Samuel Tokaheya (1 Samuel) 16-31 Dakota Wowapi Wakan Kin Bible Translation

SAMUEL TOKAHEYA WICOWOYAKE 16.

1 Unkan Jehovah Samuel heciya, Tohanyan niye Saul on iyokisin niciye kta he 1 Israel iwankam wicaštayatapi kte šni wakonza, heon etanhan. Tahe duhe cin wihdi ojuya wo, qa ito Jesse Betlehemi kin ekta ye ciSi kta, iye cinca kin etanhan wicaštayatapi wan wahdahniga nakaš.

2 Unkan Samuel heya, Token mde kta he 1 Saul he nahon kinhan makte kta. Unkan Jehovah heya, Pte heyuktanna wan nape on iyacu kta qa, Jehovah wawakiyusna kta e wahi ce ehe kta.

3 Qa wošnapi ekta Jesse yeco kta, qa token ecanon kta miye sdonye ciciye kta, qa tuwe eciciye cin he sda miyeciciye kta.

4 Unkan Samuel token Jehovah eye cin iyecen econ, qa Betlehem ekta i. Unkan otonwe hunkayapi kin cancanyan itkokipapi, qa, Wookiye en yahi he t eyapi.

5 Unkan heya, Wookiye en Jehovah wawakiyusna kta e wahi ce. lluluwakunpo, qa wošnapi ekta mici yapo. Qa Jesse, qa iye cinca kin wicayuwakan, qa wošnapi ekta wicakico.

6 Unkan hiyupi qehan, Ehab wanyake ca heya, Jehovah sda kiye cin he itokam najin ce.

7 Tuka Jehovah Samuel heciya, Ihnuhan itohnake, qa tancan hanske cin ekta eyatonwe cin. He ihawaktašni nakaš, wicašta wieista kin en etonwanpi, tuka Jehovah wicacante kin atonwan, hecen wicašta wanyakapi kin iyecen wanmdake šni.

8 Unkan Jesse Abinadab kipan, qa Samuel itokam hiyaye ya. Unkan he nakun Jehovah kahnige šni, eya.

9 Unkan Jesse Sanma hiyayeya. Unkan, he nakun Jehovah kahnige šni, eya. 10 Hecen Jesse iye cinhintku šakowin Samuel itokam hiyaye wicaya. Unkan Samuel Jesse heciya, Hena Jehovah wicakannige šni.

11 Unkan Samuel Jesse heciya, Koška denanapi he? Unkan, Hakakta nahanhin hi šni; tuka ito tahinca kin wihanwicaya, eya. Unkan Samuel Jesse heciya, Tuwe huweye Si wo. Tohanyan den hi šni, wotapi unkiyotankapi kte šni ce.

12 Unkan huweyapi, qa en hiyuyapi. Unkan ite kin sa, qa ista wiciyokipi, qa owanyagwašte. Unkan Jehovah heya, Najin, qa sdaya wo, dee nakaš.

13 Unkan Samuel tahe wihdi ojutonpi kin icu, qa cinye wicaye cin wicehna sdaya. Unkan anpetu kin he ehantanhan Jehovah toniya kin Dawia ahinhe. Unkan Samuel najin iyaye ca Rama ekta kihda.

14 Unkan Jehovah toniya kin Saul ayuštan iyaya; unkan woniya šica wan Jehovah etanhan yusinyeya.

15 Unkan Saul taokiye kin heciyapi, Inyun yusinye niye cin woniya wakan šice ee.

16 Ito itancan unyanpi hecon wicayasi kinhan, nitaokiye nitokam najmpi kin wicašta wan candowankiyapi econ wayupika akitapi kta; unkan woniya wakan šice cin anihinheya ca nape on dowan kiye kta, hecen niye on wašte kta.

17 Unkan Saul taokiye hewicakiya, Wicašta wan candowankiya wayupika amicicitapo, qa en hiyu makiya po.

18 Unkan koška  pi etanhan wanji ie ca heya, Iho Jesse Betlehemi kin cinhintku wan candowankiya wayupika wanmdaka, wicašta wašaka, waditaka, ozuye wicašta, qa ie ksapa, qa owanyag wašte, qa Jehovah he kici un ece.

19 Unkan Saul Jesse ekta ohnihde ye wicaši, qa heciya, Nicinksi Uawid tahinca awanyakc cin he miye ekta u si wo.

20 Unkan Jesse šonšonna wan aguyapi qin kiye ca miniša opahte wan, nakun hekinškayapi wanunyanpi cinca wan icu, qa iye cinhintku David, hena yuha, Saul ekta yesi.

21 Unkan David Saul ekta i, qa itokam najin. Unkan nina waštedaka, unkan tawipe kicicin ece.

22 Unkan Saul Jesse wahoye ca heciya, Tokin David mici yanke kten; Miišta en woiyokipi iyeya nakaš. Unkan woniya taku wakan etanhan Saul iyahpaya eca, David candowankiyapi kin icu, qa nape on dowankiya, qa Saul a sm kiya, hecen tanyan un, qa woniya šice cin he ayuštan iyaya ece.

SAMUEL TOKAHEYA WICOWOYAKE 17.

1 Unkan Philisti wokicize on obe mnaiciyapi, qa Soko Judah tawapi en ihduwitayapi, qa Soko qa Azeka otahedan Epesdanmim ohna ahitipi.

2 Unkan Saul qa Israel wicašta kin ihdn\vitayapi,qa Ela (utuhu) osmaka en tipi, qa kicizapi kta Philisti wicitkokim ocimdagehan najinpi.

3 Unkan Philisti he wan akan najinpi, qa Israel he tokeca wan akan najinpi, qa hena otahedan kaksiza wan wanka.

4 Unkan Philisti owanka etanhan wicašta wašaka wan inanpa, Goha eciyapi, Gat etanhan, ohanske cin wicišpa šakpe, qa napapasdecapi wanjidan.

5 Qa pa kin akan mazaSa wapaha wan un, qa maku akaftpe mazacespu seca koyag ya, qa maku akahpe mazasa kin tkeutapi kin Šeqel kektopawinge zaptan.

6 Qa huha kin akan mazasa akahpa, qa mazasa wahacanka wan tatipa akan yuha.

7 Qa tawahukeza ihupa kin wakazuntapi ihupa wan iyececa, qa tawahukeza hi kin mazasapa oeqel opawinj e akpe, qa wicašta wan wahacanka yuha he itokam mani.

8 Qa owanji najin, qa Israel ocimdah najinpi kin wicakipan, qa hewieakiya, Tokeca ocimdah wakizapi kta yahipi he 1 Miye Philisti wicašta hemaca šni he? qa niyepi Saul wowidag niyanpi. Wicašta wan miye ekta hi kte cin hdarinigapo;

9 Makize ca makaštake kta okihi kinhan wowidake unyaduhapi kta; tuka miye he ohiwaye ca wakaštake cinhan, wowidake unniyuhapi kta.

10 Unkan Philisti wicašta kin heya, Nakaha Israel obe ocimdah okicize eciciyapi, Wicašta wan maqupo, hecen unkicizapi kta.

11 Unkan Saul, qa Israel owasin Pihsti oie kin hena nahonpi qehan, yusinyayapi, qa nina kokipapi.

12 Unkan Eprati wicašta qon Jesse eciyapi, Betlehem .luda etanhan, David cinkšiya. Qa cinhintku sabdogan qa wicašta kin he Saul wicaštayatapi qehan, wicašta ehna wicahinca yawapi ece.

13 Qa Jesse cinhintku tokapa yamni iyayapi, qa wokicize ekta Saul opapi; qa cinhintku yamni wokicize ekta ipi kin dena cajcpi, caske kin Ehab, qa iyokihe Abinadab, qa iyamni Sanma eciyapi.

14 Unkan David hakakta, tuka yamni tokapa kin hena Saul opapi.

l5 Wanna David Gaul etanhan iyaye ca atkuku tahinca tawa wihan wicakiye kta Betlehem ekta ki.

16 Unkan Philisti wicašta qon hanhanna htayetu koya anpetu wikcemna topa wicikiyedan hinajin.

17 Unkan Jesse iye cinhintku David heciya, ceonpapi kin de etanhan epawanji nicinye on icu wo; nakun a uyapi wikcemna kin dena, qa owanka ekta nicinye ekta inyang ya wo.

18 Qa pte asanpi suta wikcemna kin dena akicita kektopawinge itancan kin yakai kta; qa nicinye tanyan unpi kinhan iwanwicadake kta, qa taku icazo icupi kin wicayecicajuju kta.

19 Hehan Saul, qa hena, qa Israel owasin Ela (utuhu) osmaka ekta Philisti wicakizapi.

20 Unkan David hanhannahin kikta, qa waawanyake wan tahinca kin awanyag gi, qa hena yuha iyaya, Jesse econ si qon he iyecen, qa wahpaya hnakapi ekta i, ozuye ocimdah iyayapi, qa wicakizapi kta iyayapi iyehan.

21 Unkan Israel ocimdah iyayapi; unkan Philisti wicitkokim ocimdah hinajinpi.

22 Unkan David taku ahi kin wahpaya awanyake cin nape ohna ehpeya, qa iya}'e ca kicizapi kin ocimdah najinpi kin ekta l, qa cincu tanyan unpi hecinhan iwicawanga.

23 Qa om wohdaka icunhan, Inyun wicašta wašaka qon, Goha Pihsti kin eciyapi, Gat etanhan, Philisti ocimda ehan najinpi kin etanhan inanpa, qa oie eye ciqon iyecen ia; unkan David nahon.

24 Unkan Israel wicašta owasin wicašta qon wanyakapi qehan, etanhen najicapi qa nina kokipapi.

25 Unkan Israel wicašta kin heyapi, Wicašta itanwankanhde u kin de wandaka he? Israel isten wicaye kta e hiyu ce. Ileon tuwe he kaštake cinhan wicaštayatapi kin wicašta kin he wijica kaj e kta, wowijice tanka on, qa iye cunwintku qu kta,qa atkuku tiyohnaka Israel ohna ihduhapi heca wicakaae kta.

26 Unkan David wicašta iye ikiyedan najinpi kin hewicakiya, Tuwe Pihsti wicašta kin kaštake ca Israel isten wicaye cin yutokan kin, wicašta kin he token ecakiconpi kta he 1 Pihsti baki416 hdayapi šni kin he tuwe on nakaha, Taku Wakan ni un taozuye kin istenya he?

27 Unkan oyate kin wicoie qon iyecen eyapi, qa heciyapi; Tuwe wicašta kin he kaštake cinhan hecen ecakiconpi kta.

28 Unkan cincu tokapa kin Ehab wicašta om wohdaka kin nahon, qa Ehab David canniyeya, qa heya, Tokeca den yahi he? qa tahinca tonana kin hena tuwe yuha hewoskan ehpe wicayaya he 1 Wahannicida, qa taku šica nicante en un kin sdonwaya; wokicize wanyag yahi nakaš\

29 Unkan David heya, Xakaha taku ecamon he? qa hecamon kta iyecece šni he 7

30 Qa cincu tantanhan wicašta tokeca wan ekta ihduhomni, qa wicoie qon ake heya. Unkan wicoie tokaheya qon iyecen ake eyapi.

