WICAŠTAYATAPI
WOWAPI TOKAHEYA KIN
WICOWOYAKE 1.
1 Unkan wicaštayatapi
kin David wicahincn, anpetu ota qehan, sina akahpapi ešta coze Šni.
2 Unkan taokiye
heciyapi: Wicaštayatapi itancan mitawa on wikoška witansna un okicidepi kta, iye wicaštayatapi
kici yanke kta, qa winyan tawašitku kta, qa maku nitawu ekta wanke kta, hecen
itancan mitawa wicaštayatapi kin coze kta.
3 Hecen Israel
makoce kin owancaya wikoška wanji
owanyag wašte akitapi, qa Abisag unamiwin iyeyapi, qa wicaštayatapi ekta ahipi.
4 Unkan wikoška
kin owanyag wašte hinca, qa wicaštayatapi
winyan tawašitku kin qa taokiye yuha; tuka wicaštayatapi kin he sdonye šni.
5 Unkan Adonija
Hagit cinhintku ihduwankantuya qa heya; Miye wicaštayatapi hemaca kta, qa
canpahmihma, qa Šuktanka akanyotankapi, qa wicašta wikcemna zaptan iye itokam
inyankapi kta e wiyeya ieicaga.
6 Atkuku he qe
tohinni iyokisinye šni, qa tokeca hecen ecanon eciye šni; nakun iye owanyag wašte
hinca, qa Abisalom ohakam tonpi.
7 Unkan Joab Zeruiah
cinhintku, epi Abiatar wawayušna kin om wohdaka; unkan hena Adonija opapi qa
okiyapi.
8 Tuka Zadok wawayušna
kin, qa Benaja Jehojada cinhintku, qa Natan waayate kin, qa Simeyi, qa Reyi, qa
wicašta waSaka David wicayuhe cin hena Adonija opapi šni.
9 Unkan Zahelet
inyan kin, Rogel wakoniya icahda wanke cin heciya Adonija tahinca, qa pte, qa
ptejincadan cepa pata, qa sunka wicaya wicaštayatapi cinca kin owasin wicakico,
qa Judah wicašta, wicaštayatapi okiyapi kin owasin wicakico.
10 Tuka Natan
waayate kin, qa Benaja, qa wicašta wašaka hecapi, qa sunkaku Solomon hena
wicakico Šni.
11 Unkan Natan
Batseba Solomon hunku kin heciya, Adonija Hagit cinhintku kin wanna wicaštayatapi
ee nayahon šni he'? tuka itancan unyanpi David he sdonye šni.
12 Heon dehan
ceciciya. wahokonciciye cin namahon wo; hecen ninagi kin niyakiye kta, qa nicinkši
Solomon nagi kin nakun.
13 Ito wicaštayatapi
kin David ekta ya wo, qa heciya wo: Nicinkši Solomon miye iyohakam wicaštayatapi
kta, qa iye oiyotanke mitawa akan iyotanke kta, nitaokiye win eyakiya. qa taku
wakan cajedate šni he 1 hecen tokeca Adonija wicaštayatapi ee he %
14 Iho niye wicaštayatapi
kici woyahdake cin icunhan miye nihakam hen wai kta, qa nioie kin mdasuta kta.
15 Unkan
Batseba wicaštayatapi kin ekta i, owanka tipi kin en, wanna wicaštayatapi kin
wicaninca, qa Abisag Snnaniiwin kin wicaštayatapi kin okiya ecee.
16 Unkan
Batseba pakapsan, qa wicaštayatapi kin ohoda. Unkan wicaštayatapi kin heciya;
Tabu yacin he?
17 Unkan
heciya, Itancan mitawa Jehovah wakan yada kin cajeyan yakonze ca nitaokiye win
heyakiya, Solomon nicinkši niiyohakam wicaštayatapi kta, qa iye oiyotanke
mitawa akan ivolanke kta.
18 Tuba wanna
inyun Adonija wicaštayatapi ee, qa niye wicaštayatapi itancan mitawa he
sdonyaye šni.
19 Qa pte, qa
ptejincadan cepa, (pi tahinca ota pata, qa wicaslayatapi cinhintku owasin wicakico,
nakun Abiatar wawayušna kin, qa Joab ozuye mdetanhunka kin; tuka nitaokiye
Solomon he kico šni.
20 Qa niye
itancan mitawa wicaštayatapi kin Israel owasin ahinitonwanpi, tuwe wicaštayatapi
iyohakam oiyotanke tawa akan iyutanke kta he owicayakidake kta heon.
21 Hecanon šni
kinhan wicaštayatapi itancan mitawa kin hunkake wicaye cin om istibe cinhan,
miye qa micinkši Solomon wahtanipisa unyawapi kta.
22 Unkan inyun
nahanhin wicaštayatapi kici wohdaka icunhan, Natan waayate kin en hi.
23 Unkan wicaštayatapi
kin okiyakapi, qa heyapi, Iho Natan waayate kin dee. Unkan wicaštayatapi kin
itokam hi, qa maka ektakiya patuja, wicaštayatapi itokam.
24 Qa Natan
heya, Itancan mitawa wicaštayatapi, Miyohakam Adonija wicaštayatapi kta, qa iye
oiyotarike mitawa akan iyotanke kta niye eha he?
25 Hecen nakaha
apamahde iyaye ca tatanka, qa ptejincadan cepa, qa tahinca ota pata, qa wicaštayatapi
cinhintku owasin wicakico, nakun obe itancanpi kin, qa Abiatar wawayušna kin:
unkan inyun iye itokam wotapi, qa wayatkanpi, qa Adonija wicaštayatapi kin ni
nunwe eyapi.
26 Tuka
nitaokiye miye qe, qa Zadok wawayušna kin, qa BenajaJehojada cinhintku qa
nitaokiye Solomon unkicopi šni.
27 Wicoie kin
de itancan mitawa wicaštayatapi kin etanhan he? Qa tuwe wicaštayatapi itancan
mitawa ohakam toiyotanke akan iyotanke kta nitaokiye oyakidake šni he?
28 Unkan David wicaštayatapi
kin ayupte ca heya, Miye ekta Balselm usipo. Unkan wicaštayatapi kin itokam hinajin.
29 I nkan wicaštayatapi
kin taku wakan cajeyate ca heya, Jehovah minawi kin woiyokišice owasin etanhan
opekiton kin ni ce.
30 Hecen token
heciciye, .lehowa Israel wakandapi kin namahon, Solomon nicinkši miye iyohakam wicaštayatapi
kta; qa miye eekiya oiyotanke mitawa akan iyotanke kta, epe cin he iyecen
nakaha ecamon kta.
31 Unkan
Batseba iye ite kin maka ektakiya patuja, qa wicaštayatapi kin ohoda, qa;
Itancan mitawa David wicaštayatapi kin owihanke wanin ni nunwe, eya.
32 Unkan David wicaštayatapi
kin heya, Zadok wawayušna kin, qa Natan waayate kin, qa Benaja Jehojada
cinhintku miye ekta u wicaši po. Unkan wicaštayatapi kin itokam hinajinpi.
33 Unkan wicaštayatapi
kin hewicakiya, Itancan nitawapi taokiye niyepi om u wicayasipi kta, qa micinkši
Solomon šonšonna mitawa akan iyotangyayapi kta, qa Gihon ekta apaniahde iyaye
yayapi kta.
34 Qa heciya Zadok
wawayušna kin, qa Natan waayate kin Israel wicaštayatapi on sdayapi kta, qa
mazayahotonpi kin dahotonpi kta, qa Solomon wicaštayatapi kin ni nunwe ehapi
kta.
35 Hehan iye
ihakam itanwankanhde yaupi kta; hecen iye den hiyu, qa oiyotanke mitawa akan
iyotanke kta, qa miye eekiya iye wicaštayatapi kta, iye Israel qa Judah
iwicadake kta wakonza nakaš.
36 Unkan Benaja
Jehojada cinhintku kin wicaštayatapi kin ayupte ca heya, Hecetu nunwe. Jehovah
itancan mitawa wicaštayatapi kin Wakanda kin hecen cya nunwe.
37 Token Jehovah
wicaštayatapi kin kici un kin, he iyecen Solomon kici un kte ca toiyotanke kin
itancan mitawa David wicaštayatapi toiyotanke kin isanpa tanka nunwe.
38 Unkan Zadok wawayušna
kin, qa Natan waayate kin, qa Benaja Jehojada cinhintku, qa Pabaksapi kin, qa
Wainyankapi kin apamahde iyayapi, qa Solomon David wicaštayatapi tasunke šonšonna
akan iyotang kiyapi, qa he kici Gihon ekta ipi.
39 Unkan Zadok
tahe wan wihdi ojudan Wakeya kin etanhan icu, qa Solomon sdaya, qa
mazayahotonpi wan yahotonpi, qa oyate kin owasin heyapi, Solomon wicaštayatapi
kin ni nunwe.
40 Qa ihakam
oyate kin owasin itanwankanhde kupi, qa oyate kin cotanka yajopi, qa wowiyuškin
tanka on iyuškinpi, qa hopi kin on maka kin bubu.
41 Unkan
Adonija, qa tona wicakico iye opapi wotapi ayaStanpi qehan nahonpi, qa Joab
mazayahotonpi ho kin nahon qehan: Tokeca otonwe owodutaton ho kin de, eya.
42 Ie cin
icunhan inyun Jonatan Abiatar wawayušna cinhintku kin u; unkan Adonija heciya,
Kuwa; wicašta wadinitaka, qa wotanin wašte ayahi nakaš.
43 Unkan
Jonatan ayupte ca, Adonija heciya, Hiya, awicakehan itancan unkitawapi David wicaštayatapi
kin Solomon wicaštayatapi kaga.
44 Qa wicaštayatapi
kin Zadok wawayušna kin, qa Natan waayate kin, qa Benaja Jehojada cinhintku, qa
Pabaksapi kin qa Wainyankapi kin he kici ye wieaSi, qa wicaštayatapi tasunke šonšonna
akan iyotang kiyapi.
45 Qa Zadok wawayušna
kin, qa Natan waayate kin he wicaštayatapi on sdayapi, Gihon ekta, qa hetanhan
wiyuškinyan itanwankanhde kupi, hecen otonwe kin bubu, qa ho nayahonpi kin hee.
46 Qa nakun
Solomon wicaštayatapi kin toiyotanke kin akan iyotanka.
47 Qa nakun wicaštayatapi
taokiye en hipi, qa itancan unyanpi wicaštayatapi kin David yawaštepi, qa, Tuwe
wakan yada kin Solomon caje kin nicaje isanpa wašte ka e kta, qa toiyotanke
oiyotanke nitawa isanpa yutanka kta, eyapi; qa wicaštayatapi kin towinja akan
ohoda.
48 Qa nakun wicaštayatapi
kin hecen eya, Jehovah Israel wakan dapi nakaha tuwe oiyotanke mitawa afcan
iyotanke kte cin maqn. qa iniišta kin wanyake cin he yawaštepi nunwe.
49 Unkari torn
Adonija wicakioo, qa opapi kin kokipapi, qa enanakiyn iyayapi.
50 Unkan
Adonija Solomon ikopa, qa inajin, qa ekta ya, qa wahna wošnapi he kin yuza.
51 Unkan
Solomon okiyakapi, qa heyapi, Inyun Adonija Soloninn wicaštayatapi kin kokipe
ca, inyun wahna wošnapi he kin yus yanka, qa, Ito nakaha Solomon wicaštayatapi
kin iye taokiye isan on tekiye kte šni, taku wakan cajeyan emakiye kta,eya.
52 Unkan
Solomon heya, Wioasia ksapa ihdutanin kinhan pa bin tawa wanjfdan makata
hinftpayc kte šni. Tuka taku šica ccoii iyeyapi kinhan te kta.
53 Hehan wicaštayatapi
kin Solomon ye wieasi, qa wahna wošnapi etanhan kun hiyuyapi. Unkan en hinajin,
qa wicaštayatapi kin ekta patuja. Unkan Solomon heciya, Tiyata hda wo.
WICAŠTAYATAPI
WOWAPI TOKAHEYA KIN WICOWOYAKE 2.
1 Unkan David
te kte cin anpetu kin wanna ikiyedan qehan, iye cinhintku Solomon wahokonkiye
ca heciya;
2 Miye wicašta
akantu owasin toki yapi kin ekta mde kta ce, beon wasagieiye ca winicasta
ihdutanin wo.
3 Qa taku Jehovah
wakan yada patan nisi kin yapatan kta, qa tpkage, tawoahope, qa tawoyaco owasin
oyape kta, qa token Mowil wowapi tawa en owapi kin iyecen oyakiye kta, hecen
taku ecanon owasin, qa tokiya kašta idade cin owasin tanyan ihuniyaye kta.
