JOB
WICOWOYAKE 1.
1 Uz makoce kin
en wicašta wan Job eciyapi: unkan wicašta kin he ocowasin qa ecetu, nakun
Wakantanka kokipe ca taku šica icunonpa iyaya ecee.
2 Unkan
cinhintku šakowin qa cunwintku yamni kicitonpi.
3 Nakun
tawanunyanpi kin hena tahinca wanunyanpi kektopawinge šakowin, qa cankahupajopi
kektopawinge yamni, qa tatankapi wosdohan kiciyakaškapi kin opawinge zaptan,qa šonšonnawiye
opawinge zaptan, qa taokiye ota hinca: hecen wicašta kin de wiyohiyanpata cinca
owasin isanpa tanka.
4 Unkan
cinhintku iyayapi, qa otoiyohi iye taanpetu en tipi tawa ohna wotapi ece: qa nakun
tawinohtin yamnipi hena wahowicayapi qa om wotapi kta, qa wayatkanpi kta e
wicakicopi.
5 Unkan kaketu,
wotapi anpetu kin wanna ohomni iyayapi hehan Job wahowicaya qa wicayuwakan, qa
hauhannahin kikta, qa owasin iyawa iyecen wohuhnaire woshapi kin
wawicakiciyusna ecee. Job hecen eya nakaeš; Okinni micinkši wahtanipi, qa iye
cantepi etanhan Wakantanka ehpeyapi naceca. Anpetu owasin Job hecen econ ece.
6 Unkan anpetu
wan Wakantanka cincapi Jehovah itokam eicihdepi kta hiyupi; qa Satan iš eya
owicapeya hi.
7 Unkan Jehovah
Satan heciya;: Tokiyatanhan yau he?Hehan Satan Jehovah ayupta, qa, Maka kin en
omawani qa ohna ohnihdeya waun kin hetanhan, eya.
8 Unkan Jehovah
Satan heciya; Job mitaokiye kin he nicante on awacanni he, maka akan tuwedan
iyecece šni, wicašta ocowasin qa ecetu, Wakantanka kokipe ca taku šica icunonpa
iyaya ecee?
9 Unkan Satan Jehovah
ayupte ca heya; Taku šni on Job Wakantanka kokipa he?
10 lye hinca ihdukšan
conkaške wan yakage šni he, qa iye ti kin ihdukšan, qa taku tawa iyuhpa
iyohomni? iye nape ohan kin duwašte, qa tawanunyanpi kin maka akan yuotapi
ecee.
11 Tuka wanna
ninape ekta yekiye ca taku tawa owasin yutan wo, kinhan awicakehan niite itokam
ehpeniye kta.
12 Unkan Jehovah
Satan heciya; Iho, taku tawa iyuhpa ninape ohna yanka; tuka iye hinca ihnuhan
nape ayahnake cinhan. Hecen Satan Jehovah itokapatanhan tankan iyaya.
13 Unkan anpetu
wan, hehan cinhintku qa cunwintku timdoyapi tokapa tipi kin ohna wotnpi qa miniša
yatkan yukanpi.
14 Unkan wahoši
wan Job en hi qa heya; Tatankapi wosdohan kin hena manyumdupi, qa šonšonna kin
is wicikiyedan wihanpi:
15 Unkan
Sabeani watakpe upi qa ewicayakupi: han, mazasagye hi kin on hokšipidan
wicaktepi; qa miye mišnana nawajica ociciyake kta e wahihbu ce.
16 De iahan
ieunhan nakun wanji hi, qa heya; Peta Wakantanka tawa kin mahpiya eciyatanhan
hinhpaya, qa tahinca wanunyanpi hokšipidan ko huhnahwicaya qa ihangwicaya; qa
miye mišnana nawajica ociciyake kta e wahihbu ce.
17 He qe iahan
ieunhan nakun wanji hi qa heya; Chaldeani kin ozuye yamni kagapi, qa cankahupajopi
iyawicahpayapi qa akiyahdapi; han, hokšipidan mazasagye hi on wicaktepi; qa
miye mišnana nawajica ociciyake kta e wahihbu ce.
18 He qe iahan
ieunhan nakun wanji hi qa heya; Nicinkši qa nicunkši timdoyapi tokapa tipi kin
ohna wotapi qa miniša yatkan yukanpi:
19 Unkan iho,
tate wan tanka hinca hewoskan tanhan u, qa tipi oise topa kin en iyapa, qa koška
kin awicahinhpaya, hecen hena tapi; unkan miye mišnana nawajica, ociciyake kta
e wahihbu ce, eya.
20 Hehan Job
najin hiyaya qa iye tašina hduhdehdeca, qa pa hdasan, qa makata hinhpaya qa
cekiya;
21 Qa heya; Ina
itpi kin etanhan tancodan hibu, qa ake tancodan ekta wahde kta: Jehovah
wawicaqu ece, qa Jehovah waehdaku; Jehovah caje kin yawaštepi nunwe.
22 Dena owasin
on Job wahtani šni, qa wowitkotkoka Wakantanka qu šni.
JOB WICOWOYAKE
2.
1 Akes anpetu
wan hehan Wakantanka cincapi kin Jehovah itokam eicihdepi kta hiyupi, unkan hena
owicapeya Satan iš eya Jehovah itokam eicihde kta hiyu.
2 Unkan Jehovah
Satan heciya; Tokiyatanhan yau he? Unkan Satan Jehovah ayupte ca, Maka kin en
omawani qa ohna ohnihdeya waun kin hetanhan, eya.
3 Unkan Jehovah
Satan heciya; Job mitaokiye kin nicante on awacanni he, maka akan tuwedan
iyecece šni, wicašta ocowasin qa owotanna, Wakantanka kokipe ca taku šica
icunonpa iyaya ece? qa taku on etanhan šni ihangwaye kta icantahdemayaya qeyaš
hinyahin toowotanna en wašagiciya ce.
4 Unkan Satan Jehovah
ayupte ca heya; Wawaha wawaha on, han, taku wicašta yuhe cin iyuhpa iye nagi on
qu kta.
5 Tuka wanna
ninape yekiye ca iye hu qa cehpi kin yutan wo; kinhan awicakehan niite itokam
ehpeniye kta ce.
6 Hehan Jehovah
Satan heciya; Iho, ninape ohna yanka; tuka iye nagi kin patan wo.
7 Hehan Satan Jehovah
itokapatanhan tankan kihda, qa šiyakao šica on Job apa, šicuha etanhan pesdete
hehanyan.
8 Unkan maka
cega onspa icu, on ihdaqoge kta, qa cahota ehna iyotanka.
9 Hehan tawicu
kin heciya; Hinyahin nitoowotanna en nihduwašaka he? Wakantanka ehpeye ca ta
ye.
10 Tuka Job
heciya; Winohinca witkotkoka ie cin iyecen iyaa. Taku? Wakantanka etanhan taku wašte
unkicupi kta he, qa taku šica nakun unkicupi kte šni he? De ocowasin en Job iye
iha on wahtani šni.
11 Hehan Job
takodaku yamni, taku šice cin de owasin akipa nahonpi qehan, otoiyohi iye tohe
kin etanhan hiyupi; Eliphaz Temani, qa Bildad Šuhi, qa Zophar Naamathi: hecen
wahokiciyapi, ihduwitayapi kta, onšikidapi kta e ekta yapi kta, qa kici ceyapi
kta.
12 Unkan
itehanyan išta yuwankan ikikcupi qehan, qa iyekiyapi šni, hehan ho hdawankan
iyeyapi qa ceyapi; qa otoiyohi tašina hduhdehdecapi, qa iye pa akan maka
ahdadapi, mahpiya ektakiya.
13 Hecen kici
makata iyotan! kapi anpetu šakowin qa hanyetu šakowin; qa tuwedan wicoie
wanjidan eciye šni; wayazanke cin he tanka hinca wanyakapi nakaeš.
JOB WICOWOYAKE
3.
1 He iyohakam
Job taanpetu kin hdašice kta e i hdukawa.
2 Qa Job oyaka,
qa heya:
3 Anpetu en ma
ton pi qon he ataknni šni nunwe; Qa hanyetu, Wicacinca wan icaga ce, eye ciqon.
4 Anpetu kin he
otpaza icage kta: On Wakantanka wankantanhan wiwange kte šni; Qa iyoyanpa kin
aojanjan šni nunwe.
5 Otpaza qa
wiconte ohanzi opekiton kta: Mahpiya šapa wan aunyan nunwe: Anpetu aohanzi kin
hena wakokipe kicage kta.
6 Hanyetu kin
he, otpaza iyahpaye kta: Owaniyetu anpetu kin ehna kokijuyapi kte šni: Wi
yawapi kin en u šni nunwe.
7 Iho, hanyetu
kin he wicaton wanice kta: Wowiyuškin ho kin en u šni nunwe.
8 Tona anpetu
yašihtinpi ecee kin he yašicapi kta: u kte hiyuhica wayupikapi kin hena.
9 Anpao wicanhpi
tawa kin he aotpasyapi nunwe; Iyoyanpa cantokpani kta, tuka wanice kta: Qa
anpao istojuha kin wanyake šni nunwe.
10 Ohna ina
tamni tiyopa tawa kin nataka šni nakaeš: Qa woiyokišice miišta anakicihbe šni.
11 Tokeca ikpi
kin etanhan mate šni he? Tamni etanhan hibu qa ta imdamde šni he?