31 Unkan wicoie David eye cin nahonpi, qa Saul okiyakapi; unkan he wahoya. 32 Unkan David Saul heciya, Ihnuhan wicašta tuwe cante kin hanye cin. Nitaokiye ekta i kte ca Pihsti kin de kize kta. '

33 Unkan Saul David heciya, Pihsti kin de ekta de ca yakize kta oyakihi šni; honiksidan, qa iye hokšidan ehantanhan, wicašta zuye Fa.

34 Unkan David Saul heciya, Nitaokiye iye atkuku tahinca awankiciyaka yanka ca mnaja wan en hi, qa wahankšica wan nakun, qa optaye etanhan tahinca wan icupi.

35 Unkan ihakam kuwa imdamde ea wakaštake ca i kin etanhan iwekcu, qa anamajin qehan putinhin mduze ca wakaštake ca wakte.

36 Nitaokiye mnaja, qa wahankšica napin wicakte, qa Pihsti bakihdayapi grii kin de hena wanji iyececa kta. Taku wakan ni un kin taozuye kin isten ya nakaš.

37 Nakun David heya, Jehovah mnaja nape kin etanhan, qa wahankšica nape etanhan emahdaku kin he Pihsti kin de nape kin etanhan emahdaku kta ce. Unkan Saul David heciya, Ekta ya wo, qa Jehovah nici un nunwe.

38 Unkan Saul iye tawokoyake kin David koyag kiye ca muzasa wapaha \van pa akan ehnake ca mazasapa maku akahpe wan koyag ya

39 Unkan David heyake kin akapa tanhan mazasagye kin ipiyag kiton, qa nahanhin ute šni heon mani kta uta. Qa David Saul heciya, Dena nahanhin imdute šni, heon yuha mde kta owakitpani, qa David hena hdusdoka.

40 Qa cansagye nape en ikikcu, qa wakpadan etanhan inyan sdu6duta zaptan kahnige ca winankiyapi wipe hduhe ehna wojuha en iyeye ca iyuhmun nape ohna ikikcu, qa Pihsti kin ikiyedan ya.

41 Unkan Pihsti kin mani, qa David ikiyedan hiyu, qa wicašta wahacanka kiciyuhe cin he itokam mani.

42 Qa Pihsti kin etonwe ca David wanyake ca ihakta šni, he hokšidan, ite kin sa, qa owanyag wašte nakaš.

43 Unkan Pihsti kin David heciya, Sunka hemaca kecanni heon cansagye kiton tatpe mayahi he? Qa Philisti taku iye wakan da on David yašica.

44 Qa Pihsti kin David heciya, Kuwa wo, hecen nicehpi kin mahpiya okinyanpi kin, qa tinta wamanica kin wicawaqu kta.

45 Unkan David Pihsti kin heciya, Niye maza sagye, qa wahukeza, qa canhpi hduha tatpe A3 mayahi, tuka miye Jehovah obe yuha Israel ozuye wakandapi kin isten yaye cin he eajeyan niye ekta wau ce.

46 Qa nakaha Jehovah minape en nicu kta, qa cicastake kta, qa nipa kin bacikse kta, qa Philisti obepi cehpi kin manpiya okinyanpi kin,qa maka wamanica kin wicawaqu kta, hecen Israel en taku Wakan yukan maka owancaya sdonyapi kta.

47 Qa Jehovah mazasagye, qa wahukeza on ni wicaye šni omniciye kin de ocowasin sdonyapi kta. Wokicize kin de Jehovah tawa ce, qa unnapepi en unnicupi kta nakaš.

48 Unkan Pihsti k 'n najin qa mani, qa David itkokipe kta ikiyedan u qehan, David inahni, qa Pihsti kin itkokipe kta wokicize ekta inyanka.

49 Qa David tawojuhadan ekta nape yekiye ca hetanhan inyan wan icu, qa kaho iyeya, qa Pihsti ite en iheya, unkan inyan kin ite kin mahen iyaya, heon ipusdiya makata hinhpaya.

50 Hecen David iyuhmun, qa | inyan wan on Pihsti kin ohiye ca Pihsti kin kaštake ca tekiya, tuka David nape ohna isan nica.

51 Heon David inyanke ca Pihsti tancan kin akan iyahan, qa isan tawa kin yusdoka, ojuha I etanhan, qa te kiya, qa on pabaksa. Unkan Pilštim kin wicai sta wašaka tawapi kin wanna ta wanyakapi hehan najicapi.

52 Unkan Israel qa Judah wioašfa kin najinpi, qa iyasapi, qa Philisti kuwa ewicayayapi, osmnka ekta de cin, qa Yeqron tiyopa ekta hehanyan. Unkan Philisti capapi kin hena hinhpayapi canku otonwe tiyopa kin iyahde ohna Gat ekta, qa Yeqron ekta hehanyan.

53 Unkan Israel cine a kin Philisti wicakuwapi etanhan ihdamnapi, qa owanka qon ohna wahpava kin icupi.

54 Unkan David Pihsti qon pa kin icu, qa he yuha Jerusalem kta i, tuka tawipe kin wakeya tawa in kihnaka.

55 Unkan Saul David Pihsti kin itkokipe kta iyaye cin wanyake cehan taozuye itancan kin Abner heeiya, Abner koška   kin de tuwe cinhintku he1? Unkan Abner heya, Wicaštayatapi nina i ni kin sdonwaye šni.

56 Unkan wicaštayatapi kin heya, Niye iwan ia wo, koška   kin tuwe cinhintku he?

57 Unkan David Pihsti kin kaštake cin etanhan ku qehan, Abner he icu, qa Saul itokani hiyuya. Pihsti pa kin nape ohna yuha un.

58 Unkan Saul heeiya, Koška   tuwe cinhintku kin he niye he? Unkan, Nitaokiye Jesse Betlehemi cinhintku kin he miye, David eya.

SAMUEL TOKAHEYA WICOWOYAKE 18.

1 Unkan Saul kici wohdaka ayastan qehan, Jonatan naj i kin David na ii en iya-ihdaske ca Jonatan he wašte daka iye naj i kin iyecen.

2 Unkan anpetu kin he en Saul he icu, qa atkuku ti en hde kta icimana iyowinkiye šni.

3 Unkan Jonatan iye nagi kin iyecen David wa tedaka, heon otakuye kicicaya.

4 Qa Jonatan sina in kin hdusdnke, ca David qu, nakun taheyake, qa isan tawa, qa tinazipe, qa ipiyaka tawa.

5 Unkan David tokiya kašta Saul yesi kin owasin ekta i, qa wayupiya econ. Unkan Saul taakicita tancan kaga. Unkan oyate kin owasin iyowicakipi; nakun Saul taokiye owasin iyowicakipi.

6 Wanna David Pihsti kin kaštake cin etanhan hdicupi qehan, winohinca Israel otonwe owasin etanhan inanpapi, cancejja, qa candownnkiyapi yuha, wiyuškinyan do won pi, qa wacipi Saul wicaštayatapi itkokipapL

7 Qa winohinca skatapi akiciyuptapi qa neynpi, Saul kektopawinge ota kte, qa David kektopawinge wikcenma ota.

8 Heon Saul nina sihda, qa wicoie kin he šicedaka qa heya, Ecah David kektopawinge wikcenina qupi, qa miye keptopa: win e wanjidan maqupi. EhaeS tokata iye wicaštayatapi kta.  

9 Unkan anpetu kin he etanhan, Saul David inakiwizi.

10 Unkan ihanhanna etanhan taku wakan etanhan woniya šica kin Saul iyafipaya, heon ti pi ohna waayate. Unkan David nape kin on dowankiya, anpetu iyohi hecon ece kin iyecen. Unkan Saul nape kin ohna wahukeza yuha.

11 Unkan Saul wahukeza kin yuwankan icu, qa, David tiunnaptan icam ibewaye kta ecin. Tuka itokapa tan han David ihdutokan. nonpa akihde.

12 Unkan Saul David kokipa, Jehovah he kici un, qa Saul ayustan heon etanhan.

13 Heon Saul iye etanhan tokan iyaye ya, qa akicita kektopawine itancan ka;a. Unkan oyate itokam inanpa. qa hdi.

14 Qa Daw id ol'ianye cin owasin en ksapa, qa Jehovah kici un.

15 Qa nina ksape cin he Saul wanyaka, heon itokain inihan.

16 Unkan Israel, qa Judah owasin David wašte dakapi, wicitokam inanpe ca en hdi nakaš.

17 Unkan Saul David heciya, Howo micinkši, wadinitake ca Jehovah tokicize yakize cinhan, micunkši tokapa Merab he duze kta e cicu kte. Minape he ape kte šni, tuka Philisti napepi kin heconpi kta Saul ecin nakaš.

18 Unkan David Saul hecij-a, Miye niatuwe he? qa wani kin, ate wicowazi tawa Israel ohna he taku on, wicaštayatapi kin takos maye kta he?

19 Unkan Saul cunwintku Merab David qupi kta iyehantu qehan; Adriel Meholati tawicu kta e qupi.

20 Unkan Mikal Saul cunwintku kin David wašte daka. Unkan Saul okiyakapi. Unkan wicoie kin he iye ista kin en wašte.

21 Unkan, He waqu kta, hecen he hmunke kta, qa Philisti apapi kta, Saul eya qa, Nonpapi on nakaha takos ciye kta Saul David eciya.

22 Howo wicaštayatapi kin wašte nidaka, qa taokiye owasin wašte nidakapi, heon wicaštayatapi kin tunkan ya wo, Saul taokiye owasin David nahmana eciye wicaši.

23 Unkan Saul taokiye wicoie kin hena David noge ohna eyapi. Unkan David heya, Wicaštayatapi kin tunkan yanpi kte cin taku šni yadapihe? Miye mawahpanica, qa mataku šni tuka.

24 Unkan Saul taokiye kin okiyakapi, qa Wicoie kin dena iyecen David ia, eyapi.

25 Unkan Saul heya, Decen David eciyapo, Wicaštayatapi kin wohpe takudan cin šni, Philisti ceinkpaha kin opawinge wanji heceedan, hecen wicaštayatapi kin tokayapi towicakicon kta. Hecen Saul David Philisti napepi on te ye kta kecin.

26 Unkan taokiye David wicoie kin hena okiyakapi. Unkan wicaštayatapi tunkan ye kta wicoie kin David iyokipi, qa anpetu cajeyatapi kin nahanhin henakeca šni;

27 Qehan David iyaya, iye qa wicašta wicayuhe cin qa Philisti wicašta opawinge nonpa wicakaštakapi, qa ceinkpaha tawapi kin, David yuha hi, qa wicaštayatapi takosye kta e owasin kiciyawa. Unkan Saul iye cunwintku Mikal tawicu kta e qu.

28 Qa Jehovah David kici un kin, qa Mikal Saul cunwintku David waštedake cin Saul wanyake ca sdonya.

29 Unkan ake Saul David on sanpa kokipe ca Saul anpetu owasin David toka ya.

30 Unkan ake Philisti itancanpi kin zuya hipi, qa zuya hipi eca David Saul taokiye owasin isanpa ksapa ihdutanin, qa caje kin nina kinihanpi.

SAMUEL TOKAHEYA WICOWOYAKE 19.