4 Hecen Jehovah
oie emakiya, Nicinkši catiku tawapi awanhdakapi, qa cantepi ocowasin, qa oagipi
ocowasin on wowicake en mitokara noanipi kinhan: Israel wicaštayatapi oiyotanke
kin etanhan wicašta nitawa tohinni kaapapi kte šni, eya.
5 Qa nakun Joab
Zeruiah cinhintku token eeamicon niyesdonyaya, token Israel ozuye mdetanhunka
nonpa, Abnei Ner cinhintku. qa Yamasa Jeter cinhintku hena wicakte, qa wookiye
en zuyapi iyecen we papson, qa wokicizo we kin ipiyaka on nite ipiyau kilon kin
he akan icu, qa hanpa Biha kin ohan akan nakun.
6 Ileon
nitoksape kin iyecen ecayecon kta, qa pa ska tawa kin ohna hnakapi kin ekta wookiye
en ye kta iyowinyaye kte šni.
7 Tuka Barzillai
Gileadi cinhintku kin wucantkiye ecawicayecon kta, qa wahna wotapi nitawa etanhan
yutapi km wicehna ohinniyan unpi kta, Abialom nieinye etanhan nawajice cehan
iyepi hecen en mahipi nakaš.
8 Qa iho Simeyi
Gera cinhintku Benjamini kin nici yanka, iye Banurim etanhan Mahanaim ekta wai.
anpetu kin he en woyasJce tehika on inayašica, tuka itkomakipe kta Jordan ekta
apamalule i, heon Jehovah caje mdate ca wipe on cikte kte šni,cwakiya.
9 Ileon dohan
ihnuhan iye iyaonpepica šni kecanni, niye wicašta yaksapa, qa token ecayecon
kta on pa ska kin ohna hnakapi ekta weyapi on a pa ma tide yeyaye kta iyececa
sdonyaya.
10 Hehan David
hunkake wicaye tin om istinia, qa David tototiwc ohna hnakapi.
11 Qa anpetu David
Israel tawicaštayatapi un kin waniyetu wikcemna tnpa; Hebron ohna waniyetu šakowin
wicaštayatapi, qa Jerusalem ohna waniyetu wikcemna yarnni sanpa yanini wicaštayatapi.
12 Hehan
Solomon iye atkuku David oiyotanke tawa akan iyotanka, qa wokiconze tawa kin
nina yusutapi.
13 Unkan
Adonija Hagit cinhintku kin Batseba Solomon hur.Uu ekta i. Unkan wookiye en
yahi he, eciya; unkan, Wookiye en, eya.
14 Qa taku
eciciye kta wacin eya. Unkan, eya ye, eya.
15 Unkan
wokiconze kin he mitawa, qa Israel owasin wicašta mayatapi kta e iniye ekta
etonwanpi sdonyaya; tuka wokiconze kin yutokanpi, qa miš unka he yuha, Jeho.wa
he yuhe kta konza nakaš.
16 Qa nakaha
taku wanji cicida, ihnuhan, Hiya emayakiye cin. Unkan, Eya ye, eciya.
17 Unkan
ceciciya, Solomon wicaštayatapi, Hiya eniciye kte Šni, heon AbiSag Sunamiwin
mduze kta e maqu kta eciya wo.
18 Unkan
Batseba heya, Han niye on wicaštayatapi kin ewakiye kte ye.
19 Unkan
Batseba wicaštayatapi kin Solomon ekta i, Adonija on ie kta heon etanhan. Unkan
wicaštayatapi kin itkokipe kta naiin, qa ektakiya pakapsan, qa toiyotanke akan
iyotanke ca wicaštayatapi hunku on oiyotanke ehde wicaši: unkan etupa kin ekta
iyotanka.
20 Qa heya,
Taku cistinna wan cicida. Ihnuhan, Hiya emayakiye cin. Unkan wicaštayatapi pi
kin heciya, Ina eya wo, hiya eciciye kte šni.
21 Unkan winyan
kin heya, Abisag Sunamiwin kin nicinye Adonija yuze kta e qupi kte ye.
22 Unkan
Solomon wicaštayatapi kin ayupte ca hunku kin heciya, Qa tokeca Adonija on
Abisag Sunamiwin kin yada hel He cinye waya, hecen wicaštayatapi kta e da wo:
iye on qa Abiatar wawayušna kin, qa Joab Zeruiah cinhintku on.
23 Qa wicaštayatapi
kin Solomon Jehovah cajeyate ca heya, Wakantanka hecen qa nakun isanpa ecamicon
kte, Adonija wicoie kin de iye nagi on eye Šni kinhan.
24 Qa nakaha Jehovah
eye ciqon iyecen tipi micicage ca ate David oiyotanke tawa akan iyotang makiye
ca miciyusuta kin he ni kinhan, anpetu kin de Adonija te kta.
25 Unkan wicaštayatapi
kin Solomon Benaja Jehojada cinhintku ye si, qa nape kin on kaštake ca te kiya.
26 Unkan wicaštayatapi
kin Abiatar wawayušna kin heciya; Yanatot map nitawa ekta hda wo; wicašta ktepi
kta henica nakaš, tuka ate David itokam Jehovah canwohnaka tawa duha, qa ate
toiyokišice cin owasin en iyonicišica, heon nakaha cikte kte šni.
27 Unkan
Solomon Abiatar yutokan, on Jehovah wawayušna heca kte Šni, hecen Jehovah oie
kin Eh tiyohnaka on Silo en eye ciqon yuecetu.
28 Unkan Joab
nahon (Joab Adonija opa, Abisalom ope šni ešta,) heon Joab najica, Jehovah
tawakeya ekta, qa wahna wošnapi he kin yuza.
29 Unkan wicaštayatapi
kin Solomon okišakapi, Joab Jehovah tawakeya ekta najica, qa in, yun wahna wošnapi
icahda yanka. Unkan Solomon Benaja Jehojada cinhintku heya ye si, Ekta va, qa kaštaka
wo.
30 Unkan Benaja
.Jehovah tawakeya ekta i, qa heciya, Wicaštayatapi kin hecen eya, Inanpa wo.
Unkan, Hiya den mate kta eya. Unkan Benaja wicaštayatapi kin okiyaka, Joab
hecen eya, qa hecen amayupta.
31 Unkan wicaštayatapi
kin heciya, Token eye cin iyecen econ, qa kaštaka, qa hnaka wo; hecen we Joab
ituh papson kin miye on, qa ate tiyohnaka on akahpe miyeciton kta.
32 lye wicašta
nonpa, Abner Ner cinhintku Israel ozuye mdetanhunka, qa Yamasa Jeter cinhintku
.luda ozuye mdetanhunka iye isanpa ohan owotanna qa wašte, ate David sdonye šni,
wicakaštake ca isan on wicakte; heon we tawa iye pa kin akan Jehovah hdikiye
kta.
33 Hecen hena
wcpi kin Joab pa akan, qa tona iye etanhan icagapi papi akan owihankc wanica
hdi kta; qa David qa tona iye etanhan ieaiapi, qa iye tiyohnaka, qa oiyotanke
tawa Jehovah kici wokiyapi kta owihanke wanica.
34 Unkan Benaja
Jehojada cinhintku ekta i, qa kaštake ca tekiya, qa tinta en ti kin ohna
hnakapi.
35 Unkan wicaštayatapi
kin heekiya Benaja Jehojada cinhiiitku ozuye mdetanhunka ka a, qa wicaštayatapi
kin Abiatar heekiya Zadok wawayušna kar
36 Unkan wicaštayatapi
kin Simeyi wahoye ca kico, qa heciya, Jerusalem ohna tieaj a, qa hen yanka wo,
qa hetanhan tokidan inayape kte šni.
37 Tohan
hetanhan inayape ca Qidron kaksiza akasanpa idade cinhan, awicakehan nite kta
sdonya wo; niwe kin nipa akan yanke kta.
38 Unkan Simeyi
wicaštayatapi kin heciya, Wicoie kin de wašte ce, token itancan mitawa wicaštayatapi
kin eye cin he iyecen nitaokiye econ kta. Unkan Simeyi anpetu ota Jerusalem
ohna yanka.
39 Unkan
waniyetu yamni hehan feimeyi taokiye nonpa Akis Mayaka cinhintku Gat wicaštayatapi
kin ekta najicapi; unkanš imeyi okiyakapi qa heyapi, Iho nitaokiye Gat en
yakonpi.
40 Unkan Simeyi
najin, qa tašonšonna aqin kiton, qa taokiye owicade Gat ekta iyaya, Akis ekta;
hecen Simeyi ekta i, qa taokiye Gat etanhan wicahdohdi.
41 Unkan Simeyi
Jerusalem etanhan Gat ekta i qa hdi, Solomon okiyakapi.
42 Unkan wicaštayatapi
kin Simeyi wahoye ca kico, qa heciya, Jehovah cajeyan konze ciye ca ciyaotanin,
qa, Tohan inayape ca toki idade cinhan hehan awicakehan nite kta sdonya wo,
eciciye šni he? qa, Wicoie nawahon kin he wašte ce, ehe šni he?
43 Qa tokeca
woahope Jehovah cajeyan ope cisi kin oyape šni he?
44 Nakun wicaštayatapi
kin Simeyi heciya, Niye wicohan šica nicante sdotkiya ate ecayecon owasin
sdonyaya; heon niohan šice cin nipa akan Jehovah hdikiye kta.
45 Qa Solomon wicaštayatapi
kin yawaštepi kta, qa David toiyotanke kin yusutapi kta owiiianke wanica.
46 Unkan wicaštayatapi
kin Benaja Jehojada cinhintku hecon Si, unkan inanpe ca kaštake catekiya. Unkan
wokiconze kin Solomon nape kin en yusutapi.
WICAŠTAYATAPI
WOWAPI TOKAHEYA KIN WICOWOYAKE 3.
1 Unkan Solomon
Pharoah Egypti wicaštayatapi kin kici wotakuye kage ca Pharoah cunwintku kin
yuze ca David totonwe en ahdi, tohan tipi tawa qa Jehovah ti kin, qa Jerusalem ihdukšan
conkaške kage cin hduS'an šni kin
hehanyan.
2 Hececa ešta
oyate kin pajodan akan wošnapi ece, anpetu kin dena hehanyan Jehovah caje on
nahanhin tipi kagapi šni nakaš.
3 Qa Solomon Jehovah
waštedake ca atkuku David tokage cin omani, tuka pajodan akan wayuSna, qa
wizinya ece.
4 Qa wicaštayatapi
kin Gibeyon ekta i, heciya wayusna kta heon; pajodan iyotan kin hee nakaš; wohuhriahyapi
kektopawinge wahna wošnapi kin he akan Solomon huftnahya.
5 Gibeyon en Jehovah
Solomon en ihdutanin hanyen wowihanmde en, qa Wakaiitanka heciya, Taku cicu kta
yacin da wo.
6 Unkan Solomon
heya, Nitaokiye David ate wowicake en, qa woowotanna en, qa cante ecetu kin en
nici mani kin iyecen wocantekiye tanka ecayecon; qa wocantekiye tanka kin de
yecipatan, cinca wan oiyotanke tawa akan iyotanke kta yaqu, anpetu kin de
iyececa.
7 Heon Jehovah
Wakan cida wanna ate David heekiya nitaokiye wicaštayatapi yakaga, qa miye
hokSiyopa hemaca, token tankan inawape ca en wahdi kte cin sdonwaye Šni.
8 Qa nitaokiye
oyate nitawa yakahnige cin ehna un, oyate tanka, ota hin on wicayawapi, qa
owicawapi okihipica šni.
9 Heon
nitaokiye cnnte wanahon qu ye, oyate nitawa wicayaco kta, qa taku wašte qa taku
šica iyukcan kta heon; ecin tuwe oyate nitawa kin de hinskotanka wicayaco kta
okihi.
10 Unkan taku
kin de Solomon da kin wicoie kin Itancan ista kin en wašte.
11 Unkan
Wakantanka heciya; Wicoie kin de yada kin, qa niye on anpetu ota yada šni, qa
niye on wowijice yada šni, toka niyanpi nagipi kin niye on yada Šni, tuka
woyaco nayahon kta e wowiyukcan niye on yada.
12 Iho nioie
kin iyecen ecamon, iho cante ksape ca wiyukcan cicu, hecen nitokam tuwedan
iyenicece šni, qa niyohakam tuweiilan niye iyecen najin kte Šni.
