan Johannes iš eya Aenon Salim ikiyedan baptem wicaku, hen mini ota kin he
etanhan. Unkan baptem wicakupi kta e etkiya aye.
24 Hehanyan
hinyahin Johannes kaškapi šni.
25 Hehan taku
hdokinicapi, Johannes waonspewicakiye cin wanjikji qa Juda wicašta om,
wicayujajapi kin he icahtagya.
26 Unkan Johannes
ekta ipi qa heciyapi; Rabbi, Jordan wakpa akasanpa tanhan tuwe kici yaun qa
daotanin qon he, iho, wanna baptem wicaku, unkan owasin en ece iyoptapi.
27 Unkan
Johannes waayupte ca heya; Wicašta kin mahpiya eciyatanhan taku kupi šni
ehantanhan takudan iye cinka icu okihi kte šni ece.
28 Messiye kin
he miye šni, tuka itokam u mašipi ce, iyepi niepi miyepihca miye yatanin yuha
he, he miye epa.
29 Tuwe tawicu
ton kin he hihna yanpi kin hee, tuka hihna yanpi takodaku kin en taninyan anagoptan
najin, qa hihna yanpi ho kin nahon kin heon iyuškin ece. Heon etanhan wowiyuškin
mitawa kin wanna yuecetupi ce.
30 lye kin nina
sanpa icage kta, tuka miye yuhukun amaye kta.
31 Tuwe wankan
tanhan hi kin he taku owasin iwankam ounye. Tuwe maka etanhan hi kin he maka
etanhan, qa maka kin iye cenya oie kiton. Tuwe mahpiya kin eciyatanhan hi kin
he taku owasin on iyotan.
32 Qa taku
wanyake ca taku nahon kin he owasin yaotanin ece; tuka taku yaotanin kin tuwedan
wicada šni.
33 Taku
yaotanin kin he tuwe wicada kinhan Wakantanka wicake cin he wipuspe en iyeiciya
he.
34 Wakantanka
tuwe u ši kin he Wakantanka oie oyaka; Wakantanka Taniya kin ohnayan iyuta ekata
iye ku šni, he.
35 Atkuku kin
Cinhintku waštekidake ca, taku owasin iye nape kin en ku:
36 Tuwe Cinhintku
kin, wacinye cinhan owihanke wanin wiconi kin yuha; tuka tuwe wacinye šni kinan,
he wiconi wanyake kte šni, tuka Wakantanka tocanniye kin akan iye un.
JOHANNES
WICOWOYAKE 4.
1 Jesus
waonspewicakiya ota icicage ca baptem wicaku, Johannes econ qon sam iyeya, Pharisee
kin hecen nahonpi, he Itancan kin sdonya,
2 (Tuka Jesus
iye atayedan baptem wicaku šni, waonspewicakiye cin hena heconpi,)
3 Hehan Judea
ayuštan, qa Galilee ake ekta hda.
4 Qa Samaria he
en ncankuyo kta iyececa.
5 Hecen otonwe tanka
wan Sychar eciyapi Samaria tawa, en onge maka tawa kta e Jakob iye cinhintku
Joseph tawa ku qon he ikiyedan, he ekta iye hi.
6 Jakob
minicapi tawa kin he wanna; Jesus mdokite hda, qa minicapi kin he ahankeya
iyotanka. Anpetu kin he en wiyotanhe cin hehantu.
7 Samaria
etanhan winohinca wan mini huwe hi; unkan Jesus, Mini maku wo, eciya.
8 (He icunhan
waonspewicakiye cin otonwe tanka kin ekta taku yutapi opeton iyayapi.)
9 Winohinca Samaria
etanhan qon hecen eya, Judi wan henica, Samari wan hematanhan, he tokeca e
woyatke mayakida he? Tukte Judi Samari kici takudan ikicitukapi wanice ciqon.
10 Jesus ayupte
ca heciya; Wakantanka taku wicaku kin he, qa, Mini maku wo, eniciye cin he tuwe
kin sdonyaya unkanš, niye yakida kta, kinhan mini wiconi kin nicu kta tuka ce.
11 Itancan,
mini kin de temahentuya hiyeya qa takudan on edaku kte šni; tokiya tanhan mini
wiconi kin duha he? winohinca kin eciya.
12 Jakob
ateunyanpi minicapi kin de unkupi, qa etanhan iye mini yatkan, qa cinca iye
tawa qa tawanunyanpi ko, he heon tuka
niye iniyotan he?
13 Unkan Jesus
ayupte ca heciya; Tuwe mini kin de etanhan yatke cin nakun ipuza kta;
14 Qa tuwe mini
waku kte cin etanhan yatke cin icimana ipuza kte šni. Tuka mini waku kte cin he
minicapi mini tawa owihanke wanin wiconi iyahdeya kaduze kta, eya.
15 Unkan
winohinca kin heciya; Itancan, mini kin he etanhan maku ye, hecen imapuza kte šni,
qa nakun icimana mini kin de huwe wahi kte šni, eya.
16 Unkan, Nihihna
kico ya wo, qa den kici hi wo, Jesus eciya.
17 Tuka
winohinca kin waayupte ca heciya; Mihihna kin wanica ce. Nihihna wanica kehe
cin he hecetu e ecen eha ce;
18 Nihihna
zaptan, tuka nakaha hihnayaye cin de nitawa šni; hecen ehe cin he wicayaka ce,
Jesus eciya.
19 Hehan
winohinca kin heciya; Itancan, wicašta wokcan kin henica imdukcan;
20 Hunkake
wicunyanpi paha kin de en ohodapi ece; tuka niye, Jerusalem he en wicašta
ohodapi ece e kta, kehapi ce.
21 Unkan Jesus
heciya; Winohinca, wicamada wo, oape wan u ce, paha kin de en, qa Jerusalem
nakun en, Ateyapi kin ohoyadapi kte šni.
22 Niye taku
ohoyadapi kin sdonyayapi šni; unkiye taku ohoundapi kin sdonunyanpi ece. Juda
oyate kin eciyatanhan wanikiyapi kin u ce.
23 Tuka oape u
kin he wanna hiyohi, tona wowicake eciyatanhan ohodapi kin hena woksape
wowicake eciyatanhan Ateyapi kin ohodapi kta. Ateyapi kin he tona hecen ohodapi
kte cin akita ece.
24 Woniya wan
he Wakantanka kin ee; qa tona ohoda kinhan hena woniya qa wowicake en ohoda
kta.
25 Hehan
winohinca kin heciya; Messiah Christ eyapi kin hi kta, tohan hi kinhan taku kin
owasin unkokiyakapi kta e sdonwaya.
26 He miye e
ociciya ce, Jesus eciya.
27 He icunhan
waonspewicakiye cin en hdipi, qa winohinca kin kici okiciciya un kin heon yušinyayapi.
Tuka wanjidan; Taku ayakita he? kaeš, Tokeca kici iyaa he? eyapi šni.
28 Hehan
winohinca kin wakiškokpa ehpeya kihde ca, otonwe tanka kin ekta ki, qa wicašta
kin hewicakiya;
29 Wicašta wan
taku ecamon qon owasin omiciyake cin he ito wanyag u miye. He Messiah kin ee
šni he?
30 Hehan otonwe
tanka kin etanhan enanpa, qa yanke cin en ai.
31 He icunhan
waonspewicakiye cin cekiyapi qa, Itancan, wota wo, eciyapi.
32 Tuka iye
hewicakiya; Taku yutapi sdonyayapi šni kin heca wate kta e mduha ce.
33 Heon, Tuwe
taku yutapi kahi he? waonspewicakiye cin ekiciyapi.
34 Tuka Jesus
hewicakiya; Tuwe u maši kin he tawacin kin ecen ecamon kta, qa iye tohan kin
weciyuštan kte cin he taku wate cin ee.
35 Ehake wi
topa kinhan taku mnauntanpi kta ce, ehapi? Tuka miš kaken eciciyapi; Wankan
etonwanpi qa maga kin wanyaka po, wanna owasin ska qa mnayanpi kin wanna
iyehantu.
36 Qa tuwe taku
mnaye cin he wokajuju icu ece, qa owihanke wanin wiconi waskuyeca mnayan ece;
hecen on tona woju, qa tona mnaye cin napin wiyuškinpi kta.
37 Wanji woju
qa wanji mnayan, eyapi qon dee e wicakapi.
38 Niye
htayanipi šni tuka wamnayanpi he eeon cišipi. Wicašta tokeca htanipi unkan he
htanipi kin en niye oyapapi.
39 Winohinca
kin, Token ecamon qon owasin omiciyaka ce, eye ciqon heon wicota Samari otonwe tanka
kin he en ota Messiah hee kin wicadapi.
40 Heon Samari
iye en hipi qa cekiyapi, iye tipi kin en un šipi. Unkan nonpa can hen un.
41 Unkan wicoie
iye tawa hehan wicota wicadapi.
42 Qa, Taku
odake cin he etanhan wicaundapi kin hee šni, unkiš eya naunhonpi, Messiah hee
qa oyate wanikiye kte cin hee e sdonunyanpi, winohinca kin eciyapi.
43 Anpetu nonpa
iyohakam hehan hetanhan ye ca Galilee heciya hda.
44 Jesus iye
atayedan hdaotanin, wicašta wokcan kin heca iye tamakoce kin en yuonihanpi šni
ece.
45 Unkan Galilee
ekta ki, hehan Galili kin iyowinkiyapi, Jerusalem ekta kicicopi kin icunhan
taku econ qon owasin wanyakapi kin heon etanhan; iš eya kicicopi kin ekta ipi nakaeš.
46 Unkan Cana, Galilee
tawa, mini ikceka miniša icahye ciqon he ake en hdi. Unkan Capernaum ekta
wicašta itancan wanji cinhintku wayazanka:
47 He Jesus
Judea hetanhan Galilee en hi, nahon kin heon ekta ye ca cekiya, cinhintku kin asniye
kta e ekta u kta; wanna te kta ikiyedan.
48 Hehan Jesus heciya;
Taku wowanyake wowapetokeca ko wandakapi šni keš wicayadapi kte šni ce.
