Samuel Wowapi Inonpa Kin (2 Samuel) Dakota Wowapi Wakan Kin Bible Translation

SAMUEL WOWAPI INONPA KIN

WICOWOYAKE 1.

1 Unkan Saul te cin iyohakam David Amalek kaštake cin etanhan hdi qehan, anpetu nonpa Tziqlag ohna yanka.

2 Unkan anpetu iyamni qeban inyun wicašta wan ozuye kin Saul etanhan hiyu qa taheyake yuhdehdecapi, qa pa kin akan maka ahdada yukan, qa David ekta hi qehan patuja, qa makipusdiya ehpeiciya.

3 Unkan David heciya; Tokiya tanhan yau he? Unkan heciya, Israel ozuye kin etanhan nawajica ce.

4 Unkan David heciya, He toketu? tokin omayakidaken. Unkan heya; Oyate kin wokicize etanhan napapi, qa nakun oyate etanhan wicota hinhpayapi, qa tapi, qa nakun Saul, qa cinhintku Jonatan tapi ce.

5 Unkan David koška   okiyake cin heciya, Saul qa cinhintku Jonatan tapi kin token sdonyaya he?

6 Unkan koška   okiyake cin heya, Wanun Gilboa he akan omawani, qa inyun Saul wahukeza akan kpatuja, qa inyun canpahmihma, qa šuktanka akanyotankapi mdetanhunkapi kin kuwapi.

7 Unkan ihdamna qa wanmayake ca, makipan, unkan he miye epa.

8 Unkan nituwe he, emakiya. Unkan Amalcqi hemaca,ewakiya.

9 Unkan hemakiya, Anamajin, qa makte wo; itomahomni, qa 8am. minagi kin ocowasin nahanfiin en maun; heon etanhan.

10 Unkan anawajin, qa tewaya. Hinhpaye cin ohakam ni kte šni sdonwaya, heon hecamon, qa watešdake pa kin akan un kin, qa maza huhu isto akan un kin iwacu, qa hena deciya itancan cicahi.

11 Unkan David wokoyake hduze ca hduhdehdeca, qa wicašta kici unpi kin owasin nakun heconpi.

12 Qa aicipapi qa ceyapi, Saul qa cinhintku Jonatan on, qa Jehovah taoyate,qa Israel tiyohnaka owasin canhpi on wicaktepi heon, qa htayetu kin hehanyan wotapi šni.

13 Unkan David koška   okiyake cin heciya, Nitokiya tanhan he 1 Unkan heya, Oyate tokeca cinca Amaleki wicašta hemaca.

14 Unkan David heciya, Tokeca tuwe Jehovah sdakiye cin ihangye kta e nape ye yakiye kta koyakipe šni he?

15 Qa David koška   wanji kipan qa heciya, Ikiyedan ya, qa kaštaka wo. Unkan he kaštake: Unkan te.

16 Wanna David heciya, Niwe kin nipa akan un nunwe, Jehovah sdakiye cin he wakte ce, ni i kin eye ca aniyatanin.

17 Hehan David Saul qa cinhintku Jonatan woceye odowan kin de on awicakiceya.

18 Qa heya, Judah cinca kin itazipa odowan onspewicakiyapi kta; ito Jasar (Ecetu) wowapi kin en owapi ce.

19 Israel hekinškayapi nitawa pajodan nitawa akan ktepi ce. Hehehe wicašta wašaka hinhpayapi ce.

20 Ihnuhan Gat ohna odakapi kin. Ihnuhan Asqelon canku ohna wootanin odakapi kin; Okini Philisti cunwintkupi kin iyuškinpi kta. Okini bakihdayapi šni cunwintkupi pidaya dowanpi kta.

21 Gilboa he kin anicu Šni qa animagaju Šni nunwe. Qa maga wošnapi wanica nunwe. Heciya wicašta wašaka wahacanka ehpekiyapi. Saul wahacanka tawa kinwihdion sdayapi Šni iyececa.

22 Wicaktepi we kin etanhan, wašakšakapi sin kin etanhan Jonatan tinazipe kin hektam hiyu šni, qa Saul taisan cokadan hdi Šni.

23 Saul qa Jonatan nipi qehan wašte wicadakapi, qa wiciyokipipi, qa tapi kin en yukinukanpi Šni. Wanmdi isanpa duzahanpi, mnaja isanpa wašakapi.

24 Israel cunwintkupi kin Saul akiceyapo. lye wokoyake duta taku wiciyokipi kici ikoyag niyanpi. Heyake nitawapi akan rr.azaskazi oinpi ikoyag niyanpi.

25 Hehehe, wicašta wašaka wokicize cokaya hinhpayapi ce. Jonatan pajodan nitawa akan niktepi ce.

26 Oinye Jonatan niye on iyomakišica. Ninahin iyokipi mayaya. Winohinca wašte wicadakapi isanpa nina wašte mayadaka.

27 Hehehe wicašta wašaka hinhpayapi. Qa wokicize wipe kin atakunipi Šni.

SAMUEL WOWAPI INONPA KIN WICOWOYAKE 2.

1 Unkan hena iyohakam David Jehovah iwange ca heya, Judah otonwe wan ekta itanwankanhde wahde kta he? Unkan Jehovah heciya; Itanwankanhde hda wo. Unkan David heya; Tukten itanwankanhde wahde kta. Unkan, Hebron ekta, eya.

2 Unkan David heciya i, nakun tawicu napin, Ahinoyam Jezreehwin kin, qa Abigail Nabal Karmeh kin tawicu qon.

3 Qa David wicašta iye opapi kin hena ope wicaši, otoiyohi tiyohnaka om, qa Hebron otonwe ohna iyotankapi.

4 Unkan Judah wicašta kin ekta hipi,qa hen David sdayapi, Judu tiyohnaka iwankam wicaštayatapi kta. Unkan David okiyakapi qa heyapi, JabeS Gileynd wicašta kin Saul hnakapi kin heepi.

5 Unkan David Jahes Gilead wicašta kin ekta ohnihde ye wicaši, qa hewicakiya, Saul itancan nitawapi wowacantkiya ecayeconpi, qa yahnakapi kin heon Jehovah niyawaštepi ce.

6 Heon wanna Jehovah wowacantkiye, qa wowicake ecaniconpi kta, qa miš eya taku kin de ecanonpi kin heon taku wašte ecaciconpi kta.

7 Heon wanna ninapepi wakisakapo, qa waditakapi cincapi kin iyecen econpo. Saul itancan nitawapi kin wanna te, qa miye Judah tiyohnaka kin wanna atemayanpi kta e sdamayanpi ce.

8 Unkan Abner Ner cinhintkn kin Saul ozuye tawa mdetanhunka kin Isboset Saul cinhintku kin icu, qa Mahanaim ekta iyuwehya.

 9 Qa Gilead on wicaštayatapi kaga, qa nakun Asuri kin on, qa Jezreyel on, qa Ephraim on, qa Benjamin on,qa Israel owasin on.

10 Isboset Saul cinhintku kin waniyetu wikcemna topa qehan Israel wicaštayatapi kagapi, qa waniyetu nonpa hehanyan wicaštayatapi. Tuka Judah tiyohnaka kin David opapi.  

11 Unkan David Hebron ohna, Judah tiyohnaka iwankam wicaštayatapi heca, anpetu yawapi kin waniyetu Šakowin sanpa wi šakpe.

12 Unkan Abner Ner cinhintku, qa Saul cinhintku Isboset tuokiye Mahanaim etanhan iyayapi Gibevon ekta.

13 Unkan Joab Zeruiah cinhintku, qa David taokiye iyayapi, qa Gibeyon mdedan ekta itkowicakipapi,qa hen iyotankapi, dena mdedan kin itato,qa unman mdedan akotanhan.

14 Unkan Abner Joab heciya. lto hoksipidan najinpi, qa unkiyepi itokam skatapi kte. Unkan, Najinpi kta, Joab eya.

15 Unkan Benjamin on, Isboset Saul cinhintku on wicašta wikcemna sanpa nonpa wicayawapi najinpi, qa iyayapi; Unkan David taokiye etanhan wikceinna sanpa nonpa.

16 Qa otoiyohi tuwe itkokim u kin pa kin yuze ca cuwi kin en isan capa; hecen sakim hinhpay.api. Unkan oyanke kin he Helqat Hatzurim (Isan Tamaga) eciyapi, he Gibeyon ohna yanka.

17 Unkan anpetu kin he wokicize nina tchika, qa Abner, qa Israel wicašta kin David taokiye kin nakicipapi.

18 Unkan Zeruiah cinca yamni Joab, qa Abisai, qa Asahel heciya unpi, qa Asahel siha kin kapoja, hekinškayapi tinta ohna yakonpi kin iyecen duzahan.

19 Unkan Asahel Abner kuwa, qa Abner ihakam ye cin etanhan etapa qa catka unmana ekta ihduwinge Šni.

20 Unkan Abner ihdamna, qa, Asahel he nij'e he? eya. Unkan, He miye eya.

21 Unkan Abner heciya, Ihduwinga etapa tanhan, qais catka tanhan,qa koška  pi etanhan wanji iyahpaya, qa tawipe icu. Tuka Asahel he kuwa etanhan ihduwiiiga wicada Šni.

22 Unkan Abner ake Asahel heciya: Miye etanhan ihduwinira wo. Tokeca makata cicastake kta he? Hecinhan token nicinye Joab ekta ewatonwe kta he?

23 Tuka ihduwinga wicada Šni, heon Abner hektam wahukeza on tezi ekta capa, on wahukeza iyoopta inanpa. Unkan hen hinhpaye ca yanke cin ekta ta. Unkan tona Asahel hinfipaye ca te cin ekta hipi kin, hena owasin en najinpi.

24 Unkan Joab, qa Abisai, Abner kuwapi; qa wi iyaya, Anma paha ekta ipi qehan, he Giah iyotakonza, Gibeyon tinta canku iyab.de icahda.

25 Unkan Benjamin cinca kin ihduwitayapi; Abner ihakam, optaye wanjidan, qa paha wanjidan akan owanji najinpi.

26 Unkan Abner Joab kipan qa heciya, Isan kin ohinniyan wayusote kta he? Ohakam pa hince kta sdonyaye Šni he? Tohanyan oyate kin hunkawanji wicayapi kuwapi kin etanhan ihdamna wicayasi kte Šni he?

27 Unkan Joab heya, Wakantanka ni kinhan, niye iyae šni unkanš nakaha hanhanna oyate kin hunkawanji wicayapi kuwapi etanhan kihdapi kte ciqon tuka.

28 Unkan Joab heyahoton wan yahoton; unkan oyate kin owasin enakiyapi, qa sanpa Israel kuwapi Šni, qa sanpa wicakizapi šni.

29 Unkan Abner qa wicašta tawa hanyetu osan manipi, Araba ohna, qa Jordan iyuwegapi, qa maya kaksiza kin ihunnipi qa Mahanaim ekta kipi.

30 Unkan Joab Abner kuwa kin etanhan kihda, qa oyate owasin wicayuwitaya; unkan David taokiye etanhan Asahel, qa wicašta wikcemna sanpa napcinwanka en unpi Šni.

31 Unkan David taokiye Benjamin etanhan, qa Abner tawicašta etanhan wicašta opawinge yamni sanpa wikcemna šakpe apapi qa wicaktepi.

32 Qa Asahel akiyuhapi, qa atkuku ohnahnakapi tawa kin Betlehem en yanke cin he ohna hnakapi. Unkan Joab qa wicaita. tawa hanyetu osan manipi, qa anpao hehan Hebron en hdipi.

SAMUEL WOWAPI INONPA KIN WICOWOYAKE 3.

1 Unkan Saul tiyohnaka kin, qa David tiyohnaka otahedan tehan wokicize yukan, tuka David ohinniyan wašaka aya, qa Saul tiyohnaka kin ohinniyan wašake Šni aya ece.

2 Unkan Hebron ohna David cinca kicitonpi, qa tokapa kin Amnon ee, Ahinoyam Jezreyehwin cinhintku.

3 Qa inonpa kin Kileab Abigail Nabal Karmeh kin tawicu qon cinhintku, qa iyamni kin Abisalom, Gesur wicaštayatapi kin Talma cunwintku Mayaka he cinhintku.

4 Itopa kin Adonija Hagit cinhintku, qa izaptan kin Sepatija, Abital cinhintku.

5 Qa išakpe hin Jitreyam Egla David tawicu kin he cinhintku. Hena Hebron ohna David kicitonpi.

6 Unkan Saul tiyohnaka kin, qa David tiyohnaka kin kicišapi qehan, Saul tiyohnaka wasagye cin, Abner hee.

7 Unkan Saul tawicu wan Ritzpa eciyapi, Aja cunwintku. Unkan Isboset Abner heciya, Tokeca ate tawicu kin ekta yai he?

8 Unkan Isboset oie kin on Abner nina sinhda, qa heya; Sunka wan pa kin hemaca, Judah ektakiya, kecanni he? Miye niyate Saul tiyohnaka kin nakaha cante wakiya, nakun sunka wicaya, qa koda wicaya, qa David nape kin en ye ciye Šni, ešta, nakaha winohinca kin de on i en iyemayaya.

9 Jehovah David eciye cin he iyecen ecawecon Šni kinhan, Wakantanka hecen qa nakun de isanpa Abner ecakicon nunwe.

10 Saul tiyohnaka etanhan wokiconze kin tokan ayapi kta; qa David Israel, qa Judah iwankam, Dan etanhan Beršeba ekta hehanyan, wicaštayatapi sutaya iyotanke kta.

11 Unkan Abner kokipe cin heon wicoie wanjidan eciye kta okihi ni.

12 Unkan Abner wahoSi David ekta ye wicaši iye on, qa heya, Makoce kin tuwe tawa he? wotakuye micicaga wo, kinhan Israel owasin nihukuya upi kta on minape oniciye kta, eya.

13 Unkan heya; Hecen wagte kta, wotakuye cicicage kta; tuka taku wanji cicida. Wanmayag yau kinhan Saul cunwintku Mikal mayakahi kta, hecanon šni kinhan miite kin wandake kte šni.

14 Unkan David wahosi Saul cinhintku Isboset ekta ye wicaši, qa heciya; Mitawin Mikal maqu wo. He Philisti ceinkpaha opawinge on opewaton.

15 Unkan ISboset akicita ye wicasl, qa hihnaku Lais cinhintku Paltiel etanhan he icu.

16 Unkan hihnaku kin he kici u, Bahurim hehanyan ihakam mani, qa ceya. Unkan Abner heciya, Kihda wo; unkan kihda.

17 Unkan Abner ie ca Israel hunkayapi kin he wicakiya; Ehanna David ate yayapi kta e yacinpi.

18 Heon wanna hecen econ po. JehovahDavid heciya, qa heya; Mitaokiye David nape kin on oyate mitawa Israel niwaye kta, Pihstitn napepi kin etanhan, qa toka wicayapi owasin napepi etanhan.

19 Unkan, Abner Benjamin noge nakun ohna ia, qa Abner nakun Hebron ekta ya, taku Israel istapi en, qa Benjamin tiyohnaka owasin istapi en wašte kin, he owasin David noge en ie kta heon.

20 Qa Abner Hebron en David ekta hi, qa wicašta wikcemna nonpa opapi. Unkan David Abner, qa wicašta iye opapi kin wohanpi wan wicakicaga.

21 Unkan Abner David heciya; Nawajin, qa Israel owasin itancan mitawa wicaštayatapi kin ekta mniciye wicawaye kta e rnde kta, qa wotakuye nicicagapi kta, qa tona ninagi cin kin wiciwawankan wicaštaniyatapi kta. Unkan David Abner ye si; unkan wookiye en kihda.

22 Unkan hehan David tahokšidan qa Joab ozuye wan etanhan woyuha ota hdohdipi. Unkan David kici Hebron ohna Abner yanke šni, be kihde si: unkan wookiye en kihda nakaš\

23 Unkan Joab, qa obe iye opapi owasin hdipi. Unkan Joab okiyakapi qa, Abner Ner cinhintku wicaštayatapi kin en hi; unkan kihde si; unkan wookiye en kihda, eyapi.

24 Unkan Joab wicaštayatapi kin ekta i qa heciya, Taku ecanon he 1 Inyun Abner en nihi, tokeca kihde yasi, qa wanna iyaya.

25 Abner Ner cinhintku sdonyaya. Nihnaye kta, qa token timahen yahdi, qa tankan idade cin sdonye kta, qa taku ecanon owasin sdonye kta heon hi.

26 Unkan Joab David etanhan tankan iyaye ca wahosi Abner ihakam ye wieasi: unkan Sira wakoniya etanhan icicawin akupi; tuka David sdonye šni.

27 Unkan Abner Hebron en hi qehan Joabotonwe tiyopamahen hiyuya; išnana kici wolulake kta seca; qa hen tezi kin en capa, sunkaku Asahel we kin on; unkan ta.

28 Unkan ohakam David he nahon qehan heya; Miye, qa wokiconze mitawa Jehovah iiokam Abner Ner cinhintku We kin on iyaonpe pica šni unyakonpi kta, owihanke wanica.

29 He Joab pa kin akan, qa atkuku tiyohnaka kin owasin akan yanke kta. Iye ti kin ohna ohinniyan wicašta wan ha hdi yuke kta, qais leprosy ececa?qais tnwe sagye ikpatan, qais isau ahinhpaya, qais aguyapi icakija.

30 Unkan hecen Joab, qa sunkaku Abisai Abner ktepi. Sunkakupi Asahel Gibeyon wokicize en te kiye, heon etanhan.

31 Unkan David Joab,qa oyate iye opapi kin owasin hewicakiya; Wokoyake hduhdehdecapo, qa wakihdaka ipiyag kiton po,qa J Abner akiceya po; qa wicašta; yatapi kin David akiyuhapi kin ihakam mani.

32 Unkan Hebron ohna Abner hnakapi, qa wicaštayatapi kin hoyeye ca Abner hnakapi ekta ceya, qa oyate owasin ceyapi.

33 hnk an wicaštayatapi kin Abner aceye ca heya; Wicašta witkotkoka te cin he iyecen Abner ta.

34 Nape panicihtapi šni, qa siha mazasa icaske en iyeniciyapi šni. Token wicašta šica itokam wicašta wan hinhpaye cin, he iyecen nihinhpaya. Unkan oyate owasin ake aceyapi.