13 Qa nakun
taku yada šni kin cicu, wowijice, qa wowitan koya, hecen tohanyan yani kin
hehanyan wicaštayatapi wicehna tuwedan iyenicece kte Šni.
14 Qa mita
canku ohna mayani kinhan, qa wokage mitawa, qa woahope mitawa oyape cinhan, David
niyate mani kin iyecen, anpetu nitawa mduota kta.
15 Unkan
Solomon kikta; unkan inyun he wowihanmna. Unkan Jerusalem en hdi,qa Jehovah
otakuye canwohnaka kin itokam najin, qa wohuhnahyapi huhnahya, qa wopida wošnapi
kage ca taokiye owasin wohanpi wicakicaga.
16 Hehan winohinca
nonpa witkowin hecapi wicaštayatapi ekta hipi, qa itokam najinpi.
17 Qa winohinca
wanji heya, Ecahe, Itancan mitawa, miye qa winohinca kin de tipi wanjidan ohna
untipi, qa he kici tipi kin ohna cinca waton ye.
18 Unkan cinca
waton kin ohakam anpetu iyamni winohinca kin de nakun cinca ton, qa
okonwanjidan unyakonpi, tipi kin ohna tuwedan tokeca yanke šni, unkis nanapidan
ye.
19 Unkan
winohinca kin de cinhintku kin hanyen te, ahdaskin iwanka naka6.
20 Unkan
hanyecokaya inajin, qa micinkši micahda tanhan icu, nitaokiyewin istima
icunhan, qa maku tawa ohna iwankeya, qa iye cinhintku te cin maku mitawa ohna
ehnake ye.
21 Unkan
hanhanna micinkši azin wakiye kta wekta qehan, inyun he te; tuka anpa en
iwanmdake cehan inyun micinkši waton qon hee šni ye.
22 Tuka
winohinca unman kin heya, Hiya ni kin micinkši kin hee, qa nicinkši kin he te.
Unkan tokaheya kin heya; Hiya nicinkši he te, qa micinkši ni kin hee ye. Hecen wicaštayatapi
itokam wohdakapi.
23 Unkan wicaštayatapi
kin heya, Wanji is, ni kin de micinkši ee, qa nicinkši he te ye, eya; qa unman
heya, Hiya nicinkši kin te qa micinkši kin ni ye.
24 Nakun wicaštayatapi
kin heya, Isan micicau po. Unkan isan wan wicaštayatapi kin itokam hiyuyapi.
25 Unkan wicaštayatapi
kin heya, Hokšidan ni kin kibaspa po, qa wanji is hanke qu po, qa unman is
hanke qu po.
26 Hehan
winohinca cinhintku ni kin iye cinhintku on tezi kata aya, heon wicaštayatapi
kin heciya, Itancan ceciciya, hokšidan ni kin he qu ye, qa ihnuhan he te yaye
cin. Unkan unman heya, He mitawa kte šni, qa nakun iye tawa kte šni, kibaspa
pe.
27 Hehan wicaštayatapi
kin ayupte ca heya, Hokšidan ni kin tokaheya kin he qu po, qa ihnuhan te yayapi
kin, hunku kin hee nakaš.
28 Unkan Israel
owasin woyaco wicaštayatapi yaco kin nahonpi, qa wicaštayatapi kin itokam
kokipapi, woecetu econ kta e wokšape wakan iye en un kin wanyakapi nakaš.
WICAŠTAYATAPI
WOWAPI TOKAHEYA KIN WICOWOYAKE 4.
1 Unkan wicaštayatapi
Solomon Israel owasin iwicadaka.
2 Qa wicašta
itancan wicayuhe cin dena eepi, Azarija Zadok wawayušna kin cinhintku.
3 Qa Ehhorep qa
Ahija Sisa cinhintku kin hena wowapi ka a hecapi; Jehoshaphat Ahilud cinhintku
kin wokiksuye wowapi kin ka a.
4 Qa Benaja
Jehojada cinhintku ozuye mdetanhunka, qa Zadok qa Abiatar wawayušnapi.
5 Qa Azarija
Natan cinhintku akiciia kin wicayuha, qa Zebud Natan wawayušna cinhintku kin wicaštayatapi
kin takodaku.
6 Qa Ahišar
tipi kin awanyaka, qa Adoniram Yabeda cinhintku wamnayanpi itancan.
7 Unkan Solomon
akicita wikcemna sanpa nonpa wicayuha, Israel owasin iwankam unpi, qa hena
oniaka wi kin wicaštayatapi qa iye tiyohnaka on woyute mnayanpi, otoiyohi wi
wanjidan on woyute mnayan.
8 Qa cajepi kin
dena eepi, Hur cinhintku Ephraim he kin ohna.
9 Deqer
cinhintku Meqatz ohna, qa Saalbim, qa BetŠemes, qa Elon, qa Bethanan ohna.
10 Hesed
cinhintku Arubbot ohna, iye Soko, qa Heper makoce kin ocowasin 3'uha.
11 Abinadab
cinhintku Dor paha owasin, iye Tapat Solomon cunwintku kin yuza.
12 Bayana Ahilud
cinhintku Tayanak, qa Megiddo, qa Betsan Tzaretan ikiyedan wanke cin Jezreyel
ihukuya, Betsan etanhan Abelmehola ekta, qa Joqmeyam akotanhan ocowasin yuha.
13 Geber
cinhintku Ramot Gilead kin ohna, iye .lair Manasseh cinhintku totonwe Gilead
ohna, qa Argob makoce kin Basan ohna otonwe tankinkinyan wikcemna šakpe conkaške
qa mazasa inatake yuhapi kin hena owasin
yuha.
14 Ahinadab
Yido cinhintku Mahanaim yuha.
15 Ahimayatz
Naptah ohna, is eya Solomon cunwintku Bašemath yuza.
16 Bayana Husai
cinhintku Aser ohna, qa Yalot ohna.
17 Jehoshaphat Pharoahha
cinhintku Issakar ohna.
18 Simeyi Ela
cinhintku Benjamin ohna.
19 Geber Uri
cinhintku Gilead Sihon Amori wicaštayatapi, qa Yog Basan wicaštayatapi
tamakocepi kin ohna; qa makoce kin he ohna išnana akicita.
20 Unkan Judah
qa Israel wicota, wiyaka miniwanca hutata wanke cin ota bin iyenaka, wotapi, qa
wayatkanpi, qa wiyuškinpi.
21 Unkan
Solomon wokiconze owasin iwicadaka, wakpa kin etanhan Philisti tamakocepi kin,
qa Egypta makoce ihanke hehanyan, womnaye kahipi qa Solomon anpetu ni kin
owasin okiyapi.
22 Qa Solomon
anpetu wanjidan on woyute yuhe cin dee, aguyapi mdu wašte hinca koka tanka
wikcemna yamni, qa wokpanpi koka tanka wikcemna šakpe.
23 Tatanka
cemyapi wikcemna, qa tatanka wihanpi wikcemna nonpa, tahinca wanuyanpi
opawinge, nakun tatoka qa tahinca ikceka, qa hekinškayapi qa maga cemyapi.
24 Wakpa kin
itato owasin iwicadaka, Tipsah etanhan Gaza ekta, wicaštayatapi wakpa itato
owasin, qa ihdukšan yakonpi kin owasin om wookiye yuha.
25 Qa Solomon
anpetu tawa owasin, Judah, qa Israel, Dan etanhan Beer-šeba ekta hehanyan
wikopešniyan yakonpi, wicašta otoiyohi hastanhanka iyuwi tawa ihukuya, qa suken
can tawa ihukuya.
26 Nakun
Solomon tacanpahmihma on šuktanka oinajin kektopawinge wikcemna topa yuha, qa šuktanka
akan iyotankapi kektopawinge wikcemna sanpa kektopawinge nonpa.
27 Unkan
akicita qon woyute Solomon wicaštayatapi on innayanpi, qa tona wicaštayatapi
Solomon wahna wotapi tawa ikiyedan hipi owasin on, otoiyohi wi tawa en hecen
takudan icakijapi šni.
28 Nakun barle,
qa peji seca šuktanka on, qa šonšonna on tukten yakonpi kin ekta ahipi,
otoiyohi econ wicašipi kin iyecen.
29 Unkan
Wakantanka Solomon wokšape qa wowiyukcan tanka hinca qu, qa cante ohdakinyan
tanka, wiyaka miniwanca hutata ekta wanke cin he iyecen.
30 Hecen
Solomon toksape kin wiyohiyanpa cinca kin owasin toksapepi kapeya, qa Egypti
toksapepi owasin nakun.
31 Qa wicašta
owasin isanpa ksapa, Etan Ezrahi kin, qa HeI man, qa Kalkol, qa Darda Mahol
cinca kin hena owasin isanpa, qa oyate ihdukšanyakonpi kin owasin cajeyatupi.
32 Qa wicoie
wakan kektopawinge yamni ia, qa odowan kektopawinge sanpa zaptan.
33 Qa can kin
cajeyata, hantesa Lebanon aicage cin etanhan pejihota conkaške aicage cin hehauyau on ia, qa nakun woteca on
ia, qa takl) kinyan on, qa watutka on, qa hogan on.
31 Unkan oyate
owasin etanhan Solomon toksape nahonpi kta hipi, maka wicaštayatapi kin tona
ekta toksape otanin kin owasin etanhan.
WICAŠTAYATAPI
WOWAPI TOKAHEYA KIN WICOWOYAKE 5.
1 Unkan Hiram
Tzur wicaštayatapi kin Solomon ekta iye taokiye ye wicaši, he atkuku eekiya wicašiayatapi
sdayapi kin nahon nakaa, qa Hiram Daw id waštedaka anpetu tawa owasin.
2 Unkan Solomon
Hiram wahoye ca heya,
3\te David
ozuye iye ihduksan unpi siha kin ihukuya Jehovah ye wicaye šni kin hehanyan, Jehovah
iye wakanda caje kin on tipi wan kaga okihi šni he sdonyayu.
4 Tuka wanna Jehovah
wakanwada kin woozi maqu, mihduksan toka wanica, qa taku šica awakipe šni.
5 Qa ito Jehovah
wakan wada caje on tipi wan wakage kta epa, Jehovah ie ca ate David heciye
ciqon iyecen, Nicinkši niye heekiya oiyotanke nitawa akan cicu kte cin iye
micaje on tipi wan kage kta.
6 Heon dehan
Lebanon etanhan hantesa can micicakse wi casi wo; qa nitaokiye mitaokiye om
unpi kta. Qa nitaokiye on iyuwin cicu kta, taku ehe kte cin owasin iyecen,
Tzidoni kin iyecen unkiyepi ehna tuwedan can kakanpi wayupike šni sdonyaya.
7 I nkan Hiram
Solomon oie kin nahon qehan nina iyuškin, qa heya, Jehovah nakaha yawaštepi.
Iye David oyate tanka kin de iwankam cinca ksapa wan qu.
8 Unkan Hiram
Solomon wahoye ca heya, Wahomayaye cin he nawahon. Taku iyonicipi owasin,
hantesa can qa wazi can en miye ecamon kta.
9 Mitaokiye
Lebanon etanhan miniwanca ekta hiyuyapi kta; qa tukten wahomayaye kte cin,
heciya, eankaga miniwanca ohna amde kta, qa niye heciya can kin iyacu kta,
nakun token iyomakipi niye ecanon kta, qa tiyohnaka niitawa on woyute mayaqu
kta.
10 Unkan Hiram
hantesa can, qa wazi can Solomon qu, token iyokipi.
11 Unkan
Solomon aguyapi su koka tanka kektopawinge wikcemna nonpa, qa can ihdi wašte
koka tanka wikcemna nonpa, tiyohnaka tawa yutapi kta on, Solomon waniyetu
otoiyohi Hiram hecen qu ece.
12 Unkan Jehovah
Solomon wokšape qu, ecive ciqon he iyecen. L'nkan Hiram qa Solomon wokiyapi, qa
otakuye kicicagapi.
13 Unkan
Solomon Israel owasin etanhan wowidake mnayan, wicašta kektopawinge wikcemna
yamni wowidake mnawicaya.
14 Qa Lebanon
ekta ye wicaši kektopawinge wikcemna wanji itokto wi iyohi, wi wanjidan Lebanon
ohna yakonpi,qa wi nonpa tipi tawapi en. Unkan Adoniram wowidake rnnayanpi kin
awanyaka.
15 Nakun
Solomon wicašta kektopawinge wikcemna šakowin watoksupi heca wicayuha, qa he
kin ohna wakakanpi kektopawinge wikcemna šahdogan.