1 Unkan Saul iye cinhintku Jonatan, qa taokiye owasin David ktepi kta kewicakiya, tuka Jonatan Saul cinhintku kin David nina wašte daka.

2 Heon Jonatan David okiyake ca heya, Ate nikte kta akin un, heon waktaya un wo, hanhanna kte cin hehanyan, qa inahma, qa nahmanna iwanka wo.

3 Qa miye inawape kta, qa tinta ohna ate kici nawajin kta, nanke kte cin ikiyedan, qa niye on ate kici iwae kta, qa taku wannidake kte cin he ociciyake kta.

4 Unkan Jonatan iye atkukn Saul kici David on taku wašte ie ca heciya, Ihnuhan wicaštayatapi kin taokiye David en wahtani kin, iye wanicihtani šni, tuka tnku ecanicon kin owasin wašte hinca.

5 Qa nagi kin nape en ikikcu, qa Pihsti kin kaštaka, qa woehdaku tanka Jehovah Israel owasin on econ kin wandake ca nina widuskin. Heon nakaha tokeca taku šni on David te yaye kta, qa tuwe takudan šica econ šni we kin awayahtani kta he?

6 Unkau Saul Jonatan ho kin nahon, qa wakonze ca Jehovah ni kinhan teyapi kte šni, eya.

7 Unkan Jonatan David kipan, qa Jonatan wicoie kin hena owasin okiyaka, qa Jonatan David kici Saul ekta ipi, qi he itokam kici un qon ake iyecen kici un.

8 Unkan ake zuya tipi, unkan David inanpe ca Philisti wicakiza, qa wopate tanka on wica! kaštaka, heon itokapa tanhan napapi.

9 Unkan woniya šica qon Jehovah etanhan Saul akan un qehan, ti kin ohna iyotankehan, nape ohna. wahukeza hduha; unkan; David nape on dowankiya.

10 Unkan Saul wahukeza on tiunnaptan ekta David cape kta kecin, tuka Saul itokapa tanhan inasMoka; unkan wahukeza on tiunnaptan kin capa. Unkan David najica, qa hanyetu kin he en niiciya.

11 Unkan Saul David ti kin ekta ohnihde ye wicaši, awanyakapi kta, qa ihanhanna kinhan ktepi kta, heon etanhan. Unkan Mikal David tawicu kin okiyake M htya. Ninaiii hanyetu kin de niniciye šni kinhan, heyakecin, han nite kta ye.

12 Qa Mikal owanyeye wan ohna David kun iyaye ya. Unkan iy.ivc ca najice ca niiciya.

13 Unkan Mikal wakagapi wan icn, qa towinja akan ehnake ca hekinškayapi hin ipahin pa kin ihu kuya yeya,qa sina wan on akafipa.

14 Unkan Saul ohnihde David no we ye wicaši; unkan, Wayazanka ye, eya.

15 Unkan Saul ohnihde wanyakapi kta ye wicaši, qa, Wakte kta e owinja akan miye en aupo, eya.

16 Unkan ohnihde wicaye cin ekta ipi, qa inyun wakajrapi wan owinja akan yanke ca pa kin ekta hekinškayapi hin ipahin yapi.

17 Unkan Saul Mikal heciya, Tokeca decen mayahnayan, qa tokawaye cin iyaye yaya he? hecen wanna niiciya. Unkan .Mikal Saul heciya, lye hecen rmakiya ye, Ye mayan wo, tokeca cikte kta he 1

18 Unkan David najice ca niiciye ca Samuel ekta i, Rama ekta, qa taku Saul ecakicon owasin okiyaka. qa Samuel kici iyaya, qa Naiot (Waayate tipi) en tipi.

19 Unkan, Ito David Naiot en, Kama ohna yanka ce, Saul okiyakapi.

20 Unkan David yuzapi kta, Saul ohnihde ekta ye wicaši. Unkan waayatc optaye woyakapi kin, qa Samuel wiciwankani najin wanyakapi qehai. taku wakan toniya kin Saul ohnihde wicaya awicahinhpaya, qa is eya woyakapi.

21 Unkan Saul okiyakapi qehan, ohnihde tokeca yewicaši, unkan is eya woyakapi. Unkan ake iyamni Saul ohnihde yewicaši; unkan ii eya woyakapi.

22 Hehan is eya Rama ekta i, qa minihdoka tanka Sckuen yanke cin ehon i qehan, tvawiwanire ca Samuel qa David tukten unpi he? eya. Unkan waayate tipi en, Rama ohna yakonpi ce, eyapi.

23 Unkan waayate tipi Rama ohnaun kin ekta i. Unkan taku wakan toniya kin is eya akan un, qa waayate tipi ekta, Rama en i kin hehanyan mani, qa waayata.

24 Unkan is eya, wokoyake hdusdoka, qa is eya Samuel itokam woyaka, qa anpetu kin he osan, qa hanyetu osan tancodan makata wanka; heon Saul is eya waayatapi om yanka he? eyapi.

SAMUEL TOKAHEYA WICOWOYAKE 20.

1 Unkan David waayate tipi, Rama ohna yanke cin hetanhan najice ca Jonatan ekta i, qa heciya, Taku ecamon he? qa miohan šica tukte e he? qa niyate itokam wawahtani tukte e he on minagi kin akita?

2 Unkan heciya, Hiya hecetu sŠni nite kte šni. Ate taku tanka qais takucistinna unmanna econ ni ece, minoge yazamni šni itokam, qa token wicoie kin de miye etanhan nahman kta he? hecetu šni ce.

3 Unkan David taku wakan cajeyate ca ake heya, Niišta en woiyokipi iyewaye cin niyate awicakehan sdonya, heon heya, Ihnunhan Jonatan de sdonye cinhan, okini ieante šice kta. Awicakehan Jehovah ni qa ninagi ni kinhan, miye qa wiconte otahedan caehde wanjidan.

4 Unkan Jonatan David heciya, Ninagi taku cin emayakiye cinhan ecacicon kta.

5 Unkan David Jonatan heciya, Ito heyakecinhan wi teca kin hee kta, qa miye wicaštayatapi kin kici imdotanke ca wawate kta iyececa. Tuka iyaye inakiya wo, hecen anpetu iyamni htayetu kte cin hehanyan magata inawahbe kta ce.

6 Niyate cajemayate cinhan, David cin makiya, qa imawanga, iye totonwe Betlehem ekta inyanke kta; heciya wicowazi owasin on anpetu wanjiksi wošnapi wicakicagapi ce, ehe kta.

7 Unkan Hecetu ce, eye cinhan nitaokiye wookiye yuhe kta. Tuka sihda kinhan, iye wanna wocanniye on ojudan sdonya wo.

8 Heon nitaokiye wocantkiye ecayecon kta; Jehovah wotakuye nitaokiye qa niye otahedan hiyuyaya nakaš: miohan šice cinhan niye makte wo, qa tokeca niyate ekta hiyu mayaye kta he?

9 Unkan Jonatan heya, Hiya niye on hecetu ni nunwe. Ate taku šica hiyu niciye kta konza e awicakehan sdonwaya unkaus ociciyake kta tuka.

10 Unkan David Jonatan heciya, Niyate icanksiya aniyupte cinhan tuwe omakiyake kta he?

11 Unkan Jonatan David heciya, Ito maga ekta unye kta. Unkan sakim maga ekta ipi.

12 Unkan Jonatan David heciya, Jehovah Israel Wakandapi kin namahon tohan ate imdute, heyakecinhan, qais heyakecinhan icima wi kin dehantu, David on wašte kinhan, tuwe niye ekta ye wasi šni, qa ninoge mduzamni ni kinhan,

13 Jehovah Jonatan hecen qa nakun isanpa ecakicon nunwe. Tuka taku šica ecanicon kta ate iyokipi kinhan, ninoge ohna ociciyake kta, qa toki ye cisi kta, hecen zaniyan yahde kta, qa Jehovah nici un kta, ate kici un qon he iyecen.

14 Qa tohan wani kin hehanyan ecedan Šni, tuka mate kte cin ohakam nakun Jehovah tawocantkiye ecamiyecon kta.

15 Qa nitawocantekiye watiohnaka etanhan icimana duspe kte šni; Jehovah David tokayapi kin owasin maka etanhan wicakaspa e ta.

16 Hecen Jonatan David ti kici otakuye ka a, qa heya, Jehovah David tokayapi kin kajuju wicakiye kta.

17 (Jnkan Jonatan ake, Taku wakan namahon David eya si, nina wašte daka heon etanhan; iye najri kin wašte kidake cin he iyecen he wašte daka nakaš.

18 Qa Jonatan heciya, Heyakecinhan wi teca kta, qa niye on wawiwangapi kta, oiyotanke nitawa kin cokadan kta nakaš.

19 Qa anpetu iyamni kohanna kun yau kta, qa anpetu taku econkupi qon tukten inayahbe cin he en yai kta, qa Ezel (iyayapi) inyan kin icahda yakidotanke kta.

20 Unkan unnaptan kin ekta wanhinkpe yamni ye waye kta, canwakute kte cin iyecen.

21 Qa ito hokšidan kin ye wasi kta, Wanhinkpe huwe ya wo, qa, Wanhinkpe niye itato yanka icu wo hoksina ewakiye cinhan, kuwa wo; wookiye duhe kta, Jehovah ni kinhan taku tica wanice kta.

22 Tuka, Do wanhinkpe ako yakonpi, hoksina ewakiye cinhan, hunktiya wo, Jehovah hee ye nisi ce.

23 Qa wicoie miye, qa niye unkeye cin. Jehovah .miye qa niye unkiyotahedan wayaatanin kta, owihanke wanica.

24 Unkan David maga ohna inahma. Unkan wi teca qehan, wicaštayatapi kin aguyapi yute kta iyotanka

25 Qa wicaštayatapi kin toiyotanke akan, ohinniyan econ qon he iyecen, iyotanka, tipi unnaptan icahda, oiyotanke he cin he akan, qa Jonatan najin qa Abner qa Saul icahda iyotankapi. tuka David oiyotanke tawa cokadan hun, wanyakapi.

26 Unkan Saul anpetu kin he en takudan eye šni. Taku akipa on ska šni, qa nahanhin yuškapi šni kecin nakaš.

27 Unkan ihanhanna wi anpetu inonpa qehan, David oyanke tawa cokadan han wanyakapi. Unkan Saul iye cinhintku jonatan heciya, Tokeca Jesse cinhintku wotapi en hi Šni? htanihan, qa nakun nakaha.

28 Unkan Jonatan Saul ayupta, David Betlehem ekta hde kta nina cinmakiya.

29 Qa heya, Tokin Betlehem ekta mde kta iyowin mayakiyen; otonwe ohna wicowazi wošnapi wan unhapi, qa cinye ekta u masipi, heon wanna niišta en woiyokipi iyewaye cinhan nawajice ca cinye wanwicauidake kta. Qa heon wicaštayatapi tawahna wotapi ekta hi šni.

30 Unkan Saul Jonatan ni na canniye ye ca heciya, Witkowin wakipajin cinhintku kin henica. Awicakehan isten niciye kta, qa nihun tancodan isten yaye kta e Jesse cinhintku kin yakahni.ua he sdonwaya.

