Wicayawapi (Numbers) Dakota Bible Translation 1-25

WICAYAWAPI

WICOWOYAKE 1.  (Numbers)

1 Unkan Egypta makoce etanhan hdinapapi kin waniyetu inonpa wi inonpa anpetu tokaheya en, Sinai hopuze cin ohna, itkokipapi wakeya ohna, Jehovah ie, ca Moses heciya.

2 Israel cinca omniciye ocowasin pa kin wicayawapo, wicowazipi iyecen, ateyapi tipi kin iyecen wicapa kin owasin cajepi tawapi iyecen.

3 Waniyetu wikcemna nonpa etanhan qa aktonpi, Israel ohna wica tona ozuye yapi, niye, qa Aaron wicadawapi kta,obe tawapi kin iyecen,

4 Unkan wicoun otoiyohi etanhan wicašta wan niyepi om un kta, wicašta ateyapi tipi itancan heca.

5 Unkan wicašta niyepi om najinpi kta, wicašta cajepi kin dena eepi, Reuben etanhan Elizur Šedeur cinhintku.

6 Simeon etanhan Šelumiel Zurišaddai cinhintku.

7 Judah etanhan Nahšon Amminadab cinhintku.

8 Issachar etanhan Nethaneel Zuar cinhintku.

9 Zebulun etanhan Eliab HeIon cinhintku.

10 Joseph cinca etanhan, Ephraim etanhan, Elišama Ammihud cinhintku; Manasseh etanhan Gamaliel Pedahzur cinhintku.

11 Benjamin etanhan Abidan Gideoni cinhintku.

12 Dan etanhan Ahiezer Ammišadai cinhintku.

13 Ašer etanhan Pagiel Ocran cinhintku.

14 Gad etanhan Eliasaph Deuel cinhintku.

15 Naphtali etanhan Ahira Enan cinhintku.

16 Omniciye etanhan hena wicakicopi, ateyapi wicoun wicaštayatapi kin, Israel kektopawinge itancan hecapi.

17 Unkan Moses qa Aaron wicašta caje wicayatapi qon hena icupi.

18 Qa wi inonpa anpetu tokaheya en, omniciye owasin yuwitaya hiyu wicayapi, unkan tuwewe etanhan tonpi kin ohdakapi, wicowazipi iyecen, ateyapi tipi on, waniyetu wikcemna nonpa aktonpi caje wicayawapi, wicapa owasin.

19 Qa Sinai hopuze ohna wicayawapi, Jehovah Moses hecon ši kin he iyecen.

20 Unkan Israel cinhintku tokapa Reuben cinca kin token wicatonpi wicowazipi iyecen, qa ateyapi tipi kin iyecen caje wicayawapi wicapa kin iyecen, wica waniyetu wikcemna nonpa aktonpi owasin, tona ozuye yapi owasin;

21 Reuben wicoun etanhan kektopawinge wikcemna topa sanpa opawinge zaptan wicayawapi.

22 Unkan Simeon cinca etanhan token wicatonpi, wicowazipi iyecen, qa ateyapi tipi kin iyecen, caje wicayawapi wicapa iyecen,wica waniyetu wikcemna nonpa aktonpi owasin, tona ozuye yapi owasin.

23 Simeon wicoun etanhan kektopawinge wikcemna zaptan sanpa kektopawinge napcinwanka sanpa opawinge yamni wicayawapi.

24 Unkan Gad cinca etanhan token wicatonpi, wicowazipi iyecen, ateyapi tipi kin iyecen, caje wicayawapi wica waniyetu wikcemna nonpa aktonpi, tona ozuye yapi owasin;

25 Gad wicoun etanhan kektopawinge wikcemna topa sanpa kektopawinge zaptan sanpa opawinge šakpe sanpa wikcemna zaptan wicayawapi.

26 Judah cinca etanhan token wicatonpi wicowazipi iyecen, ateyapi tipi kin iyecen, caje wicayawapi waniyetu wikcemna nonpa aktonpi, tona ozuye yapi owasin;

27 Judah wicoun etanhan kektopawinge wikcemna šakowin sanpa kektopawinge topa sanpa opawinge šakpe wicayawapi.

28 Issachar cinca etanhan token wicatonpi wicowazipi iyecen, ateyapi tipi kin iyecen, waniyetu wikcemna nonpa aktonpi caje wicayawapi, tona ozuye yapi owasin;

29 Issachar wicoun etanhan kektopawinge wikcemna zaptan sanpa kektopawinge topa sanpa opawinge topa wicayawapi.

30 Zebulun cinca etanhan token wicatonpi wicowazipi iyecen, ateyapi tipi kin iyecen waniyetu wikcemna nonpa aktonpi caje wicayawapi, tona ozuye yapi owasin;

31 Zebulun wicoun etanhan kektopawinge wikcemna zaptan sanpa kektopawinge šakowin sanpa opawinge topa wicayawapi.

32 Joseph cinca etanhan Ephraim cinca etanhan token wicatonpi  wicowazipi iyecen, ateyapi tipi kin iyecen, waniyetu wikcemna nonpa aktonpi, caje wicayawapi, tona ozuye yapi owasin;

33 Ephraim wicoun etanhan kektopawinge wikcemna topa sanpa opawinge zaptan wicayawapi.

34 Manasseh cinca etanhan, token wicatonpi wicowazipi iyecen, ateyapi tipi kin iyecen, waniyetu wikcemna nonpa aktonpi caje wicayawapi, tona ozuye yapi owasin;

35 Manasseh wicoun etanhan kektopawinge wikcemna yamni sanpa kektopawinge nonpa, sanpa opawinge nonpa wicayawapi.

36 Benjamin cinca etanhan token wicatonpi, wicowazipi iyecen, ateyapi tipi kin iyecen, waniyetu wikcemna nonpa aktonpi caje wicayawapi, tona ozuye yapi owasin:

37 Benjamin wicoun etanhan kektopawinge wikcemna yamni sanpa kektopawinge zaptan sanpa opawinge topa wicayawapi.

38 Dan cinca etanhan token wicatonpi, wicowazipi iyecen, ateyapi tipi kin iyecen, waniyetu wikcemna nonpa aktonpi caje wicayawapi, tona ozuye yapi owasin;

39 Dan wicoun etanhan kektopawinge wikcemna šakpe sanpa kektopawinge nonpa sanpa opawinge šakowin wicayawapi.

40 Ašer cinca etanhan token wicatonpi wicowazipi iyecen, ateyapi tipi kin iyecen, waniyetu wikcemna nonpa aktonpi caje wicayawapi, tona ozuye yapi owasin;

41 Ašer wicoun etanhan kektopawinge wikcemna topa sanpa kektopawinge wanjidan sanpa opawinge zaptan wicayawapi.

42 Naphtali cinca etanhan token wicatonpi wicowazipi iyecen, ateyapi tipi kin iyecen, waniyetu wikcemna nonpa aktonpi caje wicayawapi, tona ozuye yapi owasin;

43 Naphtali wicoun etanhan kektopawinge wikcemna zaptan sanpa kektopawinge yamni sanpa opawinge topa wicayawapi.

44 Moses qa Aaron qa Israel itancan wikcemna sanpa nonpa ateyapi tipi otoiyohi etanhan wicašta wanjidan, hena wicayawapi.

45 Hecen Israel cinca kin ateyapi tipi kin iyecen, tona wicayawapi, waniyetu wikcemna nonpa aktonpi, Israel ohna tona ozuye yapi kin owasin;

46 Tona wicayawapi owasin kektopawinge opawinge akpe sanpa kektopawinge yamni sanpa opawinge zaptan sanpa wikcemna zaptan eepi.

47 Tuka Levi kin ateyapi wicoun iyecen hena om wicayawapi šni.

48 Nakaeš Jehovah Moses hecen eciye ciqon;

49 Ihnunhan Levi wicoun kin wicadawa kin, qa hena oyawa kin Israel cinca kin wicehna aokiju yaye kte šni.

50 Tuka niye Levi kin wayaatanin tipi kin, qa tawakšica owasin, qa taku ohna un kin owasin yuhe wicayakiye kta. Hena tipi kin he, qa wakšica tawa owasin qinpi kta, qa he kicanyanpi kta, qa tipi kin he ihdukšan etipi kta.

51 Ihdakapi eca Levi kin tipi kin yujujupi kta,qa etipi eca Levi kin tipi kin piya iticagapi kta. Unkan tuwe tokeca ikiyedan hi kinhan te yapi kta.

52 Unkan Israel cinca kin otoiyohi wicohe iyecen wicoti tawa, qa wiyokiye tawa ekta tipi kta.

53 Tuka Levi kin wayaatanin tipi kin ihdukšan etipi kta, hecen Israel cinca omniciye kin wocanniye awicahinhpaye kte šni, Levi kin woyaatanin tipi awanyag wicašipi kin he iyecen awanyakapi kinhan.

54 Unkan Israel cinca kin token Jehovah Moses econpi kta eciye cin he iyecen taku owasin econpi.

WICAYAWAPI WICOWOYAKE 2.

1 Unkan Jehovah ie ca Moses, qa Aaron hewicakiya.

2 Israel cinca kin otoivohi wiyokiye tawa ekta, ateyapi tipi wiyokiyedan kin icahda wakeya iticage kta, itkokipapi wakeya ihdukšan owasin wakeya iticagapi kta.

3 Unkan he itokam wi hinape ektakiya Judah wicoti wiyokihe kin obe tawapi kin iyecen wakeya iticagapi kta. Unkan Nahšon Amminadab cinhintku kin Judah cinca itancan kin hee.

4 Qa obe tawa kektopawinge wikcemna šakowin sanpa kektopawinge topa sanpa opawinge šakpe wicayawapi.

5 Unkan he icahda Issachar wicoun tipi kta, qa Issachar cinca itancan kin Nethaneel Zuar cinhintku kin hee.

6 Qa obe tawa kektopawinge wikcemna zaptan sanpa kektopawinge topa sanpa opawinge topa wicayawapi.

7 Hehan Zebulun wicoun, qa Zebulun cinca itancan kin Eliab Helon cinhintku kin hee.

8 Qa obe tawa kektopawinge wikcemna zaptan sanpa kektopawinge šakowin sanpa opawinge topa wicayawapi.

9 Judah wicoti wicayawapi owasin kektopawinge opawinge sanpa kektopawinge wikcemna šahdogan sanpa kektopawinge šakpe sanpa opawinge topa wicayawapi.

10 Reuben wicoti wiyokiye kin wiyotanhan ektakiya tipi kta,obe tawapi kin iyecen, qa Reuben cinca itancan kin Elizur Šedeur cinhintku kin hee.

11 Qa obe tawa kektopawinge wikcemna topa sanpa kektopawinge šakpe sanpa opawinge zaptan wicayawapi.

12 Unkan he icahda Simeon wicoun tipi kta, qa Simeon cinca itancan kin Šelumiel Zurišaddai cinhintku kin hee.

13 Qa obe tawa kektopawinge wikcemna zaptan sanpa kektopawinge napcinwanka sanpa opawinge yamni wicayawapi.

14 Hehan Gad wicoun, qa Gad cinca itancan kin Eliasaph Reuel cinhintku kin hee.

15 Qa obe tawa kektopawinge wikcemna topa sanpa kektopawinge zaptan sanpa opawinge šakpe sanpa wikcemna zaptan wicayawapi.

10 Reuben om tipi wicayawapi owasin kektopawinge opawinge sanpa kektopawinge wikcemna zaptan sanpa kektopawinge wanjidan, sanpa opawinge topa sanpa wikcemna zaptan, obe tawapi kin iyecen, qa hena inonpa ihdakapi kta.

17 Hehan itkokipapi wakeya kin ihdake kta, Levi wicoti om wicoti cokaya, token tipi kin he iyecen ihdakapi kte, otoiyohi oyanke tawa ohna wiyokiyepi om.

18 Ephraim wiyokiye obe tawapi kin iyecen wiyohpeyata ektakiya tipi kta, qa Ephraim cinca itancan kin Elišama Ammihud cinhintku kin hee.

19 Qa obe tawa kektopawinge  wikcemna topa sanpa opawinge zaptan wicayawapi.

20 Qa he icahda Manasseh wicoun, qa Manasseh cinca itancan kin Gamaliel Pedahzur cinhintku kin hee.

21 Qa obe tawa kektopawinge wikcemna yamni sanpa kektopawinge nonpa sanpa opawinge nonpa wicayawapi.

22 Hehan Benjamin wicoun etipi kta, qa Benjamin cinca itancan kin Abidan Gideoni cinhintku kin hee.

23 Qa obe tawa kektopawinge wikcemna yamni sanpa kektopawinge zaptan sanpa opawinge tapa wicayawapi.

24 Ephraim wicoti om wicayawapi owasin kektopawinge opawinge sanpa kektopawinge šahdogan sanpa opawinge wanjidan, obe tawapi kin iyecen, qa hena iyamni ihdakapi kta.

25 Dan wiyokiye waziyata ektakiya tipi kta obe tawapi kin iyecen, qa Dan cinca itancan kin Ahiezer Ammišadai cinhintku kin hee.

26 Qa obe tawa kektopawinge wikcemna šakpe sanpa kektopawinge nonpa sanpa opawinge šakowin wicayawapi.

27 Unkan hie icahda tipi kin dena eepi; Ašer wicoun, qa Ašer cinca itancan kin Pagiel Ocran cinhintku kin hee.

28 Obe tawa kektopawinge wikcemna topa sanpa kektopawinge wanjidan sanpa opawinge zaptan wicayawapi.

29 Qa Naptali wicoun kin, qa Naptali cinca itancan kin Ahira Enan cinhintku kin hee.

30 Qa obe tawa kektopawinge wikcemna zaptan sanpa kektopawinge yamni sanpa opawinge topa wicayawapi.

31 Dan wicoti wicayawapi owasin kektopawinge opawinge sanpa kektopawinge wikcemna zaptan sanpa kektopawinge šakowin sanpa opawinge šakpe hena ehake ihdakapi kta, wiyokiye tawapi kin iyahna.

32 Israel cinca ate wicayapi tipi ecekcen hena wicayawapi, obe tawapi kin ohnahna, wicoti owancaya denakeca wicayawapi, kektopawinge opawinge sakpe sanpa kektopawinge yamni sanpa opawinge zaptan sanpa wikcemna zaptan.

33 Tuka Levi kin hena Israel cinca wicehna wicayawapi šni, Jehovah Moses hecen econ ši nakaeš.

34 Unkan token Jehovah Moses econ ši kin owasin he iyecen Israel cinca kin econpi, hecen wiyokiye tawapi kin icahda iticagapi, qa hecen otoiyohi wicotakuye tawa kin iyecen atewicaya tipi kin om ihdakapi.

WICAYAWAPI WICOWOYAKE 3.

1 Unkan Aaron, qa Moses wicoicage kin dee, Sinai he kin ohna Jehovah Moses kici wohdake cehan.

2 Aaron cinca kin cajepi kin dena eepi, Cinhintku tokapa Nadab, hehan Abihu, Eleazar, qa Ithamar.

3 Aaron cinca sda wicayapi cajepi kin hena eepi, hena wošna kagapi kta e nape ojun wicayapi.

4 Tuka Nadab, qa Abihu Jehovah itokam tapi Sinai hopuze cin ohna, peta tokeca Jehovah itokam hiyuyapi qehan,qa cinca nicapi. Unkan Eleazar qa Ithamar wawayušnapi ateyapi Aaron itokam.

5 Unkan Jehovah ie ca Moses heciya,

6 Levi wicoun kin awicahi wo, qa Aaron wawayušna kin itokam najin wicayakiye kta, hecen okiyapi kta.

7 Qa iye taku awanyake kte cin, qa omniciye owasin taku awanyakapi ktc cin he awanyakapi kta, itkokipapi wakeya itokam, qa tipi tohtani kin econpi kta.

8 Qa itkokipapi wakeya wak ica kin owasin awanyakapi kta, nakun Israel cinca kin toawanyake kin owasin, hecen tipi tohtani kin econpi kta.

9 Qa Levi kin taku qupi wan iyecen Aaron qa iye cinca kin wicayaqu kta, Israel cinca kin wicehna tanhan hena iye wicakicupi kta.

10 Unkan Aaron qa iye cinca kin hena yuhe wicayaši kta, unkan wowayušnapi kin awanyakapi kta, unkan tuwe tokeca ikiyedan hi kinhan teyapi kta.

11 Unkan Jehovah ie ca Moses heciya.

12 Qa miye, iho, miš Israel cinca wicehna tanhan Levi kin iwicawacu, Israel cinca tokapapi, tona winyan tamni nahdoke cin owasin hena eekiya, hecen Levi kin wicamduhe kta.

13 Tona tokapa kin owasin mitawa, Egypta makoce ohna tona caske owasin awicawape cin anpetu kin he en Israel wicehna wicašta, qa woteca tona caske owasin mici wahduwakan, hena mitawa kta, Jehovah he miye.

14 Unkan Sinai hopuze cin ohna Jehovah ie ca Moses heciya,

15 Levi cinca ateyapi tipi kin iyecen, wicowazipi iyecen, tona wica owasin wicayawa wo, wi wanjidan aktonpi wicadawa kta.

16 Unkan Jehovah i kin eciya etanhan token econ si kin he iyecen Moses wicayawa.

17 Unkan Levi cinca cajepi kin dena eepi, Geršon, qa Kohath, qa Merari.

18 Qa Geršon cinca cajepi kin wicowazipi iyecen, dena eepi Libni, qa Šimei.

19 Unkan Kohath cinca kin wicowazipi iyecen, Amram qa Izehar, Hebron qa Uzziel.

20 Unkan Merari cinca kin wicowazipi iyecen, Mahli qa Muši, Levi ateyapi tipi wicowazipi kin dena eepi.

21 Geršon etanhan Libni wicowazi, qa bimei wicowazi; Geršoni wicowazi hena eepi.

22 Hena wicayawapi tona wica waniyetu wanjidan aktonpi owasin kektopawinge šakowin sanpa opawinge zaptan.

23 Geršoni wicowazi tipi catku tanhan wiyohpeya ektakiya etipi kta.

24 Qa Geršoni ateyapi tipi itancan kin Eliasaph Lael cinhintku kin hee.

25 Qa itkokipapi wakeya etanhan Geršoni cinca taku awanyakapi kte cin dee, tipi kin, qa wakeya kin, qa toakahpe kin, qa itkokipapi wakeya tiyopa akahpe cin.

26 Qa hocoka ozanpi kin, qa hocoka tiyopa akahpe cin, he tipi kin qa wahna wostiapi ihduksan yanka, nakun ikanyanpi kin owasin.

27 Unkan Kohath etanhan Amrami wicowazi, qa Izehari wicowazi, Hebroni wicowazi, qa Uzhieli yicowazi; Kohathi wicowazi kin hena eepi.

28 Wi wanjidan aktonpi kin wica owasin, kektopawinge sahdogan sanpa opawinge šakpe, tipi wakan wokicanye kin awanyakapi.  

29 Kohath cinca wicowazi kin tipi icahda, wiyotanhan ektakiya etipi kta.

30 Qa Kohathi wicowazi ateyapi tipi itancan kin Elizaphan Uzziel cinhintku kin hee.

31 Qa hena can wohnaka kin, qa wahna wotapi kin,qa petijanjan ihupa kin, qa wahna wošnapi kin, qa tipi wakan tawakšica kin hena on tohtani econpi kin, qa taku on kicanyanpi owasin, qa tiyopa akahpe kin.

32 Unkan Levi itancan itancanpi kin Aaron wawayušna cinhintku kin Eleazar hee kta, iye tipi wakan awanyakapi kin hena awanwicayake kta.

33 Merari etanhan Mahli wicowazi kin qa Muši wicowazi kin; Merari wicowazi kin hena eepi.

34 Wica owasin wi wanjidan aktonpi kektopawinge šakpe sanpa opawinge nonpa.

35 Qa Merari ateyapi tipi wicowazipi itancan kin Zuriel Abihail cinhintku kin hee; hena waziyata ekta kiya tipi kta.

36 Unkan Merari cinca kin tipi canmdaška kin, qa can hdakinyan kin, qa can bosdata kin, qa sicu kin, qa tawakšica kin owasin, qa taku on kicanyanpi kin owasin awanyag wicayaši kta.

