Why Ads and name changes?

Hi again. :-) We were not going to put ads on this blog for obvious reasons. However, with that, it was not showing up in searches, especially not on iphone. So, we changed the name and enabled ads, hopefully not undermining the blog's integrity in order to make it more available to anyone who wants to find it. God bless y'all and thank you for your prayers!!

II ANPETU OYAKAPI WOWAPI (2 Chronicles 19-36) Dakota Wowapi Wakan Kin

II ANPETU OYAKAPI WOWAPI WICOWOYAKE 19.

1 Unkan Jehoshaphat Judah wicaštayatapi zaniyan Jerusalem en hdi.

2 Unkan Jehu Hanani cinhintku wawanyake kin itkokim iyaye ca wicaštayatapi kin Jehosa' pat heciya, Wicašta šica owicaI yakiye kta iyececa he 1 qa tona Jehovah šicedakapi wašte wicayadaka he? Hecanon kin on Jehovah canniye niyan.

3 Hececasta taku wašte nici iyeyapi ce, makoce kin etanhan Asterot dutokan kin he, nakun nicante Wakantanka akite kta dueeetu.

4 Unkan Jehoshaphat Jerusalem en hdiyotanke cehan, ake oyate kin wicehna iyaya, Beer-šeba etanhan Ephraim he kin hehanyan, qa Jehovah hunkake wicayapi Wakandapi en hdicuwicaya.

5 Qa makoce en wayaco wicakaga Judah otonwe aconkaške yapi owasin ohnahna otonwe otoiyohi on.

6 Qa wayacopi kin hewicakiya, Taku ecanonpi kin waktaya unpo. Wicašta akantu on wadacopi šni; tuka Jehovah on, qa wayaco oie kin en, iye niyepi om un.

7 Qa wanna Jehovah tokokipe niyepi akan un nunwe. Awanihdakapi, qa econpo, Jehovah wakan undapi kici taku šica wanica, nakun wicite ihaktapi, qa taku nahmana qupi kin icupi kin wanica nakaš.

8 Nakun Jerusalem ohna Jehoshaphat Levi kin etanhan, qa wawayušnapi etanhan, qa Israel ateyapi itancanpi etanhan wayaco wicakaga, Jehovah woyaco tawa on, qa waakinicapi on, Jerusalem en hdi qehan.

9 Qa wahokonwicakiye ca heya, Decen ecanonpi kta Jehovah tokokipe en, qa wowicake en, qa cante zaniyan en.

10 Woakinice owasin en anihipi, nihunkawanjipi otonwe tawapi otipi kin etanhan, we papsonpi kin on, qais woope, qa woahope, qa wokage, qa wayacopi kin on, ca iyoyam wicayayapi kta, hecen Jehovah awaritanipi kte šni, qa wositkihda nihunka wanjipi, qa niyepi anihipi kte šni. Hecen ecanonpi kta, kinhan wayahtanipi kte šni.

11 Qa iho Amarija wawayušna itancan kin, Jehovah taku tawa owasin on niwankam un; qa Zebadeja Išmael cinhintku Judah tiyohnaka itancan kin wicaštayatapi taku tawa on, qa Levi wowapi kagapi kin nitokam yakonpi. Waditagya uhanyanpo qa tuwe wašte kinhan Jehovah kici un kta.

II ANPETU OYAKAPI WOWAPI WICOWOYAKE 20.

1 Unkan hena iyohakam Moab cinca kin, qa Anmon cinca kin, qa hena om Mayanim nakun Jehoshaphat azuya upi.

2 Unkan wicašta Jehoshaphat okiyag hipi. qa heyapi; Wicota hinca Mde kin akotanhan, Edom etanhan tatpe niupi, qa inyun Hatzetzontamar, Engedi hee, ohna yakonpi.

3 Unkan Jehoshaphat kokipa, qa Jehovah akite kta ite kin yekiya, qa Judah owasin wote šni unpi kta ieyanpaha wicaya.

4 Unkan Judah Jehovah etanhan wookiye akitapi kta mniciyapi, nakun Judah otonwe owasin etanhan Jehovah akin hipi.

5 Qa Jehoshaphat Judah qa Jerusalem omniciye en najin, Jehovah ti kin ohna, hocoka teca itokam,

6 Qa heya, Jehovah hunkake wicunyanpi wakannidapi, Mahpiya en taku wakan kin niye Šni he? qa ikcewicašta wokiconze owasin iwicayadaka, qa ninape ohna wookihi, qa wowašake yuke šni he? hecen tuwedan nicitkokim najin okihi šni.

7 Makoce kin de ounyanpi kin owasin oyate nitawa Israel itokapa tanhan wicayusota tuwe wakan undapi kin niye šni he? qa he nitakuye Abraham cinca kin yaqu, owihanke wanin.

8 Unkan hen tipi, qa hen tipi wakan nicicagapi, nicaje on, qa heyapi,

9 Taku šica unkakipapi kinhan isan, woyaco, qaiS makošice, qais wicaakifian, qa tipi kin de itokam naunjinpi niye itokam, nicaje tipi kin de en yanka nakaš; qa unkakijapi on hoyeunnieiyapi kinhan nayahon kta, qa niunyayapi kta.

10 Unkan wanna inyun Anmon cinca kin, qa Moab, qa Seir ounyanpi kin, hena Israel Egypta etanhan kupi qehan, wicehna kupi iyowinwicayakiye šni, hecen icuom hiyupi, qa wicaktepi šni.

11 Qa hena šicaya ecaunkiconpi, qa makoce,tawaunyanpi kta e unyaqupi kin etanhan nape unyanpi kta hipi.

12 Wakan unnidapi wicadaco kte šni he? Ozuye tanka kin de tatpe unhipi wicitkokim naunjinpi kta unkiyepi en wookihi wanica, qa taku econkupi kta sdonunyanpi Šni; heon unkistapi kin anitonwanpi.

13 Hehan Judah owasin Jehovah itokam najinpi, nakun šicecapi, tawicupi, qa cincapi.

14 Unkan omniciye cokaya Jehovah toniya Jehaziel Zekarija cinhintku he JJenaja cinhintku, he Jeyiel cinhintku he Mattaneja cinhintku Levi kin Asap cinca etanhan, he akan hi.

15 Unkan heya, Anagoptanpo, Judah owasin, qa Jerusalem otipi kin, qa wicaštayatapi kin Jehoshaphat, Jehovah hecen eniciyapi, lhnuhan niyepi yusinye niyanpi qa ihnnhan ozuye tanka kin de ikowicayapapi kin, wokicize kin niye nitawapi šni, tuka Wakantanka he tawa ce.

16 Heyakecinhan wicitkokim yapo, inyun Tzitz oiyakapte kin itanwankanhde upi, qa kaksiza ihanke en iyewicayayapi kta; Jeruel tinta kin wiyohiyanpata.

17 Hen wicayakizapi kte šni, tuka owanji najinpo, en yankapo, qa Jehovah towanikiye nicupi kin wanyakapo. Judah qa Jerusalem ihnuhan yusinye niyanpi kin, qa ihnuhan wakoyakipapi. Heyakecinhan wicitkokim inanpapo, qa Jehovah nicipi un kta.

18 Hehan Jehoshaphat ite kin maka ektakiya patuja, qa Judah qa Jerusalem ounyanpi kin owasin Jehovah ohodapi kta e Jehovah itokam makata efipeiciyaP'

19 Qa Levi kin Kohathi cincapi kin etanhan, qa Korahhi cinca kin etanhan ho tanka, qa wankantuya on Jehovah yatanpi kta e najinpi.

20 Unkan hanhannahin kiktapi, qa Teqoa tinta kin ekta iyayapi. Unkan yapi kin icunhan Jehoshaphat najin qa heya, Judah qa Jerusalem ounyanpi kin namahonpo. Jehovah wakanyadapi kin wacinyanpo, hecen niyusutapi kta, Waayate tawa wicawicadapo, hecen ohiyayapi kta.

21 Unkan oyate om wohdake ca Jehovah idowanpi kin najin wicakiya; unkan wipekitonpi wicitokam manipi, qa towitan wakan yatanpi, qa heyapi, Jehovah yatanpo, towacantkiye owihanke wanica ce.

22 Unkan toka panpi kin, qa wayatanpi kin he ehan Jehovah Annion cinca kin, qa Moab, qa Seir he ounyanpi kin Judah takpe upi kin waiyapewicakiya hecen wicaka takapi.

23 Unkan Anmon cinca kin qa Moab Seir fie ounyanpi kin anawicatanpi ecen wicaktepi,qa ihang wicayapi; qa Seir ounyanpi kin wicayusotapi qehan, wicagta otoiyohi kiciktepi okiciciyapi.

24 Unkan Judah tinta owanyake kin en ipi qehan, ozuye kin ekta e ton wan pi, qa inyun, hena wicatancan ta makata hinhpayapi, qa tuwedan niiciye šni.

25 Hehan wahpaya tawapi icupi kta, Jehoshaphat, qa oyate tawa ekta ipi, qa wicata ehna woyuha ota iyeyapi, qa wakšica tehika, hena yuSdokapi ecen qinpi okitpanipi, qa wahpaya kin nina ota, heon anpetu yamni mnayan yakonpi.

26 Qa anpetu ltopa kin en mniciyapi, osmaka Baraka (Yawaštepi) eciyapi hen Jehovah yawa6tepi, heon anpetu kin dehanyan oyanke kin he osmaka Baraka eciyapi.

27 itehan Judah, qa Jerusalem wicašta kin owasin,qa Jehoshaphat watokahan Jerusalem en hdipi kta ihdamnapi, qa wiyuškinpi, Jehovah tokawieayapi kin on iyuškin wicaya nakaš.

28 Qa candowankiyapi, qa canpakinzapi,qa mazayahotonpi dowan Jerusalem en hdipi, Jehovah ti kin ekta.

29 Unkan wokiconze kin, qa inakoce kin owasin Jehovah tona Israel tokayapi kin wicakiza nahonpi qehan, Wakantanka tokokipe kin awicahinhpaya.

30 Hecen Jehoshaphat tokiconzekin oziiciya, wicihdukšan unpi kin etanhan, tuwe iye wakanda kin woozi qu nakag.

31 Qa Jehoshaphat Judah idaka. iye waniyetu wikcemna yamni sanpa zaptan toka wawidake cehan, qa Jerusalem ohna waniyetu wikcemna nonpa sanpa zaptan wawidaka, qa hunku Yazuba Silki cunwintku eciyapi.

32 Qa atkuku Asa tacanku kin omani, qa taku wašte Jehovah 638 ista kin en econ kin hetanhan ihduwinge šni.

33 Hececa sta pajodan kin yutokanpi ni, qa nahanriin oyate kin cantepi kin piiciyapi šni, hunkake wicayapi taku wakandapi on.

34 Unkan Jehoshaphat ohan unman, tokaheya qa ehake kin hena ito Jehu Hanani cinhintku tawowapi Israel wicaštayatapi on owa kin, he en owapi ce.

35 Qa hena iyohakam Jehoshaphat Judah wicaštayatapi kin Ahazija Israel wicaštayatapi kin taku šica econ ece, kici wotakuye kaš'a.

36 Qa Tarsis ekta yapi kta on witawata kagapimkta e he kici wotakuye kaga, qa Ktzion gaber en witawata kin kagapi.

37 Unkan Eiezer Dodawa cinhintku, Marisa etanhan Jehoshaphat en ayate, qa heya, Ahazija kici wotakuye yakage cin, heon Jehovah taku yakage cin ihangya ce. Unkan witawata kin kamdecapi qa Tarsis ekta ya okihipi šni.

II ANPETU OYAKAPI WOWAPI WICOWOYAKE 21.

1 Unkan Jehoshaphat hunkake wicaya om istima, qa hunkake wicaya om hnakapi, David totonwe ohna. Unkan heekiya cinhintku Joram wawidaka.

2 Qa iye sunka wicaya Jehoshaphat cinca kin dena eepi, Yazarija, qa Jehiel, qa Zachariah, qa Yazarija, qa Mikael, qa feepatija; hena owasin Jehoshaphat Israel wicaštayatapi kin cinkšiwicaya.

3 Qa ateyapi kin mazaska, qa mazaskazi, qa taku tehika nina ota wicaqu, nakun otonwe aconkaške yapi Judah ohna. Tuka Joram wicaštayatapi kaga, he toi kapa nakaš. i

4 Inkan Joram iye atkuku to-kiconze en najin, qa wasag iciye ca sunkaku owasin isan on wicakte, nakun Israel itancanpi hunh.

5 Joram waniyetu wikcemna yamni sanpa nonpa qehan toka wawidake ca waniyetu šahdogan Jerusalem o!ina wawidaka.

6 Qa Israel wicaštayatapi tacankupi kin ohna mani, Ahab tiyohnaka kin econpi kin iyecen, Ahab cunwintku wan yuza nakaš, qa taku šica Jehovah ista kin en econ ece.

