Johannes 7-9

JOHANNES WICOWOYAKE 7.

1 Hena iyohakam Jesus Galilee en un: Juda oyate te yapi kta  akitapi heon Juda makoce en un wacin šni.

2 Juda oyate wakeya ohna wotapi ece kin he wanna kiyedan aya.

3 Heon etanhan iye sunkawicaye cin heciyapi; Detanhan ya wo, qa Juda makoce kin en un wo, hecen waonspewicayakiye cin niohan ecanon ece kin hena wanyakapi kta.

4 Tuwe ihdutanin cin kinhan, taku nahmana econ šni ece. Dena ecanon kta hecinhan, iho oyate kin en ihdutanin wo.

5 Sunkawicaye cin iyepi nakun wicadapi šni.

6 Heon Jesus hewicakiya; Miye anpetu kin hinyanhin iyemicihantu šni; tuka niye qe anpetu kin ohinniyan wiyeya niciyankapi.

7 Oyate kin šicenidapi okihipi šni, tuka miye e šicemadapi; wicohan tawapi kin hena šica e mdaotanin ece kin heon etanhan.

8 Niye qe wošnapi kte cin ekta ya po. Miye qe nahahin anpetu iyemicihantu šni, heon wošnapi kin he ekta mde kte šni ce.

9 Hena hewicakiye ca hehan Galilee en un.

10 Tuka sunkaku iyayapi kin iyohakam hehan, iš wošnapi kte cin ekta ya, taninyan ye šni, tuka nahmana ya.

11 Wošnapi kin icunhan Juda oyate odepi qa, Tokiya un he, eyapi?

12 Qa oyate kin iapi ota on aiapi. Apa, He wicašta wašte ce, eyapi: qa toktokeca iš, Hiya, oyate kin wicahnayan ce, eyapi.

13 Juda oyate kowicakipapi, heon etanhan tuwedan taku ataninyan eye šni.

14 Wošnapi kin enkaya hdoipi, unkan Jesus tipi wakan ohna inajin, qa wowicakiyaka.

15 Unkan Juda oyate kin inihanpi qa heyapi; Wicašta kin de tokiya tanhan wowapi kin onspe he; tohinni onspekiyapi šni qon?

16 Unkan Jesus awicayupte ca heya; Wociciyakapi kin de miye etanhan šni, tuwe u maši kin he iye etanhan.

17 Tuwe iye tawacin ecen econ wacin kinhan, woyakapi kin de Wakantanka eciyatanhan hecinhan, qa iš miye cinka hena epa hecinhan, sdonye kta.

18 Tuwe iye en oie iciye cinhan he iye towitan okide ece; tuka tuwe iš, tuwe uši kin he towitan okicide kinhan, he iye wowicake, qa wicowicaštašni takudan en un šni.

19 Moses woope kin nicupi šni he; tuka tuwedan woope kin ecen ecanonpi šni? taku on temayayapi kta e ayakitapi he?

20 Oyate kin ayuptapi qa heyapi; Wakan šica niyuhnaškinyan; tuwe e teniyan akita he?

21 Hehan Jesus waayupte ca hewicakiya; Wicohan wanji ecamon, unkan owasin niyušinyayapi.

22 Moses bahdayapi wicohan kin nicupi; (he Moses etanhan šni, tuka hunkakewicayapi kin etanhtm;) unkan anpetu wakan eca wicašta wan bayecihdayapi ece.

23 Hecen anpetu wakan eca wicašta wan bakicihdayapi hecinhan, on Moses woope kage ciqon yujujupi kte šni; wicašta wan anpetu wakan en ocowasin okiziwaye cin heon cantamayahdepi he?

24 Wiyacinyan wayacopi šni po, wokonze e eciyatanhan wayaco po.

25 Hehan Jerusalem etanhan wanjikji heyapi; Tuwe teyan akitapi kin he dee šni he?

26 Unkan iho, kagi šni ia tuka tuwedan taku eciye šni. Wicašta itancanpi kin awicakehan Messiya kin he dee e sdonyapi he?

27 Tuka wicašta kin de tokiyatanhan u kin sdonunyanpi; tohan Messiya hi kinhan, tokiyatanhan u kin tuwedan sdonye kte šni, eyapi.

