Joshua Towowapi 23-24 Dakota Wowapi Wakan Kin

Please note, some of the errors are not translation errors, but are scanning errors that ended up funny in Word. We have tries to get as many of these out as possible. And we hope you enjoy this beautiful piece of literature in a very lovely language. <3

JOŠUA TAWOWAPI WICOWOYAKE 23.

1 Unkan Jehovah Israel wicihduksan toka wicayapi owasin etanhan iyozi wicaya ohakam tehantu, qa Jošua anpetu ota wicahinca qehan;

2 Jošua Israel owasin wicakico, wicahincapi, qa itancanpi, qa wayacopi, qa wowapi kagapi, qa hewicakiya, Miš wanna wicamahinca, anpetu maota.

3 Qa niyepi on Jehovah Wakanyadapi kin ikce wicašta kin dena owasin taku ecawicakicon owasin wandakapi; Jehovah Wakan yadapi kin he niyepi on kiza nakaš.

4 Wanyakapo, oyate okaptapi kin hena owasin, oyate wicawakaspe kin owasin om, wicoun nitawapi tawa yayapi kta e cicipamnipi. Jordan etanhan miniwancawiiyaye cin ekta kiya hehanyan.

5 Qa Jehovah Wakan yadapi kin iye hena nitokapa tanhan nape wica ye kta,qa nitokam wicakahape kta, qa makoce tawapi kin, tawa yayapi kta, Jehovah Wakan yadapi eniciyapi qon iyecen.

6 Heon Moses toope wowapi. en taku owapi kin owasin yapatanpi kta, qa ecen ecanonpi kta e wakisakapo, hetanhan nihduhomnipi kte šni, etapa qa catka unman tukte kašta ekta kiya.

7 Hecen ikce wicašta kin hena niyepi ehna okaptapi kin en yaipi kte šni, qa taku wakandapi caje kin yeksuyapi kte ni, qa NamaKon ehapi kte šni, qa ohowicayadapi kte ni, qa wicitokam yapatujapi kte šni.

8 Tuka Jehovah Wakan yadapi en ikoyag niyanpi kta, anpetu kin dehanyan ecanonpi iyecen.

9 Qa Jehovah nitokapa tanhan oyate tanka, qa wašaka nape wicaya, qa niyepi itokam anpetu kin dehanyan, tuwedan najinhan okihi šni.

10 Niyepi etanhan wicašta wanjidan opawinge wicakuwa kta, Jehovah Wakan yadapi kin iye niyepi on kize kta nakaš, eniciyapi qon iyecen.

11 Heon Jehovah Wakan yadapi kin wašte yadakapi kta e ninagipi nina yapatanpi kta.

12 Tuka nihduhomnipi, qa ikce wicašta okaptapi kin dena ekta ikoyag niyanpi, niyepi om okaptapi kin dena cunwintkupiduzapi, qa nicunkšipi wicayaqupi kinhan; hena ekta yaipi, qa iyepi en nihipi kinhan;

13 Jehovah Wakan yadapi kin oyate kin dena nitokapa tanhan sanpa nape wicaye kte šni, tuka mazahtakiyapi, qa wihmuke iyecen nici unpi kta, qa nicuwipi ekta icapsinte hecapi kta, qa niištapi en wapepeka hecapi kta, maka wašte kin de Jehovah Wakan yadapi nicupi kin hetanhan ihang niyanpi kta hehanyan, he tanyan sdonyapo.

14Qa nakun inyun miye wicašta maka owancaya yapi kin heciya nakaha mde kta; qa wicoie wašte Jehovah Wakan yadapi eniciyapi kin owasin etanhan wanjidan ifipaye šni, nicantepi owasin en, qa ninagipi owasin en sdonyayapi; owasin niyepi en iyonihipi, hetanhan wicoie wanjidan ihpaye šni.

15 Qa token wicoie wašte Jehovah Wakan yadapi eniciyapi qon owasin iyonihipi kin, he iyecen Jehovah wicoie šice cin hena iyohi niyanpi kta; ecen maka wašte kin de, Jehovah AVakan yadapi nicupi kin etanhan ihang niyanpi kta.

16 Wicotakuye Jehovah Wakan yadapi ope nisipi kin he acayaksinpi kinhan, qa toki dapi, qa taku wakan tokeca ohoyadapi, qa hena ekta patus niciyapi kinhan, Jehovah tocanniye kin aide niyanpi kta, qa ecadan makoce wašte kin detanhan ihang niyanpi kta.

JOŠUA TAWOWAPI WICOWOYAKE 24.

1 Unkan Jošua Israel wicoun owasin Šechem ekta mniciye wicaši, qa Israel hunkayapi, qa wicašta tokapapi, qa wayacopi, qa wowapi kagapi wicakico; unkan Jehovah itokam ahinajinpi.

2 Unkan Jošua oyate owasin hewicakiya, Jehovah Israel Wakan dapi kin hecen eya, Nihunka kepi ehanna wakpa kin akasanpa tipi, Terah Abraham atkuku, qa Nahor atkuku, qa taku wakan tokeca ohodapi.

3 Qa Abraham ateyayapi kin wakpa kin akasanpa tanhan iwacu, qa Kanah makoce owancaya omani wakiya, qa iye cinca kin mduota qa Isaac waqu.

4 Unkan Isaac Jacob qa Esa waqu; qa Esa Seir he kin tawa ye kta e waqu; tuka Jacob, qa iye cinca kin Egypta ekta apamahde ipi.

5 Unkan Moses qa Aaron yewicawasi, qa Egypti awicawapa, taku ecawieawecon kin iyecen; qa ohakam hetanhan hdinanpe ciyapi.

6 Qa ate yayapi Egypta etanhan inanpe wicawaye ca mde kin ekta yahipi. Unkan Egypti niyatepi wicakuwapi, canpahmihma, qa šuktanka on Mdesa en.

7 Unkan Jehovah ho yekiyapi qehan, niyepi qa Egypti otahedan otpaza hiyuya qa mde kin hena wiciwankam hiyuya, qa akahpe wicaya, qa niištapi taku Egypti ecawieawecon kin wanyakapi, qa hewoskan anpetu ota yatipi.

8 Unkan Amori Jordan akasanpa tipi qon tamakocepi ekta hiyu ciyapi. Unkan nicizapi; unkan ninapepi en wicawa qu. Unkan makoce tawapi kin he iyacupi; unkan niyepi itokam ihang wicawaya.

9 Unkan Balak Zippor cinhintku kin Moab wicaštayatapi kin najin, qa Israel azuya, qa Balaam Bezor cinhintku kin ekta ye wicaši qa niyašicapi kta e kico.

10 Tuka Balaam nawahon tawaten waye šni. Unkan nina niyawaštepi, hecen nape kin etanhan ecihdakupi.

11 Unkan Jordan iduwegapi, qa Jeriho ekta yahipi. Unkan Jeriho itancan, kin qa Amori kin. qa Perizi kin, qa Caanani kin, qa Hiti kin, qa Girgasi kin, qa Hiwi kin, qa Jebusi kin nicizapi, qa ninapepi en wicawaqu.

12 Unkan niyepi itokam tuhmaga ye waya; unkan niyepi itokapa tanhan Amori wicaštayatapi nnnpa kin nape wicaya, niyepi canhpi nitawa, qa nitinazipe on hecanonpi šni.