Leviticus 1- 12 Lakota/ Dakota

LEVITICUS

 WICOWOYAKE 1.

 1 Unkan Jehovah Moses kipan, qa itkokipapi wakeya etanhan heciya,

 2 Israel cinca kin hecen ewicakiya wo, Niyepi etanhan wicašta tuwe woahi wan Jehovah kahi kte cinhan, woteca etanhan woahi nitawapi yakahipi kta, optaye wanunyanpi etanhan, kaiš tahcaska wanunyanpi etanhan.

3 Optaye wanunyanpi etanhan wohuhnanyapi on toahi kinhan, mdoka zanika ahi kte, iyokipiye kta e Jehovah itokam, itkokipapi wakeya tiyopa ekta kahi kta.

4 Hehan wokunnanyapi pa akan nape kin aputake kta, hecen iye wahtani kin akahpe kta e iyokipi ye kta.

 5 Unkan Jehovah itokam tatankadan kin patapi kta; unkan Aaron cinca wawayušnapi kin we kin ahipi kta, qa wahna wošnapi kin itkokipapi wakeya tiyopa ekta yanke cin akan we kin aihpe yapi kta.

6 Unkan wohuhnahyapi ha kin yuze kta, qa wobaspe kin basšpuspu kta.

7 Unkan wawayušna Aaron cinca kin wahna wošnapi akan peta ehnakapi kta, qa peta akan can aonpapi kta.

8 Unkan Aaron cinca wawayušnapi kin wobaspe kin, pa kin, qa wasin kin, can akan peta wahna wošnapi akan yanke cin ahnakapi kta.

9 Unkan supe kin, qa huha kin mini on yujaja kta, qa ahi kta, unkan wawayušna kin he ocowasin izin ye kta, peta on wohuhnanyapi wan waštemna Jehovah iyokipi kin hee.

10 Unkan tahcaska etanhan wohuhnahyapi taku ahi kinhan, ta; tahcaska wanunyanpi etanhan kaeš hekinškayapi etanhan mdoka zanika wan ahi kta.

11 Unkan Jehovah itokam wahna wošnapi icahda, iwaziya tanhan he pate kta. Unkan Aaron cinca wawayušnapi kin we kin amnimnipi kta, wahna wošnapi aihdukšan.

12 Unkan wobaspe kin baspuspu kta, qa pa kin, qa wasin kin, unkan wawayušna kin hena can akan ehnake kta, peta wahna wošnapi akan yanke cin he akan.

13 Unkan supe kin qa huha kin mini en yujaja kta. Unkan hena owasin wawayušna kin ahi kta, qa wahna wošnapi izin ye kta. Peta on wohuhnahyapi wan waštemna Jehovah iyokipi kin hee.

14 Unkan taku kinye cin etanhan wohuhnahyapi wan Jehovah kahi kte cinhan, wakiyedan cinca kaeš tinwakiyedan etanhan toahi kin ahi kta.

15 Unkan wawayušna kin he, wahna wošnapi ikiyedan kahi kta, qa pa kin cape kta; qa wahna wošnapi kin izin ye kta; tuka we kin yuskice kta, wahna wošnapi cuwi kin ekta.

16 Qa supe kin, cesdi ohna yuke cin koya icu kta, qa wahna wošnapi icahda iwiyohinyanpatanhan cahota yanke cin ekta ehpe ye kta.

17 Unkan maku bamdaze kta, hupahu en, tuka kibaspe kte šni, qa wawayušna kin he on wahna wošnapi kin izin ye kta, can akan peta wahna wošnapi akan yanke cin he akan. Peta on wohuhnahyapi wan waštemna Jehovah iyokipi hee.

LEVITICUS WICOWOYAKE 2.

1 Unkan wicanagi wan minha woahi Jehovah kahi kte cinhan, aguyapi mdu kin kahi kta, qa wihdi he akaštan kta, qa frankincense akan ehnake kta.

2 Qa he Aaron cinca wawayušnapi kin wicakahi kta, qa he etanhan aguyapi mdu qa wihdi nape ohnaka wanjidan, qa frankincense ocowasin icu kta; unkan wawayušna kin wokiksuye kin he on wahna wošnapi kin izin ye kta, peta wošnapi waštemna wan Jehovah iyokipi kin hee.

3 Unkan minha kin he etanhan taku okapte cin he Aaron qa iye cinca kin tawapi, Jehovah peta wošnapi tawa wakan hinca hee.

4 Unkan taku makaccga ohna španyanpi minha woahi wan yakahi kte cinhan, he aguyapi onnapohye codan wihdi icicahiyapi, qais aguyapi zipzibedan onapohye codan wihdi on sdayapi kin heca kta.

 5 Unkan minha woahi nitawa mazawiceonpe akan spanyanpi kinhan, he aguyapi onapohye codan wihdi on sdayapi heca kta.

6 He duspaspa kta qa onspašpa akan wihdi ayakaštan kta, minha wan hee.

7 Unkan minha woahi nitawa kin he cega ihupa tonna ohna spanyanpi kinhan, he aguyapi on wihdi en yakage kta.

8 Qa minha hena etanhan kagapi kin he Jehovah ekta hiyu yaye kta, unkan wawayušna en kahipi kinhan iye he wahna wošnapi ekta kahi kta.

9 Unkan wawayušna kin minha kin etanhan wokiksuye wan icu kta, qa heon wahna wošnapi kin izin ye kta, he peta wošnapi waštemna Jehovah iyokipi kin heca.

10 Unkan minha etanhan taku okaptapi kin he Aaron qa iye cinhintku tawapi kta, taku peta on Jehovah wakiyušnapi wakan hinca hee.

11 Minha Jehovah yecicahipi kin wanjidan onnapohye on yakage kte šni. Onnapohye qa canhanpi tiktica etanhan peta on Jehovah izinyaye kte šni.

12 Taku tokaheya suton kin woahi kin hena Jehovah yakahi kta, tuka wahna wošnapi akan wa temnayanpi iyokipi kte šni.

13 Qa minha woahi kin hena owasin miniskuya kici icicahiyaye kta, qa taku wakan yada miniskuya on takuyayapi kin he minha kin he etanhan miniskuya teyahinda kte šni. Woahi nitawa kin owasin akan miniskuya yakahi kta.

14 Unkan taku tokaheya suton etanhan minha wan Jehovah yakahi kte cinhan, aguyapi itka stonkadan petan ceonpapi, bopanpi kin heca taku tokaheya suton minha nitawa yakahi kta.

15 Qa he akan wihdi ayakaštan kta, qa frankincense ayakakada kta, minha wan hee.

16 Unkan wawayušna kin taku bopanpi etanhan, qa wihdi etanhan onge cansin ocowasin iyahna wokiksuye on izin ye kta. Peta on Jehovah wakiyušnapi wan hee.

LEVITICUS WICOWOYAKE 3.

1 Unkan wopida wošnapi wan kahi kte cinhan, pte wanunyanpi etanhan mdoka kaiš wiye unman tukte kašta wanji zanika, Jehovah kahi kta.

2 Qa taku kahi kin pa akan nape kin aputake kta. Hehan itkokipapi wakeya tiyopa ekta he pate kta; unkan Aaron cinca wawayušnapi kin we kin amnimnipi kta, wahna wošnapi aihdukšan.