7 Hececa sta David tiyohnaka kin ihangye kta Jehovah iyokipi Šni; wotakuye David kicicage ca iye qa cinca kin petijanjan wieaqu kta, anpetu owasin, keye ciqon, heon etanhan.

8 Anpetu tawa en Edom Judah nape ihukuya unpi qon kipajinpi, qa wicaštayatapi wan icicagapi.

9 Unkan Joram taakicita tancan orn, qa canpahmihma tawa owasin om tawicakpe iyaya qa hanyen najin, qa Edom iye qa tacanpahmihma itancanpi kin ihdukšan hiyeyepi kin wicakaštaka.

10 Tuka Edom anpetu kin dehanyan Judah nape kin kipajinpi. He ehan iye Jehovah hunkake wicaya wakandapi kin ayuštan kin heon Libna nakun iye nape kin kipajin.

11 lye nakun pajodan kaga, Judah he kin akan; qa Jerusalem otipi kin wawicihahapi econwicakiya, qa Judah cinwicakiya.

12 Unkan wowapi wan Elijah waayate kin etanhan kahipi kin he heya, Jehovah niyate David wakanda kin hecen eya, Niyate Jehoshaphat tacanku, qa Asa Judah wicaštayatapi tacanku kin ohna mayani šni,

13 Tuka Israel wicaštayatapi tacankupi kin ohna mayani, qa Judah, qa Jerusalem otipi kin wawicihahapi econ wicayakiya; Ahab tiwahe wawicihahapi econpi kin iyecen; qa nisunka niyate tiyohnaka niye isanpa waštepi hena wicayakte;

14 Heon inyun Jehovah wokaštake tanka on oyate nitawa, qa nicinca, qa nitawinpi, qa taku duhe cin iyuhpa wicakaštake kta;

15 Qa niye tezi niyazan nina waniyazanke kta ecen anpetu iyohi wowayazan on nisupe kin hiyu kta.

16 Unkan Jehovah Philisti kin, qe Arabim KuSim ikiyedan yakonpi kin toniyapi kin Joram azuyapi kta e iyopastaka.

17 Unkan Judah anatanpi, qa naoksapi, qa wicaštayatapi tipi tawa ohna woyuha iyeyapi kin iyuhpa icupi, qa nakun iye cinca kin qa tawicu wayaka i wicacupi; hecen cinhintku hakakta Jehoahaz heceedan okicaptapi.

18 Qa hena owasin ohakam Jehovah he kaštaka, tezi kin en, wowayazan okizipica šni on.

19 Unkan anpetu owasin otoiyohi hececa, ecen omaka nonpa ihanketa, towayazanka on Supe kin hiyu, qa wowayazan šica on ta qa hunkake wicaya izinwicayapi kin iyecen iye on woizinye kagapi šni.

20 Waniyetu wikcemna yamni sanpa nonpa qehan toka wawidaka, qa waniyetu Šahdogan JeI rusalem ohna wawidaka, qa iyaye cehan akiceyapi šni, qa David totonwe ohna bnakapi, tuka wicaštayatapi ohnahnakapi kin hena ohna hnakapi šni.

II ANPETU OYAKAPI WOWAPI WICOWOYAKE 22. 1 Unkan Jerusalem ounyanpl kin heekiya cinhintku hakakta Ahazija wicaštayatapi kagapi, ozuye Arabim om owanka kin en hipi qon, tokapapi kin owasin wicaktepi nakaš. Hecen .Toram cinhintku Ahazija Judah idaka.

2 Ahazija waniyetu wikcemna nonpa sanpa nonpa qehan toka wawidaka, qa waniyetu wanjidan Jerusalem ohna wawidaka, qa hunku Atahja Omri cunwintku eciyapi.

3 Nakun iye Ahab tiyohnaka canku kin omani, hunku taku Šica econ wahokpnkiya nakaš.

4 Hecen Jehovah ista kin en taku Šica econ, Ahab tiyohnaka kin iyecen. Hena atkuku te cin iyohakam wawiyukcan wicayuha, hecen ihangyapi.

5 Nakun hena tawowahokonkiye ohna mani, qa Joram Ahab cinhintku Israel wicaštayatapi kici Hazael Aram wicaštayatapi azuya wokicize ekta, Ramot Gilead en i, qehan Arami kin Joram kaštakapi.

6 Unkan Ramot ekta Hazael Aram wicaštayatapi azuya wokicize en opi kin okiziyapi kta, heon Jezreyel en hdi. Unkan Azarija Joram cinhintku Judah wicaštayatapi kin Joram Ahab cinhintku wanyake kta apamahde i, he wayazanka nakaš.

7 Qa Ahazija awihnunipi kin he Wakantanka etanhan Joram ekta i kin hee; qa ekta i qehan, Joram kici Jehu NimSi cinhintku itkokim iyaya, he Ahab tiyohnaka kin wicakaSpe kta Jehovah sdaya.

8 Unkan Jehu Ahab tiyohnaka kin wicayaco qehan, Judah itancanpi kin, qa Ahazija cincu cincapi kin Ahazija okiyapi kin hena iyewicaya, qa wicakte.

9 Qa Ahazija akita, qa icu, he Samaria ohna inahma, tuka Jehu ekta kabipi; unkan te kiya, qa Jehoshaphat cante kin ocowasin on Jehovah akite cin cinhintku kin hee, eyapi kin, heon hnakapi. Hecen Ahazija tiyohnaka kin wokiconze yuhapi kta wookihi nicapi. 10 Unkan Atahja Ahazija hunku kin iye cinhintku te cin wanyake cehan najin, qa Judah tiyohnaka wicaštayatapi cinca kin owasin wicakte.

11 Tuka JehoSebeat wicaštaya-, tapi cunwintku kin Joas nahmana icu, wicaštayatapi cinca kin wicehna tanhan, wicaktepi qehan, qa iye, winyan icahye cin kici, oistima tipi mahentu en iyewicaya. Hecen Jehosebeat Judah wicaštayatapi Joram cunwintku Jehojada wawayušna tawicu kin he nahma; Atahja ite kin etanhan, unkan ktepi Šni; he Ahazija tawinohtin ee nakaš.

12 Unkan iye hena om Wakantanka ti kin ohna nahmana yanka, waniyetu šakpe. Unkan Atahja makoce kin idaka.

II ANPETU OYAKAPI WOWAPI WICOWOYAKE 23.

1 Unkan waniyetu išakowin en Jehojada waSag iciye ca opawinge itancanpi kin wicakico, Azarija Jeroham cinhintku, qa Ismael Johanan cinhintku, qa Azarija Obed cinhintku, qa Mayasija Adaja cinhintku, qa Eliša pat Zikri cinhintku, qa hena om wotakuye kaga.

2 Unkan Judah ohna enanakiya iyayapi, qa Judah otonwe owasin etanhan Levi kin, qa Israel ateya'pi itancanpi kin mniciye wicayapi, unkan Jerusalem en hipi.

3 Unkan omniciye kin owasin Wakantanka ti kin ohna wicaštayatapi kici wotakuye kagapi. Unkan Jehojada hewicakiya, Inyun wicaštayatapi cinhintku kin wicaštayatapi kta, Jehovah David cinca kin on eye ciqon iyecen.

4 Wicoie kin de ecanonpi kta. Anpetu wakan en yaupi eca, wawayušnapi, Levi koya obe yamni yaupi kta, qa wanji hocoka tiyopa en yanke kta.

5 Qa wanji wicaštayatapi ti kin en, qa wanji oahehde tiyopa kin ekta, qa oyate kin owasin Jehovah ti hocoka kin ohna yakonpi kta.

6 Qa tuwedan Jehovah ti kin en hi kte šni, wawayušnapi, qa Levi owicakiyapi kin henana; hena wakanpi, heon hena en hipi kta, qa oyate kin owasin Jehovah toawanyake kin awanyakapi kta.

7 Unkan Levi kin wicaštayatapi kin ihdukšan najinpi kta, otoiyohi wipe kin nape ohna hduze kta, qa tuwe timahen hiyu kinhan teyapi kta, qa wicaštayatapi kin tin hiyu, qa tankan ya eca kici unpo.

8 Unkan Levi kin, qa Judah owasin token Jehojada wawayušna kin econ wicaši kin ocowasin iyecen econpi, qa otoiyohi wicašta taw a iwicacupi anpetu wakan en hiyupi kin, nakun anpetu wakan en inanpapi kin; Jehojada wawayušna kin obe kin kihde wicaye šni nakaš.

9 Unkan Jehojada wawayušna kin opawinge itancanpi kin wahukeza, qa wahacanka, qa wanju kin wicaqu, hena wicaštayatapi David tawa qon, qa Wakantaka ti kin ohna yankapi.

10 Qa oyate kin owasin najin wicakiya, otoiyohi wahukeza nape ohna hduha, tipi hiyete etapa tanhan, tipi hiyete catkata (waziyata) aiyahdeya, owayušna, qa tipi kin koya, wicaštayatapi kin ihdukšan.

11 Hehan wicaštayatapi cinhintku kin inanpe yapi, qa watešdake kin aehnakapi, qa woyaatanin qupi, hecen wicaštayatapi kagapi; qa Jehojada, qa iye cinca kin sdayapi; qa, Wicaštayatapi kin ni nunwe eyapi.

12 Unkan Atahja oyate inyankapi, qa wicaštayatapi yatanpi hopi kin nahon qehan, oyate Jehovah ti en yakonpi kin ekta wicahi.

13 Unkan etonwan, qa inyun wicaštayatapi kin omanipi ohna cowahe tawa akan najin, qa itancanpi kin.qa mazayahotonpi kin, wicaštayatapi kin icahda, qa makoce oyate kin owasin wiyuškinpi, qa mazayahotonpi, qa wadowanpi kin widowankiyapi on wayatan onspewicakiyapi; hehan Atahja taheyake hduhdehdeca, qa, Wokipajin, wokipajin, eya.

14 Hehan Jehojada wawayušna kin opawinge itancanpi kin obe awanyakapi kin inanpewicaye ca hewicakiya, Ocimdah najinpi kin itankan iyaye yapo, qa tuwe he ope cinhan teyapi kta, Jehovah ti kin ohna teyapi Šnipo, wawayušna kin eya nakaš.

15 Unkan iyahpayapi, unkan wicaštayatapi tipi Šuktanka tiyopa ocanku kin ekta i, unkan hen ktepi.

16 Unkan Jehojada wotakuye kaga, iye, qa oyate kin owasin, qa wicaštayatapi kin om, Jehovah oyate tawapi kta.

17 Hehan oyate kin owasin Baal ti kin ekta ipi, qa yujujupi, qa owayušna tawa, qa wakagapi tawa kin kaksaksapi, qa Mattan Baal wakiciyuSna kin owayušna tawa itokam ktepi.

18 Unkan Jehojada Jehovah ti kicanyanpi kta on wawayušnapi kin, qa Levi kin najin wicakiya, token Jehovah ti kin on David wicapamni, woRuhnahyapi Jehovah huhnahkiciyapi kta, Moses toope en owapi kin iyecen; wowiyuškin on, qa odowan David nape kin on.

19 Qa tiyopa awanyakapi kin Jehovah ti tiyopa kin ekta najinwicakiya"; hecen tuwe sapa tokadan tin hiyu kte šni.

20 Qa opawinge itancanpi kin, qa wicašta kinihanpi kin, qa tona wawidakapi kin, qa makoce oyate kin owasin om, wicaštayatapi kin Jehovah ti kin etanhan apamahde ayapi, qa wicaštayatapi tipi tawa tiyopa wankantu kin ohna hiyuyapi, qa wicaštayatapi toiyotanke akan wicaštayatapi kin iyotang kiyapi.

21 Hecen makoce oyate kin owasin wiyuškinpi, qa otonwe kin oziiciya, Atahja teyapi kin ohakam.

II ANPETU OYAKAPI WOWAPI WICOWOYAKE 24.

1 Joas waniyetu šakowin, toka wawidake cehan, qa waniyetu wikcemna topa Jerusalem ohna wawidaka, qa hunku Tzibia eciyapi Derseba etanhan.

2 Qa Joas taku ecetu Jehovah ista kin en econ, Jehojada wawayušna kin anpetu tawa owasin.

3 Unkan Jehojada winohinca nonpa yuskiya. Unkan cinca wica winyan ko kicitonpi.

4 Unkan hena iyohakam Jehovah ti kin pikiye kta e Joas cante yuza.

5 Qa wawayušnapi kin, qa Levi kin mniciye wicaye ca hewicakiya, Judah otonwe kin ektakta yapo, qa Jehovah wakanyadapi tipi tawa kin yusntapi kta e Israel owasin etanhan mazaska mnayanpo, omaka otoiyohi; qa wicoie kin de niyepi inahniyapo. Tuka Levi kin inahniyapi šni.

