Leviticus 13-20 Dakota Bible

Leviticus

WICOWOYAKE 13.

1 Unkan Jehovah ie ca Moses Aaron kici hewicakiya,

2 Wicašta wan cehpi uka ohna oyuhi wan, kaeš han wan, kaeš wiyega wan tanin, qa he cehpi uka ohna leprosy makošica iyececa kinhan, Aaron wawayušna kaeš iye cinca wawayušnapi wan en hiyuyapi kta.

3 Unkan wawayušna kin makošica cehpi uka ohna wanyake kta; unkan makošica ohna hin kin hota aye cinhan qa makošica kin cehpi uka sanpa mahen iyaya tanin kinhan, leprosy makošica hee: heon wawayušna kin he wanyake ca yašape kta.

4 Tuka wiyege cehpi uka ohna kin he hota qa uka sanpa mahen iyaye šni tanin kinhan, qa hin kin hota aye šni kinhan, wawayušna kin makošica ececa kin anpetu šakowin kaškahnake kta.

5 Unkan anpetu išakowin en wawayušna kin wanyake kta; unkan makošica kin ecen yanke ca uka ohna sanpa iyaye šni wanyake cinhan, wayušna kin he anpetu šakowin inonpa kaška hnake kta.

6 Unkan anpetu išakowin inonpa en ake wawayušna kin wanyake kta, unkan awicakehan makošica kin san, qa uka ohna makošica kin kahtanye šni kinhan, wawayušna kin yaška kta, cespu wan hee, heon wokoyake hdujaja kta qa ska kta.

7 Tuka wawayušna yuska kta e wanyake cin he iyohakam, cespu kin uka ohna kahtan aye cinhan ake wawayušna kin en ihdutanin kta.

8 Unkan wawayušna kin wanyake kta, unkan awicakehan cespu kin uka en kahtan aye cinhan, wawayušna kin he yašape kta; leprosy hee.

9 Tohan leprosy makošica wicašta wan en un kinhan, he wawayušna kin en hiyuyapi kta.

10 Unkan wawayušna kin atonwan kta, unkan inyun ha ohna oyuhi hota wan, qa hin kin hota aya, qa oyuhi ohna cehpi ni tanin kinhan,

11 Leprosy tanina cehpi uka ohna hee, unkan wawayušna kin he yašape kta, hee šapa heon kaška hnake kte šni.

12 Unkan leprosy ha ohna nina ahinape ca leprosy kin makošica ececa ha kin ocowasin pa etanhan siha aiyahdeya wawayušna taku wanyake cin iyuhpa akahpe cinhan,

13 Qa inyun leprosy cehpi iyuhpa akahpe cin he wawayušna kin wanyake cinhan, makošica ececa kin he yaška kta, ocowasin hota icu, hee ska.

14 Tuka tohan he ohna cehpi niyake tanin kinhan ape kta.

15 Qa wawayušna cehpi niyake cin he wanyake ca yašape kta, cehpi niyake cin hee šapa, leprosy hee.

16 Tuka cehpi niyake ihdutokeca, qa hota icu kinhan, ake wawayušna en hi kta.

17 Unkan wawayušna wanyake: kta, unkan makošica kin hota icu kinhan, wawayušna kin mako ca ececa kin yaška kta, hee ska.

18 Unkan cehpi uka hin ohna šiyakao qon okiziyapi,

19 Qa šiyakao yanke ciqon ohna oyuhi nuta wan, kaeš wiyega hota kitanna sa kinhan, wawayušna kin wanyag yapi kta.

20 Unkan wawayušna kin he wanyake ca inyun uka kin sanpa mahen iyaye ca hin kin hota icu kinhan, wawayušna kin he yašape kta, leprosy makošica šiyakao qon ohna ahinape cin hee.

 21 Tuka wawayušna kin he wanyaka unkan ohna hin hota wanice ca uka sam mahen iyaye šni qa hee san kinhan, wawayušna kin he kaškahnake kta anpetu šakowin.

22 Unkan uka ohna kahtan aye cinhan yašape kta, makošica wan hee.

23 Tuka wiyege cin ohna yanke ciqon ecen han, qa kahtanye šni kinhan, šiyakao osnaze wan hee, heon wawayušna kin yaška kta.

24 Unkan tohan cehpi uka kin ohna peta ogu yuke ca ogu owe kin wiyega hota kitanna sa kaeš ocowasin hota kinhan,

25 Wawayušna kin wanyake kta, unkan wiyega kin uka sanpa mahen iyaya tanin, qa he ohna hin kin hota aye cinhan, leprosy osnaze ohna ahinanpe cin hee, unkan wawayušna kin he yašape kta; leprosy makošica hee.

26 Tuka wawayušna he wanyaka, unkan awicakehan wiyega ohna hin hota wanice ca uka kin sanpa mahen iyaye šni, tuka hee san kinhan, wawayušna kin šakowin can kaška hnake kta.

27 Qa anpetu išakowin en wawayušna kin he wanyake kta, uka ohna kahtan aye cinhan wawayušna kin he yašape kta, leprosy makošica hee.

28 Tuka wiyega kin ohna .yanke ciqon ecen han, ha ohna kahtan šni tuka hee san kinhan, ogu kin oyuhi wan hee, heon wawayušna kin he yaška kta, ogu osnaze wan hee.

 29 Unkan wicašta kaeš winohinca paha ohna, qais putinhin ohna makošica yuke cinhan,

30 Wawayušna kin makošica kin wanyake kta, unkan uka sanpa mahen iyaya tanin kinhan, qa ohna hin zi zibzipedan yuke cinhan, wawayušna kin he yašape kta, netaq hee paha kaeš putinhin leprosy hee.

31 Unkan wawayušna kin netaq makošica wanyaka, uka ihukuya tanin šni kinhan, qa ohna hin šapa wanice cinhan, wawayušna kin netaq makošica ececa kin anpetu šakowin kaška hnake kta.

32 Unkan anpetu išakowin en wawayušna kin makošica kin wanyake kta, unkan netaq kin awicakehan kahtan iyaye šni, qa ohna hin zi wanice cinhan, qa netaq uka ihukuya iyaye šni  tanin kinhan,

33 Ihdasan kta, tuka netaq kin hdasan kte šni, unkan ake wawayušna kin netaq ececa kin anpetu šakowin inonpa kin kaška hnake kta.

34 Qa anpetu išakowin en wawayušna kin netaq ececa kin wanyake kta, unkan awicakehan netaq uka ohna sanpa kahtan šni, qa uka ihukuya tanin šni kinhan, wawayušna kin yaška kta; unkan wokoyake hdujaja i kta, qa ska kta.

35 Tuka yaskapi kin iyohakam netaq uka ohna kahtan aye cinhan,

36 Wawayušna kin wanyake kta, unkan netaq kin uka okahtan aye cinhan, wawayušna kin hin zizi kin akite kte šni, hee šapa.

 37 Tuka netaq ecen han wanyake cinhan, qa ohna hin sapa inape cinhan netaq wanna okizi yapi, hee ska, unkan wawayušna kin he yaška kta.