37 Nakun hocoka ihdukšan can bosdata kin, qa sicupi kin qa wihutipaspepi kin, qa ikanpi kin owasin.

38 Unkan Moses qa Aaron qa iye cinca kin tipiitokam wiyohiyanpa ektakiya, itkokipapi wakeya itokam wi hinanpa ektakiya etipi kta, Israel cinca kin tipi wakan awanyakapi kin hena awanyakapi kta, qa tuwe tokeca ikiyedan hi kinhan te yapi kta.

39 Levi kin Jehovah i eciyatanhan Moses qa Aaron wicayawapi owasin wicowazipi iyecen, wica wi wanjidan aktonpi wicayawapi owasin kektopawinge wikcemna nonpa sanpa kektopawinge nonpa.

40 Unkan Jehovah Moses heciya, Israel cinca caskepi owasin wicayawa wo, wi wanjidan aktonpi kin hena, qa cajepi oyawa icu wo.

41 Qa (Jehovah he miye,) heon Israel cinca caškepi owasin hee kiya Levi kin imicicu wo, qa Israel cinca tawanunyanpi caskepi owasin hee kiya Levi tawanunyanpi kin;

42 Unkan Moses Israel cinca caskepi owasin wicayawa, Jehovah hecon ši kin he iyecen.

43 Unkan caskepi owasin wi wanjidan aktonpi, cajepi wicayawapi iyecen, kektopawinge wikcemna nonpa sanpa kektopawinge nonpa sanpa opawinge nonpa sanpa wikcemna šakowin sanpa yamni wicayawapi.

44 Unkan Jehovah ie ca Moses heciya,

45 Levi kin iwicacu wo, qa Levi tawanunyanpi Israel cinca caškepi, qa tawanunyanpi hee kiya, hecen Levi kin mitawa kta.

46 Qa Israel cinca caskepi opawinge nonpa sanpa wikcemna šakowin sanpa yamni Levi kin isanpa hena ope wicakitonpi kta.

47 Hena otoiyohi etanhan pa wicayawapi kin iyecen šeqel zaptan, tipi wakan šeqel iyecen iyacukta. Šeqel wanjidan omnica wikcemna nonpa hee.

48 Qa wicayawapi iyaye cin mazaska on ope wicatonpi kin he Aaron qa iye cinca kin wicayaqu kta.

49 Unkan Moses Levi ope wicakitonpi sanpa iyayapi kin hena etanhan mazaska on opeicitonpi kin he icu;

50 Israel cinca caskepi etanhan mazaska kin icu, šeqel kektopawinge wanjidan sanpa opawinge yamni sanpa wikcemna šakpe sanpa zaptan tipi wakan šeqel iyececa.

51 Qa Moses mazaska on ope wicakitonpi kin he Aaron qa iye cinca kin wicaqu; Jehovah i kin eciyatanhan Jehovah Mosesšeconsi kin he iyecen.

WICAYAWAPI WICOWOYAKE 4.

1 Unkan Jehovah ie ca Moses qa Aaron hewicakiya.

2 Levi cinca wicehna tanhan Kohath cinca kin tonaka wicayawa wo, wicowazipi iyecen, ateyapi tipi kin iyecen.

3 Waniyetu wikcemna yamni aktonpi, qa waniyetu wikcemna zaptan aiyahdeya, tona itkokipapi wakeya woritani econpi kta e obe en opapi owasin.

4 Qa Kohath cinca wohtani econpi kta dee, itkokipapi wakeya ohna taku wakan hinca.

5 Wicoti ihdakapi kte cinhan Aaron qa iye cinca kin en hipi kta, qa cokaya ozanpi woakahpe kin kun icupi kta, qa he on woyaatanin can wohnake kin akahpapi kta.

6 Qa he iwankam hoka ha woakahpe wan ehnakapi kta, qa he iwankam sina wan ocowasin to ayumdayapi kta, qa tosu kin en iyeyapi kta.

7 Qa wahna wotapi itokam hnakapi akan sina to wan ayumdayapi kta, qa he akan waksica kin, qa maza tukiha kin, qa wiyatke kin, qa cega etanhan wakanyan kaštanpi kin ehnakapi kta, qa aguyapi ohinniyan kin he akan yanke kta.

8 Qa hena akan sina duta wan ayumdayapi kta, qa hoka ha woakahpe wan on akahpapi kta, qa can akiyuhapi kin wiyeya kagapi kta.

9 Qa sina to wan icupi kta, qa petijanjan ihupa kin, qa petijanjan kin, qa petijanjan iyukse kin, qa ohna cahota icupi kin, qa wihdi wakšica on he kicanyanpi owasin akahpapi kta.

10 Qa he qa tawašica owasin hoka ha ojuha wan en ohnakapi kta, qa can akiyuhapi wan akan ikoyag yapi kta.

11 Qa mazaskazi wahna wošnapi akan sina to wan ayumdayapi kta, qa hoka ha woakahpe wan on akahpapi kta, qa can akiyuhapi kin he ikoyag yapi kta.

12 Qa wakšica kicanyaupi, tipi wakan ohna taku econpi kin hena owasin icupi kta, qa sina to wan akan ehnakapi kta, qa hoka ha ojuha wan en iycyapi kta, qa can akiyuhapi wan akan ikoyag yapi kta.

13 Qa wahna wošnapi ctanhan cahota pakintapi kta, qa akan sina stan wan ayumdayapi kta.

14 Qa he akan taku on kicanyaupi owasin, petaga wakšica kin, qa mazajanjata kin, qa mazamdaska kin, qa wakšica kin, taku on wahna wošnapi kicanyaupi owasin ehnakapi kta, qa akan hoka ha woakahpe wan ayumdayapi kta, qa can akiyuhapi kin ekta ikoyag yapi kta.

15 Unkan tipi ihdakapi eca Aaron qa iye cinca tipi wakan qa taku on kicanyanpi kin owasin akahpapi yuštanpi kinhan, hena qinpi kta e Kohath cinca kin en hipi kta, tuka taku wakan seca yutanpi kte šni, heconpi kinhan okini tapi kta. Itkokipapi wa keya ohna Kohath cinca tawaqinpi kin hena eepi.

16 Unkan Eleazar Aaron wawayušna cinhintku kin wihdi iyoyam yapi kin, qa pejuta izinyapi waštemna, qa anpetu iyohi minha kin, qa wihdi on sdawicayapi kin hena awanyake kta; tipi wakan ocowasin, qa taku ohna un kin owasin, tipi wakan ohna, qa tawakšica ohna taku un kin awanyake kta.

17 Unkan Jehovah ie ca Moses qa Aaron hewicakiya,

18 Ihnuhan Levi kin wicehna tanhan Kohathi wicoun wicowazi kin wicayakaspapi kin.

19 Qa hecen ecawicayeconpi kta, hecen nipi kta, qa taku woyuha, hinca ikiyedan hipi ešta tapi kte šni; Aaron qa iye cinca kin en ipi, qa otoiyohi taku econ, qa taku qin kta okiyakapi kta.

20 Tuka taku tipi woyuha ohna akahpapi eca wanyakapi kta e en hipi kte šni, okini tapi kta.

21 Unkan Jehovah ie ca Moses heciya.

22 Geršon cinca nakun wicayawa wo, ateyapi tipi kin iyecen, qa wicowazipi kin iyecen;

23 Waniyetu wikcemna yamni aktonpi etanhan waniyetu wikcenma zaptan aiyahdeya wicadawa kta, obe itkokipapi wakeya ohna wohtani econpi kta e en yapi kin owasin.

24 Geršoni wicowazi kin wohtani econpi kta, qa taku qinpi kte cin dee.

25 Tipi ozanpi kin qa itkokipapi wakeya he akahpe cin, qa hoka ha woakahpe kin he iwankam akapa tanhan yanke cin, qa itkokipapi wakeya tiyopa ozanpi kin hena qinpi kta.

26 Nakun hocoka ozanpi kin, hocoka tipi ihdukšan, qa wahna wošnapi ihdukšan yanke cin tiyopa ozanpi kin, qa ikan kin qa tawakšica kin owasin, qa taku on hena kicanyanpi kin owasin.

27 Geršoni cinca taku qinpi, qa taku kicanyanpi kin owasin Aaron qa iye cinca oiepi eciyatanhan econpi kta, qa taku qinpi kta owasin awanyag wicayasipi kta.

28 Geršoni cinca wicowazipi itkokipapi wakeya ohna wohtanipi kin hee,qa hena taku awanyakapi kte cin he Ithamar Aaron wawayušna cinhintku nape ihukuya un kta.

29 Merari cinca kin wicowazipi iyecen, ateyapi tipi kin iyecen wicadawa kta;

30 Waniyetu wikcemna yamni aktonpi waniyetu wikcemna zaptan aiyahdeya, obe itkokipapi wakeya wohtani econpi kta c en upi kin owasin wicadawapi kta.

31 Qa itkokipapi wakeya on wobtanipi kin tawaqinpi awanyakapi kte cin dee; tipi canmdaška kin, qa can hdakinyan kin qa can ipatan kin, qa maza sicu kin.

32 Qa hocoka ihdukšan maza ipatan kin, qa sicupi kin, qa wihutipaspepi, qa ikanpi kin; nakun taku on hena kicanyanpi, qa yuhapi kin owasin, qa waqinpi awanyakapi kin cajepi on wicayecidawapi kta.

33 Merari cinca wicowazi wohtani owasin itkokipapi wakeya ohna htanipi kte cin hee, Ithamar Aaron wawayušna kin cinhintku nape kin ikukuya.

34 Unkan Moses qa Aaron qa omniciye itancanpikin Kohath cinca wicowazipi iyecen, qa ateyapi tipi kin iyecen wicayawapi,

35 Waniyetu wikcemna yamni aktonpi qa waniyetu wikcemna zaptan aiyahdeya tona itkokipapi wakeya wohtani econpi kta obe en hipi kin owasin.

36 Kektopawinge nonpa sanpa opawinge šakowin sanpa wikcemna zaptan wicayawapi wicowazipi iyecen qa ateyapi tipi kin iyecen.

37 Kohathi wicowazipi etanhan tona itkokipapi wakeya en htanipi owasin wicayawapi kin hena eepi; hena Moses qa Aaron wicayawapi Jehovah i kin eciyatanhan Moses nape kin on.

38 Unkan Geršon cinca kin wicowazipi iyecen qa ateyapi tipi kin iyecen wicayawapi.

39 Waniyetu wikcemna yamni aktonpi qa waniyetu wikcemna zaptan wicatonpi aiyahdeya, tona itkokipapi wakeya en htanipi kta e obe en hipi kin owasin.

40 Kektopawinge nonpa sanpa opawinge šakpe sanpa wikcemna yamni wicayawapi, wicowazipi iyecen, qa ateyapi tipi kin iyecen.

41 Geršon cinca wicowazipi etanhan wicayawapi kin hena eepi, tona itkokipapi wakeya ohna htanipi owasin hena Moses qa Aaron wicayawapi Jehovah i eciyatanhan.

42 Unkan Merari cinca wicowazi wicayawapi wicowazipi kin iyecen, qa ateyapi tipi kin iyecen.

43 Waniyetu wikcemna yamni aktonpi qa waniyetu wikcemna zaptan aiyahdeya, tona itkokipapi wakeya ohna htanipi kta e obe en opapi kin owasin.

44 Kektopawinge yamni sanpa opawinge nonpa, wicowazipi iyecen wicayawapi.

45 Merari cinca wicowazipi etanhan wicayawapi hena Moses qa Aaron wicayawapi Jehovah i eciyatanhan Moses nape kin on.

46 Moses qa Aaron qa Israel itancanpi kin Levi kin wicowazipi iyecen, qa ateyapi tipi kin iyecen, wicayawapi owasin,

47 Waniyetu wikcemna yamni aktonpi, qa waniyetu wikcemna zaptan aiyahdeya, tona wohtani econpi kta, qa waqinpi econpi kta e itkokipapi wakeya en hipi kin owasin.

48 Kektopawinge šahdogan sanpa opawinge zaptan sanpa wikcemna šahdogan wicayawapi.

49 Jehovah i eciyatanhan Moses wicayawa otoiyohi taku econ kta, qa taku qin kta owicakiyaka, Jehovah Moses econ si kin he iyecen.

WICAYAWAPI WICOWOYAKE 5.

1 Unkan Jehovah ie ca Moses heciya.

2 Israel cinca kin tona leprosy ececa, qa tona ton kaduze ein, qa tona taku nagi iyaye cin on šape cin, hena owasin wicoti etanhan tokan iyaye wicayapi wicaši wo.

3 Wica, winyan unman tukte kašta ye wicayasipi kta, wicoti, etanhan iyaye wicayayapi kta, hecen wicoti cokaya wati kin he yušapapi kte šni.

4 Unkan Israel cinca kin ecen econpi, qa hena wicoti itankan iyaye wicayapi, token Jehovah Moses eciye cin hecen Israel cinca kin econpi.

5 Unkan Jehovah ie ca Moses heciya,

6 Israel cinca kin hewicakiya wo. Wicašta kaiš winohinca wicašta wan en woahtani econ kinhan, qa itonšniyan Jehovah caje yate qa wicanagi kin he hdajuju kta sdotkiye cinhan,  

7 Woahtani econ qon ohdake kta, qa wokajuju ocowasin hdajuju kta, qa heizaptan aope kiciye ca tuwe en wahtani kin kicu kta.

8 Tuka wicašta takuye wohdajujukicupi kta wanice cinhan, wohdajuju kin Jehovah kicupi kta, wawayušna akahpe kiciye cin he ekta woakahpe tahcaska mdoka iyahna.

9 Unkan Israel cinca taku wošnapi etanhan wokosyapi owasin wawayušna ekta kahipi kin he tawa kta.

10 Qa wicašta tuwe kašta taku wošna kin he wawayušna he kahi kinhan he tawa kta.

11 Unkan Jehovah ie ca Moses heciya.

12 Israel cinca kin hecen ewicakiya wo. Wicašta tuwe kašta tawicu ihduhomni, qa iye en nahmana awahtani kinhan;

13 Qa wicašta tokeca wan kici iwanke cinhan, he nahmana econ, qa hihnaku išta kin wanyake šni, qa ihdušape tuka wayaatanin wanica, hecon icunhan iyeyapi šni nakaeš;

14 Unkan wowinawizi woniya wan en iyopte ca tawicu kin inakiwizi, unkan he ihdusapa; kaeš wowinawizi woniya wan en iyopte ca tawicu inakiwizi, tuka he ihdusape šni kinhan;

15 Wicašta kin he tawicu kin wawayušna kin ekta u kiye kta, nakun tawicu toahi kin hiyuye kta, barley mdu can wakšica ohnaka wanjidan, wihdi akaštan kte šni, qa frankincense aehnake kte šni, wowinawizi minha hee nakaš, wokiksuye minha on wicohan šica kiksuyapi kta

16 Unkan wawayušna kin he ikiyedan hiyuye ca Jehovah itokam najin kiye kta.

17 Qa wawayušna kin mini yuwakanpi maka wakšica wan ohna icu kta, qa tipi wakan owanka etanhan maka mdu nakun wawayušna icu kta, qa mini kin akada kta.

18 Unkan wawayušna kin winohinca kin Jehovah itokam najin kiye kta, qa pa yugan iyeye kta, qa nape kin akan wokiksuye minha, wowinawizi minha kin hee aehnake kta; tuka mini pa taku tehika icatiye cin he wawayušna kin nape ohna yuhe kta.

19 Qa wawayušna kin winohinca kin taku wakan cajeyan kiye kta, qa winohinca heciye kta, Nihdušape šni kinhan, qa nihihna etanhan nihduhomni šni, qa wicašta tokeca kici inonke šni kinhan, mini pa taku tehika icahye cin de kiunni niye kte šni.

20 Tuka nihihna etanhan nihduhomni, qa nihdusape ca nihihna hee kiya wicašta tokeca kici inonke cinhan;

21 Hecen wawayušna kin winohinca kin taku wakan cajeyan wowicake ohdag ši kta, qa wawayušna kun winohinca kin heciye kta, Jehovah oyate nitawa wicehna woyašice nicage kta, Jehovah niceca kin hdi niye ca nitezi po niye cinhan;

22 Qa mini taku tehike icahye cin de nisupe en ye cinhan tezi nipo kta, qa ceca nihdi kta, eye kta: Unkan hecetu nunwe amen, amen,winohinca kin eye kta.

23 Unkan wawayušna kin woyašice kin he wowapi wan akan owa kta, qa mini pa kin on pajaja kta.

24 Qa winohinca kin mini pa taku tehika icahye cin he yatke kiye kta: Unkan mini taku tehika icahye cin he tan mahen iyaye ca pa kta.

25 Hehan wawayušna kin wowinawizi minha kin winohinca nape etanhan icu kta, qa Jehovah itokam yuwinte kta, qa wahna wošnapi ekta kahi kta.

26 Qa wawayušna kin minha etanhan nape ohnaka wan wokiksuye on icu kta, qa wahna wošnapi izinye kta, hehan winohinca kin mini yatke kiye kta.

27 Unkan mini yatke kiye cin iyohakam kaketu kta, he ihdušape ca hihnaku nahmana awahtani unkanš, mini taku tehika icahye cin tan mahen iyaye ca pa kta, heon tezi kin po kta, qa ceca kin hdi kta, unkan winohinca kin he oyate tawa ehna woyašice kta.

28 Tuka winohinca kin ihdušape šni, qa ska kinhan he kiunniye kte šni, tuka cinca ton kta.

29 Wowinawizi woope kin hee, winohinca wan hihnaku etanhan ihduhomni qa ihdušape cinhan.

30 Nakun wowinawizi woniya wan wicašta wan en iyaye cinhan, qa tawicu kin inakiwizi, qa Jehovah itokam najin kiye kta; unkan wawayušna kin woope kin de owasin iyecen ecakicon kta.

31 Hecen wicašta kin woahtani kiciyawapi kte šni, tuka winohinca iye wahtani kin hduhe kta.

WICAYAWAPI WICOWOYAKE 6.

 1 Unkan Jehovah ie ca Moses heciya.

2 Israel cinca kin hecen ewicakiya wo: Wicašta wan kaeš winohinca wan Jehovah ekta ihdukinunkan, Nazari wohdakapi on, Nazari heca kta e iciconze cinhan.

3 Miniša qa mini wakan etanhan ihdukinunkan kta, miniskumna miniša etanhan, qa mini wakan etanhan miniskumna yatke kte šni, qa taku kašta hastanhanka en hpanyanpi kin yatke kte šni, qa hastanhanka do, kaeš puza unmanna yute kte šni.

4 Tohanyan Nazari heca anpetu owasin hastunhanka iyuwi taku aicage cin ha etanhan kaeš su etanhan kagapi ongedan yute kte šni

5 Tohanyan Nazari iciconze cin icasan wan pa akan ye kte šni, Jehovah on ihdukinunkan ohdake cin anpetu henakeca kin hehanyan paha kin hanska icage kta.

6 Jehovah en Nazari icicu anpetu kin hena icunhan tuwe nagi ye cin en i kte šni.

7 Atkuku on, kaeš hunku on, kaeš sunkaku on, kaeš tawinohtin on, hena tapi on ihdusape kte šni. Tuwe wakan da Nazari kin iye pa akan un nakaeš.

8 Tohan Nazari heca hehanyan Jehovah on wakan kta.

9 Unkan tukten yanke cin tuwe ihnuhanna en te cinhan, Nazari pa kin šape kta; unkan anpetu en yuškapi kinhan, pa hdasda kta, anpetu išakowin hehan ihdasda kta.

10 Qa anpetu išahdogan tinwakiyedan nonpa, qais wakiyedan cinca nonpa wawayušna kin ekta kahi kta, itkokipapi wakeya tiyopa ekta.

11 Unkan wawayušna kin wanji woahtani wošnapi kage kta, qa unman wohuhnahyapi kta, hecen wicašta nagiye cin en wahtani kin akahpe kiciye kta, qa piya pa kin yuwakan kta, anpetu kin he en.

12 Unkan Nazari anpetu kin Jehovah on hdukinunkan kta, nakun wohdajuju on tahkaška cinca wan waniyetu wanjidan kahi kta, qa  Nazari kin hdusape cin on anpetu tokaheya kin yawa kte šni.