12 Tokeca
wicapahu kin itkomakipa he? Qa tokeca azepinkpa, hecen awazin kta he?
13 Unkanš wanna
iwanka owanji ca inina waun kta; Miš tinbe kta: hehan ozimiciye kta tuka;
14 Wicaštayatapi,
qa maka akan waaiapi, otiwota icicagapi kin hena om;
15 Qa wicašta
ihdawa mazaskazi yuhapi, iye tipi mazaska on ojuyapi kin hena om:
16 Qa i okaškan
tonpi wan hapi kin iyececa, en waun kte ni; hokšiyoqopa tohinni iyoyanpa
wanyakapi šni iyececa.
17 Heciya šicapi
kin wanagiyeya ayuštanpi; Qa hen mdokitapi kin oziiciya wankapi ecee.
18 Wicakaškapi
kin opeya ozikiyapi; Wakahape ho kin nahonpi šni ecee.
19 Wicacistinna
qa wicatanka kin hen akiyececapi: Qa wowidake kin yuhe cin etanhan kiyuškapi.
20 Tokeca
kakisyapi un kin iyoyanpa qupi he: Qa wiconi, wicanagi iyokišica un kin:
21 Wiconte
cantokpanipi, tuka wanica; Qa taku woha en un kin isanpa he odepi ece:
22 Hena nina wiyuškinpi
ecee; Wicahapi iyeyapi kinhan cante waštepi hinca ecee?
23 Wicašta wan
tacanku akahpapi,qa tuwe Wakantanka cankaške cin he?
24 Comniwahdazi
kin wawate cin itokam u nakaeš; Qa wasicahowamde cin mini iyecen ikpapson ecee.
25 Wokokipe wan
kowakipa. tuka en amau; Qa taku on nihinciya waun kin he en mahi nakaeš.
26 Tanyan waun šni,
qa owanji manke šni, qa ozimiciye šni, tuka wonihinciye hi.
JOB WICOWOYAKE
4.
1 Hehan Eliphaz
Temani kin waayupte ca heya:
2 Tuwe wicoie
wanji oniciya hecinhan iyokisinniye kta he? Tuka ie šni un kta tuwe okihi kta
he?
3 Iho, wicota
waonspewicayakiya; qa nape wašake šni kin hena duwašaka ecee.
4 Tuwe našnašna
kin he nioie najinkiya; qa hupahu wašake šni kin niye duwašaka ece.
5 Tuka wanna
niye en nihi, unkan iyonicišica; niye nicahtaka, unkan nicancan.
6 Wakoyakipe cin nitowašake, nitowacinye qa
nitacanku toowotanna kin hee šni he?
7 Wanna kiksuya
wo; tuwewe iyaonpepica šni un atakuni šni he: Qa tohinni tona owotanpidan kin
ihangyapi he?
8 Token wanmdaka
eca, tona woahtani ayumdupi, qa woiyokišice ojupi eca, he qe mnakiyapi ecee.
9 Wanakntanka
oniya tawa kin on atakunipi šni: Iye tocanteptanye tateyanpa kin on ihangyapi
ecee.
10 Mnaja hoton
kin, qa mnaja wohitika ho kin, qa mnaja koška hinske kin yujunpi cee.
11 Tado wanica
on mnaja kin omani un; qa mnaja cincapi enanakiya iyewicayapi ece.
12 Unkan miye
en wicoie wanji nahmana hi; qa hetanhan ojijipi: minoie nahon:
13 Hanyetu
owanyake etanhan awacinpi kin en, woistinbe wicašta ahinhpaya hehan:
14 Wonihinciye
wan amakipa, qa wicacancan, qa mahuhu kin iyuhpa cancan makiya:
15 Hehan tate
wan miite akan imayaya; Micehpi hin kin jijiya i hiyeya:
16 Ho owanji
najin, tuka owanyake kin iycwakiye Šni: Wakagapi wan miišta itokam yanka:
Oinina, unkan wicaho wan nawahon:
17 Wicašta wan
Wakantanka isanpa owotanna kta he? Qa wicašta wan Waicahye tawa kin isanpa ska
kta he?
18 Iho, iye
taokiye wicaye wacinwicakiye šni, qa tawahošiye kin hena woahtani wicakieiyawa
ece.
19 Nakun isanpa
tona maka tipi en ounyanpi kin; toicagapi kin maka mdu en un; wamdudankinyan
itokam namdumdupi ecee kin.
20 Hanhanna
tanhan htayetu hehanyan wicakasusujapi; tuwedan awacin šni, hena ohinniyan
atakunipi kte šni.
21 Taikanpi kin
kipaksapi šni he? Hena tapi, tuka wokšape en un šni.
JOB WICOWOYAKE
5.
1 Wanna pan wo
kinhan tuwe aniyupte kta he; Qa wakanpi kin wanji tukte e ekta nihduhomni kta
he?
2 Awicakehan
wocanniye witkotkoke cin ihangya; qa wowinawizi he ksape šni kin kte ece.
3 Miš miye
hinca witkotkoke cin icah aya wanmdaka: Tuka ihnuhanna ounye cin he mdašica.
4 lye cinca kin
wanikiyapi itehan unpi; qa otonwe tiyopa ohna wicakasujapi, tuka waeyaku
wanica.
5 Woksapi tawa
kin he wotektehda temye kta; qa eqe wapepeka ehna tanhan icupi kta; qa tawahpayapi
kin he woihangye yapa ece.
6 Wošice
watusekseca etanhan inanpe šni; qa woiyokišice maka kin etanhan icage šni qeyaš:
7 Tuka wicašta
akantu woiyokišica aicaga ece, wakanhdi cinca wankan kinyan iyayapi iyececa.
8 Hececa ešta
miye qe Wakantanka kin en mde kte hinca; qa wicoie mitawa Wakantanka waqu kta.
9 lye taku
tanka qa okahnihpica šni econ ece; taku wowinihan kin yawapica šni.
10 Maka ite kin
akan maiaju wicaqu, qa mini kin ma; u akan iyayeya ece:
11 Kun unpi kin
hena wankan ewicahdekta; hecen tona kihdapapi kin hena wowanikiye ekta wankan
iyewicayapi kta.
12 He qe
wahnayan tawacinpi kin yutakuni šni; hecen iye napepi woecon hduštanpi šni ece.
13 He qe
ksapapi kin wohnaye tawapi en wicayuza ece: Qa wacinskopa tawowahokonkiye kin
he inahni ece.
14 Anposkantu
eca otpaza akipapi ece; qa wiyotanhan hehan yutantanpi, hanyetu en iyececa.
15 Tuka
mazasagye kin etanhan onšikapi kin ewicahdaku, iye ipi kin etanhan, qa nape wašaka
kin etanhan.
16 Hecen wašake
šni un kin wowacinye yuha; qa wošice iyohmus hduza ecee.
17 Iho,
Wakantanka wicašta kaštake cin he yuwaštepi ece: Heon Iyotan Wašaka
tawowahokonkiye kin he šicedake šni wo.
18 Iye qe
wakiunniyan, tuka ake pawicahta: wicakaštaka, tuka iye nape okiziwicaya ecee.
19 Wokakije šakpe
en enihdaku kta: Han, šakowin en taku šica niyutan kte šni:
20 Wicaakihan
en wiconte etanhan openiciton kta; qa kicizapi en, mazasagye nape kin etanhan.
21 Wicaceji
wicayahtake cin etanhan nanihmanpi kta: Qa woihangye u kinhan, he koyakipe kte
šni.
22 Woihangye qa
wotektehdapi on iyaha kta; Qa maka wamanica kin hena on takudan koyakipe kte šni.
23 Tinta inyan
kin hena kici odakonyaya nakaeš: Qa tinta wamanioa kin om wookiye duha ecee
kta.
24 Nakun nitawakeya
kin he wookiye ee sdonyaye kta: Qa wihanpi nitawa wanhdag yai kta, qa wayahtani
kte šni.
25 Nakun
nitoicage kin he ota sdonyakiye kta: Qa nicinca kin maka wato kin iyecece kta.
26 Tanyan
wicahinca wahapi kin en yahi kta, aguyapi wamnaheza, tohan iyehantu eca, wankan
icaga ecee kin iyececa.
27 Iho, de unkakitapi qon, he hecetu: Anagoptan
qa niye hinca sdonya wo.
JOB WICOWOYAKE
6.
1 Hehan Job
waayupta qa heya:
2 Tokin mitokakije
kin tanyan tkeutapi unkanš; qa taku awakipe cin kici on aspeyapi kin en
yuwankan icupin:
3 Kinhan he
wanna miniwanca wiyaka kin isanpa tke kta: Heon etanhan mioie yašnašnapi.
4 Iyotan Wašaka
tiwanhinkpe kin mahen rnayanka; hena kata hinca mitaniya yahepa: Wakantanka
tokokipe kin takpe maupi ecee.
5 Ikce šonšonna
kin he wato ehna hoton kta he? Qa tatanka wosdohan kin iš woyute icahiyapi kin
en hoton kta he?
6 Taku ecamna šni
kin he miniskuya codan yunpica kta he? Kaeš witka ska kin ecamna kta he?
7 Taku minagi
yutan kte šni qon, hena e wamayazanka tawoyute iyecen icaga ece.