31 Tohanyan Jesse cinhintku maka akan ni kin hehanyan wokiconze kin niciyusutapi kte šni, heon huwe ye wicaši, qa miye ekta aupo, te kta iyececa nakaš. Unkan Jonatan iye atkuku Saul ayupte ca heciya, Taku on te kta taku hecon hwo.

33 Unkan cape kta e Saul \vahukeza yuwankan ikikcu, hecen ! David ktepi kta wanna atkuku Saul konza hdustan kin Jonatan sdonya.

34 Heon Jonatan nina sinhda wahna wotapi etanhan najin iyaya, qa wi kin anpetu inonpa aguya-pi onspadan yute Šni; David on iyokišica atkuku nina isten kiya nakaš.

35 Unkan ihanhanna Jonatan David itkokipe kta ma a ekta inanpa; unkan hokšidan cistinna wan kicica.

36 Qa hokšidan kin heciya, Ekta inyanka, wanhinkpe ye waye cin akita wo. Unkan hokšidan inyang iyaye cin icunhan iye wanhinkpe wan ako iheya.

37 Unkan wanhinkpe Jonatan kute yanke cin ekta hokšidan i kte cehan, Jonatan hokšidan kin kipan, qa heciya, Wanhinkpe niye akotanhan yanke šni he?

38 Nakun Jonatan hokšidan kin hoyekiye ca heya, Inahni wo, kohanna, ihnuhan owanji nayajin kin. Unkan hokšidan kin Jonatan wanhinkpe mnakiciye ca itancan tawa en hdi.

39 Qa hokšidan kin takudan sdonye šni, Jonatan qa David henana wicoie kin sdonyapi.

40 Unkan Jonatan tawipe kin hokšidan tawa qu, qa heciya, Icu qa otonwe ekta ahda wo.

41 Unkan hokšidan iyaye cehan, David itokaga tanhan najin, qa itokam makata ehpe iciye ca yamni akihde patuja, qa i ikiciputakapi, qa napin ceyapi, tuka David iyotan.

42 Unkan Jonatan David heciya, Wookiye en hda wo. Wanna sakim unkiciconza, Jehovah cajeyan, Jehovah miye qa niye otahedan yanke kta, qa micinca qa nicinca kin otahedan owihanke wanica. Unkan najin, qa toki iyaya; unkan Jonatan otonwe ekta kihda.

SAMUEL TOKAHEYA WICOWOYAKE 21.

1 Unkan Samuel David Nobe en i, Ahimelek wawayušna ekta. Unkan Ahimelek David wanyake cehan kokipa qa heciya, Tokeca niye nišnana yau, qa wicašta tuwedan nici un šni.

2 Unkan David Ahimelek wawayušna kin heciya, Wicaštayatapi kin taku econ masi qa heya, Taku econ cisi, qa toki yecisi tuwedan sdon ye kte šni. Unkan hoksipidan wanji kakiya qa wanji deciya ye wicawasi.

3 Qa wanna taku ninape ihukuya un kin aguyapi zaptan, qaiS tona iyeyapi minape en maqu ye.

4 Unkan wawayušna kin David ayupte ca heciya, Minape ihukuya aguyapi ikceka wanica, tuka aguyapi wakan yukan; hoksipidan awicakehan winohinca etanhan awanihdakapi hecinhan.

5 Unkan David wawayušna kin ayupte ca heciya, Awicakehan wau, htanihan icima ehantanhan, unkiyepi etanhan winohinca natakapi ce: qa hoksipidan waksica tawapi kin wakan ce, qa ohan kin de ikceka ce, wakšica ohna nakaha yuwakanpi ešta.

6 Unkan wawayušna kin aguyapi wakan kin qu, hen aguyapi wanica, aguyapi itokam hnakapi kin hecedan, Jehovah itokapa tanhan icupi qehan, heekiya aguyapi kata ehnakapi kta on icupi kin he.

7 Unkan anpetu kin he en Saul taokiye wan hen yahka, Jehovah itokam natakapi, Doeg eciyapi, Edomi heca. willanwicakiya Saul wicayuhe cin itancan kin.

8 Unkan David Ahimelek heciya, Nakun den ninape ihukuya wahukeza, qa isan hanska wanica he? Isan, qa wipe nakun minape ohna iwekcu šni, wicaštayatapi oie kin inahni mayan nakaš.

9 Unkan wawayušna kin heya, Gohat Pihsti Ela osmaka ohna | yakaštake cin isan hanska tawa kin, iho den sina wan en opemni, amdo akahpo iheyata yanka; he iyacu kta yacin kinhan icu wo; heceedan den yanka, tokeca wanica ce. Unkan David heya, He iyececa wanica; he maqu wo.

10 Unkan David najin, qa anpetu kin he en Saul itokapa tanhan najica, qa Gat wicaštayatapi kin Akis ekta i.

11 Unkan Akis taokiye kin heciyapi, David makoce wicaštayatapi kin dee šni he 1 qa iwakieipi en ahiyayapi,qa Saul kektopawinge ota kaštaka, qa David kektopawinge wikcemna ota kaštaka, eciyapi kin dee šni he?

12 Unkan David wicoie kin dena cante kin en kihnake ca nina kopehda, Akis Gat wicaštayatapi kin itokam.

13 Qa istapi itokam tawacin ihdutokeca, qa napepi ohna witUotkoya konza, qa tiyopa kin yutantan, qa tagosa iku hin kin akadus kiya.

14 Unkan Akis taokiye hewicakiya, Inyun wicašta kin wacin hnuni wandakapi. Tokeca he miye en ayahipi he?

15 Wacinhnunipi kin imakakija kecannipi kin, heon de witkotkoya mitokam shan kta en hiyuyayapi he'! De wati en hiyu kta he?

SAMUEL TOKAHEYA WICOWOYAKE 22.

1 Unkan David hetanhan iyaye ca niiciya, Adullam makohdoka ekta. Unkan cincu, qa atkuku tiyohnaka owasin nahonpi qehan, heciya iye ekta ipi.

2 Unkan wicašta tona kakijapi, qa tona icazo hdajujupi okihipi šni, qa tona nagi iyokišicapi kin hena owasin en ihduwitayapi; qa itancan yuhapi: hecen wicašta opawinge topa cetu opapi.

3 Unkan David hetanhan iyaya, Mitzpa Moab ekta, qa Moab wicaštayatapi kin heciya, Tokin ate qa ina den hipi, qa taku wakan token ecamicon kte sdonwaye šni, hehanyan nici yakonpi kten.

4 Qa Moab wicista yatapi kin itokam hiyu wicaya. Unkan hen yakonpi tohanyan David conkaške  en un kin anpetu owasin.

5 Unkan Gad waayate kin David heciya, Conkaške  ohna nanke kte šni. Hunktiya, qa Judah makoce kin ekta hda wo. Unkan David iyaye ca Haret taskoju en ki.

6 Unkan David, qa wicašta opapi kin tukten yakonpi kin wanna sdonyapi Saul nahon, qa Saul Gibeya ohna ti oontanka Rama en yanke cin he ihukuya, qa wahukeza nape ohna hduha, qa taokiye owasin ihdukšan najinpi.

7 Hehan Saul iye taokiye ihduksan najinpi kin hewicakiya, Hopo Benjamini namahonpo, Jesse cinhintku kin owasin maga nicupi kta he? qa owasin hastauhanka hu ojupi nakun, qa kektopawinge itancan. qa opawinge itancan nicagapi kta he?

8 Heon owasin mayakipajinpi, qa micinkši Jesse cinhintku kici wotakuye kage cin tuwedan minoge en iyohpe makiye šni, qa nakaha hokšidan mitawa wan kici micinkši makipajin kin on niyepi wanjidan iyokišice šni, qa omakiyake šni.

9 Hehan Doeg Edomi kin, Saul taokiye om najin kin he ayupte ca heya, Jesse cinhintku kin N'obe en Ahimelek Ahitub cinhintku ekta i kin wanmdaka.

10 Qa iye on Jehovah iwange ca waneya qu, qa nakun Gohat Pihsti isan hanska tawa qon qu.

11 Unkan wicaštayatapi kin Ahimelek Ahitub cinhintku wawayušna kin, qa atkuku tiyohnaka kin owasin wawayušnapi, Nobe ohna yakonpi kin tuwe wicakico yesi. Unkan owasin wicaštayatapi ckta hipi.

12 Unkan Saul heya, Ahitub cinhintku namahon wo. Unkan, De miye ce, eya.

13 Unkan Saul heciya, Tokeca niye qa Jesse cinhintku mayakipajinpi, qa niye aguyapi yaqu, qa i an hanska: qa Wakantanka iyecinunga, hecen iyape mayan dusuta, nakaha iyececa.

14 Unkan Ahimelek wicaštayatapi kin ayupte ca heciya, Qa nitaokiye owasin ehna, tuwe David iyececa, wacinyepica, qa wicašta 3-atapi takosku, qa nanihonpi itancan kin: qa yati ohna kinihanpi?

15 Anpetu kin he en tokaheya iye on Wakantanka imonga he 1 Hiya hecetu šni. Ihnuhan wicaštayatapi kin iye taokiye akan taku aonpe cin, qa nakun ate tiyohnaka owasin akan. Nitaokiye wicoie kin de owasin taku cistinna, qa taku tanka unmanna sdonye šni.

16 Unkan wicaštayatapi kin heya, Ahimelek awicakehan nite kta, niye qa niyate tiyohnaka kin owasin.

17 Unkan wicaštayatapi kin akicita tawa ihdukšan najinpi kin hewicakiya, Ohomni yapi, qa Jehovah wawakiyušnapi kin te wicayapo. Is eya napepi kin David kicicapi, qa najica sdonyapi qehan minonge ohna omakiyakapi Šni. Tuka wicaštayatapi taokiye Jehovah wakiciyušnapi kin awicapapi kta napepi yekiyapi rawaten yapi Šni.

18 Unkan wicaštayatapi kin Doeg heciya, Ihduhomni, qa wawayušnapi kin wicakaštaka wo. Unkan Doeg Edomi kin ihduhomni, qa iye wawayušnapi kin wicakaštake ca anpetu kin he en wicašta wikcemna šahdogan sanpa zaptan minihuha amdo akahpe koyakapi ece kin te wicaya.

19 Qa Note wawayušnapi totonwepi canhpi hi on kaštaka, wicašta, qa winohinca, qa šiceca azinpi koya; nakun pte, qa sonsonna, qa tahinca canhpi hi on te wicaya.

20 Tuka Ahimelek Ahitub cinhintku kin he cinhintku wanjidan niiciya, Abiatar eciyapi, qa najica David ekta.

21 Qa Saul Jehovah wawakiciyušnapi kin wicakte Abiatar David okiyaka.

22 Unkan David Abiatar heciya, Doeg Edomi kin hen yanke ciqon anpetu kin he en Saul okiyake kta sdonwaya, Miye niyate tiyohnaka owasin nagi wicayapi wakaga.

23 Mici ti wo, Ihnuhan wakoyakipe cin; tuwe minagi akite cin ninagi akita; heon miye kici awanniyakapi kta.

SAMUEL TOKAHEYA WICOWOYAKE 23.

