Johannes (John) 17-18 Jesus prays for us all

JOHANNES WICOWOYAKE 16.

1 Wayahtanipi kte šni e heon dena taku kin ociciyakapi.

2 Omniciye tipi kin etanhan tankan iyeniyanpi kta; nakun anpetu wan u kta, hehan tuwe kašta niktepi kinhan, he Wakantanka iyokipiya kecin kta.

3 Atewaye cin sdonyapi šni, qa miš nakun sdonmayunpi šni, he etanhan henakiya hecen ecantonpi kta.

4 Tuka dena ociciyakapi, hecen tohan iyehantu kinhan, dena wanna eciciyapi kin he yeksuyapi kta. Qa dena otokahe ekta eciciyapi šni, hinyahin cicipi waun kin heon etanhan.

5 Tuka wanna tuwe umaši kin he ekta wahde kta; qa wanjidan, Tokiya de kta he? emayakiyapi šni.

6 Tuka taku kin dena ociciyakapi, heon nicantepi kin ekta iyoniyakapi.

7 Tuka wowicake ece ociciyakapi; wahde cinhan heon tanyan yaunpi kta, qa wahde šni kinhan Wicakicanpte kin en nihipi kte šni; tuka wahde cinhan niyepi ekta uwaši kta.

8 Unkan he tohan hi kinahan, woahtani, woowotanna qa woyaco kin on oyate kin sdonyewicaye kta:

9 Woahtani kin, wicamadapi šni kin heon:

10 Woowotanna kin, Atewaye cin ekta wahde kta, qa icimana wanmayadakapi kte šni, heon:

11 Woyaco kin, oyate kin de itancan un kin he wanna yacopi, heon etanhan.

12 Nakun taku ota eciciyapi kta mduha, tuka hena e qe nahanhin yuha oyakihipi šni.

13 Tuka tohan Wowicake Woniya kin he iye hi kinhan, wowicake ocowasin en aniyanpi kta; iye atayedan on ie kte šni, tuka taku nahon kin hena oyake kta, qa taku tokata ekta hena oniciyakapi kta.

11 Mayutan kte cin hee, taku mitawa kin hena icu, qa oniciyakapi kta.

15 Taku Ate tawa kin hena owasin mitawa; he etanhan, Tom mitawa kin hena icu, qa oniciyakapi kta ce, eciciyapi.

16 Wanna aškayedan hehan wanmayadakapi kte šni; hehan akeš aškadan ake wanmayadakapi kta, Ate ekta wahde kte cin heon.

17 Hehan waonspewicakiye cin iyakitedan hekiciyapi; Unkekiciyapi kin lie taku hwo; Wanna aškayedan wanmayadakapi kte šni, qa hehan aškadan ake wanmayadakapi kta; qa, Ate ekta wahde kte cin heon;

18 Heon heyapi; Aškayedan eye cin he taku he; taku eye cin sdonunyanpi šni ce.

19 Wiwangapi cinpi kin he Jesus sdonya, unkan heon hewieakiya; Wanna aškayedan wanmayadakapi kte šni, qa hen ikiyedan wanmayadakapi kta, epe cin he, he token kapi hwo, otoiyohi eyeciyapi he?

20 Wowicake, wowicake on heciciyapi; Nihinniciyapi qa yaceyapi kta, tuka oyate kin iyuškinpi kta; iyonicišicapi kta, tuka iyonicišicapi kin he wowiyuškin wan en un kta.

21 Winohinca cinca ton kta oca yazan hda, wanna iyekicihantu kin heon; tuka tohan hokšiyoqopa ton eca, yazan hda qon he kiksuye šni, wicašta oyate kin den tonpi eca wowiyuškin ye cin heon.

22 He iyecen nakaha iyokišin dukanpi, tuka ake wanciyakapi kta, kinhan nicantepi kin wiyuškin kta, qa widuškinpi kte cin he tuwedan nicipi kte šni.

23 Unkan anpetu kin he en takudan imayanungapi kte šni. Wowicake, wowicake on heciciyapi; Taku micaje on Atewaye cin yakidapi kinhan nicupi kta.

24 Nahahin dehanyan micaje on takudan yadapi šni. Da po, iyacupi kta, hecen wowiyuškin ojudanniciyapi kta.

25 Hena taku iyacinyan heciciyapi;  tuka anpetu wan u kta, hehan wiyacinyan takudan eciciyapi kte šni, tuka taninyan Alcyapi kin on ociciyakapi kta.