8 Tokin taku
icewakiye cin hiyumakiyapi kten: qa Wakantanka taku cantowakpani kin he maqu
unkanš:
9 Wakantanka
hecetudake ca ihangmaye kta; iye nape hiyuye ca makaksa unkanš.
10 Hehan cante
mawašte kin ohinniyan kta: Han, woyazan wacantkiye šni kin on imduskin kta
tuka: Wanji Wakan oie kin awakahpe šni nakaeš.
11 Mitowašake
kin tukte e, hecen ape waun kta he? qa mitowihanke kin tukte e, hecen minagi
wacin tanka kta he?
12 Inyan wašake
cin mitowašake kin hee he? Kaeš micehpi kin mazasa heca he?
13 Mitoiciye en
maun kin he taku šni, qa woehdaku kin he ocowasin ehpemayan he?
14 Tuwe onšike
cin iye takodaku etanhan wowaonšida en hi kta tuka: Okinni Iyotan Wašaka
tokokipe kin ehpeye kta naceca.
15 Mitakuye kin
hena wakpadan wan iyecen wahnayanpi ecee; kaksiza wakpadan kin iyecen tanin ini
iyayapi:
16 Henake seh
eaga on sapsapa tuka qon; hena ohna wa anahmanpi tuka:
17 Tohan kaduš
eyaya eca, hehan tanin šni; kata aya eca tohepi kin etanhan atakunipi šni ecee:
18 Tacankupi
omanipi kin hena wicayuhomnipi: Hopuza kin ekta iyayapi qa atakunipi šni.
19 Tema etanhan
icimanipi kin hena odepi: šeba etanhan oicimani kin hena wacinyanpi tuka qon.
20 Wacinyanpi
kin on ištecapi hinca; dehanyan hiyupi qa ite nasapi hinca.
21 Wanna
nitakupi šni: Wonihinciye wandakapi, unkan kopeyahdapi.
22 Tokeca he,
Maqu po? Kaeš, wahpaya nitawapi etanhan wokajuju u po:
23 Qa toka nape
kin etanhan emahdaku po? Kaeš, wohitikapi nape kin. etanhan openiakiton po, epa
he?
24 Onspemakiya
po, kinhan miye inina waun kta: Qa taku en wanuni kin he sdonyemakiya po.
25 Wicoie ecetu
kin hena wašake hinca! Tuka niyepi etanhan woiyopeye kin taku iyopeye kta he?
26 Wicoie kin
iyopeye wacannipi he: Qa tuwe takudan wacinye šni oie kin, tate kin iyececa.
27 Han,
wamdenica kin hinhpaye yayapi kta, qa nitakodapi wona yecapi kta tuka.
28 Unkan nakaha
iyonicipipi kta, miye amatonwan po; qa niitepi itokam iwatonšni kinhan.
29 Oeciciyapi,
hdicu po; woahtani wanice kte; han, hdicu po. hinyahin mitoowotanna en han.
30 Miceji akan
woahtani yukan he? micaka wošice sdonya okihi šni he?
JOB WICOWOYAKE
7.
1 Maka akan
okicize wan wicašta kiyuke šni he? Taanpetu kin wicašta opetonpi taanpetu kin
iyececa šni he?
2 Wowidake wan
ohanzi kin cantokpnni hinca, qa wicašta opetonpi wokajuju ape un kin iyececa:
3 He iyecen
wowayazan wi kin yuhemakiyapi, qa wokikije hanyetu kin imiciyawapt ece.
4 Imunka eca
hepa ece; Tohan nawajin kta qa htayetu iyaye kta he? Unkan anpao kta hehanyan
mihduškanškan on omajudan hinca.
5 Micehpi kin wamduškadan
qa maka onspaspa koyaka ece; ukaokizi amayan, qa ake tonmayan ecee.
6 Mitaanpetu
kin kazontapi yeye cin isanpa dusduzahan, qa wowacinye codan iyayapi ece.
7 Wani kin he
tate wan heca e kiksuyaye: Miišta ake icimana taku walte atonwe kte šni.
8 Wicišta
wanmayake ciqon he ake amatonwe kte šni: Niye niišta amayanka, unkan en waun šni.
9 Mahpiya šapa
kin he osote qa iyaya ece; he iyecen tuwe wicahapi ekta iyaye cin he ake ku kte
šni.
10 lye tipi kin
en icimana hdi kte šni, qa iye tohe qon he ake sdonkiye kte šni.
11 Heon etanhan
miye qe mii wakpatan kte šni: Mitaniya iyokišica en iwae kta: Minagi pa hinca
kin en wašicahowamde kta.
12 Miye
miniwanca kaeŠ unktchi wan hemaca he; hecen akicita amanajin yakiya he?
13 Ohehdepi
mitawa cantohnagmaye kta ce, epa keš: Mitowinja kin iapi mitawa micicin kta ce:
14 Hehan
wihamnapi on inihanmayaya, qa wowanyake on kopehda mayakiya ecee.
15 Hecen minagi
yutapi kta kahni a, wiconte, huhu mitawa isanpa.
16 Šicewakidaka;
ohinniyan wani kta wacin šni: Micunnni wo; mitaanpetu kin oniya wan heca nakaeš.
17 Wicadta he
taku he, hecen dutanka kta? qa nicante ekta yeyaye kta he?
18 Qa hanhanna
eca wanyag yai kta; ista kakpapi eca iduta ecee kta he?
19 Tohanyan
amayadustan kte šni, qa tage nawakipce kta e miyecuni kte šni he?
20 Wawahtani; Wicašta
Awanwicayaka, taku e ecacicon kta he? Tokeca niye en wotakpe emayahnaka he,
hecen woqin micicaga?
21 Qa tokeca
wowakipajin mitawa rniyecicajuju šni; qa wawahtani kin ehpemayakiye šni he?
Unkanš wanna watusekseca en imunke kta; qa omayade kta, tuka en waun kte šni.
JOB WICOWOYAKE
8.
1 Hehan Bildad
uhi kin waayupta qa heya:
2 Tohanyan dena
odake kta? qa tohanyan nii oie kin tate tanka hinca heca kta he?
3 Wakantanka
woyaco yupemni kta he? qa lyotan Wašake cin he woowotanna yuskope kta he?
4 Iye en
nicinca wakihtanipi kinhan; qa iye wošice tawapi nape en iyewicaya ešta:
5 Niye qe wanna
Wakantanka oyakide kinhan, qa lyotan Wašake cin he ceyakiye cinhan:
6 Niye niška qa
oniwotanna yaun kinhan; awicakehan wanna niye on ihduhice kta, qa nitoowotanna
ounye cin he niciyustan kta tuka.
7 Nakun otokahe
yaun qon he cistinna ešta, oniwihanke kte cin he nina icage kta.
8 Ceciciya ce,
wicoicage tokaheya kin wiwanga wo, qa iye atewicayapi taku akitapi qon he ekta
eicihde wo.
9 (Unkiye
htanihan unketanhanpi qa wasdonunyanpi šni; anpetu unkitawapi kin maka akan
ohanzi heca nakaeš.)
10 Hena e
waonspeniciyapi kte šni he, woniciyakapi, qa iye cantepi etanhan wicoie aupi
kte šni he?
11 Psa hu kin
upšija codan icage kta he? sinkpe tawote iš mini codan uye kta okihi he?
12 Hinyahin
toya wanka, kasdapi šni keš, wato owasin itokam šniš aya ece.
13 Tona
Wakantanka akiktonjapi owasin tacankupi kin he iyececa; qa tuwe ihdušica
tawowacinye kin atakuni kte šni.
14 Toakipe kin
he kaksapi kta, qa tawowacinyo kin he unktomi ti kin heca.
15 Iye tipi kin
wacinkiye kta, tuka bosdan he kte šni; sutaya i hduze kta, tuka en wanke kte šni.
16 Heqe anpetu
wi itokam toya wanka, qa taadetka kin iye tawoju kin ohna icagu:
17 Taadetka kin
inyan paha akan iciyahdaškapi; inyan tipi kin atonwan yanka ece.
18 Towanke kin
etanhan iye ehpekiye cinhan, hehan itonkte šni: Tohinni wanciyake šni ce, eye
kta.
19 Iho, tacanku
wowiyuškin kin dee: Nakun toktokeca watusekseca kin etanhan icage kta.
20 Iho,
Wakantanka wicašta owotannakin he ehpeye kte šni: Qa wicohan šica econpi kin
hena nape wicayuze kte šni.
21 Keen ihapi
on nii ojuniciye kta, qa niiha wowiyuškin on.
22 Tona šicenidakapi
kin hena wowištece koyakapi kta: Qa wicohan šica tawakeya kin atakuni kte šni
tuka.
JOB WICOWOYAKE
9.
1 Hehan Job
waayupta qa heya:
2 He wicakapi
sdonwaya, tuka hehan token Wakantanka kici wicašta owotanna kta he?
3 He kici
wakinica kta akite kta hecinhan; kektopawinjie etanhan wanjidan akiciyupte kte šni.
4 Heqe cante
ksapa qa wowašake en wohitika, tuwe he itokam ihdusuta qa wookiye en un he?
5 lye kin he
kin yutokan iyeya, unkan sdonyapi šni; lye tocanteptanyan en hena yuptanyan ešta:
6 He qe maka
kin tohe etanhan yuškanškan; unkan oahe tawa kin huhuzahanpi ece.
