Woope Itakihna (Deuteronomy) 1-20 Dakota Wowapi Wakan Kin Dakota Language Bible

WOOPE ITAKIHNA. (Deuteronomy)

WICOWOYAKE 1.

 1 Jordan oiyuwege ekta, hewoskan en, omdaye puza ohna, Mdesaiyotakonza, Paran qa Topel qa Laban qa Hatzerot qa Dizaba otahedan, wicoie Moses Israel owasin ewicakiyadena ee.

2 Iloreb qa Kadeš Barnea otahedan, Seir he kin canku oiyahde kin, anpetu akewanji omani.

3 Unkan waniyetu iwikcemna topa kin en, wi iakewanji en, wi anpetu tokaheya kin en, he ehan, Moses token Jehovah eye si kin owasin iyecen ewicakiya.

 4 Sihon Amori tawicaštayatapi Hesbon en ounye ciqon, qa Og Basan en wicaštayatapi Asterot en Edreyi ohna ounye ciqon; hena wicakaštaka iyohakam

5 Moab makoce en, Jordan oiyuwege ekta, Moses woope kin de tokaheya owicakiye ca heya;

6 Horeb he kin en Jehovah Wakan vmdapi kin unkokiyakapi, qa heunkiciyapi, He kin de en ounyayapi kin wanna henakeca.

 7 Ihdamnapi, qa Amori tafie kin heciya ihdakapo, qa makoce kin he en ikiyedan owancaya, Araba kin, qa he kin, qa makoce hukuya kin, qa Itokaga kin, qa miniwanca huta kin, Caanant tamakocepi kin, qa Lebanon he kin, wakpa tanka Yuperat Wakpa kin hehanyan.

8 Wanyakapo, makoce kin nitokam ewahde kin he en ipi, qa tawayapo; makoce kin he nihunkakepi Abraham, qa Isaac, qa Jacob Jehovah wicaqu kta; kewicakiye ciqon; qa cincapi ' kin hena iyohakam koya.

 9 He ehan heciciyapi, Mišnana owasin ciyuhapi owakitpani ce.

10 Jehovah Wakan yadapi kin he wanna niyuotapi, qa anpetu kin de wicanhpi iyenakeca winicotapi.

11 Jehovah nihunkakepi Wakan dapi kin kektopawinge akihde nakun sam iyeya niyuotapi, qa niyawaštepi nunwe; iwahoniyanpi qon he iyeeen.

12 Nitohtanipi, qa nitawaqinpi, qa waayakinicapi kin, hena tokiya tanhan mišnana mduha kta owakihi kta he?

13 Wicašta ksapa, qa wokahniga, qa okitaninpi, wicoun nitawapi on kahnigapo, unkan hena itancan cicagapi kta.

14 Unkan amayaduptapi qa, Taku ehe cin hecen econpi wašte ehapi;

15 Hecen nitawicoun itancanpi wicašta ksapa, qa okitaninpi iwicawacu qa hena wicaštayatapi cicagapi; kektopawingege itancan, qa opawingege itancan, qa wikcemna zaptanptan itancan, qa wikcemnamna itancan, qa nitawicounpi on wowapi kagapi.

16 Qa he ehan wicašta wayaco nitawapi kin wahokonwicawakiye ca hewicawakiya, Nihunkawanjipi wakinicapi kin nahonpi, qa owotanna wayacopo, wicašta sunkaku kici, qa tuwe tokeca kici un koya.

 17 Wica ta owanyakapi eciya3 tanhan iciyapi šni po; wayacopi en cikcistinpidan tankinkinyanpi ko akidecen anawicagoptanpo. Ihnuhati wicašta ite on wakoyakipapi kin; woyaco kin he Wakantanka tawa. Qa woakinice tons tehike yadapi kin hena mitokam ayaupi kta,kinhan anagoptan manke kta ce.

18 He ehan taku owasin token ecanonpi kta eciciyapi.

19 Hehan Horeb etanhan unkihdakapi, qa hopuza tanka, qa wikopapi kin he ohna maunnipi, Amori tal'ie canku iyahde kin he ohna, Jehovah Wakantanka unkitawapi hecon unsipi kin he iyecen, qa Kadeš Barnea heci vinkipi.

20 Unkan heciciyapi, Amori tahe Jehovah Wakan undapi kin unqupi kin he wanna ekta yakipi ce.

21 Wanyaka wo, Jehovah Wakan yada kin makoce kin de nitokain ehnaka. Iyadi qa tawa ya wo, Jehovah hunkake wicayaye cin Wakan dapi eniciye cin he iyecen. Ihnuhan koyakipe ca ininihan kin.

 22 Hehan niyepi owasin mikiyedan yahipi qa hehapi; Wicašta unkitokam ye wicunsipi kta, unkan makoce kin iwanyakapi kta, qa canku tukte ohna itanwankahde unyanpi kte cin he hosi unkahdipi kta, otonwe en unyanpi kte cin he nakun.

 23 Unkan wicoie kin he iyomakipi, he etanhan wicašta akenonpa enitanhanpi iwicawacu, wicoun otoiyohi wanjiksi iwicawacu.

 24 Unkan iyayapi, qa he kin itanwankahde yapi, qa Eskol kaksiza kin en ipi, qa he iwanyakapi.

25 Qa makoce kin he etanhan waskuyeca napepi ohna icupi, [ qa unkahdipi, qa wahosi unkahdipi qa. Makoce Jehovah wakan | undapi unqupi kin he wašte ce ! eyapi. |

26 Tukaitan wankahde yapi kta tawatenyayapi šni, qa Jehovah wakan yadapi kin i kin yakipajinpi.

27 Qa tuwe wakan yadapi kin iyahnupi, qa nitawakeyapi ohna hehapi, Jehovah Šice undakapi heon Egypta makoce etanhan deci inanpe unyanpi, qa Amori napcpi kin en unqupi kta, qa ihang unyanpi kta.

28 Tukte en itanwankahde unyanpi kta he? Oyate kin ho wicota, qa unkikapeya tankapi. Otonwe tankinyanyan, qa ihduksan conkastie tehanwankatuya mahpiya ekta aiyahdeya, qa nakun Anaqim cincapi kin hen wanwicunyakapi, hunkawanjin unyanpi eya hdipi, qa cante skan unyanpi ce, ehapi.

 29 Unkan heciciyapi, Ihnuhan ininihanpi, qa kowicayakipapi kin.

30 Jehovah Wakan yadapi kin, qa tokanicihan mani kin he iye niyepi on kize kta; Egypta ohna nistapi itokam ecaniconpi qon owasin he iyecen.

31 Qa hopuza ohna wicašta cinca kicin kin he iyecen Jehovah wakan yada kin nicin, canku omayanipi kin owasin ecen deciya yahipi kin he wandaka.

32 Tuka taku kin de en Jehovah Wakan yadapi kin cetunyahdapi.

33 Iye qe oweti anicicitapi kta, qa canku nicipazopi kta, hanyetu eca peta ohna nitokam mani, qa anposkan eca mahpiya ohna.

34 Hehan Jehovah nioiepi ho kin nahon, qa caute ptanyeiciye, qa wakonze ca heya;

35 Nihunkakepi makoce wašte kin wicawaqu kta konza kewica-

kiye ciqon wicoicage šice cin de etanhan tuwedan wanyake kte šni.

36 Caleb Jepune cinhintku kin heceedan wanyake kta, qa iye cinca ora makoce omani qon he wicawaqu kta. Iye ohinniyan Jehovah ihakam mani nakaš.

37 Nakun niyepi on Jehovah canniyemaye ca, Nis eya he en idade kte šni emakiya.

38 Tuka Jošua Nun cinhintku kin nitokam najin kin he heci i kta; iyopastaka wo, makoce kin he iye Israel wicakipamni kta nakaš.

 39 Nakun šiceca nitawapi kin, henawayaka unpi kta kehapi, qa nicincapi anpetu kin de en taku wašte qa taku šica ko sdonyapi šni heci ipi kta, qa he wicawaqu kta, qa hena tawa yapi kta.

40 Tuka niyepi ihdamnapi, qa hewoskantuya Mdesa canku kin ohna ihdakapo.

41 Hehan aduptapi qa hemayakiyapi; Jehovah en waunhtanipi. Itanwankahde unyanpi, qa token Jehovah wakan undapi econ unsipi kin owasin iyecen unkizapi kta, qa otoiyohi wipe ipiyag yakitonpi, qa he akan yaipi kta tuka.

 42 Unkan Jehovah hemakiya, Ihnuhan itanwankahde dapi qa yakizapi kin; hecen toka niyanpi itokam nicatapi kte šni, ewicakiya wo.

43 Unkan hecen eciciyapi, tuka nayahonpi šni, qa Jehovah i kin yakipajinpi, qa wahan nicidapi, qa he kin he akan yaipi.

44 Unkan Amori he kin he en yakonpi kin nitkokim hinanpapi, qa nicuwapi, tuhmaga econpi kin iyecen, qa Sehir ohna nicakaštakapi ftorma ekta hehanyan.

45 Hehan yahdipi qa Jehovah itokam yaceyapi, tuka Jehovah nihopi nanihonpi, šni, qa anohniciyapi šni.

46 Unkan Kadešš en anpetu ota ounyayapi anpetu en yaunpi "kin iyenakeca kin.

WOOPE ITAKIHNA WICOWOYAKE 2.

 1 Hehan unkihdamnapi, qa hopuze cin en, Mdesa canku kin ohna unkihdakapi, Jehovah emakiye cin iyecen, qa Sehir he kin ihdukšan maunnipi anpetu ota

2 Unkan Jehovah omakiye ca heya,

 3 He kin de ihdukšan yaunpi kin wanna tehan; Waziyatakiya hdapo.

 4 Qa oyate kin wahokonwicakiye ca heya wo, Esa cinca hunkawanjin wicayayapi Sehir en yakonpi kin tamakocepi icahda idadapi kta, qa konicipapi' kta, heon nina awanihdakapo.

5 Ihnuhan wicayakizapi kin, Sehir he kin he Esa tawaye kta waqu; makoce kin he etanhan napapasdecapi wanjidan cicupi kte šni.

 6 Woyute tawapi kin mazaska iyopeyayapi qa yatapi kta, qa nakun mini mazaska iyopewicayakiyapi qa datkanpi kta ce.

7 Ninape on niohan kin owasin Jehovah Wakan yada kin niciyawašte, nopuza tanka kin de omayani kin he sdonya; Jehovah Wakan yada kin waniyetu wikcemna topa nici un kin hena en takudan inicakije šni.

 8 Unkan Esa cinca hunkawanjin unyanpi Sehir en yakonpi etanhan unkiyayapi, Araba canku kin etanhan Elat qa Etzeon Geber ko etanhan, hehan unkihdamnapi qa Moab makomdaye canku kin ohna unkupi.

9 Hehan Jehovah hemakiya, Ihnuhan Moabi iyokisin wicayaye cin, qa ihnuhan wokicize on wicayakize cin, makoce tawapi eta"nhan tawayaye kta e onspadan cicu kte šni nakaš, Lot cinca kin tawayapi kta wanna wicawaqu heon etanhan.

 10 Hena itokam Kmim hen ounyanpi, oyate wan wicotapi, qa tanka, qa hanskapi Anaqim iyewicacecapi.

 11 Hena Anaqim iyecekcecapi waziya wicayawapi, tuka Moabi kin Emim ewicakiyapi.

12 Unkan ebanna Hori kin Sehir en yakonpi, tuka Esa cinca kin nape wicayapi, qa wicakasotapi, qa is ito en yakonpi; Israel makoce tawayapi kta Jehovah wicaqu ecakiconpi kin he iyecen.

13 Wanna najinpo, qa Zered wakpadnu kin iyuwegapo, eya, unkan Zered wakpadan kin unkiyuwegapi.

 14 Unkan Kadeš Barnea etanhan maunnipi, qa ecen Zered wakpa unkiyuwegapi anpetu kin waniyetu wikcemna yamni sanpa sahdoyan hehanyan unyakonpi, wicoicage kin he wicašta zuyapi qon wicoti cokaya tanhaNoahsin sotapi, Jehovah wicakonze ca ewicakiye ciqon he iyecen.

15 Unkan heon Jehovah nape kin iyahdaskin wicaye ca ihang wicaya, wicoti cokavatanhan ecen wicakasota.

16 Unkan oyate kin hetanhai: ozuye wicašta qon owasin tapi, qa sotapi kin wanna hiyohi.

17 Hehan Jehovah omakiye ca heya.

18 Anpetu kin de Ar kin Moabi makoce ihanke kin opta idade kta.

19 Nakun Amon cinca makoce ihanke ikiyedan idade kta. Ihnuhan toka wicayaye cin, qa ihnuhan wicayakize cin; Amon cinca tamakocepi etanhan tawa yaye kta takudan cicu kte šni, Lot cinca kin he tawayapi kta wicawaqu nakaš.

20 Eya itokam makoce kin he Waziya tamakocepi kin eciyapi, ehanna Waziya be en ounyanpi, qa Amoni kin Zamzumim caje wicayatapi.

21 Oyate kin he tanka, qa wicota, Anaqim iyecekcecapi; tuka Jehovah wicitokam ihang wicaya, qa hecen he tawayapi, qa hena eekiya en ounyanpi ece.

 22 Hecen Esa cinca Sehir en ounyanpi ecawicakicon, wicitokam Hori kin ihang wicaya, qa tawayapi kta wicaqu qon, qa iS ito hehantanhan anpetu kin de dehanyan ounyanpi.

 23 Nakun Awim kin Hatzarim (otonwe) en ounyanpi qon, Gaza etu; tuka Kaptorim Raptor etanhan upi, qa ihang wicayapi, qa is ito hen ounyanpi.

24 Najinpi ibdakapo, qa Arnon wakpa kin iyuwegapo. Wan Hesbon en wicaštayatapi Sihon Amori kin tamakoce kin koya ninape en iyohpe ciciya. Tawayaye kta inahni wo, azuya qa kiciza wo.

 25 Anpetu kin detanhan nicaje kin wowinihan, qa wokokipe oyate mabpiya owancaya ihukuya yakonpi ahinnpaye wicawaye kta, hena caje niyatapi nahonpi eca cancanpi kta, qa niye on hanyanpi kta.