38 Unkan wicašta wan kaeš winohinca wan cehpi uka ohna wiyegaga hota yuke cinhan,

39 Wawayušna kin wanyake kta; unkan cehpi uka hin ohna wiyega kin san kitanna hota kinhan, bohaq uka ohna ahinape wan hee, hee ska.

40 Unkan wicašta wan pesdete sda kinhan, he pesdete sda ešta hee ska.

41 Unkan ite ektakiya sda kinhan pa sda ešta hee ska.

42 Tuka pasda ohna makošica hota kitanna sa yuke cinhan, leprosy pasda ohna ahinape cin hee.

43 Unkan wawayušna kin he wanyake kta, unkan awicakehan pasda ohna makošica oyuhi kin hota kitanna sa leprosy cehpi uka ohna tanin kin iyececa kinhan,

44 Wicašta kin he leprosy ececa, hee šapa, pa kin akan makošica yukan, wawayušna kin he yašape kta.

45 Unkan wicašta tuwe leprosy makošica ececa kin he tawokoyake hdehdecahe kta, qa iye pa codan, qa pute akahpe ton kta, qa, Šapa šapa, pan kta.

46 Tohan makošica ececa hehanyan sape kta, sapa kin heon išnana ti kta, otonwe itankan ounye kta.

47 Unkan taku koyakapi ohna leprosy makošica yuke cinhan, wokoyake tahcahin on kagapi kaeš minihuha unman tukte kašta ohna;

48 Kazuntapi kaeš kahmupi, hahonta on kagapi qais tahcahin etanhan, kaeš wakihdaka, kaeš taku kašta taha on kagapi ohna.

49 Qa wokoyake kin ohna makošica kin san, kaeš kitanna sa kinhan, wakihdaka ohna, kaeš taku kazuntapi ohna, kaeš taku kahmupi ohna, kaeš taku kašta taha on kagapi ohna, leprosy makošica kin hee; unkan wawayušna kin wanyake kta.

 50 Qa wawayušna kin makosica kin wanyake cinhan, anpetu šakowin taku makošica ohna un kin kaška hnake kta.

 51 Qa anpetu išakowin en wokoyake ohna makošica kahtan aya wanyake cinhan, taku kazuntapi ohna, kaeš taku kahmupi ohna, qa taha ohna, kaeš taku ka ta unpi kta e taha on kagapi ohna, leprosy pahinca makošica hee, hee šapa.

52 Unkan wokoyake kin he huhnahyapi kta kazuntapi qais kahmupi, tahcahin kaeš hahonta on kagapi ohna, kaeš taku kašta taha on kagapi ohna, leprosy pahinca hee nakaš peta ohna huhnahyapi kta.

53 Tuka wawayušna kin wanyaka, unkan awicakehan makošica kin wokoyake kazuntapi ohna, kaeš kahmupi ohna, qais taha ohna, kaeš taku kašta taha on kagapi ohna kahtan aye šni kinhan;

54 Wawayušna kin taku ohna makošica yuke cin yujaja wicaši kta, qa ake anpetu šakowin kaška hnake kta.

55 Qa makošica yujajapi iyohakam wawayušna kin wanyake kta, unkan awicakehan makošica otanin kin ihdutokeca šni, qa makošica kin sanpa kahtan šni ešta hee šapa, wayašdoka hee, mahentanhan sda kaeš akapatanhan sda.

56 Unkan yujajapi iyohakam makošica kin hee san, wawayušna wanyake cinhan, he wokoyake etanhan baspe kta, kazuntapi etanhan, kaeš kahmupi etanhan, kaeš taha etanhan;

57 Unkan ake wokoyake ohna ihdutanin kinhan, taku kazuntapi ohna, kaeš taku kahmupi ohna, kaeš taku taha on kagapi ohna, makošica icaga wan hee, taku ohna un kin he huhnah ye kta.

 58 Tuka wokoyake kahmupi, kaeš kazuntapi, kaeš taku kašta taha on kagapi kin yujajapi iyohakam makošica kin ayuštan kinhan, ake yujajapi kta qa ska kta.

59 Leprosy makošica woope kin hee, wokoyake tahcahin, kaeš hahonta on kagapi, kazuntapi kaeš kahmupi, kaeš taku kašta taha on kagapi on yaskapi kta qais yašapapi kta.

LEVITICUS WICOWOYAKE 14.

1 Unkan Jehovah ie ca Moses heciya;

 2 Leprosy ececa on woope kin dee, anpetu yuškapi kin en wawayušna kin en hiyuyapi kta.

3 Unkan wawayušna kin tonwanyanpi itankan inape kta, qa leprosy makošica ececa qon leprosy etanhan awicakehan akišni kinhan;

4 Yuškapi kta e wawayušna zitkadan nonpa zanika, ska icu wicaši kta, nakun hante sa can, qa hin duta, qa pejihota.

5 Qa wawayušna kin zitkadan wanji maka wakšica ohna mini kaduze cin iwankam tuwe kte ši kta.

6 Qa zitkadan ni kin he icu kta, nakun hante sa can, qa hin duta kin, qa pejihota kin, qa hena owasin zitkadan ni un kin iyahna zitkadan ktepi we en oputkan kta, mini kaduza iwankam.

7 Qa tuwe leprosy etanhan yuškapi kin he akowin akihde amnimni kta, hecen yuška kta, hehan zitkadan ni kin tinta ektakiya ehpeye kta.

 8 Unkan tuwe yuškapi kin wokoyake hdujaja kta, qa hin owasin hdasan kta, qa mini en niwe kta, hecen ska kta, hehan otonwe en hi kta; tuka anpetu šakowin wakeya tawa itankan yanke kta.

9 Qa anpetu išakowin en hin owasin hdasan kta, paha hin qa putinhin, qa ištahe hin, qa tancan hin owasin hdasan kta, qa wokoyake hdujaja kta, qa tancan mini en niwe kta hehan ska kta.

10 Unkan anpetu išahdogan en arnnos mdoka zanika nonpa, qa tahkaška cinca wiyedan wanjidan, waniyetu wanjidan, zanika icu kta, nakun minha on aguyapi mdu can wakšica ohnaka nonpa wihdi icicahiyapi, qa wihdi wiyatke ohnaka wanjidan.

11 Unkan wawayušna wayaska kin wicašta yuškapi kte cin he, qa hena owasin Jehovah itokam ehde kta, itkokipapi wakeya tiyopa ekta.

12 Qa wawayušna kin tahkaška cinca hokšidan wanji icu qa wohdajuju on ahi kta, nakun wihdi wiyatke ohnaka kin, qa hena koze kta, wokosyapi Jehovah itokam.

13 Qa tahkaška cinca kin pate kta, tukte woahtani wošnapi, qa wonuhnahyapi kin patapi, oyanke waknn ohna; wohdajuju kin woahtani wošnapi kin he iyececa, wawayušna kin he tawa, he wakan ninca.

14 Unkan wawayušna kin wohdajuju we kin etanhan icu kta, qa tuwe yaška kta noge etapa inkpa akan ikiciun kta, qa nape etapa hunka akan, qa šipa hunka etapa akan.