 6 Unkan wicaštayatapi ki:i Jehojada itancan kin kico, qa heciya, Tokeca woyaatanin tipi kin on woahi, Moses Jehovah taokiye kin Israel mnaye wicaši kin he, Levi kin Judah qa Jerusalem etanhan ahi wicayakiye šni he?

7 Atahja winohinca šica kin he cinca kin iyahna Wakantanka ti kin yujuju, qa Jehovah tipi tawa on taku yuwakanpi kin owasin Baahm ekta ayapi.

8 Unkan wicaštayatapi kin eye cin iyecen canwohnaka wan kagapi, qa Jehovah tipi tawa tiyopa ekta itankan ehnakapi.

9 Hehan woahi, Moses Wakantanka taokiye hopuza kin en Israel ahi wicaši kin, Judah qa Jerusalem ohna ahipi kta, ieyanpahapi.

10 Unkan itancanpi kin qa oyate kin owasin wiyuškinpi, qa ahipi, qa en iyeyapi, ecen yuštanpi.

11 Unkan tohantu kašta mazaska ota wanyakapi, ca wicaštayatapi econ wicaši iyecen, Levi kin canwohnaka kin ahipi ca wicaštayatapi tawowapi kaga, qa tuwe wawayušna itancan kin cajeyate cin ekta ipi; qa canwohnaka yuhdokapi, qa mazaska kin icupi, qa ake canwohnaka kin oyanke tawa kin ekta hnakapi, hecen econpi tohantu kata, qa mazaska ota mnayanpi.

12 Unkan wicaštayatapi kin, qa Jehojada mazaska kin Jehovah ti kin wokicanye wohtani kin econpi kin wicakipamnipi, qa nakun Jehovah ti kin piyapi kta wakakanpi, qa cankajipapi opewicatonpi, qa nakun mazasapakaga, qa mazasakaga Jehovah ti kin yusutapi kta on.

13 Hecen wokicanye econpi kin htanipi, qa piyapi wohtani kin napepi on yuštanpi, ecen Wakantanka tipi tawa iyutapi qon iyecen ehdepi, qa yusutapi.

14 Unkan yuštanpi qehan mazaska okaptapi kin wicaštayatapi kin, qa Jehojada wicitokam hiyuyapi, qa Jehovah ti kin on wakšica kairapi, wokicanye wakšica, qa wohuhnahyapi on, qa maza tukiha, qa mazaskazi wa kšica, qa mazaska wakšica. Unkan Jehovah tipi tawa ohna wohunnaftyapi Kufinahyapi, ohinniyan, Jehojada anpetu tawa owasin.

15 Unkan Jehojada wicahinca, qa anpetu imna, qa waniyetu opawinie sanpa wikcemna yamni qehan te.

16 Unkan Israel ohna taku wašte Wakantanka, qa tipi tawa ecakicon, heon David totonwe ohna, wicaštayatapi om hnakapi.

17 Unkan Jehojada te cin ohakam Judah itancanpi kin wicaštayatapi kin en hipi, qa itokam makipusdiya enpeiciyapi, hehan wicaštayatapi kin anawicagoptan.

18 Unkan Jehovah hunkake wicayapi wakandapi tipi tawa ayuštanpi, qa ASerim, qa wakagapi okiyapi; qa taku kin de en wahtanipi kin, heon Jehovah Judah qa Jerusalem canniye wicaya.

19 Jehovah en hdicuwicaye kta waayate yewicaši, qa awicayataninpi ešta anagoptanpi šni.

20 Unkan Wakantanka toniya kin Zekarija Jehojada wawayušna kin cinhintku kin, koyagya; unkan oyate kin wiciwankam inajin, qa hewicakiya, Wakantanka hecen cya, Tokeca Jehovah tawoahope kin yecaksapi he? Qa tanyan iyahunipi kte Šni, Jehovah aduStanpi kin heon iye aniyuštanpi.

21 Unkan kipajinpi,qa wicaštayatapi kin econ wicaši kin iyecen Jehovah ti hocoka kin ohna inyan on kininpi.

22 Hecen Joas wicaštayatapi kin wowacanikiye atkuku Jehojada iye ecakicon qon, kiksuye šni, tuka cinhintku kte. Unkan te kta qehan, Jehovah wanyaka, qa tokicon ye, eya.

23 Unkan ohakam waniyetu wanjidan Aram ozuye kin iye anatanpi, qa Judah qa Jerusalem ekta hipi, qa oyate itancanpi kin owasin ihang wicayapi, oyate etanhan, qa wokipi kin owasin Damascus wicaštayatapi kin ekta yeyapi.

24 Aram ozuye kin wicašta tonana hipi, unkan napepi kin en Jehovah obe nina tanka wicaqu, Jehovah hunkake wicayapi wakandapi kin he ayuštanpi nakaš; hecen woyaco JoaS ecakiconpi.

25 Unkan wowayazan ota en ayuštanpi, qa kihdapi qehan, iye taokiye kipajinpi, qa Jehojada wawayušna cinca wepi kin on, towinja akan ktepi; hecen ta, qa David totonwe ohna hnakapi; tuka wicaštayatapi ohnahnaka tawapi ohna hnakapi šni.

26 Unkan iye kipajinpi kin dena eepi Zabad Simeyat Anmoniwin cinhintku kin, qa Jehozabad Ssimerit Moabiwin cinhintku kin.

27 Unkan iye cinca kin eciyatanhan, qa woqin tanka aehnakapi kin, qa token Wakantanka tipi tawa kin yusuta kin, inyun hena wicaštayatapi tawowapi kin en owapi ce. Unkan eekiya iye cinhintku Amatzija wawidaka.

II ANPETU OYAKAPI WOWAPI WICOWOYAKE 25.

1 Amatzija waniyetu wikcemna nonpa sanpa zaptan qehan toka wawidaka, qa waniyetu wikcemna nonpa sanpa napcinwanka Jerusalem ohna wawidaka; qa hunku kin Jehoyadan eciyapi, Jerusalem etanhan.

2 Qa taku ecetu Jehovah ista kin en econ, tuka cante zaniyan on econ ni.

3 Qa wokiconze en wašake cehan iye taokiye atkuku wicaitayatapi kin ktepi kin hena wicakte.

4 Tuka cincapi kin te wicaye šni. Ateyapi iye cincapi kin on te wicayapi kte Šni, qa cinca ateyapi on te wicayapi kte šni; tuka otoiyohi iye wahtani kin on teyapi kta, Moses woope wowapi Jehovah kahsi kin hen eya owapi nakaš

5 Unkan Amatzija Judah mniciye wicaya, qa ateyapi tipi kin iyecen, Judah qa Benjamin owasin on kektopawinge itancan, qa opawinge itancan wicakicaga; qa waniyetu wikcemna nonpa qa akton wicayawa, qa wicašta kahnigapi heca kektopawinge opawinge yamni iyewicaya, wahukeza wahacanka koya yuza ozuye eyaya.

6 Nakun mazaska woqin opawinge on, Israel etanhan wicašta wašaka waditaka kektopawinge opawinge opewicaton.

7 Unkan Wakantanka tawicašta wan en hi, qa heciya, Wicaštayatapi, ihnuhan Israel obe kin nici yapi kin; Jehovah Israel Ephraim cinca owasin om un šni nakaš.

8 Tuka wokicize on waSag niciya idade cinhan toka kin itokam Wakantanka na3na niye kta. Okiyapi kta,qais nasnayanpi kta e Wakantanka en wookihi yukan nakaš.

9 Unkan Amatzija Wakantanka wicašta tawa heciya, Hecinhan woqin opawinge Israel ozuye kin wicawaqu kin on token econkupi kta he? Unkan Wakantanka wicašta tawa heya, He isanpa ota Jehovah nicu kta okihi.

10 Hehan Amatzija ozuye kin Ephraim etanhan iye en hipi kin kihdapi kta e wicayukinukan. Unkan Judah nina eanniyewicayapi, qa woSihda tanka en kihdapi.

11 Unkan Amatzija waSag iciye ca taoyate awicaye ca Miniskuya osmaka kin ekta i, qa hen Seir cinca kin kektopawinge wikcemna wicakaštaka.

12 Nakun kektopawinge wikcemna Judah cinca kin niyake wayaka iwicacupi, qa Sela inkpa kin etanhan ehpewicayapi. Unkan owasin nasujapi.

13 Tuka ozuye akicita Amatzija kihde wicaši qon, hecen wokicize ekta kici ipi šni, hena Judah otonwe kin anatanpi, Samaria etanhan Bethoron aiyahdeya, qa wicašta kektopawinge yamni wicaktepi, qa woyuha ota kipi.

14 Unkan Amatzija Edom wicakaštake cin etanhan hdi qehan, Seir cinca kin taku wakandapi kin ahdi, qa iye wakanda

kta ewicahde, qa wicitokam patuja, qa izinwicaya.

15 Unkan Jehovah Amatzija canniyeya, qa waayate wan ekta yesi qa heciya, Taku wakan iye taoyate ninape etanhan ewicahdaku okitpanipi kin, hena owicayape kta he 1

16 Unkan okiye cehan wicaštayatapi kin tteya, Tuwe wicaštayatapi kin wahokonkiye nisi he. Ayastan wo. Tokeca niktepi kta he 1 Unkan waayate kin ayastan; tuka, Taku kin de ecanon, qa wahokonciciye cin anayagoptan šni, heon Jehovah ihanšniyan konza e sdonwaya ce, eya.

17 Unkan Amatzija Judah wicaštayatapi kin waiyukcan, qa JoaS he Jehoahaz cinhintku he Jehu cinhintku, Israel wicaštayatapi kin wahoye ca heciya, Iho itkokirn wanunkiciyake kta.

18 Unkan Joas Israel wicaštayatapi kin Amatzija Judah wicaštayatapi kin wahoye ca heciya, Wapepeka Lebanon akan he cin ftanteSa Lebanon akan he cin wahoye ca heciya, Nicunkši micinkši yuze kta e qu wo. Unkan hewoskan wamanica kin Lebanon ohna un kin ahiyaye ca wapepeka kin naksa.

19 Edom yakaštaka kecanni, qa nihDathan kta nicante kin ihduwankantuya. Dehan tiyata owanji yanka wo. Tokeca taku Šica en iyopaStag niciya he? hecen nihicahe kta, qa Judah nakun.

20 Tuka Amatzija nahon Šni, Edom taku wakandapi kin hena akita, heon toka nape en wicaqu kta Jehovah konza.

21 Unkan Joas Israel wicaštayatapi kin itanwankanhde i, hecen iye qa Amatzija Judah wicaštayatapi ite wankiciyakapi, BetŠemes Judah tawa kin en.

22 Unkan Judah hinhpayapi, Israel itokam, qa otoiyohi tawakeya ekta najicapi.

23 Tuka Joas Israel wicaštayatapi kin Amatzija Judah wicaštayatapi kin he JoaS cinhintku he Ahazija cinhintku, wayaka icu, BetŠemeS ekta, qa Jerusalem ekta ahi, qa Jerusalem conkaške  kin yujuju, Ephraim tiyopa etanhan okahmin tiyopa kin ekta hehanyan, wicišpa opawinge topa.

24 Qa mazaskazi, qa mazaska, qa wakŠica Jehovah ti Obededom awanyake cin he ohna iyeyapi kin owasin icu, nakun wicaštayatapi wopiye ti kin en, nakun wicakaška cinca qupi kin, qa Samaria ekta kihda.

25 Unkan Amatzija JoaS cinhintku Judah wicaštayatapi kin Joas Jehoahaz cinhintku Israel wicaštayatapi kin te cin ohakam waniyetu wikcemna sanpa zaptan hehanyan ni.

26 Qa Amatzija ohan unman tokaheya, qa ehake, Judah qa Israel wicaštayatapi tawowapi en owapi šni he?

27 Unkan Amatzija Jehovah ope cin etanhan ihdamna ehantanhan Jerusalem ohna kipajinpi. Unkan LakiS ekta kuwa iyayapi, qa hen ktcpi.

28 Qa šuktanka qinkiyapi aupi, qa Judah otonwe ohna hunkake wicaya om hnakapi.

II ANPETU OYAKAPI WOWAPI WICOWOYAKE 26.

1 Unkan Judah oyate kiNoahsin Uzziah icupi, qa atkuku Amatzija eekiya wicaštayatapi kagapi; iye he ehan waniyetu wikcemna sanpa Šakpe.

2 Iye, wicaštayatapi kin hunkake wicaya om istima ohakam, Elot conkaške  kage ca Judah on ehdaku.

3 Uzziah waniyetu wikcemna sanpa Šakpe qehan toka wawidaka, qa waniyetu wikcemna zaptan sanpa nonpa Jerusalem ohna wawidaka, qa hunku Jekohja eciyapi Jerusalem etanhan.

