Lukas 19-20

LUKAS WICOWOYAKE 19.

1 Unkan Jericho en i, qa iyoopte iyaya.

2 Unkan iho, wicašta wan Zacchaeus eciyapi, wamnayanpi itancan kin wanji hee, qa wijica.

3 Unkan Jesus tuwe kin hecinhan he wanyag akita; tuka tancan ptecedan, hecen wicota kin on tokadan okihi šni.

4 Unkan tokata inyang ye ca sukamin can wanji adi, wanyalie kta e heon, hen hiyaye kta nakaeš.

5 Unkan Jesus wanna ehan i qehan, wankan etonwe ca wanyaka, qa heciya, Zacchaeus koyahanna kun hdicu wo, anpetu kin de yati kin en ito manke kta ce.

6 Unkan koyahanna kun ku, qa iyuškinyan iyowinkiya.

7 Unkan he wanyakapi qehan owasin ikapapi qa heyapi, Wicašta wan wahtani sa he kici wote kta iyaya ce.

8 Unkan Zacchaeus najinhan najin qa Itancan kin heciya; Itancan wanyaka wo, woyuha mitawa kin hanke wahpanicapi kin wicawaqu ece; qa tuwe oitonšniyan taku iwecicu kinhan, topa akihde wecu kta ce.

9 Unkan Jesus heciya; Anpetu kin de wanikiyapi tipi kin de hiyohi; Abraham cincaye cin wanji hee nakaeš.

10 Wicašta Cinhintku kin taku atakuni šni qon, he akite ca niye kta e heon hi ce, eya.

11 Unkan hena nahonpi qehan nakun wiyacinpi wan owicakiyaka; wanna Jerusalem ikiyedan un, qa Wakantanka tokiconze kin ecadan u kta kecinpi kin heon etanhan:

12 Qa heya; Wicašta ihdawa wan makoce itehan wan ekta iyaya, wokiconze icu qa ku kta.

13 Unkan taokiye wikcemna wicayuhe cin, hena wicakico, qa mazaska tkeutapi wikcemna wicaqu, qa hewicakiya; Tohanyan wahdi šni hehanyan un po.

14 Tuka taoyate kin wahtedapi šni, qa tuwe iyahna yešipi, qa heyapi; Wicašta kin de unkidakapi kta uncinpi šni ce.

15 Unkan wokiconze kin icu qa hdi qehan, taokiye mazaska wicaqu qon hena wicakicopi kta keya; wopetonpi kin on tona wanna hdamnanpi hecinhan, he sdonye kta.

16 Unkan tokaheya kin he u, qa heya; Itancan kin, mazaska nitawa qon, he wanna mazaska wikcemna kamna ce.

17 Unkan heciya; Han, ookiye niwašte; taku tonana on wacinyepica yaun, heon etanhan ito otonwe wikcemna idaka wo.

18 Unkan iyokihe kin he u, qa heya; Itancan kin, mazaska nitawa qon, he wanna mazaska zaptan kamna ce.

19 Unkan iš eya heciya; Niš otonwe zaptan idaka wo.

20 Unkan wanji tokeca u, qa heya; Itancan kin, wanyaka wo, mazaska nitawa wanapin ohna yuha waun, ho dee:

21 Wicašta nišake cin heon kocicipa ce; taku eyahnake šni kin, he ece edaku; qa woyaju šni kin he ece duksa ce, eya.

22 Unkan heciya: Nii kin eciyatanhan ciyaco kta, ookiye winicaštašni; wicašta mašake cin he sdonyaya; taku ewehnake šni kin he ece emdaku, qa wowaju šni kin hee mduksa ece.

23 Hecen tokeca mazaska mitawa kin he iciyopekiciyapi kin en ade šni he; kinhan wahdi kin ekta mitawa kin oieage alina weca kta tuka ce?