1 Unkan, Inyun Philisti Qeila azuyapi, qa aguyapi napanpi manunpi kin David okiyakapi.

2 Unkan David Jehovah iwanga qa, Ekta mde ca Philisti kin dena wicawakaštake kta he? eya. Unkan Jehovah David heciya, Ya wo kinhan Philisti wicayakaštake kta.

3 Unkan David wicašta tawa kin heciyapi, Inyun den Judah ohna kopeunhdapi, qa token Qeila en Philisti ozuye ekta unyanpi kta he' .

4 Unkan ake David Jehovah iwanga. Unkan Jehovah ayupta qa, Najin Qeila ekta ya wo, miye Philisti ninape en wicawaqu kta ce, eya.

5 Unkan David qa wicašta tawa Qeila ekta ipi, qa Philisti azuwicayapi, qa tawanunyanpi kin ieupi, qa wokaštake tanka on wicakaštakapi. Hecen David Qeila ounyanpi kin niwicaya.

6 Wanna Abiatar Ahimelek cinhintku David ekta najice cehan amdo akahpe wan nape ohna yuha, qa Qeila ekta i.

7 Unkan David Qeila en hi ce, Saul okiyakapi. Unkan Saul heya, Wakantanka he minape en qu, otonwe wan tiyopa, qa tiyopa inatake yukan en i, hecen natakapi nakaš.

8 Qa Saul David, qa wicašta tawa wicakaske kta e oyate owasin, Qeila ekta, apamahde natan wicaši.

9 Unkan Saul taku šica ecakicon kta konze cin David sdonye cehan, Abiatar wawayušna ki i heciya, Amdo akahpe kin hduha ikiyedan u wo.

10 Unkan David heya, Jehovah Israel Wakandapi kin Saul miye on otonwe ihang ye kta konze cin nitaokiye wanna nahon.

11 Nitaokiye nahon kin iyecen Saul den hi kte cinhan, qa Qeila wicašta kin nape kin en kaška maqupi kte cinhan, Jehovah Israel Wakandapi nitaokiye oyakidake kta, ceciciya. Unkan,En hi kta, Jehovah eya.

12 Unkan Qeila wicašta kin Saul nape kin en miye, qa wicata mitawa kaška unqupi kta he? David eya. Unkan. kaška nicupi kta, Jehovah eya.

13 Unkan David qa wicašta tawa, wicašta opawinge šakpe ce426 tu najinpi, qa Qeila etanhan iyayapi, qa toki yapi okihipi iyayapi. Unkan David Qeila etanhan ihduske kin Saul okiyakapi; heon ekta ye kta enakiya.

14 Unkan David hewoskan conkaške  ohna ounye ca Zip tinta kin ohna he kin en ti. Unkan Saul anpetu owasin he akita, tuka nape kin en Jehovah hiyuye šni.

15 Unkan nagi kin akite kta e Saul inanpe cin David wanyaka. qa David Zip hewoskan taskoju kin ohna yanka.

16 Unkan Jonatan Saul cinhintku najin, qa David ekta i, taskoju en, qa nape kin wasagya, Wakantanka en.

17 Qa heciya, Ihnuhan wakoyakipe cin; ate Saul nape kin iyeniye kte šni nakaš. Qa Israel wicaštayatapi kin henica kta; qa miye ciyokihe waun kta; qa ate Saul hecetu kta sdonya.

18 Unkan wotakuye kicicajrapi, Jehovah itokam, qa David taskoju ehna yanka, qa Jonatan kihda.

19 Unkan Zipim Saul ekta ipi, Gibeya en, qa heciyapi, David unkiyepi ehna inahbe šni he? Conkaške  ohna, qa taskoju ehna, Hakila paha kin en, be Jesimon itokaga tanhan yanka.

20 Qa wanna ninagi kuti u kta cin kin iyecen wicaštayatapi kun u ye; hecen unkiyepi wicaštayatapi nape en nauntakapi kta iyececa.

21 Unkan Saul heya, Onsimayadapi kin heon Jehovah niyawaštepi.

22 Wanna ekta hdapo, qa sanpa iyukcanpo, qa wanyakapo, qa tukten siba kin mani sdonyapo, nakun hen wanyakapi tuwepi he? lye ksamya ohanyan ce, omakiyakapi.

23 Qa wanyakapo, qa toinahbe ohna inahma kin owasin sdonyapo, qa iyecetu kinhan ake en maupo, qa niyepi om mde kta, qa makoce en un kinhan .Tuda kektopawinge owasin ohna iyewaye kta.

24 Unkan Zipim najinpi, qa.Saul itokam ekta ipi. Unkan David, qa wicašta tawa Mayon tinta kin en unpi, makomdaya ohna, Jesimon itokaga ektakiya.

25 Unkan Saul, qa wicašta tawa akin iyayapi. Unkan David okiyakapi heon imnija ekta apamahde i, qa Mayon tinta ohna ti. Unkan Saul nahon, qa Mayon tinta en David kuwa iyaya.

26 Qa Saul he kin itato iyaya, qa David, qa wicašta tawa kin he kin akotanhan, qa David Saul kokipe cin on etanhan najice kta inahni qehan, Saul qa wicašta tawa David qa wicašta tawa ihdukšan iyayapi, qa wicayuzapi kta tuka;

27 Wahosi wan Saul ekta hi qa, Inahni, qa kuwa wo, Philisti makoce kin enanakiya iyayapi nakaš, eya.

28 Unkan Saul David kuwa etanhan ihdamna, qa Philisti itkowicakipc kta iyaya. Heon oyanke kin he Sela Hamahlekot (Ihduska imnija) eciyapi.

29 Unkan David hetanhan iyaye ca Engedi (Hekinškayapi minihdoka) oinahbe kin ohna iyotanka.

SAMUEL TOKAHEYA WICOWOYAKE 24.

1 Unkan Saul Philisti wicakuwa etanhan hdi qehan, wahoyapi qa,Iho David Engedi tinta ohna yanka ce, okiyakapi.

2 Unkan Saul Israel owasin etanhan wicašta kektopawinge yamni wicakahniga, qa hena om David, qa wicašta tawa awicakita iyaya, hekinškayapi inyan he kin akan.

3 Qa tahinca tipi kin canku icahda ekta i, qa makohdoka wan hen yukan, qa Saul siha ahdahpe kta hen i. Unkan David qa wicašta tawa makohdoka okahmin ohna iyotankahan yukanpi.

4 Unkan David wicašta tawa kin heciyapi, Iho Jehovah heniciye ciqon, Inyun toka niye cin ninape en waqu kte ca token niišta en wašte iyecen ecayecon kta, anpetu kin dee ce. Unkan David najin, qa Saul tasina opapun kin nahmana baspa.

5 Unkan ohakam Saul tasina opapun baspe cin on etanhan David cante kin iyope iciya.

6 Qa wicašta tawa kin hewicakiya, Hiya mayuhe cin .Jehovah sdakiye cin ekta nape yewakiye ca wicoie kin de ecawecon kta, Jehovah makišica nunwe. Jehovah he sdakiya nakaš.

7 Hecen David wicoie on wicašta tawa iyope wicaya, qa Saul iyahpayapi kta iyowicaki šni. Unkan Saul najin qa makohdoka etanhan canku ohna iyaya.

8 Unkan ohakam David najin, qa makohdoka etanhan inanpe ca Saul kipan qa, Itancan wicaštayatapi eya. Unkan Saul hakikta. Unkan David patuja, ite kin maka ektakiya qa ohoda.

9 Qa David Saul heciya, Tokeca David šicaya ecanicon kta cin wicašta eniciyapi kin anawicayagoptan he?

10 Inyun nakaha makohdoka ohnaminapeen Jehovah nicu kin anpetu kin de niišta wanyakapi, qa cikte kta kemakiyapi; tuka itoncipa, qa, Mayuhe cin ekta nape yewakiye kte šni, Jehovah he sdakiya nakaš, epa.

11 Qa iho ate minape ohna sina nitawa opapun kin wanyaka wo. 6ina nitawa opapun kin bawaspa, qa cikte šni, he etanhan minape ohiia taku šica, qa woahtani wanica, wanyaka qa sdonya wo, qa awacihtani šni, tuka minagi iyacu kta e yakuwa.

12 Jehovah miye qa niye otahedan wayaco kta, qa niye en tomicicon kta, tuka minape anipe kte šni.

13 Taku šica wicašta šica etanhan inanpa ce, wicoie wakan ehanna kin eye cin iyececa; heon minape anipe kte šni.

14 Israel wicaštayatapi kin tuwe ode inanpa he" qa tuwe yakuwa he 1 Sunka ta wan, ha wan oyade.

15 Jehovah hee iyukcan kta, qa miye qa niye otahedan wayaco kta, qa wanyake kta, qa waakinice kta, qa ninape etanhan emahdaku kta.

16 Unkan David wicoie kin dena ayastan qehan, i?aul heya, Micinkši David niho kin dee he? qa Saul ho yekiye ca ceya.

17 Qa David heciya, Niye oniwotanna, qa miš hemaca šni, Niye wowašte ecamiyecon, qa miye Šicaya ecacicon.

18 Qa odake cin iyecen nakaha wowašte ecamiyecon, Jehovah ninape en kaška maqu qehan mayakte šni. 19 Wicašta wan tuwe toka ye cin iyeye cinhan canku wašte ohna hde kiye kta he? Taku nakaha ecamiyecon kin on Jehovah iyuwin wašte wan nicu kta.

20 Qa wanna ito awicakehan wicašta niyatapi kta, qa Israel iwicayadake kta e ninape suta kta sdonwaya.

21 Heon wanna, Mihakam micinca wicayakaspe kte šni, qa ate ti kin etanhan micaje kin yakaspe kte šni. Jehovah cajeyan kemakiya wo.

22 Unkan David taku wakan cajeyan Saul heciya. Unkan Saul kihda. Unkan David qa wicašta tawa conkaške  ekta itanwankahde ipi.

SAMUEL TOKAHEYA WICOWOYAKE 25.

1 Unkan Samuel ta; heon Israel owasin mniciyapi, qa aceyapi, qa iye ti ekta Rama ohna hnakapi. Unkan David najin, qa Paran tinta kin ekta iyaya.

2 Unkan Mayon ohna wicašta wan ti, qa tawanunyanpi kin Karmel ohna yakonpi, qa wicašta kin he tanka hinca, qa tahinca kektopawinge yamni yuha, qa hekinškayapi kektopawinge wanjidan, qa he ehan Karmel ohna tahinca hdusda.

3 Qa wicašta kin he Nabal (Witkotko) eciyapi, qa tawicu Abigail (Ate iyuškin) eciyapi, winohinca wašte, ksapecaowanyag wašte; tuka hihnaku kin wacinko, qa ohan šica, qa tasunka iyececa.

4 Unkan Nabal tahinca hdusda yanka ce, eyapi kin David tinta ohna nahon.

5 Unkan David koška wikcemna yewicaši, qa David ktska kin hewicakiya, Karmel ekta yapo, qa Nabal ekta yaipi kinhan, Zaniyan un hecinhan, micajeyan inongapi kta.

6 Qa tuwe ni un kin hecen eyakiyapi kta. Zaniyan yaun, qa yati kin Zaniyan un, qa taku duhe cin owasin Zaniyan un.

7 Qa nakaha wayusdapi duha nawahon, qa iho uihamvieakiya wicaduhe cin om Karmel ohna unyakonpi qehan, nagiye wicunyanpi šni, qa takudan tokakihonpi šni.

