Lukas 17-18

All the snow and cold has been fun, but I'm ready to see some flowers blooming. It doesn't look likely any time soon. We hope you are all staying warm and that God blesses each of you who are seeking Him.

LUKAS WICOWOYAKE 17.

1 Hehan waonspewicakiye cin hewicakiya; Wahtaniyapi kin u kte šni pica šni; tuka tuwe eciyatanhan hena u kinhan, hee wotehi kiciyanka ece!

2 Dena cikcistinpidan kin tuwe wanji wahtaniye cinhan he inyan wiyukpan wanji tahu kin en napinkiyapi, qa miniyowanca kin oiyohpeyapi unkanš, ees wašte kta tuka.

3 Iwanihdaka po. Nisunka šicaya ecanicon kinhan kišica wo, qa iye iyopeiciye cinhan, kicicajuju wo.

4 Qa šakowin akihde anpetu wanjidan šicaya ecanicon, qa šakowin akihde anpetu wanjidan niye ekta ihduhomni, qa, lyopemiciya ce, eniciye cinhan, hecen yecicajuju kta ce, eya.

5 Unkan wahošiyapi kin Itancan kin heciyapi; Wacinunyanpi kin unkiciyusanpa miye.

6 Unkan Itancan kin heya; Sinaipe sukaza wan iyecen wacinyayapi kinhan, sukamin can kin de, Hute ihdamna qa miniwanca kin en huicihde wo, eyakiyapi kta, kinhan ananigoptanpi kta tuka.

7 Tuka niyepi kin wanji tukte taokiye wan yuha, mahyumdu qa iš wanunyanpi wihanwicakiya un, qa tokešta maga kin eciyatanhan hdi kinhan, Iho wo, ye ca wota iyotanka wo, eciye kta he?

8 Qa iš kaken, Woyute wiyeya micihnake ca, ipiyagkiton qa omakiya wo; qa miš tohan wawate ca wamdatke cinhan, iyohakam niš ito wayate ca wadatke kta ce, eciye kte šni he?

9 Hecen ookiye kin he taku econ šipi kin ecen econ kin, on etanhan wopida eciye kta he? Hepce šni ce.

10 Niš eya iyecen taku token econ nišipi kin, owasin ecen duštanpi kinhan, heya po; Ookiye wakamna šni kin heuncapi; taku econkupi kta iyecece cin heceedan econkupi ece.

11 Unkan Jerusalem ekta ye cehan, Samaria qa Galilee cokaya iyoopta iyaya.

12 Qa otonwe wan en i qehan, wicašta wikcemna lepros ececapi itkokipapi, qa itehan hinajinpi:

13 Qa ho wankan iyeyapi qa heyapi; Jesus, Itancan, onšiunkida miye.

14 Unkan wanwicayake cehan, hewicakiya; Wawayušnapi kin ekta wicaya po, qa wanyagiciya po. Unkan ekta yapi icunhan akisnipi.

15 Unkan wanji wanna asni sdotkiye cehan, ihdamna, qa hotankakiya Wakantanka yaonihan;

16 Qa siha kin en ite makipuskin ehpeiciye ca, wopida eciya: unkan he Samaria wicašta kin heca.

17 Unkan Jesus waayupte ca heya; Wikcemna ašniwicayapi šni he? tuka napcinwanka kin hena tokiya unpi he?

18 Wakantanka yaonihan kta hdipi kin tuwedan iyeyapi šni, oyate tokeca etanhan kin de išnana ce.

19 Hehan heciya; Najin qa hda wo; wicayada kin he asniniyan ce.

20 Unkan Pharisee kin iš Wakantanka tokiconze kin he tohan hiyohi kta hecinhan, he iwangapi qehan, waayupte ca hewicakiya; Wakantanka tokiconze kin he wowanyake on hi kte šni.

21 Nakun, Iho, dee ce, qa iho, kae ce, eyapi kte šni: Wanyaka po, Wakantanka tokiconze kin he mahen niunpi ece.

22 Hehan waonspewicakiye cin hewicakiya; Anpetu wan hiyohi kta, Wicašta Cinhintku kin anpetu tawa kin wanji wandakapi kta yacinpi kta, tuka wandakapi kte šni.

23 Qa, Iho dee, qa iho kae ce, eniciyapi kta; tuka wiciyahna yapi šni po, qa owicapapi šni po.

24 Wakanhdi mahpiya ihukuya tokiyatanhan wiyatpa u, qa mahpiya ihukuya unma ekta iyahde ece kin he Wicašta Cinhintku anpetu tawa kin en iyecece kta.

