Johannes 10-12

Thanks to the Spirit Lake Tribe for their very encouraging prayer that is posted on their main site and can be seen here http://www.spiritlakenation.com/Prayer.htm (you'll have to type it in the bar) this is the link Spirit Lake Prayer (this may work). You are in our prayers!

JOHANNES WICOWOYAKE 10.

1 Wowicake, wowicake eciyatanhan heciciyapi; Tuwe tahinca tipi tiyopa ohna tin iyaye šni, tiyopa icunonpa tanhan ti iyohpaye cin he wabotice ca wamanon kin heca.

2 Tuka tuwe e tiyopa eciyatanhan tin iyaye cin hee tahinca tawa wicaye cin ee.

3 Qa iye tiyopa awanyake cin tiyopa kiciyugan ece, unkan tahinca kin he ho kin nahonpi ece; tahinca tawa kin otoiyohi cajeyan wicakico, qa tankan wicahdoya ece.

4 Unkan tahinca tawa kin tankan awicau eca, wicitokam ya ece; unkan tahinca kin iš ihakam yapi ece, ho kin iyekiyapi nakaeš.

5 Qa tuwe tokeca kinhan he ihakarn yapi kte šni, tuka nakicipapi kta; tuwe tokeca ho kin iyekiyapi šni, heon etanhan.

6 Wiyacinpi kin de Jesus ecen ewicakiya; tuka taku owicakiyake cin hena okahnigapi šni.

7 Hehan ake Jesus hewicakiya; Wowicake, wowicake on heciciyapi, Tahinca tipi tiyopa kin he miye ce.

8 Tona mitokam hipi kin hena owasin waboticapi qa wamanonpi kin hecapi; tuka tahinca kin anawicagoptanpi šni.

9 Tiyopa kin he miye; tuwe miye eciyatanhan ti iyohpaye cinhan ni kta; qa niahen ye ca tankata inanpa eca wato tanyan iyeye kta.

10 Wabotice cin he wamanonpi, tin wicaktepi, waihangyapi henakiya on hi ece; tuka wiconi yuhapi kta, qa takudan icakije šni unpi kta e heon miye wahi.

11 Waawanhdake wašte kin he miye. Waawanhdake wašte kin he tahinca kin on wiconi tawa ehpekiya.

12 Tuka tuwe odotapi un, qa waawanhdake kin ee šni, qa tahinca tawa šni kin he šunktokeca en u wanyaka eca, tahinca kin ehpewicaye ca najica ece; unkan šunktokeca iyawicahpaye ca ihangwicaya ece.

13 Odotapi un kin he wodotapi un, qa tahinca kin ihnwicakta šni, heon etanhan napa ece.

14 Waawanhdake wašte kin he miye, qa tahinca mitawa kin hena sdonwicawakiya, qa mitawa kin iš nakun sdonmakiyapi ece.

15 Ate token sdonniakiye cin he iyecen miš Ate sdonwakiya; qa tahinca kin hena on wiconi mitawa kin ehpewakiya.

16 Qa tahinca toktokeca nakun wieamduha, tahinca tipi kin den un šni: hena nakun awicawahi kta, hecen miho kin nahonpi kta; hetanhan tahinca tipi wanjidan kta, qa waawanhdake wanjidan kta.

17 Wiconi mitawa ehpewakiye ca, ake ewehdaku kte cin heon Ate wašte makidaka.

18 Tuwedan ho maki kte šni; qa miye cinka he wicawaqu; he amduštan kte cin owakihi, qa ewehdaku kte cin nakun owakihi; Ate hecen econ maši ce, eya.

19 Akeš wicoie kin dena on Juda oyate kin akipam tawacinpi.

20 De taku wakan šica yuha, qa he ihnaškinyan, tokeca e nayahonpi he? wicota eyapi.

21 Tuka apa iš, Tuwe wakan šica yuhe cin decen oieye šni ece; taku wakan šica cin he išta gongapi išta wicakiyukawa okihi kta he? eyapi.