8 Koška   nitawa iwicawanga wo; hecen oniciyakapi kta; qa koška  pi kin niišta en woiyokipi iyeyapi kta. Anpetu wašte wan en unhipi. Tokin taku ninape iyeye cin hoksipidan nitawa, qa nicinkši David wicayaqu kten.

9 Unkan David koška   tawa ekta ipi, qa wicoie kin henaowasin iyecen Nabal eciyapi, David cajeyan, qa enakiyapi.

10 Unkan Nabal David tahoksipidan awicayupte ca heya, David he tuwe, qa Jesse cinhintku kin he tuwe? Dehan hopsipidan ota otoiyohi yuhe cin etanhan najicapi ce.

11 Aguyapi mitawa, qa mini mitawa, qa tado wayusdapi wicamduha on wapate cin hena iwekcu, qa wicašta tokiya tanhan unpi kin sdonwaye šni wicawaqu kta he 1

12 Unkan David kosla tawa kin nakimnipi, canku kin ohna, qa wicoie kin hena owasin iyecen okiyakapi.

13 Unkan David wicašta tawa hewicakiya, Owasin isan hanska mikihnakapo. Unkan otoiyohi isan hanska mikihnakapi, qa David is eya isan hanska mikihnaka. Qa wicašta opawinge topa cetu David opapi, qa opawinge nonpa tawahpayeca kin awanyag yakonpi.

14 Unkan koška  pi etanhan kofika wan Nabal tawicu Abigail okiyake ca heya, Inyun David tinta kin etanhan wahosi unyuhapi kin yawaštepi kta hiyu wicaši; unkan i en iyewicaya;

15 Tuka wicašta kin hena nina tanyan ecaunkiconpi, qa nagiye unyanpi šni, qa anpetu unkiyepi om yakonpi, tinta ohna, hehanyan takudan tokaunkihonpi šni.

16 Anpetu tona hena om tahinca wifianunkiyapi kin owasin, hanyen anposkan koya aconkaške  unyanpi.

17 Heon wanna taku ecanon kta iwanyaka qa sdonya wo , unyuhapi, qa tiohnaka tawa owasin on taku šica wanna konza ce. He nina wicašta šni, hecen tuwe kici wohdake kta okihi šni.

18 Unkan Abigail inahni, qa aguyapi opawinge nonpa, qa minima apahta nonpa, qa tahinca patapi zaptan, qa aguyapisu ceonpapi iyutapi zaptan, qa hastanhanka pusyapi iyage opawinge wanji, qa suken waskuyeca mibe paskicapi opawinge nonpa, hena iyuhpa icu, qa šonšonna qin wicakiya.

19 Qa tahokšidan kin hewicakiya, Mitokam yape, qa miye eihakam wau ce. Tuka hihnaku Nabal okiyake šni.

20 Qa šonšonna akan iyotanke ca He kaksiza kin ekta i qehan, inyun David qa wicašta tawa itkokim upi, qa awicakipa.

21 Qa David heya, Awicakehan ituh wicašta kin de taku tinta ohna yuhe cin iyuhpa wapatan,qa taku tawa iyuhpa etanhan takudan tokakihon šni. Qa taku wašte on taku šica ecamicon.

22 Wakantanka David tokayapi kin hecen, qa isanpa ecawicakicon kte, taku tawa owasin etanhan wicawanjidan anpa kamdeze kte cin hehanyan owakapte cinhan.

23 Unkan Abigail David wanyake cehan inahni, qa šonšonna etanhan makata najin, qa David itokam makipusdiya ehpeiciye ca ohoda.

24 Qa siha kin ekta ehpe iciye cehan heya, Itancan taku šice cin de amahinhpaya ye, tuka tokin wicinyanna nitawa ninoge ohna ie kten, qa wicinyanna nitawa oie kin nahon ye.

25 Ceciciye, ihnuhan itancan mitawa wicašta wicaštašni kin de, Nabal ekta cante kin yekiye cin; iye caje kin iyececa ye. Nabal (Witkotkoka) eciyapi, qa wowitkotko kicica. Tuka miye wioinyanna nitawa mayuhe cin tahoksipidan, ye wicaSfkin wanwicamdakc Šni ye.

26 Qa wanna itancan Jehovah ni, qa ninagt ni, Jehovah we yapapson kte šni e nipatan, qa ninape nicipatan. Heon wanna tona tokaniyanpi, qa itancan mitawa šicaya ecakiconpi kin hena owasin Nabal iyececapi kta ye.

27 Qa wanna woyuwašte kin de wicinyanna nitawa mayuhe cin kahi kin de icu ye, qa hoksipidan mayuhe cin cahde kin omanipi wicaqupi kta ye.

28 Wicinyanna nitawa wantani kin kicieajuju ye, Jehovah tipi wacinyepica awicakehan mayuhe kicage kta; mayuhe cin Jehovah tokicize kiciciza ye, qa taku 6ica icimana niye ohna iyeyapi kte šni ye.

29 Qa wicašta wan šicaya nicuwa kta, qa ninagi akite kta najin; tuka Jehovah wakanyada ninagi kin wiconi opahte en pahta kta ye, qa toka niyanpi nagipi kin iyul'imun cokaya tanhan kaho iyewicaye kta ye.

30 Qa tohan Jehovah taku wašte niye on eye cin owasin iyecen econ kinhan, qa Israel mdetanhunka nicage cinhan,

31 We ituh yapapson kin de, qa mayuhe cin tokicicon kin de ibonito kte šni, qa cante sintin niye kte šni. Qa tohan Jehovah mayuhe cin taku wašte ecakicon kinhan wicinyanna nitawa kiksuya ye.

32 Unkan David \bigail heciya, Jehovah Israel wakandapi kin nakaha itkomakipe kta hiyuniye cin yawaštepi nunwe.  

33 Qa nitoksape kin yawaštepi, qa nakaha we wapapson kta, qa minape on tomicicon kta etanhan anamayapte cin heon niyawaštepi ce.

34 Jehovah Israel wakandapi, qa sleaya ecacicon makišice cin he ni kinhan, nakaha itkomayakipe inahniyan yahi šni unkans, hanhanna anpa kte cin hehanyan Nabal taku tawa etanhan wica wanjidan okaptapi kte šni tuka.

35 Qa taku kahi kin nape kin etanhan David icu qa heciya, Wookiye yuha ekta hda, qa wanyaka wo, niho kin nawahon qa niite kin ihawa kta.

36 Unkan Abigail Nabal ekta hdi, unkan inyun ti kin ohna wohanpi tanka yuha, wicaštayatapi wohanpi tawa kin iyececa, qa Nabal cante kin wašte, qa wilkoHinca. Unkan winyan kin ihanhanna anpa kin hehanyan wicoie cistinna, qa tanka unmanna okiyake šni.

37 Qa ihanhanna miniša Nabal etanhan iyaye cehan tawicu kin wicoie kin hena okiyaka. Unkan iye mahen cante kin kite, qa inyan wan iyececa.

38 Unkan ohakam anpetu wikcemna cetu Jehovah Nabal kaštaka: unkan ta,

39 Unkan Nabal te cin he David nahon, qa heya, Jehovah yawaštepi nunwe; l en iyemayanpi woakinice iye Nabal kici aki] nica, qa taokiye taku šica etanhan anapta, qa Jehovah Nabal tohan šice cin pa kin en hdi kiya. Unkan David Abigail wahoya, tawicu kta e yuze kta.

40 Unkan David taokiye kin Karmel heciya Abigail ekta ipi, qa okiyakapi qa heyapi, David tawicu on niyuze kta e niyeekta unkusipi ce.

41 Unkan najin qa patuja, ite kin maka ckta kiya, qa heya, Wicinyanna nitawa kin he niiye, mayuha taokiye sihapi kin wicakiciynjuja kta e wiyeya manka ce.

42 Qa Abigail inahniyan najin, qa šonšonna akan iyotanka, qa David ohnihde wicaye cin wicihakam ya, heoen tawicu kin hee.

43 Unkan David Ahinoam Jezreel etanhan nakun yuza, qa napin tawicu wicayuha.

44 Unkan Saul iye cunwintku Mikal David tawicu kin Paleti Lais cinhintku kin qu, iye Galhm etanhan u.

SAMUEL TOKAHEYA WICOWOYAKE 26.

1 Unkan Zipim Saul ekta ipi, Gibeya ekta qa heyapi, David BTakila hoskiski ehna Jesimon (Hewoskan) wihinanpe cin ektakiya inahbe šni he 1

2 Unkan Saul najin qa Zip tinta ekta i, qa Israel wicašta kahnigapi kektopawinge yamni opapi, qa Zjp tinta ohna David akitapi.

3 Qa Saul Hakila hoskiski ehna ahiti, he Jesimon iwihinanpe cin ektakiya, canku kin icahda; qa David tinta ohna yanka, qa Saul iye ode u kin iyukcan.

4 Unkan David tonweyapi ye wicaši, qa Saul awicakehan wanna hi sdonya.

5 Qa David najin, qa Saul ahiti oyanke kin ekta i, qa Saul qa taozuye mdetanhunka Abner Ner cinhintku kin tukten wankapi kin David wanyaka. Saul wahpayeca ehna wanka, qa ihduksan oyate kin wankapi. .

6 Unkan David ie ca Ahimelek ftiti kin, qa Abisai Zeruiah cinhintku Joab eincu kin hewicakiya, Saul ekta ahitipi en tuwe mici ye kta he? Unkan Abisai heya, Miye nici mde kta ce.

7 Unkan David qa Abisai hanyen oyate kin ekta ipi. Unkan inyun Saul wahpayeca ehna makata istitna wanka, qa wahukeza tawa maka en pasdan han, pa kin ikiyedan, qa oyate kin ihduksan wankapi.

8 Unkan Abisai David heciya, Nakaha Wakantanka tuwe tokaniye cin ninape en nicu, heon dehan tokin wancadan wahukeza on maka ekta cawape kten, qa inonpa awape kte šni.

9 Unkan David Abisai heciya, Ihnuhan yakte kin, Jehovah sdakiye cin tuwe nape kin apaha kinhan iyaonpe pica šni un kta he?

10 Nakun David heya, Jehovah ni kinban Jehovah hekastuke kta, qa anpetu en te kte cin iyohi kta, qais wokicize en ye kta qa ihangyapi kta.

11 Tuka Jehovah sdakiye cin ekta nape yewakiye kte cin Jehovah iyomaki šni nunwe. Tuka iho wahukeza pa kin icahda yanke cin, qa minikoka kin icu wo, qa unhde kta.

12 Hecen David wahukeza, qa minikoka kin Saul pa kin etanhan icu,qa toki iyayapi. Unkan tuwedan wanyake šni; qa sdonye šni, qa kikta Šni; tuka owasin istimapi; woistima tanka Jehovah ahinhpe wicaya nakaš.

13 Unkan David hetanhan iyaye ca itehanyan he paha wan iyahan, wiciyotahedan makoce ota;

14 Qa David oyate kin, qa Abner Ner cinhintku wicakipan, qa heya, Abner Ner cinhintku amayadupte šni he? Unkan Abner ayupte ca, Wicaštayatapi yakipan kin nituwe he? eya.