49 Unkan wicašta
itancan kin heciya; Itancan, micinkši te šni itokam kun u wo.
50 Jesus heciya;
Hunktiya wo, nicinkši ni ce. Unkan wicašta kin Jesus ie cin wicada, qa ekta hda.
51 Tiyatakiya
hda, unkan wicašta wowidake wicayuhe cin awicakipa, unkan, Nicinkši kin ni ce,
eya okiciyakapi.
52 Oape kin
tohan yanka hehan asni aya he, eya iwicawanga. Unkan, Htanihan oape išakowin
kin ekta, hetanhan tancan kata ayuštan ce, eyapi.
53 Unkan atkuku
kin tohan Jesus, Nicinkši ni ce, eciye ciqon hehantu e kiksuya. Unkan iye qa
tiyohnaka tawa koya wicadapi.
54 Jesus Judea
etanhan Galilee icicawin en hdi, wowapetokeca econ kin icinonpa kin he dee.
JOHANNES
WICOWOYAKE 5.
1 Hehan
iyohakam Judi kicicopi tawapi wan kagapi he icunhan Jesus Jerusalem he en i.
2 Jerusalem en
tahcaska wanunyanpi tiyopa kin he en ikiyadan, mini kiwitayapi, Hebrew iapi
Bethesda eciyapi, zaptankiya aohanziya hdepi.
3 Hena ohna wicašta
wayazanka ota, hušte, ištagonga, tataka ko ota en makan hiyeya, mini škanškan
ape hiyeya.
4 Tohan
iyehantu eca, mahpiya ohnihde wan mini kin en hi qa škanškanya ece. Tokiya
yazan kin owasin tohan mini kin he škanškan eca tuwe tokaheya en iyohpeiciya
eca asni ece.
5 Wicašta wan
he en wanka, waniyetu wikcemna yamni sanpa šahdogan hehanyan wayazanka.
6 Wicašta kin
he makata wanka, wanakaja tanhan wayazanka Jesus wanyaka, qa, Anisni kta yacin
he? eciya.
7 Wicašta
wayazanke cin heciya; Itancan, mini kin škanškan keš tuwedan en iyohpemaye šni;
en mde kta keš tuwe tokeca mitokam en iyeiciya ece.
8 Najin, owinja
ehdaku qa mani wo, Jesus eciya.
9 Unkan
ecahankeya wicašta kin akisni, qa owinja kin ehdaku, qa mani. Unkan anpetu kin
he sabbath.
10 Heon etanhan
Judi kin wicašta asniyanpi qon heciyapi; Nakaha sabbath anpetu kin; owinja
yecin kin he hecetu šni ce.
11 Tuwe asnimaye
cin he, Owinja ehdaku qa mani wo,emakiya ce, ewicakiya.
12 Hehan, Wicašta
kin, Owinja ehdaku qa mani wo, eniciye cin he tuwe he? eya iwangapi.
13 Tuka wicašta
asniyanpi kin he tuwe kin sdonye šni: he icunhan wicota hen unpi hecen Jesus
icunonpa iyaya.
14 Hehan
iyohakam tipi wakan en iye he Jesus ehani, unkan, Wanyaka ye, wanna anisni; icimana
wahtani šni wo; okinni ake taku wanji šica sanpa tanka iyanihde kta ce, eciya.
15 Unkan wicašta
kin he kihde ca, tuwe asniye ciqon he Jesus ee, Judi owicakiyaka.
16 Heon etanhan
Judi Jesus kuwa ayapi, qa sabbath anpetu kin icunhan hena econ kin heon teyapi
kta e akitapi.
17 Unkan, Miate
nahahin htani he etanhan miš eya htawani, Jesus ewicakiya.
18 Unkan Judi
hehan iyotan Jesus teyapi kta sanpa akitapi, anpetu wakan botica, qa nakun
Wakantanka atayedan Ateya keiciye cin, Wakantanka kici akiyecen ihdawa kin, hehon
etanhan.
19 Unkan Jesus
waayupte ca hewicakiya; Wowicake, wowicake eciyatanhan heciciyapi,
Cinhintkuyapi kin takudan iye cinka econ kta okihi šni; Ateye cin taku econ
wanyaka eca, hehan Cinhintku kin iš eya iyecen econ ece.
20 Ateyapi kin
Cinhintku waštekidake cin heon taku econ kin hena owasin onspekiya; qa nakun ceš
wicohan dena sanpa tanka onspekiye kta, hecen ininihanpi kta.
21 Ateyapi kin ta
kin keš niye ca wiconi wicaku ece; he iyecen Cinhintku kin iš tona cin kinhan
wiconi wicaku ece.
22 Nakun
Ateyapi kin tuwedan yaco šni, tuka woyaco owasin Cinhintku kin ku.
23 Heon etanhan
wicašta owasin Ateyapi kin token ohodapi hecinhan he iyecen Cinhintku kin
ohodapi kta. Tuwe Cinhintku kin ohoda šni kin he Atkuku u ši kin he nakun ohoda
šni.
24 Wowicake,
wowicake eciyatanhan heciciyapi, Tuwe mioie kin anagoptan, qa u maši kin he
awacin kinhan, owihanke wanin wiconi yuhe kta; qa šicayawapi en i kte šni, tuka
wiconte etanhan wiconi ekta e i.
25 Wowicake,
wowicake eciyatanhan heciciyapi, Oape kin u qon wanna hi, ta kin tona
Wakantanka Cinhintku ho kin nahon kta; qa tona nahon kinhan hena ni kta.
26 Ateyapi kin
iye cinka wiconi hduha, he etanhan Cinhintku kin iš iye cinka wiconi hduhe kta
e ku.
27 Qa nakun wowašake
woyaco kin he nakun iye ku, Wicašta Cinhintku kin e heon etanhan.
28 Ihnuhan hena
ininihanpi kin do; oape kin hi kta ce, wicahapi kin en owasin iye ho kin
nahonpi kta;
29 Qa
hninanpapi kta, tona wašte econpi kin hena wiconi woekicetu ekta; qa tona taku
šica econpi kin hena woyaco woekicetu ekta hiyupi kta.
30 Miye cinka
taku ecamon owakitpani; taku mdaco kin hena taku nawahon kin heciya tanhan; qa
taku mdaco kin hena hecetu. Miye mitawacin he owakide šni, tuwe u maši kin he
tawacin owade.
31 Miye
mihdaotanin kinhan, taku mdaotanin kin he wowicake šni.
32 Wanji tokeca
mayaotanin ece; unkan wayaotanin iye mayaotanin kin he wowicake e sdonwakiya.
33 Johannes
ekta ye wicayašipi; unkan taku yaotanin kin wowicake kin hee.
34 Tuka wicašta
akantu wayaotaninpi kin iwacu šni; tuka dena on yanipi kta e heciciyapi.
35 He peta
ijanjan iyege ca okitanin; unkan iyoyanpa tawa kin on kohanna iyuškin wacannipi.
36 Tuka
Johannes sam iyeya tanka wayaotanin mduha; wicohan ecamon kta Ate maku qon hena
e ecamon ece; Ate umaši e yuotanin kin hena ee.
37 Qa Ateyapi
umaši qon he nakun mahduotanin: he tohinni ho kin nayahonpi šni, qa itohnake
wandakapi šni:
38 Qa oie kin
en niunpi šni, tuwe u ši kin, iye he wicayadapi šni, heon etanhan.
39 Wowapi wakan
kin en akita po; heciyatanhan wiconi owihanke wanica duhapi kecannipi; unkan
mayaotanin cin hena ee.
40 Tuka
owihanke wanin wiconi duhapi kta e on miye en mayaupi yacinpi šni.
41 Wicašta ekta
mitawootanin kin awecite šni.
42 Tuka
Wakantanka waštedakapi kin he en niunpi šni e sdonciyapi.
43 Miate cajeyan
wahi, tuka iyowinmayakiyapi šni; tuwe iye caje atayedan hduha hi kin hee
iyowinyakiyapi kta.
44 Niye
iyakitedan nitawootaninpi kin ayecitapi, qa Wakantanka eciyatanhan wootanin kin
ayakitapi šni, he token on wicayadapi kta he?
45 Ate kin en
aciyapi kta e kecanmakinpi šni po; Moses he wacinyayapi qon he iye taku iyanionpapi
ce.
46 Moses wicayadapi
unkanš miš eya wicamayadapi kta tuka. He miye on wowapi kaga.
47 Tuka iye
wowapi kage cin hena wicayadapi šni kinhan, ecin token mioie kin wicayadapi kta
he?
JOHANNES WICOWOYAKE
6.
1 Hena iyohakam
Jesus Galilee miniwanka kin, he nakun Tiberias miniwanka kin ee, he akasanpa
iyaya.
2 Unkan oyate
ota ihakam yapi, wicašta wayazanpika en wapetogya ohanyan wanyakapi qon heon
etanhan.
3 Unkan Jesus
paha wan ekta iyaya, qa waonspewicakiye cin om akan iyotanka.
4 Unkan woacakšin,
Judi kicicopi tawapi wan, he wanna ikiyedan ihan.
5 Jesus išta
yuwankan ikikcu, qa wicota iye yanke cin en au wanwicayake cehan, Philip
heciya; Aguyapi dena yutapi kte cin tokiyatanhan opeuntonpi kta he?
6 He yukcan kta
on etanhan heciya; token econ kte cin he sdonkiya tuka.
7 Hehan Philip
ayupte; Kašpapidan opawinge noupa aguyapi iyopeyapi, qa otoiyohi cikcistinna
icupi ešta, nakun iyowicahi kte šni ce, eya.
8 Hehan
waonspewicakiye cin wanji, Simon Peter hunkawanjitku, Andrew eciyapi, he nakun
heciya;
9 Psin ska
opatinzepi zaptan qa hogan cistinna nom hena den hokšidan wan yuha; tuka wicota
qa henana on token hanpica he?
10 Unkan, Wicašta
kin iyotanke wicaši po, Jesus eya. He en peji ota. Wicašta kin hena iyotankapi,
unkan kektopawinge zaptan iyecetu.