4 Qa taku ecetu Jehovah išta kin en econ; atkuku Amatzija econ qon owasin iyecen.

5 Qa Zekarija Wakantanka towanyake okahnitre cin anpetu tawa en Jehovah akita, qa tohan Jehovah akita eca, Wakantanka tanyan waokiya ece.

6 Hecen iyaye ca Philisti azuwicaya, qa Gat conkaške  kin, qa Jabne conkaške  kin, qa Asdod conkaške  kin yujuju; qa Asdod, qa Philisti tamakocepi kin en otonwe kaga.

7 Unkan Wakantanka iye wagagya Philisti azuwicaye kta on, nakuYi Arabi GurBaal ounyanpi kin, qa Mayunim azuwicaye kta on.

8 Unkan Anmoni kin Uzziah minha qupi, hecen Egypta oenape kin hehanyan cajeyatapi; nina wašaka aya nakaš.

9 Qa Uzziah tipi ipasotka Jerusalem kicaga, oise tiyopa akan, qa osmaka tiyopa akan, qa okahmin akan, qa hena suta kaga.

10 Qa conkaške  tintoskan kaga, qa minihdoka ota qa, wanunyanpi ota yuha nakaš, Sepela ohna, qa makomdaya ohna; qa maka kicanyanpi, qa hastanhanka iyuwi kicanyanpi he kin akan, qa Karmel akan yuha, wojupi waštedaka nakaš.

11 Qa Uzziah wokicize on akicita wicayuha, hena Jeyiel wowapikaga, qa Mayaseja akicita tancan wicayawapi kin iyecen obe ozuye iyayapi, wicaštayatapi mdetanhunka wicayuhe cin nauji Hananija nape kin ihukuya.

12 Wicašta wašaka waditaka ateyapi tipi itancanpi wicayawapi kin owasin kektopawinge nonpa sanpa opawinge šakpe.

13 Qa hena napepi kin iluikuya ozuye kin wicašta kektopawinge opawinge yamni sanpa kektopawinge šakowin sanpa opawinge zaptan, wicaštayatapi toka kin azuwicaye kta okiyapi, qa wookihi on waditagya kizapi.

14 Unkan hena on, obe ihunniyan wahacanka, qa wahukeza, qa mazawapaha, qa mazaheyake, qa itazipa, qa iyuhmun inyan on wiyeya wicakicaga.

15 Qa Jerusalem ohna wanhinkpe, qa inyan tanka on kaho iyeyapi kta e taku wicašta ksapa iyukcanpi kin kahwicaši, qa hena tipi ipasotka en, qa conkaške  okahmin akan ehnaka. Hecen tehan tanhan cajeyatapi, nina okiyapi ecen wašaka nakaš.

16 Tuka wašake cehan cante kin wahan icida, woihangye ekta; qa Jehovah iye wakanda kin awahtani, qa wizite owayušna akan wizinye kta e Jehovah tipi wakan tawa mahen iyaya.

17 Unkan iye ihakam Azarija wawayušna kin, qa Jehovah wawakiyušnapi waditaka wikcemna šahdogan opapi, Uzziah ihakam en ipi.

18 Qa wicaštayatapi kin Uzziah anajinpi, qa heciyapi, Uzziah Jehovah izinye kte cin he niye nitawa šni; tuka wawayušnapi kin Aaron cinca wizinyapi kta wicayuwakanpi he tawapi. Tipi wakan kin etanhan inanpa wo: wanna wayahtani, qa deon Jehovah etanhan wowitan duhe kte šni.

19 Unkan Uzziah sihda, qa wizinye kta nape ohna oizite yuha, qa wawayušnapi kin canniye wicaye cehan leprosy ite kin akan ahinanpa, wawayušnapi wicitokam, Jehovah ti kin ohna wizite owayušna icahda.

20 Unkan Azarija wawayušna kin, qa wawayušnapi kin owasin atonwanpi, qa inyun leprosy ececa ite kin akan; heon hetanhan inahni iyayeyapi, qa is eya Jehovah kaštake cin on inanpe kta inahni.

21 Hecen Uzziah wicaštayatapi kin leprosy ececa, te cin anpetu kin hehanyan, qa leprosy wayazanka tipi kin ohna ti, Jehovah tipi tawa etanhan yukinukanpi nakaš. Unkan cinhintku Jotam wicaštayatapi ti kin yuha, qa tnakoce oyate kin wicayaco ece.

22 Unkan, Uzziah hunkake wicaya om istima, qa hunkake wicaya om hnakapi, wicaštayatapi ohnahnakapi inaga kin en; Leprosy ececa, eyapi nakaš\ Unkan cinhintku Jotam heekiya wawidaka.

II ANPETU OYAKAPI WOWAPI WICOWOYAKE 27.

1 Jotam waniyetu wikcemna nonpa sanpa zaptan qehan toka wawidake ca waniyetu wikcemna sanpa šakpe Jerusalem ohna wawidaka, qa hunku Jerusa Zadoq cunwintku eciyapi.

2 Unkan taku ecetu Jehovah ista kin en econ, atkuku Uzziah con qon owasin iyecen, tuka Jeiiowa tipi wakan tawa kin en i šni. Hececa ešta oyate kin ihdušicapi.

3 lye tiyopa tehanwankantu kin Jehovah tipi tawa kicaia. Nakun Opel (Paha kin) conkaške kin tankaya kaga.

4 Nakun otonwe conkaške  Judah he kin akan kaga, qa conkaške , qa tipi ipasotka taskoju kin ohna.

5 Qa Anmon cinca wicaštayatapi kin azuya, qa ohiwicaya. Unkan Anmon cinca kin mazaska woqin kektopawin e, qa aguyapi su kor kektopawinire wikcemna, qa barle kektopawinge wikcemna waniyetu kin he en qupi. Waniyetu inonpa, qa waniyetu iyamni en Anmon cinca kin ake iyenaka qupi.

6 Jotam hecen wašaka aya, Jehovah iye wakanda kin itokam canku kin hduecetu nakaš\

7 Unkan Jotam ohan unman, qa ozuye tawa owasin, qa tacanku, hena Israel qa Judah wicaštayatapi tawowapi en owapi ce.

8 Iye waniyetu wikcemna nonr pa sanpa zaptan qehan toka wawidaka, qa waniyetu wikcemna sanpa šakpe wawidaka Jerusalem ohna.

9 Hehan Jotam hunkake wicaya om istima, qa David totonwe ohna hnakapi. Unkan heekiya iye cinhintku Ahaz wawidaka.

II ANPETU OYAKAPI WOWAPI WICOWOYAKE 28.

1 Ahaz waniyetu wikcemna nonpa qehan toka wawidaka, qa waniyetu wikcemna sanpa šakpe Jerusalem ohna wawidaka, tuka taku ecetu Jehovah ista kin en ateye David iyecen econ šni.

2 Nakun Israel wicaštayatapi tacankupi kin omani, qa nakun mazasdoyapi wakagapi Baahm kicajja.

3 Qa Benhinnom osmaka ohna wizinya, qa iye cinca kin petan huhnahwicaya, Ikcewicašta Jehovah Israel cinca itokapa tanhan nape wicaya wowahte šni econpi kin iyecen.

4 Qa wayusna, qa wizinya paha akan, qa pajodan akan, qa can ape toto yukan owasin ihukuya.

5 Heon Jehovah iye wakanda kin Aram wicaštayatapi nape kin en qu. Unkan he kaštaka, qa etanhan wicota wayaka icupi, qa Damascus ekta awicahdapi. Nakun Israel wicaštayatapi nape en qupi he qe wopate tanka on wicakaštaka.

6 Pekah Remaliah cinhintku Judah wicagta kektopawinge opawinjje sanpa kektopawinye wikcemna nonpa anpetu wanjidan en wicakte, owasin wicašta waditakapi; Jehovah ateyapi wakandapi kin ayuštanpi heon etanhan.

7 Qa ZikriEphraim wicašta wašaka wan wicaštayatapi cinhintku Mayasija, qa Azriqam tipi kin awanyake cin, qa Elqana wicaštayatapi kin iyokihe kin wicakte.

8 Unkan Israel cinca kin hunkawanji wicayapi etanhan winohinca qa cinca wica qa winyan kektopawinge opawinge nonpa wayaka iwicacupi, qa nakun woyuha ota kipi; qa taku kipi kin Samaria ekta ayapi.

9 Unkan Israel Jehovah waayate tawa wan, Oded eciyapi, hen yanka, qa ozuye kin Samaria ekta hdipi wicitkokim inanpe ca hewieakiya, Inyun Jehovah nihunkakepi wakandapi kin Judah canniyewicaya, heon ninapepi en wicaqu; unkan wosihda mahpiya kin iyahde on wicayaktepi.

10 Qa nakaha Judah qa Jerusalem cincapi kin wicayaktepidan, qa hoksipidan on qa wieinyanpidan on wicaduhapi kta kecanipi: tuka niyepi kaeš Jehovah wakanyadapi kin en taku bapica niciyukanpi šni he?

11 Heon nakaha namahonpo, Jehovah tocanniye aideniyanpi, heon wayaka nihunkawanjinpi etanhan iyacupi kin kihde wicayapo.

12 Hehan Ephraim itancanpi kin wanjiksi Azarija Johanan cinhintku, Berekija Mesillemot cinhintku, qa Jehizeqija Sallum cinhintku, on Yaniasa Hadlai cinhintku wioasta ozuye etanhan hdipi kin anawicajinpi;

13 Qa hewicakiyapi, Wayaka kin den hiyuwicayayapi kte šni. Inyun wanna Jehovah etanhan taku šica iyahde unkiciyapi, qa niyepi waunhtanipi, qa taku šica iyahdcunkiciyapi kin duotapi kta kecanipi; wanna Israel woeanniye, qa (aku šica ota iyahdeiciyapi qeyas.  

14 Unkan akicita kin wayaka kin, qa woyuha kin ayuštanpi, itancanpi, qa omniciye owasin wicitokam.

15 Unkan wicašta cajewicayatapi qon najinpi, qa wayaka kin iwicacupi, qa tona tancodan unpi kin hena woyuha kipi qon etan: ban heyake wicaqupi, qa koyag j wicayapi, qa hanpohekiyapi ca woyute qa woyatke wicaqupi, i qa sdawicayapi, qa tona manipi j šni kin owasin šonšonna akan i iyotang wicayapi, qa Jeriho (Tamar can otonwe kin ) ekta hunkawanji wicayapi en awicahipi; hehan Samaria ekta hdapi.

16 Hehan wicaštayatapi kin Ahaz Asur wicaštayatapi kin wahoya, qa, Omakiya ye, eya.

17 Edomi ake hipi, qa Judah kaštakapi, qa wayaka icupi nakaš.

18 Nakun Philisti Sepela oton; we kin, qa Judah itokaira kin azuj yapi, qa Bet Šemes ( Anpetuwi ti kin,) qa Ajalon, qa Gederot, qa Soko, qa otonwe cunkšiwi| caye cin, qa Timna, qa cunkšiwicaye cin, qa Gimzo, qa cunkšiwicaye cin icupi, qa ohna iyotankapi.

19 Ahaz Israel wicaštayatapi kin on Jehovah Judah yuhukuya. lye Judah tancodan wicakiya, qa Jehovah ihakta šni nakaš.

20 Unkan Tilgat Pilneser Asur i wicaštayatapi kin iyokisinya, tui ka wasagye šni.

21 Ahaz Jehovah tipi tawa etanhan, qa wicaštayatapi, qa itancanpi tipi tawapi etanhan taku icu, qa Asur wicaštayatapi kin qu, tuka okiye šni.

22 Unkan wicaštayatapi Ahaz iye toiyokišice anpetu kin en Jehovah sanpa wakintani.

23 Qa Damascus taku wakandapi kin hena wakiyusna, hena kaštakapi, heon heya, Aram wicaštayatapi taku wakandapi kin hena owieakiyapi ece; hena miye wawicawakiyusna kta, hecen miš omakiyapi kta; tuka hena on iye, qa Israel owasin awihnumpi.

24 Qa Ahaz Wakantanka tipi tawa wakšica kin mnayan, qa Wakantanka ti kin wakšica kin baspaspa, qa Jehovah ti tiyopa kin nataka, qa Jerusalem okahmin owasin en wahnawošnapi icicaga.

25 Nakun Judah otonwe owasin ohna paha kaga; taku wakan tokeca izinwicaye kta, hecen Jehovah iye hunkake wicaya wakandapi kin sihdaya.

26 Unkan iye ohan unman, qa tacanku owasin, tokaheya, qa ehake kin hena Judah qa Israel wicaštayatapi wowapi kin en owapi ce.

27 Unkan Ahaz ate wicaya om istima, qa Jerusalem ohna hnakapi; tuka Israel wicaštayatapi ohnahnakapi kin ekta ayapi šni. Unkan iye cinhintku Hezekija heekiya wawidaka.

II ANPETU OYAKAPI WOWAPI WICOWOYAKE 29.