7 lye qe anpetu
wi kin heciya, unkan hinanpe šni; qa wicanhpi kin onakitaka ecee:
8 lye išnana
mahpiya kin hdumdaya, qa miniwanca wankantu kin amani ece:
9 lye Arcturus,
Orion qa Pleiades kaga, qa itokah onakitakapi kin hena.
10 lye hinca
taku tanka kaga, hena akitepica šni, qa taku wowinihan, hena yawapica šni.
11 Iho, lye en
mahiyaya, tuka wanmdake šni; nakun iyoopta iyaya, tuka sdonwaye šni.
12 Iho, iye
waehdaku ece, tuwe tehinda kta he? Taku yakajjfa he, tuwe eciye kta he?
13 Wakantanka
tocanteptanye kin anakipte kte šni: Iye ihukuya ookiye wahanicidapi kin
patujapi ecee.
14 Hecen token
miye kici wowahdake kta he; Iye kici wiyucan kta mioie kahniga tanin kta he?
15 Miye hinca
oniawotanna qeyaš amdupte kte šni; Wayaco mitawa kin cewakiye kta tuka.
16 Miye
hoyewakiya qa iye amayupta ešta, miho kin anagoptan kepce kte wai tuka.
17 Iye qe kihanšica
on takpe man kta, qa taku on etanhan šni ksuwemayanpi kin niiciyuota kta.
18 Waniya kta e
iyowinmakiye kte šni; tuka taku pa hinca on ojudan maye kta.
19 Wowašake on
hecinhan, iho iye wašaka; qa woyaco hee hecinhan, tuwe wohdag makiye kta he?
20 Miye
mihdaowotanna kinhan, mii mahdašice kta: Miye mihdaecetu keš, Iye pemni ma yawa
kta.
21 Miye ecetu
waun ce, minagi sdonmiciye šni; mitoni kin šicewakidake kta.
22 De wanjidan,
qa heon hepa; Tuwe ecetu qa tuwe šica, napin iye ihangwicaya ece.
23 Ihunhanna
makošica wicakte kinhan, wiyaonpe šni unpi iyokišicapi kin on iye iha kta.
24 Maka kin wicašta
šica napepi en wicaqupi; Ohna wayacopi itepi kin iye awiciikahipu ecee: Wanna
hee šni kinhan, he tuwe he?
25 Wanna
mitaanpetu kin waI inyanke wan isanpa duzahan; hena kinyan iyaya, taku wašte
wanyakapi šni;
26 Tanpa wata
kin iyecen iyoopta iyayapi; wanmdi wan tawote kin iyahpaya ecee kin he iyececa.
27 Mitoiyokišice
awektonje kta, epa ešta; Miite ehpewakiye kta, qa canmawašte kta ce;
28 Mitokakije
owasin on kopewahda; owotanna mayadawa kte šni sdonwukiya nakaeš.
29 Miye mašice
kta hecinhan, hehan tokeca ituhin htawani he?
30 Wa mini on
mihdujaja kinhan, qa wipajaja on nape wahduska ešta;
31 Hehan niye
woha en iyemayaye kta; qa mitawokoyake kin šicemakidake kta.
32 lye kin miye
iyecen wicašta akantu heca šni, unkanš waamdupte kta; napin witaya woyaco ekta
unyanpi kta:
33
Unkiyotahedan wicašta wawiciya wanica; he qe napin nape unkahnakapi kta tuka
34 Canšakadan
tawa kin emiciyaku nunwe: kinhan tokokipe kin wakokipe micage kte šni.
35 Wowahdake
kta qa kowakipe kte šni tuka: Tuka miye qe hecen nawajin šni.
JOB WICOWOYAKE
10.
1 Wiconi mitawa
on minagi watuka; mitoiyokišice aihpemiciye kta; minagi pa hinca en wowahdake
kta:
2 Wakantanka
hewakiye kta; Mayaco šni ye; taku on mayakiza he sdonyemakiya wo.
3 Wakakišyaye
cinhan he iniwašte kta he; hecen ninape taku kage cin ehpeyaye kta; qa wicašta šica
tawiyukcan kin aiyoyamyaye kta he?
4 Wicacehpi išta
niciyukan he? qa wicašta wawanyake cin iyecen wawandaka he?
5 Nitaanpetu
kin wicašta anpetu tawa iyececa? qa nitawaniyetu kin wicašta taanpetu iyececa
he:
6 Hecen mitošice
kin ayakite kta, qa wawahtani kin oyade kta he?
7 Miye mašice šni
sdonyaya qeyaš; qa tuwedan ninape etanhan waeyaku okihi šni ecee.
8 Ninape makage
ca ihdukšan ocowasin mayuštan, tuka ihangmayaye kta he.
9 Wanna kiksuya
ye, upšija iyecen mayakaga; unkan ake maka mdu mayakage kta he?
10 Asanpi
iyecen mayakaštan šni he, qa asanpi tasaka iyecen nini mayakage šni he?
11 Uka qa cehpi
on koyagmayaya, qa huhu ikan ko on onamayataka.
12 Wiconi qa wowaonšida
ecamiyecon, qa nitoawanyake kin mitaniya awanmiciyaka ece.
13 Dena nicante
en nayakihbe: he en niun kin sdonwaye hinca.
14 Wawahtani
kinhan, hehan niye wapetogyaton kta, qa mitošice kin miyecicajuju kte šni.
15 Taku šica
ecamon kinhan, hehehe, miye; qa omawotanna ešta pa yuwankan iwekcu kte šni; wowištece
omajudan qa mitoiyokišice wanhdag manka.
16 Tuka
ihduwankantu kta; mnaja iyececa omayade kta; ake yahdicu kta, miye en
nihdutanka kta:
17 Wayaotanin
nitawapiya miyecicage kta, qa nitocanniye kin miye ciduota kta: yutokecapi qa
okicize kin en maupi ece.
18 Hecen tokeca
tamni kin etanhan hinanpe mayaya he? Niya šni imdacnde kta tuka, qa išta wanica
wanmayake kte šni!
19 Tohinni wani
šni iyecen waun kta tuka; tamni kin etanhan woha kin ekta amayanpi kta.
20 Mitaanpetu
kin tonana šni he: Ayuštan, micunni wo, hecen kitanna imduškin kta;
21 Mde šni
itokam, qa wahdicu kte šni,otpaza makoce qa wiconte ohanzi kin ekta;
22 Makoce wai
otpaza, otpaza šoka iyececa, wiconte ohanzi qa woyuecetu wanica; qa iyege cin
he otpaza šoka iyececa ecee.
JOB WICOWOYAKE
11.
1 Hehan Zophar
Naamathi kin waayupta qa heya:
2 Wicoie ota
kin hena ayuptapi kte šni he? qa wicašta wohdake sa kin he yaowotanpi kta he?
3 Hitunkankapi
nitawa wicašta wicayuinina kta he? hecen oweyahanhan ešta tuwedan ištenniye kte
šni?
4 Nakun heha;
Wowahokonkiye mitawa kin ecetu, qa niišta kin en maska hinca ce.
5 Tuka tokin
Wakantanka wicoie hiyuye kta, qa niye on iye iha hdukawa keš;
6 Qa wokšape
woinahbe kin sdonyeniye kta; heqe wookahnige en yuitakihnapi! Hecen Wakantanka
wayahtani etanhan akiktonskiya he sdonya wo.
7 Wakantanka
toinahbe kin okahnih ade kta he; qa Iyotan Wašake cin ocowasin fiin hehanyan
oyakahnige kta he?
8 Mahpiya
iyecen tehanwankantu, taku ecanon kta he? Hades isanpa temahentu, taku sdonyaye
kta he?
9 He iyutapi
kin maka kin isanpa hanska, qa ohdakinyan kin miniwanca kin isanpa.
10 Iye
waiyahpaye ca kaška wicahnaka, qa omniciye kage cinhan, hehan tuwe itkokipe kta
he?
11 lye qe wicašta
itondni kin sdonwicaya, qa woahtani wanyaka ece, unkan okahnige kte ni he?
12 Tuka wicašta
witkotkoke cin he wokahnige kte šni; han, ikce šonšonna cinca kin iyecen wicašta
icaga ece.
13 Hececa ešta
niye nicante yahduwiyeya, qa nape yakidugate kte cinhan:
14 Woahtani
ninape ohna yanke cinhan, he yutehan iyeya wo; qa wicohan ca nitawakeya ohna tipi
šni nunwe.
15 Hehan
awicakehan woa ipe codan ite yuwankan iyekcu kta; han, šutaya yaun kta,qa
kopeyahda kte šni.
16 Nakaeš,
woiyokišice kin he ayektonje kta; mini hiyaye ciqon he iyecen yeksuye kta.
17 Hehan
wiyotanhan isanpa wiconi hinanpe kta; inicage kta, hanhanna iyecen yaun kta.
18 Nakun
wacinyan yaun kta, wowacinye yukan nakaeš: Han, waoyade kta, wowacinye en
inunke kta.
19 Nakun makan
inunke kta, qa tuwedan wakokipe nicage kte šni: Han, wicota niite yuwintapi
kta.
20 Tuka wicašta
ca išta kin okihišni kta, qa wowinape tokan iwicakiciyaya ece: Qa wowacinye
tawapi kin he nagi iyaye cin iyececa.
JOB WICOWOYAKE
12.
1 Hehan Job
waayupta qa heya:
2 Awicakehan
oyate kin he niyepi, qa wokšape nicipi te kta.