22 Wanna Jerusalem en yuwohduze tonpi omniciye kagapi ece qon hehantu; unkan waniyetu.

23 Unkan icunhan tipi wakan ohna, Solomon ohanzi hdepi tawa qon he en Jesus omani.

24 Hehan Juda oyate itan ihdukšan himniciyapi qa heciyapi; Tohanyan wacin akipam yusunyakiyapi he? Messiya kin he niye hecinhan taninyan unkokiyaka po.

25 Jesus awicayupta : Wanna ociciyakapi tuka wicamayadapi šni qon; Ate caje kin eciyatanhan wicohan ecamon kin hena omayake cin ee.

26 Tahinca tawa wicawaye cin he oyapapi šni, he etanhan wicamayadapi šni, eciciyapi qon he iyececa.

27 Tahinca mitawa kin miho kin nahonpi, qa hena sdonwicawakiya, qa mihakam unpi.

28 Qa owihanke wanin wiconi wicawaqu; qa icimana owihankepi kte šni, qa minape kin etanhan tuwedan wicayušpe kte šni.

29 Ate hena maqu kin he taku owasin sam iyeya tanka; qa Ate nape kin etanhan tuwedan wicayušpa okihi šni.

30 Miye, qa Atewaye cin unwanjipidan. eya.

31 Hehan Juda oyate ake inyan icupi, on kininpi kta e heconpi.

32 Unkan Jesus awicayupta; Ate eciyatanhan wicohan wašte ota cicipazopi; hena tukte wanji on nakaha inyan on mayakininpi kta he? eya.

33 Juda oyate ayuptapi qa heyapi; Wicohan wašte on unnicininpi kte šni, tuka iapi šica on, qa winicašta tuka Wakantanka nicicage cin heon etanhan.

34 Jesus awicayupte; Taku wakan kin henicapi, eciciyapi ce, he woope nitawapi kin en hecen kagapi šni he?

35 Hecen tona Wakantanka oie kin en wicahiyohi kin hena taku wakanpi ewicakiya hecinhan, qa wowapi wakan kin he yujujupica šni;

36 Hecen tnwe Ateyapi kin hduwakan qa makata u ši kin he, Wakantanka Cinhintku kin he miye ce, epe ciqon, heon, Taku šica eha ce, token eyakiyapi kta he?

37 Ate ohan kin hena ecen ecamon šni kinhan, wicamadapi šni po.

38 Tuka hecen ecamon kinhan,

miye wicamayadapi šni ešta, wicohan kin hena wicada po; hecen Atewaye cin micica, qa miye he wecica, heciyatanhan sdonyayapi qa wicayadapi kta ce, eya.

39 Heon etanhan nakun ake tinsa yuze wacinpi; tuka napepi kin etanhan ihdušpa.

40 Qa ake hetanhan Jordan wakpa kin he en, Johannes baptem wicaqu ece qon he en i, qa en ounyan.

41 Unkan wicota en hipi qa heyapi; Johannes takudan wapetogya ecen econ šni, tuka Johannes wicašta kin de etanhan tona oyake cin owasin wowicake.

42 Unkan hen wicota wicadapi.

JOHANNES WICOWOYAKE 11.

 1 Unkan wicašta wan wayazanka, Lazarus eciyapi, Bethany hetanhan, Mary qa cunku Martha totnnwepi kin hee.

2 (Mary wihdi waštemna on Itancan kin sdaye ca, paha kin on siha kin kipakinta, Lazarus he hunkawanjitku wayazanke cin hee.)

3 Unkan tawinohtinpi kin, Itancan, wicašta wan wašteyadake ciqon he wayazanka, eya hoši kaipi.

4 Jesus nahon unkan hecen eya, Wowayazan kin he wiconte ekta šni, tuka he Wakantanka towitan kin ee, qa heon Wakantanka Cinhintku kin yinvitanpi kta.