16 Nakun
akicita itancanpi kin Solomon wicayuha kektopawinge yamni sanpa opawinge yamni,
wohtani econ wicakiyapi, hena oyate wohtani econpi kin awanwicayakapi.
17 Qa Solomon
hecon wicaši heon inyan tankinkinyan qapi, inyan tehika, inyan kakanpi tipi
oahde kin on.
18 Hecen
Solomon ticaga tawa, qa Hiram ticaga tawa kin, qa tona inyan kaksapi kin hena
kakanpi, qa tipi kin kagapi kta can qa inyan wiyeya kagapi.
WICAŠTAYATAPI
WOWAPI TOKAHEYA KIN WICOWOYAKE 6.
1 Unkan Israel Egypta
makoce kin etanhan hinanpapi ehantanhan waniyetu opawinge topa sanpa wikcemna išahdogan
en, Solomon Israel itancanyaui waniyetu itopa kin en wi inonpa, Zip eciyapi he
en, tokaheya Jehovah on tipi kaga.
2 Qa wicaštayatapi
kin Solomon tipi Jehovah kicage cin he ohanske cin wicišpa wikcemna šakpe, qa
ohdakinyan kin wikcema nonpa, qa obosdatu kin wicišpa wikcemna yamni.
3 Unkan tipi
wakan tipi kin wihinanpe cin ektakiya tiyopa awakeyapi kin he ohanske cin
wicišpa wikcemna nonpa, tipi ohdakinyan kin iyenakeca, qa ohdakinyan kin
wicišpa wikcemnana tipi wihinanpe cin ektakiya.
4 Qa owanyeye
tipi kicage cin hena cansbudan kazuntapi.
5 Qa tipi
tiobosdata ihdukšan owanka kaga, tipi wakan qa tipi wakan hinca itankan
tiobosdata akan, qa ihdukšan tiobosdata akan tipidan kaga.
6 Tipidan kuya
kin ohdakinyan kin wicišpa zaptan, qa inonpa kin ohdakinyan kin wicišpa sakpe,
qa iyamni ohdakinyan kin wicišpa šakowin, tipi ihdukšan itankan oahehde kaga nakaš,
hecen tipi tiobosdata kin en ikoyag ye kte šni.
7 Unkan tipi
kagapi qehaii inyan oqapi ekta yuštanpi heca on kagapi, hecen tipi kagapi
icunhan hen maziyape, qa onspe, qa mazasapa ikicanye unmanna nahonpi šni.
8 Qa tipidan
inonpa tiyopa kin tiunnaptan itokaga ektakiya qa canij'adipi kin aohomniyan
tipidan inonpa kin ekta adipi, qa inonpa kin etanhan iyamni kin ekta.
9 Hecen tipi
kin kage ca yustan, qa hantesa can cutuhu qa canmdaška on awakeya.
10 Nakun tipidan
obosdata kin wicišpa zaptan, tipi owancaya ihdukšan kaga, qa hena hantesa can
on tipi kin akan ahekiya.
11 Unkan Jehovah
oie'kin Solomon en hi qa heciya,
12 Tipi kin de
yakage cin hecen wokage mitawa omayani, qa woyaco mitawa ecanon, qa woahope
mitawa owasin oyape ca omayani kinhan, mioie David niyate ewakiye ciqon niye en
mdusuta kta.
13 Qa Israel
cinca wicehna ounwaye kta, qa oyate mitawa amdustan kte šni.
14 Hecen
Solomon tipi kin kage ca hdustan.
15 Nakun tipi
tiobosdata kin niahentu hanteSa canmdaška on kaga, tipi owanka kin hetanhan
tice canmdaška aiyahdeya, mahentu can aokatan, qa tipi owanka kin wazi canmdaška
aokatan.
16 Qa owohdake
kin tipi wakan hinca tipi on, tipi ohanske etanhan catkuta wicišpa wikcemna
nonpa, hantesa canmdaška on kaga, owanka etanhan awakeyapi kin aiyahdeya.
17 Qa wicišpa wikcemna
topa wihinanpe ektakiya tipi wakan kin hee.
18 Qa timahen
hantesa can kin pagopi, psonkaka qa wahcahca: timahen owancaya hantesa can,
inyan kin aisinyan wanka.
19 Qa timahen
catkuta owohdake tipi kin wiyeya kaga, hen Jehovah wotakuye can wohnaka ehnake
kta heon etanhan.
20 Qa owohdake
tipi kin ohanske cin wicišpa wikcemna nonpa, qa ohdakinyan kin wicišpa wikcemna
nonpa, qa obosdatu kin wicišpa wikcemna nonpa, qa he mazaskazi ecedan apawinta;
qa hantesa wahna wošnapi kin nakun he apawinta.
21 Hecen
Solomon tipi kin timahen mazaskazi ecedan on apawinta qa owohdake tipi itokam
ozanpi mazaskazi icicahiha on otkeya, qa mazaskazi apawinta.
22 Qa tipi kin
owancaya mazaskazi apawinta ecen tipi kin yuštanpi. Nakun wahna wošnapi kin
owohdake tipi tawa kin he, owancaya mazaskazi apawinta.
23 Qa owohdake
tipi kin ohna Cherubim nonpa wihdi can on kaga, hena obosdatu wicišpa wikcemna.
24 Qa cherub
hupahu wanji wicišpa zaptan, hupahu wanji ihanke kin etanhan hupahu unman
ihanke ekta wicišpa wikcemna.
25 Qa cherub
unman wicišpa wikcemna: Cherub napin iyutapi kin, qa okagapi kin
iyakidehankeca, qa iyakidececa.
26 Cherub wanji
obosdatu kin wicišpa wikcemna, qa cherub unman kin hehankeca.
27 Unkan cherub
napin tipi kin mahen ehde; qa cherub napin hupahu hdamdagapi, qa cherub wanji
hupahu kin tiohosdatu kin iyohi, qa cherub unman hupahu kin tiohosdatu unman
kin iyohi, qa hupahupi kin tipi kin cokaya en iyokicihipi.
28 Unkan cherub
napin mazaskazi apawinta.
29 Qa tipi kin ihdukšan
tiobosdata kin owancaya mahen, qa tankan cherub qa tamar can, qa wahcahca
namdaga okagapi pago.
30 Qa tipi
owanka kin mazaskazi apawinta owohdake tipi kin mahen qa itankan.
31 Qa owohdake
tipi tiyopa kin wihdi can on kaga, canbosdata ipatan kin zaptan.
32 Nakun tiyopa
nonpa wihdi can heca, qa hena akan cherub, qa tamar can, qa wahcahca namdaga
opagopi pago, qa mazaskazi apawinta, qa mazaskazi kin cherub kin, qa tamar can
kin apawinsya.
33 Qa hecen
tipi kin mahen tiyopa kin on can bosdata topa kaga.
34 Qa tiyopa
nonpa wazi can on kaga, canmdaška nonpa yuksijapi tiyopa wanji on, qa canmdaška
nonpa yuksijapi tiyopa unman on.
35 Qa cherub,
qa tamar can, qa wahcahca namdaga pago, qa pagopi kin akan wayupiya mazaskazi
apawinta.
36 Nakun hocoka
mahentu conkaške kin kaga, inyan kakanpi
yamni itakihna, qa akan hantesa can kakanpi ocanku wanji.
37 Waniyetu
itopa Zip wi kin en Jehovah ti oahehde kagapi.
38 Qa waniyetu
wikcemna iake wanji Bui wi kin, wi išahdogan kin hee en, taku owasin woyaco
owasin iyecen yuštanpi, hecen waniyetu šakowin he kagapi.
WICAŠTAYATAPI
WOWAPI TOKAHEYA KIN WICOWOYAKE 7.
1 Unkan Solomon
tipi tawa waniyetu wikcemna sanpa yamni hehanyan kage ca tipi tawa kin ocowasin
hdustan.
2 Kakun Lebanon
contanka, tipi kin kaga, ohanske kin wicišpa opawinge, qa ohdakinyan kin
wicišpa wikcemna zaptan, qa obosdatu kin wicišpa wikcemna yamni, hantesa can
pasdatapi cankuye topa akan, qa canpasdatapi akan hantesa can kakanpi ehnakapi.
3 Qa can bosdan
ehdepi wikcemna topa sanpa zaptan cankuye iyohi ake zaptan hena akan tipi
cutuhu kin qa hantesa can on akahpapi.
4 Qa owanyeye
cankuye yamni, qa owanyeye wan owanyeye unman iyotakonza yamni akihde.
5 Qa tiyopa
kin, qa can ipatan kin owasin topa omdoton kagapi, qa cankuye yamni kin en
owanyeye iyotakonza.
6 Qa tiyopa
awakeyapi can pasdatapi on kaga, ohanske cin wicišpa wikcemna zaptan, qa ohdakinyan
kin wicišpa wikcemna yamni; qa hena itokam tiyopa awakeyapi wanji, qa
canpasdatapi, qa iyadipi wan hena itokam kaga.
7 Nakun wayaco
ohanzi hdepi wan kaga, he ohna wayaco oiyotake kin han; qa owanka etanhan
wankan owanka kin hehan-. yan hantesa canmdaška on akahpa.
8 Qa tipi tawa
ohna ti kin he en tihocoka wan, awakeyapi kin de iheyata, wokage kin de
iyececa. Nakun Pharoah cunwintku Solomon yuze cin tipi wan kicaga tiyopa
awakeyapi kin de iyecen.
9 Hena owasin
inyan tehika on kagapi, wiyutapi kin iyecen kakanpi, qa canibakse on baksapi,
anokatanhan, oahehde etanhan tipi tete kin hehanyan, qa tankan ahocoka tanka
kin hehanyan.
10 Qa oahehde
kin he inyan tehika, inyan tanka, inyan wicišpa wikcemna, qa inyan wicišpa šahdogan.
11 Qa iwankam
inyan tehika wiyutapi kin iyecen kakanpi, qa hantesa can.
12 Qa ihdukšan
hocoka tanka kin inyan kakanpi yamni icitakihna, qa hena akan hantesa can
kakanpi cankuye wanjidan, qa Jehovah ti hocoka mahentu kin, qa tiyopa awakeyapi
kin he nakun hececa.
13 Unkan
Solomon Hiram wallop, qa Tzur etanhan ukiya.
14 lye wiwazica
wan Naptah wicoun etanhan inaya, qa atkuku Tzur wicašta heca, mazazi kaga;
unkan he wokšape.qa wowiyukcan ojudan, qa mazazi okagapi wayupiya kaga. Unkan wicaštayatapi
Solomon ekta hiyu, qa wohtani econ Si kin owasin kaga.
15 Qa mazazi
ipatan nonpa kaga, ipatan wanji bosdatu kin wicišpa wikcemna sanpa šahdogan, qa
hahonta wicišpa wikcemna sanpa nonpa ipatan iyohi ohomni iyaya.
16 Qa ipatan
nonpa papi kin akan ehde kta e watešdake nonpa mazazi Sdoyapi on kaga, watešdake
wanji obosdatu kin wicišpa zaptan, qa watešdake inonpa obosdatu kin wicišpa zaptan.
17 Maza yankapi
ho kagapi iyecen mazaicicahiha kahmupi watešdake. ipatan akan yakonpi kin hena
kicaga, watešdake wanji on šakowin, qa watešdake inonpa on šakowin.
18 Hecen ipatan
kaga, qa hena ihdukšan taspantanka su ota cankuye nonpa maza yankapi
watesdakapi wanji pa akahpe cin on, qa watešdake inonpa on nakun hecen kaga.
19 Watešdake
ipatan nonpa papi kin akan tiyopa awakeyapi ohna yakonpi hena, mnahcahca
kagapi, wicišpa tops.
20 Nakun watešdake
ipatan nonpa akan, taspantanka su ota opawinge nonpa, maza yankapi icunom tezi
kin ikiyedan iwankam: watešdake inonpa akan ihdukšan cankuye nonpa.
21 Qa tipi
wakan tiyopa awakeyapi ipatan kin bosdan ehde, qa ipatan etapa kin bosdan ehde
qehan Jakin cajeyata, qa ipatan catka kin bosdan ehde, qa Boaz cajeyata.
22 Qa ipatan
papi akan mnahcahca kagapi: hecen ipatan kagapi kin yuštanpi.
23 Qa cega
sdoyapi tanka kin kaga, mima, qa tete ctanhan tete unman ekta wicišpa wikcemna;
qa obosdatu kin wicišpa zaptan, qa hahonta wicišpa wikcemna yamni ihdukšan
iyaya.
24 Qa ihdukšan
owancaya tete kin ihukuya can paha pagopi, wicišpa iyohi wikcemna, cankuye
nonpa, cega tanka ihdukšan; he Sdoyapi qehan can paha kin nakun sdoyapi.