35 Unkan nahanhin anpa oyate kin owasin David aguyapi yunkiyapi kta e ekta ipi. Unkan David wakonze ca heya; Wi iyaye Šni itokatn aguyapi, qais taku tokeca uwate cinhan, Wakantanka decen, qa nakun de isanpa ecamicon kta.

36 Unkan oyate kin owasin be sdonyapi, qa iyowicakipi, taku wicaštayatapi kin econ kin owasin oyate kin owasin istapi kin en wašte kin he iyecen.

37 Unkan anpetu kin he en Abner Ner cinhintku ktepi kin, he wicaštayatapi kin eciyatanhan šni kin he oyate kin owasin, qa Israel owasin sdonyapi.

38 Unkan wicaštayatapi kin taokiye hewicakiya; Wicašta itancan, qa tanka wan Israel ohna nakaha hinhpaya sdonyayapi šni he?

39 Qa miye wicaštayatapi sdamayanpi ešta nakaha wamafeke Šni, qa wicašta kin dena Zeruiah cinca miye isanpa wašakapi ce, Jehovah tuwe taku šica econ kin, tošice cin iyecen iyuwin qu kta.

WICOWOYAKE 4.

1 Unkan Abner Hebron ohna te cin Saul cinhintku kin nafion, heon nape kin staka, qa Israel owasin yusinyayapi.

2 Qa Saul cinhintku wicašta nonpa mdetanhunka heca wicayuha, wanji Bayana eciyapi, qa unman Rekab eciyapi, Rimmon Beroti kin cinca, Beiijamin cinca etanhan; Berot he Benjamin kici yawapi nakaš;

3 Tuka Beroti kin Gitaim ekta najicapi, qa anpetu kin hehanyan hen yakonpi.

4 Unkan Jonatan Saul cinhintku kin cinhintku wanji yuha, siha huste, iye waniyetu zaptan 1 ehan Saul, qa Jonatan tapi kin Jezreš el etanhan otanin; unkan winyan iye icahye cin he icu, qa napa; qa najice kta, inahni kin, heon hokšidan kin hicahan qa huste icaga; unkan Mepiboset eciyapi.

5 Unkan Rimmon Beroti kin cinca Rekab qa Bayana manipi, qa anpetu kate cchan Isboset ti kin ekta ipi. Unkan iye wiyotanhan istinbe cin on makan wanka.

6 Unkan tipi cokaya en ipi, aguyapi su icupi kta iyecen; qa tezi kin ekta capapi, qa Rekab qa sunkaku Bayana najicapi.

7 Tipi en ipi qehan iye istima, tipi ohna towinja akan makan wanka; unkan capapi, qa ktepi, qa pa kin baksapi, qa pa kin icupi, qa hanyetu osan Araba canku kin omanipi;

8 Qa Isboset pa kin David ekta, Hebron ekta kaipi, qa wicaštayatapi kin heciyapi, Inyun Saul toka niyan, qa ninagi akite ciqon cinhintku Isboset pa kin dee; Jehovah nakaha wicaštayatapi itancan unyanpi kin Saul, qa cinhintku etanhan wokajuju nicu.

9 Unkan Rimmon Beroti cinca Rekab qa sunkaku Bayana David awicayupte ca hewicakiya, Jehovah minagi woiyokišice owasin etanhan kiyuske cin he ni,

10 Kinhan wicašta wan, Inyun Saul wanna ta ce, emukiye ca wotanin on iyuškin maye kta kecin kin, he iyawafipamde ca wakte, Tziklag ohna; wotanin makahi on iyuwin waqu kta kecin tuka:

11 Hecen iyotan wicašta Šica wicašta ohan owotanna wan, towinja akan tinktepi kin we kin ninapepi etanhan awakite kte Šni he

12 Maka etanhan ihangciyapi kta.

13 Qa David taakicita wicakte wicaši; unkan heconpi, qa napepi sihapi koya wicakicicaksapi, qa miniskokpa wan Hebron ohna yanke cin, he icahda otkeyapi; qa Isbosetpa kin icupi, qa Abner ohnahnakapi kin Hebron ohna hnakapi.

SAMUEL WOWAPI INONPA KIN WICOWOYAKE 5.

1 Unkan Israel wicoun owasin David ekta Hebron en hipi, qa wohdakapi, qa heyapi, Nihuhu, qa nicehpi kin heuncapi.

2 Nakun ehanna Saul ateunyanpi qehan, Israel inanpe wicaye ca hdicu wicaye cin he niye. Qa Jehovah heniciya; Niye oyate mitawa Israel wonwicayaye kta, qa Israel on mdetanhunka henica kta.

3 Unkan Israel hunkayapi owasin wicaštayatapi ekta Hebron en hipi; unkan wicaštayatapi kin kin David wicotakuye wicakicaga, Hebron ohna, Jehovah itokam. Unkan Israel wiciwankan wicaštayatapi David sdayapi.

4 David waniyetu wikcemna yamni wicaštayatapi kagapi qehan, qa waniyetu wikcemna topa wicaštayatapi heca.

5 Hebron ohna waniyetu sakowin sanpa wi šakpe Judah ateyapi, qa Jerusalem ohna waniyetu wikcemna yamni sanpa yamni Judah, qa Israel owasin ateyapi.

6 Unkan wicaštayatapi kin qa wicašta tawa Jerusalem ekta ipi, Jebusi makoce ounyanpi kin azuwicaye kta. Unkan David heciyapi, Istagongapi, qa hustepi kin wicadutokan šni kinhan, den hidu kte šni, David hen ye kta okihi šni kapi.

7 Tuka David Zion conkaške  kin icu, David totonwe kin hee.

8 Unkan anpetu kin he en David heya; Tuwe kaksiza kin iyohiya, qa Jebusi hustepi qa istagongapi wicakaštake cinhan, iye mdetanhunka kta: hena David nagi kin šice wicadaka. Istagonge cin qa huste kin tipi kin en hiyu kte šni, eyapi nakaš.

9 Unkan David conkaške  mahen iyotanka, qa David totonwe kin eciya, qa ihdukšan tipi kaga Millo ekta hehanyan.

10 Unkan David ohinniyan tanka aya, qa Jehovah taku wakan ozuye yuhe pin he kici un.

11 Unkan Hiram Tzur wicaštayatapi kin David ekta ohnihde ye wicaši, nakun hantesa can, qa cankajipa heca, qa ticagapi kta wicašta inyan kakanpi wayupika; unkan David tipi wan kicagapi.

12 Unkan Jehovah David tokiconze kin Israel iwankani yusuta, qa taoyate Israel on tokiconze kin icahye cin he David sdonya.

13 Unkan David Hebron etanhan hi kin iyohakam, Jerusalem etanhan winohinca tokeca wicayuza. Unkan ake cinca wica winyan koya kicitonpi.

14 Unkan cinca wica Jerusalem ohna kicitonpi cajepi kin dcna eepi; Sammuwa, qa Sobab, qa Natan, qa Solomon,

15 Qa Jibher, qa EhSua, qa Nepeg, qa Japiya,

16 Qa Eliša ma, qa Eljada, qa Ehpelet.

17 Unkan Philisti David Israel wicaštayatapi kta sdayapi kin nahonpi, heon Philisti owasin David akin itanwankanhde upi. Unkan David nahon, qa conka6ke kin ektakiya iyaya.

18 Unkan Philisti upi, qa Repaim (Waziya) osmaka kin en enanakiya hiyotankapi.

19 Unkan David Jehovah iwange ca heya, Philisti anawicawatan kta he 1 minape en wicamayaqu kta he? Unkan Jehovah David heciya, Anawicatan wo. Awicakehan Philisti ninape en wicawaqu kta.

20 Unkan David Baal Peratzim ekta i, qa ljen David wicakaštaka, qa heya, Jehovah mitokam toka mayanpi enanakiya ehpewicaya, mini enanakiya iyaye cin he iyecen, heon oyanke kin he Baal Peratzirn, (enanakiya ehpewicaya oyanke,) eciyapi.

21 Unkan wakagapi wakan kin hen ehpewicakiyapi, unkan David qa wicašta tawa hena icupi.

22 Unkan ake Philisti itanwankanhde upi, qa Repaim osmaka ohna enanakiya hiyotankapi. 23 Unkan David Jehovah iwanga. Unkan heya, Anawicayatan kte ni; Wicifieyata ohomni ya wo, qa cangin can kin eciyatanhan wicikiyedan hidu kta.

24 Qa cansin can inkpa ohna taku hiyaya ho kin nayallon kinhan inahni wo, Jehovah Philisti ozuye kaštake kta nitokam iyaya nakaš.

25 Unkan David token Jehovah econ si kin he iyecen econ, qa Philisti wicakaštaka, Geba etanhan Gezer ekta yai kin hehanyan.

SAMUEL WOWAPI INONPA KIN WICOWOYAKE 6.

1 Unkan ake David Israel wicašta kahnigapi kin owasin kektopawinge wikcemna yamni mniciye wicaya.

2 Unkan David, qa oyate iye opapi kin owasin najinpi, qa Baah Judah ekta iyayapi, hetanhan Taku wakan, Jehovah ozuye yuhe cin, Cherubim otahedan yanke cin eciyapi, tacanwohnaka kin huweyapi kta,

3 Qa Wakantanka tacanwohnahnaka kin Abinadab ti kin paha akan yanke cin etanhan icupi, qa canpahmihma teca wan akan toksupi, qa Abinadab ciuca kin Uzzia, qaAhio canpahmihma teca kin kahapapi.

4 Qa Wakantanka tacanwohnaka Abinadab ti kin paha akan yanke cin etanhan icupi qehan, iye opa, qa Ahio canwohnaka kin itokam mani.

5 Qa David, qa Israel tiyohnaka kin owasin Jehovah itokam skatapi, wazi can dowankiyapi ocaje owasin on, candowankiyapi, qa canpakinzapi, qa cancega, qa wamnuha, qa maza icakokapi hena owasin on.

6 Unkan Nakon tahocoka kin ekta ipi qehan, tatanka kin canwohnaka kin nahpapi kte seca, heon Uzza yuze kta nape kin ekta ye kiya.

7 Unkan Jehovah Uzza canniyeya, qa taku ecinšniyan econ kin on Wakantanka hen kaštaka; unkan hen ta, Wakantanka tacanwohnaka kin ikiyedan.

8 Unkan wokaštake Jehovah Uzza kaštake cin on David canteptanyan; unkan oyanke kin he anpetu kin dehanyan Uzza Kaštakapi eciyapi.

9 Unkan anpetu kin he en David Jehovah kokipe ca, Token Jehovah tacanwohnaka kin miye ekta hi kta he? eya.

10 Heon David Jehovah tacanwohnaka kin iye ekta, David totonwe en hiyuye kta tawatenye šni: tuka David he icunom aya, Obed Edom Giti kin ti kin ekta.

11 Unkan Jehovah tacanwohnaka kin wi yamni Obed Edom ti kin ohna yanka. Unkan Jehovah Obed Edom, qa tiyohnaka tawa owasin wicayawašte.

12 Unkan'David wicaštayatapi kin okiyakapi qa heyapi, Wakantanka tacanwohnaka on Jehovah Obed Edom tiyohnaka kin, qa taku yiihe cin owasin yuwašte; heon David iyaya, Wakantanka tacanwohnaka kin Obed Edom ti kin etanhan, David totonwe ekta wiyuškinyan ahdiyaku kta.

13 Unkan wicašta Jehovah tacanwohnaka kin akiyuhapi kin caehdepi Šakpe hiyupi, hehan tatatika", qa ptejicadan wakiyuna.

14 Unkan David towašake ocowasin on Jehovah itokam waci, qa David minihuha amdo akahpe wan ipiyag kiton.

15 Unkan David, qa Israel tiyohnaka owasin Jehovah tacanwohnaka kin iyasapi on, qa mazayahotonpi yahotonpi on itanwankanhde aupi.

16 Unkan Jehovah tacanwohnaka kin David totonwe en hi qehan, Mikal Saul cunwintku owanyeye ohna eyokasin, qa wicaštayatapi kin David ipsipsica, qa waci yanka, Jehovah itokam wanyake cehan, cante mahen wahteda šni.

17 Unkan Jehovah tacanwoohnaka kin hiyuyapi, qa oyanke tawa en okihnakapi, wakeya wan David ekicihde km cokaya; qa David Jehovah itokam wohu446 I hnahyapi qa wopida wošnapi [ wakiyusna.

18 Unkan David wohuhnahyapi, qa wopida wošnapi nuhnahya yustan qehan, oyate kin Jehovah obe yuhe cin cajeyan wicayawašte.  

19 Qa oyate kin owasin, Israel wicota kin owasin, wicašta qa winohinca koya, otoiyohi a uyapi hmiyanyanna wan, qa tado onspa wan, qa miniša oyatke ohnaka wanji wicakipamni. Unkan oyate owasin kihdapi.

20 Unkan David tiyohnaka tawa kin yawašte kta kihda. Unkan Mikal Saul cunwintku David itkokipe kta hiyu, qa heya, Israel wicaštayatapi kin nakaha taokiye wicinyanpidan istapi kin itokam tancodan un, koška   ikcekapi wan tancodan mani kin iyecen, he ehan towitan kin ihdutanin naceca.

21 Unkan David Mikal heciya, Jehovah niyate, qa tiyohnaka tawa owasin isanpa makahnige ca Jehovah taoyate Israel on mdetanhunka makaifa, heon Jehovah itokam waskate kta.

22 Qa nakun de isanpa mawahte kte šni, qa Miišta kin en hukuya waun kta, tuka wicinyanpidan cajedate cin hena mayuonihanpi kta.

 23 Unkan Mikal Saul cunwintku kin hetanhan cincaton šni, anpetu en te cin hehanyan.

SAMUEL WOWAPI INONPA KIN WICOWOYAKE 7.

1 Unkan wicaštayatapi kin toti kin en iyotanka, qa tokayapi i owasin ihdukšan yakonpi kin 1 etanhan Jehovah woozi qu qehan,

2 Wicaštayatapi kin Natan waayate kin heciya; Wan, miye wanna hantesa can tipi wan ohna wati, tuka Wakantanka tacan-wohnaka kin ozanpi tipi wan ohna yanka ce.

3 Unkan Natan wicaštayatapi kin heciya; Iho, taku nicante en un kin owasin econ wo; Jehovah nici un nakaš.

4 Unkan Imnyetu kin he en, Jehovah oie kin Natan en u qa heciya,

5 Mitaokiye David ekta ye ca heciya wo; Jehovah hecen eya; Ohna wati kta e tipi van miyecage kta he?

6 Israel cinca kin Egypta etanhan itanwankanhde hiyu wicawaye cin ehantanhan, anpetu kin dehanyan, can tipi wan ohna wati šni; tuka wakeya ohna, qa ozanpi tipi ohna ihdaka waun.

7 Israel cinca owasin wicehna mawani kin owasin en, Israel wayaco, oyate mitawa Israel won wicawasi kin tuwe wicoie wan ewakiya, qa, Tokeca hantesa tipi wanji miyecage šni ewakiya he?

8 Qa wanna mitaokiye David hecen eyakiye kta; Jehovah obe yuhe cin hecen eya; Tahinca wirian wicakiyapi etanhan icicu, oyate mitawa itokam mayani kta heon etanhan.

9 Qa toki yai kin owancaya nici waun, qa toka niyanpi kin owasin nitokapa tanhan wicawaka6pe, ca wicašta maka akan tankapi cajepi kin, he iyecen caje tanka cicaga.

10 Qa oyate mitawa Israel on oyanke wan wiyeya wicawecage kta, qa hu wicawecihde kta, qa he ohna tipi kta, qa icimana cancanpi kte šni, qa otokahe ekta woahtani cinca kin wicayuhukuyapi kin icimana heconpi kte šni;

11 Wayaco, oyate mitawa wicawaqu ehaiitanhan heconpi kin iyecen; nakun niye toka niyanpi owasin etanhan oziciciya, qa tipi wan Jehovah nicicage kta, Jehovah eniciya.

12 Qa anpetu nitawa henakeca kinhan, qa ate wicayaye cin om inonke cinhan, nicinca nitezi etanhan inanpe kte cin he icahwaye kta, qa tokiconze kin mdusuta kta.

13 lye tipi wan micaje on kage kta; qa tokiconze oiyotanke kin mdusuta kta, owihanke wanica.

14 lye ate maye kta, qa miye he cinksl waye kta. lye slcaya econ kinhan wicašta canšakadan on wakaštake kta, wicašta cincapi awicapapi kin iyecen.

15 Tuka mitocantekiye ewecihdaku kte šni, Saul nitokapa tanhan mdutokan kin etanhan ewecihdaku qon he iyecen.

16 Qa yati kin, qa nitokiconze kin owihanke wanin nitokam waoinyepica kta; oiyotanke nitawa owihanke wanin suta kta.

17 Wicoie kin hena owasin iyecen, qa wowanyake kin de ocowasin iyecen, Natan David eciya.

18 Unkan David wicaštayatapi kin ekta i, qa Jehovah itokam iyotanke ca heya, Itancan Jehovah, miye matuwe he? qa wati kin he taku on dehanyan hiyumayaya he?

19 Qa Itancan Jehovah dehantu cistinna niišta kin en, heon nitaokiye ti kin tokata tehan on iyaa; Itancan Jehovah wicašta akantu woope kin de tawapi he?

20 Qa taku sanpa David eniciye kta he 1 Itancan Jehovah niye nitaokiye sdonyaya.

21 Nioie kin on, qa nicante kin iyecen taku tanka kin dena owasin ecanon, qa nitaokiye kin sdonye yakiya.

22 Jehovah Wakantanka niye nitanka nakos, qa tuwedan iye nicece šni, niye nišnana, qa taku wakan tokeca wanica; unnogepi on taku naunhonpi kin owasin iyecen.

23 Qa tukte maka akan oyate wanji oyate nitawa Israel iyececa, he opekiton kta, qa oyate tawaye kta, qa caje wan icicage kta e Taku wakan ekta i, qa oyate wan Egypti oyate, qa taku wakan dapi kin etanhan openiciton kin, he itokam makoce nitawa en taku tanka qa wowinihan ecanon.