1 Hezekija waniyetu wikcemna nonpa sanpa zaptan qehan toka wawidake ca waniyetu wikcemna nonpa sanpa napcinwanka Jerusalem ohna wawidaka, qa hunku Abia Zekarija cunwintku eciyapi.

2 Qa taku ecetu Jehovah ista kin en econ, ateya David econ qon owasin iyecen.

3 Iye waniyetu tokaheya wawidake cin wi tokaheya en Jehovah ti tiyopa kin yuhdoka, qa hena piya.

4 Qa wawayušnapi kin, qa Levi kin uwicakiya, qa wiyohiyanpata canku kin en mnawicaya;

5 Qa hewicakiya; Levi yaunpi kin nainahonpo; Ihduwakanpo, qa Jehovah nihunkakepi wakandapi kin tipi tawa yuwakanpo; qa taku sapa kin tipi wakan etanhan tankan ayapo.

6 Ate wicunyanpi kin wahtanipi, qa taku šica Jehovah wakanundapi ista kin en econpi, qa iye ayuštanpi, qa Jehovah tipi tawa etanhan ihdamnapi, qa heyata iyayapi.

7 Nakun tiyopa awakeyapi tiyopa kin natakapi, qa petijanjan kin bošnipi, qa wizite kin izinyapi šni, qa taku Israel wakandapi tipi tawa ohna wohuhnahyapi kin huhnahyapi šni.

8 Heon Jehovah Judah qa Jerusalem canniye wicaya, qa wonihinciye, woihangye, qa woostehda en wicaqu, niištapi on wandakapi iyecen.

9 Hecen atewicunyanpi isan on cawicapapi hinfipayapi, qa unkicincapi wica winyan koya, qa unkitawinpi taku kin de on wayaka unpi.

10 Wanna Jehovah Israel wakandapi kin kici wotakuye wecage kta micante en un; hecen tocanniye kata unkiyepi etanhan hduhomni kta.

11 Micinca nakaha ihnuhan ihayaktapi srii kin, niyepi Jehovah nicaftnigapi kin itokam nayajinpi kta, qa oyakiyapi kta, qa ohoda qa waizinya yaunpi kta nakaš.

12 Hehan Levi kin najinpi Mahat Yamasai cinhintku, qa Joel Azarija cinhintku, Kohathi cincapi kin etanhan; qa Merari cinca kin etanhan Qis Abdi cinhintku, qa Azarija Jehalelel cinhintku; qa Geršoni kin etanhan Joah Zinma cinhintku.

13 Qa Ehzapan cinca kin etanhan Simri, qa Jeyiel; qa Asap cinca kin etanhan Zekarija qa Mattanija.

14 Qa Heman cinca kin etanhan Jehiel, qa Simeyi; qa Jedutun cinca kin etanhan Šemayeja, qa Uzziel.

15 Qa hena hunkawanji wicayapi kin mniciye wicayapi, qa ihduwakanpi; qa wicaštayatapi kin econ wicaši qon iyecen, Jehovah oie kin eciyatanhan en hipi, qa Jehovah ti kin yuškapi.

16 Unkan wawayušnapi kin Jehovah ti kin yuškapi kta ti mahen ipi, qa taku sapa Jehovah tipi wakan tawa mahen iyeyapi kin owasin Jehovah ti hocoka kin ekta hiyuyapi. Unkan Levi kin he icupi, qa tankan ayapi, Qedron kaksiza kin ekta.

17 Qa wi tokaheya anpetu tokaheya en toka yuškapi, qa wi anpetu isahdoian kin en Jehovah tiyopa awakeyapi kin ekta hipi; hehan anpetu sahdo an hehanyan Jehovah ti kin yuwakanpi; hecen wi tokaheya anpetu iake šakpe en yuštanpi.

18 Hehan wicaštayatapi kin Hezekija ekta ti mahen ipi, qa hey a pi, Jehovah tipi tawa owancaya unyuštanpi: nakun wohuhnahyapi owayušna kin, qa wakšica tawa owasin, qa aguyapi itokam hnakapi wahna wotapi kin, qa tawakšica kin owasin.

19 Nakun wikicanye tawa wicaštayatapi Ahaz wawidake cehan tokipajin en hena yusape cin, hena owasin piunyanpi; qa lho hena Jehovah owayušna tawa kin itokam yankapi.

20 Unkan wicaštayatapi Hezekija hanhanna hin kikta, qa otonwe itancan mnawicaya, qa Jehovah ti kin ekta itanwankanhde i.

21 Unkan tatanka šakowin, qa tahcaska mdoka šakowin, qa tahkaška cinca Sakowin, qa hekinškayapi mdoka sakowin woahtani wošnapi on ahipi, wokiconze kin on, qa tipi wakan kin on, qa Judah on. Unkan Hezekija wawayušnapi Aaron cinca kin hena Jehovah owayušna tawa akan huhnahyapi kta kewicakiya.

22 Unkan tatanka kin patapi, qa wawayušnapi kin we kin icupi, qa owayušna kin akaštanpi, qa tahcaska mdoka kin patapi, qa we kin owayušna kin akaštanpi, qa tahkaška cinca kin patapi, qa we kin owayušna kin akaštanpi.

23 Hehan hekinškayapi mdoka woahtani wošnapi on wicaštayatapi, qa omniciye kin itokam ikiyedan hiyu wicayapi; unkan akan napepi kin aputakapi.

24 Unkan wawayušnapi kin hena patapi, qa wepi kin on owayušna akan wookiye kajrapi, Israel owasin on, akahpe wicakiciyapi kta, wicaštayatapi kin Israel owasin on woiiuhnahyapi kin, qa woahtani wošnapi kin katrapi kta kewicakiya nakaš.

25 Qa Levi kin Jehovah tipi tawa ohna najin wieakiya, mazicasnasna on; qa cotanke on, qa candowankiyapi on, David, qa wicaštayatapi wawanyake tawa Gad, qa Natan waayate kin econ wicašipi kin iyecen; Jehovah waayate tawa napepi on hecon wicaši nakaš.

26 Unkan Levi kin candowankiyapi David kaire cin yuha najinpi; qa wawayušnapi kin mazayahotonpi kin yuhapi.

27 Unkan wohuhnahyapi kin owayušna akan huhnahyapi kta Hezekija keya. Unkan toka huhnahyapi qehan Jehovah idowanpi mazayahotonpi on, qa David Israel wicaštayatapi wikicanye kage cin on.

28 Unkan omniciye owasin ohodapi, qa wadowanpi, qa mazayahotonpi owasin dowanpi, ecen wofiuhnahyapi kin yuštanpi.

29 Qa wohuhnahyapi kin yuštanpi qehan wicaštayatapi kin, qa tona kici unpi kin owasin patujapi, qa ohodapi.

30 Hehan wicaštayatapi Hezekija, qa itancan unpi kin, Levi kin Jt'lxnva yalanpi kta kewicakiyapi, David qa Asap wawanyaka kin oiepi kin iyecen Unkan yatanpi ecen wiyuškinpi qa patujapi, qa ohodapi.

31 Hehan Hezekija ayupte ca heya, Wanna ninapepi Jehovah on ojuyayapi kin ikiyedan upo, qa Jehovah ti kin on wošnapi, qa woyatan hiyuyapo. Unkan omniciye wošnapi, qa woyatan wošnapi hiyuyapi, qa cante iyokipiya owasin wohutinahyapi ahipi.

32 Unkan wohuhnahyapi omniciye ahipi kin hena yawapi kin tatanka wikcemna šakowin, qa tahcaska mdoka opawinjJre, qa tahcaska cinca opawinše nonpa, hena owasin Jehovah kihuhnahyapi.

33 Nakun pte opawini;e Šakpe qa tahinca kektopawinše yamni yuwakanpi.

34 Tuka wawayušnapi kin tonana hecen wohuhnahyapi kin owasin hayuzapi okitpanipi; heon hunkawanji wicayapi kin Levi kin owicakiyapi, wokicanye kin yuštanpi, qa wawayušna unman ihduwakanpi kin hehanyan. Levi kin wawayušnapi kin isanpa cante ecetupi nakaš.

35 Nakun wopida wošnapi sin kin huhnahyapi kin ota; nakun wohuhnahyapi woakaštan: hecen Jehovah tipi tawa wohtani kin yuecetupi.

36 Unkan Hezekija, qa oyate kin owasin wiyuškinpi, Jehovah oyate kin hecen cante yuswicakiya heon. Taku kin de ihnuhanna econpi nakaš.

II ANPETU OYAKAPI WOWAPI WICOWOYAKE 30.

1 Unkan Hezekija Israel qa Judah owasin wahowicaya, qa Ephraim, qa Manasseh, wowapi wicakica a; Jehovah Israel wakandapi woacakšin kieairapi kta e Jehovah ti kin Jerusalem ohna yanke cin ekta hipi kta.

2 Qa wicaštayatapi kin, qa itancanpi kin, qa omniciye owasin woacakšin kin wi inonpa en econpi kta aiapi.

3 Iyehantu hin heconpi okitpanipi, heehan wawayušnapi kin nahanhin ihduwakanpi Šni, qa oyate kin Jerusalem en niniciyapi Šni nakaš.

4 Qa taku kin de wicaštayatapi ista kin en ecetu, qa omniciye owasin istapi kin en.

5 Heon wicoie kin yusutapi, Israel owasin Beer-šeba etanhan Dan aiyahdeya wahowicayapi kta, Jehovah Israel wakandapi toacakSin kin econpi kta e Jerusalem en hipi kta; owapi kin iyecen, ehanna tanhan econpi Šni nakaš.

6 Unkan wainyankapi kin wowapi kin wicaštayatapi, qa itancanpi napepi etanhan yuha iyayapi, Israel qa Judah owancaya ekta, qa wicaštayatapi kin econ wicaši kin iyecen heyapi, Israel cinca kin Jehovah Abraham Isaac qa Israel wakandapi kin en hdipo; hecen iye niyepi tona onicaptapi ASur wicaštayatapi napepi etanhan nayajicapi kin en nihdipi kta.

7 Ihnuhan ate wicayayapi kin, qa nihunkawanjipi kin Jehovah hunkake wicayapi wakandapi kin wakihtanipi kin iyenicecapi kin, hena wonihinciy e wicakage, wandakapi kin iyecen.

8 Nakaha ihnuhan tahu patinyakiyapi, nihunkakepi kin iyecen. Ninapepi Jehovah kicupo, qa tipi wakan tawa ekta upo; he iye hduwakan owihanke wanin, qa Jehovah wakanyadapi kin okiyapo; hecen tocanniye niyepi etanhan hduhomni kta.

9 Jehovah en yahdipi kinhan nihunkawanjinpi, qa nicincapi wowaonšida iyeyapi kta; tona wayaka awicayapi kin wieitokam, qa makoce kin den hdipi kta, Jehovah wakanyadapi kin he wacantkiye ca waonšida nakaš; qa en yahdipi kinhan ite kin niyepi etanhan hduhomni kte šni.

10 Unkan wainyankapi kin otonwe iyaza iyayapi, Ephraim makoce, qa Manasseh ohna, qa Zebulun aiyahdeya; tuka iwicahahapi, qa unwicacapi ece.

11 Hececasta wanjiksi ASer etanhan, qa Manasseh etanhan, qa Zebulun etanhan ihduhukuyapi, qa Jerusalem en hipi.

12 Nakun Judah ohna Jehovah nape kin cante wanjidan wicaqu, wicaštayatapi, qa itancanpi kin econ wicašipi kin iyecen, Jehovah oie kin econpi kta.

13 Hecen oyate wicota Jerusalem en ihduwitayapi, omniciye nina tanka, aguyapi napohyapi šni wohanpi econpi kta, wi inonpa kin en.

14 Qa najin hiyayapi, qa wahnawošnapi Jerusalem ohna yankapi kin yutokanpi, nakun oizinyapi, qa Qedron kaksiza en hena ehpeyapi.

15 Hehan woacakšin kin patapi wi inonpa anpetu iake topa en; qa wawayušnapi kin, qa Levi kin istecapi, heon ihduwakanpi, qa wohuhnahyapi kin Jehovah ti kin en ahipi.  

16 Qa tonajinpi kin ohna najinpi woyaco econ wicaši kin iyecen, Moses Wakantanka tawicašta toope kin iyecen; wawayušnapi kin we kin Levi napepi etanhan icupi qa amnimnipi.

17 Omniciye kin de etanhan wicota ihduwakanpi šni; heon tona skapi šni kin hena owasin on Levi kin woacakšin kin patapi, Jehovah on wicayuwakanpi kta.

18 Oyate kin etanhan wicota Ephraim, qa Manasseh, qa Issachar, qa Zebulun etanhan wicota skapi šni ešta woacakšin kin yutapi, owapi qon iyecen econpi šni; tuka Hezekija wocekiye ewicakiciya, qa heya, Jehovah wašte otoiyohi wicakicicajuju nunwe;

19 Tona Wakantanka Jehovah ate wicayapi wakandapi kin akitapi kta cantepi' kin oeowasin yuecetupi kin, tipi wakan yuškapi kin iyecen wicayuškapi šni ešta.