15 Unkan David Abner heciya, Wicašta henicaŠni he? qa Israel ohna tuwedan iyeniceca šni, qa tokeca wicaštayatapi niyuhe cin awandake šni he 1 Oyate etanhan wicašta wan wicaštayatapi itancan nitawa kte kta e ekta i.

16 Taku ecanonpi kin de wašte Šni. Niyuhapi kin .Tehowa sdakiye cin awandakapi šni; heon .Tehowa ni kinhan nitapi kta iyececa, qa wanna wicaštayatapi wahukeza tawa, qa minikoka pa kin ekta yanke ciqon iwanyaka wo.

17 Unkan Saul David ho kin iyekiye ca heya, David micinkši niho kin hee he? Unkan, Wicaštayatapi mayuha maho kin hee ce, David eya.

18 Qa itancan tokeca nitaokiye decen yakuwa he? Taku ecamon he? qa minape ohna taku šica tukte e he?

19 Qa wanna itancan ceciciya wicaštayatapi kin taokiye oie kin nafton ye. Jehovah mayakuwa kta iyonipaStake cinhan minKa izite wan oinna kte. Tuka Adam cinca kin heconpi kinhan, Jehovah itokam hena yaŠicapi ce, nakaha Jehovah tamakoce kin owati kta etanhan nape mayanpi qa, Hunktiya taku wakan tokeca ohoda wo, eyapi kin heon etanhan.

20 Qa wanna Jehovah itokapa tanhan mawe kin tnakata hinhpaye kte ni nunwe. Israel wicaštayatapi kin ha wanji akin u ce, he kin ohna siyo wanjidan kuwa he iyececa,

21 Unkan Saul heya, Wawahtani ce. Micinkši David en hdi wo. Icimana taku šica ecacicon kte šni; nakaha niišta en minagi tehika nakaš. Inyun witkotkoya owahanmda, qa ecinŠniyan hinca ecamon.

22 Unkan David ayupte ca heya, Wanyaka wo, wicaštayatapi  tawahukeza hoksipidan wanji deciya hiyu, qa he icu kte.

23 Qa Jehovah otoiyohi toowotanna, qa towicake kin iyecen ecakicon kte. Jehovah nakaha minape en nicu, tuka tuwe Jehovah sdakiye cin nape awapaha kta tawatcnwaye šni.

24 Qa ito Miišta en ninagi kin tanka, he iyecen Jehovah ista en rninagi tanka kte, qa iye minagi kin woiyokišice owasin etanhan yuske kta.

25 Unkan Saul David heciya, Micinkši David niyawaštepi ce, woecon tanka ecanon kta, qa ohinniyan ohiyaye kta. Unkan David canku kin ohna iyaya, qa Saul oyanke tawa ekta hda.

SAMUEL TOKAHEYA WICOWOYAKE 27.

1 Unkan David cante mahen heya, Tohantu ka ta anpetu wanji en Saul nape kin on ihang mayanpi kta; Philisti makoce ekta , nawajice ca nimiciye cin he wašte šni he? Hecen Saul icimana Israel makoce kin owancaya amakite kte šni, qa nape kin etanhan nimiciye kta.

2 Qa David najin, qa wicašta opawinge šakpe opapi kin hena om, Akis Mayok cinhintku, Gat wicaštayatapi kin ekta i.

3 Qa David qa wicašta tawa nakun Gat ohna iyotankapi, wiI caSta iyohi tatiohnaka kici; qa David qa tawicu napin. Ahinoyam Jezrehtiwin, qa Abigail Karmehti Nabal tawicu qon.

4 Unkan David Gat ekta najice cin Saul okiyakapi, heon icimana akite Šni.

5 Unkan David Akis heciya, Tokin niišta en woiyokipi iyewaye cinhan, tinta otonwe cistinna wan ohna oyanke maqupi kten, qa hen imdotanke kten. Tokeca wicasla yatapi totonwe ohna nitaokiye nici yanke kta he?

6 Unkan anpetu kin he en Akis Tziqlag qu, heon Judah wicaštayatapi kin anpetu kin dehanyan Tziqlag yuhapi.

7 Unkan anpetu David Philisti makoce ohna yanke cin yawapi kin omaka nonpa qa wi topa anpetu iyenaka.

8 Unkan David qa wicašta tawa iyayapi, qa GeSuri kin, qa Gerezi kin, qa Amaleki kin anawicatanpi. Hena ehanna makoce Sur ekta de cin, Egypta makoce kin hehanyan ounyanpi.

9 Qa David makoce ounyanpi kin kaštaka, qa wicašta qa winohinca unmanna nikiye šni, qa lahinca, qa pte, qa songonna, qa camo, qa wokoyake kin David icu, qa hdicu, qa Akis ekta hdi.

10 Unkan Akis heya, Nakaha toki omayani he? Unkan David heya, Judah itoknga kin, qa Jerahmeh itokaga kin, qa Qeni kin itokaga kin ekta.

11 Qa David wica, qa winyan unmana niyake Gat ekta hiyuye šni, tuka heya, Okini unkiyepi caje unyatapi kta, qa David decen econ, qa tohan Philisti tamakocepi kin en ounye cin hehanyan he iyecen econ kta.

12 Unkan Akis David wicada, qa heya, Oyate tawa Israel nina isten wicaya, heon ookiye owihanke wanin mduhe kta.

SAMUEL TOKAHEYA WICOWOYAKE 28.

1 Unkan anpetu kin hena en Philisti ozuye kagapi, qa Israel kizapi kta e obe hduwitayapi, qa Akis David heciya, Niye sdonya wo, wokicize ekta miei de kta, niye qa wicašta nitawa nakun.

2 Unkan David Akis heciya, Hecen nitaokiye taku econ kta B St sdonyaye kta. Unkan Akis David heciya, Hecen mapa ohinniyan awanmiyecida kte cin ciyuhe kta.

3 Wanna Samuel te, qa Israel owasin aceyapi, qa otonwe tawa Rama ohna hnakapi qon. Unkan Saul tona wapiyapi, qa tona hanmdepi kin owasin, makoce kin etanhan, tokan iyaye wicaya.

4 Unkan Philisti mniciyapi, qa upi, qa Sunem en ahitipi; qa Saul Israel owasin mniciye wicaya, qa Gilboya en etipi.

5 Qa Saul Philisti obe kin wanwicayake ca kokipa, qa cante kin nina cancan.

6 Qa Saul Jehovah iwanga tuka Jehovah wihanmnanpi kin, qa iyoyam wicaye cin, qa waayatapi kin unmanna eciya tanhan ayupte m.

7 Qa Saul taokiye hewicakiya, Winohinca hanmdohdag ia okihi wan amicicitapo: kinhan ekta mde qa he eciya tanhan imonge kta. Unkan taokiye heciyapi, Inyun winohinca wan hanmdohdag ia Endor ohna yanka.

8 Unkan Saul ihdutokeca, qa wokoyake tokeca koyag ye ca iyaya, qa wicašta nonpa opapi, qa hanyen winohinca kin ekta ipi, qa heciya, Tokin miye on hanmdohdag iyae ca tuwe cajemdate wankan hiyu miyeciciye kten.

9 Unkan winohinca kin heciya, Inyun niye taku Saul econ kin sdonyaya, token tona hanmdepi kin, qa wapiyapi kin wicakaSpe makoce kin etanhan, heon tokeca niye te mayanpi kta e minagi kin yahmunka he?

10 Unkan Saul Jehovah cajeyan konze ca heya, Jehovah ni kinhan wicoie kin de on taku iica anicipe kte šni.

11 Unkan winohinca kin heciya, Tuwe wankan hiyu ciciye kta he? Unkan Samuel wankan hiyu miciciya wo, eya.

12 Unkan winohinca kin Samuel wanyake ca hotanka on sicahowaya, qa Tokeca mayahnay;in he 3 Saul he niye ye, eya.

13 Unkan wicaštayatapi kin heciya, Ihnuhan wakoyakipe cin, taku wandaka he? Unkan winohinca kin Saul heciya, Taku wakan, maka etanhan hinanpa wanmdaka ye.

14 Unkan heciya, Owanyake kin toketu he? Unkan \\icahinca wan wankan hiyu, qa saia hdowin ye eya. Unkan Saul Samuel hee, sdonya, qa ite kin maka ektakiya patuja, qa ohoda.

15 Unkan Samuel Saul heciya, Tokeca wankan wahihbu kta e mayaduhica he1? Unkan Taku iyotan tetiika amakipa, Philisti makizapi, qa Wakantanka amayustnn, qa waayatapi qa wihanmnapi iramana on amayupte šni; heon cicipan, taku ecamon kta sdonye mayakiye kta, heon etanhan.

16 Unkan Samuel heya. Jehovah aniyustan, qa toka niye cinhan, tokeca miye imayanonga he?

17 Jehovah, token minape on eye ciqon iyecen, ecanicon kta, wokiconze kin, ninape etanhan yuspe kta, qa nitawasi kin David he qu kta.

18 Jehovah ho kin nayahon šni, qa tosinhda kin Ameleq en ecayecon šni, heon wicoie kin de ecanicon.

19 Qa Jehovah niye kici Israel Philisti napepi en wicaqu kta, qa heyakecinhan niye qa nicinca nakun miciunpi kta, nakun Jehovah Israel owanka kin Philisti napepi en qu kta.

20 Unkan Saul ihnuhanna makata hinhpaya, tohanske cin oco wasin, qa Samuel oie kin nina kokipe ca wowašake nica; anpetu osan,qa hanyetu osan woyute takudan yute šni nakaš.

21 Unkan winohinca kin Saul ekta i, qa nina yusinyaye cin wanyaka, qa heciya, Iho nitaokiyewin niiio kin anairoptan, qa minasii minape en iwekcu, qa nioie emayakiye cin nawahon ye.

22 Heon wanna niye nakun nitaokiye win ho kin nahon ye; hecen aguyapi onspa nitokam ewehnake kta, qa yuta ye, hecen wowašake duhe kta, on toki de cin idade kta ye.

23 Tuka wicada šni.qa, Wawate kte šni eya. Tuka taokiye, qa winohinca koya iyopastakapi; unkan hopi kin nahon, qa maka kin etanhan najin, qa owinja akan iyotanka.

24 Unkan winohinca kin ptejicadan cepa wan, tipi ohna hduha, qa inahni, qa pata. Nakun ajjuyapi mdu icu qa patinza, qa ajjuyapi hmiyanyanna span kiciya;

25 Qa Saul qa taokiye itokam ehnaka. Unkan yutapi,qa najinpi, qa hanyetu kin he en iyayapi.

SAMUEL TOKAHEYA WICOWOYAKE 29.

1 Unkan Philisti obe kin owasin hduwitayapi, Apeq ekta, qa Israel wakoniya Jezreel ohna yanke cin ekta ahitipi.

2 Unkan Philisti itancanpi kin opawingege om, qa kektopawinsreCre om iyayapi: Unkan David qa wicašta tawa wicihakam iyayapi, Akis kici.