26 Unkan Qedemot hopiiza kin etanhan wahosi Sihon Hesbon en wicaštayatapi ektayewicawasi, qa wokiyapi wicoie hewakiya.

27 Nitamakoce kin opta mde kte, cankuku ohna mawani kta, etapa tanhan qa catka tanhan, unmanna eaiyatanhan mde kte šni, iyowin makiya wo.

28 Woyute mazaska on mayaqu kin he wate kta, qa nakun mini mazaska on mayaqu kta unkan mdatke kta. Opta mawani kta ecedan iyowin makiya wo.

29 Esa cinca Sehir en ounyanpi, qa Moabi Ar en ounyanpi kin ecamiconpi kin he iyecen, ecen Jordan iniduwege kta, qa Jehovah wakan undapi makoce wan unqupi kin he en mde kta ce.

 30 Tuka he unkiyoptapi Sihon Ilesbon en wicaštayatapi kin iyowin unkiyapi šni; Jehovah wakan yada kin he ninape en onihnake kta, anpetu kin de iyecen, heon toksape kin kiyusuta, qa cante kin kipatin nakaš.

31 Unkan Jehovah hemakiya. Wan, detanhan Sihon tamakoce koya cicu ce; tamakoce tawayaye kta e inahni wo.

32 Unkan Sihon, taoyate owasin om hinanpe ca unkizapi kta .Tahatz en itkounkipapi.

 33 Tuka Jehovah Wakan undapi kin he unqupi, unkan iye qa, cinca kin, qa taoyate kin owasin wicunkaštakapi.

34 Qa hehan otonwe tawa owasin unkicupi, qa otonwe owasin, wicašta qa winohinca qa slceca ocowasin ihang wicunyanpi, tuwedan niyake unkokaptapi šni.

 35 Tuka wanunyanpi kin unhapi kta e unkicupi, qa nakun otonwe unkicupi, woyuha kin hen.

36 Aroer Amon wakpa, qa otonwe wakpa ohna he cin he tanhan Gilead aiyahdeya, otonwe unkiyepi etanhan niiciye wanica, Jehovah Wakan undapi kin hena owasin unqupi.

37 Tuka Anion cinca tamakocepi kin ekta yai Šni; Jaboq wakpa icahtake cin he ocowasin, qa he akan otonwe kin, qa otonwe tona Jehovah wakan undapi kin tehinda owasin.

WOOPE ITAKIHNA WICOWOYAKE 3.

 1 Hehan unkihdamnapi, qa Basan canku kin ohna itanwankanhdeunyanpi. Unkan Og Basan en wicaštayatapi inanpa, iye qa taoyate owasin om, Edreyi ekta unkicizapi kta takpe unkupi.

 2 Tuka Jehovah hemakiya, Ihnuhan he koyakipe cin. Iye qa taoyate owasin tamakoce koya ninape en iyohpe ciciye, Sihon Hesbon en wicaštayatapi token ecayecon kin be iyecen ecawicanon kta.

 3 Unkan Jehovah wakan undapi kin Og Basan en wicaštayatapi, nakun taoyate owasin otn unnapepi en unqupi, unkan wicunkaštakapi ecen etanhan tuwedan okaptapi šni.

4 Unkan he ehan otonwe tawa owasin unkicupi, Og Basan en wicaštayatapi, Argob makoce wowidag yecin otonwe wikcemna šakpe; conkaške  unkicupi šni wanica.

 5 Otonwe kin hena owasin conkaške  tehanwankantuya, qa tiyopa kin inatagtonpi, qa nakun otonwe conkaške  codan ota ninca.

 6 Hecen ocowasin ihang wicunyanpi, flesbon en wicaštayatapi Sihon ecaunkiconpi qon iyecen, otonwe owasin wicašta winohinca šiceca koya ocowasin ihang wicunyanpi.

7 Tuka wanunyanpi owasin, qa otonwe woyuha kin unhapi kta e unkicupi.

 8 Qa he ehan Amori wicaštayatapi nonpa, Jordan itato yakonpi qon, napepi etanhan makoce kin unkicupi, Amon wakpa-dan etanhan ftermon he kin aiyahdeya.

9 fiermon he kin Tzidoni Siriyon tuku Amori kin Sinir eci

10 Makomdaye otonwe owasin, qa Gilead ocowasin, qa Basan Salka, qa Edreyi aiyahdeya; Og Basan en otonwe wowidag wicaye cin hena.

11 BaSan wicaštayatapi Og išnana waziya etanhan ni, tohe kin mazasapa ohehdepi kin heca dehanyan wanyakapi, Anion cinca otonwe tawapi Raba ohna, ohanske cin wicišpa napcinwanka, qa hdakinyan wicišpa topa, wicawicispa.

12 He ehan makoce kin he tawaunyanpi, Aroyer Arnon wakpa icahda he cin hetanhan, qa Gilead hanke, qa otonwe kin koya Reubeni Gadi kici wicawaqu.

13 Qa Gilead okaptapi kin he, qa Basan ocowasin, Og wowidag ye ciqon Manasseh wicoun hanke wicawaqu; Argobmakoce ocowasin, Gilead makoce ocowasin kici Waziya tamakocepi eciyapi.

14 Manasseh cinhintku Jair Argob makoce kin ocowasin icu, Gisuri kin qa Maakati tamakocepi kin ekta, qa iye caje kin on Basan Jair totonwe caskiton, anpetu kin de hehanyan.

15 Qa Makir is Gilead waqu.

16 Qa Reubeni qa Gadi kin Gilead etanhan Arnon wakpa kin hehanyan, wakpa cokaya, qa makoce kin, qa ecen Jaboq wakpa kin, Anion cinca tamakocepi ihanke kin hehanyan.

17 Qa omdaye puza, qa Jordan qa makoce Kinneret etanhan omdaye puza mde, Miniskuya mde kin hee, Asdot (Kaduzyapi)Pisgahe kin ihukuya, hehanyan. |

18 Unkan he ehan wahokon I ciciyapi, qa hepa, Jehovah Wakan yadapi kin makoce kin de nicupi, tona wanisakapi owasin wipe kiton Israel cinca hunkawanjinwicayayapi wicitokam idadapi kinhan tawayayapi kta.

19 Tuka nitawinpi qa šiceca nitawapi, qa nitawanunyanpi, (wanunyanpi ota dnhapi sdonwaya,) otonwe nitawapi cicupi kin hena ohna yakonpi kta.

20 Jehovah oziniyanpi kin he iyecen nihunkawanjipi oziwicaye cin hehanyan; qa is eya makoce Jordan akasanpa, Jehovah wakan yadapi kin wicaqu kin he tawayapi kta hehanyan, qa hehan nis tawayayapi kta cicu kin en i otoiyohi yahdipi kta. 1

 21 Unkan hehan Jošua wahokonwakiye ca hepa, Wicaštayatapi kin henaos Jehovah wakan yada kin token ecawicakicon kin he niišta kin on wandaka, wokiconze ekta yai kte cin hena owasin he iyecen ecawicakicon kta.

22 Kowicakipe šni wo, Jehovah wakan yada kin he niyepi on wicakize kta. 23 Unkan he ehan Jehovah ce wakiye ca hepa;

24 Itancan Jehovah nitanka qa ninape wašaka kin he wowidag mayaya wanna onspa mayakidutanin, Mahpiya ekta qa maka akan tuwe wakan wašaka, nitowašake iyecen, qa woecon ecanon kin iyecen econ okihi he?

 25 Tokin akasanpa mde kten, qa makoce wašte Jordan akasanpa yanke cin, qa he wašte kin he, qa Hbanon wanmdake kten.

26 Tuka niyepi on Jehovah canniye mayan, qa anamagoptan šni, qa Jehovah hemakiya, Henakeca kta, Ihnuhan wicoie kin he iyececa emayakiye cin.

27 Pisga paha kin adi wo, qa niišta wankan ikikcu, Wiyohpe yatakiya. Waziyata kiya. Itokaga kiya, qa Wiyohiyanpatakiya, henakiya niišta kin on wanyaka wo; Jordan wakpa kin de iduwege kte šni ce.

28 Tuka Jošua hee wahokonkiya wo, qa yasnta, qa iyopastaka wo; lye oyate kin de wicitokam akasanpa ye kta, qa makoce wandake kte cin he tawa wicakiye kta.

29 Unkan Gia (Osmaka) ohna Bet Peor (Peor ti kin) iyotakons unkiyotankapi.

WOOPE ITAKIHNA WICOWOYAKE 4.

 1 Heon nakaha Israel wokage qa woyaco onspeciciyapi kin nahonpo, qa econpo; hecen yanipi kta, qa makoce Jehovah niyatepi Wakan dapi kin he wicaqupi en yaipi qa tawayayapi kta.

2 Wicoie ociciyakapi kin de takudan ayakagapi kte šni, qa nakun aopten yakagapi kte šni, tuka wokage Jehovah Wakan yalapi tawa kin ope cišipi kin hena oyapapi kta.

3 Jehovah Baal Peor on token econ kin he niištapi wanyakapi, Jehovah Wakan yada kin wicašta tona Baal Peor opapi qon owasin niyepi ehna tanhan awihnuni wicaya.

 4 Tuka niyepi tona Jehovah Wakan yadapi kin sutaya duzapi kin owasin, anpetu kin de nahanhin yanipi.

5 Wanyaka wo, makoce wan tawayayapi kta en yaipi kinhan, token ecanonpi, wokage qa woyaco onspeciciyapi, Jehovah Wakan wada econ masi kin he iyecen,

6 Hena duhapi, qa ecen ecanonpi kta, hecen yaksapapi qa widukcanpi kta, oyate tona wokage kin dena owasin nahonpi kin hena wanniyakapi qa, oyate tanka kin de išnana ksapapi qa wiyukcanpi eniciyapi kta.

7 Jehovah Wakan undapi taku hoyeunkiyapi owasin on unkikiyedan icihnake cin he iyecen oyate tanka wan tuktee he, taku wakan dapi kin wicikiyedan un he?

8 Qa woope kin de nakaha nitokam ecicihdepi km owasin iyecen, oyate tanka tukte wanji he iyecen wokage qa woyaco yuhapi he?

 9 Tuka niye itonicipa wo, qa ninagi nina itonkipa wo, okini wicoie niišta wanyake cin ayektunja nunce. Nakun he nicinca qa nicinca cincapi kin sdonye wicayakiye kta, he ihnuhan nicante ehpeye cin tohan yani kin hehanyan.

10 Horeb ekta Jehovah Wakan yada itokam nayajin qon, anpetu kin he en Jehovah hemakiya, Oyate mitokam mnawicaya wo, mioie nahon wicawaye kta, hecen tohanyan maka akan nipi kin hehanyan komakipapi onspe iciciyapi kta, qa cincapi onspe wicakiyapi kta.

11. Unkan kiyadan yahipi, qa he kin ihukuya nayajinpi, qa he kin peta on itkon, mahpiya cante kin ekta, otpaza mahpiya qa iyowotanin šni.

12 Unkan peta kin cokaya tanhan Jehovah oniciyapi, wicoie ho kin nayahonpi, tuka ouncage ta, kudan wandakapi šni, ho kin ! heceedan nayahonpi.

13 Qa wicotakuye econ nisipi kin oniciyakapi, wicoie wikcemna kin hena, qa inyan mdaska nam akan okiwa.

 14 Qa makoce wan tawa yayapi kta en yaipi kinhan, wokage, qawoyaco ecanonpi kte cin hena he ehan onspe niciyapi masi.

15 ftoreb ekta peta cokaya tanhan Jehovah Wakan yadapi kin oniciyapi qon, he ehan, ouncage takudan wandakapi šni heon ninagipi nina ikpatan po.

16 Okini nihdušicapi qa wakagapi taku iyacinyan wan nicicagapi kta, ouncage mdoka wiye unman tukte kašta iyececa.

 17 Maka akan woteca ouncage, qa zitkadan hupahu tonna mahpiya onawin un kin ouncage,

18 Qa watutka maka asdohan ouncage, qa maka ihukuya mini ekta hogan un kin ouncage, hena takudan oyakage kte šni.

 19 Qa mahpiya ekta eyatonwe ca anpetu wi, qa hanyetu wi, qa wicanhpi mahpiya obe owasin wandake cinhan, ihnuhan yanuni, qa hcnaektakiya patušniciye ca en wowidag niciye cin, mahpiya owancaya ihukuya oyate owasin hena yuhapi kta e Jehovah wakan yada kin wicaqu.

20 Tuka niyepi Jehovah inicupi, qa anpetu kin de iyecen taoyateniyanpi,qa tawaniyanpikta, e Egypta makoce etanhan, maza sdoyapi oceti etanhan hinanpe niyanpi.

21 Qa nioiepi on Jehovah canniye mayeca Jordan imduwege kte šni, qa makoce wašte tawa yaye kta Jehovah Wakan yada nicu kin he en wai kte šni konza.

22 Miš makoce kin den mate kta. Jordan imduwege kte šni, tuka niyepi iduwegapi, qa makoce wašte kin he tawayayapi kta.

 23 Awanihdaka po, ihnuhan wicotakuye Jehovah Wakan yadapi nicicagapi kin ayektonjapi, qa wakagapi wanji yapagopi kin, taku kašta ouncage iyececa Jehovah Wakan yada kin tehinda qon.

24 Jehovah Wakan yada kin he peta waftuhnahye cin taku Wakan wašake ca winawizi nakaš.

25 Makoce kin he en tehan yaunpi, qa cinca nicitonpi, qa cincapi cinca, hehan nihdušicapi, qa wakagapi wan nicipagopi; taku kašta ouncage iyececa, qa Jehovah Wakan yada kin itokarn, taku šica ecanonpi, qa canniye niyanpi yakagapi kinhan;

26 Mahpiya maka kici nakaha wicaweco, qa niyaotaninpi kta; makoce wan tawa yayapi kta e Jordan iduwegapi kin he etanhan ecadan ocowasin nisotapi kta, he akan anpetu nitawapi yahdutehanpi kte šni, tuka ecaca awihnuni niyanpi kta.

27 Qa oyate ota ehna Jehovah oniyumdecapi kta, qa toki Jehovah aniyanpi kin ikce wicašta opeya tonagnana onicaptapi kta.

 28 Qa heciya can qa inyan, taku wakan wicanape on kagapi kin hena wowidag niyanpi kta, hena tonwanpi kte šni, qa wanahonpi kte šni, qa wotapi kte šni, qa takudan omnapi kte šni.