3 Niyepi iyecen
miš eya cante mayukan; miye nihektam iwahpamde šni: Han, tuwe kašta dena sdonye
kte ni he?
4 Wanji
takodaku ikiciha iyecen waun; Wakantanka hoyekiya unkan akiciyupta ešta; wicašta
owotanna ecetu kin he wowihahayapi.
5 Wokakije en
wošicedake yukan, tona tanyan unpi awacinpi kin en; tuwe siha hicahe kte cin he
iyakipe ece.
6 Waboticapi
tawakeyapi kin wookiye en han, qa tona Wakantanka canniycyapi kin tanyan unpi:
he nape ohna Wakantanka aukiya ecee.
7 Tuka wanna
woteca kin wiwicawanga wo, kinhan onspeniciyapi kte; qa mahpiya okinyanpi kin,
kinhan hena oniciyakapi kta:
8 Kaeš maka kin
kici wohdaka wo, kinhan he waonspeniciye kta; qa miniwanca hogan kin woniciyakapi
kta.
9 Jehovah nape
kin he de kage cin, tuwe dena owasin sdonye kte šni he?
10 He qe nape
ohna taku ni un iyuhpa nagi yukan, qa cehpi wicašta owasin taniya kin.
11 Wicanoge kin
wicoie iyukcan kte šni he? qa wicai kin tawoyute ute kta?
12 Wanakaš unpi
kin ehna wokšape yukan, qa anpetu hanska kin he wookahnige.
13 lye kin kici
wokšape qa wowašake; wowiyukcan qa wookahnige kin iye tawa.
14 Iho, iye
yujuju, unkan ake kagapi kte šni; lye wicašta onawicataka, unkan yuhdokapi kte šni.
15 Iho, iye mini
kin anapta, unkan oyahe aya ece; nakun hiyuya, unkan maka kin apasbog iyaya
ecee.
16 Wowašake qa
woawacin iye kici un; tuwe nuni qa nuniwicakiye cin hena tawa.
17 Waaiapi kin
hena heyake yusdokapi ecen awicaya; qa wayacopi kin witkotkoka wicakaga ecee.
18 Wicaštayatapi
towowidake kin kiyuksa, qa icaške on nite iyawicakaška ece:
19 Wawayušnapi
kin heyake codan tokan awicaya, qa wasaksake kin ihangwicaya ecee
20 Ieksapapi
kin iapi yutokan iyewicakiciya, qa wicahincapi tookahnigapi kin ewicakiciyaku
ece.
21 Wowihaha wicašta
ihdawa awicakaštan, qa wašakšaka jpiyake wicakiciyukca ece.
22 Taku
temahentu kin otpaza etanhan yutanin, qa wiconte ohanzi kin iyoyanpa kin ekta
hiyuya:
23 Oyate wan
yuota, qa hehan ihangwicaya; oyate kin tankaya icahya, hehan ehpewicaya ece.
24 Makoce kin
en wicašta itancanpi kin cante wicayuwanica, qa canku codan hewoskan
nuniwicakiya ece;
25 Hena e
otpaza en yutantanpi qa iyoyanpa wanica; unkan wicašta witko kin iyecen
kacekcegya mani wicakiya ece.
JOB WICOWOYAKE
13.
1 Iho, owasin miišta
wanyaka; minoge nahon qa he okahniga:
2 Taku
sdonyayapi kin miš eya sdonwaya; miye niheyapatanhan waun šni cee.
3 Tuka miye qe
Iyotan Wašake cin kici iwae kta, qa Wakantanka kici wowahdake kta wacin.
4 Tuka niyepi
woitonšni kagapi sa henicapi; owasin waašniyan okihi šni yaunpi.
5 Tokin
ocowasin inina yaunpin, he qe wokšape niciyawapi kta tuka.
6 Wanna
mitawowahokonkiye kin nahon po, qa miiha tawowiyukcan kin anagoptan miye.
7 Wakantanka on
taku ica ehapi kta he? qa iye on wahnayan iyaapi kta he?
8 lye ite kin
yuwankan iyeyayapi kta? Wakantanka iyakiyapi kta he?
9 lye
iniyukcanpi kinhan he wašte kta he? Kaeš wicašta om owehanhanpi ece kin iyecen
iye kici oweyahanhanpi kta he?
10 lye
awicakehan iyopeniyanpi kta, nahmana wicašta he yuwankan iyeyayapi kinhan.
11 lye towakan
kin he yušinyeniyanpi kte šni he? qa iye tokokipe kin anihinhpayapi kta?
12 Taku
yeksuyapi kin cahota odowan heca: conkaške nitawapi kin maka conkaške kin heca aya.
13 Mitokam
inina yukan po, kinhan miye iwae kta; qa taku kašta en amau kta ce.
14 Tokeca mii
ohna micehpi iwekcu kta; qa minape ohna minagi wahduhe kta he?
15 Iho, iye
makte kta qeyaš, wacinwakiye kta; tuka iye itokain mitacanku wahdaowotanna kta.
16 Nakun lye hin
wowanikiye mitawa ee kta: wicašta šapa iye itokam hiyu kte šni nakaeš.
17 Nahon miye,
mioie kin nahon po, qa wowahdake cin ninogepi on.
18 Iho, wanna
woyaco mduwiyeya; miye inihdaowotanna kta sdonwakiya.
19 Tuwe e
wamakinica kta he; kinhan wanna inina waun kta, qa niya šni imdamde kta,
20 Taku nomnana
ecamicon šni ye; kinhan niite ctanhan namicihbe kte šni ye:
21 Miye etanhan
ninape ehdaku wo; qa nitokokipe kin wakokipe micage šni nunwe.
22 Hehan pan
wo, kinhan miye amdupte kta; kaeš miye iwae kta qa niye amayadupte kta.
23 Taku šica
mitawa qa wawahtani kin tonaka he: Wawakipajin qa wawahtani kin hena
sdonyemakiya wo.
24 Tokeca niite
nayakihman he; qa tokaciyakecanmayakin he?
25 Can ape wan
kahaya iyeyapi kin he wakokipe yecage kta he? qa peji puza kin kuwa ade kta he?
26 Taku pa
hinca kin omiyeciwa ecee nakaeš, qa komaška tawoahtani kin yuhemayakiya.
27 Nakun miš iha
oicaške en eyahnaka; qa mitacanku owasin iwandaka ecee; niye miš iha sicu kin ihdukšan
imiyecago.
28 Unkan he qe
taku kuka iyecen atakuni šni; Šina wan wamdudankinyan yapotapi kin iyececa.
JOB WICOWOYAKE
14.
1 Wicašta winohinca
on tonpi kin he anpetu pteptecedan, qa wokakije ojugjudan ecee;
2 Wahca iyecen
hinanpa, unkan kašdapi; ohanzi wan iyecen kjuyan iyaya, qa en yanke šni ece.
3 Nakun he qe niišta
adumdaya, qa niye kici woyaco en miye amayau kta he?
4 Tuwe taku šapa
etanhan taku ska icu okihi kta he? Wanjidan šni.
5 Taanpetu kin
wanna kiconzapi; wi tawa iyawapi kin nici un kinhan; ohomni oicage yecaga, qa
sam iyaya okihi kte šni:
6 Hecen tokau
etonwan qa ayuštan ye; wicašta opetonpi iyecen taanpetu ihunikiye kta hehanyan.
7 Can wan on
apepica yukan nakaeš: he kaksapi csta ake icage kta, qa camni kin kiwanica kte šni:
8 Hutkan kin
maka mahen senya aya, qa canpaksa watušekšeca en ta ešta,
9 Mini omua kin
on camni uye kta, qa adetka icage kta, huhdepi wan iyececa,
10 Tuka wicašta
akantu tc kta, qa atakuni kte šni; han, wicašta niya šni iyaye kta, unkan
tukten un he?
11 Miniwanca
etanhan mini kin tokan iyaya,qa wakpa kin oyahe qa puš aye kta:
12 He iyecen wicašta
iwanke kta, qa najin kte šni; mahpiya kin wanice kta hehanyan kiktapi kte šni,
qa ištinmapi etanhan wicayuhicapi kte šni.
13 Tokin
wicahapi en namayahbe kes; nitocanniye hdicu kta hehanyan waraayakahpe kta;
tohantu kin imiyeconza qa miyeksuya keš.
14 Wicašta kin
te cinhan ake kini kta he? Mitokicize anpetu kin owasin ape waun kta, tokan
amayanpi kte cin hi kin hehanyan.
15 Niye yapan
kta, unkan miye aciyupte kta: Ninape taku kage cin he cantoyakpani kta tuka.
16 Tuka wanna
caewahde kin miyeciyawa ece: Wawahtani kin iwanmiyeciyake šni he?
17 Wowakipajin
mitawa kin hena wojuha ohna askamtonpi; qa wawahtani kin ayakagege ecee.
18 Tuka
awicakehan fie wan hinhpaye cin he atakuni kte šni, qa iinnija towanke kin
etanhan tokan ayapi kta.
19 Mini kin
inyan yusdusuta ece; minitan kin makamdu kin tokan eyaya ecee: qa wicašta
tawowacinye kin niye ihangyaya.
20 Ohinniyan
yaktedan, unkan tokan iyaya; ite dutokecaqa tokan yeyaši:
21 lye cinca
kin wicakinihanpi ešta sdonkiye kte šni; qa wahpanicapi ešta iye wanwicayake
kte šni.