20 Unkan Jehovah Hezekija nahon, qa oyate kin okizi wicaya.

21 Unkan Israel cinca kin Jerusalem en hiyeya kin aguyapi napohyapi šni wohanpi kagapi, anpetu šakowin, wowiyuškin tanka on, qa Levi kin anpetu otoiyohi Jehovah yatanpi, qa wawayušnapi kin widowankiyapi on Jehovah towašake kin idowanpi.

22 Unkan Hezekija Levi tona wayupiya Jehovah yatanpi kin cantepi ekta ia. Unkan anpetu šakowin hehanyan omniciye wakan kin wotapi wopida wošnapi wayušnapi, qa Jehovah hunkake wicayapi kin wakandapi kin yatanpi.

23 Unkan omniciye owasin anpetu šakowin tokeca econpi kta iwohdakapi, hecen ake anpetu šakowin wiyuškinyan econpi.

24 Hezekija Judah wicaštayatapi kin pte kektopawinge, qa tahinca kektopawinge šakowin omniciye kin ituwicakihan, qa itancanpi kin pte kektopawinge, qa tahinca kektopawinge wikcemna ituwicakihanpi nakaš, qa wawayušnapi ota ihduwakanpi.

25 Hecen Judah omniciye kin owasin, qa wawayušnapi-kin, qa Levi kin, qa Israel etanhan upi omniciye kin, qa oyate tokeca Israel makoce kin etanhan upi qa Judah otipi kin owasin wiyuškinpi.

26 Hecen Jerusalem ohna wowiyuškin tanka; Solomon David cinhintku Israel wicaštayatapi anpetu tawa ehantanhan Jerusalem ohna he iyececa wanica.

27 Hehan wawayušnapi kin Levi kin najinpi, qa oyate kin wicayawaštepi. Unkan hopi kin nahonpi qa wocekiye eyapi kin Jehovah tipi wakan tawa iyohi, mahpiya en.

II ANPETU OYAKAPI WOWAPI WICOWOYAKE 31.

1 Unkan hena owasin yuštanpi qehan, Israel hen hiyeye cin owasin Judah otonwe kin ektakta iyayapi, qa wakagapi kin kamdecapi, qa Aseri kin kawankapi, qa paha kin, qa owayušna kin pajujupi, Judah, qa Benjamin, qa Ephraim qa Manasseh owancaya ecen yuštanpi, hehan Israel owasin kihdapi otoiyohi otonwe tawayapi kin ekta.

2 Unkan Hezekija wawayušnapi qa Levi obepi kin yuecetu, obepi qon iyecen, wawayušnapi qa Levi wohtanipi kin iyecen, otoiyohi wohuhnahyapi, qa wopida wošnapi on, qa waokiyapi kta, qa Jehovah ounye cin tiyopa ekta yatanpi kta.

3 Nakun wicaštayatapi kin woyuha tawa etanhan wohuhnahyaj pi kin qu, hanhanna, qa htayetu  wohuhnahyapi; qa anpetu okii hpapi, qa wi teca, qa omniciye wakan wohuhnahyapi kin Jehovah toope kin iyecen.

4 Nakun oyate kin Jerusalem ounyanpi kin wawayušnapi kin, qa Levi kin wopamni tawapi wicaqupi kta kewicakiya, hecen Jehovah toope opapi kta e wasag wicayapi kta.

5 Unkan wicoie kin he owancaya iyaye cehan, Israel cinca kin aguyapi su tokaheya suton kin ota ahipi; nakun hastanhanka hanpi, qa wihdi, qa canhanpi tiktica, qa taku maga aicage cin iyuhpa iwikcemna kin ota ahipi.

6 Nakun Judah, qa Israel cinca Judah otonwe ounyanpi kin i eya pte qa tahinca iwikcemna kin ahipi; taku yuwakanpi Jehovah iyepi wakandapi on yuwakanpi kin iwikcemna kin kahipi, qa pahaha kagapi.

7 Wi iyamni en paha oahe tokaheya kagapi, qa wi išakowin kin en yuštanpi.

8 Hehan Hezekija, qa itancanpi kin ekta ipi, qa pahaha kagapi kin wanyakapi, qa Jehovah, qa oyate tawa wicayawaštepi.

9 Qa Hezekija wawayušnapi kin, qa Levi kin pahaha on iwicawanga.

10 Unkan Azarija Zadoq tiwahe kin wawayušna itancan kin ayupte ca heciya, Woahi Jehovah ti en toka ahipi kin ehantanhan imna wauntapi, qa ota unkokaptapi; Jehovah iye taoyate kin wicayawašte nakaš; hecen taku ota kin de okaptapi.

11 Hehan mazopiye tipi Jehovah ti kin ohna kagapi kta, Hezekija keya. Unkan wiyeya kagapi.

12 Unkan woahi, qa iwikcemna kin, qa taku yuwakanpi kin ece, tuya ahipi, qa Konaneja Levi kin awanyakapi kin itancan hee, qa sunkaku Simeyi he iynkihe.

13 Qa Jehiel, qa Yazazija qa Nahat, qa Asahel, qa Jerimot, qa .lozabad, qa Ehel, qa Jismakeja, qa Manat, qa Benaja, waawanyakapi kin Knnaneja, qa iye sunkaku Simeyi napepi kin ihukuyaunpi; wicaštayatapi Hezekija hecon wicaši kin iyecen; qa Yazareja Wakantanka ti kin awanyaka.

14 Qa Kore Jimna cinhintku Levi kin tiyopa wihinanpe cin ektakiya awanyake oin he taku Wakantanka itukihanpi kin awanyaka ece, taku Jehovah kahipi, qa taku iyotan wakan kin pamni kta.

15 Qa iye nape kin ekta Eden, qa Minjamin, qa JeSua qa Šemayija, Amarija, qa Sekanija wawayušnapi otonwepi kin ohna ecetuya hunkawanji wicayapi owecinhan taku tawapi wicakipamnipi kta, tona tanka, qa tona cistinna iakedececa.

16 Nakun tona wica waniyetu yamni qa iwankam wicayawapi, tona Jehovah ti kin en hipi, anpetu otoiyohi wohtani kin econpi kta en hipi ece kin owasin woawanyake tawapi kin wicapamnipi kin iyecen.

17 Qa wawayušnapi kin ate wicayapi tipi kin iyecen wicayawapi, qa Levi kin waniyetu wikcenina nonpa qa iwankam, woawanyake tawapi en wicapamnipi iyecen.

18 Qa šiceca, qa winohinca tawapi owasin wicayawapi, qa cincapi wica qa winyan wicayawapi, omniciye ocowasin wicakipamnipi kta wowicake en nina ihduwakanpi nakaš.

19 Qa Aaron cinca kin wawayušnapi otonwe tawapi ihdukšan 654 tinta kin ohna yakonpi wawayušna ehna tona wica owasin onspaspa tawapi wicaqupi kta e wicašta cajepi owapi ce en unpi; qa Levi tona wicoicage wowapi en owapi nakun qupi.

20 Qa Hezekija Judah owancaya hecen econ, qa taku wašte qa ecetu, qa wicaka econ, Jehovah iye wakanda kin itokam.

21 Qa wohtani Jehovah ti kin kicanye kta konze cin owasin en, qa woope kin en, qa woahope en, cante ocowasin on iye wakanda kin akin econ, qa tanyan ihuniyan.

II ANPETU OYAKAPI WOWAPI WICOWOYAKE 32

1 Hena iyohakam, qa he yusutapi qehan, Sennacherib ASur wicaštayatapi u, qa Judah en hi, qa otonwe aconkaške yapi kin aonataka, qa iye on ohiwicaye kta keya.

2 Unkan Sennacherib u, qa ite kin Jerusalem azuye kta ektakiya etonwe cin Hezekija wanyake cehan,

3 Wicašta itancan, qa wašaka wicayuhe cin om iwohdaka miniyowe otonwe itankan hiyeye cin natake kta; unkan hecon kta okiyapi.

4 Unkan oyate wicota yuwitaya hiyupi, qa miniyowe kin owa[ sin natakapi, qa wakpadan maj koce cokaya kaduze cin akahpaI pi, Tokeca Asur wicaštayatapi kin upi, qa mini ota ryeyapi kta he? eyapi nakaš.

5 Nakun wasag iciye ca conkaške  kawankapi qon owasin piya.qa ipasotka aiyahdeya wankantuya kaga, nakun itankan conkaške  tokeca wan kaia, qa Millo David totonwe suta kaga; qa wahukeza, qa wahacanka ota kaga.

6 Qa akicitatanean wokicize on oyate yuhewicakiya, qa otonwe tiyopa hocoka en, iye ekta mnawicaya, qa cantepi ekta ie ca bewicakiya,

7 Wakisakapo, qa waditakapo. Ihnuhan Asur wicaštayatapi kin on, qa obe tanka kin de iye opapi kin on yusinyeniyanpi kin, unkiyepi om unpi kin iye kici unpi kin isanpa ota ce.

8 Iye kici wicacchpi isto yukan, qa unkiyepi kici Jehovah wakanundapi ounkiyapi kta, qa wokicize unkitawapi kize kta un nakaš. Unkan oyate kin Hezekija Judah wicaštayatapi oie kin wacinyanpi.

9 He iyohakam Sennacherib Asur wicaštayatapi kin iye taokiye Jerusalem ekta ye wicaši, qa iye, qa tokiconze owasin LakiS azuyapi, qa Judah wicaštayatapi kin, qa Judah Jerusalem ohna yakonpi kin owasin bewicakiya,

10 Sennacherib ASur wicaštayatapi kin hecen eya, Taku wacinyayapi, qa Jerusalem kakisyapi kin en owanji dukanpi he?

11 Jehovah wakanundapi kin Asur wicaštayatapi nape kin etanhan niunkiyapi kta, Hezekija eya; qa wicaakihan, qa iwicapuza on te niyanpi siii he"!

12 Tuwe paha tawa, qa wahnawošnapi tawa pajuju, qa wahna wošnapi wanjidan itokam ohoyadapi kta, qa he akan wizinyayapi kta, Judah qa Jerusalem ewicakiya, Hezekija kin de e šni he?

13 Makoce ota oyatepi owasin miye, qa ate wicawaya taku ccawieunkiconpi kin sdonyayapi šni  he? Makoce kin hena oyate taku wakandapi kin makoce tawapi minape etanhan ehdakupi he?

14 Ikcewicašta ate wicawaya ihang wicayapi kin taku wakandapi kin owasin tukte wanji oyate tawa minape etanhan ehdaku okihi, on taku wakanyadapi kin niyepi minape etanhan enihdakupi kta okihi he?

15 Heon etanhan nakaha ihnuhan Hezekija nihnayanpi, qa ihnuhan hecen awacinniyanpi kin; qa ihnuhan wicayadapi kin; Wokiconze oyatepi kin owasin tuwedan minape, qa ate wicawaya napepi etanhan oyate tawa ehdaku okihi šni, qa isanpa taku wakanyadapi kin minape etanhan enihdakupi kta okihi kte Šni.

16 Unkan wahosiye tawa nakun sanpa Jehovah Wakantanka, qa taokiye Hezekija aiapi.

17 Qa Jehovah Israel wakandapi kin i en iyeyapi kta wowapi wan ka ia, qa heya, Makoce ota oyatepi taku wakandapi kin iye taoyatepi minape etanhan ehdakupi okitpanipi kin iyecen Hezekija taku wakanda kin minape etanhan oyate tawa ehdaku kta okitpani.

18 Qa Judah iapi en hotanka ieyanpahapi, Jerusalem oyate conkaške  akan yakonpi kin itokam kopehdawicayapi kta, qa yusinye wicayapi kta, qa hecen otonwe kin icupi kta, heon etanhan.

19 Qa Jerusalem taku wakandapi kin aiapi, makoce oyate taku wakandapi wicanape on kaj api kin iyecen.

20 Unkan Hezekija wicaštayatapi kin, qa Isaiah Amoz cinhintku waayate kin taku kin de on cekiyapi, qa mahpiya hoyekiyapi.

21 Unkan Jehovah ohnihde wan yeSi, qa Asur wicaštayatapi owanka tawa ohna, wicašta waSaka waditaka owasin, qa itancanpi kin, qa mdetanhunkapi kin owasin ihang wicaya; heon iSteca makoce tawa ekta hda, qa taku iye wakanda ti kin en i, qa iye tezi etanhan inanpapi kin hena isan on ktepi.

22 Ilecen Jehovah Hezekija, qa Jerusalem ounyanpi kin Sennacherib ASur wicaštayatapi nape kin etanhan niwicaya, qa wicihdukšan yakonpi kin owasin napepi kin etanhan ewicahdaku.