11 Hehan Jesus
opatinzepi kin hena icu qa yawakan, qa waonspewicakiye cin wicaku; unkan
waonspewicakiye cin iyotang hiyeye cin wicakipamnipi; qa nakun hogan tohanyan
cinpi kin.
12 Unkan
imnanpi hehan waonspewicakiye cin hewicakiya, Oyaptapi kin hena pahi po, hecen
takudan atakuni kte šni.
13 Unkan psin
ska opatinzepi oyaptapi qon he etanhan makanopiye ohnaka ake nonpa pahipi;
wotapi etanhan iwicakiciyaye cin hena ee.
14 Taku
wapetogya Jesus econ kin wicašta kin wanyakapi, qa heon heyapi, Wicašta wokcan
he taku oyate en hi kta keyapi qon he wanna dee.
15 Iyepi Jesus
icupi, qa wicaštayatapi kah wacinpi e sdonkiya, qa paha kin icunonpa akan išnana
iyaya.
16 Unkan wanna
htayetu hehan waonspewicakiye cin miniwanka kin ektakiya yapi;
17 Qa wata wan
en opapi qa mde kin he opta yapi, Capernaum heciya i wacinpi. Unkan otpaza tuka
nahanhin Jesus ekta wicahi šni.
18 Unkan
tateyanpa hinca, on etanhan miniwanka kin nina taja aya.
19 Unkan
wiyutapi wikcemna nonpa sam zaptan, kaeš wikcemna yamni hehanyan watopapi,
hehan wata kin ikiyedan Jesus miniwanka kin amani u wanyakapi; unkan yušinyayapi.
20 Tuka, He miye
ce, ihnuhan koyakipapi kin do, ewicakiya.
21 Hehan iyokipiya
wata kin en iyowinkiyupi; unkan tokiya yapi qon, wata kin kohanna he en ihunni.
22 lhanhanna
hehan oyate miniwanka kin icahda yukanpi kin, hen wata wanica, wanji
waonspewicakiye cin en opapi qon heceyedan, qa Jesus waonspewicakiye cin om
wata kin en ope šni, tuka waonspewicakiye cin išnana iyayapi, he wanyakapi:
23 (Tuka
Itancan kin yawakan qa yutapi aguyapi qon he en ikiyadan Tiberias eciyatanhan
wata toktokeca en hipi.)
24 Oyate kin
Jesus waonspewicakiye cin om he en yukanpi šni wanyakapi, unkan oyate kin wata
kin hena en opapi qa mde kin opta yapi, Jesus Capernaum heci un kin he akin
yapi.
25 Unkan
miniwanka kin akasanpa hen iyeyapi qehan, heciyapi; Rabbi tohinni den yahi he?
26 Jesus
awicayupte ca heya; Wowicake, wowicake eciyatanhan heciciyapi, Omayadepi kin he
taku wapetokeca wandakapi kin heon hecanonpi šni, opatinzepi imnahan yatapi qon
e heon.
27 Taku yutapi
on wicatakuni šni heon htanipi šni po; tuka taku yutapi owihanke wanin wiconi
hehanyan kte cin hee on htani po, he Wicašta Cinhintku kin nicupi kta;
Wakantanka Ateyapi kin wanna he askamton.
28 Hehan heciyapi;
Token econkupi kta, on Wakantanka tohan kin unkohanyanpi kta he?
29 Jesus
waayupte ca hewicakiya; Wakantanka wicohan tawa kin he dee, tuwe u ši kin he
wicayadapi kta.
30 Heon etanhan
heciyapi; Taku wapetokeca ecanon kin tukte e heon, wanunyakapi qa wicaunnidapi
kta? taku yakaga he?
31 Hunkake
wicunyanpi kin eya wanna hewoskan manna yutapi qon; Mahpiya eciyatanhan aguyapi
yutapi kta e wicaku ce, eya owapi qon he iyececa.
32 Unkan Jesus
hewicakiya; Wowicake, wowicake eciyatanhan heciciyapi; Moses aguyapi kin he
mahpiya kin eciyatanhan nicupi šni; tuka Atewaye cin he aguyapi wowicake kin
mahpiya eciyatanhan nicupi.
33 Aguyapi
Wakantanka tawa kin he tuwe mahpiya eciyatanhan kuntkiya u, qa oyate wiconi
wicaku kin hee.
34 Unkan, Eca
Itancan, aguyapi kin he ohinniyan unku po, eciyapi.
35 Qa Jesus
hewicakiya; Aguyapi wiconi kin he miye ce. Tuwe en mau kinhan wotektehda šni un
kta; qa tuwe wicamada kinhan ipuza šni un kta.
36 Tuka wanmayadakapi,
tuka wicamayadapi šni e, eciciyapi qon.
37 Ate tona maku
kin owasin miye en mau kta; qa tuwe en mau kinhan tankan iyewaye kte šni.
38 Mahpiya
eciyatanhan wahi kin, he mitawacin owape kte šni, tuwe u maši kin he tawacin
owecipe kta.
39 Atewaya u
maši kin he tawacin kin he dee, tona maku kin wanjidun toki ehpewaye šni, ecen
anpetu ihankeya kin piya icahwaye kta.
40 Tuwe u maši
kin he tawacin kin he dee, tona Cinhintkuyapi kin he wanyake ca wicada kin hena
owihanke wanin wiconi yuhe kta, qa anpetu ihankeya kin he en piya icahwaye kta.
41 Heon Judi
kin ajijipi; Aguyapi mahpiya eciyatanhan kun u kin he miye ce, eye ciqon heon
etanhan.
42 Qa heyapi;
Jesus Joseph cinhintku qon he dee šni he, atkuku hunku ko sdonwicunyanpi ce:
hecen token, Mahpiya eciyatanhan wahi ce, eya okihi he?
43 Heon Jesus
waayupte ca hewicakiya; Niye iyakitedan waajijipi šni po.
44 Tuwedan iye
cinka en mau kte šni, Ate u maši qon tuwedan en au šni kinhan, qa anpetu
ihankeya kin en piya icahwaye kta.
45 Unkan owasin
Wakantanka eciyatanhan onspewicakiyapi kta ce, wicašta wokcanpi kin en eya
owapi qon. Heon tona Ate waonspewicakiye ca anagoptanpi kin hena owasin en
maupi kta.
46 Tuwedan
Ateyapi kin tohinni wanyake šni, tuwe Wakantanka etanhan u kin hecedan Atkuku
wanhdaka.
47 Wowicake,
wowicake eciyatanhan heciciyapi, Tuwe miye wicamada kinhan, he owihanke wanin
wiconi yuhe kta.
48 Aguyapi
wiconi he miye.
49 Nihunkakepi
kin hewoskan manna yutapi, tuka tapi.
50 Mahpiya eciyatanhan
aguyapi hi kin he dee, he wicašta wan etanhan yute cinhan te kte šni.
51 Aguyapi ni
un kin he miye, mahpiya eciyatanhan wahi; tuwe etanhan yute cinhan owihanke
wanin ni kta. Aguyapi wicawaku kte cin he micehpi kin ee, he oyate wicani kta e
wicawaku ce, eya.
52 Wicašta kin
de iye cehpi etanhan unkupi ekta yutapi he? Judi kin iyakitedan eya
hdokinicapi.
53 Hehan Jesus
hewicakiya; Wowicake, wowicake eciyatanhan heciciyapi; Wicašta Cinhintku kin cehpi
etanhan yatapi šni, qa we kin datkanpi šni kinhan wiconi takudan en niunpi kte
šni.
54 Tuwe micehpi
etanhan yute ca mawe yatke cinhan owihanke wanin wiconi yuha ece, qa anpetu
ihankeya kin en piya icahwaye kta.
55 Micehpi kin
he woyute otancanke, qa mawe kin he woyatke otancanke.
56 Tuwe micehpi
yute ca mawe yatke cin he mici un, qa miš kici waun.
57 Ate on ni
kin u maši kin he ni un, qa Ate on ni waun, he etanhan tuwe mayute cinhan miye
on ni un kta.
58 Aguyapi
mahpiya eciyatanhan hi kin he dee. Nihunkakepi manna yutapi qon de iyecece šni,
he yutapi tuka tapi. Tuwe aguyapi kin de etanhan yute cinhan owihanke wanin ni
kta ce, eya.
59 Capernaum en
omniciye tipi kin he ohna waonspekiya icunhan hena hecen eya.
60 Heon etanhan
waonspewicakiye cin ota he nahonpi qehan, Wicoie kin de tehika ce, tuwe e nahon
okihi kta he? eyapi.
61 Unkan Jesus
waonspewicakiye cin hena heya ajijipi kin, iye atayedan sdonye ca hewicakiya;
Tokeca de iyanipatopi he?
62 Wicašta
Cinhintku kin wankan un qon ake ekta kihde ca, wandakapi kinhan, tokeca kta he?
63 Woniya kin
he wiconi kaga ece, wicacehpi kin takudan okihi šni. Wicoie eciciyapi kin hena
woniya qa wiconi kin hee.
64 Tuka
wanjikji he wicayadapi šni. Otokahe ekta tanhan tona wicadapi kte šni, qa nakun
tuwe wiyopeye kte cin hena Jesus sdonya.
65 Unkan heya; He
etanhan heciciyapi qon, Tuwedan iye cinka en mau okihi kte šni, tuwe Atewaye
cin he ku kinhan heceyedan okihi kta.
66 Hecetu,
unkan heon waonspewicakiye cin ota ayuštanpi, qa icimana ihakam yapi šni.
67 Hehan Jesus
akenonpapi kin, Niš eya yahdapi kta he? ewicakiya.
68 Unkan Simon
Peter ayupte; Itancan, tuwe ekta unyanpi kta he? owihanke wanin wiconi wicoie
duhe cin.
69 Qa Messiah he,
Wakantanka ni un Cinhintku kin he niye e wicaundapi qa sdonunyanpi ye.
70 Unkan Jesus
awicayupte; Akeninonpapi kin miye cicahnigapi šni he; tuka wanji wakanšica
yaunpi ce, eya?