3 Unkan wopida wošnapi etanhan peta wošnapi wan Jehovah kahi kta tejiksije qa supe sin kin owasin.

4 Qa pakšin kin napin, qa pakšin sin kin, mica en yanke cin he, nakun pizi pi ikoyake cin he icu kta.

5 Unkan Aaron cinca kin he on wahna wošnapi kin izin yapi kta, wohuhnahyapi kin iyahna, he can peta akan yanke cin he akan, peta wošnapi waštemna Jehovah iyokipi wan hee.

6 Unkan optaye etanhan wopida wošnapi Jehovah kahi kte cinhan, mdoka qais wiye unman tukte kašta zanika kahi kta.

7 Woahi tawa tahcaska cinca wan kahi kinhan, he Jehovah itokam kahi kta.

8 Qa woahi tawa pa kin akan iye nape kin aputake kta, qa itkokipapi wakeya tiyopa kin ekta pate kta, unkan Aaron cinca kin we kin amnimnipi kta, wahna wošnapi aihdukšan.

9 Unkan wopida wošnapi etanhan peta wošnapi wan Jehovah kahi kte, wasin kin, sinte ocowasin nite kin ekta baspe kta, qa watejiksije, qa supe sin kin owasin,

 10 Qa pakšin napin, qa pakšin sin kin mica en yanke cin he, qa pizi kin pi ikoyake cin he icu kta.

11 Unkan wawayušna kin he on wahna wošnapi izinye kta, peta wošnapi Jehovah tawote kin hee.

12 Unkan hekinškayapi wan kahi kinhan, he Jehovah itokam kahi kta.

13 Qa pa kin akan iye nape kin aputake kta, qa itkokipapi wakeya tiyopa kin ekta he pate kta, unkan Aaron cinca kin we kin amnimnipi kta, wahna wošnapi aihdukšan.

14 Unkan he etanhan toahi peta wošnapi wan Jehovah kahi kte; watejiksije kin he, qa supe sin kin owasin;

15 Qa pakšin kin napin, qa pakšin sin kin mica en yanke cin he, qa pizi kin pi ikoyake cin pakšin iyahna icu kta.

16 Unkan wawayušna kin hena on wahna wošnapi kin izin ye kta, woyute peta wošnapi waštemna wiciyokipi, wasin kin owasin he Jehovah tawa.

17 Nitoicagepi yeye cin tukte e kaeš yatipi kin owasin ohna wasin qais we takudan yatapi kte šni, he wokage owihanke wanice kta.

LEVITICUS WICOWOYAKE 4.

1 Unkan Jehovah ie ca Moses heciya,

2 Israel cinca kin hecen ewicakiya wo; Wicanagi wan ecin šni wahtani kinhan, qa Jehovah tawoahope wan taku econ šni wicaši kin hena wanji econ kinhan:

3 Wawayušna sdayapi kin he wahtani, qa oyate kin wahtani wicaye cinhan, woahtani wahtani kin on tatanka susu wanica wan zanika Jehovah kahi kta, woahtani wošnapi kin on.

4 Qa tatanka susu wanica itkokipapi wakeya tiyopa kin ekta hiyuye kta, Jehovah itokam, qa tatanka susu wanica pa kin nape kin aputake kta, qa tatanka susu wanica kin pate kta, Jehovah itokam.

5 Qa wawayušna sdayapi kin he tatanka susu wanica we kin onge icu kta, qa itkokipapi wakeya tiyopa kin ekta hiyuye kta.

6 Qa wawayušna kin napsukaza wan we en oputkan qa sakowin akihde we onge ehpeye kta, Jehovah itokam, tipi wakan cokaya ozanpi kin ektakiya.

7 Unkan wawayušna kin we kin etanhan onge wahna wošnapi izinyapi waštemna he kin akan iun kta; he itkokipapi wakeya ohna yanke cin, Jehovah itokam, qa tatanka susu wanica we kin ocowasin wohuhnahyapi wahna wošnapi sicu ekta akaštan kta, he itkokipapi wakeya tiyopa ekta yanka.

8 Qa woahtani wošnapi tatanka etanhan wasin kin owasin icu kta, watejiksije kin qa supe sin kin owasin.

 9 Qa pakšin kin napin qa pakšin sin mica en yanke cin he, qa pizi pi kin ikoyake cin mica en yanke cin he icu kta.

10 Wopida wošnapi tatanka etanhan icupi qon he iyecen, qa wawayušna kin hena wohuhnahyapi wahna wošnapi akan izin ye kta.

11 Tuka tatanka susu wanica ha kin qa cehpi kin ocowasin, pa kici, qa huha kici, qa supe kin qa tacesdi kin.

12 Tatanka sus wanica kin ocowasin bewoskantuya ayapi kla, tukten taku šica wanica ekta, cahota okadapi kin heciya, qa can akan peta on huhnahyapi kta, cahota okadapi kin he akan huhnahyapi kta.

13 Unkan Israel omniciye ocowasin ecinšniyan wahtanipi kinhan, qa Jehovah tawoahope taku econšni wicaši kin wanji econpi, tuka okodakiciye kin he sdonye šni econpi qa wahtanipi kinhan,

14 Tohan woahtani woahope awahtanipi kin he sdotkiyapi kinhan, okodakiciye kin wahtanipi kin on tatankadan wan ahipi kta, qa itkokipapi wakeya itokam hiyuyapi kta.

 15 Unkan omniciye honkayapi kin tatanka susu wanica pa kin akan napepi kin aputakapi kta, Jehovah itokam, qa tatankadan kin patapi kta, Jehovah itokam.

16 Unkan wawayušna sdayapi kin tatanka we kin etanhan onge itkokipapi wakeya ekta hiyuye kta;

17 Qa wawayušna kin napsukaza wan we oputkan kta, qa he etanhan šakowin akihde ehpeye kta, Jehovah itokam cokaya ozanpi ekta kiya.

18 Qa we kin onge wahna wošnapi he kin hena akan iun kta, he Jehovah itokam itkokipapi wakeya ohna yanka, qa we kin owasin wohuhnahyapi wahna wošnapi kin itkokipapi wakeya tiyopa ekta yanke cin he ceteta kin ekta okaštan kta.

19 Qa wasin kin owasin he etanhan icu kta, qa on wahna wošnapi kin izin ye kta.

20 Qa woahtani wošnapi tatanka susu wanica ecakicon qon he iyecen tatanka susu wanica kin he ecakicon kta, hecen wawayušna kin wahtanipi kin akahpe wicakiye kta; unkan wicakicicajujupi kta.

21 Unkan tatanka susu wanica kin hewoskantuya ayapi kta, qa tatanka susu wanica tokaheya huhnahyapi qon he iyecen de huhnahyapi kta. Okodakiciye woahtani wošnapi kin hee.

22 Wawidake kin wahtani kinhan, qa taku iye Wakantanka Jehovah tawoahope tehinda kin wanji ecinšni econ kinhan qa ihdušica.

23 Tohan woahtani kin hena en wahtani kin sdotkiye cinhan toahi kin hekinškayapi mdoka zanika wan hiyuye kta.

24 Qa hekinškayapi pa akan iye nape kin aputake kta, qa Jehovah itokam tukten wohuhnahyapi patapi kin hen he pate kta; woahtani wošnapi wan hee.

 25 Unkan wawayušna kin woahtani wošnapi we kin etanhan napsukaza wan on icu kta, qa wohuhnahyapi wahna wošnapi he kin hena akan iun kta, qa we kin wohuhnahyapi wahna wošnapi sicu ekta okaštan kta;

26 Qa wasin kin owasin on wahna wošnapi izinye kta, wopida wošnapi wasin kin he iyecen, hecen wahtani kin wawayušna kin akahpe kiciye kta, unkan kicicajujupi kta.