29 Tuka heciya tanhan Jehovah Wakan yada ayakitapi kinhan iyeyakiye kta, nicante ocowasin on, qa ninagi ocowasin on ayakite cinhan.

30 Tohan wicoie kin hena owasin nihiyahde, qa iyonicišice cinhan, anpetu hakakta kin en, Jehovah Wakan yada kin en nihduhomni, qa ho kin nayahon kinhan,

31 Jehovah Wakan yada kin wašake ca waonšida, ehpeniye kte ni, qa awihnuni niye kte šni, qa wicotakuye nihunkakepi wicakicage akiktunje kte šni.

32 Ito hekta anpetu tokaheya inicage šni qehan, Wakantanka wicašta maka akan icah wicaye cin ehantanhan, qa mahpiya owihanke anog wawiwanga wo, Taku he iyecen tanka yukan hecinhan ! qa taku he iyecen nahonpi hecinhan?

33 Peta wan cokaya tanhan Wakantanka ie cin ho kin tukte oyate wan nahon qa ni, nayahon qon he iyececa.

 34 Wakantanka oyate cokaya tanhan oyate tokeca wan iwicacu konza, iyutanyanpi kin on, qa wapetokeca on, qa wicohan wakan on, qa okicize on, qa nape wašaka qa isto hdukatin on, qa woyusinyaye tanka on, Jehovah Wakan yada Egypta en niišta itokam onicihanyanpi kin he iyecen.

35 Jehovah išnana taku Wakan, qa iye icunonpa tanhan wanica sdonyaye kta, heon hena wandaka.

 36 Mahpiya eciyatanhan ho kin nahon niciye, taku onspe niciye kta heon, qa peta tanka tawa maka akan wanyag niyan, qa peta kin he cokaya tanhan iye oie kin nayahon.

37 Nihunkakepi wašte wicakida heon ohakam cincapi wicakahniga, qa towašake tanka on, qa nici un kin on, Egypta etanhan hdinanpe niye.

38 Ikce wicašta nikapeya tanka, qa wašakapi nitokapa tanhan napewicaya, qa tamakocepi en aniipi, qa tawayaye kta e nicupi anpetu kin dehan iyececa.

 39 Heon etanhan anpetu kin de en sdonya wo, Jehovah wankan mahpiya kin ekta, qa ihukuya maka kin owancaya taku Wakan kin hee, qa tuwedan iyecece šni.

40 Qa tawokage, qa tawoahope nakaha econ cisi kin hena patan | wo, hecen tanyan yaun kta, qa nihakam nicinca is nakun, qa hecen Jehovah Wakan yada kin i makoce nicu kin he akan anpe! tu yahduhanske kta, anpetu owasin.

 41 He ehan Moses otonwe yamni yukinukan, Jordan itato wi hinanpe cin ekta kiya.

42 Hena ekta inanpapi kta, tuwe takodaku hektam šicekidake šni, tuka wanun kte kinhan, hen onape kta, otonwe kin he wanji en i kinhan niiciye kta.

43 Betzer tinta ohna makoce mdaye Reubeni tawapi ohna, qa Itamot Gilead ohna Gadi tawapi, qa Golan Basan ohna Manasseh tawapi.

44 Unkan Moses woope Israel cinca wicitokam ehnake cin he dee. 45 Israel cinca Egypta etanhan hdinanpapi qehan, woyaatanin, qa wokage, qa woyaco Moses ewicakiye cin he dena ee.

46 Jordan wakpa kin itato Bet Peor (Peor ti) iyotakons, omdaye wanke cin en, Sihon Amori tawicaštayatapi Hesbon en ounye ciqon, Moses Israel cinca om Egypta etanhan hiyupi qehan ktepi qon, makoce tawa qon he ohna.

 47 Makoce kin he, qa Og Basan en wicaštayatapi tamakoce nakun, Amori wicaštayatapi nonpa Jordan itato wi hinanpe cin ektakiya unpi qon.

48 Aroer otonwe Arnon wakpa icahda wanke cin hetanhan Sion he kin Hermon hee hehanyan.

49 Qa Jordan itato iwiyohiyanpa tanhan omdaye puza ocowasin, omdaye puza mde kin Asdot Pisga he kin ihukuya wanke cin hehanyan.

WOOPE ITAKIHNA WICOWOYAKE 5.

1 Unkan Israel owasin Moses wicakico, qa hecen ewicakiya, Wokage qa woyaco nakaha ninogepi ohna eciciyapi Israel nahonpo, qa hena onspe niciciyapi kta, qa ecen ecanonpi kta yuha unpo.

2 Jehovah Wakan undapi kin Horeb he ekta wicotakuye unkicicagapi.

3 Jehovah hunkake wicunyanpi om wicotakuye kin he wicakicage šni, tuka unkiyepi hecen unkicicagapi nakaha owasin den ni unyakonpi.

4 He akan peta cokaya tanhan itohnake icitkokim Jehovah oniciyapi.

 5 He ehan Jehovah oie kin ociciyakapi kta e Jehovah qa niyepi okitahedan nawajin, peta kin he koyakipapi, qa he kin akan yaipi šni nakaš, unkan heya;

6 Jehovah Wakan yadapi, qa Egypta makoce etanhan, wayaka tipi kin hetanhan hdjnanpe niyanpi kin he miye.

7 Mitoye kin itokara Taku Wakan tokeca duhe kte šni.

8 Wakagapi yakpago kte Šni, wankan manpiya ekta, qa kuya maka kin akan, qa maka ihukuya mini mahen taku henakiya ohna ouncage iyecen.

 9 Hena itokam patus niciye kte šni, qa en wowidag niciye kte šni; Jehovah Wakan yada taku Wakan winawizi kin he miye, tona šice madapi wahtanipi kin cincapi qa wicoicage iyamni qa itopa kin hehanyan kibawicawakiya ece.

10 Qa tona wašte madapi, qa mitawoahope tanyan yuhapi kin hena wicoicage kektopawinge hehanyan cante wicawakiya ece.

 11 Jehovah Wakan yada kin ituya caje date kte šni, tuwe he caje kin ituya eye cinhan Jehovah iyopeye kta.

12 Anpetu okihpapi duwakan kta e patan wo, Jehovah Wakan yada econ nisi kin he iyecen.

13 Anpetu šakpe lltayani, qa taku yakincanye cin owasin ecanon kta.

14 Tuka anpetu išakowin kin he Jehovah Wakan yada tookihpe kin hee; he en wohtani takudan ecanon kte šni, niye, qa nicinkši, qa nicunkši, qa nitahok dan, qa wikoška  nitawa, qa tatanka nitawa, qa nitasonSonna, qa nita wanunyanpi, qa tuwe tokeca otonwe nitawa ohna un kin, hecen hoksi dannitawa qa wicinyanna nitawa niye iyecen oziiciyapi kta.

15 Qa Egypta makoce ohna wayaka yaun qon, tuka Jehovah Wakan yada kin he etanhan nape wašake ca isto katinkiye cin on hdinanpe niye, heon Jehovah Wakan yada kin anpetu kin de okihpe nisi he yeksuye kta.

16 Niyate nihon kici wicahduonihan wo, Jehovah Wakan yada kin econ nisi kin he iyecen; hecen anpetu nitawa hanske kta, qa makoce Jehovah Wakan yada nicu kin he akan tanyan yaun

17 Tuwedan yakte kte šni.

 18 Wawicifiahapi ecanon kte šni.

19 Wamayanu kte šni.

20 Nitakoda kin en itonšniyan wodake kte šni.

21 Qa Nitakoda tawicu yacin kte šni, qa nitakoda ti kin, qa tamaga, qa tahokšidan, qa wicinyanna tawa, qa tatanka tawa, qa tasunke qa taku kašta nitakoda tawa yakon kte šni.

 22 he akan mahpiya šapa otpa-za hinca, qa peta cokaya tanhan, Jehovah niyepi owasin mniniciyapi kin en, wicoie kin hena owasin ho tanka kiya oniciyakapi, qa taku sanpa eye šni,qa hehan inyan mdaska nom akan owa qa maqu.

23 Unkan otpaza cokaya tanhan ho kin nayahonpi qehan, qa he kin peta on itkon, hehan niyepi wicoun otoiyohi etanhan wicašta tankapi, qa hunkayapi kin owasin mikiyedan yahipi;

 24 Qa hehapi, Inyun Jehovah Wakan undapi token tanka qa towitan kin wanyag unyanpi, qa ho kin naunhonpi, peta cokaya tanhan Wakantanka wicašta kici wohdaka ešta wicašta kin ni, nakaha wanunyakapi.

 25 Qa nakaha tokeca untapi kta he? Ake Jehovah Wakan undapi ho kin naunhonpi kinhan, peta tanka kin de huhnahunyanpi kta, qa untapi kta.

 26 Peta cokaya tanhan Taku Wakan wiconi hduhe cin ho kin ie cin naunhonpi, tuwe wicašta akantu he iyecen nahon qa nahanhin ni un he?

27 Niye Jehovah Wakan undapi ikiyedan ya, qa nahon wo, Jehovah Wakan undapi taku eniciye cin owasin, qa hehan Jehovah Wakan undapi taku eniciye cin owasin unkoyakidakapi kta, kinhan naunhonpi qa ecen econkupi kta.

28 Unkan omayakiyapi kin he icunhan Jehovah nioiepi ho kin nahon, qa Jehovah hemakiya, Oyate kin de oie ho kin nawahon, taku eniciyapi owasin, taku eyapi kin owasin tanyan eyapi.

29 Tokin ohinniyan komakipapin, qa mitawoahope owasin opapin, hecen cante yuhapi kten, hecen tanyan unpi kta, qa cincapi nakun, owihanke wanica.

30 Hde ca, Icicawin nitawakeyapi ekta hda po, ewicakiya wo

31 Tuka niye den miyeci nayajin kta, qa woahope, qa wokage, qa woyaco onspe wicayakiye kte cin owasin ociciyake kta, qa makoce tawayapi kta wicawaqu kin he en hena econpi kta.

32 Heon token Jehovah econ nisipi ecen ecanonpi kta waktaya unpo, enitapa tanhan canitka tanhan unmanna ekta itoheya nihduhoranipi kte šni.

 33 Jehovah Wakan yada canku openisipi kin owasin omani po; hecen makoce tawayayapi kte cin en yanipi kta, qa tehan en tanyan yaunpi kta.

 WOOPE ITAKIHNA WICOWOYAKE 6.

1 Unkan woahope, wokage, qa woyaco Jehovah Wakan yadapi onspe ciciyapi masi kin dena ee; makoce tawayayapi kta en yaipi kinhan he en ecen ecanonpi kta.

2 Heon Jehovah Wakan yada kin koyakipe kta; qa wokage qa woahope tawa ociciyake cin owasin duhe kta, niye qa nicinkši qa nicinca cinhintku, anpetu owasin, tohan yani kin,qa hecen anpetu nitawa niciyuotapi kta.

3 E, Israel nahon wo qa ecen ecanon kta wakta iciya wo, hecen tanyan yaun kta, qa hecen makoce pte asanpi qa canhanpi tiktica kaduze cin ohna nina nihduotapi kta; Jehovah nihunkakepi Wakandapi eniciye cin he iyecen.

4 Israel nahon wo, Jehovah Wakan undapi kin išnana Jehovah.

5 Heon nicante ocowasin, qa ninagi ocowasin, qa wanisake cin ocowasin, hena on Jehovah Wakan yada kin wašte yadake kta.

6 Qa wicoie nakaha eciciye cin he nicante akan yanke kta.

7 Qa he nicinca amnihenyan onspe wicayakiye kta, qa yati kin ohna idotanka ca cajedate kta, nakun canku omayani eca, qa makan inonke ca yekta eca.

8 Qa ninape en wapetogton he payahte kta, qa niišta otahedan itohnakapi nun kta.

 9 Qa yati tosu kin akan oyawa kta, qa nitatiyopa nakun akan.

10 Unkan kaketu kta, Jehovah Wakan yada makoce wan nicupi kta e niyate Abraham, Isaac, qa Jacob konza ewicakiye ciqon, otonwe tankinyanyan, qa waštešte; hena niye yakage šni en aniye cinhan;

 11 Qa tipi taku wašte owasin ojugJudahn, hena niye oyaju šni, qa mini hdoka ota hena ohdog yaye šni, hastanhanka iyuwi, qa wihdi can hena niye hu yahde šni, en yai, qa wayate, qa inimnan kinhan;

 12 Jehovah Egypta makoce etanhan, wayaka tipi kin etanhan hdinanpe niye ciqon he ihnuhan ayektonje cin.

13 Jehovah Wakan yada kin he koyakipe ca htayecini kta, qa išnana cajeyan wodake kta.

14 Nitan oksan oyate yakonpi taku wakan dapi etanhan taku wakan tokeca oyapapi ktc šni.

 15 Jehovah Wakan yada kin he taku wakan winawizi niyepi ehna un, heon okini Jehovah Wakan yada tocanniye kin aide niye ca maka itohnake kin etanhan ihang niye kta.

16 Masa en Jehovah Wakan yadapi kin iyutan yayapi qon, he iyecen ihnuhan iyutan yayapi kin.

17 Woahope, qa woyaatanin, qa wokage Jehovah Wakan yadapi kin ope nisipi itonpeyahan oyapapi kta.

18 Qa taku Jehovah ista kin itokarn wašte qa ecetu ecanon kta; hecen tanyan yaun kta, qa makoce wašte Jehovah nihunkakepi iwahowicaye ciqon, he en yai, qa tawa yaye kta.

19 Qa hecen toka niyanpi kin owasin nape wicaye kta, Jehovah ie ciqon he ecetu kta.

20 Tokata yeye cin Jehovah Wakan undapi kin woyaatanin, qa wokage, qa woahope econ nisipi kin he token ka he? nicinca eye ca iniwange cinhan;

21 Egypta en Pharoah wayaka unyuhapi qon,tuka Jehovah nape wašake cin on Egypta etanhan hdinanpe unyanpi, nicinkši eyakiye kta.

22 Qa wowapetokeca, qa ohan wakan tanka, qa tehika, Egypta en Pharoah, qa iye tiohnaka owasin en unkistapi itokam Jehovah econ;

 23 Qa hetanhan tankan hdinanpe unyanpi, qa makoce hunkake wicunyanpi konza ewicakiye ciqon he unqupi, qa en iyaye unyanpi kta e hecon.