71 Simon
cinhintku Judas Iscariot he ke ca hecen eya. Ake nonpapi kin he etanhan tuka he
wiyopeye kte cin ee.
JOHANNES
WICOWOYAKE 7.
1 Iyohakam
Jesus Galilee en mani un: Judi te yapi kta akitapi heon Juda makoce en un wacin
šni.
2 Judi wakeya
kicicopi tawapi ece kin he wanna kiyedan aya.
3 Heon etanhan
iye sunkawicaye cin heciyapi; Detanhan ya wo, qa Judea en un wo, hecen
waonspewicayakiye cin niohan ecanon ece kin hena wanyakapi kta.
4 Tuwe
ihdutanin cin kinhan, taku nahmana econ šni ece. Dena ecanon kta hecinhan, iho
oyate kin en ihdutanin wo.
5 Sunkawicaye
cin iyepi nakun wicadapi šni.
6 Heon Jesus hewicakiya;
Miyehantu hinyanhin iyemicihantu šni; tuka niyehantupi ohinniyan wiyeya niciyankapi.
7 Oyate kin šicenidapi
okihipi šni, tuka miye e šicemadapi; wicohan tawapi kin hena šica e mdaotanin
ece kin heon etanhan.
8 Niye qe kicicopi
kte cin ekta ya po. Miye qe nahahin miyehantu iyemicihantu šni, heon kicicopi
kin he ekta nahanhinkešni.
9 Tohan iye
taku wicoie heye wika ekta he, iye nahanhin
yanka Galilee en.
10 Tuka sunkaku
iyayapi kin iyohakam hehan, iš kicicopi kte cin ekta ya, taninyan ye šni, tuka
nahmana ya.
11 Wošnapi kin
icunhan Juda oyate odepi qa, Tokiya un he, eyapi?
12 Qa oyate kin
iapi ota on aiapi. Apa, He wicašta wašte ce, eyapi: qa toktokeca iš, Hiya,
oyate kin wicahnayan ce, eyapi.
13 Judi kin
kowicakipapi, heon etanhan tuwedan taku ataninyan eye šni.
14 Kicicopi kin
enkaya hdoipi, unkan Jesus tipi wakan ohna inajin, qa wowicakiyaka.
15 Unkan Judi
kin inihanpi qa heyapi; Wicašta kin de tokiya tanhan oowa onspe he; tohinni
onspekiyapi šni qon?
16 Unkan Jesus
awicayupte ca heya; Wociciyakapi kin de miye etanhan šni, tuwe u maši kin he
iye etanhan.
17 Tuwe iye tawacin
ecen econ wacin kinhan, woyakapi kin de Wakantanka eciyatanhan hecinhan, kaeš
miye cinka hena epa hecinhan, sdonye kta.
18 Tuwe iye en
oie iciye cinhan he iye towitan okide ece; tuka tuwe iš, tuwe uši kin he
towitan okicide kinhan, he iye wowicake, qa wicowicaštašni takudan en un šni.
19 Moses woope
kin nicupi šni he; tuka tuwedan woope kin ecen ecanonpi šni? taku on temayayapi
kta e ayakitapi he?
20 Oyate kin
ayuptapi qa heyapi; Wakanšica wan niyuhnaškinyan; tuwe e teniyan akita he?
21 Hehan Jesus
waayupte ca hewicakiya; Wicohan wanji ecamon, unkan owasin niyušinyayapi.
22 Moses
bahdayapi wicohan kin nicupi; (he Moses etanhan šni, tuka hunkakewicayapi kin
etanhtm;) unkan sabbath anpetu eca wicašta wan bayecihdayapi ece.
23 Hecen anpetu
wakan eca wicašta wan bakicihdayapi hecinhan, on Moses woope kage ciqon
yujujupi kte šni; wicašta wan anpetu wakan en ocowasin okiziwaye cin heon
cantamayahdepi he?
24 Wiyacinyan
wayacopi šni po, wokonze e eciyatanhan wayaco po.
25 Hehan
Jerusalem etanhan wanjikji heyapi; Tuwe teyan akitapi kin he dee šni he?
26 Unkan iho,
kagi šni ia tuka tuwedan taku eciye šni. Wicašta itancanpi kin awicakehan Messiah
kin he dee e sdonyapi he?
27 Tuka wicašta
kin de tokiyatanhan u kin sdonunyanpi; tohan Messiah hi kinhan, tokiyatanhan u
kin tuwedan sdonye kte šni, eyapi.
28 Hehan Jesus
tipi wakan kin ohna waonspekiya icunhau hotankakiya heya; Tuwe miye kin sdonmayayapi,
qa tokiya tanhan wau kin he nakun: qa miye cinka wahi šni; tuka tuwe u maši kin
he wicaka, eqe sdonyayapi šni.
29 Tuka miye he
sdonwakiya, he iye etanhan wahi, qa u maši kin hee.
30 Unkan heon
tinsa yuze wacinpi, tuka iye oape tawa nahahin iyehantu šni kin heon tuwedan
nape on yutanpi šni.
31 Unkan oyate kin
etanhan wicota he iye kin wicadapi qa heyapi; Tohan Messiah hi kinhan, de taku
wapetogya econ kin, he sam iyeya hecon kta he? eyapi.
32 Oyate kin
iyakitedan hekiciyapi he Pharisee kin nahonpi; unkan wicašta wakanpi itancapi
kin qa Pharisee kin ko, iye akiyahda kta e on akicita itancapi ekta ye wicašipi.
33 Hehan Jesus
hewicakiya; Ehake tokata cistiyedan ocipapi waun kta, hehan tuwe u maši kinhan
heciya wahde kta.
34 Omayadepi
kta, tuka iyemayayapi kte šni; qa tokiya waun kin ekta yaupi kta ešta, oyakitpanipi
kta.
35 Hehan Judi
kin iyakitedan hekiciyapi; Tokiya ye kta he, qa iyeunyanpi unkokihipi kte šni?
Ikcewicaštapi kin ehna enanakiya iyayapi kin ekta ye ca, Ikcewicaštapi
wowicakiyake kta he?
36 Omayadepi
kta tuka iyemayayapi kte šni, qa tokiya waun kin ekta yaupi kta ešta, oyakitpanipi
kta ce, eye cin wicoie kin he toketu he? eyapi.
37 Kicicopi
anpetu ehake, he tanka anpetu tawa kin en, Jesus najin qa hotankakiya heya; Tuwe
ipuza kinhaii en mau qa mini yatke kta.
38 Tuwe
wicamada kinhan, wowapi wakan eye cin iyececa, iye tanmahen tanhan wiconi mini
wakpadan kaduze kta ce.
39 (Tuka
Woniya, tona iye wacinyanpi kin icupi kte cin hee on hecen eya: he ehan nahahin
Woniya Wakan kin wicakupi šni, nahahin Jesus wowitan ehan i šni.)
40 Oyate kin
etanhan wicota wicoie kin de nahonpi qehan, Awicakehan wicašta wokcan kin he
dee ce, eyapi.
41 Toktokeca iš,
Messiah kin he dee ce, eyapi. Tuka apa iš, Messiah Galilee etanhan u kta he?
eyapi.
42 David
wicoicage tawa kin etanhan Messiah hinanpe kta, qa Bethlehem otonwe David en un
qon hetanhan u kta ce, wowapi wakan eye šni he?
43 Hetanhan
oyate kin akipam ehna, iye etanhan nakaš.
44 Qa hunh yuze
wacinpi, tuka tuwedan nape on yutan šni.
45 Hehan
akicita itancapi kin, wicašta wakanpi kin Pharisee kin ko ekta icicawin
wicakipi; unkan, Tokeca e ayahipi šni he? ewicakiyapi.
46 Akicita itancapi
kin awicayuptapi; Wicašta kin tuwedan tohinni wicašta kin de iyecen oie ye šni
ce, eyapi.
47 Hehan
Pharisee kin iš awicayuptapi, Niš nakun nihnayanpi he?
48 Wicašta itancanpi
kin wanjikji Pharisee ko he wicadapi he?
49 Tuka oyate
kin de, woope yukcanpi šni kin hena wahtepi šni ce, eyapi.
50 Nicodemus (hanyetu
ehan Jesus yanke cin en i qon,) he itimcanpi kin wanji ee, hewicakiya:
51 Woope
unkitawapi kin, wicašta token eye cin nahon šni, qa taku econ kin atayedan sdonye
šni itokam, yaco he?
52 Unkan
ayuptapi qa heciyapi; Niš Galilee henitanhan he? Wawiwange ca wanyaka wo; wicašta
wokcan tuwedan Galilee etanhan u šni ce.
53 Hehan
otoiyohi iye tipi kin ekta kihdapi.
JOHANNES
WICOWOYAKE 8.
1 Jesus Olive
Paha kin ekta i.
2 Qa ihanhanna
anpao hehan tipi wakan kin en ki, unkan oyate kin owasin en ahi; unkan iye en
iyotanke ca wowicakiyaka.
3 Unkan wowapi
kagapi kin Pharisee kin ko winohinca wan nahma ihdušaka e en kahipi, qa cokata
ehdepi;
4 Qa heciyapi,
Itancan, winohinca kin de wawicihahapi econ wanka icunhan iyeyapi.
5 Unkan Moses,
woope kin en, tona hececa kin inyan on wicakininpi kta, unkekiciyapi qon: tuka
niš token ehe kta he?
6 Taku
iyaonpapi kte cin he akitapi e heon etanhan he iyutanyan heciyapi. Tuka Jesus
patuš inajin, qa nape on maka kin en owa, iyecen iye ešta wica nahon šni he.
7 Unkan
kitanyan wiwangapi, hehan iye owotanna inajin, qa hewicakiya; Iye tukte woahtani
wanin yaunpi hecinhan, he tokaheya inyan on kinin kte.
8 Hehan ake
patuš inajin qa ake maka kin en owa.
9 He nahonpi,
unkan iye tawacin on ihdacopi, heon wanjikjidan tankata kinanpapi, tokaheya wicašta
tanka unpi, qa ecen hakaktapi koya owasin; qa Jesus išnana un ehpeyapi, winohinca
cokata hdepi qon he koya.