25 Qa tatanka
wikcemna nonpa akan ehdepi, yamni itepi kin wa ziyata kiya, qa yamni itepi kin
wiyohpeyata kiya, qa yamni itepi kin itokahkiya, qa yamni itepi kin wihinanpe
cin ektakiya cega tanka kin hena tapetepi akan wanka, qa owasin nitepi kin
mahentuya unpi.
26 Qa osoke cin
nape hdakinyan, qa tete wiyatke tete kin iyececa, mnahcahca namdaya akan
kagapi, qa bat (koka iyutapi) kektopawinge nonpa kipi.
27 Nakun mazazi
oahe topa kaga, oahe otoiyohi ohanske cin wicišpa topa, qa ohdakinyan kin
wicišpa topa, qa obosdatu kin wicišpa yamni.
28 Qa oahe kin
decen kagapi, opapun yuhapi, qa opapun kin oise otahedan.
29 Qa oise
otahedan opapun akan mnaja,qa tatanka,qa Cherub kagapi. Qa oise akan hute kin
iwankam; qa mnaja kin, qa tatanka kin ihukuya,oyuskite okazeze kagapi.
30 Qa oahe
iyohi ihukuya mazazi canhdeska topa, qa canhdeska huhdakinyan kin mazazi, qa
cega kin ihukuya siha kin hiyete yuhapi. Hiyete kin sdoyapi, otoiyohi oyuskite
iyotakonza.
31 Qa oiyuhdoke
cin watešdake kin mahentuya obosdatu kin wicišpa wanji; qa oiyuhdoke cin mima,
wakšica kagapi iyecen, wicišpa wanjidan sanpa wicišpa hanke; qa oiyuhdoke akan
wapagopi, qa opapun topa omdoton, mihe šni.
32 Qa opapun
kin ihukuya canhdeska topa, qa canhdeska hu hdakinyan oahe en ikoyakapi, qa
canhdeska otoiyohi obosdatu kin wicišpa wanji sanpa hanke.
33 Qa canhdeska
kagapi kin canpahmihma canhdeska kagapi iyececa, huhdakinyanpi kin, qacancokaya
kin, qa mazacanhdeska kin, qa canheskda hu kin bena owasin sdoyapi.
34 Qa oahe
otoiyohi oise topa kin akan biyete topa, hiyete kin oahe kin etanhan.
35 Qa oahe pa
kin mima, obojsdatu kin wicišpa hanke, qa oahe pa kin, qa nape kin, qa opapun
kin he etanhanpi.
36 Qa
huhdakinyan omdaska kin akan, qa opapun kin akan Cherub, qa mnaja, qa tamar can
bagopi, otoiyohi okan kin iyececa, qa nakun oyuskite kin ihduksan.
37 Oahe
wikcemna kin hecen kagapi; owasin iyecen sdoyapi, iyutapi kin wanjidan, obagopi
wanjidan.
38 Qa mazazi
wakšica wikcemna kaga; wakšica kin iyohi bat wikcemna topa kipi; waksica
otoiyohi wicišpa topa; qa oahe wikcemna otoiyohi akan wakšica wanjidan.
39 Qa oahe
zaptan tipi etapa kin eciyatanhan, qa oahe zaptan tipi kin catka tanhan ehde;
qa cega tanka kin tipi kin etapa tanhan itokaga tanhan wi hinanpe ekta kiya.
40 Unkan Hiram
wakšica kin kaga, nakun niazamdaska kin, qa cega kin. Hecen Jehovah ti kin on wicaštayatapi
Solomon wohtani kah si kin owasin yustan.
41 Maza ipatan
nonpa kin, qa maza ipatan nonpa papi akan watešdake mima nonpa kin, qa maza
yankapi nonpa on maza ipatan nonpa papi akan watešdake nonpa akahpapi;
42 Qa
taspantanka su ota opawinge topa, maza yankapi nonpa kin on, taspantanka su ota
oankuye nonpa, maza yankapi otoiyohi on, hena watešdake wakšica a maza ipatan
akan unpi kin akahpapi;
43 Qa oahe
wikcemna, qa wakšica wikcemna oahe akan yakonpi;
44 Qa cega
tanka wanjidan, qa tatanka wikcemna sanpa nonpa cega tanka ihukuya;
45 Qa cega kin,
qa maza mdaska kin, qa wakšica kin: qa Hiram Jehovah tipi taku ikicanye cin wicaštayatapi
Solomon kicage cin hena owasin mazazi wiyatpa on kaga.
46 Jordan
osmaka kin ohna, wicaštayatapi kin hena sdoya,maka soka kin ohna Sukot qa
Tzaretan otahedan.
47 Hehan
Solomon oziiciya, wakšica kage cin nina ota hinca, maza tkeutapi kin aspeye
pica šni.
48 Unkan
Solomon Jehovah tipi ikicanye cin owasin kaga, mazaskazi wahna wošnapi kin, qa
mazaskazi wahna wotapi kin, he akan aguyapi itokamhnakapi.
49 Qa
petijanjan ihupa owohdake tipi itokam, etapa eciyatanhan zaptan, qa catka
eciyatanhan zaptan kin, mazaskazi ecedan on kagapi, qa wahca kin, qa petijanjan
kin, qa petijanjan iyukse, owasin mazaskazi.
50 Qa wakšica
kin, qa isan kin, qa wiyatke kin, qa mazatukiha kin, qa oizinye kin, mazaskazi
ecedan, nakun tipi mahentuya tipi wakan hinca tiyopa on, qa tipi wakan tiyopa
kin on, tiyopa okihe kin hena mazaskazi.
51 Hecen wicaštayatapi
Solomon wokicanye Jehovah ti kin kicage cin owasin yuštanpi. Unkan Solomon taku
atkuku David yuwakan kin, mazaska kin, qa mazaskazi kin, qa wakšica kin ahi, qa
Jehovah ti wopiye kin en ehnaka.
WICAŠTAYATAPI
WOWAPI TOKAHEYA KIN WICOWOYAKE 8.
1 Hehan Solomon
Israel hunkayapi kin wicoun itancanpi kin owasin Israel cinca ateyapi tokapapi
kin mniciye wicaya, wicaštayatapi Solomon ekta Jerusalem en, Jehovah otakuye
canwohnaka kin David totonwe kin Zion etanhan itanwankanhde aupi kta.
2 Unkan Israel wicašta
kin owasin wicaštayatapi kin Solomon ekta mniciyapi, Etanim wi kin en,wi išakowin
kin bee, wohanpi Wakan kagapi qehan.
3 Qa Israel
hunkayapi owasin hipi; unkan wawayušnapi kin canwohnaka kin akiyuha ayapi.
4 Qa Jehovah
tacanwohnaka kin, qa itkokipapi wakeya kin, qa waksira wakan wakeya ohna
yakonpi kin owasin ahipi, hena owasin wawayušnapi kin, qa Levi kin akiyuhapi.
5 Qa wicaštayatapi
Solomon, qa Israel omniciye iye en mniciyapi ocowasin canwohnaka kin itokam,
tahinca qa tatanka, nina ota on owapi siii, qa yawapi šni wayušnapi ecee.
6 Unkan wawayušnapi
kin Jehovah otakuye canwohnaka kin toyanke en ahipi, keruh hupahupi kin
ihukuya, oyanke wakan hi nra owohdake tipi en.
7 Keruh nonpa
hupahupi kin hdumdayapi canwohnaka oyanke kin iwankam, hecen keruh nonpa kin
canwohnaka kin, qa tosu tawa kin iwankam akahpa.
8 Qa tosu kin
yujunpi hecen tosu inkpapi kin tipi wakan owohdaka tipi itokam un kin etanhan
taninyan yakonpi, qa itankan aisinyan unpi, qa anpetu kin dehanyan hen yakonpi.
9 Canwohnaka
kin ohna takudan yanke šni, inyan mdaska nomnana, otakuye Jehovah Israel cinca
wicakicaga, Egypta etaiihan hdinanpapi qehan, Horeb ekta hena Moses hen ohnaka.
10 Unkan wawayušnapi
kin tipi wakan etanhan hdinanpapi qehan, mahpiya soka wan Jehovah ti kin ojuya.
11 Hecen wawayušnapi
kin mahpiya soka on wokiyapi kta e hen yakonpi kta okitpanipi, Jehovah towitan
kin Jehovah ti kin ojuya nakaš.
12 Hehan
Solomon heya, Jehovah otpaza soka en ounye kta keya.
13 Awicakehan
tipi en ounyaye kta wan cicicaga, oyanke suta wan ohna yahidotanke kta,
owihanke wanin.
14 Hehan wicaštayatapi
kin ite kin ihduhomni, qa Israel omniciye owasin yawašte; unkan Israel omniciye
ocowasin bosdan na
15 Unkan heya, Jehovah
Israel Wakandapi kin yawaštepi nunwe, Iye ate David i kin on ie ca nape kin on
yuecetu, qa heya,
16 Oyate mitawa
Israel Egypta etanhan hdinanpe wicawaye cin anpetu kin he ehantanhan, Israel
wicoun owasin etanhan otonwe wanji ohna tipi micicagapi kta e wakahnige šni, he
ohna micaje yanke kta, tuka oyate mitawa iwankam un kta David wakahniga.
17 Unkan Jehovah
Israel wakandapi kin tipi kicage kta e ate David cante kin en un.
18 Unkan Jehovah
ate David heciya, Micaje on tipi wan yakage kta nicante en un kin he tanyan
ecanon, nicante en un kin he.
19 Tuka niye
tipi kin yakage kte ni, tuka nicinkši ninite etan-. han inanpe kte cin he
micaje on tipi kin kage kta.
20 Unkan Jehovah
iye oie eye ciqon ecetu kta, hecen David ate eekiya nawajin, qa Israel
oiyotanke kin akan imdotanka, Jehovah eye ciqon iyecen, qa Jehovah Israel
wakandapi caje kin on tipi kin wakaga.
21 Qa hunkake
wicunyanpi Egypta etanhan hdinanpe wieaye cehan otakuye wicakicaga canwohnaka
en yanke cin on oyanke wan wecaga.
22 Unkan
Solomon wahna wošnapi Jehovah tawa iwiyohiyanpa tanhan, Israel omniciye owasin
itokam najin, qa mahpiya ektakiya nape kin hdugata;
23 Qa heya, Jehovah
Israel Wakandapi kin wankan mahpiya ekta, qa kuya maka kin akan taku wakan
iyececa wanica; nitaokiye cantepi ocowasin on nitokam manipi kin om wotakuye
kin, qa wowacantkiye kin wicayecipatan.
24 Niye taku
nitaokiye David ate eyakiye cin he yapatan, nii kin on eha, qa ninape on
yahduecetu nakaha iyececa.
25 Heon dehan Jehovah
Israel Wakandapi kin nitaokiye David ate taku eyakiye cin he kici patan ye;
Mitokam mayani kin iyecen nicinca kin mitokam manipi, qa ohanyaripi kin awanhdakapi
kinhan, Israel oiyotanke kin akan iyotanke kte šni wicašta tohinni nicicaspe
kte šni, eha.
26 Heon nakaha
Israel Wakandapi kin ceciciya, nioie nitaokiye David ate eyakiye cin he
hduwicaka wo.
27 Hececa ešta Jehovah
awicakehan maka akan ounye kta he? Inyun mahpiya kin, qa mahpiya mahpiya kin
nicipi okihipi šni; iyotan tipi wakage cin de okihi šni.
28 Hececa ešta
wocekiye nitaokiye eniciye cin ekta ihduhomni, qa taku nicida kin, Jehovah
Wakan cida, nitaokiye hoyeye cin, qa wocekiye nakaha nitokam cekiye cin he nahon
ye.
29 Hecen niišta
kin tipi kin de ektakiya anpetu hanyetu koya yuzamni hanpi kta, Oyanke micaje
ohna yanke kta, ehe ciqon he ekta, hecen wocekiye nitaokiye oyanke kin de ektakiya
ceniciye cin nayahon kta.
