WOOPE ITAKIHNA WICOWOYAKE
21.
1 Tohan makoce Jehovah Wakan yada tawayaye kta
e nieu kin ohna wicatancan wan ktepi manin lyeyapi, qa tuwe he kte kin sdonyapi
šni kinhan;
2 Hunkayapi kin, qa waj'acopi kin hiyupi, qa
wicatancan ktepi kin etanhan otonwe ihdukšan unpi ekta iyutapi kta.
3 Unkan otonwe
wicatancan ktepi ikiyedan, otonwe hunkayapi kin pte wanunyanpi pte he yuktanna
tohinni htanikiyapi šni, qa can wanapin en tokSu Šni icupi kta.
4 Qa otonwe kin
he hunkayapi kin pte he yuktanna kin kaksiza wan ohinniyan mini kaduza ca
yumdupi šni, qa ojupi Šni ekta apamahdedan ayapi kta, qa hen kaksiza ohna pte
he yuktanna pa baksapi kta.
5 Unkan wawayušnapi
Levi cinca kin ikiyedan hipi kta; Jehovah okiyapi kta, qa caje kin on yawaštepi
kta, qa woakinice, qa kiunniyapi owasin ipi on anaptapi kta e Jehovah Wakan
yada wicakahniga.
6 Unkan otonwe
kin he hunkayapi owasin wicatancan ktepi kin ikiyedan hipi kta, qa pte he
yuktanna kaksiza ohna pa baksapi qon iwankam nape hdujajapi kta.
7 Qa iapi qa heyapi kta, unnapepi we kin de
papsonpi šni, qa unkistapi tuwe hecon wanyakapi šni.
8 Jehovah Israel oyate nitawa opewicayakiton
akahpe wicakiciya ye, qa wicawe tin wicaktcpi oyate nitawa Israel wicakiciyawa šni
ye; unkan wicawe kin akahpe wicakiciyapi kta.
9 Hecen tin
wicaktepi we kin niyepi ehna tanhan dutokan kta, taku Jehovah iSta kin en ecetu
e ecanon kinhan.
10 Tohan tokaniyanpi wicayakize kta e tankan
inayapa, qa Jehovah Wakan yada ninape en wicaqu, qa wayaka iwicayacu kinhan;
11 Qa wayaka
ehna winohinca owanyag wašte wan wandake sa nina iyonicipi, qa nitawin on duze
kta yacin kinhan;
12 Yati mahen
hiyuyaye kta, qa pa hdusda kta, qa sake icahkiye kta.
13 Qa wokoyake
wayaka icupi un kin hdusdoke kta, qa yati kin ohna yanke kta; qa atkuku hunku
ko wi wanjidan anpetu iyenaka awicaceye kta; unkan he iyohakam ekta 3'ai kta,
qa hihna niye kta, qa nitawin hee kta.
14 Qa ohakam
iyonicipi šni kinhan, toki cin kin ekta yeyaye kta, tuka mazaska on iyope yaye
kte šni, qa wowidag yaye kte šni, onsika yakaga nakaš.
15 Wicašta wan
winohinca nonpa yuhe ca wanji wašte dakapi, qa unman šice dakapi, qa wašte
dakapi kin, qa šice dakapi kin napin cinca kicitonpi, qa šice dakapi cinca kin
he cinca tokapa kinhan.
16 Tohan taku yuhe cin he cinhintku yuhe
wicakiye cinhan, šice dakapi caske cinhintku tokapa hinca itokam wašte dakapi
cinhintku caske kage kte šni.
17 Tuka šicedakapi
cinhintku kin caske yawa kta, qa taku tawa iyeyapi kin owasin nonpa akihde qu
kta, hee tookihi otokahe, caske wayaco kin he tawa nakaš.
18 Tohan wicašta
wan cinhintku wan šica, qa wawakipajin yuha, he atkuku ho kin qa hunku ho kin nahon
šni, qa iyopekiyapi ešta nawicahon šni kinhan;
19 Atkuku hunku
ko he yuzapt, qa oyanke tawapi tiyopa ekta totonwe tawapi hunkayapi ekta
hiyuyapi kta.
20 Qa taotonwepi hunkayapi kin hewicakiyapi
kta; Unkicin| capi kin de šice ca wawakipajin, unhopi kin nahon šni, wicaštašni,
qa witkosa ce.
21 Unkan
totonwepi wicašta owasin inyan on kininpi kta, hecen te kta. Hecen taku šica
niyepi cokaya tanhan dntokan kta. Unkan Israel owasin nahonpi qa kokipapi kta.
22 Tohan wicašta
wan wahtani on te kta yacopi, unkan te yayapi, qa can wan akan otke yayapi
kinhan;
23 Tancan te
cin hanyetu osan can kin akan yanke kte šni, tuka anpetu kin he en maka mahen
oyahnake kta; wicašta otke yapi kin Wakantanka wowahte da šni, qa maka tawa
yaya Jehovah Wakan yada nicu kin he dusape kte šni.
WOOPE ITAKIHNA WICOWOYAKE
22.
1 Nihunkawanji
tatanka, qai3 tariinca tawa nuni wandake cinhan, nanicitibe kte šni, tuka hena
nihunkawanji ekta hdi wicayakiye kta.
2 Unkan nihunkawanji nikiyedan ti šni, qa tuwe
kin sdonyaye šni kinhan, yati kin ekta hiyuya' ye kta, qa nici yanke kta,
nihunkawanji he akite kte cin hehan; yan, qa hehan yecu kta.
3 Nakun tašonšonna iyecen ecayecon kta, qa he
iyecen tawokoyake ecayecon kta, qa taku nihunkawanji tawa owasin kitanin šni qa
iyeyaye cinhan; hecen ecayecon kta, he etanhan nanicitibe oyakitpani kta.
4 Nihunkawanji
tašonšonna qais tatanka tawa canku ohna ihpaya wandake cinhan nanicitibe kte šni,
tuka kici najin yaye kta.
5 Winohinca wan wicašta tawokoyake kin koyake
kte šni, qa wicašta wan winyan tawokoyake kin koyake kte šni; Jehovah Wakan
yada tona heconpi owasin wahte wicada šni nakaš.
6 Canku omayani eca zitkadan hohpi wan can
wanji akan qais niaka akan iyeyaye cinhan, cinca qais witka ohna unpi, qa
hunkupi cinca akan qais witka akan man kinhan, cinca kici hunkupi kin iyacu kte
šni.
7 Cinca kin iyacu kta, qa hunkupi niyake
yeyaye kta, hecen tanyan yaun kta, qa anpetu nici yahduota kta.
8 Tipi teca wan nicicage cinhan, akeyapi ihdukšan
canokaske yaye kta; hecen tuwedan hetanhan ihpaye kte šni, qa yati kin awe yaye
kte šni.
9 Hastanhanka iyuwi oju nitawa ohna su tokeca
oyaju kte šni; hecanon kinhan, su tokeca oyaju qa hastanhanka iyuwi, taku
oicage cin koya duwakan kta.
10 Tatanka wan
qa šonšonna wan akicaskapi on uiaga dumdukte šni.
11 Wokoyake
tahcaska hin qa hahonta on kagapi icicahiya kazuntapi kodake kte šni.
12 Woakahpe on akahpe niciye opapun topa kin
akan soso yaye kta ce.
13 Wicašta wan winohinca yuze ca kici wanke ca
šicekidake cinhan;
14 Qa wicohan šica
oie on aonpe ca caje šica kicage ca, winohinca kin de mduze ca ikiyedan wai
qehan witansna heca šni iyewaya, eye cinhan;
15 Wikoška kin atkuku hunku ko witansna awewe kin icupi
kta, qa tankan hiyuyapi kta, otonwe tiyopa ekta, hunkayapi ekta;
16 Qa wikoška atkuku kin hunkayapi kin hewicakiye kta, Mi36 cunkši
wicašta kin de tawicu kta e waqu, unkan he šicedaka.
17 Qa inyun oie
on wicohan šica aonpe ca, Nicunkši witansna heca šni iyewaya ce eya; tuka micunkši
witansna awewe kin dee eye kta, qa minihuha sina kin, otonwe hunkayapi kin
wicitokam kamdaye kta.
18 Unkan otonwe
kin he hunkayapi kin wicašta qon, icupi kta, qa iyope kiyapi kta.
19 Qa Israel witansna wan en; caje šica inanpe
ye cin on mazaska opawinge on hdajuju kiyapi j kta, qa wikoška atkuku kin hena qupi kta, qa he tawicu kta, tohanyan
ni kin hehanyan ehpe kiya okihi kte šni.
20 Tuka wicoie kin he wicake ca, wikoška qon witansna awewe kin iyeyapi šni kinhan;
21 Wikoška qon atkuku ti tiyo' pa ekta inanpe yapi kta,
qa otonwe wicašta kin inyan on kininpi kta; hecen te kta Israel ohna witkotkoya
ohanyan, qa atkuku ti ohna witkowin icicage nakaeš; hecen niyepi cokaya tanhan
taku šica dutokan kta.
22 Wicašta wan
winohinca wicašta tokeca tawicu heca kici wanke ca iyeyapi kinhan, napin tapi
kta, wicašta winohinca kici wanke cin, qa winohinca nakun; hecen Israel etanhan
taku šica dutokan kta.
23 Wicašta wan wikoška
witansna wayuhpapi heca, otonwe ohna
iyeye ca kici wanke cinhan,
24 Napin otonwe
kin tiyopa kin ekta tankan inanpewicayapi kta, qa inyan on wicakininpi kta;
hecen napin tapi kta, wikoška otonwe ohna šica howaye šni he on etanhan, qa wicašta
kin takodaku tawicu kin kiyuse | kin heon etanhan; hecen niyepi cokaya tanhan
taku šica dutokan kta.
25 Tuka manin wicašta
wan wikoška wayuhpapi iyeye ca iyahpaye
ca kici wanke cinhan, wicašta he kici wanke cin, is nana te kta.
26 Qa wikoška takudan ecayecon kte šni, wikoška te kta e wahtani šni, tuka wicohan kin he wicašta
wan takodaku anajin, qa nagi kin kte kin he iyececa.
27 Wikoška wayuhpapi kin manin iyeyapi šicahowaya,
tuka tuwedan he nahon šni.