28 Hehan Jesus tipi wakan kin ohna waonspekiya icunhau hotankakiya heya; Tuwe miye kin sdonmayayapi, qa tokiya tanhan wau kin he nakun: qa miye cinka wahi šni; tuka tuwe u maši kin he wicaka, eqe sdonyayapi šni.

29 Tuka miye he sdonwakiya, he iye etanhan wahi, qa u masi kin hee.

30 Unkan heon tinsa yuze wacinpi, tuka nahahin iyehantu šni kin heon tuwedan nape on yutanpi šni.

31 Unkan oyate kin etanhan wicota he iye kin wicadapi qa heyapi; Tohan Messiya hi kinhan, de taku wapetogya econ kin, he sam iyeya hecon kta he? eyapi.

32 Oyate kin iyakitedan hekiciyapi he Pharisee kin nahonpi; unkan wošna kagapi Pharisee ko, yuzapi kta e on akicita ekta ye wicašipi.

33 Hehan Jesus hewicakiya; Ehake tokata cistiyedan ocipapi waun kta, hehan tuwe u maši kinhan heciya wahde kta.

34 Omayadepi kta, tuka iyemayayapi kte šni; qa tokiya waun kin ekta yaupi kta ešta, oyakitpanipi kta.

35 Hehan Juda oyate kin iyakitedan hekiciyapi; Tokiya ye kta he, qa iyeunyanpi unkokihipi kte šni? Helenes oyate kin ehna enanakiya iyayapi kin ekta ye ca, Helenes wowicakiyake kta he?

36 Omayadepi kta tuka iyemayayapi kte šni, qa tokiya waun kin ekta yaupi kta ešta, oyakitpanipi kta ce, eye cin wicoie kin he toketu he? eyapi.

37 Wošnapi anpetu ehake qa tanka kin en, Jesus najin qa hotankakiya heya; Tuwe ipuza kinhaii en mau qa mini yatke kta.

38 Tuwe wicamada kinhan, wowapi wakan eye cin iyececa, iye tanmahen tanhan wiconi mini wakpadan kaduze kta ce.

39 (Tuka Woniya, tona iye wacinyanpi kin icupi kte cin hee on hecen eya: he ehan nahahin Woniya Wakan kin wicaqupi šni, nahahin Jesus wowitan ehan i šni.)

40 Oyate kin etanhan wicota wicoie kin de nahonpi qehan, Awicakehan wicašta wokcan kin he dee ce, eyapi.

41 Toktokeca iš, Messiya kin he dee ce, eyapi. Tuka apa iš, Messiya Galilee etanhan u kta he? eyapi.

42 David wicoicage tawa kin etanhan Messiya hinanpe kta, qa Bethlehem otonwe David en un qon hetanhan u kta ce, wowapi wakan eye šni he?

43 Hetanhan oyate kin akipam wacinkiyuzapi.

44 Qa hunh yuze wacinpi, tuka tuwedan nape on yutan šni.

45 Hehan akicita kin, wošna kagapi Pharisee ko ekta icicawin wicakipi; unkan, Tokeca e ayahipi šni he? ewicakiyapi.

46 Akicita kin awicayuptapi; Wicašta kin tuwedan tohinni wicašta kin de iyecen oie ye šni ce, eyapi.

47 Hehan Pharisee kin iš awicayuptapi, Niš nakun nihnayanpi he?  

48 Wicašta itancanpi kin wanjikji qa Pharisee ko he wicadapi he?

49 Tuka oyate kin de, woope yukcanpi šni kin hena wahtepi šni ce, eyapi.

50 Nicodemus hanyetu ehan Jesus yanke cin en i qon, he itimcanpi kin wanji ee, hewicakiya:

51 Woope unkitawapi kin, wicašta token eye cin nahon šni, qa taku econ kin atayedan sdonye šni itokam, yaco he?

52 Unkan ayuptapi qa heciyapi; Niš Galilee henitanhan he? Wawiwange ca wanyaka wo; wicašta wokcan tuwedan Galilee etanhan u šni ce.

53 Hehan otoiyohi iye tipi kin ekta kihdapi.

JOHANNES WICOWOYAKE 8.