5 Martha iye tankaku, Lazarus kici, Jesus wašte wicadaka.

6 Wayazanke cin nahon, tuka anpetu nonpa ekta ye šni yanka.

7 Hehan Jesus waonspewicakiye cin hewicakiya; Juda makoce kin ekta unhdapi kta.

8 Unkan waonspewicakiye cin heciyapi; Itancan, nahanhin aškatudan Juda oyate kin inyan on nicininpi akitapi, qa ake ekta hde wacanni he?

9 Jesus waayupte; Anpetu wanjidan keš, wihiyayedan oape akenonpa šni he? tuwe anpetu iciiuhan mani kinhan našna šni ece; maka akan iyoyanpa kin he wanyaka heon.

10 Tuka tuwe hanyen mani kinhan hee našna kta, iyoyanpa takudan en un šni kin heon.

11 Hena hecen eya; qa hehan iyohakam hewicakiya; Lazarus koda unyanpi qon ištinma, ekta mde ca mduhice kta ce.

12 Hehan waonspewicakiye cin, Itancan, ištinma hecinhan he hecetu kta ce, eyapi.

13 He wanna ta e Jesus heya; tuka ištinmapi on oziiciya e heya kecinpi.

14 Unkan hehan Jesus taninyan hewicakiya; Lazarus wanna ta ce:

15 Qa he icunhan hen waun šni kin heon niyepi en wimduškin, hecen on wicayadapi kta. Ho po, ekta unyanpi kta.

16 Hehan Thomas Didymus eciyapi kin he waonspewicakiye unmapi kin hewicakiya; Ekta unyanpi, qa kici untapi kta ce.

17 Unkan Jesus en u qehan, hapi etanhan wanna topa can he sdonya.

18 Jerusalem Bethany ikiyedan, wiyutapi akezaptan ecetu hehanyan.

19 Unkan Martha Mary kici yukanpi en Juda oyate wicota magagaye wicaipi, hunkawanjitkupi kin heon.

20 Jesus en u Martha nahon, unkan itkokim ya; tuka Mary e timahen iyotanka yanka.

21 Hehan Martha Jesus heciya; Itancan, den yaun unkanš, mihunkawanji te kte šni tuka;

22 Tuka detanhan taku Wakantanka yakida kinhan, Wakantanka nicu kta e sdonwaya ce.

23 Nihunkawanji ekicetu kta, Jesus eciya.

24 Eya woekicetu anpetu ihankeya kin hehan ekicetu kta e sdonwaya, Martha eya.

25 Unkan Jesus heciya; Woekicetu qa wiconi kin he miye, tuwe wicamada kinhan toke hin ta ešta ni kta.

26 Qa tuwe ni un, qa wicamada kinhan icimana te kte šni. He wicayada he?

27 Han, Itancan; Messiya Wakantanka Cinhintku makata hi kte ciqon he niye e wicawada ce, eciya.

28 Unkan hena hecen eya, hehan hde ca, tawinohtin Mary anahbeyahan kico, qa heciya; Itancan kin den un, qa nico ce.

29 He nahon iheya, unkan ohankoya najin hiyaye ca ekta ya.

30 Nahanhin Jesus otonwe kin ehan I šni, tuka Martha itkokipe ciqon he en un.

31 Hehan Juda oyate en yukanpi, qa magagayapi, he icunhan Mary ohankoya najin hiyaye cin wanyakapi qehan, ihakam iyayapi qa, Wicašta hnakapi ekta ceye kta e ekta ya, eyapi.

32 Jesus najin kin Mary ehan i, qa wanyake cehan, ihukuya canpeška makehde ehpeiciye ca, Itancan, den yaun unkanš, mihunkawanji te kte šni tuka, eciya.

33 Mary ceye cin he Jesus wanyake ca, Juda wicašta kici ipi kin hena nakun ceyapi; unkan iye atayedan comnihdazi, qa ihniyanyan.

34 Qa tokiya eyahnakapi he? eya. Unkan, Itancan, ekta u qa wanyaka ye, eciyapi.

 35 Jesus ceya.

36 Hehan Juda oyate kin heyapi; Wanyaka po, ehan qon waštedake hinca ce.

37 Qa wicašta wanjikji, Wicašta išta aohduta ee kaeš yukawa, wicašta kin de te šni unkiya okihi kta naceca ce, eyapi.

38 Ake Jesus iye atayedan comnihdazi, qa wicašta hnakapi kin en ya. He imnija ohdoka ohna hnakapi, qa inyan wan tanka aokatinzapi.