23 Unkan wicota Jehovah minha kahipi, Jerusalem ekta, qa Hezekija Judah wicaštayatapi kin taku tehika ota kahipi; hecen ohakam yuwankan iyeyapi, ikcewicašta owasin istapi en.

24 Anpetu kin hena en Hezekija wayazanka on te kta, qa Jehovah cekiya. Unkan ayupta, qa wowapetokeca qu.

25 Tuka Hezekija tanyan ecakiconpi kin iyecen kicu Šni, qa cante kin wahanicida, heon woSihda iye, qa Judah, qa Jerusalem iyowicahi.

26 Unkan Hezekija cante kin wahanicida kin on ihdukuya, iye qa Jerusalem ounyanpi kin nakun; heon Jehovah tawo hda kin Hezekija taanpetu en awicahi šni.

27 Unkan Hezekija wowijice, qa wowitan nina tanka yuha, qa mazopiye icicaga, mazaska on, qa mazaskazi on, qa inyan tehika on, qa taku waštemna on, qa wahacanka on, qa wakšica wiciyokipi owasin on;

28 Qa wopiye aguyapi su on, qa hastanhanka hanpi on, qa wihdi on; qa wanunyanpi iyuhpa on oinajin, qa optaye on tipi yuha.

29 Qa otonwe icicaga, tahinca, qa pte ota yuha. Wakantanka woyuha nina ota qu nakaš.

30 Qa Hezekija kin he Gihon minihdoka tatowapa kin nataka; qa maka ihukuya David toton we en wiyoftpeya tanhan he owotanna kadusya. Hecen Hezekija taku kage cin owasin tanyan hdustan.

31 Hececasta Babel itancanpi kin wahosiye tawapi wowapetokeca niakoce en tanin kin on: iwangapi kta, iye ekta u wicašipi  kin, heon hen iyute kta, qa cante I kin en taku un kin owasin sdonye kta Wakantanka ayuštan.

32 Unkan Hezekija ohan unman, qa towacantkiye kin iho hena IsaiahAmoz cinhintku waayate towanyake kin en, qa Judah qa Israel wicaštayatapi wowapi en owapi ce.

33 Unkan Hezekija hunkakewicaya om istima,qa David cinca ohnahnakapi kin iwankam hnakapi; qa te cehan Judah qa Jerusalem ounyanpi kin owasin wowitan ecakiconpi. Unkan heekiya iye cinhintku Manasseh wawidaka.

II ANPETU OYAKAPI WOWAPI WICOWOYAKE 33.

1 Manasseh waniyetu wikcemna sanpa nonpa qehan toka wawidake ca waniyetu wikcemna zaptan sanpa zaptan Jerusalem ohna wawidaka.

2 Qa taku šica Jehovah ista kin en econ, ikcewicašta Jehovah Israel cinca itokapa tanhan nape wicaye cin wowahtešni econpi kin owasin iyecen.

3 Qa pahaha atkuku Hezekija 3'ujuju qon owasin piya kaga, qa owayušna Baahm tawapi kin ehde, qa ASerot kaga, qa mahpiya obe owasin ohoda, qa owicakiya ece.

4 Nakun Jehovah ti kin ohna wahna wošnapi kaga, hen Jerusalem ohna micaje owihanke wanin yanke kta Jehovah eye ciqon tuka.

5 Qa Jehovah ti kin hocoka nonpa kin ohna mahpiya obe iyuhpa wahnawojnapi wicakicaga.

6 Nakun iye cincakin Hinnom cinhintku osmaka en peta opta iyaye wicaya, qa hannide, qa wamduška on waayate, qa wanmunga, qa wapiya, qa wakan kaga; hecen Jehovah gihdaye kta i6ta kin en taku 3ica ota econ.

7 Qa wakagapi pagopi iye kagc cin Wakantanka ti kin en ehde; he Wakantanka ke ca David, qa iye cinhintku Solomon hewicakiya, Tipi kin den, qa Jerusalem Israel wicoun owasin etanhan wakahnige cin en micaje owihanke wanin yanke wakiye kta.

8 Qa taku econ wicawasi kin owasin waktaya econpi kinhan, woope, qa wokage, qa woyaco iyuhpa Moses nape on iyecen econpi kinhan icimana Israel sihapi kin makoce hunkake wicayapi akan ewicawahde kin etanhan yewicawaye kte šni.

9 Tuka Manasseh Judah, qa Jerusalem ounyanpi kin nuniwicaya. qa ikcewicašta Jehovah Israel cinca kin itokapa tanhan ihang wicaye ciqon isanpa taku ica econ wicakiya.

10 Unkan Jehovah Manasseh, qa oyate tawa wahokonwicakiya, tuka anagoptanpi šni.

11 Heon Jehovah Asur wicagtayatapi taozuye mdetanhunkapi kin anawicatan wicaya. Unkan wapepeka hu ehna iyahpayapi, qa mazasa icaske nonpa on ka6kapi qa Babel ekta ayapi.

12 Unkan toiyokišice en Jehovah iye wakanda kin cekiye ca nina ihduhukuya, hunkake wicaya taku wakandapi kin itokam;

13 Qa cekiya: Unkan anohkiciya, qa tawocekiye nahon, qa Jerusalem en hdikiya, tawawi12a dake en. Hehan Jehovah Wakantanka kin hee sdonya.

14 Unkan he iyohakam David totonwe itankan conkagke wan kaga Gihon wiyohpeya tanhan kaksiza ohna, hogan tiyopa oenape aiyahdeya, qa Opel ihdukšan, qa tehanwankantuya bin kaga; qa Judah otonwe aconkaške yapi owasin ohna akicita tancan ewicahde.

15 Qa taku wakan tokeca, qa wakagapi kin Jehovah ti kin etanhan yutokan, nakun owayušna Jehovah ti paha kin akan, qa Jerusalem ohna kage ciqon, qa hena iyuhpa otonwe itankan ehpeya.

16 Qa Jehovah taowayušna kin piya kaga, qa he akan wopida wošnapi, qa woyatan wognapi wayusna; qa Jehovah Israel wakandapi kin okiyapi kta Judah kewicakiya.

17 HececaSta oyate kin nahanhin pahaha akan wakiyušnapi ece, tuka Jehovah wakandapi kin heceedan ekta.

18 Unkan Manasseh ohan unman kin, qa tawocekiye iye wakanda kin cekiye cin, qa wawanyake Jehovah Israel wakandapi kin cajeyan okiyapi oiepi kin hena owasin Israel wicagtayatapi oiepi kin en owapi ce.

19 Nakun tawocekiye, qa token Jehovah anohkiciya. Nakun tawokipajin, qa wahtani kin owasin, qa ihduhukuya itokam tukten paha kaga, qa Aserim, qa wakagapi pagopi ehde, hena wawanyakapi oiepi kin en owapi ce.

20 Hecen Manasseh hunkahe wicaya om igtima, qa iye ti kin ohna hnakapi, qa eekiya iye cinhintku Anion wawidafca.

21 Amon waniyetu wikcemna nonpa sanpa nonpa qehan toka wawidaka, qa waniyetu nonpa Jerusalem ohna wawidaka.

22 Qa taku šica Jehovah ista kin en econ, atkuku Manasseh econ qon iyecen. Amon wakagapi pagopi iye atkuku Manasseh kage ciqon owasin wawicakiciyusria, qa owicakiya.

23 Tuka Jehovah itokam ihduhukuye šni, atkuku Manasseh ihduhukuya kin iyecen, tuka Amon sanpa šicaya econ.

24 Unkan taokiye kipajinpi, qa iye ti kin ohna te kiyapi.

25 Unkan makoce oyate kin wicašta kin wicaatayatapi kin Anion kipajinpi kin owasin wicaktepi, qa heekiya makoce oyate kin iye cinhintku Josiah wicaštayatapi kagapi.

II ANPETU OYAKAPI WOWAPI WICOWOYAKE 34.

1 Josiah waniyetu šahdogan qehnn toka wawidaka, qa waniyetu wikcemna yamni sanpa wanjidan Jerusalem ohna wawidaka.

2 Qa taku ecetu Jehovah ista kin en econ, qa ateya David tacanku omani, qa etapa qa catka unmana ektakiya ihduwinge šni.

3 Qa wawidake cin waniyetu išahdogan en nahahin hokšidan iye atkuku David taku wakanda toka akita, qa waniyetu iwikcemna sanpa nonpa kin en Judah, qa Jerusalem toka pakinta, pahaha kin etanhan, qa Aserim etanhan, qa wakagapi pagopi qa sdoyapi etanhan.

4 Qa iye itokam Baahm towayušnapi kin hena pajujupi, qa anpetuwi kagapi kin hena iwankam kaksa, qa Aserim, qa wakagapi pagopi kin, qa sdoyapi kin kamdeca, ecen kamdu, qa wicašta hena akan wakiyušnapi qon ohnahnakapi kin akan mdu kin akada.  

5 Qa wawayušnapi hupi kin huftnahya, owayušna tawapi akan; hecen Judah qašIerusalem pakinta;

6 Nakun Manasseh, qa Ephraim, qa Simeon, qa Naptah otonwe kin hehan}'an otiwotapi kin ihduksan owancaya.

7 Qa owayušnapi kin, qa Aserim kawanka, qa wakagapi kin kamdeca ecen mdu kaga, qa Israel makoce kin owancaya anpetuwi kagapi kin owasin kawanka, hehan Jerusalem en hdi.

8 Qa wawidake cin waniyetu iwikcemna sanpa šahdogan en makoce, qa tipi kin pakintapi qehan, Jehovah iye wakanda ti kin piyapi kta e Sapan Atzaleja cinhintku, qa Mayaseja otonwe itancan kin, qa Joah Joahaz cinhintku wakiksuye kin ye wicaši.

9 Unkan Hilkija wawayušna tanka kin ekta ipi, qa mazaska Wakantanka ti kin en ahipi kin Levi wakšica awanyakapi kin Manasseh, qa Ephraim napepi etanhan, qa Israel okaptapi owasin etanhan, qa Judah qa Benjamin qa Jerusalem ounyanpi kin etanhan mnayanpi qon qupi.

10 Qa Jehovah ti kin awanyakapi kin wokicanye econpi napepi en qupi, qa Jehovah ti kin ohna htanipi, wohtani econpi kin tipi kin yusutapi kta qa piyapi kta e pamnipi.

11 Qa cankajipapi, qa ticagapi kin he wicaqupi, inyan kakanpi heca, qa can wiyuskitapi on, qa canmdaška opetonpi kta, Judah wicaštayatapi kin tipi awihnuniyanpi kin yusutapi, qa piyapi kta, heon etanhan..

12 Unkan wokicanye en wacinyepicaya ohanyanpi, qa awanwicayakapi kin dena eepi Jahat, qa Obadiah Levi kin Merari cinca kin etanhan, qa Zekareja, qa . MeSullam Kohathi cincakin etanhan iyowicapaStakapi kta, nakun Levi tonašcan dowankiyapi wayupika owasin.

13 Qa Levi kin etanhan wowapi kagapi, qa mdetanhunkapi, qa tiyopa awanyakapi heca, tona waqinpi, qa woRtani oeaje iyuftpa econwicakiyapi kin hena awanwicayakapi.

14 Unkan mazaska Jehovah ti kin en ahipi qon tankan ahiyupi qehan Hilkija wawayušna kin, Jehovah toope wowapi kin Moses nape on kajrapi kin he iyeya.

15 Qa Hilkija wawayušna kin ie ca Sapan wowapi kage cin heciya, Woope wowapi kin Jehovah ti kin ohna iyewaya ce, qa Hilkija wowapi kin Sapan qu.

16 Unkan Sapan wowapi kin wicaštayatapi kin kahi, qa hoSihi, qa heciya, Nitaokiye taku econ wicayasi kin owasin econpi ce.

17 Qa mazaska Jehovah ti kin en iyeyapi kin mnayanpi, qa wohtani econpi napepi en, qa awanwicayakapi napepi en qupi.

18 Qa Sapan wowapi kajre cin wicaštayatapi kin okiyake ca heya, Hilkija wawayušna kin wowapi wan maqu; qa Sapan wicaštayatapi itokam hen yawa.

19 Unkan wicaštayatapi kin wowapi oie kin nahon qehan taheyake hduhdehdeca.

20 Qa wicaštayatapi kin Hilkija, qa Ahiqam Sapan cinhintku, qa Abdon Mika cinhintku, qa Sapan wowapi kage cin, qa YaSaja wicaštayatapi taokiye kin hewicakiya,

21 Yapo, qa miye on, qa Israel qa Judah ohna owieakaptapi on, Jehovah iwangapo; wowapi iyeyapi kin de oie kin on etanhan; hunkake wicunyanpi kin Jehovah oie kin ihaktapi Šni, qa wowapi kin de oiepi kin owasin iyecen econpi Šni, heon Jehovah tocanniye unkakaštanpi kin he tanka ce.