24 Hehan hen najinpi kin hena hewicakiya; Mazaska kin he ikicicupi qa tuwe mazaska wikcemna yuhe cin hee qu po.

25 Unkan heciyapi; Itancan kin, he wanna mazaska wikcemna yuha ce.

26 Tona taku yuhapi kin hena owasin nakun wicaqupi ece e kta; qa tuwe taku yuhe šni kinhan, taku yuhe cin hee kaeš ekiciyakupi kta ece, eciciyapi ce.

27 Tuka tokamayanpi iwicawadake kta cinpi šni qon hena den awicaupi qa mitokam wicakte po, eya ce.

28 Unkan hena hecen eye cehan, tokata ye ca Jerusalem ekta itawankanhde iyaya.

29 Qa Bethphage qa Bethany, paha wan Olive eciyapi kin, he wanna ikiyedan ehan i qehan, waonspewieakiye cin etanhan nonpa ye wicaši;

30 Qa heya; Otonwe iyotakons wanke cin he ekta ya po; qa tokaheya en yaipi kinhan šukcincadan wan iyeyayapi kta, wicašta tuwedan tohinni akan iyotanke šni; he kiyuškapi qa aku po.

31 Qa, Tokeca yakiduškapi he? tuwe eya iniwangapi kinhan, niš hehan, Itancan kin cin ce, eyakiyapi kta.

32 Unkan ye wicaši qon hena iyayapi, qa token ewicakiye cin ecen iyeyapi.

33 Unkan šukcincadan kiyuškapi icunhan, tuwe tawapi kin hena hewicakiyapi; Tokeca yakiduškapi he?

34 Unkan, Itancan kin cin ce, eyapi.

35 TInkan Jesus kahdipi; qa wokoyake tawapi kin šukcinca kin aihpeyapi, qa Jesus akan yankekiyapi.

36 Qa ye cin tahepi canku ohna wokoyake kin hdumdayapi.

37 Unkan ikiyedan Olive paha kin apamahde iyayapi kin helian wanna i qehan, waonspewicakiya wicota owasin, wicowašake wicohan wanyakapi qon owasin on etanhan hinakaha iyuškinpi, qa hotankakiya Wakantanka yatanpi,

38 Qa heyapi; Wicaštayatapi tuwe Itancan caje kin on u kin he yawaštepi ce; mahpiya ekta wookiye, qa iyotan wankantu ekta wowitan un nunwe.

39 Unkan Pharisee wicota en opapi qon apa heciyapi; Waonspekiye cin, waonspewicayakiye cin wicakišica wo.

40 Unkan waayupte ca hewicakiya; Dena inina unpi kinhan, inyan kin wancake howaye kta ce, eciciyapi ce.

41 Unkan wanna ikiyedan u, qa otonwe wanyake cehan, aceye, ca heya;

42 Niye kin anpetu nitawa kin de en taku on wookiye duhe kte cin sdonyakiya unkanš: tuka wanna icimana išta on wanyahdake kte šni.

43 Anpetu kin hiyonihipi kta, tona tokaniyanpi kin nihdukšan maka qapi, qa okšan niyankapi kta, qaohomni ohinniyan anapte nanijinpi kta:

44 Qa makata ehpeniyanpi kta, nicinca en niutipi kin hena koya; qa inyan nonpa icitakihna wanke šni ehpeniyanpi kta; anpetu en taku wašte nihiyohipi kin he sdonyakiye šni heon etanhan.

45 Unkan tipi wakan kin en tin iyaye, ca tona ohna wiyopeyapi, qa wopetonpi qon, hena tankan ehpewicaya;

46 Qa hewicakiya; Tipi mitawa kin he wocekiye tipi, eya owapi qon; tuka niye owamanonpi kin heca yakagapi ce.

47 Unkan anpetu iyohi tipi wakan kin ohna waonspekiya. Tuka wawayušnapi itancanpi, qa wowapi kagapi, qa oyate kin en wicašta ihdawapi kin, hena teyapi kta akitapi;

48 Tuka token econpi kta takudan iyeyapi šni; oyate kin owasin oie kin nahonpi kta cinpi ece.

LUKAS WICOWOYAKE 20.