39 Inyan kin tokan iyeya po, Jesus eya. Wicasta te cin tawinohtin Martha heciya, Itancan, wanna topa can yanka e šicamna.

40 Wicayada kinhan, Wakantanka towitan wandake kta ce, eciciye šni he? Jesus eciya.

41 Hehan inyan kin tokan iyeyapi; wicašta ta wanke cin etanhan. Unkan Jesus išta yuwankan ikikcu, qa heya; Ate ciyawašte, namayahon kin heon;

42 Qa ohinniyan namayahon kin he sdonwakiya; tuka wicašta hnakapi kin de en mitan okšan najinpi kin de on, he niye u mayaši kin wicadapi kta e on hepe.

43 Hecen eye ca hehan, Lazarus nunke cin hetanhan tankata hninanpa wo, awitukadan hoyekiya qa eya.

44 Unkan wicašta te cin tankata hninanpa, siha nape ko pahtapi, qa ite opemni tonpi kin hena ecehna. Kiyuškapi qa ayuštan po, iyaye kta, Jesus ewicakiya.

45 Hehan Juda wicašta Mary kici ipi qon, hena Jesus taku econ kin he wanyakapi, unkan wicota wicadapi.

46 Tuka wanjikji Pharisee kin ekta wicakipi, qa Jesus taku econ kin owicakiyakapi.

47 Hehan wošnapi kagapi Pharisee ko mniciyapi qa, Token econkupi he? wicašta kin de taku wapetokeca ota econ kin, eyapi.

48 Iyowinunkiyapi kinhan wicašta owasin wicadapi kta; kinhan Roma oyate kin den upi kta, qa otonwe kin de unkasotapi, qa nakun unkitaoyatepi kin hena ko.

49 Hehan wanji Kaiaphas eciyapi waniyetu kin he en wošnapi kagapi itancan kin hee hewicakiya; Takudan oyakahnigapi šni.

50 Qa nakun awacannipi šni, wicašta wanjidan oyate on te cinhan, hecen on oyate kin wicate kte šni, he unkiyepi kin on hecetu kta ce, eya.

51 lye etanhan on hecen eye šni, tuka omaka kin he en wošnapi kagapi itancan kin heon, Jesus oyate kin on te kte cin he iyukcanyan heya.

52 Qa oyate kin heceedan šni, tuka Wakantanka cinca omdecahe cin hena owasin wanjidankiya kiwitaye kta.

53 Hehan anpetu kin hetanhan witaya akiiapi, teyapi kte cin heon.

54 Heon etanhan Jesus Juda oyate kin wicehna taninyan omani šni, tuka makoce wan hewoskan ikiyedan wanke, otonwe wan Ephraim eciyapi kin he ekta ya, qa waonspewicakiye cin om he en un.

55 Unkan Woacakšin Juda oyate wošnapi kagapi wanna ikiyedan aya; unkan wanna kayehan oyate ota Jerusalem en kata iheya aya, Woacakšin kin itokam piiciyapi kta.

56 Hehan Jesus akitapi, qa tipi wakan kin ohna najinpi icunhan iyakitedan hekiciyapi; Token idukcanpi he; wošnapi kin en u kte šni he?

57 Wošnapi kagapi tankapi qa Pharisee ko wanna wakiconzapi, tuwe Jesus tukten yanka sdonye cinhan, he oyake kta, hecen yuzapi kta.

JOHANNES WICOWOYAKE 12.

1 Woacakšin kin itokam šakpe can, hehan Jesus Bethany en i, Lazarus wicašta ta, tuka ekicetuyapi en un qon otonwe kin hee.