24 Qa oyate nitawa Israel owihanke wanin oyate nitawa kta e niciyahdusuta, qa taku wakan dapi kin Jehovah he niye.

25 Qa wanna Jehovah Wakantanka nitaokiye, qa tipi tawa on wicoie ehe cin ohinniyan yeucetu, qa token ehe cin iyecen econ wo.

26 Hecen nicaje kin owihanke wanin yatanpi kta; Jehovah obe yuhe cin Israel on Wakantanka kta, qa nitaokiye David ti kin riitokaro yusuta kte.

27 Jehovah obe duhe cin Israel wakan nidapi, niye nitaokiye noge kin duhdoke ca heyakiye; Tipi wan cicicage kta, heon nitaokiye wocekiye kin de eniciye kta e cante kin en iyekiya.

28 Qa wanna Itancan Jehovah Wakantanka he niye; qa nioie kin wicake kta, qa wowašte kin de nitaokiye eyakiya.

29 Heon wanna nitaokiye ti kin dawašte kta iyonicipi nunwe; hecen ohinniyan nitokam yankekta: Itancan Jehovah niye heha; qa nitaokiye ti kin nitoyawašte kin on owihanke wanin dawašte kta.

SAMUEL WOWAPI INONPA KIN WICOWOYAKE 8.

1 Unkan hena iyohakam David Philisti wicakaštake ca wicaktedan; qa David Meteg-anma Philisti napepi kin etanhan icu.

2 Nakun Moab kaštaka. qa makata iwanke wicaye, ca hahonta on iwicayuta, qa te wicaye kta e hahonta nonpa on iwicayuta, qa niwicaye kta on hahonta wanjidan ocowasin, qa David Moabi wowidag wicaya; Unkan taku itukihanpi.

3 Unkan David Hadadezer, Rehob cinhintku, Tzoba wicaštayatapi kin kaštaka, makooe tawa ckicetukiye kta e Yuperate wakpa kin ekta i qehan.

4 Qa David he etanhan šuktanka akanyotankapi kektopawinge wanji sanpa opawinge šakowin icu, qa huiyun wicašta kektopawinge wikcemna nonpa, qa David šuktanka owasin kan wicakicakSe, tuka canpahmihnna opawinge wanjidan on okapta.

5 Nakun Aram Damascus Hadadezer Tzoba wicaštayatapi okiye kta hi, qa David Aram wicašta kektopawinge wikcemna nonpa sanpa kektopawinge nonpa wicakaštaka.

6 Qa David Aram Damascus ohna taakicita ti wicakiya, qa Arami kin David okiyapi. qa taku itukihanpi. Unkan Jehovah David nikiya, tuktetu kašta i eca.

7 Unkan David mazaskazi wahacanka kin Hadadezer taokiye yuhapi kin hena icu, qa hena Jerusalem ekta hdohdi.

8 Qa Betah qa Berotai, Hadadezer totonwe kin, etanhan wicaštayatapi kin David mazasa ota hin icu.

9 Unkan Toyi, ftamat wicaštayatapi kin, David Hadadezer taozuye owasin kaštake cin nahnn qehan,

10 Toyi iye cinhintku Joram wicaštayatapi David ekta yesi, wookiye kida kta, qa Hadadezer kize ca kaštake cin on yawašte kta, qa mazaska wakšica, qa mazaskazi wakšica, qa mazasa wakšica kahi. Toyi qa Hadadezer ohinniyan kicizapi qon nakaš.

11 Qa hena wicaštayatapi David yuwakan, Jehovah on, mazaska, qa mazaskazi oyate wicaktedan kin hena owasin etanhan yuwakan kin iyahna.

12 Aram etanhan, qa Moab etanhan, qa Anmoni cinca etanhan, qa Philisti etanhan, qa Amalek etanhan, qa Hadadezer Rehob cinhintku Tzoba wicaštayatapi kin etanhan taku ki kin.

13 Qa Aram kaštake cin etanhan David hdi qehan, caje wan icicaga. Miniskuya osmaka ohna wicašta kektopawinjje wikcemna sanpa kektopawinge saRdogan wicakte.

14 Qa Edom ohna taakicita ti wicaši, Edom owancaya ohna taakicita yanke wicaši, qa Edomi owasin David wowidagwicaya. Unkan Jehovah David toki ekta i kin owancaya nikiya.

15 Unkan Israel owasin David ateyapi; unkan David taoyate owasin woyaco qa woowotanna ecawicakicon.

16 Unkan Joab Zeruiah cinhintku kin obc akicita tancan heca, qa Jehoshaphat Ahilud wakiksuye cin hee

17 Qa Tzadok Aftitub cinhintku, qa Ahimelek Abiatar cinhintku wawayušnapi hecapi, qa Seraja wowapi kn e cin hee.

18 Qa Benaja, Jehojada cinhintku, Kereti (Pabaksapi kin) qa Peleti (Inyankapi,) kin akicita tancan kin hee, qa David cinca kin wawayušnapi hecapi.

SAMUEL WOWAPI INONPA KIN WICOWOYAKE 9.

1 Unkan David heya, Saul tiyohnaka etanhan wicašta wan okaptapi he? Kmhan Jonatan on etanhan wowacantkiye ecawecon kta.

2 Unkan Saul tiyohnaka kin ookiye wan yuha, he Tziha eciyapi; unkan he David ekta kicopi; unkan wicaštayatapi kin heciya, Tziba he niye he

3 Unkan, Nitaokiye kin hee, eya. 3 Unkan wicaštayatapi kin heya; Saul ti kin etanhan wicašta wan nahanhin ni he? hecinhan wowacantkiye wakan ecawecon kta. Unkan Tziba wicaštayatapi kin heciya, Jonatan cinhintku wan nahanhin ni, siha napin ksahan.

4 Unkan wicaštayatapi kin heciya, Tukte e he? Unkan Tziba wicaštayatapi kin heciya, Iho Makir Antniel cinhintku ti kin en, Lodehar ohna yanka ce.

5 Unkan wicaštayatapi kin tuwe ekta yesi, qa Makir Anniiel cinhintku ti kin etanhan Lodebar etanhan icu.

6 Unkan Mepiboset Jonatan cinhintku Saul cinhintku kin David ekta hi, qa makipusdiya ehpeiciye ca ohoda. Unkan David, Mepiboset eya. Unkan, Nitaokiye he miye, eya.

7 Unkan David heciya, Ihnuhan wakoyakipe cin; Jonatan niyate or, etanhan wowacantkiye ohinniyan ecacicon kta, qa Sanl ate yaye cin tamajra kin owasin ake yuhe ciciye kta, qa niye ohinniyan wahna wotapi tnitawa ekta aguyapi yate kta.

8 Unkan patuja qa heya; Nitaokiye kin he tuwe, sunka ta wan iyemaceca, on ayatonwan he?

9 Unkan wicaštayatapi kin Tziba Saul tahokšidan kin kipan qa heciya, Saul qa tiyohnaka tawa owasin, taku tawapi owasin, itancan nitawa cinhintku kin waqu ce.

10 Heon maka kin yecicicanyc kta, niye, qa nicinca, qa nitaokiye, qa taku aicage cin yakahi kta; hecen itancan nitawa cinhintku kin ajruyapi yuhe ca yute kta, qa Mepiboset, itancan nitawa cinhintku, ohinniyan wahna wotapi mttawaektaairuyapi yute kta. Unkan Tziba cinca wica wikcemna sanpa zaptan yuha, qa ookiye wikcemna nonpa.

11 Unkan Tziba wicaštayatapi kin heciya; Token itancan mitawa taokiye econsi kin owasin, he iyecen nitaokiye econ kta. Unkan Mepiboset wicaštayatapi i kin cinhintku wan iyecen wahna wotapi mitawa ekta wote kta, i David eya.

12 Wanna Mepiboset cinhintkn cistinna wan yuha, he Mika eciyapi. Unkan tona Tziba ti kin ohna tipi kin owasin Mepiboset ookiye wicayuha.

13 Qa Mepiboset wicaštayatapi tawahna wotapi ekta ohinniyan wota, heon Jerusalem ohna ti, qa siha napin huste.

SAMUEL WOWAPI INONPA KIN WICOWOYAKE 10.

1 Unkan hena iyohakam Anmon cinca wicaštayatapi kin te ca cinhintku Hanun heekiya wicaštayatapi un.

2 Unkan David heya, Hanun Nahas cinhintku wowacantkiye ecawecon kta, atkuku wowacantkiye ecamicon kin he iyecen; qa atkuku on kicanpte kta David taokiye ekta ye wicaši; Unkan David taokiye Anmon cinca tamakooepi kin ekta ipi.

3 Unkan Anmon cinca wicašta tokapapi kin Hanun itancan tawapi heciyapi, Niyatc yuonihan kta e David wakicanptupi niyc ekta u wicaši kecaiini he 1 Hiya otoinve kin iwanyake kta, qa tonwcye kta, qa pajuju kta e David taokiye niye ekta u wicaši sui he 1

4 Unkan Hanun David taokiye iwicacu, qa putinhinpi hanke kasan, qa tawokoyakcpi kin hanke, cecapi ekta bawicaksa, qa kihde wicaya.

5 Unkan wicašta kin nina istecapi David okiyakapi, heon wahosi kkowieakipe ycsi, qa wicaštayatapi kin hewicakiya, Putinhin uniyanpi kte cin hehanyan Jeriho en yanka po qa, hehan yahdipi kta.

6 Unkan Anmon cinca kin David en šicamnapi kin wanhdakapi, heon Anmon cinca kin Aram ttehob otipi, qa Aram Tzoba wahowicayapi, qa bona etanhan wicašta huinyun kektopawinge wikcemna nonpa opetonpi, qa Mayaka etanhan wicašta kektopawinie wanji,qa Istob etanhan wicašta kektopawinire wikcemna sanpa kektopawinire nonpa.

7 Unkan David onahon, heon Joab, qa wicašta wašaka obe owasin ekta ye wicaši.

8 Unkan Annum cinca kin inanpapi,qa kizapi kta otonwe tiyopa ikiyedan ocimdah najinpi, tuka Aram Tzoba, qa Rehob.qa Istob, qa Mayaka icunom tinta ohna najinpi.

9 Unkan Joab wokicize anokatanhau ivc tatpe upi kin wanyake cehan, Israel ohna wicašta kal'miirapi owasin etanhan wicašta kahni e ca Aram itkokipe kta oeimdah iyaye wicaya.

10 Qa oyate uninanpi kin owtisin iye cincu Abisai nape en wicaqu, qa Anmon cinca kin wicitkokim ocimdah yeyaya.

11 Qa heciya, Aram miye isanpa wašake cinhan, niye ni mayaye kta, qa Annum cinca kin niye isanpa wašakapi kinhan ni ciye kta e ekta mde kta.

12 Waditaka wo. Oyate unkitawapi on, qa taku wakan undapi totonwe kin on wadiuntakapi kta, qa Jehovah token ista kin en wašte kin econ kta.

13 Unkan .Toab qa oyate iye opapi kin Aram kize kta ikiyedan ipi qehan, wicitokapa tanhan najicapi.

14 Unkan Aram najica kin Anmon cinca wanyakapi qehan, is eya AbiSai itokapa tanhan najicapi, qa otonwe en ipi. Unkan Joab Anmon cinca wicakize cin etanhan kihda, qa Jerusalem ekta hdi.

15 Unkan Israel itokam wicaktepi Arami kin wanhdakapi qehan witaya mniciyapi.

16 Qa Hadarezer Arami, wakpa kin akasanpa yakonpi kin, wahowicaye ca hiyu wicaya; unkan Helam ekta hipi; unkan Hadarezer ozuye mdetanhunka kin Sobak wicitokam mani.

17 Unkan David okiyakapi, heon Israel owasin mniciye wicaya; qa Jordan iyuwega, qa Helam ekta i. Unkan Arami ocimdah David tatpe upi, qa kicizapi.

18 Qa Arami kin Israel itokapa tanhan napapi. Unkan David Aram etanhan eanpahmihma opawinge šakowin wicakte, qa šuktanka akaiiyotankapi kektopawinge wikcemna topa, qa Sobak ozuye mdetanhunka kin kaštaka, unkan hen ta.

19 Unkan Hadarezer taokiye wicaštayatapi kin owasin Israel itokam iyepi ktepidan kin wanhdakapi qehan, Israel om wookiye kagapi; qa owicakiyapi. Hecen Aram Anmon cinca kin sanpa ni wicaye kta ikopa.

SAMUEL WOWAPI INONPA KIN WICOWOYAKE 11.

1 Unkan omaka kin ihuniyanpi, hchan wicaštayatapi zuya yapi ece ake iyehantu, David Joab, qa taokiye owasin om, qa Israel owasin ye wicaši. Unkan Anmon cinca kin ihang wicayapi, qa Rabba en onawicatakapi. Tuka David Jerusalem ohna yanka.

2 Qa htayetu David towinja etanhan najin, qa wicaštayatapi ti awakeyapi kin akan mani, qa awakeyapi kin etanhan winohinca wan ihdujaja wanyaka. Unkan winohinca kin owanyag wašte hinca.

3 Unkan David winohinca on iwange ye si. Unkan, Batseba, Ehyam cunwintku kin Urija Hiti kin tawicu kin hee šni he? eciyapi.

4 Unkan David wahosi ekta ye wicaši, qa icu, unkan ekta hi; unkan kiciwanka, (tosape kin etanhan wanna yuškapi nakaš;) unkan kihda.

5 Unkan winohinca kin ihdu6ake ca David wahoye ca; Ihdumasafca ce, eciya.

6 Unkan David Joab wahoya, Urija Hiti kin miye ekta usi wo. Unkan Joab Urija David ekta yesi.

7 Unkan Urija ekta hi. Unkan David iwanga Joab tanyan un he? qa oyate kin zaniyan unpi he? qa wokicize kin toketu he?

8 Unkan David Urija heciya, Yati kin ekta hda, qa siha hdujaja. Unkan Urija wicaštayatapi ti kin etanhan inanpa. Unkan woyute wicaštayatapi kin qu kin he ihakam kayapi.

9 Tuka Urija wicaštayatapi ti tiyopa ekta makan wanka, itancan tawa taokiye owasin om, qa toti kin ekta hde šni.

10 Unkan David okiyakapi qa, Urija iye ti kin ekta hde Šni, eyapi. Unkan David Urija heciya, Icimayani etanhan yaku šni he? tokeca yati ekta yahde šni he?

11 Unkan Urija David heciya, canwohnaka kin, qa Israel, qa .luda wakeya otipi, qa itancan mitawa Joab, qa itancan mitawa taokiye tinta akan wankapi, icunhan, miye wawate kta, qa wamdatke kta, qa mitawin kici imonke kta e wati en wahde kta he? Yani kinhan, qa ninagi ni kinhan taku kin de ecamon kte šni.

12 Unkan David Urija heciya, Anpetu kin de nakun den yanka wo, kinhan heyakecinhan ye cisi kta. Unkan Urija anpetu kin he, qa nakun ihanhanna Jerusalem en yanka.

13 Unkan David he kico; unkan itokam wota, qa wayatkan; unkan witkoya, tuka htayetu itancan tawa taokiye om wanke ciqon om iwanke kta ake ekta inanpa, tuka ti kin ekta hde šni.

14 Unkan ihanhanna David Joab wowapi wan kicajre ca Urija iye nape kin ohna kaye si.

15 Qa wowapi en owa, qa heya; Tukten iyotan kicizapi ekta Urija ye ii wo, qa kaštakapi qa te kta on iye etanhan hdieu po.

16 Unkan Joab otonwe kin iwanyake ca tukten wicašta waditaka yukan sdonye cin heci Urija ye si.

17 Unkan otonwe wicašta kin inanpapi, qa Joab kizapi: unkan oyate kin David taokiye etanhan wanjiksi hinhpayapi, qa Urija lhti kin nakun ta.

18 Unkan Joab David wahoye ca wokicize owasin toketu okiyaka.

19 Qa wahoSi kin heciya. Wokicize owasin toketu wicaštayatapi oyakidake cin adastan kinhan,

20 Wicaštayatapi kin Sihda kinhan, qa heniciya; Tokeca kizapi kta otonwe ikiyedan yaipi he? Conkaške  etanhan taku ehpeyapi kta sdonyayapi šni he?

21 Tuwe Abimelech Jerubeset cinhintku kaštaka he? winonmca wan conkaške  etanhan wokpan inyan wan ehpeye Šni he? unkan Tebetz ekta ta. Tokeca conkaške  ekta yaipi he? eye cinhan. Nitaokiye Urija ftiti , kin is eya ta ce, ehe kta.

22 Unkan wahosiye iyaye ca David ekta i, qa taku Joab iwahoye cin owasin okiyaka.:

23 Qa wahosiye kin David heciya; Wicašta kin unkiyepi isanpa wašakapi, qa unkizapi kta tinta ekta inanpapi. Unkan otonwe tiyopa kin ekta wicunkuwapi.

24 Unkan itazipe yuhapi kin conkaške  etanhan nitaokiye wicakutepi; unkan wicaštayatapi taokiye wanjiksi tapi, qa nitaokiye Urija Hiti is eya ta ce. !

25 Unkan David wahosiye kin heciya, Joab hecen eyakiye kta; Ihnuhan wicoie kin de on iyokiSin niciye cin. Isan kin tuwe kašta temya ece. Wokicize otonwe ekta hdusuta wo, qa he ihang V" wo, qa niye he waditaka kagn wo.

26 Unkan Urija tawicu kin he hihnaku Urija te cin nahon, qa hibnaku on ceya.

27 Unkan wasihda enakiye cehan, David he wahoye ca iye ti kin ekta hiyuya; unkan tawicu kta yuza. Unkan cinca wan kiciton. Tuka wicoie David econ kin he Jehovah ista kin en šica.

SAMUEL WOWAPI INONPA KIN WICOWOYAKE 12.

1 Unkan Jehovah Natan David ekta yesi; unkan ekta i qa heciya; Otonwe wan ohna wicašta nonpa, wanji wijica, qa unman wahpanica.