15 Qa wawayušna kin wihdi wiyatke ohnaka etanhan icu kta, qa wawayušna nape coka catka kin okaštan kta.

16 Unkan wawayušna kin nape apazo etapa kin wihdi nape catka ohna un kin okputkan kta, qa nape apazo on we kin šakowin akihde ehpe ye kta, Jehovah itokam.

17 Qa nape kin ohna wihdi ihe cin he etanhan wawayušna kin tuwe yaška kta noge etapa inkpa akan ikiciun kta, nakun nape hunka etapa akan, qa sipahunka etapa akan, wohdajuju we akan.

18 Qa wihdi okapte cin wawayušna nape coka ohna kin he tuwe yuška kte cin he pa akan ikiciun kta, qa wawayušna kin akahpekiciye kta, Jehovah itokam.

19 Qa wawayušna kin woahtani wošnapi kin kage kta,qa tuwe yaška kte cin toašape etanhan akahpe kiciye kta, qa he iyohakam wohuhnahyapi kin pate kta.

20 Qa wawayušna kin wohuhnahyapi kin qa minha kin wahna wošnapi akan huhnahye kta, hecen wawayušna kin akahpe kiciye kta, unkan ska kta.

21 Tuka wahpanica on nape kin hena iyohi šni kinhan, akahpe kiciye kta e tahkaška cinca wanjidan icu kta, wohdajuju wokosyapi on, nakun aguyapi mdu can wakšica ohnaka wanjidan wihdi icicahiyapi minha on, qa wihdi wiyatke ohnaka wanjidan.

22 Qa tin wakiyedan nonpa kaeš wakiyedan cinca nonpa, unman tukte nape kin iyohiye kta, wanji woahtani wošnapi on, qa unma wohuhnahyapi on.

23 Qa yuškapi kta e anpetu išahdogan hehan hena wawayušna kin ekta hiyuye kta, Jehovah itokam itkokipapi wakeya tiyopa ekta.

24 Unkan wawayušna kin tahkaška cinca wohdajuju kin icu kta, qa wihdi wiyatke ohnaka kin, qa hena koze kta, wokosyapi Jehovah itokam.

25 Qa tahkaška cinca wohdajuju kin pate kta, qa wawayušna kin wohdajuju we etanhan icu kta, qa noge inkpa etapa akan, qa nape hunka etapa akan, qa šipa hunka etapa akan ikiciun kta.

26 Qa wawayušna kin wihdi etanhan wawayušna napcoka catka kin oihdaštan kta.

27 Qa wawayušna kin napsukaza etapa on wihdi napcoka catka ohna un kin etanhan sakowin akihde ehpeye kta, Jehovah itokam.

28 Qa wawayušna kin wihdi napcoka ohnaka un kin etanhan, tuwe yuškapi kte cin noge inkpa etapa akan ikiciun kta, qa napahunka etapa akan, qa šipa hunka etapa akan tukten wohdajuju we ikiciun he akan.

29 Qa wihdi wawayušna napcoka ohna okapte cin he tuwe yuškapi kte cin he pa akan ikiciun kta, Jehovah itokam akahpe kiciye kta heon etanhan.

30 Qa tin wakiyedan etanhan wanji kaeš wakiyedan cinca etanhan taku nape kin hiyohiya etanhan.

31 Taku nape kin hiyohiye cin wanji woahtani wošnapi kta, qa unman wohuhnahyapi kta, minha iyahna hecen wawayušna kin tuwe yuškapi kte cin he on akahpe kiciye kta, Jehovah itokam.

32 Tuwe leprosy makošice ececa, qa taku yuškapi kta iyececa nape kin hiyohi šni woope kin hee.

33 Unkan Jehovah ie ca Moses Aaron kici hewicakiya;

34 Caanan makoce tawayayapi kta e cicupi kin he en yakipi kinhan, qa makoce tawayayapi kin he ohna leprosy makošice tipi wan iyohpewakiye cinhan;

 35 Tipi tawa kin wawayušna kin en hi kta, qa oyake qa heciye kta, tipi ohna makošice wan iyececa makitanin epca.

36 Unkan wawayušna kin makošice wanyag en i šni itokam tipi kin yucokaka wicaši kta, hecen taku tipi kin ohna owasin yušapapi kte šni, hehan wawayušna kin wanyake kta en i kta.

37 Qa makošice kin wanyake kta, qa inyun tipi conkaške ohna makošice kin toto, kaeš šaša škopa, qa cuwi kin mahen iyaye tanin kinhan;

38 Wawayušna kin tipi etanhan inanpe kta, tiyopa ekta, qa tipi kin anpetu šakowin natake kta.

39 Qa wawayušna kin anpetu išakowin ake en hi kta, qa wanyake kta, unkan inyun tipi conkaške en makošice kin sanpa iyaye cinhan,

40 Wawayušna kin inyan tona makošice en un kin hena icu wicaši kta, qa otonwe itankan tukten taku šapa ehpeyapi heciya hena ehpeyapi kta.

41 Qa ihdukšan tipi kin tipi mahen paticapi kta, qa maka paticapi kin he otonwe itankan oyanke šapa wan ekta okadapi kta.

42 Qa inyan tokeca icupi kta, qa inyan qon hena ee kiya ehnakapi kta, qa maka tokeca icupi qa tipi apawintapi kta.

43 Unkan inyan ehpeyapi iyohakam, qa tipi paticapi iyohakam, qa apawintapi iyohakam makošice ake en hi, qa tipi ohna ahinanpe cinhan,

44 Wawayušna kin hi kta, qa wanyake kta, unkan inyun makošice kin tipi ohna iyaye cinhan, leprosy iyokišin wicaye cin tipi ohna hee, he yašape kta.

45 Unkan tipi kin yujujupi kta, qa tipi inyan kin, qa can kin qa maka kin owasin otonwe itankan ayapi kta, oyanke šapa wan ekta.

46 Qa natakapi icunhan tuwe tipi kin he en i kinhan htayetu aiyahdeya šape kta.

47 Qa tuwe tipi kin ohna makan wanke cin he wokoyake hdujaja kta, qa tuwe tipi ohna wote cin he wokoyake hdujaja kta.

48 Tuka wawayušna kin en i qa wanyaka, unkan inyun tipi apawintapi iyohakam makošice kin tipi en ahinanpe ni kinhan, wawayušna kin tipi yaška kta, makošice kin he wanna okizi nakaš.

 49 Qa tipi woahtani wošnapi on zitkadan nonpa icu kta, nakun hanteša can, qa tahin duta qa peji hota.

50 Qa zitkadan wan cape kta, makawakšica wan ohna, mini ni iwankam.

51 Qa hanteša can kin, qa peji hota kin, qa tahin duta kin, qa zitkadan niyake kin hena icu kta, hena owasin zitkadan ktepi qon we en oputkan kta, qa mini ni un kin nakun en qa šakowin akihde tipi kin ekta ehpeye kta

52 Hecen tipi toašape kin akaripe kiciye kta, zitkadan we kin on, qa mini ni un kin on qa zitkadan niyake on, qa hante sa can on, qa tahinduta on.