1 Jesus Olive Paha kin ekta i.

2 Qa ihanhanna anpao hehan tipi wakan kin en ki, unkan oyate kin owasin en ahi; unkan en iyotanke ca wowicakiyaka.

3 Unkan wošnapi kagapi Pharisee ko winohinca wan nahma ihdušaka e en kahipi, qa cokata ehdepi;

4 Qa heciyapi, Waonspekiye, winohinca kin de wawicihahapi econ wanka icunhan iyeyapi.

5 Unkan Moses, woope kin en, tona hececa kin inyan on wicakininpi kta, unkekiciyapi qon: tuka niš token ehe kta he?

6 Taku iyaonpapi kte cin he akitapi e heon etanhan he iyutanyan heciyapi. Tuka Jesus patuš inajin, qa nape on maka kin en owa.

7 Unkan kitanyan wiwangapi, hehan Jesus owotanna inajin, qa hewicakiya; Wanji tukte woahtani wanin yaunpi hecinhan, he tokaheya inyan on kinin kte.

8 Hehan ake patuš inajin qa ake maka kin en owa.

9 He nahonpi, unkan iye tawacin on ihdacopi, heon wanjikjidan tankata kinanpapi, tokaheya wicašta tanka unpi, qa ecen hakaktapi koya owasin; qa Jesus išnana un ehpeyapi, winohinca cokata hdepi qon he koya.

10 Unkan Jesus ihduowotanna, qa tuwedan wanyake šni, winohinca ecedan ecen najin, unkan heciya, Winohinca, wiyanionpapi qon owasin toki iyayapi he? tuwedan niyaco šni he?

11 Itancan, tuwedan šni, eya. Miš eya ciyaco šni, hunktiya wo, tokata yeye cin icimana wahtani šni wo, Jesus eciya.

12 Hehan ake Jesus owicakiye ca heya; Oyate iyoyamwicaye cin he miye. Tuwe mihakam u kin he otpaza ehna mani kte šni, iyoyanpa wiconi hee tawa kta.

13 Hehan Pharisee kin heciyapi; Niye atayedan nihdaotanin, heon wadaotanin kin he wowicake šni.

14 Jesus waayupte ca hewicakiya; Miye atayedan mihdaotanin qeyaš mihdaotanin kin he wowicake; tokiya tanhan wahi kin he sdonwakiya, qa nakun tokiya mde kte cin he; qa niyepi kin tokiya tanhan wau, qa tokiya mde cin hena sdonyayapi šni.

15 Wicacehpi eciyatanhan wadacopi; tuka miye qe tuwedan mdaco šni.

16 Tuka nakun wamdaco kinhan, wamdaco kin he wowicake kta; mišnana waun šni, tuka Ateyapi u maši kin he miciun ece.

17 Wicašta nom waayataninpi kin he wowicake ce, woope duhapi kin en owapi qon.

18 Miye atayedan mihdaotanin, qa Ate u maši kin he nakun mayaotanin.

19 Unkan, Niyate tukte e he? eciyapi. Jesus iš awicayupte, Sdonmayayapi šni, qa nakun Atewaye cin sdonyayapi šni: Miye kin sdonmayayapi unkunš, Ate iš nakun sdonyayapi kta tuka.

20 Tipi wakan kin en mazaska opiye he cin he en, Jesus waonspewicakiya icunhan hena hewicakiya. Heca tuka tuwedan Jesus otan wacinpi šni, anpetu kin nahahin kicihi šni heon.

21 Hehan Jesus ake hewicakiya; Wahde kta, qa omayadepi ecen woahtani ehna nitapi kta; qa tokiya wahde cin heciya dapi kta ešta oyakitpanipi kta.

22 Unkan Juda oyate kin heyapi; Iye icikte kta he? Tokiya mde cin heciya dapi oyakitpanipi kta ce,

eye cin.

23 Hehan iye hewicakiya; Niye kuya tanhan yaunpi; qa miye e wankan tanhan waun; inaka kin detanhan yaunpi, tuka miye maka kin dematanhan šni.

21 He etanhan wayahtanipi kin en nitapi kta ce, eciciyapi. He miye kin wicayadapi šni kinhan wayahtanipi kin ehna nitapi kta ce.

25 Unkan, Tuwe niye he? eciyapi. Tokag ehan eciciyapi qon he dee, Jesus ewicakiya.

26 Taku ota eciciyapi, qa ciyacopi kta e mduha; tuka tuwe u maši kin he wowicake; qa taku emakiye cin owasin oyate kin owicawakiyaka ce.