10 Unkan Jesus
ihduowotanna, qa tuwedan wanyake šni, winohinca eceda, iye heciya, Winohinca,
wiyanionpapi qon owasin toki iyayapi he? tuwedan niyaco šni he?
11 Itancan,
tuwedan šni, iye eya. Miš eya ciyaco šni, hunktiya wo, tokata yeye cin icimana
wahtani šni wo, Jesus eciya.
12 Hehan ake
Jesus owicakiye ca heya; Oyate iyoyamwicaye cin he miye: tuwe mihakam u kin he
otpaza ehna mani kte šni, iyoyanpa wiconi hee tawa kta.
13 Hehan
Pharisee kin heciyapi; Niye atayedan nihdaotanin, heon wadaotanin kin he wowicake
šni.
14 Jesus
waayupte ca hewicakiya; Miye atayedan mihdaotanin qeyaš mihdaotanin kin he wowicake;
tokiya tanhan wahi kin he sdonwakiya, qa nakun tokiya mde kte cin he; qa niyepi
kin tokiya tanhan wau, qa tokiya mde cin hena sdonyayapi šni.
15 Wicacehpi
eciyatanhan wadacopi; tuka miye qe tuwedan mdaco šni.
16 Tuka nakun
wamdaco kinhan, wamdaco kin he wowicake kta; mišnana waun šni, tuka Ateyapi u
maši kin qa miye.
17 Wicašta nom
waayataninpi kin he wowicake ce, woope duhapi kin en owapi qon.
18 Miye
atayedan mihdaotanin, qa Ate u maši kin he nakun mayaotanin.
19 Unkan,
Niyate tukte e he? eciyapi. Jesus ayupte, Sdonmayayapi šni, qa nakun Atewaye
cin sdonyayapi šni: Miye kin sdonmayayapi unkunš, Miate iš nakun sdonyayapi kta
tuka.
20 Tipi wakan
kin en mazaska opiye he cin he en, Jesus waonspewicakiya icunhan hena hewicakiya.
Unkan tuwedan Jesus otan wacinpi šni, oape kin nahahin kicihi šni heon.
21 Hehan Jesus
ake hewicakiya; Wahde kta, qa omayadepi ecen woahtani ehna nitapi kta; qa
tokiya wahde cin heciya dapi kta ešta oyakitpanipi kta.
22 Unkan Judi
kin heyapi; Iye icikte kta he? Tokiya mde cin heciya dapi oyakitpanipi kta ce,
eye cin.
23 Hehan iye
hewicakiya; Niye kuya tanhan yaunpi; miye e wankan tanhan waun; inaka kin
detanhan yaunpi, miye maka kin dematanhan šni.
24 He etanhan
wayahtanipi kin en nitapi kta ce, eciciyapi. He miye kin wicayadapi šni kinhan
wayahtanipi kin ehna nitapi kta ce.
25 Unkan, Tuwe
niye he? eciyapi. Tokag ehan eciciyapi qon he dee, Jesus ewicakiya.
26 Taku ota
eciciyapi, qa ciyacopi kta e mduha; tuka tuwe u maši kin he wowicake; qa taku
emakiye cin owasin oyate kin owicawakiyaka ce.
27 Iyepi Atkuku
kin on hena hewicakiye cin he okahnigapi šni.
28 Hehan Jesus
hewicakiya; Tohan Wicašta Cinhintku kin wankan eyahdepi kinhan, hehan he miye
kin sdonyayapi kta, qa miye cinka takudan ecamon šni; tuka Ate taku onspemakiye
cin hena ecedan ecen omdaka ece.
29 Tuwe u maši
kin he mici un; Ate mišnana amahduštan šni; taku iyokipi ecen ecamon ece, heon
etanhan, eya.
30 Hewicakiya
icunhan wicota iye wicadapi en.
31 Heon Judi
kin etanhan tona Jesus wicadapi kin hena hewicakiya; Mioie kin ohinniyan
oyapapi kinhan, awicakehan waonspewicawakiye cin he niyepi kta;
32 Kinhan
wowicake kin sdonyayapi kta; qa wowicake kin he niciyuškapi kta ce.
33 Hehan
ayuptapi; Abraham towicoun kin unketanhanpi, qa tohinni tuwedan wowidag unyanpi
šni; hecen, Niciyuškapi kta ce, ehe cin he token heha he?
34 Jesus
awicayupte; Wowicake, wowicake on heciciyapi, Tuwe woahtani econ kin he woahtani
en wowidake un ece.
35 Qa wowidake
un kin he ohinniyan tipi kin ohna un šni ece; tuka Cinhintku kin hee ohinniyan
timahen ounyan.
36 Heon
Cinhintku kin niciyuškapi hecinhan, awicakehan tuwaniciyapi kta.
37 Abraham
towicoun kin enitanhanpi sdonwaya; tuka te mayayapi yacinpi, mioie kin en niunpi
šni, heon etanhan.
38 Taku Ate
ekta wamdake cin hena omdaka ece; qa niš niyate ekta taku wandakapi kin hee
ecen ecanonpi ece.
39 Hehan
ayuptapi qa heciyapi; Abraham he ateunyanpi kin ee. Unkan Jesus hewicakiya ;
Abraham cinca kin he niyepi unkanš, Abraham ohanye cin he ecen ecanonpi kta
tuka.
40 Tuka nakaha
temayan ayakitapi, wicašta wan wowicake Wakantanka eciyatanhan nawahon kin he
ociciyakapi kin he miye tuka: Abraham e qe hecen econ šni qon.
41 Niyatepi
ohan kin hee ecen ecanonpi ece, eya. Hehan heciyapi ; Tuwe cinca tanin šni kin
heuncapi šni; Ate unyanpi wanjidan unhapi, Wakantanka kin hee.
42 Heon Jesus
hewicakiya; Wakantanka he Ateyayapi unkanš waštemayadakapi kta tuka; miye kin
Wakantanka kin hetanhan wahinape ca wau; qa miye cinka wahi šni, iye kin u maši.
43 He tokeca e
iwae cin oyakahnigapi šni he? mioie kin anagoptan wacannipi šni kin heon
etanhan.
44 Wakanšica
ateyayapi kin henitanhanpi, qa niyatepi tawacin kin ecen ecanonpi yacinpi ece.
He otokahe etanhan tinwicakte kin heca, qa wowicake kin en najin šni, wowicake
takudan en un šni nakaeš. Tohan woitonšni oyaka eca, he iye cinka ohdaka ece:
iye kin woitonšni sa, qa woitonšni atkuku kin hee.
45 Tuka miye
wowicake eciciyapi kin, heon etanhan wicamayadapi šni.
46 Niyepi kin
wanji tukte he wawahtani e duwicakapi he? Qa wowicake epe cinhan, tokeca e
wicamayadapi šni he?
47 Tuwe
Wakantanka etanhan kin he Wakantanka oie anagoptan. Niye hena anayagoptanpi šni
ece, heon Wakantanka etanhan henitanhanpi šni.
48 Hehan Judi
kin ayuptapi qa heciyapi; Samari henitanhan, qa wakanšica wan niyuhnaškinyan
ce, unkeniciyapi qon he wicaunkapi ce.
49 Jesus
ayupte; Wakanšica wan mayuhnaškinye šni; tuka Ate wahduwitan, qa niye wowištenmayayapi.
50 Miye
mitowitan awecite šni; tuka wan waakite ca wayaco yukan ce.
51 Wowicake,
wowicake eciyatanhan heciciyapi, Tuwe mioie kin de yube cinhan, tohinni wiconte
wanyake kte šni.
52 Hehan Judi
kin heciyapi; Wakan šica niyuhnaškinyan e dehan iyotan sdonunyanpi. Abraham hee
ta, qa wicašta wokcanpi kin hena nakun tapi; tuka niye, Tuwe mioie yuhe cinhan
tohinni wiconte ute kte šni ce, eha ce.
53 Abraham
ateunyanpi kin hee kaeš te cin, niye e iniyotan he? Wicašta wokcanpi kin nakun
heepi tapi; qa niye nituwe e nicicaga he?
54 Jesus
waayupte; Miye cinka mihduonihan kinhan, mitowitan kin he taku kte šni; tuka Atewaye
cin he mahduonihan ece; he Wakantanka nitawapi, kehapi.
55 Heca ešta
tohinni sdonyayapi šni; tuka miye e sdonwakiya, qa he sdonwaye šni ce, epe
cinhan, miš eya niyepi iyecen iwaton kte šni; tuka miye sdonwaya, heon etanhan
oie kin tanyan weciyuha.
56 Abraham
ateyayapi qon mitaanpetu kin wanyake kta cin hinca; unkan he wanyake ca iyuškin
ce.
57 Hehan Judi
kin heciyapi; Nahahin waniyetu wikcemna nizaptan šni, tuka Abraham wandaka he?
58 Jesus
hewicakiya; Wowicake, wowicake eciyatanhan heciciyapi; Abraham un qon he itokam
miye waun ce.
59 Hececa unkan
inyan icupi, qa on kininpi kta; tuka Jesus naicihbe ca, tipi wakan etanhan
wicehna tanhan tankata inanpe ca, etoopteya iyaya.
JOHANNES
WICOWOYAKE 9.
1 Jesus ye cin
tahepi, wicašta wan toka tonpi ehantanhan tonwe šni un e he wanyaka.
3 Unkan waonspewicakiye
cin wiwangapi qa heyapi; Itancan, tuwe wahtani he, wicašta kin de atkuku, hunku,
iyeka, wanji tukte wahtani he, on ištagonga tonpi he?
3 Jesus
waayupte; He wicašta de, qa atkuku, hunku, wanji wahtanipi on hecece šni; tuka
Wakantanka ohan kin e he ayutaninpi kta e heon.
4 Anpetu
icunhan, tuwe u maši wicohan tawa kin ecen ecamon kta iyececa; hanyetu kin he
hi kta, he en tuwedan wicohan econ okihi kte šni.
5 Tohanyan miye
en makata waun kin, makata iyoyamwicawaya ece, eya.