13 Unkan Nazari woope kin dee tohan Nazari anpetu henakeca kinhan, anpetu kin he en itkokipapi wakeya tiyopa ekta ihdohi kta.

14 Qa toahi kin Jehovah kahi kte, wohuhnahyapi on tahkaška cinca mdoka wan zanika, waniyetu wanjidan, qa woahtani wošnapi on tahkaška cinca wiyedan waniyetu wanjidan zanika, qa wopida wošnapi on tahcaska mdoka wanjidan zanika.

15 Qa minha tawapi qawoakaštan tawapi, qa aguyapi napohyapi šni, aguyapi mdu hinca on kagapi, wakiskotpa ohnaka wan aguyapi hmiyanyan wihdi icicahiyapi, qa aguyapi napohyapi šni wihdi on sdayapi.

16 Unkan wawayušna kin hena Jehovah itokam kahi kta, qa woahtani wošnapi, qa wohuhnahyapi kin wošna kta.

17 Qa tahcaska mdoka kin wopida wošnapi kin Jehovah wakiyusnakta, aguyapi napohyapi šni wakiskotpa kin iyahna, qa wawayušna kin minha kin, qa woakaštan kin kage kta.

18 Unkan Nazari kin pa kin hdasda kta, itkokipapi wakpa tiyopa ekta, qa Nazari heca paha kin peta wopida wošnapi ihukuya un kin he akan ehpe kiye kta.

19 Hehan wawayušna kin tahcaska mdoka isto spanyanpi kin icu kta, nakun wakiskotpa etanhan aguyapi napohyapi šni wanjidan, qa Nazari nape akan elmake kta, Nazari heca kasdapi iyohakam.

20 Qa wawayušna kin hena Jehovah itokam yuwinte kta; woi yuwintapi wakan hee, wawa| yustia tawa kta, maku yuwinta-. pi kici, qa hiyete kozapi kici. Unkan he iyohakam Nazari kin miniša yatke kta okihi.

21 Nazari woope kin hee; tuwe Jehovah ekta ihdukinunkan kta oyaka, woahi kahi kte cin taku nape kin iyohiye cin iyahna, token oyake cin he iyecen kahi kta, Nazari woope kin he kici.

 22 Unkan Jehovah ie ca Moses heciya.

23 Aaron qa iye cinca kin hecen ewicakiya wo. Israel cinca kin hecen wicadawaštepi kta, qa hewicayakiyapi kta.

24 Jehovah niyawašte, qa nipatan:

25 Jehovah ite kin iyoyam niciya, qa onšinida kta;

26 Jehovah ite kin anitonwe ca wookiye nicu nunwe.

27 Hecen micaje kin Israel cinca kin awicahnakapi kta, unkan miye wicamdawašte kta.

WICAYAWAPI WICOWOYAKE 7.

1 Unkan kaketu, Moses tipi kin ehde yuštan qehan, qa sdaye ca yuwakan, nakun taku on kicanyanpi owasin; qa wahna wošnapi, qa taku on kicanyanpi owasin, nakun hena sdaye ca yuwakan.

2 Hehan Israel itancan kin ateyapi tipi pa kin hena wakahipi, wicoun itancanpi wicayawapi icunhan en najinpi kin hena eepi.

3 Toahipi kin Jehovah itokam hiyuyapi; canpahmihma akahpetonpi šakpe, qa tatankapi wosdohanpi akenonpa, itancan nonpa on canpahmihma wanjidan, qa otoiyohi on tatankapi wosdohanpi wanjidan, qa hena tipi kin itokam ahipi.

4 Unkan Jehovah ie ca Moses heciya.

5 Hena icu wo, hecen itkokipapi wakeya wohtani econpi kta e hena unpi kta, qa hena Levi kin wicayaqu kta, otoiyohi wohtani econ kin iyecen.

6 Unkan Moses canpahmihma qa tatankapi wosdohanpi kin hena icu, qa Levi kin wicaqu.

7 Canpahmihma nonpa, qa tatankapi wosdohanpi topa Geršon cinca kin wicaqu, wohtani econpi kin on.

8 Qa canpahmihma topa, qa tatankapi wosdohanpi šahdogan Merari cinca kin wicaqu, wohtani econpi kin on; Aaron wawayušna kin cinhintku Ithamar nape kin ihukuya.

9 Tuka Kohath cinca kin takudan wicaqu šni, hena tipi wakan tawohtanipi hiyetepi akan qinpi nakaš.

10 Unkan wahna wošnapi sdayapi anpetu kin he en, itancanpi kin wahna wošnapi kin yuwakanpi kta e toahipi kin hdoipi, qa itancanpikin toahipi wahna wošnapi itokam hdoipi.

11 Unkan Jehovah Moses heciya, Wahna wošnapi yuwakanpi kta e itancan otoiyohi anpetu wan tawakiya en toahi kin hdoi kta.

12 Unkan Nahšon Amminadab cinhintku Judah wicoun itancan kin anpetu tokaheya kin toahi kin hdoi.

13 Qa toahi kin mazaska wakšica wan šeqel opawinge sanpa wikcemna yamni aspeyapi, qa mazaska wakšica on amnimnipi wan šeqel wikcemna akowin tipi wakan šeqel iyececa, napin aguyapi mdu hinca wihdi icicahiyapi on ojudan ininha kin hee.

14 Mazaskazi tukiha wan šeqel wikcemna wizinyapi on ojudan;

15 Tatanka susu wanica aškatudan wanji, tahcaska mdoka wanji, tahcaska cinca wan waniyetu wanjidan wohuhnahyapi nee;

16 Hekinškayapi cinca wanji woahtani wošnapi on;

17 Qa wopida wošnapi on tatankapi wosdohanpi nonpa, tahcaska mdoka zaptan, hekinškayapi mdoka zaptan, tahkaška cinca waniyetu wanjidan zaptan; Nahšon Amminadab cinhintku toaki kin hee.

18 Unkan anpetu inonpa kin Nethaneel Zuar cinhintku Issachar itancan kin hdoi,

19 Qa toahi kin dee, mazaska wakšica wan šeqel opawinge sanpa wikcemna yamni aspeyapi, qa mazaska wakšica on amnimnipi wan šeqel wikcemna sakowin, tipi wakan šeqel iyececa, napin aguyapi mdu hinca wihdi icicahiyapi on ojudan, minha kin hee;

20 Mazaskazi tukiha wan šeqel wikcemna wizinyapi on ojudan;

21 Tatanka susu wanica aškatudan wanji, tahcaska mdoka wanji, tahkaška cinca wanji waniyetu wanji, wohuhnahyapi hee;

22 Hekinškayapi cinca wanji, woahtani wošnapi on;

23 Qa wopida wošnapi on tatankapi wosdohanpi nonpa, tahcaska mdoka zaptan, hekinškayapi mdoka zaptan, tahkaška cinca waniyetu wanjidan zaptan, Nethaneel Zuar cinhintku toahi kin hee.

24 Anpetu iyamni Zebulun cinca itancan kin Eliab Helon cinhintku hdoi,

25 Toahi kin mazaska wakšica wan šeqel opawinge sanpa wikcemna yamni aspeyapi, mazaska wakšica on amnimnipi šeqel wikcemna šakowin, tipi wakan šeqel iyececa, napin aguyapi mdu hinca wihdi icicahiyapi on ojudan, minha kin hee;

26 Mazaskazi tukiha wan šeqel wikcemna wizinyapi on ojudan.

27 Tatanka susu wanica aškatudan wanji, tahcaska mdoka wanji, tahkaška cinca waniyetu wanjidan wanji, wohuhnahyapi kin hee;

28 Hekinškayapi cinca wanji, woahtani wošnapi on;

29 Qa wopida wošnapi on tatankapi wosdohanpi nonpa, tahcaska mdoka zaptan, hekinškayapi mdoka zaptan, tahkaška cinca waniyetu wanjidan zaptan; Eliab Helon cinhintku toahi kin hee.

30 Anpetu itopakin Reuben cinca itancan kin Elizur Šedeur cinhintku hdoi;

31 Toahi kin mazaska wakšica wanji šeqel opawinge sanpa wikcemna yamni aspeyapi, mazaska wakšica on amnimnipi wan šeqel wikcemna šakowin, tipi wakan šeqel iyececa, napin aguyapi mdu hinca wihdi icicahiyapi on ojudan, minha kin hee;

32 Mazaskazi tukiha wanji šeqel wikcemna wizinyapi on ojudan;

33 Tatanka susu wanica aškatudan wanji, tahcaska mdoka wanji, tahkaška cinca wanji waniyetu wanjidan, wohuhnahyapi hee;

34 Hekinškayapi cinca wanji, woahtani wošnapi on.

35 Qa wopida wošnapi on tatankapi wosdohanpi nonpa, tahcaska mdoka zaptan, hekinškayapi mdoka zaptan, tahkaška cinca waniyetu wanjidan zaptan, Elizur Šedeur cinhintku toahi kin hee.

36 Anpetu izaptan kin Simeon cinca itancan kin Šelumiel Zurišaddai cinhintku kin hdoi,

37 Toahi kin mazaska wakšica wan šeqel opawinge sanpa wikcemna yamni aspeyapi, qa mazaska wakšica on amnimnipi šeqel wikcemna šakowin, tipi wakan šeqel iyececa, napin aguyapi mdu hinca wihdi icicahiyapi on ojudan, minha kin hee.

38 Mazaskazi tukiha wanji šeqel wikcemna wizinyapi on ojudan;

39 Tatanka susu wanica aškatudan wanji, tahcaska mdoka wanji, tahkaška cinca wanji waniyetu wanjidan, wohuhnahyapi kin hee;

40Hekinškayapi cinca wanji, woahtani wošnapi on:

41 Qa wopida wošnapi on tatanka nonpa, tahcaska mdoka zaptan, hekinškayapi mdoka zaptan, tahkaška cinca waniyetu wanjidan zaptan, Šelumiel Zurišaddai cinhintku toahi kin hee.

42 Anpetu išakpe en Gad cinca itancan kin Eliasaph Deuel cinhintku kin hdoi.

43 Toahi mazaska wakšica wan šeqel opawinge sanpa wikcemna yamni aspeyapi, mazaska waksica on amnimnipi wanji šeqel wikcemna šakowin, tipi wakan šeqel iyececa, napin aguyapi mdu hinca wihdi icicahiyapi ojudan, minha kin hee.

44 Mazaskazi tukiha wan šeqel wikcemna wizinyapi on ojudan;

45 Tatanka susu wanica aškatudan wanji, tahcaska mdoka wanji, tahkaška cinca wanji waniyetu wanjidan, wohuhnahyapi kin hee.

46 Hekinškayapi cinca wanji, woahtani wošnapi on;

47 Qa wopida wošnapi on tatankapi wosdohanpi nonpa, tahcaska mdoka zaptan, hekinškayapi mdoka zaptan, tahkaška cinca waniyetu wanjidan zaptan, Eliasaph Deuel cinhintku toahi kin hee.

48 Anpetu išakowin en Ephraim cinca itancan kin Elišama Ammihud cinhintku hdoi,

49 Toahi kin mazaska waksica wan šeqel opawinge sanpa wikcemna yamni aspeyapi, mazaska wakšica on amnimnipi wanji šeqel wikcemna šakowin, tipi wakan šeqel iyececa, napin aguyapi mdu hinca wihdi icicahiyapi on ojudan, minha kin hee.

50 Mazaskazi tukiha wanji šeqel wikcemna wizinyapi on ojudan.

51 Tatanka susu wanica aškatudan wanji, tahcaska mdoka wanji, tahkaska cinca wanji waniyetu wanjidan, wohuhnahyapi kin hee;

52 Hekinškayapi cinca wanji woahtani wošnapi on;

53 Qa wopida wošnapi on tatankapi wosdohanpi nonpa, tahkaska mdoka zaptan, hekinškayapi mdoka zaptan, tahkaška cinca waniyetu wanjidan zaptan, Elišama Ammihud cinhintku toahi kin hee.

54 Anpetu išahdogan Manasseh cinca itancan kin Gamaliel Pedahzur cinhintku hdoi,

55 Toahi mazaska wakšica wan šeqel opawinge sanpa wikcemna yamni aspeyapi, mazaska wakšica on amnimnipi wan šeqel wikcemna šakowin, tipi wakan šeqel iyececa, napin aguyapi mdu hinca wihdi icicahiyapi on ojudan, minha kin hee.

56 Mazaskazi tukiha wan šeqel wikcemna wizinyapi on ojudan;

57 Tatanka susu wanica aškatudan wanji, tahcaska mdoka wanji, tahkaška cinca wanji waniyetu wanjidan, wohuhnahyapi kin hee.

58 Hekinškayapi cinca wanji, woahtani wošnapi on;

59 Qa wopida wošnapi on tatankapi wosdohanpi nonpa, tahcaska mdoka zaptan, hekinškayapi mdoka zaptan, tahkaška cinca waniyetu wanjidan zaptan, Gamaliel Pedahzur cinhintku taohi kin hee.

60 Anpetu inapcinwanka en Benjamin cinca itancan kin Abidan Gideoni cinhintku hdoi,

61 Toahi kin mazaska wakšica wan šeqel opawinge sanpa wikcemna yamni aspeyapi, mazaska wakšica on amnimnipi wanji šeqel wikcemna šakowin, tipi wakan šeqel iyececa, napin aguyapi mdu hinca wihdi icicahiyapi on ojudan minha kin hee.

62 Mazaskazi tukiha wan šeqel wikcemna wizinyapi on ojudan;

63 Tatanka susu wanica aškatudan wanji, tahcaska mdoka wanji, tahkaška cinca wanji waniyetu wanjidan, wohuhnahyapi kin hee.

64 Hekinškayapi cinca wanji, woahtani wošnapi on;

65 Qa wopida wošnapi on tatankapi wosdohanpi nonpa, tahcaska mdoka zaptan, hekinškayapi mdoka zaptan, tahkaška cinca waniyetu wanjidan zaptan; Abidan Gideoni cinhintku toahi kin hee.

66 Anpetu iwikcemna en Dan cinca itancan kin Ahiezer Amišaddai cinhintku kin hdoi.

67 Toahi kin mazaska wakšica wan šeqel opawinge sanpa wikcemna yamni aspeyapi, mazaska wakšica on amnimnipi wanji šeqel wikcemna šakowin tipi wakan šeqel iyececa, napin aguyapi mdu hinca wihdi icicahiyapi on ojudan minha kin hee;

68 Mazaskazi tukiha wanji šeqel wikcemna wizinyapi on ojudan;

69 Tatanka susu wanica aškatudan wanji, tahcaska mdoka wanji, tahkaška cinca wanji waniyetu wanjidan, wohuhnahyapi kin hee;

70 Hekinškayapi cinca wanji woahtani wošnapi on;

71 Qa wopida wošnapi on tatankapi wosdohanpi nonpa, tahkaska mdoka zaptan, hekinškayapi mdoka zaptan, tahkaška cinca waniyetu wanjidan zaptan, Ahiezer Amišaddai cinhintku toahi kin hee.

72 Anpetu iake wanji Ašer cinca itancan kin Pagiel Ocran cinhintku kin hdoi.

73 Toahi kin mazaska wakšica wan šeqel opawinge sanpa wikcemna yamni aspeyapi, mazaska wakšica on amnimnipi šeqel wikcemna šakowin tipi wakan šeqel iyececa, napin aguyapi mdu hinca wihdi icicahiyapi on ojudan, minha kin hee.

74 Mazaskazi tukiha wanji šeqel wikcemna wizinyapi on ojudan;

75 Tatanka susu wanica aškatudan wanji, tahcaska mdoka wanji, tahkaška cinca wanji waniyetu wanjidan, wohuhnahyapi kin hee;

76 Hekinškayapi mdoka wanji woahtani wošnapi on;

77 Qa wopida wošnapi on tatankapi wosdohanpi nonpa, tahcaska mdoka zaptan, hekinškayapi mdoka zaptan, tahkaška cinca waniyetu wanjidan zaptan Pagiel Ocran cinhintku toahi kin hee.

78 Anpetu iake nonpa Naptali cinca itancan kin Ahira Enan cinhintku kin hdoi.

79 Toahi kin mazaska wakšica wan šeqel opawinge sanpa wikcemna yamni aspeyapi, mazaska wakšica on amnimnipi wanji šeqel wikcemna šakowin, tipi wakan šeqel iyececa, napin aguyapi mdu hinca wihdi icicahiyapi on ojudan, minha kin hee.

80 Mazaskazi tukiha wan šeqel wikcemna wizinyapi on ojudan;

81 Tatanka susu wanica aškatudan wanji, tahcaska mdoka wanji, tahkaška cinca wanji waniyetu wanjidan, wohuhnahyapi kin hee.

82 Hekinškayapi cinca wanji, woahtani wošnapi on;

83 Qa wopida wošnapi on tatankapi wosdohanpi nonpa, tahcaska mdoka zaptan, hekinškayapi mdoka zaptan, tahkaška cinca waniyetu wanjidan zaptan, Ahira Enan cinhintku toahi kin hee.

84 Wahna wošnapi sdayapi qehan Israel itancanpi etanhan yuwakanpi kin dee, mazaska wakšica akenonpa, mazaska wakšicaon amnimnipi akenonpa mazaskazi tukiha akenonpa,

85 Wakšica tanka otoiyohi šeqel opawinge sanpa wikcemna yamni, qa wakšica on amnimnipi otoiyohi wikcemna šakowin, wakšica owasin mazaska kin tke utapi kin šeqel kektopawinge nonpa sanpa opawinge topa, tipi wakan šeqel iyececa.

86 Mazaskazi tukiha wikcemna sanpa nonpa wizinyapi on ojudan, otoiyohi šeqel wikcemna, tipi wakan šeqel iyececa, tukiha owasin mazaskazi šeqel opawinge sanpa wikcemna nonpa.

87 Wohuhnahyapi on tatankapi wosdohanpi wanunyanpi owasin wikcemna sanpa nonpa, tahcaska mdoka wikcemna sanpa nonpa, tahkaška cinca waniyetu wanjidan wikcemna sanpa nonpa, minha tawapi iyahna, qa woahtani wošnapi on hekinškayapi cinca wikcemna sanpa nonpa;

88 Qa wopida wošnapi on tatankapi wosdohanpi wikcemna nonpa sanpa topa, tahcaska mdoka wikcemna šakpe, hekinškayapi mdoka wikcemna sakpe, tahkaška cinca waniyetu wanjidan wikcemna šakpe; wahna wošnapi sdayapi iyohakam on yuwakanpi kin hee.

89 Unkan kici wohdake kta e Moses itkokipapi wakeya ekta i eca, ho kin nahon, woyaatanin can wohnaka iwankapa tanhan taku eciya, cherubimi nonpa otahedan etanhan taku eciya.

WICAYAWAPI WICOWOYAKE 8.

1 Unkan Jehovah ie ca Moses heciya,

2 Ie ca Aaron hecen eciya wo, Petijanjan yuwankan yeyaya eca, petijanjan šakowin kin petijanjan itmpa itokapa tanhan iyoyamyapi kta

3 Unkan Aaron hecen econ petijanjan oide kin petijanjan ihupa itokapa tanhan wankan ye kiya: Jehovah Moses hecon si kin he iyecen.

4 Unkan petijanjan ihupa kin kaken kagapi, mazaskazi pagopi, ceca kin, qa adetka kin nakun pagopi: token Jehovah Moses wanyagkiye ciqon he iyecen petijanjan ihupa kagapi.

5 Unkan Jehovah ie ca Mowi heciya,

6 Levi kin Israel cinca wicehna tanhan iwicacu, qa wicayuška wo.

7 Qa wicayuškapi kta e hecen ecawicayecon kta, Mini on wicayuškapi kin amnimni ehpeya wo; unkan ukapi kin owancaya hdasanpi kta, qa wokoyake hdujajapi kta, hecen škapi kta.

8 Unkan tatanka susu wanica aškatudan wan icupi kta, qa minha tawa aguyapi mdu wihdi icicahiyapi, unkan tatankasusu wanica aškatudan tokeca kin iyacu kta woahtani wošnapi on.