28 Wicašta wan wikoška
witansna wayuhpapi šni iyeye ca iyahpaye
ca kici wanke, qa iyewicayapi kinhan;
29 Wicašta he
kici wanke cin wikoška atkuku kin
mazaska wikcemna zaptan qu kta, qa he onšika kage cin heon he tawicu kta, tohan
ni kin hehanyan he ehpekiya okihi kte Šni.
WOOPE ITAKIHNA WICOWAYAKE
23
1 Wicašta wan
atkuku tawicu qon yuze kte Šni, qa atkuku towinje kin yuzamni kte Šni.
2 Tuwe susu kaSujapi qaiS ce baSpapi kin Jehovah
taomniciye en ope kte Šni.
3 Wicašta tuwe
ateye tanin Šni Jehovah taomniciye en ope kte Šni; nakun cinhintku wicoicage
wikcemna hehanyan Jehovah taomniciye en ope kte Šni.
4 Amoni kin qa Moabi kin Jehovah taomniciye en
ope kte Šni. Tuwe hena etanhan icage tohini Jehovah taomniciye en ope kte Šni,
wicoicage wikcemna hehanyan.
5 Egypta
etanhan yahdinapapi qehan, aguyapi qa mini yuha I canku ohna nitkokim upi Šni,
I heon etanhan, nakun Balaam Beyor cinhintku, Aram Naharaim makoce, Petor
otonwe etanhan niyašicapi kta e opetonpi, heon etanhan.
6 Tuka Jehovah
Wakan yada kin Balaam nahon tawaten ye šni, qa Jehovah Wakan yada wašte nidake
cin, heon Jehovah Wakan yada kin niyašicapi kte cin yuhomni, qa niyawaštepi.
7 W'okiyapi kta, qa tanyan unpi kta icimana
ayakite kte šni, anpetu nitawa owasin.
8 Edomi nihunkawanji hee, heon ihnuhan
wahteyada Šni kin. Egypti tamakoce ohna yati qon, heon ihnuhan he wahte yada
kte šni.
9 Cincapi
wicakicitonpi wicoicage iyamni Jehovah taomniciye en opapi kta.
10 Toka niyanpi
azu wicaya idade cinhan, taku Šica owasin etanhan nikpatan kta.
11 Niyepi ehna wicašta
wan hanyen kaduze cin on šape cinhan, wicoti itankan inanpe kta, qa wicoti
mahen hi kte šni.
12 Tuka htayetu
kte cinhan, minin ihdujaja kta, qa wi iyaye cinhan, wicoti mahen hdi kta.
13 Qa wicoti itankan oyanke wan duhe kta, qa
he ekta tankan idade kta.
14 Qa wipe nitawa kici wamnahecadan duhe kta,
qa tankan idotanke cinhan, he on maka yaqe kta, qa idotanka ca enitanhan taku
inanpe cin akahpe yakiye kta.
15 Jehovah Wakan yada kin ni niyanpi kta e, qa
toka niyanpi kin nitokam wicaqu kta e wicoti nitawa ohna mani kin; heon wicoti
nitawa wakan kta, qa niye en taku šape wanyake kte šni; hecen niye etanhan hde
kte Šni.
16 Ookiye wan
yuhe cin etanhan niye ekta najice cinhan, yuhe cin yecu kte šni;
17 Nici ounye
kta, niyepi ehna oyanke kahnige kta ohna, otonwe nitawa wan iyokipi he en;
iyokisin yaye kte šni.
18 Israel
cunwintku wanjidan witkowin kte šni, qa Israel cinhintku wanjidan winy an icida
kte šni.
19 Witkowin
taku qupi, qa sunka taku iyope yapi kin, Jehovah Wakau yada ti kin ekta yakahi
kte šni; taku kašta woyake on hena napin Jehovah Wakan yada wahte da šni nakaš.
20 Nihunkawanji
dahtake kte šni, mazaska woyahtake on qa woyute woyahtake on, qa taku owasin
woyahtake on.
21 Tuwe oyate
tokeca woyahtake on oqu oyakihi kta, tuka nihunkawanji woyahtake on oyaqu kte šni,
hecen Jehovah Wakan yada kin taku ninape ekta yeyakiye cin owasin en, inakoce
tawa yaye kta e ekta idade cin he akan niyawašte kta.
22 Woyake Jehovah
Wakan yada odake cin yecu kta e dutehan kte šni, hecanon kinhan woahtani nici
yawapi kta, qa Jehovah Wakan yada kin nicida kta.
23 Wodake
yakapin kinhan woahtani niciyawapi kte šni.
24 Awanihdake
ca taku niiha etanhan inanpe cin econ wo; token Jehovah Wakan yada oyakidake,
woyake uii kin on ehe cin.
25 Nitakoda
hastanhanka iyuwi kin en yai kinhan, hastanhanka imnahan token ninagi cin
wayate kta, tuka wojuha nitawa en takudan iyeyaye kte šni.
26 Nitakoda
aguyapi oju tawa en yai kinhan, itka ninape on duksa oyakihi, tuka nitakoda
aguyapi su icage cin ekta isan yeyaye kte šni.
WOOPE ITAKIHNA WICOWOYAKE
24.
1 Wicašta wan winohinca yuze ca hihnaku ee, qa
ohakam he en taku sapa iyeye cin on ista kin en iyokipi šni kinhan, ehpekiyapi
wowapi wan kicage kta, qa nape kin en qu kta, qa iye ti kin etanhan iyaye ye
kta.
2 Unkan iye ti
kin etanhan inanpe ca toki iyaye ca wicašta tokeca he yuze cinhan;
3 Unkan wicašta
ehake yuze cin he šicedake ca ehpekiyapi wowapi wan kicage ca ti kin etanhan
iyaye ye cinhan, qais wicašta tawicu kta e ehake he yuze cin te cinhan;
4 Hihnaku
tokaheya ehpekiya qon, yušapapi iyohakam, tawicu kta e ake yuze kta okihi šni, Jehovah
Wakan yada kin he itokam wowahte šni kin hee, qa makoce Jehovah Wakan yada tawa
yaye kta e nicu kin he wahtani yaye kte šni.
5 Wicašta tuwe
askatudan winohinca wan yuze cinhan, ozuye obe en ope kte šni, qa on takudan
aonpapi kte šni, tuka waniyetu wanjidan ti kin ohna ikce yanke kta, qa tawicu
yuze cin iyuškin kiye kta.
6 Tuwe taku odote hdajuju kiyapi kta e
wiyukpanpi inyan sakim qais unmana tuwedan icu kte šni, he wicanagi icupi kin
he iyececa nakaš.
7 Tuwe
hunkawanjin wicaye cin etanhan, Israel cinca etanhan wicanagi wan iyahpaye ca
manun, qa wiyopeya, iyeyapi kinhan, wamanun kin he te kta, hecen taku šica
niyepi cokaya tanhan dutokan kta.
8 Leprosy makošice
on waktaya un wo, qa nina awanihdake ca Levi kin wawayušnapi kin taku onspe
niciyapi owasin iyecen econ wo; token econ wicawasi kin iyecen ecanonpi kta
awandakapi kta.
9 Egypta
etanhan yahdinanpapi canku ohna token Jehovah Wakun yada Miriam ecakicon kin he
kiksuya wo.
10 Tohan
nitakoda taku oyaqu kinhan, taku odote cin on taku hdajuju kiyapi kin iyacu kte
e tipi tawa en yai kte šni.
11 Tankan inayajin
kta, qa wicašta tuwe taku oyaqu, taku on hdajuju kiyapi kin niye ekta tankan
hiyuye kta.
12 Qa wicašta
kin onsika hecinhan, taku on hdajuju kiyapi yuha niStinbe kte šni.
13 Tohan wi
iyaye cin taku on hdajuju kiyapi yecu kta; hecen tawokoyake hdowin istinbe kta,
qa niyawašte kta, qa Jehovah wakan yada woowotanna niciyawa kta;
14 Tuwe
wahpanice ca onsike wohtani ope yaton kin yakiduse kte šni; he nihunkawanji
qaiS, oyate tokeca nitamakoce en otonwe nitawa ohna un kin unman tukte kašta.
15 Tuka anpetu
tawa en wi iyaye šni iyuwin yecu kta, he wahpanica, qa nagi kin ekta yeiciya nakaš,
hecen niba Jehovah hoyekiye kte šni, qa woahtani niciyawapi kte šni.
16 Hunkayapi
iye cinhintkupi on te wicayapi kte Šni, qa cinca hunkayapi on te wicayapi kte Šni,
otoiyohi iye wahtani kin on te kiyapi kta.
17 Tuwe oyate
tokeca, qa wamdenica tawoyaco dapemni kte šni; qa wiwazica taku nicicajuju šni
kin on tawokoyake iyacu kte šni.
18 Qa Egypta ohna wayaka yaun qon, he yeksuye
kta, qa hetanhan Jehovah Wakan yada openiciton heon miye wicoie kin de econ
cisi.
19 Nitamaga
ohna woksapi bayaksa eca, qa nitamaga ohna wopahte ayektonje cinhan; he iyacu
kta e ake ekta yai kte šni; tuwe oyate tokeca, wamdenica, qa wiwazica he yuhapi
kta; hecen Jehovah Wakan yada niyawašte kta, wohtani ninape econ kin owasin en.
20 Wihdi can nitawa yakahna eca akta duspi kte
šni, tuwe oyate tokeca, wamdenica, qa wiwazica he yuhapi kta.
21 Hastanhanka
iyuwi nitawa duspi eca okaptapi kin ake duspi kte Šni, hena tuwe oyate tokeca,
wamdenica, qa wiwazica yuhapi kta.
22 Unkan Egypta
makoce ohna wayaka nanke cin he yeksuye kta, heon wicoie kin de econ cisi.
WOOPE ITAKIHNA WICOWOYAKE
25.
1 Wicašta
woakinicapi, qa wayaco ekta hipi kinhan wayacopi kin tuwe owotanna kin he
yaowotanpi kta, qa tuwe šica Šicaya econ eciyapi kta.
2 Qa Šicaya
econ kin apapi kta iyecece cinhan, wayaco kin he makipusdiya ehpe kiyapi wicaši
kta, qa iye itokam, Šicaya econ kin on woape iyenaka apapi kta.