6 Hena heye ca
hehan makata tagoša, qa tage on upšija kage ca, ištagonge cin išta kin en upšija
ikiciun;
7 Qa heciya; Siloam
miniyowe, (yešipi eyapi kin he kapi,) he ekta ye ca en ihdujaja wo. Unkan ekta
i, qa on ihdujaja qa hdi, unkan wawanyaka.
8 Heon ikiye
nati, qa tona wicašta ištagonge cin wanyakapi ece qon hena, Tuwe timata iyotang
un qon he dee ce? eyapi.
9 Wanjikji, He
dee ce, eyapi: qa toktokeca iš, He de iyececa ce: tuka iye kin, He miye ce,
eya.
10 Unkan,
Tokiya tanhan de on niišta kin dumdaya he? eciyapi.
11 Iye waayupte
ca heya; Wicašta wan Jesus eciyapi kin he upšija kage ca, išta anokatanhan
imiciun, qa, Siloam miniowe kin ekta ye ca, mini on ihdujaja wo, emakiya qehan,
ekta wai, qa mihdujaja, unkan watonwan.
12 Unkan, Iye
he tukte e he? eciyapi. Sdonwaye šni ce, eya.
13 Wicašta ištagonge
ciqon he Pharisee kin en wicakaipi.
14 Unkan anpetu
wakan icunhan, Jesus upšija kage ca on wicasta kin he išta yukawakiya.
15 Hehan
Pharisee kin iš ake, token on išta yukawapi hecinhan he iwangapi. Unkan, Upšija
e ista kin en imaun qa mihdujaja, unkan watonwan, ewicakiya.
16 Unkan
Pharisee kin wanjikji: Wicašta kin he sabbath awacin šni, heon etanhan Wakantanka
hetanhan šni, eyapi. Unkan apa, Wicašta wan wahtani sa hecinhan, wowapetokeca
dececa token econ okihi kta he? eyapi. Hecen on akipam wacinhnakapi.
17 Ake wicašta ištagonge
ciqon heciyapi; niš token eyakiya he, išta tonweniye cin? Unkan, He wicašta
wokcan wan heca ce, eya.
18 Wicašta kin
he ištagonga tuka ihnuhanna tonwe cin he Judi kin wicadapi šni, heon tuwe išta
tonweyeyapi kin atkuku hunku ko wicakicopi;
19 Qa
wiwicawangapi qa heyapi; De nicincapi qa tonwe šni tonpi kehapi he? tokiyatanhan
nakaha tonwan he?
20 Atkuku hunku
ko waayuptapi qa heyapi; De unkicincapi tonwe šni tonpi he sdonunkiyapi;
21 Tuka nakaha
tokiya tanhan on tonwe cin de sdonunyanpi šni. Kaeš išta yukawa kin de nakun
sdonunyanpi šni; iye oicage on he, iye iwanga po, toketu kin he ecen eye kta
ce.
22 Judi
kowicakipapi, qa heon etanhan atkuku hunku kici hecen eyapi. Tuwe, Messiah kin
hee, taninyan eye cinhan, he omniciye tipi kin etanhan tankan iyeyapi kta, Judi
kin wanna wakiconzapi.
23 He etanhan,
Iye oicage on he, iye iwanga po, iye atayedan winungapi šni, atkuku hunku kici
eyapi.
24 Hehan ake
icinonpa wicašta ištagonge ciqon he wiwangapi qa heciyapi; Wakantanka woyatan ku
wo; wicašta kin he wahtani sa sdonunyanpi ce.
25 Iye waayupte
ca heya; He wahtani sa hecinhan, kaeš šni, sdonwaye šni; tuka taku wanji
sdonwaya; ištamagonga tuka nakaha watonwe cin he.
26 Unkan, Taku
tokanicon? on išta kin niyukawa he? ake eciyapi.
27 Unkan
awicayupte; Miye eya keš ociciyakapi, tuka nayahonpi šni; ake icinonpa
nayahonpi yacinpi he? niš eya waonspewicakiye cin hen ope ni hdawapi kta he?
28 Hehan
iwahtedapi šni qa heyapi; Waonspewicakiye cin he wanji niye: tuka Moses waonspewicakiye
cin he unkiyepi.
29 Wakantanka
Moses he okiya sdonunyanpi, tuka wicašta kin de tokiyatanhan u kin sdonunyanpi
šni ce.
30 Unkan wicašta
kin he waayupte ca hewicakiya; Taku wowinihan kin he dee; naka išta mayumdaya,
tuka tokiyatanhan u kin sdonyayapi šni.
31 Wahtanipi sa
kin hena Wakantanka anawicagoptan šni ece, tuka tuwe Wakantanka yuonihan, qa
tawacin okicipe cin, hee iye Wakantanka
anakigoptan e sdonunyanpi.
32 Otokaheya
tanhan makata kin tuwe wicašta tonwe šni tonpi išta kiyukawa oyakapi kin
tuwedan nahon šni ce.
33 Wicašta kin
de Wakantanka eciyatanhan šni unkanš takudan okihi kte šni ce, eya.
34 Unkan
waayuptapi qa, Woahtani ocowasin ehna nitonpi, tuka waonspeunyakiyapi kta
kecanni he? eciyapi; qa tankan iyeyapi.
35 Tankan
iyeyapi kin he Jesus nahon; qa akipa tohan, Wakantanka Cinhintku kin wicayada en
he? eciya.
36 lye waayupte
ca, He tuwe he, Itancan, wicawada kta ce? eya.
37 Wandake iye
wahi he ca he iye e oniciya, Jesus
eya.
38 Unkan,
Itancan wicawada, eyaya, qa iye cekiya iye he.
39 Unkan Jesus
heya; Makata de ekta wicawahi, wicašta tona tonwe šni kin hena tonwanpi kta, qa
tona tonwe cin hena ištagongapi kta, he woyaco kin hduha wahi ce.
40 Unkan
Pharisee kicicapi kin hena nahonni, unkan, Unkiš eya ištaungongapi he? eciyapi.
41 Ištanigongapi
unkanš woahtani wanin yaunpi kta; tuka nakaha, Untonwanpi ce, ehapi; heon
woahtani niyukanpi, Jesus ewicakiya.
JOHANNES
WICOWOYAKE 10.
1 Wowicake,
wowicake eciyatanhan heciciyapi; Tuwe tahcaska opehe tiyopa ohna tin iyaye šni,
tiyopa icunonpa tanhan ti iyohpaye cin he wabotice ca wamanon kin heca.
2 Tuka tuwe e
tiyopa eciyatanhan tin iyaye cin waawanhoake hee tahcaska tawa wicaye cin ee.
3 Qa iye tiyopa
awanyake cin tiyopa kiciyugan ece, unkan tahcaska kin he ho kin nahonpi ece; tahcaska
tawa kin otoiyohi cajeyan wicakico, qa tankan wicahdoya ece.
4 Unkan tahcaska
tawa kin tankan awicau eca, wicitokam ya ece; unkan tahcaska kin iš ihakam yapi
ece, ho kin iyekiyapi nakaeš.
5 Qa tuwe
tokeca kinhan he ihakarn yapi kte šni, tuka nakicipapi kta; tuwe tokeca ho kin
iyekiyapi šni, heon etanhan.
6 Wiyacinpi kin
de Jesus ecen ewicakiya; tuka taku owicakiyake cin hena okahnigapi šni.
7 Hehan ake
Jesus hewicakiya; Wowicake, wowicake on heciciyapi, Tahcaska tipi tiyopa kin he
miye ce.
8 Tona mitokam
hipi kin hena owasin waboticapi qa wamanonpi kin hecapi; tuka tahcaska kin
anawicagoptanpi šni.
9 Tiyopa kin he
miye; tuwe miye eciyatanhan ti iyohpaye cinhan ni kta; qa niahen ye ca tankata
inanpa eca wato tanyan iyeye kta.
10 Wabotice cin
he wamanonpi, tin wicaktepi, waihangyapi henakiya on hi ece; wiconi yuhapi kta,
qa takudan icakije šni unpi kta e heon miye wahi.
11 Waawanhdake wašte
kin he miye. Waawanhdake wašte kin he tahcaska kin on wiconi tawa ehpekiya.
12 Tuka tuwe
odotapi un, qa waawanhdake kin ee šni, qa tahcaska tawa šni kin he šunktokeca
en u wanyaka eca, tahcaska kin ehpewicaye ca najica ece; unkan šunktokeca
iyawicahpaye ca ihangwicaya ece.
13 Odotapi un
kin he wodotapi un, qa tahcaska kin ihnwicakta šni, heon etanhan napa ece.
14 Waawanhdake wašte
kin he miye, qa tahcaska mitawa kin hena sdonwicawakiya, qa mitawa kin iš nakun
sdonmakiyapi ece.
15 Ate token
sdonmakiye cin he iyecen miš Ate kin sdonwakiya; qa tahcaska kin hena on wiconi
mitawa kin ehpewakiya.
16 Qa tahcaska
toktokeca nakun wicamduha, opehe kin den un šni: hena nakun awicawahi kta,
hecen miho kin nahonpi kta; hetanhan opehe wanjidan kta, qa waawanhdake
wanjidan kta.
17 Wiconi
mitawa ehpewakiye ca, ake ewehdaku kte cin, heon Miate waštemakidaka.
18 Tuwedan ho
maki kte šni; qa miye cinka he wicawaku; he amduštan kte cin owakihi, qa
ewehdaku kte cin nakun owakihi; Miate woahope de hecen econ maši ce, eya.
19 Akeš wicoie
kin dena on Judi kin akipam tawacinpi.
20 De taku
wakanšica wan yuha, qa he ihnaškinyan, tokeca e nayahonpi he? wicota eyapi.
21 Tuka apa iš,
Tuwe wakanšica yuhe cin decen oieye šni ece; taku wakanšica cin he ištagongapi
išta wicakiyukawa okihi kta he?
22 Qa he
Jerusalem en kicicopi yuwakan tawa kin un; unkan waniyetu.