53 Tuka zitkadan ni kin he otonwe itankan tinta ekta iyaye ye kta, hecen tipi kin akahpe kiciye kta, unkan ska kta.

54 Leprosy makošice owasin on woope kin hee.

55 Qa leprosy wokoyake en, qa tipi en.

56 Qa kapo kin on, qa cespu kin on, qa wiyega on;

57 Leprosy woope. kin hee, tohan šapa qa tohan ska onspewicakiye kta.

LEVITICUS WICOWOYAKE 15.

1 Unkan Jehovah ie ca Moses qa Aaron hewicakiya;

2 Israel cinca kin hecen ewicakiya po; Wicašta tuwe kašta cehpi kin taku kaduze cinhan wokaduze cin he on hee šapa.

3 Qa tokaduze cin en toihdušape cin dee kta. Cehpi kaduze cin kajo, kaeš cehpi kaduze cin anapte cinhan unman tukte kašta hee šapa.

4 Tuwe wakaduze cin owinja tona akan iwanke cin hena owasin tape kta, qa taku kašta akan iyotanke cin hee šape kta.

5 Qa tuwe towinja kin yutan kinhan wokoyake hdujaja kta, qa minin niwan kta, qa htayetu kin hehanyan šape kta.

6 Qa wakaduze cin taku akan iyotanke cin tuwe he akan iyotanke cinhan htayetu aiyahdeya šape kta.

7 Unkan tuwe kašta wakaduze cehpi kin yutan kinhan wokoyake hdujaja kta, qa minin niwan kta, qa htayetu hehanyan šape kta.

8 Unkan wakaduze cin tuwe sape šni atagose cinhan he wokoyake hdujaja kta, qa minin niwan kta, qa htayetu hehanyan šape kta.

9 Unkan šuktanka aqin tona wakaduze cin akan iyotanke cin hena owasin šape kta.

10 Qa taku kašta he ihukuya yanke cin tuwe he yutan kinhan htayetu hehanyan šape kta, qa taku hececa tuwe qin kinhan wokoyake hdujaja kta, qa minin niwan kta, qa htayetu hehanyan šape kta.

11 Qa tuwe kašta wakaduze cin nape minin hdujaja šni yutan kinhan, wokoyake hdujaja kta, minin niwan kta, qa htayetu hehanyan šape kta.

12 Qa maka wakšica tona wakaduze cin yutan kin hena owasin kamdecapi kta, qa can wakšica kin hena owasin minin yujajapi kta.

13 Unkan wakaduze cin ho tokaduze cin etanhan akišni kinhan, hehan ihduška kta e anpetu šakowin hdawa kta, qa wokoyake hdujaja kta,qa mini ni kin en niwan kta, qa hehan ska kta.

14 Unkan anpetu išahdogan tin wakiyedan nonpa, kaeš wakiyedan cinca nonpa icu kte ca itkokipapi wakey a tiyopa ekta Jehovah itokam hi kte ca hena wawayušna qu kta.

15 Unkan wawayušna kin hena wakiyusna kta, wanji woahtani on qa unman wohuhnahyapi on, hecen wawayušna kin Jehovah itokam akahpe kiciye kta, tokaduze etanhan.

16 Unkan wicašta wan wankapi su inanpe cinhan cehpi kin owasin minin hdujaja kta, qa htayetu hehanyan šape kta.

17 Unkan wokoyake, qa owinja tona wankapi su ahinhpaye cin hena owasin minin yujajapi kta, qa htayetu hehanyan šape kta.

18 Unkan winohinca wan wicašta wan wankapi su on kici wanke cinhan niwan kte ca htayetu hehanyan šape kta.

19 Unkan winohinca wan we kaduza, qa cehpi ohna kaduze cinhan, anpetu šakowin išnana ti kta, qa taku kašta icahtake cinhan owasin htayetu hehanyan šape kta.

 20 Qa tohanyan išna ti kin hehanyan taku akan wanke cin owasin šape kta, qa taku akan iyotanke cin owasin šape kta.

21 Nakuntuwe taku akan iwanke cin he yutan kinhan wokoyake kin hdujaja kta, qa minin niwan kte, ca htayetu hehanyan šape kta.

 22 Qa taku kašta akan iyotanke cin he tuwe yutan kinhan wokoyake kin hdujaja kta, qa minin niwan kte ca htayetu hehanyan šape kta.

23 Nakun towinje kaeš taku akan iyotanke cin tuwe he yutan kinhan htayetu hehanyan šape kta.

24 Unkan wicašta wan išna ti kin icunhan kici iwanke cinhan he anpetu šakowin šape kta, qa owinja tona akan iwanke cin hena owasin šape kta.

25 Unkan winohinca wan išna ti kta iyehantu šni anpetu ota we kaduze cinhan, kaeš išna ti kta iyohakam wakaduze cinhan, tona can toasape kaduze cin hena owasin sape kta, išna ti kin anpetu kin iyececa.

26 Anpetu tona wakaduze cin owasin owinja akan iwanke cin hena owasin išna ti towinja kin iyececa kta, qa taku kašta akan iyotanke cin sape kta, išna ti toasape kin iyececa.

27 Qa tuwe kašta hena yutan kinhan šape kta, wokoyake hdujaja qa minin niwan qa htayetu hehanyan šape kta.

 28 Qa tokaduze cin etanhan akišni kinhan anpetu šakowin ihdawa kte ca iyohakam ska kta.

29 Qa anpetu išahdogan tin wakiyedan nonpa, kaeš wakiyedan cinca nonpa icu kta, qa hena wawayušna ekta hiyuye kta, itkokipapi wakeya tiyopa ekta.

30 Unkan wawayušna kin wanji woahtani on wošna kta, qa unman wohuhnahyapi on, hecen wawayušna kin wakaduze toašape on akahpe kiciye kta, Jehovah itokam.

31 Hecen Israel cinca kin toašapapi kin etanhan wicadukinunkan kta, qa wati kin hena cokaya un kin toašapapi on yušapapi kte šni, qa tapi kte šni.

32 Tuwe wakaduze cin on, qa tuwe wankapi su inanpe cin on, ihdušape cin on woope kin hee.

33 Qa nakun tuwe išna ti wayazanke cin on, qa tuwe wakaduze kaduza, wica kaeš winyan on, qa wicašta winohinca šapa wan kici wanke cin he on.

LEVITICUS WICOWOYAKE 16.

1 Unkan Aaron cinca nonpa Jehovah itokam ikiyedan hipi qa tapi kin hena tapi kin iyohakam Jehovah Moses kici wohdaka.

2 Qa Jehovah Moses heciya; Nicinye Aaron tipi wakan cokaya ozanpi mahen wokajuju iha can wohnake akan un kin he ekta anpetu owasin hi kte šni, hecen te kte šni, keciya wo; mahpiya ohna wokajuju iha kin iwankam mihdutanin kta nakaš.

