JOHANNES
TAWOWAPI IYAMNI KIN.
1 Hunkayapi waun kin, Gaius waštedakapi kin,
wowicake en waštewadake cin he, wowapi cicaga.
2 Waštecicida,
taku owasin isanpa, tanyan iyoopte de kta qa zaniyan yaun kta e cewakiya ece,
ninagi iyoopta ye cin iyececa.
3
Hunkawanjinkiciyapi kin den hipi, qa wowicake en niun kin he oyakapi qehan,
wowicake eciyatanhan mayani kin heon nina imduškin.
4 Micinca
wowicake kin eciyatanhan manipi nawahon kin heon wowiyuškin iyotan tanka mduha,
takudan kape šni.
5 Waštecicida,
taku hunkawanjinkiciyapi kin, qa nakun wicašta toktokeca ecawicayecon kin he
tanyeh ecanon:
6 Hena e
okodakiciye kin en wacanyakiye cin tanyan oyakapi: hena icimanipi en, Taku
Wakan iyecen, owicayakiye cinhan, tanyan ecanon kta.
7 lye caje kin
on iyayapi, qa Ikcewicasta kin etanhan takudan icupi šni, heon etanhan.
8 Heon tona
hececapi kin hena iyowinwicunkiyapi kta iyececa; hecen wowicake kin ounkiyapi
kta.
9 Okodakiciye
kin wowapi wicawecaga; tuka hena ehna Diotrephes itancan icida kin he
iyowinunkiyapišni.
10 Heon etanhan
wau kinhan, iye ohan kin, oie šica on unkaiapi ece kin hena weksuye kta. Unkan
he on imnan šni, tuka iye hinca hunkawanjinkiciyapi kin iyowinwicakiye šni, qa
tona hecon wacinpi kin iyowicaki šni, qa okodakiciye kin etanhan tankan
iyayewicaya ece.
11 Waštecicida,
taku šice cin he en ope šni wo, tuka taku wašte kin. Tuwe taku wašte econ kin
he Wakantanka eciyatanhan un, tuka tuwe taku šica econ kin he Wakantanka wanyake
šni.
12 Demetrius
owasin on tanyan oyakapi, qa wowicake kin nakun eciyatanhan; unkan unkiš eya he
unyaotaninpi, qa waunyaotaninpi kin he wowicake e sdonyayapi.
13 Taku ota
ociciwa kta mduha tuka, tuka minisapa wiyaka ko on hena wowapi cicage kte šni:
14 Tuka ecadan
wanciyake kta, qa i eciyatanhan unkokiciciye kta wacin.
15 Wookiye niye
en niciun nunwe. Takukiciyapi kin hena nape niyuzapi. Takukiciyapi kin cajeyan
nape wicayuza wo.
No comments:
Post a Comment