2 Wijica kin tahinca, qa pte wanunyanpi otahin yuha.

3 Tuka wahpanica kin takudan yuhe šni, tawiyedan wan heceedan; he opeton, qa ti kin ohna icahya, iye cinca wicehna, onspa tawa etanhan yute ca wiyatke tawa etanhan yatkan, qa itpi kin ohna wanka, qa cunwintku wan iyecen hduha.

4 Unkan wicašta icimani wan wicašta wijica kin ekta hi; unkan wicašta icimani en hi kin wohanpi kicage kta tahinca tawa, qa pte tawa etanhan ikikcu kapin, qa wicašta wahpanica tahinca tawa kin icu, qa wicašta en hi kin on pata.

5 Unkan David tocanniye kin wicašta kin aideye ca Natan heciya, Jehovah ni wicašta decon kin te kta.

6 Qa waonslda šni, qa taku kin de econ kin heon tawiyedan on topa kajuju kta.

7 Unkan Natan David heciya; Wicašta kin he niye ce, Jehovah Israel wakan dapi kin hecen eya, Miye Israel wicaštayatapi on sdaciya, qa miye Saul nape kin etanhan ecihdaku.

8 Qa itancan nitawa ti kin cicu, qa itancan nitawa tawicu kin niitpi en wicawaqu, qa Israel qa Judah tiyohnakapi kin cicu, qa hena cistinna unkans isanpa decen qa decen cicu kta tuka.

9 Tokeca Jehovah oie kin ihayakta šni, qa taku iye ista kin en Šica ecanon. Urija Hiti kin isan on cayapa, qa Antnon cinca tawipe on yakte, qa tawicu nitawin kta on iyacu

10 Qa ihamayakta Šni, qa Urija Hiti kin tawicu nitawin kta e duze cin, heon detanhan wipe yati anipaha iciniana aniyustan kte šni.

11 Jehovah hecen eya, Inyun tiyohnaka nitawa etanhan taku Šica najin waye kta, qa niišta itokam nitawin iwicawacu, qa nitakoda kin wicawaqu kta, qa iye anpetu wi kin de itokam nitawin om wanke kta.

12 Niye nahmana hecanon, tuka miye wicoie kin de Israel owasin itokam, qa anpetu wi kin itokam ecamon kta.

13 Unkan David Natan heciya; Jehovah awawahtani ce. Unkan Natan David heciya, Nakun Jehovah wayahtani kin niciyutokan; nite kte Šni.

14 HececaSta wicoie kin de on, Jehovah tokayapi kin nina ihaha wicayaye cin, he on cinca nakaha nicitonpi kin he awicakehan te kta.

15 Unkan Natan kihda. Unkan Jehovah hoksiyopa Urija tawicu David kiciton kin he apa; unkan hanyan.

16 Unkan hoksiyopa on David Wakantanka cekiya, qa takudan yute šni, qa tankan iyaye ca makan wanka.

17 Unkan iye tiyohnaka hunkayapi kin maka etanhan nnjiukiyapi kta on ihdukšan najinpi. Unkan wicada Šni, qa om aguyapi yute Šni.

18 Unkan anpetu išakowin hoksiyopa te cehan David taokiye hok yopa te cin okiyakapi kta ikopapi, qa, Inyun hoksiyopa nahannin ni qehan taku unkeyapi unhopi kin nahon wicada Šni, hoksiyopa kin wanna ta ce, unJ keyapi kinhan sanpa nina iyokisin iciye kte šni he? eyapi na[ kas.

19 Unkan taokiye iyakitedan jijipi kin David wanyake eehan, hokšidan kin wanna ta David iyukcan, heon: Hoksiyopa ta he? David taokiye ewicakiya. Unkan wanna ta, eyapi.

20 Unkan David maka etanhan najin, qa ihdujaja, qa sda-iciye j ca wokoyake tokeca kicun, qa Jehovah ti kin ekta i, qa cekiye ca hdi ca aguyapi da; unkan itokam ehnakapi; unkan wota.

21 Unkan taokiye heciyapi, Wicoie kin de ecanon kin toketu he? HokSiyopa ni qehan wote šni yaun, qa yaceya; tuka wanna i hoksiyopa ta, unkan nayajin qa i aguyapi yata.

22 Unkan Tohanyan hoksiyopa ni kin hehanyan wawate šni, qa waceya, Jehovah onsimada, qa hoksiyopa niye kta hecinhan tuwe sdonya he? epa nakaš.

23 Tuka wanna te. Tokeca wote šni waun kta he? Ake hdi wakiya owakihi he? Miye he ekta mde kta, tuka iye en mahi kte šni.

24 Unkan David iye tawicu Batseba kiuanpte ca ekta i, qa kici wanka. Unkan cinca wiea wan ton. Unkan David he Solomon eya caje yata. Unkan Jehovah he kici un.

25 Qa Natan waayate kin ekta yesi, qa Jedidija eya cajeyata, Jehovah on etanhan.

26 Unkan Joab Anmon cinca kin totonwe Rabba azuye ca j wicaštayatapi totonwe kin icu.

27 Qa Joab wahosiye David ekta ye wicaši, qa heya, Rabba azuwaya, qa mini otonwe kin wanna iwacu.

28 Heon niye oyate unman kin mniciye wicaya, qa otonwe kin tatpe ahi ti, qa icu wo; hecanon šni kinhan okini miye otonwe kin iwacu kta, qa micaje kin he akan yanke kta.

29 Unkan David oyate kin owasin witaya hiyuwicaye ca Rabba ekta i, qa azuye ca he icu.

30 Unkan wicaštayatapi tawatešdake pa kin etanhan David icu. He inyan tehinika iyahna mazaskazi woqin wan aspeyetonpi, qa David pa akan ehnakapi, qa David otonwe kin etanhan woyuha ota hin ahda.

31 Qa oyate he ohna unpi kin inanpe wicaya, qa canibakse on wicakuwa, qa mazasapa on aguyapi su kapanpi kin hena on, qa mazasapa onspe on, qa maka omdoton spanyanpi ohna iyaye wicaya. Unkan Anmon cinca tonwanyanpi kin owasin hecen David ecawicakicon, hehan David Jerusalem ekta hdi, qa oyate kin owasin nakun.

SAMUEL WOWAPI INONPA KIN WICOWOYAKE 13.

1 Unkan hena iyohakam Aninon David cinhintku kin Abisalom David cinhintku tawiuoh tin waštedaka; unkan he owanyag wašte, qa Tamar eciyapi.

2 Unkan Amnon tawinohtin Tamar cantiheye cin on wayazanka, he witansna heon taku ecakicon kta Aninon ista kin en tehika nakaš.

3 Qa Amnon koda wanji yuha, Jonadab eciyapi, David cincu Simeya he cinhintku. Unkan Jonadab he wicašta nina ksapa.

4 Qa he heciya, Wicaštayatapi cinhintku kin he niye: tokeca anpetu otoiyohi sanpa tamaheca aniyan he 1 omayakidake kte šni he) Unkan heciya; Miš unka AbiSalom tanksitku Tamar wagte wadaka

5 Unkan Jonadab heciya, Nitowinja akan iwanka wo, qa waniyazanka konza wo; qa niyate wanniyag hi kinhan heyakiye kta. Tokin mitankši Tamar u, qa aguyapi wonmaye kta, Miišta itokam woyute micicage kta; hecen wanmdake kta, qa nape kin etanhan wate kten.

6 Unkan Amnon makata wanka, qa wayazanka konza. Unkan wicaštayatapi kin he wanyake kta hi. Unkan Amnon wicaštayatapi kin heciya; Tokin mitankši Tamar u, qa aguyapi hmiyanyan mieicaga, Miišta itokam, hecen iye nape kin etanhan wate kten.

7 Unkan David Tamar wahoya, iye ti kin ekta, qa heciya; Ito nitimdo Amnon ti kin ekta ya wo, qa woyute kieaga wo.

8 Unkan Tamar iye timdoku ti ekta i; unkan makata wanka. Unkan aguyapi mdu icu, qa patinza, qa ista kin itokam aguyapi hmiyanyan kage ea spanyan'.

9 Qa cega ihupa tonna kin icu, qa itokam kada. Unkan wota wicada ni, qa Amnon heya; Wicašta owasin mitan tanhan tankan ya po. Unkan wicašta owasin iye tan tanhan inanpapi.

10 Unkan Amnon Tamar heciya; Woyute kin oistima tipi mahen hiyuyawo; unkan ninape etanhan wate kta. Unkan Tamar aguyapi hmiyanyan kage ciqon icu, qa timdoku Amnon kahi oistima tipi mahen.

11 Qa yute kta ikiyedan kahi. Unkan iyahpaye ca heciya; Kuwa mitankši rnici wanka wo.

12 Unkan heciya; Hiya, timdo ihnuhan isten mayaye cin, Israel ohna hecen econpi šni ye. Ihnuhan taku kin de ecanon kin.

13 Qa miye imastece cin toki amde kta he? qa njše Israel ohna witkotkopika waTyi iyenicece kta. Ceciciya, wicaštayatapi okiyaken, kinhan niye etanhan amanica kte šni ye.

14 Tuka ho kin nahon wicada šni, qa he isanpa wašaka, qa istenya, qa kici wanka.

15 Qa Amnon he nina šicedaka; hecen waštedake ciqon isanpa nakaha he šice daka, qa Amnon heciya; Najin hunktiya wo.

16 Unkan heciya, He tokeca he? Nakaha kihde mayaye cin tokaheya šicaya ecamiyecon isanpa šica ye. Unkan he nahon wicada šni.

17 Unkan tahok dan ookiye kin he kipan qa heya; De mitan tanhan tankan iyaye ya wo, qa ihakam tiyopa kin nataka wo.

18 Unkan onhdohda hanska wan kicun, wicaštayatapi cunwintku witansna unpi hecen koyakapi nakaš. Unkan taokiye kin tankan iyaye ya, qa ihakam tiyopa kin nataka.

19 Unkan Tamar cahota pa kin ahdada, qa onndohila hanske cin yuhdehdeca, qa nape kin pa atputaka, qa ceya hda.

20 Unkan timdoku Abisalom heciya, Amnon nitimdo nici wanka he? qa mitankši dehan inina unwo; nitimdo hee. Wicoie kin de ekta nicante kin yekiye šni  wo. Unkan Tamar ehpeyapi heca timdoku ti kin ohna yanka.

21 Unkan wicaštayatapi David wicoie kin dena owasin nahon, qa nina sihda.

22 Unkan Abisalom Amnon kici wicoie šica, qa wicoie wašte unmanna eye šni; tanksitku Tamar istenye cin heon Abisalom Amnon šice daka nakaš.

23 Unkan waniyetu nonpa anpe-tu kin ihanketa Abisalom tahinca yusdapi heca wicayuha, Baal hatzor ohna, he Ephraim ikiyedan, qa Abisalom wicaštayatapi cinhintku kin owasin wicakico.

24 Unkan Abisalom wicaštayatapi kin ekta i, qa heya; Iho wanna tahinca yusdapi nitaokiye yuha ce; ceciciya, wicaštayatapi kin, qa taokiye, nitaokiye kici yapi kte.

25 Unkan wicaštayatapi kin Abisalom heciya, Hiya micinkši, tokin owasin nici unyanpi kte šnin, hecen kaai unniyanpi kte šni. Unkan nina kitan, tuka kici ye kta wicada šni, qa yawašte.

26 Unkan Abisalom heya; De šni kinhan ceciciya, cinye Amnon mici ye kta. Unkan wicaštayatapi kin heciya; Tokeca iye nici ye kta he?

27 Unkan Abisalom nina kitan, heon Aranon, qa wicaštayatapi cinhintku owasin kici ye wicaši.

28 Unkan Abisalom tahokšidan wahokonwieakiye ca hewicakiya; Anajroptan po, Amnon cante kin miniša on wašte kinhan, qa, Amnon kaštaka po, qa kte po, eciciyapi kinhan ihnuhan koyakipapi kin, miye hecon cišipi šni he? wašaka po, qa wowaditake cinca kin heca po.

29 Unkan Abisalom tahokšidan token Abisalom econ wicaši kin iyecen Amnon ecakiconpi: Unkan wicaštayatapi cinhintku owasin najinpi qa tasunke šonšonna akan iyotankapi, qa najicapi.

30 Unkan nahanhin canku ohna kupi icunhan, wotanin David okiyakap', qa Abisalom wicaštayatapi cinca kin owasin wicakte, qa wanjidan owicakaptapi šni, eyapi.

31 Unkan wicaštayatapi kin najin iyaye ca tawokoyake kin hdundehdeca, qa maka akan i wanka, qa taokiye owasin woi koyake hduhdeftdecapi itiduksan j najinpi.;

32 Unkan Jonadab, Simeya David cincu kin he cinhintku kin ie ca; Ihnuhan wicaštayatapi cinca koška  pi kin owasin wicaktepi kin itancan mitawa eye cin. Amnon išnana ta ce. Abisalom tanksitku istenye cin ehantanhan he konza, qa i kin on econpi.

33 Heon wanna ihnuhan itancan mitawa wicaštayatapi kin wicaštayatapi cinca kin owasin tapi ce, wicoie eyapi kin cante kin ekta, kecin kin; Amnon isnana ta nakaš.

34 Unkan Abisalom najica. Unkan koška   tonwan yanke cin ista kin hduwankan ikikcu, qa 1 iriyun wicota iheyata hunnaptan canku kin ohna kupi kin wanwicayaka.

35 Unkan Jonadab wicaštayatapi kin heciya, lho, wicaštayatapi cinca kin kupi ce, nitaokiye eye ciqon ecetu.

36 Unkan ie cin ayastan qehan, inyun wicaštayatapi cinhintku kin hdipi, qa hoyeyapi, qa ceyapi; qa nakun wicaštayatapi kin, qa taokiye owasin nina hin ceyapi.

37 Unkan Abisalom najica, qa Talmai Amihud cinhintku Gesur I wicaštayatapi kin ekta i. Unkan David anpetu owasin cinhintku kin on iyokišica. j

38 Unkan Abisalom najice ca Gesur ekta i, qa waniyetu yamni; hen yanka.

39 Hehan David wicaštayatapi nairi kin Abisalom cantiheya, wanna Amnon te cin on kicanptapi nakaš.

SAMUEL WOWAPI INONPA KIN WICOWOYAKE 14.

1 Unkan Joab, Zeruiah cinhintku, wicaštayatapi kin Abisalom cantiheye cin sdonya.

2 Unkan Joab Teqoya ekta yewicaši, qa hetanhan winohinca ksapa wan kico, qa heciya; Ceciciye, iyokišica konza wo, qa wasihda kicun, qa wihdi on sdaiciye šni, qa tuwe kite cin on anpetu ota wasihda kin iyececa wo.

3 Qa wicaštayatapi kin en yai kta, qa wicoie kin de iyecen ehe kta; qa Joab wicoie kin winyan i kin en qu.

4 Unkan Teqoya winohinca kin wicaštayatapi kin kici ie cehan makipusdiya ehpeiciye ca ohoda, qa wicaštayatapi ni mayan ye, eya.

5 Unkan wicaštayatapi kin heciya; Taku yaka he 1 Unkan heya; Awicakehan wiwazica hemaca, qa mihihna te ye.

6 Qa wicinyanna nitawa cinca wica nomnana icah wicaye cin hena tinta ekta waakinicapi, qa wicayukinukan kta tuwedan en un Šni ye; unkan wanji unman kaštake ca te kiye ye.

7 Unkan inyun wicowazi kin ocowasin wicinyanna nitawa anajinpi, qa heyapi ye, Sunkaku kikte kin unqu po; hecen sunkaku kikte kin nagi kin on unktepi kte ca nakun maga tawaye kte cin he ibang unyanpi kta; qa petaga mitawa okapte cin he kašnipi kta, hecen mihihna on caje kin, qa takudan maka akan okicaptapi kte šni ye.

8 Unkan wicaštayatapi kin winohinca kin heciya; Ekta hda, kinhan miye niye on waecon econ wicawasi kta.

9 Unkan Teqoya win kin wicaštayatapi kin heciya, Itancan wicaštayatapi, miye qa ate tiyohnaka kin de on iyope unyanpi kta ye, qa wicaštayatapi qa toiyotanke kin bapi kte šni ye.

10 Unkan wicaštayatapi kin heya, Tuwe aniie cinhan miye en hiyuya wo, kinhan icimana inicahtake kte šni.

11 Unkan heya, Ceciciye wicaštayatapi Jehovah Wakanyada kiksuya ye, on we tokiconpi kin sanpa ihangyapi kte šni, hecen rnicinkši ktepi kte šni ye. Unkan heya, Jehovah ni kinhan nicinkši pa hin kin sukaza wanjidan makata ihpaye kte šni.

12 Unkan winohinca kin heya, Ceciciye, Wicinyanna nitawa wicaštayatapi itancan mitawa wicoie wanjidan eciciye kte ye. Unkan, Eya wo, eya.

13 Unkan winohinca kin heya, Tokeca Wakantanka taoyate on decen yakonza he t qa wicaštayatapi kin tuwe bapi kta iyecen wicoie kin de eya ye, qa wicaštayatapi cinhintku napeyapi kin hdicuye siii ye.

14 Unkiyepi awicakehan untapi kta, mini maka apapsonpi, qa mnayanpi kte šni iyeuncecapi; Wakantanka wicanagi kin ki šni tuka, tuwe napeyapi un kin iye etanhan napeyapi kte šni wayupiya iyukcan.

15 Qa wanna oyate kin kope mayanpi, heon wicoie kin de wicaštayatapi kin itancan mitawa ociciyag wahi ye. qa wicinyanna nitawa kin Wicaštayatapi ewakiye kta, okini wicaštayatapi kin tawicinyanna oie kin iyecen econ kta ye, epa.

16 Qa wanna wicašta wan miye, qa rnicinkši sakim Wakantanka tatnakoce etanhan ihang unyanpi kte cin, he nape kin etanhan tawicinyanna ehdaku kta, wicaštayatapi kin namahon ye.

17 Qa wicinyanna nitawa heya, Itancan mitawa wicaštayatapi oie kin iyozimaye kte ye, itancan mitawa wicaštayatapi kin Wakantankaohnihdeya wan iyececa nakaš; qa itancan mitawa wicaštayatapi kin taku wašte qa taku šica sdonya, qa Jehovah wakanyada kin nici un kte ye.