3 Unkan Philisti itancanpi kin heyapi, Hebrew kin dena tuwepi he? Unkan Akis Philisti itancanpi kin hewicakiya, David Saul Israel wicaštayatapi taokiye dee šni he? anpetu ota qaiS omaka kin dena mici un, qa en mahi kin ehantanhan anpetu kin dehanyan, šicaya econ kin takudan iyewaye šni.

4 Unkan Philisti itancanpi kin canniyeyapi, qa Philisti itancanpi kin heciyapi, Wicašta kin de kihde Si wo; oyanke yaqu kin ekta hde kta, qa unkiyepi kici wokieize ekta ye kte šni, qa wokicize en toka unyanpi kte šni. Takn on itancan tawa iyokipiye kta he? Wicašta kin dena papi kin on hee šni he?

5 Iwakicipi en dowanpi, qa Saul kektopawinjre ota kin kaštaka, qa David kektopawinge wikcemna ota kin, ekiciyapi kin David kin dee šni he?

6 Unkan AkiS David kipan qa heciya, Jehovah namahon ofian oniwotanna, qa wicoti ohna tankan idade cin, qa yahdi kin niwašte Miišta en. Ekta mayahi kin ehantanhan, anpetu kin dehanyan niye en taku Šica iyewaye šni; tuka itancanpi istapi kin en niwašte šni.

7 Heon wanna wookiye yuha iyaye ca ekta hda wo; qa Philisti itancanpi istapi kin en taku šica econ šni wo.

8 Unkan David AkiS heciya, Tuka taku ecamon he? qa anpetu uici waun kin ehantanhan, dehanyan nitaokiye en taku iyeyaya on mayuhe cin wicaštayatapi tokayapi wicawakize kta e ekta mde kte Šni he?

9 Unkan AkiS ayupte ca David heciya, Miišta en niwašte, Wakantanka ohnihdeye cin iyeniceca sdonwaya. Hececa ešta Philisti itancanpi kin heyapi, Wokieize ekta unkiyepi om ye kte šni.

10 Heon hannannahin kikta wo, qa niyuha taokiye nicihipi kin hena wicaduhica kta, heyakecinhan anpao kinhan kihdapo.

11 Unkan David qa wicašta tawa Philisti taniakocepi kin ekta hdapi kta e hanhanna hin kiktapi. Unkan Philisti Jezreel ekta ipi.

SAMUEL TOKAHEYA WICOWOYAKE 30.

1 Unkan anpetu iyamni en David, qa wicašta tawa Tziqlag ekta kipi qehan, Amaleki kin itokaga makoce kin, qa Tziqlag anatanpi; qa Tziqlag apapi, qa peta on huhnahyapi.

2 Qa winohinca ohna yakonpi kin wayaka iwicacupi, tuwedan te yapi Šni, cistinna, qa tanka unmana tuka wayaka iwicacupi, qa akiyahdapi.

3 Unkan David, qa wicašta tawa otonwe ekta hdipi qehan, inyun peta on wanna huhnahyapi, qa tawicupi, qa cincapi wica winyan koya wayaka eyayapi.

4 Unkan David qa oyate iye opapi kin ho yeyapi, qa ceyapi, ecen ceyapi kta wowašake nicapi.

5 Nakun David tawicu napin Ahinoyam Jezreehtiwin, qa Abigail Nabal Karmehti kin tawicu qon wayaka eyayapi.

6 Qa David iyotanhan iyekiya un, oyate inyan on kininpi kta keyapi; Oyate kin owasin nina canteŠicapi, otoiyohi cinca wica winyan koya on, nakaš. Tuka David taku wakanda Jehovah en waSag iciya.

7 Unkan David Abiatar wawayušna kin Ahimelek cinhintku kin heciya. Amdo akahpe kin hduha deciya kuwa wo. Unkan Abiatar amdo akahpe kin hduha David ekta hi.

8 Unkan David Jehovah iwanjra, qa heya, Ozuye kin de kuwa mde kta he? wakihdege kta he? Unkan heciya, Kuwa ya wo, kinhan awicakehan yakihdege kta, qa tuku kipi kin eyahdaku kta.

9 Unkan David qa wicašta opawinge šakpe, iye opapi kin, iyayapi, qa Besor wakpa kin ekta ipi, qa tona ehpeya iyayapi kin hen yankapi.

10 Tuka David, qa wicašta opawinge topa kuwa iyayapi, qa wicašta opawinge nonpa hustakapi, on Besor wakpa kin iyuwegapi okitpanipi kin hen yakonpi.

11 Unkan Egypta wicašta wan tinta ohna iyeyapi, qa David ekta aupi, qa aguyapi qupi, unkan yuta, qa mini yatke kiyapi.

12 Nakun suken pasutapi onspa, qa hastanhanka pusyapi iyage nonpa qupi. Unkan yuta, qa toniya kin hdi; wanna anpetu yamni, qa hanyetu yamni aguyapi yute šni, qa mini ongedan yatke šni.

13 Unkan David heciya; Tuwe tawa niyan he? qa tokiya tanhan yau he? Unkan, Egypti hokšidan hemaca, qa Amaleki wicašta wan wowidag mayan, qa htanihan sanpa wayazan wahda kin, heon mayuha efipemayan.

14 Kereti itokaga kin, qa Judah taku tawa kin, qa Caleb itokaga kin, azuunyanpi, qa Tziqlag peta on riuhnah unyanpi, eya.

15 Unkan David heciya, Ozuye kin de ekta amayade kta oyakihi he? Unkan Taku wakan cajeyan maya kte kte Šni, qa mayuhe cin nape kin en mayaqu kte Šni, henmyakiye cinhan, ozuye kin de ekta aciye kta.

16 Unkan ekta ai qehan, inyun maka ite akan enanakiya wankapi, wotapi qa wayatkanpi. qa woyuha tanka Philisti tamakocepi etanhan, qa Judah tainakoce etanhan icupi kin on wohanpi kagapi.

17 Unkan David wicakaštaka, anpao etanhan ecen ihanhanna htayetu kin hehanyan. Unkan tuwedan niiciye šni; koška   opawinge topa camo akan iyotankapi, qa najicnpi henana.

18 Unkan taku Amaleki kipi kin owasin David ehdaku, nakun David tawicu napin ewicahdaku.

19 Unkan takudan tokawicakihon šni, cistinna, qa tanka, qa cinca wica, qa winyan,qa woyuha; hecen taku Amaleki icupi qon owasin David hdohda.

20 Qa tahinca, qa pte kin wanunyanpi tawapi itokam kafiapapi kin hena owasin David icu, qa David tawahpayeca kin dee eya pi.

21 Unkan wicašta opawinge nonpa hustakapi on David opapi šni, qa Besor wakpa ekta yanke wicaši kin, hena ekta David hdi. Unkan David qa oyate opapi kin itkowicakipapi ktainanpapi. Unkan David oyate wicikiyedan hi qehan, tanyan unpi hecinhan iwicawanga.

22 Hehan wicašta Šica, qa wicaštapi šni David opapi kin owasin heyapi, Unkiyepi om ipi Šni, heon woyuha unkicupi kin etanhan wicunqupi kte Šni, tuka wicašta otoiyohi tawicu kin, qa cinhintku kin, hena icupi kinhan toki cinpi yapi kta.

23 Unkan David heya, Mihunkawanji hecen ecanonpi kte Šni. Jehnwa taku kin de unqupi, qa niunyanpi, qa ozuye anauntanpi kin unnapepi en unqupi.

24 Heon wicoie kin de tuwe nanihonpi kta he? Tuwe, wokieize ekta i tawopanmi kin, he iyecen, tuwe wahpayeca kin kici yanke cin tawopamni kta, iyakidecen okinipi kta.

25 Unkan anpetu kin he etanhan, qa ohakam dehanyan, Israel wokage qa woyaco kin he yuhapi.

26 Unkan David Tziqlag ekta luh, qa taku kipi kin etanhan Jllda hunkayapi koda wicaye cin ekta aye wicaši, qa hewicakiya. Hopo Jehovah tokayapi etanhan woyuha icupi kin woyawašte kin de nicupi.

27 Tona Bethel ohna yakonpi, qa Ramot (Hoskiski) itokaga en unpi, qa Jatir en unpi,

28 Qa Aroyer en yakonpi, qa Sipmot en yakonpi, qa Estemoya en yakonpi,

29 Qa Rakalen yakonpi,qa Jerahmeh tonwanyanpi en yakonpi, qa Qeni tonwanyanpi en yakonpi,

30 Qa iiorma en yakonpi, qa Korasan en yakonpi kin,

31 Qa Hebron en yakonpi kin; Oyanke tona David qa wicašta tawa ekta ipisa, hena owasin taku wicaqu.

SAMUEL TOKAHEYA WICOWOYAKE 31.

1 Wanna Philisti Israel kizapi; unkan Israel wicašta kin napapi, Philisti itokapa tanhan, qa Gilboya he akan capapi hinhpayapi.

2 Unkan Philisti Saul, qa iye cinca kin wicakihdegapi, qa Philisti Saul cinca kin Jonatan, qa Abinadab qa Melekisuya wicaktepi.

3 Qa Saul nina kizapi, qa itazipa yuhapi kin iyeyapi; unkan itazipa wicašta on nina cancan.

4 Qa Saul tawipe kicicin kin heciya, Isan hduscloka, qa camapa wo. Okini wicašta bakifidayapi šni kin dena en mahipi, qa camapapi, qa makiyuiepi kta. Tuka tawipe kicicin kin wicada šni, nina kokipa nakaš, heon Saul isan kin icu qa nhinhpayu.

5 Unkan tawipe kicicin kin Saul wanna te cin wanyaka. heon is eya taisan kin ahinfipaya, hecen sakim tapi.

6 Hecen Saul, qa cinhintku yamni, qa tawipe kicicin kin tapi; nakun wicašta tawa owasin anpetu kin he en witaya tapi.

7 Unkan Israel wicašta osmaka akasanpa yakonpi, qa Jordan akasanpa yakonpi kin Israel wicašta napapi kin wanyakapi, qa nokun Saul, qa iye cinca tapi kin, heon tonwanyanpi kin ayuštanpi, qa napapi. Unkan Philisti en hipi qa hena ohna iyotankapi.

8 Unkan ihanhanna Philisti tapi kin heyakepi yusdokapi kta hipi qehan, Saul qa cinhintku yamni Gilboya he akan tapi iyewicayapi.

9 Qa pa kin baksapi, qa tawipe icupi, qa Philisti makoce ekta yeyapi, qa tawakagapi tipi ekta, qa oyate ehna yuotaninpi kta e tipi iyaza ayapi.

10 Qa tawipe kin Astarot ti kin ohna ehnakapi, qa tancan kin Betsan otonwe conkaške  akan okatanpi.

11 Unkan Jabes Gilead otipi kin Philisti Saul taku ecakiconpi kin nahonpi qehan.

12 Wicašta waditaka owasin najinpi, qa hanyetu osan manipi, qa Saul tancan kin, qa cinhintku tancanpi kin Betsan conkaške  etanhan icupi, qa Jabe3 ekta ahdapi, qa hen fiufinariyapi.

13 Qa huhupi kin icupi, qa contanka Jabeg ohna wanke cin ihukuya hnakapi, qaanpetu gakowin wote šni unpi.