3 Wikcemna topa akihde apapi okihipi, tuka
sanpa apapi kte šni; hena isanpa apapi kinhan ota apapi kta, qa nihunka wanji
nitokam wahte šni yawapi kta.
4 Tatanka
aguyapi su napan kiyapi i kin yuohmuzapi kte šni.
5 Wicašta hunka
wanjin kiciyapi icikiyedan tipi, qa wanji cinca nica te cinhan, wicašta 'tokeca
tokan tanhan te cin tawicu kin yuze kte šni, Šiceku kin he ekta i kta, qa
tawicu kta e yuze kta, qa šiceku taku ecakicon kta iyececa ecakicon kta.
6 Unkan cinca ton tokapa kin hunkawanjitku te
ciqon caje kin yuhe kta, hecen caje kin Israel etanhan pajujupi kte šni.
7 Unkan wicašta
kin hankaku yuze kta tawaten ye šni kinhan, hankaku hunkayapi ekta, otonwe
tiyopa ekta ye kta, qa heye kta. šice waya iye cincu caje kin Israel ohna
icahye kta wicada šni, qa mayuze kta cin šni.
8 Hehan otonwe
hunkayapi kin he kicopi kta, qa kici wohdakapi kta, unkan ekta najin, qa he
mduze kta tawaten waye Šni, eye kta.
9 Hehan hankaku ikiyedan i kta, qa hanpa siha
kin etanhan kieiyuSdoke kta, hunkayapi itokam, qa ite kin en tagoSa kta, qa
tuwe cincu ti kin icah ye kta tawaten ye šni hecen ecakiconpi kta, eye kta.
10 Unkan Israel
ohna, Hanpa kiciyuSdokapi toti kin he, eciyapi kta.
11 Wicašta wan hunka wanjitku kici akicipapi,
qa wanji tawicu kin tuwe ape cin nape kin etanhan hihnaku ehdaku kta e ikiyedan
hi, qa nape kin yekiye ca wowištece ekta yuze cinhan,
12 Nape kin
bayaSpe kta, niišta kin onsikidake kte šni.
13 Waaspeya
ojuha ohna inyan toktokeca, tanka qa cistinna duhe kte šni;
14 Wiyutapi
toktokeca tanka qa cistinna yati kin ohna duhe kte Šni.
15 On aspeyapi
ecetu qa owotarina duhe kta, qa wiyutapi ecetu qa owotanna duhe kta; hecen
anpetu nitawa hanske kta, makoce Jehovah Wakan yada nicu kin akan.
16 Jehovah Wakan yada wico| nan hena owasin
wicohan šica owasin wahte da šni nakaš.
17 Egypta
etanhan yahdinanpe ciqon tahepi Amalek token ecannicon kin kiksuya wo.
18 He tahepi
anicipe ca tona Sihtinpi nihakam upi owasin wicakaspe, qa taku Wakan kokipe Šni,
niye hanyaya qa mdoyakite cehan.
19 Heon tohan Jehovah Wakan yada iyozi niciye,
makoce tawa yaye kta, qa yecipamnipi kta e Jehovah Wakan yada nicu kin ohna,
toka niyanpi ihdukšan unpi owasin etanhan, Amalek kiksuyapi kin manpiya ihukuya
tanhan yapajuju kta, ihnuhan ayektonje cin.
WOOPE ITAKIHNA WICOWOYAKE
26.
1 Unkan tohan makoce yecipamnipi kta Jehovah
Wakan yada nicu kin ekta yaki, qa tawa yaye ca ohna yakidotanke cinhan,
2 Maga nitawa
taku toka suton owasin, makoce Jehovah Wakan yada nicu kin etanhan taku icage
cin etanhan iyacu kte ca wakiskotpa wan en iyeyaye kta, qa oyanke ohna caje kin
yanke kta e Jehovah Wakan yada hdahnige cin he ekta yai kta.
3 Qa wawayušna anpetu kin hena en yuke kte cin
he ekta yai kta, qa heyakiye kta, Makoce wanunqupi kta Jehovah hunkake
wicunyanpi konza ewicakiya, he ekta wahi, Jehovah Wakan yada kin nakaha
ewakiya.
4 Unkan wawayušna kin wakiskotpa kin ninape
etanhan icu, qa wahna wošnapi Jehovah Wakan yada tawa kin icahda ehde kta.
. 5 Hehan Jehovah
Wakan yada itokam iyae ca ehe kta, Aram wicašta hanyan ate waya, Egypta ekta
apamahdeya i, qa hen yanka, wicašta tonana om. qa hen oyate tanka, wašaka, qa
wicota icaga.
6 Unkan Egypti unkiyusepi, qa iyokisin
unyanpi, qa tehiya wowidag unyanpi.
7 Unkan Jehovah
hunkake wicunyanpi Wakandapi kinhoyeunkiyapi; unkan Jehovah ho naunkihonpi, qa
iyokisin unyanpi, qa htani unkiyapi, qa unkiyusepi kin wanyaka.
8 Qa Jehovah Egypta
etanhan hdinanpe unyanpi nape wašaka on, qa isto katinkiya on, qa wowanyanke
tanka on, qa wo wapetokeca on, qa tohan okitanin on;
9 Qa oyanke kin
deektahiyu unyanpi, qa makoce kin de unqupi, makoce pte asanpi qa canhanpi
tiktica on kaduza.
10 Heon wanna
wanyaka wo, maga mitawa Jehovah maqu kin ] taku aicage toka suton wakahi, ehe
kta, qa Jehovah Wakan yada kin itokam eyaju kta, qa Jehovah Wakan yada ohoyada
kta.
11 Qa taku wašte Jehovah Wakan yada nicu, qa
yati taku qu kin hena owasin on iduskin kta; niye, qa Levi kin, qa tuwe tokeca
niyepi ehna un.
12 Omaka iyamni
en iwikcemna mnayanpi omaka hee, taku icah yaye cin iwikcemna yukinukan
yahdustan kinhan, Levi kin, qa tuwe tokeca, qa wamdenica, qa wiwazica wicayaqu
kta; unkan otonwe nitawa ohna yutapi qa ininapi kta.
13 Qa Jehovah
Wakan yada itokam hehe kta. Taku yuwakanpi iyuhpa wati etanhan hiyu waya; qa nakun
Levi kin, qa tuwe oyate tokeca, wamdenica, qa wiwazica he wicawaqu, woahope
nitawa ope mayasi kin owasin iyecen, woahope nitawa kawape šni, qa awektonje šni.
14 Hetanhan
wasiwahda icunhan ongedan wate šni, qa taku sapa on ongedan mun ni, qa tuwe te
cin on he etanhan ongedan wicawaqu šni, Jehovah Wakan wada ho kin nawahon, qa
token econ masi kin owasin iyecen ecamon.
15 Nitohe wakan
etanhan, Mahpiya etanhan ahitonwan,qa oyate nitawa yawašte ye, Israel hee;
nakun makoce unyaqupi kin he makoce pte asanpi qa canhanpi tiktica on kaduza,
hunkake wicunyanpi konza ewicayakiye ciqon iyecen.
16 Anpetu kin
de Jehovah Wakan yada wokage qa woyaco kin dena econ nisi, heon waktaya un, qa
nicante ocowasin on, qa ninagi ocowasin on hena ecanon kta.
17 Jehovah taku Wakan yada kin hee, qa tacanku
omayani kta, qa tokage, qa tawoahope, qa tawoyaco yapantan kta, qa ho
kin'nayahon kta, nakaha eyakiya.
18 Unkan nakaha
Jehovah neniciya, oyate tehindapi miyeciun kta, eniciya qon iyecen, qa
tawoahope owasin yapatan kta.
19 Qa oyate
owasin wicakaga woyatan on, qa caje kin on, qa wokitanin on, wiciwankam
enihdepi kta,qa Jehovah Wakan yada taoyate wakan yaunpi kta,eye ciqon iyecen.
WOOPE ITAKIHNA WICOWOYAKE
27.
1 Hehan Moses
qa Israel hunkayapi kin oyate wahokonwicakiyapi, qa heyrfpi, Woahope nakaha ope
cišipi kin owasin patan po.
2 Unkan tohan
Jordan iduwega, makoce Jehovah Wakan yada ekta, inyan tankinyanyan eyahnake
kta, qa makasan upsija on hena ayapawinte kta.
3 Qa hena akan woope wicoie kin owasin oyawa
kta, makoce Jehovah Wakan yada nicu kin en yaki kta e iduwegapi iyohakam,
makoce pte asanpi qa canhanpi tiktica on kaduza, Jehovah nihunkakepi Wakan dapi
kin eniciye iyecen.
4 Qa Jordan iduwegapi ohakam Išbal paha kin en
inyan kin hena eyahnakapi kta, nakaha econ cišipi iyecen, qa makasan upsija on
hena ayapawinte kta.
5 Qa hen wahna
wo iapi wan Jehovah Wakan yada kin yecage kta, wahna wošnapi inyan kin hena
akan mazasapa yakoze kte šni.
6 Inyan
ocowasin kakanpi šni on Jehovah Wakan yada owayušna kin yecage kta; qa he akan Jehovah
Wakan yada tawohuhnahyapi nuhnah yakiye kta.
7 Qa hen wopida
wošnapi yapate ca yate kta, qa Jehovah Wakan yada kin itokam widuskin kta.
8 Qa woope kin de oiekin owasin inyan akan
taninyanhin oyawa kta.
9 Unkan Mosesqa
wawayušnapi kin Levi kin iapi, qa heyapi, Israel inina un, qa anagoptan wo.
Nakaha Jehovah Wakan yadapi kin taoyate kin he niyepi.
10 Heon Jehovah Wakan yada ho kin nahon, qa
tawoahope qa tokage nakaha eciciye cin econ wo.
11 Unkan anpetu
kin he en Moses oyate wahokon wicakiye ca heya,
12 Jordan iduwegapi ohakam oyate wicayawaštepi
kte e Gerizim paha akan inajinpi kta dena eepi, Simeon, qa Levi, qa Judah, qa Issachar,
qa Joseph, qa Benjamin.
13 Qa yašicapi
kta e Ebal paha akan najinpi kta dena eepi, Reuben, Gad qa Aser, Zebulun, Dan
qa Naptah.