25 Tuka ito tokaheya taku ota on iyotanhan iyekiye kta, qa wicoicage kin de on heyata iyeyapi kta ce.

26 Unkan Nowa taanpetu qon en token unpi qon, Wicašta Cinhintku taanpetu kin en he iyecece kta.

27 Nowa wata kin en okipe ciqon anpetu kin hehanyan wotapi, qa wayatkanpi, tawicutonpi, qa hihnatonpi ece; unkan minitan u, qa owasin owihankewicaya.

28 Qa nakun Lot anpetu tawa qon en iš eya iyececa, wotapi, qa wayatkanpi, wopetonpi qa wiyopeyapi, wojupi qa ticagapi ece:

29 Tuka Lot Sodom etanhan tankan hinape ciqon anpetu kin hee hinca en mahpiya kin eciyatanhan peta, mazakan noge iyuwintapi kin ahna hinhe, ca owasin owihankewicaya.

30 Wicašta Cinhintku kin yuotaninpi kte cin he iyecece kta ce.

31 Anpetu kin he en tuwe tipi akan yanke ca tawahpaya timahen hiyeye cinhan, kun ku qa ehdaku kte šni; qa tuwe magata un kinhan, iš eya taku hekta un kin ekta ihdamna kte šni.

32 Lot tawicu qon he kiksuya po.

33 Tuwe wiconi tawa kpatan cin kinhan, he toki ehpekiye kta; qa tuwe wiconi tawa toki ehpekiye cinhan, hee hduhe kta.

34 Heciciyapi ce; Hanyetu kin he en wicašta nom owinja wanjidan akan wankapi kta; wanji icupi kta, qa unma kin iš ehpeyapi kta.

35 Winyan nonpa akiptan wotpan unpi kta: wanji icupi kta, qa unma kin iš ehpeyapi kta.

36 Wicašta nom magata unpi kta; wanji icupi kta, qa unma kin iš ehpeyapi kta ce.

37 Unkan waayuptapi qa heciyapi; Itancan, tukte etu he? Unkan hewicakiya; Tukten wicatancan wanka eca, hen wamdi kin kawitaya imniciyapi ece e kta.

LUKAS WICOWOYAKE 18.

1 Unkan wicašta kin ohinniyan wocekiye eyapi kta, qa iyakicunnipi kte šni e on wiyacinpi wan owicakiyaka;

2 Qa heya; Otonwe wan en wiyukcan wanji Wakantanka kokipe šni, qa nakun wicašta wicakinihan šni.

3 Unkan otonwe kin he en wiwazica wan, he wiyukcan kin ekta hi qa, Makipajin kin he tomicicon ye, eya.

4 Unkan tokaheya econ wacin šni; tuka ocim cante mahen heya; Wakantanka kowakipe šni, qa nakun wicašta kin wicawakinihan šni qeyaš;

5 Wiwazica kin de nagiyemaye cin on etanhan ito towecicon kta; okinni ohinni hecetu u kinhan wacin iyokišinmaye kta naceca ce.

6 Unkan Itancan kin heya; Wiyukcan owotanna šni ie cin he nahon po.

7 Unkan Wakantanka tona wieakalmige, ca anpetu hanyetu ko eekiyapi kin, hena tehan towica- kiciconšni qeyaš, ocim econ kte šni he?

8 Ihnuhanna towicakicicon kta, eciciyapi ce. Tuka Wicašta Cinhintku kin he tohan hi kinhan, maka akan wacinyanpi iyeye kta he?

9 Unkan apa iye ohan owotanna icidapi, qa tokan kin wahtewicadapi šni kin, hena wiyacinpi kin de owicakiyaka.

10 Wicašta nonpa tipi wakan kin ekta cekiya ipi; unma kin Pharisee heca, qa unma iš wamnayanpi kin heca.

11 Unkan Pharisee kin išnana najin, qa kaken wocekiye eya; Wakantanka, wicašta tokeca iyemacece šni, wawicakipi sa, ohan owotanpidan šni, wawicihahapi econpi sa, qa wamnaye cin dee kaeš iyemacece šni heon wopida eciciya.

12 Anpetu wakan okitahedan nonpa akihanmiciye ca taku mduhe cin owasin etanhan iwikcemnamna kin wicawaqu ece.

13 Unkan wamnaye cin iš itehanyan inajin, qa išta ee kaeš wankan mahpiya kin ekta ikikcu šni; tuka maku kin ohna aicipe, ca heya; Wakantanka onšimakida wo, wawahtani sa.

14 Wicašta kin de yuowotanpidan tiyata kihda, qa unma qon hee šni, eciciyapi ce: Qa tuwe ihduwankantuya kinhan, he yuhukun

iyeyapi kta: qa tuwe ihduhukuye cinhan, hee yuwankan ayapi kta ce.