24 Qa Jehovah wokage kin hena owasin econ unsipi, qa Jehovah Wakan undapi kin kounkipapi kta, hecen nakaha tanyan unyakonpi kin he iyecen tohan unnipi kin ohinniyan tanyan unyakonpi kta:

 25 Qa Jehovah Wakan undapi woahope kin dena owasin econ unsipi kin he iyecen itonpeyahan econkupi kinhan, woowotanna unkitawapi kin hee kta.

WOOPE ITAKIHNA WICOWOYAKE 7.

1 Makoce wan tawayaye kta e ekta de cin he en Jehovah Wakan yada anii kinhan, qa ikce wicašta ota nitokapa tanhan tankan iyaye wicaye cinhan, Heti kin, qa Girgasi kin, qa Amori kin, qa Katiani kin, pa Perrizi, kin, qa Hiwi kin, qa Jebusi kini hena oyate šakowin nikapeya otapi qa wašakapi.

2 Qa hena Jehovah Wakan yada nicu kinhan, hehan awicayape kta, ecaca wicayakasote kta; wicolakuye om wicayecage kte šni. qa onsiwicnyada kte šni.

 3 Qa okiciyuze otakuye hena om yakage kte šni, nicunkši cinhintkupi kin wicayaqu kte šni, qais cunwintkupi wan nicinkši yus yakiye kte šni.

4 Hecanon kinhan nicinkši oinape cin etanhan wicayutokanpi kta, qa taku wakan tokeca owicapapi kta, hecen Jehovah tocanniye kin aide niyanpi, qa ecahankeya ihang niye kta.

5 Tuka hecen ecawicayeconpi kta, wahna wošnapi tawapi dujujupi kta, qa wakagapi tawapi yakamdecapi kta, qa can bosdata tawapi yakawankapi kta, qa wapagopi tawapi petan huhnahyayapi kta.

6 Niye oyate niwakan, Jehovah Wakan yada kin tawa, oyate hiyeye cin maka owancaya akan unpi owasin etanhan Jehovah Wakan yada kin niye nicahniga, oyate tehindapi yeci yaun kta, e hecon.

 7 Jehovah nicahnige ca niyuze cin, oyate hij'eye cin niye iyotan niotapi e hecon šni, nišnana oyate hiyeye nitonana nakaš.

8 Tuka Jehovah wa te nidapi, qa taku nihunkakepi konza ewicakiye ciqon, ecetu kiye kta, heon Jehovah wayaka tipi etanhan, Egypta wicaštayatapinape etanhan, nape wašaka on openicitonpi, qa hdinanpe niyanpi.

 9 Jehovah Wakan yada kin ! išnana taku Wakan wašake ca ! wacinyepica, tona wašte dakapi qa tawaohope opapi kin hena wicoicage kektopawinge hehanyan wicotakuye qa wocantekiye wicakieiyuha ece, he sdonya wo.

10 Qa tona šice dapike cin hena j itohnakapi en iyecen ecawicakicon kta, qa ihang wicaye kta. Tuwe šice dake cinhan itohnake kin en iyuwin qu kte ca yutehan; kte šni.

11 Heon woahope, qa wokage, qa woyaco nakaha econ cisi kin hena duhe kta, qa ecen ecanon, kta.

 12 Hecen woyaco kin dena nayahonpi, qa duhapi, qa ecen eca, nonpi kinhan, Jehovah Wakan yadapi kin wotakuye, qa wocantekiye nihunkakepi konza ewicakiye ciqon niciyuhe kta.

 13 Qa wašte nidake ca niyuwašte kta, qa niyuota kta, qa nicinca, qa maga nitawa taku j oicage cin, aguyapi su nitawa, qa hastanhanka nitawa, qa can wihdi nitawa, qa pte nitawa cinca, qa tahcaska nitawa cinca kin hena wicayawašte kta, makoce wan nicu kta nihunkakepi iwahowicaye ciqon he en.

14 Oyate hiyeye cin owasin isanpa niyawaštepi kta, wica, qa winyan, qa woteca nitawa, koya en takudan hokgi codan kte šni.

15 Qa Jehovah wowayazan owasin niciyutokan kta, qa wosihtin šica Egypta en wandake ciqon wanjidan en aniu kte šni, qa tona 6ice nidakapi kin owasin en awicaye kta. |

16 Jehovah Wakan yada oyate ! tona nicu kinhan hena owasin wicayakasote kta, niišta itonwicape kte šni, qa taku Wakan dapi kin owicayape kte šni, hecanon kinhan he nihmonkapi kta.

17 Ikce wicašta kin hena iye mikapeya otapi, token hena tawawicawaye kta he? nicante en ehe cinhan.

18 Ihnuhan kowicayakipe cin, Jehovah Wakan yada Pharoah qa Egypta oyate owasin token ecawicakicon qon he kiksuya un wo.

19 Wowiyutan tankinyanyan niišta wanyaka wapetogtogya, qa wiconan wakan, qa nape wašaka, qa hupahu katinkiya on Jehovah Wakan yada Egypta etanhan tankan hinanpe niye ciqon; he iyecen oyate tona itepi kowicayakipe cin owasin Jehovah Wakan yada ecawicaon kta.

20 Nakun Jehovah Wakan yada kin hena ehna tuhmaga yewicaši kta, qa tona okaptapi, qa nitokapa tanhan inahmanpi kin hena owasin sotapi kta.

21 Jehovah Wakan yada kin he taku Wakan tanka qa ohitike cin, he nicokaya un kin heon kowicayakipe kte šni.

22 Nitokarn Jehovah Wakan yada kin ikce wicašta kin hena apapadan nape wicaye kta, wancake owasin ihangya oyakihi kte šni, hecanon kinhan okini hewoskan wamanica niye en ihduotapi kta.

23 Jehovah Wakan yada wowinihan tanka on nitokara skan wicaye kta, qa ecen ihang wicaye kta.

24 Qa wicaštayatapi tawapi ninape en iyohpe wicaye kta, qa mahpiya ihukuya tanhan cajepi kin awihnuni wicayaye kta. Nitokam wicašta wanjidan najin han kte šni, ecen owasin ihang wicayaye kta.

25 Taku pagopi wakan dapi kin petan huhnah wicayaye kta, mazaska qa mazaskazi hena akan  yanke cin he yakon kte šni, qa iyacu kte šni; okini heon nihmonkapi nonce, Jehovah Wakan yada he wahteda šni nakaš.

 26 Hecen wowahte šni kin he yati kin ekta ade kte šni, okini he iyecen wahte nidapi kte šni, he wahte dapi šni kin, heon wahte yada kte ni qa hitiyahda kta.

WOOPE ITAKIHNA WICOWOYAKE 8.

1 Woahope nakaha econ cišipi kin dena owasin ecen ecanonpi kta e yapatanpi kta, heon yanipi, qa nihduotapi, qa Jehovah nihunkakepi makoee iwahowicaye ciqon he en yaipi qa tawa yayapi kta.

 2 Qa onsinicida niye kta, qa iniyute kta; taku nicante en un, tawoahope oyape kta, qa oyape kte šni kin tuktee kta sdonye kta, heon waniyetu wikcemna topa kin dena hewoskan omani niye cin canku kin he owasin yeksuye kta.

3 Qa iyokisin niye ca wotektehda niciye, qa wicašta aguyapi hecedan on ni kte šni, tuka taku owasin Jehovah i kin etanhan inanpe cin heon wicašta ni kte, sdonye niye kta; he manna kin yun niye cin, he nihunkakepi sdonyapi šni, qa niye sdonyaye šni qon.

4 Waniyetu wikcemna topa kin dehanyan nitawokoyake nicikuke šni, qa nisiha kin nicapo šni.

5 Qa wicašta wan cinhintku iyopekiye cin he iyecen Jehovah Wakan yada iyopeniciye cin, he nicante en sdonyaya.

6 Heon Jehovah Wakan yada koyakipe ca tacanku tanyan omayani kta e tawoahope kin yapatan kta.

 7 Jehovah Wakan yada kin ma\ koce wašte en iyaye niye kta; makoce wakpa, mdc, qa wakoniya, mini omday e ohna, qa nakun he ohna inanpa.

 8 Aguyapi su makoce, qa nakun barle. qa hastanhanka iyuwi, qa witansna hu, qa taspan tanka su ota, makoce canhanpi tiktica, qa can wihdi yukan. 9 Makoce kin he en aguyapi icakije šni yan yate kta, qa he en takudan inicakije kte šni, makoce kin he en inyan kin hena mazasapa, qa he kin etanhan mazasa yaqe kta.

10 Hecen wayate ca inimnakta, qa Jehovah Wakan yada makoce wašte nicu kin heon dawašte kta.

11 Awanihdaka wo, okini Jehovah Wakan yada kin ayektonje cin on tawoahope, tawoyaco, qa tawokage nakaha ope cisi kin yapatan kte šni.

12 Okini wayate ca winipi, qa tipi waštešte yakage ca oyati;

13 Qa pte nitawa, qa taRinca nitawa ihduotapi, qa mazaska nitawa, qa mazaskazi nitawa ota aye ca taku duhe cin owasin ota kinhan;

14 Nicante kin ihduwankantuya, qa Jehovah Wakan yada Egypta makoce wayaka tipi kin etanhan hdinanpe niye ciqon ayektonje cin.

 15 He Ropuza tanka qa okopa, wamduška wahuhnahya, qa wamduška sinte wipekiya ko yukan, qa puze hinca omani niyan kin, mini wanica tuka wanhi inyan etanhan mini inanpe niciya.

16 Onsinicida niciye ca iniyute kta, qa oniwihanketa taku wašte nicicage kta; heon hopuza kin he en manna woyute nicu kin, he nihunkakepi sdonyapi šni.

17 Maminiheca, qa minape wasaka kin woyuha kin de owasin micicaga, ehe kte šni.

18 Tuka Jehovah Wakan yada kin yeksuye kta, he iye woyui a kin he yakage kta e wowašake nicu, qa hecen nihunkakepi om wicotakuye iwahowicaye ciqon hdustan anpetu kin de iyececa.

19 Jehovah Wakan yada ayektonje ca taku wakan tokeca owicayape, ca en wowidag niciye ca wicitokam canpeška makehde inayajin kinhan, awicakehan nitakunipi kte šni, anpetu kin de en sdonye ciciyapi.

20 Jehovah Wakan yada ho kin anayagoptanpi šni, heon anitakunipi kte šni, ikce wicašta Jehovah nitokam atakuni šni wicaye cin he iyecen.

WOOPE ITAKIHNA WICOWOYAKE 9.

1 Israel anagoptan wo, nakaha Jordan wakpa kin iduwegc ca oyate nikapeya wicokcota, qa wasaksaka en wicayai kta, otonwe tankinkinyan qa mahpiya ekta conkaške yapi kin hena tawa wicayaye kta.

2 Anaqi cinca, oyate tanka qa hanskaška sdonwicayaye ca hecen eyapi nayaRon, Anaq cinca kin tuwe wicitokam najin okihi he?

3 Anpetu kin de en sdonyawo; Jehovah Wakan yada kin peta wahuhnaRye cin heca, nitokam ivopte kta, qa ihang wicaye kta, qa nitokam wicakawanke kta; hecen nape wicayaye kta, qa ecadan awihnuni wicayaye kta, Jehovah eniciye cin he iyecen.

 4 Jehovah Wakan yada nitokam hena nape wicaye cin iyohakam, ihnuhan nicante kin en hecen eha, omaowotanna heon makoce kin de tawa waye kta e Jehovah he en hiyu mayan. Hiya oyatekin hena icaya oRanyanpi kin heon Jehovah nitokam nape wicaya ce.

5 Jehovah Wakan yada nihunkakepi Abraham, Isaac, qa Jacob wahowicaye ciqon hdustan kta, qa oyate kin hena šicaya ohanyanpi kin heon etanhan Jehovah nape wicaye nitokapa tanhan, qa raakoce tawapi en yai, qa tawa yaye kta, tuka, oniwotanna, qa nicante oze ecetu kin heon etanhan šni.

6 Oyate tahu patin henica, qa makoee wašte kin de tawayaye kta e Jehovah Wakan yada nicu kin he oniwotanna heon etanhan šni kin he sdotkiya wo.

7 Hewoškan Jehovah Wakan yada token cantiyahde yaye cin he kiksuye ca akiktunje šni wo. Egypta makoee etanhan anpetu wan en yahinanpe ciqon hetanhan, makoee kin den yahipi kin ecen, ohinniyan Jehovah yakipajiripi ecee.

 8 Eya lloreb en Jehovah cantiyahde yaye cin, he etanhan Jehovah canniye niyanpi, qa heon ihang niyanpi kta tuka.

 9 Inyan mdaska wicotakuye Jehovah nicicaga, inyan mdaska akan owapi kin hena iwacu kta e he kin akan wai, qa anpetu wikcemna torn, qa hanyetu wikcemna torn he en manka, he icunhan aguyapi wate šni qa mini mdatke šni.

10 Unkan Jehovah inyan mdaska nonpa kin maqu, Wakantanka napsukaza on owapi; anpetu wan en imniciye ciqon ehan Jehovah he akan peta cokaya tanhan token oniciyapi qon he iyecen.

11 Unkan anpetu wikcemna torn, qa hanyetu wikcemna torn ihanketa, Jehovah wicotakuye inyan mdaska nonpa kin hena maqu.

12.Qa Jehovah hecen emakiya, Najin qa inahniyan apamahde  hda wo. Oyate nitawa Egypta makoee kin etanhan hdinanpe wicayaye cin ihdutakunipi Šni ce, canku omani wicawnsi qon ohankoya etanhan ihdutokanpi, maza Sdoyapi wakagapi wan icicagapi.

13 Qa Jehovah hemakiya, Oyate kin de wanmdaka, unkan inyun oyate tahu patinpi hecapi ce.

14 Amayuštan wo, unkan mahpiya ihukuya tanhan ihang wicawaye kta, qa cajepi kin wakajuju kta, qa niye oyate hena isanpa wašake ca otapi icahciciye kta ce, eya.

 15 Unkan mihduhomni, qa he owancaya peta on itkonyan etanhan apamahdedan waku, qu wicotakuye inyan mdaska napin minape napin ohna mduha.

16 Unkan wanmdaka, unkan inyun Jehovah Wakan yadapi kin en wayahtanipi, qa canku wan Jehovah ope nisipi qon, he etanhan ohankoya nihduhomnipi, ptejincadan Sdoyapi nicicagapi.