30 Qa
nitaokiye, qa Israel oyate nitawa wocekiye oyanke kin den ceniciyapi ca nayahon
kta, niye mahpiya en yakidotanke cin anagoptan ye, qa nayahon eca wahtanipi kin
wicakicicajuju ye
31 Wicašta wan
takodaku wakihtani kinhan, qa taku wakan cajeyan wohdag sipi, qa wahna wošnapi
nitawa tipi kin de ohna yanke cin he itokam taku wakan cajeyate cinhan;
32 Niye mahpiya
ekta nahon ye, qa ecen econ, qa nitaokiye wicayaco, qa tuwe šice tohan šica
iyecen qu, qa sitkihda ye, qa tuwe owotani a yaowotanna, qa tohan owotanna kin
iyecen qu ye
33 Oyate nitawa
Israel wanicihtanipi kin on toka wicayapi kin itokam wicakaštakapi kinhan, niye
en ihdamnapi, qa nicaje oyakapi, qa tipi kin de ohna cekiyapi, qa niciyugatapi
kinhan,
34 Niye mahpiya
en nahon ye, qa oyate nitawa Israel wahtanipi kin wicakicicajuju ye, qa makoce
hunkake wicayapi wicayaqu qon ake en hdicu wicaya ye.
35 Tohan
wanicihtanipi kin on mahpiya kin natakapi, qa magaju wanica, hecen kakis wicayaya,
qa wahtaiiipi etanhan ihduhomnipi, qa nicaje oyakapi, qa oyanke kin de ektakiya
cekiyapi kinhan,
36 Niye mahpiya
en nahon ye, qa nitaokiye, qa nitaoyate Israel wahtanipi kin wicakicicajuju ye,
canku wašte nitawa onspe wicayakiye cin he oraanipi hehan, qa makoce nitawa
oyate nitawa tawayapi kta e wicayaqu qon akan inagaju qu ye.
37 Tohan makoce
en wicaakihan, makošica, qais watošnija, aa, psipšicadan, wamduškadan yuke
cinhan; toka wicayapi kin makoce tonwanyanpi kin en onawicatakapi kinhan; wokaštake,
woyazan taku kagta yuke cin:
38 Wicašta tuwe
kašta on, qais oyate nitawa Israel owasin, tuwe iyc cante kagtakapi kin sdonye
cin on nape kin tipi kin de ektakiya kiyugate, wokiyugate qa wocekiye kin,
39 Niye mahpiya
ekta oyanke ohna yakidotanke cin ohna nahon ye,qa wahtani kin kicicajuju ye, qa
iyecen econ,qa otoiyohi ohanyan owasin iyecen qu ye, cante kin sdonyaye cin
iyecen, niye nišnana Adam cinca owasin cantepi kin sdonyaya nakaš.
40 Hecen anpetu
tona makoce hunkake wicayapi yaqu qon akan nipi kin owasin konicipapi kta.
41 Nakun tuwe
oyate tokeca, oyate nitawa Israel etanhan šni, tuka makoce tehan tanhan nicaje
on hiyu kta,
42 Nicaje
tanks, qa ninape wasaka, qa isto yahdugata on nahonpi kta, qa wanji hi, qa tipi
kin de ekta cekiye cinhan,
43 Niye mahpiya
oyanke ohna idotnnke cin en nahon ye, qa econ ye, wicašta oyate tokeca
hoycniciye cin owasin iyecen, hecen oyate maka ohnaka owasin nicaje kin
sdonyapi kta, qa 19(5 oyate nitawa Israel iyecen konicipapi kta, qa tipi kin de
wakage cin nicaje on cajeyatapi kin sdonyapi kta.
44 Tohan oyate
nitawa canku ohna ye wicayasi, tokayapi azuwicayapi, wokicize ekta yapi kinkan,
qa otonwe yakahnige cin, qa tipi nicaje on wakage cin ektakiya Jehovah cekiyapi
kinhan;
45 Kiyugatapi
qa cekiyapi kin mahpiya ekta nahon ye, qa woyaco ecawicakicon ye.
46 Tohan
wanicihtanipi, (ecin wicašta wahtani šni wanica nakaš,) qa canniye wicayaya, qa
toka yapi itokam nape wicayaya, hecen wayakaiwicacupi,qa tokayapi tamakocepi
tehan qais ikiyedan ekta wayaka awicayapi kinhan;
47 Cantepi en
hdipi, makoce ekta wayaka awicayapi ohna, qa ihdamnapi, qa wayaka awicayapi
tamakocepi kin ohna ceniciyapi, qa, Waunhtanipi, ecinšniyan unkohanyanpi, šicaya
econkupi ce, eyapi kinhan;
48 Qa toka
wicayapi kin, wayaka awicayapi kin tamakocepi kin ohna cantepi ocowasin on, qa
nairipi ocowasin on niye en hdipi kinhan, qa ceniciyapi, tamakocepi hunkake
wicayapi kin wicayaqu kin, otonwe yakahnige cin, qa tipi nicaje on wakage cin
ektakiya kinhan;
49 Mahpiya
oyanke ohna idotanke cin en niciyugatapi, qa ceniciyapi kin nahon yc. qa woyaco
ecawicakicon ye;
50 Qa oyate
nitawa wanicihtanipi kin. qa wokipajin nicipnjinpi kin owasin wicakicicajuju
ye, qa tona wayaka awicayapi kin onsiwicadakapi kta kaga, hecen eante
wicakiyapi kta:
51 Tawa
wicayaya, qa oyate nitawa Egypta makoce, maza oceti cokaya tanhan hdinanpe ,
wicayaye cin hena eepi naka:
52 Heon nitaokiye
niciyugate cin ekta, qa oyate nitawa Israel niciyugatapi kin ekta niišta
hduzamni ye, qa taku hoyeniciyapi kin owasin nawicahon ye.
53 Niye Itanean
Jehovah maka oyate kin owasin etanhan tawa wicayaye kta e dena wicadukinukan,
nitaokiye Moses nape on, ehe ciqon iyecen, hunkake wicunyanpi Egypta etanhan
hdinanpe wicayaye cehan.
54 Unkan
Solomon wokiyugate, qa wocekiye kin de owasin cekiya yasfan qehan, Jehovah
wahna wošnapi tawa itokam canpeška makehde wanke ciqon etanhan, siha akan
najin, qa nape kin mahpiya ektakiya hdugata:
55 Qa najin, qa
ho tankakiya Israel omniciye ocowasin yawašte, qa heya, 56 Jehovah yawaštepi
nunwe. lye taoyate kin Israel iyozi wicaya, eye ciqon iyecen, wicoie wašte taokiye
Moses nape on eye ciqon, wicoie wanjidan hinhpaye šni.
57 Jehovah
Wakan undapi kin hunkake wicunyanpi oin un qon, he iyecen unkicipi un nunwe,
unkayuštanpi kte šni, qa ehpeunyanpi kte ni.
58 Uncantepi
kin iye ekta yuptanyan ye, hecen tacanku owasin omaunnipi kta, nakun tawoahope,
qa tokage, qa tawoyaco hunkake wicunyanpi econ wicaši kin.
59 Qa mioie Jehovah
itokam cewakiye cin dena, anpetu, qa hanyetu Jehovah ikiyedan un nunwe, hecen
taokiye kin woyaco ecakicon kta, qa taoyate Israel woyaco ecawicakicon kte,
anpetu iyohi wicoie kin iyececa.
60 Hecen maka
oyate kin owaaa sin Jehovah taku wakan kin hee, qa tokeca wanica e sdonyapi
kta.
61 Qa nicantepi
Jehovah Wakan undapi ekta zanipi kta, qa tokage omaunnipi kta, qa tawoahope
unpatanpi kta, nakaha iyececa.
62 Unkan wicaštayatapi
kin.qa Israel owasin opapi, Jehovah itokam wošnapi patapi.
63 Hecen wopida
wošnapi, Solomon Jehovah wakiyusna kin tatanka kektopawinge wikcemna nonpa
sanpa kektopawinge nonpa. qa tahinca kektopawinge opawinge sanpa kektopawinge
wikcemna nonpa. Hecen wicaštayatapi kin, qa Israel cinca owasin Jehovah ti kin
yuwakanpi.
64 Anpetu kin
he en wicaštayatapi kin Jehovah ti kin itokam hocoka kin cokaya kin yuwakan,
hen wohuhnahyapi, qa minha, qa wopida wošnapi isin kin hiil'mal'iya, mazasa
wahna wošnapi Jehovah itokam wanke cin he cistinna on wohuhnahyapi kin,qa
minha, qa wopida wošnapi sin kin kipi šni nakaš.
65 Qa he ehan
Solomon, qa Israel owasin nakun wohanpi wakan kagapi, omniciye tanka Hamat ekta
yapi kin etanhan Egypta kaksiza ekta hehanyan Jehovah itokam anpetu iŠakowin,
qa anpetu gakowin, anpetu wikcemna sanpa topa.
66 Anpetu išahdogan
kin en oyate kin kihde wicaya. Unkan wicaštayatapi kin yawaštepi, qa wiyuškinyan
tawakeyapi ekta kihdapi, taku wašte Jehovah iye taokiye David, qa taoyate
Israel ecawicakicon owasin on cante waštepi.
WICAŠTAYATAPI
WOWAPI TOKAHEYA KIN WICOWOYAKE 9.
1 Unkan Solomon
Jehovah ti kin, qa wicaštayatapi ti kin kaga, qa toiyokipi taku So-lomon , econ
kta cin kin owasin yustan q jhan:
2 Jehovah
inonpa taniniciye Solomon en, Gibeyon en taniniciye Ctqon he iyecen.
3 Qa Jehovah
heciya, WokiyuB te mitokam yakidujjate cin. qa wocckiye nitawa nawafton, tipi
kin de micaje owihankc wanin en y ahke kta, yakajre cin he mdawakan, qa Miišta
kin, qa micante anpetu owasin hen un kta.
4 Qa niyate
mitokam mani kin iyecen niye cante ocowasin, qa woecctu en mayani,qa taku eeon
cisi kin owasin iyecen ecanon, wokage qa woyaco mitawa yapatan kinhan;
5 .Nitokiconze
oiyotanke kin Israel iwankam owihanke wanin indiisuta kta; niyate David ewakiye
cin iyecen, Israel oiyotanke akapa tanhan wicašta tohini niciyuipapi kte šni.
epa.
6 Tuka niyepi
qa nicincapi mihakapa tanhan ocowasin nihdamna| i kinhan. qa mitawoahope, qa
mitokage, niyepi itokam cicupi kin oyapapi šni kinhan, qa idadapi qa taku wakun
tokeca ohoyadapi, qa itokam pamahdedan dukanpi kinhan;
7 Israel
inakoce wicawaqu kin ite etanhan wicawakimduspe kta; qa tipi micaje on mdawakan
kin miite kin etanhan ehpewaye kta. qa oyate owasin ehna Israel wivacinpi, qa
owestepi heca kta.
8 Qa tipi kin
de pajodan sta, tona ikiyedan iyayapi owasin yusinyeyapi kta, qa jojopi kta,
qa, Tokeca Jehovah makoce kin de, qa tipi kin de hecen ecakicon, eyapi kta.
9 Qa heyapi
kta, Jehovah Wakan dapi qon, qa hunkake wicayapi Bgupta etanhan hdinanpe wicaye
cin he ayuštanpi, qa taku waken tokeca yuzapi, qa itokam patujapi, qa
ohawicadapi, heon Jehovah taku šice cin de owasin iyahde wicaya.
10 Unkan
waniyetu wikcemna' nnnpa icunhan Solomon Jehovah ti kin, qa wicaštayatapi tipi
tawa napin kaše cin henu owihanketa,
11 Hiram Tzur wicaštayatapi
kin hantesa can, qa wazi can, qa mazaskazi. taku cin kin owasin kicicahi kin,
heon hehan wicaštayatapi kin Solomon Gahle makoce kin ohna otonwe wikcemna nom
Ihram qu.
12 Unkan Hi nun
otonwe Solomon qu kin wanyake kta inanpa, tuka ista kin en ecetupi šni.
13 Qa, Mihunkawanji
otonwe kin dena mayaqu kin taku hwo, qa Kabul (opapun) makoce eya caje
wicayata, anpetu kin dehanyan.
14 Tuka Hiram
mazaskazi woqin opawinire sanpa wikcemna nonpa wicaštayatapi kin ekta yekiya.
15 Unkan wicaštayatapi
Solomon wowidake mnayan on econ kin dee, Jehovah ti kin kaire kta, qa iye ti
kin, qa Millo, qa Jerusalem aconkaške ye kta, nakun Hatzor, qa Megiddo, qa
Gezer on.
16 Pharoah
Ejrupta wicaštayatapi kin itanwankanhde hiyu,qaGezer icu, qa peta on iiunuahya,
qa Caanani otonwe ounyanpi kin wicakte, qa iye cunwintku Solomon tawicu kin
aihpeye.
17 Unkan
Solomon Gezer, qa Bet Horon hukuya kin kaiia.
18 Nakun
Bayiilat, qa Tadmor tinta makoce kin ohna.