18 Unkan wicaštayatapi kin ayupte ca winohinca kin heciya, Wicoie wan iciwange ktecin, he ihnuhan namiyecihbe cin. Unkan winohinca kin heya, Ceciciye, itancan mitawa wicaštayatapi, eya ye.

19 Unkan wicaštayatapi kin heya, Taku kin de owasin en Joab nape kin nici un šni he? Unkan winohinca kin ayupte ca heya, Itancan mitawa wicaštayatapi ninagi ni, taku itancan mitawa wicaštayatapi ie cin owasin etanhan etapa qa catka unmanna ekta kiya yuwinh yepica šni ye. Nitaokiye Joab hecon masi, qa iye wicoie kin hena owasin nitawicinyanna i kin en iyaye ya.

20 \Vicoie kin de yahomniye kta heon nitaokiye Joab wicoie kin de kage ye, qa itancan mitawa ksapa Wakantanka ohnihde wicaye cin ksapapi kin iyeniceca, qa taku maka akan econpi kin owasin sdonyaya.

21 Unkan wicaštayatapi kin Joab heciya; Ito wanna wicoie kin de ecamon. Ekta ya, qa koška   kin Abisalom hdikiya wo.

22 Unkan Joab makipusdiya ehpeiciye ca wicaštayatapi kin yawašte, qa ohoda, qa Joab heya, Itancan mitawa wicaštayatapi isla kin iyokipi waye cin nakaha nitaokiye sdonya; wicaštayatapi kin taokiye oie kin iyecen econ nakaš.

23 Unkan Joab najin, qa Gesur ekta i, qa Abisalom hetanhan Jerusalem ekta hdikiya.

24 Unkan wicaštayatapi kin heya; lye ti kin ekta yuwinh hde kta, qa niiite kiu wanyake kte šni. Unkan Abisalom iye ti kin ekta hda, qa wicaštayatapi ite kin wanyake šni. 25 Unkan Israel owasin wicehna tuwedan owanyag wašte šni, Abisalom iyececa, on nina yatanpi, siha etanhan pesdete aiyahdeya oyuhi wanica.

26 Unkan pa kin hdusda qehan, tke kin on waniyetu iyohi ihanketa hdusda eca, pa hin hdusda kin he tke uta šeqel opawinge nonpa, wicaštayatapi taonaspeyapi iyecen.

27 Unkan Abisalom cinca wica yamni, qa winyan wanjidan kicitonpi, qa winyan kin Tamar eciyapi, he winohinca owanyag wašte hinca.

28 Qa Abisalom waniyetu nonpa anpetu iyenakeca hchanyan Jerusalem ohna yanke ca wicaštayatapi ite kin wanyake šni.

29 Qa Abisalom Joab wicaštayatapi ekta yesi kta on wahoya. Unkan en hi kta wicada šni. Unkan ake inonpa wahoya, Unkan en hi kta tawatenye šni.

30 Unkan taokiye hewicakiya; Wanyaka po, Joab tainaica kin mitawa kin ikiyedan, qa hen bade oju, ekta ya po, qa he ideya po. Unkan Abisalom taokiye kin maga kin ideyapi.

31 Unkan Joab najin qa Abisalom ekta i, ti kin ekta, qa heciya; Tokeca nitaokiye maga mitawa peta on ideyapi he?

32 Unkan Abisalom Joab heciya; lto wahociye ca deci kinva wo; Wicaštayatapi ekta yecisi kta, qa hewakiye kta, Tokeca Gesur etanhan wahdi he? Dehanyan hen manka unkans wašte tuka. Heon wanna wicaštayatapi ite kin wanmdake kta, qa miohan kin šice cinhan te maye km.

33 Unkan Joab wicaštayatapi kin ekta i, qa okiyaka. Unkan Abisalom kico. Unkan wicaštayatapi en hi, qa wicaštayatapi itokam makipusdiya ohoda. Unkan wicaštayatapi kin Abisalom i itputaka.

SAMUEL WOWAPI INONPA KIN WICOWOYAKE 15.

1 Unkan hena iyohakam Abisalom canpahmihma, qa šuktanka, qa wicašta wikcemna zaptan, iye itokam inyankapi kta, wiyeya.

2 Qa Abisalom hahanna hin kikta, qa otonwe tiyopa canku kin icahda najinhan inajin, qa tuwe kašta, woakinice yuhe ca yaco kta e wicaštayatapi en hiyu kinhan, Abisalom he kico, qa heciya: Niye otonwe tukte enitanhan he? Unkan Nitaokiye Israel wicoun wanji etanhan ce, eya.

3 Unkan Abisalom heciya; Nioie kin he wašte, qa ecetu, tuka nanihon kta wicaštayatapi kin tuwedan hecon si šni.

4 Unkan Abisalom heya, Tokiu makoce ohna wayaco makagapin hecinhan tona woakinice, qais woyaco yuhapi kin hena owasin miye ekta hipi kta, qa wicamdaowotanna kte.

5 Unkan tuwe kašta he ohoda kta ikiyedan i kinhan, nape kin ekta yekiye ca yuzeca i iputaka.

6 Qa Israel wicašta tona wicaštayatapi wicayaco kta e ekta hipi kin, hena owasin Abisalom hecen ecawicakicon, qa Israel wicašta kin cantepi kin mawicanun

7 Unkan waniyetu wikcemna topa ihanketa, Abisalom_ wicaštayatapi kin heciya; Ito Hebron ekta mde ca woyake wan Jchowa owakimdake cin hen wuhdajuju kta.

8 Nitaokiye Gesur Aram ohna yanke ciqon woyake wan omdake ca hepa, Jehovah Jerusalem en hdimakiye cinhan Jehovah 6wakiye kta.

9 Unkan wicaštayatapi kin heciya; Wookiye en ya wo. Unkan najin, qa Hebron ekta i.

10 Wanna Abisalom nahmana Israel wicoun owasin ehna wicašta ye wicaši, qa hewicakiya. Mazayahotonpi kin yahotonpi kin nayahonpi kinhan, Abisalom Hebron ohna wanna wicaštayatapi heca ce, ehapi kta.

11 Unkan Jerusalem etanhan wicašta opawinjje nonpa Abisalom opapi, wicakico nakaš, hena ecetupi ipi, takudan sdonyapi šni.

12 Unkan Ahitopel Giloni kin, David tawiyukcan kin, totonwe Gilo etanhan tawoyusna patapi kin ekta Abisalom kico. Unkan odakota kin wašaka aya, oyate Abisalom opapi kin ohinniyan sanpa ota aya nakaš.

13 Unkan wahosiye wan David en hi, qa heciya, Israel wicašta cantepi kin wanna Abisalom opa yanka.

14 Unkan David iye taokiye owasin iye kici Jerusalem ohna yakonpi kin hewicakiya; Najinpo, naunjicapi kte, Abisalom itokam unnipi kte šni. Dapi inahnipo. Okini iye inahni, qa unkihde api,qa šicaya ecaunkiconpi kta, qa otonwe kin canhpi hi on kaštakc kta.

15 Unkan wicaštayatapi taokiye kin wicaštayatapi kin hrciyapi; Iho token itancan wicaštayatapi econ unsipi kin owasin iyecen econkupi kta.

16 Unkan wicaštayatapi kin tankan inanpa, qa tiyohnaka tawa owasin opapi, tuka wicaštayatapi kin winohinca wikcemna wakanyan wicayuze Šni tipi awanyakapi kta efipewicaya.

17 Unkan wicaštayatapi kin inanpa, nakun oyate opapi kiii owasin, qa tipi itehan inajinpi.

18 Qa taokiye owasin iye icahda manipi, qa Kereti (Pa baksapi), qa Peleti (Inyankapi) kin, qa Giti kin wicašta opawinge Šakpe Gat etanhan opapi qon, hena owasin wicaštayatapi kin itokam manipi.

19 Unkan wicaštayatapi kin Ittai Giti kin heciya; Tokeca nis eya mici de cin; ekta hda, qa wicaštayatapi kici yanka wo. Oyate nitokeca, qa nakun oy anke nitawa etanhan nayajica.

20 lltanihan yahi, qa nakaha mici enanakiya yeciye kta he? Qa miye toki owakihi mawani kta. Ekta hda, qa wowacantkiye, qa wowicake ei; nihunkawanji wicahdohda wo.

21 Unkan Ittai wicaštayatapi kin ayupte ca heciya, Jehovah ni, qa itancan mitawa wicaštayatapi kin ni kinhan, tukten itancan mitawa wicaštayatapi kin un kinhan, wiconte qais wiconi unman tukte kašta, oyanke kin he en nitaokiye niri un kta.

22 Unkan David Ittai heciya; Ho wo: Tokata ya wo. Unkan Ittai Giti kin tokata iyaya, iye, j qa wicašta tawa owasin, qa slceea iye opapi kin owasin.

23 Unkan makoce kin owanca! ya hotankakiya ceyapi, qa oyate ! kin iyayapi, qa wicaštayatapi kin Qedron kaksiza kin akasanpa iyaya, qa oyate kin owasin hopu7.e kin canku kin ohna iyayapi. 

24 Qa inyun Zadok, qa iye kici Levi kin owasin Wakantanka wotakuye canwohnaka kin akiyuhapi, qa Wakantanka tacanwohnaka kin kihnakapi, qa Abiatar, oyate owasin otonwe etanhan iyayapi icunhan, wošnapi kaga yanka.

25 Unkan wicaštayatapi kin Zadok heciya; Wakantanka taeanwohnaka kin otonwe ekta ahda wo. Jehovah ista kin iyokipi waye cinhan, ake hdimaye kta, qa he, qa tipi tawa wanyag maye kta.

26 Tuka miye ke ca, Iyomakipi šni eye cinhan, ito token iye ista kin en wašte kin he iyecen econ kta.

27 Qa wicaštayatapi kin Zadok wawayušna kin heciya, Wawanyaka henica, wookiye en otonwe kin ekta hda, qa Ahimayatz nicinkši, qa Jonatan Abiatar cinhintku napin nicincapi onipapi.

28 Ito niyepi etanhan tuwe wahosi makahi kte cin hehanyan tinta omdaye ohna manke kta.

29 Heon Zadok qa Abiatar Wakantanka taeanwohnaka kin Jerusalem ekta ahdapi, qa hen yakonpi.

30 Unkan David Wihdican paha itanwankanhde yapi kin ohna itanwankanhde iyaya, pa kin ahdahpe ton, sicodan ceya mani, qa oyate opapi kin owasin otoiyohi pa ahdahpe tonpi, qa ceyapi, itanwankanhde yapi.

31 Unkan David okiyakapi, qa, Ahitopel Abisalom odakotapi kin en opa, eyapi. Unkan David heya, Jehovah ceciciye Ahitopel wowahokonkiye kin yuwitkotkoka ye.

32 Qa David paha kin iyohi qehan, hen Wakantanka eekiya. Unkan inyun Husai Arki kin wo-koyake hduhdehdece, qa pa kin maka ahdata itokam najin.

33 Unkan David heciya; Mici de cinhan mayadusake kta.

34 Tuka otonwe ekta yahde cinhan, qa, Wicaštayatapi nitaokiye he miye, wanakaja tanhan niyate taokiye hemaca, qa detanhan nitaokiye hemaca kta, Abisalom eyakiye cinhan, Alhtopel wowahokonkiye kin miyecidušice kta.

35 Qa Zadok, qa Abiatar wawayušnapi kin nici hen unpi šni he 1 qa wicaštayatapi ti kin etanhan wicoie nayahon kinhan, owasin Zadok qa Abiatar wawayušnapi kin owicayakidake kta.

36 Qa ito hena om cincapi nonpa Ahimayatz Zadok cinhintku, qa Jonatan Abiatar cinhintku, qa hena napepi on wicoie nayahonpi kin owasin iwaho mayayapi kta.

37 Unkan flusai David takodaku otonwe en hdi, qa Abisalom Jerusalem ekta hi.

SAMUEL WOWAPI INONPA KIN WICOWOYAKE 16.

1 Unkan David paha kin kitanna ako iyaye cehan inyun Tziba, Mepiboset tahokšidan kin heakipe kta u,qa šonšonna.nonpa aqin kitonpi, qa hena akan aguyapi opawinge nonpa, qa hastanhanka iyage opawinge wanji,qa waskuyeca pusyapi opawinge, qa minima opahte wanjidan.

2 Unkan wicaštayatapi kin Tziba heciya. Taku on dena duha he? Unkan Tziba heya, Wicaštayatapi tiyohnaka kin šonšonna akan iyotankapi kta, qa hokSipidan aguyapi kin, qa waskuyeca kin yutapi kta, qa tuwe hewoskan mdokite cinhan miniša kin yatke kta.

3 Unkan wicaštayatapi kin heya. Niyuhe cin cinhintku kin toki un he? Unkan Tziba wicaštayatapi kin heciya, lnyun Jerusalem ekta kihde, ca, Ate wicaštayatapi kin heon nakaha Israel tiyohnaka kin tohe kin maqupi kta, eya.

4 Unkan wicaštayatapi kin Tziba heciya, Taku Mepiboset tawa qon owasin nitawa kta. Unkan Tziba heya, Ohocida itancan mitawa wicaštayatapi, niišta kin iyokipi ciye kta.

5 Unkan wicaštayatapi kin David Bahurim (Koška   totonwepi) hehanyan i qehan, inyun wicašta wan, Saul ti kin wicowazi etanhan, feimeyi Gera cinhintku eciyapi, hetanhan inanpe ca wayašica mani.

6 Qa David, qa wicaštayatapi David taokiye owasin, qa oyate kin owasin; qa wicašta wašaka David etapafa qa catkata manipi kin owasin inyan on wicakinin.

7 Qa Simeyi wayašice ca, hecen eya; Hunktiya, Hunktiya wo, wicašta weyesa wicašta šni cinhintku.

8 Saul tiyohnaka we kin owasin Jehovah anihdikiya: het'kiya wicaštayatapi yaun, tuka Jehovah Abisalom nicinkši wicaštayatapi kaga, qa niye wicašta weyesa henica, heon ito taku Šica iyahde yaye cin he iyonihi ce.

9 Unkan Abisai Zeruiah cinhintku kin wicaštayatapi kin heciya, Tokeca Sunka te cin de itancan mitawa wicaštayatapi kin yaslca he f Ceciciye, ekta mde ca pa kin bawakispe kta.

10 Unkan wicaštayatapi kin heya, Zeruiah cinca kin niyepi taku iwamayatokiyapi he? Wayašice kte, Jehovah he David ya ceSi kin heon, Tokeca heca| non, tuwe eciye kta he?

11 Unkan David Abisai, qa taokiye owasin hewicakiya, Inyun micinkši mitezi etanhan inanpe cm he minagi akita, heeinhan isanpa Bejamini kin de hecon kta iyececa. MayaŠice kta iyowinkiya po; Jehovah hecon si nakaš.

12 Okini Jehovah iyomakišice cin wanyake kta, qa nakaha maya ire cin de on wowašte maqu kta.

13 Unkan David qa wicašta tawa kin canku kin omanipi, qa Simeyi iyotakonza fiunnaptan omani, wayašica, qa inyan kaho iyeye t.i watusekseca kadada mani.

14 Unkan wicaštayatapi kin, qa oyate opapi kin owasin Yaipim (Mdokitapi) ekta ipi; qa hen mdesiciyapi.

15 Unkan Abisalom, qa Israel wicašta oyate kin owasin, Jerusalem en hipj, qa Ahitopel opa. 16 Unkan Husai Arki kin, David takodaku, Abisalom ekta ki qeban Husai Abisalom heciya. Wicaštayatapi kin ni kte. Wicaštayatapi kin zaniyan un nunwe.

17 Unkan Abisalom Husai heciya, Nitakoda canteyakiye cin dee he? Tokeca nitakoda kici idade šni he?

18 Unkan HuSai Abisalom heciya, Hiya ees tuwe Jehovah kariniga, qa oyate kin de nakun Israel wicašta owasin kahnijVapi kin he tawa maye kta, qa kici manke kta.

19 Qa nakun tuwe owakiye kta he? Cinhintku kin hee šni he? Nitokam waun kta, niyate itokam owakiye cin he iyecen.

20 Unkan Abisalom Ahitopel heciya, Iho unkiciyukcan po. Token econkupi kta he?

21 Unkan Ahitopel Abisalom heciya, Niyate tawicu tipi kin awanyakapi kta owanji yanke wicaši kin hena en ya wo; hecen Israel owasin niyate wahtenidaŠni nahonpi kta, qa Israel owasin napepi kin niciyusutapi kta.

22 Unkan tipi akapatanhan wakeya wan Abisalom on ehdepi; Unkan Abisalom Israel owasin istapi itokam, atkuku tawicu kin en wicai.

23 Unkan he ehan Ahitopel oie kin, wahokonwicakiye cin he, taku wakan iwangapi kin oie kin iyececa, Ahitopel oie kin owasin David ekta, qa Abisalom ekta hececa.

SAMUEL WOWAPI INONPA KIN WICOWOYAKE 17.

1 Unkan Ahitopel Abisalom heciya, Ito wicašta kektopawinge wikcemna sanpa kektopawinge nonpa wakahnige kta, qa nawajin, qa hanyetu kin de David kuwa amde kta.

2 lye mdokite ea nape kin hustaka, hecen yusinye waye kta, qa oyate opapi kin owasin napapi kta, qa wicaštayatapi kin isnana wakaštake kta,

3 Qa niye ekta oyate kin owasin hdicu wicawaye kta, owasin hdipi kinhan. wicašta ayakite cin he oyati: kin owasin wokiyapi kta.

4 Unkan wicoie kin he Abisalom ista kin en, qa Israel hunkayapi owasin istapi en ecetu.

5 Unkan Abisalom heya; Ito, Husai Arki kin nakun kico, iye i kin ohna taku un kin he nakun naunhonpi kta.

6 Unkan Husai Abisalom ekta hi qehan. Abisalom heciya, Wicoie kin de iyecen Ahitopel econ uiSipi ce. Eye cin iyecen econ-kupi kta, qais econkupi kte šni, , nis, eya wo.