17 Hehan inyan mdaska kin napin minape napin on mduza nitokam ehpewaye ca wakamdeca.

18 Hehan Jehovah cantiyahdeyayapi, qa wayahtanipi ista kin itokam taku šica ecanonpi kin owasin on makata ehpemiciye, Jehovah itokam, ecamon qon iyecen, anpetu wikcemna torn, qa hanyetu wikcemna torn aguyapi wate šni, qa mini mdatke šni.

19 Jehovah tocanteptanye kata on, canniye niyanpi on ihang niyanpi kte cin kowakipa nakaš; unkan he ehan nakun Jehovah anamagoptan.

 20 Jehovah Aaron iš eya nina canniye on te ye kta, tuka he ehan Aaron nakun on cewakiya.

 21 Qa wayahtanipi kin ptejin-cadan yakagapi qon he iwacu, qa petan huhnahwaya, qa wakamdeca, tanyan mdukpan, watusekseca iyecen cistinna, qa mdu kin he etanhan wakpadan uye cin he en ehpewaya.

22 Unkan Tabera qa Masa, qa Qibrot Hatawa hena owasin en, Jehovah iyutan yayapi.

23 Qa Kadeš Barnea etanhan Jehovah ye nisipi, qa hecen eniciyapi, Makoce wan cicupi kin he ekta iianwankanhde yapi, qa tawa ya po; tuka Jehovah Wakan yadapi kin i en iyeyapi, qa oie kin wicayadapi šni, qaho kin ecen ecanonpi šni.

24 Anpetu totanhan sdonciyapi hehantanhan ohinniyan Jehovah yakipajinpi ecee.

 25 Qa Jehovah ihang niyanpi kta, keya, heon Jehovah itokarn makata chpemiciye ciqon anpetu wikcemna torn, qa hanyetu wikcemna torn ake hehanyan makata ehpemiciya.

 26 Qa Jehovah cewakiye ca kaken epa, ltancan Jehovah nitaoyate ihang wicaye šni ye, tawa wicayaya, qa nitanka kin on opewicayakiton, qa nape wašaka on Egypta etanhan hinanpe wicayaya.

27 Abraham, qa Isaac, qa Jacob wowidag wicayaye ciqon wicakiksuya ye, oyate kin de wawakipajinpi qa šicaya ohanyanpi, qa wahtanipi hena ekta etonwe šni ye.

 28 Okini makoce wan etanhan hinanpe unyayapi qon, en kaken eyapi kta, Jehovah makoce wan en awicaye kta kewicakiye ciqon, tuka okihi šni kin heon, qa šice wicadake cin heon etanhan Egypta etanhan awicaye ca newoskan tewicaya, eyapi kta.

29 Tuka hena oyate nitawa, qa hena tawa wicayaya, qa nitowašake tanka on, qa nihupahu yahdukatin, qa hdinanpe wicayaya.

 WOOPE ITAKIHNA WICOWOYAKE 10.

1 He ehan Jehovah hemakiya, Inyan mdaska nom kakan wo, eya tokaheya qon he iyecen, qa yuha he kin akan mitankiyedan yau kta. Nakun can wounaka wan nicicage kta.

2 Eya inyan mdaska nom yakamdece ciqon akan wicoie wakage ciqon, ake inyan mdaska akan owawa kta, qa can wopiye ohna eyahnake kta.

3 Unkan Sitim can on wopiye wakage ca inyan mdaska nom wakakan, tokaheya qon iyecen, qa inyan mdaska kin napin nape ohrta mduhe ca he kin akan wai.

4 Unkan wicoie wikcemna ho kin en peta cokaya tanhan Jehovah eniciyapi, anpetu omniciye en wowapi tokaheya iyecen owa, qa Jehovah hena maqu.

5 Hehan mihdamna qa he etanhan apamahde waku, qa inyan mdaska kin hena wopiye wakage ciqon he mahen owehnaka. Unkan mahen yanka, Jehovah emakiye cin iyecen.

 6 Unkan Jaaqan cinca miniyowe tawapi etanhan Israel cinca ihdakapi,Mosera ekta, Aaron hen ta, qa opazuntapi, qa cinhintku Eleazar tohe qon ohna wawayušna.

7 Hetanhan ihdakapi Gudgoda ekta, qa Gudgoda etanhan Jotba ekta, makoce kin he mini wakpadan.

8 He ehan Jehovah Levi wicoun Jehovah wicotakuye tawa wopiye akiyuhapi kta wicayukinunke ciqon; Jehovah itokarn najinpi kta, qa wowidag iciyapi kta, qa iye caje kin on wayawaštepi kta, anpetu kin dehan aiyahdeya.

 9 Heon etanhan Levi kin hunka wanjin wicayapi kin makoce wicakipamnipi, qa tawayapi kte cin en opapi kte šni; tuka wotawayapi kin Jehovah hee ce, Jehovah Wakan yada wahowicaye ciqon iyecen.

10 Eya tokaheya anpetu wikcemna torn, qa hanyetu wikcenina topa hehanyan he kin akan manke ciqon ake iyena ecen waun. Unkan ake Jehovah anamagoptan, heon Jehovah ihang niyanpi kta cin šni. ,

11 Unkan Jehovah hemakiya, Najin, ekta hda. oyate kin wicitokam mani wo, hunkake wicayapi makoce wan wicawaqu kta, eya wakonza qon, he tawa yapi kta e ekta awicaya wo.

12 Wanna Israel Jehovah Wakan yada taku econ nisi kin dee šni he? Jehovah Wakan yada koyakipn kta, tacanku owasin omayani kta, qa Jehovah Wakan yada nicante ocowasin on, qa ninagi ocowasin on, wašte yadake kta, qa wowidag niciye kta.

13 Qa Jehovah tawoahope oyape kta, nakun tawokage nakaha ope cisi, hecen tanyan yaun kta.

14 Wan mahpiya kin, qa mahpiya mahpiya kin Jehovah Wakan yada kin he tawa, qa nakun maka kin taku ohnaka koya owasin.

15 Hececa tuka Jehovah nihunkakepi wašte wicadake kta e wicayuza, qa wicihakam cincapi, niyepi oyate hiyeye cin owasin etanhan nicahnigapi, nakaha iyecen.

16 Heon etanhan nicantogepi kin bakihdayapo; qa icirnana tahu botin kiyapi Šni po.

17 Jehovah Wakan yadapi kin Taku wakan Wakan dapi ee, qa  itancanpi itancan kin; Taku wakan tanka wašake ca wohitika, qa owanyake eciyatanhan tuwedan itonpe Šni, qa taku nahmana qupi icu Šni.

18 WTamdenica wiwazica ko iwicakiya, qa tona oyate tokeca ehna unpi cante wicakiye ca aguyapi wokoyako ko wicaqu.

19 Heon wicašta tokeca kin cante wicayakiye kta, Egypta en tokeca niye yaun qon nakaeš.

20 Jehovah Wakan yada kin koyakipe ca tawowidake yaun kta, qa iye en iyanihdaske kta, qa išnana cajeyan ceyakiye kta.

21 Taku Dathan kte cin hee, qa Taku wakan yadaš kin hee, wicohan tanka, qa ohitika niišta on wandake cin hena ecanicon.

 22 Nihunkakepi wicanagi wikcemna šakowinpidan Egypta ekta ipi qon, qa wanna Jehovah WTakan yadapi kin mahpiya wicanhpi hiyeye cin iyenakeca niyuotapi ce.

 WOOPE ITAKIHNA WICOWOYAKE 11.

 1 Heon Jehovah Wakan yada kin wa te yadake kta, qa taku yuhe nisi kin tawokage, tawoyaco, qa tawoahope kin hena anpetu owasin oyape kta.

2 Qa anpetu kin de en wasdotkiya po; nicincapi heepi šni hena Jehovah Wakan yadapi kin wawiyopeye ciqon wanyakapi šni  qa sdonyapi šni, token tanka, qa nape kin wašake ca hupahu katinkiya.

3 Qa Egypta cokaya, Egypta wicaštayatapi Pharoah, qa tamakoce owasin wowapetokeca, qa woecon ecawicakicon.

4 Qa Egypta ozuye kin Sung akan yotankapi, canpahmihma ko Mde sa en kuwa aniupi tuka mini wiciwankam hiyuya; hecen Jehovah owasin ihang wicaya. anpetu kin de hehanyan. 5 Nakun hewoskan taku ecaniconpi ecen dehan yahipi,

6 Qa nakun Dathan qa Abiram Ehab cinca he Reuben cinkšiya, token ecawicakicon, Israel owasin wicacokaya maka kin i hdukawa, qa nawicapca, iyepi, qa tiyohnakapi, qa wakeya tawapi, qa taku yuhapi owasin.

 7 Tuka nis niyepi wicohan tanka Jehovah econ qon niištapi wanyakapi.

8 Heon nakaha woahope ope cišipi kin owasin duhapi kta, hecen niyuwasakapi kta, qa makoce wan tawa yayapi kta e ekta dapi kinheenyaipi,qatawayayapikta.

 9 Qa hecen makoce wan he en asanpi canhanpi tiktica ko kaduze cin, he Jehovah nihunkakepi iwahowicaya, iye cincapi wicaqu kta kewicakiya, he akan anpetu kin yahduhanskapi kta.

10 Makoce wan tawa yaye kta e ekta yai kin he Egypta makoce etanhan yahidu kin iyecece Šni; makoce kin he en taku kašta oyaju ca mahcistinna wan iyecen nisiha on nayahpanyan ecee.

11 Tuka makoce tawa yayapi kta e ekta dapi kin he makoce he qa kaksiza ko yukan, hecen mahpiya eciyatanhan magaju kin yatkan.

12 Makoce kin he Jehovah Wakan yada kin awanyaka, omaka tokaheya ecen omaka owihanke kte cin hehanyan, ohinniyan Jehovah Wakan yada ista kin on atonwan yanka.

13 Unkan kaketu kte, anpetu kin de en woahope ope cišipi kin tanyan nayahonpi, qa Jehovah Wakan yadapi nicantepi kin on, qa ninagipi ocowasin on, wa6te yadapike ca wowidake niyanpi yeciunpi kinhan;

 14 Makoncage iyenantu eca nitamakocepi kin amagaju waqu kta, magaju tokaheya, qa magaju ehakedan, hecen aguyapi su nitawa, qa minima nitawa, qa can ihdi nitawa, yatpahi kta

 15 Qa tinta nitawa kin en woteca nitawa on peji icah wicaweciye kta, hecen wayate ca winipi kta.

16 Itonicipa po, okini nicantepi kin icihnayanpi, qa nihduhomnipi, qa taku wakan tokeca itokam canpeška makehde nicihnakapi, qa wowidag niyanpi nonce.

17 Kinhan Jehovah tocanniye itkon kiye ca mahpiya kin anakipte kta, hecen magaju wanice kta, qa maka kin aicage kte šni, qa makoce wašte Jehovah nicupi kin hetanhan kohanna ihang niyanpi kta.

 18 Heon mioie kin dena nicantepi kin ninagipi koakan ehnaka po, qaninapepi kin on wapetogtonyan iyakaška po, qa niitepi en niištapi otahedan ohinniyan duhapi kta.

 19 Qa nicincapi kin hena onspe wieyakiyapi kta, tohan yati kin ohna idotanke ca canku ohna mayani, qa makan inonke kte cin, qa ye kta eca hena caje date kta.

20 Qa yati tiyopa tosu, qa nitatiyopapi henakiya akan oyawa kta.

21 Hecen maka kin Jehovah nihunkakepi wicaqu kta konza ewicakiye ciqon, he akan anpetu nitawapi, qa nicincapi anpetu tawapi koya yuotapi kta, maka akan mahpiya anpetu kin iyececa.

22 Woahope kin de ope cišipi kin ocowasin tanyan duhapi, qa Jehovah Wakan yadapi kin wašte yadakapi, qa tacanku owasin omayanipi, qa iye en iyanihdaskapi kinhan;

23 .lehowa ikce wicašta kin hena owasin nitokam nape wicaye kta, qa hecen oyate nikapeya tankinyanyan, qa wašakapi tawa wicayayapi kta.

24 Makoce tonakiya ayahanpi kin hena nitawapi kta; hopuze cin etanhan Lebanon he kin ekta hehanyan, qa wakpa kin, Yuperat wakpa ktn etanhan wiyohpeyataminiwancakin hehanyan makoce nitawapi kta.

 25 Tuwedan nitokam najinhan najin kte šni. Makoce tinskoya ayahe cin owasin Jehovah Wakan yadapi kin konicipapi, qa ikonipapi wicakiye kta, eniciyapi qon iyecen.

 26 Nakaha woyawašte ociciyakapi, qa wotehi kin de nakun wanyaka po.

 27 Jehovah Wakan yadapi kin tawoahope nakafla ope cišipi kin he anayagoptanpi kinhan, woyawašte kin ee kta.

28 Qa Jehovah Wakan yadapi tawoahope nayahonpi šni, qa canku nakaha omani cišipi kin hetanhan nihduhomnipi, qa tae Jehovah Wakan yadapi kin nicupi kin he en dapi kta e Jordan iduwegapi, qa he tawayayapi kta, qa en ounyayapi kta;

 29 Qa hecen ecanon kta, makoce wan tawa yaye kta e ekta de cin he tohan Jehovah Wakan yada en iyaye niye cinhan, Gerizim he kin akan woyawašte kin Dathanin kta, qa Ebul he kin en wotehi kin Dathanin kta.

30 Paha kin hena Jordan akasanpa wanka, wi aisinyan iyaye cin canku iyade kin icahda, More utuhu kin ikiyedan, Kanani Araba (Omdaye puza) kin Gilgal icunom ounyanpi makoce tawapi kin en.

31 Makoce wan tawayayapi kta

32 Heon wokage, qa woyaco owasin nakaha ociciyakapi kin hena ecen ecanonpi kia, awanihdaka po. ku wakan tokeca sdonwicaya yapi šni kin hena owicayapapi kinhan taku tehikakin hee kta.

WOOPE ITAKIHNA WICOWOYAKE 12.

1 Makoce wan Jehovah nihunkakepi wakan dapi kin tawa yayapi kta e nicupi, tohanyan maka akan yanipi he ohna anpetu owasin, wokage, qa woyaco ecen ecanonpi kta e waktaya yaunpi kta, dena eepi.