14 Unkan Levi
kin ayuptapi kta, qa ho tankakiya Israel wicašta owasin hewicakiyapi kta;
15 Tuwe
wakagapi kakanpi, wan qaiS Sdoyapi wan, wapago wan nape on kagapi, he Jehovah
wahteda šni, kage ca nahmana ehde, wicašta kin he yašicapi nun we. Unkan oyate
owasin ayuptapi, qa Amen (Hecetu nunwe,) eyapi kta.
16 Tuwe atkuku, qais hunku ihakta šni kin he
yašicapi nunwe; unkan oyate kin owasin Amen, eyapi kta.
17 Tuwe wicašta
tokeca tamaga icago yutokan yašicapi nunwe; unkan oyate kin owasin Amen, eyapi
kta.
18 Tuwe wicašta
ista gonge cin canku etanhan mini kiye cin, yašicapi nunwe; unkan oyate kin
owasin, Amen, eyapi kta.
19 Tuwe
wamdenica, wiwazica, qais tuwe tokeca tawoyaco yapemni kin he yašicapi nunwe;
unkan oyate kin owasin, Amen, eyapi kta.
20 Tuwe atkuku
tawicu kici wanke cin, atkuku towinje kin yuzamni, heon he yašicapi nunwe;
unkan oyate kin owasin, Amen, eyapi kta.
21 Tuwe woteca
wan kici wanke cin he yašicapi nunwe; unkan oyate kin owasin, Amen, eyapi kta.
22 Tuwe tawinohtin kin atkuku cunwintku, qais
hunku cunwintku kici wanke cinhan yasicapi nunwe; unkan oyate kin owasin, Amen,
eyapi kta.
23 Tuwe konku, qais
takosku kici wanke cin yašicapi nunwe; unkan oyate kin owasin, Amen eyapi kta.
24 Tuwe wicašta tokeca wan nahmana kaštake
cinhan yašicapi nunwe; unkan oyate kin owasin, Amen eyapi kta.
25 Tuwe wicanagi taku šica econ šni we ye kta
e taku nahmana qupi icu kinhan, yašicapi nunwe; unkan oyate kin owasin Amen,
eyapi kta.
26 Tuwe woope
kin de oie kin owasin yasuta šni, qa ecen econ šni kin yašicapi nunwe; unkan
oyate kin owasin Amen, eyapi kta.
WOOPE ITAKIHNA WICOWOYAKE
28.
1 Unkan kaketu
kta, Jehovah Wakan yada ho kin nayahon, qa tawoahope nakaha ope cisi kin owasin
yapatan, qa ecen ecanon kinhan, Jehovah Wakan yada oyate maka akan iyeye cin
owasin iwankam enihde kta.
2 Qa woyawašte
kin dena owasin en niupi, qa iyonihipi kta; Jehovah Wakan yada ho kin nayahon
kinhan,
3 Otonwe ohna niyawaštepi kta, qa maga ohna
niyawaštepi kta.
4 Tamni nitawa
taku icah ye cin yawaštepi kta, nakun maka nitawa taku icah ye cin, qa
nitawanunyanpi taku icah yapi, pte nitawa, qa tahin wanunyanpi wiyedan cincapi
kin yawaštepi kta.
5 Waskuyeca
opiye nitawa yawaštepi kta.
6 Tin hidu eca niyawaštepi kta, qa tankan
inanyapa eca niyawaštepi kta.
7 Toka niyanpi
aninajinpi kin wicayakaštaka okihi niye kta; canku wanjidan ohna anihinanpapi
kta, qa canku šakowin ohna nitokapa taiman najicapi kta.
8 Woha nitawa
en Jehovah wowašte nicu kta, nakun taku ekta ninape yeyakiya owasin en; qa Jehovah
Wakan yada maka nicu kin en niyawašte kta.
9 Qa Jehovah
taoyate wakan yaun kta, sutaya najin niyanpi kta konza eniciye cin iyecen; Jehovah
Wakan yada tawoahope oyape ca tacanku omayani kinhan.
10 Qa oyate
maka akan hiyeye cin owasin Jehovah caje on caje niyatapi kin wanyakapi qa
konicipapi kta.
11 Qa Jehovah
taku wašte niciyuota kta, taku tamni nitawa icah ye cin en, qa nitawanunyanpi
taku icah yapi en, qa makoce Jehovah nicu kta, nihunkakepi konza ewicakiye
ciqon ohna maga nitawa taku icah ye cin en.
12 Qa Jehovah
wopiye tawa niciyuhdoke kta, mahpiya kin, qa hecen iyehantu eca makoce nitawa
amagaju ye kta, qa ninape tohtani owasin niciyawašte kta; hecen oyate ota
owicayaqu kta, tuka niye oyadote kte šni.
13 Qa pa yaun kta e Jehovah enihde kta, qa
sinte henica kte šni; qa wankan heceedan yaun kta, qa ihukuya yaun kte šni; Jehovah
Wakan yada tawoahope nakaha miye patan qa econ cisi nayahon kinhan.
14 Qa wicoie
owasin nakaha ope cisi kin etanhan nihduhomni šni, etapa qa catka unman tukte
ekta kiya, qa taku wakan tokeca owicayape Šni, qa ohowicayada šni kinhan;
15 Tuka
tawoahope, qa tawokage owasin nakaha ope cišipi yapatan kta, qa ecanon kta e Jehovah
Wakan yada ho kin nayahon šni kinhan, woyašice kin dena owasin en niupi qa
nicihdegapi kta.
16 Otonwe ohna
niya capi kta, qa maga ohna niyašicapi kta.
17 Waskuyeca
opiye nitawa en, qa aguyapi su opiye nitawa en niyašicapi kta.
18 Tamni nitawa
oicage cin, qa maga nitawa taku oicage cin, tahin wanunyanpi wiyedan nitawa, qa
pte nitawa taku tonpi yašicapi kta.
19 Tin hidu eca
niyašicapi kta, qa tankan inanyapa eca niyasicapi kta.
20 Unkan Jehovah
woyašice kin niye ekta ye kiye kta, wowinihan kin, qa woiyopeye kin; taku
ynkage kta e ninape ekta yeyakiye cin owasin en; ecen ihang niyanpi, qa kohanna
nisotapi kta, niohan wošice kin, qa amayadustan kin on etanhan.
21 Qa Jehovah
makošice ikoyag niye kta, ecen makoce tawayaj'e kta e ekta idade cin hetanhan
nisotapi kta.
22 Qa Jehovah wasinkte, qa tancan kata, qa šiyakao,
qa sasa anihinanpe on, anipe kta, nakun canftpi on, qa aguyapi hu Šnija qa gigi
kin on, hena nipasipi ecen nisotapi kta.
23 Qa mahpiya nitawa nipa iwankam mazasa kta,
qa maka kin nihukuya kin mazasapa kta.
24 Qa Jehovah
watusekseca maka nitawa ahinhe ye kta, qa wiyaka mahpiya etanhan ahinhe niye
kta, ecen ihang niyanpi kta.
25 Qa toka
niyanpi itokam nayajicapi kta Jehovah kage kta, canku wanjidan ohna wicatatpe
inanyape kta, qa canku šakowin ohna wicitokam nayajice kta, qa maka wokiconze
owasin ekta nape niyanpi kta.
26 Qa mahpiya
wahupakoza, qa maka wamaniea owasin, nitancanpi woyute yapi kta. qa tuwedan ham
wicaye kte šni.
27 Qa Jehovah Egypti
tancan hdi on anipe kta, nakun nitepo, qa wicayaspuya, qa hahdi on, tuwedan
okizi niye kta okihi kte šni.
28 Qa Jehovah
woyuhnaskinyan on, qa istagonga on, qa cante hnuni on anipe kta.
29 Qa tuwe
istagonga otpaza en yutantan un kin iyecen, wiyotanhan en yutantan yaunpi kta;
qa niohan tanyan ihuni yakiye kte šni, qa ohinniyan niciyusepi, qa taku nitawa
nicipi kta, qa tuwedan eniyaku kte šni.
30 Winohinca
waduhpe kta, qa wicašta tokeca he kici wanke kta; tipi yakage kta, tuka ohna
yati kte šni. Hastanhanka iyuwi huyahde kta, tuka tohini waskuyeca kin duspi
kte šni.
31 Tatanka
nitawa nitokam patapi kta, tuka etanhan onspadan yate kte šni. onsonna nitawa
nitokapatanhan nicipi kta, qa en nihdi kte šni. Toka niyanpi tahcaska nitawa
icupi kta, qa tuwedan oniciye kte šni.
32 Oyate tokeca
nicinkši qa nicunkši iwicacupi kin niišta wanyakapi, qa hena on etanhan anpetu
owasin hanyanpi kta; tuka ninape wowašake nice kta.
33 Oyate tokeca
sdon wicayaye šni taku maka nitawa aicage ca taku on htayani owasin tern yapi
kta; qa niye anpetu owasin niciyusepi, qa nicasujapi ece yaun kta.
34 Qa wowanj'ake niišta on wandake cin on
nihnaskinyan kta.
35 Unkan Jehovah hupahu akan, qa iskahu akan
nipo šica wan, okiziyepica šni on anipe kta, nisiha etanhan nipesdete
aiyahdeya.
36 Unkan Jehovah
niye, qa wicaštayatapi niwankam nicicage kte cin oyate tokeca wan ekta ye
niyanpi kta. he sdonyaye šni, qa nihunkakepi sdonyapi šni, qa hen taku wakan
tokeca, can qa inyan ohowicayada kta.
37 Qa oyate
tona ekta Jehovah yeniyanpi owasin woyuSinyeye, qa wiyacinpi, qa oweStepi
niyuhapi kta.
38 Wojupi ota
nitamaga ekta ade kta, tuka tonana mnayaye kta; psipšicadan temyapi kta nakaš
39 Hastanhanka
huyahde, qa yakicanye kta; tuka minima datke kte šni, qa duSpi kte šni;
wamdudan yutapi kta nakaš.
40 Wihdi can
makoce nitawa owancaya yuke kta, tuka wihdi on sdaniciye kte šni; wihdi
waskuyeca Stonkadan ihpaye kta nakaš.
41 Cinca wica
winyan ko yakage kta, tuka nici unpi kte Šni; wayaka awicayapi kta nakaš.