3 Kaken Aaron tipi wakan en hi kta, tatanka sus wanica wanunyanpi cinca wan woahtani on, qa tahcaska mdoka wan wohuhnahyapi on.

4 Minihuha mahenunpi wakan kin koyake kta, qa minihuha onze oge cehpi akan un kta, qa minihuha ipiyake on ipihdake kta, qa minihuha pa iyuskite kin pahte kta, wokoyake wakan hena ee, heon cehpi minin hdujaja kta, qa hena koyake kta.

5 Unkan Israel cinca omniciye etanhan hekinškayapi mdoka cinca nonpa; icu kta, woahtani wošnapi on; qa tahcaska mdoka wanjidan wohuhnahyapi on.

6 Unkan Aaron woahtani wošnapi tatanka tawa kahi kta, qa akahpe iciye kta, qa iye tipi kin akahpe kiciye kta.

 7 Qa hekinškayapi nonpa kin icu kta, qa Jehovah itokam ewicahde: kta, itkokipapi wakeya tiyopa ekta.

8 Qa hekinškayapi nonpa on Aaron oeconna econ kta, oeconna on wanji Jehovah tawa kta, qa oei connaon unman iyayahekinškayapi tawa kta.

 9 Qa Aaron hekinškayapi oeconna eeiyatanhan Jehovah tawa kin; ahi kta, qa woahtani on wošna kage kta.

10 Qa hekinškayapi oeconna eeiyatanhan iyayahekinškayapi tawa kin niyake Jehovah itokam ehde kta, he on woakahpekiciye kta, qa hewoskantuya ekta iyaye ye kta.

11 Hehan Aaron woahtani tatanka susu wanicatawa kin ahi kta, qa akahpe iciye kta, qa ti kin akahpe kiciye kta, qa woahtani tatanka susu wanica tawa kpate kta.

12 Qa oizinye wan petaga ojudan owayušna etanhan Jehovah itakapatanhan icu kta, qa nape sakim wizinyapi waštemna bonidupi on ojudan, qa cokaya ozanpi mahen hiyuye kta.

13 Qa Jehovah itokam wizinyapi kin peta akada kta, unkan wizinyapi šota kin wokajuju iha kin woyaatanin akan yanke cin akahpe kta hecen te kte šni.

14 Qa tatanka susu wanica we kin icu kta qa nape apazo on wokajuju iha itokam wiyohiyanpata ektakiya ehpeye kta, hecen šakowin akihde nape apazo on we kin onge wokajuju iha itokam ehpeye kta.

15 Hehan woahtani hekinškayapi oyate tawapi kin pate kta, qa we kin cokaya ozanpi ti mahen hiyuye kta, qa token tatanka susu wanica we kin ecakicon qon he iyecen we kin he ecakicon kta, qa wokajuju iha kin akan qa wokajuju iha ektakiya ehpeye kta.

16 Hecen tipi wakan kin akahpe kiciye kta, Israel cinca toasapapi etanhan qa wahtanipi etanhan, šicaya ohanyanpi owasin on, qa itkokipapi wakeya hena om yanka toasapapi ehna hecen ecakicon kta.

17 Unkan tipi wakan akahpe kiciye kta, en hi kin etanhan tankan iyaye cin hehanyan tuwedan itkokipapi wakeya ti mahen un kte šni; hecen akahpe iciye kta qa iye tipi kin on, qa Israel omniciye owasin on akahpe wicakiciye kta.

18 Hehan owayušna Jehovah itokam yanke cin ekta hinanpe kta, qa he akahpe kiciye kta qa tatanka susu wanica we etanhan icu kta, nakun hekinškayapi we etanhan, qa owayušna he kin aihdukšan aiun kta.

19 Qa he ektakiya nape apazo on we kin šakowin akihde ehpeye kta; hecen Israel cinca toasapapi etanhan he yuška kta, qa yuwakan kta.

20 Unkan tipi wakan kin, qa itkokipapi wakeya kin, qa owayušna kin hena akahpe kiciya yustan kinhan, hehan hekinškayapi niyake kahi kta.

21 Qa Aaron nape napin hekinškayapi niyake pa kin aputake kta, qaakan Israel cinca šicaya ohanyanpi kin owasin ohdake kta; nakun wokipajinpi owasin, token wahtanipi kin owasin, qa hena hekinškayapi pa akan ehnake kta; hehan wicašta wan wiyeya un kin iyaye ši kta.

22 Unkan hekinškayapi qon šicaya ohanyanpi kin owasin makoce tuwedan oti šni ekta yuha kta. Unkan hekinškayapi hewoskan yuške kta..

23 Unkan Aaron itkokipapi wakeya ekta hi kta, qa tipi wakan ekta hi qehan minihuha wokoyake koyake ciqon hena hdusdoke kta, qa hen kihnake kta.

24 Qa oyanke wakan ohna cehpi kin hdujaja kta, hehan tawokoyake kohdake kta, qa tawohuhnahyapi, qa oyate tawohuhnahyapi kin wakiyusna kta, hecen akahpe iciye kta, qa oyate kin akahpe wicakiciye kta.

 25 Qa woahtani wošnapi wasin kin owayušna kin aizinye kta.

26 Unkan tuwe hekinškayapi iyayahekinškayapi tawa kin kiyuske cin he wokoyake hdujaje ca minin niwe kta, qa ohakam owanka en hi kte.

 27 Unkan woahtani tatanka susu wanica kin, qa woahtani hekinškayapi kin hena wepi kin akahpe kiciyapi kta e tipi wakan en hiyuyapi qon, owanka itankan ayapi kta, qa hapi kin, qa cehpipi kin, qa cesdipi kin, peta on huhnahyapi kta.

28 Unkan tuwe hena huhnahye cin he wokoyake hdujaje ca minin niwe kta, qa ohakam owanka en hdi kta.

29 Qa wokage kin de owihanke wanin duhapi kta, wi išakowin wi anpetu iwikcemna kin en ninagipi iyokišin niciyapi kta; wicašta makoce tawapi kaeš oyate tokeca niyepi ehna ounye cin unman tukte kasla wohtani takudan econ kte šni.

30 Anpetu kin he en akahpe niciyapi kta, niyuškapi kta heon etanhan,hecen wayahtanipi owasin etanhan Jehovah itokam niyuškapi kta.

 31 Anpetu okihpapi wakan hinca he niciyukanpi kta, qa ninagipi iyokisin niciyapi kte, wokage owihanke wanica.

32 Unkan wawayušna tuwe atkuku heekiya wawayušna kta e sdayapi, qa nape kin ojunyapi kin he waakahpe kta, qa niinihuha wokoyake kin, wokoyake wakan kin koyake kta.

33 Qa tipi wakan hinca akahpe kiciye kta, nakun itkokipapi wakeya kin, qa owayušna kin akahpe kiciye kta, qa wawayušnapi kin, qa oyate omniciye owasin akahpe wicakiciye kta.

 34 Wokage owihanke wanica he duhapi kta, Israel cinca waritanipi owasin etanhan akahpe wicakiciyapi kta, waniyetu otoiyohi wancadan. Unkan token Jehovah Moses econ ši he iyecen econ.