7 Unkan Husai Abisalom heeiya, Wicoie Ahitopel iyukcan kin he nakaha wašte šni.

8 Qa Husai heya, Niye niyate, qa wicašta tawa sdonwicayaya, wicašta wašaka hecapi, qa nakaha najripi canteptanyanpi, tinta wahankšica wan cinca kin kipi kin iyececapi, qa niyate wicašta zuyesa heca, qa hanyen oyate am wanke kte šni.

9 Qa inyun wanna woha wan en, qais tuktetu kašta inahma, qa otokahe ekta oyate kin wanjiksi hinhpayapi kinhan, oyakapi kta, qa oyate Abisalom opapi kin hena wicaktepi eyapi kin nahonpi kinhan;

10 Tuwe waditake ca cante mnaja cante kin iyececa ešta skan kta; niyate kin wicašta wašaka, qa tona opapi kin wicašta waditakapi kin Israel owasin Sdonyapi nakaš.

11 Miye hecen wahokonciciye, Israel owasin, Dan etanhan Berseba hinskoya mnayanpi kta, wiyaka miniwanca huta kin iyecen wicota, qa niye hinca wokicize en de kta.

12 Qa tukten iyeyapi kte cin oyanke kin he en anauntanpi kta, qa cu kin maka kin ahinhpaye cin iyecen akan iyaunhanpi kta, qa wicašta iye opapi kin owasin wanjidan unkokaptapi kte šni.

13 Unkan otonwe conkaške  yapi wan en nape citthan, Israel owasin otonwe kin he conkaške  ekta hakahmunpi ikoyag yapi, qa yusdohanpi kta, kaksiza kin ekta, ecen inyan sukaza wanjidan hen iyeyapi kte šni.

14 Unkan Abisalom, qa Israel wicašta kin owasin heyapi, flusai Arki kin wahokonkiye cin he Ahitopel wahokonkiye cin isanpa wa te ce. Jehovah Ahitoprl wowahokonkiye Abisalom on wašte kin he yujuju kta konza, Jebowa Abisalom ekta taku sira hiyuye kta heon etanhan.

15 Unkan Husai Zadok, qa Abiatar wawayušnapi kin hewicakiya, Ahitopel hecen, qa hecen Abisalom, qa Israel hunkayapi kin wahokonwicakiya; qa miye hecen wahokonwicawakiya.

16 Heon wanna kohanna David wahoyapi, qa okiyaka po; qa heciya po, Ihnuhan wicaštayatpi kin hanyetu kin de hewoskan makomdaya ohna wanke cin, hecon kinhan okini wicaštayatapi, qa oyate opapi kin owasin ihang wicayapi kta; heon katinyan akasanpa idade kta.

17 Unkan Jonatan qa Ahimayatz Enrogel (Tonweyapi wakoniya) kin ekta yakonpi. Otonwe en hiyupi wanwicayakapi ikopapi nakaš, heon wicinyanna wan ekta i, qa owicakiyaka; unkan wicaštayatapi kin David okiyakapi kta iyayapi.

18 Unkan koška   wan wanwicayaka, qa Abisalom okiyaka. Unkan napin inahniyan Bahurim ohna wicašta wan ti kin en ipi. Unkan iye tahocoka ohna minihdoka wan yuha, unkan hen kun ipi.

19 Unkan winohinca kin minihdoka i kin akahpe ton, qa wokpanpi akada; unkan iyukcanpi šni.

20 Abisalom taokiye kin winohinca henti kin ekta hipi, qa heciyapi, Ahimayatz qa Jonatan tukteepi he? Unkan winohinca kin hewicakiya; Mini wakpadan kin akasanpa iyayapi ce. Unkan owicadepi, qa iyewirayapi šni, qa Jerusalem en hdapi.

21 Unkan kihdapi ohakam minlhdoka etanhan inanpapi, qa iyayapi, qa David wicaštayatapi kin okiyakapi, qa David heciyapi, Ahitopel decen niyepi on wahokonwicakiya, heon najin po, qa inahniyan mini kin akasanpa iyaya po.

22 Unkan David, qa oyate iye opapi kin owasin najinpi, qa Jordan iyuwegapi; hanhanna anpa kin Jordan iyuwege Šni wanjidan okapte Šni.

23 Unkan Ahitopel, iye wahokonwicakiye cin iyecen econpi šni wanyake cehan, šonšonna aqin kiton, qa akan iyotanke ca toti kin ekta kihda, totonwe kin en, qa ti kin hduwiyeya, qa poskin icikte, qa atkuku ohnahnakapi tawa kin ohna hnakapi.

24 Unkan David Mahanaim ekta i, qa Abisalom Jordan iyuwega, qa Israel wicašta kin owasin opapi.

25 Unkan Abisalom Yamasa mdetanhunka kaga, Joab hee kiya. Unkan Yamasa atkuku Jitra eciyapi, Ismaeh wicašta heca, qa Abigail Nahas cunwintku yuza, he Zeruiah Joab hunku tawinohtin heca.

26 Unkan Israel qa Abisalom Gilead makoce ohna etipi.

27 Unkan David Mahanaim ekta hi qehan Sobi Nahas cinhintku Anmon cinca tonwanyanpi Rabba etanhan, qa Makir Yanmiel cinhintku Lodcbar etanhan, qa Barzillai Gileadi kin Rogehm etanhan,

28 Hena owinja, qa maza wakšica, qa maka wakslca, qa aguyapi su, qa barle, qa aguyapi mdu, qa papahyapi, qa omnica, qa omnica hmiyanyanna, qa papahyapi.

29 Qa canhanpi tiktica, qa asanpi ihdi, qa tahinca, qa pte asanpi suta, David qa oyate opapi kin yutapi kta e wicakahipi. Oyate  kin tinta ohna wotektehdapi, qa mdokitapi, qa ipuzapi, eyapi nakaš.

SAMUEL WOWAPI INONPA KIN WICOWOYAKE 18.

1 Unkan David oyate iye opapi j kin wicayawa, qa akicita kektoj pawingege itancan, qa akicita opawingege itancan yuhe wicakiya.

2 Qa David oyate kin obe yaj mni ye wicaši, obe wanji Joab j nape kin en, qa wanji Abisai Joab cincu Zeruiah cinhintku nape kin en, qa unman Ittai Giti kin nape kin en. Unkan wicaštayatapi kin oyate kin hewicakiya, Miš eya niyepi om mde kta ce.

3 Unkan oyate kin heyapi,Hiya de kte šni ce. Unkiyepi naunjicapi kinhan unkiyepi ekta cante ye kiyapi kte šni, qa unkiyepi hanke untapi kinhan unkiyepi ekta cante ye kiyapi kte šni. Unkiyepi kektopawinge wikcemna iyecen niyawapi, heon otonwe etanhan ounyakiyapi kin he wašte.

4 Unkan wicaštayatapi kin hewicakiya; Taku niištapi en wašte kin hee ecamon kta. Qa wicaštayatapi kin otonwe tiyopa; icahda najin, qa oyate kin opawingege qa kektopawingege inanpapi.

5 Unkan wicaštayatapi kin Joab, qa Abisai qa Ittai wabokonwicakiye ca heya, Miye on Abisalom koška kin wahbayedan ecakicon po. Unkan wicaštayatapi kin i Abisalom on mdetanhunka owa! sin wahokonwicakiye cin oyate kin owasin nahonpi

6 Qa oyate kin Israel itkokim iyayapi, qa Ephraim taskoju ohna kicizapi.

7 Unkan Israel oyate kin hen ktepi, David taokiye itokam, qa wokaštake hen anpetu kin he tanka, wicašta kektopawinge wikcemna nonpa.

8 Unkan anpetu kin he en makoce kin owancaya kicizapi, qa oyate taskoju wicakasote cin hena ota, isan wicakasote cin isanpa.

9 Unkan Abisalom David taokiye awicakipa, qa Abisalom Sonsonna wan akan iyotanka, qa šonšonna kin utuhu tanka wan yuhal'ia ihukuya iyaya, qa Abisalom pa kin utuhu en ikoyag ya, qa sunka šonšonna kin iye ihukuya tanhan iyaye ca mahpiya qa inaka kin otahedan ehpeya.

10 Unkan wicašta wan he wanyake ca .Toab okiyake ca heya, Inyun Abisalom utuhu wan en okazeze wanmdaka.

11 Unkan Joab wicašta okiyake cin heciya. Inyun he wandake cinhan tokeca hen makata yakastuke šni he? hecanon unkans miye mazaska wikcemna, qa ipiyaka wan cicu kta tuka.

12 Unkan wicašta kin Joab heciya, Miye qe mazaska kektopawinge minape en aspe miciyapi ešta, wicaštayatapi cinhintku minape on kiunniwaye kte šni. Wicaštayatapi kin niye, qa AbiSai, qa Ittai wahokonniciyapi, qa, Miye on Abisalom koška   kin patan po, eniciyapi kin minoge on nawahon.

13 Nagi kin kiunniwaya unkans. wicoie wanjidan wicaštayatapi kin etanhan nahmanpi šni, qa niye qe anamayajin kta.

14 Unkan Joab heya, Den nici manke kta iyecece šni; qa wahinkpe yamni icu, nape kin ohna, qa Abisalom cante kin en hena iyeya, nahanhin niyake utuhu cokaya yatike cin icunhan.

15 Hehan koška   wikcemna Joab wipe kin kicicinpi kin hena Abisalom ikiyedan ipi, qa capapi qa ktepi.

16 Hehan Joab mazayahotonpi wan yahoton; unkan oyate kin Israel kuwapi etanhan hdicupi, Joab oyate kin kicunni wicaya nakaš.

17 Unkan Abisalom icupi, qa taskoju ohna woha tanka kin en ehpeyapi, qa inyan paha tanka wan akan ejupi. Unkan Israel owasin najicapi, otoiyohi tawakeya ekta.

18 AbiSalom nahanhin ni qehan wokiksuye wan icu, ([a ekicihde, he wicaštayatapi osmaka ohna yanka, cinca wica on micaje kiksuyapi kta manica, eya nakaš: qa wokiksuye kin iye cajc on cajeyata; unkan anpetu kin dehanyan he AbiSalom nape kin eciyapi.

19 Unkan Ahimayatz Zadok cinhintku kin heya: Tokin waimnanke ca wicaštayatapi kin wotanin kin omdake kten, tokayapi kin Jehovah woyaco ecawicakicon nakaš. i

20 Unkan Joab heciya, Wotanin oyake kta wicašta kin nakaha henica Šni, qa anpetu tokeca wan wotanin odake kta; tuka nakaha wicaštayatapi cinhintku te cin ', on wotanin odake kte šni.

21 Unkan Joab Kusi heciya, i Inyanka, taku wandake cin wicaštayatapi kin okiyaka wo. Unkan KuSi Joab ektakiya pakapsan, qa inyang iyaya.

22 Unkan Ahimayatz Zadok cinhintku kin ake Joab heciya, , Hececasta ceciciya, miš eya KuSi ihakarn waimnanke kta. Unkan j Joab heya; Micinkši taku on ! yainanke kta he? Wotanin odake kta takudan niciyanke šni.

23 Unkan, Hececasta waimnanke kta, eya. Unkan heciya, Inyanka wo. Unkan Ahimayatz omdaye canku kin ohna inyanke ca Kusi kapeya.

24 Unkan David otonwe tiyopa nonpa kin otahedan iyotanka yanka. Unkan waawanyake cin tiyopa iwankam conkaške  akan i, qa wankan etonwe ca wicašta wanjidan inyang ku kin wanyaka.

25 Qa waawanyake kin pan qa wicaštayatapi kin okiyaka. Unkan wicaštayatapi kin heya,Wanjidan u kinhan i kin ohna wotanin yukan Unkan katinyan inyanke ca ikiyedan ku.

26 Unkan waawanyake kin wicašta tokeca wan inyanke cin wanyake ca tiyopa awanyake cin kipan qa heya, Inyun wicašta wan išnana inyang ku. Unkan wicaštayatapi kin heya, He nakun wotanin yuha ce.

27 Unkan waawanyake kin heya, Tokaheya inyanke cin Ahimayatz Zadok cinhintku kin inyanke cin he iyececa wadaka. Unkan wicaštayatapi kin heya; He wicašta wašte, qa wotanin wašte au ce.

28 Unkan Ahimayatz hoyeye ca, Wookiye; wicaštayatapi kin, eciya, hehan wicaštayatapi itokani makipusdiya ehpeiciye ca ohoda, qa heya, Jehovah Wakan yada kin yawaštepi nunwe. lye wicašta tona itancan mitawa, wicaštayatapi kin, napepi kin apaha kiyapi kin hena wicakaška.

29 Unkan wicaštayatapi kin heya, Koška kin Abisalom zaniyan un he? Unkan Ahimayatz heya,.Ioab wicaštayatapi taokiye, qa miye nitaokiye inyang usipi qehan, owodutaton tanka wanmdaka, tuka toketu kin sdonwaye šni.

30 Unkan wicaštayatapi kin heya, Ihduhomni, qa den yanka wo. Unkan ihduhomni qa en yanka.

31 Unkan hehan Kusihi,qa Kuši heya, Wotanin, itancan mitawa, wicaštayatapi, Jehovahnakahaniyaeo, qa tona aninajinpi kin owasin etanhan enihdaku.

32 Unkan wicaštayatapi kin Kusi heciya; Koška   kin Abisalom zaniyan un he? Unkan Kusi heya. Tona itancan mitawa wicaštayatapi tokayapi, qa šicaya ecanionpi ktae aninajinpi kin, hena owasin koška   kin he iyececapi kta nunwe.

33 Unkan wicaštayatapi kin nina iyokišice ca tiyopa iwankam tipi ekta i, qa ceye ca heya, ceye cin icunhan; Micinkši Abisalom, micinkši, micinkši Abisalom. Tokin niye eekiya miye mata unkans, Abisalom micinkši, micinkši.

SAMUEL WOWAPI INONPA KIN WICOWOYAKE 19.

1 Unkan wicaštayatapi kin Abisalom on ceye ca iyokisin iciya, Joab okiyakapi.

2 Unkan anpeMi kin he en ohiyapi kin oyate kin owasin iyokisin wicaya, Wicaštayatapi kin cinhintku kin on iyokišica eyapi kin anpetu kin he en oyate kin nahonpi nakaš.

3 Unkan oyate kin naKmana otonwe kin en hdicupi, oyate wan okicize etanhan isteca najica inahmapi kin iyecen.

4 Wanna wicaštayatapi kin ite ahdahpa, qa ho tankakiya ceye ca heya, Micinkši Abisalom, Abisalom micinkši, micinkši.

5 Unkan Joab wicaštayatapi ekta ti mahen hi, qa heya. Nitaokiye nakaha ninagi kin niyanpi, qa nicinca wica winyan ko nagipi kin, qa nitawin nagipi kin. qa wicinyanna nitawa nagipi kin niwicayapi, kin hena owasin nakaha itepi kin isten wicayaya.

6 Tona Šicenidakapi kin hena wašte wicayadake ca wašte nidakapi kin šice wicayadaka; nakaha akicita tancan, qa ookiye iiiawicayakikta Šni dautanin, qa anpetu kin de Abisalom ni unkans qa unkiyepi owasin untapi unkans niišta kin en ecetu kta tuka, nakaha sdonwaya.

7 Heon wanna najin iyaye ca nitaokiye otn wacantkiya wohdaka wo. Jehovah cajeyan ocieiyaka tankan inayape Šni kinhan, wicašta wanjidan hanyetu kin de nici yanke kte šni, qa he niye on šice kta, koniSka ehantanhan taku Šica ayakipe cin hena owasin isanpa.

8 Unkan wicaštayatapi kin najin, qa otonwe tiyopa en iyotanka. Unkan oyate kin owasin owicakiyakapi qa, Inyun wicaštayatapi kin tiyopa kin en iyotanka eyapi. Unkan oyate kin owasin wicaštayatapi itokam hipi, qa Israel owasin wakeyapi ekta najica hdapi.

9 Unkan hehan oyate owasin Israel wicoun owasin ehna akinicapi, qa heyapi, Wicaštayatapi kin toka unyanpi napepi etanhan eunhdakupi, qa iye Philisti napepi etanhan niunkiyapi, tuka wanna Abisalom on makoce kin etanhan nakipa.

10 Qa Abisalom unhapi kta e sda unkiyapi kin he wokicize en te; heon wanna tokeca wicaštayatapi kin hdicuyapi kin on inina dukanpi he?

11 Unkan wicaštayatapi kin David Zadok qa Abiatar wawayušnapi kin wahowicaye ca heya, Judah hunkayapi kin wahokonwicakiye ca heya po; Tokeca wicaštayatapi kin ti kin en hdikiyapi kin niyepi nihektapapi he? wanna Israel owasin oiepi kin wicaštayatapi kin ekta ti kin en hi ce.

12 Mihunkawanji he niyepi, mihuhu, qa micehpi kin he niyepi. Tokeca wicaštayatapi kin hdikiyapi kta nihektapapi kta he?

13 Qa Yamasa heclya po, Mihuhu qa micehpi henica šni he? Wakantanka hecen qa nakun isanpa ecamicon nunwe, Joab heekiya mitokam tokata ohinniyan mdetanhunka henica kte Šni kinhan.

14 Unkan Judah wicašta owasin cantepi kin yuptanyan, wicašta wanjidan iyecen; unkan wicaštayatapi kin wahoyapi, qa, Hdi po, niye qa nitaokiye owasin, eyapi.

15 Unkan wicaštayatapi kin ku, qa Jordan ekta hi. Unkan Judah wicaštayatapi kin Jordan hiyuwehyapi kta e wicaštayatapi kin itkokipapi kta iyayapi, qa Gilgal ekta ipi.

16 Unkan Simeyi Gera cinhintku Benjamini kin Bahurimohna yanke cin inahni, qa wicaštayatapi David itkokipe kta, Judah wicašta kin om apamahde iyaya.

17 Unkan Benjamin etanhan wicašta kektopawinge opapi, nakun Saul tiyohnaka ookiye wan Tziba, qa iye cinca wikcemna sanpa zaptan, qa taokiye wikcemna nonpa opapi, qa wicaštayatapi kin itkokim Jordan iyuwegapi.

18 Qa wicaštayatapi tiyohnaka hiyuyapi kta, qa iye ista kin en taku wašte kin econpi kta wata wan akasanpa watom yapi. Qa Simeyi Gera cinhintku wicaštayatapi kin itokam makata ehpeiciye, Jordan iyuwegapi en.