 9 Qa itkokipapi wakeya itokam Levi kin ikiyedan awicayahi kta, qa Israel cinca omniciye owasin yuwitaya hiyu wicayaye kta.

10 Qa Levi kin Jehovah itokam awicayahi kta; unkan Israel cinca napepi kin Levi kin awicaputakapi kta.

11 Unkan Aaron Levi kin wicayuwinte kta, Jehovah itokam, wokosyapi wan Israel cinca etanhan, hecen Jehovah okiyapi kta e, wiyeya unpi kta.

12 Unkan Levi kin napepi tatanka pa akan awicatputakapi kta, unkan wanji woahtani wošnapi, qa unman wohunnanyapi Jehovah kicaga wo; hecen Levi akahpe wicakiciyapi kta.

13 Unkan Aaron itokam, qa iye cinca itokam, Levi kin najin wicayaye kta, qa wicaduwašte kta, Jehovah tawokosyapi.

14 Israel cinca wicehna tanhan Levi kin wicadukinunkan kta, hecen Levi kin mitawa kta.

15 Unkan he iyohakam Levi kin itkokipapi wakeya wohtani econpi kta e en upi kta; wicaduška, qa wokosyapi on wicaduwinte cinhan.

16 Hena ocowasin maqupi nakaš, Israel cinca wicehna tanhan winyan owasin cinca tokapa hee kiya, Israel cinca caskepi owasin hee kiya, hena mitawa kta e iwicawacu.

17 Israel cinca ehna wicašta woteca koya, tona caškepi owasin mitawa, Egypta makoce ohna caškepi owasin wicawaka taka, anpetu kin he en hena miciyahduwakan nakaš.

18 Unkan Levi kin wanna iwicawacu, Israel cinca caskepi owasin hee kiya.

 19 Qa Aaron, qa iye cinca hena yuhapi kta e Israel cinca wicehna tanhan Levi kin wicawaqu, itkokipapi wakeya ohna Israel cinca tohtanipi econpi kta, qa Israel cinca akahpe wicakiciyapi kta, hecen Israel cinca kin tipi wakan ikiyedan hipi kte šni qa wicehna makošice wanice kta, ikiyedan hipi unkanš makošice yuke kta tuka.

 20 Unkan Moses, qa Aaron, qa Israel cinca omniciye owasin, token Jehovah Moses Levi kin ecawicakicon wicaši kin owasin, he iyecen Israel cinca Levi kin ecawicakiconpi.

 21 Unkan Levi kin ihduskapi, qa wokoyake hdujajapi, unkan Aaron wicayuwinta, Jehovah itokam, wokosyapi wan, qa wicayuška kta e Aaron akahpe wicakiciya.

 22 Unkan he iyohakam, Levi kin itkokipapi wakeya ohna wohtani econpi kta e Aaron itokam, qa iye cinca itokam hipi. Token Jehovah Moses Levi kin ecawicakicon ši kin he iyecen ecawicakiconpi.

 23 Unkan Jehovah ie ca Moses heciya.

24 Levi kin kaken econpi kta, waniyetu wikcemna nonpa sanpa zaptan aktonpi kin hena itkokipapi wakeya en htanipi kin obe en opapi kta.

25 Qa waniyetu wikcemna zaptan aktonpi kin hena wohtani obe kin ayuštanpikta, qa icimanna en htanipi kte šni,

 26 Tuka sunka wicayapi om taku awanyakapi kin awanyakapi kta e itkokipapi wakeya ohna apeya unpi kta, qa wohtani takudan econpi kte šni, Levi kin taku awanyakapi kin icahtaka hecen ecawicayecon kta.

WICAYAWAPI WICOWOYAKE 9.

1 Unkan Israel cinca Egypta makoce etanhan hdinanpapi, waniyetu inonpa wi tokaheya en, Sinai hopuza ohna, Jehovah ie ca Moses heciya.

2 Iyehantu eca Israel cinca woacakšin econpi kta.

3 Wi kin de anpetu iake topa en htayetu otahedan he yakagapi kta, iyehantu kinhan tokage owasin, qa tawoyaco owasin iyecen he ecanonpi kta.

 4 Unkan Moses Israel cinca kin woacakšin kagapi kta kewicakiya.

5 Unkan wi tokaheya anpetu iake topa en, ohtayetu otahedan, Sinai hopuza ohna, woacakšin kin kagapi: token Jehovah Moses econ ši kin owasin hecen Israel cinca kin econpi.

6 Unkan wicašta tukte kapi, wicašta tancan tapi wan kin on šapapi, heon anpetu kin he en woacakšin kagapi okihipi šni, heon anpetu kin he en Moses itokam, qa Aaron itokam hinajinpi.

7 Qa wicašta kin hena heciyapi, Unkiyepi wicašta tancan tapi wan kin onunšapapi, tokeca heyata iyeunyanpi on iyehantu eca, Israel cinca wicehna Jehovah woahi wan unkahipi kte šni he?

8 Unkan Moses hewicakiya, Kakiya najin po, Token Jehovah econ nišipi kte cin he nawahon kta.

9 Unkan Jehovah ie ca Moses heciya,

10 Israel cinca kin hecen ewicakiya wo, Niyepi ehna, kaeš nitoicagepi yeye cin ehna, wicašta tuwe kašta tancan tapi wan kin on šapa, kaeš tehan icimani un ešta, woacakšin kin Jehovah kicage kta,

11 Wi inonpa anpetu iake topa en ohtayetu otahedan he kage kta, aguyapi napohyapi šni kici, qa peji pa kici he yute kta.

12 Ongedan hanhanna aiyahdeya ohdaptapi kte šni, qa hetanhan huhu wanjidan kaš kawegapi kte šni, woacakšin wokage owasin iyecen heconpi kta.

13 Unkan wicašta tuwe ska qa icimani un šni, qa woacakšin kage kapin kinhan, wicanagi kin he iye taoyate etanhan kaspapi kta, iyehantu Jehovah toahi kin kahi šni, heon wicašta kin he woahtani kin hduhe kta.

14 Unkan wicašta wan oyate tokeca niyepi om ounye ca woacakšin kin Jehovah kicage kte cinhan, woacakšin wokage kin, qa woyaco kin owasin iyecen he kage kta. Wicašta oyate tokeca on, qa tona makoce en tonpi kin on wokage wanjidan duhapi kta.

15 Unkan tipi kin ehdepi anpetu kin he en mahpiya šapa kin tipi kin akahpa, woyaatanin wakeya kin hee, qa htayetu eca tipi iwankam peta iyececa tanin, i, hanhanna hehanyan.

16 Ohinniyan hececa mahpiya kin he akahpe ca hanyen peta iyececa tanin.

 17 Unkan tohan mahpiya kin wakeya iwankapa tanhan wankan iyaya, hehan Israel cinca ihdakapi, qa tukten mahpiya kin i owanji najin kin, heciya Israel cinca kin etipi.

18 Jehovah i kin eciya tanhan Israel cinca kin ihdakapi, qa Jehovah i kin eciyatanhan tipi ehdepi; tona can mahpiya kin tipi kin iwankam yanka he: hanyan ihdakapi šni.

19 Qa mahpiya kin tipi iwankam yanka anpetu ota kinhan, i Israel cinca taku Jehovah awacin wicaši kin he awacinpi, qa ihdakapi šni.

20 Unkan he iyecen mahpiya kin anpetu tonana tipi iwankam yanke cinhan, Jehovah i kin eciyatanhan owanji unpi, qa Jehovah i eciyatanhan ihdakapi.

21 Unkan mahpiya kin htayetu etanhan ihanhanna hehanyan owanji yanke ca hanhanna yuwankan iyaye cinhan ihdakapi, anpoškan qa hanyen unman tukte kašta mahpiya kin wankan , iyaye cinhan ihdakapi.

22 Anpetu nonpa, kaeš wi wanjidan, qais sanpa anpetu ota i ešta, mahpiya tipi kin iwankam yanke cinhan, hehanyan, Israel cinca kin wakeya ohna owanji unpi, qa ihdakapi šni; tuka tohan yuwankan iyaya hehan ihdakapi.

23 Jehovah i kin eciyatanhan wakeya iticagapi, qa Jehovah i eciyatanhan ihdakapi, Jehovah taku awacin wicasl kin he awacinpi, token Moses nape on Jehovah econši kin he iyecen.

WICAYAWAPI WICOWOYAKE 10.

1 Unkan Jehovah ie ca Moses heciya,

2 Mazaska yahotonpi nonpa icieaga wo, pagopi hena yakage kta, qa omniciye eyanwicayapaha kta, qa oyate ihdag wicayakiye kta e hena duhe kta.

 3 Unkan napin on yahotonpi kinhan omniciye ocowasin niye en yuwitaya hipi kta, itkokipapi wakeya tiyopa ekta.

4 Qa wanjidan on yahotonpi kinhan, itancanpi Israel kektopawinge en tokapapi kin niye en mniciyapi kta,

 5 Qa panyanhanhan dahotonpi kinhan, oyate iwiyohiyanpata tipi kin ihdakapi kta.

6 Qa ake panyanhanhan dahotonpi kinhan, oyate itokaga tipi kin ihdakapi kta; ihdakapi kta e panyanhanhan yahotonpi kta.

 7 Qa oyate kin yuwitaya mniciyapi kte cinhan dahotonpi kta, tuka panyanhanhanpi kte šni .

8 Unkan Aaron cinca wawayušnapi, kin maza yahotonpi kin yahotonpi kta, nito icagepi yeye cin wokage kin owihanke wanica duhapi kta.

 9 Unkan toka niyanpi niciyušepi kin nitamakocepi ohna azu wicayayapi kinhan, mazayahotonpi kin panyanhanhan ho dahotonpi kta; unkan Jehovah wakan yadapi kin itokam niksuyapi kta, qa toka niyanpi etanhan cnihdakupi kta.

10 Unkan anpetu widuskinpi, qa mniniciyapi kin en, qa wi nitawapi anpetu tokaheya en mazayahotonpi kin hoton yayapi kta, wohuhnahyapi nitawapi iwankam, qa wopida wošnapi nitawapi iwankam, qa hena on tuwe wakan yadapi itokam niksuyapi kta, Jehovah wakan yadapi kin he miye.

11 Unkan waniyetu inonpa wi inonpa wi anpetu wikcemna nonpa en, mahpiya kin wayaatanin tipi iwankapa tanhan wankan iyaya.

12 Unkan Israel cinca kin unhdakapi iyecen Sinai hopuze kin etanhan ihdakapi; unkan mahpiya kin Paran hopuze kin en iyotanka.

13 Hehan tokaheya Moses nape eciyatanhan Jehovah ie cin iyecen ihdakapi.

14 Unkan Judah cinca wicoti obe wiyokiye kin tokaheya ihdakapi, qa obe tawa mdetanhunka kin Nahšon Amminadab cinhintku kin bee.

15 Unkan Issachar cinca wicoun mdetanhunka kin Nethaneel Zuar cinhintku kin hee.

16 Unkan Zebulun cinca wicoun mdetanhunka kin Eliab Helon cinhintku kin hee.

17 Hehan tipi wakan kin yujujupi qa Geršon cinca kin, qa Merari cinca kin tipi kin yuha ihdakapi.

18 Hehan Reuben wicoti obe wiyokiye ihdakapi, qa obe tawa mdetanhunka kin Elizur Šedeur cinhintku kin hee.

19 Unkan Simeon cinca wicoun mdetanhunka kin Šelumiel Zurišaddai cinhintku kin hee.

 20 Qa Gad cinca wicoun mdetanhunka kin Eliasaph Deuel cinhintku kin hee.

21 Hehan Kohathi kin taku yuwakanpi kin yuha ihdakapi, qa nahanhin ekra kipi šni unmanpi tipi kin ehdepi.

22 Hehan Ephraim cinca wicoti wiyokiye kin ihdaka obe tawapi kin iyecen, qa obe tawa mdetanhunka kin Ammihud cinhintku Elišama hee.

23 Unkan Manasseh cinca wicoun obe mdetanhunka kin Gamaliel Pedahzur cinhintku kin hee.

24 Unkan Benjamin cinca wicoun obe mdetanhunka kin Abidan Gideoni cinhintku kin hee.

 25 Hehan wicoti owasin hakam Dan cinca wicoti wiyokiye ihdaka, obe tawa kin iyecen, qa obe tawa mdetanhunka kin Ahiezer Ammišaddai cinhintku kin hee.

 26 Unkan Ašer cinca wicoun obe mdetanhunka kin Pagiel Ocran cinhintku kin hee.

27 Unkan Naphtali cinca wicoun obe mdetanhunka kin Ahira Enan cinhintku kin hee.

28 Israel cinca obepi ihdakapi eca hecen ihdakapi.

 29 Unkan Moses Hobab Raguel cinhintku Midiani kin, Moses tahanku kin heciya, Unkiyepi oyanke wan Jehovah cajeyate ca he cicupi kta unkekiyapi heciya unkihdakapi, Iho opa wo, kinhan taku wašte ecaunniconpi kta, Jehovah Israel taku wašte icaje wicayate nakaš.

30 Unkan, Mde kte šni, tuka makoce mitawa, qa wicowazi mitawa ekta wahde kta, eciya.

31 Unkan tokin enpe unyayapi šnis. Niye hopuze kin sdonyaya tukten euntipi kta, hecen išta unniyanpi kta.

32 Qa unkiyepi om idade cinhan kaketu kta, token Jehovah taku wašte ecaunkiconpi, he iyecen taku wašte ecaunniconpi kta,eya.

33 Unkan Jehovah he tawa etanhan ihdakapi, anpetu yamni canku yeyapi, unkan Jehovah wicotakuye can wohnake kin wicitokam iyaya anpetu yamni canku yapi kin, tukten etipi kta iwanwicakiciyake kta heon etanhan.

 34 Qa wicotipi etanhan ihdakapi eca, Jehovah tamahpiya kin anposkan wiciwankan un.

35 Unkan kaketu can wohnaka kin iyaya eca Moses heya, Jehovah najin ye, qa toka niyanpi kin enanakiya iyayapi kta, qa tona šicenidapi kin nitokapa tanhan najicapi kte.

36 Unkan tipi ehdepi eca, Jehovah hdi ye Israel kektopawinge ota kin ekta, eya.

WICAYAWAPI WICOWOYAKE 11.

 1 Unkan oyate kin Jehovah noge ohna šicaya šicahowayapi Jehovah nahon qehan canniyan, qa Jehovah tapeta aide wicaye ca wicoti ihanke en huhnah wicaya.

 2 Unkan oyate kin Moses hoye kiyapi; unkan Moses Jehovah cekiya, hecen peta kin anapta.

 3 Enkan oyanke kin he Tabera (Wohuhnaga) eya caje yata; hen Jehovah tapeta hunnah wicaya nakaš.

 4 Wanna wicota yuwitaya hipi, qa owicapapi kin hena nina wakonpi; unkan Israel cinj ca kin nakun ake ceyapi qa heyapi, Tuwe tado yun unkiyapi kta i hwo.

5 Egypta ohna hogan imnahan untapi kin he unkiksuyapi; na| kun saka yutapl ocaje nonpa, qa ! psin ocaje yamni.

6 Tuka wanna unnagipi seca aya, takudan wanunyakapi šni, manna kin do hececdan.

 7 Unkan manna kin korianna su kin hinskokeca, qa wanyakapi kin inyan wicasake iyececa tan in.

8 Unkan oyate kin enanakiya iyayapi, qa he mnayanpi, qa wiyukpan ohna yukpanpi, qais wibope en bopanpi, qa cega ohna Spanyanpi, qais aguyapi hmiyanyanna cahota ohna 6panyanpi, qa utapi kin aguyapi skuya wihdi icicayapi utapi kin he iyececa.

 9 Unkan cu kin hanyen wicoti ahinhpaye cehan manna kin he akan hiyu.

10 Unkan Moses oyate kin wicowazipi kin ecekcen ceyapi nawicahon, wicašta otoiyohi tawakeya tiyopa ohna, unkan Jehovah nina sihda nakun Moses he šicedaka.

11 Unkan Moses Jehovah heciya, Tokeca nitaokiye šicaya icayecon,qa tokeca nitokam woiyokipi iyewaye šni he f oyate kin de iyuhpa wicaqin mayakiya he?

12 Miye oyate kin de iyuhpa cinca wicawaton he 1 qais miye cinca wicawakaga on, Itpi ohna wicayuha wo, wicašta wan iye cinhintku azin hduhe cin he iyecenemayakiya, hecen makoce wan hunkake wicayapi wicayaqu kta yakonze cin heciya awicamde kta.

13 Tokiya tanhan tado mduhe ca oyate kin de iyuhpa wicawaqu kta he 1 wanna amaceyapi, qa, Tado unqu po, hecen untapi kta, eyapi.

14 Oyate kin de mišnana mduha kta owakihi šni, waqin kta isanpa tke nakaš.

15 Hecen ecamiyecon kinhan,  tokin te mayayen, woiyokipi nitokam iyewaye cinhan, hecen mitoiyokišice cin wanwahdake kte šni.

16 Unkan Jehovah Moses heciya, Oyate hunkayapi etanhan wicašta wikcemna šakowin mniciye wicakiya wo, miye ekta, wicašta oyate kin hunka wicayapi heca sdonwicayaya, qa itancan hecapi, qa itkokipapi wakeya ekta hiyu wicayaye kta; unkan niye kici hen najinpi kta.

17 Unkan miš kun wau, qa hen nici wowahdake kta, qa woniya niye en un kin etanhan emdaku kta, qa hena en ye waye kta; unkan nišnana oyate kin wicaduha kte šni, hena nici wicayuhapi kta.

18 Unkan oyate kin hewicayakiye kta, Heyake cinhan on ihduwakan po; hecen tado yatapi kta; yaceyapi, qa Tuwe tado yun unkiyapi kta he? Egypta ohna tanyan unyakonpi ehapi kin he Jehovah noge kin iyonpaya, heon Jehovah tado nicupi kta, qa yatapi kta.

19 Anpetu wanjidan yatapi kte šni, qa anpetu nonpa kte šni, qa anpetu zaptan kte šni, qa anpetu wikcemna kte šni, qa anpetu wikcmna nonpa kte šni;

20 Tuka wi wanji anpetu owasin hehanyan, nipogepi etanhan inanpe ca hitiyahdapi kte cin hehanyan; Jehovah niyepi ehna un kin he ihayaktapi šni, qa yaceyapi qa, Tokeca Egypta etanhan inanunpapi he 1 ehapi, heon etanhan.

 21 Unkan Moses heya, Oyate ehna waun kin de kektopawinge opawinge šakpe ozuye huiyunpi; unkan tado wicawaqu kta, qa wi wanji ihunniyan yutapi kta, eha.

22 Optaye qa pte optaye kta, qa hecen lyowicahi kta? qais miniyowancaya hogan owasin mnawicakiciyapi kta, qa hecen iyowicahi kta he?

23 Unkan Jehovah Moses heciya, Jehovah nape kin kaksapi he? Dehan mioie ecetu niciye kta, qais ecetu niciye kte šni hecinhan wandake kta.

24 Unkan Moses tankan inanpe ca Jehovah oie kin oyate kin owicakiyaka, qa oyate hunkawicayapi etanhan wicašta wikcemna šakowin mnawicaya, qa wakeya qon ihdukšan najin wicakiya.

 25 Unkan Jehovah mahpiya šapa wan ohna kun hiyu, qa kici wohdake ca woniya iye en un kin hetanhan icu, qa hunkayapi wicašta wikcemna šakowin qon akan awicahnaka; unkan woniya kin aozi wicaye cehan waayatapi, tuka icimana econpi šni.

 26 Tuka wicašta nonpa wicoti ohna owanji yakonpi, wanji Eldad eciyapi, qa unman Medad eciyapi, qa woniya kin iyawicahan, qa hena owicawapi qon en opapi, tuka wakeya qon ekta ipi šni, qa hena wicoti ohna waayatapi.

27 Unkan koška   wan inyanke ca Moses okiyake ca, Eldad qa Medad wicoti ohna waayatapi ce, eya.

28 Unkan Nun cinhintku Jošua; Moses taokiye, koška   kahnigapi heca wan ayupte ca heya, Itancan Moses wicakišica wo.

 29 Unkan Moses heciya. Miye on etanhan winayawizi he? Tokin Jehovah taoyate kin iyuhpa waayatapin,qa Jehovah toniya kin owasin wicaqun.