LEVITICUS WICOWOYAKE 17.

 1 Unkan Jehovah ie ca Moses heciya,

2 Ie ca Aaron qa iye cinca qa Israel cinca owasin hewicakiya wo; Taku Jehovah econ unšipi kin dee.

3 Wicašta Israel tipi kin etanhan tuwe ka ta tatanka wosdohan wan, kaeš tahcaska cinca, kaeš hekinškayapi owanka ohna, kaeš owanka itankan pata;

4 Qa Jehovah tipi itokam woahi Jehovah kahi kta e itkokipapi wakeya tiyopa ekta hiyuye šni kinhan, wicašta kin he tin wicakte wan iyecen yawapi kta, wicašta kin he weye cin heon oyate tawa wicehna tanhan he kaspapi kta.

5 Hecen Israel cinca kin taku wošnapi, tinta akan wošnapi qon hena Jehovah ekta hiyuyapi kta, qa hena itkokipapi wakeya tiyopa ekta hiyuyapi kta, wawayušna ekta, qa hena wopida wošnapi Jehovah wawicakiciyušnapi kta.

6 Unkan wawayušna kin we kin Jehovah oway usna tawa akan ehpe ye kta, itkokipapi wakeya tiyopa ekta, qa wasin kin izinye kta, woomna Jehovah iyokipi ye kta.

7 Hecen icimanna wošnapi tawapi wamanica wakiciyušnapi kta, hena okiyapi iyecen wokage kin he owihanke wanica wicoicagepi yeye cin yuhapi kta.

8 Unkan hecen ewicayakiye kta, Wicašta tuwe kašta Israel tipi kin etanhan, qais oyate tokeca niyepi ehna ounye cin etanhan, tuwe kašta wohuhnahyapi wan, qais wošnapi wan wošna hecinhan;

9 Qa Jehovah wakiyusna kta e itkokipapi wakeya tiyopa ekta hiyuye šni kinhan, wicašta kin he oyate tawa etanhan kaspapi kta.

10 Qa wicašta Israel ti etanhan, kaeš oyate tokeca niyepi ehna ounye cin etanhan, tuwe kašta we onge yute cinhan, wicanagi we yute cin miite awehnake kta, qa oyate tawa etanhan wakašpe kta.

11 Cehpi nagi kin we kin ohna yanka heon ninagipi akahpe niciyapi kta e owayušna akan we kin cicupi, wicanagi akahpe kiciye cin we kin hee nakaš.

12 Heon Israel cinca kin hewicawakiya, Niyepi etanhan tuwedan we yute kte šni, qa oyate tokeca niyepi ehna ounye etanhan tuwedan we yute kte šni.

13 Qa wicašta Israel cinca etanhan, qa oyate tokeca niyepi ehna ounye cin etanhan, tuwe kašta wotihni, qa woteca, kaeš wahupakoza wanji yutapi kta iyececa kte kinhan, we kin papson kta, qa maka on akahpe kta.

14 Cehpi owasin nagi kin we kin hee, nagi kin he ohna yanka, heon Israel cinca kin hewicawakiya, Cehpi owasin etanhan we ongedan yutapi kte šni, cehpi owasin nagi kin we kin hee nakaš; tuwe he yute cinhan kaspapi kta.

15 Tuwe kašta makoce en icaga, kaeš oyate tokeca taku wayazanka te, kaeš taku yatapi ongedan yute cinhan wokoyake hdujaja kta qa minin niwe kta, qa htayetu aiyahdeya šape kta.

 16 Tuka wahdujaja šni qa niwe šni kinhan, tohan šica hduha kta.

LEVITICUS WICOWOYAKE 18.

1 Unkan Jehovah ie ca Moses heciya,

 2 Israel cinca hecen hewicakiya wo, Jehovah taku wakan yadapi kin he miye;

3 Egypta makoce ohna ounyayapi qon, token ohanyanpi kin he iyecen oyahandapi kte šni, qa Caanan makoce ekta ye ciyapi ohanyanpi kin he iyecen oyahandapi kte šni, qa tawokagepi omayanipi kte šni.

4 Woyaco mitawa ecen econpo, qa wokage mitawa patanpo, qa hena omanipo, Jehovah taku wakan yadapi kin he miye.

5 Qa wokage mitawa kin yapatanpi kta, woyaco mitawa nakun; wicašta tuwe hena iyecen econ kinhan hena on ni kta, Jehovah he miye.

6 Tuwedan iye cehpi takuye hinca tancodan yuzamni kta e; ikiyedan hi kte šni, Jehovah he miye.

7 Niyate tancodan kin, kaeš hun tancodan kin duzamni kte šni, ni hun kin hee heon tancodan kin duzamni kte šni.

8 Niyate tawicu tancodan kin duzamni kte šni, niyate tancojudan kin hee.

9 Nitawinohtin niyate cunwin, tku, kaeš nihun cunwintku wohpapi qais nahmana yuzapi en tonpi unman tukte kašta tancodan kin duzamni kte šni.

10 Nicinkši cunwintku qa nicunkši cunwintku tancodan kin duzamni kte šni, niye tanconikadan kin hee.

11 Niyate tawicu cunwintku niyate cinca kin tancodan kin duzamni kte ni, nitawinohtin kin hee, heon tancodan kin duzamni kte šni.

12 Niyate tawinohtin tancodan kin duzamni kte šni, niyate cehpi kin hee.

13 Nihun tankaku tancodan kin duzamni kte šni, nihun cehpi kin hee.

14 Niyate sunkaku tancodan kin duzamni kte šni, tawicu ikiye dan yai kte šni, nihun kin hee.

15 Nitakos tancodan kin duzamni kte šni, nicinkši tawicu kin hee, tancodan kin duzamni kte šni.

16 Nicinye tawicu, qa nisunka tawicu tancodan kin duzamni I kte šni, nisunka tancodan kin hee.

17 Winohinca wan qa iye cunwintku tancodan kin duzamni kte šni, iye cinhintku cunwintku; kaeš cunwintku cunwintku tancodan kin duzamni kta e duze kte šni, he wowicašta ni, hena cehpi tawa hecapi nakaš.

18 Nakun winohinca wan cunku kici duze kte šni, hecannon kinhan tancodan duzamni, qa tohanyan ni kin iyokisin yaye kta.

 19 Unkan winohinca tohan toašape on išna ti kin hehanyan tancodan duzamni kta e ikiyedan yai kte šni.  

20 Nakun tuwe nikiyedan ti tawicu kin kici inonke kte šni. Hecannon kinhan kici nihdušape kta.

21 Nakun nicinca etanhan wanjidan Molech ekta iyopta yaye kte ni, qa Wakantanka yada caje kin dusape kte šni; Jehovah he miye.

22 Nakun winyan kici wankapi kin he iyecen wica kici inonke kte šni, wowahte šni hee.

23 Nakun woteca taku kašta kici inonke kte šni, hecannon kinhan kici nihdušape kta, nakun winohinca wan woteca kici kiyuhe kta e he itokam wanke kte šni, woašape hee.