27 Unkan oyate tokecinyan unpi etanhan wicanagi wanji wahtani, qa Jehovah tawoahope taku econšni wicaši wan ecinšniyan econ, qa ihdušice cinhan;

28 Tohan woahtani wahtani kin he sdotkiye cinhan, woahtani wahtani kin on toahi hekinškayapi wiye wan zanika hiyuye kta.

29 Qa woahtani wošnapi pa akan iye nape kin aputake kta, qa wohuhnahyapi tukten patapi kin hen woahtani wošnapi kin pate kta.

30 Unkan wawayušna kin he we kin onge napsukaza wan on icu kta, qa wohuhnahyapi wahna wošnapi he kin hena akan iun kta, qa we kin owasin wahna wošnapi sicu ekta okaštan kta.

31 Qa wopida wošnapi wasin kin icupi qon, he iyecen wasin kin owasin icu kta, qa wawayušna kin wahna wošnapi kin izinye kta; waštemnayanpi Jehovah iyokipi, hecen wawayušna kin akahpe kiciye kta, unkan kicieajujupi kta.

32 Unkan woahtani wošnapi on tahkaška cinca wan toahi hiyuye cinhan, wiyedan zanika wan hiyuye kta.

33 Qa woahtani wošnapi pa akan iye nape kin aputake kta, unkan tukte wohuhnahyapi patapi ece kin, hen woahtani wošnapi kin patapi kte.

34 Unkan wawayušna kin woahtani wošnapi we onge napsukaza wan on icu kta, qa wohuhnahyapi wahna wošnapi he kin hena akan iun kta, qa we kin ocowasin wahna wošnapi sicu ekta akaštan kta.

 35 Qa wopida wošnapi tahkaška cinca wasin kin icupi qon he iyecen wasin kin owasin icu kta; unkan wawayušna kin heon wahna wošnapi kin izin ye kta, Jehovah peta on wakiyušnapi he iyecen, hecen wawayušna kin akahpe kiciye kta, woahtani wahtani kin on, unkan kicicajujupi kta.

LEVITICUS WICOWOYAKE 5.

1 Unkan wicanagi wan wahtani, qa tuwe tawicaho cajeyata nahon, qa wayaatanin sipi, taku nahon kaeš sdonya kin he, tuka oyake šni kinhan, wahtani kin kicin kta.

 2 Kaeš wicanagi tuwe taku šapa wan icahtake cinhan, wamanica te sapa, qa woteca te sapa, qa watutka te šapa unman tukte kašta sdotkiye šni econ ešta, hee sape kta, qa hdajuju kte.

 3 Kaeš tuwe wicašta šapa wan icahtake cinhan, woasape taku kašta on wicašta wan ihdusape cinhan, he sdonye šni econ ešta, tohan sdonye cinhan hdajuju kta.  

4 Kaeš wicanagi tuwe cajeyate ca awacinšniyan iha on taku eye cinhan, taku šica econ kta, kaeš taku wašte econ kta wicašta kin awacinšniyan eye cinhan, iyukcan šniyan econ ešta, tohan he sdonye cinhan hena wanji on hdajuju kta.

5 Unkan tohan hena wanji on hdajuju kte cinhan, taku en wahtani kin he ohdake kta.

6 Qa woahtani wahtani kin on taku on hdajuju kta Jehovah ekta hiyu ye kta, wahtani kin on optaye etanhan wiyedan wan tahcaska cinca, kaeš hekinškayapi cinca etanhan, unkan wawayušna kin he on akahpe kiciye kta.

7 Unkan nape kin tahcaska cinca wan iyohiye kte šni kinhan, wahtani kin hdajuju kta e tinwakiyedan nonpa, kaeš wakiyedan cinca nonpa, Jehovah kahi kta, wanji woahtani wošnapi on, qa unman wohuhnahyapi on.

8 Qa hena wawayušna kin ekta hiyuye kta, unkan woahtani wošnapi kin he tokaheya ahi kta, qa pa ohdateya dote cape kta, tuka baspe kte šni.

9 Qa woahtani wošnapi kin we onge wahna wošnapi cuwi akan ehpe ye kta, qa we okapte cin owasin wahna wošnapi sicu ekta yuskice kta woahtani wošnapi wan hee.

10 Unkan inonpa kin wohuhnahyapi wan kage kta, econ wicašipi kin iyecen, hecen wawayušna kin woahtani wahtani qon akahpe kiciye kta, unkan kicicajujupi kta.

11 Tuka nape kin tinwakiyedan nonpa, kaeš wakiyedan cinca nonpa iyohiye kte šni kinhan, wahtani kin on toahi kin aguyapi mdu can wakšica ohnaka wanjidan woahtani wošnapi on hiyuye kta. He akan wihdi akaštan kte šni, qa frankincense aehnake kte šni, woahtani wošnapi wan hee nakaeš.

12 Qa he wawayušna ekta hiyuye kta. Unkan wawayušna kin he etanhan napohnaka wanji icu kta, he wokiksuye ee, qa on wahna wošnapi kin izin ye kta, peta on Jehovah wakiyusna iyecen, woahtani wošnapi wan hee.

13 Hecen hena on woahtani wan wahtani kin on wawayušna kin akahpe kiciye kta, unkan kicicajujupi kta. Unkan taku okapte cin he wawayušna tawa kta, minha wan iyecen.

14 Unkan Jehovah ie ca Moses heciya;

15 Wicanagi wan šicaya ohanyan, qa Jehovah taku wakanyan tawa en ecinšniyan wahtani kinhan, tohdajuju kin Jehovah ekta hiyuye kta, tahcaska mdoka wan optaye etanhan mazaska šeqel tona idacin, tipi wakan šeqel iyececa kici on hdajuju kta.

16 Hecen taku wakanyanpi kin manon qon kicu kta, qa izaptan kin he kici aopekiciciye kta, qa wawayušna kin he qu kta, unkan wawayušna kin on hdajujupi tahcaska mdoka on akahpe kiciye kta, unkan kicicajujupi kta.

 17 Unkan wicanagi wan wahtani kinhan, qa taku wanji Jehovah econ šni wicaši econ kinhan, he sdonye šni ešta he wahtani, qa on hdajuju kta.

 18 Qa hdajuju kta e wawayušna ekta optaye etanhan tahcaska mdoka wan, taku idacin kici hiyuye kta, unkan taku ecinšniyan wahtani, qa iyukcanšniyan nuni kin heon wawayušna kin akahpe kiciye kta, unkan kicicajujupi kta.

19 On hdajujupi wan hee; Jehovah en wahtani kin on hdajuju kta.

WICOWOYAKE 6.

1 Unkan Jehovah ie ca Moses heciya;

2 Wicanagi wan wahtani qa taku Jehovah tawa wan manon kinhan, kaeš tuwe ikiyedan ti en itonšni, taku yuhe sipi kaeš taku wicakicihnaka on, kaeš taku wicaki kin on kaeš tuwe ikiyedan ti kiyuse kinhan;

3 Kaeš taku wicakitaninpi šni iyeye ca on itonšni, qa taku kašta wicašta econpi kin hena wanji en wahtani, qa itonšniyan on taku wakan caje yate cinhan;

4 Hehan kaketu kta, wahtani kin on hdajuju kta e taku wicaki qon kicu kta, kaeš taku wicahnayan on yuha, kaeš taku kicihnakapi qon, kaeš taku wicakitanin šni iyeye ciqon.