42 Can nitawa owasin, qa maga nitawa taku
aicage cin psipšicadan icupi kta.
43 Tuwe tokeca niyepi ehna ounye cin ohiniyan
niwankam sanpa, qa sanpa wankan ye kta, qa niye apamahdedan kuya qa kuya idade
kta.
44 lye onicu
kta, tuka oyaqu kte šni. lye pa kin heca kta, qa niye sinte henica kta.
45 Qa Jehovah
Wakan yada ho kin nayahon Šni, qa tawoahope, qa tokage ope niSi oyape Šni, neon
woyašice kin dena owasin nipasipi, qa en niupi, qa nicihdegapi kta, ihang
niyanpi kte cin hehanyan.
46 Qa niye en,
qa tona niye etanhan icagapi kte cin en, hena wowapetoUeca, qa wowanyake unpi
kta, owihanke wanica.
47 Taku iyuhpa
ota nicu kin on Jehovah Wakan yada kin wiyuškinyan, qa cante wašte on oyakiye Šni,
heon,
48 Toka niyanpi
niye en Jehovah ye wicaši kin wowidag niye kta, wotektayahda en, qa taku iyuhpa
inicakija en, Mazasapa tawanapin nitahu ikoyag niye kta, ecen ihang niyanpi
kta.
49 Qa Jehovah
oyate wan tehantanhan maka ihanke etanhan ananitan wicaye kta, wanmdi kinyan
iyececa, oyate wan iapi kin nahon oyakihi kte Šni.
50 Oyate ite
sutapi, wicahinca ite ihaktapi kte šni, qa tona aSkatupidan onsiwicadapi kte šni.
51 Qa
wanunyanpi nitawa cincapi kin, qa maga nitawa taku aicage cin tem yapi kta,
ecen ihang niyanpi kta; qa aguyapi, minila, qa wihdi onicaptapi kte šni, nakun
pte nitawa, qa tahcaska wiyedan nitawa cinca kin, ecen awihunni niyanpi kta.
52 Qa makoce
owancaya, otonwe nitawa owasin ohna onanitakapi kta, ecen conkaške nitawa tehanwankan, qa suta, wacinyaye kte cin
hena owasin hinhpayapi kta. Jehovah Wakan yada makoce nicu kin owancaya, otonwe
nitawa owasin ohna onanitakapi kta.
53 Qa onanitakapien,
qa iyoniciŠice cin, toka niyanpi iyokisin niyanpi kin en, tamni nitawa taku
oicage cin, nicinca wica winyan koya Jehovah Wakan yada nicu cehpipi kin yate
kta.
54 Qa wicašta wahba,qa wiyuškinyan, nina wota
qon niyepi ehna iSta kin hduŠice kta, sunkaku ekta, qa tawicu itpi ohna wanke
cin ekta, qa iye cinca nahahin nipi ekta;
55 Hecen otonwe
nitawa owaSin ohna toka niyanpi onanitakapi, qa iyokisin niyanpi en takudan,
ihe šni on, iyokišice cin en iye cinca cehpi hdute cin hetanhan unmanna
onspadan qu kte ni.
56 Niyepi ehna winohinca wahba, qa tancan
wankadan tanyehin un qon, wankadan on siha makuhde ute šni qon, he ista kin hdušice
kta, itpi hihnaku kin en, qa iye cinhintku qa cunwintku kin en;
57 Qa otonwe
nitawa ohna toka niyanpi iyokisin niyanpi onanitakapi, qa iyokisin niyanpi kin
en taku iyuhpa icakije kin on, cinca nakaha tonpi iye siha otahedan etanhan
hiyu kin, qa cinca wicatonqonhena nahmana hdute kta.
58 Wowitan
qawowinihan caje kin de Jehovah Wakan yada kin koyakipe kta, qa wowapi kin de
woope wicoie owapi owasin ecanon kta waktaya yaun šni kinhan.
59 Wokaštake tanks, qa wowinihan on anipe kta,
qa nicinca awicape kta, wowayazan šica, qa suta on.
60 Qa Egypti
wosifttin ikoyape ciqon owasin niye en ahinhpa ye kta, qa hena ikoyag niye kta.
61 Nakun
wowayazan owasin, qa wokaštake woope kin de wowapi en owapi šni owasin, Jehovah
niye akan ehnake kta, ecen ihang niyanpi kta.
62 Qa wicota
hinca yaunpi qon mahpiya wicanhpi iyenakeca heekiya Jehovah Wakan yada ho kin
nayahon šni, heon wicašta tonana onicaptapi kta.
63 Unkan token tanyan ecanicon kta, qa niyuota
kta e Jehovah iyuškin qon, he iyecen awihnuni niye kta, qa ihang niye kta e Jehovah
iyuškin kta; qa makoce tawa yaye kta e ekta 46 idade cin he etanhan nicahintapi
kta.
64 Qa Jehovah oyate owasin ehna enanakiya
iyaye niyanpi kta, maka anog ihanke ekta, qa heciya taku wakan tokeca can qa
inyan ohoyada kta, hena sdon wicayaye šni, qa nihunkake nakun.
65 Qa ikce wica
ta kin hena ehna owanji nanke kte šni, qa nisiha on iyozi wanice kta, qa heciya
cante cancan, qa ista sota, qa nagi skan niyanpi kta.
66 Qa wiconi nitawa nitokam kaozeze un kta, qa
hanyetu anpetu koya wakoyakipe kta, qa wiconi nitawa wacin yaye kte šni.
67 Nicante wokokipe ikoyape cin on, qa niišta
wowanyake wandake cin on hahanna eca, Tokin htayetu kten, ehe kta, qa htayetu
eca, Tokin hahanna kten, ehe kta.
68 Qa Jehovah
wita wata ohna Egypta ekta hde niye kta, ocanku kin he icimana wandake kte šni,
eciciya, qa hen wiyope niyanpi kta; toka niyanpi kin, hoksipidan on qa
wicinyanpidan on wowidag niyanpi kta, qa ecen tuwedan ope niton kte šni.
WOOPE ITAKIHNA WICOWOYAKE
29.
1 ftoreb en Jehovah wicotakuye wan Israel
cinca om kage cin ohakam, Moab makoce ohna wicotakuye hena om Moses kah si kin
wicoie kin dena ee.
2 Unkan Moses Israel owasin wicakico, qa
hewicakiya, Taku Jehovah Egypta makoce ohna niištapi itokam Pharoah, qa
tamakoce ocowasin, qa taokiye owasin ecawicakicon owasin wandakapi.
3 Wowiyutanyan
tanka kin niišta wanyaka, wowapetokeca kin, qa wicohan tanka kin hena.
4 Tuka cante
sdonye kta, qa ista wanyake kta, qa noge narion kta e anpetu kin de nahahin
.lehowa nieupi šni.
5 Waniyetu
wikcemna topa hewoskan mani ciyapi, nitaneanpi etanhan wokoyake nitawapi sote šni,
qa hanpa nitawa nisiha etanhan napote šni.
6 .Tehowa Wakan
yada kin he miye sdon yaye kta, heon aguyapi yatapi šni, qa miniša, qa mini
wakan datkanpi šni.
7 Oyanke kin den
yahipi, unkan Sihon Hesbon wicaštayatapi, qa Og Basan wicaštayatapi
itkounkipapi kta, qa unkizapi kta e inanpapi; unkan wicunkaštakapi.
8 Qa makoce tawapi unkicupi, Reubeni, qa Gadi,
qa Manasseh wi coun hanke he tawayapi kta e wicunqupi.
9 Heon wicotakuye
kin de oie kin patanpi qa ecen econpo; hecen taku ecanonpi kta owasin idukcanpi
kta.
10 Niyepi
owasin nakaha Jehovah Wakan yadapi itokam nayajinpi, wicoun nitawapi itancanpi,
qa hunkayapi, qa wowapi kagapi kin; Israel wicašta owasin;
11 Šiceca
nitawapi, qa nitawinpi, qa tuwe tokeca tonwanyayapi en un, tuwe cande qa mini
toksu aiyahdeya.
12 Jehovah
Wakan yada wicotakuye kin en yaipi kta, qa tawokonze Jehovah Wakan yada nakaha
nicicagapi en.
13 Heon taoyate
henicapi kta e, qa iye wakan yadapi kta e nakaha enihde, eniciye cin iyecen, qa
nihunkakepi Abraham, qa Isaac, qa Jacob konza ewicakiye cin iyecen,
14 Qa wicotakuye kin de, qa wokonze kin de
niyepi nišnana: pidan om wakage šni.
15 Tuka tona
nakaha Jehovah Wakan undapi itokam najinpi owasin om, qa nakun tona nakaha
unkiyepi om un šni.
16 Token Egypta
makoce en unyakonpi sdon yayapi, qa nakun oyate ehna unkupi kin token hena
iyoopta unkupi.
17 Qa wowahte šni
tawapi, qa toasapapi wandakapi, can qa inyan mazaska, qa mazaskasi ohoI dapi
kin.
18 Okini niyepi ehna wicašta, qais winohinca,
qais wicowazi, qais wicoun wan yukan, qa cante kin Jehovah Wakan undapi etanhan
nakaha ihduhomni, qa ikcewicašta kin hena taku wakandapi kin ekta ye ca
ohowicada, okini niyepi ehna hutkan wan i etanhan pijihuta šica, qa pejihota
icage kta.
19 Qa woyašice
kin de oie kin nahon kinhan, cante kin ohna ihdawašte kta, qa heye kta; Micante
ihdusuta en mawani, qa imnahan mdatke cin on imapuza anamicipte kta ešta,tanyan
waun: kta.
20 Jehovah wicašta
kin he kicicajuju kta tawaten ye kte šni; 1 tuka wicašta kin he en Jehovah
tocanniye kin, qa towinawizi kin ideye kta, qa woyašice wowapi kin de en owapi
ocowasin he akan yanke kta, qa caje kin mahpiya ihukuya tanhan Jehovah ' pajuju
kta.
21 Qa Jehovah
taku šica on Israel wicoun owasin etanhan he yukinukan kta, wicotakuye woope
wowapi de en owapi woyašice owasin iyecen.