24 Ihnuhan hena on nihdusapapi kin, oyate nitokapa tanhau ye wicawaye cin hena owasin on ihdusapapi.

25 Unkan makoce kin he šapa, heon tohan šice cin he akan hiyu waye kta, unkan makoce kin wicašta en ounyanpi kin hena hdepa wicaya.

26 Tuka niyepi wokage rnitawa, qa woyaco mitawa kin yapatanpi kta, qa wowahte šni kin hena ecannonpi kte šni, niye makoce tawayayapi qa wicašta oyate tokeca niyepi ehna ounye cin unmanna.

27 Wicašta niyepi itokam makoce kin hen tipi kin wowahte šni kin hena owasin econpi, qa makoce yušapapi.

 28 Hecen makoce kin dusapapi kte šni, qa oyate nitokapa tanhan wicahdepe cin he iyecen nihdepapi kte šni.

29 Wicanagi tona wowahte šni kin hena wanjidan econpi kin, hena owasin taoyatepi etanhan kašpapi kta.

30 Heon wopatan mitawa yapatanpi kta, qa wowahte šni wokage nitokam econpi kin hena ecannon pi kte šni, hecen hena on nihdusapapi kte šni, Jehovah Wakantanka niyepi he miye.

LEVITICUS WICOWOYAKE 19.

1 Unkan Jehovah ie ca Moses heciya,

2 Israel cinca omniciye ocowasin ieyanpaha hewicakiya wo, Jehovah Wakantanka niyepi kin he miye, mawakan, heon wakan yaunpi kta.

3 Otoiyohi hunku kin yakinihan kta, nakun atkuku, qa anpetu okihpapi mitawa kin yapatanpi kta, Jehovah Wakantanka niyepi kin he miye.

4 Ihnuhan takušnišni ekta nihduhomnipi kin, qa ihnuhan taku wakan sdoyapi nicicagapi kin, Jehovah Wakantanka niyepi kin he miye.

5 Unkan wopida wošnapi wan Jehovah wayakidušnapi kte cinhan token iyokipi yayapi kte cin hecen wayakidušnapi kte.

6 Anpetu en wadušnapi qa ihanhanna hena en he yatapi kta, tuka taku anpetu iyamni hehanyan oyapte cin, he petan huhnahyapi kta.

 7 Unkan anpetu iyamni en onge yutapi kinhan he wošicamna kta, iyokipi kte šni.

8 Qa tuwe he yute cin he taku Jehovah on yuwakanpi kin yušape cin heon tohan šice cin hduha kta, qa wicanagi kin he taoyate etanhan kaspapi kta.

9 Unkan nitamakoce woksapi bayakšapi eca nitamaga kahmin owasin bayakše kte šni, qa bakšapi icunhan taku hinhpaye cin he mnayaye kte šni.

10 Qa hastanhanka iyuwi nitawa akta duspi kte šni, qa hastanhanka makata ihpayapi kin hena mna yaye kte šni, hena wicašta onsika, qa oyate tokeca a ekta ehpe wicaya kiye kta, Jehovah wakanyadapi kin he miye.

11 Ihnuhan wamayanunpi, qa ihnuhan iyatonpi šni, qa ihnuhan otoiyohi yecihnayanpi kin.

12 Qa ihnuhan micaje itonšniyan cajedatapi qa Wakantanka niyepi caje dasapapi kin: Jehovah he miye.

13 Ihnuhan nitakoda yakiduse kin, qa taku tawa yaki kinhan. Ihnuhan tuwe tohtani opeyaton iyuwin tawa ihanhanna hehanyan niciyanke cin.

14 Tuwe nogetpa dašice kte šni, qa tuwe ištagonge cin itokam taku iboto kta yecihnake kte šni, tuka Wakantanka niyepi he ikoyape kta, Jehovah he miye.

15 Wayacopi enwopemni ecannon kte šni, wicašta wahpanica ite kin ihayakta kte šni, qa wicašta tanka ite kin yakinihan kte šni. Tuwe nikiyedan ti kin ecetuya daco kta.

16 Ihnuhan oyate nitawa tipi iyaza waiesš mayani kin, qa ihnuhan nitakoda we kin anayajin kin, Jehovah he miye.

17 Nihunkawanji nicante mahen šiceyada kte šni; tuwe niciti kin atayedan iyope yakiye kta, hecen iye on etanhan woahtani duha kte šni.

18 Toyecon kte šni, qa oyate nitawa cincapi kin canniye wicayaya ešta ecadan enayakiye kta, qa token wašte nicida kin he iyecen tuwe nikiyedan ti kin wašteyadake kta.

19 Woope mitawa yapatanpi kta. Wanunyanpi nitawa kin ocaje tokeca kici kiyuha yaki ye kte šni. Maga nitawa su ocaje nonpa icicahiya oju yakiye kte šni, qa wokoyake tahcahin qa hahonta onkagapi icicahiya kazuntapi kodake kte šni.

20 Unkan wikoška  wan wayaka heca wicašta wan he wahoya tuka nahanhin wohpe šni qa kiyuškapi šni, wicašta tokeca wan winohinca kin he kici wanke cinhan napin wicakapsinpsintapi kta, wikoška  kin ihduhe šni, heon te wicayapi kte šni.

21 Unkan wicašta kin wohdajuju Jehovah kahi kte itkokipapi wakcya tiyopa ekta, tahcaska mdoka wan on hdajuju kta.

22 Unkan woahtani wahtani kin on wawayušna kin akahpe kiciye kta wohdajuju tahcaska mdoka on, Jehovah itokam, hecen woahtani wahtani kin he kicicajujupi kta.

23 Unkan makoce kin en yakipi, qa waskuyeca can hu yahdepi kinhan, waskuyeca kin mdoketu yamni taku šapa iyecen ehpe yayapi kta, sapa yadapi kta, tuwedan he yute kte šni.

24 Unkan mdoketu itopa kinhan waskuyeca kin owasin Jehovah yatanpi kta e wakan kta.

25 Tuka mdoketu izaptan kin waskuyeca kin yatapi kta, hecen waskuyeca ota icahniciyapi kta, Jehovah Wakantanka niyepi he miye.

26 Taku we akan un kin yatapi kte šni: niyepi kta un wohmunga kte šni, wihiyayapi ahope kte šni.

27 Pa nitawapi ihdukšan ihanke kin yahdusdapi kte šni, qa putinhin nitawa ihanke kin ihang yakiyapi kte šni.

28 Tuwe nagi ye cin on nicicagopi kte šni nicehpipi en, qa akito niciyapi kte šni; Jehovah he miye.

29 Ihnuhan nicunkši dušape ca wihomni win yakage cin, hecen makoce en witkowin ota kte šni, qa makoce kin wowicašta šni on ojudan kte šni. 

30 Okihpapi mitawa yapatanpi kta, qa tipi wakan mitawa yakiI nihanpi kta; Jehovah he miye.

31 Ihnuhan wapiyeša ekta nihduhomnipi, qa ihnuhan wakan icidapi kin awicayakite cin, hecannon kinhan hena on nihdušape kta; Jehovah Wakantanka niyepi he miye.