 2 Ikce wicašta tawa wicayayapi kte cin taku kašta on taku wakan dapi kin ohodapi, he tehanwankantuya akan, qa paha akan, qa can ape yukan owasin ihukuya, hena dujujupi kta.

 3 YVahna wošnapi tawapi ihang yayapi kta, qa wakagapi tawapi iyakapanpi kta, qa can wakan tawapi petan nuftnah yayapi kta, qa taku wakan pagopi tawapi yakawankapi kta, qa cajepi oyanke kin he etanhan ihang yayapi kta.

4 Jehovah Wakan yadapi kin hecen ecayeconpi kte šni.

 5 Tuka oyanke wan wicoun nitawapi owasin etanhan, ohna ti kta, qa caje kin hen ohnake kta e kahnige cin he ayakitapi kta, qa ekta yaipi kta.

6 Qa he ekta wohuhnahyapi nitawapi, qa wošnapi nitawapi, qa taku icahyayapi iwikcemnamna kin, qa ninapepi taku qupi kin, qa woyakapi wošnapi nitawapi, qa taku ikceya yaqupi, qa wanunyanpi nitawapi, optaye qa optaye koya cinca tokapapi kin owasin hiyuyayapi kta.

 7 Qa hen wayatapi kta Jehovah ehna tanhan taku šica yakasotapi kta.

6 Tohan nihunkawanji nihun cinhintku, qais nicinkši, qais nicunkši, qais nitawin niitpi ohna wanke cin, qais nitakoda ninagi iyecen teyahinda kin, hena unman tukte, cinniciye ca Taku wakan tokeca ekta unyanpi, qa ohowicundapi kte, nahmana eniciye cinhan, sdonwicayaye šni nihunkakepi nakun.

7 Oyate nihdukšan unpi nikiyedan yakonpi, qais itehanyan maka anog owihanketa yakonpi taku wakandapi kin hena,

 8 Adupte kte šni, qa anayagoptan kte šni,qa niišta itonkipe kte šni onsiyakida kte šni, qa akahpe yakiye kte šni.

 9 Tuka awicakehan te yaye kta, ktepi kta e ninape tokaheya ape kta, qa ohakam oyate owasin napepi.

10 Inyan on yakinin kta, qa te kta, Jehovah Wakan yada wayaka tipi etanhan, Egypta makoce etanhan inanpe niye cin oyape cin etanhan nape niyektaakita nakaš.

 11 Unkan Israel owasin nahonpi kta, qa kokipapi kta, qa ake taku šice kin de iyecen niyepi ehna econpi kte šni.

12 Tohan otonwe ohna ounyayapi kta e Jehovah Wakan yada nicu kin, hena wanji ohna heyapi nayahon kinhan,

13 Wicašta Behyal cinca niyepi ehna tanhan inanpapi, qa otonwe tawapi wicašta ounyanpi kin cin wicakiyapi, qa, Ihopo taku wakan tokeca ohoundapi kta eyapi, hena sdonwicayayapi šni.

14 Hehan oyade kta, qa ayakite ca tanyan inonge kta, wowahte šni kin de niyepi ehna un, wicoie nayahon kin he wicake ca ecetu hecinhan.

 15 Otonwe kin he ounyanpi kin canhpi hi kin on wicayakaštake kta, ocowasin ihang yaye kta, qa taku ohna un kin owasin tawanunyanpi nakun canhpi hi on.

16 Qa wahpaya kin owasin ocanku kin cokaya mnayaye kta, qa peta on huhnahyaye kta, Jehovah Wakan yada kin on otonwe qa tawahpaya owasin ocowasin, hecen owihanke wanin otiwota kta icimana ticagapi kte šni.

17 Qa he ocowasin ihang yapi kin etanhan takudan ninape askape kte šni, hecen Jehovah tocanniye kate ein ahdustan kte ca wowaonšida nicu, qa cante niciye kta, qa niyuotapi kta, nihunkakepi iwahowicaye ciqon iyecen.

18 Jehovah Wakan yada ista kin en taku ecetu ecanon kta, tawoahope nakaha ope cisi owasin yapatan kta e Jehovah Wakan yada ho kin anayagoptan eca.

WOOPE ITAKIHNA WICOWOYAKE 14.

 1 Jehovah Wakan yadapi cinkši niyanpi, heon tuwe kašta te cin on canicipapi kte šni, qa niištapi otahedan sda yakasanpi kte šni.

 2 Jehovah Wakan yada taoyate wakan he niyepi, qa oyate owasin maka ite akan yakonpi etanhan oyate tawahinca niyanpi kta e Jehovah nicahnigapi.

 3 Taku wahte šni wanjidan yate kte šni.

 4 Woteca yatapi kta dena eepi. Tatanka qa tahin wanunyanpi ska, qa tahin wanunyanpi hekinškayapi.

5 Tahinca, qa hekinškayapi, qa hehaka, qa tatoka, qa ta, qa tinta tatanka, qa Zemer.

6 Qa woteca tona wayata konza sake jata, sake ocowasin ki

We are missing verses 7-21

22 Token ikce hekinškayapi qa ikee tahinra yutapi kin he iyecen he yatapi kta, tona sapa qa' tona ska sakim he yutapi kta.

 23 Tuka we kin yate kte šni, waditaka wo, we kin nagi kin hee, qa tado kin iyahna nagi kin yate kte šni.

24 Ihnuhan he yate cin, he maka akan ayakaštan kta, mini iyecen.

25 Taku Jehovah ista kin en ecetu eeanon kinhan, niye tanyan yaun kta, qa nihakam nicinca nakun, heon he yate kte šni.

26 Tuka taku yuwakanpi niciyuke cin owasin, qa taku odake cin oyanke Jehovah kahnige kte ein he ekta yuha yahi kta.

27 Qa wahnhnahyaye cin, tado kin, qa we kin Jehovah tawahna wošnapi akan huhnah yaye kta, tuka wopida wošnapi nitawa we kin Jehovah Wakan yada tawahna wošnapi akan kaštanpi kta, qa tado kin yate kta.

28 Wakta wo, qa wicoie kin dena nakaha eciciyapi owasin nahon wo, hecen tanyan yaun kta, nakun nicinca nihakam owihanke wanica, Jehovah Wakan yada ista kin en taku wašte qa ecetu eeanon kinhan.

29 Tohan ikce wicašta tawa wicayaye kta e ekta de cin Jehovah Wakan yada nitokapa tanhan wicakaspe cinhan, tawa wicayaye cinhan qa makoce tawapi en yakidotanke cinhan;

30 Awanihdaka wo, okini nitokapa tanhan ihang wicayapi iyohakam nihrnunkapi, qa econpi qon iyecen eeanon; qa okini taku wakan dapi kin ayakite ca Ikce wicašta kin hena token ohodapi kin he iyecen ecamon kta, ehe kta.

31 Jehovah Wakan yada kin hecen ecayecon kte šni. Hena wowante šni Jehovah šice dake cin.hena owasin taku wakan dapi kin ecawicakiconpi nakaš, qa nakun cincapi wica winyan koya taku wakan dapi on petan huhnahwicayapi.

32 Wicoie econ eisipi kin owasin ecen ecanonpi kta e patan po; he ekta takudan ayakage kte šni, qa etanhan ongedan bayaspe kte šni.

 WOOPE ITAKIHNA WICOWOYAKE 13.

1 Niyepi ehna waayata wan, qaig tuwe wowihanmna ihannma wan najin, qa wowapetokeca qais ohan wakan wan eniciye cinhan;

2 Qa wowapetokeca, qa ohan wakan eniciye cin ecetu ešta, Taku wakan tokeca (sdonwicayaye šni kin hena) Iho unkopnpi qa ohoundapi kta eye cinhan;

 3 Waayate kin he, qais wowihanmna ihanmna kin he oie kin anayagoptan kte šni. Jehovah Wakan yadapi kin he nicantepi ocowasin on, qa ninagipi ocowasin on wašte yadakapi kta, hecinhan sdonye kta e Jehovah Wakan yodapi iyuteniyanpi.

4 Jehovah Wakan yadapi kin oyapapi kta, qa he koyakipapi kta, qa tawoahope yapatanpi kta, qa ho kin nayahonpi kta, qa hee wowidake niyanpi kta, qa en iyanihdaskapi kta.

 5 Qa waayate kin he, qais wowihanmna ihanmde cin he te yapi kta, he Jehovah Wakan yadapi Egypta makoce etanhan hdinanpe niyanpi, qa woyaka tipi kin etanhan openicitonpi kin he ayuštanpi keniciyapi, hecen canku Jehovah Wakan yada omani nisi kin etanhan tokan iyaye niye kta; hecen niyepi ehna tanhan taku šica yakasotapi kta.

 6 Tohan nihunkawanji nihun cinhintku, qais nicinkši, qais nicunkši, qais nitawin niitpi ohna wanke cin, qais nitakoda ninagi iyecen teyahinda kin, hena unman tukte, cinniciye ca Taku wakan tokeca ekta unyanpi, qa ohowieundapi kte, nahmana eniciye cinhan, sdonwicayaye šni nihunkakepi nakun.

7 Oyate nihdukšan unpi nikiyedan yakonpi, qais itehanyan maka anog owihanketa yakonpi taku wakandapi kin hena,

 8 Adupte kte šni, qa anayagoptan kte šni, qa niišta itonkipe kte šni onsiyakida kte šni, qa akahpe yakiye kte šni.

 9 Tuka awicakehan te yaye kta, ktepi kta e ninape tokaheya ape kta, qa ohakam oyate owasin napepi.

10 Inyan on yakinin kta, qa te kta, Jehovah Wakan yada wayaka tipi etanhan, Egypta makoce etanhan inanpe niye cin oyape cin etanhan nape niyektaakitanakaš.

11 Unkan Israel owasin nahonpi kta, qa kokipapi kta, qa ake taku šice kin de iyecen niyepi ehna econpi kte šni.

 12 Tohan otonwe ohna ounyayapi kta e Jehovah Wakan yada nicu kin, hena wanji ohna heyapi nayahon kinhan,

13 Wicašta Behyal cinca niyepi ehna tanhan inanpapi, qa otonwe tawapi wicašta ounyanpi kin cin wicakiyapi, qa, Ihopo taku wakan tokeca ohoundapi kta eyapi, hena sdonwicayayapi šni.

14 Hehan oyade kta, qa ayakite ca tanyan inonge kta, wowahte šni kin de niyepi ehna un, wicoie nayahon kin he wicake ca ecetu hecinhan.

 15 Otonwe kin he ounyanpi kin canhpi hi kin on wicayakaštake kta, ocowasin ihang yaye kta, qa taku ohna un kin owasin tawanunyanpi nakun canhpi hi on.

16 Qa wahpaya kin owasin ocanku kin cokaya mnayaye kta, qa peta on huhnahyaye kta, Jehovah Wakan yada kin on otonwe qa tawahpaya owasin ocowasin, hecen owihanke wanin otiwota kta icimana ticagapi kte šni.

17 Qa he ocowasin ihang yapi kin etanhan takudan ninape askape kte šni, hecen Jehovah tocanniye kate cin ahdustan kte ca wowaonšida nicu, qa cante niciye kta, qa niyuotapi kta, nihunkakepi iwahowicaye ciqon iyecen.

18 Jehovah Wakan yada ista kin en taku ecetu ecanon kta, tawoahope nakaha ope cisi owasin yapatan kta e Jehovah Wakan yada ho kin anayagoptan eca.

WOOPE ITAKIHNA WICOWOYAKE 14.

1 Jehovah Wakan yadapi cinkši niyanpi, heon tuwe kašta te cin on canicipapi kte šni, qa niištapi otahedan sda yakasanpi kte šni.

 2 Jehovah Wakan yada taoyate wakan he niyepi, qa oyate owasin maka ite akan yakonpi etanhan oyate tawahinca niyanpi kta e Jehovah nicahnigapi.

3 Taku wahte šni wanjidan yate kte šni.

 4 Woteca yatapi kta dena eepi. Tatanka qa tahin wanunyanpi ska, qa tahin wanunyanpi hekinškayapi.

 5 Tahinca, qa hekinškayapi,qa hehaka. qa tatnka, qa ta, qa tinta tatanka, qa Zemer.

6 Qa woteca tona wayata konza sake jata. sake ocowasin kiwoo in: n naspe cin, woteca kin hena yatapi kta.

7 Tuka wayata konzapi etanhan, qa sake kinaspapi etanhan dena yatapi kte šni, camo, qa mašniica, qa sapan kin, hena | wayata konzapi ešta sake kinaSj papi šni hena sapa yadakapi kta. ,

 8 Qa kukuse kin siha kinaspa ešta wayata konze šni heon sapa ' yadakapi kta, eehpipi etanhan j yatapi Ute šni, qatancan tapi kin: dutanpi kte šni.

9 Qa taku mini ohna yanke ein owasin etanhan dena yatapi kta,: taku hoape qa hocespu napin yukan hena owasin yatapi kta.

10 Qa taku hoape qa hocespu nice cin hena owasin yatapi kte šni, hena niyepi on sapapi.

11 Zitkadan tona sape šni kin hena owasin yatapi kta.

12 Tuka wahupakoza etanhan dena yatapi kte šni, huya, qa wanmdi, qa'anog paska,

13 Qa raa, qa canska wantndidan, qa daya ocaje owasin,

 14 Qa kangi ocaje owasin,

 15 Qa hinhan ska, qa heca, qa canska, qa cetan ocaje owasin,

 16 Qa hinhan kaga, qa yanesupa, qa tinŠemet,

17 Qa mdega, qa mdoza, qa huntka,

18 Qa hoka, qa pehan, ocaje owasin, qa upupa, qa hupawakihdaka.

19 Qa nakun taku kinyan kin sdohan owasin niyepi on Sape kta, he yatapi kte šni.

20 Wahupakoza sapa šni owasin yatapi kte.

21 Taku iyecinka te cin yatapi kte šni. Tuwe oyate tokeca otonwe nitawa ohna yanke cin he yaqu kta, qa he yute kta, qais oyate tokeca kin ekta wiyopeyaye kta, Jehovah wakan yada taoyate yuivakanpi niyepi. Ta tokiulan cinca he hunku taasanpi en oyahe kte šni.