30 Unkan Moses wicoti kin ekta kihda, iye qa Israel hunkawicayapi.

31 Unkan tateyanpa wan Jehovah eciyatanhan iyaye ca mde kin akotanhan siyo icu, qa wicoti akan, qa wicoti ihdukšan anoka tanhan, anpetu wan imanipi kin hehanyan ahinhe wicaya, wicišpa nonpa maka akan.

 32 Unkan oyate kin najinpi, anpetu kin he osan, qa hanyetu osan, qa ihanhanna anpetu osan, qa siyo kin mnayanpi; tuwe aopten mnayan ešta opaha wikcemna mnayan, qa hduhapi kta e wicoti ihdukšan hena pceyapi.

33 Urikan conica nahanhin hipi ohna yanka, yasotapi šni itokam Jehovah tocanniye oyate kin aide wicaya, qa Jehovah makošice tehike hinca on oyate kin awicapa.

 34 Unkan oyanke kin he Qiberot Hatawa (Akaškapi kin wicahnakapi,) eya cajeyatapi; oyate akaškapi kin hen wicahnakapi nakaš.

 35 Unkan Qiberot Hatawa etanhan ihdakapi, Hazerot ekta, qa Hazerot en yakonpi.

WICAYAWAPI WICOWOYAKE 12.

1 Hehan Miriam qa Aaron Moses kigepi, Kusi winohinca yuze cin heon etanhan, Kusi winohinca wan yuza nakaš.

 2 Qa heyapi, Awicakehan Jehovah .Moses išnana ie kiya he 1 Lnkis nakun ie unkiyapi šni he? unkan Jehovah he nahon.

3 Wanna wicašta maka akan hiyeye cin owasin Moses isnana wicašta wahbadan.

 4 Unkan ihnuhanna Jehovah Moses, Aaron, qa Miriam hewicakiya; Upo niyamnipi itkokipapi wakeya ekta, Unkan hena yamni ekta ipi.

5 Unkan Jehovah mafipiya bosdata ohnakun hiyu.qaitkokipapi wakeya tiyopa ekta yanke ca Aaron qa Miriam wicakipun; unkan napin ekta inanpapi.

 6 Unkan heya, Mioie kin nanonpo, Niyepi ehna waayate wan yuke cinhan, iye en Jehovah mihdutanin kta wowanyake en, qa wowihamde en taku ewakiye kta.

 7 Tuka mitaokiye Moses is hecece šni, wati ocowasin ohna iye wacinye pica.

8 He i i kici wowahdake taninyan, qa hanmdohdake šniyan, qa Jehovah ouncage kin he atonwan, heon tokeca mitaokiye Moses ayaiapi kin koyakipapi šni he?

9 Qa Jehovah canniye wicaye ca kihda.

10 Qa mahpiya kin wakeya kin etanhan wankan iyaya; unkan inyun Miriam leprosy ececa, wa iyececa, unkan Aaron Miriam ekta etonwan, unkam leprosy ececa.

11 Hehan Aaron Moses heciya, Itancan ceciya, tokin woahtani kin de ecinšniyan waunhtanipi kin aunkihnakapi šni miyen.

12 Tokin taku hunku tezi kin etanhan ta inanpe ca cehpi hanke sote cin iyecece kte šnin.

 13 Unkan Moses Jehovah hoyekiye ca heya, Iyotan wašaka ceciciye, wanna okiziya ye.

14 Unkan Jehovah Moses heciya, Atkuku kin he ite kin atagosa unkans anpetu šakowin ištece kte šni he? anpetu šakowin wicoti itankan natakapi kta, qa ohakam en hdi kta.

15 Unkan anpetu šakowin hehanyan Miriam wicoti itankan natakapi, qa Miriam en hdi šni kin hehanyan oyate kip hdakapi šni.

 16 Unkan ohakam oyate kin ihdakapi, Hazerot etanhan, qa Paran hopuza en etipi.

WICAYAWAPI WICOWOYAKE 13.

 1 Unkan Jehovah ie ca Moses heciya,

 2 Caanan makoce Israel cinca wicawaqu kin he iwanniciyakapi kta e wicašta ye wicaši wo. Ate wicayapi wicoun otoiyohi etanhan wicašta wan ye yasi kta, hena wicehna owasin itancanpi hecapi.

3 Unkan Moses Jehovah i kin eciyatanhan Paran hopuze kin etanhan ye wicaši, wicašta kin hena owasin Israel cinca mdetanhunka hecapi.

4 Qa cajepi kin dena eepi, Reuben wicoun etanhan Samuha Jakur cinhintku.

5 Simeon wicoun etanhan feapat Hori cinhintku.

 6 Judah wicoun etanhan Caleb Jepune cinhintku.

7 Issachar wicoun etanhan Igal Joseph cinhintku.

 8 Ephraim wicoun etanhan Hoseya Nun cinhintku.

9 Benjamin wicoun etanhan Patti Rapu cinhintku.

10 Zebulun wicoun etanhan Gadiel Sodi cinhintku.

11 Joseph wicoun on Manasseh wicoun etanhan Gadi Susi cinhintku.

12 Dan wicoun etanhan Ammiel Gemah cinhintku.

13 Aser wicoun etanhan Setur Mikael cinhintku.

14 Naptah wicoun etanhan Nahbi Wapsi cinhintku.

15 Gad wicoun etanhan Guel Maki cinhintku.

16 Wicašta Moses makoce kin iwanyag ye wicaši cajepi kin hena eepi. Qa Moses Hoseya Nun cinhintku kin Jehosuwa eya cajeyata.

17 Unkan Moses Caanan makoce kin iwanyag ye wicaši, qa hewicakij'a, Deciya itokaga en yapo,qa he kinitanwankanhdeyapi.

18 Qa makoce kin he toketu wandakapi kta, nakun oyate en ounyanpi kin, wašakapi, qais wankapidan unman tukte hecinhan, nakun tonana, qais otapi.

19 Qa makoce ounyanpi kin he wašte qais šica, qa otonwe otipi kin hena, wakeya otipi, qais conkaške  otipi.

20 Qa makoce kin cepa qais tamaheca unman tukte, ohna can yukan qais can wanica. Waditakapo, qa makoce waskuyeca kin etanhan icupo, eya. Unkan he ehan hastanhanka toka suton.

21 Unkan iyayapi qa makoce kin iwanyakapi, Tzin hopuza etanhan Hamat ektakiya yapi, Rehob ekta hehanyan.

22 Qa itokaga en ipi, qa Hebron ekta hipi. Unkan Anaq cinca Ahiman, Sesa, qa Talma hen yakonpi. Unkan Tzohan Egypta ohna kagapi he itokam waniyetušakowin Hebronkagapi.

23 Unkan Eskol kaksiza kin en hipi, qa hetanhan adetka wan kaksapi, qa hastanhanka iyage wanjidan, qa cansagye wan akan akiyuhapi, nakun taspantanka su ota, qa witansnan etanhan akiyuhapi.

24 Oyanke kin he Eskol (Iyage) kaksiza eciyapi, Israel cinca kin hastanhanka iyage wan hetanhan kaksapi heon etanhan.

25 Unkan anpetu wikcemna topa hehan makoce iwanyakapi kin etanhan hdipi.

26 Hecen iyayapi qa Moses ekta, qa Aaron, qa Israel cinca omniciye ocowasin ekta hdipi, Kadeš, Paran hopuza ohna un kin ekta, qa hosi wicakahdipi, qa makoce waskuyeca wicakipazopi.

 27 Qa okiyakapi qa heyapi, Makoce wan ekta ye unyasipi kin he ekta unkipi, qa awicakehan pteasanpi qa canhanpi tiktica ohna kaduza, qa waskuyeca aicage cin dee. i

28 Hececa ešta oyate makoce ounyanpi kin wašakapi, qa otonwe tawapi kin aconkaškapi, qa nina tankinyanyan. Nakun Anaq cinca kin heciya wanwicunyakapi.

29 Amaleki makoce itokah ounyanpi, qa fieti kin qa Jebusi kin qa Amori kin tie kin en oun', yanpi, qa Caanani miniwanca icahda, qa Jordan omdaye kin ounyanpi.

 30 Unkan Caleb Moses itokam l oyate inina yanke wicaši, qa heya, ltanwankanhde unyanpi, qa unhduhapi kta iyececa, ohiunyanpi kta waunšakapi.

 31 Tuka wicašta iye kici iya! yapi qon heyapi, Oyate kin he ekta itanwankanhde unyanpi unkokihipi šni; hena unkiyepi isanpa wašakapi nakaš.

 32 Qa makoce iwanyag ipi qon Israel cinca itokam aiapi, qa heyapi, makoce ohna iyaunyuptapi, qa iwanunyakapi kin tona ounyanpi kin wicayasota, qa , oyate ohna wanunyakapi kin owasin wicašta hanskaškapi.

33 Qa hen waziya wanwicunyakapi Anaq cinca kin, hena waziya etanhan icagapi qa wicitokam psipšicadan iyeuncecapi.

WICAYAWAPI WICOWOYAKE 14.

1 Unkan omniciye ocowasin hoyeyapi, qa oyate kin hanyetu kin he ceyapi.

2 Qa Israel cinca owasin Moses qa Aaron aiwicahnupi, qa omniciye owasin hena hewicakiyapi, Tokin Egypta makoce ohna untapin, qais hopuza kin de ohna untapin.

3 Qa tokeca Jehovah makoce kin de ekta hiyu unyanpi, hecen canhpi on unhinhpayapi kta, unkitawinpi, qa unkicincapi nakun wayaka unpi kta? Egypta ekta unhdapi kinhan wašte kta naceca.

4 Unkan hekiciyapi, Mdetanhunka wan unkagapi, qa Egypta ekta unhdapi kta.

5 Unkan Moses qa Aaron makipusdiya hinhpeiciyapi, Israel cinei omniciye owasin wicitokam.

6 Unkan Jošua Nun cinhintku, qa Caleb Jepune cinhintku niakoce iwanyakapi etanhanpi wokoyake hduhdehdecapi.

7 Qa Israel cinca ornniciye owasin hewicakiyapi, makoce iwanyakapi kta e iyaunyuptapi kin he makoce wan nina wašte hinca.

 8 Jehovah iyounkipipi kinhan, makoce kin he ekta ye unkiyapi kta, qa makoce pte asanpi qa canhanpi tiktica kaduze cin he unqupi kta.

9 Takomni ihnuhan yakipajinpi kin, qa makoce oyate kin ihnuhan ikowicayapapi kin aguyapi unkitawapi iyececapi kta, taku wacinyanpi kin he ehpewicaya; tuka Jehovah unkicipi un. Ihnuhan ikowicayapapi kin.

10 Unkan ornniciye owasin inyan on wicaktepi kta keyapi qehan, Jehovah towitan kin itkokipapi wakeya akan Israel cinca owasin ekta ihdutanin.

11 Unkan Jehovah Moses heciya, Tohanyan oyate kin de ihamaktapi kte šni he? qa tohanyan wowapetokeca wicehna ecamon on wicamadapi kte šni he?

12 Makošice on awicawape ca ihang wicawaye kta, qa niye etanhan oyate wan tanka, qa hena isanpa wašaka wakage kta.

13 Unkan Moses Jehovah heciya, Kinhan Egypton he nahonpi kta, hena wicehna tanhan nitowašake tanka on oyate kin de hiyu wicayaya.

 14 Qa makoce kin de ounyanpi kin hewicakiyapi, Niye Jehovah oyate kin de wicehna yaun, qa niye Jehovah ista kin istapi en nihdutanin, mahpiya bosdata wiciwankan, qa anposkan mahpiye bosdata ohna wicitokam idade, qa hanyetu eca peta bosdata ohna, he wanna narionpi.

 15 Unkan oyate kin de wica ta wanjidan iyecen te wicayaye cinhan, oyate niye on wotanin nahonpi kin hecen eyapi kta.

 16 Jehovah makoce wakicons owicakiyake ciqon, he ekta hiyu wicaye kta okihi šni, heon hopuza ohna wicakte.

17 Tokin, itancan towašake kin tanka kten, kehe ciqon he iyecen.

18 Jehovah tehan sihda šni, tocantekiye tanka; wicohan šica, qa wokipajin kajuju ece, tuka ohinniyan kajuju kte šni, ateyapi wicohan šicapi kin wicoicage iyamni, qa itopa kin hehanyan awicahi ece.

19 Tokin oyate kin de wahtanipi kin wicakicajujun, nitowacantkiye tanka kin iyecen, qa Egypta etanhan dehanyan oyate kin de wicayecicajuju kin he iyecen.

 20 Unkan Jehawa heya, wicawecicajuju, ehe cin he iyecen.

 21 Qa hececa ešta wani kin iyecen Jehovah towitan kin maka owancaya ojudan ye kta.

 22 Takomni wicašta kin tona mitowitan wanyakapi, nakun wowapetokeca ecanion Egypta ohna, qa Hopuza ohna, qa wikcemna akihde iyutan mayanpi, qa maho kin nahonpi šni kin hena owasin,

 23 Makoce hunkake wicayapi kin wakicons owicawakiye cin he wanyakapi kte šni; ihamaktapi šni kin hena etanhan wanjidan he wanyakapi kte šni.

 24 Tuka raitaokiye Caleb woniya tokeca yuhe cin heon, qa ohinniyan mihakam u, heon makoce ekta i qon he ekta hiyu waye kta, qa iye cinca kin he tawayapi kta.

 25 Wanna Amaleki qa Caanani kaksiza ohna yakonpi, heon heyakecinhan ihdamnapi,qa Mdesa ekta-kiya, Hopuza ohna ihdaka po.

 26 Unkan Jehovah ie ca Moses, qa Aaron hewicakiya;

27 Tohanyan omniciye šice kin de imahnupi kin wicawecicajuju kta he? Israel cinca wihnupi imahnupi kin he nawahon ce.

28 Hecen ewicakiya wo. Jehovah heya, Wani kin hecen token ehapi nawaron kin he iyecen ecaciconpi kta.

29 Hopuza kin de ohna nitancanpi kin hinhpayapi kta, tona niyawapi, oniwapi qon iyecen waniyetu wikcemna nonpaaktonpi, tona imahnupi owasin etanhan;

30 Ohna ounyayapi kta nape hduwankan iwacu qon awicakehan makoce kin he en yaipi kte šni; tuka Caleb Jepune cinhintku qa Jošua Nun cinhintku kin henana en ipi kta.

31 Nakun nitašicecapi kin wayaka unpi kta kehapi qon, hena ekta awicamde kta, unkan makoce ihayaktapi šni kin he sdonyapi kta.

 32 Tuka niyepi nitancanpi kin hopuze kin den hinhpayapi kta.

33 Tuka nicincapi hopuza ohna wihankiya unpi kta, waniyetu wikcemna topa, qa wawicihahapi ecanonpi kin hdajujupi kta, nitancanpi kin owasin hopuza ohna sotapi kte cin hehanyan.

34 Tona can makoce iwanyakapi kin anpetu wikcemna topa anpetu otoiyohi on waniyetu wan yawapi kta, waniyetu wikcemna torn, hehanyan wayahtanipi kin yahdajujupi kta, qa mitocanniye kin sdonyayapi kta.

35 Jehovah miye hepa, omniciye šice cin de miye en amamniciyapi kin awicakehan hecawicawecon kta, hopuza kin de ohna sotapi, qa tapi kta.

36 Unkan wicašta Moses makoce iwanyag ye wicaši, qa makoce šicaya cajeyan hdipi kin heon omniciye ocowasin aihnu wicayapi.

 37 Wicašta makoce šicaya cajeyatapi kin hena makošice on Jehovah itokam tapi.

 38 Unkan makoce iwanyag ipi qon hena etanhan Jošua Nun cinhintku, qa Caleb Jepune cinhintku henana nipi.

39 Unkan Moses wicoie kin hena Israel cinca omniciye owasin owicakiyaka; unkan oyate kin nina hin iyokisin iciyapi.

 40 Unkan hanhanna hin kiktapi qa heyapi, Hopo, oyanke Jehovah cajeyate kin he ekta itanwankanhde unyanpi kte, waunhtanipi nakaš. Qa he paha kin ekta itanwankanhde ipi.

41 Tuka Moses hewicakiya, Tokeca decen Jehovah oie kin, acayaksinpi he? He ohna tanyan iyahunipi kte šni.

42 Itanwankanhde yapi šni po, Jehovah niyepi ehna un šni heon, hecen toka niya.npi kin wicitokam anipapi kte šni.

 43 Amaleki qa Caanani kin heciya nitokam yakonpi, unkan canhpi on nihinhpayapi kta. Jehovah etanhan nihdamnapi, heon Jehovah nicipi un Šni.

 44 Unkan he paha ekta-kiya ihaktapi šniyan itanwankanhde yapi, tuka Jehovah wicotakuye can-wohnaka kin, qa Moses wicoti eokaya tanhan tokidan ipi šni.

45 Unkan Amaleki qa Caanani he kin he ounyanpi kin apamahdedan upi qa wicakaštakapi, qa wicaktepi Horma ekta hehanyan.

 WICAYAWAPI WICOWOYAKK 15.

 1 Unkan Jehovah ie ca Moses heoiya.

 2 Ie ca Israel cinca kin hecen ewicakiya wo, makoce ounyayapi kta e cicupi kin he ekta yaipi kinhan.

3 Qa peta wošnapi wan Jehovah yecagapi, wohuhnahyapi, qais woyakapi hdajujupi wošnapi, qais taku ikce qupi on, qais inniniciyapi on, woomna Jehovah iyokipi yecagapi kinhan, pte etanhan qais taninca etanhan.

4 Tuwe woahi Jehovah kahi kinhan, minha wan aguyapi niihi can wakšica ohnaka wan wihdi wiyatke ohnaka wan ieicahiyapi ahi kta;

 5 Qa woakaštan on miniša wiyatke ohnaka wan wohuhnahyapi kin, qais wošnapi kin ayakasian kta e tahkaška cinca otoiyohi on;

6 Qa tahcaska mdoka wan j'dan on aguyapi mdu can wakšica ohna ka nonpa, wihdi wiyatke ohnaka wanji sanpa hanke icicahiyapi minha yecage kta.

7 Qa miniša wiyatke ohnaka wanji sanpa hanke woakaštan yakahi kta, woomna Jehovah iyokipi.

8 Qa pte wanunyanpi cinca wohuhnahyapi qais woyakapi hdajuju wošnapi, qais wopida wošnapi Jehovah yecage kte cinhan;

 9 Pte cinca wan on aguyapi mdu can wakšica ohnaka yamni, wihdi wiyatke ohnaka nonpa icicahiyapi minha kahi kta.

10 Qa woakaštan on miniša wiyatke ohnaka nonpa yakahi kta, pela wošnapi woomna Jehovah iyokipi.

 11 Hecen econpi kta tatanka otoiyohi on, qa tahcaska mdoka otoiyohi on, qa tahcaska cinca on, tahcaska mdoka qais hekinškayapi cincadan on.

12 Tona wadušnapi kin iyenaka yawapi iyccen otoiyohi on hecen ecanonpi kta.

13 Tona makoce en tonpi kin hena owasin hecen econpi kta, peta wošnapi woomna Jehovah iyokipi kahipi cca.

14 Unkan tuwe oyate tokeca niyepi ehna ihdaka, qais niyepi ehna ounye cinhan nitoicagepi yeye cin, qa peta wošnapi instemna Jehovah iyokipi kage cinhan token niye ecanonpi kin he iyecen econ kta.

15 Omniciye, wokage wanjidan kta, niyepi on, qa tuwe oyate tokeca niyepi ehna yanke cin on; wokage owihanke wanica nitoicagepi yeye cin, Jehovah itokani token yaunpi kin he iyecen tuwe oyate tokeca kin un kta.

16 Niyepi on, qa tuwe oyate tokeca niyepi ehna ounye cin on woope wanjidan, qa woyaco wanjidan kta.

17 Unkan Jehovah ie ca Moses heciya,

18 Ie ca Israel cinca kin hecen cwicakiya wo, Makoce wan ekta ye ciyapi kin he ekta yaipi kinhan;

19 Qa makoce taku aicage cin yatapi kinhan, wokosyapi wan Jehovah yaqupi kta.

 20 Taku tokaheya boyapanpi kin etanhan aguyapi hmiyanyanna wokosyapi wan yaqupi kta, aguyapi su kapanpi wokosyapi kin he iyecen, he yakozapi kta.