23 Unkan
icunhan tipi wakan ohna, Solomon tiyopa aohanziyapi tawa qon he en Jesus omani.
24 Hehan Judi
itan ihdukšan himniciyapi qa heciyapi; Tohanyan wacin akipam yusunyakiyapi he? Messiah
kin he niye hecinhan taninyan unkokiyaka po.
25 Jesus
awicayupta: Miye ociciyakapi tuka wicamayadapi šni qon; Miate caje kin eciyatanhan
wicohan ecamon kin hena omayake cin ee.
26 Tahcaska
tawa wicawaye cin he oyapapi šni, he etanhan wicamayadapi šni, eciciyapi qon he
iyececa.
27 Tahcaska
mitawa kin miho kin nahonpi, qa hena sdonwicawakiya, qa mihakam unpi.
28 Qa owihanke
wanin wiconi wicawaku; qa icimana owihankepi kte šni, qa minape kin etanhan
tuwedan wicayušpe kte šni.
29 Miate hena
maku kin he taku owasin sam iyeya tanka; qa Ate nape kin etanhan tuwedan wicayušpa
okihi šni.
30 Miye, qa
Miate cin unwanjipidan. eya.
31 Hehan Judi
ake inyan icupi, on kininpi kta e heconpi.
32 Unkan Jesus
awicayupta; Miate eciyatanhan wicohan wašte ota cicipazopi; hena tukte wanji on
nakaha inyan on mayakininpi kta he?
33 Judi
ayuptapi, heyapi; Wicohan wašte on unnicininpi kte šni, tuka iapi šica on, qa
winicašta tuka Wakantanka nicicage cin heon etanhan.
34 Jesus
awicayupte; Taku wakanpi kin henicapi, eciciyapi ce, he woope nitawapi kin en
hecen kagapi šni he?
35 Hecen tona
Wakantanka oie kin en wicahiyohi kin hena taku wakanpi ewicakiya hecinhan, qa
wowapi wakan kin he yujujupica šni;
36 Hecen tuwe
Ateyapi kin hduwakan qa makata u ši kin he, Wakantanka Cinhintku kin he miye
ce, epe ciqon, heon, Taku šica eha ce, token eyakiyapi kta he?
37 Ate ohan kin
hena ecen ecamon šni kinhan, wicamadapi šni po.
38 Tuka hecen
ecamon kinhan, miye wicamayadapi šni ešta, wicohan kin hena wicada po; hecen Atewaye
cin micica, qa miye he wecica, heciyatanhan sdonyayapi qa wicayadapi kta ce.
39 Heon etanhan
nakun ake iye icu wacinpi; tuka napepi kin etanhan ihdušpa.
40 Qa ake
hetanhan Jordan wakpa kin he en, Johannes baptem wicaku ece qon he en i, qa en
ounyan.
41 Unkan wicota
en hipi qa heyapi; Johannes takudan wapetogya ecen econ šni, tuka Johannes wicašta
kin de etanhan tona oyake cin owasin wowicake.
42 Unkan hen
wicota iye wicadapi en.
JOHANNES
WICOWOYAKE 11.
1 Unkan wicašta wan wayazanka, Lazarus
eciyapi, Bethany hetanhan, Mary qa cunku Martha totonwepi kin hee.
2 (Mary wisdaye
on Itancan kin sdaye ca, paha kin on siha kin kipakinta, Lazarus he
hunkawanjitku wayazanke cin hee.)
3 Unkan
tawinohtinpi kin, Itancan, wicašta wan wašteyadake ciqon he wayazanka, eya hoši
kaipi.
4 Jesus nahon
unkan hecen eya, Wowayazan kin he wiconte ekta šni, tuka he Wakantanka towitan
kin ee, qa heon Wakantanka Cinhintku kin yuwitanpi kta.
5 Martha, qa
iye tawinohtin tawa, qa Lazarus, Jesus waštewicadaka.
6 Wayazanke cin
nahon, tuka anpetu nonpa ekta ye šni yanka.
7 Hehan Jesus
waonspewicakiye cin hewicakiya; Judea ekta unhdapi kta.
8 Unkan
waonspewicakiye cin heciyapi; Itancan, nahanhin aškatudan Judi kin inyan on
nicininpi akitapi, qa ake ekta hde wacanni he?
9 Jesus
waayupte; Anpetu kin, wihiyayedan oape akenonpa šni he? tuwe anpetu icunhan
mani kinhan našna šni ece; makata iyoyanpa kin he wanyaka heon.
10 Tuka tuwe
hanyetu mani kinhan hee našna kta, iyoyanpa takudan en un šni kin heon.
11 Hena hecen
eya; qa hehan iyohakam hewicakiya; Lazarus koda unyanpi qon ištinma, ekta mde
ca mduhice kta ce.
12 Hehan
waonspewicakiye cin, Itancan, ištinma hecinhan he hecetu kta ce, eyapi.
13 Hecašta iye
ta e Jesus heya; tuka ištinmapi on oziiciya e heya kecinpi.
14 Unkan hehan
Jesus taninyan hewicakiya; Lazarus ta ce:
15 Qa he
icunhan hen waun šni kin heon niyepi en wimduškin, hecen on wicayadapi kta.
Hecaš, ekta iye unyanpi iyaye kta.
16 Hehan Thomas
Didymus eciyapi kin he waonspewicakiye unmapi kin hewicakiya; Ekta unyanpi, qa
kici untapi kta ce.
17 Unkan Jesus
en u qehan, hapi etanhan wanna topa can he sdonya.
18 Jerusalem Bethany
ikiyedan, wiyutapi akezaptan ecetu hehanyan.
19 Unkan Martha
Mary kici yukanpi en Judi wicota magagaye wicaipi, hunkawanjitkupi kin heon.
20 Jesus en u
Martha nahon icunhan tohan, unkan itkokim ya; tuka Mary e timahen iyotanka
yanka.
21 Hehan Martha
Jesus heciya; Itancan, den yaun unkanš, mihunkawanji te kte šni tuka;
22 Tuka
detanhan taku Wakantanka yakida kinhan, Wakantanka nicu kta e sdonwaya ce.
23 Nihunkawanji
ekicetu kta, Jesus eciya.
24 Eya
woekicetu anpetu ihankeya kin hehan ekicetu kta e sdonwaya, Martha heciya.
25 Unkan Jesus
heciya; Woekicetu qa wiconi kin he miye, tuwe wicamada kinhan toke hin ta ešta
ni kta.
26 Qa tuwe ni
un, qa wicamada kinhan icimana te kte šni. He wicayada he?
27 Han, Itancan;
Messiah Wakantanka Cinhintku makata hi kte ciqon he niye e wicawada ce, eciya.
28 Unkan hena
hecen eya, hehan hde ca, tawinohtin Mary anahbeyahan kico, qa heciya; Itancan
kin den un, qa nico ce.
29 He nahon iye
icunhan tohan, iye ohankoya najin hiyaye ca ekta ya.
30 Nahanhin
Jesus otonwe kin ehan šni, tuka Martha itkokipe ciqon he en un.
31 Hehan Judi
tipi en, qa magagayapi, he icunhan Mary ohankoya najin hiyaye cin wanyakapi
qehan, ihakam iyayapi qa, Iye wicahapi kin ekta ceye kta e ekta ya, eyapi.
32 Jesus najin
kin Mary ehan i, qa wanyake cehan, ihukuya canpeška makehde ehpeiciye ca, Itancan,
den yaun unkanš, mihunkawanji te kte šni tuka, eciya.
33 Mary ceye
cin he Jesus wanyake ca, Judi kici ipi kin hena nakun ceyapi; iye woniya en
comnihdazi, qa ihniyanyan.
34 Qa tokiya
eyahnakapi he? eya. Unkan, Itancan, ekta u qa wanyaka ye, eciyapi.
35 Jesus ceya.
36 Hehan Judi
kin heyapi; Wanyaka po, ehan qon waštedake hinca ce!
37 Qa iyepi
wanjikji, Wicašta išta aohduta ee kaeš yukawa, wicašta kin de te šni unkiya
okihi kta naceca ce? eyapi.
38 Ake Jesus
iye atayedan comnihdazi, qa wicahapi kin en ya. He imnija ohdoka ohna hnakapi,
qa inyan wan tanka aokatinzapi.
39 Inyan kin
tokan iyeya po, Jesus eya. Wicasta te cin tawinohtin Martha heciya, Itancan,
iye iyehantu de iyehan iye šicamna, iye ta topa anpetu kta he nakaeš.
40 Wicayada
kinhan, Wakantanka towitan wandake kta ce, eciciye šni he? Jesus eciya.
41 Hehan inyan
kin tokan iyeyapi; ta kin wanke cin etanhan. Unkan Jesus išta yuwankan ikikcu,
qa heya; Ate ciyawašte, namayahon kin heon;
42 Qa ohinniyan
namayahon kin he sdonwakiya; tuka oyate kin en icahda najinpi kin de, miye he
eya, he niye u mayaši kin wicadapi kta e on hepe.
43 Hecen eye ca
hehan, Lazarus, u wo, iye hotanka wan kici eya niya.
44 Unkan iye te
cin tankata hninanpa, siha nape ko pahtapi, qa ite opemni tonpi kin hena ecehna.
Kiyuškapi qa ayuštan po, iyaye kta, Jesus ewicakiya.
45 Hehan wicota
Judi tawa Mary kici ipi qon, hena Jesus taku econ kin he wanyakapi, iye
wicadapi en.
46 Tuka
wanjikji Pharisee kin ekta wicakipi, qa Jesus taku econ kin owicakiyakapi.
47 Hehan wicašta
wakanpi itancapi kin Pharisee kin ko mniciyapi qa, Token econkupi he? wicašta
kin de taku wapetokeca ota econ kin, eyapi.
48
Iyowinunkiyapi ayušan kinhan wicašta owasin wicadapi kta; kinhan Romi kin den
upi kta, qa otonwe kin de unkasotapi, qa nakun unkitaoyatepi kin hena ko.
49 Hehan wanji Caiaphas
eciyapi waniyetu kin he en wošnapi kagapi itancan kin hee hewicakiya; Takudan
oyakahnigapi šni.