22 Unkan Hilkija, qa wicaštayatapi tawahoSi kin Hulda waayatewin Jerusalem ohna Miš ene en ti kin he 6alum tawicu, he Toqat cinhintku he Hasra wokoyake awanyake cin cinhintku ckta ipi, qa he iyecen eciyapi.

23 Unkan hewicakiya, Jehovah Israel wakandapi kin hecen eya ye; Wicašta miye ekta unisipi kin hecen eciyape,

24 Jehovah hecen eya, Inyun miye taku Šica oyanke kin de akan hiyu waye kta, qa ounyanpi kin akan woyašice tona wowapi Judah wicaštayatapi itokam yawapi kin en owapi kin owasin.

25 Amayuštanpi qa napepi wohtani kin owasin on Sihdamayanpi kta, taku wakan tokeca izinyapi; heon mitocanniye oyanke kin de akaštanpi qa bošnipi kte Šni.

26 Tuka Judah wicaštayatapi Jehovah iwanga u nisipi kin hecen eyakiyapi kta, Jehovah Israel wakandapi kin wicoie nayahon kin eciyatanhan hecen eya ce,

27 Nicante wankadan,qa oyanke kin de qa ounyanpi kin on wicoie nayahon qehan, Wakantanka itokam nihduhukuya, qa mitokam nihduhukuya ca heyake yahduhdehdeca, qa mitokam yaceya; heon miš eya nacihon, Jehovah eya.

28 I ho, nihunkakepi ekta okipe ciye kta, qa ohnahnakapi nitawa en tanyan aniyanpi kta; qa oyanke kin de akan, qa ounyanpi akan taku Šica hiyuwaye kte cin owasin niišta kin wanyake kte šni. Unkan wicaštayatapi kin hosi kahdipi.

29 Unkan wicaštayatapi kin Judah qa Jerusalem hunkayapi kin owasin wahowicaya, qa mniciye wicaya.

30 Qa wicaštayatapi kin, qa Judah wicašta, qa Jerusalem ounyanpi kin owasin, qa wawayušnapi, qa Levi kin, qa oyate kin owasin, tanka cistinna koya Jehovah ti kin ekta ipi; qa wotakuye wowapi Jehovah ti kin ohna iyeyapi qon oie kin owasin nogepi en wicakiciyawa.

31 Qa wicaštayatapi kin cowahe t-iwa akan bosdan najin, qa Jehovah itokam wotakuye kin de kaga, Jehovah opeya inani kta, qa tawoahope, qa tawoyatanin, qa tawokage cante ocowasin, qa nagi ocowasin on patan kta, qa wotakuye oie wowapi kin de akan owapi kin iyecen econ kta.

32 Qa Jerusalem ounyanpi kin Wakantanka hunkake wicayapi wakandapi kin wotakuye tawa iyecen econpi kta, tona Jerusalem, qa Benjamin ohna hiyeye cin najin wicakiya.

33 Qa Josiah Israel cinca tamakocepi owancaya wowahtešni kin owasin yutokan, qa tona Israel ohna iyeyapi kin owasin Jehovah iye wakandapi kin ohoda wicakiya; anpetu tawa ihuniyan Jehovah hunkake wicayapi wakandapi kin opapi etanhan ihduhomnipi šni.

II ANPETU OYAKAPI WOWAPI WICOWOYAKE 35.

1 Unkan Josiah Jerusalem ohna woacakšin Jehovah kicaga, qa wi tokaheya anpetu iwikcemna sanpa topa kin en woacakšin kin patapi.  

2 Qa wawayušnapi kin toawanyakapi kin en najin wicakiya, qa Jehovah ti wokicanye kin on iyowicapastaka.

3 Qa Levi kin Israel owasin onspewicakiyapi, qa Jehovah on wakanpi kin hena hewicakiya, Canwohnaka wakan kin tipi Solomon David cinhintku Israel wicaštayatapi kin kicage cin en kihnakapi, niyepi dehan he hiyete akan yaqinpi kte šni, Jehovah wakanyadapi kin, qa taoyate Israel owicakiyapo.

4 Qa hunkake wicayayapi tipi kin iyecen, qa David Israel wicaštayatapi tawowapi en, qa cinhintku Solomon tawowapi en nipainnipi kin iyecen, wiyeya icihnakapo.

5 Qa oyate cinca nihunkawanjipi ateyapi tipi obepi kin iyecen, qa Levi ateyapi tipi kin wicapamnipi kin iyecen, tipi wakan kin ohna najinpo.

6 Qa woacakšin kin patapo, qa ihduwakanpo, qa nihunkawanjipi wiyeya wicakicagapo, hecen Jehovah oie Moses nape kin on he iyecen econpi kta.

7 Unkan Josiah tahincaska cinca, qa hekinškayapi cinca oyawa kektopawinge wikcemna yamni hena owasin woacakšin on oyate cincapi hen hiyeye cin wicaqu; nakun pte kektopawinge yamni; hena owasin wicaštayatapi tawanunyanpi etanhan.

8 Qa mdetanhunka tawa kin itukil'ianpi wošnapi, oyate kin, wawayušnapi kin, qa Levi kin wicaqupi. ftilkija, qa Zekareja, qa Jehiel Wakantanka ti itancanpi kin wawayušnapi kin woacakšin on tahinca kektopawinge nonpa qa opawinge šakpe, qa pte opawinge yamni, wicaqupi.

9 Qa Konaneja, qa emayeja, qa Netaneel sunkawicaya, qa Hasabeja, qa Jiyiel, qa Jozabad Levi itancanpi kin woacakšin on tahinca kektopawinge zaptan, qa pte opawinge zaptan wicaqupi.

10 Hecen wokicanye km wiyeya kagapi; qa wawayušnapi kin oyanke tawapi ohna najinpi, qa Levi kin wicapamnipi kin iyecen, wicaštayatapi kin econ wicaši kin iyecen.

11 Qa woacakšin patapi, qa Levi ha yuzapi napepi kin etanhan wawayušnapi kin we kin amnimnipi ce.

12 Qa oyate cincapi ateyapi tipi obepi kin iyecen wicakipamnipi ca taku huhnahyapi kta Jehovah kahipi kta on yukinukanpi, Moses tawowapi en owapi kin iyecen, qa pte on nakun hecen econpi.

13 Qa woacakšin kin pasnupi, peta akan, woyaco kin iyecen; tuka taku yuwakanpi kin he cega ohna, qa wakšica ohna Spanyanpi, qa oyate kin owasin kohanna wicakipamnipi.

14 Qa ohakam iyepi on, qa wawayušnapi on wiyeya kagapi, wawayušnapi Aaron cinca kin htayetu hehanyan wohuhnahyapi kin, qa wasin kin huhnahya unpi; heon Levi kin iyepi on, qa wawayušnapi Aaron cinca kin on wiyeya kagapi.

15 Qa wadowanpi kin Asap cinca kin wohtani tawapi ekta najinpi, David, qa Asap, qa Heman, qa .Tedutun wicaštayatapi wawanyake tawa woahope tawapi kin iyecen; nakun tiyopa awanyakapi kin tiyopa otoiyohi ekta yakonpi, hena wohtani tawapi etanhan ihdutokanpi kte šni, hunkawanji wicayapi Levi kin hena on wiyeya wicakicagapi nakaš.

16 Hecen anpetu kin he en Jehovah on wohtani kin owasin econpi, woacakšin kagapi kin, qa wohuhnahyapi Jehovah owayušna tawa akan huhnahyapi, Josiah wicaštayatapi econ wicaši kin iyecen.

17 Unkan Israel cinca kin hen hiyeye cin he ehan woacakšin kagapi, qa aguyapi napohyapišni wohanpi kin anpetu sakowin.

18 Unkan Israel ohna woacakšin wan he iyecen kagapi šni, Samuel waayate kin anpetu tawa ehantanhan; qa Josiah, qa wawayušnapi kin, qa Levi kin, qa Judah qa Israel hen mniciyapi owasin woacakšin kagapi kin iyecen, Israel wicaštayatapi kin owasin kagapi šni.

19 Josiah wawidake cin waniyetu iwikcemna sanpa sahdogan kin en woacaksm kin he kagapi.

20 Hena owasin, qa Josiah tipi piya kaga iyohakam, Neko Egypti wicaštayatapi kin Karkemiš -Yuprate ikiyedan wanke cin azuye kta e itanwankanhde u. Unkan Josiah itkokipe kta inanpa.

21 Unkan wahosi ekta ye wicaši, qa heciya, Judah wicaštayatapi, miye qa niye unkiyotahedan taku un he 1 Niye tacikpe wau šni, tuka tipi wan wakize cin he, qa taku wakan inahni masi. Taku wakan mici un ce; itkokim yau enakiya wo, hecen ihanšniye kte šni.

22 Tuka Josiah iye etanhan ite kin hduhomni šni, qa kize kta ihdutokeca, hecen Neko oie kin taku wakan i kin etanhan anagoptan šni, qa Megiddo osmaka en kize kta i.

23 Unkan itazipa yuhapi kin wicaštayatapi Jos'ja opi. Unkan wicaštayatapi kin taokive, hewicakiya, Tokan amayanpo, tehiya maopi ce.

34 Unkan taokiye canpahmihma kin etanhan yutokanpi, canpahmihma inonpa yuhe cin ekta, qa Jerusalem ekta ahdipi. Unkan ta. Unkan hunkake wicnya ohnahnakapi kin en bnakapi; qa Judah, qa Jerusalem owasin Josiah aceyapi.

25 Unkan Jeremia aceya, qa wadowanpi wica winyan koya owasin ceyapi en Josiah cajeyatapi, anpetu kin dehanyan, qa wokajre kin he Israel qupi, qa iho hena Wicaceya kin en owapi ce.

26 Qa Josiah ohan unman, qa Jehovah toope en owapi kin iyecen towacankiye;

27 Qa ohan kin tokaheya qa ehake kin, iho, hena Israel qa Judah wicaštayatapi kin tawowapi kin en owapi ce.

II ANPETU OYAKAPI WOWAPI WICOWOYAKE 36.

1 Unkan makoce oyate kin Jehonhaz Josiah cinhintku kin icupi, qa atkuku eekiya Jerusalem ohna wicaštayatapi kagapi.

2 Jehoahaz waniyetu wikceninu nonpa sanpa yamni qehan toka wawidake ca wi yamni Jerusalem ohna wawidaka.

3 Unkan Egypti wicaštayatapi kin Jerusalem en hi, qa he yutokan, qa mazaska woqiu opawinge, qa mazaskazi woqin wanjidan mnaye wicaši.

4 Qa Egypti wicaštayatapi kin cincu Ehaqim, Judah qa Jerusalem on, wicaštayatapi kage ca caje kin yatokeca, Jehoiakim eciya; qa he sunkaku Jehoahaz Neko icu, qa Egypta ekta ahda.

5 Jehoiakim waniyetu wikcemna nonpa sanpa zaptan qehan toka wawidaka, qa waniyetu wikcenma sanpa wanjidan Jerusalem ohna wawidake ca taku šica Jehovah iye wakanda ista kin en econ.

6 Unkan Nebuchadnezzar Babel wicaštayatapi kin iye takpe hi, qa mazasa icicahitia on kaška, Babel ekta aye kta.

7 Nebuchadnezzar nakun Jehovah ti wakšica kin etanhan hunh Babel ekta aya, qa Babel tipi wakan kin ohna hena kihnaka.

8 Unkan Jehoiakim ohan unman, qa wowahtešni econ, qa en iyeyapi kin, iho hena Israel qa Judah wicaštayatapi wowapi kin en owapi ce. Unkan iye cinhintku Jehoiakin hcekiya wicaštayatapi.

9 Jehoiakin waniyetu akesahdogan qehan toka wawidake ca wi yamni, qa anpetu wikcemna Jerusalem ohna wawidaka, qa taku šica Jehovah ista kin en econ.

10 Unkan waniyetu oihuni kin hehan wicaštayatapi Nebuchadnezzar taakicita ekta ye wicaši, qa Babel ekta ahi, nakun Jehovah ti wakšica wiciyokipi kin. Qa ateye cin Zedekija Judah qa Jerusalem on wicaštayatapi kaga. ',

11 Zedekija waniyetu wikcemna nonpa sanpa wanjidan qehan toka wawidake ca waniyetu wikceinna sanpa wanjidan Jerusalem ohna wawidaka.

12 Qa Jehovah iye wakanda ista kin en taku šica econ, qa Jeremia waayate Jehovah i kin ecivatanhan ie cin itokam ihduhukuye šni.  

13 Qa nakun wicaštayatapi Nebuchadnezzar kipajin, he qe taku wakan cajeyan wakonze . kiye ciqon; tuka tahu botinkiya, qa cante kin ihdusuta, hecen Jehovah Israel wakandapi kin en , ihduhomni šni.

MISSING VERSES 14-23 OF 2 CHRONICLES 36