21 Tokaheya boyapanpi etanhan wokosyapi wan Jehovah yaqupi kta, nitoicagepi yeye cin.

22 Unkan ecinšniyan wayahtanipi, qa woahope kin dena Jehovah Moses eciye cin owasin ecanonpi šni kinhan;

23 Taku Jehovah Moses nape on econ nisipi owasin, anpetu wan Jehovah Moses taku econ si kin hetanhan, qa tokata nitoicagepi yeye cin ohna ecanonpi šni kinhan;

24 Qa omnieiye sdotkiyapi šni taku ecinšniyan econpi kinhan, omnieiye ocowasin tatanka wan pte wanunj'anpi cinca wohuhnahyapi kage kta, woomna wašte Jehovah iyokipi, minlla kin iyahna, qa nakun woakaštan kin woyaco kin iyecen, nakun hekinškayapi mdoka wan woahtani wošnapi on.

25 Unkan wawayušna kin Israel omnieiye ocowasin akahpe wicakiciye kta, unkan wicakicicajujupi kta, ecinšniyan econpi nakaš, qa toahipi peta wošnapi kin Jehovah kahipi, qa ecinšniyan econpi Jehovah itokam on woahtani wošnapi nakun,

26 Hecen oyate iyuhpa sdonye šni econpi heon Israel cinca, qa tuwe oyate tokeca wicehna ti kin omnieiye ocowasin wicakicicajujupi kta.

27 Unkan wicanagi wan ecinšniyan wahtani kinhan, hekinškayapi wiyedan waniyetu wanjidan wahtani kin on ahi kta.

28 Unkan wawayušna kin wicanagi ecinšniyan wahtani kin akahpe kiciye kta, ecinšniyan wahtani wošnapi Jehovah itokam akahpe kiciye kta on, unkan kicicajujupi kta.

29 Tona ecinšniyan wahtanipi on woope wanjidan duhapi kta Israel cinca makoce tawayapi on, qa tuwe oyate tokeca niyepi ehna ti kin on.

30 Unkan wicanagi tuwe wahan-icidaya taku Šica econ kin he makoce tawayapi etanhan, qais oyate tokeca etanhan, wicanagi kin he Jehovah kipajin, heon oyate tawa etanhan kaspapi kta.

31 Jehovah oie kin ihakta šni, qa tawoahope kin istenya, heon wicanagi kin he tohan šica hduha taoyate kin etanhan kaspapi kta.

 32 Unkan Israel cinca Hopuza en yakonpi qehan, wicašta wan anpetu wakan icunhan, cande kin iyeyapi.

33 Qa he cande iyeyapi kin hena Moses ekta, qa Aaron ekta, qa omnieiye ocowasin ekta kahipi.

34 Qa kaška hnakapi, token ecakiconpi kta,nahahin owicakiyakapi Šni nakaš. 35 Unkan Jehovah Moses heciya, Wicašta kin awicakehan te kta, omnieiye ocowasin, wicoti itankan, inyan on kininpi kta.

 36 Unkan omnieiye ocowasin wicoti itankan inanpe yapi, qa inyan on kininpi, Jehovah Moses econ ši kin he iyecen, unkan ta.

37 Unkan Jehovah ie ca Moses heciya.

38 Israel cinca owawicakiye ca wicoicagepi yeye cin tawokoyakepi opapun ekta ohcihci icicagapi kta, qa opapun ohcihci akan hahonta to wan pahtapi kta, kewicakiya wo.

39 Qa he wowapetogton duhapi kta, qa wandakapi kta, qa Jehovah tawoahope owasin yeksuyapi qa ecanonpi kta, hecen nicantepi opeya, qa Miištapi opeya yanunipi kte šni , hena opeya wiyacinpi ece qon iyecen.

40 Hecen mitawoahope owasin yeksuyapi qa oyapapi kta, qa tuwe wakanyadapi taoyate wakan yaunpi kta.

41 Jehovah Wakan yadapi kin he miye, qa Wakan mayadapi kta e Egypta makoce etanhan hdinanpe ciyapi, Jehovah Wakanyudapi kin he miye.

WICAYAWAPI WICOWOYAKE 16.

1 Unkan Korah Itzar cinhintku Kohath cinhintku Levi cinhintku, qa Dathan qa Abiram Ehab cinca kin, qa On Pelet cinhintku Reuben cinca etanhan wohdakapi.

2 Qa Moses anajinpi, nakun Israel cinca etanhan wicašta opawinge nonpa sanpa wikcemna zaptan omniciye itancanpi, wicašta okinihanpi, omniciye ekta wicakicopi hecapi.

3 Qa Moses Aaron kici amniciyapi, qa hewicakiyapi, Omniciye ocowasin wicašta otoiyohi owasin wakanpi, qa Jehovah wicacokaya un; heon tokeca Jehovah taomniciye iwankam ye niciyapi, qa niyepi on taku ota yacinpi he?

 4 Unkan Moses he nahon qehan makipusdiya ehpe iciya.

 5 Qa Korah, qa okodakiciye tawa owasin hewicakiya, Hanhanna  kinhan Jehovah tuwe tawa kin, qa tuwe wakan, qa tuwe iye ikiyedan hiyuye cin hdutanin kta, qa tuwe kahnige cin he iye ekta ikiyedan hiyuye kta.

 6 Decen econ po, Korah qa okodakiciye tawa owasin oizinye icupo.

7 Qa hena ohna peta ehnaka po, qa akan wizinyapi akada po. Jehovah itokam heyakecinhan, hehan wicašta tuwe Jehovah kahnige cin hee wakan kta; Levi cinca niyepi on taku ota yacinpi.

8 Nakun Moses Korah heciya, Levi cinca kin namahonpo.

9 Taku Israel wakandapi kin Israel omniciye etanhan niyepi niyukinunkanpi, iye ikiyedan hiyu niyanpi, Jehovah ti wohtani kin ecanonpi kta, qa omniciye itokam nayajinpi qa owicayakiyapi kta, he taku šni  yadapi he?

10 Nakun niye qa nihunkawanji Levi cinca owasin niye kici ikiyedan hiyuniyanpi: unkan nakun wawayušnapi henicapi kta e ayakitapi he?

11 Hecen niye qa okodakiciye nitawa owasin Jehovah en amniniciyapi, tuka Aaron taku econ hwo on he iyahnupi.

12 Unkan Moses tuwe Dathan qa Abiram Ehab cinca wicakico ye i qon, unkan, Ekta unyanpi kte ni eyapi.

13 Hopuza ohna te unyayapi kta, makoce wan pte asanpi qa canhanpi tiktica ohna kaduze cin etanhan inanpe unyayapi kin he taku ni yada, heon unkiyepi iwankam wicaštayatapi itancan nicicage kte he?

 14 Hiya makoce pte asanpi qa canhanpi tiktica ekta hiyu unyayapi šni qa maga qa hastanhanka iyuwi ojupi tawa un-yanpi kta e unyaqupi šni, Wicašta kin dena istapi kin dusdoke kta he? Ekta unyanpi kte šni ce.

15 Unkan Moses nina canteptanyan, qa Jehovah heciya, Minna tawapi kin ihakta šni ye. Hena etanhan šuktanka sonsonna wanjidan iwacu šni, qa iyepi wanjidan wakimduse šni.

 16 Unkan Moses Korah heciya, Heyakecinhan niye qa okodakiciye nitawa owasin Jehovah itokam u po, niye qa iyepi qa Aaron.

17 Qa niyepi otoiyohi oizin e ikikcupo, qa henaakan wizinyapi akada po, qa wicašta opawinge nonpa sanpa wikcemna zaptan oizinyapi ayahipi kta, Jehovah itokam; nakun niye qa Aaron otoiyohi oizinya tawa hduha po.

18 Unkan otoiyohi oizinye ikikcupi, qa peta aehnakapi, qa wizinye akadapi, qa itkokipapi wakeya tiyopa ekta najinpi, nakun Moses qa Aaron.

19 Unkan Korah okodakiye tawa iyuhpa mna wicaya, itkokipapi wakeya tiyopa ekta; unkan Jehovah towitan kin omniciye ocowasin en ihdutanin.

20 Unkan Jehovah ie ca Moses Aaron kici hewicakiya,

 21 Omniciye kin de etanhan ihdukinunkanpo, kinhan ihnuhanna wicamdusote kta.

 22 Tuka makipusdiya ehpeiciyapi, qa heyapi, lyotan Wašaka wicacehpi owasin toniyapi wakan nidapi, wicašta wanjidan wahtani kin heon omniciye iyuhpa canniye wicayaye kta he?

 23 Unkan Jehovah ie ca Moses heciya.

 24 Ie ca oyate kin Korah qa Dathan qa Abiram totipi ihdukšan I tanhan tokan iyaya po, ewicakiya wo.

25 Unkan Moses najin qa Dathan qa Abiram yakonpi kin ekta i, qa Israel hunkayapi kin ihakam ipi.

 26 Qa ie ca oyate kin hewicakiya, Ihopo, wicašta šice kin dena tawakeyapi etanhan tokan iyaya po; qa ihnuhan taku tawapi kin wanji dutanpi kin. Hecanonpi kinhan okini hena wahtanipi owasin ohna ihang niyanpi kta.

 27 Unkan Korah Dathan qa Abiram tipi kin ihdukšan tanhan tokan iyayapi; Unkan Dathan qa Abiram inanpapi qa tawakeyapi tiyopa ekta najinpi, tawicupi qa cinhintkupi qa cunwintkupi nakun.

28 Unkan Moses heya, wicohan kin dena owasin ecamon kta Jehovah u masi, qa miye cinka eciyatanhan šni, detanhan sdonyayapi kta.

29 Wicašta owasin token tapi kin he iyecen wicašta kin dena tapi kinhan, qa wicašta owasin taku akipapi kin dena akipapi kinhan Jehovah u maši šni.

 30 Tuka Jehovah taku teca wan kage ca maka kin i hdukawa, qa nawicapca, nakun taku tawapi kin iyuhpa hecen niyake Hades ekta kun yapi kinhan, wicašta kin dena Jehovah wahtedapi šni sdonyayapi kta.

 31 Unkan wicoie kin hena owasin eya hdastan qehan, maka kin wicihukuya naptuja;

32 Qa maka kin i kin hdukawa, qa nawicapca, qa tipi kin nakun, qa Korah wicašta tawa owasin, nakun taku tawapi kin owasin.

33 Hecen iyepi qa taku tawapi owasin Hades ekta niyake ipi, I qa maka kin okahpe wicaya, hecen omniciye etanhan awihnunipi.

34 Unkan Israel wicihdukšan yakonpi kin owasin hena šicahowayapi etanhan najicapi, qa heyapi, Okini maka kin naunpcapi kta.

 35 Unkan peta Jehovah etanhan inanpe ca wicašta opawinge nonpa sanpa wikcemna zaptan wizinyapi ahipi qon hena h uhnah wicaya.

36 Unkan Jehovah ie ca Moses heciya,

37 Eleazar Aaron wawayušna cinhintku kin heciya wo. Huhnah wicayapi wieehna tanhan oizinyapi icu, qa peta kin kakiya ehpeya wo; hena wakan nakaš.

38 Qa wicašta iye nagipi kin en wahtanipi kin hena oizinyapi tawapi kin kamdayapi kta, qa on wahna wošnapi kin akahpapi kta, hena Jehovah itokam ahipi, heon hena wakan; hecen Israel cinca kin hena wowapetogton yuhapi kta.

39 Unkan Eleazar wawayušna kin mazasa oizinyapi kin wicašta huhnah wicayapi ahipi qon icu, unkan wahna wošnapi akahpapi kta kamdayapi.

40 Israel cinca kin he wokiksuye yapi, hecen wicašta tokeca Aaron cinca hetanhan šni wizinyapi izinye kta e Jehovah itokam ikiyedan hi kte šni, qa Korah qa okodakiciye tawa iyecece kte šni; Jehovah Moses nape eciyatanhan eciye ciqon he iyecen.

41 Unkan ihanhanna Israel cinca omniciye ocowasin Moses qa Aaron iwicahnupi qa heyapi, Niyepi Jehovah taoyate te wicayayapi.

 42 Unkan omniciye kin Moses qa Aaron amniciyapi qehan, Itkokipapi wakeya ektakiya etonwanpi; unkan invun, ma hpiya qon he akahpa qa Jehovah towitan kin ihdutanin.

43 Unkan Moses qa Aaron itkokipapi wakeya itokam hipi.

 44 Unkan Jehovah ie ca Moses heciya.

 45 Oyate kin wieehna tanhan ihdukinunkan po, kinhan ihnuhanna wicamdasOte kta. Unkan makipusdiya ihpayapi.

 46 Unkan Moses Aaron heciya, Oizinye ikikcu qa wahna wošnapi akan tanhan peta aonpa wo, qa wizinyapi akada wo, qa oyate ekta, kohanna aya wo, qa akahpe wicakiciya wo. Jehovah etanhan wocanniye iyaya, makošice wanna en wicahi.

 47 Unkan Moses eye cin he iyecen Aaron icu, qa omniciye wicacokaya inyanka; unkan inyun makošice wanna en wicahi. Unkan wizinyapi akada qa akahpe wicakiciya

48 Unkan tapi qa nipi kin otahedan inajin qehan makošice kin anapta.

49 Wicašta kektopawinge wikcemna sanpa kektopawinge topa sanpa opawinge snkowin makošica on tapi, Korah oie on tapi qon isanpa.

 50 Unkan makošice anapte cin ohakam Aaron Moses en hdi itkokipapi wakeya tiyopa ekta.

WICAYAWAPI WICOWOYAKE 17.

1 Unkan Jehovah ie ca Moses heciya,

2 Israel cinca kin kewicakiya, qa hena etanhan canšakadan icu wo, ateyapi tipi otoiyohi on canšakadan, ateyapi itancanpi owasin on, canšakadan wikcemna sanpa nonpa, wicašta otoiyohi caje kin canšakadan tawa akan oyawa kta.

3 Qa Levi canšakadan tawa akan Aaron caje kin oyawa kta, ateyapi tipi mdetanhunka iyohi on canšakadan wanjidan kta.

 4 Qa hena itkokipapi wakeya ohna, woyaatanin itokam, tukten itkocicipapi eca, hen eyahnake kta.

5 Unkan wicašta tuwe wakahnige cin he canšakadan tawa kin hca kta, hecen Israel cinca imahnupi kin anawapte kta, niyepi inihnupi kin hena.

 6 Unkan Moses Israel cinca kin ecen ewicakiya; unkan itancanpi owasin canšakadan qupi itancan otoiyohi on canšakadan wanjidan, ateyapi tipi itancan iyohi canšakadan wan, canšakadan akenonpa, qa Aaron canšakadan tawa canšakadan tawapi ehna.

7 Unkan Moses canšakadan kin hena ehnake Jehovah itokam itkokipapi wakeya ohna.

8 Unkan ihanhanna Moses wayaatanin wakeya ekta hi, unkan inyun Aaron canšakadan tawa Levi ti kin on camni uye ca wahca inanpe ye ca hmaska suton.

 9 Unkan Moses canšakadan kin owasin hiyuya, Jehovah itokapa tanhan Israel cinca owasin ekta, unkan wanyakapi, qa otoiyohi canšakadan ikikcupi.

10 Unkan Jehovah Moses heciya, Aaron canšakadan tawa woyaatanin itokam ake kihnaka wo, qa he yapatan kta; wowapetokeca wokipajin cinca kin on, hecen imahnupi ayastan wicayakiye kta, qa tapi kte šni.

11 Unkan token Jehovah econ si kin he iyeccn Moses econ.

12 Unkan Israel cinca kin iapi qa Moses heciyapi, untapi untakunipi šni owasin untakunipi šni.

13 Tona Jehovah ti kin ikiyedan hipi kin owasin tapi; untapi on unsotapi kta he?

WICAYAWAPI WICOWOYAKE 18.

1 Unkan Jehovah Aaron heeiya, niye qa nicinca, qa niyate tiwahe kin nakun tipi wakan woahtani kin duhapi kta, qa niye qa nicinca kin wawadušnapi woaritam kin duhapi kta.

2 Nakun nihunkawanjipi kin Levi wicpun, ateyaya wicoun kin nici hiyuwicaya wo. Hecen onicipapi kta, qa oniciyapi kta; tuka niye qa nicinca kin woyaatanin tiyopa ikiyedan yaunpi kta.

3 Qa wakeya kin ocowasin patanpi kin, qa taku patan wicayasi kin patanpi kta; tuka tipi wakan wakšica kin, qa wahna wošnapi kin yutanpi kte šni, hecen tapi kte šni, iyepi, qa niyepi nakun.

 4 Unkan onicipapi kta, qa itkokipapi wakeya kin wopatanpi kin patanpi kta, wakeya wohtani kin owasin, tuka tuwe tokeca nicipi ikiyedan hi kte šni.

5 Unkan niyepi tipi wakan awanyakapi kin duhapi kta, nakun wahna wošnapi wopatankin, hecen wocanniye Israel cinca kin icimanna awicahi kte šni.

 6 Unkan ito miye nihunkawanji Levi kin Israel cinca wicehnatanhan iwicawacu, qa taku ikcequpi wan he iyecen hena nicupi, Jehovah on itkokipapi wakeya wohtani kin econpi kta, heon etanhan.

7 Tuka niye qa nicinca om wowayušnapi kin yakpatanpi kta, taku wahna wošnapi ekta econpi owasin, qa taku cokaya ozanpi mahen econpi, qa wohtani kin ecanonpi kta; taku ikce qupi wan iyecen wowayušnapi wo-htani kin cicupi, qa tuwe tokeca ikiyedan hi kinhan teyapi kta.

8 Unkan Jehovah Aaron heciya, Iho miye wokosyapi patanpi kin cicu, Israel cinca taku yuwakanpi owasin etanhan cicu, wiyutapi nitawa, qa nicinca kin tawapi kta, wokage owihanke wanica.

9 Woyuha wakan hinca peta etanhan okaptapi kin de niye nitawa kta, woahi tawapi owasin, minha tawapi owasin, qa woahtani wošnapi kin owasin, qa tohdajujupi makahipi kin owasin, wakan hinca hee, niye on, qa nicinca on.

 10 Tipi wakan hinca mahen hena yatapi kta, tona wica owasin hetanhan yutapi kta; niye on he wakan kta.

11 He nakun nitawa kta, wokosyapi, Israel cinca taku yuwintapi owasin etanhan, taku qupi kin, he cicu, qa nicinkši, qa nicunkši nakun opapi kta; wokage owihanke wanica on, oyate ohna tona skapi owasin hetanhan yutapi kta.

 12 Taku iyotan wašte wihdi etanhan, qa minima etanhan, qa aguyapi etanhan taku iyotan wašte, taku tokaheya suton Jehovah qupi kin hena cicu.

13 Tamakocepi ohna taku tokaheya suton Jehovah kahipi kin nitawa kta; tona skapi yati ohna hetanhan yutapi kta.

14 Israel ohna taku yuwakanpi hinca owasin nitawa kta.

15 Tona caske cehpi owasin etanhan Jehovah kahipi, wicašta qais woteca unman tukte kašta niye nitawa kta. Tuka wicašta caske kin opekiton wicayakiye kta, nakun wanunyanpi sapa cinca tokapa kin opeton wicayakiye kta.

 16 Unkan opekitonpi kta wi  wanji tonpi ehantanhan opeyeton kta, dawa kin he iyecen, mazaska šeqel zaptan tipi wakan šeqel iyececa, oinnica wikcemna nonpa šeqel wanjidan.

17 Tuka pte tokapa, qa tahcaska tokapa, qa hekinškayapi tokapa kin opekitonpi kte šni; hena wakanpi, wepi kin wahna wošnapi akan ayakaštan kta, qa wasinpi kin izinyaye kta, peta wošnapi waštemna Jehovah iyokipi.