50 Qa nakun
awacannipi šni, wicašta wanjidan oyate on te cinhan, hecen on oyate kin wicašta
wanji wicate kte šni, he unkiyepi kin on hecetu kta ce, eya.
51 lye etanhan
on hecen eye šni, tuka omaka kin he en wicašta wakan itancan kin heon, Jesus
oyate kin on te kte cin he iyukcanyan heya.
52 Qa oyate de kin
heceedan šni, tuka Wakantanka cinca omdecahe cin hena owasin wanjidankiya
kiwitaye kta.
53 Hehan anpetu
kin hetanhan witaya akitapi, teyapi kte cin heon.
54 Heon etanhan
Jesus Judi kin wicehna taninyan omani šni, tuka makoce wan hewoskan ikiyedan
wanke, otonwe tanka wan Ephraim eciyapi kin he ekta ya, qa waonspewicakiye cin
om he en un.
55 Unkan Woacakšin
Judi tawa wanna ikiyedan aya; unkan wanna kayehan wicota Jerusalem en kata iheya
aya, Woacakšin kin itokam piiciyapi kta.
56 Hehan Jesus
akitapi, qa tipi wakan kin ohna najinpi icunhan iyakitedan hekiciyapi; Token
idukcanpi he; kicicopi kin en u kte šni he?
57 Wicašta
wakanpi itancapi kin Pharisee kin sakim ko wanna woahope wan ku he, tuwe Jesus
tukten yanka sdonye cinhan, he oyake kta, hecen yuzapi kta.
JOHANNES
WICOWOYAKE 12.
1 Woacakšin kin
itokam šakpe can, hehan Jesus Bethany en i, tukten Lazarus un, tukte ta
iyopaštaka un, tuka ekicetuyapi en un qon otonwe kin hee.
2 Unkan hen
htayetu wotapi wan kicagapi, qa Martha e wapamni; tuka kici iyotang wotapi kin
Lazarus wanji hee.
3 Hehan Mary
spikenard wisdaye tawa qa taku ota iyopeyapi, tke utapi wanjidan, he icu qa on,
Jesus siha kin sdakiye ca, iye paha kin on siha kipakinta; unkan ecamna kin
tipi kin ojudan.
4 Hehan Simon
cinhintku, Judas Iscariot eciyapi, waonspewicakiye cin wanji hee, wiyopeye kte
cin hee hecen eya;
5 He tokeca
wisdaye kin he kašpapidan opawinge yamni iyopeyapi, qa wahpanicapi kin wicakupi
šni he?
6 He wamanon
heca, qa opiye yuhe ca, taku ohna omnayan, heon hecen eya; wowahpanica kin
incantowicahnake cin heon heye šni.
7 Hehan Jesus
heya; Iye ayuštan wo; anpetu wan mahnakapi kte cin he en amayuhe cin hee ce.
8 Tokešta
wowahpanica ohinni wicaduhapi kta; tuka miye e ohinniyan mayaduhapi kte šni.
9 He icunhan
hen un kin Judi wicota tawa sdonyapi; unkan Jesus ecedan on en hipi šni, tuka Lazarus,
wiconte etanhan najinkiye ciqon, he wanyakapi kta on etanhan.
10 Unkan
wicašta wakanpi itancanpi kin Lazarus nakun teyapi kta akitapi:
11 Hee iye
nakun on Judi ota hduheyapapi, qa Jesus wicadapi en.
12 Ihannanna wicašta
ota kicicopi kin en hipi kin hena, Jesus Jerusalem etkiya u nahonpi hehan,
13 Canwapaicadu
can etanhan canhaka icupi, qa itkokim yapi, qa panyanhan heyapi; Hosanna, Wicaštayatapi
Israel tawa, Itancan caje kin on u kinhan, he yawaštepi nunwe.
14 Unkan Jesus
šonšonna aškatudan wan iyeya, hehan akan iyotanka; hecen wowapi kagapi qon;
15 Zion cunwintku
ihnuhan koyakipe cin; iho, Wicaštayatapi nitawa šunka šonšona cinca wan akan
yanka u ce.
16 Dena taku
kin tokaheya waonspewicakiye cin okahnigapi šni; tuka Jesus yutanpi hehan hena
hecen wowapi en kagapi qon, qa nakun hena ecen ecakiconpi kin, hehan kiksuyapi.
17 Heon oyate
kicicapi kin, Lazarus wicahapi tuka kipan, qa wiconte etanhan ekicetuye ciqon,
hena he yaotaninpi.
18 Qa heon oyate
kin itkokipapi, taku wapetokeca tanka kin de econ nahonpi kin heon.
19 Unkan heon
etanhan Pharisee kin iyakitedan hekiciyapi; Wanyaka po, takudan oyakihipi šni?
iho, makata kin he ihakam iyayapi.
20 Heleni kin
etanhan wanjikji wošnapi kin icunhan en ohodapi kta e ekta itanwankanhde upi;
21 Hena eepi
Philip, Bethsaida Galilee tawa etanhan, he en ipi, qa, Itancan, Jesus
wanunyakapi uncinpi ce, eciyapi.
22 Philip u, qa
Andrew okiyaka; qa hehan Philip qa Andrew Jesus okiyakapi.
23 Unkan Jesus
awicayupte, heya; Oape kin en Wicašta Cinhintku kin yutanpi kte cin wanna
hiyohi.
24 Wowicake,
wowicake eciyatanhan heciciyapi; Anoge wan aguyapisu tawa maka ekta ehpeyapi, kte
šni kinhan, išnana un kta; tuka te cinhan ota icahye kta.
25 Tuwe wiconi
kin de waštekida kinhan, toki ehpeye kta; qa tuwe makata kin den wiconi šicekida
kinhan, hee owihanke wanin wiconi ekta akpatan kta.
26 Tuwe omakiye
kta cin kinhan mihakam un kta; qa tukten waun hecinhan mitaokiye kin iš nakun
hen un kta; nakun tuwe omakiye kta hecinhan, Miate wicašta kin he yuonihan kta.
27 Wanna minagi
kin nagiyeyapi, hecen token epe kta he? Ate, oape de etanhan emahdaku wo: tuka
heon oape de en wahi ce.
28 Ate nicaje
kin hdutan wo. Unkan mahpiya kin eciyatanhan wicaho wan u qa; Miye sakim
wahdutan kta, he nakun wahdutan kta.
29 Unkan oyate
en najinpi kin he nahonpi qa, he wakinyan hoton, eyapi: ohnihde wakan wan heca
e okiya ce, apa eyapi.
30 Unkan Jesus
waayupte ca heya; Wicaho kin de miye make šni, tukte he niye nicapi.
31 Wanna makata
de wicayacopi he; qa wanna itancancinca makata de tawa kin tankan ehpeyapi.
32 Qa tohan
maka kin detanhan wankan emahdepi kinhan, wicašta kin owasin miye en iwicawacu
kta.
33 Wiconte kin
tukte on te kte cin he ka e hecen eya.
34 Oyate kin
ayuptapi; Woope kin eciyatanhan, Messiah owihanke wanin un kta ce, eyapi
naunhonpi; hecen, Wicašta Cinhintku kin wankan ehdepi kta ce, token on hecen
eha he? Wicašta Cinhintku kin he tuwe he?
35 Hehan Jesus
hewicakiya; Iyoyanpa kin ehake cistiyedan nicipi un; iyoyanpa duhapi kin
icunhan en omani po; otpaze cin iyapaštag niyanpi nun ce; tuwe otpaza icunhan omani
kin he tokiya ye cin sdonye šni.
36 Iyoyanpa
duhapi kin en iyoyanpa kin he wicada en po, hecen on iyoyanpa cinca tawa kin
kta ce. Jesus hena hecen eye ca, hehan iyaye ca inahbe wicakiya.
37 Taku
wapetokeca ota econ, qa wanyagwicaya, tuka wicadapi en šni.
38 Hecen Isaiah
wicašta wokcan kin taku eye ciqon wanna iyecetu; Itancan, tuwe wounyakapi kin
wicada he? qa tuwe en Jehovah hupahu kin yutaninpi he?
39 Qa heon
etanhan wicadapi kta okihipi šni; heon Isaiah ake hecen eya;
40 Išta gonge
tawapi he ca, cante kin tawapi yusuta he: hecen išta on wiwanyakapi kte, qa
cante on takudan yukcanpi kte šni, qa ihduecetupi kte šni, qa hecen wokiziwicawaye.
41 Towitan kin
he Isaiah wanyake ciqon he ehan hena hecen ekiciya.
42 Hececa tuka wawidakepi
itancanpi etanhan wicota iye wicadapi en; tuka Pharisee kin hena on etanhan
yaotaninpi šni, omniciye tipi kin etanhan tankan iyewicayapi kta ikopapi heon.
43 Wicašta
akantu yaonihanpi kin he waštedapi, sanpa Wakantanka wicayaonihan kin he iš
waštedapi.
44 Hehan Jesus
panyanhan qa heya; Tuwe miye wicamada en kinhan, he miye wicamada en šni, tuka
tuwe u maši kin hee wicada en ece.
45 Qa tuwe wanmayake
cin he nakun tuwe u maši kin he wanyaka.
46 Miye makata
kin iyoyanpa wahi; hecen tuwe miye wicamada en kinhan he otpaza en omani kte
šni.
47 Qa wicašta
kašta mioie kin nahon, qa wicada šni, iye mdaco šni; makata kin wicayacopi kin
heon wahi šni, tuka makata kin nikiya hee on wahi.
48 Tuwe amaktašni,
qa mioie kin icu šni kinhan he tuwe yaco kte cin hduha; wicoie omdake cin
anpetu ihankeya kin en yaco kte cin hee.
49 He miye
cinka hecen oiewaye šni; tuka Ate u maši kin he, iye oahope wan miye ku, taku
epe kte ca taku omdake kte cin.
50 Qa woahope
kin he owihanke wanin wiconi e sdonwaya. Token epe cin hena, Ate kin hena hecen
emakiya, heon etanhan hecen epa ece.
No comments:
Post a Comment