19 Qa wicaštayatapi kin heciya, Ihnuhan itancan mitawa niiohan šice cin miciyawa kin, qa ihnuhan taku pemniyan nitaokiye econ kin yeksuye cin; itancan mitawa wicaštayatapi Jerusalem etanhan iyaye cin anpetu kin he en, ihnuhan wicaštayatapi kin cante kin ekta yekiye cin.

20 WawalHani nitaokiye sdonya, heon itancan mitawa wicaštayatapi kin itkokim apamahde nakaha wau, Joseph tiyohnaka kin owasin wicitokam.

21 Unkan Abisai Zeruiah cinhintku ie ca heya, Simeyi de on te kiyapi kte šni he? Tuwe Jehovah sdakiye cin yašice cin heon etanhan.

22 Unkan David heya Zeruiah cinca kin taku iwamayatokiyapi he? Nakahamayakipajinpi,Israel ohna nakaha tuwedan te yapi kte šni. Israel wicaštayatapi kin hemaca nakaha sdonwakiye šni he?

23 Unkan wicaštayatapi kin, Te niyanpi kte šni, Simeyi eciya; nakun wicaštayatapi kin, Taku wakan namahon eciya.

24 Unkan Mepiboset Saul cinhintku wicaštayatapi kin itkokim apamahde hi, qa wicaštayatapi kin iyaye cin anpetu kin he ehantanhan wookiye en hdi anpetu kin hehanyan, siha, qa putinhin kin unmanna pikiye šni,qa wokoyake hdujaja šni.

25 Qa Jerusalem en wicaštayatapi kin itkokipe cehan, wicaštayatapi kin heciya, Mepiboset tokeca mici de šni he?

26 Unkan heciya, Wicaštayatapi itancan mitawa, mitaokiye mahnayan. Nitaokiye kin huste ecee, heon nitaokiye šonšonna kin aqin miciton, qa akan imdotanke ca wicaštayatapi kici rode kta,epa.

27 Nakun itancan mitawa wicaštayatapi kin itokam nitaokiye itonšniyan aia. Tuka itancan mitawa, wicaštayatapi kin, Wakantanka ohnihdeye cin iyececa; heon taku niišta kin en wašte kin hecon ye.

28 Ate tiyohnaka owasin, itan468 can mitawa wicaštayatapi itokam, wicašta tapi iyeuncecapi; tuka itancan mitawa wicaštayatapi kin, nitaokiye tona wahna wotapi nitawa ekta wotapi kin wicehna iyotang kiya, qa token wanna wicaštayatapi kin sanpa hoyewakiya owakihi kta?

29 Unkan wicaštayatapi kin heciya, Tokeca nioie kin emayakiya he? Niye qa Tziba maga kin kihduspa po, wanna epa.

30 Unkan Mepiboset wicaštayatapi kin heciya, Itancan mitawa zaniyan hdi kin heon iye ešta ocowasin icu kta.

31 Unkan Barzillai Gileadi kin wicaštayatapi kin Jordan opta ye kiye kta heon Rogehm etanhan apamabdedan u, qa wicaštayatapi kici Jordan opta iyaya.

32 Barzillai wanna wicahinca waniyetu wikcemna sahdoiran, qa wicašta nina tanka, heon wicaštayatapi kin woqu, Mahanaini en ti kin hehanyan.

33 Unkan wicaštayatapi kin Barzillai heciya. Niye miciu wo, kinban wocicu kta, Jerusalem ohna, miye kici.

34 I'nkan Barzillai wicaštayatapi kin heciya. Waniyetu tona wani kta on wicaštayatapi kici Jerusalem ekta itanwankanhde mde kta he?

35 Nakaha waniyetu wikcemna masahdošan; Nitaokiye taku yute ca yatke cin ute cinhan, qa wicašta qa winohinca dowanpi ho kin nahon kinhan, tuktee wašte, qa tuktee šica sdonya he? Econ tokeca nitaokiye sanpa itancan mitawa wicaštayatapi kin yusagye kta he?

36 Nitaokiye Jordan kitanna akasaupa wicaštayatapi kici ye kta. Qa tokeca wicaštayatapi kin iyuwin kin de on micicajuju kta he?

37 Ceciciye nitaokiye wanna kihde kta, qa otonwe mitawa en mate kta, ate qa ina wicahnakapi kin ikiyedan. Tuka iho nitaokiye Kimham itancan mitawa wicaštayatapi kin kici ye kta, qa token niišta kin en wašte kin hecakicon wo.

38 Unkan wicaštayatapi kin heya, Kimham mici ye kta. Taku niišta en wašte kin hecawecon kta, qa taku econ mayasi kin owasin ecacicon kta.

39 Unkan oyate owasin Jordan iyuwe api. Unkan wicaštayatapi kin Jordan akasanpa i qehan, Barzillai i itputaka, qa yawašte. Unkan toyanke kin ekta kihda.

40 Unkan wicaštayatapi kin Gilgal ekta iyaya, qa Kimham he kici ya; nakun Judah oyate owasin, qa Israel oyate hanke kin wicaštayatapi kin hdikiyapi.

41 Unkan Israel wicašta owasin wicaštayatapi kin en hipi, qa, wicaštayatapi kin heciyapi, Tokeca hunkawanjin unyanpi Judah wicašta kin maninonpi, qa wicaštayatapi kin,qa tiyohnaka tawa, qa iye kici David wicašta tawa owasin Jordan itato hiyuwicayapi he?

42 Unkan Judah wicašta kin owasin Israel wicašta kin awicayuptapi, Wicaštayatapi kin mikiyedan ce, heon etanhan; qa tokeca de on sinyahda he? Wicaštayatapi taku tawa wauntapi he? qaiS iye taku unqupi he?

43 Unkan Israel wicašta kin Judah wicašta kin awicayuptapi qa heyapi, Wicaštayatapi en nape wikcemna mduha, qa David nitawa ešta isanpa mitawa. Qa tokeca ihamayakta šni, qa wicaštayatapi kin hdiyakiyapi itokarn omayakidake šni he? Unkan Judah wicašta oiepi kin Israel wicašta oiepi kin isanpa wohitika.

SAMUEL WOWAPI INONPA KIN WICOWOYAKE 20.

1 Uukan he ehan wicašta wahte šni wan hen yanka, Seba Bikri cinhintku eciyapi, Benjamini wicašta; qa mazayahoton qa heya, David en onspadan unhapi šni, qa Jesse cinhintku en takudan tawa unyanpi kte šni; Israel owasin tawakayapi ekta hda po.

2 Unkan Israel wicašta owasin David etanhan ihduhomiipi, qa Seba Bikri cinhintku ihakam iyayapi. Tuka Judah wicašta kin wicašta ateyapi kin en ikoyag iciyapi, Jordan etanhan Jerusalem ekta hehanyan.

3 Unkan David Jerusalem en hdi, qa wicaštayatapi kin wicinyanpidan wikcemna wicay nza, qa tipi awanyag owanji yanke wicaši qon iwicacu, qa wicakaška tipi wan en ye wicaya, qa wuwicaqu, tuka wicikiyedan ye Šni. Unkan wiwazica hecapi, qa anpetu en tapi kin hehanyan kaška yakonpi.

4 Unkan wicaštayatapi kin Yamasa heciya, Anpetu yamni en Judah wicašta kin mniciye wicaya, miye ekta, pa niye den najin wo.

5 Unkan Yamasa Judah mniciye wicaya iyaya, tuka, mniciye Si qon iyehan hdi Šni. 6 Unkan David Abisai heciya, Wanna Seba Bikri cinhintku Sicaya ecaunkiconpi kta, Abisalom isanpa; niye itancan nitawa taokiye iwicacu, qa he kuwa iyaya wo. Okini otonwe conkaške  iyeya, qa unkistapi etanhan ihduSke kta.

7 Unkan Joab tawicašta, qa Pabaksapi kin,qa Inyankapi kin, qa wicašta wašaka owasin kici iyayapi, qa Seba Bikri cinhintku kuwapi kta Jerusalem etanhan inanpapi.

8 Inyan tanka wan Gibeyon ohna yanke cin he ikiyedan yapi qehan, Yamasa wicitokain mani. Unkan Joab sina in kin ipiyag kiton, qa ipiyaka kin akapa tanhan isan wan ojuha kin ohna nite akan mihnaka, qa he hinnpaya, iye iyaye icunhan.

9 Unkan Joab Yamasa heciya, Zaniyan yaun he miš unka? qa Joab Yamasa i itputake kta putinhin kin nape etapa on yuza.

10 Unkan Yamasa isan Joab nape en un kin iwakta šni. Unkan he on tezi kin en capa, qa supe kin makata hiyuya, qa inonpa ape šni, unkan ta. Unkan Joab, qa cincu Abisai Seba Bikri cinhintku kuwa iyayapi.

11 Unkan koška   Joab wicayuhe cin wanji he ikiyedan nahn, qa heya niyan, Tuwe Joab iyokipi kin, qa tuwe David tawaye cinhan Joab ihakam ya po.

12 Unkan "Vamasa we kin en ihduptanptan, canku kin ohna. Unkan wicašta qon oyate kin owasin en hinajinpi kin wanyaka, heon Yamasa yutokan canku kin etanhan maga ekta, qa sina wan akahpa, tona ekta hipi kin owasin hen najinpi wanyake cehan.

13 Canku kin etanhan tokan ayapi qehan, wicašta kin owasin Seba Bikri cinhintku kuwapi kta, Joab ihakam iyayapi.

14 Unkan Israel wicoun owasin opta iyaya, qa Abel ekta i. Unkan Bet-mayaka qa Berim kin owasin ihduwitayapi, qa nakun ihakam yapi.

15 Qa Abel Bet-mayaka ekta ipi. qa ohna anaptapi, qa otonwe ihdukšan maka paha kagapi, hecen aohduteyapi, qa oyate Joab opapi kin owasin otonwe conkake kin pajujupi kta apapi.

16 Unkan winohinca ksapa wan I otonwe etanhan heya niyan: Nahonpe, nahonpe: Ceciciyapi ye: Den ikiyedan hinajin taku eciciye i kta ye, Joab okiyakape.

17 Unkan he ikiyedan hi. Unkan winoKinca kin hecij'a, Joab he niye he? Unkan he miye, Joab eya. Unkan heciya, Wicinyanna nitawa oie kin nahon ye. Unkan nahon manka, eya.

18 Unkan winyan kin heya, Wicoie eyapi ca tokaheya iwangapi ece eyapi; heon Abel iwangapi kta, qa hehan yuštanpi.

19 Israel ohna mawahbadan, qa wacinmayanpi. Niye otonwe wan Israel inayanpi heca ihang yaye kta ayakita. Tokeca Jehovah taku tawaye cin nayapce kta bea

20 Unkan Joab ayupte ca heya, Hiya hecetu šni, nawapca qa ihang wave kta taku wakan iyomaki šni nunwe.

21 Wicoie kin hecetu šni. Tuka wicašta wan Ephraim he kin j etanhan Seba Bikri cinhintku ' eciyapi, wicaštayatapi David nape apaha. Išnana hiyuya po, hecinhan otonwe kin amdustan kta. Unkan winohinca kin Joab heciya, Ito iye pa kin conkaške  etanhan ehpeniciyapi kta.

22 Unkan winohinca kin toksape en oyate kin owasin ekta wii cai; unkan Seba Bikri cinhintku pa kin baksapi, qa Joab ekta \ ehpeyapi. Unkan mazayahoton. Unkan otonwe kin etanhan wicašta enanakiya tawakeyapi ekta | hdapi; qa Joab Jerusalem ekta j hdi, wicaštayatapi kin ekta.;

23 Qa Israel obe kin owasin Joab mdetanhunka heca, qa Benaja Jehojada cinhintku kin Pa, baksapi kin qa Inyankapi kin wicayuha.

24 Qa Adoram mazaska mnayanpi kin itancan, qa Jehoshaphat Ahilud cinhintku wokiksuye wowapi kaga. 25 Qa ewa he wowapi kaga, qa Zadok qa Abiatar wawayušnapi;

26 Qa Yira Jairi kin nakun wawayušna heca David yuha.

SAMUEL WOWAPI INONPA KIN WICOWOYAKE 21.

1 Unkan David wicaštayatapi anpetu kin en waniyetu yamni, waniyetu otoiyohi wicaakihan. Unkan David Jehovah ite kin iwanga. Unkan Jehovah heya, Saul, qa tiyohnaka weyesa, qa Gibeyoni kin te wicaya heon hececa.

2 Unkan wicaštayatapi kin Gibeyoni kin wicakico, qa om wohdaka; ecin Gibeyoni kin Israel cinca hecapi šni, tuka Amori okaptapi hecapi, qa nipi kta Israel cinca kin taku wakan cajeyan ewicakiyapi. Unkan Saul inawizi wicaya, Israel cinca, qa Judah on, qa ihang wicaya akita.

3 Unkan David Gibeyoni kin hewicakiya, Taku ecaciconpi kta, qa Jehovah makoce tawa dawaštepi kta e taku on akahpe ciciciyapi kta he?

4 Unkan Gibeyoni kin heciyapi, Saul kici, qa tiyohnaka tawa kici mazaska, qa mazaskazi on awakinice šni, qa unkiyepi on Israel ohna tuwedan te yaye kte šni. Unkan, Token ehapi kin he iyecen ecaciconpi kta, eya.

5 Unkan wicaštayatapi kin heciyapi, Wicašta wan unyusotapi, qa Israel makoce ohna tuktedan unkanpi kte šni on ihang unyanpi kta kecin kin,

6 lye cinca kin etanhan wicašta Šakowin unqupi kta, qa hena otkewicunyanpi kta, Saul Jehovah kahnige cin he paha tawa akan. Unkan cicupi kta, wicaštayatapi kin eya.

7 Unkan wicaštayatapi kin Saul cinhintku Jonatan cinhintku Mepiboset itonpa, David qa Saul cinhintku Jonatan Jehovah cajeyan ekiciyapi kin heon etanhan.

8 Unkan wicaštayatapi kin Aja cunwintku Ritzpa cinhintku nonpa Armoni q"a Mepiboset Saul kiciton kin hena iwicacu.qa Saul cunwintku Mikal cinhintku zaptan Yadriel Barzillai Meholati cinhintku kiciton kin hena nakun iwicacu:

9 Qa Gibeyoni napepi en wicaqu; unkan he akan otke wicayapi, Jehovah itokam. Unkan hena šakowin witaya hinhpayaI pi, woksapi anpetu en te wicayapi, barle toka baksapi kin he ehan.

10 Unkan Aja cunwintku Ritzpa wakihdaka ikikcu, qa inyan akan owinS kiya, toka wabaksapi etanhan mahpiya mini awica: hinhe kin hehanyan, qa mahpiya okinyanpi anposkan awicahiya! han iyowinwicakiye šni, nakun hanyen tinta wamanica kin.

11 Unkan Aja cunwintku Ritzpa Saul tawicinyanna taku econ kin David okiyakapi.

12 Unkan David iyaye ca Saul huhu kin, qa cinhintku Jonatan huhu kin Jabes Gilead wicašta kin etanhan icu; Philisti Gilboa akan Israel kaštakapi qehan, Beti san canku kin en otke wicayapi, unkan hetanhan mawicanonpi qon.

13 Unkan Saul huhu kin, qa cinhintku Jonatan huhu kin hetanhan hiyuya. Unkan otke wicayapi huhu kin nakun innayanpi. i

14 Qa Saul qa cinhintku Jonatan huhu kin kicihnakapi, Benjamin makoce ohna, Tzila ekta,

15 Unkan ake Philisti Israel kizapi. Unkan David qa taoki ye apamahde ipi, qa Philisti kizapi, qa David hustaka,

16 Unkan Isbibenob, Rapa (Waziya kin) cinca etanhan, tawahunkeza aspeyapi kin mazasa šeqel opawinše yamni, qa isan teca ipiyagkiton, qa David kaštake kta keya.

17 Unkan Abisai Zeruiah cinhintku anakicijin, qa Pihsti kin kaštake ca teya. Hehan David wicašta tawa taku Wakan cajeyatapi, qa heciyapi, Icimana unkiyepi kici wokicize ekta de kte šni; hecen Israel petijanjan kin šni yaye kte šni.

18 Unkan he iyohakam Gob ekta Philisti om kicizapi qehan, Sibbekai Husati kin Sap Waziya cinca wan kaštaka.

19 Unkan ake Philisti om kicizapi Gob obna, qa Elftanan Jayirt wakazuntapi cinhintku Betlehemi kin Gohat Giti sunkaku kin kaštaka; wahukeza tawa ihupa kin wakazuntapi ihupa iyececa.

20 Unkan ake kicizapi Gat ekta, qa wicašta hanska wan hen yanka, napsukaza šakpekpe, qa siyukaza šakpekpe, wikcemna nonpa sanpa topa yawapi, qa he nakun waziya kin kicitonpi:

21 Qa Israel ostehda. Unkan David cincu Simeya cinhintku Jonatan he kaštaka.

22 Hena topa waziya kin kicitonpi Gat ohna, qa David nape on, qa taokiye napepi on hinhpayapi.

SAMUEL WOWAPI INONPA KIN WICOWOYAKE 22.

1 Unkan tokayapi owasin napepi etanhan, qa Saul nape kin etanhan Jehovah nikiye cehan, David odowan kin de oie kin Jehovah heciya;

2 Qa heya, Jehovah iinnija mitawa, qa ronkaske mitawa, qa emahdaku kin hee.

3 Taku Wakan wada, inyan paha mitawa en nawape kta. Wahacanka mitawa qa nitnaya he kin; Paha tehanwankan mitawa, qa wowinape mitawa; Wanikiya mitawa, wakiunniyanpi etanhan emahdaku.

4 Jehovah yatanpi kta iyecece cin he hoyewakiye kta; Unkan iye toka mayanpi kin etanhan emahdaku kta.

5 Wiconte taja kin aohdute mayanpi; Wicaštapi šni minitan kin yusinye mayanpi qehan;

6 Hades icaske kin mihdukšan iyamapehanpi, Wiconte ihmunke kin mayuzapi.

7 Iyotanhan iyewakiye cehan Jehovah hoyewakiya; Qa tuwe wakan wada kin wakipan. Unkan tipi wakan tawa en maho kin nahon. Qa wocekiye mitawa anohkiciya.