22 Unkan
nicincapi niyepi iyohakam yukanpi kta, wicoicage haka kta, qa wicašta tokeca
makoce itehan tanhan upi, qa makoce kin he wokaštake kin, qa wowayazan on Jehovah
he kaštake cm wanyakapi kta, qa heyapi kta;
23 Maka kin
owancaya inyanzi, qa miniskuya, gugu he wojupi Šni, qa camni uye šni, qa wato
takudan aicage šni, Sodom qa Gomorrah, Adma qa Tzeboim Jehovah tocanniye, qa
tosihda en wieakaštake cin qon, he iyecen kaštakapi.
24 Qa Ikcewicašta
owasin heyapi kta; Tokeca Jehovah makoce kin de hecen ecakicon he? Wocanniye
tanka kin de token nina itkon he?
25 Unkan ayuptapi, qa heyapi kta, Jehovah
hunkake wicayapi Wakan dapi wicotakuye wicakicaga, Egypta makoce etanhan
hdinanpe wicaye ciqon he ehan wicakicage cin he ayuštanpi heon etanhan.
26 Qa taku
wakan tokeca ekta ipi, qa ohodapi, qa hena itokam patujapi, taku wakan kin hena
sdon wicayapi šni, qa wicakicipamni šni.
27 Heon Jehovah
tocanniye kin makoce kin he aitkon, qa woyaŠice wowapi kin de en owapi owasin
akan hiyuya.
28 Jehovah
wocanniye en, qa wocanteptanyan en qa wosihda tanka en maka kin etanhan
wicayujun, qa makoce tokeca ekta ye wicaya, nakaha iyececa.
29 Taku
nahmanpi kin he Jehovah Wakan undapi kin he tawa tuka taku yuzamnipi kin he
unkitawapi, qa unkicincapi tawapi, owihanke wanica woope kin de oie owasin ecen
econkupi kta heon etanhan.
WOOPE ITAKIHNA WICOWOYAKE
30.
1 Unkan kaketu
kta, wicoie kin dena owasin, woyawašte qa woyaŠice nitokam ewahde nihiyohipi kinhan, qa
ikcewicašta ekta Jehovah Wakan yadapi nape niyanpi kin owasin wicehna, hena
akan nicante ahdi yaye cinhan.
2 Qa Jehovah Wakan yada kin en yahdi, qa ho
kin anayagoptan, taku nakaha eciciye cin owasin iyecen, niye qa nicinca nicante
ocowasin on, qa ninagi on hecanon kinhan,
3 Jehovah Wakan
yada kin wayaka yaunpi kin hdi niyanpi kta, qa onsinidapi kta, qa oyate owa|
sin ekta Jehovah Wakan yada enanakiya iyaye niyanpi qon etanhan ake niyawaštepi
kta.
4 Mahpiya ihanketa ekta nape niyanpi ešta,
hetanhan Jehovah Wakan yada inicu kta, qa mniciye niye kta.
5 Qa Jehovah Wakan yada kin makoce nihunkakepi
tawa yapi qon he ekta hiyu niyanpi kta, unkan tawa yayapi kta; unkan tanyan
ecanionpi kta, qa nihunkakepi sam iyeya niyuotapi kta.
6 Qa Jehovah Wakan yada nicante kin
banicihdaye kta, qa nicinca cante kin nakun, hecen nicante ocowasin on, qa
ninagi ocowasin on Jehovah Wakan yada kin wašte yadake kta, wiconi nitawa hee nakaš.
7 Unkan Jehovah Wakan yada kin woyaŠice kin
dena owasin toka niyanpi akan, qa tona Šicenidapi, qa šicaya nicuwapi akan
awicahnake kta.
8 Hecen niye yahdi, qa Jehovah ho kin nayahon,
qa tawoahope nakaha ope ciSi kin owasin ecanon kinhan;
9 Jehovah Wakan yada kin taku ninape econ kin
owasin en niciyuota kta, nitamni taku icahye cin en, qa nitawanunyanpi taku
icah yapi en, qa tanyan ecani-con kta, Jehovah nihunkakepi on iyuškin qon,
iyecen, ake taku niciwašte kin en iniyuškin kta nakaš.
10 Tohan Jehovah
Wakan yada ho kin nayahon, qa tawoahope, qa tokage, woope kin de wowapi en
owapi kin hena yapatan, qa ni cante ocowasin on, qa ninagi ocowasin on, Jehovah
Wakan yada en yahdi kinhan;
11 Woahope kin de nakaha ope ciši kin
inanicihmapi šni qa initehan šni;
12 Mahpiya en
un šni, hen un unkans, Tuwe unkiyepi on mahpiya kin adi kta, qa hetanhan
unkicicupi kta he? kinhan naunhonpi kta, qa ecen econkupi kta, ehe kta naceca.
13 Qa miniowanca akasanpa un šni. He akasanpa
yanka unkans, Tuwe unkiyepi on miniowanca akasanpa ye kta, qa unkicicupi kta
he? hecen naunhonpi kta, qa ecen econkupi kta, ehe kta naceca.
14 Tuka wicoie
kin ecen ecanon kta e nikiyedan hinca nii kin ohna, qa nicante kin ohna.
15 Wanyaka wo,
nakaha, wiconi qa taku wašte ecicihnaka, nakun wiconte qa taku Šica.
16 Token nakaha
econ cisi, Jehovah Wakan yada kin wašte yadake ca tacanku omayani, qa
tawoahope, tokage, qa tawoyaco yapatan kinhan yani kta; unkan Jehovah Wakan
yada kin makoce tawa yaye kta e ekta de cin en niyuota kta, qa niyawašte kta.
17 Tuka nicante kin ihduhonini, qa wanayahon Šni,
qa nihnayanpi, qa taku wakan tokeca ohoyada, qa oyakiye cinhan,
18 Nakaha hecen
eciciyapi. Awicakehan ihang niyanpi kta, maka tawa yaye kta e Jordan iduwege ca
ekta yai kta, he akan anpetu yahduota kte šni.
19 Wiconi qa
wiconte, woyawašte qa woyašice nitokam ewahde, niyepi on, Mahpiya qa' maka
namahonpi kta nakaha epa. Heon wiconi kahniga wo, hecen yani kta, niye qa
nicinca nakun.
20 Hecen Jehovah
Wakan yada kin wašte yadake kta, ho kin nayahon kta, qa he ekta ikoyag niciye
kta, on yani kin hee nakaei; qa Jehovah makoce nihunkakepi Abraham Isaac qa Jacob
wicaqu kta, konza ewicakiya, he akan anpetu ota ounyaye kta.
WOOPE ITAKIHNA WICOWOYAKE
31.
1 Unkan Moses ekta i qa wicoie kin de Israel
owasin owicakiyaka.
2 Qa hewicakiya, Matonpi ehantanhan anpetu kin
de wanitu opawinge sanpa wikeemna nonpa. Tankan inawapa, qa en wahihbu wanna
owakihi šni; nakun, Jordan wakpa kin de akasanpa de kte šni, Jehovah emakiya.
3 Jehovah Wakan yada kin iye nitokam akasanpa
ye kta, iye nitokam ikcewicašta kin hena ihang wicaye kta, qa tawa wicayaye
kta, Jošua iye nitokam akasanpa ye kta, Jehovah eye cin iyecen.
4 Unkan token Jehovah
Sihon, qa Og Amori wicaštayatapi ihang wicaya, qa makoce tawapi kin nakun, he
iyecen hena ecawicakicon kta.
5 Qa Jehovah
niyepi itokam hena ewicahde kta, hecen woahope nakaha econ cišipi owasin iyecen
ecawicayeconpi kta.
6 Waditakapo,
qa wašakapo. Ihnuhan hena kowicayakipapi, qa niyuSinyayapi. Jehovah Wakan yada
kin hee, nici ye kta; aniyustan kte šni, qa ehpe niye kte šni.
7 Unkan Moses Jošua kico, qa Israel owasin
wanyakapi heciya, Waditaka, qa wakisaka wo; niye oyate kin de makoce wan
.lehowa hunkake wicayapi wicaqu kta konza ewicakiya, he ekta awicade kta, qa
niye he tawa yapi kta e yakage kta.
8 Qa Jehovah
iye nitokam ye kta, iye niciun kta; anij-ustan kte šni, qa ehpe niye kte šni.
Ihnuhan kopeyahda kin qa niyusinyaye cin.
9 Unkan Moses woope kin de owa, qa he wawayušnapi
Levi kin, Jehovah wicotakuye can wohnaka yuhapi kin hena wicaj qu, qa nakun
Israel hunkayapi owasin.
10 Qa Moses
wahokonwicakiye ca hewicakiya, Waniyetu sakowin ihanketa, woyuska waniyetu
ohanzi hdepi wohanpi iyehantu hehan.
11 Israel
owasin Jehovah Wa! kan yada oyanke kahnige kte ! cin ekta, itokam ihdutaninpi
kta e hipi kinhan, Israel owasin naftonpi wicitokam woope kin de dawa kta.
12 Oyate mniciye wicakiya wo, wicašta, qa
winohinca, qa šiceca, qa oyate tokeca otonwe nitawa en unpi, hecen nahonpi kta,;
qa Jehovah Wakan yadapi kokipapi kta e onspepi kta, qa woope kin de oie kin
owasin ecen econpi kta e onspepi kta.
13 Hecen
cincapi takudan sdon yapi šni nahonpi kta, qa makoce wan ekta yaipi kta e
Jordan idui wegapi kin he akan tohanyan yauripi kta, anpetu owasin Jehovah
Wakan yadapi kokipapi kta e onspepi kta.
14 Unkan Jehovah
Moses heciya, Ito anpetu en nite kta wanna ikiyedan, Jošua kico, qa itkokipapi
wakeya en najinpo, hecen wahokon wakiye kta. Unkan Moses Jošua kici ekta ipi,
qa itkokipapi wakeya en najinpi.
15 Unkan Jehovah
itkokipapi wakeya en ihdutanin, mahpiya bosdata ohna; unkan mahpiya bosdata kin
he wakeya tiyopa kin akan han.
16 Unkan Jehovah
Moses heciya, Ito nihunkake om nistinbe kte; unkan oyate kin de najinpi kta, qa
makoce ekta yapi ohna wicašta tokeca taku wakan dapi om wiinahmapi kta; hecen
amayugtanpi kta, qa wicotakuye mitawawicawecageyuksapikta.