19 Qa wopiye
otonwe Solomon yuhe cin owasin, qa canpahmihma otonwe, qa šuktanka
akan-yotankapi otonwe kin, qa Solomon toiyokipi taku Jerusalem ohna, qa Lebanon
ohna, makoce idake cin owanyaca ohna, taku kage kta iyokipi on.
20 Oyate owasin
tona Amori etanhan lhti, Perizzi, Hiwi, qa Jebusi etanhan okaptapi, Israel
cinca kin etanhanpi Šni,
21 Hena cincapi
wicihakam makoce en okaptapi kin, Israel cinca ocowasin ihang wicayapi Šni kin
hena, Solomon anpetu kin dehanyan wayaka wohtani econ wicakiya;
22 Tuka Israel
cinca kin etanhan Solomon wayaka wicayuhe Šni; tuka hena ozuye wicašta, qa
taokiye wicaya, qa taakicita: qa tacanpahmihma akicita kin, qa canpahmihraa qa Šuktanka
akanyotankapi itancanpi kin.
23 Solomon
wohtani econ wicakiya itancanpi kin deua eepi, opawinge zaptan sanpa wikcemna
zaptan, hena oyate wohtani econpi kin awanwicayakapi.
24 Unkan Pharoah
cunwintku David totonwe etanhan iyaya, iye ti kin ekta, Solomon kicage cin he;
hehan Millo kaga.
25 Unkan
Solomon w.ihna wošnapi iye Jehovah kicage cin akan, mdoketu iyohi yamni akihde,
wohuhnahyapi, qa wopida wošnapi huhnahya; qa nakun Jehovah itokam wanke cin he
izinya; hecen tipi kin yuStan.
26 Qa wicaštayatapi
Solomon Yetzion Geber, Elot ikiyedan, MdeSa huta akan, Edom makoce ohna wita
wata kaga.
27 Unkan Hiram
iye taokiye, wita wata wicašta miniwauca sdonyapi kin Solomon taokiye om wita
wata kin ohna ye wicaši.
28 Unkan Opir
ekta ipi, qa hetanhan mazaskazi woqin opawinI ge topa sanpa wikcemna nonpa
icupi, qa wicaštayatapi Soloj mon ekta kahipi.
WICAŠTAYATAPI
WOWAPI TOKAHEYA KIN WICOWOYAKE 10.
1 Unkan Seba wicaštayatapiwin
kin Solomon woyakapi kin Jehovah caje kin on, nahon qehan j qa wowiyukcan on
iyute kta en iyu
2 Qawicota
hinca om Jerusalem ekta hi, Kamel taku waštemna', qa mazaskazi nina ota hin
qinpi, nakun inyan tehika, qa Solomon ekta hi qehan taku cante en un kin owasin
okiyaka.
3 Unkan Solomon
taku iwange cin owasin tanyan ayupta, wicoie wicaštayatapi okahnige Šni wanica,
owasin okiyaka.
4 Unkan Seba wicaštayatapiwin
kin Solomon toksape kin, qa tipi kage cin wanyake cehan,
5 Qa tawahna
wotapi woyute kin, qa taokiye token iyotankapi, qa taakicita wowaSi kin, qa
tawokoyakepi kin, qa tawoyatkekiya, qa wohuhnahapi Jehovah ti kin en huhnahye
cin, hena owasin wanyake cehan woniya sanpa en un Šni.
6 Qa wicaštayatapi
heciya, Makoce mitawa ohna nioie on, qa ni toksape on wicoie nawahon kin wicake
ye.
7 Tuka en wahi,
qa Miišta on wannulake šni, hehanyan wicoie kin cetonwahda; tuka inyun hanke
kin omakiyakapi Šni, nitoksape, qa nitowijice wotanin nawahon kin isanpa ye.
8 Wicašta
nitawa tanyan unpi ye, qa nitaokiye nitokam najinpi, qa ohinniyan nitoksape
nahonpi kin tanyan unpi ye.
9 Jehovah Wakan
yada kin yawaštepi ye, he wašte nidake ca Israel oiyotanke kin akan nihna-ke
cin heon etanhan, Jehovah wanakaja tanhan Israel waštedaka; heon woyaco qa
woowotanna ecanon kta e wicaštayatapi nicage ye, eya.
10 Qa mazaskazi
woqin opawinge sanpa wikcemna nonpa qu, qa taku waštemna nina ota hinca, nakun
inyan tehika. Taku waštemna ota hin Seba wicaštayatapiwin kin wicaštayatapi
Solomon qu kin iyecen icimana ahipi šni.
11 Nakun Hiram
tawita wata Opir etanhan mazaskazi ahipi kin hena almug can ota, qa inyan
tehika Opir etanhan ahipi.
12 Unkan wicaštayatapi
kin Jehovah ti kin on, qa wicaštayatapi ti kin on, ipatan kaga, nakun
candowankiyapi, qa canpakinza wadowanpi kin. Almug can kin he iyecen icimana
ahipi šni, qa wanyakapi šni, anpetu kin dehanyan.
13 Qa wicaštayatapi
Solomon Seba wicaštayatapiwin kin taku cin, qa da kin owasin qu, nakun taku
Solomon wicaštayatapi towašake kin iyecen ikce qu. Unkan iye, qa taokiye
ihdamnapi, qa tamakoce kin ekta kihdapi.
14 Unkan
mazaskazi waniyetu wanjidan icunhan Solomon en ahipi kin tkeutapi kin woqin
opawinge šakpe sanpa wikcemna šakpe sanpa šakpe.
15 Wopeton
tanka, qa wopeton cistinna taku kahipi, qa Arab wicaštayatapi kin owasin, qa
makoce itancan kin owasin, taku kahipi kin akton.
16 Unkan wicaštayatapi
Solomon mazaskazi kamdayapi wahacanka tanka opawinge nonpa kaga, wahacanka
iyohi mazaskazi šeqel opawinge Šakpe.
17 Nakun
mazaskazi kamdayapi wahacanka opawinge yamni, mazaskazi tkeutapi yamni
wahacanka wanji iyohi, qa wicaštayatapi kin Lebanon contanka tipi kin en hena
kihnaka.
18 Qa wicaštayatapi
kinoiyotanke tanka wan putehanska hi on kaga, qa mazaskazi ecedan on apawinta.
19 Oiyotanke
kin iyadipi šakpe, qa oiyotanke pa kin ihektam mima qa tukten iyotankapi
anokatanhan nape, qa nape kin icahda mnaja nom najinpi.
20 Qa iyadipi
kin akan mnaja wikcemna sanpa nonpa najinpi, wokiconze owasin ehna taku hececa
kagapi šni.
21 Qa wicaštayatapi
Solomon wakšica iyatke tawa kin owasin mazaskazi, qa Lebanon contanka tipi wakšica
kin owasin mazaskazi ecedan; mazaska wanica: Solomon taanpetu kin en mazaska
ecaca ihaktapi šni.
22 Wicaštayatapi
kin miniwanca ohna Tarsis wita wata yuha, Hiram wita wata tawa om, waniyetu
yamni ca Tarsis wita wata kin wanca hdipi; qa mazaskazi, qa mazaska, qa
putehanska hi, qa kepi, qa zicatanka upi wašte kahdipi.
23 Hecen wicaštayatapi
Solomon tanka wowijice on, qa wokšape on, maka wicaštayatapi kin owasin
kawicape.
24 Unkan maka
kin owancaya, Solomon ite kin akitapi, cante kin en wokšape Wakan tanka qu kin
he nahonpi kta.
25 Qa otoiyohi
taku qupi kin ahipi, mazaska wakšica, qa mazaskazi wakšica, qa wokoyake, qa
wipe, qa taku waštemna, qa šuktanka, qa šonšonna, waniyetu otoiyohi.
26 Unkan
Solomon canpahmihma, qa šuktanka mnayan, qa canpahmihma kektopawinge san-pa
opawinge topa yuha; qa Šuktanka akanyotankapi kektopawinge wikcemna sanpa
nonpa, qa hena canpahmihma otonwe ohna yanke wicakiya, qa Jerusalem ohna wicaštayatapi
kin kici.
27 Qa wicaštayatapi
kin Jerusalem ohna mazaska inyan iyececa kaga, qa hanteSa can nina ota kage cin
on sukamin can Sepele ohna icagapi iyecen kaga.
28 Qa Solomon šuktanka
tawa Egypta etanhan, qa Qowa etanhan hiyuyapi, wicaštayatapi wopeton tawa, Qowa
etanhan iyuwin on hena opetonpi.
29 Qa
canpahmihma wanji mazaska opawinge Sapke on opetonpi, qa Egypta etanhan hiyuyapi,
qa Šuktanka wanji opawinge wanji sanpa wikcemna zaptan on; nakun hena napepi on
Hiti wicaštayatapi owasin on, qa Aram wicaštayatapi on hecen wicakahipi.
WICAŠTAYATAPI
WOWAPI TOKAHEYA KIN WICOWOYAKE 11.
1 Tuka wicaštayatapi
kin Solomon Pharoah cunwintku isakim winohinca oyate tokeca ota wašte wicadaka;
Moabi, Amoni, Edomi, Tzidoni, qa Hiti winohinca.
2 Ikcewicašta
etanhan hena on Jehovah Israel cinca kin hewicakiya, Taku wakandapi oyapapi kta
e awicakehan nicantepi yatitanpi kta, heon hena en yaipi kte Šni, qa hena
niyepi en hipi kte Šni; Solomon hena wašte wicadake kta en ikoyag iciya.
3 Qa winohinca
itancan hecapi opawinge Šakowin yuha, qa winohinca tokeca opawinge yanmi, qa
cante kin tawicu kin yuptanyanpi.
4 Hecen Solomon
wicahinca qehan tawicu kin taku wakan tokeca cpe kta cante kin yuptanyanpi,
hecen cante kin, Jehovah iye wakanda atkuku cante kin iyecen, zaniyan ope šni.
5 Qa Solomon
AStoret Tzidoni wakandapi kin opa iyaya, qa Amoni wowahte Šni kin Milkom opa.
6 Hecen Solomon
taku Jehovah išta kin en šica econ, qa atkuku David iyecen cante kin ocowasin Jehovah
ope Šni.
7 Hehan Solomon
he Jerusalem iwihinanpe cin ekta wanke cin akan paha wanji KemoS, Moab wowahte Šni
kin kicaga,qa Molek Amon cinca wowahte Šni kin on.
8 Qa tawicu
oyate tokeca winyanpi kin owasin on hecen econ, hena taku wakandapi kin
izinkiyapi, qa wakiyušnapi ece.
9 Unkan Jehovah
Solomon canniyeya; nonpa akihde en ihdutanin ešta Jehovah Israel Wakandapi kin
ope cin etanhan cante kin ihduptanyan nakaš.
10 Taku wakan
tokeea ope kte šni oie kin de on wahokonkiya, tuka Jehovah taku econ ši kin
ahope šni.
11 Unkan Jehovah
Solomon heciya, Taku kin de nici un, qa wotakuye mitawa, qa wokage mitawa ope
ciši kin hena ahoyape šni, heon awicakehan wokiconze kin niye etanhan mduhdece
kta, qa nitaokiye wan waqu kta.
12 Tuka anpetu
nitawa en ecamon kte šni, niyate David he on etanhan, tuka nicinkši nape kin
etanhan mduhdece kta.
13 Tuka
wokiconze ocowasin waki kte Šni, mitaokiye David on, qa Jerusalem wakahnige cin
on, wicoun wanjidan nicinkši waqu kta.
14 Unkan Jehovah
toka wan Solomon anajin kiva, Hadad Edomi kin, Edom wicaštayatapi cinca kin
etanhan.
15 David Edom
niakoce en un qehan, qa Joab ozuye mdetanluinka kin tona ktepi kin wicahnake
kta itanwankahde i, qa Edom ohna tona wica kin owasin wicakte qehan;
16 Wj šakpe
Joab hen yanka, qa Israel owasin om, Edom ohna wica kin owasin wicakte kin
hehanyan.
17 He icunhan
Hadad najica, qa Edomi wicašta wanjiksi atkuku taokiye wicaya opapi, qa Hadad
nahanhin hokšidan cistin, na Egypta ekta iyaya.
18 Qa najinpi,
qa Midian etanj han, Paran ekta ipi,qa hetanhan; Paran wicašta om iyayapi, qa Egypta
ekta ipi; Egypta wicaštayatapi kin Pharoah ekta. Unkan tipi qu, qa woyute qupi
kta keya, qa maga qu.
19 Unkan Hadad Pharoah
nina iyokipi. Unkan tawicu tankaku qu, Tahpenes wicaštayatapiwin tankaku.