18 Tuka cehpipi kin he nitawa kta, maku kosyapi kin, qa hiyete etapa kin he iyecen nitawa kta.

19 Israel cinca taku yuwakanpi kin owasin etanhan, taku Jehovah ekta kozapi wokosyapi owasin cicu, niye, qa nicinkši, qa nicunkši nakun, wokage kin de owihanke wanica miniskuya wicotakuye ohinniyan Jehovah itokam, he niye nitawa kta, qa nakun tona niye etanhan icagapi he tawapi kta.

 20 Unkan Jehovah Aaron heciya, Makoce tawapi ohna maga tawayaye kte šni, qa wicehna makoce onspa duhe kte šni; Israel cinca wicehna wopamni nitawa, qa taku tawa yaye kte cin he miye.

21 Unkan ito Levi cinca Israel ehna iwikcemna kin owasin tawayapi kta e wicawaqu, wohtani econpi kin on, iyuwin itkokipapi wakeya wohtani kin on.

22 Hecen Israel cinca kin icimana itkokipapi wakeya ekta hipi kte šni, okini woahtani hduhapi kta, qa tapi kta.

23 Tuka Levi kin itkokipapi wakeya wohtani kin econpi kta, qa iyepi wahtanipi hduhapi kta. wokage kin de owihanke wanica, nitoicagepi yeye cin maga tawayapi kte šni, Israel cinca wicehna.

24 Tuka Israel cinca taku icahyapi etanhan iwikcemna kin Jehovah kahipi wokosyapi kin he Levi kin wicawaqu, he tawa yapi kta, heon hewicawakiya Israel cinca wicehna maga tawayapi kte šni.

25 Unkan Jehovah ie ca Moses heciya,

26 Ie ca Levi kin hecen ewicayakiye kta, Israel cinca etanhan iwikcemna maga heekiya cicupi kin hena iyacupi eca hena etanhan Jehovah tawokosyapi kin yakahipi kta, iwikcemna etanhan iwikcemna kin.

 27 Qa wokosyapi nitawapi aguyapi su kapanpi oyanke etanhan icupi he iyecen, qa miniša hastanhanka yuskica etanhan he iyecen niciyawapi kta.

28 Hecen niyepi nakun Jehovah tawokosyapi yakahipi kta; iwikcemna Israel cinca nicupi kin owasin etanhan Jehovah wokosyapi kin Aaron wawayušna kin yaqupi kta,

29 Taku nicupi kin owasin etanhan Jehovah wokosyapi iyohi yakahipi kta, taku iyotan wašte taku yuwakanpi etanhan.

30 Unkan hewicayakiye kta, Taku iyotan wašte yakahipi eca he Levi wicakiciyawapi kta, maga taku aicage cin, qa hastanhanka iyuwi taku aicage cin he iyecen.

31 Unkan he yatapi kta tukte en yaunpi kta, niyepi qa tona yatipi ohna unpi kta itkokipapi wakeya ohna wolltani ecanonpi on iyuwin nicupi kin hee.

 32 Qa he etanhan taku iyotan wašte yakahipi kinhan woantani yahduhapi kte šni, qa Israel cinca taku, yuwakanpi kin duikcekapi kte šni, qa nitapi kte

WICAYAWAPI WICOWOYAKE 19.

 1 Unkan Jehovah ie ca Moses qa Aaron hewic'akiya,

 2 Wokage woope Jehovah econ nisipi kin dee, qa heya, Israel cinca kin kewicayakiye kta, Pte heyuktanna hinsa wan zanika tuktedan osteke šni, cannapinpi tohinni un kiyapi šni, I heca icupi qa nicahipi kta, kehe kta.

3 Qa Eleazar he yaqupi kta, qa wicoti itankan ayapi kta, qa iye itokam patapi kta.

4 Unkan Eleazar wawayušna kin napsukaza on we kin etanhan icu kta, qa itkokipapi wakeya tiyopa ektakiya we kin etanhan šakowin akihde ehpeye kta.

 5 Unkan iye išta kin itokam pte-heyuktanna kin huhnahyapi kta; ha kin, qa tado kin, qa we kin, qa cesdi kin huhnahyapi kta.

 6 Unkan wawayušna kin hantesadan can, pejihota, qa tariincaska hin duta icu kta, qa pteheyuktanna riuhnage cin akan ehpeye kta.

 7 Qa wawayušna kin wokoyake hdujaja kta, qa cehpi minin iyeiciye kta, qa ohakatn wicoti en hi kta, qa htayetu kte cin hehanyan sape kta.

 8 Qa tuwe he huhnahye cin he wokoyake hdujaja kta, qa cehpi kin minin niwe kta, qa ihtayetu hehanyan šapekta.

 9 Unkan wicašta sape šni wan pte heyuktanna cahota kin mnaye kta, qa wicoti itankan kihnake kta, oyanke wan sape šni en, qa he patanpi kta mini awicamnimni kin on, Israel cinca oyate on woahtani ipakinte cin hee.

10 Unkan tuwe pteheyuktanj na cahota mnaye cin he wokoyake hdujaja kta qa htayetu kte cin hehanyan šape kta; qa he Israel cinca on qa tuwe oyate tokeca wicehna ounye cin on eii yanke kta, wokage kin de owihanke wanico kta.

11 Tuwe wicašta nagiye cin cehpi yutan kinhan, anpetu akowiu sape kta.

12 Qa he on ikpakintc kta, anpetu iyamni en, hecen anpetu išakowin en ska kta, tuka anpetu iyamni en ikpakinte šni kinhan, anpetu išakowin en ska kte šni.

13 Tuwe taku te cin, wicašta nagiye ca tecin icahtake cinhan, qa ikpakinte Šni kinhan, Jehovah toti kin yusapa, qa wicanagi kin he Israel etanhan kaspapi kta, wipakintapi mini kin he amni; mnipi šni neon hee 6apa,toasape nahannin askapa.

14 Wicašta wan wakey a ohna te cin woope kin dee, tona wakeya ohna unpi kin owasin, nakun tona wakeya en hiyupi kin hena owasin anpetu Šakowin sapapi kta.

15 Qa wakšica ihaton šni owasin, qa iha akahpapi šni kin hena sape kta.

16 Unkan tuwe wicašta wan makoška  n canhpi on ktepi, qais wayazanka ta, qaiS wicahu wan, qais ohna wicahnakapi wan icahtake cinhan anpetu šakowin hehanyan sape kta.

17 Qa tuwe sape cin on wipakintapi kta e pte huhnahyapi qon cahota etanhan icupi kta,; qa wakšica wan ohna mini kaduze cin akaštanpi kta.

18 l:nkan wicašta wan sape šni pcjihota icu kta, qa mini kin he en oputkan kta, qa wakeya kin qa wakšica owasin, qa wicanagi hen yakonpi kin owasin awicamnimni kta, nakun tuwe  wicahu wan icahtake qais tuwe ktepi, qaiS wayazanka te, qaiS ohnahnakapi wan icahtake cinhan.

19 Unkan wicašta sape šni kin he tuwe sape cin he amnimni kta, anpetu iyamni en, qa anpetu išakowin en, unkan anpetu isakowin en ihdkusa kta. wokovake hdujaja kta, qa minin niwe kta, hecen htayetu en ska kta.

20 Qa wicašta tuwe šape ca ihduska šni kinhan, wicanagi kin he omniciye etanhan kaspapi kta, Jehovah tipi wakan tawa kin šusape cin heon etanhan, wipakintapi mini kin amnimnipi šni heon hee sapa.

21 Unkan woope kin de owihaukc wanin yuhapi kta, tuwe wipakintapi mini amnimni kin wokoyake hdujaja kta; qa tuwe wipakintapi mini kin icahluke cinhan ihtayetu hehanyan sape kta.

22 Qa taku kašta tuwe šapa yutan kinhan sape kta, qa wicanagi tuwe he icahtake cin htayetu kta hehanyan šape kta.

 WICAYAWAPI WICOWOYAKE 20.

1 Unkan wi tokaheya en Israel cinca oyato kin owasin Tzin hopuze cin en hipi, qa oyate kin Kadeš en iyotankapi, qa hen Miriam ta, unkan hen hnakapi.

 2 Unkan mini yatkanpi kta wanica, heon oyate Moses qa Aaron amniciyapi.

 3 Qa oyate kin Moses kigepi, qa heyapi, Tokin unki hunkawanjipi Jehovah itokam tapi qehan unkiš eya untapin.

4 Qa tokeca urikiye untapi kta e, qa nakun wanunyanpi unkitawapi, hopuze cin de ekta Jehovah taomniciye hiyuwicayayapi he? Qa tokeca Egypta etanhan itanwankanhde niani unyayapi, qa makoce šice kin den hiyu unyayapi he? tukten woj upi iyecece šni, nakun witansna hu wanica, qa hastanhanka iyuwi wanica, qa taspantanka su ota wanica, qa mini yatkanpi kta wanica.

6 Unkan Moses qa Aaron omniciye etanhan upi, qa itkokipapi wakeya tiyopa ekta hipi, qa makipusdiya ehpe iciyapi, qa Jehovah towitan kin wanyakapi.

7 Unkan Jehovah ie ca Moses heciya,

8 Canšakadan qon icu, qa niye qa Aaron nicinye oyate kin mniciye wicayayapi kta, qa wanyakapi icunhan imnija kin eyakiyapi kta, unkan mini tawa wicakicu kta; hecen imnija etanhan mini hinanpe wicayeciye kta, qa oyate kin, qa tawanunyanpi kin yatke wicayakiye kta.

 9 Unkan Moses Jehovah itokapa tanhan canšakadan icu, econ si kin he iyecen.

 10 Unkan Moses, qa Aaron omniciye kin mniciye wicayapi, imnija itokam, qa hewicakiya. Wawakipajinpi sa anagoptan po. Imnija kin de etanhan mini inanpe unniciyapi kta he?

11 Unkan Moses nape yuwankan ikikcu, qa canšakadan on imnija kin apa; unkan mini ota inanpa; unkan oyate kin yatkšanpi, tawanunyanpi nakun.

12 Unkan Jehovah ie ca Moses qa Aaron hewicakiya. Wicamayadapi šni, qa Israel cinca wicitokam mayaduwakanpi šni, heon omniciye kin de makoce wicawaqu kin ekta hiyuwicayayapi kte šni.

13 Meribamini kin hee; hen Israel cinca kin Jehovah kigepi,unkan hen ihduwakan.

14 Unkan Kadeš etanhan Moses Edom ieastayatapi ekta wicašta ye wieasi, qa heciya. Nisunka Israel hecen eya, Niye woiyokišice unkakipapi kin owasin sdonyaya.

15 Token hunkake wicunyanpi Egypta ekta ipi, qa Egypta ohna unyakonpi anpetu ota, qa token Egypti unkiyusepi, unkiyepi, qa niikun hunkake wicunyanpi.

16 Unkan Jehovah hove unkiyapi, unkan ho naunkihonpi, qa ohnihde wan ye si, qa Egypta etanhan hdinanpe unyanpi, unkan iho wanna Kadeš en unyakonpi, otonwe wan makoce nitawa ihanke ekta.

17 Tokin nitamakoce ohna unkiyayapi kten. Maga nitawa ohna, qa hastanhanka iyuwi ojupi ohna unyanpi kte šni, qa miniyowe nitawapi etanhan unyatkanpi kte šni, wicaštayatapi tacanku ohna maunnipi kta, hetanhan etapa tanhan qa catka tanhan unmanna unyanpi kte šni, nitamakoce isanpa unkiyayapi šni kin hehanyan.

18 Unkan Edom heciya. Miye ohna idade kte šni okini canhpi hduha itkocicipe kta.

19 Unkan Israel cinca kin heciyapi, canku tanka ohna unyanpi kta, qa mini nitawa unjatkanpi kinhan miye qa wanunyanpi mitawa on iyuwin cicu kta. Takudan econ šni siha ecedan wecon opta mde kta.

20 Unkan heya, Iyoopta idade kte šni, qa Edom wicota om qa nape wašaka on inanpe ca itkokim u.

 21 Hecen Edom iye tamakoce ohna Israel ye kta iyoki šni;

22 Qa Kadeš etanhan ihdakapi, qa Israel cinca omniciye owasin Hor he ekta hipi.

23 Unkan Jehovah ie ca Edom makoce ihanke ekta, Hor he ohna Moses qa Aaron hewicakiya

24 Aaron iye taoyate ekta okipe yapi kta. makoce Israel cinca wicawaqu kin he ekta i kte šni, nakaš, Kigepi mini kin ekta mioie yakipajinpi heon etanhan.

25 Aaron qa iye cinhintku Eleazar iwicacu, qa Hor he akan hiyuwicaya wo.

26 Qa Aaron tawokoyake kin dusdoke kta, qa cinhintku Eleazar he koyag yaye kta, qa hen Aaron te kta, qa okipe yapi kta.

27 Unkan token Jehovah econ si kin he iyecen Moses econ, qa Hor he akan ipi kin he oyate owasin wanyakapi.

28 Unkan Moses Aaron tawokoyake kin kiciyusdoke ca cinhintku Eleazar he koyag kiya; unkan Aaron hen ta, Hor he paha akan: unkan Moses qa Eleazar he kin etanhan kun hdicupi.

29 Unkan omniciye owasin Aaron te cin sdonyapi, heon Israel cinca tiyohnaka ocowasin Aaron aceyapi, anpetu wikcemna yamni hehanyan.

WICAYAWAPI WICOWOYAKE 21.

 1 Unkan Arad wicaštayatapi Caanani kin itokah makoce ounye cin he Israel Atarim canku ohna u nahon qehan azuwicaya, qa etanhan wayaka iwicacu.

 2 Unkan Israel wokonze wan Jehovah en iciconzapi, qa heyapi, Oyate kin de minape en katinyan mayaqu kinhan, otonwe tawapi ocowasin ihang waye kta.

3 Unkan Jehovah Israel ho kin nahon, qa Caanani kin wicaqu: unkan ocowasin ihang wicayapi, otonwe tawani nakun, heon makoce kin he Horma eciyapi.  '

4 Unkan Hor he kin etanhan ihdakapi, qa Edom makoce ihduksan yapi kta, heon Mde sa canku ohna yapi, qa oyate nagipi kin hanyan, canku kin on etanhan.

5 Qa oyate kin Wakantanka aiapi, qa Moses aiapi, Tokeca Hopuze cin ohna untapi kta e Egypta etanhan hdinanpe unyayapi he 1 aguyapi wanica, qa mini wanica, qa unnagipi woyute kapojedan kin de hitihda, eyapi.

 6 Heon Jehovah wamduška wahuhnahya, oyate kin en hiyu wicaya, unkan wicayahtakapi, hecen Israel oyate etanhan wicota tapi.

7 Hehan oyate kin Moses ekta hipi, qa heyapi, Waunhtanipi, Jehovah unkaiapi, qa nis nakun; Jehovah wamduška yutokan iyeunkiciciyapi kta e icekiya wo; unkan Moses oyate on cewicakiciya.

8 Unkan Jehovah Moses heci; ya, Wamduška wahuhnahya wan icicaga wo, qa can pasdatapi wan akan ikoyag ya wo, unkan tona wicayahtakapi qa he wanyakapi kinhan hena owasin nipi kta.

9 Unkan Moses mazasa wamduška wan kage ca can pasdatapi wan akan ikoyag ya; unkan kaketu wamduška wicašta wan yahtake cinhan, mazasa wamduška kin atonwan eca ni ece.

10 Unkan Israel cinca kin ihdakapi, qa Ohot (Miniiyokaštan) en etipi.

11 Unkan Obot etanhan ihdakapi, qa Ije-Abarim (Abarini Oiiwota) en etipi, he hopuza ohna Moab itokam wihinanpe ektakiya yarika.

12 Unkan hetanhan ihdakapi, qa Zered kaksiza ohna etipi.

13 Hetanhan ihdakapi qa Arnon akasanpa etipi, he hopuza ohna un, Amori tamakoce ihanke ekta, Arnon Moab ihanke kin hee, Moab qa Amori kin otahedan.

14 Heon Jehovah azuye wicaya oyakapi wowapi kin en heyapi, Waheb ekta Supa en, qa Arnon wakpadan ekta.

15 Qa wakpadan omdaye kin he Ar tipi kin iyohiya, qa Moab makoce ihanke kin icahtaka.

 16 Unkan Beer ekta hipi, Miniyowe kin he Jehovah ke ca Moses heciya, Oyate kin yuwitaya u wicakiya wo, kinhan mini wicawaqu kta.

17 Hehan Israel odowan kin de ahiyayapi, Miniyowe inanpa wo. He kahiyayapo.

 18 Itancan miniyowe qapi kin hee, oyate akicita yapi kin tasagyepi on, Wicoope kage cin eye cin iyecen. Unkan hopuze cin etanhan Matana en hipi.

19 Unkan Matana etanhan Nahahel (Kaksiza wakan) en hipi, Nahahel etanhan Bamot ekta.

20 Qa Bamot etanhan Makomdaye ekta, he Moab tatinta ohna yanka, Pisga paha ihukuya. qa he etanhan hewoskan kin wanyakapi.

 21 Hehan Israel Sihon Amori wicaštayatapi kin ekta ohnihde ye wicaši, qa heciya,

 22 Nitarnakoce kin iyopta mde kta; maga nitawa en unyanpi kte šni, qa hastanhanka iyuwi ojupi nitawa ohna unyanpi kte šni; qa miniyowe nitawa etanhan mini unyatkanpi kte šni; nitarnakoce iyoopta unyanpi kin hehanyan, wicaštayatapi tacanku kin omaunnipi kta.

23 Tuka Sihon iye tamakoce Israel opta yapi kta iyowinwicakiyešni,qa Sihon taoyate kin iyuhpa yuwitaya u wicakiye ca l Israel itkokim hiyu, hopuza ektakiya, qa Jahatz ekta i, qa Israel azu wicaya.

24 Unkan Israel tacanhpi hi on kaštakapi,qa tamakoce kin tawa yapi, Arnon etanhan, Jaboq hehanyan, Anion cinca kin ekta; Anion cinca tamokoce ihanke kin he aconkaškayapi, nakaš.

 25 Unkan Israel otonwe kin hena owasin icupi, qa Israel Amori totonwepi owasin en iyotankapi, Hesbon qa otonwe cunkši wicaya owasin.

 26 Hesbon Sihon Amori wicaštayatapi totonwe kin hee, lye he itokam Moah wicaštayatapi kin azuye ca tamakoce Arnon ekta owasin nape kin etanhan icu.

27 Heon dowanpi qa heyapi, Hesbon otonwe ekta u po. Sihon totonwe kagapi qa aconkaškaya po. .

 28 Hesbon etanhan peta wan inanpa, Sihon totonwe etanhan ide wan. Ar Moab huhnahya, Arnon paha itancan nakun.

29 Moab hehehe, Kemos taoyate nitakuni šni, cinhintku tona najicapi cunwintku nakun Amori wicaštayatapi Sihon wowidag wicaye kta e wicaqu.

 30 Unkan wicunkutepi, Hesbon ihang yapi. Dibon ekta, qa Nopa ekta hewoskan kagapi, he Medeba ekta iyohiya.

31 Hecen Israel Amori tamakocepi kin en iyotankapi.

32 Unkan Moses wicašta Jazer ekta tonwe ye wicaši, unkan totonwe kin icupi, qa Amori hen unpi kin nape wicayapi.

33 Hehan ihduhomnipi, qa Basan canku ohna itanwankanhde yapi; unkan Og Bašan wicaštayatapi kin itkowicakipe kta inanpa, iye qa taoyate owasin Edrei okicize ekta.

34 Unkan Jehovah Moses heciya, Ihnuhan he ikoyape cin, ninape en he waqu kta, qa taoyate owasin, qa makoce tawa nakun; unkan token Sihon Amori wicaštayapi Hesbon en yanke ciqon ecayecon, he iyecen he ecayecon kta.

35 Unkan kaštakapi iye qa einca kin, qa taoyate owasin, hecen wanjidan niyake okapte šni.

WICAYAWAPI WICOWOYAKE 22.