15 Unkan hokšiyoqopa kin nakun wicayutan kta e en awicahipi tuka waonspewicakiye cin he wanyakapi qehan, wicakišicapi.

16 Tuka Jesus wicakico, qa heya; Hokšiyoqopa kin ekta mahipi kte cin iyowinwicakiya po, qa tehindapi šni po; Wakantanka tokiconze kin he hececapi etanhan ece.

17 Wowicake eciyatanhan heciciyapi; Tuwe hokšiyoqopa iyececa Wakantanka tokiconze kin icu šni kinhan, he tokadan en ope kte šni ce.

18 Unkan wicašta ihdawa wanji wiwange ca heya; Waonspekiye wašte, token ecamon, qa owihanke wanin wiconi ohimiciye kta he?

19 Unkan Jesus heciya; Tokeca e wašte emayakiya he? tuwedan wašte šni; Wakantanka hecedan wašte.

20 Woahope kin hena onnispe; Wawicihahapi ecanon kte šni; Tin wicayakte kte šni; Wamayanon kte šni; Woitonšniyan wodake kte šni; Niyate nihun kici wicahduonihan wo.

21 Unkan heya; Macistina ehantanhan hena owasin ahowapa ce.

22 Unkan Jesus hena nahon qehan heciya; Nahanhin taku wanji iyotpani yaun; taku yaton kin owasin wiyopekiye ca wahpanicapi kin wicakipamni wo, kinhan mahpiya ekta woyuha duhe kta ce; hehan u qa mihakam un wo.

23 Unkan he nahon qehan nina iyokišica; wijice hinca nakaeš.

24 Unkan nina wacin iyokišice cin he Jesus wanyake cehan, heya; Wowijice tonpi kin hena Wakantanka tokiconze kin en yapi kte cin he tehike hinca.

25 Wicašta wijica wan Wakantanka tokiconze kin en ye kte cin he tehika, qa kamel heca wanji tahinšpaciqadan ohdoka kin ohna ye kte cin hee kaeš aoptetu ce.

26 Unkan tona he nahonpi kin hena heyapi; Hehan tuwe ni kta he?

27 Unkan heya; Wicašta kin ekta taku econpica šni kin, he Wakantanka ekta econpica ece.

28 Unkan Inyan heya; Iho, unkiš taku owasin untpaganpi, qa niyahna unyakonpi ce.

29 Unkan hewicakiya; Awicakehan heciciyapi ce, Wicašta kin tuwe ti kin, qa hunkakewicaye cin, qa hunkawanjiiku, qa tawicu, qa cinca, hena wanji Wakantanka tokiconze kin on kpagan kinhan,

30 Hee dehan nakaha taku sanpa ota yuhe kta, qa wiconi u kte cin he en wiconi owihanke wanica yuhe kta ce.

31 Unkan akenonpapi kin ewicayaku qa hewicakiya; Iho, Jerusalem ekta unyanpi, qa wicašta wokcan Wicašta Cinhintku kin on token owapi qon owasin yuecetupi kta.

32 Oyate tokeca napepi kin en wicaqupi kta; hecen ištenyapi, qa wawicanksiya kuwapi, qa atagošapi kta;

33 Qa kapsinpsintapi qa teyapi kte; unkan anpetu iyamni kinhan kiui kta ce, eya.

34 Unkan ecaca okahnigapi šni, qa oie kin de anawicakihmanpi, qa taku oyakapi kin sdonyapi šni.

35 Unkan Jeriko ikiyedan wanna u qehan, wicašta wan ištagonge canku icahda wada yanka

36 Unkan wicota ahiyaye cin he nahon qehan, he token kapi hecinhan he iwicawanga.

37 Unkan, Jesus Nazareth etanhan kin he hiyaya ce, eya okiyakapi.

38 Unkan hotankakiya heya; Jesus David Cinhintku kin onšimakida wo.

39 Unkan tokahanpi kin hena iyokipi šni, inina yanke kta; tuka heon iuitan, hotankakiya heya; Jesus David Cinhintku kin onšimakida wo.

40 Unkan Jesus inajin qa aupi kta kewicakiya. Unkan wanna kiyedan u qehan, wiwange ca,

41 Token ecacicon kta yacin he? eya. Unkan iye, Itancan, watonwe kta, eya.

42 Unkan Jesus heciya; Tonwan wo, wacinyaye cin he niniyan ce.

43 Unkan wancake tonwe ca iyahna hiyu, qa Wakantauka yaonihan: unkan oyate kin he wanyakapi qehan, owasin Wakantanka yatanpi.