20 Unkan Tahpenes
tankaku cinhintku Genubat kiciton, Tahpenes he azin ayastan kiya, Pharoah ti
kin ohna; unkan Genubat Pharoah cinca kin wicehna Pharoah ti kin ohna yanka.
21 Unkan David
hunkake wicaya om istima, qa Joab ozuye mdetanhunka te cin Hadad mtl'mn qehan,
Kihde masi, hecen makoce mitawa ekta wahde kta ce, Hadad Pharoah eciya.
22 Unkan Pharoah
heciya, Tuka taku inicakija he? on inyun niye makoce nitawa ekta yahde kta
yacin. Unkan takudan šni, tuka, Hecasta kihde mayan wo, eya.
23 Nakun tpka
ye kta Wakantanka Rezon Ehada cinhintku anajin kiya. lye itancan tawa Hadadezer
Tzoba wicaštayatapi kin etanhan najica.
24 David
wicakte qehan, iye wicašta nmawicaya, iye ekta, qa ozuye mdetanhunka ieicaga,
qa Damascus ekta i, qa hen iyotankapi, qa iye Damascus ohna wicaštayatapi un.
25 Qa Solomon
taanpctu owasin Israel toka ya, qa Israel wahteda šni, qa Aram idaka; Hadad
taku šica econ iyahna.
26 Xakun Jeroboam
N'ebat cinhintku, Eprati, Tzereda etanhan, qa hunku wiwazica Tzciuya eciyapi,
Solomon taokiye; tuka wicnslayalapi en nape apaba.
27 Qa wicoie on
wicaštayatapi en nape apaba kin dee, Solomon atkuku David totonwe aconkaške ye
kta e Millo kage cehan,
28 Jeroboam wicašta
kin wasaka, wicašta waditaka, qa Solomon koška
kin wohtani econ kin wanyaka,
heon Joseph tiyohnaka woqinpi kin owasin awanyag kiya.
29 Unkan hehan Jeroboam
Jerusalem etanhan inanpa ca Ahija Siloni kin waayate kin he akipa, canku kin
ohna, qa sina teca wan hdowin, qa hena osnana sakim tinta ohna yakonpi.
30 Unkan Ahija
ina teca hdowin kin hduza, qa hduhdehdeca, onspa wikcemna sanpa nonpa.
31 Qa Jeroboam
heciya, Niye on onspa wikcemna icu wo; Jehovah Israel Wakandapi kin hecen eya,
Inyun miye wokiconze kin Solomon nape kin etanhan mduhdece kta, qa wicoun
wikcemna cicu kta.
32 Tuka
mitaokiye David on, qa Jerusalem otonwe Israel wicoun owasin etanhan wakahnige cin
on, iye wicoun wanji yuhe kta.
33 Miye amayuštanpi,
qa Asto-ret Tzidoni wakandapi kin, Kemos Moab wakanda kin, qa Milkom Anion
cinca wakandapi kin, hena ohodapi, qa taku Miišta kin en ecetu kin, qa wokage
mitawa, qa woyaco mitawa econpi šni, atkuku David econ qon iyecen heon etanhan.
34 Tuka
mitaokiye David wakahnigc cin on, qa iye woahope mitawa, qa wokage mitawa ope
cin heon wokiconze ocowasin iye nape kin etanhan iwacu kte šni, qa tohanyan ni
kin anpetu owasin itancan wakaga.
35 Tuka
citihintku nape etanhan wokiconze kin iwacu kta, qa wicoun wikcernna cicu kta.
36 Qa wicoun
wanji iye cinhintku waqu kta, hecen mitaokiye David anpetu owasin mitckam
petijanjan yuhc kta, Jerusalem otonwe micaje hen yanke kte wakahnige cin he
ohna.
37 Qa niye
wawiyadake kta e cicahniga, ninagi cin kin owasin iyecen. qa wicaštayatapi
henica kta, Israel iwankam.
38 Qa taku econ
cisi kin owasin nayahon kinhan, qa mitacanku kin omayani, qa taku Miišta en
ecetu ecanon,qa wokage mitawa, qa woahope mitawa oyape cinhan, mitaokiye David
econ qon he iyecen, miye cici waun kta, qa tipi suta wan cicicage kta, David
wecage cin iyecen, qa Israel cicu kta.
39 Qa taku kin
de on David cinca kin kakis waye kta, tuka anpetu owasin kte šni.
40 Unkan
Solomon Jeroboam teye kta akita; unkan najica Egypta ekta, Sisaq Egypta wicaštayatapi
kin ekta, qa Solomon te šni kin hehanyan Egypta ohna yanka.
41 Unkan
Solomon oie tokeea kin, qa taku econ kin owasin, qa toksape kin hena owasin
Solomon wicoie wowapi en owapi šni he?
42 Unkan
Solomon Jerusalem ohna Israel owasin iwankam wicaštayatapi un kin waniyetu
wikcernna topa anpetu kin hehanyan.
43 Hehan
Solomon hunkake wicaye cin om istima, qa atkuku David totonwe kin ohna hnakapi;
unkan iye heekiya cinhintku Rehoboam wicaštayatapi un.
WICAŠTAYATAPI
WOWAPI TOKAHEYA KIN WICOWOYAKE 12.
1 Unkan Rehoboam
Šechem ekta i, Israel owasin wicaštayatapi kagapi kta e Šechem en mniciyapi nakaš.
2 Unkan Jeroboam
Nebat cinhintku nahon, iye nahanhin Egupta ohna un, heciya wicaštayatapi
Solomon itokapa tanhan najica qon heon Jeroboam Egypta en yanka.
3 Unkan
wahoyapi qa kicopi. Unkan Jeroboam, qa Israel omniciye ocowasin hiyupi, qa
iapi, qa Rehoboam heciyapi;
4 Niyate wicin
tehika unkicagapi, heon niye wanna wohtani tehika, qa woqin tke niyate qin
unkiyapi kin unkiciyukapojepidan po; kinhan wowidag unyayapi kta.
5 Unkan
hewicakiya, Kihda po, anpetu yamni hehanyan, qa ake en mau po. Unkan oyate kin
kihdapi.
6 Unkan wicaštayatapi
kin Rehoboam wicahinca iye atkuku ni qehan itokam najinpi qon hena om iyukcan,
qa heya, Oyate kin de wicoie wicunqupi kta token idukcanpi he?
7 Unkan iapi qa
heciyapi, Nakaha oyate kin de taokiye nicicaga, qa owicayakiye ca awicadupte ca
wicoie skuya ewicayakiye ciiihan, anpetu owasin ookiye wicaduhe kta.
8 Tuka wicahinca
wowiyukcan iyukcanpi kin he ayuštan, qa koška
iye kici icagapi, qa itokam
najinpi iyukcan wicaši.
9 Qa
hewicakiya; Oyate kin de hemakiyapi, Canwanapin niyate napinunkiyapi kin
yukapojedan unkiya po, eyapi, token awicunyuptapi kta unkiciyukcan po.
10 Unkan koška
iye kici icagapi iapi, qa heciyapi; Oyate kin de iapi qa, Niyate canwanapin tke
unkicicagapi kin he yukapojedan unkiya po, eniciyapi kin hecen ewicayakiye kta;
Miš aste ate nite kin isanpa soke kta.
11 Qa ate
canwanapin tke wanna yuhe niciyapi kin miye canwanapin isanpa tke cicicagapi
kta. Ate canšakadan on nicapsintapi, qa miye tehmiš o okaskeske on cicapsintapi
kta.
12 Unkan anpetu
iyamni en Jeroboam, qa oyate owasin Rehoboam en hipi, wicaštayatapi kin ie
ciqon iyecen. Anpetu iyamni ake en mau po, eye cin.
13 Unkan wicaštayatapi
kin tehiya oyate kin awicayupta, wicahinca wowiyukcan iyukcanpi kin ayuštan.
14 Qa koška iyukcanpi
kin iyecen ie ca hewicakiya; Ate nitewaqinpi yutke, qa miye nitawaqinpi sanpa
tke wakage kta: ate canšakadan on nicapsintapi, qa miye tehmiš o okaskeske on
cicapsintapi kta.
15 Hecen wicaštayatapi
kin oyate kin nawicahon šni; woyuhomni kin de Jehovah etanhan, oie kin Jehovah
Ahija Siloni kin nape on Jeroboam Nebat cinhintku eciye ciqon hduecetu kta
heon.
16 Unkan wicaštayatapi
kin nawicahon šni, Israel owasin wanyakapi; heon'oyate kin wicaštayatapi
ahoyeyapi, qa heyapi, David en wopamni unhapi kin tuktee he? qa Jesse cinhintku
en takudan tawaunyanpi šni, Israel nitawakeyapi ekta hda po. David yati kin
awanyaka wo. Unkan Israel tawakeyapi ekta hdapi.
17 Unkan Israel
cinca tona Judah tonwanyanpi kin en hpi kin hena Rehoboam iwicadaka.
18 Unkan wicaštayatapi
kin Rehoboam Adoram womnaye itancan kin ye si; unkan Israel inyan on kininpi.
hecen ta, heon wicaštayatapi kin Rehoboam Jerusalem ekta najice kta inahnivan
tacanpahmihmaakan iyotanka.
19 Unkan Israel
David tiyohnaka kin kipajinpi, anpetu kin dehanyan.
20 Qa Israel
owasin Jeroboam hdi nahonpi qehan, wahoyapi, qa omniciye ekta kicopi; qa Israel
owasin iwankam wicaštayatapi kagapi; tuwedan David ti kin opapi ni, Judah
wicoun kin heceedan.
21 Unkan Rehoboam
Jerusalem en hdi, qa Judah tiyohnaka kin ocowasin, qa Benjamin wicoun kin, wicašta
kahnigapi kektopawinge opawinge sanpa kektopawinge wikcemna šahdogan mniciye
wicaya, ozuye kage kta, wokiconze kin Rehoboam Solomon cinhintku en hdikiye kta
on, Israel azuwicaye kta.
22 Unkan Wakantanka
oie kin Šemaja wicašta wakan kin en hi qa heciya,
23 Rehoboam
Solomon cinhintku Judah wicaštayatapi kin, nakun Benjamin, qa Judah tiyohnaka
owasin, qa oyate okaptapi kin wahokon wicakiye ca heya wo,
24 Jehovah
hecen eya, Nihunkawanjipi Israel cinca kin ekta dapi kte šni; qa wicayakizapi
kte šni. Otoiyohi.kib.da po. Wicoie kin de miye etanhan. Unkan Jehovah oie kin nahonpi,
qa yapi kin etanhan kihdapi, Jehovah ie cin iyeeen.
25 Unkan Jeroboam
Šechem kaga, Ephraim he kin ohna, qa he ohna iyotanka, qa hetanhan iyaye ca
Penuel kaga.
26 Unkan Jeroboam
cante mahen heya, Nakaha wokiconze kin David tiyohnaka en hde kta.
27 Oyate kin de
wošnapi kagapi kta Jehovah ti kin ekta, Jerusalem en yapi kinhan, oyate kin de
cantepi kin itancan tawapi kin Rehoboam Judah wicaštayatapi kin ekta hde kta;
hecen maktepi kta, qa itcnoboyam Judah wicaštayatapi kin en hdapi kta.
28 Heon wicaštayatapi
kin wiyukcan, qa mazaskazi ptejicadan nom kaga, qa hewicakiya, Jerusalem ekta
dapi kin he tehan. Iho Israel taku wakan yadapi Egypta niakoce etanhan hdinanpe
niyanpi dena ee.
29 Unkan wanji Bethel
en ehde, qa unman Dan en ehde.
30 Unkan wicoie
kin de wantani wicaya, qa oyate kin wanji ohodapi kta e Dan hehanyan ipi.
31 Unkan paha
akan tipi kaga, qa oyate ikceka etanhan wawayušna kaga, Levi cinca etanhanpi šni.
32 Qa Jeroboam
wi isahdagan wi anpetu iake zaptan kin en omniciye wakan kaga ece; omniciye
wakan Judah ohna he iyececa, qa wahna wošnapi akan wayustia, Bethel ohna hecen
econ, qa ptejicadan kage ciqon wawicakiyusna, nakun paha kage cin on wawayušna
kin Bethel ohna yanke wicagi.
33 Qa wahna wošnapi
Bethel ohna kage ciqon akan wayusna, wi išahdogan anpetu wikcenina sanpa zaptan
kin en, wi iye cinka kahnige cin en, hecen omniciye wakan Israel cinca kin
wicakicaga, qa wahna wošnapi kin akan wizice izinya.
No comments:
Post a Comment