27 Iye Atkuku kin on hena hewicakiye cin he okahnigapi šni.

28 Hehan Jesus hewicakiya; Tohan Wicašta Cinhintku kin wankan eyahdepi kinhan, hehan he miye kin sdonyayapi kta, qa miye cinka takudan ecamon šni; tuka Ate taku onspemakiye cin hena ecedan ecen omdaka ece.

29 Tuwe u maši kin he mici un; Ate mišnana amahduštan šni; taku iyokipi ecen ecamon ece, heon etanhan, eya.

30 Hewicakiya icunhan wicota wanna wicadapi.

31 Heon Juda oyate kin etanhan tona Jesus wicadapi kin hena hewicakiya; Mioie kin ohinniyan oyapapi kinhan, awicakehan waonspewicawakiye cin he niyepi kta;

32 Kinhan wowicake kin sdonyayapi kta; qa wowicake kin he niciyuškapi kta ce.

33 Hehan ayuptapi; Abraham towicoun kin unketanhanpi, qa tohinni tuwedan wowidag unyanpi šni; hecen, Niciyuškapi kta ce, ehe cin he token heha he?

34 Jesus awicayupte; Wowicake, wowicake on heciciyapi, Tuwe woahtani econ kin he woahtani en wowidake un ece.

35 Qa wowidake un kin he ohinniyan tipi kin ohna un šni ece; tuka Cinhintku kin hee ohinniyan timahen ounyan.

36 Heon Cinhintkuyapi kin niciyuškapi hecinhan, awicakehan tuwaniciyapi kta.

37 Abraham towicoun kin enitanhanpi sdonwaya; tuka te mayayapi yacinpi, mioie kin en niunpi šni, heon etanhan.

38 Taku Ate ekta wamdake cin hena omdaka ece; qa niš niyate ekta taku wandakapi kin hee ecen ecanonpi ece.

39 Hehan ayuptapi qa heciyapi; Abraham he ateunyanpi kin ee. Unkan Jesus hewicakiya ; Abraham cinca kin he niyepi unkanš, Abraham ohanye cin he ecen ecanonpi kta tuka.

40 Tuka nakaha temayan ayakitapi, wicašta wan wowicake Wakantanka eciyatanhan nawahon kin he ociciyakapi kin he miye tuka: Abraham e qe hecen econ šni qon.

41 Niyatepi ohan kin hee ecen ecanonpi ece, eya. Hehan heciyapi ; Tuwe cinca tanin šni kin heuncapi šni; ate unyanpi wanjidan unhapi, Wakantanka kin hee.

42 Heon Jesus hewicakiya; Wakantanka he ateyayapi unkanš wašte mayadakapi kta tuka; miye kin Wakantanka kin hetanhan wahinape ca wau; qa miye cinka wahi šni, iye kin u maši.

43 He tokeca e iwae cin oyakahnigapi šni he? mioie kin anagoptan wacannipi šni kin heon etanhan.

44 Wakanšica ateyayapi kin henitanhanpi, qa niyatepi tawacin kin ecen ecanonpi yacinpi ece. He otokahe etanhan tinwicakte kin heca, qa wowicake kin en najin šni, wowicake takudan en un šni nakaeš. Tohan woitonšni oyaka eca, he iye cinka ohdaka ece: iye kin woitonšni sa, qa woitonšni atkuku kin hee.

45 Tuka miye wowicake eciciyapi kin, heon etanhan wicamayadapi šni.

46 Niyepi kin wanji tukte he wawahtani e duwicakapi he? Qa wowicake epe cinhan, tokeca e wicamayadapi šni he?

47 Tuwe Wakantanka etanhan kin he Wakantanka oie anagoptan. Niye Wakantanka anayagoptanpi šni ece, heon etanhan henitanhanpi šni.

48 Hehan Juda oyate kin ayuptapi qa heciyapi; Samariya oyate henitanhan, qa wakan šica niyuhnaškinyan ce, unkeniciyapi qon he wicaunkapi ce.

49 Jesus ayupte; Wakan šica mayuhnaškinye šni; tuka Ate wahduwitan, qa niye wowištenmayayapi.

50 Miye mitowitan awecite šni; tuka tuwe waakite ca wayaco yukan ce.

51 Wowicake, wowicake eciyatanhan heciciyapi, Tuwe mioie kin de yube cinhan, tohinni wiconte wanyake kte šni, eya.

52 Hehan Juda oyate kin heciyapi; Wakan šica niyuhnaškinyan e dehan iyotan sdonunyanpi. Abraham hee ta, qa wicašta wokcan kin hena nakun tapi; tuka niye, Tuwe mioie yuhe cinhan tohinni wiconte ute kte šni ce, eha ce.