22 Tuka iye cehpi
akan un kin he kakije kta: qa nagi mahen un kin he iyokišice kta ce.
JOB WICOWOYAKE
15.
1 Hehan Eliphaz
Temani kin waayupta qa heya:
2 Tuwe ksape
cin he wosdonye takušni kin oyake kta, qa iye tezi wiyohiyanpata tate kin on
ojukiye kta he?
3 Wicoie waicahye
šni kin on wohdake kta he, qa iapi on wayuwašte šni ecee.
4 Nakun
wokokipe efipeyaya, qa Wakantanka itokam wocekiye anayapta ece.
5 Wayahtani kin
he niye nii hdaotanin nakaeš; qa wahnayanpi iapi kin yakahniga ecee.
6 Niye nii
nihdaco nakaeš, qa he miye šni; qa niiha hee nihdaotanin ecee.
7 Wicašta tokaheya
icage ciqon he niye he? qa paha kin itokam nitonpi he?
8 Wakantanka
tomniciye kin en wanayahonhon, qa niye nišnana wokšape duha he?
9 Taku e niye
sdonyaya, qa unkiye sdonunyanpi šni; taku oyakafiniga, qa he unkicipi un šni
he?
10 Nakun tona
pa skapi qa wicahincapi kin hena unkicieapi, niyate isanpa anpetu wanakaja.
11 Niye en
Wakantanka tocantohnake kin hena cistinna he; qa wicoie iwahnana eniciyapi kin.
12 Tokeca
nicante wayaka aniyan he; qa tokeca niišta kakpankpan he?
13 Hecen nitaniya
kin Wakantanka takpeyakiya, qa nii etanhan wicoie inapeyakiya he?
14 Wicašta
akantu he taku, hecen ska kta he? qa tuwe winohinca eciyatanhan tonpi kin he
owotanna kta he?
15 Iho, iye wicašta
wakan tawa kin wacinwicakiye šni; qa mahpiya kin hena iye išta en ska šni eca:
16 Nakun isanpa
wicašta wahtešni qa šica, woahtani yahepa, mini iyececa.
17 Wociciyake
kta, anamagoptan wo; qa taku miye wanmdake cin he omdake kta.
18 Wicašta
ksapa taku oyakapi qon, qa anahmanpi šni, iye ateyapi kin etanhan:
19 Hena ee išnana
makoce kin wicaqupi, qa tuwedan tokeca wicacokaya iyopte šni.
20 Tuwe šice
cin he anpetu owasin wayazanhda; qa waniyetu yawapi kin wakakišye kicihnakapi
ecee.
21 Wokokipe ho
wan iye noge ohna yanka; wookiye icunhan waihangye cin en u kta.
22 Otpaza
etanhan hdicu kta wicada šni; qa mazasagye kin he akicipe yanka.
23 Aguyapi
odede un: Tokiya yukan he? Otpaza anpetu wan iye nape en wiyeya un he sdonya.
24 Woiyokišice
qa wokakije wakokipe kicagapi kta: Wicaštayatapi wan okicize on wiyeya yanke
cin iyecen iyahpayapi kta.
25 Iye nape
Wakantanka itkokim hdugata nakaeš; qa Iyotan Wašake cin en wahanhanicida:
26 Tahu suta on
anatan, tawahacanka patia šoka kin on.
27 Iye ite wašin
on aihdahpa nakaeš, qa tapakšin en wasna icicaga ecee.
28 Hecen otonwe
otiwota kin ohna ti kta; tipi ake piya kagapi kte šni; hena otiwota ehpeyapi nakaeš.
29 He qe wijice
kte šni, qa tawahpaya kin katinyan un kte šni, qa tawanunyanpi kin makoce en
tankaya icage kte šni.
30 Otpaza
etanhan nape kte šni: taadetka kin peta ide kin gu kta; qa iye i oniya kin on
napeyapi kta.
31 Taku šica
wacinkiye kte šni hnayanpi: taku šice cin he tawokamna ee kta nakaeš.
32 Taanpetu kin
hinyahinke šni yuštanpi kta, qa taadetka toya icage kte šni.
33 Hastanhanka
štunkadan tawa kin kahna kta, wiyuwi wan iyececa; wahca tawa kin ehpekiciye
kta, wihdi can iyececa.
34 Wicašta šica
tomniciye kin akihanpi nakaeš; qa wawicaqupi tawakeya kin he peta huhnage kta.
35 Hena e
woiyokišice itpihnakapi, qa woahtani hiyuyapi, qa iye tezipi kin wohnaye kaga
ecee.
JOB WICOWOYAKE
16.
1 Hehan Job
waayupta qa heya:
2 Taku hececa
ota hinca nawahon: wacantohnagya šica iyuhpa henicapi.
3 Tate wicoie
kin wanna henakeca he? kaeš taku e iyonipaštaka hecen waadupte kta he?
4 Miš eya
niyepi iyecen iwaa owakihi tuka; Ninagipi minagi un kin en unpi unkanš, niyepi
on iapi iciyawakaške kta, qa miye e acipoptanptanpi kta tuka.
5 Hececa ešta
mii on ciyawašakapi kta, qa miiha towacantohnake kin wayuwašte kta.
6 Miye iwaa ešta
mitowayazan kin yuwaštepi šni ece: qa amdaštan ešta taku e amahececa kta he?
7 Tuka wanna
iye wayazan makaga: Tiyohnaka mitawa ocowasin ihangyaya:
8 Qa pispija
inayakage, he wayuotanin kta he; qa matamaheca kin he en mahinajin, miite
itokain mahdaotanin ecee.
9 Tocanteptanye
kin mayuhdehdeca qa šicaya makuwa; iye hi on amahdakinskinza; tokamaye cin he
miye en ista hdupeštošto ecee.
10 Hena iye i
on imakapapi; wowihaha on tapon en amapapi; miye mitkokim mniciyapi ece.
11 Wakantanka
wahtani sa kici onamataka, qa šicaya econpi napepi en ehpemayan.
12 Tanyan
manka, tuka iye makawehwega; han, tahu en mayuze ca makawehwega; qa iye hinca
makute kta e bosdan emahde.
13 Iye
tiwanhinkpe kin aohdutemayanpi; nite bomahdoka qa itonpe šni; pizi mitawa kin
maka akan papson.
14 Wopahdoke
wopahdoke itakihna on mapahdoka ece: Wicašta tanka wan iyececa, miye
amainyanka.
15 Wakihdaka
micehpi awahdagege; qa he mitawa watu6ekseca en wahdušica.
16 Ceyapi on
ite mašica amayan, qa wiconte ohanzi miistojuha akan yanka:
17 Minape ohna
taku šica yuke šni qeyaš, qa mitawocekiye kin he hecetu tuka.
18 Maka kin,
niye mawe kin akanpe šni wo; qa wahowamde cin tukten wanke šni nunwe.
19 Tuka wanna,
iho, mayaotanin kin he mahpiya ekta, qa omayake cin he wankan yanka.
20 Takuwicawaye
cin hena aomahanhanpi kin eepi: Tuka Wakantanka en miišta ikpapsonpi ecee.
21 Tokin
Wakantanka kici wicašta iciyepica iinkans, wicašta cinhintku iye takodnku on
iyececa!
22 Omaka
iyawapi hiyohi kinhan, canku wan ohna mde kta, ake wahdi kte šni ce.
JOB WICOWOYAKE
17.
1 Oniya mitawa
kin osota, mitaanpetu kin kašnipi; wicafrapi kin hena mitawa.
2 Wawihaha kin
hena mici unpi šni he? qa miišta kin iye toiyokišice kin en yanka he?
3 Wanna ehnaka
wo, niye en wawimakiya wo: ecin tuwe nape mayuze kta he?
4 Niye iye
cantepi kin wookahnige anahbewicayakiya nakaeš; heon etanhan wankan
ewicayahnake kte šni.
5 Tuwe wokamna
on takodaku kin wicahnaye cinhan, he qe cinca ištapi kin ee atakuni kte šni.
6 Nakun iye
oyate kin ehna oweštepi wan makaga; qa miye ite atagošapi kin heca imacaga.
7 Nakun woiyokišice
on miišta san amayan, qa mihuha kin owasin ohanzi wan iyececa.
8 Ue on wicašta
owotanna kin yusinyayapi kta; qa wicašta wašte kin šice cin on skiniciye kta.
9 Tuka wicašta
owotanna kin he tacanku kin sutaya hduhe kta; qa tuwe nape kin ska he sanpa wašaka
icaia ecee.
10 Tuka niyepi
owasin hdicu po, qa wanna u po: niyepi ehna wanji ksapa iyewaye šni nakaeš.
11 Mitaanpetu
kin hiyaya; mitawacin kin yuksapi, micante oyuze kin hena.
12 Hena e
hanyetu anpetu eekiya ehnakapi ece; iyoyanpa kin he asltadan, otpaza itokam.
13 Ape waun
kinhan, wicahapi wad kin ee kta; otpaza en mitowinja ewahnake kta.
14 Woka kin hoyewakiya,
Ate he niye: Ina qa mitankši, wamdudan yukan ewakiya ece.
15 Heon etanhan
wanna wowacinye mitawa kin tukten un he? qa mitawowacinye kin tuwe wanyake kta
he?
16 He qe
makohdoka kin inatake kin ekta kun ye kta; maka mdu en witaya woozikiye yuke
cinhan.