22 Taku oyaju etanhan taku icage cin maga taku aicage cin owasin mdoketu otoiyohi iwikcemna kin dukinunkan kta

 23 Qa Jehovah Wakan yada itokam tukten caje kin ounye kta e kahnige kte cin, oyanke kin he ohna aguyapi su nitawa, qa miniša nitawa, qa can ihdi nitawa iwikcemnamna kin qa optaye nitawa qa optaye nitawa cinca tokapapi wiyedan kin yate kta; hecen Jehovah Wakan yada kin koyakipe kta anpetu owasin enspe niciciye kta.

 24 Qa tohan oyanke Jehovah Wakan yada caje ohna ehnake kta e kahnige cin he tehantu on canku nicihanska, qa duha oyakitpani kinhan, tohan Jehovah Wakan yada niyawašte kinhan.

25 He mazaska on tokiyopeyaye kta, qa mazaska kin he ninape on payahte kta, qa oyanke Jehovah Wakan yada kahnige kte cin he ekta yai kta.

26 Qa taku kašta ninagi cin kin on mazaska kin yaqu kta, pte on, qa tahcaska on, qa mini sa on, qa mini wakan on, qa taku ninape cin kin owasin. on, qa hen Jehovah Wakan yada kin itokam yate kta, qa iduskin kta niye qa yati ohnaka owasin.

27 Nakun Levi kin otonwe nitawa ohna ti kin he ehpeyaye kte šni, niyepi ehna makoce qa maga yuhe šni nakaš.

28 Mdoketu iyamni ihanketa taku omaka kin he icah yaye cin iwikcenina kin owasin tankan hiyuyaye kta, qa otonwe nitawa ohna eyahnake kta.

29 Unkan Levi kin he niyepi om makoce onsjia qa maga tawaye šni en hi kta, nakun tuwe oyate tokeca, qa wamdenica kin qa wiwazica otonwe nitawa ohna tipi kin hena owasin en hipi kta, qa yutapi qa wipipi kta, hecen Jehovah Wakan yada niyawašte kta taku ninape kage ca taku ecanon owasin en.

WOOPE ITAKIHNA WICOWOYAKE 15.

1 Waniyetu šakowin ihanketa woyuske yakage kta.

2 Qa woyuSke wicoie kin dee; Jehovah tawoyuske eciyapi, heon tuwe takodaku qaiS hunkawanjitku taku oqu,qais icazo qu kin he kida kte šni, qa takodaku etanhan nape kin kiyuske kta.

 3 Tuwe oyate tokeca etanhan yakida kta, tuka taku nitawa nihunkawanji yuhe cin ninape yuSke kta.

4 Hececa ešta niyepi ehna wicašta onsika wanice kta, Jehovah Wakanyada makoce tawayayapi kta, qa duhapi kta nicu kin he en Jehovah nina niyawašte kta nukaS;

5 Woahope kin de nakaha ope ciši owasin yapatan qa ecen ecanon, qa Jehovah Wakan yada ho kin tanyan anayagoptan kinban.

6 Jehovah Wakan yada niyawašte kta, eniciya iyecetu kinhan, ikeewicašta ota owicayaqu kta, tuka niye oyadote kte Šni, qa ikce wicašia ota wowidag yaye kta, tuka niye wowidag niyanpi kte šni.

 7 Makoce Jehovah Wakan yada nicu kin ohna, otonwe nitawa ehna nihunkawanji etanhan wanji wahpanica aye cinhan, nicante kin yahdutehike kte šni, qa nihunkawanji wahpanica etanhan ninape kin yahdutehan kte Šni.

 8 Tuka he ekta ninape tankaya yakidugate kta, qa taku icakije cin tokakije cin on ohinniyan oyaqu kta.

9 Awanihdaka wo okini nicante kici wicoie wowahte šni wan yuke ca waniyetu išakowin woyuške waniyetu kin he ikiyedan u ce, eha, qa nihunkawanji wahpanica ekta niišta kin šice kta, qa taku yaqu kte Šni; unkan niye on Jehovah hoyekiya, qa woahtani niciyawapi kta.

 10 Ohinniyan yaqu kta, qa yaqu kin on cante nišice kte šni; hecen wicohan kin he on Jehovah Wakan yada kin niyawašte kta, taku ecanon owasin en, qa taku ekta ninape yeyakiye cin owasin en.

11 Makoce ohna wicašta wahpanica tohini wanice kte šni, heon miye heciciya, Nitamakoce ohna nihunkawanji onsika, qa wahpanica kin ekta ohinniyan ninape yakidugate kta.

 12 Nihunkawanji Hebrew wica winyan unman tukte kašta opeyaton, qa waniyetu Šakpe wowidag yaye cinhan, qa waniyetu išakowin en enitanhan ikce iyaye yaye kta.

13 Qa ikce nitantanhan yeyaye cinhan, cokadan ye yaye kte šni.

 14 Taku on Jehovah Wakan yada niyawašte kin yaqu kta, qa tahinwanunyanpi nitawa etanhan, qa aguyapi su wopiye nitawa etanhan, qa miniša qa wihdi nitawa etanhan qin yaye kta.

 15 Qa Egypta makoce ohna wowidake yaun qon, tuka Jehovah Wakan yada openicitoii kin he yeksuye kta; heon wicoie kin de nakaha ope cisi.

 16 Unkan wašte nidake ca yati nakun waštedaka, qa tanyan nici un kin on, Nitan tanhan toki mde kte šni, eniciye cinhan;

17 Tahinspa wan iyacu kta, qa noge tawa yapahdoke kta, tiyopa kin ekta, unkan ohinniyan oniciye kta. Wicinyanna nitawa nakun hecen ecayecon kta.

18 Wanna waniyetu šakpe wowidag yaya, qa ookiye wohtani opetonpi nonpa akihde oniciye, heon yati etanhan ikce yeyaye cin he niišta kin en tehike kte šni; unkan Jehovah Wakan yada kin taku ecanon owasin en niyawašte kta.

 19 Optaye nitawa ehna, qa optaye nitawa ehna tona caskepi owasin Jehovah Wakan yada kin on duwakan kta; tatanka nitawa caske kinhan htani yakiye kte šni, qa tahcaska nitawa caske hin Uin dusda kte šni.

20 Omaka otoiyohi Jehovah Wakan yada itokam oyanke iye kahnige kte cin ohna, he yate kta, niye tiyohnaka nitawa om.

21 Tuka he osteke cinhan, huste qais istagonga, tuktee kašta šicaya osteke cinhan, Jehovah Wakan yada on wayakidusna kte šni.

22 Otonwe nitawa ohna he oyate kta, tuwe sapa qa tuwe ska sakim yutapi kta, ikce hekinškayapi, qa hehaka iyececa.

23 Tuka we kin yate kte šni, maka ak n yakaštan kta mini iyecen.

WOOPE ITAKIHNA WICOWOYAKE 16.

1 Abib wi kin patan wo. Jehovah Wakan yada kin Abib wi kin en Egypta etanhan, hanyen hdinanpe niye cin, heon woacakšin yakage kta.

 2 Qa woacakšin kin Jehovah Wakan yada wayakidusna kta, optaye qa optaye nakun, tukte Jehovah caje kin en ounye kta e kahnige kte cin, oyanke kin he en.

 3 He kici aguyapi napohyapi yate kte šni, anpetu šakowin icunhan aguyapi napohyapi šni yate kta, aguyapi iyokisinyapi; Egypta makoce etanhan inanniyan yahdinanpe nakaš; hecen anpetu Egypta makoce etanhan yahdinanpe cin he yeksuye kta, tohan yani anpetu owasin.

 4 Makoce nitawa owancaya ohna onapohye niciyuke wanyakapi kte šni; anpetu šakowin hehanyan, qa anpetu tokaheya htayetu taku wadusna etanhan, tado ongedan ihanhanna kin hehanyan en yanke kte šni.

 5 Otonwe Jehovah Wakan yada nicu kin otoiyohi ohna woacakšin wadusna oyakitpani kta.

 6 Tuka oyanke wan Jehovah Wakan yada caje kin en yanke kta e hdahnige kte cin, hen woacakšin wadusna kte, htayetu wiiyaye cin hehan, Egypta etanhan yahdinanpe ciqon oniciyakapi qon iyehantu.

7 He ceyaonpe ca yate kte cinhan oyanke Jehovah Wakan yada hdahnige kte cin he ohna, qa ihanhanna nihdamna, qa nitawakeya ekta yahde kta.

 8 Anpetu Šakpe aguyapi napohyapi šni yate kta, qa anpetu išakowin en omniciye wakan kta, Jehovah Wakan yada kin on; wohtani ecanon kte šni.

9 Anpetu wakan šakowin nicidawa kta, isan skopa aguyapi hu kin ekta toka yekiyapi etanhan, anpetu wakan šakowin dawa kta.

10 Hehan anpetu wakan yawapi wohanpi Jehovah Wakan yada kin yecage kta, token Jehovah Wakan yada niyawašte, taku ninape iyokipiya okihi yaqu kta.

 11 Qa Jehovah Wakan yada kin itokam widuskin kta, niye, qa nicinkši, nicunkši, qa nitaho-ksidan, qa wicinyanna nitawa, qa Levi kin otonwe nitawa ohna ti kin, qa tuwe tokeca, qa wamdenica, qa wiwazica, niyepi ehna unpi kin nakun; oyanke Jehovah Wakan yada kin caje ohna yanke kta e hdahnige kte cin hen.

12 Qa Egypta ohna wowidag niyanpi yeksuye kta, qa wokage kin dena yapatan,qa ecanon kta.

13 Ohanzi hdepi wohanpi nicicage kta, anpetu šakowin, aguyapi su nitawa qa miniša qa wihdi nitawa mnanyan yahdustan kinhan.

14 Qa wohanpi wakan nitawa en widuskin kta, niye, qa nicinkgi, qanicunk i, qanitahokšidan, qa wicinyanna nitawa, qa Levi kin, qa tuwe oyate tokeca, qa wamdenica, qa wiwazica otonwe nitawa en tipi kin owasin.

 15 Taku icahyaye cin owasin en, qa wohtani ninape econ kin owasin en Jehovah Wakan yada kin niyawašte kta, qa nina widuskin kta, heon oyanke Jehovah kahnige kte cin ohna anpetu sakowin Jehovah Wakan yada wohanpi yecage kta.

16 Mdoketu otoiyohi tona wica owasin Jehovah Wakan yada kin itokam yamni akihde nihdutaninpi kta, oyanke kahnige kte cin en, aguyapi napohyapi šni, wohanpi en, qa anpetu wakan yawapi kin wohanpi en, qa ohanzi hdepi wohanpi en; qa Jehovah itokam tuwedan cokadan ihdutanin kte šni.

17 Jehovah Wakan yada niyawašte kin, taku nicu kin etanhan otoiyohi token nape kin qu okihi, he iyeeen ahi kta.

 18 Wicoun nitawa on, otonwe Jehovah Wakan yada nicu kin owasin ohna wicašta wayacopi, qa wowapi kagapi nicicagapi kta; unkan woyaco owotanna on oyate kin wicayacopi kta.

19 Woyaco duktan kte šni, qa wicite ihayakta kte šni, qa taku nahmana qupi iyacu kte šni, taku nahmana qupi kin wicašta ksapa ista gonge wicaya, qa tona owotanna oiepi, wicayupemni ecee.

20 Woowotanna ohinniyan opa wo, hecen yani kta, qa makoce Jehovah Wakan yada nicu kin he tawa yaye kta.

 21 Taku kašta can A ere huyahde kte šni, Jehovah Wakan yada tawahna wošnapi nicicage cin ikiyedan.

22 Qa wakagapi wan eyahde kte šni, Jehovah Wakan yada he šicedaka.

WOOPE ITAKIHNA WICOWOYAKE 17.

1 Tatanka, qaiS tahcaska osteka, taku kašta en šice cin he Jehovah Wakan yada kin wayakidusna kte šni, he Jehovah Wakan yada wahteda šni nakaš.

2 Tohan niyepi ehna otonwe Jehovah Wakan yada nicu kin wanji ohna wicašta, qais winohinca wan Jehovah Wakan yada ista kin en taku šica econ, qa otakuye tawa kin acaksin iyeyapi;

 3 Qa ekta ye ca taku wakan tokeca ohoda, qa wicitokam patuja, anpetu wi, qais hanyetu wi, qais mahpiya obe wanji unmantukte kašta miš hecon wasi šni.

 4 He oniciyakapi, qa nayahon, qa tanyan inonge, qa inyun wicakapi, qa wicoie ecetu, wowahteda šni kin he Israel ohna econpi kinhan;

 5 Wicašta kin he, qais winohinca kin he, wicoie šice cin he econpi kin otonwe tiyopa ekta hinanpe yaye kta, qa wicašta kin he, qais winohinca kin he inyan on wicayakinin kta, hecen tapi kta. 6 Wayaatanin nonpa, qais wayaotanin yamni ipi kin on tuwe te kta iyececa te yapi kta, wayaotanin wanjidan i kin on tuwedan te yapi kte šni.

 7 'I e yapi kta e wayaotaninpi napepi tokaheya aonpapi kta, qa ohakam oyate iyuhpa; hecen iyošice kin he niyepi etanhan dutok;ui Uta.

 8 Tohan otonwe nitawa ohna wieoirakinicapi, wirawe wicawe kici, taku yuhapi tuwe tawa, kustakapi tuwe econ hel qa wicoie yacopi tchika on iyohi yaye šni kinhan, nayajin kta, qa oyanke Jehovah Wakan yada hdahnige kte cin he ekta yai kta.

 9 Qa wawayušnapi Levi kin ekta yai kta, nakun tuwe anpetu kin hena en wayaco heca ekta, qa odake kta, unkan woyaco wicoie kin oniciyakapi kla.

10 Qa oyanke Jehovah hdahnige kte cin wicašta etanhanpi i on wicoie oniciyakapi ecekcen ecanon kta; qa taku onspeniciyapi owasin iyecen aiciciya ecanon kta.

 11 Woope i kin onspeniciyapi, qa woyaco oniciyakapi iyecen ecanon kta, wicoie oniciyakapi etanhan ieuiiom etapa, qa catka unman tukte kašta cktakiya idade kte šni.

12 Qa wicašta tuwe wahanhan icidaya ohanyan, qa wawayušna hen najin, qa Jehovah Wakan yada okiye cin anagoptan šni, qais wayaco kin nahon šni, wicašta kin he te kta; hecen šica kin he Israel etanhan dutokan kta.