1 Unkan anpetu kin hena wanji en tipi wakan kin ohna oyate kin waonspewicakiye,ca wootanin wašte kin he oyake cehan, wawayušnapi itancanpi, qa wowapi kagapi, qa wicahincapi kin, hena ekta ahi,

2 Qa okiyapi, qa heciyapi; Tukte wicookihi on dena decen ecanon he? qa wicookihi kin de tuwe e nicu hecinhan,

unkokiyaka po?

3 Unkan waayupte ca hewicakiya ; Miš eya taku wanji iciwangapi kta; he amayupta po:

4 Johannes baptem wicaqu qon he mahpiya eciyatanhan, kaeš wicašta kin eciyatanhan, unma tukte he?

5 Unkan iye iyakitedan iapi, qa heyapi; Mahpiya kin eciyatanhan ce, unkeyapi kinhan, Tokeca wicayadapi šni he? eye kta:

6 Tuka, Wicašta kin eciyatanhan, unkeyapi kinhan, oyate kin inyan on unkininpi kta; Johannes wicašta wokcan kin heca kecinpi.

7 Unkan ayuptapi, qa tokiyatanhan un kin sdonyapi šni, keyapi.

8 Unkan Jesus hewicakiya; Miš eya wicookihi tukte on dena ecamon kin nakun ociciyakapi kte šni ce.

9 Hehan wiyacinpi kin de oyate kin owicakiyaka: Wicašta wan hastanhanka iyuwi maga wan oju, qa mahkicanyanpi kin heca owicaqu, qa makoce itehan wan ekta tehan yanka.

10 Unkan wanna iyehantu qehan, taokiye wanji hastanhanka iyuwi maga waskuyeca kin etanhan qupi kta e, mahkicanyanpi qon ekta yeši; tuka mahkicanyanpi qon kastakapi, qa cokadan hdešipi.

11 Unkan ake taokiye wanji tokeca yeši; unkan iš eya kaštakapi, qa šikšicaya kuwapi, qa cokadan hdešipi.

12 Unkan akeš iyamni wanji yeši; unkan iš eya taopi, qa tankan ehpeyapi.

13 Hehan hastanhanka iyuwi maga tawa kin heya; Token ecamon kta he? Micinkši waštewakidake cin, hee yewaši kta ce; okinni he wanyakapi kinhan yuonihanpi kta.

14 Tuka mahkicanyanpi kin he wanyakapi qehan, iye iyakitedan iapi, qa heyapi; Tawaye kte cin he dee ce; iho po, unktepi kta; hecen unkiye tawaunyanpi kta ce.

15 Hecen hastanhanka iyuwi maga itankan ehpeyapi, qa ktepi. Heon etanhan hastanhanka iyuwi maga tawa kin token ecawicakicon kta he?

16 Ito ku kta, qa mahkicanyanpi kin hena owihankewicaye, ca hastanhanka iyuwi maga kin he tokan wicaqu kta ce, eya. Unkan he nahonpi qehan, Hecetu šni ce, eyapi.

17 Unkan awicatonwe cehan heya; Hecen wowapi en kagapi qon he token kapi he; Tipi kagapi kin inyan heyata iyeyapi qon hee wanna oise en itancan icaga ce?

18 Qa tuwe inyan kin he ahinhpaye cinhan kahuhugapi kta; qa iš inyan kin tuwe ahinhpaye cinhan, hee pamdu kta ce.

19 Unkan wawayušnapi itancanpi, qa wowapi kagapi kin, hena he ehan iyahpayapi kta cinpi; tuka oyate kin kowicakipapi; wiyacinpi oyake cin he iye wicaka e iyukcanpi.

20 Unkan awanyag kuwapi, qa wanjikji iye owotanna konzapi kin hena iwanyakapi kta e ekta ye wicašipi; hecen oie kin iyahpayapi, qa wicašta itancan towašake qa tawacin kin en qupi kta.

21 Unkan hena wiwangapi, qa heyapi; Waonspekiye cin, niye tnnyan iyae, ca waonspeyakiya ece; qa tuwedan en eyatonwe šni; tuka Wakantanka ocanku tawa kin he awicakehan onspewicayakiya e sdonunniyanpi ce:

22 lho, Cæsar wamnayanpi kin unqupi, kaeš unqupi kte šni, unma tukte hecetu he?