32 Tuwe paška kin he itokam nayajin kta, qa wicahinca ite kin duonihan kta, qa Wakantanka niyepi yakinihan kta, Jehovah he miye.

33 Unkan wicašta oyate tokeca nici ounye cinhan he yakiduse kte šni.

34 Tuwe oyate tokeca nici ounye cin he wicašta makoce tawa yapi kin iyecen nicipi un kta, qa wašte nicida kin he iyecen wašte yadake kta, oyate tokeca Egypta makoce en ounyayapi qon nakaš; Jehovah wakan yadapi kin he miye.

 35 Ihnuhan wayacopi en taku owotanna šni ecannopi kin, ohanske iyutapi en, qa aspe yetonpi en, qa taku kašta ohna iyutapi en.

36 Taku on aspeyapi ecetu qa epah ecetu, qa hina ecetu duhapi kta; Jehovah wakanyadapi Egupta makoce etanhan hdinanpe niyanpi kin he miye.

37 Heon wokage mitawa owasin, qa woyaco mitawa owasin yapatanpi kta, qa hena ecanonpi kta; Jehovah he miye.

LEVITICUS WICOWOYAKE 20.

1 Unkan Jehovah ie ca Moses heciya;

2 Hecen Israel cinca kin ewicayakiye kta, Wicašta tuwe kašta Israel cinca etanhan, kaeš oyate tokeca Israel om ounye cin etanhan, iye cinca wan Molech qu kinhan, awicakehan te yapi kta; makoce oyate kin inyan on ktepi kta.

3 Unkan miš wicašta kin he ekta ite ye wakiye kta, qa cinhintku Molech qu kin heon oyate tawa etanhan wakašpe kta, tipi wakan mitawa yušape ca micaje wakan yuzamni heon etanhan.

4 Unkan makoce oyate kin wicašta tuwe iye cinhintku Molech qu kin wanyakapi kte šni e ištapi katinyan hduohmuzapi, qa hecen ktepi šni kinhan,

5 Miš wicašta kin he miišta awehnake kta, nakun tona taku wicaya, qa oyate tawapi etanhan wicawakaspe kta, iye qa tona Molech kici wankapi kta iye opeya okiyapi owasin.

6 Unkan wicanagi tuwe tanyansdonya woniyapi, qa wicahmungapi, hena opeya okiyapi kta e ekta ihduhomni kinhan, miš miite wicanagi kin he ekta ye wakiye ca taoyate kin wicehna tanhan wakašpe kta.

7 Unkan Jehovah Wakantanka niyepi he miye, heon ihduwakan po, hecen niwakanpi kta.

8 Qa wokage mitawa yapatanpi kta, qa hecanonpi kta; Jehovah niyuwakanpi kin he miye.

 9 Hecen tuwe kašta atkuku qaiš hunku yašice cinhan awicakehan te yapi kta, atkuku qais hunku yašica, hecen we iciya.

10 Unkan wicašta tuwe wicašta tokeca tawicu kici wawicihahapi econ, takodaku tawicu ešta kici wawicihahapi econ kinhan, awicakehan te yapi kta, wicašta qa winohinca wawicihahapi econpi napin.

11 Unkan wicašta wan atkuku tawicu kici wanke cinhan atkuku tancodan kin yuzamni tokešta napin te wicayapi kta, iye we iciyapi.

12 Unkan wicašta wan iye takosku kici wanke cinhan tokešta sakim te wicayapi kta, wowicaštašni ohanyapi iye we iciyapi.

13 Unkan wicašta wan winohinca kici wankapi kin he iyecen wica wan kici wanke cinhan, sakim wowahte šni econpi tokešta te wicayapi kta, iye we iciyapi.

14 Unkan wicašta wan winohinca wan hunku kici wicayuze cinhan wicaštapišniyan ohanyan, iye qa hena nakun, peta ohna huhnah wicayapi kta, hecen niyepi ehna wowicašta šni wanice kta.

15 Unkan wicašta wan woteca wan kici wanke cinhan tokešta te kta qa woteca kin nakun yaktepi kta.

16 Unkan winohinca wana woteca wan kici wanke kta e ikiyedan i kinhan, winohinca kin woteca kin kici wicayakte kta, tokešta tapi kta, iye we iciyapi.

17 Unkan wicašta wan iye tai winohtin yuze cinhan, atkuku cunwintku kaeš hunku cunwintku tancodan wanyake cinhan, ur.kan winyan kin wicašta tancodan kin wanyake cinhan hee wowišteca wicakašpapi kta, oyate tawapi cincapi ištapi itokam, tawinohtin tancodan kin yuzamni woahtani kin hduha kta.

18 Unkan wicašta wan winohinca išna ti kici wanke cinhan, qa tancodan kin yuzamni kinhan, tawakoniyayutanin; unkan winyan kin we wakoniya kin hduzamni, heon napin oyate tawapi wicehna tanhan wicakaspapi kta.

19 Nakun nihun tawinohtin, qa niyate tawinohtin tancodan kin duzamni kte šni, tuwe hecon kin he iye cehpi kin hdutanin woahtani hduhapi kta.

20 Unkan wicašta wan iye tunwincu kici wanke cinhan, tunwincu tancodan kin yuzamni, wahtanipi kin hduhapi kta, cinca nica ewicakiyapi tapi kta.

 21 Unkan wicašta wan iye sunkaku tawicu yuze cinhan, wowahte šni hee, sunkaku tancodan kin yuzamni cinca nica ewicakiyapi kta.

22 Hecen wokage mitawa owasin qa woyaco mitawa owasin yapatanpi kta, qa ecanonpi kta, unkan makoce ohna ounyayapi kta e ekta yeciyapi kin he inihdepapi kte šni.

 23 Unkan oyate nitokapa tanhan iyaye wicawaye cin hena wokagepi omayanipi kte šni. iye hena owasin econpi heon hiti wicawahda.

24 Unkan heciciyapi, Maka tawapiakin tawayayapi kta, qa makoce kin he pteasanpi qa canhanpi tiktica kaduze cin he tawayayapi kta e cicupi kta; Jehovah waknnyadapi oyate tokeca etanhan yukinukan ciyapi kin he miye.

25 Heon woteca ska, qa tona sapapi yukinukan yayapi kta, nakun wahupakoza šapa qa ska dukinukanpi kta. ihnuhan ninagipi nihduwahtepi šni woteca on, qais taku kinyan on, qais taku kašta maka asdohan on. Hena šapa yadapi kta e niyepi etanhan mdukinukan.

 26 Unkan tawa ciyapi ktae miye oyate tokeca etanhan ciyukinukanpi, Jehovah mawakan heon miyeci wakanyan yaunpi kta.

27 Unkan wicašta wan, kaeš winohinca wan niyepi ehna wapiyesa, kaeš wicašta wakan icidake cinhan, awicakehan te kta, tona hecapi inyan on wicayaktepi kta, iye we iciya.