JOB WICOWOYAKE
18.
1 Hehan Bildad
uhi kin waayupta, qa heya:
2 Tohanyan kta,
wicoie owihanke eyahnakapi kta he? Awacin po, hehan ohakam unkiapi kta ce.
3 Tokeca woteca
iyecen unyawapi he; niištapi en unkiye unapapi ecee?
4 Tocanniye kin
en iye nagi hdahdchdeca ece: Niye kin on maka kin ehpeyapi kta? qa imnija kin
towanke kin etanhan iyaye kta he?
5 Hececa ešta
wicašta šica taiyoyanpa kin kašnipi kta, qa iye tapeta ide kin iye ite kte šni.
6 Tawakeya ohna
iyoyanpa kin he otpaza ica ja, qa petijanjan tawa kin kicišni kta.
7 Iye towašake
cahde kin ptecedan icaga; qa iye toawacin kin kun ehpekiye kta.
8 Iye siha on
onhmunkapi wan en iyohpeyapi nakaeš: qa ihmunke wan auiani kta.
9 Mazahtnkiyapi
kin he siyete en yuze kta; onhmunkapi kin iye kaška hde kta.
10
Mazahtakiyapi kin maka mahen ekieionpapi,qa on-hmunkapi wan eanku ohna
kiciyanka.
11 Ihdukšan
wokokipe kin kopehdakiyapi kta, qa iye siha iyahna kuwa ayapi kta.
12 Towašake kin
akihan tekinica kta; qa toihangye kin iye ieahda wiyeya yanke kta.
13 Iye uka
onspaspakin temkiciye kta; wiconte tokaheya ton kin he iye hnha kin temye kta.
14 Taku wacinye
ciqon he iye tawakeya kin etanhan yujunpi kta; qa wokokipe wicagtayatapi kin
ekta ihdoye kta.
15 Iye tawakeya
kin en ounye kta, tawa šni nakaeš; iye
ti kin en inyanzi akadapi kta.
16 Huyatanhan
tahutkan kin šen aye kta; qa wankan taadetka kin kaksapi kta.
17 Tokiksuye
kin he makoce kin etanhan iyaye kta, qa tinta ite akan caje kiwanice kta.
18 Iyoyanpa
etanhan otpaza ekta kahapapi kta; qa maka kin etanhan ehpeyapi kta.
19 Cinca wanice
kta, qa iye taoyate kin en oicage tawa yuke kte šni; qa iye ounye ciqon en
wanjidan okicicaptapi kte šni.
20 Taanpetu kin
on tona ihakam icag-api kin hena yušinyayapi kta, qa tona itokam icagapi qon
hena wonihinciye wicayuze kta.
21 Awicakehan
wicašta šica ounyanpi kin hececa ce, qa tuwe Wakantanka sdonye šni towanke kin he dee.
JOB WICOWOYAKE
19.
1 Hehan Job
waayupta qa heya:
2 Tohanyan
minagi iyokisinyayapi kta, qa wicoie on inayahdendecapi kta he?
3 Wikcemna akihde
istenmayayapi: cantcsinmayayapi on iništecu i šni.
4 Unkan wanuni
kin he wicakapi ešta, wanuni kin miye en miciyanka.
5 Awicakehan
miye en nihdutankapi kinhan, qa mitowištece dawicakapi kta hecinhan;
6 Wanna
Wakantanka miciyupemni, qa onhmunkapi tawa kin he amakahpa, he sdonya po.
7 Iho wokakisye
on wašicahowamda, tuka namahonpi šni; hoyewaya tuka woyaco wanica.
8 Mitacanku kin
he iye namicitaka, hecen sanpa imdamde kte šni; qa canku mitawa ohna otpaza
ehnaka ece.
9 Mitowitan kin
he iye makiyušdoka, qa mapa wapaha kin he emiciyaku.
10 Ihdukšan
tanhan iye ihangmayan, hehan imdamda: qa can wan iyececa, wowacinye mitawa iye
miciyujun.
11 Iye
tocanniye kin aidemakiya, qa iye tokawicaye cin iyecen mayawa.
12 Iye taozuye
kin witaya mniciyapi, qa miye en canku pahaya ekihnakapi, qa mitawakeya
ihduksan ewanka ece.
13 Mihunkawanjipi
hena mitehanyan iyewicaya: qa sdonmayanpi qon hena awicakehan tokamayanpi
icagapi.
14 Takuwicawaye
cin hena ehpemayanpi, qa sdonmayanpi qon hena amiktonjapi.
15 Wati en
ounyanpi qa mitawicinyanna hena wicašta tokeca iyecen mayawapi; iye istapi en wicašta
sdonyapi šni imacaga.
16 Mitawowidake
kin wakipan, tuka amayupte šni; mii on cewakiya tuka.
17 Mitawin ekta
oniya mitawa tokeca aya; qa mitawocekiye kin cincawicawaye cin ekta.
18 Nakun hokšipidan
šicemadakapi; nawajin unkan hena amaiapi ece.
19 Mitakodapi
owasin wahtemadapi šni; qa tona waštewicawadake cin hena makipajinpi ecee.
20 Uka mitawa
qa micehpi kin en huhu mitawa askapa; qa hi mitawa ha kin ecedan hduha
nawajica.
21 Onšimada,
onšimada po, mitakuye niyepi; Wakantanka nape kin mayutan nakaeš.
22 Tokeca šicaya
mayakuwapi he, Wakantanka iyececa; qa micehpi on winipipi šni he?
23 Wanna mioie
kin owapi kta tuwe maqu kta he; wowapi en tuwe maqu kta, qa icagopi ke;
24 Mazasapa
icago wan on, qa mazasu, tokin ohinniyan imnija en bagopi keš
25 Nakun miye
sdonwaye kta, Opemakiton kin he ni un; qa iye hinca ehake maka kin akan inajin
kta:
26 Qa uka
mitawa iyohakam de ihangyapi kta, tuka micehpi en Wakantanka wanmdake kta;
27 He qe miye
hinca wanmdake kta, qa miišta wanyakapi kta, qa tokeca kte šni; mapakšin hena
tanmahen hanyan amayan ešta.
28 Heon etanhan
hehapi kta, Tokeca šicaya unkuwapi kta he: Wicoie hutkan kin miye mahen iyeyapi
nakaeš?
29 Heon etanhan
mazasagye kin itokam wakokipa po: Wocanniye kin he mazasagye kakišye kte cin ee
nakaeš; heon woyaco yukan e sdonyayapi kta ce.
JOB WICOWOYAKE
20.
1 Hehan Zophar
Naamathi kin waayupta qa heya:
2 Heon etanhan
mitoawacin kin waayupte makiyapi; qa heon miye mahen inahni mayanpi ecee.
3 Mitowištece
iyopeyapi kin he nawakihon: Tuka mitookahnige taniya kin he waayupte makiya.
4 De wanakaja
tanhan un kin sdonyaya he; wicašta maka akan ehnakapi kin ehantanhan:
5 Wicašta šica
wiyuškinpi kin he ptecedan, qa wicašta šapa cante wašte kin he išta kakpanpi
seececa?
6 Iye tanka kin
he mahpiya ekta iyahde, qa iye pa mahpiya šapa iyapato ešta;
7 Taunkce kin
iyecen ohinniyan atakuni kte šni: Tona wanyakapi qon hena, Tukten un he? eyapi
kta.
8 Wowihanmna
wan iyecen kinyan iyaye kta, qa tuktedan iyeyapi kte šni; han, hanyetu
wowanyake kin iyecen hamyapi kta.
9 Wicista kin
he he wanyaka, tuka ake econ kte šni; qa iye towanke kin icimana wanhdake kte šni.
10 Iye cinca
kin wahpanicapi kin iyokipi wicayapi kta; qa iye nape kin wowijice tawapi
wicakicu kta.
11 Huhu tawa kin
iye towašake kin ojudan tuka he kioi maka mahen iwanke kta.
12 Wošice kin
iye i ohna skuye dake cinhan, iye ceji ihukuya inahbekiye kta:
13 Kpatan kta,
qa kpagan kte šni; qa iye i kin mahen hduha un qeyaš;
14 Tezi mahen
taa uyapi kin yutokecapi, iye tanmahen sintehda pizi kin hee kta ce.
15 Wowijice
nakipca,tuka ihdepe kta; iye tezi etanhan Wakantanka hiyuye kiye kta.
16 Šintehda
tage šice cin yazoke kta; sintehda ceji kin he kte kta.
17 Wakpa kin
hena en etonwe kte šni, minitan kin, canhanpi tiktica qa asanpi wakpadan kin
hena.
18 Tokamna kin
he wicakicu kta qa nakipce kte šni; wowijice kicupi kta iyececa, qa he iyuškin
kte šni.
19 Kun
ehpewicaya, wahpanicapi kin awicayuštan, heon etanhan tipi wan iyahpaya ešta
iye piya kage kte šni.
20 Iye tezi
ekta woozikiye sdonye šni nakaeš, taku waštedake cin etanhan takudan ehdaku kte
šni.
21 Tawoyute kin
etanhan takudan okaptapi kte šni; heon etanhan taku wašte tawa kin en yanke kte
šni.
22 Toojudan
woptecašni kin en wokakije kiciyanke kta: kakišyapi napepi iyuhpa en au kta.