17 Unkan anpetu
kin he en mitocanniye awicaide kta, qa awicamdustan kta, qa miite kin
inawicawakihman kta: hecen yason unpi kta: qa wokakije, qa wošice ota
akipapikta, qa anpetu kin he en heyapi kta, Unkiyepi ehna taku wakan wanice
naceca, heon wošice kin dena unkakipapi.
18 Unkan miš anpetu kin he en miite kin
ocowasin inawakihman kta, taku šica econpi owasin on, taku wakan tokeca ekta
ihduhomnipi nakaš.
19 Heon odowan
kin de niyepi on owapo, qa Israel cinca kin onspe wicakiyapo, hena ipi kin en
he ejupo, hecen odowan kin de wayaatanin mduhe kta, Israel cinca kin en.
20 Makoce wan
pte asanpi qa wihdi on kaduze cin, hunkake wicayapi konza wahowicawakiya qon,
he ekta awicamda; unkan tohan wotapi, qa imnapi, qa cepapi kinhan, taku wakan
tokeca ekta ihduhomnipi kta, qa ohowicadapi kta, qa imahahapi kta, qa
wicotakuye mitawa yuksapi kta.
. 21 Unkan
kaketu kta, wokakije qa woiyokišice ota akipapi kinhan, odowan kin de
wayaatanin awicayatanin kta, cincapi ipi etanhan he akitkonjapi kte šni, nakaš.
Miš nahanhin makoce konza caje mdate cin ekta awicamde šni, token nakaha
awacinpi kin sdonwaya.
22 Unkan anpetu
kin he en Moses odowan kin de owa, qa Israel cinca onspewicakiya.
23 Qa Jošua Nun
cinhintku wahokon kiye ca heya, Waditaka, qa wašaka wo; Niye Israel makoce
konza wahowicawaya ekta awicade kta nakaš, qa miš nici waun kta.
24 Unkan Moses
woope kin de oie kin wowapi wan en kaga, ocowasin yustan qehan,
25 Moses Levi
kin Jehovah otakuye can wohnaka yuhapi kin wahokonwicakiye ca heya.
26 Woope kin de
wowapi kin icupo, qa Jehovah Wakan yadapi otakuye can wohnaka icahda ehnakapo;
hecen niyepi en wayaatanin hen yanke kta.
27 Miye
ayakinicapi kin sdonwaya, nakun nitahu patin. Inyun nakaha nahanhin niyepi om
wani Jehovah en yakipajinpi, mate cin iyohakam awicakehan sanpa hecece kta.
28 Miye ekta nitawicoun hunkayapi owasin, qa
wowapi kagapi nitawapi mniciye wicayapo, qa nogepi en wicoie kin dena epe kta,
qa mahpiya qa maka kin hena nahonpo, epe kta.
29 Mate cin iyohakam nihdutakunipi kte šni
sdonwaya, qa canku ope cišipi etanhan nihduhomnipi kta; qa anpetu ehake kin en
taku šica ayakipapi kta, taku Jehovah ista kin en šice cin ecanonpi kta; qa
taku ninape econpi kin on sihdayayapi kta.
30 Unkan Moses
odowan kin de oie kin owasinhin Israel omniciye ocowasin nogepi en oyaka.
WOOPE ITAKIHNA WICOWOYAKE
32.
1 Mahpiya anagoptanpo, hecen iwae kta; Qa maka
mii oie kin nahon wo.
2 Woonspe
mitawa magaju iyecen hinhe kta, Mioie kin cu kin iyecen kaduze kta; Wato akan
magaju kin iyececa kta, Magajuju peji akan iyecece kta.
3 Jehovah caje kin eyanwapaha kta, Taku Wakan
undapi kin yatankapo.
4 Wakage cin hee, taku econ kin ecetu; ToHan
kin owasin woyaco, Taku wakan wicaka wohnaye wanica; Išnana ohan owotanna qa
ecetu.
5 Ihdusapapi,
iye cinca hecapi šni, sapapi ce; Wicoicage pemni qa skopa.
6 Jehovah decen ecayeconpi kta he? Oyate
witkotko, qa ksape šni 1 Niyate qa tuwe openiciton hee šni he? Iye nicage ca
niyusuta.
7 Anpetu wanakaja kiksuya wo; Wicoicage
otoiyohi taomaka awacin wo. Niyate iwanga wo, kinhan niciyaotanin kta, Hunkayapi
nitawa, unkan eniciyapi kta.
8 Otancanke
oyate maka wirakicipamni, Adam cinca enanakiya iyaye wioaye cehan; Israel cinca
iyenakecapi kin iyecen, Oyate kin makoce iwicakicago.
9 Jehovah taku tawaye cin taoyate kin hee; Qa
maga yuhe cin Jacob hee.
10 Hewoskan
makoce wan en iyewicaya. Makoška n
takudan ohnaka šni, šicahowayapi ohna. Aconkaške wicaya; onspewicakiya; Istasu tawa kin iyecen
awanwicayaka.
11 Token wanmdi wan hohpi kin coskiya. Qa
cinca kin aman; Hupahu kamdage ca iwicacu; Tasun akan wicahduha.
12 He iyecen Jehovah
išnana nape yus awicaya. Qa taku wakan tokeca owicape šni.
13 Maka paha
akan iyotang wicaya; Hecen maga waskuyeca kin yutapi; Qa canhanpi tiktica
imnija etanhan yazokapi; Qa wihdi inyan suta hinca etanhan.
14 Pte asanpi nini, qa tahcaska asanpi kin, Qa
wasin tahcaska cinca etanhan; Nakun tahcaska mdoka Basan en icagapi etanhan, qa
hekinškayapi etanhan; Aguyapi mdu iyotan wašte hinca kici, Qa hastanhanka we miniša
datkan.
15 Unkan
ecetudapi kin cepa ayapi, qa nahtakapi. Nicepapi, wasin nisokapi; Qa taku Wakan
icahwicaye cin he ihaktapi šni; Qa imnija niwicaye cin taku dapi šni.
16 Taku tokeca
wakan dapi on inawizi yapi, Taku wahtešni on hdayapi.
17 Wanagi wakan šni wakiciyušnapi, Taku wakan
sdonyapi šni qon, Taku wakan teca askatudan en upi, Hunkakepi hena sdonwicayapi
šni.
18 Imnija
icanniye cin he ehpeyaya, Qa Taku Wakan nicage cin ayektonja.
19 Unkan Jehovah
wanyake ca wahteda šni, lye cinca wica winyan koya sihdayapi nakaš.
20 Qa heya,
Miite inawicawakihbe kta. Token ihunnipi kta wanmdake kta; Wicoicage pemni
hecapi nakaš. Cinca wowicake nicapi.
21 Iyepi taku
wakan siii on winawizi mayanpi. Tawakagapi on 6ihda mayanpi. Heon miš oyate
heca šni on winawizi wicawaye kta, Ikcewicašta witkotkoka on sinhda wicawaye
kta.
22 Mitocanniye on peta wan ideya; Hades
temahentu ekta itkon kta; Maka kin taku aicage cin ko yasote kta; He taku
ahanpi kin huhnallye kta.
23 Wieiwankam
taku šica mnawaye kta. Hena en wahinkpe mitawa bowakisote kta.
24 YV icaakihan
on yasotapi kta, Qa makošice on temyapi kta, Qa woihangye tehika on. Qa wicayahtake
kta e wamanica hipi kin en yewaye kta, Nakun watusekseca osdohanpi tagepi kin.
25 Tankan
canhpi kin wicakte kta, Timahen woyusinyaye cin, Koška kahnigapi,
wikoška koya; Hokšiyoqopa waazin,
wicahinca pa ska kici.
26 Wicawakaspe kta, epa, Wicašta ehna tanhan
kiksuyapi kin ihangwaye kta.
27 Tuka
tokayapi tocanniye on itonwapa, Okini tona wicakiyusepi okahnigapi kte Šni,
Okini heyapi kta, Unnapepi wankantuya; Taku kin de owasin Jehovah econ šni.
28 Oyate wokcan
nicapi nakaš, Hena ohna wookahnige wanica.
29 Tokin ksapapin, taku kin de awacinpin,
Owihanketa token unpi kta awacinpi unkanS;
30 Hehan
wanjidan kektopawinge pasi kta, Qa nonpa kektopawinge wikcemna hamyapi kta tuka;
Imnija tawapi wiyope wicaye šni unkans; Qa Jehovah awicayuštan šni unkanS.
31 Imnija
tawapi Imnija unkitawapi kin iyececa šni nakaš. Qa toka unyanpi kin he
iyukcanpi.
32 Hastanhanka iyuwi tawapi kin Sodom iyuwi
kin iyececa, Qa Gomorrah tamaga etanhan, Hastanhanka, icahyapi kin pizi
hastanhanka heca; Qa iyage yuhapi kin pahinca.
33 Miniša
tawapi wamduška tage kin heca; Sinteiida tage šica tehika hinca.
34 De mici kihnakapi
šni he? Wowapi opiye mitawa en ipuspapi.
35 Tokiconpi
kin he mitawa, wokajuju nakun. Tohan sihapi nasdute cinhan, Anpetu en atakunipi
kte šni kin he wanna ikiyedan. Qa taku wiyeya wicakicagapi kin ecadan hi kta.
36 Jehovah iye taoyate kin wicayaco kta nakaš;
36 Qa taokiye
on iyope iciye kta; Tohan napepi wašake šni unpi wanyake cinhan; Nakun natakapi
qa okaptapi wanica.
37 Qa heye kta, Taku wakan dapi qon tukteepi
he? Imnija wacinyanpi qon?
38 Hena wopida wošnapi
sin kin yutapi qon; Qa miniša kaštanpi kin yatkanpi qon; Hena najinpi qa
oniciyapi nunwe. Wowinape nicupi nunwe.
39 Wanyakapo
miye mišnana hemaca; Qa taku wakan iyemaceca wanica. Miš watewaya qa waniwaya,
Kiunniwaya qa okizi waye kta. Qa tuwedan minape etanhan ehdaku okihi šni.