23 Unkan wayupiya hnaye wacinpi kin he iwicayukcan. qa hewicakiya; Tokeca iyutanmayayapi he?

24 Kašpapidan wanji makipazo po. Akan owapi qa wakagapi kin de tuwe tawa he? Unkan ayuptapi qa; Cæsar tawa ce, eyapi.

25 Unkan hewicakiya; Heon Cæsar taku tawa kin hena Cæsar kicu po; qa Wakantanka taku tawa kin Wakantanka kicu po.

26 Unkan oyate kin wicitokam oie kin iyahpayapi kte cin okitpanipi, qa waayupte cin he on inihanpi, qa inina hiyeya.

27 Hehan Sadukee ake wicakini kta wanica keyapi kin hena wanjikji en hipi; wiwnngapi,

28 Qa heyapi; Waonspekiye cin, Moses kaken wowapi unkicagapi; Tuwe cincu tawicu ton qa cinca nica ecen te cinhan, iye sunkaku tawicu qon hduze ca cincu cinca icahkiciciye kta ce.

29 Unkan hecen hunkawanjinkiciyapi šakowin: unkan tokapa kin tawicu ton, qa cinca nica ecen ta.

30 Unkan iyokihe qon he hehan hduza; tuka cinca nica ecen ta.

31 Unkan iyamni qon hduza; qa šakowinpi qon owasin hecen hduzapi, qa ecen tapi; unkan cinca nicapi.

32 Unkan ehake winoliinca iš eya ta.

33 Iho, hecen wicakini kte cin ekta šakowin hduzapi qon, hena tukte wanji tawapi kta he? eyapi.

34 Unkan Jesus waayupte, ca hewicakiya; Maka kin de cinca kin tawicutonpi, qa hihnatonpi:

35 Tuka tona makoce kin he en opapi kte cin, qa wicate cin etanhan kinipi kta iyececa wicadakapi kin hena tawicu tonpi šni, qa hihnatonpi šni ece.

36 Qa nakun ake tapi kta okihipi šni; tuka hena mahpiya ohnihde kin om akiyececapi ece, qa wicakini kin he hena cinca kin on etanhan Wakantanka cincawicaya ece.

37 Unkan wicate cin hena kiniwicakiyapi kta, Moses hee kaeš can yuhaka ekta niciyaotaninpi; Abraham Wakantanka tawa, qa Isaak Wakantanka tawa, qa Jakob Wakantanka tawa, Itancan kin eciye ciqon he ehan.

38 Tona tapi kin hena Wakantanka tawapi šni, tuka ni unpi kin hena: owasin iye ekta ni unpi ece.

39 Unkan wowapi kagapi kin wanjikši hehan heciyapi; Waonspekiye cin, tanyan eha ce.

40 He iyohakam tuwedan sanpa wiwanga tawatenye šni.

41 Unkan hewicakiya; Token on Messiya David Cinhintku kin eciyapi he?

42 Odowan wowapi kin en David iye hinca heya; Itancan kin Itancan mitawa kin heciya; Mietapa kin ekta iyotanka wo,

43 Ecen tokaniyanpi kin hena nisiha oahe wicawakage kta ce.

44 Hecen David Itancan eciya hecinhan, token on cinhintku kta he?

45 Unkan hehan oyate awasin nahon hiyeye cin en, waonspewicakiye cin hewicakiya;

46 Wowapi kagapi kin itonwicapa po; he iye šina hanskaska in omanipi, qa iciyopekiciyapi kin en owicakiyapi, qa omniciye tipi kin oyanke tokapa, qa wotapi kin en ohehdepi tokapa kin, hena hecekcen cinpi:

47 Qa wiwazica tipi tawapi kin temyapi; qa ihdutaninpi kta on wocekiye hanska eyapi ece; hena iš iyotan woyaco tanka iyahdeiciyapi kta ce.