13 Unkan oyate kin owasin nahonpi, qa wakokipapi kta, qa icimana wahanicidapi kte šni.

14 Tohan niakoce Jehovah Wakan yada nicu kin ekta yai, qa tawa yaye ca en idotanke cinhan, qa, Wicaftayatapi wan micicage kta. tkce wicasla nihdukšan unpi owasin econpi he iyecen, ehe cinhan;

15 Tuwe Jehovah Wakan yada hdahnige kte cin hee wicaštayatapi nicicage kta, nihunkawanjipi etanhan wicaštayatapi nicicage kta Nihunkawanjipi etanhan šni wicagta oyate tokeca wicaštayatapi nicicage kte šni.

16 Tuka sunktanka hduota kte šni, qa sunktanka hduota kta e oyate kin Egypta ekta kihdewicaye kte šni Jehovah canku kin de ohna icimana idadapi kte šni eniciyapi qon nakaš.

17 Winohinca nakun hduota kte šni, hecen cante kin yuhoninipi kte Šni, Nakun mazaska otahinca mnaiciye kte Šni.

18 Unkan tokiconze oiyotanke kin akan kiyotanke cinhan, woope kin de wowapi wan oiciwa kta wawayušnapi Levi kin wicitokam wowapi yanke cin iyececa:

19 Qa he kici un kta, qa tohanyan ni kin anpetu owasin he en yawa kta; hecen Jehovah iye Wakan da kokipe kta ouspe kta qa woope kin de oie kin owasin patan kta, qa wokage kin dena econ kta.

 20 Qa hunkawanjitku wiciwankam cante kin ihduwankantuya kte Šni, qa woahope etanhan ihduhomni kte šni, etapa catka unman tukte ekta kiya.

WOOPE ITAKIHNA WICOWOYAKE 18.

1 Wawayušnapi Levi kin, Levi wicoun ocowasin wopamni, qa maga takudan yuhapi kte Šni. | Israel om, Jehovah tapeta wošnapi, qa taku tawa kin he yutapi kta.

 2 Tuka hunkawanji wicayapi ehna makoce yuhapi kte šni, Jehovah hee tawa yapi, ewicakiye cin iyecen.

3 Qa oyate etanhan, tona wošnapi wan patapi etanhan wawayušnapi tawoyacopi kin dee; tatanka, qais tahcaska etanhan isto, qa tapon napin qa tezi kin wawayušna qupi kta.

4 Aguyapi su, qa hastanhanka, qa can ihdi hena etanhan taku toka suton, nakun tahcaska nitawa hiri tokaheya yusdapi kin wicayaqu kta.

 5 Jehovah Wakan yada kin nitawicoun owasin etanhan Jehovah caje kin on wowidake najinpi kta e hena wicakahniga, qa cincapi nakun anpetu owasin.

6 Unkan Levi wan otonwe nitawa wan etanhan Israel ohna tukten yanke ciqon etanhan u, qa nagi kin iyokipikiye kta e oyanUe Jehovah hdahnige kte cin ekta hi kinhan.

7 Qa hunkawanji wicaye cin Levi kin owasin Jehovah itokam hen najinpi kin iyecen, Jehovah caje, iye Wakan da caje kin on wowidake un kte cinhan;

 8 Taku pamnipi etanhan unman yutapi iyecen yute kta, tuka taku ateyapi etanhan tawayapi kin iyopeyapi kin hecece kte šni.

9 Tohan makoce Jehovah Wakan yada nicu kin he ekta yai kinhan, ikcewicašta kin hena wowahte šni econpi kin iyecen onspe niciciye kte šni.

10 Wicašta tuwe iye cinhintku, qais cunwintku peta iyopte kiye kta wanjidan iyeyapi kte šni, nakun waayate mahpiya etanhan, qai5 wamduška etanhan, qais hmungapi etanhan waayatapi kin; YAKE 18.

11 Qa waajijisa, qa wapiyesa, qa wasdonyapi ihdawapi, qa wicanagi iyayapi kin awieakitapi.

12 Tona taku hececa econpi kin owasin Jehovah wahte wicada šni nakaš, qa wowahte šni kin hena on etanhan Jehovah Wakan yada nitokapa tanhan hena nape wicaya.

13 Jehovah Wakan yada kici ecetu hinca yaun kta.

14 Ikce wicašta tawa wicayaye kte cin hena wahmungapi, qa mahpiya etanhan waayatapi, kin hena anawicagoptanpi, tuka niye hecen ecanon kta Jehovah Wakan yada iyowin niciye šni.

15 Jehovah Wakan yada kin nihunkawanjipi etanhan niyepi ehna waayate iyemaceca icah niciyapi kta; hee anayagoptan kta.

16 Horeb ekta omniciye anpetu kin en, Jehovah Wakan yada etanhan taku yakida kin owasin iyecen, Tokin icimana Jehovah Wakan wada ho kin nawahon kte šni, qa peta tanka kin de icimana wanmdake kte šni, hecen mate kte šni, eha.

17 Unkan Jehovah hemakiya, Taku eyapi kin he wašte.

18 Hunka wanjinpi wicehna tanhan waayate wan icah wicawakiye kta, niye iyeniceca, qa mioie iye en yewakiye kta, qa taku eye wasi kin owasin ewicakiye kta.

 19 Qa mioie micajeyan eye kte cin wicašta tuwe nahon šni kinhan, miš towecon kta.

20 Tuka waayate tuwe taku eye wasi šni wahanicidaya ie cinhan, qa tuwe taku W'akan tokeca cajeyan ie cinhan, waayate kin he te yapi kta.

21 Unkan, Token wicoie Jehovah eye šni sdonyapi kta? nicante mahen ehe cinhan.

22 Wicoie waayate Jehovah cajeyan eye cin he ecetu šni, qa wicoie kin he hi šni kinhan, wicoie kin he Jehovah eye šni, waayate kin he wahanicidaya ia, heon koyakipe kte šni.

WOOPE ITAKIHNA WICOWOYAKE 19.

 1 Tohan Jehovah Wakan yada ikce wicašta makoce tawapi nicu kin hena Jehovah Wakan yada wicakaspe, qa he tawa yaye, qa otonwe tawapi, qa tipi tawapi ohnayakidotanke cin'nan.

 2 Makoce Jehovah Wakan yada tawa yaye kta e nicu kin he ohna otonwe yamni nicidukinukan kta.

 3 Qa canku tanyan nicicage kta, qa makoce tawayaye kta e Jehovah Wakan yada nicu kin he yamni kiya iyakago kta, hecen tuwe wicašta wan kte kinhan hen nape kta.

4 Qa tuwe wicašta wan kte kin on wicoie kin dee. Tuwe takodaku wanun kte, qa hektam he šice dake šni kin hen onape kta, qa ni kta.

 5 Qa takodaku kici taskoju ekta can kakse kta e i, qa can wan kakse kta e onspe yuha nape ye kiya, unkan onspe kin ihupa kin etanhan ihdusdoke ca takodaku ape cin on te cinhan, he otonwe kin hena wanji ekta nape kta, qa ni kta.

 6 Heconpi šni kinhan, okini tuwe we tokicon kin cante kata icunhan tin kte kin kuwa eyava, qa canku kin hanska on kihdege kta, qa kte kta tuka, wicanagi kin he woyaco on te kte šni, he itokam šice dake šni nakaš.

7 Heon woope wakage ca otonwe yamni nicidukinukan kta eciciya.

 8 Unkan Jehovah Wakan yada nitamakoce niciyutanka kinhan, nihunkakepi konza ewicakiye cin iyecen, qa makoce nihunkakepi wicaqu kta kewicakiye cin owasin nicu kinhan;

 9 Qa woahope kin de nakaha ope cisi owasin yapatan kinhan, qa Jehovah Wakan yada kin wašte yadake ca anpetu owasin tacanku omayani kinhan, otonwe yamni kin dena isanpa otonwe yamni nakun dukinukan kta.

10 Hecen makoce nitawa tawayaye kta Jehovah Wakan yada nicu kin ohna wicawe taku iyaonpepica šni papsonpi kte šni, qa wicawe niciyawapi kte šni.

11 Tuka tohan wicašta wan takodaku Šice kidake ca hmunke ca anajin, qa nagi kin ape cin on te cinhan, qa otonwe kin hena ekta wanji nape cinhan;

12 Otonwe tawa hunkayapi kin akicita ekta yewicašipi kta, qa hetanhan he icupi kta, qa we tokicon nape en qupi kta; hecen te kta.

13 Niišta kin onsikidake kte šni, tuka wicawe iyaonpepica šni papsonpi Israel etanhan dutokan kta, qa tanyan yaun kta.

14 Makoce Jehovah Wakan yada tawa yaye kta e nicu kin en, makoce onSpa tawayaye kte cin en wicašta ehanna makoce icago nicicagopi, nitakoda tamaga icago kin dutokan kte šni.

 15 Wicohan taku kašta on, qa woahtani taku kašta on wayaatanin wanjidan wicašta anajin kte šni, woahtani wicašta wahtani kin owasin en wicoie kin wayaatanin nonpa ipi on, qais wayaatanin yamni ipi on yasutapi kta.

16 Wayaatanin wa' iunniyan wicašta wan anajin, qa wicohan Šica wan econ, eya yaatanin kinhan,

17 Wicašta waakinicapi napin Jehovah itokam najinpi kta, wawayušnapi, qa anpetu kin hena en wicašta wayaco hecapi itokam,

18 Unkan wayaco kin tanyeh iwangapi kta, qa wayaatanin itonšni, hunkawanjitku en itonšniyan woyaatanin oyake cinhan;

 19 Taku šice cin hunkawanjitku ecakicon' kta honze cin, he iyecen ecakiconpi kta; hecen niye cokaya tanhan wicohan šica dutokanpi kta.

20 Unkan unman nahonpi qa kokipapi kta; qa niyepi ehna icimana wicoie šica kin he iyecen econpi kte šni.

21 Niišta kin he onsikidake kte šni, tuka wicanagi on wicanagi, wicista kin on wicista, hi wan on hi, nape on nape, siha on siha.

WOOPE ITAKIHNA WICOWOYAKE 20.

 1 Toka niyanpi azu wicayaye kta e tankan idade ca šuktanka, qa canpahmihma, qa oyate nikapeya ota wandake cinhan, ihnuhan kowicayakipe cin; Jehovah Wakan yada Egypta makoce etanhan hdinanpe niye cin nici un nakaš.

 2 Qa wokicize ikiyedan idadapi kinhan, wawayušna kin en najin kta, qa oyate kin wahokon wicakiye kta.

3 Qa hewicakiye kta; Israel nahonpo. Toka niyanpi wicayakizapi kta anpetu kin de ikiyedan yaunpi; ihnuhan canniwankapidan kin. Ihnuhan koyakipapi, qa nayajicapi, qa wicitokam niyusinyayapi kin.

4 Jehovah Wakan yadapi kin toka niyanpi wicakize kta, qa niyepi ni niyanpi kta e nicipi ya ce.

 5 Unkan wowapi kagapi kin iapi, qa oyate kin hewicakiyapi kta. Wicašta tuwe kašta tipi teca wan icicage ca nahanhin he yawakan šni kin, he hdicu qa ti kin ekta kihde kta; okini wokicize en te kta, unkan wicašta tokeca he yawakan kta.

 6 Qa wicašta tuwe hastanhanka iyuwi ojupi wan hu hde, qa nahanhin he yaikceke šni kinhan, iyaye ca ti kin ekta kihde kta; okini wokicize en te kta, unkan tuwe tokeca he yaikceka kta.

7 Qa wicašta tuwe winchinca wan wayuhpe ca nahanhin yuze šni kinhan, hdicu qa ti kin ekta kihde kta; okini wokicize en te kta qa wicašta tokeca he yuze kta.

8 Qa Wowapi kagapi nakun iapi qa oyate kin hewicakiyapi kta; Waicasta tuwe kokipe ca carrwankadan kinhan, hdicu qa kihde kta; hecen hunkawanjin wicaye cin cantepi skan kte šni, iye cante kin iyecen.

9 Qa wowapi kagapi oyate wahokon wicakiyapi ayastanpi kinhan oyate wiciwankam mdetanhunka wicakicagapi kta.

 10 Unkan tohantu kašta otonwe wan azuyaye kta e ikiyedan idade cinhan, wookiye waho yaye kta.

 11 Unkan wookiye aniyuptapi, qa niciyuhdokapi kinhan, oyate en iyeyapi kin owasin tawa wicayaye kta, qa wowidag wicayaye kta.

 12 Tuka wookiye nicicage šni, qa wokicize nicicage cinhan onayatake kta.

 13 Qa Jehovah Wakan yada kin he ninape enqu kinhan, tona wica owasin canhpi hi on wicayakte kta.

 14 Tuka winohinca, qa 6iceca, qa wanunyanpi, qa taku otonwe j ohna un kin owasin, woyuha iyuhpa kin niye on iyacu kta, qa toka niyanpi tawoyuha Jehovah Wakan yada nieu kin be yate kta.

15 Otonwe tona ikce wicašta kin dena etanhun Šni, tuka nitantanban tehan unpi kin, hena owasin hecen ecawicayeconpi kta.

16 Tuka oyate kin dena makoce tawayayapi kta Jehovah Wakan yada nieu kin, otonwe tawapi etanhan tona niyapi owasin etarihan wanjidan niyaye kte šni.

17 Hiti kin qa Amori kin, qa Caanani kin, qa Perrizi kin, qa lhwi kin, qa Jebusi kin ocowasin ihang wicayaye kta, Jehovah Wakan yada econ nisi kin iyecen.

 18 Hecen wowahtešni, taku iye wakan dapi ecawicakiconpi owasin iyecen econ onspe niciyapi kte šni, qa Jehovah Wakan yadapi awayalltanipi kte šni.

19 Qa otonwe wan anpetu ota onayatakapi, qa he iyacupi kta e yakizapi kinhan, can kin ihang yaye kta e onspe ekta ye yakiye kte šni, can kin he etanhan yate kta nakaš; heon yakakse kte šni, onatakapi kin on nun kta heon etanhan; maga can kin he wicašta on icaga nakaš.

 20 Tuka can tona etanhan woyute wanica sdonyayahena ihang yaye kta, hena yakakse kta, qa otonwe wokicize nicicage cin ohiyaye kte cin hehanyan can kin hena on conkaške nicicage kta.