40 Wanna ninape mahpiya ekta kiya ye wakiya,
Qa hepa, Owihanke wanin wani;
41 Kinhan
wakanhdi isan wahdube kta. Qa minape wayaco yuze kta. Toka manyanpi wotokicon
wicawecu kta; Qa tona šice madakapi kin hdajuju wica waye kta.
42 Wahinkpe mitawa we on witko wakiye kta. Qa
isan mitawa wicacehpi yute kta; Wicaopi qa wayaka unpi etanhan. Toka itancanpi
pa tawapi kin on.
43 Ikce wicašta
taoyate kin om idowanpo. lye taokiye wepi kin he tokioon kta; Toka wicayapi kin
wotokicon wicakicu kta; Taoyate tamakocepi kin akahpe kiciye kta.
44 Unkan Moses
ekta hi, qa odowan kin de oie kin owasin oyate nogepi en ia, iye, qa Nun
cinhintku .losuwa.
45 Unkan Moses
Israel owasin wicoie kin hena owasin ewicakiye cehan,
46 Hewicakiya,
Wicoie nakaha ciciyataninpi kin owasin ekta nicantepi kin yekiyapo, Hecen woope
kin de oie kin owasin nieincapi pi tan qa econ wicayasipi kta.
47 Wicoie kin
de on yanipi kta nakaš; heon ihnuhan he takušni yadapi, qa wicoie kin de on anpetu niciyuotapi
kta, maka ekta yaipi kta e Jordan iduwegapi kin he akan.
48 Unkan anpetu kin he en Jehovah ie ca Moses
heciya,
49 Abarim he
kin de, Nebo paha kin, Moab makoce ohna yanke cin, Jeriho iyotakons he
ftanwankanhde adi wo, qa Caanan makoce Israel cinca ic.upi kta e wicawaqu kin
he wanyaka wo.
50 Qa he ayadi
kte cin he akan nite kta, qa oyate nitawa ekta okipe niyanpi kta, Nicinye Aaron
Hor he akan te ca taoyate ekta okipe yapi qon he iyecen.
51
Wamiyecihtanipi Israel cinca ehna, Meriba Kadeš (Kigepi WakSn) mini ekta, Tzin
hewoskan ohna, qa Israel cinca ehna mayadawakanpi šni.
52 Heon nitokam
makoce kin wandake kta, talks makoce wan Israel cinca kin wicawaqu kin heciya
yai kte šni.
WOOPE ITAKIHNA WICOWOYAKE
33.
1 wicašta tawa te cin itokam, woyawašte on
Israel cinca wicayawašte kin dee. Unkan Moses Wakantanka
2 I'nkan heya, Jehovah Sina etanhan u, qa
Sehir etanhan awicahinanpe; Qa Paran Re kin etanhan iyega; Qa taokiye wakan
oyawa tanka etanhan; lye etapa tawa etanhan peta woope wan en wicahi.
3 Nakun oyate
cante wicakiya; Wicašta wakan tawa owasin nape ohna wicahduha; Qa siha ekta
wankapi, Otoiyohi nioie icu kta.
4 Moses woope wan onspe unkiyapi, Jacob
omniciye taku tawayapi kte cin hee.
5 He Jesurun
(Ecetudanpi) en wicaštayatapi, Israel wicoun, oyate itancanpi kin yuwitayapi hiyeyapi
qehan. 6 Reuben ni kta, qa te kte Šni, Qa wicašta tawa tonana kte šni nunwe.
7 Qa Judah on heya, Jehovah Judah ho kin nahon
qa taoyate kin ekta hdicuyaye. lye on nape kin iyakicu ye kta, qa toka yapi
etanhan iciya ye.
8 Qa Levi on
heya, Wiyustan wicakiye nitawa qa iyoyam wicaye nitawa kin wicašta wacantkiye
nitawa yuhe kta. He Masa ekta iyutan yaya, Qa Meriba mini kin ekta iyope yaya.
9 lye atkuku
hunku ko on wanmdake šni eya, Sunkaku iyekiye Šni, Qa iye cinca kin sdonwicaye Šni;
Tuka nioie yuhapi, qa wicotakuye nitawa patanpi.
10 Jacob woyaco
nitawa onspe kiyapi kta; Woizinye nipoge ekta yekiyapi kta, Qa wohufinafiyapi
wahna wošnapi nitawa akan.
11 Taku yuhe
cin Jehovah yawašte ye, Qa taku iye nape kin econ iyuškin kiya ye; Tona
kipajinpi nitepi wicakiyuSuja, Nakun tona Šicedakapi, hecen ake najinpi kte Šni.
12 Qa Benjamin
on heya, Tuwe Jehovah waštedake cin he wakokipe Šniyan iye ikiyedan ti kta.
Anpetu osan he akafipe kta, qa hiyete otahedan ounye kta.
13 Qa Joseph on
heya, Makoce tawa Jehovah yawašte nunwe, taku iyotan wašte on, Mahpiya etanhan,
cu etanhan, qa wosbe ihukuya wanke cin etanhan.
14 Nakun taku
iyotan wašte anpetu wi icahye cin on, Qa taku iyotan wašte hanyetu wi inanpe ye
cin on;
15 Qa he wanakaja
pajodan etanhan, Qa paha owihanke wanica etanhan taku iyotan wašte on.
16 Qa maka taojudan
koya etanhan taku iyotan wašte on; Tuwe otehi ounye cin toiyokipi kin Joseph
paha akan, Qa tuwe iye cincu etanhan yukinukanpi pesdete akan u nunwe.
17 Tatanka tawa
tokaheya tonpi towitan kin hee, Hehe tawa tinta tatanka wan tahe kin iyececa,
Hena on maka ihanke ekta oyate kin yuwitaya wicapatan kta; Ephraim oyawawa
tanka qa Manasseh kektopawingege kin hena eepi.
18 Qa Zebulun
on heya, Zebulun inanpe yaye cin en iyuškin wo; Qa Issakar wakeya nitawa ohna.
19 He kin ekta oyate wicakicopi kta, Hen
woowotanna wošnapi patapi kta; Taku wiyaka ohna nahmanpi, Qa miniwanca toicewin
kin yazokapi kta, naka6.
20 Qa Gad on
heya, Tuwe Gad yutanka yawaštepi nunwe, Mnaja iyecen iwanke ca isto pa kici yahdeca.
21 Makoce
tokaheya kin he tawa ye kta, iwanyaka; Woope kage cin taku yuhe kiya kin he
aconkaškayapi nakaš; Qa oyate itancanpi om hi, Qa Jehovah toowotanna qa
tawoyaco Israel om econ.
22 Qa Dan on heya. Dan mnaja cinca wan heca,
Basan etanhan ipšice kta.
23 Qa Naptah on
heya, Naptah wocantkiye on wipi, qa Jehovah toyawašte ojudan; Mde kin qa
wiyotanhan kin tawaya wo.
24 Qa Aser on heya, Aser cinca on yawaštepi
kta, Hunkawanjin wicaye cin iyokipi wicaye kta; Qa siha wihdi en oputkan kta.
25 Tiyopa
inatake nitawa mazasapa qa mazasa hecapi kta, Qa anpetu nitawa iyecen iyozi
nitawa kta.
26 Jesurun taku wakan yada kin tuwedan iyecece
šni, he oniciye kta; Mahpiya akan iyotanke ca towitan tanka en mahpiya šapa
akan u ce,
27 Taku wakan
otokahe wanica wowinape yaya, Qa isto owihanke wanica nihukuya un ce. Nitokapa
tanhan toka kin nape wicaye kta qa, Ihang wicaya wo eye kta.
28 Unkan Israel wikopešniyan kinukankiya ounye
kta; Jacob ista kin aguyapi su, qa miniša makoce wan akan un kta; Qa mafipiya
tawa cu sbu kta.
29 Israel wowiyuškin tanka duha; Tukte oyate
wan niye iyecen Jehovah niwicaya he? Wahacanka akahpe niye qa, Tacanhpi wowitan
nitawa kin hee. Qa toka niyanpi nitokam istenya hecapi kta, Qa oyanke pajodan
tawapi amayani kta.
WOOPE ITAKIHNA WICOWOYAKE
34.
1 Unkan Moses
Moab makomdaye etanhan, Nebo he kin, Pisga paha kin, Jeriho iyotakonza,
itanwankanhde adi. Unkan Jehovah Gilead makoce kin ocowasin, Dan aiyahdeya
wanyag kiya.
2 Nakun Naptah
tamakoce kin ocowasin, qa Ephraim qa Manasseh tamakocepi kin, qa Judah tamakoce
kin ocowasin, wiyohpeyata mde kin hehanyan;
3 Qa itokaga
kin, qa omdaye Tamar can otonwe Jeriho kaksiza etanhan, Tzohar hehantu.
4 Unkan Jehovah
heciya, Makoce Abraham, qa Isaac, qa Jacob nicinca kin he wicawaqu kta konza
ewicawakiye ciqon he dee; niišta on he wanyag ciciya, tuka he ekta iduwege kte šni.
5 Unkan Jehovah taokiye Moses hen ta; Moab
makoce ohna Jehovah eye cin iyecen.
6 Unkan hen
hnakapi Moab makoce kaksiza wan ohna, Bet Peor (Peor ti) iyotakonza, tuka ohna
hnakapi anpetu kin de hehanyan wicašta wanjidan sdonye ni.
7 Wanna Moses
waniyetu opawinge sanpa wikcemna nonpa hehan te; iSta mdeza, qa tookihi sihtin šni.
8 Unkan Israel
cinca anpetu wikcemna yamni Moses aceyapi; Moab makomdaye ohna; hehan Moses on
iyokišicapi aceyapi anpetu kin henakecapi.
9 Unkan Jošua
Nun cinhintku wokšape woniya ojudan, Moses nape kin atputaka nakaš; unkan
Israel cinca kin he anagoptanpi, qa token Jehovah Moses eciye cin iyecen
econpi.
10 Unkan wicašta
wokcan Moses iyecen Jehovah itkokimsdonya icimana najin šni.
11
Wowapetokeca, qa ohan wakan Jehovah Egypta makoce ohna Pharoah, qa taobe owasin
ecawicakicon kta yesi qon, owasin en iyecen.
12 Nakun nape wašake
cin owasin iyecen, qa ohan tanka, qa woyusinyaye Moses Israel owasin istapi
itokam econ kin iyecen.
No comments:
Post a Comment