2 Unkan hen htayetu wotapi wan kicagapi, qa Martha e wapamni; tuka kici iyotang wotapi kin Lazarus wanji hee.

3 Hehan Mary wihdi waštemna qa taku ota iyopeyapi, tke utapi wanjidan, he icu qa on, Jesus siha kin sdakiye ca, iye paha kin on siha kipakinta; unkan ecamna kin tipi kin ojudan.

4 Hehan Simon cinhintku, Judas Iskariot eciyapi, waonspewicakiye cin wanji hee, wiyopeye kte cin hee hecen eya;

5 He tokeca wihdi kin he kašpapidan opawinge yamni iyopeyapi, qa wahpanicapi kin wicaqupi šni he?

6 He wamanon heca, qa mazaska opiye yuhe ca, ohna mazaska omnayan, heon hecen eya; wowahpanica kin incantowicahnake cin heon heye šni.

7 Hehan Jesus heya; Nagiyeye šni wo; anpetu wan mahnakapi kte cin he en amayuhe cin hee ce.

8 Tokešta wowahpanica ohinni wicaduhapi kta; tuka miye e ohinniyan mayaduhapi kte šni, eya.

9 He icunhan hen un kin Juda oyate wicota sdonyapi; unkan Jesus ecedan on en hipi šni, tuka Lazarus, wiconte etanhan najinkiye ciqon, he

wanyakapi kta on etanhan.

10 Unkan wošna kagapi tankapi Lazarus nakun teyapi kta akitapi:

11 Hee nakun on Juda oyate ota hduheyapapi, qa Jesus wicadapi.

12 Ihannanna wicašta ota wosnapi kin en hipi kin hena, Jesus Jerusalem etkiya u nahonpi hehan,

13 Canwapa tanka etanhan canhaka icupi, qa itkokim yapi, qa panyanhan heyapi; Hosanna, tuwe Israel Wicaštayatapi, Jehovah caje kin on u kinhan, he yawaštepi nunwe.

14 Unkan Jesus šonšonna cinca wan iyeya, hehan akan iyotanka; hecen wowapi kagapi qon;

15 Zion cunwintku ihnuhan koyakipe cin; iho, Wicaštayatapi nitawa šunka šonšona cinca wan akan yanka u ce.

16 Dena taku kin tokaheya waonspewicakiye cin okahnigapi šni; tuka Jesus yutanpi hehan hena hecen wowapi en kagapi qon, qa nakun hena ecen ecakiconpi kin, hehan kiksuyapi.

17 Heon oyate kicicapi kin, Lazarus hnakapi tuka kipan, qa wiconte etanhan ekicetuye ciqon, hena he yaotaninpi.

18 Qa heon oyate kin itkokipapi, taku wapetokeca tanka kin de econ nahonpi kin heon.

19 Unkan heon etanhan Pharisee kin iyakitedan hekiciyapi; Wanyaka po, takudan oyakihipi šni? iho, wicašta owasin he ihakam iyayapi.

20 Helenes oyate kin etanhan wanjikji wošnapi kin icunhan en ohodapi kta e ekta itanwankanhde upi;

21 Hena eepi Philip, Galilee makoce Bethsaida otonwe kin etanhan, he en ipi, qa, Itancan, Jesus wanunyakapi uncinpi ce, eciyapi.

22 Philip u, qa Andrew okiyaka; qa hehan Philip qa Andrew kici Jesus okiyakapi.

23 Unkan Jesus awicayupte ca heya; Anpetu wan en Wicašta Cinhintku kin yutanpi kte cin wanna hiyohi.

24 Wowicake, wowicake eciyatanhan heciciyapi; Aguyapi su kin maka ekta ehpeyapi, kte šni kinhan, išnana un kta; tuka te cinhan ota icahye kta.

25 Tuwe wiconi kin de wašte kida kinhan, toki ehpeye kta; qa tuwe maka kin den wiconi šice kida kinhan, hee owihanke wanin wiconi ekta akpatan kta.

26 Tuwe omakiye kta cin kinhan mihakam un kta; qa tukten waun hecinhan mitaokiye kin iš nakun hen un kta; nakun tuwe omakiye kta hecinhan, Ate wicašta kin he yuonihan kta.