53 Abraham ateunyanpi kin hee kaeš te cin, niye e iniyotan he? Wicašta wokcan kin nakun heepi tapi; qa niye nituwe e nicicaga he? eyapi.

54 Unkan Jesus waayupte; Miye cinka mihduonihan kinhan, mitowitan kin he taku kte šni; tuka Atewaye cin he mahduonihan ece; unkan he Wakantanka nitawapi, kehapi.

55 Heca ešta tohinni sdonyayapi šni; tuka miye e sdonwakiya. Qa he sdonwaye šni ce, epe cinhan, miš eya niyepi iyecen iwaton kte šni; tuka miye sdonwaya, heon etanhan oie kin tanyan weeiyuha.

56 Abraham ateyayapi qon mitaanpetu kin wanyake kta cin hinca; unkan he wanyake ca iyuškin ce, eya.

57 Hehan Juda oyate kin heciyapi; Nahahin waniyetu wikcemna nizaptan šni, tuka Abraham wandaka he?

58 Jesus hewicakiya; Wowicake, wowicake eciyatanhan heciciyapi; Abraham un qon he itokam wanna waun ce, eya,

59 Hececa unkan inyan icupi, qa on kininpi kta; tuka Jesus naicihbe ca, tipi wakan etanhan wicehna tanhan tankata inanpe ca, etoopteya iyaya.

JOHANNES WICOWOYAKE 9.

1 Jesus ye cin tahepi, wicašta wan toka tonpi ehantanhan tonwe šni un e he wanyaka.

3 Unkan waonspewicakiye cin wiwangapi qa heyapi; Itancan, tuwe wahtani he, wicašta kin de atkuku, hunku, iyeka, wanji tukte wahtani he, on išta gonga tonpi he?

3 Jesus waayupte; He iye, qa atkuku, hunku, wanji wahtanipi on hecece šni; tuka Wakantanka ohan kin e he ayutaninpi kta e heon.

4 Anpetu icunhan, tuwe u maši wicohan tawa kin ecen ecamon kta iyececa; hanyetu kin he hi kta, he en tuwedan wicoban econ okihi kte šni.

5 Tohanyan wicašta opeya waun kin, oyate iyoyamwicawaya ece, eya.

6 Hena hcye ca hehan makata tagoša, qa tage on upšija kage ca, ištagonge cin išta kin en upšija ikiciun;

7 Qa heciya; Siloam miniyowe, (yešipi eyapi kin he kapi,) he ekta ye ca en ihdujaja wo. Unkan ekta i, qa on ihdujaja qa hdi, unkan wawanyaka.

8 Heon itan anog tipi, qa tona wicašta ištagonge cin wanyakapi ece qon hena, Tuwe timata iyotang un qon he dee ce? eyapi.

9 Wanjikji, He dee ce, eyapi: qa toktokeca iš, He de iyececa ce: tuka iye kin, He miye ce, eya.

10 Unkan, Tokiya tanhan de on niišta kin dumdaya he? eciyapi.

11 Unkan iye waayupte ca heya; Wicašta wan Jesus eciyapi kin he upšija kage ca, išta anokatanhan imiciun, qa, Siloam miniowe kin ekta ye ca, mini on ihdujaja wo, emakiya qehan, ekta wai, qa mihdujaja, unkan watonwan, eya.

12 Unkan, Wicašta kin he tukte e he? eciyapi. Sdonwaye šni ce, eya.

13 Wicašta ištagonge ciqon he Pharisee kin en wicakaipi.

14 Unkan anpetu wakan icunhan, Jesus upšija kage ca on wicasta kin he išta yukawakiya.

15 Hehan Pharisee kin iš ake, token on išta yukawapi hecinhan he iwangapi. Unkan, Upšija e ista kin en imaun qa mihdujaja, unkan watonwan, ewicakiya.

16 Unkan Pharisee kin wanjikji: Wicašta kin he anpetu wakan awacin šni, heon etanhan Wakantanka hetanhan šni, eyapi. Unkan apa, Wicašta wan wahtani sa hecinhan, wowapetokeca dececa token econ okihi kta he? eyapi. Hecen on akipam wacinhnakapi.