5 Qa taku kašta on cajeyate ca itonšni kin, he ocowasin kicu kta, qa anpetu tohan hdajuju kin hehan izaptan wan aopekiciciye kta, qa tuwe tawa kin kicu kta.

6 Nakun on hdajuju kta Jehovah wakiyušnapi wan optaye etanhan, tahcaska mdoka wan zanika, taku idacin kici hdajuju kta e wawayušna ekta hiyuye kta.

7 Unkan wawayušna kin Jehovah itokam akahpe kiciye kta, unkan taku kašta on hdajuju kta econ qon, iyohi kicicajujupi kta.

8 Unkan Jehovah ie ca Moses heciya,

9 Aaron qa iye cinca hecon wicaši, qa hewicakiya wo; Wohuhnahyapi wošnapi woope kin dee: Hanyetu osan wahna wošnapi akan itkonyan un kta, ihanhanna kin hehanyan, qa wahna wošnapi akan peta kin itkonye cin heon wohuhnahyapi kin eciyapi.

10 Unkan wawayušna kin minihuha ska mahen unpi kin kicun qa minihuha ska onze oge koyake kta, iye cehpi akan, qa wohuhnahyapi wošnapi cahota peta wahna wošnapi akan huhnage cin he icu kta, qa wahna wošnapi kin icahda ehnake kta.

11 Hehan wokoyake kin hdusdoke kta, qa wokoyake tokeca kicun kta, qa cahota kin hewoškantuya aye kta, tukten taku šica wanica ekta.

12 Unkan peta wahna wošnapi akan yanke cin he ohinniyan itkon yapi kta, he kašnipi kte šni. Unkan he akan hanhanna otoiyohi wawayušna kin can ideye kta, qa he akan wohuhnahyapi kin aehnake kta, qa he akan wopida wošnapi wasin kin izin ye kta.

13 Peta kin ohinniyan wahna wošnapi akan itkon yapi kta, tohinni šni kte šni.

14 Unkan minha woope kin dee, Aaron cinhintku wanji he Jehovah itokam wahna wošnapi ekta kahi kta.

15 Qa minha aguyapi mdu qa wihdi etanhan napohnaka wan icu kta, qa frankincense akan un kin he ocowasin, qa wahna wošnapi kin izin ye kta, he wokiksuye waštemna Jehovah iyokipi.

16 Unkan taku minha etanhan okapte cin he Aaron qa iye cinca kin aguyapi onapohye codan yutapi kta, oyanke wakan kin ohna, he yutapi kta, itkokipapi wakeya hocoka kin ohna he yutapi kta.

17 Onnapohye on spanyanpi kte šni, tuka peta on wamiciyušnapi etanhan wopamni kin he wicawaqu. He wakan hinca, woahtani wošnapi kin iyecen, qa wokajuju wošnapi kin iyecen.

18 Aaron cinca kin tona wica kin hena owasin he yutapi kta. Nitoicagepi yeye cin wokage kin de owihanke wanice kta, tona wakanpi kin henana taku peta on Jehovah wakiyušnapi kin yutanpi kta.

19 Unkan Jehovah ie ca Moses heciya,

20 Aaron qa iye cinca anpetu en wanji sdayapi kinhan, woahi kin de kahipi kta, aguyapi mdu can wakšica ohnaka wanji, minha ohinniyan wan, hanke hanhanna eca, qa hanke htayetu eca.

21 Maza wiceonpa akan wihdi en cegugu yaye kta, span hehan hiyu yaye kta, minha yuspuspupi waštemna Jehovah iyokipi yakuhi kta.

22 Qa tuwe iye cinca etanhan hee kiya wawayušna sdayapi kin he kage kta, he ocowasin Jehovah tawa izinyapi kta, wokage kin de owihanke wanice kta.

23 Hecen wawayušna minna tawa kin he ocowasin huhnahyapi kta, tuwedan he etanhan yute kte šni.

24 Unkan Jehovah ie ca Moses heciya,

25 Aaron qa iye cinca kin hecen ewicakiya wo: Woahtani wošnapi woope kin dee, tukten wohuhnahyapi patapi kin he en woahtani wošnapi kin patapi kta, Jehovah itokam he wakan hinca.

26 Wawayušna tuwe heon wokajujukage cin he yute kta,oyanke wakan kin itkokipapi wakeya hocoka kin en he yutapi kta.

27 Taku kašta he cehpi kin icahtake cinhan wakan kta, qa wokoyake taku kagta he we kin akan ehpeyapi kin, he akan hinhpaye cin on, oyanke wakan en yujajapi kta.

28 Qa makacega ohna he span,yanpi kin he kamdecapi kta, qa mazasa cega ohna he spanyanpi  kinhan, he payezapi qa mini on yujajapi kta.

29 Wawayušna tona wicapi kin hena owasin yutapi kta, he wakan hinca.

30 Qa woahtani wošnapi tona we kin on akahpapi kta e tipi wakan ohna itkokipapi wakeya en hiyuyapi hena yutapi kte šni, peta on huhnahyapi kta.

LEVITICUS WICOWOYAKE 7.

 1 Unkan on hdajuju wošnapi woope kin dee, he wakan hinca.

 2 Tukte wohuhnariyapi wošnapi ktepi kin he en on hdajujupi ktepi kta, qa we kin he wahna wošnapi akan ihdukšan ehpeyapi kta.

3 He etanhan wasin owasin ahi kta, sinte kin qa wasin supe akahpe cin he;

4 Qa pakšin kin napin, qa pakšin mica en yanke cin he,qa pizi pi ikoyake cin, pakšin icahda he yutokan kte;

5 Qa hena on wawayušna kin wahna wošnapi kin izin ye ktu, peta on Jehovah wakiyušnapi, on hdajujupi kin hee.

6 Wawayušna wica kin hena owasin he yutapi kta, oyanke wakan ohna yutapi kta, he wakan hinca.

7 Woahtani wo napi kin, qa on hdajuju wošnapi kin hena woope kin okonwanjidan; wawayušna kin tuwe hena on woakahpe kage cin he tawa kta.

8 Qa wawayušna tuwe wicašta wan wohuhnahyapi kicicahi kinhan, wohihnahyapi ha kin he wawayušna ahi kin he tawa kta.

9 Qa minha kin oceti akan spanyanpi kin he owasin, qa cega ohna qa cega ihupatonna akan kagapi kin he owasin wawayušna kin tuwe he ahi kin he tawa kta.

10 Tuka minha wihdi icicahiyapi, qa aguyapi mdu kin hena iyuhpa Aaron cinca kin owasin otoiyohi hunkawanjitku iyececa tawapi kta.

11 Unkan wopida wošnapi Jehovah kahipi kta woope kin dee.

12 Tuwe he woyatan on ahi kinhan, woyatan wošnapi kici aguyapi napohyapi šni wihdi icicahiyapi, qa aguyapi zibzibedan napohyapi šni, wihdi on sdayapi, qa aguyapi ceguguyapi wihdi akaštanpi;

13 Aguyapi napohyapi šni kici aguyapi napohyapi ahi kta, toahi wopida woyatan wošnapi tawa on.

14 Qa woahi kin ocaje owasin etanhan aguyapi wanjidan wokosyapi Jehovah tawa, wawayušna wopida we kin amnimni kin he ektakiya kahi kta, he tawa kta.