27 Wanna minagi kin nagiyeyapi, hecen token epe kta he? Ate, anpetu kin de etanhan emahdaku wo. Tuka heon anpetu kin de en wahi ce.

28 Ate nicaje kin hdutan wo. Unkan mahpiya kin eciyatanhan wicaho wan u qa; Wanna eya micaje kin wahdutan, nakun wahdutan kta, eya.

29 Unkan wicašta en najinpi kin he nahonpi qa, He wakinyan hoton, eyapi. Mahpiya ohnihde heca e okiya ce, apa eyapi.

30 Unkan Jesus waayupte ca heya; Wicaho kin de miye make šni, he niye nicapi.

31 Wanna oyate kin wicayacopi; qa wanna maka akan itancan kin tankan ehpeyapi.

32 Qa tohan maka kin detanhan wankan emahdepi kinhan, wicašta kin owasin miye en iwicawacu kta, eya.

33 Wiconte kin tukte on te kte cin he ka e hecen eya.

34 Oyate kin ayuptapi; Woope kin eciyatanhan, Messiya owihanke wanin un kta ce, eyapi naunhonpi; hecen, Wicašta Cinhintku kin wankan ehdepi kta ce, token on hecen eha he? Wicašta Cinhintku kin he tuwe he?

35 Hehan Jesus hewicakiya; Iyoyanpa kin ehake cistiyedan nicipi un; iyoyanpa duhapi kin icunhan en omani po; otpaze cin iyapaštag niyanpi nun ce; tuwe otpaza icunhan omani kin he tokiya ye cin sdonye šni.

36 Iyoyanpa duhapi kin en iyoyanpa kin he wicada po, hecen on iyoyanpa cinca yaunpi kta ce. Jesus hena hecen eye ca, hehan iyaye ca inahbe wicakiya.

37 Taku wapetokeca ota econ, qa wanyagwicaya, tuka wicadapi šni.

38 Hecen Isaya wicašta wokcan taku eye ciqon wanna iyecetu; Itancan, tuwe wounyakapi kin wicada he? qa tuwe en Jehovah hupahu kin yutaninpi he?

39 Qa heon etanhan wicadapi kta okihipi šni; heon Isaya ake hecen eya;

40 Ištagonge wicaye ca, cante kin ekta nakun wacinton šni wicaya: hecen išta on wiwanyakapi kte šni, qa cante on takudan yukcanpi kte šni, qa ihduecetupi kte šni, qa hecen wokiziwicawaye šni.

41 Towitan kin he Isaya wanyake ciqon he ehan hena hecen ekiciya.

42 Hececa tuka itancanpi etanhan wicota wicadapi; tuka Pharisee kin hena on etanhan yaotaninpi šni, omniciye tipi kin etanhan tankan iyewicayapi kta ikopapi heon.

43 Wicašta akantu yaonihanpi kin he iyotan dapi, qa Wakantanka wicayaonihan kin he iš iyotan dapi šni.

44 Hehan Jesus panyanhan heya; Tuwe wicamada kinhan, he miye wicamada šni, tuka tuwe u maši kin hee wicada ece.

45 Qa tuwe wanmayake cin he nakun tuwe u maši kin he wanyaka.

46 Miye maka akan iyoyanpa wahi; hecen tuwe wicamada kinhan he otpaza en omani kte šni.

47 Qa tuwe mioie kin nahon, qa wicada šni ešta mdaco šni; wicašta wicayacopi kin heon wahi šni, tuka waniyapi kin hee on wahi.

48 Tuwe amaktašni, qa mioie kin icu šni kinhan he tuwe yaco kte cin hduha; wicoie omdake cin anpetu ihankeya kin en yaco kte cin hee.

49 He miye cinka hecen oiewaye šni; tuka Ate u maši kin he iye econ maši, taku epe kte ca taku omdake kte cin.

50 Qa toope kin he owihanke wanin wiconi e sdonwaya. Token epe cin hena, Ate hena hecen emakiya, heon etanhan hecen epa ece, eya.