17 Ake wicašta ištagonge ciqon heciyapi; Qa niš token eyakiya he, išta tonweniye cin? Unkan, He wicašta wokcan kin heca ce, eya.

18 Wicašta kin he išta gonga tuka ihnuhanna tonwe cin he Juda oyate kin wicadapi šni, heon tuwe išta tonweyeyapi kin atkuku hunku ko wicakicopi;

19 Qa wiwicawangapi qa heyapi; De nicincapi qa tonwe šni tonpi kehapi he? qa tokiyatanhan nakaha tonwan he?

20 Atkuku hunku ko waayuptapi qa heyapi; De unkicincapi tonwe šni tonpi he sdonunkiyapi;

21 Tuka nakaha tokiya tanhan on tonwe cin de sdonunyanpi šni. Qa išta yukawa kin de nakun sdonunyanpi šni; iš eya hokšike šni kin, iye iwanga po, toketu kin he ecen eye kta ce.

22 Juda oyate kowicakipapi, qa heon etanhan atkuku hunku kici hecen eyapi. Tuwe, Messiya kin hee, taninyan eye cinhan, he omniciye tipi kin etanhan tankan iyeyapi kta, Juda oyate kin wanna wakiconzapi.

23 He etanhan, Iye eš hokšike šni kin, iye atayedan winungapi šni, atkuku hunku kici eyapi.

21 Hehan ake icinonpa wicašta ištagonge ciqon he wiwangapi qa heciyapi; Wakantanka woyatan qu wo; wicašta kin he wahtani sa sdonunyanpi ce.

25 Iye waayupte ca heya; He wahtani sa hecinhan sdonwaye šni; tuka taku wanji sdonwaya; ištamagonga tuka nakaha watonwe cin he.

26 Unkan, Taku tokanicon qa on išta kin niyukawa he? ake eciyapi.

27 Unkan awicayupte; Wanna eya keš ociciyakapi, tuka nayahonpi šni; ake icinonpa nayahonpi yacinpi he? niš eya waonspewicakiye cin hen ope ni hdawapi kta he? eya.

28 Hehan iwahtedapi šni qa heyapi; Waonspewicakiye cin he wanji niye: tuka Moses waonspewicakiye cin he unkiyepi.

29 Wakantanka Moses he okiya sdonunyanpi, tuka wicašta kin de tokiyatanhan u kin sdonunyanpi šni ce.

30 Unkan wicašta kin he waayupte ca hewicakiya; Taku wowinihan kin he dee; naka išta mayumdaya, tuka tokiyatanhan u kin sdonyayapi šni.

31 Wahtanipi sa kin hena Wakantanka anawicagoptan šni ece, tuka tuwe Wakantanka yuonihan, qa tawacin okicipe cin, hee Wakantanka anakigoptan e sdonunyanpi.

32 Otokaheya tanhan tuwe wicašta tonwe šni tonpi išta kiyukawa oyakapi kin tuwedan nahon šni ce.

33 Wicašta kin de Wakantanka eciyatanhan šni unkanš takudan okihi kte šni ce, eya.

34 Unkan waayuptnpi qa, Woahtani ocowasin elina nitonpi, tuka waonspeunyakiyapi kta kecanni he? eciyapi; qa tankan iyeyapi.

35 Tankan iyeyapi kin he Jesus nahon; qa akipa, unkan, Wakantanka Cinhintku kin wicayada he? eciya.

36 lye waayupte ca, He tuwe he, Itancan, wicawada kta ce? eya.

37 Wandake ca he iye e oniciya, Jesus eya.

38 Unkan, Itancan wicawada, eyaya itokam canpeška makehde inajin.

39 Unkan Jesus heya; Oyate kin de ekta wicawahi, wicašta tona tonwe šni kin hena tonwanpi kta, qa tona tonwe cin hena ištagongapi kta, he woyaco kin hduha wahi ce.

40 Unkan Pharisee kicicapi kin hena nahonni, unkan, Unkiš eya ištaungongapi he? eciyapi.

41 Ištanigongapi unkanš woahtani wanin yaunpi kta; tuka nakaha, Untonwanpi ce, ehapi; heon woahtani niyukanpi, Jesus ewicakiya.