26 Tohan iyehantu kinhan micaje on taku yadapi kta, tuka Atewaye cin wocekiye eciciyapi kta, epe šni.

27 Ate iye atayedan waštenidapika, waštemayadapike ca Wakantanka eciyatanhan wahi kin he wicayadapi kin heon.

28 Atewaye cin eciyatanhan wau, qa oyate kin de en wicawahi Ake oyate kin ehpewicawaye kta qa Ate ekta wahde kta.

29 Wanna wiyacinyan iyae šni, ataninyan iyaa ce, waonspewicakiye cin eciyapi.

30 Taku owasin sdonyaye ca, tuwe winiwange kta iyecece šni yaun e wanna sdonunyanpi; heon etanhan Wakantanka eciyatanhan yahi kin he wicaundapi, eyapi.

 31 Jesus awicayupte; Wanna wicayadapi he?

32 Anpetu wan u kta qa wanna hiyohi, enanakiya otoiyohi yahdapi kta, qa mišnana ehpemayayapi kta; tuka nakun mišnana waun šni, Atewaye cin he mici un.

33 Wookiye amayaduhapi kta heon etanhan hena heciciyapi. Oyate kin de en w+okakije duhapi kta; tuka wiyuškin po, miye oyate kin ohiwicawaya ce. 

JOHANNES WICOWOYAKE 17.

1 Jesus hena hecen eye ca hehan išta yuwankan icu, qa mahpiya kin ekta etonwan qa, Ate wanna anpetu kin hiyohi, Nicinkši kin hdutan wo, hecen on Nicinkši kin nihdutan kta ce.

2 Wicacehpi owasin on wowašake yaqu qon, hecen tona yaqu kin owasin owihanke wanin wiconi wicaqu kta.

3 Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaši qon.

4 Maka kin akan ciyutan; qa wicokicanye mayaqu qon wanna owasin wahduštan.

5 Unkan nakaha, Ate niye kin on miye mahdutan wo, wicoicage wanice cin he itokam wowitan niyeci luluha waun qon heon.

6 Oyate kin den wicašta tona mayaqu kin hena en nicaje mdaotanin; hena nitawa, tuka hena mayaqu; unkan hena nioie qon niciyuhapi.

7 Taku mayaqu kin owasin he niye etanhan u, wanna sdonyapi.

8 Nioie mayaqu qon he wanna wicawaqu; unkan icupi, qa niye eciyatanhan wahi kin he tanyan sdonyapi, qa niye e umayaši kin he wicadapi.

9 Hena on wocekiye ewicaweciya, maka akan wicašta kin hena on wocekiye eciciye šni, tuka tona mayaqu kin hena on wocekiye eciciye, hena nitawa kin he etanhan.

10 Taku mitawa kin hena owasin nitawa, qa niš taku nitawa kin hena mitawa, qa hena on wowitan waun.

11 Wanna oyate kin dematanhan šni, tuka iye e oyate kin en opeya ni unpi, qa miye wanna nitankiyadan waku kta. Ate wakan, nicaje kin on dena mayaqu qon hduha wo, hecen unwunjidan qon iš iyecen wanjidan kta.

12 Oyate kin den om waun kin he icunhan nicaje kin on wicawahduha. Mayaqu qon hena e wicawahduha, qa owasin ehpekiyapi šni, wicašta wayutakuni šni cinhintku kin hecedan ehpekiyapi, hecen wowapi en un qon wanna iyecetu.

13 Wanna nitankiyadan waku kta, oyate kin den opeya waun kin en ehake hecen epa, hecen on mitowiyuškin kin iyepi en wicakiyuštanpi kta.

14 Nioie wicawaqu, qa oyate kin šice wicadapika, oyate kin hetanhanpi šni heon etanhan hececa, oyate dematanhan šni he iyecen.

15 Oyate kin detanhan ewicayahdaku kta e heon wocekiye eciciye šni, tuka taku šice cin he en anawicayecipte kta e heon.  

16 Oyate kin de ematanhan šni kin he iyecen iš oyate kin de etanhanpi šni.

17 Wowicake nitawa kin he on wicayuwakan wo; nioie kin he wowicake.

18 Oyate kin deci u mayaši qon, he iyecen iš oyate kin ecen ye wicawaši.

19 Qa iyepi on miye mihduwakan, hecen on wowicake eciyatanhan wicayuwakanpi kta.

20 Qa denana on wocekiye ewicaweciye šni, nakun tona wicoie oyakapi eciyatanhan wicamadapi kin hena koya.

21 Hecen on owasin wanjipidan kta, niye kin iyecen, Ate, miyecica, qa miš cicica; qa hecen iš unkicicapi kta; qa oyate kin niye u mayaši kin he wicadapi kta.