15 Qa woyatan wopida wošnapi cehpi kin he yutapi kta, anpetu en ahipi kin en, hetanhan ongedan ihanhanna hehanyan okaptapi kte šni.

16 Tuka toahi kin woyakapi wošnapi kaeš, itukihanpi wošnapi kinhan, anpetu en taku wošna ahi kin hen yutapi kta, qa taku okapte cin he ihanhanna nakun yutapi kta.

17 Qa tado wošnapi anpetu iyamni kin hehanyan okapte cin he peta on huhnahyapi kta.

18 Qa wopida wošnapi tado onge anpetu iyamni en yutapi kinhan, iyokipi kte šni, qa tuwe ahi kin kiciyawapi kte šni, taku sicamna iyecece kta, wicanagi kin tuwe hetanhan yute cinhan wosioe cin hduhe kta.

19 Cehpi taku sapa wan icahtake cin he yutapi kte šni, he petan huhnahyapi kta. Unkan cehpi kin tona ecepidan kin hena owasin cehpi yutapi kta.

20 Tuka wicanagi tuwe toasape ikoyake cin, wopida wošnapi cehpi kin Jehovah wakiyušnapi kin he yute cinhan, wicanagi kin he taoyate kin etanhan kaspapi kta.

21 Qa wicanagi tuwe taku šapa yutan kinhan, wicašta towa ašape kaeš woteca towaašape, kaeš watutka šapa wan, qa wopida wošnapi Jehovah wakiyušnapi cehpi etanhan yute cinhan wicanagi kin he taoyate etanhan kašpapi kta.

22 Unkan Jehovah ie ca Moses heciya,

23 Israel cinca kin hecen ewicakiya wo; Niyepi yuta obe šin kte šni, tatanka wosdohan tawa, tahcaska tawa, kaeš hekinškayapi tawa.

24 Taku wayazanka te cin wasin kin, qa taku wamanica yatapi kin wasin kin he wowiyunyanpi kta, tuka he yutapi kte šni.

25 Tuwe kašta woteca peta on Jehovah wakiyušnapi kin he etanhan wašin onge yute cinhan wicanagi kin he iye taoyate etanhan kaspapi kta.

26 Nakun yatipi owasin ohna we ongedan yatapi kte šni, wahupakoza we kin, qa woteca we kin unman tukte kašta.

27 Wicanagi tuwe kašta we ongedan yute cinhan wicanagi kin he taoyate kin etanhan kaspapi kta.

 28 Unkan Jehovah ie ca Moses heciya;

29 Israel cinca kin hecen ewicakiya wo, Tuwe kašta wopida wošnapi wan Jehovah kahi kte cinhan, he wopida wošnapi toahi kin Jehovah ekta hiyuye kta.

30 lye nape kin Jehovah peta wošnapi lawa hiyuye kta, wasin maku iyahna, maku yuwintapi, Jehovah itokam he yuwintapi kta e hiyuye kta.

31 Unkan wawayušna kin wasin kin on wahna wošnapi kin izinye kta, tuka maku kin he Aaron qa iye cinca kin he tawapi kta.

32 Qa hiyete etapa kin he wopida wošnapi nitawapi etanhan wokozapi wan wawayušna kin yaqupi kta.

33 Aaron cinca etanhan tuwe wopida wošnapi we kin, qa wa sin kin ahi kinhan, hiyete etapa kin wobaspe tawa kta.

34 Israel cinca wopida wošnapi tawapi etanhan, maku yuwintapi, qa hiyete kozapi kin hena iwicawacu, qa Aaron qa iye cinca wicawaqu, Israel cinca etanhan, wokage owihanke wanica.

35 Taku peta on Jehovah wakiyušnapi etanhan Aaron wiyutapi tawa, qa iye cinca wiyutapi tawapi kin hee: Jehovah wawakiyušnapi kta e en awicahi anpetu kin he en.

36 He Jehovah wicaqu ši kin anpetu en sdawicaye cin he ehan, Israel cinca etanhan wicoicagepi yeye cin, wokage owihanke wanica.

37 Wohuhnahyapi on woope kin hee, qa nakun minha on, qa woahtani wošnapi on, qa wokajuju wošnapi on,qa wojunyapi on, qa wopida wošnapi on.

38 Jehovah Moses hecon ši, Sinai he ohna anpetu wan Israel cinca toahipi Sinai hopuze cin en, Jehovah ekta ahi wicaši qehan.

LEVITICUS WICOWOYAKE 8.

1 Unkan Jehovah ie ca Moses heciya,

2 Aaron qa iye cinca om iwicacu wo, nakun wokoyake kin, qa wihdi on sdawicayapi kin, qa woahtani tatanka susu wanica kin, qa tahcaska mdoka nonpa kin, qa aguyapi napohyapi šni wakiskotpa kin.

3 Qa omniciye owasin itkokipapi wakeya tiyopa ekta wicakico wo.

4 Unkan token Jehovah econ ši kin he iyecen Moses econ; unkan omniciye owasin itkokipapi wakeya tiyopa ekta mniciyapi.

5 Unkan Moses omniciye kin hewicakiya, Taku Jehovah econ unsipi kin dee.

6 Hehan Moses Aaron qa iye cinca kin awicahi, qa mini on wicayujaja.

7 Qa mahenunpi kin koyag ya, qa ipiyake on ipiyag kiciton, qa nitoške kin koyag ya, qa amdo akahpe kin akihnake ca amdo akahpe ipiyake kazuntapi kin on ipiyag kiya, hecen amdo kin akahpe kiya.

8 Qa maku akahpe kin akihnake ca iyoyam wicaye ca ecetu wicaye cin maku akahpe kin en iyeya.

 9 Qa pa akan pa ipahte kin pahta, qa pa ipahte akan ite ektakiya mazaskazi mdaska watešdake wakan pahta; Jehovah hecon ši kin he iyecen.

10 Unkan Moses wihdi on sdawicayapi kin icu, qa tipi kin sdaya, nakun taku ohna un kin owasin; hecen hena yuwakan.

11 Qa he etanhan šakowin akihde wahnawošnapi akan ehpeya, qa wahnawošnapi kin sdaya, nakun taku on kicanyanpi owasin, nakun maza koka kin, qa taceteta kin; hecen hena yuwakan.

12 Qa wihdi on sdayapi onge Aaron pa kin akaštan, qa he yuwakan kta e sdaya.

13 Unkan Moses Aaron cinca kin awicahi, qa mahen unpi kin ikoyag wicaya, qa ipiyake on ipiyag wicakiciton, Jehovah Moses hecon ši kin he iyecen.

14 Qa woahtani tatanka susu wanica kin ikiyedan hiyuya; unkan Aaron qa iye cinca kin tatanka susu wanica pa akan napepi aputakapi.

15 Unkan pata, qa Moses we kin icu qa napsukaza wan on wahna wošnapi he kin aihdukšan iun, hecen wahna wošnapi kin wakiyusna, qa we kin wahna wošnapi sicu ekta kaštan, hecen he akan akahpapi kta e he yuwakan.

16 Unkan watejikja kin he owasin icu, qa pi pizi kin, qa pakšin napin, qa pakšin šin, qa Moses hena on wahna wošnapi kin izinya.