8 Hehan maka kin cancan, qa škanškan. Mahpiya oahehde kin cancan, Qa nahuhuza; sinhda nakaš.

9 Sota poire kin etanhan inanpa, atkuku Qis ohnahnakapi tawa kin ohna, qa taku wicaštayatapi kin econ wicaši owasin econpi. Unkan he iyohakam makoce on cekiyapi Wakantanka nawicahon. Qa iye i kin etanhan peta wahuhnanya, lye etanhan petaga itkonyan.

10 Unkan mahpiya kin yuhukuye ca kun hiyu; Qa siha ihukuya otpaza hinca.

11 Nakun Cherub wan akan iyotanke ca kinyan u. Qa tate hupahu kin akan ihdutanin.

12 Iye ihdukšan otpaza wakeya hduha: Mini mnayanpi mahpiya Soka kin.

13 Iyoyanpa iye itokam u kin petaga ideya.

14 Qa mahpiya etanhan Jehovah wakinyan hotonkiya; Qa Iyotan Wankan kin ho Dathanin.

15 Qa tunwanhinkpe kihiyeye ca wicakamdeca; Wakanhdi kin, qa yusinye wicaya.

16 Unkan miniwanca cete kin wanyakapi: Qa maka oahehde kin yuzamnipi; Jehovah iyope wicaye cin on etanhan. Poge ohdoka oniya ipogan kin heon etanhan.

17 Wankantanhan wahomaye ca imacu. Mini ota etanhan mayutitan.

18 Toka mayan wašake cin etanhan mayuska; Tona 6ice madakapi kin etanhan; Hena mikapeya wašakapi nakaš\

19 Iyomakišica anpetu kin en iyamahpayapi; Tuka ipatan waye cin Jehovah hee.

20 Qa canku tanka wan en hinanpe mayan; Qa mayuSka, iyokipi waya nakaš.

21 Omawotanna kin iyecen Jehovah iyuwin maqu. Minape ska kin iyecen ecamicon.

22 Jehovah tacanku kin owapa; Qa Taku wakan wada siraya amaduštan ni.

23 Tawoyaco kin owasin mitokam un; Qa tawokage kin ehpewaye šni.

24 Qa iye itokam ecetu waun. Qa miohan Šice cin etanhan tins miciya;

25 Heon Jehovah mitoowotanna iyecen ecamicon; Iye ista kin en maska kin iyecen.

26 Tuwe wacantkiye cin he kici wacantkiya nihdutanin kta. Wicašta ecetu kin kici ecetuya ecanon kta.

27 Tuwe ecedan un kin he kici ecedan nihdutanin kta; Qa tuwe pemni kin he iyuwin kin yecu kta.

28 Qa oyate onsika kin he niyaye kta; Qa tona ihduwankantuyapi kin wicaduhukuya kta niišta awicatonwan.

29 Iyoyam maye cin Jehovah he niye; Qa otpas maye cin he Jehovah miciyutokan kta.

30 Niye wašag mayaye cin on ozuye wan anawatan kta. Tuwe Wakan wada kin on conkaške  acawaksin kta.

31 Iyotan Wašaka ohan kin yuštanpi; Jehovah oie kin peta on iyutanyanpi ce. Tona wacinyanpi kin hena owasin wahacanka yapi.

32 Tuwe Iyotan Wašaka he? Jehovah išnana. Qa tuwe imnija he? Taku Wakanundapi kin heceedan.

33 Iyotan wašake cin wowa ke on wasag mayan. Qa tacanku kin ecetuya omani mayan;

34 Miš iha hekinškayapi tawa kin iyececa micaga; Qa pajodan mitawa akan najin makiya.

35 Minape wicakize kta onspemakiya; Hecen miisto kin mazazi itazipa yuwinja.

36 Qa wahacanka on niwicayaye cin mayaqu; Qa nitowahbadan kin mayutanka.

37 Mihukuya caewahde mayadutanka; Hecen miiskahu naksanksan šni.

38 Toka mayanpi kin wicawakuwa, qa ihang wicawaya: Qa wicamdusote šni hehanyan wahdicu šni.

39 Wicamdusota, qa cawicawapa; unkan icimana najinpi šni: Qa miš iha ihukuya hinhpayapi.

40 Wokicize on wowašake ipiyag mayakiton: Anamajinpi kin hena mihukuya patuS wicayaya;

41 Qa toka mayanpi kin tahupi kin mayaqu. Nakun tona šicemadapi kin, unkan ihang wicawaya.

42 Howayapi tuka wanikiya wanica; Jehovah hoyekiyapi tuka anawicagoptan šni.

43 Unkan makamdu kin iyecen wicawakamdumdu; Ocanku upsija kin iyecen nawicawaskica qa nawicawamdaya.

44 Unkan oyate mitawa makizapi etanhan emayahdaku; Ikcewicašta pa mayanpi kta on mayapatan. Oyate wan sdonwaye šni qon wowidag waye kta;

45 Oyate tokeca cinca kin makihnapi kta. Noge on nahonpi kinhan anamagoptanpi kta;

46 Oyate tokeca cinca kin skanpi kta; Qa conkaške  tawapi on aohdute iciyapi kta.

47 Jehovah ni un, qa imnija mitawa yawaštepi ce; Heon imnija nimaye cin he, Wakan wada kin he yawankantuyapi kta.

48 Iyotan wašake watomicicon ece kin hee; Qa mihukuya oyate ota yuhukun wicaya ece.

49 Qa toka mayanpi etanhan hinanpe mayan; Qa tona anamajinpi kin hena wiciwankam emayahde. Wicašta woihangye cin etanhan emayahdaku;

50 Heon ikcewicašta wicehna Jehovah ciyatan kta; Qa nicaje kin iwadowan kta.

51 Wicaštayatapi nitawa woehdaku yecidutanka; Qa tuwe sdayakiye cin wowacantkiye eoayecon ece; David qa iye cinca kin owihanke wanica.

SAMUEL WOWAPI INONPA KIN WICOWOYAKE 23.

1 David oie ehake kin dena ee. David Jesse cinhintku kin heya, Wicašta wan Jacob Wakanda kin sdaye cin on najin kiya kin,qa Israel tadowan wiciyokipi kage cin he hecen eya.

2 Jehovah taniya kin ie makiya, qa oie kin miceji aehnaka.

3 Tuwe Israel Wakanda kin heya, Israel iranija kin hemakiya, Tuwe wicašta iwicadake cin Jehovah kokipeyahan wowidag wicaye cinhan,

4 Hanhanna anpa kin iyececa, hanhanna inahpiya sapa wanica anpetu wi hinanpa; Wato kin magaju ohakam maka etanhan inanpe cin iyececa.

5 Wati ohnaka kin Iyotan wa6ake cin kici hecece šni  ešta, wotakuye owihanke wanice kta micicage cin he taku owasin en tanyan kicanyanpi, qa awanyakapi; nimaye cin ocowasin, qa iyomakipi hinca hee, he icahye šni ešta.

6 Tuka wicaštapišni kin hena owasin wapepeka ehpeyapi kin iyececapi kta, nape on yuzapi šni.

7 Tuka tuwe hena yuze kte cinhan nape ohna mazasapa yuha, qais wahunkeza ihupa kin, qa tukten yakonpi kin ohna peta on ocowasin huhnahyapi kta.

8 David wicašta wašaka tawa cajepi kin dena ee. Yadino yamni itancan kin wicašta ksapa iyotankapi ohna kiyotanke cin, lye tawahunkeza wikcemna sahdognn awicapaha, qa wancadan wicakte.

9 Qa he iyokihe Eleazar Dodo cinhintku Ahohi cinhintku, wicašta wašaka yamni David opapi kin he wanji, Philisti ostehda wicayapi, qa hen witaya iheyapi wokicize on, qa Israel wicašta kin napapi.

10 Hehan iye najin qa Philisti wicakaštaka nape kin watuka, qa tacanhpi kin ikoyake cin hehanyan. Unkan Jehovah anpetu kin he en woehdaku tanka kage cin on iye ihakam oyate kin wahpaya mnayanpi kta hecedan on ake hi pi ce.

11 He iyokihe Sanma Age Arori kin cinhintku, Philisti ozuye wan mnayanpi qehan maga onspa omnica ojupi hetu, qa oyate kin Philisti wicitokam napapi.

12 Tuka iye maga kin cokaya najin, qa he anica, qa Philisti wicakaštaka; unkan anpetu kin he en Jehovah woehdaku tanka wan kaga.

13 Unkan wikcemna yamni kin woksapi hentu, David ekta Yadullam makohdoka en ipi kin etanhan yamni itancanpi kin Philisti ozuye kin Repaim osmaka kin ohna wankapi qehan apamahde ipi.

14 Unkan hehan David conkaške  wan ohna yanka; unkan Philisti akicita kin Betlehem otipi.

15 Unkan David wacantiheye ca heya, Tokin Betlehem minihdoka kin otonwe tiyopa icahda wanke cin he mini kin tuwe yatke makiye kten.

16 Unkan wicašta wašaka yamni qon Philisti owanka kin kaoksapi, qa Betlehem minihdoka tiyopa icahda wanke cin etanhan mini icupi, qa yuha David en hipi; Unkan yatke kta wicada šni, tuka Jehovah kicicastan.

17 Qa, Taku kin de ecamon kta Jehovah iyomaki šni nunwe; wicašta nagi ehpekiya ipi kin hena wepi kin hee šni he? eya; heon yatke kta cin šni. Wicašta wasaka yamni kin hena heconpi.

18 Unkan Abisai Joab cincu kin Zeruiah cinhintku kin he yamni ehna itancun kin hee; lye tawahunkeza on wicašta opawingc yamni cawicapa, qa wicakte; heon yamni kin wicehna caje yuha.

19 Yamni kin he ehna iye towitan kin iyotan, heon mdetanhunka yuhapi, tuka yamni 'tokaheya kin iyowicahi šni.

20 Unkan Benaja Jehojada cinhintku, wicašta wašaka wan Qabetzel etanhan wicohan tanka ota econ kin he cinhintku. Iye Moab wicašta nonpa nmaja iyececapi wicakte. Nakun waniyetu qehan makohdoka wanji en i, qa mnaja ohna yanke cin kte.

21 Nakun iye Egypti wicašta wan kte,qa Egypti kin wicašta owanyag wašte, qa nape kin ohna wahunkeza wan hduha. Unkan cansagye hduha tatpe i, qa wahunkeza kin Egypti nape etanhan ekiciyaku, qa tawahunkeza on te kiya.

22 Benaja Jehojada cinhintku hena econ, qa wicašta wašaka yamni ehna caje yuha.

23 Wikcemna yamni kin isanpa yutanpi; tuka yamni tokaheya kin iyowicahi šni. Unkan David iye ti kin awanyakapi kin he itancan kaga.

24 Wikcemna yamni ehna Asahel Joab sunkaku yawapi, Elhanan Dodo cinhintku, Betlehemi.

25 Sanma Ilarodi kin, Ehqa Harodi kin.

26 fleletz Paleti, Yira Yeqes cinhintku Teqoyi kin.

27 Abiyezer Yanatoti kin, Mebuni Husati kin.

28 Tzalmon Ahohi kin, Mahari Netopati kin,

29 fteleb Bayana cinhintku Netopati kin, Ittai Riba cinhintku Benjamin cinca Gibeya tawapi etanhan.

30 Benaja Peratoni kin, Hidda Gayas wakpadan kin etanhan, 31 Abiyalbon Yarebati kin, Yazemawet Barhumi kin.

32 Ehhaba Sayalboni kin, Jasen cinca kin Jonatan.

33 6anma Harari kin, Ahiam Sarar cinhintku Arari kin.

34 Ehpelet Ahasbai cinhintku Mayakati kin, Eham Ahitopel Giloni kin cinhintku.

35 ftetzera Karmeh kin, Payara Arebi kin.

36 Igal Natan Tzoba etanhan cinhintku, Bani Gadi kin,

37 Tzeleq Amoni kin, Nahara Beroti kin, iye Joab Zeruiah cinhintku tawipe kin kicicin ecee.

38 Yira Jiteri kin, Gareb Jiteri kin,

39 Urija jSiti kin: owasin wikcemna yamni sanpa šakowin.

SAMUEL WOWAPI INONPA KIN WICOWOYAKE 24.

1 Unkan ake Jehovah Israel canniye wicaya, qa David iyopastaka on heya, Ito Israel qa Judah wicayawa wo.

2 Unkan wicaštayatapi kin akicitaiye kiciunpi itancan kin Joab heciya, Ito Israel wicoun owasin wicehna omani, Dan etanhan Beer-šeba aiyahdeya, qa oyate kin wicayawa wo; hecen oyate kin tonaka sdonwaye kta.

3 Unkan Joab wicaštayatapi kin heciya, Jehovah Wakan yada kin he oyate kin tonaka yukan opawinge akihde iyenaka wicayuota kte cin he itancan mitawa wicaštayatapi ista kin wanyake kte; tuka tokeca wicoie kin de itancan mitawa wicaštayatapi kin iyokipi he?

4 Unkan wicaštayatapi oie kin Joab, qa akicita itancanpi kin ohiwicaya. Unkan Joab, qa akicita itancanpi kin wicaštayatapi itokam oyate kin Israel wicaya\v;i|)i kta iyayapi.

5 Unkan Jordan iyuwegapi, qa Aroyer ohna etipi, otonwe Gad kaksi/.a ohna wanke cin etapa tanhan, qa Jazer ekta.

6 Qa Gilead ekta ipi, qa Hodsi ihukuya yakonpi tamakocepi ekta, qa Dan Jayan ekta ipi, qa yuwinh Tzidon ekta.

7 Qa Tzur conkaške  etanhan, qa Hiwi qa Caanani tonwanyanpi kin owasin, qa Judah itokaga kin, Beer-šeba ekta ipi.

8 Hecen makoce kin owancaya opta ipi, qa wi napcinwanka sanpa anpetu wikeemna nonpa hehan .Jerusalem en hdipi.

9 Qa Joab oyate wicayawapi woyawa kin wicaštayatapi kin qu: Israel wicašta wašaka canhpi yuzapi kektopawinge opawinge šahdogan,qa Judah wicašta kin kektopawinge opawinge zaptan.

10 Unkan oyate kin hecen wicayawa iyohakam David cante kin aicipa, qa David Jehovah heciya. Taku kin decamon nina wawahtani, qa wanna Jehovah ceciciya, nitaokiye wahtani kin micicajuju ye, witkotkoya hinca ecamon nakaš\

11 Unkan hanhanna, David kikta qehan, Jehovah oie kin Gad waayate kin David tawa wawanyake kin en hi, qa heciya:

12 Ekta ye ca David heciya wo, Jehovah hecen eya, Taku yamni nitokam ewahde, hena etanhan wanjidan kahniga wo, qa hecacicon kta.

13 Unkan Gad David ekta hi, qa okiyake ca heciya, Nitamakoce ohna waniyetu šakowin wicaakifian kta, qais wi yamni toka niyanpi nicuwapi itokam nayape kta, qais anpetu yamni makošice nitamakoce ohna yuke kta he] Wanna awacin qa wanvaka wo. Wicoie tuktee tuwe u masi kin he wakai kta he ]

14 Unkan David Gad heciya, Taku kin de nina amaskica. Tokin Jehovah nape kin unkohinhpayapin, tawocantkiye kin he tunka ce; tuka wicašta nape en mahinhpaye šnin.

15 Unkan Jehovah makosicc wan Israel akan hiyuya, hanhanna etanhan cajeyate ciqon iyehan. Unkan oyate kin Dan etanhan Beer-šeba ekta hehanyan wicašta kektopawinge wikeemna sakowin tapi.

16 Unkan ohnihde kin Jerusalem ihang ye kta, nape kin yekiya qehan, Jehovah wošice cin on iyopeiciya, qa ohnihde oyate ihang wicaye cin heciya, llenakeca, wanna ninape ehdaku wo. Unkan Jehovah ohnihde kin Arana Jebusi tahocoka kin icahda yanka.

17 Wanna David ohnihde oyate wicakaštake cin wanyake cehan ie ca Jehovah heciya, Iho iniye wawahtani, qa šicaya ecamon, tuka tahinwanunyanpi kin dena taku econpi kin tuktee he? Ceciciya miye qa ate tiyohnaka kin ninape kaštake kten.

18 Unkan anpetu kin he en Gad David ekta hi qa heciya. ltanwankanhde ya, qa Arana Jebusi tahocoka kin ohna wahna wošnapi wan Jehovah kieicaga wo.

19 Unkan David Gad oie kin Jehovah econ si kin iyecen itanwankanbde i.

20 Unkan Arana etonwan, qa wicaštayatapi kin,qa taokiye kin iye ektakiya upi kin wanwicayaka, qa Arana inanpe ca wicaštayatapi ekta ite kin maka ektakiya patuja.

21 Qa Arana heya, Tokeca itancan mitawa wicaštayatapi kin taokiye ekta hi he 1 Unkan David heya, Hocoka kin opecicaton kta, qa wahna wošnapi Jehovah wecage kta, qa hecen makošice kin oyate etanhan anapte kta, heon etanhan.

22 Unkan Arana David heciya, Ito itancan mitawa wicaštayatapi icu, qa token iyokipi wošna kte. Wanyaka wo, tatanka kin wohuhnahyapi on, qa canpahmihma qa tatanka tawanapinpi kin can on icu.

23 Arana wicaštayatapi wan iyecen hena iyuhpa wicaštayatapi kin qu, qa Arana wicaštayatapi kin heciya, Jehovah Wakan yada kin iyokipi yaye kte.

24 Unkan Wicaštayatapi kin Arana heciya, Hiya, tuka ivuwin on opecicaton kta, qa taku itumakihanpi etanhan wohuhnahyapi Jehovah Wakan wada kin wakiyugna kte šni; heon David hocoka kin, qa tatanka kin opeton, mazaska šeqel wikcemna zaptan iyopeya.

25 Qa David hen wahna wošnapi wan Jehovah kicage ca wohuhnahyapi, qa wopida wošnapi huhnahya. Unkan Jehovah makoce on anohkiciya, qa Israel etanhan makoSiee kin anapta.