1 Unkan Israel cinca kin ihdakapi, qa Moab makomdaya ohna Jordan icahda Jericho itakasam etipi.

 2 Unkan Balak Zippor cinhintku taku Israel Amori kin ecawicakicon owasin wanyaka.

 3 Unkan Moab nina kokipa.oyate wicitokam, wicotapi nakaš, qa Israel cinca kin on Moab hanyan.

 4 Unkan Moab Midiyani hunkawicayapi kin hewicakiya, Wanna obe kin de taku unkihduksan un kin owasin sdipapi kta, tatanka wan tinta wato kin sdipa he iyecen. Unkan hehan Moab wicaštayatapi kin Balak Zipor cinhintku kin hee.

5 Qa ohnihdc Balaam Beyor cinhintku ekta ye wicaši, Petori ekta, he iye tamakoce wakpa kin icahda yanka; kico kta, qa heciya, Iho oyate wan Egypta etanhan inanpa, qa inyun maka ite kin akahpe ca micahda iyotankapi.

 6 Heon wanna ceciciya, u qa oyate kin de wicamiciyašica wo; wamasaka ešta hena sanpa wasakapi, okini wicawakaštaka, qa makoce etanhan nape wicawaya owakihi kta. Tuwe dawašte kin he yawaštepi, qa tuwe dašice cin hee yašicapi e sdon waya nakaš\  I

7 Unkan Moab hunkayapi, qa | Midiyani hunkayapi woayate | iyunwin nape ohna yuha iyayapi, qa Balaam ekta ipi, qa Balak oie kin eciyapi.

 8 Unkan hewicakiya, Hanyetu kin de den yanka po, qa token Jehovah emakiye cin he iyecen wicoie kin aciyuptapi kta. Unkan Moab itancan kin Balaam kici wankapi.

 9 Unkan Wakantanka Balaam ekta hi, qa heciya, Wicašta kin dena nici unpi kin tuwepi hwo?

 10 Unkan Balaam Wakantanka heciya, Balak Beyor cinhintku, Moab wicaštayatapi wahomayan,

11 Inyun, oyate wan Egypta etanhan inanpe ca maka ite kin akahpa. Wanna u, qa nriciwicayašica wo, hecen azu wicawaye ca nape wicawaya owakihi kta.

12 Unkan Wakantanka Balaam heciya, Ihnuhan om idade cin, ihnuhan oyate kin dašice cin, yawastcpi nakaš.

13 Unkan Balaam hanhanna kikta, qa Balak ohnihde wicaya, hewicakiya, Nitamakoce ekta hdapo. iS'iyepi om mde kta Jehovah iyowin makiye šni.

14 Unkan Moab itancan kin , najinpi, qa Balak ekta hdapi, qa heciyapi, Balaam unkicipi u kte šni, keya.

 15 Unkan Balak ake wicašta sanpa wicakinihanpi, qa sanpa i ota ye wicaši.

16 Unkan Balaam ekta hipi, qa heciyapi, Balak Zippor cinhintku kin hecen eya, Ceciciya, ihnuhan ekta mau yakapin kin.

17 Wowitan tanka hinca cicu, qa taku emayakiye cin owasin ecamon kta. U wo, ceciciya, ' oyate kin de wicamiciyašica I wo.

18 Unkan Balaam ayupte ca Balak taokiye hewicakiya, Balak iye ti kin mazaska qa mazaskazi ojutlan maqu ešta, Taku wakan oie kin kawape ca taku cistinna qais taku tanka unmanna econ owakihi kte šni.

19 Heon ceciyapi hanyetu kin de nakun den wankapo, hecen taku Jehovah ake emakiye kta sdon waye kta.

20 Unkan Wakantanka hanyen Balaam ekta hi, qa heciya, Wicašta kin nico hipi hecinhan, najin, qa om ya wo; tuka wicoie eciciye cin heceedan ecanon kta.

21 Unkan Balaam hanhanna kikta, qa šonšonna aqin kiton, qa Moab itancan om iyaya.

22 Unkan iyaye cin heon Wakantanka canniyan, qa kize kta e Jehovah ohnihde kin canku ohna najin. Unkan Šonšonna akan iyotanka, qa tahokšidan nonpa opapi.

 23 Unkan šonšonna kin Jehovah ohnihde kin canku ohna najin, qa isan hdusdoka nape ohna wanyaka, heon šonšonna kin canku etanhan ihdutokan, qa tinta omani. Unkan Balaam sonsonna kin apa, canku ohna iyaye ye kta heon etanhan.

 24 Unkan Jehovah ohnihde kin hastanhanka iyuwi ojupi ehna canku qapi wan ohna najin anonkatanhan acankaškayapi.

 25 Unkan šonšonna kin Jehovah ohnihde kin wanyakecaconkaške  ipuskica, qa Balaam siha kin cimkaske ekta inatan; unkan ake he apa.

26 Hehan Jehovah ohnihde kin ake ako iyaye ca tuktcn ocistiyedan ohna inajin: hen canku etanhan tokan iyaye pica šni, etapa tanhan qais catka tanhan.

 27 Unkan šonšonna kin Jehovah ohnihde kin wanyake ca makipusdi ehpe iciye, Balaam ihukuya. , Unkan Balaam canniye ca sagye on šonšonna kin apa.

28 Hehan Jehovah šonšonna i kin yukawa; unkan Balaam he! ciya, Taku ecacicon hwo on etanhan wanna yamni akihde amayapa he?

 29 Unkan Balaam šonšonna kin heciya, Iyokisin mayaya heon hecamon, Tokin isan wan minape ohna yukan, unkans cikte kta tuka.

30 Unkan šonšonna kin Balaam heciya, šonšonna nitawa totanhan mayaduhe cin ecen anpe dehanyan akan dotanke šni he? Qa ijehan hecen hecacicon he? Unkan, Hiya, eya.

31 Hehan Jehovah Balaam ista kin yuzanini, unkan Jehovah ohnihde nape kin ohna isan yusdog hduha, canku onajin wanyake ca makipusdiya ehpe iciya

32 Unkan Jehovah ohnihde kin heciya, Tokeca wanna yamni akihde šonšonna ayapa he? Niohan mitokam pemni ce, heon miš cicize kta e wahinawapa.

33 Qa šonšonna wanmayake ca yamni akihde mitokapa tanhan ihdutokan šni unkans he niwaye kta, qa wanna awicakehan ci kte kta tuka.

34 Unkan Balaam Jehovah ohnihde kin heciya, Wawahtani, canku ohna amayakipe kta nayajin kin sdon waye šni nakaš, qa wanna hecen iyonicipi šni kinhan wahde kta.

35 Unkan Jehovah ohnihde kin Balaam heciya. Wicašta qon om ya wo. Tuka wicoie eciciye cin heceedan ehe kta. Unkan Balaam Balak ohnihde wicaya owicapa.

36 Unkan Balaam u kin he Balak narion, qa itkokipe kta e iyaya, Moab otonwe ekta, he Arnon icahda makoce ihanke kin hee.

37 Unkan Balak Balaam heciya, Cico kta e hoye ciciye šni he 1 qa tokeca ekta mayahi šni he? Awicakehan nina ciyutan owakihi šni he?

38 Unkan Balaam Balak heciya, Inyun wanna en cihi, taku iwae kta owakihi he 1 wicoie Jehovah mii en maqu kin heceedan iwae kta.

39 Unkan Balaam Balak kici iyaya, qa Hutzot otonwe ekta ipi.

40 Unkan Balak tatanka, qa tahcaska wayušna, qa Balaam qa itancan opapi kin tuwe wicakico yeši.

41 Unkan ihanhanna Balak Balaam icu qa Baal paha kin ekta i, qa hetanhan oyate wicoti ihanke wan wanyaka.

WICAYAWAPI WICOWOYAKE 23.

1 Unkan Balaam Balak heciya, Wahna wošnapi šakowin den micicaga wo; qa den tatanka šakowin, qa tahin wanunyanpi Šakowin wiyeya micicaga wo.

 2 Unkan token Balaam eye cin hecen econ, qa Balak qa Balaam tatanka wan, qa tahcaska mdoka wan wahna wošnapi otoiyohi akan huftnahya.

 3 Unkan Balaam Balak heciya, Wohurinah yaye cin ical sihda _ššššš_ššš_šššš_ den yanka wo. Miš kakiya mda, okini Jehovah itko makipe u kta, qa wicoie wanyag makiye cin owasin ociciyake kta, eye ca paha sdayehna ekta iyaya.

 4 Unkan Wakantanka Balaam itkokipa, unkan heciya, Wahna wošnapi šakowin ewahde, qa wahna wošnapi iyohi akan tatanka wan, qa tahcaska mdoka wan huhnah waya.

 5 Unkan Jehovah wicoie wan Balaam i en yekiye ca heciya, Balak ekta hde, qa heyakiye kta.

 6 Unkan ekta hda, unkan inyun wohuhnah ye cin icahda yanka, iye qa Moab itancan owasin.

 7 Unkan Balaam wicoie wakan kin ohdake ca heya, Balak Moab wicaštayatapi kin Aram etanhan, Wiyohiyanpa he kin etanhan u makiye ca heya, Iho Jacob miciyašica wo, qa kuwa Israel mici canniye ya wo.

 8 Iyotan wašake cin he canniye ye šni, miš token canniye waye kta he t Jehovah wicayašice šni, token wicamdašice kta he?

 9 Inyan paha etanhan wanmdaka, pajodan etanhan aowakasin, Inyun oyate kin de isnana ounye kta, qa oyate tokeca oin wicayawapi kte ini.

10 Jacob maka mdu sukaza kin, qa Israel ospaye itopa kin, tuwe yawa okihi he? Tokin wicašta ecetu tapi kin iyecen minagi te kten qa owihanketa hens iyemacece kten.

11 Unkan Balak Balaam heciya, Taku ecamiyecon hwo 1 Toka wicawaye cin dašice kta e cico, unkan inyun nina wicadawašte

 12 Unkan ayupte ca heya, Taku Jehovah mii en ye kiya he patanyan iwae kte šni he?

13 Unkan Balak heciya, Oyanke tokeca wan ekta mici u wo, qq hetanhan wanwicadake kta, ihanke hinca wan heceedan wandake kta, owasin wanwicadake kte šni, qa hetanhan wicamiciyašica wo.

14 Qa Tzopim tinta en Pisga paha ekta hiyuye ca wahna wošnapi šakowin kage ca tatanka wan, qa tahcaska mdoka wan wahna wošnapi iyohi akan huhnahya.

 15 Qa Balak heciya, Den yanka wo, wohuhnah yaye cin icahda, tuka miš kakiya itkowakipe kta.

 16 Unkan Jehovah Balaam itkokipe ca wicoie wan i kin en ye kiye ca heciya, Balak ekta hde ca hecen eya wo.

17 Unkan en hdi, unkan inyun wohuhnah ye cin icahda yanka, nakun Moab itancan kin opapi, qa Balak Tieciya, Jehovah taku eya he?

18 Unkan wicoie wakan kin ohdake ca heya, Balak najin qa nahon wo. Zippor cinhintku kin anoh makiciya wo.

19 Iyotan wašake cin wicašta heca šni, tohini itonšni, qa Adam cinca šni iyope iciye šni. 1 eye cinhan ecen econ kte ni he? he cinhan hduwicake kte šni he?

20 Inyun iye yawašte qa yawašte masi, unkan mdatokeca owakihi šni.

 21 Jacob en wicohan šica atonwe kte šni, qa Israel en woiyokišice wanyake kte šni, Jehovah wakan dapi kin wica kici un, wicaštayatapi iyasapi kin.

 22 Iyotan wašake cin Egypta etanhan hdinanpa ya, tinta tatanka iyecen wašaka ce.

23 Jacob en wapiyapi wanica ce, qa Israel en wakan kagapi wanica. Iyotan wašaka Jacob on, qa Israel on, taku econ he detanhan eyapi kta.

 24 Inyun oyate kin mnaja wiyedan iyecen najin hiyaye kta, qa mnaja mdoka wan iyecen yuwankan iye iciye kta. Taku yahtake cin we kin yatke, ca taku yapota yute šni kin hehanyan makan iwanke kte šni.

25 Hehan Balak Balaam heciya, Ihnuhan wicadašice cin, qa nakun ihnuhan wicadawašte kin.

26 Unkan Balaam ayupte ca Balak heciya, Taku Jehovah emakiye cin owasin ecamon kta eciciye šni he?

 27 Unkan Balak Balaam heciya, Wanna kuwa, oyanke tokeca ekta unye kta, okini hetanhan miyeciwicadašice kta e Wakantanka ista kin en ecetu kta.

28 Qa Balak Balaam iyaye ya, Peor paha kin ekta, hetanhan Jesimon wanyakapi.

29 Unkan Balaam Balak heciya, Wahna wošnapi šakowin den micicaga wo, qa den tatanka sakowin, qa tahcaska mdoka Šakowin, wiyeya micicaga wo.

30 Unkan token Balaam eye cin he iyecen Balak econ; unkan wahna wošnapi otoiyohi akan tatanka wan, qa tahcaska mdoka wan huhnah ya.

WICAYAWAPI WICOWOYAKE 24.

 1 Unkan Israel wicayawašte kin he Jehovah ista kin en wašte Balaam wanyaka, heon woayate akin iyaye šni, econ qon iyecen, tuka hopuze cin ektakiya etonwan.

 2 Qa Balaam ista yuwankan ikikcu, qa Israel wicoun iyecen tipi kin wanwicayaka, unkan Wakantanka toniya kin he akan un.

3 Hehan wicoie wakan ohdake ca heya, Balaam Beyor cinhintku heya, wicašta ista yuhdokapi kin heya;

4 Tuwe El oie kin nahon qa Iyotan wašaka towanyake kin wanyaka, he hicahan ešta ista yuzamni hduhe cin he heya;

5 Israel yatipi kin qa Jacob nitawakeyakin he na wašte hinca.

6 Wakpadan kin iyecen yeye cin, taskoju wakpa icahda iyecen. hantesa Jehovah oju kin iyecen, wazi can mini icahda iyececapi.

7 Koka tawa etanhan mini kaduze kta, qa taku iye etanhan icage cin mini ota akan un kta, qa wicaštayatapi tawa Agag iwankam yanke kta, qa tokiconze kin pajodan kta.

 8 Taku wakan wašaka Egypta etanhan inanpe wicaya; Oyate tona tokayapi kin hena temwicaye kta, huhupi kin wicakiyuksekta; tawahinkpe kin ipahdan ihewicaye kta.

9 Patuja mnaja iyecen, qa makan iwarika mnaja wiyedan iyecen, tuwe pahice kta he? Tuwe niyawašte kin yawaštepi kta, qa tuwe niyašice cin yašicapi kta.

 10 Hehan Balak Balaam nina canniye ya, qa nape hdaskape ca Balak Balaam heciya, Toka wicawaye wicadašice kta e cico, unkan inyun yamni akihde katinyan wicadawašte ce.

11 Heon wanna najica ekta hda, wowitan tanka cicu kta epa, tuka inyun niyutanpi kta Jehovah iyoki šni.

12 Unkan Balaam Balak heciya, ohnihde wicayaya niico ye wicayasi qon hecen ewicawakiye šni he?

 13 Balak iye ti kin mazaska, qa mazaskazi ojudan maqu ešta, Jehovah i kin kawape, qa taku wašte qais taku šica econ owakihi šni, tuka taku Jehovah ie cin heceedan iwae kta.

14 Unkan ito wanna oyate mitaw a ekta wahde kta, Kuwa wo, taku oyate kin de oyate nitawa ecawicakiconpi kta, tokata anpetu ota iyohakam, he ociciyake kta.

 15 Qa Balaam wicoie wakan ohdake ca heya, Balak Beyor cinhintku kin heya, wicašta ista yuhdokapi kin he heya:

16 Tuwe El oie kin nahon, qa Otancanke tosdonye kin okahniga, Iyotan wašaka towanyake kin wanyaka, makipusdiya hinhpaya ešta ista yuzamni hduhe cin he heya;

17 He wanmdake kta tuka dehantu šni, awatonwe kta tuka ikiyedan kte šni, wicanhpi wan Jakoh etanhan u kta, mazasagye wan Israel etanhan najin kta, qa Moab ihanke kin owasin kaštake kta, qa Set cinca kin owasin ihang ye kta.

18 Qa Edom tawaye kta, qa Seir tokayapi kin he tawaye kta.'qa Israel waditagya econ kta.

19 Qa tuwe idake ye kta Jacob etanhan kta, qa tona otonwe etanhan okaptapi ihang wicaye kta.

20 Hehan Amalek wanyake ca heya, Amalek oyate tokaheya kin hee, tuka tokata is eya awihnuni kfa.

21 Hehan Qeni kin wanwicayake ca wicoie wakan ohdake ca heya, yartipi kin sutaya aconkaškayapi, qa inyan ehna hohpi nicicaga.

22 Hececa ešta Qeni kin tokan awicayapi kta; Tohantu kta he? Asur wayaka aniye kta.

 23 Unkan wicoie wakan kin ohdake ca heya, Hehehe, El hena econ kin tuwe hehanyan lri kta he?

24 Unkan witawata Kitim huta kin etanhan upi kta, qa Asur iyokisin yapi kta, qa Eber iyokisin yapi kta: unkan is eya owihanketa awihnuni kta.

25 Hehan Balaam najin qa ekta kihda, qa Balak is eya ekta hda.

WICAYAWAPI WICOWOYAKE 25.

 1 Unkan Israel Sitim en ounyanpi, qa oyate kin Moab eunwintkupi inawicahmanpi on ihdusapapi.

2 Unkan winyan kin hena taku wakandapi wakiyušnapi ekta oyate wicakicopi, unkan oyate kin yutapi, qa winyan kin taku wakandapi kin ohodapi.

3 Hecen Israel Baal Peor en ikoyag iciyapi; unkan Jehovah Israel canniye wicaya.

 4 Qa Jehovah Moses heciya, Oyate itancanpi kin owasin wicakico wo, unkan hena Jehovah on anpeiu wi itokam otke wicayapi kta, hecen Jehovah Israel nina canniye wicaya anapte kta.

 5 I'nkan Moses Israel wayacopi kin hewicakiya, Otoiyohi wicašta tawa tona Baal Peor en ikoyag iciyapi kin hena wicaktepo.

 6 Unkan Inyun Moses qa Israel cinca oyate kin itkokipapi wakeya tiyopa ekta ceyapi icunhan, Israel cinca etanhan wicašta wan ku, qa Midiyani winohinca wan sunka wicaye cin ekta hiyuya, Moses qa oyate kin wanyakapi.

7 Unkan Aaron wawayušna cinhintku Eleazar cinhintku Pinellas he wanyake cehan oyate cokaya tanhan najin iyaye ca nape ohna wahukeza wan icu;

8 Qa Israel wicašta kin ihakam iyaya, wakeya catkuta ekta, qa napin, cawicapa, wicašta kin, qa winohinca nakun tezi kin ohna, hecen makošice kin Israel cinca etanhan anapta.

9 Wanna makošice on tapi kin hena wicašta ketkopawinge wikcemna nonpa sanpa kektopawinge topa.

10 Unkan Jehovah ie ca Moses heciya,

11 Phinehas Eleazar cinhintku Aaron wawayušna cinhintku kin, Israel cinca etanhan tnitocanniye yutokan,inawawizi iyecen iye wicehna inawizi, qa hecen inawawizi kin en ihang wicawaye šni.

12 Heon hecen eciya wo. Ito wookiye wicotakuye waqu;

13 Qa wicotakuye wawayušna wicohan owihanke wanica yuhe kta, iye qa cinkšiwicaye cin iye iyohakam, Wakantanka on inawizi kin Israel cinca akaBpe wicaya heon etanhan.

14 Wanna Israel wicašta ktepi kin Midiyani winohinca kici ktepi kin he Zimri eciyapi, Salu cinhintku, Simeon ateyapi tipi wan en itancan wan hee.

15 Qa Midiyani winoriinca ktepi kin he Kozbi eciyapi, Tzur ciinwintku Midiyani ateyapi tipi wan en itancan wan hee.

 16 Unkan Jehovah ie ca Moses heciya,

 17 Midiyani toka wicaye ca wicakaštaka wo.

18 Iyepi tokaniyanpi qa nihnayanpi ecinšniyan onanyanpi on, Peor wicoie icaritaka, qa tawinoiltinpi Kozbi Midiyani itancan wan cunwintku, Peor on etanhan, makošice anpetu kin en ktepi heon etanhan.