23 Kaketu kte;
tohan tezi ojukiye kta hecinhan, Wakantanka
tocanniye wohitike cin aifipekiye kta, qa tawoyute kici ahinhekiye kta.
24 Mazasapa wipe
kin etanhan najice kta; mazasa itazipa wan kakpa iyekiciye kta.
25 Yušdokapi qa
tezi kin etanhan icupi; han mazasagye wiyatpa kin iye pizi etanhan hiyu kta:
wokokipe kin akan yanka.
26 Otpaza
ocowasin iye tokamna akicihnakapi: peta wan apogaupi šni kin he huhnahye kta:
tawakeya ohna tuwe okaptapi kin he ihangyapi kta.
27 Iye tošice
kin mahpiya kin yutanin kta, qa heon maka kin itkokim inajin kta.
28 Iye tipi
wokamna kin he tanin kte šni, tocanniye anpetu kin en tokan iyaye kta.
29 Wakantanka
etanhan wicašta šica taku tawa kte cin dee, qa Wakantanka eciyatanhan wokamna
cajekiciyatapi kin hee.
JOB WICOWOYAKE
21.
1 Hehan Job
waayupta qa heya,
2 Nahon po,
iwae cin nahon po; qa wacantohna šniyanpi kte cin hee kta.
3 Iyowinmakiya
po, kinhan miye iwae kta ce; qa womdake cin iyohakam hehan niye waunyaca kta.
4 He miye
hinca, oiyokišinya iwae cin he wicašta ekta kta he: qa hecetu kinhan, tokeca
mitaniya iyokišice kte šni he?
5 Amatonwan po,
qa yušinyaya po; qa niipi en nape ekihnaka po.
6 He miye
awacanmi eca kowakipa; qa wocancan micehpi en yuza ece.
7 Taku on
etanhan wicašta šica ni unpi he, wicahinca ayapi, han wowijice en wašakapi he?
8 Woicage
tawapi kin iye om wicitokam yusutapi ece, qa cincawicayapi kin iye ištapi
itokani.
9 Iye tipi kin
wokokipe codan wookiye yuhapi; qa Wakantanka icapsinte tawa kin akan wicayanke šni.
10 Tatankabdoka
tawa kin ihdušake ca okaškanton šni; pte tawa cinca ton qa cinca ehpekiye ni
cee.
11 Optaye wan
iyecen hoksiyopa yewicayapi; qa iye cincawicayapi kin wacipi ece.
12 Cancejja qa
candowankiyapi on wankan iyeiciyapi, qa cotankn ho kin on wiyuškinpi ece.
13 Anpetu
tawapi wowagte en hdusotapi ece, qa išta kakpanpi se wicahapi ekta iyayapi.
14 Tuka
Wakantanka heciyapi; Unkayuštan po, qa nitacanku sdonunyanpi kta uncinpi šni ce:
15 Iyotan Wašake
cin he taku he? on htaunkicinipi kta he; qa waceunkiyapi kinhan taku unkiwaštepi
kta he?
16 Iho, taku wa
te tawapi kin iye napepi ohna un šni: wicašta šica toawacinpi kin mitehanyan
yanka nunwe.
17 Tohanhan wicašta
šica toijanjan kin bokicišnipi! qa toihangyapi kin en awicau kta he! Iye
tocanniye en woiyokišice wicakipamni kta.
18 Tateyanpa
itokam aguyapi hu kin iyececapi kta, qa aguyapi ha icamna kaha iyeye cin
iyececa.
19 Woahtani
tawa kin iye cinca Wakantanka wicakicihnake kta: iye kicicajuju kta, hecen
sdonkiye kta.
20 Iye išta kin
toihangye kin wanhdake kta; qa Iyotan Wašaka tocanteptanye kin yahepe kta.
21 Taku on iye
iyohakam tiyohnaka kin en tawowiyuškin kta he; wi yawapi tawa kin kiciyuštanpi nakaeš.
22 Tuwe
Wakantanka wosdonye onspckiye kta he: tona wankan unpi kin hena iye wicayaco
kta nakaeš.
23 Wanji
ocowasin en un ecen te kta,ocowasin wikope šni un qa owanji yanka:
24 Wakiškotpa
tawa kin asanpi ojudan; qa iye huhu cupe kin spayeyapi.
25 Qa wanji iš
iye nagi iyokišica en te kta, qa wowašte en wote šni ece.
26 Sakim maka
mahen iwankapi kta, qa wamdudan kin napin awicakahpapi kta.
27 Iho,
nitawacinpi kin miye sdonwaya, qa woawacin on kakismayayapi kte cin.
28 Niye hehapi nakaeg;
itancancinca tukten tipi he? qa wicašta šica tawakeya ounyanpi kin tukte epi
he?
29 Tona canku
ohna hiyayapi kin wiwicanunyapi šni he? qa owohdake tawapi kin sdonyayapi šni
he,
30 Wicašta šica
wokakije anpetu kin apatanpi kta? wocanteptanye anpetu kin en aupi kta.
31 Iye ite kin
en tacanku kin tuwe okiciyakc kta he? qa taku econ hecinhan tuwe kicicajuju kta
he?
32 Tuka iye
wicahapi kte en ahipi kta, qa wicahnakapi kin he iye awanhdake kta.
33 Kaksiza ohna
maka onspaspa kin hena skuyedaka ece: Qa iye ihakain wicašta owasin pasipi kta,
yawapica šni itokam iyayapi qon iyececa.
34 Hecen token
taku šni on eantohnagmayayapi kta he: woinaye waaduptapi ecee kin en tin nakaeš?
JOB WICOWOYAKE
22.
1 Hehan Eliphaz
Temani kin waayupta qa heya:
2 Wicašta Wakantanka
okiye kta he; tuwe ksape cin oiciye kta okihi kin iyececa he?
3 Oniwotanna
kinhan he Iyotan Wašake cin taku iwašte kta he? qa nitacanku yahduecetu kinhan
he wokamna kta he?
4 Nitokokipe on Iye iyopeniye kta he? woyaco
ekta iye nici ye kta he?
5 Wošice nitawa
kin he tanka šni he? qa wayahtani kin owihanke wanica?
6 Taku on
etanhan šni nihunkawanji yahdaska nakaeš, qa tancodan unpi tawokoyake kin
wicayeciyušdoka.
7 Tuwe ipuze
cin he mini yatkeyakiye šni, qa wotektehdapi kin aguyapi ipiwicayada ece.
8 Tuka wicašta
isto yukan makoce kin he tawa; qa wicašta wakinihan kin he en ounyan, wiwazica
taku yuhe šni hde wicayaši ece; qa wanidenica taistopj kawegapi.
10 Heon etanhan
mazahtakiyapi nihdukšan hiyeya; qa ihimhanna wokokipe wakokipe nicaga ecee:
11 Heonetanhan
otpaza wandake šni, qa minitan mini kin anicahpa.
12 Wakantanka
wankan yanke šni he, mahpiya ekta? qa wicanhpi pa kin wanyaka wo, hena
tehanwankantu nakaeš!
13 Hehan,
Wakantanka taku sdonya he? Iye mahpiya šoka kin ohnayan wayaco kta he.eha?
14 Mahpiya šapa
kin akal'ipa, hecen iye wawanyaka okihi šni; qa mahpiya ohomni kin he iye omani
kta.
15 Canku tanina
kin he iwandake kta he, wicašta šica ohna manipi qon?
16 Hena e
sutaya wicayuzapi, qa iyehantu šni, towankapi kin wakpa wan aminitan:
17 Hena
Wakantanka heciyapi, Unkayuštan po; qa Iyotan Wašake cin taku ecawicakicon kta
he?
18 Iye tipi
tawapi kin taku wašte on ojuwicakiciya tuka qon: Tuka wicašta šica toawacin kin
mitehanyan un nunwe.
19 Wicašta
owotanna kin he wanyakapi qa wiyuškinpi; qa tona ecetupi kin hena iwicahahnpi
ecee.
20 Awicakehan
tokawicunyanpi kin ihangyapi; qa tawahpayapi kin peta huhnaga ce.
21 Wanna iye
kici takukiciya wo, qa wookiye en un wo; heciyatanhan taku wašte en niu kta:
22 Wanna Iye i
kin etanhan woope kin icu wo, qa iye oie kin nicante en ehnaka wo.
23 Iyotan Wašake
cin en yahdi kinhan, ake ieahniyanpi kta; nitawakeya etanhan woahtani yutokan
iyeyaye cinhan.
24 Hehan maka
mdu isanpa mazaskazi yahnake kta; qa Ophir mazaskazi kin wakpadan inyan kin
iyececa.
25 Han, Iyotan Wašake
cin he mazaskazi nitawa ee kta, qa mazaska stedapi nitawa kta.
26 Hehan Iyotan
Wašake cin en widu kin kta, qa Wakantanka ekta niite iyekcu kta nakaeš.
27 Niye
ceyakiye cinhan, iye nanihon kta: qa taku wahoyaye ciqon yahdajuju kta.
28 Nakun wicoie
wanji idukcan kta, unkan niciyuštanpi kta; qa iyoyanpa ee nitacanku kin
aiyojanjan kta.
29 Makata
ehpeiciyapi kin hena, Najin po, ewicayakiye kta: unkan i ta kun unpi kin hena
iye niwicaye kta.
30 Tuwe ecetu
un šni kin he iye eyaku kta; qa ninape ska kin on eyakupi kta ce.
No comments:
Post a Comment