17 Tuka tatanka susu wanica pa kin,qa cehpi kin peta on huhnahya, otipi kin itankan, Jehovah Moses hecon ši kin he iyecen.

18 Hehan wohuhnahyapi tahcaska mdoka kin ahi, unkan Aaron qa iye cinca kin napepi tahcaska mdoka pa kin aputakapi.

19 Unkan he pata, qa Moses he we kin wahna wošnapi aihdukšan akaštan.

20 Unkan tahcaska mdoka kin token baspapi kta iyececa baspaspa; unkan Moses tahcaska mdoka pa kin, qa obaspe kin, qa wasin kin izinya.

21 Unkan supe kin qa huha kin mini on yujaja, unkan Moses tahcaska mdoka ocowasin on wahna wošnapi kin izinya, peta on Jehovah wakiyušnapi wan wohuhnahyapi waštemna wiciyokipi wan hee, Jehovah Moses hecon si kin he iyecen.

22 Unkan tahcaska mdoka inonpa kin he ahi, ojunyapi tahcaska mdoka kin hee; unkan Aaron qa iye cinca kin napepi kin tahcaska mdoka pa kin aputakapi.

23 Unkan he pata, qa Moses he we kin etanhan icu,qa Aaron noge etapa inkpa akan ikiciun, nakun napahunka etapa akan,qa sipahunka etapa akan.

24 Qa Aaron cinca kin awicahi, qa Moses nogepi etapa inkpapi akan we kin onge iwicakieiun, nakun napahunkepi, qa sipahunkepi etapa akan, qa we ihe cin wahna wošnapi aihdukšan akaštan.

 25 Qa wasin kin icu, nakun sinte kin, qa watejiksija ocowasin, qa pi pizi kin, qa pakšin napin, qa pakšin šin kin qa hiyete etapa kin;

26 Nakun aguyapi napohyapi šni wakiskotpa Jehovah itokam yanke cin etanhan aguyapi napohyapi šni hmiyanyan wanjidan, qa wihdi aguyapi hmiyanyan wanjidan, qa aguyapi zibzibedan wanjidan, qa hena wašin akan, qa hiyete etapa akan ehnaka.

27 Qa hena owasin Aaron nape en qu, nakun cinhintku napepi en; unkan hena kozapi, Jehovah itokam; wokozapi wan hee.

28 Unkan napepi etanhan Moses hena icu, qa on wahna wošnapi kin izinya, wohuhnahyapi akan, wojunyapi kin hena eepi, woomna wiciyokipi peta wakiyušnapi wan hee.

29 Unkan Moses maku kin icu, qa Jehovah itokam koza, wokosyapi ojunyapi tahcaska mdoka etanhan obaspe kin he Moses tawa, Jehovah Moses hecon si kin he iyecen.

30 Unkan Moses sdayapi wihdi etanhan icu, qa we wahna wošnapi akan un kin etanhan, qa Aaron akan ehpeya, nakun wokoyake tawa akan, qa cinhintku akan, qa cinhintku tawokoyakepi akan, hecen Aaron yuwahan, qa tawokoyake, qa cinhintku, qa nakun cinhintku tawokoyakepi.

31 Unkan Moses Aaron qa iye cinhintku hewicakiya, Itkokipapi wakeya tiyopa kin ekta tado kin ohanpo, qa heciya he yatapi kta, qa uguyapi ojunyapi kin wakiakotpa ohna un kin he nakun, hecon cišipi kin he iyecen, Aaron qa iye cinca kin he yutapi kta, epa.

32 Qa taku okaptapi tado kin etanhan,qa aguyapi kin etanhan, petan ehpeyayapi kta.

33 Qa šakowin can itkokipapi wakeya tiyopa etanhan inayapapi kte šni, anpetu ojunniyanpi kin henakecapi kte cin hehanyan, anpetu šakowin ninapepi ojunniyanpi kta nakaš.

34 Nakaha econ cišipi kin he iyecen Jehovah econ unsipi; akahpe niciyapi kta heon.

35 Qa anpetu šakowin, anpetu hanyetu koya, itkokipapi wakeya tiyopa ekta nankapi kta, qa Jehovah topatan kin yapatanpi kta, heccn nitapi kte šni, hecen econ cišipi heon etanhan.

36 Unkan Aaron, qa iye cinca kin taku Jehovah Moses nape on econ wicaši kin owasin econpi.

LEVITICUS WICOWOYAKE 9.

1 Unkan anpetu i ahdogan hehan Moses Aaron qa iye cinca kin wicakico, nakun Israel hunkawicayapi.

2 Qa Aaron heciya, Ptejicadan aškatudan wan woahtani wošnapi on icu, qa tahcaska mdoka wan wohuhnahyapi on, napin zanipi, qa Jehovah itokam awicahi wo.

3 Qa Israel cinca kin hecen ewicayakiye kta, Hekinškayapi cinca mdoka wan woahtani wošnapi ton on icupo, qa wohuhnahyapi on ptejicadan wan, qa tahkaška cinca wan, napin waniyetu wanjidan zanipi.

4 Qa tatanka susu wanica wan, qa tahcaska mdoka wan wopida wošnapi on, Jehovah itokam wakiyušnapi kta; nakun minha wihdi icicahiyapi; anpetu kin de Jehovah niyepi en ihdutanin kta, heon etanhan.

5 Unkan taku Moses itkokipapi wakeya tiyopa ekta au wicaši kin he aupi, qa omniciye kin ocowasin ikiyedan hiyupi qa Jehovah itokam najinpi.

6 Unkan Moses heya, Taku Jehovah hecon nisipi kin dee, hecen Jehovah towitankin niyepi en ihdutanin kta.

7 Unkan Moses Aaron heciya, Wahna wošnapi kin ikiyedan u, qa woahtani wošnapi nitawa, qa wohuhnahyapi nitawa kin kaga wo, hecen niye on, qa oyate kin on akahpe yakiye kta, nakun oyate toahi kin kaga wo, hecen hena on akahpe yakiye kta, Jehovah econ niši kin he iyecen.

8 Unkan Aaron wahna wošnapi kin ikiyedan hiyu, qa ptejicadan woahtani wošnapi tawa kin pata.

9 Unkan Aaron cinca kin we kin kahipi, unkan napsukaza wan we kin en oputkan, qa wahna wošnapi he akan iun, qa we kin wahna wošnapi sicu ekta kaštan.

10 Unkan woahtani wošnapi etanhan wasin kin, qa pakšin kin, qa pi etanhan pizi on wahna wošnapi kin izinya, Moses econ ši kin he iyecen.

11 Unkan tado kin, qa ha kin huhnahya, owanka itankan.

12 Hehan wohuhnahyapi kin pata; unkan Aaron cinca kin we kin kahipi, unkan he wahna wošnapi aihdukšan akaštan.

13 Unkan wohuhnahyapi kin kahipi, obaspe kin, qa pa kin, unkan izinya wahna wošnapi akan.

14 Qa supe kin, qa huha kin, yujaja, qa wohuhnahyapi wahna wošnapi akan izinya.

15 Qa oyate toahi kin he ahi, qa hekinškayapi mdoka woahtani wošnapi oyate tawapi kin he icu, qa pate ca wayusna, tokaheya qon he iyecen.

16 Qa wohuhnahyapi kin ahi, qa woyaco kin he iyecen ecakicon.

17 Qa minha kin he ahi, qa hetanhan napohnaka wan icu, qa hanhanna wohuhnahyapi iyahna wahna wošnapi akan izinya.

18 Qa tatanka susu wanica qa tahcaska mdoka oyate wopida wakiyušnapi kin hena pata; unkan Aaron cinca kin we kin kahipi, unkan he wahna wošnapi aihdukšan akaštan.