22 Wowitan mayaqu qon he wanna wicawaqu; hecen on unwanjidan kin iyecen wanjipidan kta.

23 Miš wicakici waun, qa niš mici yaun, hecen wanjidan en wicayuštanpi kta; qa hecen niye umayaši kin he oyate kin sdonyapi kta; qa waštemayakida kin he iyecen waštewicawakida ece.

24 Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoioige kin de itokam waštemayakida kin heon etanhan.

25 Ate owotanna, oyate kin sdonniyanpi šni ye, tuka  miye sdonciye ciqon, qa dena iš niye e u mayaši kin he sdonyapi.

26 Unkan nicaje kin he sdonye wicawakiya qa nakun sdonye wicawakiye kta; hecen wawacinkta duza on waštemayakida qon he dena en un kta, qa miš nakun owicawape kta.

JOHANNES WICOWOYAKE 18.

1 Jesus hena hecen eya, hehan waonspewicakiye cin oin Kedron wakpadan kin akasanpa iyaya, hen can wojupi wan, unkan he en i, waonspewicakiye cin om.

2 Unkan Judas wiyopeye cin he iš nakun makoce kin he sdonya, Jesus hen waonspewicakiye cin om emniciya ece qon heon.

3 Heon Judas akicita wicoun wan icu, qa akicita tancan ko, wošnapi kagapi qa Pharisee kin etanhan, om wipe yuhapi, qa petijanjan can itkonya ko yuha en yapi.

4 Jesus taku hiyahde kte cin owasin sdonkiya, itkowicakipe ca, Tuwe e oyadepi he? ewicakiya.

5 Jesus Nazareth etanhan, eya ayuptapi. Unkan Jesus, He miye ce, eya. Unkan Judas he wiyopeye ciqon ee en opa.

6 Unkan Jesus, He miye ce, ewicakiya hehan icicawin kihdapi, qa makata ihpayapi.

7 Heon etanhan ake wiwicawanga; Tuwe ayakitapi he? eya. Unkan, Jesus Nazareth etanhan, eyapi.

8 Jesus waayupte; He miye ce, eciciyapi qon; hecen miye e omayadepi hecinhan dena ito kihdapi kta.

9 Wicoie wan eye ciqon he iyecetu kta, Tona mayaqu kin wanjidan ehpewakiye šni ce.

10 Unkan lnyan mazasagye wan yuhe cin ehdaku, qa on wošna kagapi itancan ookiye wicaya wan noge etapa eciyatanhan ape ca kašpa iyeya, ookiye unna kin he Malchus eciyapi.

11 Hehan Jesus lnyan heciya; Mazasagye nitawa ojuha en iyekiya wo. Wiyatke Ate maqu kin he mdatke kte šni he?

12 Juda oyate akicita tancan, akicita eyanpaha, akicita ikcedan ko Jesus yuzapi, qa pahtapi.

13 Qa tokaheya Annas kaipi; Kaiaphas omaka kin he en wošna kagapi itancan kin he tunkanku kin hee.

14 Wicašta wanjidan oyate kin on te kte cin he hecetn kta ce, Juda oyate iwahokonwicakiye ciqon Kaiaphas ee.

15 Unkan Simon lnyan Jesus ihakam ya, nakun waonspewicakiye cin tokeca wan; unkan waonspewicakiye cin tokeca kin he wosna kagapi itancan kin sdonya qon, heon hee wošna kagapi itancan tihocoka kin en Jesus kici iyaya.

16 Tuka lnyan e tankan tiyopa kin en najin. Hehan waonspewicakiye cin unma, wošna  kagapi itancan sdonya qon, he tankan hiyu, qa tiyopa awanyake cin he okiye ca, Inyan tin hiyuya.

17 Hehan wikoška tiyopa awanyake cin he Inyan heciya; Wicašta kin de waonspewicakiye cin wanji niye he? Unkan, Hemaca šni ce, eya.