19 Unkan tatanka susu wanica etanhan, qa tahcaska mdoka etanhan wašin kin, sinte kin, qa watejiksija, qa pakšin kin, qa pi pizi kin kahipi.

20 Qa wašin kin maku kin akan ehnakapi, qa wašin kin on wahna wošnapi kin izinya.

21 Qa maku, qa hiyete etapa kin Aaron kosya, Jehovah itokam wokosyapi, Moses econ ši kin he iyecen.

22 Qa Aaron oyate ektakiya nape kin hduwinta, qa wicayawašte; hehan woahtani wošnapi, qa wohuhnahyapi, qa wopida wošnapi kage cin etanhan hdicu.

23 Unkan Moses Aaron kici itkokipapi wakeya en ipi,qa tankan inanpapi, qa oyate kin wicayawaštepi; unkan Jehovah towitan kin oyate kin owasin en ihdutanin.

24 Unkan Jehovah itokapatanhan peta inanpe ca wohuhnahyapi kin, qa wašin kin wahna wošnapi akan huhnahya. Unkan oyate kin owasin he wanyakapi, qa panpanpi, qa makipusdiya ihpayapi.

LEVITICUS WICOWOYAKE 10.

1 Unkan Aaron cinca kin Nadab qa Abihu iyohi tamaza mdaska icu, qa hena akan peta ehnakapi, qa he akan wizinyapi kadapi, qa peta tokeca Jehovah itokam kahipi, hecon wicaši šni tuka.

2 Unkan Jehovah itokapa tanhan peta inanpe ca huhnah wicaya.

3 Unkan Moses Aaron heciya, Jehovah heye ciqon he dee, Tona mikiyedan hipi kin, mayawakanpi kta, qa oyate owasin itokam mayutanpi kta, eya, Unkan Aaron inina yanka.

4 Unkan Moses Aaron ateye Uzziel cinca kin Mišael qa Elzaphan wicakipan, qa hewicakiya, Ikiyedan u po, qa nihunkawanjipi kin tipi wakan itokapa tanhan awicayapo, hewoskantuya.

5 Unkan en hipi, qa mahen unpi ohna owanka itankan awicayapi, Moses eye cin he iyecen.

6 Unkan Moses Aaron qa iye cinca kin Eleazar qa Ithamar hewicakiya, Pa bakisdapi šni po, qa wokoyake hdutokecapi šni po; hecanonpi kinhan okini nitapi kta, qa omniciye ocowasin en wocanteptanye u kta; tuka nihunkawanjipi, Israel cinca tipi ocowasin wogu kin Jehovah guye cin he aceyapi kta.

7 Unkan Jehovah tosdaye wihdi aniunpi, heon itkokipapi wakeya tiyopa etanhan inayapapi kte šni, okini ni tapi kta, eya. Unkan Moses eye cin ecen econpi.

8 Unkan Jehovah ie ca Aaron heciya,

9 Itkokipapi wakeya ekta yahipi eca miniša, qa miniwašake datke kte šni, niye qa nakun nicinca, hecen nitapi kte šni. Wokage kin de owihanke wanica ni toicagepi yeye cin.

10 Qa hecen wakan qa taku wakan šni otahedan dukinukanpi kta, qa taku šapa qa taku ecedan otahedan:

11 Qa hecen wokage Jehovah Moses nape eciyatanhan eruciyapi kin, hena owasin Israel cinca kin onspe wicayakiyapi kta.

12 Unkan Moses Aaron qa iye cinca kin nahanhin en unpi, Eleazar qa Ithamar hewicakiya, Minha Jehovah tapeta wošnapi etanhan taku okaptapi kin he icu, qa napohyapi šni yuta po, wahna wošnapi icahda, he wakan hinca.

13 Qa he oyanke wakan ohna yutapi kta; taku peta on Jehovah wakiyušnapi etanhan wopamni nitawa, qa nicinca wopamni tawapi kin hee, heon hecen econ cišipi nakaš.

14 Qa maku kosyapi, qa hiyete yuwintapi kin, hena oyanke wakasote šni ohna yatapi kta, niye qa nicinkši qa nicunkši opapi kta, wopamni nitawa, qa nicinca wopamni tawapi Israel cinca wopida wošnapi kin etanhan nicupi nakaš.

15 Hiyete yuwintapi kin qa maku kosyapi kin wasin iyahna hiyuyapi kta, wokosyapi Jehovah itokam kosyapi kta heon, qa he nitawa kta, qa nicinca nakun tawapi kta, wokage owihanke wanica, Jehovah econ unšipi kin he iyecen.

16 Unkan Moses hekinškayapi woahtani wošnapi kin he nina akita, tuka huhnahyapi; heon Eleazar qa Ithamar Aaron cinca nahahin en unpi canniye wicaye ca heya,

17 Tokeca woahtani wošnapi kin he yatapi šni, oyanke wakan ohna, he wakan hinca, qa omniciye šicaya ohanyanpi kin duhapi kta e he nicupi, qa akahpe wicayayapi kta e Jehovah itokam?

 18 Ito he we kin tipi wakan mahen hiyuyapi šni heon tipi wakan ohna he yatapi kta iyececa, econ cišipi kin he iyecen.

19 Unkan Aaron Moses heciya, Ito nakaha woahtani wošnapi tawapi qa tohuhnahyapi kin hena Jehovah itokam ahipi, unkan taku hececa amakipapi, unkan anpetu kin de woahtani wošnapi wate kte cin he Jehovah iyokipi ye kta he?

20 Unkan Moses he nahon qehan he iyokipi.

LEVITICUS WICOWOYAKE 11.

1 Unkan Jehovah ie ca Moses Aaron kici hewicakiya, .

2 Israel cinca kin hecen ewicakiyapo. Taku maka akan ni un kin owasin etanhan woteca kin dena yatapi kta.

3 Woteca tona wayatakonza šake jate šake ocowasin kinaspe cin hena owasin yatapi kta.

4 Tuka dena wayatakonzapi qais sake jatapi ešta yatapi kte šni; cankahupajo kin he wayatakonza ešta šake kin kinaspe šni, he šapa yadakapi kta.

5 Qa sapan kin he wayatakonza ešta sake kin kinaspe šni heon he šapa yadakapi kta.

6 Qa maštintanka kin he wayatakonza ešta šake kinaspe šni heon he sapa yadakapi kta.

7 Qa kukuše kin he sake jata, qa šake ocowasin kinaspe ešta wayatakonze šni heon he šapa yadakapi kta.

8 Hena cehpi kin ongedan yatapi kte šni, qa tapi tancan dutanpi kte šni, hena šapa yadakapi kta.

9 Unkan taku mini oicage cin owasin etanhan dena yatapi kta, Taku hoape, qa hocespu yukan, mini oicage, mde ohna, qa wakpa ohna, hena owasin yatapi kta.

10 Qa taku mde ohna qa wakpa ohna hoape qa šocespu wanice cinhan, taku mini oniwan, qa taku nagi ni un kin, hena owasin etanhan yatapi kte šni, hena wowahtešni yadapi kta.