18 Akicita eyanpaha wowidag wicayapi ko hen najinpi, šni hdapi qa cetipi; unkan he en petiškanpi: unkan Inyan iš owicapeya inajin, qa petiškan.

19 Hehan wošna kagapi itancan kin Jesus wiwanga, waonspewicakiye cin heon, qa iye woonspe tawa kin he nakun.

20 Jesus ayupte; Oyate kin en taninyan womdaka ece; omniciye tipi etu, qa tipi wakan ko en, Juda oyate mniciyapi ece kin en ohinniyan waonspekiya waun,qa takudan anahbeyahan epe šni ce.

21 Taku on wimayanunga he? token ewicawakiye cin tona nahonpi kin hena e wiwicawanga wo, token epe cin he sdonyapi ce.

22 Hena hecen eya, unkan akicita eyanpaha wan en najin kin he Jesus apa, qa heya; Wošna kagapi itancan kin hecen adupta he?

23 Unkan Jesus ayupte; Šicaya iwaa hecinhan taku šica epe cin he yaotanin wo; tuka tanyan epa hecinhan, tokeca amayapa he?

24 Annas Kaiaphas wošna kagapi itancan kin pahtapi ecen ekta aye wicakiye ciqon.

25 He icunhan Simon Inyan petisškan najin. Heon heciyapi; Waonspewicakiye cin he wanji niye he? Tuka anakihbe ca, Hemaca šni ce, eya.

26 Wošna kagapi itancan kin wowidake tawa wan, Inyan noge kašpe ciqon he takuya, Wojupi kin en kici yaun wanciyake šni he? eciya.

27 Tuka ake Inyan anakihman: unkan he icunhan anpaohotonna wan hoton.

28 Hehan Kaiaphas etanhan woyaco tipi kin en Jesus aipi; unkan wanna anpa. Ihduçapapi kte šni e heon woyaco tipi kin en ipi šni, wošnapi kin hdutapi kta e heon.

29 Unkan Pilate tankata hinanpe ca, en wicau qa, Wicašta kin de taku e iyayaonpapi he? ewicakiya.

30 Waayuptapi qa heciyapi; Wicašta kin de ohan šice šni unkanš unnicahipi kte šni tuka, eyapi.

31 Hehan Pilate hewicakiya; Niye ito eyaku po, qa wayeconzapi kin eciyatanhan yaco po. Hehan, Wicašta teyapi unkiye unkokihipi šni ye, Juda oyate eciyapi.

32 Hecen Jesus oie qon ecetu kta, token wiconte on te kta eye ciqon he.

33 Hehan woyaco tipi timahen Pilate kihde ca, Jesus en au wicakiye ca, Juda oyate wicaštayatapi qon he niye he? eciya.

34 Jesus ayupta; He niye cinka heha he; kaeš tuwe tokeca miye on hecen oniciyaka he?

35 Pilate ayupte; Juda wicašta hemaca he? nitaoyatepi kin hena, qa wošnapi kagapi tankapi kin he iye miye en anihipi. Token oyahanda he?

36 Jesus ayupte; Wokiconze mitawa kin he maka kin detanhan šni; wokiconze mitawa kin maka kin detanhan unkanš, mitaokiye kin kis unpi kta, qa Juda oyate kin makaškapi kte šni tuka. Tuka nakaha wokiconze mitawa kin detanhan šni.

37 Hehan Pilate heciya; Wicaštayatapi kin henica he? Unkan Jesus ayupte; Wicaštayatapi hemaca e ecen eha; hemaca kta e on matonpi, qa heon makata wahi, wowicake mdaotanin kta e heon. Tuwe wowicake eciyatanhan un kinhan he miho kin nahon ece.

38 Wowicake kin he taku he? Pilate eciya. Hena hecen oie ya, unkan Pilate tankata inape ca, Juda oyate en wicaye ca, Wicašta kin he taku šica econ takudan iyewaye šni, ewicakiya.

39 Tuka wicohan duhapi kin heciyatanhan, Woacakšin anpetu ehan unkipi eca, tuwe kaška hnakapi wanji wakiyuæka ece qon. Juda oyate wicaštayatapi kin de wakiyuška yacinpi he? eya.

40 Unkan ake owasin panyehan howayapi qa heyapi; Wicašta kin dee kte šni, tuka Barabbas e hee kta. Unkan Barabbas e qe wawicaki sa kin heca.