11 Hena wowahtešni yadapi kta, heon cehpipi etanhan yatapi kte šni, qa tapi tancan wahte šni yadapi kta.

12 Taku mini ohna hoape, qa hocespu wanice cin hena owasin wowahtešni yadapi kta.

13 Unkan wahupakoza dena wahtešni yadapi kta, wanmdi kin, qa ossifrage kin, qa ospray kin; hena yatapi kte šni, hena wowahte šni.

14 Qa heca kin, qa upijate tanka kin ocaje owasin;

15 Qa kangi ocaje owasin;

16 Qa hinhankaga kin, qa canška hanyetu kin, qa cuckow kin, qa canška kin ocaje owasin;

17 Qa hinhankaga cistinna kin, qa huntka kin, qa hinhankaga tanka kin,

18 Qa magatanka kin, qa mdega kin, qa wanmdi gier kin;

19 Qa hoka kin, qa hoka kin ocaje owasin, qa sdipahupahu kin, qa hupahuwakihdakena kin.

20 Taku kinyan sdohan, siha topa awinta kin hena owasin wowahtešni yadapi kta.

21 Tuka taku kinyan sdohan siha topa awinta etanhan dena yatapi kta, tona siha iwankam hu nonpa yukanpi on maka aipšicapi kin hena.

22 Hena etanhan dena yatapi kta, psipšicadan kin ocaje owasin, qa psipšicadan šda kin ocaje ocowasin, qa tapopuska kin ocaje owasin, qa psipšicadan ocaje owasin.

23 Tuka taku kinyan sdohan siha topa yuke šni kin hena owasin wowahtešni yadakapi kta.

24 Qa dena on niyušapapi kta, tuwe kašta dena wanji te cin yutan kinhan htayetu aiyahdeya šape kta.

25 Qa tuwe hena wanji te cin qin kinhan wokošake hdujaja kta, qa htayetu aiyahdeya šape kta.

26 Woteca tona šake gangata ešta šake ocowasin kinaspe šni,  qa wayatakonze šni kin hena owasin sapa yadakapi kta, tuwe kašta hena wanji te cin yutan kinhan sape kta.

27 Qa wamanica tona nape amani, hu topa amani kin hena owasin sapa yadapi kta, tuwe kašta hena tapi wanji yutan kinhan hayetu aiyahdeya šape kta,

28 Qa tuwe hena tapi qin kinhan wokoyake hdujaja kta, qa htayetu aiyahdeya sape kta, hena sapa yadapi kta nakaš.

29 Unkan taku maka asdohan ehna dena šapa yadapi kta, hitunkasan kin, qa hitunkadan kin, qa keya ocaje owasin.

30 Qa kihdega kin, qa chameleon kin, qa ahdeška kin, qa wamnuhadan kin, qa napeheyatahedan kin.

31 Taku sdohan ehna hena sapa yadapi kta, tuwe kašta hena tapi wanji yutan kinhan htayetu aiyahdeya šape kta.

32 Taku kašta hena etanhan wanji te cin ahinhpaye cinhan šape kta, canwakšica, qa ogepi, qa wakihdaka, qa wojuha, taku kašta on wohtani econpi kin hena owasin minin iyeyapi kta, qa i htayetu aiyahdeya šape kta, hehan ska kta.

33 Qa maka wakca tona ohna hena wanji ohinhpaye cin taku ohna un kin owasin šape kta, qa wakšica kin kamdecapi kta.

34 Taku yutapi tona hena etanhan mini atpapsonpi kin hena owasin šape kta, qa woyatke wakšica kin hena ohna yatkanpi kin sape kta.

35 Qa taku kašta hena te onspa ahinhpaye cin he šape kta, maka cega qa maka oceti kinhan kamdecapi kta, hena šapapi, qa šapa yadakapi kta.

36 Tuka wakoniya, qa miniowe mini ota kiwitaye cin he sape kte šni; tuka taku tancanpi te wan icahtake cinhan šape kta,

37 Unkan tancanpi te etanhan su wojupi ahinhpaye cinhan wojupi kin šape kte šni.

38 Tuka wojupi minin hpanyanpi qa tancanpi te etanhan onspa ahinhpaye cinhan šapa yadakapi kta.

39 Unkan woteca yatapi kin wanji te cinhan tuwe tancan te yutan kinhan htayetu aiyahdeya šape kta.

40 Qa tuwe hena tancan te onspa yute cinhan wokoyake kin hdujaja kta, qa htayetu aiyahdeya šape kta, qa tuwe tancan te cin onspa qin kinhan wokoyake hdujaja kta, qa htayetu aiyahdeya šape kta.

41 Qa watutka maka asdohan kin hena owasin wowahte šni, hena yutapi kte šni.

43 Taku itpi asdohan, qa šiha topa ešta sdohan, qa siha ota nakun taku kašta maka asdohan kin hena yatapi kte šni, hena wowahte šni nakaš.

43 Ihnuhan watutka sdohan kin on ninagipi wowahte šni nicicagapi kin, qa ihnuhan hena on nihdušapapi kin, qa hecen hena on nišapapi kta.

44 Jehovah Wakantanka niyepi he miye heon nihduwakanpi kta, qa miš mawakan heon wakanyan yaunpi kta; qa ihnuhan watutka wan taku kašta maka asdohan on ninagipi kin nihdušapapi kin.

45 Jehovah he miye qa wakanmayadapi kta e heon Egypta makoce etanhan hdinanpe ciyapi, qa miš mawakan heon wakanyan yaunpi kta.

46 Woteca on, qa wahupakoza on, qa nagi niyake mini oškanškan owasin on, qa nagi maka asdohan owasin on woope kin hee.

47 Taku šapa qa taku ecedan otahedan yukinukan kta, qa taku niya yutapi kta, qa taku niya yutapi kte šni otahedan.

LEVITICUS WICOWOYAKE 12.

1 Unkan Jehovah ie ca Moses heciya,

2 Israel cinca kin hecen ewicakiya wo, Winohinca wan ihdušake ca cinca wica wan ton kinhan, anpetu šakowin šape kta anpetu isnati ececa kin hehanyan šape kta.

3 Unkan anpetu išahdogan en cinhintku ce inkpaha kin bakihdayapi kta.

4 Unkan winohinca kin anpetu wikcemna yamni sanpa yamni we yuškapi kin en yanke kta, taku kašta yuwakanpi kin icahtake kte šni, qa tipi wakan kin en i kte šni, anpetu yuškapi henakeca kte cin hehanyan.

5 Unkan cinca ton kin he winan kinhan anpetu aketopa šape ta išnati kin iyececa, qa anpetu wikcemna šakpe sanpa šakpe we yuškapi en yanke kta.

6 Unkan anpetu yuškapi cinhintku on, kaeš cunwintku on henakeca kinhan, wohuhnahyapi on tahkaška cinca wan waniyetu wanjidan, qa woahtani wošnapi on wakiyedan cinca wan, kaeš tin wakiyedan wanji itkokipapi wakeya tiyopa ekta wawayušna ekta kahi kta.

7 Unkan hena Jehovah itokam ahi kta qa winohinca on akahpe kta, unkan we kaduze cin etanhan ska kta. Winohinca cinca wica kaeš winyan ton kin on woope kin hee.

8 Qa nape kin taku tahinca wan iyohi iyeye šni kinhan tinwakiyedan nonpa kaeš wakiyedan cinca nonpa icu kta, wanji wohuhnahyapi on qa wanji woahtani wošnapi on, unkan wawayušna akahpe kiciye kta, hecen ska kta.